སྤེལ་ཞིབ་ཕྲ།
བོད་ཀྱི་ས་དབྱིབས་སྲིན་མོ་གན་རྐྱལ།
དེ་ཡང་དུས་རབས་བདུན་པའི་དུས་དཀྱིལ་དུ་ཆོས་རྒྱལ་སྲོང་བཙན་སྒམ་པོ་དང་། བལ་བཟའ་ཁྲི་བཙུན། རྒྱ་བཟའ་ཀོང་ཇོ་བཅས་ཕ་བོང་ཁར་ཞག་བདུན་དུ་བསྙེན་སྒྲུབ་མཛད། རིགས་གསུམ་མགོན་པོ་དངོས་སུ་བྱོན་ཏེ་ས་གཞི་དངོས་སུ་བྱིན་གྱིས་བརླབས་སོ། །དེ་རྗེས་ས་དགྲའི་གནོད་ཉེས་པ་འཇོམས་པའི་ཆེད་དུ་མཐའ་འདུལ་དང་། ཡང་འདུལ། རུ་གནོན་བཅས་ཀྱི་ལྷ་ཁང་བཞེངས་ཡོད་ཀྱང་། སྐབས་འདིར་མཐའ་འདུལ་དང་ཡང་འདུལ་གྱི་ལྷ་ཁང་གཙོ་བོར་བཤད་པར་བྱ་སྟེ། རུ་བཞིའི་ལྷ་ཁང་བཞི་ནི། སྲིན་མོའི་དཔུང་མགོ་གཡོན་གནོན་པའི་ཁྲ་འབྲུག་བྱམས་པ་མི་འགྱུར་གྱི་གཙུག་ལག་ཁང་ནི་ལྷོ་ཁ་ས་ཁུལ་དང་། དཔུང་མགོ་གཡས་གནོན་ཆེད་དབུ་རུ་ཀ་ཚལ་གྱི་གཙུག་ལག་ཁང་ནི་མལ་གྲོ་གུང་དཀར་རྫོང་ཁོངས། དཔྱི་མགོ་གཡོན་གནོན་པའི་གྲོམ་པ་རྒྱང་སྒྲིབ་མེད་ཀྱི་གཙུག་ལག་ཁང་ནི་ལྷ་རྩེ་རྫོང་ཁོངས། དཔྱི་མགོ་གཡས་གནོན་པའི་གཡས་རུ་གཙང་འགྲམ་གྱི་གཙུག་ལག་ཁང་རྣམ་གླིང་རྫོང་ཁོངས་སུ་ཡོད་དོ།།
དམངས་སྲོལ་དོ་ར། 46-50 བར།
༤༦༽ ས་བཅད་གསུམ་པ། སོ་ནམ་རྒྱུན་ཤེས་སྐོར། (འཕྲོ།) ལེའུ་དང་པོ། སད་ཀྱི་དབྱེ་བ་དང་དགུ་དཔྱད་སྐོར། སྤྱིར་ན་སད་སྡང་བའི་ཁུལ་ནི། ཞོགས་པ་ཉི་མ་ཐོག་མར་ཤར་སའི་ཁུལ་དེར་སད་སྡང་བ་དང་། ཉི་མ་ཕོག་པ་ཅུང་འཕྱི་པོ་ཡིན་པའི་རི་ཁུག་ལྟ་བུར་སད་ཀྱི་གནོད་པ་ཅུང་ཉུང་པ་ཡིན། གང་ཡིན་ཞེ་ན་ཉི་མ་སྔོན་ལ་ཤར་བ་དང་དྲོད་གསོག་དྲགས་ན་དགོང་མོ་སད་རྒྱག་སྐབས་ཚ་གྲང་འཐབ་ཅེས་སད་ཀྱི་གནོད་པ་ཆེ་བ་ཡོད། མཚོ་འགྲམ་དུ་ཡོད་པའི་གྲོང་ཚོ་དག་གི་ས་ཞིང་ལ་སད་ཀྱི་གནོད་པ་ཤིན་ཏུ་ཉུང་། དེ་ནི་སད་ཀྱི་གནོད་པ་མཚོ་ཡིས་ལེན་གྱི་ཡོད་པས་རེད། སད་ཀྱི་ནང་ནས་ཉེན་ཚབས་ཆེ་ཤོས་ནི་ཝ་མོའི་གདོང་སད་དམ་སྟག་ལུང་སྟག་སད་ཅེས་པ་དེ་ཡིན། དེ་ཡང་བོད་ཟླ་དྲུག་པའི་ཟླ་མཇུག་སྐོར་ལ་རྒྱག་གི་ཡོད། སྤྱིར་སད་དེ་རྒྱབ་པ་ཉུང་མོད། གལ་ཏེ་བརྒྱབ་ན་གནོད