སྤེལ་ཞིབ་ཕྲ།
བླ་མ་ཡེ་ཤེས་འོད་ཡབ་སྲས་ཀྱི་སྐུ་དུས་སུ་བཞེངས་པའི་རྡོ་རིང་།
བླ་མ་ཡེ་ཤེས་འོད་ཡབ་སྲས་སྐུ་དུས་སུ་བཞེངས་པའི་སྤུའམ་དཀོར་གྱི་རྡོ་རིང་རགས་ཙམ་གླེང་བ། རྡོ་རྡོ། [ནང་དོན་གནད་བསྡུས] དཔྱད་རྩོམ་འདིར་མིག་སྔར་གསར་དུ་རྙེད་པའི་ལྷ་བླ་མ་ཡེ་ཤེས་འོད་ཡབ་སྲས་སྐུ་དུས་སུ་བཞེངས་པའི་སྤུའམ་དཀོར་གྱི་རྡོ་རིང་ངོ་སྤྲོད་དང་རྡོ་རིང་ངོས་ཀྱི་ལོ་ཚིགས། རྡོ་རིང་བཞེངས་མཁན་དང་བཞེངས་སྟངས། བཞེངས་པའི་དམིགས་ཡུལ་བཅས་གླེང་ཡོད། [བརྡ་ཆད་གཙོ་བོ] ལྷ་བླ་མ་ཡེ་ཤེས་འོད་ཡབ་སྲས། སྤུའམ་དཀོར། རྡོ་རིང་། ལྷ་བླ་མ་ཡབ་སྲས་དུས་ཀྱི་རྡོ་རིང་འདི་ནི་རྒན་ཤ་བོ་མཁའ་བྱམས་ལགས་ཀྱིས་2015ལོའི་བོད་ལྗོངས་སློབ་གྲྭ་ཆེན་མོའི་རིག་གཞུང་དུས་དེབ་གསུམ་པའི་འགོ་ཤོག་སྟེང་འདྲ་པར་དང་བཅས་ངོ་སྤྲོད་ཐུང་ངུ་ཙམ་བཀོད་ཡོད། རྡོ་རིང་ངོས་སུ་ལྷ་བླ་མ་ཡེ་ཤེས་འོད་ཀྱི་མཚན་དང་ལོ་ཚིགས། ས་མིང་བཅས་ཐོན་ཡོད་ལ། རྡོ་རིང་བཟོ་བཀོད་ཀྱི་ཁྱད་ཆོས་དང་ཡེ་གེའི་འབྲི་སྟངས། ནང་དོན་སོགས་ཕྱོགས་འགས་སྐབས་དེའི་རྡོ་རིང་གི་ཁྱད་ཆོས་དང་སྤྱི་ཚོགས་ཀྱི་རྣམ་པ། དེ་མིན་བོད་ཀྱི་ཆོས་འབྱུང་ལོ་རྒྱུས་མང་པོའི་ཁྲོད་ན་ག་ར་ཛ་དང་དེ་བ་ར་ཛ་གཉིས་ལྷ་བླ་མ་ཡེ་འོད་ཀྱི་སྲས་མིན་པར་ཁོ་རེའི་སྲས་ཡིན་ཚུལ་བརྗོད་པའི་ལྟ་ཚུལ་དེའང་ཡོ་བསྲང་བྱེད་ཐུབ་པ་དང་། རྡོ་རིང་འདིར་བོད་ཡིག་ངོས་ནས་དཔྱད་བརྗོད་གནངས་པ་མེད་ཚོས་འདུག་པས། དེར་ཅུང་ཟད་དཔྱད་པར་བྱ་བ་ལ།
ཁྲི་སྲོང་ལྡེ་བཙན་སྐབས་ཀྱི་པྲ་དུན་རྩེའི་རྡོ་རིང་ཞལ་བཤུས་མ།
