Author: ཆུ་དབར་བུ།

དེ་ཡང་ས་བཅུ་པའི་མདོ་ལས། ངས་ནི་སྔོན་ཆད་སངས་རྒྱས་བྱེ་བ་སྟོང་ཕྲག་དགུ་བཅུ་རྩ་གཅིག་དྲན།  ། དེ་དག་དྲང་སྲོང་ཞེས་བྱ་ནགས་མཆོག་དེར་ནི་འཁོར་ལོ་དམ་པ་བསྐོར།  ། ཞི་ཞིང་ཉེར་ཞི་བསམ་གཏན་མངོན་འགྱུར་རྟག་ཏུ་རི་དྭགས་རྣམས་ཀྱིས་བསྟེན།  ། དེ་ཕྱིར་དྲང་སྲོང་ཞེས་བྱ་ནགས་མཆོག་དེར་ནི་ཆོས་ཀྱི་འཁོར་ལོ་དམ་པ་བསྐོར།  ། ཞེས་གསུངས་པ་ལྟར།  དེ་ལ་འདིར་དཀྱིལ་འཁོར་གྱི་རྟ་བབས་ཀྱི་སྟེང་དང༌།  ཁྱད་པར་དུ་ཆོས་གྲྭ་དུ་མའི་གཙུག་ལག་ཁང་གི་ཡངས་སྟེང་སོགས་སུ་རི་དྭགས་ཆོས་འཁོར་འབུར་བཟོའི་ལམ་ནས་བཞེངས་བསྐྲུན་མཛད་སྲོལ་ཡོད་པའི་རྣམ་པ་ཅི་འདྲ་ཞིག་དགོས་པ་དང༌།  དེས་གང་ཞིག་མཚོན་མིན་སྐྱེ་བོ་མང་པོར་ལྐོག་ཏུ་འགྱུར་བས།  རི་དྭགས་ཆོས་འཁོར་གྱི་མཚོན་དོན་དང༌།  བྱུང་བའི་ལོ་རྒྱུས་ཇི་ལྟར་ཡིན་ཞེ་ན།  དེ་ཡང་མཉམ་མེད་སྟོན་པ་ཤཱཀྱ་ཐུབ་པ་དེ་ཉིད་མངོན་པར་རྫོགས་པའི་སངས་རྒྱས་པའི་རྗེས་སུ་དབེན་པའི་ནགས་ཚལ་དུ་ཐུགས་མཉམ་བཞག་གི་ངང་དུ་བཞུགས་པའི་སྐབས་ཤིག ལྷ་ཚངས་པས་གསེར་གྱི་འཁོར་ལོ་རྩིབས་མ་སྟོང་ལྡན་དང༌།  བརྒྱ་བྱིན་གྱིས་ཀྱང་དུང་དཀར་གཡས་འཁྱིལ་ཞིག་སྟོན་པའི་སྤྱན་སྔར་ཕུལ་ཏེ་དམ་པའི་ཆོས་ཀྱི་འཁོར་ལོ་བསྐོར་བར་བསྐུལ་བས།  སྟོན་པས་ཆོས་འཁོར་ལན་གསུམ་བསྐོར་བར་ཞལ་གྱིས་བཞེས།

འཁོར་ལོས་སྒྱུར་རྒྱལ་གྱི་ལོངས་སྤྱོད་གཞན་ཉེ་བའི་རིན་ཆེན་བདུན་ནི། མངོན་བྱང་གི་མདོ་ལས། འོད་ཟེར་གྱིས་སྔོ་རལ་གྲི་པགས་པ་འཇམ།  ། དགའ་བའི་ནགས་ཚལ་གོས་ནི་ཡིད་རྗེས་འགྲོ།  ། མཐུ་ལྡན་མཆིལ་ལྷམ་ཁང་ཁྱིམ་གཞལ་དུ་མེད།  ། རེག་འཇམ་གཟིམ་ཆས་ལྭ་གོས་རྣམ་པ་བདུན།  ། ཞེས་དང༌། སྒྲོལ་དཀར་བརྟན་བཞུགས་ལས། གཡུལ་ལས་རྒྱལ་བར་བྱེད་པའི་རལ་གྲི་དང༌།  ། ཚ་གྲང་གནོད་པ་སྐྱོབ་པའི་པགས་པ་དང༌།  ། ཡང་འཇམ་ཉོན་མོངས་སྤངས་པའི་མལ་ཆ་དང༌།  ། དགའ་མགུ་རྩེ་བར་བྱེད་པའི་ཡིད་འོང་ཚལ།  ། གང་འདོད་བལྟ་ནུས་བདེ་བར་ཉལ་བའི་ཁྱིམ།  ། ཐག་བཟང་བསྲེག་བཅད་མི་ནུས་འཇམ་པའི་གོས།  ། ཆུ་ལ་མི་བྱིང་ངལ་དུབ་མེད་པའི་ལྷམ།  ། ཉེ་བའི་རིན་ཆེན་སྣ་བདུན་འདི་དག་འབུལ།  ། ཞེས་གསུངས་པ་ལྟར་ཉེ་བའི་རིན་ཆེན་བདུན་ནམ་དམན་པའི་རིན་ཆེན་སྣ་བདུན་ནི། འཁོར་ལོ་རིན་པོ་ཆེ་སོགས་རྒྱལ་སྲིད་རིན་པོ་ཆེ་སྣ་བདུན་གྱི་རྗེས་སུ་འགྲོ་བའམ་དེ་དང་བར་ཐག་ཉེ་བའི་རིན་ཆེན་གྱི་རིགས་ཡིན་པས་ཉེ་བའི་རིན་ཆེན་སྣ་བདུན་ཞེས་གྲགས་སོ།  །

  ཞིང་ཁུལ་དུ་དབྱར་དུས་སུ་གཏོང་བའི་འོང་སྐོར་ནི་བོད་རྒྱལ་སྤུ་དེ་གུང་རྒྱལ་གྱི་དུས་སུ་མཛངས་བློན་རུ་ལས་སྐྱེས་ཀྱིས་ཞིང་ལས་ལ་མཐོང་ཆེན་ནང་ནས་ཞིང་ལས་ལག་རྩལ་གོང་འཕེལ་གཏོང་སྐབས།  བོན་པོ་བས་ཞིང་ཁར་སྐོར་བ་བརྒྱབ་ནས།  ལོ་ལེགས་ཡོང་བའི་གསོལ་བ་འདེབས་པའི་ཆོ་ག་སྤེལ་བ་ནས་བཟུང་།  རིམ་པས་དམངས་ཁྲོད་དུ་དར་བའི་དུས་ཆེན་ཞིག་རེད།  དེ་ལྟར་ན་སྲོལ་དེ་བྱུང་ནས་ད་བར་ལ་ལོ་ངོ་སྟོང་ལྷག་ཙམ་གྱི་ལོ་རྒྱུས་ཡོད།  དུས་ཆེན་དེ་གྲ་རྒྱས་གཏོང་དགོས་དོན་ནི་ངལ་རྩོལ་མི་དམངས་རྣམས་ཀྱིས་རང་བྱུང་གི་གནོད་འཚེ་ཡོངས་ལས་རྣམ་པར་རྒྱལ་ནས་ཞིང་ལས་ཐོན་སྐྱེད་ལ་ལོ་ལེགས་ཡོང་བར་སྐྱབས་བཅོལ་ཞུ་བའི་དུས་ཆེན་ཞིག་རེད།  འོང་སྐོར་ཟེར་བའི་ཐ་སྙད་དེའི་གོ་དོན་འདི་ལྟ་སྟེ།  འོང་ནི་འོང་ཁ་སྟེ་སྟོན་ཐོག་དང་ལྡན་པའི་ཞིང་ཁ་ལ་ཟེར་བ་དང་།  སྐོར་ནི་ཞིང་ཁ་ལ་སྐོར་བ་རྒྱག་པའི་དོན་ཡིན།

བསྔགས་འོས་བསྔགས་བསྟོད་ལས།  ཉིད་ཀྱི་དོན་ནི་ཡོངས་རྫོགས་ཤིང༌།  །གཞན་གྱི་དོན་ལ་མངོན་བརྩོན་པ།  ། དམ་ཆོས་བདུད་རྩི་སྩོལ་བ་པོ།  །འཚིམ་པར་མཛད་ལ་ཕྱག་འཚལ་ལོ།  ། ༈ འོ་སྐོལ་གྱི་སྟོན་པ་མཉམ་མེད་ཤཱཀྱའི་རྒྱལ་པོ་ཞེས་མཚན་གྱི་སྒྲ་དབྱངས་རྣ་བར་ཐོས་པ་ཙམ་གྱིས་ཀྱང་སྲིད་ཞིའི་གདུང་བ་སེལ་བར་ནུས་པ་གང་དེས་ཚོགས་གཉིས་ཀྱི་མཐུ་ཕུལ་དུ་བྱུང་བ་བསགས་ནས་འོག་མིན་དུ་ལྔ་ལྡན་ལོངས་སྤྱོད་རྫོགས་པའི་སྐུར་སངས་རྒྱས་ཟིན་ཀྱང༌། གདུལ་བྱའི་དོན་དུ་འཕགས་ཡུལ་རྡོ་རྗེ་གདན་དུ་མཆོག་གི་སྤྲུལ་སྐུར་འཚང་རྒྱ་བའི་ཚུལ་བསྟན་ཏེ། མཛད་པ་ཀུན་གྱི་མཆོག་ཏུ་གྱུར་པ་གསུང་གི་མཛད་པ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བའི་ནང་ཚན་བཀའ་དང་པོ་བདེན་བཞིའི་ཆོས་འཁོར་བསྐོར་བའི་ཚུལ་ནི། སྟོན་པ་དགུང་ལོ་སོ་ལྔ་ལ་བབ་པ་ཤིང་རྟ་ས་ག་ཟླ་བའི་ཚེས་བཅོ་ལྔར་བྱང་ཆུབ་ཤིང་དྲུང་དུ་མངོན་པར་རྫོགས་པར་སངས་རྒྱས་པའི་ཚུལ་བསྟན་པའི་རྗེས་སུ་ཞག་བདུན་ཕྲག་བདུན་ཐུགས་ལས་ཆུང་ངུར་བཞུགས་ཏེ་ཆོས་ཀྱི་འཁོར་ལོ་མ་སྐོར་བའི་ཚུལ་བསྟན་པ་ན།