་པ་ཤིན་ཏུ་ཆེ་བས་འབྲུ་སྦང་མ་ལྟར་གྱུར་ནས་ཧ་ལམ་འབྲུ་རྡོག་གཅིག་ཀྱང་བསྡུ་མ་ཐུབ་པའི་ཚད་དུ་སླེབས་ཀྱི་ཡོད། བོད་ཟླ་དྲུག་པའི་ནང་འཁྱུག་འབུར་ལག་ཟེར་བ་ཞིག་རྒྱག་གི་ཡོད་ཅིང་། དེ་ནི་ཕུ་རག་གི་ས་ཞིང་ལ་ཧ་ཅང་གནོད་པ་ཆེ། དེ་ནི་བརྟགས་འཀའ་ན་ཡང་། བུད་མེད་ཅིག་གི་ངོས་ནས་བཤད་ན་མངལ་ལ་གནོད་ཆེ་བས་དོགས་དགོས་པ་ཡིན། འཁྱག་དེས་གཞའ་ཚན་ཆེ་སར་དེ་ཙམ་སྐྱོན་ཆེ་བ་མེད།
ལ་སྟོད་སྤོ་རོང་གི་རྒྱལ་གཞས་ཀྱི་ལོ་རྒྱུས་དང་། ཁྱད་ཆོས་ཅུང་ཞིག་གླེང་བ།
རྩོམ་པ་པོ། ཟླ་བ། ༄༅། །ལ་སྟོད་སྤོ་རོང་གི་རྒྱལ་གཞས་ཀྱི་ལོ་རྒྱུས་དང་ཁྱད་ཆོས་ཅུང་ཞིག་གླེང་བ། མཐའ་བཞི་གངས་རིས་བསྐོར་བའི་དཔལ་ཁུད་འདིར། །རིག་པའི་གནས་ཀུན་འདྲེན་པའི་ཤིང་རྟ་མཆོག །ཕྱོགས་ལས་རྣམ་རྒྱལ་གང་དེའི་རིང་ལུགས་ཆེ། །སྐྱོང་མཛད་འབུར་བའི་གདུང་རབས་ཀུན་ལ་འདུད། ། མིག་དང་རྣ་བའི་དགའ་སྟོན་ཀུན་ཀྱི་དཔྱིད། །གཡུལ་ལས་རྣམ་པར་རྒྱལ་བའི་རྒྱལ་གཞས་འདི། །དངོས་སྟོབས་རིགས་པའི་ལམ་ནས་ལེགས་འདྲེན་པ། །མངའ་རིས་པཎ་ཆེན་པདྨ་དབང་རྒྱལ་བསྔགས། །གཞུང་འདིའི་སྔོན་བྱུང་ཉུང་བསྡུས་ཤིག །བཅོས་བསླད་རྫུན་གྱིས་མ་བསྒྱུར་བར། །བཅོས་མེད་རང་མདངས་བདེན་པའི་གཤིས། །འཇིག་རྟེན་འདི་རུ་གནས་ན་སྙམ། །
ཞེ་སའི་ཚིག་མཛོད།
ཞེ་སའི་ཚིག་མཛོད། ཨང༌། ཞེ་ས། ཕལ་སྐད། ༡ བཀའ་ཁྱབ་གནང་བ། ཁྱབ་བསྒྲགས་བྱས་པ། ༢ བཀའ་གནང་བ། ལབ་པ། ༣ བཀའ་བཀྱོན་གནང་བ། གཤེ་གཤེ་བཏང་བ། ༤ བཀའ་གྲོས་གནང་བ༌། གྲོས་བསྡུར་བྱས་པ། ༥ བཀའ་མངགས་གནང་བ། མངགས་ཆ་བྱས་པ། ༦…
ལྷོ་ཁ་ཁུལ་གྱི་སྲོལ་རྒྱུན་གནམ་དཔྱད། 1-9 བར།
༤༡.བོད་ཟླ་དྲུག་པ་དང་བདུན་པར་སྤྲིན་དམར་མང་པོ་རྒྱུ་ན་ལོ་ཏོག་ལ་བཙའ་（གྲོ་ནས་སོགས་ཀྱི་ལོ་མ་དང་སྙེ་མའི་ཐོག་ཆགས་པའི་ལྕགས་བཙའ་ལྟ་བུའི་སྔོ་རིགས་ཀྱི་ནད་ཅིག་）བརྒྱབ་ཀྱི་ཡོད།། ༤༢.ཤར་རླུང་མདང་ལས་ཚ་བ་དང་། ལྷོ་སྤྲིན་ནག་པོ་བྱང་ལ་རྒྱུ་བ། འབུ་གྲོག་མས་ཐིག་ས་རྒྱག་པ། མི་རྒན་མཁལ་གྲུམ་ན་བ་བཅས་ཀྱི་རྟགས་གཞི་དེ་དག་ནི་ཉིན་ཤས་མ་འདས་ཆར་པའི་ངོ་ལ་བཤད།། ༤༣.