Author: ཆུ་དབར་བུ།

རིགས་བཟང་གི་མཁའ་འགྲོ་མ་སྣང་ས་འོད་འབུམ་གྱི་རྣམ་ཐར་བཞུགས་སོ།། ༄༅། །ན་མོ་གུ་རུ་དེ་ཝ་ཌཱ་ཀི་ནི། ཐབས་མཁས་ཐུགས་རྗེ་ཤཱཀྱའི་རིགས་འཁྲུངས་ཤིང་། ། གཞན་གྱིས་མི་ཐུབ་བདུད་ཀྱི་དཔུང་བཅོམ་པ། ། གསེར་གྱི་ལྷུན་པོ་ལྟ་བུར་བརྗིད་པའི་སྐུ། ། ཤཱཀྱའི་རྒྱལ་པོ་དེ་ལ་ཕྱག་འཚལ་ལོ། ། པོ་ཏཱ་ལ་ཡི་གནས་མཆོག་ནས། ། ཏཱམ་ཡིག་ལྗང་གུ་ལས་འཁྲུངས་ཤིང་། ། ཏཱམ་ཡིག་འོད་ཀྱིས་འགྲོ་བ་སྒྲོལ། ། སྒྲོལ་མ་ཡུམ་ལ་ཕྱག་འཚལ་ལོ། ། ལྷ་ཡི་སྐད་དང་ཀླུ་དང་གནོད་སྦྱིན་སྐད། ། དྲི་ཟ་དག་དང་མི་ཡི་སྐད་རྣམས་དང་། ། འགྲོ་བ་ཀུན་གྱི་སྒྲ་རྣམས་ཇི་ཙམ་པར། ། ཐམས་ཅད་སྐད་དུ་བདག་གིས་ཆོས་སྟོནད་ཏོ། །

འགྲོ་བ་བཟང་མོའི་རྣམ་ཐར།   ན་མ་ཤྲཱི་ཀ་ལཱ་ཙཀྲཱ་ཨཱ། མཁའ་འགྲོ་མ་འགྲོ་བ་བཟང་མོའི་རྣམ་ཐར་འདི། ནམ་ལངས་ཉི་མ་ཤར་བ་བྱས་པ་ལ་དམ་ཚིག་རྣམ་པ་གསུམ་དང་ལྡན་པ་སྟེ། དང་པོར་གུས་པའི་ཞུ་བ་དང་། བར་དུ་མ་ཡེངས་པར་ཉན་པ་དང་། མཐའ་མར་འཆལ་དུ་མི་གཏོང་བ་དང་གསུམ་ཡིན་པས། དེ་ཡང་ཆོས་མ་འཆད་པར་སེམས་ཀྱིས་ཆོས་མ་ཤེས་ན་ཆོས་གཞན་རྣམས་དོན་མེད་དུ་འགྲོ་ཞིང་། ཉན་པ་པོ་རྣམས་གྱིས་བྱས་ན་ཉན་མཁན་རྣམས་ཀྱིས་ཀྱང་དོན་བདེ་བ་རུ་འགྲོ་བས་བསོད་ནམས་ཆེ་བ་རྣམས་ཀྱིས་ཀྱང་བྲག་སྟེང་ནས་ཆུ་འཕོ་བ་ལྟར་འཕྲལ་འཕྲལའཆད་དགོས་པ་ཞིག་གདའ་བ་ལགས། བཀའ་བཞིན་གསུངས་པ་བཞིན་གདའ་བ། ཞུ་བཞིན་གསན་དགོས་པ་ཞིག་གདའ་ལགས། མཁའ་འགྲོ་མ་འགྲོ་བ་བཟང་མོའི་ཚོགས་ན། ཏཾ་ཡིག་ལྗང་ཁུ་ལས་འཁྲུངས་ཤིང་། ཏཾ་ཡིག་འོད་ཀྱི་འགྲོ་བ་སྒྲོལ། སྒྲོལ་མའི་ཡུམ་ལ་ཕྱག་འཚལ་ལོ། །

