རྩོམ་པ་པོའི་ལོ་རྒྱུས་རགས་བསྡུས།
ཆོས་འབྱུང་ནི་པོ་ཆེའི་གཏེར་མཛོད་བསྟན་པ་གསལ་བར་བྱེད་པའི་ཉི་འོད་ཅེས་པའི་རྩོམ་པ་པོ་ཀུན་མཁྱེན་ཀློང་ཆེན་རབ་འབྱམས་པ་དྲི་མེད་འོད་ཟེར་ནི་གཡོ་རུ་གྲའི་ཆ་སྟོད་གྲོང་དུ་སློབ་དཔོན་པདྨའི་དངོས་སློབ་དཔལ་རྟ་མཆོག་རོལ་པའི་གྲུབ་ཐོབ་མཆོག་དབྱངས་ཀྱི་གདུང་དང་། འབྲོམ་སྟོན་རྒྱལ་བའི་འབྱུང་ནས་ཀྱི་གདུང་ལས་བྱོན་པའི་འབྲོམ་བཟའ་བསོད་ནམས་རྒྱན་གཉིས་ཀྱི་སྲས་སུ་རབ་བྱུང་ལྔ་པའི་ས་ཕོ་སྤྲེལ་གྱི་ལོའི་(སྤྱི་ལོ་ ༡༣༠༨)དབོ་ཟླ་གཉིས་པའི་ནང་མཚན་ལྟས་བཟང་པོས་མདུན་བསུས་ནས་མངལ་གྱི་ཆུ་འཛིན་ལས་གྲོལ། དགུང་ལོ་ལྔ་པ་ལ་བྲིས་ཀློག་ལེགས་པར་མཁྱེན་པ་བྱུང་བ་དང་། བདུན་པ་ལ་ཡབ་ལས་བདེ་གཤེགས་དང་སྨན་རྩིས་ལ་སོགས་པ་གསན་སྦྱོང་གནང་བ་ནས་བཟུང་སྟེ་ཕྱི་ནང་རིག་གཞུང་ཐམས་ཅད་ལ་ཐོས་བསམ་གྱིས་སྒྲོ་འདོགས་གཅོད་པའི་དབུ་ཚུགས། དགུང་ལོ་བཅུ་གཉིས་པའི་ཚེ་བསམ་ཡས་པ་མཁན་པོ་བསམ་གྲུབ་རིན་ཆེན་དང་། སློབ་དཔོན་ཀུན་དགའ་འོད་ཟེར་ལས་རབ་བྱུང་གི་དངོས་པོ་བརྙེས་ནས་མཚན་ཚུལ་ཁྲིམས་བློ་གྲོས་ཞེས་གསོལ།
དེ་རྗེས་སློབ་དཔོན་བཀྲ་ཤིས་རིན་ཆེན་དང་། དབང་ཡེ་ཤེས། ཁྲོ་ཕུ་བ། རིན་པོ་ཆེ་ཟ་ལུང་། གནས་གསང་ཕུའི་གླིང་སྟོད་གདན་རབས་བཅོ་ལྔ་པ་སློབ་དཔོན་བཙན་དགོན་པ་དང་བཅུ་དྲུག་པ་ཆོས་དཔལ་རྒྱལ་མཚན། དཔང་ལོ་བློ་གྲོས་བརྟན་པ་སོགས་མཁས་མཆོག་མང་པོ་ལས་འདུལ་བ་དང་ལམ་འབྲས། ཆོས་དྲུག ཕྱག་རྡོར་འཁོར་ཆེན། བྱ་སྤྱོད། རྣལ་འབྱོར། དུས་ཀྱི་འཁོར་ལོ་ལ་སོགས་པའི་སྔགས་རྒྱུད་དང་། ཞང་ཚལ་པའི་གདམས་སྐོར། རྒོད་ཚང་བའི་ལམ་ཁྲིད། གཅོད་ཡུལ། ཞི་བྱེད་སྔ་ཕྱི་བར་གསུམ་ལ་སོགས་པ། ད་དུང་བྱམས་པ་ཆོས་ལྔ་དང་། ཚད་མ་སྡེ་བདུན། ཕར་ཕྱིན་དབུ་མ་ལ་སོགས་པའི་མཚན་ཉིད་ཐེག་པའི་ལུང་རིགས། དེ་བཞིན་སྒྲ་དང་། སྙན་དང་གས། སྡེབ་སྦྱོར། ཟློས་གར་སོགས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་ཐམས་ཅད་ལ་གསན་བསམ་མཐར་ཕྱིན་པའི་སྣ་ཞགས་རིང་དུ་བསྐྱངས། རྒོལ་བ་ངན་པའི་ཁྱུ་མཆོག་རྭ་གཅིག་པའི་བརྟུལ་ཞུགས་འཛིན་པ་རྣམས་སྒྲུབ་པ་དང་། སུན་འབྱིན་པའི་རྐང་པ་མཆོག་གིས་རྣམ་པར་བརྫི་བ་དང་། ཕམ་པར་བྱས་ནས་ཅང་མི་སྨྲ་བའི་གནས་བཀོད་པས་བསམ་ཡས་ལུང་མང་བའམ། ཀློང་ཆེན་རབ་འབྱམས་པ་ཞེས་པའི་མཚན་གྱི་བ་དན་ཕྱོགས་བཞིར་འགྱེད། དེ་ལྟར་ལུང་དང་རིགས་པའི་གནས་རྒྱ་ཆེན་པོ་ལ་མི་འཇིགས་པའི་ཉམས་བརྟས་པར་གྱུར་ནའང་། གངས་རིའི་ཁྲོད་ན་གཞུང་ལུགས་དང་མན་ངག་མང་དུ་གནས་པ་ལ་ཕྱོགས་དང་རིས་སུ་བཅད་པ་སྤངས་ཏེ། བུང་བ་གཞོན་ནུས་བྲང་རྩིའི་སྙིང་པོ་ལ་མྱོས་པ་བཞིན་དུ་དན་བག་པ་དང་། སློབ་དཔོན་གཞོན་ནུ་དོན་གྲུབ། མྱོས་པའི་མཐིང་མ་བ། སངས་རྒྱས་གྲགས་པ་བཅས་པའི་བླ་ལས་མདོ་སྒྱུ་སེམས་གསུམ་རྙིང་མ་རྒྱུད་འབུམ་གྱིས་གཙོས་མང་དག་གསན་པ་དང་། ད་དུང་སློབ་དཔོན་གཞོན་ནུ་རྒྱལ་དང་། གཞོན་རྡོར། རྗེ་རང་བྱུང་རྡོ་རྗེ། དབང་ཚུལ། ས་སྐྱ་པ་བླ་མ་དམ་པ། ཤུག་གསེབ་རི་པ་གཞོན་རྡོར་ལ་སོགས་པ་ལས་གསུང་གི་ཉིང་ཁུ་བཞེས་ཏེ་གངས་རིའི་ཁྲོད་ན་གྲགས་པའི་གྲུབ་མཐའ་ཐལ་མོ་ཆེ་ཐུགས་སུ་ཆུད་ཅིང་། འཆད་རྩོད་རྩོམ་གསུམ་ལ་ཐོགས་པ་མེད་པའི་ཐུགས་རབ་སྐྱེས། དེ་ལྟར་སྐྱེས་བ་ཆེན་པོ་རྒྱལ་བ་གཉིས་པར་གྲཊ་པ་འདི་གསན་བསམ་གྱི་ཡང་རྩེར་སོན་ནའང་རྣམ་པ་ཀུན་ཡུ་འཁོར་བའི་རང་བཞིན་ལ་ཐུགས་སྐྱོ་ཤས་དང་ངེས་འབྱུང་ཚད་མེད་པ་འཁྲུངས་ནས་ནགས་ཁྲོད་དམ་དབེན་གནས་དག་ཏུ་ཡོན་གཉེར་བའི་དགོངས་པ་གཏོད་ནས། གནས་ངེས་མེད་དུ་འཁྱམས་ཤིང་སྒྲུབ་པ་འབའ་ཞིག་ལྷུར་ལེན་མཛད། འོད་ལུས་བསྒྲུབས་པས་མཚོན་གྲུབ་པའི་རྟགས་མཐའ་ཡས་པ་སྟོན་ཞིང་སྙིང་ཏིག་གི་ལྟ་བའི་མཐར་ཐུག་པ་བྱུང་བར་གྲགས་ལ། སྒྲུབ་གནས་ཀྱང་བསམ་ཡས་མཆིམས་ཕུ་དང་། ཨོ་རྒྱན་རྫོང་། ལྷ་རི་བྲག གྲ་ཕུ། ཤུག་གསེབ། གངས་རི་ཐོད་དཀར། གཞུ་སྟོད་ཏི་སྒྲོ། ཡེར་པ། ཡར་ལྷ་ཤམ་པོ། བུམ་ཐང་། སྐྱམ་བུ་དཔལ་གྱི་དགེ་སྡིངས། གོང་པོ་རིའི་གླ་བ་ལུང་། ཀོང་པོ་རྩ་གོང་གི་ཕུ་རྣམས་སུ་ཡིན་ཞིང་། ལྷོ་འབྲོག