ས་བཅད་བཞི་པ། དུས་བཞིའི་གལ་ཆེའི་སྲོལ་རྒྱུན་གྱི་སོ་ནམ་བྱེད་སྒོ། ༼༥༤༽
དབྱར་ཆར་པའི་དཀྱིལ་ལ་ངས་བསྡད། །
དགུན་རླུང་བུའི་དཀྱིལ་ལ་ངས་བསྡད། །
མི་ཆེན་གསེར་གྱི་རྡོ་བཞུགས་ཡོད་པས། །
ཨ་མ་ནོར་ལྷ་སྐྱིད་འཛོམས་བཞུགས་ཡོད་པས། །
དེ་སྐད་ཅེས་བཀའ་བཀྱོན་གི་ཚུལ་དུ་་གསུང་བྱོན་པ་དང་། ཀླུ་གཡོག་རྣམས་ཀྱིས་གུས་ཞབས་ཆེན་པོས།
ཀླུ་མོ་ཁྱེད་ལ་ཐུགས་ཁག་མི་འདུག
དབྱར་ཆར་པའི་དཀྱིལ་ལ་ཁྱེད་ཀྱིས་བཞུགས།།
དགུན་རླུང་བུའི་དཀྱིལ་ལ་ཁྱེད་ཀྱིས་བཞུགས།།
ད་ཡིན་ན་ཁྱེད་རང་དེ་རུ་མ་བཞུགས།།
དེ་རུ་བཞུགས་ན་གཞོན་པའི་རྒྱ་ཟོར་ཚེས་བརྒྱད་ཟླ་བ་འདྲ་བ་དེས།།
ཁྱེད་ཀྱི་ཞབས་དང་རྐང་པ། ཕྱག་དང་ལག་པ་བཅས་པ་བྲེག་ཡོང་།།
བཅད་ཡོང་། བཞུར་ཡོང་།།
ནག་མོའི་འགབ་ཡོལ་དང་། ཁྱི་གུའི་གཅིན་ཟེར་བཏང་ཡོང་།།
ད་ཁྱེད་རང་འདི་རུ་མ་བཞུགས།།
དེ་ལས་གཡུག་ཁ་བཀྲ་ཤིས་སྒོར་མོའི་ནང་ལ།།
འོང་གཡང་བསམ་པའི་དོན་གྲུབ་བཀྱག་ནས་ཕེབས་ཤོག
བཀྱག་ནས་མ་ཕེབས་ན་དྲུས་ནས་ཕེབས་ཤོག ཅེས་ཞུས་པ་དང་།
ཀླུ་མོས་འདི་སྐད་ཟེར་རོ།།
ཨ་མ་ཀླུ་རྒྱལ་ང་འོང་། གཡོག་བསམ་པའི་དོན་གྲུབ་དྲུས་ནས་ཕེབས་དུས།།
གཡས་ལ་དཔའ་བོ་བརྒྱ་ཡི་སྲུང་མ་ཡོད་པས།།(ཡོད་དམ་)
གཡོན་ལ་དཔལ་མོ་སྟོང་གི་བསུ་མ་ཡོད་པས།།
སྟག་ཤར་གཞོན་པའི་རྦད་དང་ལྗགས་སྐྱེམས་ཡོད་པས།།
སྨན་ཆུང་བུ་མོའི་རྐང་བྲོ་གླུ་གཞས་ཡོད་པས།།
སྟར་སྡོང་ཁམ་སྡོང་ཡོད་པས།།
ཇ་དཀར་ཤེལ་དཀར་ཡོད་པས།།
ཛ་ཏི་ཛ་དམར་ཡོད་པས།།
རྒྱ་མཚོའི་ལྦུ་བ་ཡོད་པས།།
དབང་པོའི་ལག་པ་ཡོད་པས།།
དུང་དཀར་གཡས་འཁྱིལ་ཡོད་པས།།
ཀླུ་གཡག་སྔོན་པོ་ཡོད་པས།།
ཙན་དན་མེ་ལ་བསྲེགས་པའི་སོལ་བའི་མདུང་ཤིང་ཡོད་པས།།
ཞི་མི་ནག་པོའི་སྒོ་ང་ཡོད་པས།།
ཀླུ་མོ་ཁམ་པ་(ལུག་གྲོ་ལོ་)ཡོད་པས། ཞེས་མདོར་ན་ཀླུ་རྫས་ཀྱི་རིགས་མེད་པ་མཐའ་དག་ཡོད་པས་ཞེས་ཀུ་རེའི་ཚུལ་དུ་འདྲི་བར་བྱེད་ཅིང་། དེར་ཀླུ་གཡོག་གིས་ཚང་མ་ཡོད་ཟེར་དགོས་པ་ལས། མེད་ཅེས་བརྗོད་སྲོལ་མེད། དེ་རྗེས་ཀླུ་མོས་འདི་སྐད་ཅེས་བྱའོ།།
ཡོང་ཁུངས། ཡར་ཀླུང་སྤྲིན་ཆར།
