རྩོད་པའི་ཕྱག་རྒྱ་དང་། དེ་དག་གི་མཚོན་དོན། རྩོད་པའི་སྐབས་མགོ་ཅུང་ཟད་ནང་དུ་བསྒུར་བས། བསྐལ་པ་བྱེ་བའི་བར་དུ་མཚན་ཙམ་ཡང་ཐོབ་པར་དཀའ་བའི་ཟབ་པ་དང་རྒྱ་ཆེ་བའི་དམ་པའི་ཆོས་རིན་པོ་ཆེ་ལ་ཅི་དགར་ལོངས་སུ་སྤྱོད་རྒྱུ་བྱུང་བ་འདི་བླ་མའི་བཀའ་དྲིན་དུ་ངོ་ཤེས་པ་དང༌། ཕྲེང་བ་ཉིས་ཁུག་བྱས་ཏེ་ཕྱག་གཡོན་པའི་མཐེ་བོང་དང་བཅས་པའི་སྐེར་བསྐོན་པས། བདག་དང་བཅས་པའི་སེམས་ཅན་ཐམས་ཅད་འཁོར་བ་གཅོང་རོང་གི་གནས་སུ་བདག་འཛིན་གྱིས་བཅིངས་པ་དང༌། མཐེ་བོང་གིས་ཕྲེང་བ་ཡར་འཕངས་པས། རང་གིས་ཚུལ་ཁྲིམས་རྣམ་པར་དག་པ་བསྲུངས་ཤིང་དགེ་བའི་བཤེས་གཉེན་གཙུག་ཏུ་བཀུར་ནས་ཐོས་བསམ་སྒོམ་གསུམ་སོགས་དགེ་སྒྲུབ་ཅི་ནུས་བྱས་པའི་མཐུས་མ་རྒན་སེམས་ཅན་ཐམས་ཅད་འཁོར་བར་འཆིང་བྱེད་ཀྱི་བདག་འཛིན་ལས་གྲོལ་སོང་བ་དང༌།

༄༅། །མཉམ་མེད་ཇོ་བོ་ཆེན་པོ་རྒྱ་གར་ལ་ཕེབས་མཁར་ལྷ་བླ་མ་བྱང་ཆུབ་འོད་ལ་ཞལ་གདམས་སུ་སྩལ་པ་ཐར་འདོད་དཔའ་བོའི་སྙིང་ནོར་ཞེས་བྱ་བ་བཞུགས་སོ།།[1]   ན་མོ་གུ་ར་བེ། ཇོ་བོ་རྗེ་ཉིད་དང་པོ་མངའ་རིས་སུ་བྱོན་པའི་དུས་ན་མངའ་རིས་སུ་ལོ་གཉིས་བཞུགས་ནས། ལྷ་བྱང་ཆུབ་འོད་ཀྱིས་དབུ་མཛད་པ་རྣམས་ལ་གདམས་པ་མང་པོ་གནང་ནས་རྒྱ་གར་དུ་གཤེགས་པར་དགོངས་ནས་ལམ་དུ་བཞུད་ཁར། ལྷ་བྱང་ཆུབ་འོད་ཀྱིས་ད་དུང་ཞལ་གདམས་ཤིག་ཞུ་བྱས་པས། ཇོ་བོའི་ཞལ་ནས་སྔར་གྱི་དེས་ཆོག་ལགས་གསུངས་པ་ལ། ལྷས་ནན་བསྐྱེད་པས་གདམས་པ་འདི་གནང་བའོ།།

རྐྱེན་ལ་ཁམས་འདུས་པ་ཀ་ཁ་སུམ་ཅུ་ཞེས་བྱ་བ་བཞུགས།   ༼མཛད་པ་པོ། ཀུན་མཁྱེན་ཀློང་ཆེན་རབ་འབྱམས་པ་དྲི་མེད་འོད་ཟེར། (1308-1364)༽   ཨོཾ་སྭསྟི་སིདྡྷཾ། གང་གིས་བསྟེན་པས་རྣམ་གྲོལ་མཛོད་བརྙེས་ཤིང་། །རིག་དང་གྲོལ་བའི་ཕུན་ཚོགས་འབྱུང་བའི་གཞི། །འགྲོ་ཀུན་དགེ་ལེགས་བསྐྲུན་པའི་གཉེན་གཅིག་པུ། །ཚོགས་མཆོག་དགེ་འདུན་སྙན་དུ་ཚིག་འགའ་གསོལ། །ཀ་ལིང་ཡུལ་དུ་སྲིན་པོ་རྒྱུ་བ་བཞིན། །ཁ་བ་ཅན་དུ་ཆོམ་རྐུན་ཁམས་པའི་རིགས། །ག་རུ་གནས་ཀྱང་གྲོང་རྡལ་འཇོམས་བྱེད་པའི། །ང་རྒྱལ་ཆགས་སྡང་རྒྱུ་བ་གཟིགས་ལགས་སམ། །

