ས་བཅད་བདུན་པ། དགོན་སྡེ་དང་། གྲགས་ཅན་མི་སྣ། གནའ་ཤུལ།
ལེ་ཚན་དང་པོ། དགོན་སྡེ།
| ཨང་། | དགོན་པའི་མིང་། | བཞེངས་དུས། | བཞེངས་མཁན། | ཆོས་བརྒྱུད། |
| ༡ | རྭ་སྒྲེང་དགེ་འཕེལ་གླིང་། | ༡༠༥༧ | འབྲོམ་སྟོན་པ་རྒྱལ་བའི་འབྱུང་གནས། | དགེ་ལུགས། |
| ༢ | ཇོ་གདན་དགོན། | ༡༡༤༨ | ཞང་འོས་འཇོས་ཕྱི། | དགེ་ལུགས། |
| ༣ | ནལེཎྜ་དགོན། | ༡༤༢༤ | ཀུན་མཁྱེན་རོང་སྟོན་སྨྲ་བའི་དབང་ཕྱུག། | ས་སྐྱ། |
| ༤ | སེ་ཁང་དགོན། | དུས་རབས་བཅོ་ལྔ། | རེད་མདའ་བ། | དགེ་ལུགས། |
| ༥ | སྟག་ལུང་དགོན། | ༡༡༨༠ | སྟག་ལུང་ཐང་པ་བཀྲིས་དཔལ། | བཀའ་བརྒྱུད། |
| ༦ | ཤར་འབུམ་པ་བཙུན་དགོན། | དུས་རབས་བཅུ་གཉིས། | དགེ་བཤེས་ཤ་ར་བ། | དགེ་ལུགས། |
| ༧ | ཀློ་ཁ་སྟོད་བྱམས་ཁང་། | ༡༠༡༥ | ཞང་སྣ་རྣམ་རྡོ་རྗེ་དབང་ཕྱུག | དགེ་ལུགས། |
| ༨ | ར་ལུང་དགོན། | ༡༠༡༥ | ཞང་སྣ་རྣམ་རྡོ་རྗེ་དབང་ཕྱུག | དགེ་ལུགས། |
| ༩ | ར་མ་བྱམས་ཁང་། | དུས་རབས་བཅུ་གཅིག། | སྣ་རྣམ་རྡོ་རྗེ་དབང་ཕྱུག | དགེ་ལུགས། |
| ༡༠ | རྒྱ་ལྕགས་རི་དགོན། | ༡༡༠༠ | རྒྱ་ལྕགས་རི་བ་བྱང་ཆུབ་དཔལ། | བཀའ་གདམས། |
| ༡༡ | ཁམས་ལུང་དགོན། | དུས་རབས་བཅུ་གཅིག | ཁམས་ལུང་པ། | དགེ་ལུགས། |
| ༡༢ | གླང་ཐང་དགོན། | ༡༠༩༣ | གླང་ཐང་པ་རྡོ་རྗེ་སེང་གེ། | བཀའ་གདམས། |
| ༡༣ | གླང་ངུ་དགོན། | དུས་རབས་བཅུ་གཉིས། | བཀའ་བརྒྱུད། | |
| ༡༤ | ལྕམ་གླིང་ཆོས་སྡེ། | དགེ་བཤེས་སྤྱན་ལུང་པ། | དགེ་ལུགས། | |
| ༡༥ | ཐང་སང་དགའ་ཆོས། | ཞང་ཐང་ཡེ་ཤེས་འབྱུང་གནས། | དགེ་ལུགས། | |
| ༡༦ | དཔལ་འབར་དགོན། | མངའ་རིས་བསོད་ནམས་རིན་ཆེན། | དགེ་ལུགས། | |
| ༡༧ | སྦ་ཚག་དགོན། | རྒྱལ་མཆོག་ལྔ་པ་ཆེན་པོ། | དགེ་ལུགས། | |
| ༡༨ | སེང་གླིང་རྒོད་ཚང་། | སྟག་ལུང་ཐང་པ། | བཀའ་བརྒྱུད། | |
| ༡༩ | དྲིའུ་ལུང་དགོན། | སྟག་ལུང་དུ་མ་སྤྲུལ་བདུན་པ་བསྟན་འཛིན་བྱམས་པ། | བཀའ་བརྒྱུད། | |
| ༢༠ | རྒྱབ་བྲག་བཙུན་དགོན། | མི་ནག་མགོན་པོ་ཡེ་ཤེས། | བཀའ་བརྒྱུད། | |
| ༢༡ | འབྲི་ལུང་བཙུན་དགོན། | གྲུབ་ཐོབ་དབུས་སྨྱོན་པ། | དགེ་ལུགས། | |
| ༢༢ | རིན་ཆེན་བྲག། | ཉན་པོ་ཤཱཀྱ་རྒྱལ་མཚན། | དགེ་ལུགས། | |
| ༢༣ | པོ་ཏོ་དགོན། | དགེ་བཤེས་པོ་ཏོ་བ། | དགེ་ལུགས། | |
| ༢༤ | སྣེའུ་ཟུར་དགོན། | དགེ་བཤེས་སྣེའུ་ཟུར་བ། | དགེ་ལུགས། | |
| ༢༥ | ཉན་པོ་ས་ལུགས་གྲྭ་ཚང་། | ཚད་ཤེས་རབ་གྲགས། | ས་སྐྱ། | |
| ༢༦ | ཉན་པོ་དགེ་ལུགས་གྲྭ་ཚང་། | རྗེ་ཉི་མ་རྒྱལ་མཚན། | དགེ་ལུགས། | |
| ༢༧ | བསམ་གཏན་སྡིངས་དགོན། | ཕ་དམ་པ་སངས་རྒྱས། | ཞི་བྱེད། | |
| ༢༨ | དགོན་པ་གསར་པ། | སེར་བྱེས་དགེ་བཤེས་འཇམ་དཔལ། | དགེ་ལུགས། | |
| ༢༩ | པ་ཚབ་དགོན། | པ་ཚབ་ཉི་མ་གྲགས་པ། | དགེ་ལུགས། | |
| ༣༠ | གྲུབ་བརྒྱ། | ཤཱཀྱ་མཆོག་ལྡན། | དགེ་ལུགས། | |
| ༣༡ | རྒྱལ་རྨད། | སྣ་རྣམ་རྡོ་རྗེ་དབང་ཕྱུག། | ས་སྐྱ། | |
| ༣༢ | རྒྱལ་སྟོད། | སྣ་རྣམ་རྡོ་རྗེ་དབང་ཕྱུག | དགེ་ལུགས། | |
