Tag: featured

༄། །བཀའ་གདམས་པའི་གནས་ཤུལ་ཉུལ་བ། ལེའུ་བདུན་པ།       རྭ་སྒྲེང་གངས་རིའི་སྲས་མོ། ཆོས་སྡེ་ཆེན་པོ་རྭ་སྒྲེང་གིས་གཙོས་དབུས་གཙང་ཁུལ་གྱི་བཀའ་གདམས་པའི་གདན་སའི་ངོ་སྤྲོད་རགས་བསྡུས་ནོར་བུའི་འཕྲེང་བ་ལས། རྭ་སྒྲེང་དགོན་དུ་དུས་འགྱུར་སྔོན་དུ་གསུང་རབ་དབུས་མར་རྟེན་གསུམ་ཇི་ལྟར་བཞུགས་ཚུལ། མཚན་གཞན་དུ་བཀྲ་ཤིས་དཔལ་འབར་ཞེས་ཀྱང་ཞུ། མཁན་པོ་བློ་བཟང་རྒྱལ་མཚན་གྱིས་བཞེངས་པའི་ཇོ་བོ་རྗེ་དང་། འབྲོམ་རིན་པོ་ཆེ། རྗེ་ཙོང་ཁ་པ། པཎ་ཆེན་ཐམས་ཅད་མཁྱེན་པ། རྒྱལ་བ་ལྔ་བ་ངག་དབང་བློ་བཟང་རྒྱ་མཚོ། སྨན་བླ་བདེ་གཤེགས་བརྒྱད། བྱང་སེམས་བཅུ་དྲུག་བཅས་ནང་གཟུངས་ཕུན་སུམ་ཚོགས་པ་བྱིན་ཅན་དང་། མཁན་པོ་བློ་གྲོས་ཕུན་ཚོགས་ཀྱིས་བཞེངས་པའི་གསེར་ཟངས་ལས་གྲུབ་པའི་སྨན་རྒྱལ་སོགས་བདེ་གཤེགས་བདུན་སོགས་སྐུ་རྟེན་མང་དུ་བཞུགས།

         རྭ་སྒྲེང་གངས་རིའི་སྲས་མོ།          ༈ཆོས་སྡེ་ཆེན་པོ་རྭ་སྒྲེང་གིས་གཙོས་དབུས་གཙང་ཁུལ་གྱི་བཀའ་གདམས་པའི་གདན་སའི་ངོ་སྤྲོད་རགས་བསྡུས་ནོར་བུའི་འཕྲེང་བ་ལས།རྭ་སྒྲེང་གི་ས་བབ་ཆགས་ཚུལ་དང་དེ་གང་དུ་གནས་ཚུལ། དེ་ཡང་བསིལ་ལྡན་ས་ལའི་སྨན་ལྗོངས་འདིར་ཆོལ་ཁ་གསུམ་དུ་ཕྱེ་བའི་དབུས་གཙང་ཆོས་ཀྱི་ཆོལ་ཁར་དབུ་རུ་དང་གཡོ་རུ་གཉིས་སུ་གྱེས་པའི་དབུ་རུ་བྱང་ཕྱོགས།གངས་ལྗོངས་ཀྱི་ལྟེ་བའི་གྲོང་ཁྱེར་ཆེན་པོ་ལྷ་ལྡན་གྱི་བྱང་ཕྱོགས། དེང་གི་སྲིད་འཛིན་ཀྱི་ས་ཁོངས་ལྟར་ན་༼བོད་ལྗོངས་ལྷ་ས་གྲོང་ཁྱེར་ལྷུན་གྲུབ་རྫོང་ཐང་མགོ་ཡུལ་ཤོག་༽ཁོངས་སུ་འགྱིང་ངེར་ཆགས་ཡོད། དགོན་གནས་འདི་ནི་ས་བབས་མཐོ་ཚད་རྒྱ་མཚོའི་ངོས་ལས་སྤྱི་ཁྲུ་བཞི་སྟོང་ཉིས་བརྒྱ་དང་། ལྷ་ས་གྲོང་ཁྱེར་ནས་རྩིས་པའི་སྤྱི་ལེ་བརྒྱ་དང་ལྔ་བཅུའི་མཚམས་སུ་གནས་ཡོད། ཡུལ་དེའི་ས་བབས་ཆགས་ཚུལ་ཡང་བྱང་ཤར་ས་ཁད་ཅུང་མཐོ་ཞིང་། ལྷོ་ནུབ་དེ་ཙམ་མི་མཐོ་བའི་སྤང་རི་དང་སྤང་ཐང་ཡངས་པོར་དཀར་ནག་ཕྱུགས་རིགས་ལ་བརྟེན་པའི་འབྲོག་སྡེ་ཆེན་པོ་དང་།