༄༅། །ཁྲི་སྲོང་ལྡེ་བཙན་གྱི་སྐབས་གཙང་གི་གྲོ་ཤོད་དུ་བཏབས་པའི་པྲ་དུན་རྩེ་གཙུག་ལག་ཁང་གི་མདུན་དུ་ཡོད་པའི་བཙན་པོའི་དུས་ཀྱི་རྡོ་རིང་གི་ཞལ་བཤུས་ཀྱི་མ་ཕྱི་ཆ་ཚང་། ༡༄༅ །།།།གནམ་ལབས་ཀྱི་བཙན་པོ་།། ༢ ས་ལྷུནད་ཀྱི་མངའ་མཛད་།།མྱི་རྗེ་ལྷའི་སྤྲུལ་ ༣ པ་།གནམ་གྱི་ལྷ་ལས་འགྲེང་མྱིའི་རྗེར་གཤེགས་ ༤ སྟེ་།དུད་རྔོག་ཆགས་ཀྱི་རྐྱེན་དུ་བསྐྱོད་པའི་བོད་ཀྱི་ ༥ སྤུ་རྒྱལ་བཙན་པོ་ཁྲི་སྲོང་ལྡེ་བཙན་གྱི་ཞ་སྔའ་ ༦ ནས་ཕོ་བྲང་གྲོ་ཤོད་པི་བ་མཁར་ན་བཞུགས་ ༧ པའི་དུས་སུ།།བཀའ་ལུང་གསལ་བའི་མདོའ་ ༨ བྱང་གུ་གེའི་སྡེ་རྒྱེ་ཤིན་བློན་ཆེན་པོ་ཁྲི་དབང་ ༩ གཙུག་ཕུད་རྗེ་ལ་ཁྭེ་ལ་ཡོས་བུའི་ལོ་རྒུན་ ༡༠ ཟླ་ཐ་ཆུངས་ཀྱི་ངོ་ལ་བཀས་གནང་བ།
༸རྒྱལ་དབང་བཅུ་གསུམ་པའི་སྐབས་བོད་དམག་ལ་གནང་བའི་ཐོབ།
༸རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་ཐུབ་བསྟན་རྒྱ་མཚོ་མཆོག་ནི། རབ་བྱུང་བཅོ་ལྔ་པའི་མེ་བྱི་ལོ་སྟེ་ཕྱི་ལོ་ ༡༨༧༦ ལོར་བོད་དབུས་ཤར་དྭགས་སྨད་ཁུལ་གྱི་གླང་མདུན་ཞེས་པའི་གཟིམ་ཤག་ཏུ་ཡབ་ཀུན་དགའ་རིན་ཆེན་དང་། ཡུམ་བློ་བཟང་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། དེ་ཡང་༸རྒྱལ་དབང་བཅུ་གཉིས་པ་སྐུ་མྱ་ངན་ལས་འདས་རྗེས་རྒྱལ་ཚབ་རྟ་ཚག་རིན་པོ་ཆེ་དང་། བོད་གཞུང་བཅས་ནས་ཡང་སྲིད་རྩད་གཅོད་ཀྱི་བཀོད་འདོམས་དང་། ངོས་འཛིན་ཞུ་ཕྱོགས་ཐད་སྔར་སྲོལ་ལྟར་ལྷ་བླར་ལུང་ཞུ་དང་བསྟུན། པཎ་ཆེན་སྐུ་ཕྲེང་བརྒྱད་པ་བསྟན་པའི་དབང་ཕྱུག་མཆོག་ལ་ཐུགས་བརྟག་ཞུས་པར་ཡང་སྲིད་འཁྲུངས་ཡོད་ཚུལ་དང་། འཁྲུངས་ཕྱོགས་བཅས་ལུང་གསལ་བར་བྱུང་།
བོད་བཙན་པོའི་རྒྱལ་རབས་དང་ཨ་རབ་བར་གྱི་འཐབ་བརྩོད།
