Author: རྩོམ་སྒྲིག་པས།

༄༅། །དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ།[1]   ༼༸རྒྱལ་བ་སྐུ་ཕྲེང་གཉིས་པ་དགེ་འདུན་རྒྱ་མཚོས་ (1476-1542) མཛད་པ།༽   དཔལ་མར་མེ་མཛད་ཡེ་ཤེས་ཡབ་སྲས་བརྒྱུད་པ་དང་བཅས་པ་ཐམས་ཅད་ལ་དུས་ཐམས་ཅད་དུ་གུས་པས་ཕྱག་འཚལ་ལོ། །སྣང་བ་མཐའ་ཡས་རྒྱལ་བ་ཀུན་གྱི་གཙོ། །སྙིགས་དུས་ལྔ་བརྒྱའི་གཙུག་རྒྱན་ཐམས་ཅད་མཁྱེན། །དཔལ་ལྡན་མར་མེ་མཛད་དཔལ་ཡེ་ཤེས་ཞེས། །ཕྱོགས་བཅུར་སྙན་པར་གྲགས་ལ་ཕྱག་འཚལ་ལོ། །ནོར་བུའི་བ་གམ་འོད་ཟེར་བཞད་པའི་གྲོང་། །གསེར་གྱི་རྒྱལ་མཚན་མངོན་མཐོའི་གཞལ་མེད་ཆེར། །དགེ་བའི་དཔལ་དང་འོད་ཟེར་ཅན་གཉིས་ཀྱི། །སྲས་སུ་བསམ་བཞིན་འཁྲུངས་ལ་ཕྱག་འཚལ་ལོ། །

༄༅། །དཔལ་མར་མེ་མཛད་ཡེ་ཤེས་ལ་བསྟོད་པ་རིན་པོ་ཆེའི་ཕྲེང་བ་ཞེས་བྱ་བ་བཞུགས་སོ།།[1]   ༼བོ་དོང་ཕྱོགས་ལས་རྣམ་རྒྱལ་ (1375-1450) གྱིས་མཛད་པ།༽   རྒྱ་གར་སྐད་དུ། དཱི་པཾ་ཀ་ར་ཤྲཱི་ཛྙཱ་ན་པཱུ་ཏི་རཏྣ་མཱ་ལཱ་ནཱ་མ། བོད་སྐད་དུ། དཔལ་མར་མེ་མཛད་ཡེ་ཤེས་ལ་བསྟོད་པ་རིན་པོ་ཆེའི་ཕྲེང་བ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དཔག་ཡས་མཁྱེན་བརྩེའི་རྨད་བྱུང་འཕྲིན་ལས་ཅན། །ཐབས་དང་ཤེས་རབ་གཉིས་སུ་མེད་གྱུར་པས། །སྲིད་དང་ཞི་བའི་མཐའ་ལ་མི་གནས་པའི། །དཔལ་ལྡན་ཨ་ཏི་ཤ་ལ་ཕྱག་འཚལ་ལོ། །

༄༅། །ཇོ་བོ་དཱི་པཾ་ཀ་ར་ཤྲཱི་ཛྙཱ་ན་ལ་བསྟོད་པ་བྱིན་རླབས་ཀྱི་རྒྱ་མཚོ་རོལ་པའི་བཀོད་པ་ཞེས་བྱ་བ།[1]   ༼རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པ།༽   བླ་མ་དང་ལྷག་པའི་ལྷ་ལ་ཕྱག་འཚལ་ལོ། །ཚད་མའི་སྐྱེས་བུ་དོན་གཉིས་དབང་འབྱོར་བ། །འཕགས་པའི་ཡུལ་དུ་གྲུབ་པའི་ཡོན་ཏན་བརྙེས། །མཁས་མཆོག་རྒྱ་མཚོའི་དབུས་སུ་མངོན་མཐོ་ཞིང་། །ཡང་དག་རིགས་པས་ཕས་རྒོལ་ཟིལ་གྱིས་གནོན། །སྒྲ་ཚད་བཟོ་དང་གསོ་བ་ནང་དོན་དང་། །རྡོ་རྗེ་ཐེག་སོགས་སྡེ་སྣོད་ལ་མཁས་ཤིང་། །རིམ་གཉིས་ཟབ་མོའི་རྟོགས་པ་ཕུལ་བྱུང་ལྡན། །རྣམ་དག་སྤྱོད་པ་ལྷུར་ལེན་གདུལ་བྱ་རྣམས། །དགེ་བའི་ལས་ལམ་མཆོག་ལ་འགོད་པར་མཛད། །