དབུ་གཡོར། ལྷོ་མོན་གྱི་ཡུམ་མཐའ་དག་ཏུ་ཁྲིད་ཉན་སྟོང་ཕྲག་ཚོགས་པ་ལན་མང་བྱུང་བས་ཀུན་པའི་མཁྱེན་ཆོས་རྗེ་ཞེས་པའམ། ངག་གི་དབང་པོ་དང་དྲི་མེད་འོད་ཟེར་ཞེས་པའི་མཚན་བསྟོད་ས་གཞིའི་ཁྱོན་ན་གྲགས། གང་དེས་མཛད་པའི་གསུང་རབ་བཀའ་རྩོམ་ཤིན་ཏུ་མང་བས་རེ་རེའི་མཚན་བྱང་འགོད་པར་དཀའ་ཡང་རྣམ་གྲངས་ཙམ་བཀོད་ན་ཐུན་མོང་དང་ཐུན་མོང་མ་ཡིན་པའི་བསྟན་བཅོས་སྐོར་ལ་ཆོས་སྡེ་དགུ་བཅུ་རྩ་བརྒྱད་དང་། ཁྱད་པར་ནང་གི་བསྟན་བཅོས་སྐོར་ལ་ཆོས་སྡེ་བརྒྱ་དང་ཉི་ཤུ་རྩ་བརྒྱད་ལྷག་ཙམ། ངེས་དོན་གསང་བའི་བསྟན་བཅོས་སྐོར་ལ་ཆོས་སྡེ་ཉི་བརྒྱ་དྲུག་ཅུ་རྩ་གསུམ། གཞན་ཡང་ཆོས་འབྱུང་རིན་པོ་ཆེའི་གཏེར་མཛོད་ཅེས་བྱ་བ་འདི་ཉིད་དང་། ཆོས་སྤྱོད་ལམ་གྱི་རིམ་པ་ཤི་གསོན་གྱི་བསྔོ་བ་རིན་ཆེན་ཕྲེང་བ་ལ་སོགས་དངོས་སུ་ལག་ཏུ་བཏོན་རྒྱུ་ཡོད་པ་ཙམ་ཡིན་མོད། དུས་དེ་རང་ལ་བསྡུ་བའི་བརྩོན་འགྲུས་ཉུང་བའམ། མཁས་རྨོངས་ཀྱི་བསྟན་བཅོས་ལ་བྱེ་བྲག་མི་ཕྱེད་པའི་ཤུགས་ཀྱིས་ནུབ་པའང་ཡོད་སྲིད། ཞིབ་ཏུ་མཁྱེན་པར་འདོད་ན་དཀར་ཆག་རིན་པོ་ཆེའི་མཛོད་ཁང་ཞེས་བྱ་བར་གཟིགས་པར་མཛོད། གཞན་ཡང་གང་དེའི་གསུང་གི་བདུད་རྩི་མྱོང་བ་ལས་བྱུང་བའི་དངོས་སློབ་གཙོ་བོ་དག་ནི། ཞོག་ཐར་གླིང་པ་མཁས་གྲུབ་བདེ་ལེགས་རྒྱ་མཚོ་དང་མཁས་གྲུབ་ཆོས་ཀྱི་གྲགས་པ། མཁས་གྲུབ་ཁྱབ་གདལ་ལྷུན་གྲུབ་སྟེ་གྲགས་པ་ཐོབ་པའི་མཁས་གྲུབ་གསུམ། མདོ་ཁམས་པ་འདན་སྒོམ་ཆོས་ཀྱི་གྲགས་པ། རྒྱལ་སྲས་བཟོད་པ། བླ་མ་དཔལ་མགོན་པ། གུ་རུ་ཡེ་ཤེས་རབ་འབྱམས། གཞོན་ནུ་སངས་རྒྱས་ཏེ་ཐུགས་ཀྱི་སྲས་ལྔ། སྤྲུལ་སྐུ་དཔལ་འབྱོར་རྒྱ་མཚོ། སློབ་དཔོན་སངས་རྒྱས་ཀུན་དགའ། སློབ་དཔོན་བློ་གྲོས་བཟང་པོ། སྟག་མགོ་བྱ་བྲལ་ཆོས་རྗེ་སྟེ་བསྟན་པ་སྤེལ་བའི་བཤེས་གཉེན་བཞི། ཕ་རྒོད་རྟོགས་ལྡན་རྒྱལ་པོ། རྣལ་འབྱོར་པ་འོད་ཟེར་གོ་ཆ། རིག་འཛིན་འོད་གསལ་རང་གྲོལ། བྱ་བཏང་བསོད་ནམས་འོད་ཟེར་ཏེ་གྲུབ་པ་ཐོབ་པའི་རྣལ་འབྱོར་བཞི་ལ་སོགས་པའི་དངོས་སློབ་མང་པོ་བྱུང་འདུག་ལ་རིང་བརྒྱུད་དང་ཉེ་བརྒྱུད་ལ་སོགས་པ་རྩིས་ན་ཤིན་ཏུ་མང་ཞེས་གསུང་བ་ཐོས་སོ། །ཆོས་འབྱུང་འདིའི་ཞལ་བྱང་དུ་ཀློང་ཆེན་རབས་འབྱམས་ཀྱིས་མཛད་པ་ཞེས་འཁོད་བཞིན་དུ་ཞབས་ཤོག་མཛད་བྱང་ཐོག་ཐེག་པ་མཆོག་གི་རྣལ་འབྱོར་པ་རྒྱལ་སྲས་ཐུགས་མཆོག་རྩལ་གྱིས་ཆུ་ཕོ་སྟག་གི་ལོ་སྨིན་དྲུག་ཟླ་བའི་དཀར་ཕྱོགས་ཀྱི་ཚེས་བརྒྱད་ལ་དཔལ་བསམ་གྲུབ་བདེ་ཆེན་དགོན་པར་ཡོངས་སུ་རྫོགས་པར་སྦྱར་བའོ་ཞེས་འཁོད་འདུག་ལ་དཔྱད་གཞིའི་མ་ཕྱི་གཉིས་ལག་སོན་བྱུང་བའི་ཞབས་ཤོག་ཏུའང་གོང་དང་མཚུངས་པའི་མཚན་དང་གནས་དུས་བཀོད་འདུག དེར་བརྟེན་ཆོས་འབྱུང་འདི་བརྩམས་ཟིན་པའི་དུས་ཚོད་ནི་སྤྱི་ལོ་ ༡༣༦༢ རབ་བྱུང་དྲུག་པའི་ཆུ་ཕོ་སྟག་གི་ལོའི་སྨིན་དྲུག་ཟླ་བའི་ཚེས་བརྒྱད་ལ་ཡིན་ཞིང་དཔལ་བསམ་གྲུབ་བདེ་ཆེན་དགོན་པར་བརྩམས་མཇུག་འགྲིལ་བ་ཤེས་ནུས་ཀྱང་རྩོམ་པ་པོའི་མཚན་མི་འདྲ་བ་གཉིས་འཁོད་པས་དོགས་སློང་ཅུང་ཟད་ཙམ་མཆིས་འདྲ་ཡང་། ཞིབ་ཏུ་བརྟགས་ན་མཛད་བྱང་ནི་ཆོས་འབྱུང་འདིའི་རྩོམ་པ་པོ་ཉིད་ཀྱིས་བཀོད་པར་མཛད་པ་ཞིག་ཡིན་པ་དང་། ཞལ་བྱུང་ཐོག་གི་ཀུན་མཁྱེན་ཀློང་ཆེན་རབ་འབྱམས་ཀྱིས་མཛད་པ་ཞེས་ཞེ་ཚིག་འཁོད་པ་འདི་ནི་ཕྱིས་ཀྱི་དུས་སུ་གང་དེའི་སློབ་བརྒྱུད་ཆེ་གེ་མོ་འམ། གང་ལ་མོས་གུས་མཆོག་ཏུ་མངའ་བའི་སྐྱེ་བོ་དག་གིས་འགོད་གནང་མཛད་པ་ཞིག་ཡིན་པ་ནི་རིག་པས་དཔོག་ནུས་པ་མ་ཟད། ཀུན་མཁྱེན་ཀློང་ཆེན་རབ་འབྱམས་དགོངས་པ་ཞི་དབྱིངས་སུ་འཐིམ་པའི་ལོ་དུས་ནི་སྤྱི་ལོ་ ༡༣༦༣ བོད་རབ་བྱུང་དྲུག་པའི་ཆུ་ཡོས་ལོར་ངེས་པས་དུས་ལ་འགལ་བ་མེད་པ་དང་། ལྷག་པར་འཇིག་མེད་གླིང་པས་ཆོས་འབྱུང་འདི་ཀུན་མཁྱེན་ཀློང་ཆེན་རབ་འབྱམས་ཀྱི་ཡིན་པར་གསུངས་འདུག གང་དེའི་མཚན་ལ་ཐེག་པ་མཆོག་གི་རྣལ་འབྱོར་ཞེས་ཚང་མས་འབོད་ཀྱིན་ཡོད་ལ། རྒྱལ་སྲས་ཐུཊ་མཆོག་རྩལ་ཞེས་པ་དེ་ཡང་མཚན་གྱི་རྣམ་གྲངས་གཞན་ཞིག་ཡིན་པར་ངེས། འོན་ཏང་མཁས་པ་འགའ་ཞིག་གིས་རྒྱལ་སྲས་ཐུགས་མཆོག་རྩལ་ཞེས་པ་དེ་ཀློང་ཆེན་རབ་འབྱམས་ཀྱི་མཚན་མིན་ཞེས་གསུངས་མྱོང་འདུག་ཅིང་། ཨ་འཛོམ་རྒྱལ་སྲས་སྲས་རིན་པོ་ཆེ་འགྱུར་མེད་རྡོ་རྗེ་དང་སྒོ་འཇོ་མཁར་ལེགས་སྤྲུལ་སྐུ་པདྨ་བདེ་ཆེན་གཉིས་ནས་ཆོས་འབྱུང་འདི་ཀ༔ཐོག་རྒྱ་ར་ཀློང་ཆེན་ནམ་མཁའ་ཆོས་ཀྱི་རྒྱལ་མཚན་གྱི་ཡིན་པའི་ངོས་འཛིན་གནང་ཚུལ་ཡང་མཁས་པ་དག་གི་གསུང་ངག་ལས་ཐོས་མོད། ངེད་ཅག་ནི་གནང་དེའི་ཆོས་བརྒྱུད་འཛིན་པ་འཇིགས་མེད་གླིང་པའི་གསུང་ལ་མངོན་པར་བསྟོད་ནས་རྒྱལ་སྲས་ཐུགས་མཆོག་རྩལ་ཞེས་པ་དེ་ཡང་ཀློང་ཆེན་རབ་འབྱམས་པའི་གསང་མཚན་ཞིག་ལ་ངོས་བཟུང་ཞུ་རྒྱུ་ཡིན་པས་རྣམ་དཔྱོད་ལྡན་པ་དག་གིས་དཔྱད་པར་མཛད་དུ་གསོལ། བུ་བྱུང་དབང་འདུས་ཀྱིས། ༡༩༩༡ ལོའི་ཟླ་བ་ ༦ པ་ལ་ལྷ་སར་བྲིས།
དཔེ་སྐྲུན་གསལ་བཤད།
ཀུན་མཁྱེན་ཀློང་ཆེན་རབ་འབྱམས་ཀྱིས་མཛད་པའི་ཆོས་འབྱུང་རིན་པོ་ཆེའི་གཏེར་མཛོད་བསྟན་པ་གསལ་བར་བྱེད་པའི་ཉི་འོད་ཅེས་བྱ་བ་འདི་ནི་མདོ་རྒྱུད་དང་། བསྟན་བཅོས། རྒྱལ་རབས་ཆེ་ཆུང་། པདྨ་བཀའ་ཆེམས། འདྲ་འབག་ཆེན་མོ། །མདོ་སྔགས་རྣམས་ཀྱི་འགྱུར་བྱང༌། ཆོས་འབྱུང་གསར་རྙིང་ཀུན་ལས་ལེགས་པར་བཏུས་ཤིང་གསར་དུ་གོ་བདེར་བཀོད་པ་ཞིག་ཡིན་ཞིང་། སྤྱི་དོན་བཅུ་ཡོད་པ་དེ་དག་སོ་སོའི་བརྗོད་བྱའི་ནང་དོན་ཁ་གསལ་ལ་གོ་བདེ་བའི་ཁྱད་ཆོས་ལྡན་པ་དང་། ལྷག་པར་བོད་དུ་བསྒྱུར་བའི་བཀའ་དང་དགོངས་འགྲེལ་བསྟན་བཅོས་ཁག་གི་མཚན་བྱང་དང་མཛད་པ་པོ་སུ་ཡིན་ཧ་ཅང་ཞིབ་གསལ་འཁོད་ཡོད་པ་དང་གཅིག ལོ་ཙཱ་བ་སུ་ཞིག་གིས་གནས་གང་དུ་བསྒྱུར་བའི་མཚན་བྱང་དང་བོང་ཚད་གསལ་བར་འཁོད་ཡོད་པ་དང་གཉིས། ཐེག་པ་ཆེ་ཆུང་དང་། མདོ་སྔགས། སྔ་འགྱུར་ཕྱིས་འགྱུར་སོགས་ཀྱི་ཁྱད་པར་དང་དབྱེ་མཚམས་རྒྱུ་མཚན་སོགས་གསལ་སྟོན་གནང་ཡོད་བརྒྱུད་ཚུལ་གསལ་བར་བསྟན་པ་དང་གསུམ། སློབ་དཔོན་པདྨ་འབྱུང་གནས་དང་ལོ་ཙྭ་བ་བཻ་རོ་ཙ་ནས་མཚོན་ལོ་པཎ་གྲགས་ཅན་དག་གི་ལོ་རྒྱུས་ཞིབ་ཙམ་འཁོད་པ་དང་བཞི། དེ་སྐབས་སོ་སོའི་པཌ་གྲགས་ཅན་དག་གི་ལོ་རྒྱུས་ཞིབ་ཙམ་འཁོད་པ་དང་བཞི། དེ་སྐབས་སོ་སོའི་ཆོས་སྲིད་ཀྱི་གནས་སྟངས་བཀོད་ཡོད་པ་མ་ཟད། གནད་དོན་མང་པོར་ལུང་དང་རིཊ་པ་རྣོན་པོས་དགག་བཞག་ལྷུར་ལེན་མཛད་དེ་འཁྲུལ་བྲལ་གྱི་ལྟ་བ་གསལ་ལེར་བསྟན་ཡོད་པ་དང་ལྔ་བཅས་ལོ་མས་འབྲས་སྒྲིབ་ལྟ་བུ་མ་ཡིན་པ་ལོ་རྒྱུས་ཆོས་འབྱུང་གཞན་ལས་བླ་ལྷག་ཏུ་འཕགས་པའི་ཁྱད་ཆོས་ལྡན་པ་དང་། དེ་བཞིན་སྲིད་པ་ཆགས་འཇིག་གི་སྐོར་ཡང་ཚིག་ཉུང་དོན་བསྡུས་ཀྱི་སྒོ་ནས་བསྟན་ཡོད་པ་སོགས་མདོར་ན་ཆོས་འབྱུང་འདི་ཉིད་དབུ་མཇུག་མཐུད་ཐུབ་པ་དང་། ནང་དོན་ཕན་ཚུན་འགལ་བ་མེད་པར་ཆ་ལག་ཚང་བའི་དགེ་མཚན་ལྡན་པ་ཞིག་ཏུ་མཆིས། ང་ཆོས་ལོ་རྒྱུས་འབྱུང་འདི་བཞིན་དཔེ་སྐྲུན་བྱེད་པའི་དགོས་པ་གཞན་ཞིག་ནི་སྐྱེ་མེད་རྡོ་རྗེའི་སློབ་མ་རྗེ་བཙུན་མ་ངག་དབང་སོགས་ཀྱིས་དེ་སྔོན་གཙང་རིན་སྤུངས་སུ་ཤིང་དཔར་རྐོ་མྱོང་ཡོད་འདུག་ཀྱང་དཔར་ཤིང་སྣུམ་བཅོས་བྱེད་ཁོམ་མ་བྱུང་གོང་དུས་ཟིང་ཡོ་ལང་གིས་རྐྱེན་པས་དཔར་ཤིང་རྣམས་རི་སྟེང་དུ་སྦས་ཁུལ་གནང་རུང་རུལ་སྐྱོན་ཕོག་པ་སོགས་ཀྱིས་གསུམ་ཆ་གཉིས་ཙམ་ཕན་མེད་དུ་སོང་ཟིན་པ་བཅས་དེང་སང་རེ་གཉིས་ཙམ་མཐོང་རྒྱུ་ཡོད་པ་ནི་དཔེ་རྒྱུན་དཀོན་པོར་གྱུར་ཟིན་པའི་མ་དཔེ་སྐྲུན་བགྱིས་པ་ལགས། ད་རེས་དཔེ་སྐྲུན་བྱས་པའི་ཆོས་འབྱུང་འདི་ཉིད་ཀྱི་མ་དཔེ་ནི་ཁམས་ཡིག་བྲིས་མ་ཞིག་འདུག་པ་དེ་ཁུངས་བཙན་པར་མངོན་སྐབས་དེ་ཉིད་ནས་གཡར་པོ་བྱུང་བར་གྲགས་པའི་མ་དཔེ་ཞིག་བོད་ལྗོངས་ཡིག་ཚགས་ལས་ཁུངས་སུ་ཡོད་པ་དེ་དང་ཞུས་དགེ་རྗེས་སྣུམ་དཔར་དུ་བཏབ་པའི་དེབ་ཅིག་འདུག་པ་དེ་དང་། འཛིམ་ཚེ་དཔག་མེད་དགོན་པར་ཡོད་པའི་སྨན་པ་པདྨ་སྐལ་བཟང་ནས་དབུ་ཅན་དུ་ལག་བྲིས་གནང་བ་གཉིས་དཔྱད་གཞིར་བཟུང་ནས་དཔེ་སྒྲིག་བྱས་པ་ཡིན། དཔེ་སྒྲིག་བྱེད་པའི་བརྒྱུད་རིམ་ནང་མ་དཔེ་ཁམས་ཡིག་མ་དེར་བྲིས་ནོར་སོང་བའི་ཕྲད་ཀྱི་སྦྱོར་ཚུལ་དང་བརྡ་དག་འཁྲུལ་ཅན་མང་ཙམ་མཆིས་པ་རྣམས་ཡིག་ནོར་རྒྱུན་འབྱམས་མི་འབྱུང་བའི་སླད་དག་བཅོས་ཐད་ཀར་ཞུས་ཡོད། བློ་དོགས་མ་ཆོད་པ་འགའ་རང་སོར་བཞག་པའི་གཤམ་དུ་རྟགས་འདི། བཀོད་པའི་ནང་དཔྱད་གཞིའི་ཚིག་འབྲུ་བཅུག་ཡོད་པ་ནི་དག་པ་མ་དག་པར་བཟོ་ཉེས་མི་ཡོང་བའི་ཆེད་དུ་དམིགས། མ་ཕྱིའི་ནང་དུ་དེ་སྔོན་ནས་མཆན་བུ་བཏབ་ཡོད་པ་རྣམས་རྟགས་འདི། ཡི་ནང་ཡིག་ཆུང་དུ་བཀོད་ཡོད། དེ་བཞིན་ཁམས་ཡིག་བྲིས་མའི་མ་ཕྱི་དེའི་ནང་གཞུང་ཚིག་མངོན་གསལ་དུ་ཆད་པའི་དུམ་བུ་རེ་ཟུང་འདུག་པ་རྣམས་མ་དཔེ་གཞན་སལ་རྟགས་འདི། ཡི་ནང་དུ་ཁ་སྐོང་ཞུས་ཡོད་ལ་དོགས་འགའ་ཞིག་ལ་སྒྲིག་པ་པོའི་མཆན་བུ་ཐུང་དུ་རེ་བཏབ་ཡོད། དཔེ་དུས་མཚུངས་འདི་ནས་དེང་དཀར་ཆག་གི་ཀློག་པ་པོའི་ལྟ་ཀློག་གོམས་སྲོལ་དང་མཐུན་པའི་ཞིབ་ཕྲའི་དཀར་ཆག་ཞིག་གསར་དུ་བསྒྲིགས་ནས་གཞུང་ཚིག་གི་དཀྱུས་སུ་སྐབས་སྦྱར་འགོ་བརྗོད་ཆུང་དུ་རེ་བསྣན་ཡོད་པ་ནི་གཟིགས་པ་པོར་སྟབས་བདེ་ཡོང་ཐབས་ཞུས་ཁུལ་ཡིན། མཇུག་ཏུ་ད་རེས་ལག་སོན་ཐུབ་པའི་མ་དཔེ་རྣམས་བསོད་ནམས། དོན་གྲུབ་ལགས་ནས་གཡར་པོ་གནང་བྱུང་བ་དང་། འབྲེལ་ཡོད་དཔྱད་གཞིའི་ཡིག་ཆ་འགའ་ཡང་མཚམས་སྦྱོར་གནང་བྱུང་བས་གོ་སྐབས་འདི་དང་བསྟུན་ནས་ཐུགས་རྗེ་ཞུ་རྒྱུ་ཡིན། དེ་བཞིན་རྩོམ་སྒྲིག་ཞུ་བའི་བརྒྱུད་རིམ་ནང་ཁོ་བོར་སློབ་སྟོན་གནང་མྱོང་བའི་མཁས་པ་ཚོར་ཡང་ཐུགས་རྗེ་ཆེ་ཞུ་རྒྱུ་ཡིན། བུ་བྱུང་དབང་འདུས་ཀྱིས། ༡༩༩༡། ༦
ཆོས་འབྱུང་རིན་པོ་ཆེའི་གཏེར་མཛོད་བསྟན་པ་གསལ་བར་བྱེད་པའི་ཉི་འོད་ཅེས་བྱ་བ་ཀུན་མཁྱེན་ཀློང་ཆེན་རབ་འབྱམས་ཀྱིས་མཛད་པའི་ངོ་མཚར་བ་བཞུགས།
གདོད་ནས་རྣམ་དག་ཆོས་སྐུ་དེ་བཞིན་ཉིད། །བདེ་ཆེན་ལོངས་སྤྱོད་འོད་གསལ་མཆོག་གི་སྐུ། །མཚན་དཔེའི་གཟུགས་སྐུས་འགྲོ་ལ་ཆོས་སྟོན་པ། སྐུ་གསུམ་རྒྱལ་བ་སྲས་བཅས་རྒྱལ་གྱུར་ཅིག །རྒྱལ་བའི་བསྟན་པའི་དྲ་བས་གཏུམས་གྱུར་ཅིང་། །ཕྱོགས་ཞེན་རྟོག་པའི་དྲ་བས་གཏུམས་གྱུར་ཅིང་། ཤེས་རབ་དག་པའི་སྤྱན་དང་བྲལ་བ་རྣམས། །མ་རིག་ལིང་ཏོག་བསལ་གྱིས་ལེགས་པར་ལྟོས། ཆོས་འབྱུང་རིན་པོ་ཆེའི་གཏེར་མཛོད་བསྟན་པ་གསལ་བར་རེད་པའི་ཉི་འོད་ཅིས་བྱ་བ། མཚན་གཉིས་དང་ལྡན་པ་འདི་ལ། སྤྱི་དོན་རྣམ་པ་བཅུ་ཡི་སྒོ་ནས་སྟོན་ཏེ། གཞི་དངོས་པོ་གཤིས་ཀྱི་འདུག་ཚུལ་ཇི་ལྟར་གནས་ལུགས་དང་། དེ་ལས་རྒྱལ་བ་སྐུ་གསུམ་གྱི་བསྟན་པ་བྱུང་ཚུལ་དང་། བསྟན་པ་རིན་པོ་ཆེ་རྒྱ་གར་དུ་དར་ཞིང་ཞིང་རྒྱས་ཚུལ་དང་། དེ་བོད་གངས་ཅན་གྱི་ཁྲོད་དུ་ཇི་ལྟར་བསྒྱུར་ཚུལ་དང་། བསྟན་པ་རིན་པོ་ཆེ་ཇི་ཙམ་གནས་པའི་ཚད་བསྟན་པ་དང་། མཐར་བསྟན་པ་ནུབ་པའི་ཚུལ་བསྟན་པ་དང་། ཚེ་ལོའི་འཕེལ་འགྲིབ་དང་། རང་སངས་རྒྱས་ཀྱི་འབྱོན་ཚུལ་དང་། བྱམས་པ་དང་འཁོར་ལོས་བསྒྱུར་རྒྱལ་རྣམས་འབྱོན་ཚུལ་བསྟན་པ་དང་། བསྐལ་པའི་འཇིག་ཆགས་སྟོངས་གནས་ཀྱི་ཚུལ་བསྟན་པ་དང་། མ་འོངས་པའི་བསྐལ་པ་ལ་སངས་རྒྱས་ཇི་ལྟར་འབྱོན་ཚུལ་བསྟན་པ་རྣམས་སོ།།
སྤྱིན་དོན་དང་པོ། འཁོར་འདས་ཀྱི་ཆོས་ཐམས་ཅད་གཞི་དངོས་པོ་གཤིས་ཀྱི་འདུག་ཚུལ་ཇི་ལྟར་གནས་ལུགས་ཀྱི་སྐོར།
སྤྱི་དོན་དང་པོ།
སྤྱི་དོན་དང་པོ་ནི་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་གཞི་དངོས་པོ་གཤིས་ཀྱི་གནས་ལུགས་རང་བཞིན་ལྷུན་གྱིས་གྲུབ་པའི་སངས་རྒྱས། དབྱིངས་རང་བཞིན་གྱིས་རྣམ་པར་དག་པ། སངས་རྒྱས་སྒམ་པོས་མ་མཛད། སེམས་ཅན་སྒྲིན་པོས་མ་བཅོས། རྒྱུ་ཡིས་མ་བསྐྱེད། རྐྱེན་གྱིས་མི་འཇིག་སྟེན། རྒྱུ་རྐྱེན་ལ་མ་བལྟོས་པས། རང་བྱུང་གི་ཡེ་ཤེས་ཚིག་གིས་མཚོན་པ་དང་བྲལ་བ་དེ་ཉིད། བློ་དང་རྟོག་པའི་སྤྱོད་ཡུལ་ལས་འདས་པ་ཞིག་ཡིན་ཏེ། དེ་ལྟ་བུའི་གཞི་གནས་ལུགས་སྐྱེ་བ་མེད་པའི་ཀློང་དུ། འཁོར་འདས་ཀྱི་ཆོས་ཐམས་ཅད་དོན་ལ་སངས་མ་རྒྱས་པ་ནི་གཅིག་ཀྱང་མེད་དེ། །ཀློང་ཆེན་ལས། །སེམས་ཉིད་ཀློང་ཆེན་ཡངས་པ་རུ། །འཁོར་འདས་ཀྱི་ཆོས་ཐམས་ཅད་དོན་ལ་སངས་མ་རྒྱས་པ་ནི་གཅིག་ཀྱང་མེད་དེ། །ཀློང་ཆེན་ལས། །སེམས་ཉིད་ལྔ་རུ་མངོན་སངས་རྒྱས། །ཞེས་པས། འཁོར་འདས་གཉིས་སུ་མེད་པའི་དོན། ལྷུན་གྲུབ་བདེ་བ་ཆེན་པོ་དེ་བཅོས་བསླད་ཐམས་ཅད་དང་བྲལ་བ་སྟེ། བརྒལ་ལན་ལས། གཉིས་བདེ་ཆེན་ལྷུན་གྲུབ་སངས་རྒྱས་སྟེ། །སྔར་འདས་སངས་རྒྱས་སྒམ་པོས་འདི་མ་མཛད། །སླད་ཀྱི་སེམས་ཅན་སྒྲིན་པོས་འདི་མ་བསྒྱུར། །མ་མཛད་མ་བསྒྱུར་སྙིང་པོའི་དོན་འདི་ལ། །ཞེས་པས་མངོན་ནོ། །དེ་ལྟ་གཞི་གནས་ལུགས་སྙིང་པོའི་དོན་འདི་ལ། ཆེ་བའི་ཡོན་ཏན་ཐམས་ཅད་གདོད་མ་ནས་རྫོགས་པའོ། །དེ་ཉིད་སངས་རྒྱས་ཀུན་གྱི་ཡང་མེས་ཡིན་ཞིང་སངས་རྒྱས་ཐམས་ཅད་དེ་ལས་བསྐྱེད་པར་གསུངས་ཏེ། བྱམས་སེམས་སྙིང་སྒྲོན་ལས། རང་བྱུང་སྟོན་པ་ཀུན་བཟང་རྒྱལ་བའི་ཡབ། །ཅེས་དང་། ངེས་དོན་འདུས་པའི་རྒྱུད་ལས། གང་ཡང་མེད་པའི་སྔོན་རོལ་དུ། །རང་བྱུང་ངོ་བོ་ཀུན་གྱི་གཞི། །ལུང་ལ་མ་བརྟེན་མན་མག་ཆོས། །རང་གི་རིག་པས་རང་རྟོགས་ཕྱིར། །འཁྲུལ་མ་མྱོང་ལ་རྟོགས་མ་མྱོང་། །དེ་ཚེ་འཁོར་འདས་བྱུང་བ་མེད། གཞི་ཞེས་རང་བྱུང་རིག་པ་ལས། གཞི་གནས་མ་རིག་མེད་པའི་ཕྱིར། གཞི་ཞེས་རང་བྱུང་རིག་པ་ལས། གཞི་གནས་མ་རིག་མེད་པའི་ཕྱིར། །རྐྱེན་གྱིས་སྔར་འཁྲུལ་མ་མྱོང་པས། ལུང་བསྟན་གྱིས་ནི་བསྟན་མི་དགོས། །དེ་ཕྱིར་ལུང་ལས་མ་བྱུང་ཆོས། ཡ་མཚན་རྨད་དུ་བྱུང་བི་བཀའ། །སངས་རྒྱས་ཐམས་ཅད་དེ་ལས་བསྐྱེད། །ཅེས་སོ།།