མངའ་བདག་ཁྲི་སྲོང་ལྡེ་བཙན་གྱི་སྐུ་ཚེའི་སྨད་ཙམ་ལ། བོད་ཀྱི་དྲག་པོའི་སྟོབས་ཤུགས་ནི་ཤར་ནུབ་གཉིས་ཀར་ཐག་རིང་པོའི་སར་སླེབས་ཀྱི་ཡོད་པ་སྟེ། ཆུ་འབྲུག་༦༩༢ལོར་རྒྱའི་རྒྱལ་སྲས་ཝའི་ཞེས་པས་དམག་དཔུང་ཆེན་པོ་ཞིག་འཁྲིད་དེ་རྔན་ཤིའི་(ཨན་ཤིའི་)ནང་བོད་པའི་དམག་ས་བཞི་འཕྲོགས་པ་དེ་རྣམས་ལྩགས་རྟ་༧༩༠ནང་སླར་ཡང་བོད་པས་ཚུར་བླངས་པ་དང་། དེ་བཞིན་བོད་པའི་དྲག་ཤུགས་ཁག་ཅིག་ནུབ་ཕྱོགས་སྤ་མིར་ངོས་ལ་ཕྱིན་ནས། ཨ་རབ་ཡུལ་གྱི་ཨོག་སོ་གཙང་བོ་ཡང་ཕར་བརྒལ་ཞིང་། བོད་དམག་འབྱོར་བའི་རྟགས་སུ་ཨོག་སོ་གཙང་བོའི་བྱང་ངོས་ཨ་རབ་པའི་སྐད་དུ་ཨལ་ཏུ་སྦག་(བོད་ཀྱི་མཚོ་ཆུང་)ཅེས་མིང་འཐོགས་[①]པའི་མཚོ་ཞིག་ཡོད། དེང་དུས་ཀྱང་མཚོ་ཆུང་དེའི་མིང་ལ་ཨལ་ཏུ་སྦག་ཅེས་འབོད་མུས་མ་ཟད། ས་བཀྲ་རྙིང་བ་ཚོའི་ནང་ལའང་གསལ་འདུག །
ཐོན་མི་སཾ་བྷོ་ཊས་མཛད་པའི་ཡི་གེ་འགྲེལ་པ་རྫོགས་སོ།། དགེའོ།།
༄༅། །ཐོན་མི་སཾ་བྷོ་ཊས་མཛད་པའི་ཡི་གེ་འགྲེལ་པ་བཞུགས་སོ། །དགེའོ།། བཅོམ་ལྡན་འདས་ལ་ཕྱག་འཚལ་ལོ། །ཀ་སྨད་སུམ་ཅུ་གང་གི་བྱུང་། །མཛད་པ་སློབ་དཔོན་གང་གི་མཛད། །བཅོམ་ལྡན་འདས་ཉིད་ཀྱི་གསུངས་སོ། །འབྱུང་ལུགས་ཀྱི་རྒྱུད་ས་མ་ཡ་འབྱུང་། །བོད་དུ་རྒྱུད་པ་ཐོན་མི་སཾ་བྷོ་ཊས་མཛད་དོ། །མི་མཐུན་པ་གཅིག་ཀྱང་མེད་དོ། །ཀ་ཁ་ག་ང་བཞི་ནི་རྒྱ་གར་གྱི་རྒྱལ་པའི་ཡུལ་ནས་བྱུང་། །ཅ་ཆ་ཇ་ཉ་བཞི་ནི་སྟག་གཟིགས་ནོར་གྱི་རྒྱལ་པོའི་ཡུལ་ནས་བྱུང་། །ཏ་ཐ་ད་ན་བཞི་ནི་རྒྱ་ནག་གཙུགས་ལག་ཁང་གི་རྒྱལ་པོའི་ཡུལ་ནས་བྱུང་། །པ་ཕ་བ་མ་བཞི་ནི་ཨུ་རྒྱན་མཁའ་འགྲོའི་ཡུལ་ནས་བྱུང་། །ཙ་ཚ་ཛ་ཝ་ཞ་ཟ་འ་ཡ་ར་ལ་འདི་རྣམས་ཁ་ཆེའི་ཡུལ་ནས་བྱུང་། ཤ་ཤེས་རབ་ལས་བྱུང་། ས་གསེར་གྱི་ས་གཞི་ལས་བྱུང་། ཧ་མཆོད་པ་ཆེན་པོའི་སྐུ་ཡིན། ཨ་རྫོགས་པ་ཆེན་པོའི་རིགས་བྱུང་། དེ་ལ་ཟབ་མོའི་མངོན་དེ། མ་འགྱུར་པ་ལས་བྱིན་གྱིས་སྒྲ་ལས་ཡི་གེ་འདུད་ཤད་གཅིག་བསྲིད་དེ་ལྟར་ཀ་སྨད་སུམ་ཅུ་ལ་བྱིན་བརླབས་ཏེ། སྣང་ཞེས་སྲིད་པའི་ཆོས་ཐམས་ཅད་བྱུང་། ཀ་ལས་སྒྱུ་ཕྲུལ་བྱུང་། ཁ་ལས་འཕུགས་པ་བྱུང་། ག་ལས་རྒྱལ་པོ་མདོ་ལྔ་བྱུང་། ང་ལས་འཕགས་པའི་སྒོར་བྱུང་། ཅ་ལས་ཆུ་གཏོར་མ་བྲན་བྱུང་། ཆ་ལས་རྩེ་བྱུང་། ཇ་ལས་མངོན་བྱུང་། ཉ་ལས་རྟེན་འབྲེལ་བའི་སྡེ་རྒྱུད་ཐམས་ཅད་བྱུང་། ཏ་ལས་ཡོ་གའི་རྒྱུད་བྱུང་། ཐ་ལས་མངོན་པའི་མཛོད་བྱུང་། ད་ལས་ཤེས་རབ་རབ་ཀྱི་ཕ་རོལ་ཏུ་ཕྱིན་པ་བྱུང་། ན་ལས་ཨུ་ཚངས་བྱུང་། པ་ལས་ཨུ་པ་ཡ་བྱུང་། ཕ་ལས་འཕེལ་བ་བྱུང་། བ་ལས་ཚངས་སྤྱོད་ཀྱི་ཡི་གེ་བྱུང་། མ་ལས་ཏི་ག་བྱུང་།…
༸རྒྱལ་དབང་ལྔ་པ་ཆེན་པོས་མཛད་པའི་གདན་ཡིག
རྒྱལ་དབང་ལྔ་པ་རིན་པོ་ཆེའི་རྣམ་ཐར་ཁ་པར་ ༡༤༠ སྔོན་ཆད་གདན་ ༡༤༣ ཡིག་སོགས་པར་བཀབ་མི་སྣང་བས་མཐོ་དམན་ངེས་མེད་བྱུང་ཚེ་བསྙད་འདོགས་རེ་འཁང་གི་རྒྱུ་དང་ཤེས་ལྡན་འགས་ཁྲེལ་གནས་སུ་མི་བྱེད་པའི་ངེས་པ་མི་འདུག་གཤིས་འདི་གའི་ཁྲི་ལ་ཆ་ལྔ་བྱས་པའི་ཆ་བཞིའི་རྩིས་གདན་ས་གོང་འོག་གཉིས། དེའང་རྩེ་གདོང་གི་ཞལ་ངོ་ཆོས་ཀྱི་རྒྱལ་པོ་འཕགས་པའི་བཞུགས་ཁྲི་པདྨོ་ཅན་དུ་ཁྲི་འདོན་མ་མཛད་པའི་རིགས་ལ་གདན་ས་གོང་ལས་ཅུང་དམའ་བ། ཆ་ཕྱེད་བཞི་པ་སྣེའུ་གདོང་རྩེ། སྟག་ལུང་ལྷ་སྡེ། ཞྭ་དམར་ནག །ཆ་གསུམ་པ་དགའ་ལྡན་ཁྲི་རིན་པོ་ཆེ། བཀྲ་ཤིས་ལྷུན་པོ། འབྲུག་པ། སྒམ་པོ། མཚུར་ཕུ་དྲུང་པ། འཕགས་པ་ལྷ་རྣམས་ཀྱི་སྤྲུལ་སྐུ། སྒམ་པོའི་གདུང་བརྒྱུད་སྤྱན་སྔར་བཏོན་པ།
བོད་བཙན་པོའི་སྐབས་ཀྱི་རྒོད་ཀྱི་སྟོང་སྡེ་དྲུག་ཅུ་རྩ་གཅིག
རྒོད་ཀྱི་སྟོང་སྡེ་དྲུག་ཅུ་རྩ་གཅིག སྲོང་བཙན་སྒམ་པོའི་སྐབས་ཡུལ་གྲུ་སོ་སོར་བཙུགས་པའི་དམག་སྡེ། དེ་ལ་དབུས་གཙང་རུ་བཞི་རེ་རེར་སྟོང་སྡེ་བཅུ་བཅུ། ལོགས་སུ་ཞང་ཞུང་དུ་སྟོང་སྡེ་བཅུ། སུམ་པར་བཅུ་གཅིག་བཅས་ཁྱོན་བསྡོམས་རྒོད་ཀྱི་སྟོང་སྡེ་དྲུག་ཅུ་རེ་གཅིག་བྱུང་ཡོད། རྒྱ་ཡིག་གི་མིང་། 豪奴千户 ཡོང་ཁུངས། ཁོད་སོ་དྲུག ཁོངས་གཏོགས། རྩེ་འབུམ་གཞེར་གྱི་ཁྲིམས། 1ངོ་སྤྲོད། རྒོད་ཀྱི་སྟོང་སྡེ་ཞེས་པའི་རྒོད་ནི་འབངས་ཀྱི་ནང་ནས་མི་རྒྱུ་གཉིས་ལྡན་རང་གཤོམ་གྱིས་དྲག་པོ་གཡུལ་གྱི་ལས་ལ་ཞུགས་ཐུབ་པའི་ཕོ་རྒོད་ཀྱི་དོན་ཡིན་པས་དེ་ལྟར་གྲགས། སྟོང་སྡེ་ཞེས་པ་ནི་དམག་དཔུང་ཚན་པ་དྲུག་ཅུ་རྩ་གཅིག་ཏུ་ཕྱེ་བ་དེ་ལ་ཟེར་ཞིང་། རུ་རེ་ལ་སྟོང་སྡེ་བརྒྱད་རེ་དང་། སྟོང་བུ་ཆུང་རེ། སྐུ་སྲུང་སྟོང་སྡེ་རེ་དང་བཅུ་ཕྱེ་བ། དེ་ཡང་སྐབས་འདིར་ཞང་ཞུང་བསྣན་པས་རུ་ཆེན་དྲུག་ཏུ་ཕྱེ་བའི་ནང་ནས་དབུ་རུ། གཡོ་རུ། གཡས་རུ། རུ་ལག ཞང་ཞུང་གི་རུ་བཅས་ལ་སྟོང་སྡེ་བཅུ་རེ་དང་། སུམ་པའི་རུ་ལ་སྟོང་སྡེ་བཅུ་གཅིག་བཅས་བསྡོམས་པས་སྟོང་སྡེ་དྲུག་ཅུ་རེ་གཅིག་ཏུ་དབྱེ་བ་ལ།
ལོ་རྒྱུས་ལ་དོ་སྣང་དང་ཞིབ་འཇུག་བྱ་རྒྱུ་ནི་གལ་ཆེན་ཡིན། (8)
ར་སེ་བས། བརྒྱད། བོད་ཀྱི་ཡ་ཐོག་ལྷ་འདྲེའམ་སྟོད་ལྷ་རབས་ཞེས་པའི་གཏམ་རྒྱུད་འདི་དག་གི་ལོགས་ཤིག་ལ་ལེགས་པར་བརྟགས་ན། དེ་དག་གི་རྒྱབ་ལྗོངས་ནི་བོད་ཀྱི་ཡ་ཐོག་གི་སྤྱི་ཚོགས་ཡིན་པས། སྐབས་དེའི་ཚོ་བ་དང་རྒྱལ་ཕྲན་སོགས་དང་། ཡུལ་གྲུ་སོགས་ཀྱི་གནས་སྟངས་དང་ལོ་རྒྱུས་མང་པོ་ཉར་ཚགས་གནང་ཡོད་པས་ན། དེ་དག་ཡོངས་རྫོགས་ལྷ་སྒྲུང་ཡིན་པས་ཆ་འཇོག་མེད་པའམ། ལོ་རྒྱུས་དང་མི་འབྲེལ་བ་ཅིག་ཏུ་བརྩིས་ན་དེ་ནི་ལོ་རྒྱུས་རིག་པའི་རྩ་དོན་དང་ཡོངས་སུ་འགལ་བ་ཅིག་ཡིན་པ་ཤེས་དགོས་ལ། དེ་དག་གི་ནང་དུ་མིའི་སྤྱི་ཚོགས་ཀྱི་སྣང་བརྙན་མ་ཉམ་པར་ཉར་གསོག་གི་རིན་ཐང་དང་། དེ་ཉིད་གཏམ་རྒྱུད་དང་ལྷ་འདྲེའི་རྣམ་པར་བསྒྱུར་བཟོ་བྱས་ཡོད་པའི་ཚུལ་དེ་རྟོགས་ཐུབ་དགོས། གནད་དེ་ནི་ཧ་ཅང་གི་གལ་ཆེན་ཡིན།