རྒྱལ་དབང་བཅུ་གསུམ་པ་ཐུབ་བསྟན་རྒྱ་མཚོ་མཆོག་གི་དགོངས་བཞེད་བཞིན་རྒྱལ་རྩེར་དེང་དུས་ཀྱི་དབྱིན་ཇིའི་སློབ་གྲྭ་བཙུགས། སློབ་གྲྭའི་དུས་ཡུན། 1923-1926 དབྱིན་ཇིའི་དགེ་རྒན་ Frank Ludlowདང་དགེ་སློབ། དབྱིན་དགེ་ Frank Ludlow ནི་ཕྱི་ལོ་ 1885 ཟླ་8ཚེས་10ལ་དབྱིན་ཇིའི་རྒྱལ་ས་ལོན་ཌོན་གྱི་ས་གནས་Chelseaསུ་སྐུ་འཁྲུངས། ཕྱི་ལོ་1972ཟླ་3ཚེས་25ཉིན་དགོངས་པ་རྫོགས། རྒྱལ་རྩེ་དེང་དུས་དབྱིན་ཇིའི་སློབ་གྲྭ་དང་སློབ་ཕྲུག ཕྱི་ལོ་1926ལོར་བོད་ལྗོངས་ཚོགས་འདུ་རྒྱས་འཛོམས་སྐབས་སེ་འབྲས་ཀྱི་འཐུས་མིའི་གནོན་ཤུགས་འོག་སློབ་གྲྭ་སྒོ་རྒྱབ།

གསུང་མཁན། ཧའོ་རིན་པོ་ཆེ་༸ཚེ་དབང་དོན་གྲུབ།     ༄།  །ང་ཡི་སྙིང་བརྩེ་བའི་བོད་པའི་བུ་དང་བུ་མོ་སློབ་ཐོན་པ་རྣམ་པར་སྙན་ཞུ།   ཁ་སྔོན་སློབ་ཐོན་རྒྱུགས་ཚད་ཀྱི་སྐབས་སུ་བརྩེ་བའི་གཏམ་དང་། ཁ་གཡང་མང་པོ་བརྗོད་ལོང་མ་བྱུང་ལ། བརྗོད་འདོད་ཀྱང་གཏན་ནས་མ་བྱུང་། རྒྱུ་མཚན་ནི། བསྡུ་གྲངས་ཧ་ཅང་ཉུང་ལ། མི་གྲངས་ཧ་ཅང་མང་དྲག་པས་རེ་བའང་ཟད། དེར་བརྟེན་ད་རེས་ལས་རྒྱུགས་མ་ལོན་པའི་དུས་དེར་ཁྱེད་རྣམ་པས་སྙིང་ནས་བཟོད་ཐབས་མེད་པའི་ཚོར་སྣང་ཆེ་ངེས་པ་རེ་མྱོང་གི་ཡོད་པ་ལྷང་ངེར་དྲན་བྱུང་། དུས་དེར་ངས་ཁྱེད་ཚོར་སྡུག་མཉམ་མྱོང་གི་ཁ་གཡང་ངམ།  ཤ་ཚའི་གཏམ་ཞིག་སྨྲ་འདོད་བྱུང་།  ཁྱེད་རང་ཚོའི་ངོས་ནས་བྱས་ན་ལས་བཞུགས་རྒྱུགས་ཚད་མ་ལོན་པ་དེ་ནི་ངོ་གནོང་དང་། འགྱོད་པ། ངོ་ཚ་སོགས་མི་ཚེའི་ནང་གི་གནད་དོན་སྡུག་ཤོས་དེ་རེད་སྙམ་པའི་ཚོར་སྣང་ཡོད་ངེས། ཡིན་ན་ཡང་ངས་བསམ་ན་དེ་ནི་ཁྱེད་ཀྱི་མི་ཚེའི་ནང་གི་ཆེས་དོན་སྙིང་གི་ལམ་ཁའི་འགོ་ཐོག་མ་དེ་དང་། གཟི་བརྗིད་ཆེས་ཆེ་བའི་ལམ་ཁའི་སྣེ་མོ་དང་། རྒྱལ་ཁའི་ལམ་ཁ་དང་པོ་དེ་རེད་ཅེས་བརྗོད་འདོད་ཡོད།

