སྤེལ་ཞིབ་ཕྲ།

༄༅། །དབུས་པ་བློ་གསལ་གྱི་རྟགས་འཇུག་གི་འགྲེལ་པ་བཞུགས་སོ།།

༄༅༅། །རྟགས་ཀྱི་འཇུག་པའི་འགྲེལ་པ་བཞུགས་སོ།། མཛད་པ་པོ། དབུས་པ་བློ་གསལ། ༄༅༅། །རྒྱ་གར་སྐད་དུ། ལིང་གཱ་བ་ཏཱ་ར་བྲི་ཏི། བོད་སྐད་དུ། རྟགས་ཀྱི་འཇུག་པའི་འགྲེལ་པ། སྨྲ་བའི་དབང་ཕྱུག་ལ་ཕྱག་འཚལ་ལོ། །བསྟན་བཅོས་མཛད་པའི་སློབ་དཔོན་གྱིས་མིང་གཞིའི་ཡི་གེ་རྣམས་ཐ་དད་པར་ཤེས་པར་བྱ་བའི་ཕྱིར།སུམ་ཅུ་པའི་ཡན་ལག་གི་བསྟན་བཅོས་རྟགས་ཀྱི་འཇུག་པ་མཛད་པ་ནི་གང་བཤད་པར་བྱ་བའི་ཆོས་ཡིན་ནོ། །དེ་འཆད་པ་ན།བརྡ་སྤྲོད་པའི་གཙུག་དག་ལས་ཀ་ལ་སོགས་པ་གསལ་བྱེད་རྣམས་ནི་ཕོ་དང༌།ཨ་ལ་སོགས་པ་དབྱངས་ཡིག་རྣམས་ནི་མོ་དང༌།རྀ་རཱྀ་ལྀ་ལཱྀ་རྣམས་ནི་མ་ནིང་དུ་བཤད་ལ།འདིར་ཡི་གེ་སུམ་ཅུ་པོ་སྡེ་པ་ཕྱེད་དང་བརྒྱད་དུ་གནས་པའང་འབྱུང་གནས་ཀྱི་སྟོབས་ཀྱིས་སྡེ་པ་ལྔར་བསྡུས་པའོ།།
རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།

རྔོག་ལོ་ཙཱ་བ་བློ་ལྡན་ཤེས་རབ་དང་ཁོང་གི་བརྡ་དག་ལ་དཔྱད་པ།   གནད་བསྡུས། རྩོམ་ཡིག་འདིའི་ནང་དུ་རྔོག་ལོ་ཙཱ་བ་བློ་ལྡན་ཤེས་རབ་ཀྱི་ལོ་རྒྱུས་རགས་བསྡུས་སུ་བརྗོད་པ་བརྒྱུད་ནས་ཁོང་གིས་བརྩམས་པའི《དག་ཡིག་ཉེར་མཁོ་བསྡུས་པའི》པར་གཞི་དང་། ནང་དོན། སྒྲིག་གཞི་བཅས་གསེད་བཀྲོལ་བྱས་ཏེ་མིང་བརྡ་ཞིབ་བརྗོད་རིག་པ་དང་ཡིག་ཚང་ཞིབ་བསྡུར་རིག་པའི་ཐབས་ལམ་སྤྱད་དེ《དག་ཡིག་ཉེར་མཁོ་བསྡུས་པའི》རིན་ཐང་དང་། དག་ཡིག་ཞིབ་བརྗོད་ཀྱི་རྣམ་པ་གླེང་བརྗོད་བྱས་ཏེ། དག་ཡིག་འདི་ནི་སུམ་རྟགས་བརྩམས་གྲུབ་རྗེས་ཀྱི་བརྡ་སྤྲོད་ཀྱི་གཞུང་གལ་ཆེན་ཞིག་ཡིན་པ་མ་ཟད། བོད་སྐད་ཡིག་སྲོལ་གཏན་འབེབས་མཛད་པའི་ཚད་ལྡན་གྱི་བསྟན་བཅོས་ཤིག་ཡིན་པའི་དགོངས་ཚུལ་གླེང་འདུག གནད་ཚིག རྔོག་བློ་ལྡན་ཤེས་རབ། དག་ཡིག་ཉེར་མཁོ་བསྡུས་པ། རིན་ཐང་།
བྱས་ཅན་འབྲས་གཙང་བསྟན་འཛིན་ཐབས་མཁས་ལགས་སུ་རྗེས་དྲན་ཞུ།

