༄༅། །བྱ་སྤྲེལ་གྱི་གཏམ་རྒྱུད་བཞུགས་སོ།།
༄༅༅། །ཨོྃ་སྭ་སྟི། སྔོན་ཡུལ་ཀ་ཤི་མཛེས་དགའི་ཡུལ་གྱི་རི་ཀུན་བཟང་ཞེས་པ་རྩ་བ་ནགས་འདབ། སྐེད་པ་སྤང་རི། རྩེ་མོ་གངས་རི་ཡིན་པ་ཞིག་ཡོད་པར། དེའི་རྩེ་མོ་ལ་སེངྒེ་དཀར་མོའི་ཁྱུ། སྤང་རི་ལ་ལྷ་བྱ་གོང་མོས་གཙོས་བྱ་སྣ་ཚོགས། རྩ་བ་ལ་སྟག་གཟིག་དོམ་དྲེད་ལ་སོགས་པའི་གཅན་གཟན་སྣ་ཚོགས་དང་། ནགས་ཚལ་དེའི་ཁུལ་ཞིག་ན་སྤྲེའུ་སྤྲིན་གྱི་སྒྲ་གཅན་སོགས་སྤྲེའུ་མང་ཙམ་གནས་སོ། །ནམ་ཞིག་ཙ་ན་གནས་བདག་སྒེར་བཟུང་བའི་ཚུལ་གྱིས་གནས་པ་ལས། །སྐབས་ཤིག་ན་སྤྲེའུའི་ཁ་ནས་སྤང་རི་འདི་ལ་ཕྱིན་ནས་མེ་ཏོག་དང་། སེར་ཤ་སྤང་རི་འདི་ལ་ཕྱིན་ནས་མེ་ཏོག་དང་། སེར་ཤ་སྤང་རྒྱན། ཤ་མོང་རྩི་ཐོག་སོགས་ཅི་དགར་ལོགས་སུ་སྤྱོད་རྒྱུར་ཁ་འཆམ་ནས་ཕྱིན་པའི་དུས། རེ་ཞིག་ན་བྱ་བྱུའུ་སྣ་ཚོགས་འཛོམས་ནས་རི་འདི་བདག་ཏུ་བཟང་བའི་སྤང་རི་ལ་སྤྲེའུ་རྣམས་ཡོང་བ་བའི་གཏམ་མི་གོ །