ཞོགས་འཇའ་ཆུ།། དགོང་འཇའ་མེ།། ༤༤.ནམ་མཁའི་མདངས་ལ་བརྟག་པ་སྟེ། ཉི་ཤར་ཤར་ལྷོ་མདངས་ནག་ན།ཉིན་དགུང་སྔོན་དུ་ཆར་པ་ཡོད། ཉི་ནུབ་ནུབ་བྱང་མདངས་ནག་ན། མཚན་ཕྱེད་ཆར་པ་ཡོད་པའི་རྟགས།། ༤༥.ཤར་འཇའ་འབྲུག་སྒྲའི་རྟགས།ནུབ་འཇའ་རླུང་གི་རྟགས།། ༤༦.སྤྲིན་དམར་རྒྱུ་མང་ན་གྲོ་སད་དང་ལོ་ཏོག་ལ་བཙའ་རྒྱག་པའི་ཉིན་ཁ་ཡོད།། ༤༧.སྤྲིན་པ་ཐོར་ཅོག་ལྟ་བུ་ལངས་ན་ཆར་པའི་ངོ།།སྤྲིན་པ་ཁར་སེར་གཏིང་ནག་སད་དང་སེར་བའི་ངོ།། ༤༨.ཞོགས་པ་སྤྲིན་རུམ་ནས་ཉི་མའི་ཉི་ཐིག་ཁྱུར་རེར་ཕྱེད་སྣང་བ་ཕྱེད་མི་སྣང་བ། ཕྱི་དྲོ་ཉི་མ་བཞུད་དུས་སྔར་བཞིན་དེ་ལྟར་བྱས་ན་ཉི་མའི་ཉི་བཞུག་ཅེས་སེར་བ་དབབ་རྒྱུའི་རྟགས་ལ་བརྩི་བ་རེད།། ༤༩.སྤྲིན་པ་ལུག་གི་གྲོད་ཚིལ་ལྟར་འཁོལ་ན་སེར་བའི་ངོ་ཡིན་པས།སྔགས་པ་རྒན་པོ་ཡང་ཅུང་ཟད་འཇིགས་ཤིང་འདར་བར་འགྱུར་བར་བཤད།། ༥༠.སྤྲིན་ནག་ལྷོ་ནས་འཕྱུར་བ་དང་སྤྲིན་ནག་བྱང་ནས་འཕྱུར་བ་གཉིས་ནམ་དགུང་དུ་འཐབ་ན།…
མངའ་རིས་འགྲིམ་པའི་མཐོང་ཐོས་དྲན་རེག 1-6 བར།
མངའ་རིས་འགྲིམ་པའི་མཐོང་ཐོས་དྲན་རེག དང་པོ། ཁྲོ་སངས། ཁ་སང་ཞོགས་པའི་ཆུ་ཚོད་བཅུ་གཅིག་པར་ལྷ་ས་ནས་ལམ་ལ་ཆས། ལྷ་ས་ནས་མངའ་རིས་ལ་སྤྱི་ལེ་ཆིག་སྟོང་དྲུག་བརྒྱ་ཁ་ལྷག་འདུག དེར་ལམ་ཐིག་གཉིས་ཡོད་དེ། ལྷོ་ལམ་ནི་ས་དགའ། འབྲོང་པ། སྤུ་ཧྲེང་དང་རྩ་མདའ་བརྒྱུད་དེ་སྒར་རྫོང་ལ་འགྲོ་བ་དང་། བྱང་ལམ་ནི་མཚོ་ཆེན་དང་། དགེ་རྩེ། དགེ་རྒྱས་བརྒྱུད་དེ་སྒར་རྫོང་ལ་འགྲོ་བཞིན་མཆིས། གྲོགས་དང་ངེད་གཉིས་ལྷོ་ལམ་བརྒྱུད་དེ་མངའ་རིས་ལ་འགྲོ་བར་བརྩམས། མངའ་རིས་ལ་ཉི་མ་གཅིག་ལ་རེས་འཁོར་དྲུག་ཡས་མས་ཤིག་གཏོང་བཞིན་འདུག ལམ་བར་དུ་ཇ་ཐེངས་གཉིས་ལ་འཐུང་བ་དང་། ལམ་ཇ་འཐུང་ས་ནི་རྫོང་མཁར་དང་གྲོང་སྡེ་སོགས་ལ་བྱོལ་བའི་ལམ་འགྲམ་གྱི་ཟ་ཁང་ཁེར་འདུག་ཅིག་རེད། མགྱོགས་ཟས་ཐེབས་ཆག་རེར་སྒོར་…