  ཕྱོགས་སྒྲིག་པ་བསྟན་འཛིན་ཐབས་མཁས་ཀྱི་ངོ་སྤྲོད། ལུང་བཟང་ལྟ་ན་སྡུག་པའི་ཡུལ་ལྗོངས་མཛེས། ། སྣ་མང་ཕུན་སུམ་ཚོགས་པའི་ལོངས་སྤྱོད་ལྡན། ། ཤེལ་སོགས་རིན་ཆེན་གཏེར་གྱི་ཡོངས་སུ་གཏམས། ། དཀར་ཞིང་དྭངས་པའི་རྫ་ཆུ་ལྷུང་ལྷུང་འབབས། ། གུས་པ་བསྟན་འཛིན་ཐབས་མཁས་ནི་གངས་ལྗོངས་གཙང་ཁོངས་གཞིས་ཀ་རྩེའི་ཉེ་འགྲམ་ལུང་སྣ་ཤེལ་དཀར་ལྷུན་གྲུབ་ཁང་དུ་ཕ་པདྨ་ཆོས་རྒྱལ་དང་། མ་ལྷག་པ་བུ་ཁྲིད་གཉིས་ཀྱི་ཕྲུ་གུར་བོད་རབ་བྱུང་བཅུ་དྲུག་པའི་ཤིང་འབྲུག་ཕྱི་ལོ་ ༡༩༦༤ ཕྱི་ཟླ་ ༥ ཚེས་ ༧ ཉིན་སྐྱེས། ཕ་རྒྱུད་ནི་སྔ་འགྱུར་རྙིང་མའི་ཆོས་རྒྱུད་འཛིན་མཁན་གྱི་སྔགས་རྒྱུད་དང་། བོད་ཀྱི་གསོ་བ་རིག་པའི་རྒྱུན་འཛིན་གྱི་སྨན་པ་ཚད་ལྡན་རིམ་པ་བཞིན་དུ་བྱོན་པ་ཞིག་དང་།…
  རྗེས་འཇུག་ག་དང་ཡང་འཇུག་ས་གཉིས་བསྡུས་ནས་འབྲི་ཚུལ་ལ་ཅུང་ཟད་དཔྱད་པ།

༈  རྗེས་འཇུག་ག་དང་ཡང་འཇུག་ས་གཉིས་བསྡུས་ནས་འབྲི་ཚུལ་ལ་ཅུང་ཟད་དཔྱད་པ།                                      …
བོད་ཀྱི་དག་ཡིག་གི་བསྟན་བཅོས་ཁག་གི་མཚན་བྱང་།

༄༅།།  བོད་ཀྱི་དག་ཡིག་གི་བསྟན་བཅོས་ཁག་གི་མཚན་བྱང་། ༡.དག་ཡིག་ཉེར་མཁོ་བསྡུས་པ།   རྔོག་བློ་ལྡན་ཤེས་རབ། ༢.དག་པར་བྱེད་པ་སྡེབ་སྦྱོར་རིན་ཆེན་རྒྱ་མཚོ། དག་ཡིག་ཉེར་མཁོ་བསྡུས་པ་སྡེབ་སྦྱོར་ཡིད་བཞིན་ནོར་བུ། སྡེབ་སྦྱོར་གྱི་བསྟན་བཅོས་བསྟོད་དབྱངས་ཀྱི་ཕྲེང་བ།ས་པཎ་ཀུན་དགའ་རྒྱལ་མཚན། ༣.དག་ཡིག་ཟ་མ་ཏོག  ཞ་ལུ་ལོ་ཙཱ་བ་རིན་ཆེན་ཆོས་སྐྱོང་བཟང་པོ། ༤ .བརྡ་ཡི་བྱེ་བྲག་གསལ་བྱེད། པཎ་ཆེན་ཤཱཀྱ་མཆོག་ལྡན། ༥.བོད་ཀྱི་བརྡའི་བསྟན་བཅོས་མཁས་མང་དགོངས་པའི་བཅུད་བསྡུས། ཨ་མེས་ཞབས་ཀུན་དགའ་བསོད་ནམས། ༦.ཚོགས་གསུམ་གསལ་བ།  དཔང་ལོ་ཙཱ་བ་བློ་གྲོས་བརྟན་པ། ༧.དག་ཡིག་ངག་སྒྲོན།  དཔལ་ཁང་ལོ་ཙཱ་བ། ༨.དག་ཡིག་སྨྲ་རྒྱན།  པཎ་ཆེན་བྱམས་པ་གླིང་པ། ༩.དག་ཡིག་ལི་ཤིའི་གུར་ཁང་།  སྐྱོགས་སྟོན་ལོ་ཙཱ་བ་ངག་དབང་བཀྲ་ཤིས་རིན་ཆེན།…
དེང་དུས་ཐོན་པའི་བྱ་ཚིག་སོགས་བརྗོད་ཚུལ་མ་དག་པ་ཡོ་བསྲང་བྱ་ཐབས་བཤད་པ།

