སྤེལ་ཞིབ་ཕྲ།
ཅོག་རོ་ཀླུ་རྒྱལ་མཚན།
ཅོག་རོ་ཀླུ་རྒྱལ་མཚན། ཅོག་རོ་ཀླུ་རྒྱལ་མཚན་ནི། ཆོས་རྒྱལ་ཁྲི་སྲོང་ལྡེ་བཙན་གྱི་སྐུ་དུས་སུ་བྱུང་བའི་ལོ་ཙཱ་བ་སྐ་ཅོག་ཞང་གསུམ་གྱི་ཡ་གྱལ་ཡིན་ལ། ལོ་ཙཱ་བ་རབ་དགུའི་ནང་གསེས་གཞོན་གསུམ་གྱི་ཡ་གྱལ་ཡང་ཡིན། འདི་ཉིད་ཀྱི་འགྱུར་ལ། [འཁོར་ལོ་དང་པོར་གཏོགས་པ་དགེ་སློང་ཕའི་ཁྲིམས་ཉིས་བརྒྱ་ལྔ་བཅུ་རྩ་གསུམ་མདོར་བསྡུས་ནས་སྟོན་པ་ཕའི་སོ་ཐར་གྱི་མདོ]ཤོ་ལོ་ཀ་བདུན་བརྒྱ། བམ་པོ་གཉིས་པ། [དེའི་དོན་རྒྱ་ཆེར་བཤད་པ་ཕའི་རྣམ་འབྱེད] ཤོ་ལོ་ཀ་ཁྲི་བཞི་སྟོང་དགུ་བརྒྱ། བམ་པོ་བརྒྱད་ཅུ་གྱ་གསུམ་པ། [དགེ་སློང་མའི་ཁྲིམས་སུམ་བརྒྱ་དྲུག་ཅུ་རེ་བཞི་བསྡུས་ནས་སྟོན་པ་མའི་སོ་ཐར་གྱི་མདོ] ཤོ་ལོ་ཀ་བརྒྱད་བརྒྱ། བམ་པོ་གཉིས་པ། དེ་ཡང་དབུ་མ་ (ཙ) པ་ལ། རྒྱ་གར་སྐད་དུ། པྲཛྙཱ་ནཱ་མ་མཱུ་ལ་མདྷྱཱ་མ་ཀ་ཀཱ་རི་ཀ བོད་སྐད་དུ། དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ་བཞུགས་སོ།…
རོང་སྟོན་ཆེན་པོའི་རྣམ་ཐར་མདོར་བསྡུས་ངོ་མཚར་བང་མཛོད།
༄༅།།རོང་སྟོན་ཆེན་པོའི་རྣམ་ཐར་མདོར་བསྡུས་ངོ་མཚར་བང་མཛོད། ཚུལ་ཁྲིམས་རྒྱལ་མཚན། ཤེས་བྱ་ཀུན་གཟིགས་མཁས་པའི་རྣམ་དཔྱོད་དང་། །ངོ་མཚར་གྲུབ་པའི་རོལ་རྩོད་དུ་མ་ཡིས། །ཤཱཀྱའི་བསྟན་པའི་རྒྱལ་མཚན་སྲིད་མཐའི་བར། །བསྒྲེངས་མཛད་དཔའ་ལྡན་འཕྲིན་ལས་བཟང་པོ་རྒྱལ། །དིར་འཕན་ཡུལ་ནཱ་ལེནྡྲའི་ཆོས་སྡེ་ཆེན་པོ་ཕྱག་འདེབས་པ་པོ་དཔལ་ས་སྐྱའི་བསྟན་འཛིན་གངས་ཅན་མཛེས་པའི་རྒྱན་བདུན་དུ་གྲགས་པའི་གཙོ་བོ། མདོ་ལ་མཁས་པ་གཡག་རོང་གཉིས་སུ་གྲགས་པའི་ཡ་གྱལ། རོང་སྟོན་ཤཱཀྱའི་རྒྱལ་མཚན་གྱི་རྣམ་ཐར་མདོ་བསྡུས་བྲི་བ་ལ། ཐོག་མར་སྤྲུལ་གཞི་གང་ལས་སྤྲུལ་པའི་ཚུལ་ནི། ངེས་དོན་དུ་རྒྱལ་ཚབ་བྱམས་པ་མགོན་པོའི་ཐུགས་རྣམ་པར་མི་རྟོགས་པའི་ཡེ་ཤེས་ཀྱི་སྒྱུ་འཕྲུལ་ཡིན་ཞིང་། དྲང་བའི་དོན་དུ་མཁས་གྲུབ་སྐྱེས་མཆོག་གྲངས་མེད་པའི་སྐུའི་སྐྱེ་བ་བཞེས་ནས། འཛམ་བུའི་གླིང་འདིར་བསྟན་འགྲོ་སྐྱོང་བའི་འཕྲིན་ལས་བསམ་གྱིས་མི་ཁྱབ་པར་མཛད།