བཀྲ་ཤིས་ལྷུན་པོ་དགོན་ནས་སྤྱི་ལེ་ ༣༠ ཙམ་སོང་ནས་ལྷོ་ངོས་སུ་ཀྱོག་ན་ཨེ་རོང་ཞེས་པའི་གྲོང་དུ་འབྱོར་བ་དང་དེའི་ལྟག་ཏུ་དགོན་དེ་མཇལ་བ་ཡིན། ངོར་ཞེས་པ་ནི་ས་མིང་སྟེ་གཡག་གི་ངུར་སྒྲ་སྒྲོག་པའི་དོན་དང་། ཨེ་ཝཾ་ཞེས་པ་ནི་ཐབས་ཤེས་ཀྱི་དོན་ཡིན་ཞེས་གསུངས། དགོན་དེ་ནི་ངོར་ཆེན་རྡོ་རྗེ་འཆང་ཀུན་དགའ་བཟང་པོ་དགུང་གྲངས་ ༤༢ ཏེ་སྤྱི་ལོ་ ༡༤༢༩ ལོར་ཕྱག་བཏབ་མཛད།
དེའང་ཀུན་དགའ་བཟང་པོ་ཐོག་མར་ས་སྐྱར་བཞུགས་ཡོད་པ་ལ་དེར་འདུ་རྫིང་གཡེང་བའི་ཚུལ་བྱུང་བས། ད་ནི་དབེན་གནས་ཤིག་འདེབས་དགོས་ཐུགས་ལ་འཁྲུངས་བཞིན་པའི་སྐབས་མནལ་ལམ་འོད་གསལ་དུར་རྣམ་རྒྱལ་མ་དང་གུར་གྱི་མགོན་པོས་དགོན་གནས་དེ་ཉིད་ལུང་བསྟན་ཀྱང་ས་ངོས་མ་ཟིན་པར་བཞུགས་ཙ་ན་སླར་ཡང་ཁྱོད་ཀྱི་དགོན་པ་དགེ་བཤེས་དོན་གྲུབ་ཀྱིས་བསྟན་པའོ་ཞེས་པའི་ལུང་བསྟན་བྱུང་།
དེ་ནས་རྟོགས་ལྡན་ལ་རུ་ཕེབས་ནས་གཟིགས་པས། ད་ལྟའི་དགོན་གནས་དེ་ཡིན་པ་ཅུང་ངོ་འཕྲོད། ཉག་རེ་དགེ་བཤེས་དོན་གྲུབ་དང་མཇལ་སྡེ་གསུང་གླིང་བྱུང་བས། དགེ་བཤེས་ཀྱིས་ད་ལྟའི་དགོན་གནས་དེ་ལྟ་བུ་ཡོད་ཚུལ་ཞུས་ལུང་བསྟན་དང་ཡང་ཕལ་ཆེར་ར་འཕྲོད། དེ་ནས་གདན་འཛིན་ཞེས་པར་ཕེབས་པས་དེར་སྙེ་མ་མགོ་གསུམ་ཅན་ཞིག་སྐྱེས་ཡོད་པ་གཟིགས་པས་རྟེན་འབྲེལ་འགྲིགས། དེ་ནས་ད་ལྟའི་དགོན་གནས་དེར་ཕེབས་པས་དགུན་ཁ་ཡིན་ཀྱང་མེ་ཏོག་སོས་པ་ཞིག་སྐྱེས་ཡོད་པས་དགོན་པ་དེ་གར་འདེབས་རྒྱུ་གནང་། ཆུ་མིག་བདག་ཆེན་ཞེས་པའི་དཔོན་ལ་ཤེལ་གྱི་ཕོར་པ་ལ་སོགས་པའི་འབུལ་རྟེན་དང་བཅས་ས་དེ་དགོན་གནས་འདེབས་སར་ཞུས་པ་ལྟར་གནང་བ་ཐོབ་སྟེ་དགོན་དེ་འདེབས་གནང་མཛད་པ་ཡིན། དེ་ནས་རིམ་བཞིན་མུས་ཅན་དཀོན་མཆོག་རྒྱལ་མཚན་ལ་སོགས་མཁན་རབས ༧༥ བར་བྱུང་། དགོན་གཞུང་སྟེ་དགོན་གཞུང་ཚོགས་ཆེན་གཅིག་དང་བླ་ཁག་བཞི། ཁམས་ཚན་བཅོ་བརྒྱད་བཅས་བར་འཕེལ་ཏེ་དགེ་འདུན་ ༤༠༠༠ ཙམ་གྱིས་ངོར་ལུགས་ཕྱག་བཞེས་མཛད་པ་ཡིན། སྔོན་དབང་ཁང་ཞེས་འདུ་ཁང་ཀ་བ་ ༢༠ གཙང་ཁང་ནང་ཇོ་བོའི་སྐུ་བརྙན་ཐོག་སོ་གཅིག་ལྷག་ཉེ་སྲས་བརྒྱད་ཀྱིས་བསྐོར་བ། ལྟེབས་རིས་སུ་བལ་བྲིས་ཀྱི་སངས་རྒྱས་སྟོང་སྐུ། ཡང་སྟེང་དུ་བཻ་ཁང་ངམ་སྒྲུབ་ཐོབ་བཻ་ཁང་ནང་ཡི་དམ་དགྱིས་པ་རྡོ་རྗའི་བློས་བླངས་དཀྱིལ་འཁོར། བླ་བྲང་བཞི་ནི་ཨེ་བཾ་ཡང་རྩེ་དང་། ཨེ་བཾ་ཕན་བདེ་གླིང་། ཨེ་བཾ་ཕུན་ཚོགས་ཁང་གསར། ཀླུ་ལྡིང་ཕོ་བྲང་བཅས་བཞི་ལའང་རྟེན་དང་བརྟེན་པར་བཅས་བཞུགས། མདོ་སྨད་དང་། དབུས་གཙང་། མངའ་རིས་སོགས་དང་། ཐ་ན་འབྲུག་ཡུལ་སོགས་ནས་ཀྱང་ཕེབས་པའི་གྲྭ་རྒྱུན་སུམ་བརྒྱ་སྐོར་ཡོད་པ་ནི་གདོང་གྲལ་ནང་བཞུགས་པ་ཡིན། དེ་ནི་ཀུན་དགའ་བཟང་པོས་ཐག་རིང་ནས་ཕེབས་མཁན་གྱི་སློབ་གཉེར་བ་རྣམས་ལ་དམིགས་མཐོང་མཛད་པའི་སྲོལ་རིམ་བཞིན་མི་ཉམས་པ་ཡོད།
ད་ལྟ་སྔོན་གྱི་རྩིག་གདན་སྟེང་བསྐྱར་བཞེངས་གནང་བའི་དབང་ཁང་ནང་། སྐུ་རྒྱུ་གསེར་ཟངས་ལས་གྲུབ་པའི་ཐུབ་དབང་གི་སྐུ་བརྙན་མི་ཚད་ལྷག་སོགས་སྔོན་གྱི་རྟེན་སྐུ་རྣམས་ཀྱི་སྐུ་ཚབ་གསར་བཞེང་གནང་བ་དང་། ལམ་འབྲས་ལྷ་ཁང་ནང་རྟེན་གཙོ་ས་པཎ་གྱི་ཐུགས་དམ་རྟེན་སྤྱན་རས་གཟིགས་ཁ་སཱརྤ་ཎི། ཐུབ་པ་ཚུལ་ཁྲིམས། ངོར་ཆེན་རྡོ་རྗེ་འཆང་གི་ཐུགས་དམ་གྱི་རྟེན་རྒྱལ་བ་རྡོ་རྗེ་འཆང་། གོང་ས་ལྔ་པའི་ན་བཟའ། ངོར་ཆེན་ཆོས་དུང་སོགས་དང་། བླ་བྲང་ཁག་ཀྱང་ཐོག་མའི་བསྐྱར་བཞེངས་འགྲུབ་ཡོད་པ་རེད། །
ངོར་དགོན།
