ལྷ་ཡུལ་ས་ལ་འཕོས་འདྲའི་ཞིང་ཁམས་ཀྱི། ། ས་ཁམས་ཆགས་དབྱིབས་ལོ་རྒྱུས་གནའ་ཤུལ་དང༌། ། ཐུན་མིན་ཁྱད་ཆོས་རིན་བྲལ་རིག་དངོས་སོགས། ། ངོ་མཚར་རྨད་བྱུང་བདེན་དཔང་འདི་ན་གསལ། །   རིགས་གསུམ་བླ་རི་དམར་ལྕགས་བོང་གསུམ་དང༌། ། ཕྱོགས་མཚམས་བཀྲ་ཤིས་རྟགས་བརྒྱད་རི་བོས་བསྐོར། ། ཁྱད་འཕགས་རི་བཞི་གནམ་ས་རྩིབས་འདབ་བརྒྱད། ། ཡིད་འཕྲོག་མཛེས་སྡུག་ཁྱད་ཡོན་འདི་རུ་རྫོགས། །

དབྱངས་ཅན་མ་ལ་བསྟོད་པ་གཞོན་ནུ་རོལ་དགའི་དབྱངས་ཞེས་བྱ་བ་བཞུགས་སོ།། ཀློང་ཆེན་རབ་འབྱམས་པ་དྲི་མེད་འོད་ཟེར། ༼༡༣༠༨-༡༣༦༣༽   སྙན་ངག་གི་ལྷ་ལ་ཕྱག་འཚལ་ལོ།། མཆོག་དགའི་རང་བཞིན་ལྷ་མོ་ནི།། ཡོན་ཏན་རྒྱ་མཚོའི་གླིང་ན་བཞུགས།། རྒྱལ་བ་སྲས་བཅས་ཀུན་ཀྱི་ཡུམ།། དབྱངས་ཅན་མ་ལ་ཕྱག་འཚལ་ལོ།།   ཐུགས་རྗེ་གངས་རི་ཞུ་བ་ལས།། གསར་དུ་འཁྲུངས་པའི་ལྷ་མོ་ནི།། སྙན་ངག་ཆུ་རླུང་དལ་གྱིས་འབབ།། དབྱངས་ཅན་མ་ལ་ཕྱག་འཚལ་ལོ།།

ཁོར་ཡུག་དང་རླུང་རྟ། མཁས་གྲུབ། ཆད་མེད་དུས་ཚོད་ཀྱི་འཁོར་ལོ།། མྱུར་བར་མདུན་ཕྱོགས་སུ་འཁོར་བས།། ལང་ཚོ་དར་བ་དང་ལྷན་ཅིག།། འཚོ་བའི་ཁོར་ཡུག་ཀྱང་འགྱུར་སོང་།།  

ས་སྲོས་ཀྱི་འཆར་སྒོ། བཀྲ་ཤིས་དཔལ་ལྡན། དེ་རིང་གི་མཐའ་མཇུག་གི་འགྲུལ་པ་དང་ངའི་སྦྱིན་བདག་གི་རྐང་པ་པང་གཅལ་སྟེང་ནས་གཙང་འགྲམ་གྱི་གྲམ་པ་རློན་པ་དེའི་སྟེང་དུ་སྤོས་མཚམས་གཞི་ནས་ལུས་ཐོག་གི་ཁུར་པོ་ཆ་ཚང་ཕབ་ཟིན་པའི་སྣང་བ་བདེ་ཤིག་ཤིག་ཅིག་ངའི་ལུས་ཕུང་ཡོངས་ལ་ཁྱབ། ཉིན་གང་གཙང་ཆུའི་ནང་དབུགས་སུབ་ཐེབས་པའི་ལུས་པོའི་ཆ་ཤས་དེ་ཡང་རེ་ཞིག་ཆུ་ཁར་ཐོན་པའི་སྐལ་བ་ཐོབ་པས་དབུགས་རྔུབ་འཐེན་རིང་པོ་ཞིག་བྱས། མཐའ་མཇུག་གི་འགྲུལ་པ་དེའི་ངོ་གདོང་ཧྲིལ་པོ་རྔུལ་ཆུ་ཐོན་ཤུལ་གྱིས་གང་བ་དང་སྐེད་པར་ཟད་ནས་འོད་ཐོན་པའི་བཙས་མ་རྔ་བྱེད་ཀྱི་ཟོར་བ་ཞིག་གཟེར་འདུག  དེ་རིང་ངས་ཁོའི་ཉམས་འགྱུར་དང་བཟོ་ལྟ་འདྲ་བའི་མི་མང་པོ་ཞིག་ཕར་སྐྱེལ་ཚུར་བསུས་བྱས་ཤིང་། ནམ་དུས་ཀྱི་སོ་ནམ་ལངས་པས་ཁོང་ཚོ་ཚང་མ་གཅིག་མཚུངས་ཀྱི་ལས་ཀ་བྱེད་པར་སོང་བ་དང་ཧ་ལམ་གཅིག་མཚུངས་ཀྱི་གོམ་པ་སྤོ་བཞིན་ལས་ཐག་བཅད་ནས་ལོག  སྦྱིན་བདག་གིས་ལྕགས་ཐག་སྦོམ་པོ་དེས་ང་གཙང་འགྲམ་དུ་བརྒྱབ་པའི་ལྕགས་ཕུར་སྦོམ་པོ་དེ་དང་སྦྲེལ་བ་དང་དེ་ནས་འགྲུལ་པ་དེ་དང་མཉམ་དུ་ལག་གཉིས་རྒྱབ་ལག་བཅས་པ་དང་སྐེད་པ་ཅུང་གུག་པའི་གོམ་པ་སྤོ་བཞིན་གྲོང་ཚོའི་ནང་དུ་ལོག

བོད་ལྗོངས་ནོར་འཛིན་འཛམ་གླིང་སྤྱི་བོའི་རྒྱན། དུང་དཀར་བློ་བཟང་འཕྲིན་ལས། ཕྱོགས་མཚམས་གངས་ཀྱི་ས་འཛིན་ཕྲེང་བས་བསྐོར།། དུས་བཞིར་དྲོད་སྐྱིད་ལྡན་པའི་ཉི་འོད་གསལ།། རྣམ་མང་རིན་ཆེན་གཏེར་བརྒྱས་ཡོངས་ཕྱུག་པའི།། བོད་ལྗོངས་ནོར་འཛིན་འཛམ་གླིང་སྤྱི་བོའི་རྒྱན།།