༄༅། །རྗེ་བཙུན་བླ་མ་དམ་པ་ཁྱབ་བདག་རྡོ་རྗེ་སེམས་དཔའི་ངོ་བོ་ཡོངས་འཛིན་ཆོས་ཀྱི་རྒྱལ་པོ་པཎྜི་ཏ་ ཆེན་པོ་ཡེ་ཤེས་རྒྱལ་མཚན་དཔལ་བཟང་པོ་ལ་རྣམ་ཐར་གྱི་སྒོ་ནས་གསོལ་བ་འདེབས་པ་ ཐུབ་བསྟན་མཛེས་པའི་པདྨོ་ཞེས་བྱ་བ་བཞུགས་སོ།། ༄༅། །ཨོཾ་བདེ་ལེགས་སུ་གྱུར་ཅིག །བསྐལ་བཟང་མི་མཇེད་ཞིང་འདིའི་འགྲོ་རྣམས་ལ། །རྒྱལ་བ་གཞན་ལས་ཐུགས་རྗེ་ཆེས་ལྷག་པ། །སྟོན་པ་མཉམ་མེད་ཤཱཀྱའི་རྒྱལ་པོ་ལ། །སྙིང་ནས་འདུད་དོ་རེ་བ་འབྲས་ལྡན་མཛོད། །རབ་འབྱམས་ཕྱོགས་བཅུའི་རྒྱལ་བ་མ་ལུས་པའི། །སྒྲིབ་མེད་ཡེ་ཤེས་བགྲང་ཡས་གདུལ་བྱའི་མགོན། །བསྟན་པའི་རྒྱལ་མཚན་འཛིན་ལ་ཟླ་བྲལ་བ། །རྗེ་བཙུན་བླ་མས་བྱང་ཆུབ་བར་དུ་སྐྱོངས། །

ཁྱད་པར་དུ་འཕགས་པའི་བསྟོད་པ། སློབ་དཔོན་མཐོ་བཙུན་གྲུབ་རྗེ། ༄༅༅། །རྒྱ་གར་སྐད་དུ། བི་ཤིཥྚ༌སྟ་བཿ། བོད་སྐད་དུ། ཁྱད་པར་དུ་འཕགས་པའི་བསྟོད་པ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བདག་ནི་སྟོན་པ་གཞན་སྤངས་ནས། །བཅོམ་ལྡན་ཁྱོད་ལ་སྐྱབས་མཆིས་པ། །དེ་ཅིའི་སླད་དུ་ཞེ་ན་ཁྱོད། །སྐྱོན་མི་མངའ་ལ་ཡོན་ཏན་ལྡན། །གང་ཕྱིར་འཇིག་རྟེན་སྐྱོན་ལ་དགའ། །ཡོན་ཏན་འཛིན༌པར་ཞེན་པས་ན། །སྐྱོན་ཡང་ཡོན་ཏན་ལྟར་མཐོང་ནས། །གཞན་ལ་སྐྱབས་སུ་མཆིས་པར་གྱུར། །

བོད་ལྗོངས་སུ་བཙན་པོའི་སྐབས་ཀྱི་འཛུགས་སྐྲུན་གྱི་རྗེས་ཤུལ་མང་པོ་སྔོག་འདོན་ཐུབ་ཡོད་ཟེར། ཉེ་དུས། བོད་རང་སྐྱོང་ལྗོངས་གནའ་རྫས་རྟོག་ཞིབ་གྲུབ་འབྲས་སྤྱི་དམངས་ལ་མཉམ་སྤྱོད་བྱེད་པའི་ཚོགས་འདུ་ཚོགས་ཤིང་། ཚོགས་འདུའི་ཐོག་ཏུ་འོན་ཅང་རྡོ་གནའ་ཤུལ་གྱི་གནའ་རྫས་རྟོག་ཞིབ་སྔོག་འདོན་གྲུབ་འབྲས་གསར་པ་ཁྱབ་བསྒྲགས་བྱས་པ་རེད། 2021 ལོའི་ཟླ་ 7 པར་མཉམ་འབྲེལ་གནའ་རྫས་རྟོག་ཞིབ་རུ་ཁག་གིས་ལྷ་ས་སྐྱིད་ཆུའི་འགྲམ་གྱི་འོན་ཅང་རྡོ་གནའ་ཤུལ་ལ་གནའ་རྫས་རྟོག་ཞིབ་སྔོག་འདོན་བྱས་ཤིང་།