མཚན་རྒྱས་པར། ངོར་ཨེ་ཝཾ་ཆོས་སྡེ་ཞེས་ཞུ། བཀྲིས་ལྷུན་པོ་དགོན་ནས་སྤྱི་ལེ་༣༠ཙམ་སོང་ནས་ལྷོ་ངོས་སུ་ཀྱོག་ན་ཨེ་རོང་ཞེས་པའི་གྲོང་དུ་འབྱོར་བ་དང་དེའི་ལྟག་ཏུ་དགོན་དེ་མཇལ་བ་ཡིན། ངོར་ཞེས་པ་ནི་ས་མིང་སྟེ་གཡག་གི་ངུར་སྒྲ་སྒྲོག་པའི་དོན་དང་། ཨེ་ཝཾ་ཞེས་པ་ནི་ཐབས་ཤེས་ཀྱི་དོན་ཡིན་ཞེས་གསུངས། དགོན་དེ་ནི་ངོར་ཆེན་རྡོ་རྗེ་འཆང་ཀུན་དགའ་བཟང་པོ་དགུང་གྲངས་༤༢ཏེ་སྤྱི་ལོ་༡༤༢༩ལོར་ཕྱག་བཏབ་ཕྱག་མཛད། དེའང་ཀུན་དགའ་བཟང་པོ་ཐོག་མར་ས་སྐྱར་བཞུགས་ཡོད་པ་ལ་དེར་འདུ་རྫིང་གཡེང་བའི་ཚུལ་བྱུང་བས་ད་ནི་དབེན་གནས་ཤིག་འདེབས་དགོས་ཐུགས་ལ་འཁྲུངས་བཞིན་པའི་སྐབས་མནལ་ལམ་འོད་གསལ་དུ་རརྣམ་རྒྱལ་མ་དང་གུར་གྱི་མགོན་པོས་དགོན་གནས་དེ་ཉིད་ལུང་བསྟན་ཀྱང་ས་ངོས་མ་ཟིན་པར་བཞུགས་ཙ་ན་སླར་ཡང་ “ཁྱོད་ཀྱི་དགོན་པ་དགེ་བཤེས་དོནགྲུབ་ཀྱིས་བསྟན་པའོ་”ཞེས་པའི་ལུང་བསྟན་བྱུང་།
དེ་ནས་རྟོགས་ལྡན་ལ་རུ་ཕེབས་ནས་གཟིགས་པས་ད་ལྟའི་དགོན་གནས་དེ་ཡིན་པ་ཅུང་ངོ་འཕྲོད། ཉག་རེ་དགེ་བཤེས་དོན་གྲུབ་དང་མཇལ་སྡེ་གསུང་གླིང་བྱུང་བས། དགེ་བཤེས་ཀྱིས་ད་ལྟའི་དགོན་གནས་དེ་ལྟ་བུ་ཡོད་ཚུལ་ཞུས་ལུང་བསྟན་དང་ཡང་ཕལ་ཆེར་ར་འཕྲོད། དེ་ནས་གདན་འཛིན་ཞེས་པར་ཕེབས་པས་དེར་སྙེ་མ་མགོ་གསུམ་ཅན་ཞིག་སྐྱེས་ཡོད་པ་གཟིགས་པས་རྟེན་འབྲེལ་འགྲིགས། དེ་ནས་ད་ལྟའི་དགོན་གནས་དེར་ཕེབས་པས་དགུན་ཁ་ཡིན་ཀྱང་མེ་ཏོག་སོས་པ་ཞིག་སྐྱེས་ཡོད་པས་དགོན་པ་དེ་གར་འདེབས་རྒྱུ་གནང་། ཆུ་མིག་བདག་ཆེན་ཞེས་པའི་དཔོན་ལ་ཤེལ་གྱི་ཕོར་པ་ལ་སོགས་པའི་འབུལ་རྟེན་དང་བཅས་ས་དེ་དགོན་གནས་འདེབས་སར་ཞུས་པ་ལྟར་གནང་བ་ཐོབ་སྟེ་དགོན་དེ་འདེབས་གནང་མཛད་པ་ཡིན།
