སྤེལ་ཞིབ་ཕྲ།

སྐྱབས་མགོན་གོང་མ་ཁྲི་ཆེན་ལ་བསྟོད་པ་སྒྲ་ཟུང་གཉིས་སྡེབས་ཅེས་བྱ་བ།

                                 སྨྱུག་འཛིན་པ།         ས༽ངུར་སྨྲིག ། སྐུ༵་ནི་མཚན་དང་དཔེ་བྱད་རབ་མཛེས་འཇམ་དབྱངས་འཁོན་གདུང་རིགས་འཁྲུངས་ཤིང་།། གསུ༵ང་ནི་ཡན་ལག་དྲུག་བཅུའི་དབྱངས་ལྡན་ཚངས་དབྱངས་མགྲིན་པའི་རྩེ་རུ་འཕགས།། ཐུ༵གས་ནི་ཟག་མེད་བདེ་སྟོང་རྟོགས་མཁས་བྱང་སེམས་འཕགས་པའི་རྒྱལ་ས་ནས།། འཁྲུལ་མེད་དྲི་བྲལ་ས་སྐྱ་པ་ཞེས་མཚན་སྙན་འཛམ་གླིང་ཁྱབ་འདི་རྨད།།   རྒྱ༵ལ་བའི་དགོངས་པ་ཇི་བཞིན་རྟོགས་མཁས་རྒྱ༵ལ་བ་གཉིས་པ་ལྟར་ཞེངས་པའི།། རི༵ང་ལུགས་གསང་གསུམ་སྤེལ་ལ་ཟླ་མེད་རི༵ང་ལུགས་འཛིན་པའི་སྔགས་འཆང་རྗེ།། བཞེ༵ད་གཞུང་དྲི་མེད་འཛིན་ལ་འགྲན་མེད་བཞེ༵ད་སྲོལ་སྨྲ་བའི་དབང་ཕྱུག་ཆེ།། ས༵་དཀར་བསྟན་པའི་གཙུག་རྒྱན་གང་དེ་ས༵་སྟེང་ཞི་བདེའི་མངའ་ལ་འདུད།།   སྙ༵ན་སྙ༵ན་ཆོས་སྒྲ་འགེང་པོའི་དབར་ནས་སྙ༵ན་པའི་ངག་དབྱངས་གསོས་སུ་གྱུར།། ལྷ༵ང་ལྷ༵ང་གོང་མའི་གདམས་པ་མཇལ་དུས་ལྷ༵ང་ངེར་བཞིན་རས་མཇལ་འདོད་ཆེ།། དཀ༵ར་དཀ༵ར་བློ་སེམས་དྭངས་བས་ལྷན་ཅིག་དཀ༵ར་བའི་ཐང་ཤམ་ལེགས་མཆོད་པའི།། དྲ༵ན་དྲ༵ན་སྐྱབས་མགོན་ས་སྐྱ་ཁྲི་ཆེན་དྲ༵ན་པའི་གདུང་བས་བསྟོད་གསོལ་འབུལ།།   རབ་མཛེས་ཨ་སྔོན་དགུང་གི་འཇའ་ཚོན་མིག་གི་སྣང་བ་ཙམ་ཞིག་ཀྱང་།། འཕགས་ཚོགས་ཀུན་འདུས་རྒྱལ་བའི་ངོ་བོ་དྲུག་པ་རྡོ་རྗེ་འཆང་ཆེན་དེ།།…
སྦས་པའི་ཞང་ཞུང་བུ་མོ།

མགོ་ལ་གན་ཆུང་གཡོ་བའི། ། མགྲིན་པར་སྐེ་འུ་འཁོར་བའི། ། ཁ་འབབ་རྨ་བྱས་བསྐྱངས་པའི། ། སྤུར་མོ་སྤང་རྒྱན་མེ་ཏོག །   གླང་ཆེན་ཆུ་བོའི་འགྲམ་ནས། ། མཆོད་པ་ལན་གསུམ་ཞུས་པས། ། གུ་གེ་བསམ་འགྲུབ་རྒྱལ་མོ། ། རྨི་ལམ་ནང་ལ་ཕེབས་བྱུང་། །
རིག་འཛིན་ཚངས་དབྱངས་རྒྱ་མཚོའི་མགུར་གླུ།

