ཆོས་བསྐོར་དུས་ཆེན་ངོ་སྤྲོད།
བསྔགས་འོས་བསྔགས་བསྟོད་ལས། ཉིད་ཀྱི་དོན་ནི་ཡོངས་རྫོགས་ཤིང༌། །གཞན་གྱི་དོན་ལ་མངོན་བརྩོན་པ། ། དམ་ཆོས་བདུད་རྩི་སྩོལ་བ་པོ། །འཚིམ་པར་མཛད་ལ་ཕྱག་འཚལ་ལོ། ། ༈ འོ་སྐོལ་གྱི་སྟོན་པ་མཉམ་མེད་ཤཱཀྱའི་རྒྱལ་པོ་ཞེས་མཚན་གྱི་སྒྲ་དབྱངས་རྣ་བར་ཐོས་པ་ཙམ་གྱིས་ཀྱང་སྲིད་ཞིའི་གདུང་བ་སེལ་བར་ནུས་པ་གང་དེས་ཚོགས་གཉིས་ཀྱི་མཐུ་ཕུལ་དུ་བྱུང་བ་བསགས་ནས་འོག་མིན་དུ་ལྔ་ལྡན་ལོངས་སྤྱོད་རྫོགས་པའི་སྐུར་སངས་རྒྱས་ཟིན་ཀྱང༌། གདུལ་བྱའི་དོན་དུ་འཕགས་ཡུལ་རྡོ་རྗེ་གདན་དུ་མཆོག་གི་སྤྲུལ་སྐུར་འཚང་རྒྱ་བའི་ཚུལ་བསྟན་ཏེ། མཛད་པ་ཀུན་གྱི་མཆོག་ཏུ་གྱུར་པ་གསུང་གི་མཛད་པ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བའི་ནང་ཚན་བཀའ་དང་པོ་བདེན་བཞིའི་ཆོས་འཁོར་བསྐོར་བའི་ཚུལ་ནི། སྟོན་པ་དགུང་ལོ་སོ་ལྔ་ལ་བབ་པ་ཤིང་རྟ་ས་ག་ཟླ་བའི་ཚེས་བཅོ་ལྔར་བྱང་ཆུབ་ཤིང་དྲུང་དུ་མངོན་པར་རྫོགས་པར་སངས་རྒྱས་པའི་ཚུལ་བསྟན་པའི་རྗེས་སུ་ཞག་བདུན་ཕྲག་བདུན་ཐུགས་ལས་ཆུང་ངུར་བཞུགས་ཏེ་ཆོས་ཀྱི་འཁོར་ལོ་མ་སྐོར་བའི་ཚུལ་བསྟན་པ་ན།