| ༣༣ | སེ་སྨུན་བཙུན་དགོན། | སྣ་རྣམ་རྡོ་རྗེ་དབང་ཕྱུག། | དགེ་ལུགས། | |
| ༣༤ | ཐར་པ་གླིང་དགོན། | སྣ་རྣམ་རྡོ་རྗེ་དབང་ཕྱུག | དགེ་ལུགས། | |
| ༣༥ | ར་ལུང་དགོན་ཤོད། | སྣ་རྣམ་རྡོ་རྗེ་དབང་ཕྱུག | དགེ་ལུགས། | |
| ༣༦ | སྣ་མོ་བཙུན་དགོན། | ཇོ་གདན་བཟོད་པ་རྒྱ་མཚོ། | དགེ་ལུགས། | |
| ༣༧ | སྣ་མོ་དགོན། | ཇོ་གདན་བཟོད་པ་རྒྱ་མཚོ། | དགེ་ལུགས། | |
| ༣༨ | ཕན་བདེའི་རྩེ་དགོན། | རོང་སྟོན་སྨྲ་བའི་སེང་གེ། | དགེ་ལུགས། | |
| ༣༩ | བསམ་གཏན་གླིང་དགོན། | རྗེ་ཙོང་ཁ་པ། | དགེ་ལུགས། | |
| ༤༠ | ར་མའི་ཕུ་བཙུན་དགོན། | དགེ་ལུགས། | ||
| ༤༡ | གཟིམ་ཕུན་བཙུན་དགོན། | དགེ་ལུགས། | ||
| ༤༢ | ཉི་མ་རག་དགོན། | དགེ་ལུགས། | ||
| ༤༣ | སྤོས་དཀར་བཙུན་དགོན། | དགེ་ལུགས། | ||
| ༤༤ | དགོན་གསར་བཙུན་དགོན། | དགེ་ལུགས། | ||
| ༤༥ | སེ་བ་ལུང་དགོན། | བཀའ་བརྒྱུད། | ||
| ༤༦ | འོད་འཇོ་དགོན། | བཀའ་བརྒྱུད། | ||
| ༤༧ | སྣ་དཀར་བཙུན་དགོན། | བཀའ་བརྒྱུད། | ||
| ༤༨ | གསུམ་འཕྲེང་བྱམས་ཁང་། | བཀའ་བརྒྱུད། | ||
| ༤༩ | ཀློ་པ་སྟོད་བྱམས་ལྷ་ཁང་། | དུས་རབས་བཅིུག | ཞང་སྣ་ནམ་རྡོ་རྗེ་དབང་ཕྱུག། | དགེ་ལུགས། |
| ༥༠ | འཕན་པོ་རྒྱལ་ལྷ་ཁང་། | ༡༠༡༢ | ཀླུ་མེས་ཀྱི་སློབ་མ་ཞང་སྣ་ནམ་རྡོ་རྗེ་དབང་ཕྱུག། | བཀའ་གདམས། |
| ༥༡ | ཀློ་པ་སྟོད་བྱམས་ལྷ་ཁང་། | དུས་རབས་བཅིུག | ཞང་སྣ་ནམ་རྡོ་རྗེ་དབང་ཕྱུག། | དགེ་ལུགས། |
| ༥༢ | རྒྱལ་ལུགས་ལྷས་ལྷ་ཁང་། | ༡༠༡༢ | ཀླུ་མེས་ཚུལ་ཁྲིམས། | |
| ༥༣ | ཉི་མ་ལྷ་ཁང་། | ཤཱཀྱ་མཆོག་ལྡན། | དགེ་ལུགས། | |
| ༥༤ | དར་ཡུལ་མགོན་པོ་ལྷ་ཁང་། | རོང་སྟོན་སྨྲ་བའི་སེང་གེ། | ས་སྐྱ། | |
| ༥༥ | སུའི་ལྷ་ཁང་། | དགེ་ལུགས། | ||
| ༥༦ | ཚེ་དཔག་ལྷ་ཁང་། | དགེ་ལུགས། | ||
| ༥༧ | འབུམ་སྟོང་ལྷ་ཁང་། | དགེ་ལུགས། | ||
| ༥༨ | རྫོང་ཞོལ་ཚེས་བཅུ་ལྷ་ཁང་། | |||
| ༥༩ | སྤོས་དཀར་རི་ཁྲོད། | དུས་རབས་བཅུ་གཅིག | སྤོས་དཀར་བླ་མ་བློ་བཟང་མཆོག་གྲུབ། | དགེ་ལུགས། |
| ༦༠ | རྩ་ཉ་རི་ཁྲོད། | ༡༡༤༨ | མཁན་པོ་ཨེར་ཏེ་ནི། | དགེ་ལུགས། |
| ༦༡ | འབྲུག་མགོ་རི་ཁྲོད། | བོ་དོང་ཕྱོགས་ལས་རྣམ་རྒྱལ། | དགེ་ལུགས། | |
| ༦༢ | རྒྱབ་ར་ཤེལ་དཀར་རི་ཁྲོད། | མི་ཉག་མགོན་པོ་ཡེ་ཤེས། | དགེ་ལུགས། | |
| ༦༣ | གངས་སྐྱ་རི་ཁྲོད། | རོང་སྟོན་སྨྲ་བའི་སེང་གེ། | དགེ་ལུགས། | |
| ༦༤ | ཡང་དགོན་རི་ཁྲིད། | སྣ་རྣམ་རྡོ་རྗེ་དབང་ཕྱུག | དགེ་ལུགས། | |
| ༦༥ | སྒོ་མོ་རི་ཁྲོད། | སྒོ་མོ་སྐྱེ་མཆོག་ཆོས་རྗེ། | དགེ་ལུགས། | |
| ༦༦ | ཡང་དགོན་རི་ཁྲོད། | དགེ་ལུགས། | ||
| ༦༧ | ཇོ་མོ་མཚོ་ཁ། |
ལེ་ཚན་གཉིས་པ། གྲགས་ཅན་མི་སྣ།
| ཨང་། | མཚན། | འཁྲུངས་ཡུལ། | འཁྲུངས་འདས། | མཆན། |
| ༡ | ལོ་ཙཱ་བ་སྐ་བ་དཔལ་བརྩེགས། | འཕན་པོ་མཚོ་སྟོད། | དུས་རབས་བརྒྱད་པ། | ལོ་ཙཱ་བ་སྐ་ཅོག་ཞང་གསུམ་དུ་གྲགས་པའི་ཡ་གྱལ་ཏེ།མཁན་ཆེན་ལས་རབ་ཏུ་བྱུང་། |
