དང་པོ། <ཤུ
ལ་འཚོལ་>ལས། དགུང་ལོ་བཅུ་གཅིག་
ལ་ཕེབས་སྐབས་ཐག་རིང་ཡུལ་དུ་ཞུ
གས་པའི་སྐུ་ཞང་གི་མདུན་དུ་ཡི་གེ
་འབྲི་ཀློག་སྦྱོང་བར་གཏོང་གནང་
མཛད། རྣམ་དཔྱོད་ལྡན་པའི་བྱིས་པ་གང་
དེས་སྐུ་ཞང་གི་དྲུང་ནས་ཡི་གེ་
འབྲི་ཀློག་ལ་ཐོགས་པ་མེད་པར་གྱུ
ར་ནས་མི་རིང་བར་ཤེས་བྱའི་གནས་ལ་
རང་སོ་སོས་བརྩོན་པ་བྱེད་ཐུབ་པའི
་ཚད་དུ་སླེབས། ཞེས་ཟེར་རོ། ཕྲན་གྱི་གསལ་བཤད། དེ་ནི་དོན་དངོས་ཀྱི་ལོ་རྒྱུས་མ་
ཡིན་ཏེ། རྗེ་བཙུན་དྷརྨ་བྷ་དྲ་མཆོག་ལ་རང་
ཁྱིམ་ནས་སྐུ་ཞང་སོགས་ཀྱིས་ཡི་གེ
་འབྲི་ཀློག་ཚར་རེ་ཟུང་བསླབ་རྗེ
ས་གཙོ་བོ་སྐྱེས་སྟོབས་ཀྱི་མཁྱེ
ན་དཔྱོད་དང་བླ་ན་མེད་པའི་ཐུགས་
བརྩོན་འབའ་ཞིག་གི་སྟོབས་ཀྱིས་
མཁྱེན་པ་ལས་ཐག་རིང་ཡུལ་ལ་ཡི་གེ་
སྦྱོང་བར་ཕེབས་པའི་ལོ་རྒྱུས་མེ
ད། དེ་ལྟར་མ་ཡིན་ན་རྗེ་ཉིད་ཀྱི་གསུ
ང་ལས། དེ་སྐབས་སློབ་མཁན་དཀོན་དྲགས་པ་
མིན་པ་ཟུར་ཙམ་རེ་སློབ་མཁན་འབྱོ
ར་ན་ཤེས་པ་ལ་དཀའ་ལས་མེད་པ་ཞིག་
ཡོང་ཞེས་གསུངས་པ་དང་། ཐུགས་སྲས་ངག་དབང་སྙན་གྲགས་དང་
དབྱངས་ཅན་གྲུབ་པའི་རྡོ་རྗེ་རྣམ་
གཉིས་ཀྱིས་རྗེ་དེའི་ཀ་ཁ་མཁྱེན་
ཚུལ་གཅིག་པུ་ཡང་རང་ཅག་རྣམས་ཀྱི་
བློ་ཡུལ་ལས་འདས་པ་ཡིན་ཚུལ་གསུ
ངས་(༡)པ་དེ་དག་འུད་བརྗོད་འབའ་ཞི
ག་ཏུ་ཐལ་བའི་སྐྱོན་ཡོད། ཡི་གེ་འབྲི་ཀློག་གི་རྣམ་ཐར་དེ་
གསལ་པོ་ཞིག་ཞུ་རྒྱུ་ཡོད་རུང་ཚི
ག་མང་བར་དོགས་ནས་མ་བྲིས་སྟེ། ཞིབ་ཏུ་མཁྱེན་འདོད་ན་རྗེ་ཉིད་ཀྱི
་རྣམ་ཐར་ཆེན་མོར་གཟིགས་ཤིག
གཉིས་པ། <ཤུལ་འཚོལ་>ལས། དགེ་འཕེ
ལ་དགོན་དུ་སྐུ་ཡོན་མཐོ་བའི་བཙུ
