༄༅།།ལོ་གསར་ལ་བཀྲ་ཤིས་བདེ་ལེགས་ཞུ།
༄༅། །བོད་རྒྱལ་ལོ་ ༢༡༤༦ རབ་གནས་ས་ཕག་ལོའི་གནམ་ལོ་གསར་ཚེས་ཀྱི་དགའ་སྟོན་ལ་འཛམ་གླིང་ས་ཕྱོགས་གང་སར་བཞུགས་པའི་བོད་རིགས་སྤུན་ཟླ་ཡོངས་ལ་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ་བ་དང་སྦྲགས།
རུ་ལག་གྲོམ་པ་རྒྱང་གི་བྱུང་བ་མདོར་བསྡུས།
1) རུ་ལག་གྲོམ་པ་རྒྱང་གི་བྱུང་བ་མདོར་བསྡུས། རུ་ལག་གྲོམ་པ་རྒྱང་དྲི་མེད་རྣམ་དག་གི་ལྷ་ཁང་ནི། སྔོན་དུས་རབས་བདུན་པའི་ནང་བོད་ཀྱི་རྒྱལ་པོ་སྲོང་བཙན་སྒམ་པོས་བོད་ཀྱི་ས་དཔྱད་སྲིན་མོ་གན་རྐྱལ་དུ་བསྡད་པ་ལྟ་བུའི་དབྱིབས་སུ་ཡོད་པ་གནོན་ཆེད་དུ་བཞེངས་ཤིང་། དེ་ཡང་སྤོར་ཐང་རྩིས་ལ་བོད་ཀྱི་ས་དབྱིབས་དེ་སྲིན་མོ་གན་རྐྱལ་དུ་བསྡད་པ་ལྟ་བུ་ཡོད་པ་ལས། ལྷ་ས་གཙུག་ལག་ཁང་དེ་སྲིན་མོའི་སྙིང་དབུས་སུ་གནས་པ་དེ་བཞེངས་སྐབས་བར་ཆད་དང་དཀའ་བ་དུ་མ་འཕྲད། དེ་དག་གནོན་ཆེད་མཐའ་འདུལ་ཡང་འདུལ་གྱི་གཙུག་ལག་ཁང་བཅུ་གཉིས་བཞེངས། དེའི་ནང་ནས་མཐའ་འདུལ་གྱི་གཙུག་ལག་ཁང་ཆེ་བ་བཞི་ནི། སྲིན་མོའི་དཔུང་པ་གཡས་པ་གནོན་ཆེད་དབུ་རུ་ཀ་ཚལ་མི་འགྱུར་ལྷ་ཁང་དང་། སྲིན་མོའི་དཔུང་པ་གཡོན་མ་གནོན་ཆེད་གཡོན་རུ་ཁྲ་འབྲུག་བཀྲ་ཤིས་བྱམས་སྙོམས་ལྷ་ཁང་། སྲིན་མོའི་དཔྱི་མགོ་གཡས་པ་གནོན་ཆེད་གཡས་རུ་གཙང་འགྲམ་བྱང་ཆུབ་དགེ་གནས་ཀྱི་ལྷ་ཁང་། སྲིན་མོའི་དཔྱི་མགོ་གཡོན་མ་གནོན་ཆེད་རུ་ལག་གྲོམ་པ་རྒྱང་དྲི་མེད་རྣམ་དག་ལྷ་ཁང་བཞེངས་པའོ།།
༄༅། །ཆོས་རྗེའི་རྣམ་ཐར་ཆོས་རྒྱལ་མ།
ཆོས་ཀྱི་རྒྱལ་པོ་འགྲོ་བ་དུ་མའི་མགོན། ། གདུལ་བྱའི་དོན་དུ་དཔལ་ལྡན་ས་སྐྱ་རུ། ། ཆུ་ཕོ་དགེ་བྱེད་དཔྱིད་ཟླ་ར་བ་ཡི། ། ཉི་ཤུ་དྲུག་ལ་བལྟམས་པ་ནས་བཟུང་སྟེ། ། སྤྲུལ་པའི་གནས་སུ་ལྕགས་ཕག་སྨལ་པོ་ཡི། ། བཅུ་བཞིའི་ཐོ་རངས་ཞི་བར་གཤེགས་ཀྱི་བར། ། རབ་ཏུ་ངོ་མཚར་རྣམ་ཐར་དཔག་མེད་རྣམས། ། མདོར་བསྡུས་འཆད་ལ་གུས་པས་མཉན་པར་གྱིས། །