༄༅། །ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན། རྩོམ་པ་པོ། མགོན་སེང་ཀརྨ་བདེ་ལེགས། ཕྱྭ་པ་ཆོས་ཀྱི་སེང་གེའི་གདན་ས། དེ་ཡང་སྔར་སྤྱི་ལོ༡༩༩༡ལོར་ཀ་ཐོག་རྒྱུད་སྡེ་བཤད་སྒྲུབ་ནོར་བུ་ལྷུན་པོར་སློབ་གཉེར་བྱས་སྐབས། བོད་ཡུལ་དུ་ཕྱྭ་པ་ཆོས་ཀྱི་སེང་གེའི་དབུ་ཚད་ཀྱི་རིགས་ལམ་རྒྱ་ཆེར་སྤེལ་ཚུལ་གྱི་མཛད་རྣམ་མདོར་བསྡུས་ཙམ་ཐོག་མར་ཐོས། ད་དུང་ཡ་མཚན་པ་ཞིག་ལ་ཁོང་གིས། འགྲོ་བ་སེམས་ཅན་ཉལ་ནས་འཆི། །ང་ཕྱྭ་པ་ཆོས་སེང་ལངས་ནས་འཆི། །གསུངས་ནས་རྟགས་གསལ་གཏོང་བཞིན་གཤེགས་ཚུལ་ངག་རྒྱུན་གྱི་ལོ་རྒྱུས་ཡ་མཚན་ཅན་འགའ་ཤས་ཤིག་ཐོས་པ་ཙམ་ལས་ཞིབ་ཕྲའི་རྣམ་ཐར་དང་གསུང་སོགས་གང་ཡང་མཇལ་རྒྱུ་མ་བྱུང་།

ཡར་ཀླུང་གནས་རྟེན་ཕུག་གསུམ་གྱི་ཕྲན་དཔྱད།   ཨེ་ཉི་མ་ཚེ་རིང་ནས། ཡར་ཀླུང་རྟེན་གསུམ་བཤད་པ། དེ་ཡང་ཡར་ཀླུང་གཞུང་དུ་ཕེབས་མཁན་གྱི་དད་ལྡན་མང་ཚོགས་དང་། ཡང་ན་ཞིབ་འཇུག་ལ་ཁ་ཕྱོགས་པའི་རིག་གནས་པ།སྤྱིར་བཏང་གི་ལྗོངས་རྒྱུ་བ་གང་འདྲ་ཞིག་ཡིན་ན་ཡང་། ཡུལ་ཡར་ཀླུང་ཞེས་པའི་ལུང་གཞུང་འདིར་འབྱོར་ཕྱིན།ཡིད་ལ་ཐོག་མར་འཆར་བ་ནི་ཡར་ཀླུང་རྟེན་གསུམ་དང་གནས་གསུམ་ཕུག་གསུམ་གྱི་མཇལ་རྟེན་སྐོར་ནས་བགྲོ་བའི་གླེང་མོར་གྱུར་བ་བརྗོད་མི་དགོས་པ་ཞིག་རེད།

དཔལ་གསང་ཕུ་དགོན་དང་དེ་དང་འབྲེལ་བའི་ཚད་མ་རིག་པ་བྱུང་འཕེལ་སྐོར། རྩོམ་པ་པོ། དག་སྨྱོན།     དེ་ཡང་ཆོས་ཚིགས་ཀྱི་དབང་དུ་བྱས་པའི་བོད་ཀྱི་ལྟེ་བའི་གྲོང་ཁྱེར་ལྷ་ས་ནས་ལྷོ་ནུབ་མཚམས་ལ་ཁ་གཏད་དེ་སྤྱི་ལེ་25ལྷག་ཙམ་སོང་ན། གསང་མདའ་གྲོང་ཚོར་སླེབས་ཤིང་། གྲོང་ཚོའི་དེའི་ཕུ་རུ། མུ་མཐུད་སྤྱི་ལེ་7ཙམ་བསྐྱོད་ན་གསང་ཕུ་དགོན་དུ་འབྱོར། གདན་ས་འདི་ཉིད་ནི་སྔར་སེ་འབྲས་དགའ་གསུམ་མ་ཆགས་པའི་གོང་དུ་དབུས་ཀྱི་གྲྭ་ས་ཆེན་པོ་དྲུག་གི་ཡ་གྱལ་ཞིག་ཡིན་ལ། དབུས་ཁུལ་གྱི་བཀའ་གདམས་མ་དགོན་གཉིས་ཀྱི་གྲས་ཤིག་ཀྱང་ཡིན།