ན་པ་ངག་དབང་རྡོ་རྗེ་ཞུ་བ་ཞིག་ཡོ
ད་པ་དང་། ཁོང་གིས་དག་ཡིག་སྐོར་གྱི་དཔེ་དེ
བ་ཅིག་བརྩམས་གནང་ཡོད་པས། ས་གནས་དེ་གར་སྙན་གྲགས་ཆེ་བས་དངུ
ལ་ཆུ་དྷརྨ་བྷ་དྲས་བཙུན་པ་དེའི་
ཞབས་ལ་གཏུག་འདོད་ཀྱི་འདུན་པ་དྲ
ག་ཏུ་སྐྱེས་ཞེས་ཟེར་རོ། ཕྲན་གྱི
་གསལ་བཤད། སྤྱིར་ན་མཁས་གྲུབ་ངག་དབང་རྡོ་
རྗེས་མཛད་པའི་དག་ཡིག་སྐོར་གྱི་
ལྗགས་རྩོམ་ཞིག་ཡོད་མོད། དེ་དུས་སྔགས་ཀློག་ཐབས་དེ་བརྩམས་
ཟིན་པ་འདྲ་བ་ལས་དག་ཡིག་སྐོར་དེ་
བརྩམས་ཡོད་མིན་གསལ་པོ་མི་འདུག་
ལ། བརྩམས་ཟིན་པའི་དབང་དུ་བཏང་ཀྱང་། དེའི་རྐྱེན་གྱིས་མཚན་སྙན་ཆེན་པོ
་རྒྱས་སོང་བ་རེད་མི་འདུག དེའི་རྒྱུ་མཚན་ཡང་མཁས་གྲུབ་ངག་
དབང་རྡོ་རྗེ་ནི་ཆོས་ཉམས་ལེན་
འབའ་ཞིག་ལ་བརྩོན་པའི་བླ་མ་ཚེ་
མཚམས་པ་ཞིག་ཡིན་པས་དེ་དུས་གཞན་
དང་སྡུར་ན་མཚན་སྙན་ཆེན་པོ་ཡོད་
མཁན་དེ་འདྲ་མིན་ཅིང་། རྗེ་བཙུན་དྷརྨ་བྷ་དྲའི་སློབ་དཔོ
ན་དུ་གྱུར་བའི་ལོ་རྒྱུས་ནི་འདི་
ལྟ་སྟེ། རྗེ་བཙུན་དྷརྨ་བྷ་དྲ་བཀྲ་ཤིས་
དགེ་འཕེལ་དགོན་དུ་ཕེབས་པའི་ལོ་
དེར་ཐོག་མར་མཁས་གྲུབ་ངག་དབང་རྡོ
་རྗེས་དངོས་སུ་ཕྱག་བྲིས་མཛད་པའི
་དགའ་ལྡན་ལྷ་བརྒྱ་མའི་དཔེ་ཆ་ཞི
ག་གཟིགས་ཅིང་། དེ་གཟིགས་པ་ཙམ་གྱིས་ཁོང་ལ་དད་པ་
ཆེན་པོ་འཁྲུངས་ཏེ། སྐུ་གམ་དུ་བཅར་ཆོག་པའི་གནང་བ་ཞུ
ས། དེ་རྗེས་ཞལ་མཇལ་བ་ཙམ་གྱིས་ཐུགས་
དད་རབ་ཏུ་འཁྲུངས་ནས་སྤྱན་ཆབ་
དབང་མེད་དུ་ཤོར་འདུག་ཅིང་། དེ་ནི་སྐུ་ཚེ་སྔ་མ་མང་པོར་བླ་སློ
བ་ཀྱི་འབྲེལ་བ་ཡོད་པའི་རང་རྟགས་
རེད་ཅེས་གསུངས་(༢)འདུག མ་ཟད་ད་བར་མཁས་གྲུབ་ངག་དབང་རྡོ་
རྗེའི་མཚན་གྱི་སྙན་པ་གནས་ཐུབ་པ་
