སྤེལ་ཞིབ་ཕྲ།
ཡོངས་འཛིན་ཡེ་ཤེས་རྒྱལ་མཚན་གྱིས་མཛད་པའི་བླ་མ་མཆོད་པའི་འཁྲིད་ཡིག
མཛད་པ་པོའི་རྣམ་ཐར་སྙིང་བསྡུས། གཞུང་འདིའི་མཛད་པ་པོ་ཡོངས་འཛིན་ཡེ་ཤེས་རྒྱལ་མཚན་ནི། གཙང་རྟ་ནག་པད་ཁུད་ནང་པའི་རིགས་སུ་ཡབ་ཚངས་པ་དཀར་པོ་དང༌། ཡུམ་ཚེ་རིང་དཔལ་འཛོམས་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ཆུ་སྦྲུལ་༡༧༡༣ ལོར་འཁྲུངས། དགུང་ལོ་བདུན་ཐོག་ཐོས་བསམ་གླིང་གི་ཆོས་རྗེ་ཚེ་བརྟན་རྣམ་རྒྱལ་གྱི་དྲུང་དུ་གཙུག་ཕུད་ཕུལ་ཏེ་མཚན་དབུ་རྒྱན་ཆོས་འཕེལ་ཞེས་སྩལ། ཨ་ནིས་ཀློག་བསླབས། དགུང་ལོ་བརྒྱད་པར་བཀྲས་ལྷུན་དྲུང་རམས་པ་ནས་ཆོས་སྤྱོད་འཛིན་སྐྱོར་བྱེད་དུ་བཅུག །དགུང་ལོ་བཅུ་ཐོག་བཀྲས་ལྷུན་གྱི་ཆོས་སྒོར་ཞུགས། དེའི་ལོར་པཎ་ཆེན་བློ་བཟང་ཡེ་ཤེས་ཀྱི་དྲུང་དུ་རབ་བྱུང་གི་སྡོམ་པ་བཞེས།
སེར་བྱེས་བྱམས་པ་ཡོན་ཏན་གྱི་གསུང་འབུམ།
མཛད་པ་པོའི་ལོ་རྒྱུས་མདོར་བསྡུས། གཞུང་འདི་མཛད་པ་པོ་སེར་བྱེས་བྱམས་པ་ཡོན་ཏན་ནི་སྤྱི་ལོའི་དུས་རབས་བཅུ་བདུན་པའི་ ༡༦༧༡ ནས་ ༡༧༣༧ སྨད་ཙམ་ལ་འཁྲུངས་པ་དང༌། རྗེ་འདིས་ཞོགས་དོན་ཡོད་མཁས་གྲུབ་དང་ཡོངས་འཛིན་ཡེ་ཤེས་རྒྱལ་མཚན། ༸རྒྱལ་དབང་འཇམ་དཔལ་རྒྱ་མཚོ་སོགས་བཤེས་གཉེན་དུ་མ་ལས་མདོ་སྔགས་ཀྱི་ཟབ་ཆོས་མང་དུ་མནོས་ཤིང་མཁས་པའི་གྲགས་པ་ཐོབ། དེ་ནས་སེར་བྱེས་གྲྭ་ཚང་གི་མཁན་པོའི་ཁྲི་ཐོག་ལ་ཕེབས་ཏེ་མདོ་སྔགས་ཀྱི་ཆོས་ཚུལ་ཀུན་དང་རིག་གནས་སོགས་ལ་འཆད་རྩོད་རྩོམ་གསུམ་གྱི་སྒོ་ནས་འཆད་ཉན་དཔྱིས་ཕྱིན་པར་མཛད། རྗེ་འདིའི་སྐུ་ཚེའི་སྨད་ལ་ཞོགས་གུར་སྨོན་གྱི་མཁན་པོ་མཛད། རྗེ་འདི་ཉིད་ཀྱིས་མཛད་པའི་མདོ་སྔགས་གསུང་རྩོམ་ནི་བྱང་ཆུབ་ལམ་གྱི་རིམ་པའི་དམར་ཁྲིད་ཐམས་ཅད་མཁྱེན་པར་བགྲོད་པའི་བདེ་ལམ་གྱི་ཉམས་ཁྲིད་གསུང་བཤད་ཟིན་བྲིས་ཚད་ལྡན་དྲང་སྲོང་བླ་མའི་ཞལ་ལུང་དང་བློ་སྦྱོང་དོན་བདུན་མའི་ཟིན་བྲིས་སྙན་བརྒྱུད་བདུད་རྩིའི་སྙིང་པོ། གསང་འདུས་འགྲེལ་པ་བཞི་སྦྲགས་ཀྱི་ཟིན་ཐོ་རྡོ་རྗེ་འཆང་གི་ཐུགས་བཅུད་བདུད་རྩིའི་སྙིང་པོ་ཞེས་བྱ་བ་སོགས་གསུང་འབུམ་བྲིས་མ་པོད་ཆུང་གཉིས་ཙམ་བཞུགས།
༸རྒྱལ་བ་དགེ་འདུན་གྲུབ་པའི་འདུལ་བའི་གླེགས་འབུམ་ཆེན་མོ།
༄༅། །ལེགས་པར་གསུངས་པའི་དམ་པའི་ཆོས་འདུལ་བའི་གླེང་གཞི་དང་རྟོགས་པ་བརྗོད་པ། ལུང་སྡེ་བཞི་ཀུན་ལས་བཏུས་པ་རིན་པོ་ཆེའི་མཛོད་ཅེས་བྱ་བ་བཞུགས་སོ། ། མཛད་པ་པོ། ༸རྒྱལ་བ་སྐུ་ཕྲེང་དང་པོ། རྗེ་དགེ་འདུན་གྲུབ་པ་མཆོག དཀར་ཆག ཀ༽ མཆོད་བརྗོད། 1 དང་པོ། སྡོམ་པ་མ་ཐོབ་པ་ཐོབ་པར་བྱེད་པའི་ཐབས། ཀ༽ བསྙེན་པར་རྫོགས་པའི་དབྱེ་བ་བཤད་པ། 4 ༡༽…