སློབ་དཔོན་ཐོན་མིའི་ལོ་རྒྱུས་ཕྲན་བུ་ཞིག
ལྷོ་ཁ་གཉལ་གྱི་ཨ་ནུ་སྣང་གྲགས་ཞེས་པ།། གཅེན་པོ་གཉིས་ལས་དབང་པོ་བརྟུལ་བས་ན།། ཕ་མ་གཉིས་ཀྱིས་ཡང་ཡང་གཤེ་གཤེ་བཏང་སྟེ།། དེ་ནས་སྙེ་ཡུལ་ཕྱོགས་སུ་ཡུལ་གྱར་སྐྱོད་དོ།།། སྙེ་མོའི་བུ་མོ་དབྱངས་ཅན་ལྷ་མོ་ལགས་དང་།། ལྷོ་ཁ་གཉལ་གྱི་ཨ་ནུ་སྣང་གྲགས་གཉིས་ལ།། ངོ་མཚར་ལྡན་པའི་ཐོན་མི་འཁྲུངས་པ་དེ་ཡིས།། བྱང་ཕྱོགས་མུན་པའི་སྒྲོན་མེ་དང་པོ་ཉིད་གྱུར།།
གངས་གཙང་འབྲོག་གཙང་གི་སྙན་ངག་ལེགས་བཏུས།
གངས་གཙང་འབྲོག་གཙང་ནི། ཕ་ཡུལ་བཞད་མཐོང་སྨོན་རྫོང་རྩེ་ཤོད་འབྲོག་སྡེ་རུ་ཕྱུག་མོར་ལྟེ་ཁྲག་འཕོས་ཤིང་། ད་བར་དབྱངས་གསལ་སོ་བཞི་ཁོ་ནར་དུང་དུང་ཞེན་ཞེན་བགྱིས་ཏེ་རྩོམ་འབྲིའི་ལས་ལ་སྤྲོ་བ་ཆེ་བའི་ན་གཞོན་ཞིག་ཡིན་ཞིང་། སྔ་ཕྱིར་དེབ་ཚགས་དང་དྲྭ་འཕྲིན་སོགས་སུ་བརྩམས་ཆོས་མང་དུ་སྤེལ། ལོ་འདིའི་ཟླ་བདུན་པར་༼སོར་སྨྱུག་གི་ལང་ཚོ།༽བྱ་བའི་སྲོལ་རྒྱུན་སྙན་ངག་གམ་ཚིགས་བཅད་སྙན་ངག་ཕྱོགས་བསྒྲིགས་ཤིག་དཔར་དུ་བསྐྲུན།
བོད་ཡུལ་གྱི་ལོ་ཙཱ་བ་རིམ་བྱིན་གྱི་མཚན་བརྗོད་བཞུགས་སོ།།
རིན་སྤུངས་ཉི་མ་དོན་གྲུབ་ཀྱིས་བརྩམས། གངས་ལྗོངས་ལོ་ཙཱའི་ཚོམས་ཆེན་དུ། །རྟོགས་གྲུབ་ཤེས་བྱས་མཐའ་ཡས་ཤིང་། །འཆད་རྩོད་རྩོམ་ལ་རབ་མངའ་བའི། །སྐད་གཉིས་སྨྲ་བའི་བདག་ཉིད་ཅན། །དཔལ་ལྡན་རིག་འདྲེན་སྐྱེས་བུའི་ཚོགས། །ལོ་ཙཱའི་བྱེད་པོར་གསོལ་བ་འདེབས། །ཡི་གེའི་བྱེད་པོ་སམ་བྷོ་ཊ། །དྷ་མ་ཀོ་ཥ་ཧན་ཝན་ཧད། །ཆོས་རྒྱལ་སྲོང་བཙན་སྒམ་པོ་དང་། །ཧྭ་ཤང་མ་ཧྭ་དེ་ཝ་བཅས། །དུས་རབས་བདུན་པའི་རིང་བྱོན་པའི། །ལོ་ཙཱ་བ་ཡི་འཕྲིན་ལས་ལ། །གུས་པའི་ཕྱག་འཚལ་སྤྱི་བོས་མཆོད། །