བཀའ་གདམས་ཀྱི་མེས་པོ་ཇོ་འབྲོམ་ཡབ་སྲས་གསུམ་གྱི་ཡ་གྱལ་ཡིན་ལ། ཇོ་བོ་རྗེའི་སློབ་མ་སྙན་གྲགས་ཅན་དབུས་ཀྱི་ཁུ་རྔོག་འབྲོམ་གསུང་གྱི་ཡ་གྱལ་ཡང་ཡིན། ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོ་རྔོག་ཆེན་པའི་རྒྱུད་པ་ཡར་འབྲོག་དོའི་ཕྱི་རོལ་གྱི་མཚོ་ཆེན་པོའི་འགྲམ་དུ་གྲོང་ཆགས་པའི་སྔགས་རྙིང་མ་བའི་དགེ་བཤེས་རྡོ་རྗེ་གཞོན་ནུར་སྲས་ལྔ་ཡོད་པའི་ཆེ་བར་སྐུ་འཁྲུངས། འབྲིང་ཡེ་ཤེས་ཡོན་ཏན་ལས་རབ་ཏུ་བྱུང་། སྐུ་ན་ཆུང་ངུའི་དུས་མངའ་རིས་གུ་གེ་རྒྱལ་པོས་ཁ་ཆེའི་ཡུལ་དུ་མངགས་ཏེ་ནང་པ་སངས་རྒྱས་པའི་ཆོས་ལུགས་སློབ་གཉེར་མཛད་ནས་མཁས་པར་གྱུར། ཕྱིས་སུ་ལོ་ཆེན་རིན་ཆེན་བཟང་པོར་རོགས་མཛད་དེ་བཀའ་ཆོས་བསྒྱུར།

ཞང་ཞུང་གི་རྒྱལ་ཁམས་ལ་མངའ་དབང་བསྒྱུར་བའི་རྒྱལ་པོ་གྲགས་པ་ཆེ་བ་རྣམས་ཀྱང་། ཁྱད་པར་ཞང་ཞུང་ཁྲི་སྡེ་བཅོ་བརྒྱད་གཙོས་པའི་ཡུལ་ཆེན་བཅོ་བརྒྱད་ལ་མངའ་དབང་ཆེ་བའི་རྒྱལ་པོ་སྲིད་པ་གནམ་ནས་བསྐོས་པའི་ཞང་ཞུང་སྲིད་པའི་རྒྱལ་པོ་ཁྲི་ཝེར་ལ་རྗེ་གུ་ལང་གསེར་གྱི་བྱ་རུ་ཅན་དང་། ཞུང་ཞག་ཟིལ་གནོན་རྒྱལ་པོ་རླབས་ཆེན་ཁྱུང་གི་བྱ་རུ་ཅན་དང་། ཧྲི་དོ་གྱེར་སྤུངས་རྒྱལ་པོ་ཀང་ཀ་ཤེལ་གྱི་བྱ་རུ་ཅན་དང་གསུམ་ནི་གངས་རིན་པོ་ཆེའི་མདུན། རྒྱབ་རི་གཡུ་ལོ་ལྗོན་པའི་རྫོང་མཁར་དུ་ཆགས་སོ།།

ཁོང་ནི་རྗེ་ཙོང་ཁ་པའི་དངོས་སློབ་ཚལ་གུང་ཐང་དུ་ཚལ་བའི་དཔོན་བརྒྱུད་ཀྱི་རིགས་སུ་སྤྱི་ལོ་ 1354 ལོར་སྐུ་བལྟམས། གཞོན་ནུ་ཉིད་ནས་ཡི་གེ་འབྲི་ཀློག་སོགས་གསན་བསམ་མཛད། རབ་ཏུ་བྱུང་བའི་མཚན་ལ་ཤཱཀྱ་ཡེ་ཤེས་ཞེས་གསོལ། བླ་མ་མང་པོ་བསྟེན་ནས་གསུང་རབ་ལ་སྦྱངས་པ་མཛད་དེ་མཁས་པར་གྱུར། ལྷག་པར་རྗེ་ཙོང་ཁ་པ་བླ་མར་བསྟེན་ཞིང་བཀའ་ཆོས་གནང་བ་ཐམས་ཅད་ཐུགས་ལ་མངའ་བ་ཡིན། རྒྱ་ནག་ཏཱ་མིང་རྒྱལ་པོས་རྗེ་ཙོང་ཁ་པ་གདན་དྲངས་པ་ཕེབས་མ་ཐུབ་སྟབས་རྗེ་ཉིད་སྐུ་ཚབ་ཏུ་ཕེབས། རྗེ་ཙོང་ཁ་པའི་བཀའ་ལྟར་སེ་ར་ཐེག་ཆེན་གླིང་ཕྱག་བཏབ་མཛད།