འདི་ཡང་རྗེ་བཙུན་དྷརྨ་བྷ་དྲས་ཁོ
ང་གི་གསུང་འབུམ་བསྡུ་བསྒྲིགས་ལ་
སོགས་པ་ཚུལ་བཞིན་མཛད་པའི་དབང་གི
ས་ཡིན་པར་གསུངས་(༣)པ་ལས་དག་ཡིག་
མཛད་དེ་སྙན་གྲགས་རྒྱས་ཟེར་བ་ནི་
ཁུངས་མེད་པའི་གཏམ་ཡིན་ནོ། །
གསུམ་པ། <ཤུལ་འཚོལ་>ལས། དངུལ་ཆུ
་དྷརྨ་བྷ་དྲ་ནི། དཔེ་ཆར་དབུ་འཁོར་ནས་ཞུགས་པའི་རྐྱེ
ན་གྱིས་འཚོ་བའི་དགེ་རྒན་གྱི་དགོ
ངས་པ་དང་ཡོངས་སུ་འགལ། དངུལ་ཆུ་དྷརྨ་བྷ་དྲ་དགུང་ལོ་བཅུ
་དྲུག་ལ་ཕེབས་སྐབས་འཚོ་བའི་དགེ་
རྒན་ཐབས་ཟད་ནས་ཁོང་ལོགས་སུ་སྡོ
ད་དགོས་ལུགས་བརྗོད་གནང་བ་དང་། ཞེས་ཟེར་རོ། །
ཕྲན་གྱི་གསལ་བཤད། ཁོང་ཉིད་དགུང་ལོ་བཅུ་དྲུག་ཏུ་ཕེབས་སྐབས་ཤག་ཚང་ལོགས་སུ་ཞུགས་ཡོད་པ་བདེན་པ་ཡིན་ལ་དེའི་རྒྱུ་མཚན་གསལ་པོ་མེད་མོད། སྐབས་དེར་འཚོ་བ་དང་ཞུགས་ཤག་ཐད་ནས་དཀའ་ངལ་ཆེན་པོ་ཡོད་པས་ཡིན་སྲིད། འོན་ཀྱང་དཔེ་ཆར་དབུ་འཁོར་ནས་ཞུགས་པའི་རྐྱེན་གྱིས་འཚོ་བའི་དགེ་རྒན་གྱི་དགོངས་པ་དང་ཡོངས་སུ་འགལ་ཟེར་བ་ནི་དོན་དངོས་ཡིན་དཀའ་སྟེ། ཁོང་གི་དགེ་རྒན་དགེ་སློང་སྦྱིན་པ་ཞུ་བ་དེ་ཡོན་ཏན་ཆེན་པོ་དེ་འདྲ་མིན་ཀྱང་ཚུལ་ཁྲིམས་གཙང་ཞིང་ཐུགས་སེམས་བཟང་བ་རྗེ་ཉིད་ལ་སྐུ་དྲིན་ཆེ་བ་ཞིག་ཡིན་པར་གསུངས་(༤)པ་ལ་དཔག་ན། གྲྭ་རྐྱང་སློབ་གཉེར་བ་ཞིག་གིས་སློབ་གཉེར་གཙོ་བོ་བྱས་པ་ལས་འཚོ་བ་གཙོ་བོར་མ་བྱས་པའི་དབང་གིས་དགོངས་པ་འགལ་འགྲོ་མཁན་གྱི་དགེ་རྒན་ཐབས་སྡུག་དེ་འདྲ་ཡིན་ས་མ་རེད།
བཞི་པ། <ཤུལ་འཚོལ་>ལས། དབང་ཕྱུག་ཆོས་བཟང་དུ་གྲགས་པའི་མཁས་པ་དེར་ཕྱིས་སུ་མི་རྣམས་ཀྱིས་དྷརྨ་བྷ་དྲ་ཞེས་བསྟོད་པའི་ཚུལ་གྱིས་འབོད་པ་དེ་ནི་ལེགས་སྦྱར་གྱི་སྐད་ཡིན། མཚན་དེ་ནི་མི་རྣམས་ཀྱིས་བོད་སྐད་ནས་ལེགས་སྦྱར་སྐད་དུ་རང་དགར་དོན་བསྒྱུར་བྱས་པ་ཁོ་ན་མ་ཡིན་པར། ཕྱི་རབས་པ་ཚོས་མཁས་དབང་འདི་གཙུག་ཏུ་བཀུར་བ་མཚོན་པ་མ་ཟད། ཇི་སྲིད་བར་དུ་མཁས་དབང་འདི་གའི་མཚན་དངོས་དབང་ཕྱུག་ཆོས་བཟང་གི་ཚབ་ཏུ་གྱུར་ཟིན་ཏོ།ཞེས་གསུངས།
ཕྲན་གྱི་གསལ་བཤད། བཤད་ཚུལ་འདི་ལ་མི་འགྲིག་པ་ཆེར་མེད་མོད། ཀློག་པ་པོ་རྣམས་ཀྱིས་འདིས་འཁྲུལ་གཞི་བྱས་ཏེ། དྷརྨ་བྷ་དྲ་ཞེས་པའི་མཚན་དེ་ཕྱི་རབས་པ་རྣམས་ཀྱིས་བསྟོད་པའི་ཚུལ་དུ་བཏགས་པར་ངོས་འཛིན་མི་རུང་། དེ་ཡང་དྷརྨ་བྷ་དྲ་ཞེས་པའི་མཚན་དེ་ཐོགས་ཚུལ་ནི་འདི་ལྟ་སྟེ། རྗེ་ཉིད་དགུང་གྲངས་ཉེར་གཉིས་ལ་ཕེབས་སྐབས་ཁོང་གི་བླ་མ་གྲུབ་པའི་དབང་ཕྱུག་བློ་བཟང་སྐལ་བཟང་ཆོས་རྒྱལ་དཔལ་བཟང་པོ་དང་མཇལ་ཞིང་། དེ་ནས་བཟུང་སྟེ། ཁོང་གི་མདུན་ནས་ཆོས་མང་པོ་གསན་ཅིང་། ཁོང་གི་བཀའ་རྩོམ་འགའ་ཞིག་གི་ཕྱག་བྲིས་པ་ཡང་མཛད། དེ་དུས་སྐབས་རེ་ཡི་གེ་པ་ནི་དྷརྨ་བྷ་དྲའོ་ཞེས་དང་སྐབས་རེ་ཡི་གེ་པ་ནི་དགེ་སློང་སུ་དྷརྨེ་ཤྭ་ར་ཞེས་བྲིས་གནང་འདུག་པ་ལ། ཁོང་གི་བླ་མ་དེ་ཉིད་ཀྱིས། ད་ཕྱིན་ཆད་འཇུག་པ་བདེ་ཞིང་དགོས་པ་ཆེ་བས་དྷརྨ་བྷ་དྲ་གསུངས་ན་ལེགས་ཚུལ་གསུངས་(༥)པ་ལྟར། དེ་རྗེས་བཀའ་རྩོམ་རྣམས་ཀྱི་སྦྱར་བྱང་དུ་དྷརྨ་བྷ་དྲ་ཞེས་པའི་མཚན་དེ་བེད་སྤྱོད་གནང་བས་ཕྱིས་སུ་དེ་ལྟར་ཡོངས་སུ་གྲགས་པ་རེད་འདུག
བརྗོད་བྱ་དངོས་ལས་དབྱངས་ཅན་གྲུ
བ་པའི་རྡོ་རྗེའི་སྐོར་བཤད་པ།
