སྤུ་རྒྱལ་གཉའ་ཁྲི་བཙན་པོའི་རི གས་རུས་ཀྱི་མཆེད་ཁུངས་ལ་དཔྱད་པ།
གཉའ་ཁྲི་བཙན་ པོ་དམུ་ཐག་བརྒྱུད་ནས་བོད་ཀྱི་ བཙན་པོར་བྱོན་པ།བརྡ་ཆད་གཙོ་བོ།ཐེ འུ་བྲང་། བོན། གཉའ་ཁྲི། གསང་བ། ཆོས།
ནང་དོན་གནད་བསྡུས། འདིར་སྤུ་རྒྱལ་གཉའ་ཁྲི་བཙན་པོའི ་གདུང་རྒྱུད་ཐད་ཀྱི་བཞེད་ཚུལ་མི ་མཐུན་པ་གཙོ་ཆེ་བ་རྣམས་བཀོད་ཅི ང་།དེ་དག་གི་ཐད་ལ་རང་གི་ཞིབ་འཇུ ག་ཅུང་ཙམ་བྱས་པའི་ལྟ་ཚུལ་ལམ་ བསམ་ཚུལ་རྣལ་མ་ཞིག་བཀོད་ནས་མཇུ ག་གྲུབ་པར་བྱས་ཡོད།
གླེང་བསླང་ བའི་སྐད་ཆ།བོད་སྤྱིའི་རྒྱལ་པོ་ ཐོག་མ་ཞེས་ཡོངས་སུ་གྲགས་པའི་སྤུ ་རྒྱལ་གཉའ་ཁྲི་བཙན་པོའི་རིགས་རུ ས་ཀྱི་མཆེད་ཁུངས་ཐད་རང་རེ་གངས་ ཅན་པའི་མཁས་པ་དང་ཞིབ་འཇུག་པ་རྣ མ་པར་འདོད་ཚུལ་མི་མཐུན་པ་སྣ་ཚོ གས་ཤིག་མཆིས་པར་མ་ཟད། སོ་སོ་རང་ ཉིད་ལ་རང་ཉིད་ཀྱི་བསམ་བློའི་ཁ་ ཕྱོགས་དང་མཐུན་པའི་སྒྲུབ་བྱེད་ ཀྱང་ལུང་རིགས་སྣ་ཚོགས་པ་མང་པོ་ ཞིག་འགོད་རྒྱུ་ཡོད་པ་རེད། འདོད་ ཚུལ་སྣ་ཚོགས་པ་དེ་དག་ཚུར་བསྡུས་ ན། བློན་པོ་བཀའི་ཐང་ཡིག་ཏུ། གནམ་ལྷ་བབས་ཀྱི་རྒྱལ་པོ་གཉའ་ཁྲི ་བཙན། །གླེང་ལུགས་མ་མཐུན་གསང་ བསྒྲགས་ལས་གསང་ཟེར། །གསང་བ་རྒྱ ལ་པོ་འཆད་པའི་ཆོས་ལུགས་གླེང་། ། བསྒྲགས་པ་ལྷ་ལས་འཆད་པའི་བོན་ལུ གས་གླེང་། །ཡང་གསང་ཐེའུ་བྲང་ འཆད་པའི་དམངས་བློན་གླེང་། ། ཞེ ས་གསུངས་བ་ལྟར། བསྒྲགས་པ་བོན་ ལུགས་དང་། གསང་བ་ཆོས་ལུགས། ཡང་ གསང་ཐེའུ་བྲང་གི་ལུགས་གསུམ་དུ་ འདུ་བ་རེད་སྙམ།
