༄༅། །ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན། རྩོམ་པ་པོ། མགོན་སེང་ཀརྨ་བདེ་ལེགས། ཕྱྭ་པ་ཆོས་ཀྱི་སེང་གེའི་གདན་ས། དེ་ཡང་སྔར་སྤྱི་ལོ༡༩༩༡ལོར་ཀ་ཐོག་རྒྱུད་སྡེ་བཤད་སྒྲུབ་ནོར་བུ་ལྷུན་པོར་སློབ་གཉེར་བྱས་སྐབས། བོད་ཡུལ་དུ་ཕྱྭ་པ་ཆོས་ཀྱི་སེང་གེའི་དབུ་ཚད་ཀྱི་རིགས་ལམ་རྒྱ་ཆེར་སྤེལ་ཚུལ་གྱི་མཛད་རྣམ་མདོར་བསྡུས་ཙམ་ཐོག་མར་ཐོས། ད་དུང་ཡ་མཚན་པ་ཞིག་ལ་ཁོང་གིས། འགྲོ་བ་སེམས་ཅན་ཉལ་ནས་འཆི། །ང་ཕྱྭ་པ་ཆོས་སེང་ལངས་ནས་འཆི། །གསུངས་ནས་རྟགས་གསལ་གཏོང་བཞིན་གཤེགས་ཚུལ་ངག་རྒྱུན་གྱི་ལོ་རྒྱུས་ཡ་མཚན་ཅན་འགའ་ཤས་ཤིག་ཐོས་པ་ཙམ་ལས་ཞིབ་ཕྲའི་རྣམ་ཐར་དང་གསུང་སོགས་གང་ཡང་མཇལ་རྒྱུ་མ་བྱུང་།

བོད་ཀྱི་ལྷ་མོའི་འཁྲབ་གཞུང་ཁག་བརྒྱད། ལྷ་མོའི་འཁྲབ་གཞུང་གི་རྣམ་ཐར་བརྒྱད་པོ་ནི། བོད་མི་རིགས་ཀྱི་རྩོམ་རིག་སྒྱུ་རྩལ་བང་མཛོད་ནང་གི་མཆོག་ཏུ་གྱུར་པའི་ནོར་བུ་ཞིག་ཡིན་ཞིང་། རྣམ་ཐར་དེ་རྣམས་སོ་སོའི་ནང་དོན་རྒྱ་ཆེ་ཞིང་གཏིང་ཟབ་ལ། སྐྱེ་བོ་ཀུན་གྱི་ཡིད་དབང་འཕྲོག་ནུས་པའི་སྒྱུ་རྩལ་གྱི་ཁྱད་ཆོས་ཕུན་ཚོགས་ལྡན་པས། རྒྱ་ཆེའི་བོད་རིགས་རྣམས་ཀྱིས་མཐོང་ཐོས་ལམ་དུ་དུས་ཡུན་རིང་པོར་སོང་རུང་ད་དུང་གཟིགས་འདོད་དང་གསན་འདོད་ཇེ་ཆེར་འཕེལ་ཏེ་བསམ་བློ་རིག་གནས་ཀྱི་འཚོ་བཅུད་ཤིན་ཏུ་བཟང་པོར་འཛིན་བཞིན་ལགས། ལྷ་མོའི་འཁྲབ་གཞུང་གི་རྣམ་ཐར་བརྒྱད་པོ་ནི། སྣང་ས་འོད་འབུམ་དང་། འགྲོ་བ་བཟང་མོ། གཟུགས་ཀྱི་ཉི་མ། པདྨ་འོད་འབར། རྒྱ་བཟའ་བལ་བཟའི་རྣམ་ཐར། གཅུང་པོ་དོན་ཡོད་དོན་གྲུབ། ཆོས་རྒྱལ་ནོར་བཟང་། དྲི་མེད་ཀུན་ལྡན་བཅས་ཡིན་ནོ།།

༄༅། །གསར་དུ་རྙེད་སོན་བྱུང་བའི་གུ་གེའི་རྒྱལ་རབས་ལྟེབས་མགོ་མའི་རིན་ཐང་ལ་དཔྱད་པ། རྩོམ་པ་པ། པདྨ་བཀྲ་ཤིས། [ནང་དོན་གནད་བསྡུས།] དཔྱད་རྩོམ་འདིར་གཙོ་བོ་གསུང་རབ་རིག་པའི་གཞུང་ལས་གསར་དུ་རྙེད་པའི་གུ་གེའི་རྒྱལ་རབས་ལྟེབས་མགོ་མ་ཞེས་འབོད་པ་དེའི་དུས་རབས་སྔ་ཕྱི་ལས་རིག་དངོས་རིན་ཐང་དང་། དཔེ་གཟུགས་ལྟེབས་མགོ་མ་དེའི་འབྲི་གཟུགས་སྣག་ཤོག་གི་ཁྱད་ཆོས་དང་། སྒྱུ་རྩལ་གྱི་རིན་ཐང་། དེ་བཞིན་གནའ་དཔེ་དེའི་ཞིབ་འཇུག་གི་རིན་ཐང་བརྗོད་པ་དང་སྦྲགས། དེ་དག་ལ་གཞི་བཅོལ་ཏེ་དེ་ཉིད་རྒྱལ་ཁབ་རིམ་པའི་གནའ་དཔེ་གཙིགས་ཆེན་དུ་སྙན་ཞུ་འབུལ་བའི་སྐོར་གླེང་ཡོད། [བརྡ་ཆད་གཙོ་བོ།] རྒྱལ་རབས་ལྟེབས་མགོ་མ། རིག་དངོས་རིན་ཐང་། ཞིབ་འཇུག་རིན་ཐང་།