དང་པོ། < ཤུལ་འཚོལ་>ལས། འཇམ་དཔལ་རྡོ་རྗེ་སྐུ་ན་ཆུང་དུས་ཐུགས་གཤིས་རྒོད་པས་ཁྱིམ་མི་རྣམས་རྟག་ཏུ་ཅི་བྱ་གཏོལ་མེད་ཀྱི་གནས་ལ་ལྷུང་དུ་བཅུག་གི་ཡོད། ཁོང་དགུང་ལོ་ལྔ་ལ་ཕེབས་སྐབས་ཡབ་ཡུམ་གཉིས་པོས་དགོན་པར་བསྐྱལ་ནས་ཁུ་བོ་དྷརྨ་བྷ་དྲའི་དྲུང་ནས་ཀ་ཁ་སློབ་སྦྱོང་དང་དཔེ་ཆ་འདོན་སྟངས་བསླབ། དོན་དམ་པར་དེ་དག་ནི་སློབ་སྦྱོང་གི་ཆེད་དུ་མ་ཡིན་པར། ཁྱིམ་ཚང་ནང་སྐབས་ཅིག་རིང་ཁ་ཁུ་སིམ་པོ་ཡོང་བའི་ཆེད་དང་། ཁོང་གི་གཤིས་སྤྱོད་ཞི་དུལ་དུ་འགྲོ་ཆེད་ཡིན་ཟེར་རོ།།
ཕྲན་གྱི་གསལ་བཤད། སྤྱིར་ན། དབྱངས་ཅན་གྲུབ་པའི་རྡོ་རྗེ་དེ་ཉིད་སྐུ་ན་ཕྲ་བའི་དུས་སུ་ཐུགས་གཤིས་རྒོད་པོ་ཡོད་ཟེར་བའི་ངག་རྒྱུན་ཞིག་འདུག་མོད། ཕ་མ་དང་དགེ་རྒན་ཚང་མ་འུ་ཐུག་དགོས་པ་དེ་འདྲ་ཞིག་ཡིན་ཚོད་མི་འདུག་ ཡང་སྒོས་རྗེ་བཙུན་དྷརྨ་བྷ་དྲས་ཆུང་ངུའི་དུས་ནས་ཐུགས་ཤིན་ཏུ་མཉེས་པར་མཛད་པ་ཡིན་ཏེ། ཐོག་མར་དབྱངས་ཅན་གྲུབ་པའི་རྡོ་རྗེ་སྐུ་འཁྲུངས་པ་གསན་པ་ན། ཐུགས་དགྱེས་པ་ཆེན་པོའི་སྒོ་ནས། ཤེས་རབ་འཕེལ་བའི་ཆེད་དུ་འཇམ་དབྱངས་དང་། ཚེ་རིང་བའི་ཆེད་དུ་རྡོ་རྗེ་ཞེས་པའི་མིང་འདོགས་པར་མཛད། དགུང་ལོ་བཞི་ལ་ཕེབས་སྐབས་མཇལ་ཁར་བཅར་ནས་ཡུམ་དེ་ཕྱིར་ལོག་ཀྱང་། བྱིས་པ་ཆུང་ཆུང་དེ་ཉིད་ཁུ་བོ་དྷརྨ་བྷ་དྲའི་དྲུང་དུ་ཞག་སྡོད་མཛད་ཅིང་། ཉིན་མཚན་གང་དུ་ཡང་ངུ་བ་སོགས་གཏན་ནས་མ་མཛད། དེ་རྗེས་རི་ཁྲོད་དུ་ཞག་བརྒྱད་ཞུགས་ཤིང་། རྗེས་སུ་ཇི་ཙམ་ཞུགས་ཀྱང་ཞུགས་མི་ཚུགས་པ་མེད། སྐུ་ཆས་ཕར་སྐྱེལ་སོགས་ལ་ཐུགས་དྲུང་པོ་ཡོད་པས་ཤིན་ཏུ་མཉེས་པོ་མཛད་ཅིང་། ཤེས་རབ་ཆེན་པོ་ཡོད་པ་ལ་ཧ་ལས་པའི་ཚུལ་མཛད། དགུང་ལོ་ལྔ་ནས