༄༅། །ཚན་རིག་གིས་སྐྱེ་བ་སྔ་ཕྱི་ལ་གནོད་མིན་དཔྱད་པ་གཟུར་གནས་དཔྱོད་ལྡན་འཇུག་ངོགས་ཞེས་བྱ་བ་བཞུགས་སོ།།    སྣ་མང་ལྟ་གྲུབ་གློག་འོད་འཚེར་བ་ཡིས། ། མཁས་རྒུ་བག་ཡངས་རྩེན་པའི་དོ་ར་ཆེར།  ། གནའ་དེང་ངོ་མཚར་ཤེས་རིག་གར་སྟེགས་སུ།  ། རྣམ་དཔྱོད་གར་སྟབས་བསྒྱུར་བའི་ཟློས་གར་བསྔགས།  ། ཟབ་རྒྱས་རིགས་ཚུལ་ཡིད་འཕྲོག་སྤྲིན་བཞོན་གཞུ།  ། རྟག་ཏུ་ཡིད་མཁར་འཆར་བའི་རིགས་སྨྲའི་བུར།  ། གང་གི་དགྱེས་ཞལ་ཟླ་བ་འཛུམ་པའི་རླབས།  ། བསྟན་པར་འཚལ་ལོ་དྷརྨ་ཀིརྟིའི་ཞབས།  །

ཧའོ་རིན་པོ་ཆེ་༸ཚེ་དབང་དོན་གྲུབ་མཆོག     ༄༅། །རང་གི་ཚུལ་ལ་བསམ་པའི་ཧ་ཅང་སྐྱོ་བའི་གནས་ཚུལ་བཅོ་བརྒྱད།  ཧའོ་རིན་པོ་ཆེ་ཚེ་དབང་དོན་གྲུབ་མཆོག 思考自身行为的十八种可悲之事   皓仁波切慈旺顿珠 ན་མོ་ཨརྱ་ཏ་རེ་ཡེ། ། 南无阿尔雅达日益 ༡ མི་ཚེ་གཅིག་དངུལ་ལོར་གྱི་བྲན་གཡོག་བྱས་ཀྱང་དངུལ་ལོར་གྱིས་གཞན་ལ་ཕན་མ་ཐུབ་པ་དེ་ཧ་ཅང་སྐྱོ། 一生为金钱的奴才，却不能以金钱来利益他人，是乃可悲。 ༢ མི་ཚེ་གཅིག་ལས་ལ་འབད་ཀྱང་ཉིན་གཅིག་ཀྱང་གཞན་ཕན་གཙང་མར་སོང་ཐུབ་མེད་པ་དེ་ཧ་ཅང་སྐྱོ། 一生忙忙碌碌，却没有一日利他，是乃可悲。

 རྩོམ་པ་པོ་ཚེ་རིང་དབྱངས་སྐྱིད་ནི་ ༡༩༦༣ ལོར་ཡར་ཀླུང་གཙང་པོའི་གཞུང་གི་གྲུ་ཁ་ཞིག་ཏུ་བཟོ་པ་དཀྱུས་མ་ཞིག་གི་ཁྱིམ་དུ་སྐྱེས། ཕྱི་ལོ་ ༡༩༨༧ ལོར་བོད་ལྗོངས་སློབ་ཆེན་ཐོན་པ་ནས་ད་བར་སློབ་གསོ་སློབ་ཁྲིད་ཀྱི་ཕྱག་ལས་ཕྲག་ཏུ་བཞེས་པ་དང་། ལས་བྲེལ་ཆེ་བའི་སློབ་ཞོར་དུ་བརྩམས་སྒྲུང་གིས་གཙོས་རྩོམ་འབྲིའི་བྱ་བའི་རྒྱུན་བསྐྱངས། ༢༠༠༧ ལོར་བརྩམས་སྒྲུང་ཕྱོགས་བསྒྲིགས་རི་རྩེའི་སྤྲིན་དཀར་ཞེས་པ་པར་སྐྲུན་བྱས་ཏེ་ཀློག་པ་པོའི་ཁྲོད་ཚུར་སྣང་ལན་ཆ་ཆེ་ཙམ་བྱུང་། མ་ཟད་བརྩམས་ཆོས་དེར་རྒྱལ་ཡོངས་གྲངས་ཉུང་མི་རིགས་ཀྱི་སྐབས་དགུ་པའི་རྟ་མཆོག་བུམ་པའི་བྱ་དགའ་ཐོབ། ༢༠༡༤ ལོའི་ཟླ་བ་ ༧ པར་ལྷུག་རྩོམ་ཕྱོགས་བསྒྲིགས་མི་ཚེའི་འགྲུལ་བཞུད་པར་དུ་བསྐྲུན་པ་དང་དེར་ཀློག་པ་པོའི་དགའ་བསུ་ཆེན་པོ་ཐོབ།