| ༢ | བློན་སྟག་སྒྲ་ཀླུ་ཁོང་། | དུས་རབས་བརྒྱད་པ། | ཆོས་རྒྱལ་ཁྲི་སྲོང་ལྡེའུ་བཙན་གྱི་བཀའ་ཡི་བློན་ཆེན་དང་།ཁོང་ལ་སོགས་པས་དམག་གི་སྣེ་ཁྲིད་དེ་རྒྱའི་གོང་མ་ཁྲི་ལས་ཕབ་མྱོང། | |
| ༤ | རྨ་རིན་ཆེན་མཆོག། | རྨ་གཅོ། | དུས་རབས་བརྒྱད་པ། | སད་མི་བདུན་གྱི་ཡ་གྱལ་དང་།ལོ་ཙཱ་བའ་རབ་དགུའི་བར་པ་གསུམ་གྱི་ཡ་གྱལ་ཡིན། |
| ༥ | ངན་ལམ་རྒྱལ་བ་མཆོག་དབྱངས། | འཕན་པོ། | དུས་རབས་བརྒྱད་པ། | སད་མི་མི་བདུན་དུ་གྲགས་པའི་ཡ་གྱལ་ཞིག་ཡིན། |
| ༦ | ཀ་བ་ཤཱཀྱ་དབང་ཕྱུག། | འཕན་པོ། | ཇོ་བོ་རྗེའི་དངོས་སློབ་བགྲེས་པའི་གྲས་ཡིན། | |
| ༧ | དགེ་བཤེས་སྣེ་ཟུར་བ། | སྣེའུ་ཟུར་རམ་གསུམ་ཕྲེང། | ༡༠༦༣-༡༡༣༨ | |
| ༨ | དགེ་བཤེས་པོ་ཏོ་བ། | བྲའོ་ཐང་ངམ་གསུམ་ཕྲེང། | ༡༠༢༧-༡༡༠༥ | བཀའ་གདམས་སྐུ་མཆེད་གསུམ་གྱི་ཡ་གྱལ་ཞིག་ཡིན། |
| ༩ | གླང་ཐང་པ་རྡོ་རྗེ་སེང་གེ། | གཉན་གོང་། | ༡༠༥༤-༡༡༢༣ | |
| ༡༠ | ལོ་ཙཱ་བ་པ་ཚབ་ཉི་མ་གྲགས་པ། | པ་ཚབ་སྟོད་གྲོང་། | ༡༠༥༥- | |
| ༡༡ | ཞ་ཀ་མ་པ། | ཀླུང་ཤོད། | ༡༠༥༧-༡༡༣༡ | |
| ༡༢ | དགེ་བཤེས་ཤ་ར་བ། | རོམ་པོའམ་གཙང་གཞུང་། | ༡༠༧༠-༡༡༤༡ | |
| ༡༣ | དགེ་བཤེས་འབན་གུང་རྒྱན། | |||
| ༡༤ | ཁམས་པ་ལུང་པ་སྒང་ཤཱཀྱ་ཡོན་ཏན། | ཡུང་བའི་ནང་། | ༡༠༨༥-༡༡༧༥ | |
| ༡༥ | འབའ་རོམ་དར་མ་དབང་ཕྱུག། | སྐ་བ་ཡུལ་སྣ། | ༡༡༢༧-༡༡༩༩ | |
| ༡༦ | ཀམ་ཀམ་དོན་གྲུབ་དཔལ་བ། | ཀླུ་གོང། | ༡༣༦༥-༡༤༡༧ | |
| ༡༧ | སྟག་ལུང་ཀུན་སྤངས་ནམ་མཁའ་དཔལ་དབྱངས། | དར་ཡུལ། | ༡༣༣༣-༡༣༧༩ | སྟག་ལུང་ཁྲི་རབས་བརྒྱད་པ་ལགས། |
| ༡༨ | རྒྱལ་དབང་བཀྲ་ཤིས་དཔལ་བརྩེེགས། | དར་ཡུལ་སྟེང་ཁང་། | ༡༣༥༩-༡༤༢༨ | དགུང་གྲངས་དྲུག་བཅུ་རེ་དགུ་བཞུགས། |
| ༡༩ | བཀྲ་ཤིས་དཔལ་འོད་ཟེར་བཟང་པོ། | དར་ཡུལ་བྱེ་མ་གཞིས། | ༡༤༠༨-༡༤༦༠ | སྟག་ལུང་ཁྲི་རབས་བཅུ་གཅིག་པ་ལགས། |
| ༢༠ | ཀུན་མཁྱེན་ངག་གི་དབང་ཕྱུགས་གྲགས་པ། | བྱེ་མ་གཞིས། | ༡༤༡༨- | སྟག་ལུང་ཁྲི་རབས་བཅུ་གཉིས་པ་ལགས། |
| ༢༡ | ངག་དབང་རྣམ་རྒྱལ། | ལྷུན་གྲུབ་རྫོང་། | ༡༥༧༡-༡༦༢༦ | སྟག་ལུང་ཁྲི་རབས་དགུ་པ། |
| ༢༢ | ཞབས་དྲུང་རྣམ་རྒྱལ་ལེགས་གྲུབ། | སྟག་ལུང་ཁྲི་རབས་ཉེར་གཉིས་པ་ལགས། | ||
| ༢༣ | འོད་འཇོ་བ་ཞབས་དྲུང་བཀྲ་ཤིས་ཆོས་རྒྱལ། | ༡༦༦༠- | སྟག་ལུང་ཁྲི་རབས་ཉེར་གསུམ་པ་ལགས། | |
| ༢༤ | རྗེ་བཙུན་བསྟན་འཛིན་རྣམ་རྒྱལ། | རྒྱ་གྲོང་། | -༡༧༤༣ | སྟག་ལུང་ཁྲི་རབས་ཉེར་བཞི་པ་ལགས། |
| ༢༥ | འབྲས་ཁྲི་ཤཱཀྱ་རིན་ཆེན། | |||
| ༢༦ | ཁྲི་ཆེན་དགེ་འདུན་བསྟན་པ་དར་རྒྱས། | ཀླུང་ཤོད། | ༡༤༩༣-༡༥༦༨ | |
| ༢༧ | མདོ་མཁར་ཞབས་དྲུང་ཚེ་རིང་དབང་རྒྱལ། | སྟག་ལུང་། | ༡༦༩༧-༡༧༦༣ | བོད་གཞུང་གི་བཀའ་བློན་མྱོང་བ་དང་།མི་དབང་རྟོགས་བརྗོད་བརྩམས། |
| ༢༨ | རྗེ་སྐལ་བཟང་དགེ་ལེགས་རྒྱ་མཚོ། | ༡༧༧༦-༡༧༩༣ | རྔོག་ཆོས་སྐུ་རྡོ་རྗེའི་གདུང་རྒྱུད་དུ་གཏོགས། | |
| ༢༩ | ཁྲི་ཆེན་བློ་བཟང་དགེ་ལེགས། | རྒྱལ་ལྷ་ཁང་གི་ཉེ་འདབས། | ༡༧༥༧-༡༨༡༦ | |
| ༣༠ | འཇོག་པོ་བླ་མ་རྣམ་གྲོལ། | དུས་རབས་བཅོ་བརྒྱད། | ||
| ༣༡ | སེར་སྔགས་ནམ་མཁའ་བསྟན་སྐྱོང། | ༡༧༩༩-༡༨༤༥ | ||
| ༣༢ | མགར་བའི་བུ་ཁྲ། | དུས་རབས་བཅུ་དགུ་པ། | ||
| ༣༣ | རྗེ་བཙུན་ཆོས་ཉིད་དབང་མོ། | ཕོད་མོད། | ༡༨༧༡-༡༩༥༧ | |
| ༣༤ | ཚ་རོང་ཟླ་བཟང་དགྲ་འདུལ། | དཔལ་གླིང་ཁ་སྐོར། | ༡༨༨༨-༡༩༥༩ | |
| ༣༥ | རྫ་བཟོ་དབུ་ཆེན་དཀོན་མཆོག་ཤེས་རབ། | ལྕང་ར། | ||
| ༣༦ | བདེ་མཁར་ཀླུ་ཁང་པ་ཚེ་དབང་རབ་བརྟན། | ནང་སོ། | ༡༨༩༦-༡༩༧༣ | |
| ༣༧ | བློ་བཟང་ཚེ་རིང། | རྒྱལ་ལྷ་ཁང་གྲོང་། | -༡༩༧༠ | བོད་ཀྱི་ལྷ་མོའི་སྒྱུ་རྩལ་བྱང་ཆུབ་པའི་གྲགས་ཅན་ཞིག་ཡིན། |
| ༣༨ | ཁམས་པ་ལུང་པ། | ཉན་པོའི་ཀ་ས། | ༡༢༣༢-༡༢༨༢ | |
| ༣༩ | ཁྲི་ཆེན་བྱམས་པ་རྒྱ་མཚོ། | ཞོགས་ཀྱི་གྲམ་ཕུ། | ༡༥༡༦-༡༥༩༠ | དགའ་ལྡན་ཁྲི་ཐོག་ཉེར་བཞི་པ། |
| ༤༠ | ཁྲི་ཆེན་ངག་དབང་ཆོས་ཀྱི་རྒྱལ་མཚན། | འཕན་པོ་མདའ། | ༡༥༧༥- | དགའ་ལྡན་ཁྲི་ཐོག་སོ་བཞི་པ། |
| ༤༡ | ཁྲི་ཆེན་བློ་བཟང་དོན་ལྡན་རྣམ་དག་རྡོ་རྗེ། | ཞོགས་གྲམ་ཕུ། | ༡༦༠༢-༡༦༧༨ | དགའ་ལྡན་ཁྲི་ཐོག་ཞེ་གཉིས་པ། |
| ༤༢ | ཁྲི་ཆེན་བློ་བཟང་མཁས་མཆོག | སྦས་གྲོང་། | ༡༧༣༦-༡༧༩༢ | དགའ་ལྡན་ཁྲི་ཐོག་རེ་གསུམ་པ། |
| ༤༣ | གྲུབ་ཐོབ་དཔལ་འཛིན། | |||
| ༤༤ | གྲུབ་དབང་དཀོན་མཆོག་འཕྲིན་ལས་དཔལ་བཟང་པོ། | འབྲི་གུང་སྦྲ་ག། | ༡༩༠༠-༡༩༨༨ | |
| ༤༥ | ཆོས་རྗེ་ནམ་མཁའ་བཟང་པོ། | དར་ཡུལ། | ༡༣༣༣-༡༣༧༩ | |
| ༤༦ | དར་རྒྱལ་མང་པོ་རྗེ། | དར་ཡུལ། | དུས་རབས་བདུན་པ། | ཆུང་དུས་ནས་བློ་རིག་རྣོ་བས་བློན་ཆེན་མགར་ལ་བོད་ཁོས་བཤམས་རོགས་མཛད། |
| ༤༧ | པ་ཚབ་ལོ་ཙཱ་བ་ཚུལ་ཁྲིམ་རྒྱལ་མཚན། | |||
| ༤༨ | སྤྱན་སྔ་ཚུལ་ཁྲིམས་འབར། | ཉན་སྣ་ར་སྒང། | ༡༠༣༨-༡༡༠༣ | |
| ༤༩ | དགེ་བཤེས་ཕུ་ཆུང་པ། | རྒྱལ་གྱི་སྐྱི་ར་རྫིང་། | ༡༠༣༡-༡༡༠༦ | བཀའ་གདམ་སྐུ་མཆེད་གསུམ་གྱི་ཡ་གྱལ་ཞིག་ཡིན། |
| ༥༠ | ཞོགས་དོན་ཡོད་མཁས་གྲུབ། | སྨད་ཅུང་པ་ཆུ་སྐོར། | ༡༦༧༡-༡༧༣༧ | |
| ༥༡ | ཞྭ་དམར་ཆོས་ཀྱི་དབང་ཕྱུག | འབྲི་གུང་གཞོ་ལུང། | ༡༥༨༤-༡༦༣༠ | ཞྭ་དམར་སྐུ་ཕྲེང་དྲུག་པ་ལགས། |
| ༥༢ | ལྷ་རྗེ་སྒོམ་པ། | གྲབ། | ཇོ་ནང་པའི་མཁས་པ་ཞིག | |
| ༥༣ | སྒྲོ་སྟོན་གནམ་བརྩེགས། | ཇོ་ནང་པའི་མཁས་པ་ཞིག | ||
| ༥༤ | ཁྲི་ཆེན་དགེའདུན་བསྟན་པ་དར་རྒྱས། | ཀླུང་ཤོད། | ༡༤༩༣-༡༥༦༨ | དགའ་ལྡན་ཁྲི་ཐོག་ཉེར་གཉིས་པ། |
| ༥༥ | ཁྲི་ཆེན་བློ་བཟང་དགེ་ལེགས། | རྒྱལ། | ༡༧༥༧-༡༨༡༦ | དགའ་ལྡན་ཁྲི་ཐོག་རེ་བརྒྱད་པ། |
| ༥༦ | དགེ་བཤེས་ཕུ་ཆུང་པ། | རྒྱལ་གྱི་སྐྱིད་ར་རྫིང། | ༡༠༣༡-༡༡༠༦ | |
| ༦༦ | མཚམས་པ་དཔའ་ཆུང་། | འབྲི་གུང་སྦྲ་ག། | ༡༩༠༠- | |
| ༦༧ | རིན་པོ་ཆེ་རྡོ་རྗེ་རིན་ཆེན། | གཞུ་སྨད། | ༡༢༧༨-༡༣༡༤ | འབྲི་གུང་གདན་རབས་བརྒྱད་པ། |
| ༦༨ | སྐལ་བཟང་དགེ་ལེགས་རྒྱ་མཚོ། | འཕན་ཡུལ་རྔོག | ༡༧༧༦-༡༨༣༣ | |