་ཀ་ཁ་སློབ་གནང་བ་ན་འབད་རྩོལ་ཆེན་པོ་མི་དགོས་པར་ཤེས་ཤིང་། ངོ་མཁྱེན་པ་ཕལ་མོ་ཆེས་སྲས་པོ་འདི་སྔོན་སྦྱངས་ཁྱད་པར་དུ་འཕགས་པ་ཞིག་རེད་ཅེས་ཧ་ལས་པའི་རྣམ་འགྱུར་བསྟན་ཡོད་པ་ཁོང་ཉིད་ཀྱི་ཞལ་ནས་གསུངས་ཤིང་། དབྱངས་ཅན་གྲུབ་པའི་རྡོ་རྗེའི་དངོས་སློབ་དབྱངས་ཅན་དགྱེས་པའི་རྡོ་རྗེས་ཀྱང་། དེ་ལྟར་བྱིས་པའི་སྐབས་སུ་ལང་ཚོ་དང་ཉོན་མོངས་སྟོབས་སུ་མ་ལོང་པའི་རྐྱེན་གྱིས་སྤྱོད་པ་ངན་པའི་འདམ་རྫབ་ཀྱིས་ནི་ཆེར་མ་གོས་ཞེས་གསུངས་(༦)པ་ལ་དཔག་ན། ཁོང་ཉིད་ཆུང་ངུའི་དུས་སུ་ཕ་མ་དང་དགེ་རྒན་ཚང་མ་འུ་ཐུག་པར་བྱེད་མཁན་གྱི་བྱིས་པ་འཚུབ་པོ་དེ་འདྲ་རེད་མི་འདུག
གཉིས་པ། < ཤུལ་འཚོལ་>ལས། དྷརྨ་བྷ་དྲའི་དམིགས་ཚད་ནི་འཇམ་དཔལ་རྡོ་རྗེས་འཇིག་རྟེན་པའི་འཚོ་བ་ལ་སྤྱོད་སྒོ་ཆོད་པའི་རིག་པའི་གནས་ཙམ་ལ་སྦྱངས་ནས་ཕྱིས་སུ་ཁྱིམ་དུ་ཕྱིར་ལོག་སྟེ་སྐྱ་མིའི་འཚོ་བ་བསྐྱལ་རྒྱུའི་དགོངས་གཞི་ཡིན་ཟེར་རོ། །
ཕྲན་གྱི་གསལ་བཤད། དེ་ནི་རྫུན་གཏམ་འབའ་ཞིག་ཡིན་ཏེ། གཏམ་དེ་ལ་ཁུངས་མེད་ཅིང་དེ་ལས་ལྡོག་སྟེ། དགེ་ལྡན་བསྟན་པའི་ཉི་འོད་ལས། དེ་ལྟར་བྱིས་པའི་སྐབས་སུ་ཤེས་རབ་ཆེ་བ་སོགས་ལ་བརྟེན་ཕ་མ་གཉིས་དང་ལྷག་པར་རྗེ་བླ་མ་མཆོག་ནས་བཙུན་པ་ཞིག་ལ་འཇུག་རྒྱུའི་དགོངས་པ་ནར་མར་ཡོད་ཅེས་གསུངས་(༧)པའི་ཕྱིར།
གསུམ་པ། <ཤུལ་འཚོལ་>ལས། སྐུ་ཚེ་གང་པོར་ཐོས་བསམ་ལ་བཞུགས་པའི་དགེ་འཕེལ་དགོན་ནས་རྡོག་ཐོན་གནང་། ཁོང་ཕེབས་ཡུལ་ནི་ལྷ་ས་ཡིན་ཞིང་། ཁོང་གི་དགོངས་གཞི་ནི་བརྡ་སྤྲོད་གཞུང་ལུགས་སི་ཏུའི་ཞལ་ལུང་དེ་རིག་གནས་ཀྱི་ལྟེ་བར་གྱུར་བའི་ལྷ་སར་ཁྱབ་སྤེལ་གནང་རྒྱུ་དེ་ཡིན་ཞེས་ཟེར་རོ། །