དེ་ནས་རིམ་བཞིན་མུས་ཅན་དཀོན་མཆོག་རྒྱལ་མཚན་ལ་སོགས་མཁན་རབས་༧༥བར་བྱུང་། དགོན་གཞུང་སྟེ་དགོན་གཞུང་ཚོགས་ཆེན་གཅིག་དང་བླ་ཁག་བཞི། ཁམས་ཚན་བཅོ་བརྒྱད་བཅས་བར་འཕེལ་ཏེ་དགེ་འདུན་༤༠༠༠ཙམ་གྱིས་ངོར་ལུགས་ཕྱག་བཞེས་མཛད་པ་ཡིན། སྔོན་དབང་ཁང་ཞེས་འདུ་ཁང་ཀ་བ་༢༠གཙང་ཁང་ནང་ཇོ་བོའི་སྐུ་བརྙན་ཐོག་སོ་གཅིག་ལྷག་ཉེ་སྲས་བརྒྱད་ཀྱིས་བསྐོར་བ། ལྟེབས་རིས་སུ་བལ་བྲིས་ཀྱི་སངས་རྒྱས་སྟོང་སྐུ། ཡང་སྟེང་དུ་བཻ་ཁང་ངམ་སྒྲུབ་ཐོབ་བཻ་ཁང་ནང་ཡི་དམ་དགྱིས་པ་རྡོ་རྗའི་བློས་བླངས་དཀྱིལ་འཁོར། བླ་བྲང་བཞི་ནི་ཨེ་བཾ་ཡང་རྩེ་དང་། ཨེ་བཾ་ཕན་བདེ་གླིང་། ཨེ་བཾ་ཕུན་ཚོགས་ཁང་གསར། ཀླུ་ལྡིང་ཕོ་བྲང་བཅས་བཞི་ལའང་རྟེན་དང་བརྟེན་པར་བཅས་བཞུགས། མདོ་སྨད་དང་། དབུས་གཙང་། མངའ་རིས་སོགས་དང་། ཐ་ན་འབྲུག་ཡུལ་སོགས་ནས་ཀྱང་ཕེབས་པའི་གྲྭ་རྒྱུན་སུམ་བརྒྱ་སྐོར་ཡོད་པ་ནི་གདོང་གྲལ་ནང་བཞུགས་པ་ཡིན། དེ་ནི་ཀུན་དགའ་བཟང་པོས་ཐག་རིང་ནས་ཕེབས་མཁན་གྱི་སློབ་གཉེར་བ་རྣམས་ལ་དམིགས་མཐོང་མཛད་པའི་སྲོལ་རིམ་བཞིན་མི་ཉམས་པ་ཡོད། ད་ལྟ་སྔོན་གྱི་རྩིག་གདན་སྟེང་བསྐྱར་བཞེངས་གནང་བའི་དབང་ཁང་ནང་སྐུ་རྒྱུ་གསེར་ཟངས་ལས་གྲུབ་པའི་ཐུབ་དབང་གི་སྐུ་བརྙན་མི་ཚད་ལྷག་སོགས་སྔོན་གྱི་རྟེན་སྐུ་རྣམས་ཀྱི་སྐུ་ཚབ་གསར་བཞེང་གནང་བ་དང་། ལམ་འབྲས་ལྷ་ཁང་ནང་རྟེན་གཙོ་ས་པཎ་གྱི་ཐུགས་དམ་རྟེན་སྤྱན་རས་གཟིགས་ཁ་སཱརྤ་ཎི། ཐུབ་པ་ཚུལ་ཁྲིམས། ངོར་ཆེན་རྡོ་རྗེ་འཆང་གི་ཐུགས་དམ་གྱི་རྟེན་རྒྱལ་བ་རྡོ་རྗེ་འཆང་། གོང་ས་ལྔ་པའི་ན་བཟའ། ངོར་ཆེན་ཆོས་དུང་སོགས་དང་། བླ་བྲང་ཁག་ཀྱང་ཐོག་མའི་བསྐྱར་བཞེངས་འགྲུབ་པ་བཅས།
གཞིས་ཀ་རྩེའི་གནས་སྐོར་ལམ་ཡིག་གསསར་མ་ལས་བཏུས།