| ༧༠ | གཏེར་སྟོན་དབུ་རུ་སྟོན་པ་ཤཱཀྱ་འོད། | འཕན་ཡུལ། | གཏེར་སྟོན་བརྒྱ་རྩའི་ཡ་གྱལ།རྟེན་སྔགས་བཙུན་དཀྱུས་མ།ར་ས་འཕྲུལ་སྣང་སོགས་ནས་རླུང་འཁོར་གདམས་སྐོར་སོགས་གཏེར་ནས་བཞེས། | |
| ༧༡ | གཏེར་སྟོན་གནམ་ལྕགས་རྡོ་རྗེ། | འབྲི་གུང། | གཏེར་སྟོན་བརྒྱ་རྩའི་ཡ་གྱལ། ཏི་སྒྲོའི་ཚོགས་ཁང་ནས་དམ་ཆོས་དགོངས་པ་ཡང་ཟབ་ཀྱི་ཆོས་སྡེ་གཏེར་ནས་བཞེས། |
ལེ་ཚན་གསུམ་པ། གནའ་ཤུལ།
| མཁར།བང་སོ། དུར།གནས། | ས་གནས། | མཆན། | |
|
མཁར། |
ཟིང་པོ་རྗེའི་མཁར་ཤུལ། | ཟིང་པ་གྲོང། | མཁར་ཤུལ་དེ་བཙན་པོ་གནམ་རི་སྲོང་བཙན་སྐབས་འཕན་པོའི་ཁུལ་གྱི་རྗེ་བོ་སྟོབས་ཆེ་བ་ཞིག་གི་མཁར་ཡིན། ཁུལ་དེའི་མི་རྣམས་ཟིང་པོ་རྗེའི་མི་རྒྱུད་ཡིན་སྐད་འདུག |
| མཁར། | ཀཀྞི་སྒོ་བཞི། | དབུ་རུ་ལུང། | མཁར་ཤུལ་དེ་བོད་སིལ་བུའི་སྐབས་སུ་བརྩིགས་པའི་མཁར་རྫོང་ཡིན་སྐད་་དང་། མཁར་དེར་སྒོ་བཞི་ཡོད་སྒོ་བཞིར་གྲགས། |
| ཡུལ། | ཤོ་མ་ར། | དབུ་རུ་ལུང། | བཙན་པོ་སྲོང་བཙན་སྒམ་པོའི་བློན་ཆེན་མགར་དང་། དར་རྒྱལ་མང་རྗེ་སོགས་ཀྱིས་ཁྲིམས་ལུགས་ཀྱི་ཁོད་གཏན་འབེབས་བྱ་ཡུལ་ཡིན། |
| མཁར། | མེར་གེའི་མཁར་ཤུལ། | ཕོད་མདོ་གྲོང། | མཁར་ཤུལ་དེ་ཤོད་རྒྱུན་དུ་བོད་སིལ་བུའི་དུས་སུ་མེར་གེ་ཉི་མ་འབྲུག་གྲགས་ཞེས་པའི་དཔོན་ཞིག་བྱུང་བ་དེའི་མཁར་ཡིན་པ་གྲགས། |
| རྡོ་བརྐོས། | བན་བྱང་གི་རྡོ་བརྐོས་ཡི་གེ། | མཚོ་སྟོད་གྲོང། | ཀློ་པ་སྟོད་ཀྱི་ཕུའི་བན་ཆང་ས་ཆར་རྡོ་བརྐོས་ཡིག་རྙིང་ཞིག་ཡོད་པ་དེའི་ནང་དོན་སྨན་གྱི་སྐོར་ཡིན། ཤོད་རྒྱུན་ལ་རྡོ་བརྐོས་དེ་སློབ་དཔོན་རིན་པོ་ཆེ་བཙུགས་པར་གྲགས། |
| མཁར། | ཕོད་མདོའི་མཁར་ཤུལ། | ཕོད་མདོ་གྲོང། | མཁར་དེ་ནི་དུས་རབས་བཅུ་གཅིག་པའི་ནང་ཁུལ་དེར་དཔོན་ཞང་འཁྲང་ཁ་བེར་ཆུང་བྱ་བ་འབྱུང་བ་ས་དེར་མཁར་བརྩིགས་ནས་གཞིས་ཆགས་པའི་ཤུལ་ཡིན་པར་གྲགས། |
| ཟམ་པ། | ཕོད་མདོ་ལྕགས་ཟམ། | ཕོད་མདོ་གྲོང། | ལྕགས་ཟམ་དེ་ནི་གྲུབ་ཆེན་ཐང་སྟོང་རྒྱལ་པོས་སྐྲུན་གནང་བའི་ལྕགས་ཟམ་ཐོག་མ་དེ་ཡིན་སྐད། ཕྱི་ལོ་ ༡༩༦༡ ཡར་སྔོན་ལ་བྱང་ཕྱོགས་ནས་ལྷ་སར་ཡོང་བའི་འགྲུལ་ལམ་ལྟེ་བ་ཞིག་ཡིན། |
| མཁར། | ལྷུན་གྲུབ་མཁར་ཤུལ། | ལྷུན་གྲུབ་རྫོང། | དེ་སྔ་ཕག་གྲུ་དང་། སྟག་ལུང་པ། དགའ་ལྡན་ཕོ་བྲང་པའི་གཞུང་འཛིན་གནས་ཡུལ། མཁར་དེར་ཐོག་བརྩེགས་དགུ་ལྡན་གྱི་མཁར་དབུས་དམར་པོ། མཐའ་སྐོར་དཀར་པོ། མཐར་གྱང་གི་ལྕགས་རི་ཆེན་པོ་བཅས་ཡོད། |
| མཁར། | བཟའ་དམ་མཁར་ཤུལ། | བཟའ་དམ་གྲོང། | མཁར་ཤུལ་དེར་བཙན་པོ་སྲོང་བཙན་སྒམ་པོ་སྐུ་འདས་ས་འཕན་ཡུལ་ཟལ་མོ་སྒང་ཞེས་པ་ཡིན་སྐད་དང། ཕྱིས་ཟ |
| གནས། | དམ་པ་ཕུག | གསུམ་ཕྲེང། | བྲག་ཕུག་དེ་ནི་རྒྱ་གར་གྱི་གྲུབ་ཆེན་དམ་པ་སངས་རྒྱས་ཀྱི་སྒྲུབ་ཕུག་ཡིན་པར་གྲགས། |
| གནས། | བཏབ་ཁ་འབུམ་པ། | ངར་ནང་གྲོང། | གནའ་བའི་ས་འབུམ་དེ་ནི་བཀའ་གདམས་པའི་དགེ་བཤེས་བཏབ་ཁ་བའི་གདུང་རུས་བཞུགས་པའི་མཆོད་རྟེན་ཡིན། |
| གནས། | ཡུང་བ་ཤེལ་གྱི་མཆོད་རྟེན། | ཡུང་བ་གྲོང། | གནའ་བའི་ས་འབུམ་དེ་ནི་དགེ་བཤེས་ཤ་ར་བའི་ཡུམ་གྱི་གདུང་རྟེན་ཡིན། |