ཕྲན་གྱི་གསལ་བཤད། སྐུ་ཚེ་གང་པོར་ཐོས་བསམ་ལ་བཞུགས་པའི་དགེ་འཕེལ་དགོན་ནས་རྡོག་ཐོན་གནང་ཟེར་བ་དེ་དོན་དངོས་མ་རེད། ཁོང་ཉིད་དགེ་འཕེལ་དགོན་དུ་དགུང་ལོ་བཅུ་གཅིག་ནས་ཉེར་དགུའི་བར་མ་གཏོགས་ཞུགས་ཡོད་མ་རེད། དགུང་ལོ་ཉེར་དགུ་ནས་དངུལ་ཆུར་སྐུ་ཞུགས་གནང་བ་རེད་ལ་ཐོས་བསམ་མཛད་ས་གཙོ་བོ་དངུལ་ཆུར་རེད། ལྷ་སར་ཕེབས་དུས་ཀྱང་དངུལ་ཆུ་རི་ཁྲོད་ནས་ཕེབས་གནང་བར་གསུངས་(༨)ཡོད། ལྷ་སར་ཕེབས་དོན་ཡང་ཁྱེད་རང་གིས་གསུངས་པ་དེ་ཁོང་གི་དགོངས་བཞེད་ཀྱི་ཆ་ཤས་ཞིག་ཡིན་ཆོག་ཀྱང་དེ་ཙམ་མ་རེད། གཙོ་བོ་མཁས་གྲུབ་ངག་དབང་རྡོ་རྗེ་དང་། རྗེ་བཙུན་དྷརྨ་བྷ་དྲ། ཁོང་རང་ཉིད་བཅས་ཀྱི་གསུང་འབུམ་གྱི་ལྗགས་ལུང་གནང་རྒྱུ་དང་། དེ་ལས་གཞན་པའི་དབང་མང་པོ་གནང་རྒྱུ། ཇོ་ཤཱཀ་རྣམ་གཉིས་དང་རྒྱལ་བ་སྐུ་ཕྲེང་བཅུ་གཉིས་པའི་གསེར་ཞལ་མཇལ་རྒྱུ་དང་། གདན་ས་ཁག་ལ་ཆོས་མཇལ་ཞུ་རྒྱུ་སོགས་ཡིན་པ་རྣམ་ཐར་ནང་(༩)གཟིགས་ན་གསལ་པོ་རེད།
གཞན་ཡང་། དགུང་ལོ་བཅུ་དགུར་དྷརྨ་བྷ་དྲའི་དྲུང་དུ་བཅར་ནས་དངོས་སུ་སློབ་དཔོན་དུ་བསྟེན་ཟེར་བ་དེ་ཡང་དོན་ལ་གནས་པ་མ་ཡིན་མོད། དེའི་སྐོར་ལོགས་སུ་བཤད་འཆར་ཡིན་པས་འདིར་མ་སྤྲོས་ལ། དབྱངས་ཅན་གྲུབ་པའི་རྡོ་རྗེ་ལྷ་སར་ཕེབས་ནས་ཕྱིར་ལོག་གནང་རྗེས་སུ་ལེགས་བཤད་ལྗོན་དབང་སོགས་རྩོམ་གནང་ཚུལ་བཤད་པ་དེ་ཡང་བདེན་པ་མ་ཡིན། དེ་ནམ་ཞིག་ལ་རྩོམ་གནང་མིན་སྐོར་ལ་སྔོན་ཆད་རྩོམ་ཞིག་བྲིས་ཟིན་ཅིང་། ད་དུང་ཡང་ལོགས་སུ་བཤད་འཆར་ཡོད་པས་འདིར་མ་སྤྲོས་སོ། །
མཇུག་བསྡུའི་གཏམ།
