བརྡ་གསར་རྙིང་གི་རྣམ་གཞག་ལེགས་པར་སྟོན་པ་གསར་བུའི་ཉེར་མཁོ་ཞེས་བྱ་བ་བཞུགས་སོ།།
༄༅། །བརྡ་གསར་རྙིང་གི་རྣམ་གཞག་ལེགས་པར་སྟོན་པ་གསར་བུའི་ཉེར་མཁོ་ཞེས་བྱ་བ་བཞུགས་སོ།། རྗེ་དྲུང་ལྷུན་གྲུབ་བློ་ལྡན། ༄༅། །ན་མོ་གུ་རུ་མཉྫུ་གྷོ་ཥཱ་ཡ། ངག་གི་དབང་ཕྱུག་རྒྱལ་ཀུན་གསང་གསུམ་གྱི། ། ཡོན་ཏན་མ་ལུས་བསྡུས་པའི་རང་གཟུགས་དངོས། ། སྲིད་འདིར་མཉམ་ཟླ་མེད་པའི་བཀའ་དྲིན་ཅན། ། རྗེ་བཙུན་བླ་མའི་ཞབས་རྡུལ་སྤྱི་བོས་བསྟེན། ། སྒྲིབ་བྲལ་མཁྱེན་བརྩེའི་ཡེ་ཤེས་སྒྱུ་མའི་འཕྲུལ། ། སྣང་སྟོང་མཚན་དཔེའི་ལང་ཚོར་སྒེག་པའི་ལྷ། ། འཇམ་དབྱངས་དབྱངས་ཅན་དགྱེས་དགུར་རྩེན་པའི་གར། ། སྙིང་མགྲིན་འཁོར་ལོའི་ལྟེ་བར་བསྒྱུར་བར་མཛོད། ། བཀའ་དང་དགོངས་འགྲེལ་གཞུང་ལུགས་རབ་འབྱམས་ཀྱི། ། དགོངས་དོན་འཚོལ་ཞིང་ཉམས་སུ་ལེན་པ་ལ། ། ཉེ་བར་མཁོ་ཕྱིར་གསར་རྙིང་བརྡ་ཡིག་གི ། རྣམ་གཞག་ཀཱ་ལིའི་རིམ་པར་དགོད་པར་བྱ། ། དེ་ལ་གསལ་བྱེད་རྐྱང་པ་དང༌། ། སོ་སོའི་འཕུལ་དང་མགོ་ཅན་སོགས། ། དག་ཡིག་མཁས་པའི་ངག་སྒྲོན་མའི། ། གོ་རིམ་བཞིན་དུ་བསྟར་བ་ལ། ། ༼ཀ༽ ཀྭ་ཡེ་ཀྱེ་ཧོ་བོད་པའི་བརྡ། །ཀ་དག་གདོད་མ་ཀ་ཅ་ནོར།…