Author: རྩོམ་སྒྲིག་པས།

༄༅། །ལོ་གསར་སྐབས་ཀྱི་འཛེམ་བྱ། ས་གོང་དབང་འདུས། ལོ་གསར་ཚེས་པ་གཅིག་ཉིན་རྟེན་འབྲེལ་གྱི་བྱ་བཟང་པོ་ཁོ་ན་སྤེལ་དགོས་པ་ལས། ཁ་བརྡ་ངན་པ་ལ་སོགས་བཀྲ་མི་ཤིས་པའི་བྱ་བའི་རིགས་མི་ལྷགས་པ་བྱ་རྒྱུར་དོ་སྣང་ཧ་ཅང་ཆེན་པོ་བྱེད་སྲོལ་ཡོད། ལོ་གསར་པ་འདིའི་ནང་བཀྲ་ཤིས་ལོ་ལེགས་ཡོང་བ་དང་། བསམ་དོན་ལྷུན་གྱིས་གྲུབ་ཕྱིར། གནམ་ལོ་གསར་ཚེས་ཀྱི་ཚེས་གཅིག་ཉིན་གད་ཕྱིས་མི་རྒྱག་པ་དང་། ཁ་རྩོད་མི་རྒྱག་པ། ཁ་ནས་བཀྲ་མི་ཤིས་པའི་སྐད་ཆ་མི་ཤོད་པ། གཞན་པར་གཤེ་གཤི་མི་གཏོང་བ། མི་ཚང་གཞན་ནས་དངོས་ཟོག་གཡར་སྐྱིན་མི་བྱེད་པ།

བཟོ་རྒྱུ་མི་འདྲ་བའི་སྒོ་ནས་ཕོ་ཟོམ། མོ་ཟོམ། རས་ཟོམ། ཀོ་ལྷམ། འཇའ་ཆེན། སག་ལྷམ། སྦལ་ཁ། ལྷམ་སྣེ་འཁྱིལ། རྒྱ་ལྷམ། ཕྱིང་འབོབ། ཐིག་འབོབ། ལྷམ་རྟ་ཟོན་མ། ལྷམ་སྤུ་མ། གཞན་ཡང་འཁོར་ལོས་བསྒྱུར་པའི་རྒྱལ་པོའི་ལྷམ་དུ་གྲགས་པའི་ལྷམ་ཉེ་བའི་རིན་པོ་ཆེ་སོགས་སོ།།

༄༅། །མི་ཤི་བྱུང་རྗེས་ཀྱི་འཛེམ་བྱ། ས་གོང་དབང་འདུས། གང་ཞིག་ཚེ་ལས་འདས་པའི་རྗེས་བླ་མས་འཕོ་བ་མ་གནང་གོང་དེ་ཡི་ཕུང་པོར་མི་གང་བྱུང་གིས་ལག་པ་འཆང་བའི་རིགས་དང་། དེ་འབྲེལ་གྱི་སྤུན་མཆེད་ཚོས་མྱ་ངན་གྱི་དུས་ཚོད་མ་འདས་གོང་ནས་སྐྲ་ལྷས་གདོང་འཁྲུ་བྱེད་པ། གྱོན་ཆས་གསར་པའི་རིགས་གྱོན་པ། ཁང་ཐོག་གི་དར་ལྕོག་མི་འབེབས་པ། གླུ་གར་དང་རྩེད་འཇོའི་རིགས་ལ་འཛེམ་དགོས་པ་མ་ཟད། ཐ་ན་གྲོང་པ་ཁྱིམ་མཚེས་དང་དགའ་ཉེ་བློ་དཀར་ཚོས་ཀྱང་དམ་པ་ཚེ་ལས་འདས་པའི་མྱ་ངན་མཚོན་བྱེད་དུ་རེ་ཞིག་གོང་གསལ་གྱི་འཛེམ་བྱ་དག་ལ་དོ་སྣང་ཆེན་པོ་གནང་སྲོལ་ཡོད།