༄༅། །རྒྱལ་བུ་དྲི་མེད་ཀུན་ལྡན་གྱི་རྣམ་ཐར་བཞུགས་སོ། །   ༄༅། །ཨོཾ་མ་ཎི་པདྨེ་ཧཱུཾ་ཧྲཱིཿ འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སྔོན་བསྐལ་པ་དཔག་ཏུ་མེད་པ་ན། ཡུལ་བྷེ་ཏའི་གྲོང་ཁྱེར་ཆེན་པོ་ན། རྒྱལ་པོ་ས་སྐྱོང་གྲགས་པའི་དཔལ་ཞེས་བྱ་བ། བློན་པོ་སུམ་སྟོང་རྒྱལ་ཕྲན་དྲུག་ཅུ་ལ་དབང་མཛད་པ། ནོར་བུ་བསམ་འཕེལ་ལ་སོགས་པ་ནོར་བུའི་རིགས་བསམ་གྱིས་མི་ཁྱབ་པ་ཡོད་དོ། །གཞན་ཡང་གང་ལས་ལྷག་པའི་ནོར་བུ་དགོས་འདོད་དཔུང་འཇོམས་ཞེས་བྱ་བར་རང་གི་བསམ་པའི་དོན་ཐམས་ཅད་སྐད་ཅིག་ལ་འགྲུབ་པ་ཡོད་དོ། །དེ་ནས་སྟོབས་དང་ལྡན་པའི་རྒྱལ་པོ་དེ་ལ། རིགས་རྒྱུད་དང་ལྡན་པའི་བཙུན་མོ་ལྔ་བརྒྱ། ནོར་ལོངས་སྤྱོད་དང་ལྡན་པའི་བཙུན་མོ་ལྔ་བརྒྱ། ཤིན་ཏུ་མཛེས་པའི་བཙུན་མོ་ལྔ་བརྒྱ། བཙུན་མོ་ཕྱེད་དང་ཉིས་སྟོང་ཁབ་ན་ཡོད་ཀྱང༌། སྲས་གཅིག་ཀྱང་མེད་པས་རྒྱལ་པོ་ཐུགས་མ་བདེ་ནས། མོ་དང་རྩིས་བྱས་པས། དཀོན་མཆོག་ལ་མཆོད་པ་ཕུལ། ལྷ་སྲིན་སྡེ་བརྒྱད་ལ་གཏོར་མ་བཏང༌། དབུལ་ཕོངས་ལ་སྦྱིན་པ་བཏང་ན། བྱང་ཆུབ་སེམས་དཔའི་སྤྲུལ་བ་ཅིག་སྲས་སུ་འབྱོན་པར་འདུག་ཟེར། །དེར་རྒྱལ་པོ་ཡིད་བདེ་བ་བསྐྱེད་དེ། དཀོན་མཆོག་ལ་མཆོད་པ་ཕུལ། ལྷ་སྲིན་སྡེ་བརྒྱད་ལ་གཏོར་མ་བཏང༌། དབུལ་ཕོངས་ལ་སྦྱིན་པ་བཏང༌། དེ་ནས་རིང་པོ་མ་ལོན་པར་ཀུན་དང་མཐུན་པའི་བཙུན་མོ་དགེ་ལྡན་བཟང་མོ་ཞེས་བྱ་བ། བུད་མེད་ཀྱི་སྐྱོན་བརྒྱད་སྤངས་ཤིང༌། ཡོན་ཏན་དང་ལྡན་པ་དེ་ལ་སྲས་གཅིག་བྱུང་བར་རིགས་ནས། བཙུན་མོ་རྨི་ལམ་བཟང་སྟེ་རྒྱལ་པོའི་དྲུང་དུ་ཕྱིན་ནས་ཞུས་པ།

