གངས་ལྗོངས་བོད་ཆོས་སྲིད་གཉིས་ལྡན་རྒྱལ་ཁབ་ཀྱི་ཞོལ་དམག་སྤྱི་ཁང་ཆེན་མོ་དང་། ཀ་མད་རིམ་པའི་དམག་སྒར་ཁག་དང་མདའ་དཔོན་རྣམ་པའི་མཚན་གཞུང་འདི་ཕྱི་ལོ་1950ལོའི་སྐབས་ཀྱི་ཡིན།
གཤམ་གྱི་བོད་རྒྱལ་ཁབ་ཆེན་པོའི་ཞོལ་དམག་སྤྱི་ཁང་གི་ལོ་རྒྱུས་དུང་དཀར་ཚིག་མཛོད་ལས་དྲངས།
པར་རིས། ནོར་གླིང་ཀ་དང་སྐུ་སྲུང་དམག་སྒར་གྱི་དམག་མི།
མདུན་གྲལ་དེང་རབས་དམག་གོས་(དམག་རྟགས་རང་ལུགས་)དང་། རྒྱབ་གྲལ་རང་ལུགས་དམག་གོས།
དེ་སྔ་བོད་ས་གནས་སྲིད་གཞུང་སྐབས་ཀྱི་དམག་སྤྱི་ལས་ཁུངས་ཞེས་པ་འདི་ནི་རབ་བྱུང་བཅོ་ལྔ་པའི་ཆུ་བྱི(༡༩༡༢)ལོ་ལུའུ་ཅུན་རྒྱ་དམག་མཐར་འབུད་རྗེས་ཆུ་གླང(༡༩༡༣)ལོ་ཏཱ་ལའི་བླ་མ་སྐུ་ཕྲེང་བཅུ་གསུམ་པ་ཆེན་པོ་སྟོན་འཁོར་རྒྱ་གར་ནས་ལྷ་སར་ཞབས་སོར་འཁོད་འཕྲལ་ལྷ་སའི་དམག་དོན་སྤྱི་ཁྱབ་མཁན་དྲུང་བྱམས་པ་བསྟན་དར་ལ་དམག་དོན་བྱས་རྗེས་སུ་བཀའ་བློན་བླ་མ་བསྐོ་བཞག་ཐོག་མདོ་སྨད་ཁུལ་གྱི་ཞི་དྲག་སྤྱི་འདོམས་སུ་ལས་བྱ་དཔོན་རིགས་དང་བཅས་བསྐོ་རྫོངས་གནང་ཚབ་སྤྱན་བསལ་གནམ་གང་ཟླ་བཟང་དགྲ་འདུལ་ལ་ཛ་སག་ཐོག་དམག་སྤྱི་ཆེ་བའི་གོ་གནས་དང་། རྩིས་དཔོན་ཁྲི་སྨོན་ནོར་བུ་དབང་རྒྱལ་ལ་ཐའི་ཇིའི་ཐོག་དམག་སྤྱི་ཆུང་བའི་གོ་གནས་བཅས་བསྐོ་གཞག་གིས་བོད་ལྗོངས་དམག་སྤྱི་ལས་ཁུངས་སམ་དམག་སྤྱི་ཁང་ཞེས་རྩེ་པོ་ཏ་ལའི་མདུན་ངོས་ཞོལ་གོ་མཛོད་རྡོ་རྗེ་གླིང་དུ་དྲག་པོའི་སྤྱི་འདོམས་ལས་ཁུངས་གསར་དུ་འཛུགས་གནང་མཛད། ཐོག་མར་ལས་ཁུངས་དེར་རྒྱུན་ཚུགས་ལས་བྱའི་ཁོངས་སུ་དམག་དྲུང་གཉིས། ལས་བྱ་རྩེ་དྲུང་གཉིས། ལྷ་སྡོད་དམག་སྒར་ཁག་ནས་ཡིག་འབྲི་ལྡིང་དཔོན་ཁ་ཤས། ཕྱིས་འཕར་ལས་བྱ་ཤོད་སྐོར་རིམ་བཞི་གཅིག་དང་། རྩེ་སྐོར་ལས་ཚན་པ་གཅིག་བཅས་ལས་གྲུབ་ཅིང་། ལས་ཁུངས་དེའི་གཙོ་བོའི་ལས་འགན་ནི་སྲིད་གཞུང་དེའི་དྲག་དཔུང་ཁག་གི་སྤྱི་ཁྱབ་བཀོད་འདོམས་བྱེད་དགོས་པ་དང་། ལྷ་སྡོད་དམག་སྒར་དང་། ཕྱོགས་ཐོན་དམག་སྒར་ཁག་གི་ཕོགས་འབྲུ་སྐྱེལ་འདྲེན་དང་། དབྱར་དགུན་གྱོན་བསྡུ། གོ་ལག་རྫས་མདེལ་སྐྱེལ་འདྲེན་གྱི་དོས་རྟ་ལམ་ཡིག་སོགས་ལས་ཁུངས་དེ་ཉིད་བརྒྱུད་བཀའ་ཤག་ནས་ཞུ་དགོས་པ། དམག་སྒར་ཁག་གི་མདའ་དཔོན་བསྐོ་འཐེན་བཀའ་ཤག་ནས་འཆར་ཕུལ་གྱིས་ཏཱ་ལའི་བླ་མའི་ཕྱག་རྟགས་ཞུ་དགོས་པ་དང་། རུ་དཔོན་བསྐོ་འཐེན་སྐབས་དམག་སྤྱི་ཁང་ནས་འཆར་ཕུལ་གྱིས་བཀའ་ཤག་གི་ཕྱག་རྟགས་ཞུ་དགོས་པ། བརྒྱ་ལྡིང་གཉིས་དམག་སྤྱི་ཁང་ནས་བསྐོ་འཐེན་བྱེད་ལམ་ཡོད། ཆུ་བྱི(༡༩༡༢)ལོ་ནས་བཟུང་མདོ་སྨད་ཁུལ་ས་སྲུང་རྒྱ་ཆེ་ཁག་བགོས་ཀྱིས་གཏོང་དགོས་པ་དང་། ལྷ་སར་གཏན་སྡོད་ཀྱི་ཏཱ་ལའི་བླ་མའི་སྐུ་སྲུང་དམག་སྒར། གྲོང་ཁྱེར་བདེ་འཇགས་སྲུང་དམག་བཅས་ཀྱི་དགོས་མཁོར་གཞིགས་ཏེ་དེ་སྔའི་བོད་དམག་སུམ་སྟོང་ཐམ་པའི་ཐོག་འདོན་དམག་ཉིས་སྣ། བཞི་སྣ། བརྒྱད་སྣ། བཅུ་གཉིས་དྲུག་སྣ(གཞུང་རྒྱུགས་རྐང་བཅུ་གཉིས་དང་། སྒེར་ཆོས་འདོན་དྲུག་ལ་ཟེར) གཟིམ་པ་ལྡིང་དཔོན་གྱི་དམག་རྟེན། གྲོང་དྲག་དམག་དཔུང་བཅས་བསྡོམ་ཀ་དང་སྐུ་སྲུང་དམག་སྒར་ནས་མ་དང་གྲོང་དྲག་དམག་སྒར་བར་གསར་འཛུགས་འཕར་སྣོན་བྱས་ཤིང་། དམག་རྩེད་ནི་དེ་སྔ་དབྱིན་ཇིའི་སྐད་བརྡའི་དམག་རྩེད་ཡིན་རུང་། དེ་རྗེས་བོད་སྐད་དུ་བསྒྱུར་བ་དང་། ཀ་དང་སྐུ་སྲུང་དམག་སྒར་ཙམ་མ་གཏོགས་དེ་བྱིངས་དམག་སྒར་ཚང་མའི་གྱོན་ཆས་བོད་ལུགས་ཞེ་གཅིག་ཡིན། དམག་མི་གསར་འཛུགས་བྱེད་ཕྱོགས་དང་། རྣམ་ཀུན་འགོ་དམངས་སོ་སོའི་སྒྲིག་སྲོལ། གོ་བབ་ལམ་ལུགས། ཕྱོགས་ཐོན་སྐབས་ཉིན་ལྟར་ཐོན་སྔ་རྟིང་གི་སྒྲིགས་འཛུགས་ལྡན་པའི་སྒོ་ནས་ཤར་བསྐྱོད་བྱེད་པ་ལས། ལམ་འཁེལ་ཡུལ་འབྲོག་གང་སར་དམག་དམངས་རང་དགར་འགྲོ་བསྐྱོད་མི་ཆོག་པ་སོགས་སྔར་ནས་སྒྲིགས་ལམ་ཡོད་རུང་། ཕྱིས་དམག་ཁྲིམས་གནོན་འདོམས་དང་། དམག་རྩལ་སྦྱོང་བརྡར་སོགས་དུས་བསྟུན་གསར་བཅོས་མ་གནང་མཐུ་མེད་ཀྱིས་རབ་བྱུང་བཅུ་དྲུག་པའི་ལྕགས་སྟག༡༩༥༠ལོ་དམག་ཁྲིམས་དོན་ཚན་སུམ་ཅུ་སོ་ལྔ་གསར་སྒྲིག་བྱས་པ་དང་། དེ་སྔ་དབུས་གཙང་མདའ་དཔོན་སོ་སོར་ཕོགས་རྟེན་མདའ་གཞིས་རེ་ཡོད་ཀྱང་། ཕྱིས་མདའ་དཔོན་རིམ་འཕར་ལ་བརྟེན་མདའ་དཔོན་རེར་ལོ་རེ་ཕོགས་དངུལ་སྲང་དགུ་བརྒྱ་རེ་བསྩལ་ཏེ་མདའ་གཞིས་སོ་སོར་སྤྱི་འགྲེའི་འབབ་བཟོ་མཛད། དེ་སྔ་བོད་དམག༣༠༠༠ལས་མེད་ཀྱང་། ཕྱིས་དམག་གྲངས་རིམ་འཕར་ལ་བརྟེན་རབ་བྱུང་བཅོ་ལྔ་པའི་ས་ལུག༡༩༡༩ལོ་ཞོལ་སྤྱི་ཕོགས་ཁང་བཙུགས་པ་དེར་དོ་དམ་མཁན་རིམ་གཉིས་དང་། ལས་བྱ་སེར་སྐྱ་གཉིས། ཁང་གཉེར། འབོ་ཁ། གད་པ་བཅས་མི་གྲངས་བཅུ་སྐོར་ཡོད་ཅིང་། དེའི་གཙོ་བོའི་ལས་འགན་ནི་འཕན་པོ་དང་བྱང་སྟག་ལུང་། ལྷོ་ཁ་ཁུལ་གྱི་རྫོང་གཞིས་ཁག་དང་། བསྟན་བླ་གཞུང་མཆོད་གཞིས་ཁག་གི་གཞིས་འབྲུའི་བཀར་སྟེང་ནས་ལྷ་སྡོད་དམག་སྒར་ཁག་གི་ཕོགས་འབྲུ་བཏོན་རྒྱ་ཞུས་ཏེ་སྤྱི་ཕོགས་ཁང་དུ་གསོག་ཉར་བྱས་ཐོག་དམག་ཕོགས་དུས་ཐོག་ཏུ་རྒྱག་དགོས་པ་དང་ཕོགས་དངུལ་ཇི་དགོས་འཛིན་སྒྱུར་གྱིས་ལོར་ཁང་ནས་ཞུ་དགོས་པ་བཅས་ཡིན། གཞན་ཡང་དམག་སྤྱི་ལས་ཁུངས་མ་བཙུགས་གོང་གི་བོད་དམག་གི་གནས་ཚུལ་ནི། བོད་འདིར་སྔ་རབས་བཙན་པོའི་སྐབས་སུ་དམག་དོན་སྒྲིག་གཞི་རྒྱ་ཆེ་ལ་དཔུང་སྟོབས་བཙན་པ་སོགས་ཀྱི་ལོ་རྒྱུས་ཡོད་ཀྱང་འདིར་མ་སྤྲོས། བོད་སིལ་བུའི་སྐབས་ནས་བཟུང་བར་སྐབས་དམག་དོན་སྒྲིག་གཞི་ཆ་ཚང་ལྡན་པའི་གཅིག་གྱུར་གྱི་དམག་དཔུང་ཞིག་མེད་ཀྱང་རབ་བྱུང་བཅུ་པའི་ལྕགས་ཕག(༡༦༡༧)ལོ་ཙམ་ལ་གཙང་པའི་དུས་ཀྱི་རྒྱལ་ཐོག་གཉིས་པ་ཕུན་ཚོགས་རྣམ་རྒྱལ་གྱི་སྐབས་ཁལ་ཁ་ཚུ་ཁུར་སོག་དམག་བོད་འཛུལ་མཐར་སྐྲོད་གཏོང་སྐབས་སུ་སྟོད་གཙང་ཁུལ་ནས་རྟ་རྐང་ཞེས་ས་རྟེན་ལ་འགེལ་དཀྲི་བྱས་པའི་དམག་རྟ་མི་གོ་རང་འགྲིག་དམག་གྲངས་སུམ་སྟོང་དྲུག་བརྒྱ་སྐོར་བསྐོང་འགུག་བྱས་ཏེ་སེང་གེ་རྩེ་གཡས་རུ་དང་པོའི་ཁོངས་སོགས་གཡས་རུ་དང་། གཡོན་རུའི་དམག་མི་འཁྲི་ཁུངས་ཁྱིམ་ཚང་དང་ཡུལ་ཚན་སོ་སོ། དམག་འགྲོའི་མི་མིང་ལོ་གྲངས་དང་བཅས་པའི་དམག་གཞུང་བཀོད་དེ་ལྷུན་པོ་རྩེ། སེང་གེ་རྩེ། རྟ་ནག་རིན་ཆེན་རྩེསོགས་རྩེ་གསུམ་སྒར་དཔོན་གྱིས་སྣེ་དྲངས་ཁྲུ་དཔོན་དང་། ལྡིང་དཔོན་བཅས་ཀྱི་གོ་མིང་སྤྲད་ཐོག་ལོ་ལྟར་ཟླ་བ་དང་པོའི་ནང་ཉང་སྨད་བསམ་གྲུབ་རྩེར་སྡེབས་འཛོམས་ཀྱིས་ཟླ་གཉིས་རིང་གི་གོ་བཤེར་དམག་སྦྱོང་བྱེད་པ་དང་། དམག་རྩལ་སྦྱོང་བརྡར་བྱེད་པའི་དམིགས་ཡུལ་ནི་སྐབས་དེར་ཉེན་ཁ་ཆེ་ཤོས་སོག་དམག་ལ་ཁ་གཏད་གཅོག་རྒྱུ་དེ་ཡིན་སྟབས་ཀི་སྒྲ་རིང་ཐུང་དང་། ཛ་དྲག་ཆེ་ཆུང་གི་སྒྲ་དང་བསྟུན་ཏེ་རྟ་ཐོག་ནས་རྒྱང་རིང་ནས་མེ་མདའ་འཕེན་རྒྱུ་དང་། འཕྲུལ་མདུང་ལུང་རིང་ཀླད་ལ་བསྐོར་ནས་འཕེན་རྒྱུ། རྟ་ཐོག་གྲི་རྩེད་བཅས་རེད(འདི་གཙང་པ་སྡེ་སྲིད་སྐབས་གཞིས་རྫོང་གོ་མཛོད་དཀར་དེབ་འགོ་བརྗོད་དུ་གསལ)དེ་རྗེས་ཏཱ་ལའི་བླ་མ་སྐུ་ཕྲེང་ལྔ་པའི་སྐབས་སྡེ་སྲིད་སངས་རྒྱས་རྒྱ་མཚོས་ཕོ་བྲང་ཡས་མས་ལ་ཉེན་སྲུང་སྐོར་གཡེང