སྤེལ་ཞིབ་ཕྲ།
རྗེ་བཙུན་ཆོས་ཀྱི་རྒྱལ་མཚན་གྱི་རྣམ་ཐར་སྙིང་བསྡུས།
རྗེ་འདི་ནི་ཉང་སྟོད་ཕྱུག་པོ་གཞུང་སྨིན་དྲུག་ཁྱུང་རྩེ་ཞེས་པའི་དཔོན་རྒྱུད་དུ་ཡབ་ནང་སོ་བསོད་ནམས་འཕེལ་དང་། ཡུམ་སྒྲོམ་འབུམ་གཉིས་ཀྱི་སྲས་སུ་རབ་བྱུང་བརྒྱད་པའི་ས་གླང་ (༡༤༦༩) ལོར་འཁྲུངས། དགུང་ལོ་དྲུག་ལ་༸རྒྱལ་བ་དགེ་འདུན་གྲུབ་ཆབ་ཚན་ལ་ཕེབས་པ་སྐབས་འཁེལ་གྱིས་གདན་དྲངས་ཏེ་གྲུབ་རྒྱལ་ལུགས་ཀྱི་ཚེ་དབང་ཞུ་གནང་མཛད་། དགུང་ལོ་བདུན་ལ་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་གྱི་དྲུང་དུ་དགེ་བསྙེན་གྱི་སྡོམ་པ་བཞེས། མཚན་ཆོས་ཀྱི་རྒྱལ་མཚན་ཞེས་གསོལ།
རྫོང་ཆེན་ཀུན་དགའ་རྣམ་རྒྱལ་གྱི་མཛད་རྣམ།
རྗེ་འདིའི་མཚན་གཞན་ལ། གོང་དཀར་རྡོ་རྗེ་གདན་པ་ཆེན་པོ། རྗེ་བཙུན་འཇིགས་མེད་དཔའ་བོ། ཐུ་སྟོན་ཀུན་དགའ་རྣམ་རྒྱལ་སོགས་མང་། རབ་བྱུང་བདུན་པའི་ཆུ་ཕོ་བྱི། སྤྱི་ལོ་ ༡༤༣༢ ལོར། ཐོན་མིའི་གདུང་བརྒྱུད་ཡབ་རྒྱལ་བ་ཤེས་རབ་དང་། ཡུམ་དཔལ་ལྡན་རྡོ་རྗེ་བདེ་མའི་སྲས་སུ། གཡོ་རུ་གྲྭ་སྟེ་ལྷོ་ཁ་གྲྭ་ནང་དུ་སྐུ་བལྟམས། མཚན་ལ་གྲྭ་ལྔ་རྒྱལ་པོ་ཞེས་གསོལ།
པཎ་ཆེན་བསོད་ནམས་གྲགས་པའི་རྣམ་ཐར་སྙིང་བསྡུས།
དེ་ཡང་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་བཅོ་ལྔ་པ། མདོ་སྔགས་རམས་འབྱམས་སྨྲ་བ་པཎ་ཆེན་བསོད་ནམས་གྲགས་པ་ནི། རབ་བྱུང་བརྒྱད་པའི་ས་ཁྱི་ལོ་སྟེ་སྤྱི་ལོ་ 1478 ལོར་ལྷོ་ཁ་རྩེད་ཐང་དགོན་པའི་ཉེ་འདབས་ཀྱི་གྲོང་ཚོ་ནང་པར་ལམ་པ་བྱ་བའི་ཁྱིམ་ཚང་ཞིག་ཏུ་སྐུ་འཁྲུངས་ཤིང་། སྐུ་གཞོན་ནུའི་དུས་ནས་རྩེད་ཐང་དགོན་པའི་ཆོས་གྲྭར་ཞུགས་ཏེ་ཡི་གེ་འབྲི་ཀློག་སོགས་ལ་སྦྱངས་པ་མཐར་ཕྱིན་པ་མཛད། ཆེན་པོ་བསོད་ནམས་བཀྲ་ཤིས་ཀྱི་མདུན་ནས་རབ་ཏུ་བྱུང་བསྒྲུབས་པས། མཚན་ལ་བསོད་ནམས་གྲགས་པ་ཞེས་གསོལ།
ས་སྐྱ་པཎ་ཆེན་ཀུན་དགའ་རྒྱལ་མཚན་གྱི་རྣམ་ཐར་སྙིང་བསྡུས།
འཇམ་མགོན་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་མཆོག་ནི། བོད་ཀྱི་རབ་བྱུང་གསུམ་པའི་ཆུ་ཕོ་སྟག་ལོ་སྟེ་སྤྱི་ལོ་ ༡༡༨༢ ལོར་ཡབ་དཔལ་ཆེན་འོད་པོ་ཆེ་ (རྗེ་བཙུན་གྲགས་པ་རྒྱལ་མཚན་གྱི་གཅུང་།) དང་། ཡུམ་མ་གཅིག་གར་ཕུ་མ་ཉི་ཁྲི་ལྕམ་གཉིས་ཀྱི་སྲས་སུ་ངོ་མཚར་བའི་ལྟས་བསམ་གྱིས་མི་ཁྱབ་པ་དང་བཅས་ཏེ་ས་སྐྱར་སྐུ་འཁྲུངས་ཤིང་། ཁོང་གི་ཆུང་མིང་ལ་དཔལ་ལྡན་དོན་གྲུབ་ཅེས་གསོལ། རྗེས་སུ་རྣལ་འབྱོར་གྱི་དབང་ཕྱུག་ཁོ་བོ་རྗེ་བཙུན་གྲགས་པ་རྒྱལ་མཚན་གྱི་དྲུང་ནས་ཚངས་པར་སྤྱོད་པའི་དགེ་བསྙེན་གྱི་སྡོམ་པ་ཡང་དག་པ་བླངས་ཏེ་མཚན་ལ་ཀུན་དགའ་རྒྱལ་མཚན་ཞེས་གསོལ།
༸ རྒྱལ་དབང་ལྔ་པ་ཆེན་པོ་སྐུ་འཁྲུངས་ནས་མི་ལོ་ ༤༠༠ ཧྲིལ་པོ་འཁོར་བར་བཀའ་དྲིན་རྗེས་དྲན་ཞུ།
༸རྒྱལ་བ་སྐུ་ཕྲེང་ལྔ་པ། བློ་བཟང་རྒྱ་མཚོའི་རྣམ་ཐར་སྙིང་བསྡུས། ཀ༽ གང་དུ་སྐུ་འཁྲུངས་པ་དང་། རིགས་རྒྱུད། མཚན་གྱི་རྣམ་གྲངས། དེ་ཡང་འཁྲུངས་རབ་གསོལ་འདེབས་ལས། ཟ་ཧོར་རིགས་ལས་འཕྱོངས་རྒྱས་མཚན་དཔེ་བཞད། ། རྩ་གསུམ་ཞལ་གཟིགས་དག་སྣང་ཉེར་ལྔའི་བདག ། ལུགས་བཟུང་དཔལ་གྱི་བོད་ཁམས་གཏན་བདེར་བཀོད། ། ངག་དབང་བློ་བཟང་རྒྱ་མཚོར་གསོལ་བ་འདེབས། །
མཁས་དབང་དུང་དཀར་བློ་བཟང་འཕྲིན་ལས་མཆོག་གི་སྐུ་ཚེའི་ལོ་རྒྱུས།
