སྤེལ་ཞིབ་ཕྲ།
གནས་མཆོག་རྡོ་རྗེ་གདན་ཁུལ་གྱི་ནང་པའི་གནས་ཆེན་ཁག་གཅིག་གི་གནས་བཤད།
གནས་མཆོག་རྡོ་རྗེ་གདན་ཁུལ་གྱི་ནང་པའི་གནས་ཆེན་ཁག་གཅིག་གི་གནས་བཤད། ༄༅།།འདི་གའི་ཆེད་གཉེར་གསར་འགོད་པ་སྐལ་བཟང་རྒྱ་མཚོ་ལགས་ཀྱིས་ས་གནས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༨ ཟླ་ ༡༢ ཚེས་ ༢༩ ཉིན་འདི་ག་བོད་ཀྱི་བརྙན་འཕྲིན་ཚན་པའི་གསར་འགོད་པ་བསྟན་འཛིན་དབང་ཕྱུག་ལགས་ཀྱིས་རྣམ་རྒྱལ་གྲྭ་ཚང་སློབ་གཉེར་ཁང་གི་སློབ་སྤྱི་ཐུབ་བསྟན་ཡར་འཕེལ་ལགས་ལ་རྒྱ་གར་གནས་མཆོག་རྡོ་རྗེ་གདན་ཁུལ་གྱི་ནང་པའི་གནས་ཆེན་ཁག་གཅིག་གི་སྐོར་བཅར་འདྲི་ཞུས་པ་གཤམ་གསལ།
པཎྜི་ཏ་སྨྲྀ་ཏི་ཛྙཱ་ན།
པཎྜི་ཏ་སྨྲྀ་ཏི་ཛྙཱ་ན། དེའང་འཕགས་ཡུལ་གྱི་པཎྜི་ཏ་ཇོ་བོ་སྨྲྀ་ཏི་ཛྙཱ་ནའམ། འཇིག་རྟེན་པའི་ཤོད་སྲོལ་ལ་སྲད་ཀྱི་གུ་རུ་ཆོས་དབང་། ཡོངས་གྲགས་སུ་དྲན་པ་ཡེ་ཤེས་ནི། ཕྱི་ལོའི་དུས་རབས་བཅུ་པར། རྒྱ་གར་འཕགས་པའི་ཡུལ་དབུས་ཀྱི་གྲོང་ཁྱེར་ཆེན་པོ་མི་ཁྱིམ་ས་ཡ་གཅིག་དང་འབུམ་ཕྲག་གསུམ་ལ་མངའ་དབང་འབྱོར་བའི་ཆོས་ཀྱི་རྒྱལ་པོ་རྩིབས་ཀྱི་མུ་ཁྱུད་ཀྱི་སྲས་སུ་སྐུ་ཡི་པདྨོ་བཞད། སྐུ་ན་ཆུང་དུས་ནས་བློ་རིག་བཀྲ་ལ་རང་བཞིན་ལྷན་སྐྱེས་ཀྱི་སྙིང་རྗེ་ཆེན་པོས་ཐུགས་རྒྱུད་ཡོངས་སུ་གཏམས་ཤིང་དམ་པའི་ངང་ཚུལ་དང་ལྡན་པའི་ཐེག་ཆེན་གྱི་སྐྱེས་བུ་རིགས་སད་པ་ཞིག་ཡིན།
ལྷ་ས་གཙུག་ལག་ཁང་གི་ཀ་བ་རྟགས་ཅན་བཞི།
ལྷ་ས་གཙུག་ལག་ཁང་གི་ཀ་བ་རྟགས་ཅན་བཞི། དུང་དཀར་ཚིག་མཛོད་ཆེན་མོ་ལྟར་བསྒྲིགས། དུང་དཀར་བློ་བཟང་འཕྲིན་ལས། ཀ་བ་བུམ་པ་ཅན། ལྷ་ས་གཙུག་ལག་ཁང་ཆེན་པོའི་ཁྱམས་ར་ནང་མའི་མཐའ་བསྐོར་གྱི་ཀ་ཐུང་གྲས་སུ་ཀ་བ་རྟགས་ཅན་བཞི་ཡོད་པའི་ནང་གསེས་ཞིག་སྟེ། ཀ་བ་འདི་གང་ཡིན་ད་ཕན་ཇོ་བོ་རྗེ་ཨ་ཏི་ཤས་ངོ་མཁྱེན་པ་མ་གཏོགས་སུས་ཀྱང་ངོས་འཛིན་མ་ཐུབ་ཅིང༌། ཇོ་བོ་རྗེས་གསང་བ་སྲུང་བའི་ཕྱིར་དུ་གཙུག་ལག་ཁང་གི་ཕྱོགས་གང་དུ་ཡོད་མེད་གསལ་པོར་གསུངས་མེད། 《བཀའ་ཆེམས་ཀ་ཁོལ་མ》དང༌། 《ཆོས་འབྱུང་མེ་ཏོག་སྙིང་པོ》《མཁས་པའི་དགའ་སྟོན》སོགས་མང་པོ་ཞིག་ལས། རྒྱལ་པོ་སྲོང་བཙན་སྒམ་པོས་ཀ་བ་འདི་དང་ཉེ་བའི་སར་རིན་པོ་ཆེའི་གཏེར་སྦས་པར་གསུངས་པ། ཀ་བའི་གཏེར་རྟགས་མཚན་མར་བརྟགས་ན་དོན་དངོས་དང་མཐུན་ནམ་སྙམ།
