གངས་དཀར་ཤ་མེད་ཀྱི་མིང་དང་གནས་ ཡུལ་གླེང་སློང་།
ར་སེ་དཀོན་རྒྱམ།
བོད་ཀྱི་བརྟན་མ་བཅུ་གཉིས་ཁོངས་ སུ་གངས་དཀར་ཤ་མེད་མའམ། ཡིག་རྙིང་དུ་ཤ་མེད་གངས་དཀར་ཞེས་ བོད་པ་འདི་ཡི་མིང་ཇི་ལྟར་ཐོགས་ པ་ཡིན་མིན་དང་གང་ནས་གནས་པའི་ཐད་ ལ་ཡིག་ཆ་སྔ་ཕྱིའི་འགྲེལ་ཚུལ་ལ་ བསམ་གཞིགས་ཅུང་ཟད་བྱ་དགོས་པར་ མཐོང་བས། འདིར་ཡིག་ཆ་གཞིར་བཞག་ནས་བཤད་པར་ བྱའོ། །
བོད་ཡུལ་ཡོངས་གྲགས་སུ་ཁྱབ་པའི་ དབང་དུ་བྱས་ན། གངས་དཀར་ཤ་མེད་ཅེས་པའི་མིང་གི་ ཐོགས་ཚུལ་ནི། ཨོ་རྒྱན་གླིང་པས་མཛད་པའི་པད་མ་ བཀའ་ཐང་ལས། དེ་ནས་གནམ་ཐང་མཁར་ནག་ལ་ཁར་བྱོནཿ གངས་དཀར་གནམ་སྨན་དཀར་མོས་ཐོག་ ཕབ་སྟེཿ སློབ་དཔོན་ཕྱག་མཛུབ་ལ་དཀྲིས་མཚོ ར་དོར་བསཿ མོ་བྲེད་དཔལ་མོ་དཔལ་ཐང་མཚོ་ནང་ བྲོསཿ མཚོ་སྐོལ་ཤ་རུས་བྱེ་སྟེ་བྲལ་བ་ ལསཿ སློབ་དཔོན་རྡོ་རྗེ་བརྒྱབ་པས་མི ག་གཡས་བཅརཿ མཚོ་ཁར་ཡར་བྱུང་ཞུ་བ་གསོལ་བ་ནིཿ སྟོན་པའི་ཞལ་སྐྱིན་རྡོ་རྗེ་ཐོད་ ཕྲེང་རྩལཿ བར་ཆད་མི་བགྱིད་ཐུགས་དམ་དགོངས་ པ་གློདཿ ཅི་བགྱིའི་བཀའ་ཉན་སློབ་དཔོན་ འབངས་སུ་མཆིཿ ཞེས་ཟེར་སྲོག་སྙིང་ཕུལ་ནས་དམ་ལ་ བཏགསཿ གསང་མཚན་ཤ་མེད་རྡོ་རྗེའི་གཡུ་སྒྲོ ན་མཿ གཏེར་ཁ་ཆེན་པོ་ཞིག་གི་གཉེར་ཁ་ གཏདཿ ཅེས་བཀོད་ཡོད་པ་དང་། དེ་བཞིན་དུ་ཁོང་གིས་བཀའ་ཐང་སྡེ་ ལྔ་ལས་ཀྱང་། དེ་ནས་ཁ་རག་ལ་ཁར་བྱོན་ཙ་ནཿ གངས་དཀར་མོ་ཡི་སྐུངས་འཐུམས། །ཐོག་མདའ་དགུ་ནི་དུས་གཅིག་ཕབ། །སློབ་དཔོན་ཕྱག་མཛུབ་དཀྲིས་ནས་ ཆུ་ནང་བསྐྱུར། །མོ་བྲེད་དཔལ་མོ་དཔལ་མཚོའི་ནང་ དུ་བྲོས། །མཚོ་ཁར་རྡོ་རྗེ་བཞག་པས་མཚོ་འཁོ ལ་ལོ། །མོ་ཡི་ཤ་རུས་བྱེ་ནས་ཀེང་དཀར་ སང་སོང་། །མཚོ་ནག་གྱོད་མཚོ་འདི་ཡི་སྒོ་ཆོ ད་དམ། །དེ་སྐད་ཟེར་ཅིང་མཚོ་ཁར་བྲོས་ ནས་བྱུང་། །སློབ་དཔོན་རྡོ་རྗེ་འཕངས་པས་མི ག་ཞར་རོ། །བར་ཆོད་བྱེད་ན་དེ་ཁྱེར་དེ་ལ་ འགོམ། །ཞེས་སོགས་པད་མ་བཀའ་ཐང་འདྲ་བར་ བཀོད་འདུག
ད་ལྟ་མོ་པྲའི་སྐོར་ཞིབ་འཇུག་པ་ ལ་ལས་ཏུན་ཧོང་ནས་ཐོན་པའི་མོ་ཡི གCh.9.11.19པར་ཤ་མེད་གངས་ཀར་ཞལ་ ནས་ཞེས་འཁོད་ཡོད་པས་ན། དཔྱད་དོན་ལ། སློབ་དཔོན་པད་མ་འབྱུང་གནས་བོད་ ལ་ཕེབས་ནས་ཁོ་མོ་དམ་ལ་བཏགས་རྗེ ས་མཚན་འབོད་ལུགས་ལྟར་བྱས་ཏེ། ཤ་མེད་གངས་དཀར་དུ་བོས་ཡོད་པས། མོ་གཞུང་འདི་ནི་ཆོས་རྒྱལ་ཁྲི་སྲོ ང་ལྡེའུ་བཙན་གྱི་སྐུ་ཚེའི་སྨད་ དམ་དེ་ལས་འཕྱིས་པའི་དུས་ཤིག་ལ་ བཤུ་བྲིའམ་ཡང་ན་བརྩམས་པར་ངེས། ཞེས་གསུངས་མཁན་ཡོད་ནའང་། ཤ་མེད་གངས་དཀར་ནི་པུར་རྒྱལ་གྱི་ གོང་ནས་ཡོད་པ་ཅིག་དང་། གངས་དཀར་ཤ་མེད་ཅེས་པའི་ཐ་སྙད་ འདི་ནི་ཕྱི་དར་གྱི་གཡས་གཡོན་ཙམ་ ལ་དར་བར་མངོན་ཡོད་པ་ཤེས་དགོས་སྙ མ།
དེའི་གོང་གི་དུས་ཡུན་རིང་མོ་སྟེ ་པུར་རྒྱལ་དུས་རབས་ནང་སྲིད་པའི་ ལྷ་རྒན་སྤྱི་མཚུངས་སུ་ཤ་མེད་ གངས་དཀར་ཞེས་བོས་སྲོལ་དར་ཡོད་པ་ ཤེས་རྒྱུ་འདི་ལོ་རྒྱུས་རིག་པའི་ ངོས་ན་གལ་འགང་ཧ་ཅང་ཆེ་བར་མཐོང་། མི་རིགས་དཔེ་སྐྲུན་ཁང་ནས་པར་བའི ་ཏུན་ཧོང་ནས་ཐོན་པའི་བོད་ཀྱི་ལོ ་རྒྱུས་ཡིག་ཆ་ངོས་༦༢ལས། གནུབས་མཚོ་གླིང་དགུའ་དང་། །གྲང་པོ་ནི་མཚོ་ལེ་གོང་། །གང་ཆེ་ནྀ་གག་ཆུང་བ། །ཤ་མྱེད་ནྀ་གངས་ཀར་མཁྱེན། །ཞེས་འཁོད་འདུག་ལ། འདི་ནི་ཐང་ལྷ་དང་ཡར་ལྷ། ལྷེ་འུ་རྗེ་མཉམ་དུ་བོས་འདུག་ཅི ང་། འདི་བོས་མཁན་ནི་བཙན་པོ་འདུས་སྲོ ང་མང་པོ་རྗེ་ཡིན་པར་གསལ་པོར་འཁོ ད་འདུག མགུར་འདི་ཡང་དུས་འཕྱིས་བརྩམས་ པར་ཁས་ལེན་དགོས་པའི་སྐྱོན་ཡོད་ པས། མིང་འདི་བོད་དུ་སློབ་དཔོན་པདྨས་ ནང་ཆོས་སྤེལ་རྗེས་དར་བ་ཅིག་མ་ཡི ན་པར་སྔར་ནས་ཡོད་པ་དང་། བཙན་པོའི་མགུར་ལྷའི་ཁོངས་སུ་གཏོ གས་ཡོད་པ་དང་། འདི་ཉིད་ལྷ་ཕོ་ཅིག་ཡིན་པའི་སྣང་ ཚུལ་གསལ་པོར་མངོན་ཡོད། གལ་ཏེ་ལྷ་མོ་ཡིན་ན་སྐབས་དེར་ བཙན་པོས་མོ་ལྷ་བཀུར་བའི་དད་མོས་ ཀྱི་རྒྱབ་ལྗོངས་དང་། མགུར་ལྷ་བཅུ་གསུམ་གྱི་གྲངས་འདྲེ ན་མི་འདྲ་བ་ཁག་ལའང་དཔྱད་དགོས་ པའི་སྐུལ་མ་ནན་མོ་བཏང་ཡོད།
དེས་ན་ཤ་མེད་ཅེས་པའི་དོན་ཡང་ཤ་ མེད་རུས་པ་སྐྱ་སེང་དུ་གྱུར་པའི་ དོན་མ་ཡིན་པར་གནའ་བོའི་གདུང་རུ ས་ལས་ཐོན་པའི་གཏམ་རྒྱུད་གཞན་ཞི ག་ཡིན་པར་ཐེ་ཚོམ་མི་དགོས། ཕྱིས་ཀྱི་ཤ་མེད་ཀྱི་མིང་ཐོགས་ཚུ ལ་གྱི་གཏམ་རྒྱུད་འདི་ནི་གཉན་ཆེ ན་ཐང་ལྷ་ཡར་བཞུར་ཟེར་བ་ནི་མེའི་ དྲོད་ཀྱིས་གངས་རི་ཡར་བཞུར་བའི་ དོན་དུ་འཆད་པ་དང་གཉིས་སུ་མེད་ལ། དོན་ལ་གནའ་བོའི་མིང་རྙིང་པའི་ངོ ་བོ་བོར་ནས་གཡའ་མ་ལུང་ཞེས་པ་ཡི ད་སྨོན་ལུང་དུ་འཆད་པ་ལྟ་བུའོ། །
གལ་ཏེ་ཤ་མེད་གངས་ཀར་དང་གངས་དཀར་ ཤ་མེད་ཐ་དད་ཡིན་ཟེར་ན། དམ་ཅན་བསྟན་སྲུང་རྒྱ་མཚོའི་རྣམ་ ཐར་ངོས་༡༧༦ལས། ཡུལ་ནི་ཤེའུ་ཤེ་སྟོད་ནཿ གངས་དཀར་ལྗོངས་ཀྱི་ཤེ་སྟོད་ནཿ གདུང་རུས་གཉན་དེ་ཤ་བཟའ་མཿ ཤ་མེད་གངས་དཀར་རྡོ་རྗེ་སྨནཿ ཞེས་སོགས་ཡིག་ཆ་དེར་བརྟན་མ་བཅུ་ གཉིས་གྲས་སུ་བཀོད་འདུག་ཅིང་། གངས་དཀར་ཤ་མེད་དང་གཅིག་པར་གསལ་ བཤད་ཡང་ཡང་བྱས་འདུག་ལ། ཡུལ་ཤེའུ་ཤེ་སྟོད་ཅེས་པ་དེ་ནི། ད་ལྟ་་གཞིས་རྩེ་གྲོང་ཁྱེར་ཁོངས། རྣམ་གླིང་རྫོང་སྟེ། གནའ་དུས་འུ་ཡུག་ཅེས་གྲགས་པའི་ལུ ང་པ་ཆེན་པོ་དེའི་ཕུ། མང་ར་སྡེ་ཤོག་དང་ཉེ་བའི་ཇོ་མོ་ གངས་དཀར་རི་བོའི་ནུབ་འདབས་ན་ཡོ ད་ལ། ད་ལྟ་ཡང་ཤེའུ་ཡུལ་དང་ཤེའུ་སྟོད་ ཅེས་བོས་བཞིན་པའི་འབྲོག་ས་ཡོད་ བཞིན་པས། ཡུལ་མིང་ཁོ་ནས་ཀྱང་ལོ་རྒྱུས་ དཔང་པོ་བྱས་མི་འདུག་གམ། ཡུལ་མིང་ལ་བསམ་ན་ཡང་ཤེ་མེད་ཟུར་ ཆག་ནས་ཤ་རུ་གྱུར་པའང་ཡིན་སྲིད་ ལ། གོང་གསལ་དེབ་ངོས་༡༧༥ལས། གདུང་རུས་ཤ་བཟའ་་་ཞེས་འཁོད་འདུ ག་པས་ཤ་མེད་ཀྱི་ཤ་ནི་རུས་མིང་ཡི ན་པར་གསལ་འདུག་པས། ཤ་བཟའ་རུ་འབོད་པར་གསལ་བའང་ཁུངས་ སྣེ་རྩ་ཆེན་ཅིག་ཡིན།
ཤ་མེད་གངས་དཀར་རི་དེ་གང་དུ་ཡོད་ དམ་ཟེར་ན། གནས་བཤད་སོགས་ལ་ལར་ལ་སྟོད་ལྷོའི ་དཔལ་ཁུད་མཚོའི་ལྷོ་ནུབ་ཀྱི་ གངས་རི་དེ་ཡིན་ཟེར་བ་དང་། དེ་ཉིད་ཁ་ལ་ཡིན་པར་བཤད་ཡོད་ཅིང་ ། དེའི་ཁུངས་ནི་བར་ཆད་ལམ་སེལ་ལས། བོད་ཡུལ་ཁ་ལའི་ལ་ཐོག་ཏུ། །གངས་དཀར་ཤ་མེད་དམ་ལ་བཏགས། །ཞེས་པའི་རྗེས་སུ་འབྲངས་མོད། དེ་ནི་ཕྱིས་ཀྱི་གཏམ་ཡིན་ལ། བརྟན་མ་བཅུ་དམ་ལ་འདོགས་ཚུལ་དང་ འདོགས་ས་མི་འདྲ་བ་མང་བ་དང་འབྲེ ལ་ཡོད། ལོ་རྒྱུས་ལ་ལར་ཤ་མེད་གངས་དཀར་ནི ་སྙེ་མོ་དང་འུ་ཡུག་མཚམས་ཀྱི་ཇོ་ མོ་གངས་དཀར་དང་གཅིག་པར་གསུངས་ པས། ཕྱི་མ་འདི་ཉིད་ནི་དོན་མཐུན་ཡིན་ ཞིང་། བཙན་པོའི་དུས་སུ་གྲགས་པ་འབར་བའི ་སྐུ་ལྷ། ཤ་མེད་གངས་དཀར་ཞུ་བ་དེ་ཉིད་ཀྱི་ གནས་རི་དངོས་ཡིན་ནའང་། ད་ལྟ་ཇོ་མོ་གངས་དཀར་ཞེས་ཞུ་བ་ ལས་ཤ་མེད་གངས་དཀར་ཞེས་བོས་ཚུལ་ ནུབ་ཟིན་པའང་གང་ལ་ཐུག་མིན་ད་དུ ང་བརྟག་པར་བྱ་བའི་གནད་དུ་ཡོད་ འདུག་གོ །