དེ་ཡང་བོད་ཀྱི་མཁས་དབང་གྲགས་ཅན་དུང་དཀར་སྐུ་ཕྲེང་བརྒྱད་པ་རྗེ་བཙུན་བློ་བཟང་འཕྲིན་ལས་དཔལ་བཟང་པོ་མཆོག་ནི། བོད་རབ་བྱུང་བཅུ་དྲུག་པའི་མེ་ཡོས་ལོ་སྟེ་ཕྱི་ལོ་ ༡༩༢༧ ལོའི་དགུན་ཁར་བོད་ལྗོངས་ཀོང་པོ་ཉིང་ཁྲི་ས་ཁུལ་ཉིང་ཁྲི་རྫོང་ཁོངས་ཇོ་མོ་ཤང་དུ་ཡབ་ཚེ་དབང་དང་། ཡུམ་བཀྲ་ཤིས་མཚོ་གཉིས་ཀྱི་སྲས་སུ་དགེ་མཚན་གྱི་ལྟས་བཟང་དུ་མ་བཅས་ཏེ་སྐུ་བལྟམས་ཤིང་ཆུང་ངུའི་མཚན་ལ་ཟླ་བ་ཞེས་གསོལ། ཕྱི་ལོ་ ༡༩༣༡ ལོར་༸རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་ཐུབ་བསྟན་རྒྱ་མཚོ་མཆོག་ནས་ཇོ་མོ་རྫོང་བཀྲ་ཤིས་ཆོས་གླིང་དགོན་གྱི་དུང་དཀར་སྐུ་ཕྲེང་བདུན་པའི་ཡང་སྲིད་འཁྲུལ་བྲལ་དུ་ངོས་འཛིན་མཛད་ཅིང་།
སྲོང་བཙན་སྒམ་པོ་སྐུ་འཁྲུངས་ནས་མི་ལོ་ 1400 འཁོར་བའི་བཀའ་དྲིན་རྗེས་དྲན།
༄༅། །ཆོས་རྒྱལ་སྲོང་བཙན་སྒམ་པོ་སྐུ་འཁྲུངས་ནས་མི་ལོ་ཧྲིལ་པོ་ 1400 འཁོར་བའི་དུས་ཚིགས་ཁྱད་པར་ཅན་འདིར་ཆོས་རྒྱལ་མེས་དབོན་རྣམ་གསུམ་གྱི་ཡ་གྱལ་འཕགས་མཆོག་སྤྱན་རས་གཟིགས་ཀྱི་རྣམ་སྤྲུལ་ཆོས་རྒྱལ་སྲོང་བཙན་སྒམ་པོའི་རབ་དང་ཕུལ་དང་མཆོག་ཏུ་གྱུར་པའི་མཛད་རྗེས་མཐའ་དག་འདིར་བརྗོད་པར་མི་ནུས་ཀྱང་། མཛད་རྗེས་ཕུལ་དུ་བྱུང་བ་འགའ་ཞིག་དཔེ་མཚོན་གྱི་ཚུལ་དུ་བཀོད་ནས་ཆོས་རྒྱལ་བཀའ་དྲིན་ཅན་དེ་ཉིད་དྲན་གསོ་ཞུ།
མར་པ་ལོ་ཙཱ་བ་ཆོས་ཀྱི་བློ་གྲོས།
སྒྲུབ་རྒྱུད་བསྟན་པའི་བདག་པོ་མར་པ་ལོ་ཙཱ་བ་ཆོས་ཀྱི་བློ་གྲོས་ནི་ཡབ་མར་པ་དབང་ཕྱུག་འོད་ཟེར་དང་ཡུམ་རྒྱལ་མོ་འོད་ཟེར་གཉིས་ཀྱི་སྲས་སུ་བོད་ཆུ་བྱི་སྤྱི་ལོ་ ༡༠༡༢ ལོར་ལྷོ་བྲག་ཕུ་ཆུ་ཁྱེར་གྱི་གྲོ་བོ་ལུང་དུ་སྐུ་འཁྲུངས། ཡབ་ཡུམ་འདི་གཉིས་ལ་སྲས་ལྔ་ཡོད་པའི་གསུམ་པ་དེ་ཡིན་ཞིང་། ཁྱིམ་ཚང་འབྱོར་པ་ཤིན་ཏུ་ཆེ་བས་ཡུལ་ཁག་གསུམ་དུ་འཛིན་སྐད། སྐུ་གཞོན་ནུའི་དུས་སུ་ཆང་དང་འཐབ་རྩོད་ལ་དགའ། ཐུགས་གཤིས་རྩུབ་པས་མི་རྣམས་མི་དགའ་བའི་ཡུལ་དུ་གྱུར།