ཕོ་བྲང་པོ་ཏ་ལའི་ཕྱིའི་རྒྱན་སྤྲོས་སྐོར།
ཕོ་བྲང་གི་ཕྱིའི་རྒྱན་སྤྲོས་སྐོར། ཕོ་བྲང་དབུ་རྩེར་གསེར་ཟངས་ཀྱི་རྒྱ་ཕིབས་དང༌། སྤེན་རྒྱན་ཁག སྤེན་བད། རྒྱལ་མཚན། ཐུག་སོགས་ཡོད། རྒྱ་ཕིབས། མཆོད་སྡོང་ཁང་དེའི་དབུ་རྩེར་གསེར་ཟངས་ཀྱི་རྒྱ་ཕིབས་ལ་རྒྱ་གར་ལུགས་ལྟར་ན་བ་རེན་ཊ་དང་གོ་ཊའི་ལུགས་གཉིས་ཡོད་པའི་ཚད་ལྡན་དེ་འདྲ་བོད་དུ་ལྷ་ཁང་ཆེན་པོར་བྱ་སྲོལ་མེད་ཀྱང་ཁུངས་དེར་བརྟེན་ནས་གྲུ་བཞི་ཟུར་བཅག་རུས་སྦལ་གྱི་དབྱིབས་གཟུགས་ཅན་དེའི་རིང་ཚད་ལ་རྒྱུག་མཐོ་༤༦ ལ་སྤྱི་ཁྲི་བཅུ་གཅིག་དང་ཕྱེད་ཀ ཞེང་ཚད་རྒྱུག་མཐོ་ ༥༧ ལ་སྤྱི་ཁྲི་བཅོ་ལྔ་མ་ཟིན་ཙམ། ཆུ་འཛར་ནས་རྩེའི་ཏོག་བར་དཔངས་ལ་རྒྱུག་མཐོ་ ༢༨ ལ་སྤྱི་ཁྲི་ ༦ ལྷག་ཙམ།…
༄༅། །དབུ་རུ་ཀ་ཚལ་གཙུག་ལག་ཁང་གི་གནས་ཡིག་མདོར་བསྡུས།
༄༅། །དབུ་རུ་ཀ་ཚལ་གཙུག་ལག་ཁང་གི་གནས་ཡིག་མདོར་བསྡུས། རྒྱལ་ཀུན་ཐུགས་རྗེའི་བཟུང་རྣམ་གཅིག་བསྡུས་པའི། །རྣམ་པ་ལྷག་པའི་ལྷ་མཆོག་པད་ནོར་འཛིན། །གདོང་དམར་འགྲོ་བའི་སྣང་ངོར་ཐ་མལ་ཚུལ། །བཞེངས་མཛད་ཆོས་རྒྱལ་དེ་ཡིས་ཤིས་པ་སྩོལ། །འབྲི་གུང་ཀ་ཚལ་དགོན་ནི་དུས་རབས་བདུན་པའི་དུས་དཀྱིལ་དུ་བོད་རྒྱལ་སོ་གསུམ་པ་སྲོང་བཙན་སྒམ་པོས་ཕྱག་བཏབ་པ་ཞིག་ཡིན་ཞིང་། གྲོང་ཁྱེར་ལྷ་ས་ནས་བར་ཐག་སྤྱི་ཁྲི་བདུན་ཅུར་ཉེ་བའི་བྱང་ངོས་སུ་གནས་ཡོད།
བྲག་སྒོ་ཀཀྞི་ནིའི་མཆོད་རྟེན་རྣམ་གསུམ།
བྲག་སྒོ་ཀཀྞི་ནི་ལྷ་སའི་དམར་པོ་རི་དང་ལྕགས་པོ་རི་གཉིས་ཀྱི་བར་དུ་གནས་ཤིང་། མཆོད་རྟེན་ཆེ་ཆུང་གསུམ་ཡོད་པ་ལས་མཆོད་རྟེན་ཆེ་བ་ཀཀྞི་ནི་ལམ་གྱི་དབུས་དང་། གཞན་ཆུང་བ་གཉིས་ནི་དམར་པོ་རི་དང་ལྕགས་པོ་རི་གཉིས་ཀྱི་སྣེ་སོ་སོར་གནས། བྲག་སྒོ་ཀཀྞི་ནི་ལོ་རྒྱུས་ཡུན་རིང་ལྡན་པ་དང་ལྷ་སར་སྐད་གྲགས་ཆེ་ཙམ་ཡོད་པའི་མཆོད་རྟེན་ཞིག་ཡིན།