     ས་སྐྱ་པཎྜི་ཏ་ཀུན་དགའ་རྒྱལ་མཚན།   ༄༅། །བཅོམ་ལྡན་འདས་ཐམས་ཅད་མཁྱེན་པ་ལ་ཕྱག་འཚལ་ལོ། །ཐམས་ཅད་མཁྱེན་པས་བདག་རྒྱུད་བྱིན་གྱིས་བརླབ་པ་ཡི། །བློ་གྲོས་བློ་ཆེ་བློ་ལྡན་བློ་ཡི་མཆོག་གྱུར་པ། །ཚད་མེད་བློ་ཡངས་འཕགས་པའི་ཚོགས་ལ་གུས་བཏུད་དེ། །འདི་ཕྱི་རྣམས་སུ་ལྷ་མིའི་བདེ་བ་འབྱུང་བའི་རྒྱུ། །ཀུན་ལ་ཕན་པའི་གཏམ་འདི་ནི། །འཇམ་དབྱངས་བཙུན་པས་འགྲོ་ལ་བཤད། །ཀྱེ་མ། གནའ་དུས་བཟང་པོ་ནུབ། ད་དུས་ངན་པ་ཤར། གནའ་མི་མཁས་པ་འདས། ད་ནི་བླུན་པོ་སྐྱེས། ལྷ་ཆོས་དར་གྱི་མདུད་པ་གྲོལ། མི་ཆོས་སོག་མའི་ཕོན་ཐག་ཆད། རྒྱལ་ཁྲིམས་གསེར་གྱི་གཉའ་ཤིང་ཆག །གཙོ་བོ་གྲོས་ཀྱི་རྒྱ་མཚོ་བསྐམས། དཔའ་བོ་སྟག་གི་རི་མོ་ཡལ། མོ་བཙུན་ངོ་ཚའི་གཡང་ལུག་བུད། ཡ་རབས་ཀྱི་སྲོལ་མི་བསྲུང་། མ་རབས་ཀྱི་སྤྱོད་པ་བསྐྱང་། ཕུགས་ཀྱི་ཁེ་མི་བརྩི། འཕྲལ་གྱི་རྩིས་གཏང་། ལེགས་པའི་སྲོལ་མི་འཛིན། ཉེས་པའི་དཔེ་འདྲེན། མཁས་པའི་གཞུངས་མི་བསྲུང་། རྨོངས་པའི་རྗེས་སུ་འཇུག །བཟང་པོའི་དོ་མི་བྱེད། ངན་པའི་ཡ་བ་བྱེད་པ་མང་དུ་མཐོང་བས། མཁས་པའི་རྗེས་སུ་ཞུགས་ནས་ལེགས་པའི་འབྲས་བུ་ཐོབ་པར་བྱ་བའི་ཕྱིར། ཁོ་བོ་ལ་དམ་པར་འཛིན་པའི་སྐྱེས་བུ་རྣམས་ཀྱི་དོན་དུ། ལྷ་ཆོས་མི་ཆོས་ཀུན་ལ་ཕན་པའི་གཏམ་འགའ་ཞིག་བརྗོད་པར་བྱའོ། །

  ཆག་ལོ་ཙྰ་བ་ཆོས་རྗེ་དཔལ་གྱིས་མཛད།    བླ་མ་ཡང་དག་པ་དགེ་བའི་བཤེས་མཉེན་ལ་གུས་པས་ཕྱག་འཚལ་ལོ། ། དཔལ་ལྡན་བསྟན་པ་ཆོས་རྗེ་རྩོད་དུས་ཀྱི། ། སྐྱེ་དགུའི་དཔལ་དུ་སྒྲ་བསྒྱུར་ཚུལ་འཛིན་ཅིང་། ། བདག་འདྲ་ཆོས་རྗེ་དཔལ་དུ་རྗེས་བཟུང་བ། ། ཆོས་རྗེ་ཆེན་པོ་དེ་ལ་ཕྱག་འཚལ་ཏེ། ། སྒྲ་བསྒྱུར་ཆེན་པོ་ཆོས་རྗེ་ཆེན་པོ་ནི། ཤཱཀྱའི་དགེ་སློང་ཆོས་རྗེ་དཔལ་བདག་ལ། ། འདི་དང་ཕྱི་མར་གནས་སྐབས་མཐར་ཐུག་ཏུ། ། སྐུ་དྲིན་ཆེ་བ་ཅུང་ཟད་ཡི་གེར་བཀོད། །