གནས་ཡུལ་གཙོ་བོ་ལྷ་ས་གྲོང་ཁྱེར་ ཁོངས། སྙེ་མོ་རྫོང་མར་རྐྱང་སྡེ་ཤོག་གི ་ལུང་པའི་ཕུར་རྔམ་བརྗིད་ལྡན་པར་ གནས་ཡོད་ལ། གངས་རིའི་ནུབ་འདབས་རྣམ་གླིང་རྫོ ང་ཁོངས་ཀྱི་ཤེའུ་ལུང་དང་འབྲེལ་ བ་དང་། ཤར་འདབས་ནི་གནའ་བོའི་གནམ་ལུང་པ་ དང་། ད་ལྟའི་འདམ་གཞུང་རྫོང་ཁོངས་ཀྱི་ ཡང་ཡིད་སྡེ་ཤོག་དང་འབྲེལ་ཡོད་ཅི ང་། གནའ་དུས་སུ་གནམ་ལྷ་བརྒྱད་ཀྱི་ཁོ ངས་སུ་བརྩི་བའང་ས་འབྲེལ་ཡིན་པའི ་ཕྱིར་དང་། མདུན་གྱི་རྩྭ་ཐང་ཉམས་དགའ་བར། གོང་གསལ་རྫོང་ཁག་གསུམ་གྱི་གཞུང་ ལམ་གྱི་གསུམ་མདོ་འཁེལ་ཡོད་པས་ མཇལ་ལམ་སྟབས་བདེ་ལ། གངས་མདུན་གྱི་མཚེའུ་གཡུ་ཡི་མན་ ཌལ་བཤམས་པ་དང་རྗེས་སུ་མཐུན་པ་ མཆིས་པས། ལྗོངས་རྒྱུ་བའི་འཁོར་ལམ་བཟོས་ཡོ ད་པ་སོགས་ཀྱིས་མཇལ་སྐོར་ཡང་ཧ་ ཅང་མང་བར་གྲགས་སོ། །
སྔོན་ཚེ་བཙན་པོ་ཁྲི་སྲོང་ལྡེ་ བཙན་གྱི་སྐུ་དུས་སུ་བལ་ཡུལ་ནས་ གདན་དྲངས་འོང་བའི་སློབ་དཔོན་པད་ མ་སཾ་བྷ་ཝ་དེ་ཉིད་ས་ཆ་འདི་ནས་ཕེ བས་ཤིང་། གནམ་དང་ཉེ་བའི་ལ་ཁར་བརྟན་མ་སོ གས་རིམ་པས་དམ་ལ་བཏགས་པར་མཛད་པའི ་ཚུལ་གྲགས་པ་དང་། དེ་བཞིན་འགྲོ་མགོན་བཀའ་བརྒྱུད་ མེས་པོའི་དབེན་གནས་དམ་པ་ཡིན་པས། ཀམ་ཚང་སྲོལ་འབྱེད་གྲུབ་ཐོབ་ཁམས་ པ་དབུ་སེའི་སྒྲུབ་ཕུག་ཕ་བོང་ དཀར་ལེབ་དང་། གྱ་བ་གངས་པ་ཞེས་པའང་གངས་འདིར་ བཞུགས་པས་ཐོགས་ཤིང་། འདིར་གྱ་བ་གངས་པའི་སྒྲུབ་ཕུག་ཀྱ ང་མཇལ་རྒྱུ་ཡོད་པ་སོགས་ཆོས་དང་ ལོ་རྒྱུས་ཀྱི་རྒྱབ་ལྗོངས་མཐུག་ པའི་སྲིད་པའི་གངས་རི་གཟི་ཉམས་ལྡ ན་པ་ཅིག་ལགས་སོ། །
