སྤེལ་ཞིབ་ཕྲ།
བཀའ་གདམས་པའི་གནས་ཤུལ་ཉུལ་བ། ལེའུ་ 1-6 བར།
རྭ་སྒྲེང་གངས་རིའི་སྲས་མོ། ༈ཆོས་སྡེ་ཆེན་པོ་རྭ་སྒྲེང་གིས་གཙོས་དབུས་གཙང་ཁུལ་གྱི་བཀའ་གདམས་པའི་གདན་སའི་ངོ་སྤྲོད་རགས་བསྡུས་ནོར་བུའི་འཕྲེང་བ་ལས།རྭ་སྒྲེང་གི་ས་བབ་ཆགས་ཚུལ་དང་དེ་གང་དུ་གནས་ཚུལ། དེ་ཡང་བསིལ་ལྡན་ས་ལའི་སྨན་ལྗོངས་འདིར་ཆོལ་ཁ་གསུམ་དུ་ཕྱེ་བའི་དབུས་གཙང་ཆོས་ཀྱི་ཆོལ་ཁར་དབུ་རུ་དང་གཡོ་རུ་གཉིས་སུ་གྱེས་པའི་དབུ་རུ་བྱང་ཕྱོགས།གངས་ལྗོངས་ཀྱི་ལྟེ་བའི་གྲོང་ཁྱེར་ཆེན་པོ་ལྷ་ལྡན་གྱི་བྱང་ཕྱོགས། དེང་གི་སྲིད་འཛིན་ཀྱི་ས་ཁོངས་ལྟར་ན་༼བོད་ལྗོངས་ལྷ་ས་གྲོང་ཁྱེར་ལྷུན་གྲུབ་རྫོང་ཐང་མགོ་ཡུལ་ཤོག་༽ཁོངས་སུ་འགྱིང་ངེར་ཆགས་ཡོད། དགོན་གནས་འདི་ནི་ས་བབས་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་བཞི་སྟོང་ཉིས་བརྒྱ་དང་། ལྷ་ས་གྲོང་ཁྱེར་ནས་རྩིས་པའི་སྤྱི་ལེ་བརྒྱ་དང་ལྔ་བཅུའི་མཚམས་སུ་གནས་ཡོད། ཡུལ་དེའི་ས་བབས་ཆགས་ཚུལ་ཡང་བྱང་ཤར་ས་ཁད་ཅུང་མཐོ་ཞིང་། ལྷོ་ནུབ་དེ་ཙམ་མི་མཐོ་བའི་སྤང་རི་དང་སྤང་ཐང་ཡངས་པོར་དཀར་ནག་ཕྱུགས་རིགས་ལ་བརྟེན་པའི་འབྲོག་སྡེ་ཆེན་པོ་དང་།
ཞང་ཞུང་རྒྱལ་རབས་ཀྱི་ལོ་རྒྱུས་རགས་བསྡུས།
ཞང་ཞུང་གི་རྒྱལ་ཁམས་ལ་མངའ་དབང་བསྒྱུར་བའི་རྒྱལ་པོ་གྲགས་པ་ཆེ་བ་རྣམས་ཀྱང་། ཁྱད་པར་ཞང་ཞུང་ཁྲི་སྡེ་བཅོ་བརྒྱད་གཙོས་པའི་ཡུལ་ཆེན་བཅོ་བརྒྱད་ལ་མངའ་དབང་ཆེ་བའི་རྒྱལ་པོ་སྲིད་པ་གནམ་ནས་བསྐོས་པའི་ཞང་ཞུང་སྲིད་པའི་རྒྱལ་པོ་ཁྲི་ཝེར་ལ་རྗེ་གུ་ལང་གསེར་གྱི་བྱ་རུ་ཅན་དང་། ཞུང་ཞག་ཟིལ་གནོན་རྒྱལ་པོ་རླབས་ཆེན་ཁྱུང་གི་བྱ་རུ་ཅན་དང་། ཧྲི་དོ་གྱེར་སྤུངས་རྒྱལ་པོ་ཀང་ཀ་ཤེལ་གྱི་བྱ་རུ་ཅན་དང་གསུམ་ནི་གངས་རིན་པོ་ཆེའི་མདུན། རྒྱབ་རི་གཡུ་ལོ་ལྗོན་པའི་རྫོང་མཁར་དུ་ཆགས་སོ།།
