སྤེལ་ཞིབ་ཕྲ།
ལྷ་ལྡན་གཙུག་ལག་ཁང་གི་ལོ་རྒྱུས།
1) ལྷ་ལྡན་ར་ས་འཕྲུལ་སྣང་གཙུག་ལག་ཁང་གི་མིང་། རྟེན་གཙོ་ཇོ་བོ་ཤཱཀྱ་མུ་ནེ་བཞུགས་སུ་གསོལ་བའི་ཆ་ནས་ཇོ་ཁང་དང་། ལྷ་ལྡན་དུ་ཆགས་ཤིང་བཀའ་བསྟན་བཞུགས་ཡུལ་ཡིན་པའི་ཆ་ནས་ལྷ་ས་གཙུག་ལག་ཁང་། ར་ལ་ས་བཀལ་ནས་འོ་ཐང་གི་མཚོ་བསུབ་སྟེ་བཞེངས་པར་བརྟེན་ར་ས་འཕྲུལ་སྣང་གི་གཙུག་ལག་ཁང་། གཞན་ཡང་། ༡༽ སྒོ་བཞི་དཀྱིལ་འཁོར་རིས་སུ་བྱས་པས་བླ་མ་དགའ་བ་དང་། ༢༽ ཀ་བ་ཕུར་པ་རིས་སུ་བྱས་པས་སྔགས་པ་དགའ། ༣༽ རྩིག་པ་གཡུང་དྲུང་རིས་སུ་བྱས་པས་བོན་པོ་དགའ། ༤༽ ལྕམ་གདུང་མིག་མངས་རིས་སུ་བྱས་པས་བོད་འབངས་དགའ་ཞེས་པ་ལྟར་དགའ་བཞི་ཞེས་པའི་མཚན་ཐོགས་པར་གྲགས་སོ།།
དགུང་གསར་མཛད་སྟོན་གནའ་བོའི་ཉམས་བཟང་།
དགུང་གསར་མཛད་སྟོན་གནའ་བོའི་ཉམས་བཟང་། དེ་སྔ་སྐལ་བཟང་ལུགས་བཟང་རང་ཡུལ་རང་ལག་ཏུ་ཡོད་པའི་སྐབས་གཞུང་ས་དགའ་ལྡན་ཕོ་བྲང་པ་ཆེན་པོའི་དགུང་གསར་མཛད་སྟོན་བསྟར་རིམ་གྱི་བྱེད་སྒོ་ཁག་རོབ་ཙམ་བརྗོད་ན། བོད་ཟླ་བཅུ་གཉིས་པའི་ཚེས་བཅུ་ཤར་ཙམ་ནས་དགུང་གསར་གྲ་སྒྲིག་གནང་དགོས་མང་དག་ཅིག་ཡོད་པའི་ནང་ནས་གལ་ཆེ་རིག་ཁག་ནི་རྩེ་ཞོལ་གཉེར་ཚང་ནས་ཐུགས་འགན་འོག་ཤར་ནུབ་གཟིམ་ཆུང་ཁག་དང་། ཚོམས་ཆེན་ཁག་ནང་སྒྲིག་གཤོམ་གནང་དགོས་སྡེར་ཁ་དང་། བཞེས་ཏོག་སོགས་བཞེས་སྤྲོ་བསྲེགས་སྦྱོར་གྱི་གནང་སྒོ་དང་། རྣམ་གྲྭ་བཀྲས་ཁང་སྡེ་པའི་ཐུག་འགན་འོག་གསར་མཆོད་ཁག་དང་། རྩེ་སྒྲོ། ལུག་མགོ་སོགས་མཆོད་སྣའི་རིགས་གསར་བཞེངས་དབུ་འཛུགས་གནང་གི་ཡོད། བོད་ཟླ་བཅུ་གཉིས་པའི་ཉི་ཤུ་གསུམ་ནས་ཉེར་དགུ་བར་རྣམ་གྲྭ་འདུས་ཚོགས་ནས་རྩེ་དགུ་གཏོར་ཆེན་མོའི་སྒྲུབ་པ་དབུ་འཛུགས་གནང་ཞིང་། ཉི་ཤུ་དགུའི་ཉིན་གཞུང་འབངས་ཀྱི་ལོ་གེགས་ཟློག་པའི་དགུ་གཏོར་ཆེན་མོ་འཆམ་དང་བཅས་པ་ལེགས་པར་གྲུབ། བོད་ཟླ་བཅུ་གཉིས་པའི་གནམ་གང་ཉིན་སྐུ་བཅར་གསོལ་གཟིམ་ཆོས་གསུམ་གྱི་ཐུགས་ཞིབ་འོག་གཟིམ་དགག་དང་གཟིམ་ཆུང་གད་པ་ནས་གཟིག་ཆུང་ཁག་གི་མཆོད་རྫས་དང་བཞུགས་གདན་སྒྲོན་རྒྱག