དེས་ན་ཁོ་བོས་ཅུང་ཟད་གླེང་བའང་ ཞིབ་མོར་རྟོགས་པའི་རྟིང་བསྐུལ་ ཙམ་ཡིན་ལ། ནོར་འཛོལ་ཡོད་ན་ནི་དགོངས་དག་ཞུ་ ངེས་ཡིན་ལ། དེང་སང་ལ་ལས། ཐོག་མར་མངའ་རིས་རུ་ཐོག་གི་རྒྱབ་ ཀྱི་འུ་ཐེན་ནམ་ཡུའུ་ཐེན་དང་། མཚོ་སྔོན་པོའི་བྱང་རྒྱབ་ཀྱི་ཏུ ན་ཧོང་དང་གནའ་མིང་ཧོ་ཐེན་ཟེར་བ་ རྣམས་གཅིག་པ་ཡིན་ཞེས་ཁས་བླངས་ཏེ ་ཧམ་པ་དང་། དེ་གཉིས་བར་ལ་ལེ་བར་སྟོང་ཕྲག་གི ས་ཆོད་པ་ཤེས་རྗེས། འུ་ཐེན་ལྟེ་བའི་མིང་དེ་མཐའ་ མཚམས་ལ་བཏགས་པ་རེད་ཟེར་ཡང་ཧམ། དེ་ནི་ནོར་འདུག་ཟེར་དུས་ཁས་མ་བླ ངས་པར། སྒྲུབ་བྱེད་དུ་རྒྱ་སྐད་ཀྱི་ཤིས་ ཙང་ཟེར་བ་ནི་དོན་འགྱུར་ལ་བོད་ལྗོ ངས་ཏེ། འབྲི་ཆུའི་ནུབ་རྒྱུད་ནས་མངའ་རི ས་སྐོར་གསུམ་ཏེ་ད་ལྟའི་བོད་རང་ སྐྱོང་ལྗོངས་ཀྱི་ས་ཆ་ཧྲིལ་པོར་ འཇུག་པ་ནི་གྲགས་ཤིང་གྲུབ་ལ། ཐད་སྒྱུར་ལ་ཤིས་ནི་ནུབ་དང་ཙང་ནི ་བོད་དེ། ནུབ་བོད་ཅེས་པའི་དོན་ཡིན་པར་རབ་ ཏུ་གསལ་ཡང་། དབུས་གཙང་གི་དོན་ཡིན་ཟེར་ཧམ་པ་ དང་། བོད་བཙན་པོའི་དུས་སུ་ལྷ་ས་སོགས་ རྒྱལ་ས་ཡིན་པ་ཀུན་ཤེས་ཡིན་མོད། དབུས་གཙང་ནི་རྒྱལ་སའི་མིང་རེད་ ཟེར་ཞིང་བོད་ཀྱི་མཐའ་མཚམས་ལ་དབུ ས་གཙང་ཟེར་བ་ལྟ་བུ་རེད་ཅེས་ཧམ་ གཏམ་སྨྲ་ཞིང་། དོགས་སློང་ཙམ་འགྲོ་ས་མེད་པར་གཤེ ་གཤེ་ཁོ་ན་གཏོང་བར་དགའ་ཞིང་ངོ་ ཚ་མི་ཤེས་པ་དང་། ང་རྒྱལ་གྱི་ཡོངས་སུ་བཟི་ཞིང་། གཞན་ལ་ཁྱད་གསོད་ཁོ་ནའི་གཏམ་སྨྲ་ བ་ལྟ་བུ་རིགས་པ་སྨྲ་བའམ། ལོ་རྒྱུས་སྨྲ་བའི་ངག་སྒོ་ནས་ཐོ ན་ན་ལྟས་ངན་ཡིན་ནོ། །
ཁོ་བོ་ནི་ལོ་རྒྱུས་སྨྲ་བ་དང་ལོ་ རྒྱུས་རིག་པ་སྨྲ་བ་ཅིག་ཡིན་ཞེས་ སྔ་ཕྱི་གང་དུའང་བཤད་མྱོང་མེད། ལོ་རྒྱུས་དང་འབྲེལ་བ་འདི་སོགས་ རྩོམ་ཐུང་སྤེལ་བ་དག་ཀྱང་དཔེ་ཀློ ག་གི་ཟིན་བྲིས་ཅི་རིགས་པ་ཀློག་ པ་པོར་གཟིགས་ལམ་དུ་བཤམས་པ་ཁོ་ན་ ཡིན་ནོ། །
༢༠༢༢/༥/༡