  རྩོམ་འབྲི་བ། ར་སེ་དཀོན་རྒྱམ།   དེ་ལ་དགེ་བཤེས་ངག་དབང་འབྱོར་མཆོག་གིས་གཙོ་གཉེར་མཛད་པའི་ཆོས་འབྱུང་གླིང་ཞེས་པའི་དྲྭ་ཚོམས་སུ་གསུངས་ཤིང་། བཀྲ་ཤིས་འཕྲིན་སྟེགས་སུ་སྤེལ་བའི་རྒྱ་གར་ཆོས་འབྱུང་གི་དྲི་བ་དྲིས་ལན་གྱི་སྒྲ་ཕབ་སྟོད་ཆའི་དུམ་བུ་འགའ་ལ་ཉན་པས། དེར་དགེ་བཤེས་ངག་གི་དབང་ཕྱུག་གིས་གསུང་བཤད་ནང་། རྭ་ལོ་ཙཱ་བའི་རྣམ་ཐར་ཆེན་པོ་དེ་ཚར་གཅིག་ཀློག་པ་ཡིན། རྣམ་ཐར་དེ་རྗེ་བཙུན་མི་ལའི་རྣམ་ཐར་ལས་ལྷག་པ་ཅིག་རེད། རྗེ་བཙུན་མི་ལའི་རྣམ་ཐར་ནི་ཕྱིས་སུ་ཕྱིས་སུ་མཛད་པ་ཅིག་རེད། རྭ་ལོ་ཙཱ་བའི་རྣམ་ཐར་ཁོ་རང་གི་དངོས་སློབ་རྭ་ཆོས་རབ་དཔོན་སློབ་ཀྱི་མཛད་པ་ཅིག་རེད། ཅེས་ཚིག་ཐག་ཆོད་པོས་གསུང་བར་མཛད་འདུག

ངོར་ཆེན་ཀུན་དགའ་བཟང་པོ་ནི། སྟོན་པ་རྫོགས་པའི་སངས་རྒྱས་ཀྱིས་མདོ་སྡེ་པདྨ་དཀར་པོ་ལས། ངས་ནི་དགེ་སློང་དགེ་འདུན་མོས་པར་བྱས། །ཀུན་དགའ་བཟང་པོ་ང་ཡི་ཆོས་འཛིན་པ། །བདེ་གཤེགས་བྱེ་བ་དྲུག་ཅུ་མཆོད་བྱས་ནས། །མ་འོངས་དུས་ཀྱི་ཚེ་ན་རྒྱལ་བར་འགྱུར། །ཞེས་སོགས་མདོ་རྒྱུད་དུ་མ་ནས་ལུང་བསྟན་པའི་སྐྱེས་བུ་ཞིག་སྟེ། དེ་ཉིད་གང་དུ་སྐུ་འཁྲུངས་པའི་གནས་ཁྱད་པར་ཅན་གདན་ས་ཆེན་པོ་དཔལ་ལྡན་ས་སྐྱར་ཡབ་བདག་ཆེན་བཞི་ཐོག་པ་ཏ་དབོན་ཀུན་དགའ་རིན་ཆེན་དང་། ཡུམ་རྗེ་བཙུན་སྒྲོལ་མ་དཀར་མོའི་རྣམ་སྤྲུལ་བསོད་ནམས་དཔལ་འདྲེན་གཉིས་ཀྱི་སྲས་སུ་བོད་རབ་བྱུང་དྲུག་པའི་ཆུ་ཁྱི་ལོ་སྟེ་སྤྱི་ལོ་ ༡༣༨༢ ལོར་ངོ་མཚར་བསམ་གྱིས་མི་ཁྱབ་པའི་ལྟས་དང་བཅས་སྐུ་འཁྲུངས། ཕྱི་ལྟར་གྱི་ཡབ་ནི་དཔོན་ཚང་གྲུབ་པ་ཡོན་ཏན་ཡིན། དམ་པ་འདི་ཉིད་ལྷུམས་སུ་བཞུགས་སྐབས་རྡོ་རྗེ་རྣམ་འཇོམས་ཀྱི་གྲུབ་ཆེན་དགེ་སློང་ཚུལ་འབྲས་ཀྱིས་ཡུམ་ལ་ཁྱེད་ལ་སྐྱེས་བུ་དམ་པ་ཞིག་བྱོན་པར་འདུག་པས་བར་ཆད་ཀྱིས་དབང་དུ་མ་སོང་བ་མཛོད་ཅིག་ཅེས་ལུང་བསྟན་མཛད། དམ་པ་འདི་ཉིད་འཕགས་པ་སྤྱན་རས་གཟིགས་ཀྱི་རྣམ་སྤྲུལ་ཡིན་པ་མདོ་ལས་གསུངས་པ་མ་ཟད་རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱིས་བྱིན་གྱིས་རློབས་པའི་སྐྱེས་བུ་ཞིག་ཀྱང་ཡིན།

༄༅། །གཙང་གི་ཁ་བྱང་གཅིག་པའི་སྙན་ངག་སྤེལ་ཐེངས་ཞེ་གསུམ་པ། ཁ་བྱང་འདོན་མཁན། འདྲུ་བཀྲ་ཤིས་རྒྱལ། ཁ་བྱང་འདོན་མཁན་གྱི་གླེང་བརྗོད་གཏམ། རང་བྱུང་གི་ཁམས་ཆེན་པོའི་འཕེལ་འགྲིབ་ལས་འགྲོ་བ་མིའི་རིགས་ཀྱི་འཚོ་གནས་ལ་འགྱུར་ལྡོག་ཡོང་བཞིན་ཡོད་པས་ན་མི་དང་རང་བྱུང་གི་ཁམས་ཆེན་པོའི་བར་དུ་འབྲེལ་བ་ཚགས་དམ་པོ་ཞིག་གྲུབ་ཡོད། ད་ལྟའི་ཆར་ཀུན་གྱིས་ཀྱང་རང་བྱུང་གི་ཁམས་ལ་གཅེས་སྤྲས་ལྷད་མེད་བྱེད་བཞིན་མཆིས་མོད་དེ་ལྟར་བདག་གཅེས་བྱེད་དགོས་པའི་རྒྱུ་མཚན་མི་ཤེས་པ་སོགས་ཀྱང་ཤིན་ཏུ་ནས་མང་། དེས་ན་ངེད་ཅག་གིས་ལྗང་མདོག་གི་གནས་མལ་ལ་གཞི་བཅོལ་ཏེ་རང་བྱུང་ཁམས་ཀྱི་བྱེད་ནུས་དང་དེ་ལ་བདག་གཅེས་བྱེད་དགོས་པའི་རྒྱུ་མཚན། ཡང་ན་རང་བྱུང་གི་ཁམས་ལས་བསྐྱེད་པའི་ཚོར་འདུ་དག་ཡིག་རིས་སུ་ཕབ་གང་ཐུབ་བྱས་ཏེ་མི་ཞིག་གི་རང་བྱུང་གི་ཁམས་ལ་མཚོན་པའི་བརྩེ་བ་དག་བཤམས་སྟོན་བྱས་ཡོད། གཞི་རིམ་ལས་འཕྲོས་ནའང་ཐེངས་འདིའི་རྩོམ་ཡིག་ལས་རྩོམ་པ་པོའི་ནང་སེམས་ཀྱི་འབེལ་གཏམ་ལྷུག་གེར་བརྗོད་པར་བྱས་པ་དང་རྗོད་ཚིག་དག་ཀྱང་ཟོར་ཡང་ལ་བརྗོད་པ་བདེ་བ་ལྟ་བུར་བསྒྲུབས་ཡོད།