བོད་ཀྱི་སྔར་སྲོལ་ཁྲིམས་ཡིག་ཞིབ་འཇུག
སྔར་སྲོལ་ཁྲིམས་ཡིག་ཞིབ་འཇུག་གི་དེབ་འདི་ནི་ཆེས་མཐོའི་ཁྲིམས་ཞིབ་ཁང་གི་བོད་ཀྱི་སྔར་སྲོལ་ཁྲིམས་ཡིག་ཞིབ་འཇུག་གི་རྣམ་གྲངས་ཤིག་ཡིན་པ་དང་། ཞིབ་འཇུག་པ་སྟོབས་ལགས་ཀྱིས་བརྩམས་གནང་བ་ཞིག་ཡིན། ཞིབ་འཇུག་གི་དགོས་དམིགས་ནང་བཀོད་དོན། དེ་ཡང་བོད་རྒྱལ་ཁབ་ནི་སྤུར་རྒྱལ་བཙན་པོའི་དུས་ནས་གཞུང་ས་དགའ་ལྡན་ཕོ་བྲང་པའི་བར་ཁྲིམས་སྐྱོང་རྒྱལ་ཁབ་ཅིག་ཡིན་མོད། ད་ཕན་བོད་ཕྱི་ནང་གཉིས་སུ་བོད་ཀྱི་སྔར་སྲོལ་ཁྲིམས་ཡིག་གི་བྱུང་འཕེལ་དང་། ནང་དོན། ཁྱད་ཆོས། སྔ་ཕྱིའི་འབྲེལ་བ་བཅས་ཀྱི་སྐོར་ལ་ཆ་ཚང་ཞིང་གོ་རིམ་ལྡན་པའི་ཞིབ་འཇུག་དཔྱད་འབྲས་ཧ་ཅང་དཀོན་པའི་གནས་སུ་ལུས་ཡོད།