| གནས། | གྲུབ་ཐོབ་བུམ་པ། | ཡུང་བ་གྲོང། | གནའ་བའི་མཆོད་རྟེན་དེ་ནི་འབྲོམ་སྟོམ་པའི་ཞལ་སློབ་དགེ་བཤེས་ཕུ་བྱུང་བའི་གདུང་རྟེན་ཡིན། |
| གནས། | ཕུ་བྱུང་ཕུག | ཡུང་བ་གྲོང། | བྲག་ཕུག་དེ་ནི་དགེ་བཤེས་ཕུ་བྱུང་བའི་སྒྲུབ་ཕུག་ཡིན། |
| གནས། | སྟོང་རྩེ་རི་བོ། | མཚོ་སྟོད་གྲོང། | གནས་རི་དེར་ས་སྐྱའི་བླ་མ་ཚར་ཆེན་བློ་གསལ་རྒྱ་མཚོས་ན་རོ་མཁའ་སྤྱོད་མའི་སྒྲུབ་པར་བཞུགས་མྱོང། |
| གནས། | གུ་རུའི་སྒྲུབ་ཕུག | དབུ་རུ་ལུང། | དབུ་རུ་ལུང་ཤོ་མ་རའི་ལྷོ་ངོས་ཀ་དག་རི་ལྡེབས་ཀྱི་བྲག་ཕུག་དེ་ནི་གུ་རུ་པདྨ་འབྱུང་གནས་ཀྱི་སྒྲུབ་ཕུག་ཡིན། |
| གནས། | ཀླུང་རི་ཕྱུག་མོ། | ཕོད་མདོ་གྲོང། | དེ་ནི་རི་ཞིག་དང་། དེར་ཡུལ་མི་ཚོས་བསངས་གཏོང་དར་འཛུགས་བྱེད་སྲོལ་མཆིས། |
| གནས། | བྱམས་པ་སྤུན་གསུམ། | རྒྱལ་གྲོང་ཚོ། | རྒྱལ་གྱི་བྱམས་པ་དང་། རག་མའི་བྱམས་པ། ཀློ་པ་སྟོད་ཀྱི་བྱམས་པ་བཅས་ལ་བྱམས་པ་སྤུན་གསུམ་དུ་གྲགས། དེ་གསུམ་ཉིན་གཅིག་ལ་མཇལ་ཐུབ་ན་བྱིན་རླབས་ཆེ་སྐད། |
| གནས། | ཁྲོ་མོ་བྲག་ཕུག | བྱེ་མོ་གྲོང། | བྲག་ཕུག་དེར་གུ་རུ་རིན་པོ་ཆེ་དང་། ཕ་དམ་པ་སངས་རྒྱས། རྗེ་ཙོང་ཁ་པ་སོགས་བཞུགས་མྱོང་སྐད། བྲག་ལྡེབས་སུ་རྗེས་དང་རང་བྱུང་རི་མོ་མང་པོ་ཡོད། |
| གནས། | སྤྱན་སྔ་འབུམ་པ་སོགས། | ལྷ་ཁང་གྲོང། | གནའ་བའི་མཆོད་རྟེན་དེ་ནི་འབྲོམ་སྟོན་གྱི་སྐུ་མཆེད་གསུམ་གྱི་ཡ་གྱལ་ཡིན་པའི་སྤྱན་སྔ་ཚུལ་ཁྲིམས་འབར་བའི་གདུང་རྟེན་ཡིན། |
| གཏན་མར་ཞིང་། | གསུམ་ཕྲེང་གྲོང། | ཤིང་བཟོ་བ་ཞིག་གིས་བྱས་རྗེས་ལ་༸རྒྱལ་མཆོག་ལྔ་པ་ཆེན་པོས་གཟིགས་མཐོང་ཆེན་པོ་ཐོབ་པའི་ཁྱིམ་ཚང་ཞིག་ཡིན། | |
| གླུད་གོང་སྒང་། | གྲུབ་བརྒྱ་གྲོང། | སྔར་ལྷ་སའི་ཚོགས་མཆོད་གྲོལ་སྐབས་ཆུ་ཤུར་བྱང་ཆུབ་གླིང་དགོན་གྱིས་གླུད་འགོང་གཏོང་ཡུལ་ཡིན་པས་མིང་དེ་ལྟར་ཐོགས། | |
ས་བཅད་བརྒྱད་པ། དམངས་སྲོལ།
དང་པོ། རྭ་སྒྲེང་མཆོད་བྲོ།
འབྲོམ་སྟོན་པས་ཕྱི་ལོ་ ༡༠༥༧ ལོར་རྭ་སྒྲེང་གཙུག་ལག་ཁང་བཞེངས་བཀའ་གདམས་པའི་ལུགས་གཏོད་པ་དེས། ཁུལ་དེའི་ཆུས་ལུགས་ཀྱི་བྱེད་སྒོ་མང་དུ་ཕྱིིན་པ་དང་། དམངས་ཁྲོད་གླུ་གུར་རོལ་དབྱངས་ཀྱི་བྱེད་སྒོ་ཡང་དུས་མཚུངས་མང་དུ་ཕྱིན་ནས། ལྷག་པར་ཆོས་དོན་མཛད་སྒོར་དམིགས་ནས་ཆེད་མངགས་གསར་གཏོད་བྱས་པའི་དཀྱིལ་འཁོར་ལྷ་ཚོགས་རྣམས་དགྱེས་པ་སྐོང་ཕྱིར་བླང་བ་དབྱངས་སྙན་དང་འཁྲབ་པ་བྲོ་གར་གི་མཆོད་པ་གཟབ་རྒྱས་འབུལ་ཆེད། ཐུན་མོང་མ་ཡིན་པའི་རྭ་སྒྲེང་མཆོད་སྒྲོ་ཞེས་པ་གསར་གཏོད་བྱས་ནས་ལོ་ལྟར་དགོན་པ་དེའི་ཆོས་དོན་མཛད་སྒོ་ཁག་ལ་འཁྲབ་སྲོལ་བྱུང་། རྭ་སྒྲེང་མཆོད་བྲོར་དུམ་བུ་དགུ་དང་། གླིང་བྲོར་དུམ་བུ་དྲུག་བཅས་ཡོད་པ་དེ་དག་གི་གཞས་ཚིག་ནང་དོན་གཙོ་བོ་ནི་སངས་རྒྱས་བསྟན་པར་བསྟོད་པ་དང་། མཛེས་རིག་ལྟ་བུའི་རྣམ་པར་བཀྲ་བའི་རྭ་སྒྲེང་གི་རང་བྱུང་བཀོར་བསྟོད་པ་སོགས་རེད།
གཉིས་པ། རྭ་སྒྲེང་ཁུ་བྱུག་མཆོད་པ།
རྭ་སྒྲེང་ཁུ་བྱུག་མཆོད་པ་ནི་ཕྱི་ལོ་ ༡༠༥༧ ལོ་འབྲོམ་སྟོན་རྒྱལ་བའི་འབྱུང་གནས་ཀྱི་ཕྱག་བཏབ་པའི་བཀའ་གདམས་བསྟན་པའི་ཆུ་འགོ་བྱང་རྭ་སྒྲེང་དགེ་འཕེལ་གླིང་དུ་ལོ་གཅིག་ནང་། བྱ་ཟླ་མཆོད་པ་དང་། ཁུ་བྱུག་མཆོད་པ། མེ་ཏོག་མཆོད་པ། ཉ་དྲུག་མཆོད་པ། ཞེས་བཀའ་གདམས་མཆོད་པ་དུས་བཞི་ཡོད་པའི་ཡ་གྱལ་ཞིག་ཡིན། དེ་ཡང་ཁུ་བྱུག་མཆོད་པ་ནི་ལོ་ལྟར་བོད་ཟླ་ ༤ ཚེས་ ༡ ནས་ ༧ བར་ས་ཟླའི་དུས་མཆོད་དང་དུས་མཉམ་དུ་འཁེལ་བས་དད་ལྡན་སེར་སྐྱ་མང་ཚོགས་རྣམས་ཀྱིས་དུས་མཆོད་དེ་དགེ་བ་གསོག་པའི་དུས་ཚིགས་ཧ་ཅང་རྩ་ཆེན་པོར་བརྩིས་ཏེ། ལ་བརྒྱབས་ཀླུང་བརྒལ་གྱི་རྭ་སྒྲེང་ཁུ་བྱུག་མཆོད་པར་མཇལ་བར་འགྲོ་སྲོལ་ཡོད། འོན་ཀྱང་། རྭ་སྒྲེང་དགོན་པར་འགྲོ་བར་ཕུ་མདོ་གཙང་པོའི་ཐོག་གྲུབ་ཐོབ་ཐང་སྟོང་རྒྱལ་པོས་ཕྱག་བཏབ་པའི་ལྕགས་ཟམ་དེ་མ་བརྒྱུད་པར་ཆུ་རབ་རྒྱག་པའམ་བྱང་རྒྱུད་སྐོར་ནས་འགྲོ་བ་ལས་ཐབས་གཞན་མེད།
དེར་བརྟེན་ལོ་ལྟར་རྭ་སྒྲེང་ཁུ་བྱུག་མཆོད་པའི་དུས་མཆོད་སྐབས་ལྕགས་ཐག་གི་ཟམ་པ་དེའི་སྟེང་ཕེབས་མཁན་མི་ཚོགས་ཧ་ཅང་ཆེ་རྐྱེན་ཟམ་སྟེང་འཚང་ཁ་དང་། ཉེན་གཟར་ཆེ་བ་ལ་དམིགས་མི་རྣམས་ཀྱི་གཤམ་གྱི་དམངས་གཞས་དེ་བཏང་འདུག རྭ་སྒྲེང་ཁུ་བྱུག་མཆོད་པ།། མཇལ་འདོད་ཐུགས་ལ་ཡོད་ཀྱང་།། ཕུ་མདོ་ལྕགས་ཀྱི་ཟམ་པ།། དམྱལ་བའི་ཕྲང་ལས་དོག་པ།། དབུས་སྟོད་འཕན་ཡུལ་དང་། འབྲི་གུང་། མལ་གྲོལ་སོགས་ལ་ཡོངས་གྲགས་སུ་གཏོང་སྲོལ་དར་འདུག
གསུམ་པ། ཕ་བོང་རོང་ཐང་སྐོར་དང་མཁའ་འགྲོ་ཚོགས་གཞོང་།
ལུག་ལོ་ནམ་ཤར་དུ་ཕ་བོང་རོང་ཐང་སྐོར་ཞེས་རྭ་སྒྲེང་དགོན་པའི་ནུབ་ངོས་ཀྱི་ཕོ་བོང་ཐང་དུ་སྐོར་བ་རྒྱག་སྲོལ་ཡོད། དེ་ཡང་ཐང་ཆེན་དེའི་སྟེང་རྡོ་ཕ་བོང་དུ་མ་ཡོད་པའི་ནང་ནས་ཆེ་ཤོས་དེར་མཁའ་འགྲོ་གསང་བ་ཡེ་ཤེས་ཀྱི་ཕོ་བྲང་ཞེས་པ་ཡིན་པར་གནས་སྐོར་བ་ཚོས་དེ་གར་བསྐོར་བ་རྒྱག་པ་སོགས་བྱེད། དེ་བཞིན་མཁའ་འགྲོ་ཚོགས་གཞོང་། བོད་ཟླ་བདུན་པའི་ཚེས་བཅོ་ལྔའི་ཉིན་རྭ་སྒྲེང་བླ་བྲང་ནས་ཕོ་རོང་ཐང་གི་མཁའ་འགྲོ་ཚོགས་གཞོང་ཞེས་པའི་ཕ་བོང་གི་སྟེང་དུ་རྩམ་ཁལ་ལྔ་བརྒྱའི་ཚོགས་བཞེངས་ནས་མང་ཚོགས་ལ་ཚོགས་ཀྱི་བྱིན་རླབས་སྤྲོད་པ་དང་། རྭ་སྒྲེང་དགོན་པའི་བླ་གྲྭ་རྣམས་དེ་གར་ཕེབས་ནས་ཉིན་གསུམ་རིང་ཚོགས་མཆོད་སོགས་མཛད་སྲོལ་ཐོག་དགེ་འདུན་པ་ཚོས་གར་འཆམས་དང་། ཡུལ་མི་ཚོས་བྲོ་གཞས་དང་། ལྷ་མོ་འཁྲབ་པ། རྟ་རྩལ་འགྲན་པ་སོགས་བྱེད་ཅིང་། སྐབས་དེར་ལྷ་ས་སོགས་ནས་མི་དམངས་ཧ་ཅང་མང་བ་འདུ་འཛོམས་བྱེད།
བཞི་པ། དགའ་ལྡན་ཆོས་འཁོར་གྱི་བརྟག་གཞི་དང་། ཤར་ཆེ་ནོ།
ལོ་རེའི་བོད་ཟླ་བཅུ་གཅིག་པའི་ཚེར་ཉེར་གསུམ་ཉིན་བཀའ་སྲུང་གཙོད་རུ་ཅན་སྐུ་རྟེན་ལ་ཞུགས་ཏེ་ལུང་བསྟན་བརྒྱབ་པ་བཞིན་ལོ་རེའི་ལེགས་ཉེས་བརྟག་གཞིའི་གོ་དོན་དངོས་པོ་དང་རི་མོ་རྣམས་གྲ་སྒྲིག་བྱས་ཐོག་ཚེས་ཉེར་བདུན་ཉིན་བརྟག་གཞིའི་དཔེ་རིས་ལ་ཞུ་དག་གིས་བསྒྱུར་བཅོས་བྱས་ནས་གནམ་གང་ཉིན་བརྟག་གཞི་ཐོ་འགོད་དང་སྦྲགས་ལུང་ཞུར་ཆོས་སྐྱོང་གི་ཐམ་ག་ཕབ་ནས་རྩེ་ཡིག་ཚང་ལས་ཁུངས་བརྒྱུད་ཏཱ་ལའི་བླ་མར་སྙན་ཞུ་འབུལ་དགོས་ཀྱི་ཡོད།