༡ ཤར་ཕྱོགས་རི་བོའི་རྩེ་ནས། ། དཀར་གསལ་ཟླ་བ་ཤར་བྱུང༌། ། མ་སྐྱེས་ཨ་མའི་ཞལ་རས། ། ཡིད་ལ་འཁོར་འཁོར་བྱས་བྱུང༌། ། ༢ ན་ནིང་བཏབ་པའི་ལྗང་གཞོན། ། ད་ལོ་སོག་མའི་ཕོན་ལྕོག ། ཕོ་གཞོན་རྒས་པའི་ལུས་པོ། ། ལྷོ་གཞུ་ལས་ཀྱང་གྱོང་བ། ། ༣ རང་སེམས་སོང་བའི་མི་དེ། ། གཏན་གྱི་འདུན་མར་བྱུང་ན། ། རྒྱ་མཚོའི་གཏིང་ནས་ནོར་བུ། ། ལོན་པ་དེ་དང་འདྲ་བྱུང༌། ། ༤ འགྲོ་ཞོར་ལམ་བུའི་སྙིང་ཐུབ། ། ལུས་དྲི་ཞིམ་པའི་བུ་མོ། ། གཡུ་ཆུང་དྲུག་དཀར་རྙེད་ནས། ། བསྐྱུར་བ་དེ་དང་འདྲ་བྱུང༌། ། ༥ མི་ཆེན་དཔོན་པོའི་སྲས་མོ། ། ཁ་འབྲས་མཚར་ལུགས་བལྟས་ན།…
༄༅། །ཐུ་བྷོད་ཀྱི་གནའ་གྲོང་།

པད་མ་ཆོས་སྒྲོན།  ལྷོ་ཁ། འཛམ་གླིང་གཙུག་ཕུད་ཆེན་མོའི་གངས་ལྗོངས་ཕང་བའི། བོད་མིའི་འབྱུང་ཁུངས་སྨྲ་བའི་ཡུལ་ཡར་མོ་ཀླུང་ཆེན། རྟེན་གསུམ་གནས་གསུམ་ཆགས་ཡུལ་ལྷོ་གནས་སྐྱིད་མོ། ཕ་སྤྲེལ་རྒན་དང་མ་བྲག་སྲིན་གཉིས་ཀྱི་གཏམ་རྒྱུད་གླེང་ས། ཐུ་བྷོད་བཙན་པོའི་རྟ་ཕོའི་རྨིག་རྗེས་བཅག་པའི་ངའི་ཕ་ཡུལ།
ཐོན་མིས་རྒྱལ་པོར་ཕུལ་བའི་ཡིག་ཕུད་ཀྱི་ཚིག་འགྲེལ།

ཞལ་རས་གསལ་ལ་ངང་མདངས་གང་བ་བཟང་།།གདམས་ངག་ཟབ་ལམ་མ་ཆད་ཐ་དད་རང་།། ལས་ངན་བག་ཆགས་ཐམས་ཅད་བསལ་མཛད་པ།། འཕགས་པ་མ་ཕམ་ཡང་དག་དམ་པ་ལགས།།
གྲུབ་པའི་དཔའ་བོ་གཙང་སྨྱོན་ཧེ་རུ་ཀ་རྗེས་སུ་དྲན་པའི་གདུང་དབྱངས།

གཞི་རྒྱུད་རང་བཞིན་དག་པའི་གཉུག་མ་ཡི་འོད་གསལ།། ལམ་རྒྱུད་ལྷན་ཅིག་སྐྱེས་པའི་ཟུང་འཇུག་གི་གར་མཁན།། འབྲས་རྒྱུད་མངོན་སུམ་བྱེད་པའི་གསང་ཆེན་གྱི་མངའ་བདག། གཙང་སྨྱོན་ཧེ་རུ་ཀ་དཔལ་སྙིང་དབུས་ནས་དྲན་བྱུང་།།   ཀ་དག་གཉུག་མའི་ངོ་བོ་ཀུན་ཁྱབ་ཀྱི་ཆོས་སྐུ།། ཁ་སྦྱོར་ཡན་ལག་བདུན་ལྡན་རང་བཞིན་གྱི་ལོངས་སྐུ།། ག་ལའི་མོས་ངོར་འགྲོ་འདུལ་མཚན་ཉིད་ཀྱི་སྤྲུལ་སྐུ།། ང་ཅག་འདྲེན་མཆོག་ཀུན་འདུས་གཙང་སྨྱོན་པ་དྲན་བྱུང་།།
ལྐུག་པའི་རྣམ་བཞག་མདོ་ཙམ་བརྗོད་པ།