བོད་སིལ་བུ་དང་ས་སྐྱའི་དུས་སྐབས་ཀྱི་ལོ་རྒྱུས་རྒྱུན་ཤེས།
བོད་སིལ་བུའི་དུས་སྐབས། དང་པོ། འོད་སྲུང་གི་གདུང་རྒྱུད་ཀྱིས་བཟུང་བའི་མངའ་རིས་རྒྱལ་རྒྱུད། འོད་སྲུང་གི་སྲས་དཔལ་འཁོར་བཙན།（འབངས་ཀྱིས་བསད།） དཔལ་འཁོར་བཙན་གི་སྲས།སྐྱིད་ལྡེ་ཉི་མ་མགོན（མངའ་རིས）ཁྲི་བཀྲ་ཤིས་བརྩེགས་པ་དཔལ།（གཙང་།） སྐྱིད་ལྡེ་ཉི་མ་མགོན་གྱི་སྲས་རིག་པ་མགོན།（མང་ཡུལ）བཀྲ་ཤིས་ལྡེ་མགོན།（སྤལ་ཏི）ལེ་གཙུག་མགོན།（ཞང་ཞུང་།）འདི་གསུམ་ལ་སྟོད་ཀྱི་མགོན་གསུམ་དུ་གྲགས། བཀྲ་ཤིས་ལྡེ་མགོན་གྱི་སྲས་སྲོང་ངེ།རབ་ཏུ་བྱུང་ནས་མཚན་ལ་ལྷ་བླ་མ་ཡེ་ཤེས་འོད་བཏགས།
༄༅། །ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ།
རྩོམ་པ་པོ། དུང་དཀར་བློ་བཟང་འཕྲིན་ལས། རང་རྒྱལ་ཏུན་ཧོང་གི་ས་གནས་ནས་ཐོན་པའི་གནའ་རབས་བོད་ཡིག་གི་ལོ་རྒྱུས་ཡིག་ཆ་ཧ་ཅང་མང་པོ་ཡོད་པའི་ནང་ནས་ཁག་གཅིག་ང་ཚོས་ཞིབ་འཇུག་བྱས་པ་བརྒྱུད་གཤམ་གསལ་མྱོང་ཚོར་འདི་འདྲ་ཞིག་བྱུང་བ་སྟེ། ༡. ཡིག་ཆ་འདི་རྣམས་ལོ་ཆིག་སྟོང་ལྷག་ཙམ་གོང་བོད་ཀྱི་བཙན་པོའི་དུས་སྐབས་དེ་རང་ལ་བོད་མི་རང་གིས་བྲིས་པ་ཞིག་ཡིན་པ་ལས། ཕྱི་རབས་ཀྱི་ལོ་རྒྱུས་རྩོམ་འབྲི་བྱེད་མཁན་ཚོས་རང་ཉིད་ཀྱི་རིག་སྟོབས་ལ་བརྟེན་ནས་གནའ་རབས་ཀྱི་ལོ་རྒྱུས་ལ་ཚོད་དཔག་དང་བཅོས་བཟོ་བྱས་པའི་བསྲེ་བསླད་ཕྲན་བུ་ཙམ་ཡང་མ་ཞུགས་པར་ལོ་སྟོང་ཕྲག་ལྷག་ཙམ་རིང་བྲག་རྡོ་དང་བྱེ་་་མའི་འོག་ཏུ་ལུས་པའི་ཡིག་རྙིང་ཤ་སྟག་ཡིན་པ།