༄༅། །བསྟན་འབར་མ་བཞུགས་སོ།།
བསྟན་འབར་མ། ༄༅། །སངས་རྒྱས་རྣམ་གཟིགས་གཙུག་ཏོར་ཐམས་ཅད་སྐྱོབ། །འཁོར་བ་འཇིག་དང་གསེར་ཐུབ་འོད་སྲུང་དང༌། །ཤཱཀྱ་ཐུབ་པ་གོའུ་ཏཾ་ལྷ་ཡི་ལྷ། །སངས་རྒྱས་དཔའ་བོ་བདུན་ལ་ཕྱག་འཚལ་ལོ། །སེམས་ཅན་དོན་དུ་བདག་གིས་སྔོན། །དཀའ་བ་གང་ཞིག་སྤྱད་གྱུར་དང༌། །བདག་གི་བདེ་བ་བཏང་བ་ཡིས། །བསྟན་པ་ཡུན་རིང་འབར་གྱུར་ཅིག །ངས་སྔོན་ནད་པའི་ཆེད་དག་ཏུ། །རང་གི་འཚོ་བ་ཡོངས་བཏང་བས། །སེམས་ཅན་ཕོངས་པ་བསྐྱབ་པའི་ཕྱིར། །ཡུན་རིང་བསྟན་པ་འབར་གྱུར་ཅིག །བུ་དང་བུ་མོ་ཆུང་མ་དང༌། །ནོར་དང་གླང་ཆེན་ཤིང་རྟ་དང༌། །རིན་ཆེན་བྱང་ཆུབ་ཕྱིར་བཏང་བས། །བསྟན་པ་ཡུན་རིང་འབར་གྱུར་ཅིག །
ལྷ་བསངས་ཕྱོགས་བསྡུས་དང་། སྡེ་བརྒྱད་གསེར་སྐྱེམས། བོད་སྐྱོང་ལྷ་སྲུང་བཅས་ཀྱི་གསོལ་མཆོད་འཕྲིན་བསྐུལ་བཞུགས་སོ།།
༄༅། །ལྷ་བསངས་ཕྱོགས་བསྡུས་དང་། སྡེ་བརྒྱད་གསེར་སྐྱེམས། བོད་སྐྱོང་ལྷ་སྲུང་བཅས་ཀྱི་གསོལ་མཆོད་འཕྲིན་བསྐུལ་བཞུགས་སོ།། ༄༅། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག ། ལན་གསུམ་བརྗོད། བསངས་རྫས་བྱིན་རླབས་ནི་རང་ཡི་དམ་གང་བྱེད་ཀྱང་སོ་སོའི་ལུགས་བཞིན་བྱས་ཆོག །རྡོ་རྗེ་འཇིགས་བྱེད་མཛད་ཚེ་བདག་བསྐྱེད་རྒྱས་པ་མ་བྱུང་ཡང་སྐད་ཅིག་དཀྲོང་བསྐྱེད་ཀྱིས་བྱིན་རླབས་བྱ་བ་ནི།
རྟགས་གསལ་གཏོང་སྐབས་ཀྱི་ཕྱག་རྒྱ་དང་དེ་དག་གི་མཚོན་དོན།
རྩོད་པའི་ཕྱག་རྒྱ་དང་། དེ་དག་གི་མཚོན་དོན། རྩོད་པའི་སྐབས་མགོ་ཅུང་ཟད་ནང་དུ་བསྒུར་བས། བསྐལ་པ་བྱེ་བའི་བར་དུ་མཚན་ཙམ་ཡང་ཐོབ་པར་དཀའ་བའི་ཟབ་པ་དང་རྒྱ་ཆེ་བའི་དམ་པའི་ཆོས་རིན་པོ་ཆེ་ལ་ཅི་དགར་ལོངས་སུ་སྤྱོད་རྒྱུ་བྱུང་བ་འདི་བླ་མའི་བཀའ་དྲིན་དུ་ངོ་ཤེས་པ་དང༌། ཕྲེང་བ་ཉིས་ཁུག་བྱས་ཏེ་ཕྱག་གཡོན་པའི་མཐེ་བོང་དང་བཅས་པའི་སྐེར་བསྐོན་པས། བདག་དང་བཅས་པའི་སེམས་ཅན་ཐམས་ཅད་འཁོར་བ་གཅོང་རོང་གི་གནས་སུ་བདག་འཛིན་གྱིས་བཅིངས་པ་དང༌། མཐེ་བོང་གིས་ཕྲེང་བ་ཡར་འཕངས་པས། རང་གིས་ཚུལ་ཁྲིམས་རྣམ་པར་དག་པ་བསྲུངས་ཤིང་དགེ་བའི་བཤེས་གཉེན་གཙུག་ཏུ་བཀུར་ནས་ཐོས་བསམ་སྒོམ་གསུམ་སོགས་དགེ་སྒྲུབ་ཅི་ནུས་བྱས་པའི་མཐུས་མ་རྒན་སེམས་ཅན་ཐམས་ཅད་འཁོར་བར་འཆིང་བྱེད་ཀྱི་བདག་འཛིན་ལས་གྲོལ་སོང་བ་དང༌།