ད་ལམ་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས་པའི་མཁས་དབང་དུང་དཀར་བློ་བཟང་འཕྲིན་ལས་མཆོག་གི་དཔེ་དེབ་འདི་གཉིས་ཀྱི་ནང་དོན་གཙོ་བོ་ནི་ནང་རིག་པའི་སྙིང་བཅུད་གསང་སྔགས་བླ་མེད་རྒྱུད་ཀྱི་བརྗོད་བྱ་འགྲེལ་པའི་བསྐྱེད་རྫོགས་གཉིས་ཀྱི་རྣལ་འབྱོར་སྒོམ་ཚུལ་ཡིན་ཞིང་། གསང་སྔགས་ནི་ང་རང་ཚོའི་ལུས་སེམས་ལ་ཡོད་པའི་དངོས་ཡོད་ཀྱི་གནས་ཚུལ་བེད་སྤྱོད་བཏང་ནས་སྦྱོང་བརྡར་བྱས་ཏེ། ལུས་སེམས་གཉིས་ལ་བདེ་བ་ཐོབ་ཐབས་ཀྱི་རིག་གཞུང་ཞིག་རེད། མདོར་ན། མཁས་དབང་དུང་དཀར་བློ་བཟང་འཕྲིན་ལས་མཆོག་གིས་བཀའ་ཁྲིད་གནང་བའི་《བསྐྱེད་རིམ་》དང་《རྫོགས་རིམ་》ཞེས་པའི་དེབ་འདི་ཉིད་ཀྱིས་ལས་དང་པོ་བ་རྣམས་ལ་ཁ་གསལ་ཞིང་གོ་བདེ་བའི་ངང་གསང་སྔགས་ཀྱི་རྨང་གཞིའི་ཤེས་བྱ་ངོ་སྤྲོད་མཛད་འདུག་པས། བོད་རིག་པ་དང་སྒོས་སུ་ནང་བསྟན་ལ་ཞིབ་འཇུག་གནང་མཁན་ཚོར་མཚོན་ན་དེབ་འདི་ནི་ཉེ་བར་མཁོ་བའི་གཅེས་ནོར་ལྟ་བུ་ཞིག་ཅི་ལ་མིན།

࿑པཎ་ཆེན་ཡེ་ཤེས་རྩེ་མོར་རྗེ་དགེ་འདུན་གྲུབ་པས་དང་པོ་ཁོ་བོ་དཔེ་ཆ་མང་པོ་ཟིན་པ་ཅིག་ཡོད་དེ། ད་ཚིག་རེ་རེལའང་དཀའ་ལས་ཆེ་བར་འདུག དོན་ལ་འཆི་བ་ཁོ་འོང་བར་འདུག ཤི་ནས་གར་འགྲོ་ནི་ཆ་མེད་གསུང་། དེ་ལ་པཎ་ཆེན་ཡེ་ཤེས་རྩེ་མོས། རྗེ་རིན་པོ་ཆེ་ནི། ཕྱི་མ་ལ་སྔར་བདེ་བ་ཅན་དུ་འབྱོན་བཞེད་ཡོད་ནའང་། ཕྱིས་དགའ་ལྡན་དུ་འབྱོན་བཞེད་ཡོད་པ་ཡིན་ཞེས་མི་ཀུན་གླེང་བར་འདུག་ལགས་ཞུས་པས་རྗེའི་ཞལ་ནས། ཁོ་བོ་ལ་དེ་ལྟ་བུའི་འདོད་པ་ཕུར་ཚུགས་པ་མེད། རྗེ་བཙུན་གྱི་སྐུ་བཞེངས་པ་འདི་ཡང་སེམས་ཅན་ཐམས་ཅད་རྗེ་བཙུན་གྱི་འཁོར་དུ་སྐྱེས་ཏེ་ཐེག་ཆེན་གྱི་ཆོས་ལ་ལོངས་སྤྱོད་པའི་རྟེན་འབྲེལ་དུ་བསམས་ཏེ་བྱས་ཤིང་། བདེ་བ་ཅན་ལ་སོགས་ན་གདུལ་བྱ་ཡང་དག་པ་འབའ་ཞིག་ཡོད། དེ་བས་མ་དག་པའི་གདུལ་བྱ་རྣམས་གདུལ་བའི་ཕྱིར་དུ་རེ་ཞིག་ལ་མ་དག་པའི་ཞིང་འདིར་ཀ་སྡོད་འདོད་ཡོད་པ་ཡིན། ཞེས་སོགས་ཀྱི་བཀའ་ལུང་རྒྱ་ཆེ་ལ་གནད་ཆེ་བ་མང་པོ་གསུངས།།  

ཀ་ཡེ་ཚུར་ལ་གསོན་དང་གྲོགས་མཆེད་རྣམས། ། ཁ་སང་ལ་དྭགས་ཕྱོགས་སུ་འགྲོ་རྒྱུ་དེ། ། ག་ལ་བལྟས་ཀྱང་སྐབས་སུ་བབ་འདུག་པས། ། ང་ནི་འགྲོ་རྒྱུར་གཏན་ཁེལ་ཟིན་པ་ཡིན། ། ཅ་ཟིང་འགྲོ་སོང་པད་ཤག་ཉག་ཕྲ་ཁར། ། ཆ་ལུགས་མི་གཅིག་ས་མཚམས་ཐར་དཀའ་ཡང་། ། ཇ་ཡི་བཅུད་འདྲའི་ནཱ་རོའི་གདམས་ངག་ཆེད། ། ཉ་མོ་ཆབ་ལ་འཕྱོ་བ་བཞིན་དུ་འགྲོ། །

ཞེ་སའི་ཚིག་མཛོད།  ཨང༌། ཞེ་ས། ཕལ་སྐད། ༡ བཀའ་ཁྱབ་གནང་བ། ཁྱབ་བསྒྲགས་བྱས་པ། ༢ བཀའ་གནང་བ། ལབ་པ། ༣ བཀའ་བཀྱོན་གནང་བ། གཤེ་གཤེ་བཏང་བ། ༤ བཀའ་གྲོས་གནང་བ༌། གྲོས་བསྡུར་བྱས་པ། ༥ བཀའ་མངགས་གནང་བ། མངགས་ཆ་བྱས་པ། ༦ བཀའ་མངགས་གནང་བ། མངགས་པ། ༧ བཀའ་བསྡུར་གནང་བ། གྲོས་བསྡུར་བྱས་པ། ༨ བཀའ་ཆོས་གནང་བ། ཆོས་བཤད་པ། ༩ བཀའ་ཆེམས་གནང་བ། ཁ་ཆེམས་བཞག་པ། ༡༠ བཀའ་དྲིན། དྲིན།

༄༅།།བཤད་གྲྭ་བ་ལ་གསུང་བའི་གལ་ཆེན་མུན་ཁང་གི་སྒྲོན་མེ་ལྟ་བུའི་ངོ་མཚར་ཅན་གྱི་གསུང་སྒྲོས་ཞེས་བྱ་བ་བཞུགས་སོ།།   གཙང་ཧའོ་དགོན་གྱི་༧མཁན་ཆེན་བླ་མ་ཚེ་དབང་དོན་གྲུབ་མཆོག་གིས།   བསླབ་པ་སློབ་གཉེར་བ་རྣམས་ལ་དེ་རིང་སང་བར་ཆད་མང་དང་མང་བཞིན་པའི་གནས་སྐབས་འདིར་གྲྭ་པ་འགའ་ཞིག་གི་དགོན་པ་རུ་མ་བསྡད་པར་འགའ་ཞིག་གྲོང་ཁྱེར་ལ་སོགས་པར་འཁྱམས་ནས་བསྡད་མཁན་དང་དེ་མིན་དུས་ཚོད་ཅུང་ཙམ་ཡོད་ན་གནས་བསྐོར་སོགས་ལ་འགྲོ་གི་ཡོད་རེད། མ་གཞི་གནས་བསྐོར་ཞུ་བ་ནི་ཡག་པོ་རེད་དེ། འོན་ཀྱང་གནས་དེ་བྱིན་ཆེན་པོ་ག་ཚོད་ཡོད་ཀྱང་གནས་འདི་ངོས་འཛིན་མ་ཐུབ་པ་དང་། གནས་མཇལ་ཞུ་མ་ཤེས་པ་དང་གནས་མཇལ་གྱི་དོན་དངོས་དེ་ཧ་མ་གོ་བ་རེད།