ལྷ་རྩེ་རྫོང་མང་མཁར་དུ་ཆགས་པའི་ཆ་ལུང་བཙུན་དགོན་གྱི་སྐོར།
༄༅། །ལྷ་རྩེ་རྫོང་མང་མཁར་དུ་ཆགས་པའི་ཆ་ལུང་བཙུན་དགོན་གྱི་སྐོར། པཎ་ཆེན་འབུམ་ཕྲག་གསུམ་པའི་དངོས་སློབ་གྲུབ་ཆེན་མ་བདེ་ལེགས་དཔལ་འཛོམ་གྱིས་མང་མཁར་ཆ་ལུང་རྡོ་རྗེ་བྲག་རྫོང་གི་གཞུང་དུ་དུས་རབ་བཅུ་དྲུག་པའི་ནང་ཕྱག་བཏབ། གྲུབ་ཆེན་མ་མཆོག་གིས་དབུས་བཙུན་མ་ཡང་གང་ཙམ་གསར་དུ་བྱུང་བ་ངེས། གྲུབ་ཆེན་མ་དང་བཙུན་དགོན་འདུས་ཚོགས་ནས་མང་ཐོས་ཀླུ་སྒྲུབ་རྒྱ་མཚོ་མཆོག་སྤྱན་དྲངས་ནས། གྲུབ་ཆེན་མ་མཆོག་ནས་ལམ་འབྲས་མ་རྫོགས་སྤྲོས་མེད་དགོས་གསུང་། བླ་མ་ནས་ངེ་རང་བརྒྱུད་པ་འདི་བརྒྱུད་པ་གཉིས་ལྡན་ཡིན་པས་ཐོག་མར་གཤེར་དམར་ལྷ་ལྔའི་དབང་། དེ་ནས་འཁྲིད་བཙུགས། སྤྲོས་མེད་རྒྱུན་གྱི་བྱིན་རླབས་བྱས།
