༄༅། །སྐུ་བཅར་རྣམ་རྒྱལ་གྲྭ་ཚང་གི་ཆོས་སྤྱོད་ཕན་བདེའི་ལམ་བཟང་ཞེས་བྱ་བ་བཞུགས་སོ།།     དཔར་སྐྲུན་གསལ་བཤད།   དུས་རབས་ཉེར་གཅིག་པའི་སྐབས་འདིར། བོད་གངས་ཅན་ལྗོངས་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་གི་དཔེ་རྒྱུན་དཀོན་རིགས་རྣམས་ཐབས་ལམ་སྣ་ཚོགས་ཀྱི་ཐོག་ནས་གཞུང་སྒེར་ཚོགས་སྡེ་དང་། གང་ཟག་སྒེར་པ་བཅས་ཀྱིས་དཔེ་རྒྱུན་ཉམས་གསོ་དང་། དར་སྤེལ་གྱི་ལས་གཞི་རིམ་པར་བརྩམས་གནང་ཡོད་ལ། ཕྱོགས་མཚུངས་འདི་ག་སྐུ་བཅར་རྣམ་རྒྱལ་གྲྭ་ཚང་ཕན་བདེ་ལེགས་བཤད་གླིང་ནས་ཀྱང་ཆོས་རིག་རྒྱས་ཐབས་སུ་རྒྱུན་དུ་མཁོ་གནད་ཆེ་བའི་གསུང་རབ་ཇི་སྙེད་ཅིག་དཔར་འགྲེམས་ཞུས་པར་དོན་གཉེར་ཅན་མི་ཉུང་བ་ཞིག་ནས་རྔོ་ཐོགས་དགེ་རླབས་ཤིན་ཏུ་ཆེ་བའི་ལེགས་སོའི་གསུང་གི་དབུགས་དབྱུང་ཡང་ཡང་ཐོབ་པར་སྤྲོ་སེམས་བརྟས།

༄༅། །རྒྱ་བོད་དུ་བྱོན་པའི་བསྟན་འཛིན་གྱི་སྐྱེས་བུ་དམ་པ་རྣམས་ཀྱི་མཚན་ཐོ་བཞུགས་སོ།། ཐུབ་དབང་བསྟན་པའི་རྒྱན་གྱུར་ཤིང་རྟ་ཆེ། །ཉི་ཟླ་ཟུང་གཅིག་རྒྱ་བོད་མཁས་པའི་ཚོགས། །རྒྱུ་སྐར་རྣམས་ཀྱིས་ཡོངས་སུ་བསྐོར་བ་བཞིན། །བདག་བློ་དད་པའི་ཆུ་མཚོར་འདི་ལྟར་གསལ། །སངས་རྒྱས་ཐམས་ཅད་མཁྱེན་བརྩེ་ནུས་མཐུ་དང༌། །འཕྲིན་ལས་ཐམས་ཅད་མཉམ་པ་ཉིད་ཡིན་པས། །གང་ལ་གང་འདུལ་ཚད་བཟུང་མི་ནུས་ཀྱང༌། །རང་གི་བློ་ཡིས་ལྕོགས་ན་འདི་ལྟར་ཡིན། །

༄༅། །ཞྭ་ལྷ་ཁང་གི་རྡོ་རིང་འབྱུང་ས་དང་དཔྱད་འབྲས་ཀྱི་འཁྲུལ་པ་འགའ་གླེང་བ། པ་དོན།           [ནང་དོན་གནད་བསྡུས།]རྩོམ་ཡིག་འདིའི་ནང་དབུ་སྟོད་ཞྭ་ལྷ་ཁང་གི་རྡོ་རིང་གཉིས་པོའི་འབྱུང་ས་གང་དུ་ཡིན་པ་དང་རྡོ་རིང་གཉིས་ཀྱི་འཛུགས་སའི་གནས་དང་གནས་ཀྱི་ཁ་ཕྱོགས། དེ་བཞིན་རྡོ་རིང་གཉིས་ཞྭ་ལྷ་ཁང་གི་སྒོའི་ཕྱོགས་གང་དུ་བཙུགས་ཡོད་ཚུལ་ཀྱི་སྐོར་གླེང་ནས་མིག་སྔའི་དེའི་སྐོར་གྱི་བཞེད་ཚུལ་ནོར་འཁྲུལ་ཅན་ཁག་གཅིག་ལ་ཡོ་བསྲང་བྱས་ཡོད།

དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དཔལ་བཟང་པོའི་བསྟོད་ཆེན། མཁྱེན་རབ་མཁྱེན་རབ་དབང་ཕྱུག་འཇམ་དཔལ་བཞིན། ། ཐུགས་རྗེ་ཐུགས་རྗེ་ཆེན་པོ་ཉིད་དང་མཚུངས།། མཐུ་སྟོབས་མཐུ་སྟོབས་དབང་ཕྱུག་གསང་བདག་གི། ། དཔལ་ལྡན་དཔལ་ལྡན་བླ་མའི་ཞབས་ལ་འདུད། ། སྟོན་མཁའི་མཁའ་ལ་ཉ་བའི་ཟླ་བ་ལྟར། ། སྟོན་གཞན་རྒྱུ་སྐར་ཚོགས་རྣམས་ཟིལ་མནོན་ནས། ། སྟོན་པའི་བསྟན་པ་ལུང་དང་རྟོགས་པའི་ཆོས། ། སྟོན་པ་ཉིད་བཞིན་སྟོན་པར་མཛད་ལ་འདུད། ། ས་སྐྱོང་སོགས་ཀྱི་གཙུག་གི་རྒྱན་གྱུར་པ།། ས་སྟེང་འདི་ན་འགྲན་ཟླ་མ་མཆིས་ཀྱང་། ། ས་གཞི་ལྟ་བུར་ཐམས་ཅད་བཀུར་མཛད་པ། ། ས་གསུམ་བླ་མ་ཆོས་རྗེའི་ཞབས་ལ་འདུད།།

མཁས་གྲུབ་ཁྱུང་པོ་རྣལ་འབྱོར་གྱི་རྣམ་ཐར་སྙིང་བསྡུས།   མཁས་གྲུབ་ཁྱུང་པོ་རྣལ་འབྱོར་ཁོང﹙990-1140﹚ནི། སྙེ་མོ་ར་མངས་སུ་ཡབ་ཁྱུང་རྒྱལ་སྟག་སྐྱེས་དང་། ཡུམ་འགོས་བཟའ་བཀྲ་ཤིས་སྐྱིད་གཉིས་ཀྱི་སྲས་སུ་འཁྲུངས་ཤིང་ཤངས་པ་བཀའ་བརྒྱུད་ཀྱི་ཆོས་སྲོལ་ཐོག་མར་འབྱེད་མཁན་ཡིན། ཁོང་འཁྲུངས་མ་ཐག་པའི་དུས་སུ་རྒྱ་གར་གྱི་གྲུབ་ཆེན་ཨ་མོ་གྷ་བཛྲ་བྱོན་ཏེ་བུ་ཆུང་འདིས་བསྟན་འགྲོའི་དོན་རྒྱ་ཆེན་པོ་བྱེད་ཐུབ་པ་ཞིག་འབྱུང་ཞེས་ལུང་བསྟན་མཛད། རུས་ཁྱུང་པོ་ཡིན་ཞིང་། དགུང་ལོ་བཅུ་ནས་ཡི་གེ་འབྲི་ཀློག་དང་སྐར་རྩིས་བཅས་མཁས་པར་མཁྱེན།

བདེ་ཁང་བསོད་ནམས་ཆོས་རྒྱལ་ལགས་ནི། ཕྱི་ལོ་ ༡༩༦༣ ལོར་བོད་དབུས་གཙང་ལྷོ་ཁ་གོང་དཀར་ཁུལ་དུ་སྐུ་འཁྲུངས་ཤིང་། དགུང་ལོ་བརྒྱད་དགུ་ཙམ་ནས་རིམ་བཞིན་སློབ་ཆུང་དང་། སློབ་འབྲིང་འགྲིམས་གནང་ཞིང་། ཕྱི་ལོ་ ༡༩༨༠ ལོར་བོད་ལྗོངས་སློབ་གྲྭ་ཆེན་མོའི་ཞོར་གཏོགས་སློབ་འབྲིང་དུ་བསྐྱོད་པ་གནང་། ཕྱི་ལོ་ ༡༩༨༢ ལོར་ཀྲུང་དབྱང་མི་རིགས་སློབ་ཆེན་ཞེས་པར་ཕེབས་ནས་བོད་ཡིག་གིས་གཙོས་པའི་ཤེས་བྱའི་གནས་ཁག་ལ་སྦྱངས་པ་མཛད།