༄༅། །དགའ་ལྡན་ཁྲི་ཆེན་རིམ་བྱོན་གྱི་རྣམ་ཐར་བཞུགས་སོ།།   མཛད་པ་པོ། སེར་སྨད་གྲགས་པ་མཁས་གྲུབ། དེ་ཡང་དགའ་ལྡན་ཁྲི་ཆེན་རིམ་བྱོན་གྱི་རྣམ་ཐར་གླེགས་བམ་འདི་ཉིད་དུ་ཐོག་ཞེ་བདུན་པ་ཁྲི་ཆེན་ཤར་རྩེ་སྤོམ་འབོར་བ་བློ་བཟང་ཆོས་འཕེལ་ནས་ཁྲི་ཐོག་རེ་བདུན་པ་ཁྲི་ཆེན་བཀའ་འགྱུར་བ་འཇམ་དབྱངས་སྨོན་ལམ་བར་ཁྲི་ཐོག་ ༢༡ གི་རྣམ་ཐར་ཞིབ་ཅིང་རྒྱས་པ་གཞན་དང་ཐུན་མོང་མ་ཡིན་པ་མང་དུ་བཞུགས་པ་བཅས་སོ།།   མཛད་པ་པོའི་རྣམ་ཐར། སེར་སྨད་མཁན་ཆེན་གྲགས་པ་མཁས་གྲུབ་མཆོག་ནི། ཚལ་གུང་ཐང་གཙུག་ལག་ཁང་གི་ཤར་ལྷོའི་མཚམས་སུ་གུང་ཐང་ལྕང་སྲུང་བ་ཞེས་པའི་མི་རྒྱུད་དུ་ཡབ་ཨ་པོ་རྟ་མགྲིན་དང༌། ཡུམ་དཔལ་འཛོམ་ཞེས་པ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ལྕགས་རྟ་ (ཕྱི་ལོ་ ༡༧༥༠) ལོའི་ཟླ་བ་བཅུ་གཅིག་པའི་ཚེས་ལྔའི་ཐོ་རེངས་སུ་སྐུ་འཁྲུངས།

༄༅། །སྙིང་འདབ་བརྒྱད་མ་བཞུགས་སོ།།   ༈ སྙིང་འདབ་བརྒྱད་ཨ་བ་དྷཱུ་ཏཱིའི་དབུས། །གཞི་འགྱུར་མེད་སེམས་ཀྱི་རྡོ་རྗེའི་གར། །ལྷ་སངས་རྒྱས་ཀུན་འདུས་བློ་བཟང་གྲགས། །ཕ་བླ་མའི་ངོ་བོར་ཕྱག་འཚལ་ལོ། །གཞི་འཁོར་འདས་ཆོས་རྣམས་མ་ལུས་པ། །ནང་རང་གི་སེམས་ཀྱིས་བཏགས་པ་ཙམ། །སེམས་དེ་ཡང་བརྟགས་ན་སྐྱེ་འགག་བྲལ། །གནས་ལུགས་ཀྱི་ངོ་བོ་ཨེ་མ་ཧོཿ

སྦྱར་ལོ་ཚེ་རིང་དོན་གྲུབ། ངག་ལ་ངག་གི་དཔལ་གཏེར་འཇམ་དཔལ་དབྱངས། །ཡིད་ལ་ཐུགས་བརྩེས་རྗེས་ཆགས་སྤྱན་རས་གཟིགས། །ལུས་ལ་མཆོག་གི་སྐྱབས་བྱིན་གདོན་བགེགས་སེལ། །མཁྱེན་བརྩེ་ནུས་ལྡན་དགེ་བའི་བཤེས་གཉེན་མཆོད། །

ཆོ་འཕྲུལ་བསྟོད་པ།  རྗེ་དགེ་འདུན་གྲུབ་པས་མཛད། ཚེས་གཅིག་གསལ་རྒྱལ་གྱིས་ནི་མཆོད་པའི་ཚེ།། ཚེམས་ཤིང་ས་ལ་བཙུགས་པས་ལྗོན་ཤིང་སྐྱེས།། དཔག་ཚད་ལྔ་བརྒྱར་ཁྱབ་པའི་ལོ་འབྲས་སྨིན།། དྲི་རོས་སྐྱེ་བོ་ཚིམས་མཛད་ཕྱག་འཚལ་ལོ།། ཚེས་གཉིས་ཨུ་ཏྲ་ཡ་ནས་མཆོད་པའི་ཚེ།། གཡས་གཡོན་གཉིས་སུ་རིན་ཆེན་རི་གཉིས་སྤྲུལ།། རི་རྩེ་ལ་སྐྱེས་འབྲས་དང་ཤིང་རྣམས་ཀྱིས།། མི་དང་དུད་འགྲོ་ཚིམས་མཛད་ཕྱག་འཚལ་ལོ།།

༄༅།།ཤར་གངས་རི་དཀར་པོའི་རྩེ་མོ་ན།། སྤྲིན་དཀར་པོ་གནམ་ལ་སྙེགས་འདྲ་བ།། དེ་མཐོང་བའི་མོད་ལ་བླ་མ་དྲན།། དྲིན་བསམས་ཤིང་བསམས་ཤིང་དད་པ་སྐྱེ།། སྤྲིན་དཀར་པོ་ལྡིང་བའི་ཤར་ཕྱོགས་ན།། འབྲོག་དགེ་ལྡན་རྣམ་པར་རྒྱལ་བ་དེར།། མཚན་བརྗོད་པར་དཀའ་བའི་དྲིན་པོ་ཆེ།། ཕ་བློ་བཟང་གྲགས་པ་ཡབ་སྲས་བཞུགས།།

གཙང་གི་ལོ་གསར་གྱི་བཀྲ་ཤིས་སྨོན་ཚིག རྩོམ་པ་པོ། ལྷ་སྒང་ཆོས་གྲགས། མེ་ལྷས་དྲོད་ཀྱིས་མ་བཏང་ཐབ་ཁ་ན། ། རྫས་སྣ་རོ་བཅུད་མ་ཤོར་དགུ་ཐུག་འཁོལ། ། ཨ་མས་ཕྱག་གིས་མ་དོར་ཐབ་ཚང་ན། ། ནང་མི་ལྷན་འཛོམས་དགོད་སྒྲའི་དུ་ཞགས་འཁྱིལ། ། བགྲེས་སོང་ཚེ་རིང་གྲལ་མགོ་ཡ་ན་བརྗིད། ། བུ་ཆུང་ནོར་བུ་གྲལ་སྨད་མ་ན་མཛེས། ། བཞུགས་གྲལ་བང་རིམ་མ་འཆོལ་ལྟ་ན་སྡུག ། བདེ་སྐྱིད་ཁང་བཟང་བཀྲ་ཤིས་རྟགས་བརྒྱད་འཛོམས། །