༡ བསྒྲགས་པ་བོན་ ལུགས།བསྒྲགས་པ་བོན་ལུགས་ནི་རྒྱ་ བོད་ཆོས་འབྱུང་རྒྱས་པར་བཀོད་པའི ་ཡོ་ག་ལྷ་གྱེས་ཅན་གྱི་བྱུང་རབས་ འདི་དང་། ཏུན་ཧོང་ཡིག་རྙིང་དུ། ལྷ་གནམ་གྱྀ་སྟེང་ནས་གཤེགས་པའ། གནམ་ལྷབ་ཀྱི་བླ་ན། ཡབ་ལྷ་བདག་དྲུ ག་བཞུགས་པའི་སྲས། གཅེན་གསུམ་གཅུ ང་གསུམ་ན། ཁྲྀ་འི་བདུན་ཚྀགས་ཀྱྀ ་སྲས། ཁྲི་ཉག་ཁྲྀ་བཙན་པོ། ། ཞེ ས་དང་། ལྡེའུ་ཆོས་འབྱུང་ཆེན་མོ་ སོགས་སུ་བཀོད་པ་བཞིན་ཡབ་ལྷ་བདག་ དྲུག་གི་གདུང་རྒྱུད་དུ་འཁྲུངས་ བར་བཞེད་པ་དང་། བོན་གྱི་ཡིག་ཆ་ སྲིད་པ་རྒྱུད་ཀྱི་ཁ་བྱང་དང་། རྩ་རྒྱུད་ཉི་སྒྲོན་སོགས་སུ་དེ་ དང་མཐུན་པར་བཤད་ཡོད་ཚུལ་ཞིང་བོ ད་ལོ་རྒྱུས་ཏི་སེའི་འོད་དུ་དྲ ངས་པ་ལྟར་རོ། །
༢ གསང་བ་ཆོས་ལུ གས།གསང་བ་ཆོས་ཀྱི་ལུགས་ལ་མང་པོ ས་བཀུར་བའི་གདུང་རྒྱུད་རྒྱལ་པོ་ དམག་བརྒྱ་བའི་སྲས་སུ་འཁྲུངས་བར་ བཀའ་འཆེམས་ཀ་ཁོལ་མ་དང་། ཆོས་འབྱུ ང་མཁས་པའི་དགའ་སྟོན། རྒྱ་བོད་ ཆོས་འབྱུང་། རྒྱལ་རབས་གསལ་མེ། བོན་གཞུང་མཐོ་ཐོག་མཛོད། དར་རྒྱ ས་གསལ་སྒྲོན་སོགས་བན་བོན་གྱི་ གཞུང་རྗེས་འབྲང་དང་བཅས་པ་མང་པོ འི་བཞེད་ལ། བུ་སྟོན་ཆོས་འབྱུང་ དུ། ཀོ་ས་ལའི་རྒྱལ་པོ་གསལ་རྒྱལ་ གྱི་གདུང་རྒྱུད་དུ་འཁྲུངས་ཟེར་ བ་དང་། ཁ་ཅིག་གཟུགས་ཅན་སྙིང་པོའི་སྲས་ ཆུང་བ་སྟོབས་ཆུང་གི་སྲས་ལྔ་ཚི གས་ཡིན་ཟེར་བ། ཁ་ཅིག་བད་ས་ལའི་ རྒྱལ་པོ་འཆར་བྱེད་ཀྱི་གདུང་རྒྱུ ད་དུ་བྱོན་པ་ཡིན་ཟེར་བའི་ཁ་ཅིག་ གསུམ་བཀོད་ནས་ཁོང་གི་རང་ལུགས་ཁ་ ཅིག་ཕྱི་མ་ལྟར་མཛད་པ་དང་། ཉང་ཆོ ས་འབྱུང་དུ་ཡང་དེ་ལྟར་གསུངས་བ་ སོགས་བཤད་ཚུལ་མི་མཐུན་པ་འགའ་ཞི ག་མཆིས་ཀྱང་དོན་ལ་འཇམ་དཔལ་རྩ་རྒྱུ ད་ཀྱི་ལུང་དང་། ལྷ་ལས་ཕུལ་བྱུང་ གི་བསྟོད་འགྲེལ་སོགས་ལ་ཁུངས་བཅོ ལ་ནས་བོད་ཀྱི་རྒྱལ་པོའི་གདུང་རྒྱུ ད་རྒྱ་གར་མང་པོས་བཀུར་བའི་རྒྱལ་ རྒྱུད་ལ་གཏུགས་ཡོད་པ་དེ་གའོ། །
