ཕོ་བྲང་པོ་ཏ་ལའི་ཕྱིའི་རྒྱན་སྤྲོས་སྐོར།
ཕོ་བྲང་གི་ཕྱིའི་རྒྱན་སྤྲོས་སྐོར། ཕོ་བྲང་དབུ་རྩེར་གསེར་ཟངས་ཀྱི་རྒྱ་ཕིབས་དང༌། སྤེན་རྒྱན་ཁག སྤེན་བད། རྒྱལ་མཚན། ཐུག་སོགས་ཡོད། རྒྱ་ཕིབས། མཆོད་སྡོང་ཁང་དེའི་དབུ་རྩེར་གསེར་ཟངས་ཀྱི་རྒྱ་ཕིབས་ལ་རྒྱ་གར་ལུགས་ལྟར་ན་བ་རེན་ཊ་དང་གོ་ཊའི་ལུགས་གཉིས་ཡོད་པའི་ཚད་ལྡན་དེ་འདྲ་བོད་དུ་ལྷ་ཁང་ཆེན་པོར་བྱ་སྲོལ་མེད་ཀྱང་ཁུངས་དེར་བརྟེན་ནས་གྲུ་བཞི་ཟུར་བཅག་རུས་སྦལ་གྱི་དབྱིབས་གཟུགས་ཅན་དེའི་རིང་ཚད་ལ་རྒྱུག་མཐོ་༤༦ ལ་སྤྱི་ཁྲི་བཅུ་གཅིག་དང་ཕྱེད་ཀ ཞེང་ཚད་རྒྱུག་མཐོ་ ༥༧ ལ་སྤྱི་ཁྲི་བཅོ་ལྔ་མ་ཟིན་ཙམ། ཆུ་འཛར་ནས་རྩེའི་ཏོག་བར་དཔངས་ལ་རྒྱུག་མཐོ་ ༢༨ ལ་སྤྱི་ཁྲི་ ༦ ལྷག་ཙམ། ཟེ་རོག ཆུ་འཛར། ཟུར་ཁུག་བཞིར་ཆུ་སྲིན་མགོ་བརྙན་དང༌།