་དང་གཟིམ་སྒོ་སྲུང་བ་བཅས་ཀྱི་ལས་འགན་ཡོད་པའི་ཞོལ་སྐོར་གཟིམ་པ་དང་གཟིམ་པ་དངོས་གཞི་ནི་ཡན་ལག་བཞི་པའི་དཔུང་གི་ནང་ཚན་རྐང་དམག་གམ་དཔུང་བུ་ཆུང་ཟེར་བའི་དམག་དཔུང་གསར་བཙུགས་བསྐྱངས་ཤིང་། དེ་དག་གི་འཁྲི་ཁུངས་ནི་ལྷོ་ཁ་ཁུལ་གྲ་ཕྱི་ནང་དང་། ལྕེ་བདེ་ཞོལ། གོང་དཀར། ཆུ་ཤུལ། གནམ། ལྗང་། མཉེས་ཐང་། རྣམ་སྒང་། སྣེའུ། སྟོད་ལུང་བདེ་ཆེན་རྫོང་། ཤུན་པ་འདུ་ཁོངས་བཅས་ནས་ཐོག་མའི་དམག་གཞུང་ནང་གསལ་དམག་གྲངས་ཉིས་སྟོང་བརྒྱ་སྐོར་གཏོང་དགོས་ཀྱི་ཡོད་ཀྱང་། ཕྱིས་དམག་རྟེན་རྐང་ཆད་བྱེ་ནོན་དང་། སྒེར་ཆོས་ཁག་ལ་ཕྱིར་ཆོད་མང་བ་སོགས་བརྟེན་དམག་གྲངས་བཞི་བརྒྱ་ལྔ་བཅུ་སྐོར་ལས་མེད། གཟིམ་པ་འདི་བཞིན་ལས་འགན་ལྕི་ལ་རྣམ་ཀུན་སྒྲིག་ཁྲིམས་དམ་པ་དང་། ཁྲབ་རྨོག་མདའ་གྲི་མདུང་གསུམ་དང་། ཕུབ་བཅས་དྲག་ཆས་ཆ་ཚང་སྤྲས་ཏེ་དམག་སྦྱོང་རྣམ་གྲངས་མང་པོ་རྒྱུགས་སྤྲོད་བྱེད་དགོས་པ་སོགས་ཀྱི་རྐྱེན་པས་དམག་འགྲོའི་ཐད་དབང་པོ་སྐྱོན་མེད་ཀྱི་གྲོང་མི་ཁུངས་ལྡན་ཞེ་གཅིག་ལས་གང་བྱུང་གི་གླ་པ་གཏོང་བདེ་མི་ཆོག་པ་སོགས་ཀྱི་གཏན་འབེབས་བཟོས་ཡོད་པ་དང་། གཟིམ་རྟེན་རྐང་རེར་སོན་ཁལ༡༢༠སྐོར་ལ་ཕྱི་ནང་ཁྲལ་རིགས་རྩ་ཆག་བསྩལ་བ་སོགས་དམིགས་བསལ་ཆེན་པོ་ཡོད་པའི་དམག་དཔུང་ཞིག་ཡིན། དེ་རྗེས་ཇུན་གར་དམག་བོད་ནས་མཐར་བསྐྲད་རྗེས་ཤར་ཨ་མདོ་སྟོད་སྨད་ནས་ནུབ་སྒེར་རྩེ་བར་བྱས་སོ་ཉེན་རྟོག་པ་རིང་ཐུང་འཛུགས་དགོས་ཀྱི་སོ་གཞུང་གཏན་འབེབས་ནང་གསལ་དམག་གྲངས་བརྒྱད་བརྒྱ་དྲུག་ཅུ་སྐོར་ལ་རང་ཁུངས་རྫོང་འགོ་སོ་སོའི་ནང་ཁྲལ་ཡོང་འབབ་ཐོག་ནས་དམག་ཕོགས་སྤྲོད་དགོས་པ་དང་། གཡུལ་འགྱེད་སྐབས་གཡུལ་ས་ནས་ཐོབ་པའི་དངོས་པོ་ཆེ་ཕྲ་དམག་དོན་བྱས་རྗེས་སུ་འགོ་དམངས་ཉེ་སྙོམས་སུ་བགོས་ཆོག་པའི་དམག་སྲོལ་ཡོད་ཅིང་། ཐོག་མར་བྱང་དམག་གསར་འཛུགས་སྐབས་དམག་རྟེན་ནོར་ལུག་གྲངས་བཅད་ཀྱི་ཁྲལ་འཁྲི་མེད་པར་ཚོ་ཤོག་སོ་སོར་རྩིས་སྤྲོད་ཡོད་སྟབས་ཕྱིས་བྱང་སོ་རིང་ཐུང་གི་སོ་མི་ཙམ་ལས་དེ་བྱིངས་དགོས་གལ་ནམ་བྱུང་མཚམས་སྐོང་འགུགས་བྱ་རྒྱུ་ལས་རྣམ་ཀུན་རང་ཁུངས་སུ་སློག་པ་དེ་དག་གི་ས་ནས་དམག་དོད་བབས་མཚུངས་བསྡུ་ལེན་བྱེད་ལམ་ཡོད། དེ་རྗེས་ཏཱ་ལའི་བླ་མ་སྐུ་ཕྲེང་བརྒྱད་པ་དང་སྲིད་སྐྱོང་རྟ་ཚག་བསྟན་པའི་མགོན་པོའི་སྐུ་དུས་སུ་བོད་དུ་གོར་དམག་གི་བཙན་འཛུལ་སྔ་ཕྱི་བྱུང་སྟབས་མན་ཆིང་གོང་མ་ཆན་ལུང་གི་བཀས་མངགས་བློན་ཆེན་ཕུ་སི་ཀྲུང་ཐང་གིས་བོད་སྐྱོང་བྱེད་སྒོའི་སྒྲིག་ཡིག་དོན་ཚན་ཉེར་དགུ་གཏན་འབེབས་བྱས་པའི་ནང་ཚན་རྒྱལ་མཚམས་བརྟན་སྲུང་ཆེད་བོད་རང་ཁུངས་ནས་དམག་དཔུང་རྩ་འཛུགས་བྱེད་དགོས་པའི་དགོངས་དོན་ལྟར་རབ་བྱུང་བཅུ་གསུམ་པའི་ལྕགས་ཁྱི(༡༧༩༠)ལོ་རྒྱ་སྦྱོང་བོད་དམག་སུམ་སྟོང་གསར་འཛུགས་བྱ་རྒྱུར་གཏན་འཁེལ་གྱིས་དབུས་གཙང་རྫོང་གཞིས་སོ་སོའི་དེ་སྔའི་ས་ཐོ་ཁག་ལ་ཞིབ་འཇུག་ཐོག་གཞུང་སྒེར་ཆོས་གསུམ་ལེབ་བསྡུར་གྱིས་རྐང་གྲངས་མང་ཉུང་ལ་གཞིགས་པས་དམག་དང་། འདུར(དམག་རྐང་མིན་པའི་གཞུང་སྒེར་ཆོས་གསུམ་གྱི་ས་ཞིང་ཡོངས་ལ་ཟེར)ཞེས་ཞི་དྲག་ཁྲལ་རྟེན་དབྱེ་བཅད་ཆ་གསེས་ཐོག་དམག་རྟེན་དབུས་གཙང་འདྲ་བ་རེར་ས་རབ་འབྲིང་ལ་གཞིགས་པས་སོན་ཁལ་ལྔ་བཅུ་ནས་བདུན་ཅུའི་བར་དང་། འཁྲི་ཁུངས་སོ་སོས་དམག་འགྲོ་གོ་ཐང་རེ་ངོ་འཛུགས་བྱས་ཕྱིན་དེ་བྱིངས་ཀྱི་ཁྲལ་རིགས་རྩ་ཆག་བཏང་བ་དང་། དམག་མིའི་རྩིས་འཁྲིའི་གོ་ལག་སོགས་བོར་བརླག་སོང་རིགས་དམག་འཁྲི་སོ་སོས་ཁུངས་སྒྲིག་བྱེད་དགོས་པ་བཅས་ཀྱི་དམག་ཤོག་བཀའ་ཐམ་འབྱར་མ་རེ་དམག་འཁྲི་དོ་བདག་སོ་སོར་སྤྲད་དེ་དབུས་ཁུལ་ནས་དམག་གྲངས་ཆིག་སྟོང་ཐམ་པ་དང་། གཞིས་རྩེ་ནས་དམག་གྲངས་ཆིག་སྟོང་ཐམ་པ། རྒྱལ་རྩེ་ནས་དམག་གྲངས་ལྔ་བརྒྱ་ཐམ་པ། དིང་རི་ནས་དམག་གྲངས་ལྔ་བརྒྱ་བཅས་བསྡུས་ཐོག་དམག་གྲངས་ལྔ་བརྒྱ་རེར་སྤྱི་ཁྱབ་མདའ་དཔོན་རེ་དང་། རུ་དཔོན་གཉིས། བརྒྱ་དཔོན་ལྔ། ལྡིང་དཔོན་ཉི་ཤུ། བཅུ་དཔོན་ལྔ་བཅུ་ཐམ་པ་རེ་བརྩིས་དབུས་མདའ་དཔོན་གཉིས། གཞིས་རྩེ་མདའ་དཔོན་གཉིས། རྒྱལ་རྩེ་མདའ་དཔོན་གཅིག དིང་རི་མདའ་དཔོན་གཅིག་བཅས་སྤྱི་ཁྱབ་མདའ་ཁག་དྲུག་ཡོད་པ་དང་། འགོ་དམག་གི་ཕོགས་ཐོབ་ཐད་སྤྱི་ཁྱབ་མདའ་དཔོན་སོ་སོར་མདའ་གཞིས་རེ། རུ་དཔོན་མན་དང་། དམག་དཀྱུས་འདྲ་བ་རེར་ཟླ་རེ་འབྲུ་ཁལ་གཉིས་བྲེ་བཅུ། ཇ་མར་འོས་འཚམ། ཤ་དོད་དངུལ་ཞོ་དོ་སྐར་ལྔ་རེ་རྩིས་རུ་དཔོན་ལ་ངོ་སྐལ་ལྔ། བརྒྱ་དཔོན་ལ་གསུམ། ལྡིང་བཅུ་འདྲ་བར་ངོ་སྐལ་གཉིས་རེ་བཅས་འགོ་དམག་གཞིས་བྱེས་གང་དུ་འགྲོ་སྡོད་བྱས་རུང་གཞུང་ཕོགས་ཁང་ནས་དམག་ཕོགས་རྒྱག་དགོས་པ་དང་། དབྱར་དགུན་གྱོན་ཆས་དམག་འཁྲི་སོ་སོས་ལོ་ལྟར་སྤྲོད་དགོས་པ། སྐབས་དེའི་དམག་མིའི་དམག་རྩེད་དང་། སྒྲིག་སྲོལ་ནི་མན་ཆིང་གོང་མའི་དམག་སྲོལ་ལྟར་ལག་བསྟར་བྱེད་ཀྱི་ཡོད་པ་རེད། གོང་གསལ་རྒྱ་སྦྱོང་བོད་དམག་སུམ་སྟོང་ཐམ་པ་གསར་འཛུགས་བྱས་པ་དང་ཆབས་ཅིག་ཕོགས་ཁང་གསར་འཛུགས་ཀྱི་དོ་དམ་མཁན་ཆུང་གཅིག་དང་། རིམ་བཞི་གཅིག ལས་བྱ་སེར་སྐྱ་བཞི་བཅས་ཡོད་པ་དེ་དག་གི་ལས་འགན་གཙོ་བོ་ནི་དབུས་གཙང་ཁུལ་དམག་ཕོགས་མ་དངུལ་གསར་འཛུགས་བྱས་པའི་ལོའི་བསྐྱེད་འབབ་བསྡུ་ལེན་གྱིས་དམག་སྒར་སོ་སོར་དངུལ་ཕོགས་དུས་ཐོག་ཏུ་རྒྱག་དགོས་པ་དང་། སྐབས་དེར་གཙང་དམག་ཁོངས་ནས་གྲོ་མོ་ས་སྲུང་དུ་ལྡིང་ཁག་གཉིས་གསུམ་ཙམ་མ་གཏོགས་དེ་བྱིངས་དམག་དཔུང་ཚང་མ་ཕྱོགས་ཐོན་མ་དགོས་པར་དབུས་གཙང་རང་དུ་སྡོད་མུས་ལ་བརྟེན་རྩ་བའི་དམག་ཕོགས་ནི་གཙང་ཁུལ་འབྲུམ་ཕོ་ལྷ་གཞིས་དང་། རྒྱ་ཤར་གཏེར་སྣ་གཞིས། རྒྱལ་རྩེ་ནུབ་གླིང་གཞིས། སྙེ་མོ་སྨོན་མཁར་གཞིས་འོག་འབྲོང་རྫོང་ཤར་ནུབ། དབུས་ཁུལ་སྟོད་ལུང་ཉན་སྒང་སྐྱིད་གཞིས། མཐོང་སྨོན་ཆུ་འཁོར་གཞིས། སྐྱིད་གཤོང་ཤར་ཕྱོགས་གཞིས། སྣེ་གདོང་བན་རྩ་གཞིས་བཅས་ཀྱི་གཞིས་འབྲུའི་ཐོག་ནས་རྒྱག་དགོས་པ་དང་། དེ་དག་གི་ལྡེང་མིན་བྱུང་ན་འབྲུ་འབོར་ཇི་དགོས་དོ་དམ་པས་བཀའ་ཤག་ལ་སྙན་སེང་དང་འབྲེལ་ཁད་ཉེའི་རྫོང་གཞིས་ཁག་གི་བཅུ་ཟུར་གཞིས་འབྲུའི་བཀར་སྟེང་ནས་བཏོན་རྒྱ་ཞུས་ཏེ་ཕོགས་དཔོན་མཁན་རིམ་རེས་མོས་ཀྱིས་ལོ་ལྟར་གཙང་ཁུལ་འབྲུ་ཕོགས་རྒྱག་ཏུ་སྐྱོད་དགོས་པ། ཕོགས་དཔོན་རིམ་བཞིར་ཕ་གཞིས་རྟེན་གནས་དང་འབྲེལ་བ་ཡོད་སྟབས་དམིགས་བསལ་ཕོགས་ཐོབ་མེད་ཅིང་། མཁན་ཆུང་ལ་སྟོད་ལུང་སྒང་སྐྱིད་གཞིས་ནས་ལོ་རེ་འབལ་གྲོ་རུའི་ཁལ༢༥༠དང་། ལྕི་རྒྱབ༧༥རེ་སྤྲོད་ལམ་ཡོད་པ་བཅས་རེད།
བོད་རྒྱལ་ཁབ་ཆེན་པོའི་དམག་སྒར་ཁག་གཤམ་གསལ།
ཀ་དང་སྐུ་སྲུང་དམག་སྒར་གྱི་མདའ་དཔོན་ཡབ་གཞིས་སྟག་འཚེར་ཕུན་ཚོགས་བཀྲ་ཤིས།
ཁ་དང་གྲྭ་བཞི་རྒྱ་སྦྱོང་དམག་སྒར་གྱི་མདའ་དཔོན་བཀྲ་ཤིས་དཔལ་རབ་རྡོ་རྗེ་ཚེ་བརྟན་དང་བསམ་ཕོ་སྲས་བསྟན་འཛིན་དོན་གྲུབ།
ག་དང་གཞིས་རྩེ་རྒྱ་སྦྱོང་དམག་སྒར་གྱི་མདའ་དཔོན་མུ་བྱ་ཚེ་དབང་ནོར་བུ་དང་དཀར་ཆུང་ཚེ་རིང་དོན་གྲུབ།