རྡོ་དགོན་གསང་བདག་རྡོ་རྗེ།   སྐད་ཡིག་གང་འདྲ་ཞིག་ཡིན་རུང་དུས་གསུམ་གྱི་རྣམ་གཞག་ནི་ཤིན་ཏུ་གལ་ཆེར་འཛིན་པ་ལྟར་རང་རེ་བོད་ཀྱི་སྐད་ཡིག་ལའང་ཕྲད་རྣམ་དབྱེ་དང་དུས་གསུམ་སོགས་ཀྱི་རྣམ་གཞག་ཁ་གསལ་ལ་ཆ་ཚང་བ་ཞིག་ཡོད་ལ་སློབ་གྲྭ་འབྲིང་བའི་སྐབས་སུ་སུམ་རྟགས་དག་གསུམ་ཅུང་ཆ་ཚང་བ་ཞིག་སློབ་ཁྲིད་བྱེད་བཞིན་ཡོད་པ་མ་ཟད། བོད་ཡིག་ཆེད་ལས་སློབ་ཆེན་ལྟ་བུར་མཚོན་ན་སློབ་ཆེན་ལོ་རིམ་དང་པོའི་ནང་དུ་སླར་ཡང་སུམ་རྟགས་ཞིབ་ཕྲ་སློབ་ཁྲིད་བྱེད་སྲོལ་ཡོད་པས་སློབ་ཆེན་སློབ་མ་ལྟ་ཅི་མཐོ་རིམ་སློབ་འབྲིང་ཐོན་པ་ཞིག་ཡིན་ནའང་དུས་གསུམ་གྱི་རྣམ་གཞག་ཤོད་རྒྱུ་མེད་པ་མི་སྲིད། འོན་ཏེ་ལག་ལེན་གྱི་ཁྲོད་དུ་ནི་བོད་ཡིག་ཆེད་ལས་སློབ་ཆེན་ཐོན་པ་མང་པོ་ཞིག་གིས་ཀྱང་ནོར་འཁྲུལ་ཅན་མང་པོ་ཞིག་བྲིས་དང་འབྲི་བཞིན་པ་ནི་ཚགས་དཔར་དང་དུས་དེབ། རྒྱང་བསྒྲགས། བརྙན་འཕྲིན་སོགས་ལས་རྟག་ཏུ་མཐོང་རྒྱུ་དང་ཐོས་རྒྱུ་འདུག་ལ། ལ་དོན་དང་འབྲེལ་སྒྲ་སྦྱོར་ཚུལ་མ་དག་པའང་མང་དག་ཅིག་ཐོན་པ་ནི་བོད་ཀྱི་སྐད་ཡིག་གི་ཕྲད་རྣམ་དབྱེ་དང་། དུས་གསུམ་བྱ་བྱེད་སོགས་ཀྱི་བརྗོད་པ་གསལ་ཞིང་བཙན་པའི་རང་བཞིན་ཉམས་དམས་སུ་འགྲོ་བའི་ཉེན་ཁའི་རང་བཞིན་ལ་བརྟེན་འདིར་བརྗོད་ཚུལ་སྐྱོན་ཅན་གང་དང་གང་ཐོན་པ་དང་། དེ་དག་ཡོ་བསྲང་ཇི་ལྟར་བྱེད་དགོས་ཚུལ་བཅས་ཅུང་ཟད་གླེང་ན།
༄༅།  །བརྡ་སྤྲོད་ངག་གི་སྒྲོན་མའི་མཛེས་པ་རབ་གསལ་ལྷན་ཐབས་གསར་བུའི་ངལ་སྐྱོབ་རིན་ཆེན་དོ་ཤལ་ཞེས་བྱ་བ་བཞུགས་སོ། །

