སྤེལ་ཞིབ་ཕྲ།
རྒྱལ་བ་ཡང་དགོན་པ་རྒྱལ་མཚན་དཔལ་བཟང་གི་རྣམ་ཐར།
ཁོང་ནི་ལ་སྟོད་ལྷོ། ལྷ་གདོང་དུ། སྔགས་བརྒྱུད། ཡབ་ཇོ་བསམ། ཡུམ་ཆོས་མཐོང་གི་སྲས་སུ་རབ་བྱུང་བཞི་པའི་ཆུ་བྱ་༼༡༢༡༣༽ལོར་འཁྲུངས། ཡབ་ཀྱིས་མཚན་གདུང་གསོབ་འབར་བ་བཏགས། བུ་ཆུང་གོག་པོའི་དུས་ནས་མཆོད་ཁང་གི་སྒོ་ལ་དབུ་གཏུགས་ཏེ་ཕྱག་མཛད་པ་དང༌། སྨྲ་མཁྱེན་པ་དང་སྐྱབས་སུ་མཆིའོ་བྱ་བའི་གསུང་བྱོན་པ་སོགས་ཆོས་ཀྱི་བག་ཆགས་ལྷན་སྐྱེས་སུ་མངའ། དགུང་ལོ་བཞི་པ་ལ་བསླབ་མ་དགོས་པར་ཀློག་མཁྱེན་པས། ཕྱིས་ང་ལ་འབྲི་ཀློག་གཉིས་ལ་སློབ་དཔོན་མེད། སྦྱོར་ཀློག་ཟེར་བ་དེ་ཀུན་བྱེད་མ་མྱོང༌། ད་ལྟ་ཡི་གེ་འབྲི་བའི་དུས་སུ་འཕུལ་བཞག་ནོར་བ་བག་ཙམ་ཡོང་བར་འདུག་གསུང༌།
༄༅། །སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ལ་གསོལ་བ་འདེབས་པའི་ཚིགས་སུ་བཅད་པ་དགུ་པ་རོལ་མོའི་སྒྲ་སྙན་ཞེས་བྱ་བ།།
༼བཅོམ་ལྡན་རིག་པའི་རལ་གྲིས་ (1227-1305) མཛད་པ།༽ སངས་རྒྱས་ལ་ཕྱག་འཚལ་ལོ། །སྔོན་ཚེ་རྒྱལ་སྲས་སྤྱོད་པ་སྤྱད་པའི་ཕྱིར། །རིག་པའི་འབྱུང་གནས་ཤར་ཕྱོགས་བྷཾ་ག་ལར། །དགའ་བྱེད་ཞེས་བྱ་རྒྱལ་པོའི་རིགས་སུ་འཁྲུངས། །མར་མེ་མཛད་དཔལ་ཡེ་ཤེས་ཞབས་ལ་འདུད། །དེར་ནི་འདོད་ཡོན་གཞན་འཕྲུལ་ལྷ་འདྲ་ལའང་། །ཀུན་ནས་མ་ཆགས་སྐྱོ་བའི་ངང་ཚུལ་གྱིས། །རྣལ་འབྱོར་དབང་ཕྱུག་དྲང་སྲོང་སྦས་པ་ལ། །གསང་སྔགས་ཀུན་བསླབས་མཆོད་སྤྲིན་རྒྱ་མཚོས་མཆོད། །དེ་རྗེས་དཔལ་ལྡན་ཀྲ་མའི་གཙུག་ལག་ཏུ། །རབ་བྱུང་རིག་པ་ཀུན་ལ་ལེགས་སྦྱངས་པས། །ཀུན་མཁྱེན་དང་འདྲ་ལྔ་རིག་ཀུན་གྱི་གཙོ། །བསྒྲུབ་ལ་བརྩོན་པར་མཛད་ལ་སྡིག་ཀུན་བཤགས། །
བོད་ཀྱི་མཛངས་བློན་མི་བདུན་དང་སོ་སོའི་མཛད་རྗེས་བསྡུས་པ།