ཞ་ལུ་ལོ་ཙཱ་བ་ཆོས་སྐྱོང་བཟང་པོ།
ལོ་ཆེན་འདི་ཉིད་གཙང་ཞ་ལུ་གསེར་ཁང་གི་ཁང་གསར་གོང་མ་ཞེས་བྱ་བའི་རུས་རྒྱུད་དུ་ཡབ་བསམ་གྲུབ་དཔལ་བཟང་དང་། ཡུམ་རིན་ཆེན་ཆོས་འཛོམས་གཉིས་ཀྱི་སྲས་སུ་རབ་བྱུང་བདུན་པའི་ལྕགས་བྱ་ ༡༤༤༡ ལོར་སྐུ་བལྟམས། མཚན་ཆོས་སྐྱོང་འབུམ་ཞེས་གསོལ། དགུང་ལོ་བརྒྱད་ལ་ཕེབས་སྐབས་རྒྱལ་རྩེ་སྡེ་པ་དང་རིན་སྤུངས་པ་གཉིས་དམག་འཁྲུག་བྱུང་སྟེ་ཡབ་ཀྱང་དམག་འཁྲུག་གི་ཁྲོད་སྐུ་གཤེགས། དེ་ནས་རྒྱལ་རྩེ་ཆོས་རྒྱལ་བཀྲ་ཤིས་འཕགས་པའི་ཞབས་འབྲིང་དུ་མངགས། དགུང་ལོ་བཅོ་བརྒྱད་བཞེས་པའི་ཚེ་མཁན་ཆེན་དཀོན་མཆོག་བཟང་པོའི་དྲུང་དུ་རབ་དུ་བྱུང་།
འབྲོག་མི་ལོ་ཙཱ་བ་ཤཱཀྱ་ཡེ་ཤེས།
དེ་ཡང་ཡར་རྗེ་ཨོ་རྒྱན་གླིང་པས་ (1323-?) གཏེར་ནས་བཞེས་པའི་པདྨ་བཀའ་ཐང་ལས[1]། ཀཱ་མཱ་ལ་ཤཱི་ལ་ཞེས་བྱ་འདིཿ སྒྲ་སྒྱུར་གླིང་དུ་མུ་སྟེགས་བཀྲོངསཿ འབྲོག་མི་ལོ་ཙཱ་[2]སྨྲ་བར་སྐྱེཿ ཞེས་གསལ་བ་ལྟར། འབྲོག་མི་ལོ་ཙཱ་བ་ཤཱཀྱ་ཡེ་ཤེས་ནི། རབ་བྱུང་གོང་གི་ཆུ་སྦྲུལ་ཕྱི་ལོ་ ༩༩༣ ལོར་མང་མཁར་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་ཡི་གེའི་འབྲི་ཀློག་སོགས་ལ་ལེགས་པར་སྦྱངས། ལོ་སྟོན་རྡོ་རྗེ་དབང་ཕྱུག་དང་། རྒྱ་ཤཱཀྱ་གཞོན་ནུ། སེ་ཡེ་ཤེས་བརྩོན་འགྲུས། ཉང་རྡོ་རྗེ་རྒྱལ་མཚན་བཞི་ལས་རབ་བྱུང་བསྒྲུབས་ཤིང་། འདུལ་བའི་ཆོས་གཞུང་སོགས་ལ་ཐོས་བསམ་ལེགས་པར་མཛད།