༄༅།  །བརྡ་སྤྲོད་ངག་གི་སྒྲོན་མའི་མཛེས་པ་རབ་གསལ་ལྷན་ཐབས་གསར་བུའི་ངལ་སྐྱོབ་རིན་ཆེན་དོ་ཤལ་ཞེས་བྱ་བ་བཞུགས་སོ།  །   ༄༅།  །ན་མོ་མཉྫུ་ཤྲཱི་ཡེ། ཇི་ལྟ་ཡེ་ཤེས་འོད་སྣང་སྟོང་།  །ཇི་སྙེད་མཁྱེན་པའི་མཁར་འབར་བས།  །འགྲོ་བློའི་རྨོངས་མུན་དྲུང་འཇིལ་བའི།  །འཇམ་མགོན་ཉི་མོར་བྱེད་པས་སྐྱོངས།  །མཁས་པའི་དབང་ཕྱུག་དཔལ་ཁང་པའི།  །བརྡ་སྤྲོད་ངག་སྒྲོན་གདུགས་དཀར་ལ།  །མཛེས་བྱེད་ལྷན་ཐབས་ནོར་བུའི་འདེགས།  །འགྲོ་ཕན་སྲིད་རྩེར་འཁོད་ཕྱིར་དགོད།  །ཀ་ལ་ཤ་(བུམ་པ་ )ནས་ཀུང་ཀུ་(གུར་གུམ་)མས།  །ཀ་ཊོ་ར་(གཏོར་ཟན་སྦྲུ་ས་)རུ་ཀཱ་ཡ་(སྐུ་)འཁྲུད།  །ཀཿ ཐོག་(ཁམས་ཀྱི་)ཀུངས་(རུས་ཀྱི་མིང་)ཀྱིས་ཀི་ཀི་(སྒྲ་)སྒྲོག  །རི་ཀླུང་(རི་ལུང་)ཀོ་ཆུ་(འཁྱིལ་ཆུ་)ཀོ་འདམ་(དེའི་འདམ་ལ་)ལ། …
འ་འགོ་དང་མ་མགོའི་རྣམ་གཞག་ལས་ཐོག་མའི་དོན་ཅན་གྱི་དག་ཆར་དཔྱད་པ།

  མཚམས་ཁང་བསྟན་བསམ།[1] གནད་བསྡུས། དཔྱད་རྩོམ་འདིར་ལུང་རིགས་གཉིས་ལས་རིགས་པ་གཙོ་བོར་བཟུང་སྟེ། ཐོག་མའི་དོན་ཅན་གྱི་མགོ་གང་འས་འཕུལ་ཅན་གྱི་འགོ་དང་མས་འཕུལ་ཅན་གྱི་མགོ་གཉིས་ལས། རང་ལུགས་སུ་མས་འཕུལ་ཡང་དག་པ་ཡིན་ཚུལ་བསྒྲུབས་འདུག གནད་ཚིག །ཐོག་མ། མགོ འགོ   གླེང་སློང་བ།   ཇི་སྐད་དུ། ང་དྲིན་ཅན་བློན་པོ་ཐོན་མི་ངས། །ལམ་བགྲོད་པར་དཀའ་བའི་རྒྱ་གར་དུ། །ལུས་ཚ་གྲང་ཆེ་ཡང་དཀའ་བ་སྤྱད། །ཁོང་མཁས་པ་བྲམ་ཟེ་ལི་བྱིན་ལ། །ཡིད་གུས་པའི་ཚུལ་གྱིས་མོས་གུས་བྱས། །ནོར་རིན་ཆེན་གསེར་གྱི་ཕྱག་རྟེན་ཕུལ། །དོན་རྙེད་པར་དཀའ་བའི་ཡིག་འབྲུ་བསྟན།…
༅། །བོད་དུ་མཁན་འཇམ་དབྱངས་ཡོན་ཏན་རྒྱ་མཚོ་ཞུ་བ་ཞིག་གིས་པོད་ཉེར་ལྔའི་བདག་ཉིད་ཅན་བོད་ཀྱི་བརྡ་སྤྲོད་ཀུན་ཕྱོགས་བསྒྲིགས་མཛད་འདུག དེ་ཡང་ཁོང་གིས་མི་ལོ་དུ་མའི་སྔོན་ནས་མདོ་དབུས་ཁམས་གསུམ་གྱི་ས་ཆ་གང་སར་སྐུ་ངལ་ལ་མ་འཛེམས་པར་ཕེབས་ཏེ་༼བོད་ཀྱི་བརྡ་སྤྲོད་ཕྱོགས་བསྒྲིགས།༽ཞེས་པའི་ནང་དུ་བོད་ཀྱི་གནའ་དེང་མཁས་པ་ཚད་ལྡན་ནམ་ཡོངས་གྲགས་དག་གི་བརྡ་སྤྲོད་ཀུན་ཚང་ཡོད་ཚོད་འདུག ཡིན་ནའང་སྔོན་མའི་ཝར་དགེ་འདས་པོ་འགོས་པད་མ་རྒྱལ་མཚན་གྱི་འཛམ་གླིང་རྒྱན་གཅིག་ཞེས་པའི་ཁ་ཕོ་ཅན་དེ་དེའི་ནང་མཐོང་རྒྱུ་མི་འདུག གཅིག་བྱས་ན་འགོད་རིན་མེད་ཡིན་སྲིད་གཅིག་བྱས་ན་པད་ཕྲུག་ཚོའི་ཝར་ཎ་མཐོ་སློབ་ནང་དུ་སྟོང་གཏམ་བཤད་པ་ཙམ་མ་གཏོགས་འགོས་པད་ལ་ལེགས་བཤད་ཡོད་ན་སྤེལ་བའི་ཁ་ལག་ཅན་ཞིག་འཇིག་བརྟེན་ན་མ་སྐྱེས་པ་ཡིན་ས་རེད། མདོར་ན་ཞི་འཚོ་དཔེ་མཛོད་ཁང་སོགས་དཔེ་མཛོད་ཁང་དང་གདན་ས་བཤད་གྲྭ་ཁག་མཐོ་སློབ་ཁག་གིས་ངེས་པར་དུ་བླུ་ཡོན་གཏང་རྒྱུ་གལ་ཆེན་པོ་རེད།
སྤོས་ཁང་པའི་བརྡ་སྤྲོད་ལས་བརྡ་བཀྲོལ་ཚན་བཤུས།