མཛངས་བློན་དང་པོ། རུ་ལུ་སྐྱེས་ནི(པུ་དེ་གུང་རྒྱལ་དང་མ་ཡུམ་གཅིག་ཅིང་།དེའི་གཉེན་ཚན་ཞིག་ཡིན་པའི་བཤད་ལུགས་གཉིས)བོད་རྒྱལ་དགུ་བ་པུ་དེ་གུང་རྒྱལ་གྱི་བཀའ་ཡི་བློན་ཆེན། བོད་རྒྱལ་རྒྱུད་སླར་གསོ་བྱེད་མཁན་གྱི་དཔའ་བོ་ཞིག་ཡིན་པར་མ་ཟད། དུས་སྐབས་དེར་བོད་ཀྱི་སྤྱི་ཚོགས་འཕེལ་རྒྱས་ལ་རྨང་གཞི་བརྟན་པོ་གཏོང་མཁན་གྱི་དམིགས་བསལ་མི་སྣ་ཞིག་ཡིན་པ་རྒྱལ་རབས་ལོ་རྒྱུས་དག་ལས་ཤེས་ཐུབ་སྟེ། ༼ཆོས་འབྱུང་མཁས་པའི་དགའ་སྟོན༽ལས།༼བོད་ཡུལ་འཕྲུལ་བློན་མཛངས་པའི་མི་བདུན་གྱི། །ཐོག་མར་གྱུར་བ་རུ་ལས་སྐྱེས་འདི་ཡིན། །མཛངས་པའི་ལས་སུ་ཤིང་བསྲེགས་སོལ་བ་བྱུང་། །དེ་ཡིས་རྡོ་བཞུ་གསེར་དངུལ་ཟངས་ལྕགས་ཕྱུང་། །ཤིང་ལ་མིག་ཕུག་གཤོལ་དང་གཉའ་ཤིང་བྱས། ། ས་གཞི་བརྐོས་ནས་ཕུ་ཆུ་ཡར་དུ་དྲངས། །རྨོན་པ་དོར་བསྡེབས་སྤང་ཐང་ཞིང་དུ་རྨོས། །བརྒལ་བའི་མི་ཐར་ཆུལ་ལ་ཟམ་པ་བཙུགས། །རྨོས་པའི་ལོ་ཐོག་ཐོག་མར་འདི་ནས་བྱུང་། །༽ཞེས་གསུངས།
སྣེའུ་པ་ཡེ་ཤེས་འབར་གྱི་རྣམ་ཐར་སྙིང་བསྡུས།
མཛད་པ་པོ། ཡོངས་འཛིན་ཡེ་ཤེས་རྒྱལ་མཚན། ༈ ཟབ་མོའི་ཏིང་འཛིན་བརྟན་པའི་སྣེའུ་ཟུར་པ། །ཞེས་བསྔགས་པ། དགེ་བའི་བཤེས་སྣེའུ་ཟུར་པ་ནི། སྤྲས་སྣེའུ་ཟུར་གྱི་ས་སྐོར་ཐོང་པ་ཞེས་བྱ་བར། ཡབ་ཞང་སྟག་པོ་ཞེས་པའི་སྲས་སུ་ 1062 ཆུ་ཕོ་སྟག་ལ་སྐུ་འཁྲུངས། སྐུ་ཚེ་སྔ་མ་རྣམས་སུ་བསམ་གཏན་བསྒོམས་པའི་བག་ཆགས་མཐུ་བརྟས་པས་བྱིས་པའི་དུས་ཉིད་ནས་སྐྱེ་པས་ཐོབ་པའི་ཏིང་ངེ་འཛིན་བརྟན་བོ་མངའ་བ་ཞིག་བྱུང་ཞིང་། ཁྱིམ་གྱི་འདུ་འཛི་ལ་ཆགས་པ་མེད་པར་གཞན་གྱི་ལད་མོ་དང་གཞན་གྱིས་དབང་མེད་དུ་བསྐུལ་བ་ཙམ་མིན་པར་ངེས་འབྱུང་ཤུགས་དྲག་པོས་གཞོན་ནུ་ནས་བྲག་རྒྱབ་ཏུ་རབ་ཏུ་བྱུང་། མཚན་ཡེ་ཤེས་འབར་ཞེས་བཏགས།