 གཙང་གི་མཁན་ཆེན་ཧའོ་རིན་པོ་ཆེས་བརྩམས།   དོན་ཆེན་ཐུག་དུས་སྒྱིད་པ་འདར།   ། དོན་ཆུང་བྱེད་ལ་ངར་ཤ་བསྐྱེད།   ། དེ་ཡང་ལྐུགས་པའི་བློ་ཁོག་ཡིན།  །   མ་གྲུབ་གོང་ལ་ཁ་ནས་ལུད།  ། གྲུབ་པའི་འབྲས་བུ་ཤིན་ཏུ་རིང་།   ། དེ་ཡང་ལྐུག་པའི་སྤྱང་རྟགས་ཡིན།  །   སྐྱོན་ཆུང་མཐོང་ན་འུར་སྒྲོགས་བྱེད།   ། ཡག་ཆུང་མཐོང་ན་ཆེན་པོར་བརྗོད།   ། དེ་ཡང་ལྐུག་པའི་མཁས་རྟགས་ཡིན།   །
གཙང་གི་གྲྭ་གཞོན་སྙན་ངག་པ། གཙང་པ་དྲུག་སྡེའི་མཉམ་བྲིས།

《1》རང་གཞན་གཉིས་ལ་གདམས་པ། ཆོས་རབ། བསྐལ་བའི་ཐོག་མ་མི་རྙེད་ཅིང་།། ཕ་མའི་ཕ་མ་མི་དྲན་ཡང་།། ཆོས་དང་མཇལ་བའི་དུས་བཟང་ལ།། འཛམ་གླིང་ཉི་མའི་འོད་དུ་བྱས།། ཕལ་བའི་གོམ་ཁ་བསྒྱུར་ན་ཡང་།། ཐར་པའི་མན་ངག་ཐོས་པའི་ཚེ།། འཇིག་རྟེན་མི་དང་མི་འདྲ་བའི།། སྙིང་པོའི་ཆོས་ཤིག་བྱས་ན་བསམ།། སྙིང་ལ་སྡུག་པའི་འཇིག་རྟེན་གྱི།། གྲོགས་སམ་ཡང་ན་མེ་ཏོག་ཀྱེ།།
དཔལ་ལྡན་མར་མེ་མཛད་ཡེ་ཤེས་ལ་བསྟོད་པ་དྲུག་སྐྱེས་གླུ་དབྱངས།

མགྲིན་སྔོན་གསེར་མངལ་ཅན་དང་པད་དཀར་མིག །ལྷ་དང་བློ་ལྡན་ལ་སོགས་ལེགས་བྲིས་ཀྱི། །བགྲང་ཡས་དྲེགས་ལྡན་ཀུན་གྱི་ཅོད་པན་དུ། །དྲི་བྲལ་ཞབས་ཟུང་འགོད་ལ་གུས་པས་འདུད། །འཕགས་ཡུལ་ཀུན་གསལ་མཛེས་མའི་འགྲམ་པ་ལ། །ཟ་ཧོར་རྒྱལ་རིགས་ཟླ་ཤེལ་ཞུན་མའི་ངོས། །འོད་དཔག་མེད་མགོན་སྤྲུལ་པའི་རི་དྭགས་གཟུགས། །འགོག་མེད་གསལ་བར་ཤར་ལ་གསོལ་བ་འདེབས། །དཔལ་སྟུག་ཉི་མའི་གཉེན་དང་དབྱེར་མེད་པའི། །བླ་མེད་ཆོས་ཀུན་གཟིགས་པའི་མར་མེ་ཡིས། །འགྲོ་རྣམས་བླང་དོར་ལ་རྨོངས་མུན་པའི་དཔུང་། །སེལ་མཛད་གྲངས་མེད་ཡོན་ཏན་ཕུལ་འབྱུང་གཏེར། །
ལྷ་སའི་དངོས་བྱུང་བདེན་དཔང་། (ལྷ་སའི་ལོ་རྒྱུས་ཀྱི་མཇུག་བྱང་།)

ལྷ་ཡུལ་ས་ལ་འཕོས་འདྲའི་ཞིང་ཁམས་ཀྱི། ། ས་ཁམས་ཆགས་དབྱིབས་ལོ་རྒྱུས་གནའ་ཤུལ་དང༌། ། ཐུན་མིན་ཁྱད་ཆོས་རིན་བྲལ་རིག་དངོས་སོགས། ། ངོ་མཚར་རྨད་བྱུང་བདེན་དཔང་འདི་ན་གསལ། །   རིགས་གསུམ་བླ་རི་དམར་ལྕགས་བོང་གསུམ་དང༌། ། ཕྱོགས་མཚམས་བཀྲ་ཤིས་རྟགས་བརྒྱད་རི་བོས་བསྐོར། ། ཁྱད་འཕགས་རི་བཞི་གནམ་ས་རྩིབས་འདབ་བརྒྱད། ། ཡིད་འཕྲོག་མཛེས་སྡུག་ཁྱད་ཡོན་འདི་རུ་རྫོགས། །