    བསམ་ཡས་ནས་གསར་རྙེད་རྣམ་སྣང་རྡོ་སྐུའི་སྐོར་ཟིན་བྲིས། མཁས་དབང་ར་སེ་དཀོན་རྒྱམ། ཉེ་དུས་སུ་༢༠༢༡ལོར་དཔལ་བསམ་ཡས་མི་འགྱུར་ལྷུན་གྱི་གྲུབ་པའི་གཙུག་ལག་ཁང་གི་གླིང་ཕྲན། མི་གཡོ་བསམ་གཏན་གླིང་གི་ཉེ་འགྲམ་དུ་བསྐོར་ལམ་བཟོ་བཅོས་སྐབས་གསར་དུ་རྙེད་པའི་འབྲོ་བཟའ་ཁྲི་མོ་ལེགས་ཀྱིས་ལྷ་བཙན་པོ་དགུང་དུ་གཤེགས་པར་སྐུ་ཡོན་ལ་བཞེངས་པའི་རྣམ་པར་སྣང་མཛད་ཀྱི་རྡོ་བརྐོས་སྐུ་བརྙན་ཆག་དུམ་དང་བསྔོ་བྱང་སོགས་ལ་དཔྱད་པའི་桑耶寺桑丹林大日如来石刻圆雕造像的发现及意义རྩོམ་ཡིག་དང་།

༄༅། །ཇོ་བོ་རྗེའི་བསྟོད་པ་བརྒྱད་ཅུ་པ་བཞུགས་སོ།།[1]   ༼ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ (1011-1064) མཛད།༽   ན་མོ་གུ་རུ་མཉྫུ་གྷོ་ཥཱ་ཡ། ཤར་ཕྱོགས་ཟ་ཧོར་ཡུལ་མཆོག་ན། །དེ་ན་གྲོང་ཁྱེར་ཆེན་པོ་ཡོད། །བི་ཀྲ་མ་ནི་པུ་ར་ཡིན། །དེ་ཡི་དབུས་ན་རྒྱལ་པོའི་ཁབ། །ཕོ་བྲང་ཤིན་ཏུ་ཡངས་པ་ཡོད། །གསེར་གྱི་རྒྱལ་མཚན་ཅན་ཞེས་བྱ། །ལོངས་སྤྱོད་མངའ་ཐང་འབྱོར་པ་ནི། །རྒྱ་ནག་སྟོང་ཁུན་རྒྱལ་པོ་འདྲ། །ཡུལ་དེའི་རྒྱལ་པོ་དགེ་བའི་དཔལ། །བཙུན་མོ་དཔལ་མོ་འོད་ཟེར་ཅན། །ཡབ་ཡུམ་གཉིས་ལ་སྲས་གསུམ་མངའ། །པདྨའི་སྙིང་དང་ཟླ་བའི་སྙིང༌། །དཔལ་གྱི་སྙིང་པོ་ཞེས་བྱ་འོ། །རྒྱལ་བུ་པདྨའི་སྙིང་པོ་ལ། །བཙུན་མོ་ལྔ་ཡོད་སྲས་ནི་དགུ། །སྲས་ཀྱི་ཐུ་བོ་བསོད་ནམས་དཔལ། །