ང་དང་རྒྱལ་རྩེ་དམག་སྒར་གྱི་མདའ་དཔོན་མཚོ་སྒོ་ཟུར་པ་དངོས་གྲུབ་རྡོ་རྗེ།
ཅ་དང་དིང་རི་རྒྱ་སྦྱོང་དམག་སྒར་གྱི་མདའ་དཔོན་བྲག་འཇུན་པ་བསྟན་པ་ཚེ་རིང་།
ཆ་དང་མེ་སྒྱོག་དམག་སྒར་གྱི་མདའ་དཔོན་འཇུན་པ་ངག་དབང་དཔལ་མོ།
ཇ་དང་བརྒྱད་བཞིའི་དམག་སྒར་གྱི་མདའ་དཔོན་ཕུ་ལུང་པ་གྲགས་པ་ཚེ་བརྟན།
ཉ་དང་བརྒྱད་བཞིའི་དམག་སྒར་གྱི་མདའ་དཔོན་བླ་མ་བྱ་རིགས་པ་བསོད་ནམས་དབང་ཕྱུག
ཏ་དང་བརྒྱད་བཞིའི་དམག་སྒར་གྱི་མདའ་དཔོན་སྡེ་དགེ་སྲས་སྐལ་བཟང་དབང་འདུས།
ཐ་དང་བརྒྱད་བཞིའི་དམག་སྒར་གྱི་མདའ་དཔོན་ཤག་བྱང་ཟུར་པ་ངག་དབང་རྒྱལ་མཚན།
ད་དང་པུ་ལི་སི་དམག་སྒར་གྱི་མགོ་འདོམས་ཚ་རྡི་བདེ་ཆེན་པ་ཚེ་བརྟན་རྡོ་རྗེ་དང་ལུང་ཤར་ཨོ་རྒྱན་རྡོ་རྗེ།
པ་དང་དབུས་ཁུལ་གྲོང་དྲག་དམག་སྒར་གྱི་མདའ་དཔོན་མཁར་སྣ་བ་མཁའ་ཁྱབ་བདེ་ཆེན་དང་མདའ་ཚབ་སྒོག་མཁར་བ་ཚེ་དབང་རིག་འཛིན།
ཕ་དང་བཅུ་གཉིས་དྲུག་སྣའི་དམག་སྒར་གྱི་མདའ་ཚབ་དགའ་བདེ་བ་རྣམ་རྒྱལ་རྡོ་རྗེ།
བ་དང་ཀོང་ཁུལ་དམག་སྒར་གྱི་མདའ་དཔོན་རྡོ་གྲོང་པ་ཚེ་རིང་རྡོ་རྗེ།
མ་དང་གཙང་ཁུལ་གྲོང་དྲག་དམག་སྒར་གྱི་མདའ་དཔོན་ཞྭ་སྒབ་པ་བློ་གསལ་དོན་གྲུབ་དང་མདའ་ཚབ་ལྕེ་བདེ་བསྟན་འཛིན་སྐལ་བཟང་།
Photo caption: The Bodyguard / Ka dang sku srung regiment (between 1948 and 1950). © Ethnographic Museum at the University of Zurich. Inv.no. VMZ 400.07.50.012 / Photo: Heinrich Harrer, “Soldaten bei der Truppenrekrutierung”
ཡོང་ཁུངས། སྔ་མོའི་བོད་དང་བོད་མིའི་ངོ་དེབ།
པར་རྙིང་མཁོ་སྤྲོད་པ་དང་མི་སྣ་ངོ་སྤྲོད་པ་ཚ་རོང་བདུད་འདུལ་རྣམ་རྒྱལ་ཡིན།
According to Dundul Namgyal Tsarong (2000) the following officers (names according to DN Tsharong) can be seen in this photograph:
Standing (from left to right):
མདུན་གྲལ་ལས་གཡས་ཀྱི་རྒྱབ་གྲལ། མདའ་དཔོན་ས་ལུང་པ། Dapon Salungpa, གཉིས་པ་མི་ངོ་མ་ཆོད། unknown,
གསུམ་པ་བསམ་ཕོ་དཔལ་ལྡན་ཆོས་དབང་། Sampho Palden Choewang, བཀྲ་ཤིས་ཚེ་རིང་། T. Tsering,
མདའ་དཔོན་ལྡིང་བྱ་རྡོ་རྗེ་རྒྱལ་མཚན། Dapon Dingja Dorji Gyaltsen,
སྤེན་པ་ཚེ་རིང་། Penpa Tsering and