བོད་ཀྱི་ཆོས་ལུགས་རོལ་ཆ་ཁག་ངོ་སྤྲོད།
དྲིལ་བུ། དྲིལ་བུ་ནི་དཀྲོལ་བྱའི་རོལ་མོའི་རྣམ་གྲངས་ཤིག་སྟེ། བོད་ཀྱི་ལོ་རྒྱུས་དེབ་ཐེར་ནང་འཁོད་པར་གཞིགས་ན་བོད་རྒྱལ་བཙན་པོ་ལྷ་ཐོ་ཐོ་རིའི་གོང་དུ་བོད་ལ་དྲིལ་བུ་ཡོད་དེ། དེ་དུས་ཀྱི་དྲིལ་བུ་ནི་གཤང་དང་འདྲ་བར་སྔོན་ཆད་བོན་པོ་བ་རྣམས་ཀྱི་མཆོད་ཆས་རོལ་མོ་ཞིག་ཡིན་ལ་སྐབས་དེ་དུས་བཟོས་པའི་དྲིལ་བུ་རྣམས་ཀྱི་རྒྱུ་ནི་ཁྲོ་དང་ལི་ནག་པོ་ལས་གྲུབ་པ་མ་ཟད། ལག་རྩལ་ཡང་དེ་ཙམ་མེད་པས་བཟོ་བཀོད་ལེགས་པོ་མེད། དེ་ནས་ལྷ་ཐོ་ཐོ་རི་གཉན་བཙན་གྱི་སྐབས་སུ་དམ་པའི་ཆོས་ཀྱི་དབུ་བརྙེས་ཤིང་། མཆོད་པའི་ཡོ་བྱད་དྲིལ་བུ་མང་དག་བཟོས་ཀྱང་བཟོ་བཀོད་གོང་དང་མཐུན་པ་ཙམ་ལས་དེ་ལས་ཁྱད་དུ་འཕགས་པ་གང་ཡང་བྱུང་མེད་ཅེས་འཁོད་དོ། བོད་རྒྱལ་སྲོང་བཙན་སྒམ་པོའི་སྐབས་རྒྱ་གར་ནས་དམ་པའི་ཆོས་དར་བ་དང་ཆབས་ཅིག་མཆོད་པའི་ཡོ་བྱད་དྲིལ་བུའི་རིགས་འགའ་ཞིག་བྱུང་བ་མ་ཟད།
གཡས་རུ་བྱང་དུ་ཡོད་པའི་རྗེ་བཙུན་མིད་ལའི་སྒྲུབ་གནས་སྐོར་གླེང་བ།
ར་སེ་དཀོན་མཆོག་རྒྱ་མཚོ། རྗེ་བཙུན་མིད་ལ་རས་པ་དེ་ཉིད་ཀྱི་སྐུ་ཚེ་ཧྲིལ་པོའི་སྒྲུབ་གནས་མཐའ་དག་ཅི་ཙམ་ཡོད་དམ་ཟེར་ན། ལོ་རྒྱུས་སྨྲ་བའམ་ཞིབ་དཔྱོད་་ཅིག་ཡིན་ན་ལམ་སེང་ལན་བཏབ་ཁག་པོ་ཆགས་ཡོད། རྒྱུ་མཚན་ལོ་རྒྱུས་ཐོག་བྱུང་མྱོང་བའི་ཡིག་ཆ་མང་པོ་མ་བཞུགས་པ་དང་། ད་་ཡོད་རྗེ་བཙུན་གྱི་རྣམ་ཐར་དང་མགུར་འབུམ་རྣམས་སུ་རགས་རིམ་ལས་མཐའ་དག་བསྡུད་ཐུབ་མེད་པའི་གནད་ཀྱིས་ཡིན་ལ། རྗེ་གཙང་སྨྱོན་པ་དང་ལྷ་གཟིགས་པ་དག་གིས་སྒྲུབ་གནས་ཀྱི་རྣམ་གཞག་གསུང་པའང་མཛོད་ནག་མ་སོགས་གཞིར་བཟུང་བ་ཡིན།