 སྤོས་ཁང་པ་རིན་ཆེན་རྒྱལ་མཚན་༼༡༣༤༨-༡༤༣༠༽ཞབས་ནི་ཁང་དམར་རྫོང་མང་བཙན་རྒྱ་ར་གྲོང་དུ་རབ་བྱུང་དྲུག་པའི་ས་བྱིའི་ཧོར་ཟླ་བརྒྱད་པའི་ཡར་ཚེས་ལ་ཁྱིམ་ཚང་འབྲིང་པ་ཞིག་ཏུ་སྐུ་འཁྲུངས། རུས་ཁྱུང་། ལྕགས་ཁྱི་ལོར་ཁང་དམར་ཁོངས་ཉང་སྟོད་གསེར་གླིང་དུ་དགོངས་པ་རྫོགས། དགུང་ལོ་གྱ་གསུམ་བཞུགས། བླ་མ་དམ་པ་བསོད་ནམས་རྒྱལ་མཚན་སོགས་བཤེས་གཉེན་བཅུ་ཕྲག་བཞི་ཙམ་བསྟེན། རྒྱལ་རྩེ་ཆོས་རྒྱལ་གྱི་དབུ་བླ་གནང་། རྒྱལ་རྩེའི་དཔལ་འཁོར་མཆོད་རྟེན་དང་མྱང་སྟོད་སྤོས་ཁང་དགོན་༼དེང་པ་སྣམ་རྫོང་ཁོངས།༽ ཕྱག་བཏབ་དུས་འདིར་མཁས་གྲུབ་གྲགས་ཅན་ཞིག་ཡིན། ཕྱིས་སུ་རྒྱལ་མཆོག་ལྔ་པ་ཆེན་པོས་ཀྱང་འཇམ་དཔལ་དབྱངས་དངོས་རིན་ཆེན་རྒྱལ་མཚན་ཞབས་ཞེས་བསྔགས་བརྗོད་གནང་ཡོད། མཚན་གྱི་རྣམ་གྲངས་ལ་འཇམ་དབྱངས་རིན་ཆེན་རྒྱལ་མཚན། བསོད་སྙོམས་པ་རིན་ཆེན་རྒྱལ་མཚན། ཁྱུང་གི་བནྡེ་རིན་ཆེན་རྒྱལ་མཚན། བན་རྒན་རིན་ཆེན་རྒྱལ་མཚན་སོགས། ཆོས་བརྒྱུད་རིན་རྒྱལ་ལུགས། སློབ་མ་ཀུན་མཁྱེན་དགའ་སྡོང་པ་དང་འཇམ་དབྱངས་དཀོན་མཆོག་བཟང་པོ་སོགས།བརྩམས་ཆོས་གྲགས་ཆེ་ཤོས་སྡོམ་འགྲེལ།  གསུང་འབུམ་བོད་ལྗོངས་དཔེ་རྙིང་དཔེ་སྐྲུན་ཁང་ནས་དཔར་བའི་པོད་ཆེན་ལྔ་བཞུགས།