ཕུར་བུ་དོན་གྲུབ། Phurpphu Dondup.
Sitting in the 2nd row:
ཕང་དོན་ལས་ཚན། Phangdong Letsen,
དམག་སྤྱི་བཀའ་བློན་ཚ་རོང་ཟླ་བཟང་དགྲ་འདུལ། Dasang Damdul Tsarong (Commander in Chief of the Tibetan Army), and
མདའ་དཔོན་སྙི་ལུང་པ། Dapon Nyelungpa.
Sitting in the front row:
མདའ་དཔོན་མཚོ་སྒོ་བ། Dapon Tsogowa,
མདའ་དཔོན་ཟུར་ཁང་དབང་ཆེན་ཚེ་བརྟན། Dapon Surkhang and
མདའ་དཔོན་བྷྲུཾ་པ། Dapon Drumpa. .
Photographed by Alexandra David-Néel, probably in 1924 (Source: Borin, Françoise: Le Tibet d´Alexandra David-Néel. Librairie Plon, Paris, 1979).
According to DN Tsarong (2000), the photograph པར་བླངས་པའི་ལོ། dates from 1920
According to Dundul Namgyal Tsarong (2000) the following officers (names according to DN Tsharong) can be seen in this photograph:
Standing (from left to right):
མདུན་གྲལ་ལས་གཡས་ཀྱི་རྒྱབ་གྲལ། མདའ་དཔོན་ས་ལུང་པ། Dapon Salungpa, གཉིས་པ་མི་ངོ་མ་ཆོད། unknown,
གསུམ་པ་བསམ་ཕོ་དཔལ་ལྡན་ཆོས་དབང་། Sampho Palden Choewang, བཀྲ་ཤིས་ཚེ་རིང་། T. Tsering,
མདའ་དཔོན་ལྡིང་བྱ་རྡོ་རྗེ་རྒྱལ་མཚན། Dapon Dingja Dorji Gyaltsen,
སྤེན་པ་ཚེ་རིང་། Penpa Tsering and
ཕུར་བུ་དོན་གྲུབ། Phurpphu Dondup.
Sitting in the 2nd row:
ཕང་དོན་ལས་ཚན། Phangdong Letsen,
དམག་སྤྱི་བཀའ་བློན་ཚ་རོང་ཟླ་བཟང་དགྲ་འདུལ། Dasang Damdul Tsarong (Commander in Chief of the Tibetan Army), and
མདའ་དཔོན་སྙི་ལུང་པ། Dapon Nyelungpa.
Sitting in the front row:
མདའ་དཔོན་མཚོ་སྒོ་བ། Dapon Tsogowa,
མདའ་དཔོན་ཟུར་ཁང་དབང་ཆེན་ཚེ་བརྟན། Dapon Surkhang and
མདའ་དཔོན་བྷྲུཾ་པ། Dapon Drumpa. .
Photographed by Alexandra David-Néel, probably in 1924 (Source: Borin, Françoise: Le Tibet d´Alexandra David-Néel. Librairie Plon, Paris, 1979).
According to DN Tsarong (2000), the photograph པར་བླངས་པའི་ལོ། dates from 1920
See less