ལྷ་སར་ལྷ་ས་ཞེས་པའི་མིང་ཐོགས་དོན།
རྩོམ་པ་པོ། ཆབ་སྤེལ་ཚེ་བརྟན་ཕུན་ཚོགས། གྲོང་ཁྱེར་ལྷ་ས་ནི་བོད་རང་ལྗོངས་ཀྱི་སྲིད་འབྱོར་རིག་གསུམ་གྱི་ལྟེ་བ་ཡིན་ལ། རྒྱལ་ཁབ་ཕྱི་ནང་གང་སར་སྙན་གྲགས་ཡོད་པའི་གནའ་རབས་གྲོང་ཁྱེར་གྱི་གྲས་ཤིག་ཀྱང་ཡིན། གྲོང་ཁྱེར་འདིར་མི་ལོ་སྟོང་ཕྲག་གི་ལོ་རྒྱུས་ལྡན་པས་གནའ་བོའི་རིག་གནས་དངོས་པོ་འབོར་ཆེན་དང་། དམངས་ཁྲོད་ཀྱི་་རིག་གནས་ཤོད་རྒྱུན་ཡང་མང་པོ་ཡོད། དེ་དག་ཐམས་ཅད་ནི་མི་རིགས་རང་ཉིད་ཀྱི་བརྗེད་པར་ཕངས་པའི་ཤེས་བྱ་ཞེ་གཅིག་ཡིན། གལ་སྲིད་ང་ཚོས་ཁ་ནས་རྒྱུན་དུ་ཤོད་པའི་སྤྱིར་བཏང་གི་མིང་ཚིག་ཙམ་ལའང་འགྲེལ་བཤད་བྱེད་མ་ཐུབ་ན་མི་རིགས་གཞན་གྱི་མདུན་དུ་ཐབས་སྐྱོ་པོ་ཞིག་ལོས་ཡིན། དེར་བརྟེན་འདིར་ཆེས་རྒྱུན་ལྡན་དང་མངོན་གསལ་དོད་པའི་དོགས་གནས་ཁ་ཤས་ཤིག་ངོ་སྤྲོད་ཞུ་འདོད།
རྩྭ་མདའ་རྫོང་གིས་བང་སོ་བཅུ་ལྷག་མྱུར་སྐྱོབ་བྱས་པ།
མངའ་རིས་ས་ཁུལ་རྩྭ་མདའ་རྗོང་རིག་དངོས་ཅུས་ནས་ཤེས་རྟོགས་བྱུང་བར་གཞིགས་ན། རྨང་འཛུགས་ཞིབ་དཔྱད་འཚོལ་ཞིབ་བྱ་རྒྱུ་རོགས་འདེགས་བྱ་ཆེད། རྩྭ་མདའ་རྫོང་རིག་དངོས་ཅུས་ཀྱིས་དེ་སྔོན་རྩྭ་མདའ་རྫོང་ཁོངས་སུ་གསར་དུ་རྙེད་པའི་གནའ་བོའི་བང་སོ་ ༡༠ ལ་མྱུར་སྐྱོབ་རང་བཞིན་གྱིས་སྔོག་འདོན་བྱས་པས། རྫ་ཆས་དང་ཤེལ་ཕྲེང་སོགས་ཀྱི་རིག་དངོས་རྩ་ཆེན་ཁག་ཅིག་ས་འོག་ནས་ཐོན་ཡོད།