བོད་མིས་འཛམ་གླིང་ལ་བཞག་པའི་བྱས་རྗེས་ཆེན་མོ་བདུན།
གཅིག ༼བཀའ་བསྟན་འགྱུར་༽གྱིས་གཙོ་བྱས་པའི་སངས་རྒྱས་ཆོས་ལུགས་ཀྱི་ཆོས་གཞུང་མང་པོ་བསྡུ་ཉར་བྱས་པ་ཆེས་མང་པའི་མི་རིགས་ཤིག་སྟེ། དུས་རབས་བདུན་པ་ནས་བཟུང་། ལོ་ངོ་བརྒྱ་ཕྲག་ལྷག་རིང་སངས་རྒྱས་ཀྱི་བཀའ་བསྟན་མང་པོ་བོད་ཡིག་ཏུ་བསྒྱུར་ནས་དེར་ཞིབ་འཇུག་དང་སློབ་སྦྱོང་ཡག་པོ་བྱས་ཏེ་ནང་བསྟན་རིག་གནས་འཛིན་སྐྱོང་སྤེལ་གསུམ་ཐད་བྱས་རྗེས་རླབས་པོ་ཆེ་བཞག གཉིས། བོད་ཀྱི་ ༼གླིང་རྗེ་གེ་སར་རྒྱལ་པོའི་སྒྲུང་༽ནི་འཛམ་གླིང་ཡོངས་ཀྱི་ལོ་རྒྱུས་བརྗོད་པའི་སྙན་རྩོམ་རིང་ཤོས་དེར་གྱུར་ཞིང་། དེ་ནི་བོད་ཀྱི་རིག་གནས་ཀུན་གསལ་མེ་ལོང་ལྟ་བུར་བགྲང་ཆོག་ལ། དེར་གནའ་བོའི་གདོད་མའི་སྤྱི་ཚོགས་ནས་ད་ལྟའི་བར་གྱི་བོད་ཀྱི་རིག་གནས་དང་ཡུལ་སྲོལ་གོམས་གཤིས། ཆོས་ལུགས། དཔལ་འབྱོར་སོགས་ཕྱོགས་སོ་སོའི་ཆ་འདུས་ཡོད།