༄༅།།གསང་བདེ་གུང་གསུམ་དང་།དགའ་སྐྱོ་ཟུལ་གསུམ་ཞེས་གྲགས་པའི་དབུས་ཀྱི་གདན་ས་ཆེན་པོ་དྲུག   གཟིམ་འོག་སྤྲུལ་མིང་བསྟན་འཛིན་ཡེ་ཤེས། ༼༡༽གསང་ཕུ་དགོན། འདི་ནི་ཇོ་བོ་བཀའ་གདམས་གདན་ས་གཙོ་བོ་ཞིག་དང་མཚན་ཉིད་གཞུང་ལ་སློབ་གཉེར་གནང་སའི་སློབ་གྲྭ་གཙོ་བོ་ཞིག་བཅས་ཡིན།སྤྱི་ལོ་༡༠༧༣ལོར་རྔོག་ལེགས་པའི་ཤེས་རབ་ཀྱིས་ཕྱག་བཏབ་སྟེ་དགེ་འདུན་ལྔ་བརྒྱ་ཙམ་འདུས། དེ་རྗེས་རྔོག་ལོ་ཆེན་པོ་གདན་ས་ལོ་བཅུ་བདུན་མཛད་དེ་ཆོས་གསུངས་པའི་སློབ་མ་གྲགས་ཆེ་བ་ཞང་ཚེ་སྤོང་དང་། གྲོ་ལུང་པ། འབྲེ་ཤེས་རབ་འབར་བཅས་སྲས་ཀྱི་ཐུ་བོ་བཞི་བཅས་སོ། །ད་དུང་གསང་ཕུའི་གདན་རབས་དྲུག་པ་ཆ་པ་ཆོས་ཀྱི་སེང་གེས་ད་ལྟའི་བསྡུས་གྲྭའི་རིགས་ལམ་གྱི་སྲོལ་གཏོད་དེ་ཚད་མ་བསྡུས་པ་སོགས་མཛད་པས་བོད་ཡོངས་སུ་རིགས་ལམ་འདི་ཁྱབ་དར་ཆེན་པོ་བྱུང་། མདོར་ན་དཔལ་ལྡན་གསང་ཕུ་འདི་ནི་བོད་ཀྱི་བསྡུས་གྲྭའི་རིགས་པའི་ཆུ་བོ་ཐམས་ཅད་ཀྱི་འབྱུང་གནས་གངས་རི་ལྟ་བུ་ཡིན་ལ་ཕྱིས་ཀྱང་མཁས་པ་ཆེན་པོ་གཡག་ཕྲུག་སངས་རྒྱས་དཔལ། དེའི་སློབ་མ་རོང་སྟོན་ཤེས་བྱ་ཀུན་ལེགས་དང༌། སོ་སོའི་རྒྱུད་འཛིན་གྱིས་བོད་ཡུལ་ཁྱབ་པར་གནས་ཤིང་བཀའ་གདམས་ཀྱི་གྲུབ་མཐའ་འཛིན་པ་དེང་སང་མི་སྣང་ཡང་འདི་ཐམས་ཅད་བཀའ་གདམས་དགོན་འདི་ནས་འཕྲོས་པ་ནི་ཡིན་ལ། རྗེ་སྒམ་པོ་པ་ཕྱིན་གྱི་དྭགས་རྒྱུད་པ་རྣམས་ནི་བཀའ་ཕྱག་ཆུ་བོ་གཉིས་འདྲེས་ཅེས་ཟབ་མོ་ལྟ་བ་དང་རྒྱ་ཆེན་སྤྱོད་པའི་གཞུང་གཉིས་བཀའ་གདམས་དངོས་འཛིན་པ་ཡིན་ནོ། །གནས་ཡུལ་སྟོད་ལུང་བདེ་ཆེན་ཁུལ་གསང་མདའ་ཤང་གསང་ཕུ་གྲོང་ཚོར་འདུག