མཆོད་རྟེན་ཆེན་མོ་བྱ་རུང་ཁ་ཤོར་གྱི་བསྟོད་སྨོན།   ལྷར་བཅས་འགྲོ་བའི་མགོན་པོ་བཅོམ་ལྡན་འདས། ། སྲིད་ཞིའི་འཇིག་སྐྱོབ་ལུང་རྟོགས་དམ་པའི་ཆོས། ། ཐར་པའི་ལམ་བཟང་གསལ་མཛད་དགེ་འདུན་ཆེ། ། བསླུ་མེད་དཀོན་མཆོག་གསུམ་ལ་ཕྱག་འཚལ་ལོ། ། འཛམ་གླིང་གདུལ་བྱ་ཀུན་གྱི་མཆོད་པའི་རྟེན། ། ཁྱད་པར་གངས་ཅན་འགྲོ་བའི་དཔུང་གཉེན་ཆེ། ། མཆོད་རྟེན་ཆེན་པོར་བྱ་རུང་ཁ་ཤོར་ལ། ། སྒོ་གསུམ་གུས་པ་ཆེན་པོས་ཕྱག་འཚལ་ལོ། །

གངས་རིའི་ལྗོངས་སུ་རྒྱལ་ཕྲན་སིལ་མ་རྣམས། ། ཐབས་མཁས་སྟོབས་ཀྱིས་གཅིག་ཏུ་བསྒྲིལ་བ་ལས། ། བོད་ཁམས་གཅིག་གྱུར་མངའ་ཐང་དགུང་ལ་རེག ། མི་རྗེ་ལྷ་ཡི་གདུང་རྒྱུད་ཁྱེད་ལ་བསྟོད། ། ཐོན་མི་སམ་བྷོ་རྒྱ་གར་ཡུལ་དུ་བཏང་། ། གངས་ཅན་འགྲོ་བའི་བློ་སྒོ་འབྱེད་པའི་ཕྱིར། ། བོད་ཡིག་གསར་བཟོའི་སྲོལ་བཟང་ཐོག་མར་བཏོད། ། རིག་གནས་སྒྲོན་མེ་སྦར་བའི་རྒྱལ་པོར་བསྟོད། །

དགེ་བཤེས་པོ་ཏོ་བ་རིན་ཆེན་གསལ་ཕྱོགས་ལས་རྣམ་རྒྱལ། དགེ་བཤེས་པོ་ཏོ་བ་རིན་ཆེན་གསལ་ཕྱོགས་ལས་རྣམ་རྒྱལ་མཆོག་ནི། ཕྱི་ལོ་ ༡༠༢༧ ཡང་ན་ ༡༠༣༡ ལོར་སྐུ་འཁྲུངས། འཕན་ཡུལ་རྒྱལ་ལྷ་ཁང་དུ་བླ་མ་གླན་ཚུལ་བྱང་གི་དྲུང་ནས་རབ་ཏུ་བྱུང་ཞིང་། འཕན་ཡུལ་བྲག་རྒྱབ་དགོན་གྱི་གཉེར་པ་གནང་། དགུང་ལོ་ཉེར་བརྒྱད་ལ་ཕེབས་པ་ཕྱི་ལོ་ ༡༠༥༨ ལོར་རྭ་སྒྲེང་དགོན་དུ་ཕེབས་ནས་ཇོ་བོ་རྗེ་དཔལ་ལྡན་ཨ་ཏི་ཤའི་ (982-1054) ཐུགས་སྲས་འབྲོམ་སྟོན་རྒྱལ་བའི་འབྱུང་གནས་ (1005-1064) ཀྱི་སློབ་མ་གཙོ་བོ་གསུམ་གྱི་ཡ་གྱལ་དུ་གྱུར། སློབ་མ་གཞན་གཉིས་ནི་ཕུ་ཆུང་བ་གཞོན་ནུ་རྒྱལ་མཚན་ (1031-1106) དང་། སྤྱན་སྔ་ཚུལ་ཁྲིམས་འབར་ (1038-1103) གཉིས་ཡིན།

༄༅། །བདག་ཉིད་ཆེན་པོ་སྐྱེས་མཆོག་པོ་ཏོ་བའི་ཆིག་ལབ་རིང་མོ། རྣམ་ཐིག །གནས་ཐིག་བཅས་བཞུགས་སོ།།   ༄༅། །དུས་གསུམ་གྱི་བླ་མ་རྣམས་ལ་ཕྱག་འཚལ་ལོ། །ཁམས་གསུམ་འཁོར་བའི་སྡུག་བསྔལ་གྱི་རྒྱ་མཚོ་ཆེན་པོ་འདིར། དུས་ཐོག་མ་མེད་པ་ནས་འཁྱམས་པ་འདི་རང་སེམས་མ་རྟོགས་པས་ལན་ནས་འདུག །སེམས་མ་རྟོགས་པ་སྒྲིབ་པས་ལན། སྒྲིབ་པ་ཚོགས་གསོག་པ་མ་ཤེས་པས་ལན། ཚོགས་གསོག་མ་ཤེས་པ་དད་པ་མེད་པས་ལན། དད་པ་མེད་པ་འཆི་བ་མ་དྲན་པས་ལན་པ་ཡིན། ད་འཁོར་བའི་སྡུག་བསྔལ་གྱིས་འཇིགས་ནས་ཐར་པ་དང་ཐམས་ཅད་མཁྱེན་པ་ཐོབ་པར་འདོད་པས་རང་གི་སེམས་རྟོགས་དགོས། སེམས་རྟོགས་པར་བྱེད་པ་ལ་སྒྲིབ་པ་སྦྱོང་དགོས།

ཞར་བྱུང་། 《བོད་སྤྱི་ཕུལ་གྱི་གཏན་ཚིགས》འདྲ་བཤུས་ཡི་གེ ། ཤོག་ལྡེབ་དང་པོ། 1༄།།གནམ་འོག་མ་སྟེ་ས་ལྷོ་འི་འཛམ་བུ་གླིང་འདི་ན༌།།ཆོ་རིགས་ཡབ་ཀྱིས་ཕྱེ་བསོད་ནམས་སོ་སོ་བསྐོས། ཡིག་ཚངས་རབས་ཀྱྀས་་་་སྟེ་།། 2ལྷོ་འྀ་འཛམ་བུ་གླང་འདྀ་ན།རྒྱལ་པོ་དང་རྒྱལ་བྲན་གྲངས་ཀྱིས་མང་ན་ཡང༌།།ལྟང་དར་གྱྀ་རྒྱལ་པོ་དང་ །རུ་བུ་ལྡེའྀ་རྒྱལ་པོ་དང༌།།འ་ཞ་འཕྲུལ་གྱྀ་རྒྱལ་པོ་དང༌།། 3བོད་ཀྱྀ་་་་་ལས་སྩོགས་ཏེ།དེ་དག་ཀུན་ཡང་མྱྀ་རྗེ་མྱྀས་མཛད་པས།།སྐད་དང་ཆ་ལུགས་མ་ནོར་བ་ཙམ་དུ་ སྤྱོད་པ་ལགས་།།དེ་ནས་སྤུ་རྒྱལ་བོད་ཀྱྀ་རྒྱ་་་་་་