ཤར་ཆེ་མོ། ལོ་ལྟར་བོད་ཟླ་དྲུག་པའི་ཚེས་གཉིས་ནས་བཅོ་ལྔ་བར་ཤར་ར་དགོན་པར་ཤར་ཆེ་མོ་ཞེས་པའི་དུས་ཆེན་ཞིག་ཚུགས་སྲོལ་ཡོད། དེ་ཡང་བོད་ཟླ་དྲུག་པའི་ཚེས་གཉིས་ནས་བཟུང་དགོན་པ་དེ་གའི་བཙུན་མ་ཚོས་བཀའ་འགྱུར་དག་སྒྲོག་བྱེད་ཅིང་དེའི་རིང་དད་མཇལ་བ་མང་པོ་ཕེབས། ཚེས་བཅུ་བཞི་ཉིན་ལྷུན་གྲུབ་རྫོང་དཔོན་ངོ་མ་ཤ་ར་དགོན་པར་ཡོང་ནས་ཉིན་གསུམ་བསྡད་དེ་ཚེས་བཅོ་ལྔའི་ཉིན་དགོན་པར་མང་ཇ་དང་། སྐུ་འགྱེད། བརྒྱ་མཆོད་བཅས་ཕུལ། དེ་ཉིན་དགོན་བདག་སྒེར་བར་ཞི་བས་རང་ཁོངས་མི་སེར་ནང་ནས་བུ་མོ་ཁ་འབྲས་མཚར་བ་གཉིས་ལ་སྐྱེས་པའི་ཆས་གོས་གཡོགས་ནས་དགོན་པའི་ལྷོ་ནུབ་ཀྱི་མཁའ་འགྲོའི་བྲོ་ར་ཞེས་པར་སྒོར་གཞས་ཀྱི་སྣེ་འཁྲིད་པར་གདན་ཞུའི་ཚུལ་གྱི་བསུ་བ་བྱས་ཏེ་སྒོར་གཞས་ཀྱི་སྒོ་ཕྱེ། དེ་དུས་དགོན་པའི་ཉེ་འགྲམ་དུ་ལྷ་ས་དང། ལྷོ་ཁ་སོགས་ནས་ཡོང་བའི་ཚོང་པ་མང་པས་དེ་གར་ཉོ་ཚོང་འཁྲུག་པོའི་ཚོང་དུས་ཤིག་ཚུགས་སྲོལ་དང་། འཕན་པོའི་སྟོད་སྨད་ནས་ཡོང་བའི་ཡུལ་མི་ཕོ་མོ་ཚོས་སྒོར་གཞས་རྒྱག་སྲོལ་ཡོད།
ལྔ་པ། རྗེ་བདག་དུས་ཆེན།
འཕན་པོའི་ཡུལ་གྲོང་ཞིག་ཏུ་ཧོར་ཟླ་ ༡༠ ཚེས་ ༡༥ དགོང་མོ་བྱིས་པ་བུ་མོ་རྣམས་ཀྱི་དགའ་སྤྲོའི་གླུ་དབྱངས་ལེན་ས་ཡུལ་ཞིག་ཏུ་འཛོམས་ནས་མེ་གཏོང་ཆུ་ལེན་བྱེད་པ་དང་། བྱིས་པ་བུ་རྣམས་ཀྱི་མཉམ་དུ་ཁྱིམ་ཚང་སོ་སོའི་སྒོ་འགྲམ་དུ་ཕྱིན་ནས་སློང་མོ་བྱེད་ཀྱི་ཡོད། སློང་མོ་བྱེད་པའི་ཚུལ་ནི་བྱིས་པ་རྣམས་ཀྱི་མགྲིན་དབྱངས་གཅིག་གྱུར་གྱིམི་ར་མི་ཡི་གང་བར་ཤོག རྟ་ར་རྟ་ཡི་གང་བར་ཤོག མཛོ་ར་མཛོ་ཡི་གང་བར་ཤོག ལུག་ར་ལུག་གི་གང་བར་ཤོག འབྲུ་མཛོད་འབྲུ་ཡི་གང་བར་ཤོག ཐུགས་ཀྱི་བཅད་པ་སྟེར་དང་ཞུས་པས་རྗེ་བདག་ལགས། ར་ཤའི་སྟོད་ཁོག་ལུག་ཤའི་སྨད་ཁོག་སྟེར་དང་ཞུས་པའི་རྗེ་བདག་ལགས། སྒོང་སྒོང་གི་མཇིང་པ་སྨད་སྨད་ཀྱི་མཚང་ར་སྟེར་དང་ཞུས་པས་རྗེ་བདག་ལགས། ཇ་རྡོག མར་རྡོག ཚིལ་རྡོག་སྟེར་དང་ཞུས་པའི་རྗེ་བདག་ལགས། ཞེས་སློང་མོ་བྱེད་ཅིང་མཇུག་སྒྲིལ།
དེ་ནས་སྔར་གྱི་གནས་དེར་འཛོམས་ནས་བྱིས་པ་རྒན་པ་འགས་ཤ་ཚིལ་གཏུབ་པ་དང་། བུ་མོ་ཚོས་ཇ་ཐུག་སོགས་སྐོལ་བ། ལོ་ཆུང་རྣམས་གར་དང་རྩེད་མོ་ལ་རོལ་བར་བྱེད། མཚན་མོའི་ཆུ་ཚོད་ ༡༡ ཡས་མས་སུ་རང་སོ་སོའི་ཁྱིམ་གྱི་ཟན་ཁང་ནས་ཟན་རྩྭ་སླངས་ཏེ་དཔའ་འབར་ཆེན་པོ་རེ་བཟོས་ཐོག་དུས་གཅིག་ཏུ་མེ་སྤར་ནས། ཆུ་གསོད། མེ་གསོད། འབུ་གསོད་ཞེས་སྐད་གསང་མཐོ་པོས་འབོད་སྒྲ་བསྒྲགས་བཞིན་དུ་ཕྱོགས་བཞི་མཚམས་བརྒྱད་དུ་རྒྱུག་སྟེ་ལེགས་འབྲས་བཟང་གི་འདུན་པས་ཁེངས་པའི་ལོ་གསར་པ་དེའི་ནང་ཞིང་འབྲོག་ཐོན་སྐྱེད་ལ་ཆུ་སྐྱོན་དང་། ཐན་སྐྱོན། འབུ་སྐྱོན་སོགས་ཀྱི་གནོད་པ་མི་ཡོང་སྔོན་འགོག་བྱེད་ཀྱི་བྱེད་ཐབས་ཚར་བ་དང་། སྒོར་སྒོར་དུ་འཛོམས་ནས་ཇ་ཐུག་བཞེས་རྗེས་མེ་སྐོང་བཏང་ནས་མཚན་གྱི་དཀྱིལ་བར་ཞབས་བྲོ་འཁྲབ་བཞིན་དུ་བསྡོད་ཀྱི་ཡོད།[1]
[1] བསོད་ནམས་ཆོས་དར། བོད་ཟླ་བཅུ་གཅིག་པའི་བཅོ་ལྔའི་རྗེ་བདག་དུས་ཆེན། གངས་ལྗོངས་རིག་གནས། ཕྱི་ལོ་ ༡༩༩༠།༣། ཤོག ༧༢།
དབུས་གཙང་ལོ་རྒྱུས་ཆེན་མོ་ལས་བཏུས།