དེ་ཡང་སྐྱེས་བུ་གསུམ་གྱི་སྲུང་མའི་ཡ་གྱལ་རྒྱལ་པོ་རྣམ་ཐོས་སྲས་ཀྱི་བསྐང་ཆོག་ལས། ཕུན་ཚོགས་འཁོར་ལོ་རིན་པོ་ཆེ། །དྲི་མེད་བཙུན་མོ་ཁྱིམ་བདག་དང༌། ། ཅང་ཤེས་རྟ་དང་ཐེག་ཆེན་གླང༌། །ཕས་ཀྱི་རྒོལ་བ་ཚར་གཅོད་པའི། ། དམག་དཔོན་རིན་ཆེན་སྣ་བདུན་རྣམས། ། ཞེས་པ་ལྟར་མི་རྣམས་ཀྱི་ཚེ་ལོ་དཔག་མེད་ནས་བརྒྱད་ཁྲིའི་བར་བྱུང་བའི་འཁོར་ལོས་སྒྱུར་བའི་རྒྱལ་པོ་རྣམས་ཀྱི་བསོད་ནམས་ཕུན་སུམ་ཚོགས་པའི་སྟོབས་ལས་བྱུང་བའི་རྒྱལ་སྲིད་རིན་པོ་ཆེ་སྣ་བདུན་དུ་གྲགས་པ་ནི། སངས་རྒྱས་འཇིག་རྟེན་དུ་བྱོན་པའི་དུས་དང༌། འཁོར་ལོས་བསྒྱུར་བའི་རྒྱལ་པོ་འབྱོན་པའི་སྐབས་མ་གཏོགས་མི་འབྱུང་ཞིང༌། སྤྱིར་རྒྱལ་པོ་ཙམ་ལ་རིན་ཆེན་སྣ་བདུན་མེད་ཀྱང༌། འཁོར་བསྒྱུར་གང་ཞིག་རྒྱལ་སྲིད་ཐོག་མར་བཟུང་ནས་མཐུ་དང་བསོད་ནམས་ལས་རང་ཤུགས་ཀྱིས་རྒྱལ་སྲིད་སྣ་བདུན་བྱུང་སྟེ་བྱ་བ་བྱེད་པ་ལས། རྒྱལ་པོ་གཞན་དང་གཞན་གྱིས་ལོངས་སྤྱོད་མི་ནུས་ཤིང༌། སྔོན་འཁོར་ལོས་བསྒྱུར་བའི་རྒྱལ་པོ་དག་གིས་སྲིད་ཀྱི་ཁ་ལོ་བསྒྱུར་བའི་སྐབས་ཀྱི་ཐུན་མིན་དགེ་མཚན་ཡིན་པར་བཤད་ལ། མཚོན་དོན་ཡང་ཡུལ་ཁམས་དབང་དུ་བསྒྱུར་ཞིང༌། སྐྱེ་འགྲོར་ལེགས་ཚོགས་སྤེལ་བ་ལ་ཟླ་མེད་དཔལ་དུ་གྲུབ་པའི་སྐྱེ་བོ་དམ་པའི་ཡོན་ཏན་ཡིན་ཏེ། དེ་ཡང་འཁོར་ལོས་བསྒྱུར་བའི་རྒྱལ་པོར་རྒྱལ་སྲིད་རིན་པོ་ཆེ་སྣ་བདུན་དང་ལྡན་པར་གྱུར་པའི་ཚུལ་ནི།

དེ་ཡང་བཀྲ་ཤིས་པའི་རི་མོ་བཀྲ་ཤིས་རྟགས་བརྒྱད་ནི། ཇི་སྐད་དུ། རིན་ཆེན་གདུགས་མཆོག་བཀྲ་ཤིས་གསེར་གྱི་ཉ། ། འདོད་འཇོའི་བུམ་བཟང་ཡིད་འོང་ཀ་མ་ལ། ། སྙན་གྲགས་དུང་དང་ཕུན་ཚོགས་དཔལ་བེའུ། ། མི་ནུབ་རྒྱལ་མཚན་དབང་བསྒྱུར་འཁོར་ལོའོ། ། ཞེས་དང༌། རྣམ་སྲས་ཀྱི་མངོན་རྟོགས་ལས། རིན་ཆེན་གདུགས་དང་གསེར་ཉ་དང༌། །གཏེར་ཆེན་བུམ་པ་པདྨ་བཟང༌། ། དུང་དཀར་གཡས་འཁྱིལ་དཔལ་བེའུ། །མཆོག་གི་རྒྱལ་མཚན་འཁོར་ལོ་སོགས། །