༣ ཡང་གསང་ཐེའུ་བྲང་གི་ལུགས།བློན་ པོ་བཀའི་ཐང་ཡིག་ལས། སྤུ་ཡུལ་མོ་ བཙུན་གུང་རྒྱལ་ལ། །ཐེའུ་བྲང་སྤུ ན་དགུ་སྐྱེས་པ་ལས། །ཆུང་དག་ཨུ་ བེ་ར་ནས་འཆད་པའོ། །ཁུར་དུ་གཉེར་ ལྗི་ལས་སུ་སྨྲ་དཀའོ། །ཁྲི་རྒྱལ་ བ་དང་དྲི་དམུ་ཏྲི་བཙན་སྲས། ། གཉའ་ཁྲི་བཙན་པོ་ཟླ་བ་ཉ་ལ་སྐྱེས། །ཉ་ཁྲི་བཙན་པོ་ཞེས་ཀྱང་བྱ། ། ཞེས་དང་། རྒྱ་བོད་ཆོས་འབྱུང་རྒྱ ས་པར་ཡང་། ཡུལ་སྤུ་བོའི་ཡུལ་ནས་ སྤུའི་མི་མོ་མོ་བཙུན་བྱ་བའི་རུ མ་ནས་ཐེ་བྲང་སྤུན་དགུ་སྐྱེས་ཆུ ང་དག་ཐེའུ་བྲང་མ་སྙ་ཨུ་བེ་ར་བྱ་ བ།ཞེས་པ་ནས། དེ་ནི་རྗེའི་རྔན་ ནམ་མཚང་ལགས་སོ། །ཞེས་གསུངས་པ་ བཞིན་སྤུ་ཡུལ་ནས་སྤུའི་མོ་བཙུན་ གྱི་སྲས་སུ་འཁྲུངས་བའི་བཤད་ཚུལ་ འདི་ནི་དམངས་ཀྱི་འཆད་ལུགས་སམ་ ཡང་གསང་ཐེའུ་བྲང་གི་ལུགས་སོ། །
༤ རང་གི་བསམ་ཚུལ་གྱིས་དཔྱད་པ།འོ ་ན་ལུགས་འདི་དག་ལས་དངོས་ཡོད་ལོ་ རྒྱུས་དང་མཐུན་ཞིང་དོན་ལ་གནས་ པའི་འཆད་ཚུལ་དེ་གང་ལགས་ཤེ་ན། སྤྱི ར་མི་དབང་སྲོང་བཙན་ཡན་གྱི་རྒྱལ་ རབས་དག་གི་བྱུང་རབས་རྣམས་ངག་རྒྱུ ན་ཙམ་རེ་ཡིག་ཐོག་ཏུ་བཀོད་པ་ལས་ ལོ་རྒྱུས་དངོས་ཀྱི་བྱུང་རབས་ཡི་ གེར་བཀོད་པ་མེད་པ་དང་། ལོ་རྒྱུ ས་ཀྱི་དཔྱད་གཞི་རྒྱུ་ཆའང་ཕུན་སུ མ་ཚོགས་པོ་མེད་སྟབས། ངག་རྒྱུན་ གྱི་བཤད་པ་ཙམ་དང་ཡིག་རྙིང་གི་ཚི ག་དུམ་ཙམ་ལ་འཇུས་ནས་རང་བློས་དཔོ གས་ཚོད་ཀྱི་དཔྱད་པ་ཕྲན་ཚགས་རེ་ བྱེད་རྒྱུ་ལས་དངོས་ཐོག་བདེན་འཚོ ལ་དང།བདེན་ཐོག་བདེན་བཞག་གི་ལོ་ རྒྱུས་སྨྲ་རྒྱུ་དང་། ལོ་རྒྱུས་ འབྲི་རྒྱུ་ནི་ཤིན་ཏུ་དཀའ་བའི་ཚོ ད་དུ་བསླེབས་ཡོད་པ་རེད། ལྷག་ དོན་སྤུ་རྒྱལ་གཉའ་ཁྲི་བཙན་པོའི་ གདུང་རྒྱུད་ཀྱི་མཆེད་ཁུངས་དངོས་ མ་ཞིག་འཚོལ་དགོས་ན་གོང་དུ་བརྗོ ད་པའི་རྒྱུ་ཆ་དག་ལ་ཁུངས་བཅོལ་ ནས་དཔྱད་པ་རེ་བྱེད་རྒྱུ་ཙམ་ལས། སྐབས་དེའི་འཚོ་བའི་གོམ་སྲོལ་ དང་། རིགས་རུས་ཀྱི་འཕེལ་རིམ། ཆོས་ལུགས་ཀྱི་རིན་ཐང་ལྟ་བ། སྲི ད་དབང་ལམ་ལུགས། མངའ་ཁོངས་ཀྱི་ཁྱ བ་རྒྱ་སོགས་ཇི་བཞིན་བརྗོད་ཐབས་ བྲལ་བའི་གནས་སུ་གྱུར་ཡོད། འོན་ ཀྱང་དེ་དག་སྐབས་དེའི་དངོས་ཡོད་ ལ་རྒྱུས་ལོན་བྱེད་པའི་ཐབས་ལམ་ ཉག་གཅིག་ཡིན་པ་ནི་སྨོས་སུ་མེད།གོ ང་དུ་བརྗོད་ཟིན་པའི་བཤད་ཚུལ་གསུ མ་གྱི་ཐ་སྙད་ལས་ཀྱང་སྐབས་དེ་དང་ དེའི་དངོས་ཡོད་གང་མང་ཞིག་མཚོན་ པར་བྱེད་ནུས་སྟེ། བསྒྲགས་པ་བོན་ ལུགས་ཅེས་པའི་སྐབས་དེའི་སྤྱི་ཚོ གས་བྱིངས་ཀྱི་ཆོས་ལུགས་བོན་ལུ གས་ཡིན་པ་དང་། སྐབས་དེའི་རྒྱལ་ པོའི་གདུང་རབས་ཀྱི་བྱུང་བ་སྤྱི་ ཚོགས་ཡོངས་སུ་ཁྱབ་བསྒྲགས་བྱེད་ བཞིན་པ་ནི་བཤད་ཚུལ་འདི་ཡིན་པའང་ དཔག་ནུས། གསང་བ་ཆོས་ལུགས་ཅེས་ པའི་བཤད་ཚུལ་འདི་ནི་དུས་ཕྱིའི་ འཕགས་ཡུལ་གྱི་ཆོས་ལུགས་བོད་དུ་ དར་བའི་མགོ་བརྩམ་སྟེ་དམངས་སྤྱི འི་སེམས་སུ་ད་དུང་སྔར་གྱི་བཤད་ ཚུལ་གྱི་བག་ཆགས་མ་ཉམས་ཤིང་རྗེ་ བློན་རྣམས་དང་ཆོས་ལུགས་ཀྱི་མཁས་ པ་རེ་འགའི་བཤད་ཚུལ་འདི་བདེན་པར་ བཟུང་བའི་དུས་སྐབས་ཤིག་ནས་བྱུང་ ཞིང་། ཆོས་པ་འགའ་ཞིག་ལས་དམངས་ཡོ ངས་ཀྱི་དེ་ལྟར་མི་འདོད་པས་གསང་ བ་ཆོས་ལུགས་ཀྱི་བཤད་ཚུལ་ཞེས་བྱུ ང་བར་མངོན། བསྒྲགས་པ་བོན་ལུགས་ དང་གསང་བ་ཆོས་ལུགས་གཉིས་ཀ་བན་བོ ན་དག་གིས་རང་རང་གི་ཆོས་ལུགས་བོ ད་ཀྱི་སྤྱི་ཚོགས་ལ་ཁྱབ་སྤེལ་བྱེ ད་པའི་མཐུན་རྐྱེན་གྱི་དགོས་མཁོ ར་དམིགས་ཏེ་བོད་ཀྱི་རྒྱལ་པོའི་ ཐོག་མའི་མཆེད་ཁུངས་དེ་སོ་སོའི་ ཆོས་ལུགས་ཀྱིས་བཤད་སྟངས་ཅན་དུ་ བསྒྱུར་བ་ལྟ་བུ་རེད་ཡོད།ཡང་གསང་ ཐེའུ་བྲང་གི་ལུགས་ཀྱི་བཤད་ཚུལ་ འདི་ནི་དངོས་ཡོད་ལོ་རྒྱུས་ཡིན་ འདུག་ཀྱང་བོད་སྤྱིའི་རྒྱལ་པོ་ནི ་མི་རང་ག་བ་དང་དམངས་ཕལ་བ་ཞིག་གི ་ཁྱིམ་རྒྱུད་ལས་བྱུང་བར་བཤད་ན། སྐབས་དེའི་སྤྱི་ཚོགས་ཀྱིས་རྗེ་ བོར་བཀུར་མི་འོས་པའི་བསམ་བློ་ དང་ལྟ་ཚུལ་ཡོད་པ་དང་། དམིགས་ བསལ་དང་ཁྱད་འཕགས་ཀྱི་ནུས་པ་མངའ་ བའི་མི་རྣམས་ལྷ་དང་ལྷ་ཡི་གདུང་ རྒྱུད་ལས་བྱུང་བར་འདོད་པའི་ཆོས་ ལུགས་ཀྱི་བག་ཆགས་གཏིང་ཟབ་མོ་ཡོ ད་པ།བོན་ཆོས་སྐབས་དེའི་སྤྱི་ཚོ གས་སུ་ཁྱབ་སྤེལ་བྱེད་པའི་དགོས་ མཁོ་སོགས་ལ་དམིགས་ནས་བོན་ཤེས་པ་ བཅུ་གཉིས་སོགས་ཀྱིས་ལྷ་རབས་སྲི ད་པའི་ཐ་ཆུང་དང་མི་རབས་སྲིད་པའི ་མགོ་ཁུངས་ཞེས་བསྒྲགས་པ་བོན་ཀྱི ་བཤད་ཚུལ་འདི་ཡོངས་སུ་བསྒྲགས་ཤི ང་། སྐབས་དེའི་སྤྱི་ཚོགས་ཀྱི་ངོ ས་ནས་བལྟས་ནའང་རྒྱལ་པོ་ཐེའུ་བྲ ང་ལས་ཆད་ཚུལ་ནི་རྒྱལ་པོ་ལ་བརྩི་ བཀུར་མེད་པ་དང་། མཚང་འབྲུ་ཚབས་ ཆེན་ཡིན་པ་ཐུན་མོང་གི་ལྟ་སྟངས་ སུ་གྱུར་ཏེ་བཤད་ཚུལ་འདི་ཉིད་ཡོ ངས་སུ་གྲགས་པར་མངོན་ཏེ། རྒྱ་བོ ད་ཆོས་འབྱུང་རྒྱས་པར། རྗེ་ལ་ རྔན་མ་སྒྲང་སྐད་པ། ཡང་གསང་ཐེ་བྲ ང་ལས་ཆད་པའི་ལུགས་རྗེའི་རྔན་ནམ་ མཚང་ལགས་པས། འོ་སྐོལ་རྨངས་ཕལ་བ་ རྣམས་ཀྱིས་གླེང་ལ་མི་འཐད་པ་ལགས་ སྐད་དོ། །ཞེས་དང་བཤད་མཛོད་ཆེན་ མོ་ལས་ཀྱང་། རྒྱལ་པོའི་ངན་མཚང་ གསང་ཚིག་ཡིན་པས་གླེང་མི་བྱ། ཞེ ས་སོགས་བཤད་པས་ཤེས། དེའི་ཕྱིར་ སྤུ་རྒྱལ་གྱི་དངོས་ཡོད་ལོ་རྒྱུ ས་ལ་བོན་གྱི་བཤད་ཚུལ་ལམ་ཡོ་ག་ལྷ ་གྱེས་ཅན་གྱི་བཤད་ཚུལ་འདིའི་ཡོ ངས་སུ་ལྷད་བརྒྱབ་ནས་བཤད་ཅིང་། བཤད་ཚུལ་དེའི་དབང་གིས་ཕྱི་རབས་ ཀྱི་དཔེ་ཆ་དང་ཡིག་རྙིང་དག་གི་ཁྲོ ད་དུ་བོན་ལུགས་དང་ཡང་གསང་གི་ལུ གས་ཀྱི་བཤད་ཚུལ་འདྲེས་མ་མང་དུ་ བྱུང་བར་གསལ་ལོ། །ཡང་གསང་གི་ལུ གས་ཀྱི་བཤད་ཚུལ་འདི་ལའང་རྣམ་པ་ གཉིས་སྟེ། གཅིག་ནི་རྒྱ་བོད་ཆོ ས་འབྱུང་རྒྱས་པར། ཡུལ་སྤུ་བོའི ་ཡུལ་ནས་སྤུའི་མི་མོ་མོ་བཙུན་བྱ ་བའི་རུམ་ནས་ཐེ་བྲང་སྤུན་དགུ་སྐྱེ ས་ཆུང་དག་ཐེའུ་བྲང་མ་སྙ་ཨུ་བེ་ ར་བྱ་བ། ལྕེའི་གདོང་གི་དཀྱིལ་ འཁོར་ཁེབས་པ། ཞེས་ཨུ་བེ་ར་བྱ་ བ་གཉའ་ཁྲི་རང་ཉིད་ཡིན་པར་གསུངས་ བ་དང། ཡང་བློན་པོ་བཀའི་ཐང་ཡིག་ ལས་གོང་དུ་དྲངས་པ་བཞིན། ཨུ་བེ་ ར་ཡི་རྒྱུད་པ་ཁྲི་རྒྱལ་བ། དེའི་ སྲས་གཉའ་ཁྲི་ཡིན་ཚུལ་དང་མཚན་ཐོ གས་དོན་སོགས་གསལ་བར་བསྟན་པ་དང་། དེ་བཞིན་ལྡེའུ་ཆོས་འབྱུང་ཆེན་ མོར། ཐེ་བྲང་མང་སྙ་ཨུ་བེ་ར་ལས་ ཆད་པའམ། ཞེས་ཨུ་བེ་རའི་རྒྱུད་ དུ་འཁྲུངས་ཚུལ་གཉིས་བཤད་པའི་ཕྱི ་མ་འདི་དག་པར་སྙམ། ཞིང་བོད་ལོ་ རྒྱུས་སུ།རྒྱུད་རིམ་གྱི་ལོ་རྒྱུ ས་ཕྲན་ཙམ་ཆད་པ་ཨེ་ཡིན་སྙམ། ཞེ ས་ལྡེའུ་རྒྱ་བོད་ཆོས་འབྱུང་དང་ ལྡེའུ་ཆོས་འབྱུང་ཆེན་མོ་གཉིས་ ཀའི་ཨུ་བེ་ར་གཉའ་ཁྲི་རང་ཉིད་ལ་ བཞེད་པ་ལྟར་མཛད་འདུག་མོད། ལྡེ འུ་ཆོས་འབྱུང་ཆེན་མོར་དེ་ལྟར་ གསལ་བོར་གསུང་མི་འདུག་པ་གོང་དུ་ དྲངས་བའི་ལུང་དེ་ག་ལགས་པས་ལྡེའུ ་རྒྱ་བོད་ཆོས་འབྱུང་དུ་རྒྱུད་རི མ་དེ་ཆད་པ་ཡིན་ཞེས་བཤད་ནའང་མི་ འགྲིག་པ་མི་འདུགརྒྱུ་མཚན་དེ་དག་ ཕྱིར་ངོས་ཀྱིས་གནས་སྐབས་ཀྱི་ལྟ་ ཚུལ་ནི། གཉའ་ཁྲི་ནི་བོད་རང་གནས་ ཀྱི་གདོན་མའི་མི་རྒྱུད་མ་སང་ངམ་ ཐེ་བྲང་མང་སྙ་ཨུ་བེ་ར་ཞེས་པའི་ གདུང་རྒྱུད་ཁྲི་རྒྱལ་བ་དང་སྤུ་ ཡུལ་གྱི་སྤུ་མོ་བཙུན་གཉིས་ཀྱི་ སྲས་སུ་འཁྲུངས་བར་འདོད་དོ། ། གཞན་ཡོ་ག་ལྷ་གྱེས་ཅན་གྱི་བྱུང་ རབས་ཡང་ཁུངས་འདི་ལ་གཞི་བཅོལ་ནས་ བཤད་པ་ཞིག་ཡིན་པར་གོང་དུ་ཕྲན་ ཙམ་བྲིས་པ་ལགས་ཤིང་ད་དུང་དེ་ལས་ གསལ་བའི་རྒྱུ་མཚན་མང་པོ་ཞིག་ལག་ སོན་བྱུང་རྒྱུ་ཡོད་པ་འདྲ་བའི་སྐ བས་དེར་སྤྲོ་བར་བྱའོ། ། སྐབས་དེ འི་སྤྱི་ཚོགས་ཀྱིས་ཐེའུ་རང་ཞེས་ པ་མི་མ་ཡིན་པ་འདྲེ་ལྟ་བུ་རུ་བརྩི ་བཞིན་ཡོད་པས་རྒྱལ་པོའི་གདུང་རྒྱུ ད་འདི་ལ་མ་གཏུག་པར་མངོན་མོད། དོན་ལ་སྐབས་དེར་མ་སང་ལ་ཐེའུ་རང་ ཞེས་བཏགས་པ་ཡིན་ཏེ།སྒྲུང་ལྡེའུ་ བོན་གསུམ་གྱི་གཏམ་དུ་ཆོས་འབྱུང་ མཁས་པའི་དགའ་སྟོན་དྲངས་བ་ལས། མ་སང་ནི་ནམ་རྒྱུན་ཡོངས་སུ་གྲགས་ པའི་ཐེའུ་རང་ཞེས་བྱ་བའི་གྲས་ཡི ན། ཞེས་སོགས་བཀོད་འདུག་པས་ཐེའུ་ བྲང་མང་སྙ་ཞེས་པའང་མ་སང་གི་རི གས་སུ་གོ་དགོས་འདུག་ལ། མ་སང་གི་ རིགས་དེའང་ཡར་དེད་ན་མངའ་མཛད་བཅུ འི་སྐབས་ཀྱི་བདུན་པ་དེ་ཡིན་ནམ་ སྙམ་མོད་ད་དུང་དཔྱད་གཞི་མང་ཡང་ གནས་སྐབས་དེ་ཙམ་མོ། །ཞེས་པའང་ འདིའི་སྐོར་སློབ་ཁྲིད་བྱེད་སྐ བས་དགོས་མཁོ་རུ་དམིགས་ནས་ཕྱི་ལོ ༢༠༢༢ ལོའི་ཟླ ༢ པའི་ཚེས ༢༤ ལ་མགོ་ལོག་པ་ཁྲ་སྨུག་གམ་ལོ་ རྒྱུས་ཀྱི་རིག་གཞུང་ལ་མོས་པའི་ བློ་ཅན་འཇམ་དཔལ་དགེ་ལེགས་ཀྱིས་ སྦྱར་བའོ། །