རིགས་པའི་དབང་ཕྱུག་ཕྱྭ་པ་ཆོས་ཀྱི་སེངྒེ་།
ཕྱྭ་པ་ཆོས་ཀྱི་སེངྒེ་། གསང་ཕུའི་མཁན་ཐོག་དྲུག་པ་ཕྱྭ་པ་ཆོས་ཀྱི་སེང་གེ་ནི་གསང་ཕུའི་མཁན་པོ་མཛད་མཁན་གྱི་ནང་ནས་དབུ་མ་དང་ཚད་མ་ལ་ཤིན་ཏུ་མཁས་ཤིང་གདན་སའི་སློབ་གཉེར་ལམ་ལུགས་གསར་གཏོད་མཛད་མཁན་གྱི་སློབ་གསོའི་གྲགས་ཅན་མི་སྣ་རྒྱལ་ཁབ་ཕྱི་ནང་དུ་མཁས་པའི་སྙན་གྲགས་ཡོད་པ་ཞིག་ཡིན། ཁོང་ནི་རབ་བྱུང་གཉིས་པའི་ས་གླང་སྤྱི་ལོ1101ལོར་ཕྱྭ་པ་(ཕྱྭ་ཕུ་)ཞེས་པའི་ཡུལ་སྟེ་དེང་སྐབས་ལྷ་ས་གྲོང་ཁྱེར་གྱི་སྟག་རྩེ་རྫོང་ལ་མོ་ཆུས་ཀྱི་ཁོངས་(དགའ་ལྡན་དགོན་གྱི་མདུན་ཞོལ་ཕྱྭ་ཕུའི་ཕྱྭ་གྲོང་ཚོར་)སུ་སྐུ་བལྟམས། རབ་བྱུང་གསུམ་པའི་ས་གླང་116ལོར་སྐུ་གཤེགས།
ས་སྐྱ་པཎྜི་ཏ་ཀུན་དགའ་རྒྱལ་མཚན།
ས་སྐྱ་པཎྜི་ཏ་ཀུན་དགའ་རྒྱལ་མཚན་ནི། ཡབ་འཁོན་དཔལ་ཆེན་འོད་པོ་ཆེ﹙རྗེ་བཙུན་གྲགས་པ་རྒྱལ་མཚན་གྱི་གཅུང﹚དང་ཡུན་མ་ཅིག་གར་ཕུ་མ་ཉི་ཁྲི་ལྕམ་གཉིས་ཀྱི་སྲས་སུ་སྤྱི་ལོ1182ལོར་ས་སྐྱར་སྐུ་འཁྲུངས། མཚན་ལ་དཔལ་ལྡན་དོན་གྲུབ་གསོལ། སྐུ་ཤིན་ཏུ་གཞོན་པའི་དུས་ནས་ཡབ་དགེ་བའི་བཤེས་གཉེན་གྱི་དྲུང་དུ་ཡི་གེའི་འབྲི་ཀློག་དང་གསང་སྔགས་ཀྱི་དབང་ཁྲིད་མན་ངག་དུ་མ་ཞུས་ཤིང་གསོ་བྱེད་ཀྱི་གཞུང་མན་ངག་འགའ་ཞིག་ཀྱང་གསན། ཁུ་བོ་རྗེ་བཙུན་གྲགས་པ་རྒྱལ་མཚན་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ཀུན་དགའ་རྒྱལ་མཚན་དུ་གསོལ། ཁུ་བོ་དེ་ཉིད་ལས་ས་སྐྱ་གོང་མའི་གསུང་བཅུད་མདོ་སྔགས་ཀྱི་ཟབ་གནད་མ་ལུས་པར་གསན་ཅིང་། གསོ་བྱེད་སྐོར་ཡང་ཡན་ལག་བརྒྱད་པའི་རྩ་འགྲེལ་སོགས་གསན།