ར་སེ་དཀོན་མཆོག་རྒྱ་མཚོ།
འདིར་གླེང་བྱ་ནི་རྗེ་བཙུན་གྱི་རྣམ་ཐར་ན་ཟུར་ཙམ་མ་གསལ་བ་ལྟ་བུའི་གཡས་རུ་བྱང་ངམ། ལ་སྟོད་བྱང་རྒྱུད་དུ་ཡོད་པའི་སྒྲུབ་གནས་ཀྱི་སྐོར་ཡིན་ལ། རྒྱལ་ཐང་བ་བདེ་ཆེན་རྡོ་རྗེས་མཛད་པའི་རྗེ་བཙུན་མིད་ལའི་རྣམ་ཐར་ལས། དེ་ནས་གཡས་རུ་བྱང་གི་ཕྱོགས་སུ་བྱོན་ཏེ། དེ་ཡང་རྒྱལ་ཐང་ཤེ་ལྕག་དང་། ཀླུ་རྒྱལ་གླིང་པོ་དང་། མཆོག་དཀར་གྱི་བྲག་ལ་སོགས་པ་རྣམས་སུ་ཡང་བཞུགས་ནས་སྒྲུབ་བརྒྱུད་བསྟན་པ་བཙུགས། འགྲོ་དོན་ཚད་མེད་པ་མཛད་དོ། །དེ་ཡང་དང་པོ་རྒྱལ་ཐང་བརྒྱ་བཅུའི་བྲག་ལ་བཞུགས་ནས། ཉམས་རྟོགས་གོང་དུ་འཕེལ་བའི་ངང་བྱ་རྒོད་འཕུར་བའི་གཏིང་ན་ཡར། རྗེ་བཙུན་གྱིས་ཀྱང་བརྒྱད་ཅུའི་བྲག་ལ་འཕུར་ནས་ཤེ་ལྕག་ལ་གཤེགས། ཤེ་ལྕག་ནས་བརྒྱད་ཅུའི་བྲག་ལ་འཕུར་བའི་རྫུ་འཕྲུལ་དཔག་ཏུ་མེད་པ་སྟོན་ཅིང་། སྒྲུབ་བརྒྱུད་ཀྱི་བསྟན་པ་བཙུགས་སོ།།དེ་ནས་ཀླུ་རྒྱལ་གླིང་པོར་བཞུགས་ནས། གླིང་པོ་ལྷ་གཅིག་གིས་ལུས་དང་ལོངས་སྤྱོད་ཕུལ། ཁྱད་པར་དུ་ཕྱག་རྒྱ་མ་བགྱིས་ཏེ། དགའ་བཞི་ཡེ་ཤེས་འོད་གསལ་གྱི་དོན་ལ་སྐྱེད་ཚོགས་ཆེན་པོ་འབྱོན་ནོ།།གསོལ་དུ་ཟྭ་ཁོ་ན་རང་གསོལ། སྐབས་སུ་འགུར་ཀླུ་རྒྱལ་གྱི་ཉ་མ་རྣམས་ལ་ཡང་གསོལ་སྙོམས་མཛད། གནས་དེར་ཡང་སྒྲུབ་བརྒྱུད་ཀྱི་བསྟན་པ་བཙུགས། འགྲོ་དོན་ཚད་མེད་པ་མཛད་དོ།།དེ་ནས་གཅུང་གི་ཡུལ་ཆེན་ལ་བྱས། ཅོ་རོ་དང་འབྲིང་མཚམས་དང་སྟག་ཚང་ལ་སོགས་པར་བྱོན་ནས་སྒྲུབ་བརྒྱུད་ཀྱི་བསྟན་པ་བཙུགས། ཞེས་འཁོད་འདུག་གོ།།
