ལོ་མང་འབད་བརྩོན་བྱས་པ་བརྒྱུད་ ༢༠༡༦ ལོའི་ཟླ་བ་ ༥ པར་སྒྲུང་རིང་ ༼མེ་ཏོག་དང་རྨི་ལམ་༽ པར་སྐྲུན་བྱས་རྗེས་མདོ་དབུས་ཁམས་གསུམ་གྱི་ཀློག་པ་པོའི་ཁྲོད་དུ་ཚུར་སྣང་ལན་ཆ་ཆེ་ཙམ་བྱུང་བ་དང་བསྔགས་བརྗོད་ཀྱི་མེ་ཏོག་དང་སྦྲགས་སྐད་འཕྲིན་དང་། ཚགས་པར། དུས་དེབ་སོགས་ཀྱི་སྟེང་དཔྱད་གཏམ་སྤེལ་ནས་གྲོས་བསྡུར་འཁྲུག་པོ་བྱས། དེ་བཞིན་རྩོམ་ཡིག་ཁག་གཅིག་ལ་སྐབས་གསུམ་པའི་སྦྲང་ཆར་རྩོམ་རིག་བྱ་དགའ་དང་། སྐབས་གཉིས་པའི་གངས་རྒྱན་བུམ་པའི་བྱ་དགའ་ཐོབ་མྱོང་། ད་ལྟ་ཁོང་ནི་ཀྲུང་གོའི་རྩོམ་པ་པོ་མཐུན་ཚོགས་ཀྱི་ཚོགས་མི་ཡིན།