རྩོམ་རིག་དཔྱད་བརྗོད་པ་ལྷག་པ་ཆོས་འཕེལ་གྱི་དཔྱད་རྩོམ་གསར་པ། རྩོམ་པ་པོ་ངོ་སྤྲོད། ལྷག་པ་ཆོས་འཕེལ། སྤྱི་ལོ་ ༡༩༦༡ ལོར་ལྷ་ས་གྲོང་ཁྱེར་སྟོད་ལུང་བདེ་ཆེན་རྫོང་གི་ཞིང་ཁྱིམ་ཕལ་བ་ཞིག་ཏུ་འཁྲུངས། ༡༩༨༥ ལོར་བོད་ལྗོངས་བོད་ཡིག་ཚན་ཁག་ནས་ཐོན་ཏེ་སློབ་གྲྭ་དེ་གའི་དགེ་རྒན་གྱི་ཕྱག་ལས་གནང་། ད་ལྟ་བོད་ལྗོངས་སློབ་ཆེན་རིག་གཞུང་སློབ་གླིང་གི་དགེ་རྒན་ཆེན་མོ་དང་འབུམ་རམས་པའི་འཛུབ་སྟོན་དགེ་རྒན་ཡིན། བརྩམས་ཆོས་ལ་བོད་ཀྱི་རྩོམ་རིག་ལོ་རྒྱུས་སྟོད་ཆ་དང་སྨད་་དང་། རྩོམ་རིག་གི་རྩོམ་ལུས་རྣམ་གཞག རྩོམ་གཞུང་བློ་གསར་འཇུག་སྒོ། མཉམ་ལས།

བོད་རྒྱ་ཚིག་མཛོད་ཆེན་མོར་དཔྱད་པའི་གཏམ་ཚ་ཟེར་འོད་སྣང༌། རྩོམ་པ་པོ། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་རིག་གནས་རྒན་པ་སངས་དམ་པ་མཆོག   ཕྱི་ལོ་ ༡༩༨༥ ལོར་བཏོན་པའི་བོད་རྒྱ་ཚིག་མཛོད་ཆེན་མོ་ཞེས་དེབ་ཁག་གསུམ་སྟོད་ཆ། བར་ཆ། སྨད་ཆ། པོ་དེ་ཤེས་བྱ་ཀུན་འདུས་ལྟ་བུའི་བསྔགས་བརྗོད་གནང་མཁན་མཐོང་ཐོས་བྱུང་བ་ལྟར་ང་རང་ཡང་བློ་བསྐྱེད་འབྱུང་རེ་ཁོ་ནས་རང་མེད་གཞན་འཚོལ་གྱིས་གཡར་པོ་ཞུས་ཏེ། དེབ་དང་པོ་སྟོད་ཆ་ནས་བལྟ་ཀློག་བྱས་པ་ཡིན། ཀློག་གིན་ཀློག་གིན་དེབ་འདི་རྩོམ་བསྒྲིགས་བྱེད་པའི་དམིགས་ཡུལ་གཙོ་བོ་གང་ཡིན་གཞི་ནས་རོབ་ཙམ་གོ་བྱུང༌།

ཕོ་ལྷ་བསོད་ནམས་སྟོབས་རྒྱས་ཀྱི་རྟོགས་བརྗོད་ཀྱི་དཀར་ཆག འགོ་བརྗོད་ཚིགས་བཅད། འཇིག་རྟེན་ཆགས་ཚུལ་དང་། བོད་ཀྱི་ས་ཁམས་ཆགས་ཚུལ། མེས་པོའི་ཕ་ཡུལ་གྱི་གནས་ཚུལ། ཕོ་ལྷ་ནས་ཀྱི་མེས་པོ་མི་རབས་གོང་མའི་གནས་ཚུལ། རྒྱལ་པོ་དགའ་ལྡན་ཚེ་དབང་གྲྭ་པ་བྱས་ཏེ་སྡོད་སྐབས་ཀྱི་ལོ་རྒྱུས། རྒྱལ་པོ་དགའ་ལྡན་ཚེ་དབང་གིས་མངའ་རིས་སྐོར་གསུམ་དབང་དུ་བསྡུས་པའི་ལོ་རྒྱུས། ཕོ་ལྷ་ནས་ཕ་པདྨ་རྒྱལ་པོའི་ལོ་རྒྱུས། ཕོ་ལྷ་ནས་ཨ་ཁུ་དགྲ་འདུལ་གྱི་སྐོར།