མཆོད་པ་དང་གྲོ་སོ་ཕྱེ་མར་སོགས་སྒྲིག་གཤོམ་གནང་སྒོ་ཁག་དང་། རྩེ་གདན་གཉེར་ནས་ནུབ་རྒྱུད་གཟིམ་ཆུང་དང་། ཚོམས་ཆེན་ཁག་ཏུ་བཞུགས་ཁྲི་རིན་པོ་ཆེ་སྒྲོན་འབུལ་འོག སྲིད་སྐྱོང་དང་སྲིད་བློན། ཡོངས་འཛིན་རྣམ་གཉིས། བཀའ་ཤག ཡབ་གཞིས་སྐུ་ངོ་རྣམ་པ། རྩེ་ཤོད་དྲུང་རིགས་སེར་སྐྱ་བཅས་པའི་གདན་ཐོབ་གཞིར་བཟུང་མཛད་སྟོན་བཞུགས་གདན་སྒྲོན་འབུལ་གནང་།…
བོད་ཀྱི་ལོ་གསར།
སྤྱིར་ན་བོད་དབུས་ཁུལ་གྱི་མི་དམངས་ཚོས་རང་རང་འཁོས་སྦྱོར་ལ་གཞིགས་ཏེ་བོད་ཟླ་ ༡༢ པ་ནས་བཟུང་ལོ་གསར་གྱི་ཉེར་མཁོའི་སྟ་གོན་རིམ་བཞིན་བྱེད་འགོ་ཚུགས་ཏེ་ཤ་མར་འབྲུ་སྣུམ་སོགས་ལོ་གསར་གྱི་ཉེར་མཁོ་དང་། གཟབ་སྤྲོས་གྱོན་ཆས་སྣ་ཚོགས། སྡེར་ཁའི་ཁ་ཟས་དང་། ལུག་མགོ། ལོ་ཕུད། ཕྱེ་མར་གྱི་རྩིབས་སྒྲོ་དང་ལོ་གསར་མེ་ཏོག་སོགས་གྲོ་སོ་ཕྱེ་མར་གྱི་ཡོ་ཆས། ཁང་པའི་དར་ལྕོག་དང་། དར་ཤིང་། ཤམ་བུ་སོགས་ཉོ་སྒྲུབ་བྱེད་པ་དང་། ཆང་བཙོ་བ་དང་། སྦོ་ལུག་དང་ཁུར་བ་སོགས་ཁ་ཟས་སྣ་ཚོགས་འགར་བ་མ་ཟད། ཁྱིམ་ཚང་སོ་སོའི་ཐབ་ཚང་གིས་གཙོས་ཁང་པའི་ཕྱི་ནང་གི་དུ་བ་དང་ཐལ་བ་རྣམས་གཙང་མར་འཕྱག་པ་སོགས་ལོ་གསར་གྱི་སྟ་གོན་བྱེད་ཅིང་། བོད་ཟླ་ ༡༢ ཚེས་ ༢༩ ཉིན་གྱི་དགོང་མོ་དགུ་ཐུག་མ་འཐུང་གོང་ཁྱིམ་མི་ཚང་མར་སྤགས་གོང་ཆུང་ངུ་རེ་སྤྲད་ནས་དེས་མི་སོ་སོའི་གཟུགས་པོའི་སྟོད་སྨད་ཚང་མར་ཕུར་སྟེ་ལོ་གཅིག་ཟླ་བ་བཅུ་གཉིས་ཞག་མ་སུམ་བརྒྱ་དྲུག་ཅུའི་གེགས་བར་ཆད་ཚང་མ་སེལ་བའི་སྨོན་ལམ་བཏབ་རྗེས་དྲི་གླུད་བཟོས་ནས་རྫ་ཁོག་ཆག་དུམ་ཞིག་ནང་བླུགས་པ་དང་། དེ་རྗེས་ས་སྲོད་ཙམ་ལ་དགུ་ཐུག་འཐུང་འགོ་ཚུགས།
མངའ་རིས་ནས་གནའ་རྫས་རྙེད་སོན་བྱུང་བ།
བོད་ལྗོངས་ནུབ་རྒྱུད་ས་མཐོའི་དར་གོས་འགྲུལ་ལམ་དུ་གནའ་རྫས་དཔྱད་ཞིབ་བྱས་ནས་རིག་དངོས་ཤུལ་བཞག་གལ་ཆེན་གསར་དུ་རྙེད་པ་དང་། དེ་ཡང་བོད་སྐྱོར་གྱི་མིང་བཏགས་པའི་རྒྱ་ནག་གི་གནའ་རྫས་རྟོག་ཞིབ་ཚན་པ་ཞིག་གིས་བོད་མངའ་རིས་ནས་གནའ་བོའི་བང་སོ་གྲངས་ ༩ བསྔོགས་འདོན་བྱས་ཏེ་གནའ་རྫས་རིགས་མང་པོ་ཞིག་རྙེད་སོན་བྱུང་ཡོད་འདུག
ངམ་རིང་རྫོང་གི་ལོ་རྒྱུས།
ངམ་རིང་རྫོང་ནི་གཞི་རྩེ་ས་ཁུལ་གྱི་ལྷོ་ནུབ། གངས་ཏི་སེའི་དཀྱིལ་རྒྱུད། ཡར་ཀླུངས་གཙང་པོའི་སྟོད་ངོས་སུ་གནས་ཡོད་པ་དང་། གཞི་རྩེ་གྲོང་ཁྱེར་ནས་ལམ་ཐག་སྤྱི་ལེ་ ༢༡༧ ཙམ་ཡོད། དེའི་ཤར་ངོས་སུ་བཞད་མཐོང་སྨོན་རྫོང་དང་ལྷ་རྩེ་རྫོང་། ལྷོ་ངོས་སུ་གཉའ་ནང་རྫོང་དང་དིང་རི་རྫོང་། ནུབ་ངོས་སུ་ས་དགའ་རྫོང་དང་མངའ་རིས་མཚོ་ཆེན་རྫོང་། བྱང་ངོས་སུ་ནག་ཆུ་ས་ཁུལ་གྱི་ཤན་རྩ་རྫོང་དང་ཉི་མ་རྫོང་བཅས་དང་ས་འདྲེས་ཡིན། ངམ་རིང་རྫོང་ལ་གྲོང་བརྡལ་ ༢ དང་ཤང་ ༡༥ གྲོང་ཚོ་ཨུ་ཡོན་ལྷན་ཁང་ ༡༩༡ མི་གྲངས་ ༤༦༠༠༠ ལྷག་ཙམ་ཡོད། ས་ཆའི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་…
ཞང་ཞུང་སྒོ་ཕུག་བར་གསུམ།
ཞང་ཞུང་། འདི་ནི་སྔར་བོན་ཆོས་དར་རྒྱས་ཆེ་བའི་ཡུལ་ཞིག་ཡིན་པར་བོན་དང་བོད་ཀྱི་ལོ་རྒྱུས་མང་ཆེ་བ་མཐུན་ཞིང་ས་གནས་གང་དུ་ཡོད་མེད་དང་། ས་རྒྱ་ཆེ་ཆུང་གི་སྐོར་ལ་བཤད་ཚུལ་མི་མཐུན་པ་སྣ་ཚོགས་འདུག བོན་གྱི་ལོ་རྒྱུས་ལས། ཞང་ཞུང་གི་རྒྱལ་པོ་ཁྲི་ཝེར་ལ་གུ་ལང་གསེར་གྱི་བྱུ་རུ་ཅན་ལ་སོགས་པ་གྲགས་ཆེ་བ་བཅོ་བརྒྱད་བྱུང་བ་དེ་དག་གིས་ཞང་ཞུང་སྒོ་ཕུག་བར་གསུམ་སྟེ་མདོ་སྨད་ཀྱི་ཕྱོགས་ལ་སྒོ་དང་། དབུས་གཙང་གི་ཕྱོགས་ལ་བར། མངའ་རིས་ལ་དྭགས་ཀྱི་ཕྱོགས་ལ་ཕུག་ཅེས་བརྗོད་པར་བཤད།