༄༅། །བཟའ་འཐུང་ཐད་ཀྱི་འཛེམ་བྱ། ས་གོང་དབང་འདུས། བོད་མིར་བཟའ་འཐུང་ཐད་འཛེམ་དགོས་པའི་ཆ་མང་པོ་ཡོད། དང་ཐོག་མི་དང་། གླང་པོ་ཆེ། ཁྱི། བྱ་རྒོད། རྟ་དང་བཅས་པའི་ཤ་ཆེན་ལྔ་ནི་གཏན་ནས་བཟའ་མི་རུང་བ་ཞིག་རེད། དེ་ནས་མས་སོ་ལས་ཡས་སོ་མེད་པ། རྨིག་པ་ཁ་ཧྲལ་ཅན་གྱི་སེམས་ཅན་འབྲི་གཡག་བ་གླང་དང་། ར་ལུག་རྣ་གཡག་སོགས་ཀྱི་ཤ་བཟའ་ཆོག་རུང། ཡས་སོ་མས་སོ་གཉིས་ཀ་ཡོད་ལ། རྨིག་པ་ཁ་ཟླུམ་ཅན་གྱི་སྒོ་ཕྱུགས། དཔེར་ན་རྟེ་དྲེལ་བོང་བུ་ལྟ་བུ་དང་། གཅན་གཟན་སྡེར་མོ་ཅན་དཔེར་ན། སྟག་གཟིག་དོམ་དྲེད་སྤྱང་ཀི་ལ་སོགས་པའི་ཤ་རྣམས་གཏན་ནས་བཟའ་སྲོལ་མེད།

༄༅། །གུས་ཞབས་དང་འབྲེལ་བའི་འཛེམ་བྱ། ས་གོང་དབང་འདུས། བོད་མིར་རྒན་པར་བརྩི་བཀུར་དང་གཞོན་པར་གཅེས་སྐྱོང་བྱེད་པའི་གོམས་སྲོལ་བཟང་པོ་ཞིག་ཡོད། དཔེར་ན་རང་ལས་རྒན་པའི་མིར་སྐད་ཆ་ཤོད་སྐབས་ངེས་པར་དུ་ཞེ་ས་ཞུ་དགོས་ཤིང་། རྒན་པའི་མཚན་ནས་འབོད་སྐབས་དེ་ཡི་རྗེས་སུ་“ལགས་”ཞེས་པའི་སྐད་ཆ་ཐོས་པ་ཞིག་བསྣན་ནས་བརྩི་བཀུར་དང་གུས་ཞབས་མཚོན་པར་བྱེད་པ་ལས། གང་གི་མཚན་ཐད་ཀར་འབོད་སྲོལ་མེད་ལ། ལམ་ལ་ཞུགས་སྐབས་མི་གཞན་གྱི་སྔོན་ལ་ཧབ་ཐོབ་བརྒྱབ་ནས་འགྲོ་སྐྱོད་བྱེད་པ་དང་།

༄༅ ། །ནང་སྐོར་ལས་ཕྱི་སྐོར་ལ་འཛེམ་དགོས་དོན། ས་གོང་དབང་འདུས། གཡོན་སྐོར་རམ་ཕྱི་སྐོར་རྒྱག་པར་བོད་པ་རྣམས་འཛེམ་དགོས་དོན་ནི་སངས་རྒྱས་ཀྱི་“དཔེ་བྱད་བཟང་པོ་བརྒྱད་ཅུའི་ནང་གསེས་ཤིག་སྟེ། གཡས་ཕྱོགས་སུ་ལྡོག་ཅིང་གཤེགས་པའི་དཔེ་བྱད།”“ལས་སྐོར་ཕྱོགས་ལམ་དང་མཐུན་པར་གཤེགས་པ་ཉིད་ཀྱི་གཡས་ཕྱོགས་སུ་ལྡོག་ཅིང་གཤེགས་པའོ།” ཅེས་གསུངས་པ་ལྟར་སངས་རྒྱས་ཆོས་ལུགས་པ་ཚོས་གཡས་གཡོན་དང་ཕྱི་ནང་གི་དབྱེ་མཚམས་གསལ་པོར་འབྱེད་རྒྱུར་དོ་སྣང་ཆེན་པོ་བྱེད་དགོས་ཀྱི་ཡོད་ཅིང་། གཡས་ནི་ཡག་པ་དང་ནང་གི་དོན་ལ་བརྩི་བ།