སྤྱི་དོན་གཉིས་པ། རྒྱལ་བ་སྐུ་གསུམ་གྱི་བསྟན་པ་བྱུང་ཚུལ།
སྤྱི་དོན་གཉིས་པ་སྐུ་གསུམ་གྱི་བསྟན་པ་བྱུང་ཚུལ་ལ་གཉིས་ཏེ། མདོར་བསྟན་པ་དང་རྒྱས་པར་བཤད་པའོ། །མདོར་བསྟན་པ། མདོར་བསྟན་པ་ནི། གནས་ལུགས་ཇི་བཞིན་པའི་ངོ་བོ་དེ་ཉིད། ཞིང་ཁམས་དང་སྟོན་པ་རུ་སྣང་ནས་འགྲོ་བའི་དོན་མཛད་ཚུལ་ནི། ཁམས་གསུམ་གྱི་སེམས་ཅན་རྣམས་ཀྱི་གནས་ལུགས་དེ་ལྟར་མ་རྟོགས་ཏེ། མ་རིག་པ་རྣམ་གཉིས་ཀྱིས་འཁྲུལ་པའི་དབང་གིས་ལས་དང་ཉོན་མོངས་པའི་རྒྱུ་ལ་བརྟེན་ནས་འབྲས་བུ་སྡུག་བསྔལ་གྱི་བྱེ་བྲག་སྣ་ཚོགས་པ་ཉམས་སུ་མྱོང་ཞིང་། ཉམས་ཐག་པ་དེ་ལ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཐམས་ཅད་མཁྱེན་པའི་སྤྱན་གྱིས་གཟིགས་ཤིང་། གཟིགས་ནས་ཀྱང་མས་བུ་གཅིག་པ་ལ་བརྩེ་བ་ལྟ་བུས། ཐུགས་རྗེ་ཆེན་པོའི་སྒོ་ནས། རྟེན་སྐུ་བརྟེན་པ་ཡེ་ཤེས། མཛད་པ་འཕྲིན་ལས་དང་བཅས་པས་སེམས་ཅན་གྱི་དོན་མཛད་ཚུལ་ནི། མདོ་རྒྱུད་ལས། མཐའ་ཡས་སེམས་ཅན་མ་ལུས་ཐམས་ཅད་ཀྱིས། །བླ་མེད་བྱང་ཆུབ་གོ་འཕང་ཐོབ་བྱའི་ཕྱིར། །བདེ་གཤེགས་ཐུགས་རྗེ་ཆེ་ལ་ཐབས་མཁས་པས། །ཐེག་པ་རིམ་དགུ་སྐུ་གསུམ་སོ་སོར་གསུངས། །ཆོས་སྐུ་ཀུན་བཟང་ཆོས་དབྱིངས་ཕོ་བྲང་དུ། །སྤྲོས་པ་མེད་དེ་དུས་གསུམ་བདེ་གཤེགས་ལ། ནང་རྒྱུད་སྡེ་གསུམ་བྱིན་གྱིས་བརླབས་ཏེ་བཤད། །ཅེས་དང་། དགོངས་པ་འདུས་པ་ལས། བདེ་གཤེགས་ཡེ་ཤེས་ཐུགས་རྗེས་འདུལ་བ་སྟེ། དགོངས་པ་འདུས་པ་ལས། བདེ་གཤེགས་ཡེ་ཤེས་ཐུགས་རྗེས་འདུལ་བ་སྟེ། །སྐུ་གསུམ་སྨོན་ལམ་སོ་སོར་ཁྱབ་པ་ལས། །རྒྱལ་བའི་ཞིང་ཁམས་གསུམ་དུ་གྲུབ་པ་ལ། །ཆོས་སྐུའི་ཞིང་ཁམས་ནམ་མཁའི་མཐའ་དང་མཉམ། །ཞིང་ཁམས་མཚན་ནི་ཁྱབ་གདལ་ཆེན་པོ་སྟེ། །སྟོན་པའི་མཚན་ནི་ཀུན་ཏུ་བཟང་པོ་ཡིས། །སྤྲོས་མེད་སྐུ་དང་ནང་རྒྱུད་གསུམ་གྱིས་འདུལ། །ཞེས་གསུངས་པ་དང་། ཡང་རྒྱུད་ལས། ལོངས་སྐུ་རྣམ་སྣང་འོག་མིན་ཕོ་བྲང་དུ། །རྒྱལ་པོ་ལྟར་ཏེ་བྱང་ཆུབ་སེམས་དཔའ་ལ། །ཀྲྀ་ཡ་ཨུ་པ་ཡོ་ག་རྣམ་པ་གསུམ། །ཕྱི་རྒྱུད་སྡེ་གསུམ་སྐུ་ཡི་བརྡ་ཡིས་བཤད། །ཅེས་པ་དང་། ཕལ་པོ་ཆེ་ལས། ལོངས་སྐུའི་ཞིང་ཁམས་སྟོང་གསུམ་བྱེ་བྲག་བརྒྱ། །ཞིང་དེའི་མཚན་ནི་གཞི་སྙིང་མེ་ཏོག་རྒྱན། །སྟོན་པའི་མཚན་ནི་རྣམ་པར་སྣང་མཛད་ཀྱིས། །རྒྱལ་བའི་སྐུ་དང་ཕྱི་རྒྱུད་གསུམ་གྱིས་འདུལ། །ཞེས་དང་། ཡང་རྒྱུད་ལས། སྤྲུལ་སྐུ་ཤཱཀ་ཐུབ་ལྷོ་ཡི་འཛམ་གླིང་དུ། །ཉན་ཐོས་ལྟར་ཏེ་སྣང་ཚོགས་གང་ཟག་ལ། །འདུལ་བ་མདོ་སྡེ་མངོན་པ་རྣམ་པ་གསུམ། །མཚན་ཉིད་སྡེ་གསུམ་གསུང་གིས་སྦྱངས་ཏེ་བཤད། ཅེས་དང་། རྒྱ་ཆེ་རོལ་པ་ལས། སྤྲུལ་སྐུའི་ཞིང་ཁམས་གླིང་བཞི་བྱེ་བྲག་བརྒྱ། །ཞིང་ཁམས་མཚན་ནི་མི་མཇེད་འཇིག་རྟེན་ཁམས། །སྟོན་པའི་མཚན་ནི་ཤཱཀྱ་ཐུབ་པ་ཡིས། །ཉན་ཐོས་སྐུ་དང་མཚན་ཉིད་གསུང་གིས་འདུལ། །ཞེས་སོགས་གསུངས་པའོ།། རྒྱས་པར་བཤད་པ། གཉིས་པ་རྒྱས་པར་བཤད་པ་ལ་གསུམ་སྟེ། ཆོས་སྐུ་དང་། ལོངས་སྐུ་དང་། སྤྲུལ་སྐུའོ། །དང་པོ་ཆོས་སྐུ་བསྟན་པ། ཆོས་སྐུ་ལ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་གནས་སམ་ཞིང་ཁམས་ནི། ཀུན་བྱེད་ལས། སྟོན་པ་ཆོས་སྐུའི་གནས་ནི་འདི་ལྟ་སྟེ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་སྟེ། །ཡང་དག་དོན་གྱི་འོག་མིན་དེ་རུ་བཤད། །ཅེས་དང་། བཤད་རྒྱུད་ལས། ནམ་མཁའི་མཐའ་ཀླས་ཆོས་ཀྱི་དབྱིངས། །མཐའ་དང་དབུས་མེད་གནས་ཀྱི་མཆོག །སྤྲོས་མེད་གནས་ཀྱིས་ཀུན་ལ་ཁྱབ། །ཀུན་བཟང་ཆོས་སྐུའི་གནས་ཆེན་པོ། །ཞེས་པས། སེམས་ཉིད་ལྷན་ཅིག་སྐྱེས་པ་ཡེ་ཤེས་ཀྱི་འོན་མིན་ཡིན་ཏེ། ཡེ་ཤེས་བླ་ན་མེད་པའི་རྒྱུད་ལས། སེམས་ཉིད་བདེ་སྟོང་ལྷན་ཅིག་སྐྱེས། །འོག་མིན་གཙང་མའི་གནས་མཆོག་གོ །ཞེས་གསུངས་པས། དགུལ་བྱའི་དོན་སྣང་བའི་སྟོན་པ་གསུམ་ལས། སྐྱེ་བ་མེད་པའི་ཆོས་ཀྱི་སྐུའི་བཞུགས་གནས། དོན་གྱི་འོག་མིན་ཡིན་པ་འདི་ལྟ་སྟེ། དོན་གང་གི་ཡང་འོག་ཏུ་མ་གྱུར་པས་འོག་མིན་ཏེ་ཆོས་ཉིད་སྤྲོས་པ་དང་བྲལ་ཞིང་། མུ་མཐའ་མེད་པའི་བྱིངས་ཀུན་ཏུ་བཟང་པོ། རྟེན་དང་བརྟེན་ཅན་ཐ་མི་དད་པར་བཞུགས་པའི་ཕོ་བྲང་སྟེ། མ་ནོར་ཞིང་མི་བསླུ་བས་ཡང་དག་པ་ཆོས་དབྱིངས་དོན་གྱི་འོག་མིན་ཞེས་བྱའོ། །ཞིང་ཁམས་ནི་ཀུན་བྱེད་ལས། སྟོན་པོ་ཆོས་སྐུས་འདུལ་བའི་ཞིང་ཁམས་ནི། །ཆོས་ཀྱི་དབྱིངས་ཀྱི་མཐའ་ཡིས་ཀླས་པ་དང་། །ནམ་མཁའི་ཁམས་ཀྱིས་ཇི་ལྟར་ཁྱབ་པ་དེ། །ཆོས་ཀྱི་སྐུ་ཡིས་འདུལ་བའི་ཁམས་ཡིན། །ཞེས་གསུངས་པས། ནམ་མཁའི་མཐའ་ཁྱབ་ཚད་དེ། སྟོན་པ་ཆོས་སྐུས་གདུལ་བའི་ཞིང་ཁམས་འདི་ཚོད་ཅིག་ཡིན་ཞེས་ཚད་བཟུང་དུ་མེད་དེ། དགེ་བའི་རྩ་བ་ཡོངས་སུ་འཛིན་པའི་མདོ་ལས། ཆོས་ཀྱི་སྐུའི་ཞིང་ཁམས་དེ་ཡི་ཚད་དམ་གྲངས་མདོ་ཙམ་ཞིག་བརྗོད་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཏིལ་གྱི་འབྲས་བུས་ཕྱུར་བུར་བཀང་སྟེ། དེ་ནས་ཏིལ་འབྲུ་རེ་རེ་ཕྱུང་ཞིང་ཤར་ཕྱོགས་ཀྱི་སངས་རྒྱས་ཀྱི་ཞིང་ཁམས་རེ་རེའི་སྟེང་དུ། ཏིལ་འབྲུག་རེ་རེ་བཞག་པས། ཏིལ་འབྲུས་སྟོང་གསུམ་གང་བ་དེ་ཤར་ཕྱོགས་ཀྱི་སངས་རྒྱས་ཀྱི་ཞིང་དུ་ཟད་པར་འགྱུར་བ་དེ་བཞིན་དུ་ཕྱོགས་བཅུའི་ཕྱོགས་རེ་རེར་ཡང་། ཏིལ་འབྲུ་དེ་བཞིན་དུ་ཟད་པར་གྱུར་པ་དེ། སྟོང་ཆེན་པོ་རབ་འབྱམས་ཀྱི་སངས་རྒྱ་ཀྱི་ཞིང་ཞེས་བྱ་སྟེ། ཆོས་ཀྱི་སྐུས་འདུལ་བའི་ཞིང་ཁམས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ཆོས་ཀྱི་སྐུ་ནི། ཆོས་ཀྱི་དབྱིངས་རྣམ་པར་དག་པ་དང་། མེ་ལོང་ལྟ་བུའི་ཡེ་ཤེས་དབྱིངས་དང་། ཡེ་ཤེས་དབྱེར་མེད་པ་ལ་བྱའོ། ། དེའི་སྟོབས་དང་མི་འཇིགས་པ་ལ་སོགས་པའི་་རྟེན་བྱེད་པའི་ཕྱིར་ན། སྐུ་ཞེས་བྱ་སྟེ། ཀུན་བྱེད་ལས། ཆོས་ཀྱི་སྐུ་ཡི་རང་བཞིན་བསྟན་པ་ནི། །མ་སྐྱེས་གཟུང་འཛིན་བྲལ་བའི་རང་བཞིན་ལས། །ཞེས་པ་དང་། ཡང་དེ་ཉིད་ལས། མི་རྟོག་མཉམ་པ་ཉིད་དུ་གནས་པ་དེ། སྤྲོས་བྲལ་ཆོས་ཀྱི་སྐུ་ཡི་ངོ་བོ་ཡིན། །ཞེས་པ་དང་། ཡང་དེ་ཉིད་ཀྱི་ལེའུ་བཅོ་ལྔ་པ་ལས། སངས་རྒྱས་བྱ་བ་གཞན་མེད་རང་སེམས་ཏེ། །རང་སེམས་མ་བཅོས་ཆོས་ཀྱི་སྐུ་རུ་བཤད། །ཅེས་དང་། མདོ་བཅུ་ལས། ཀུན་བཟང་རྒྱལ་བ་མཆོག་གི་ལྷ། །བྱ་ཆུབ་མཆོག་གི་སྙིང་པོ་ཡིན། །ཀུན་གྱི་སྟོན་པ་བྱང་ཆུབ་སེམས། །ཞེས་དང་། རང་བཞིན་དོན་གྱི་སྟོན་པ་ཀུན་ཏུ་བཟང་པོ་ནི། གདུལ་བྱའི་ངོ་བོར་སྣང་བའི་ཀུན་ཏུ་བཟང་པོ་ནི། སངས་རྒྱས་སྤྱིའི་གཟུགས་ཅན་སྐུ་ལྔ་ལྷུན་གྱིས་གྲུབ་པའི་རྡོ་རྗེ་འཆང་ཆེན་པོ་སྟེ། གཞི་རང་བཞིན་གྱི་རྣམ་པར་དག་པ་དང་། སྤང་བྱ་གློ་བུར་གྱི་དྲི་མ་རྣམ་པར་དག་པ་སྟེ། དག་པ་གཉིས་ལྡན་དེ་ཆོས་ཀྱི་སྐུའི་མཚན་ཉིད་དོ། །འཁོར་ཕུན་སུམ་ཚོགས་པ། གསུམ་པ་འཁོར་ནི། ཀུན་བྱེད་ལས། སྟོན་པ་ཆོས་ཀྱི་སྐུ་ཡི་འཁོར་བསྟན་པ། །ང་ཡིས་པའ་འཁོར་རྣམས་ཐམས་ཅད་ཀུན། །ང་ཡི་རང་བཞིན་ཆོས་སྐུའི་འཁོར་ཡིན་པས། །སངས་རྒྱས་སེམས་ཅན་སྣང་སྲིད་སྣོད་བཅུད་ཀུན། །སྟོན་པ་ཆོས་སྐུའི་འཁོར་དུ་མ་འདུས་མེད། །ཅེས་པས། སྟོན་པ་ཆོས་སྐུའི་འཁོར་ནི། དུས་གསུམ་གྱི་སངས་རྒྱས་ཐམས་ཅད་དང་། ཁམས་གསུམ་རྒྱུད་དྲུག་གི་སེམས་ཅན་ཐམས་ཅད་ཡིན་ཏེ། མདོ་བཅུ་ལས། སྟོན་པ་ཆོས་སྐུའི་འཁོར་བསྟན་པ། །དུས་གསུམ་སངས་རྒྱས་བཞུགས་པ་དང་། །ཁམས་གསུམ་རྒྱུད་དྲུག་སེམས་ཅན་ལ། །འབྲེལ་པ་ཕུན་སུམ་ཚོགས་པར་བཤད། །ཅེས་པས་རག་བཞིན་དོན་གྱི་འཁོར་རང་བྱུང་ཡེ་ཤེས་རིལ་པ་སྣང་བ་སྣ་ཚོགས་སུ་ཤར་བ་ཉིད་ལས་མི་ཞན་པའོ། །གདུལ་བྱའི་ངོར་སྣང་བའི་འཁོར་ནི། གཞི་ལམ་འབྲས་བུའི་འཁོར་རྣམ་པ་གསུམ་མོ་ཞེས་སོ། །བསྟནཔ་ཕུན་སུམ་ཚོགས་པ། བཞི་པ་བསྟན་པ་ནི། ཀུན་བྱེད་ལས། སྟོན་པ་ཆོས་སྐུའི་བསྟན་པ་འདི་ལྟ་སྟེ། གསང་བ་བསྐྱེད་དང་གསང་བ་རྫོགས་པ་དང་། གསང་བ་རྫོགས་པ་ཆེན་པོའི་རང་བཞིན་གསུམ། །ཀུན་གྱི་སྤྱོད་ཡུལ་མ་ཡིན་གསང་བར་བཤད། །ཅེས་གསུངས་པས། དོན་གྱི་བསྟནཔ་རང་བྱུང་ཡེ་ཤེས་ཀྱི་རང་བཞིན་མ་བཅོས་པའི་དོན་རང་ཤར་བ་ལས། གཞན་བཤད་པ་མེད་ཀྱང་། གདུལ་བྱའི་ངོར་བྱུང་བ་ནི། མ་ཧཱ་ཡོ་ག་ཐབས་ཕའི་རྒྱུད། ཨ་ནུ་ཡོ་ག་ཤེས་རབ་མའི་རྒྱུད། ཨ་ཏི་ཡོ་ག་དབྱེར་མེད་ཀྱི་རྒྱུད་དང་། ཐབས་ཤེས་རབ་གཉིས་མེད་ཀྱི་རྒྱུད་གསུམ་དུ་གྲགས་པ་ནི་ཆོས་ཆོས་སྐུའི་བསྟན་པའོ། །བསྟན་པ་དེ་གསུམ་ཆོས་སྐུས་ཇི་ལྟར་བཤད་ན། འདུན་མདོ་ནས། ཆོས་སྐུའི་བྱིན་གྱིས་བརླབས་ཀྱིས་བཤད་པ་ནི། །རང་བཞི་ཆོས་དབྱིངས་གཞལ་ཡས་ནས། །སྟོན་པ་ཀུན་ཏུ་བཟང་པོ་ནི། །མཚན་མའི་སྐུ་གསུང་མི་མངའ་བར། །ཆོས་ཉིད་སྐྱེ་བ་མེད་པ་དེས། །བཟང་ངན་བླང་དོར་མེད་པ་རུ། །ཀུན་བཟང་ཉིད་དུ་བྱིན་བརླབས་ནས། །རྡོ་རྗེ་སེམས་པའི་ཐུགས་ལ་བརྒྱུད། །བྱིན་གྱིས་བརླབས་ཀྱིས་བཤད་ཅེས་བྱ། །ཞེས་པ་དང་། བང་མཛོད་ལས། ཆོས་ཀྱི་སྐུ་ཡི་བཤད་ལུགས་ནི། །ངེས་པའི་དོན་ལ་དགོངས་ནས་ནི། །མི་རྟོག་ཐུགས་ཀྱི་སྒོ་ནས་ནི། །བྱིན་གྱིས་བརླབས་ཀྱིས་བཤད་པ་ཡིན། ཞེས་པ་དང་། གསང་བ་སྙིང་པོ་ལས། ཇི་ལྟར་གསུང་རབ་ཀུན་བརྗོད་ཀྱང་། །དེ་བཞིན་ཉིད་ཀྱིས་གསུངས་པ་མེད། །ཡེ་གེ་མེད་དང་རིག་པའི་གསུང་། །ལྗགས་ཀྱི་རྩེ་མོར་མ་བྱུང་ཡང་། །ཐུགས་རྗེ་གསུང་གི་བྱིན་བརླབས་ཀྱིས། །འགྲོ་དོན་སྣ་ཚོགས་སོ་སོར་གསལ། གསལ་ཉིད་གསུང་གི་རྡོ་རྗེ་མཆོག །དེ་བཞིན་གསུང་གི་འགྲོ་དོན་རྣམས། དེ་བཞིན་ངང་ལས་མ་གཡོས་ཀྱང་། །དཔེར་ན་བྲག་ཆའི་སྒྲ་བཞིན་ནོ། །ཞེས་གསུངས་པས། ཇི་ལྟར་སྒྲའམ་བརྡའི་སྒོ་ནས་གསུང་རབ་ཀྱི་དོན་ཀུན་ཚིག་ཡུ་བརྗོད་པ་ཐམས་ཅད་ཀྱང་བསྡུ་ན་གསུང་གི་རྣམ་གྲངས་ལྔའམ་དྲུག་ཏུ་འདུས་ཏེ། དེ་བཞིན་ཉིད་ཀྱི་དོན་བརྗོད་དུ་མེད་པའི་ཕྱིར། ཚིག་ཡུ་གསུངས་པ་མེད་པ་ནི། ཆོས་སྐུ་སྐྱེ་མེད་དོན་གྱི་གསུང་ངོ་། །དེ་ཉིད་མཚོན་བྱེད་ཀྱི་ཡི་གེ་མེད་པ་དང་། ལྗགས་ཀྱི་རྩེ་མོར་སྒྲ་ཚོག་ཏུ་མ་བྱུང་ཡང་། བརྡ་དོན་འཇལ་བར་བྱེད་པས་ན་ལོངས་སྐུ་དགོངས་པ་བརྡ་ཡི་གསུང་ངོ་། །དེ་ཉིད་ཀྱང་རང་རིག་པ་ཁོ་ནའི་ཕྱིར་རིག་པ་ཡེ་ཤེས་ཀྱི་གསུང་དེ་ནི་སྤྲོས་པ་དང་བྲལ་ཡང་། བརྩེ་བ་ཆེན་པོས་ཐམས་ཅད་ལ་ཁྱབ་པའི་ཐུགས་རྗེས་ཆོས་ཐམས་ཅད་དང་སྒྲ་ཐམས་ཅད་ཆོས་ཉིད་ཀྱི་ངང་དུ་ལྷུན་གྱིས་གྲུབ་པའི་གསུང་གི་བྱིན་རླབས་ཅིར་ཡང་མི་འགག་པ་ནི་རིག་པ་བྱིན་གྱིས་བརླབས་ཀྱི་གསུང་ངོ་། །འགྲོ་དོན་སྣ་ཚོགས་གདུལ་བྱའི་བསམ་པ་དང་མཐུན་པར་སོ་སོར་བརྡའི་དོན་དུས་གཅིག་ཏུ་གསལ་བར་སྟོན་པ་ནི་སྤྲུལ་སྐུ་བརྗོད་པ་ཚིག་གི་གསུང་ངོ་། །གསུང་ལྔ་ཡང་མ་འགག་པར་གསལ་བའི་དུས་ཉིད་ནའང་རང་བཞིན་ལས་གཡོས་པ་མེད་པར་གསུང་གི་མཆོག་དེ་ནི་དབྱེར་མེད་པ་རྡོ་རྗེའི་གསུང་ངོ་། །དེ་བཞིན་ཚིག་ཏུ་མ་བརྗོད་པར་གསལ་བར་གོ་བ་ལ་སོགས་པའི་གསུང་གི་སྒོ་ནས་འགྲོ་བ་སེམས་ཅན་གྱི་དོན་རྣམས་ཀྱང་དེ་བཞིན་ཉིད་ཀྱི་ངང་ལས་མ་གཡོས་པར་སྒྲའི་ཕྱེ་བྲག་ཐ་དད་པ་སྣ་ཚོགས་སུ་གྲགས་ཀྱང་དཔེར་ན་བྲག་གིས་མ་སྨྲས་བཞིན་དུ་བྲག་ཆའི་སྒྲ་སྐ་གོ་བ་ལ་སོགས་པ་ངག་གིས་ཇི་ལྟ་བརྗོད་པ་ལྟར་འབྱུང་བ་བཞིན་ནོ། །ཞེས་གསུང་གི་རྣམ་གྲངས་ལྔ་བྱུང་ཡང་། འདིར་ཆོས་སྐུ་སྐྱེ་མེད་དོན་གྱི་གསུང་དང་། བྱིན་གྱིས་བརླབས་ཀྱི་གསུང་དང་། རྡོ་རྗེའི་གསུང་དུ་ངོས་བཟུང་ན་འཐད་པར་སེམས་སོ། །དུས་ཕུན་སུམ་ཚོགས་པ། ལྔ་པ་ཆོས་སྐུས་འདུལ་བའི་དུས་ནི། སྔ་མ་དང་། ཕྱི་མ་དང་། ད་ལྟར་གསུམ་བྱ་བ་མེད་དེ་དུས་གསུམ་དུ་སྟོན་པར་མཛད་པ་ལས། དེ་ཡང་མདོ་བཅུ་ལས། སྔ་མ་ཕྱི་མ་ད་ལྟར་གསུམ། །ཁྱད་པར་མེད་པ་དོན་འདིས་བསྟན། །དུས་གསུམ་མེད་དེ་ཁྱད་པར་གཅིག །ཀུན་བཟང་ཡེ་ཤེས་མཆོག་ཐུགས་ལ། །སྔ་མ་མི་འགག་ཕྱི་མི་འགྲིབ། །ཅེས་པས། དོན་གྱི་དུས། དུས་གསུམ་རིགས་མེད་ཡིན་གྱི། གདུལ་བྱ་ལ་སྣང་བའི་དུས་ནི། ཕུན་སུམ་ཚོགས་པ་ལྔ་ལྡན་གྱི་དུས་སོ། །སྡུད་པ་པོ་ནི། དོན་གྱི་སྡུད་པ་པོའོ། །རང་རིག་ཡེ་ཤེས་ཆོས་སྐུར་ཆོས་རྣམས་ངང་གིས་བསྡུ་བའོ། །གདུལ་བྱ་ལ་སྣང་བ་ནི། སེམས་དཔའ་རྡོ་རྗེ་དང་། དགའ་རབ་རྡོ་རྗེ་ལ་སོགས་ཏེ། དེ་ཡང་བསྟན་པ་དེ་དག་སེམས་དཔའ་རྡོ་རྗེས་བསྡུས་ཏེ། དོན་མངོན་པར་རྟོགས་པའི་རིམ་པ་བློ་ལ་སྣང་བར་བྱས་ནི་དོན་གྱི་སྡུད་པ་པོ་ཡིན་ལ། དེ་ཉིད་དགའ་རབ་རྡོ་རྗེས་ཚིག་དང་ཡི་གེར་བཏབ་སྟེ། པོ་ཏི་དང་གླེགས་བམ་དུ་བྲིས་ཏེ་ལེགས་པར་བཀོད་པ་ནི་ཚིག་བསྡུད་པ་པོའོ། །གཉིས་པ་ལོངས་སྐུ་བསྟན་པ། གཉིས་པ་ལོངས་སྐུའི་བསྟན་པ་ལ་ཡང་། ཕུན་སུམ་ཚོགས་པ་ལྔའམ། ངེས་པ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་གནས་སམ་ཞིང་ཁམས་ནི། ཕལ་པོ་ཆེ་ལས། སྤྱིར་ཡང་ཆོས་རྣམས་མ་བྱུང་མ་སྐྱེས་ཏེ། །ཆིས་ཉིད་ནམ་མཁའ་སྟོང་པའི་ཁམས་དང་མཚུངས། །ཆོས་ཉིད་རྣམས་པར་དག་པའི་ངང་ཉིད་ལས། །ཆོས་ཅན་རྟེན་ཅིང་འབྲེལ་བའི་མཚན་ཉིད་ནི། །སྒྱུ་མ་ལྟ་བུ་བསམ་གྱིས་མི་ཁྱབ་པ། བདེ་བར་གཤེགས་པའི་ཐུགས་རྗེའི་བྱིན་རླབས་དང་། །སེམས་ཅན་རྣམས་ཀྱི་སྤྱི་མཐུན་ལས་དབང་གིས། གདུལ་བྱ་གཉེན་པོའི་ཚུལ་དུ་བྱུང་བ་ནི། །ཕྱི་ནང་སྣོད་བཅུད་རྣམ་པ་གཉིས་སུ་བྱུང་། །དེ་ཡང་དག་དང་མ་དག་གཉིས་སུ་སྣང་། །དེ་ལ་ཕྱོགས་བཅུའི་སྣོད་ཀྱི་འཇིག་རྟེན་ཁམས། །རྒྱ་ཆེ་གྲངས་མང་མཐའ་ཡས་བསམ་མི་ཁྱབ། །བརྗོད་ཀྱིས་མི་ལངས་སངས་རྒྱས་སྤྱོད་ཡུལ་ལོ། །ཞེས་པས། དག་པའི་སྲིད་པ་ལོངས་སྤྱོད་རྫོགས་སྐུའི་གནས་བསྟན་པ། །འཇིག་རྟེན་མཚན་མ་ཀུན་གྱི་སྟེང་གྱུར་པ། གནས་ཀྱི་འོག་མིན་ཁང་བུ་བརྩེགས་པ་ཡི། གཞལ་ཡང་ཁང་དེ་གནས་ཀྱི་འོག་མིན་བཤད། །ཅེས་དང་། བཤད་རྒྱུད་ལས། སྟོན་པ་ལོངས་སྤྱོད་རྫོགས་པའི་གནས་བསྟན་པ། །འོག་མིན་འོག་མིན་གནས་འོག་མིན། །རིན་ཆེན་གཞལ་ཡས་བཀོད་པ་ན། །རིན་ཆེན་ཁང་བུ་བརྩེགས་གནས་སོ། །ཞེས་པས། སྤྱིར་འོག་མིན་ཞེས་བྱ་བ་ནི། གོང་གང་གིས་ཀྱང་མ་ཆོད་པ་ཞིག་ལ་བྱ་སྟེ། བྱེ་བྲག་ཏུ་དབྱེ་ན། འོག་མིན་ལ་རྣམ་གྲངས་བདུན་ནམ་གསུམ་དུ་གསུངས་ཏེ། དང་པོ། རང་རིག་པའི་གོང་གང་གིས་ཀྱང་མ་ཆོད་པ་ནི་རིག་པའི་འོག་མིན། གཉིས་པ། དོན་ཆོས་ཉིད་ཀྱི་གོང་གང་གིས་ཀྱང་མ་ཆོད་པ་ནི་དོན་གྱི་འོག་མིན། གསུམ་པ། ལྟ་རྟོག་དབྱེར་མེད་ཀྱི་གོང་གང་གིས་ཀྱང་མ་ཆོད་པ་ནི་རྟོགས་པའི་འོག་མིན། བཞི་པ། ཡུལ་གྱི་མཁའི་བདེ་བ་གོང་གང་གིས་ཀྱང་མ་ཆོད་པ་ནི་གསང་བའི་འོག་མིན། ལྔ་པ། ཡོད་མིན་མེད་མིན་སྐྱེ་མཆེད་ནི་གྲངས་ཀྱི་འོག་མིན། དྲུག་པ། གཟུགས་ཁམས་ཀྱི་རྩེ་མོ་ནི། འཇིག་རྟེན་གནས་ཀྱི་འོག་མིན། བདུན་པ། ལོངས་སྤྱོད་ཆེན་པོའི་འོག་མིན་དང་བཅས་བདུན་ནོ། །ཡང་འོག་མིན་གསུམ་དུ་གསུངས་པ་ནི། དོན་གྱི་འོག་མིན། རྟགས་ཀྱི་འོག་མིན། འོག་མིན་ཆེན་པོའོ། །དོན་གྱི་འོག་མིན་ནི། ཆོས་ཀྱི་དབྱིངས་སྤྲོས་པའི་མཚན་མ་ཐམས་ཅད་དང་བྲལ་བ། བློའི་སྤྱོད་ཡུལ་ལས་འདས་པ་སྟེ། སྤྱིར་ཀུན་ལ་ཁྱབ་ཀྱང་ཆོས་སྐུའི་གནས་སོ། །རྟད་ས་ཀྱི་འོག་མིན་ནི། གནས་ཀྱི་འོག་མིན་ཡིན་ཏེ། སྟོན་པ་ལོངས་སྤྱོད་རྫོགས་པའི་སྐུ་བཞུགས་པའི་གནས་ཡིན་ཏེ། འཇིག་རྟེན་གྱི་ཁམས་འདི་བས་གཙང་མ་རིགས་ཀྱི་འོག་མིན་ཇི་ཙམ་དཔགས་སམ་གྲངས་སམ། ཡོན་ཏན་ཉིས་འགྱུར་གྱི་དཔགས་པའི་སྟེང་ན། གནས་ཀྱི་འོག་མིན་ཞེས་བྱ་སྟེ། ལང་ཀར་གཤེགས་པ་ལས། རིན་ཆེན་སྣ་ཚོད་ས་མཛེས་པ་ཡི། །འོག་མིན་གནས་ནི་ཉམས་དགའ་བར། གཙང་མའི་གནས་ཀྱི་སྟེང་བཞུགས་ནས། །ཡང་དག་རྫོགས་སངས་དེར་སངས་རྒྱས། སྤྲུལ་པ་པོ་ཞིག་འདིར་འཚང་རྒྱ། །ཞེས་པས། དེ་ལྟ་བུའི་འོག་མིན་ནི་ཀུན་རིག་རྣམ་པར་སྣང་མཛད་ཀྱི་བཞུགས་པའི་གནས་ཡིན་ཏེ། རིང་བའི་རྒྱུ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྨོན་ལམ་གྱི་མཐུ་ལས་གྲུབ་པ། ཉེ་བའི་རྒྱུ་རིན་པོ་ཆེ་སྣ་ལྔ་ལས་གྲུབ་པའི་གཞལ་མེད་ཁང་བརྩེགས་པ། ཀ་བ་བྱེ་བ་བདུན་འབུམ་དགུ་ཁྲིས་བཏེགས། སངས་རྒྱས་ལོངས་སྤྱོད་རྫོགས་པའི་སྐུ་བསམ་གྱིས་མི་ཁྱབ་པ་བཞུགས་པའི་གནས་སོ། །ཞིང་དེ་ཡང་ཡོན་ཏན་གྱི་རྣམ་པ་ཐམས་ཅད་མ་ཚང་བ་མེད་པ། སྐྱོན་གྱི་རྣམ་པ་ཐམས་ཅད་མ་སྤངས་པ་མེད་པ། མདོར་ན་སྣོད་ལ་ཆགས་འཇིག་མེད་ཅིང་། བཅུད་ལ་སྐྱེ་འཆི་མེད་པས་སངས་རྒྱས་ཀྱི་དེ་ལ་དག་པའི་སྲིད་པ་ཞེས་བྱའོ། །ལོངས་སྤྱོད་རྫོགས་པའི་སྐུས་གདུལ་བའི་ཞིང་ཁམས་གཞི་དང་སྙིང་པོ་མེ་ཏོག་གི་བརྒྱན་པ་ཞེས་བྱ་བ་དེ་ལ། གནས་ལུགས་སམ། རྒྱའི་གྲངས་ཇི་ཙམ་ཞིག་ཡོད་ཅེ་ན། མདོ་ཁལ་པོ་ཆེའི་ལེའུ་ལྔ་པ་ལས། ཀྱི་རྒྱལ་བའི་སྲས་དག་འཇིག་རྟེན་གྱི་ཁམས་གཞི་དང་སྙིང་པོ་མེ་ཏོག་གི་བརྒྱན་པ་འདི་ཡང་། རྒྱུ་རིན་པོ་ཆེ་སྣ་ཚོཊ་ཀྱི་དཀྱིལ་འཁོར་རི་རབ་ཀྱི་རྡུལ་ཕྲ་རབ་ཇེ་སྙེད་ཀྱིས་ཡོངས་སུ་བཟུང་སྟེ། རླུང་གི་དཀྱིལ་འཁོར་ཀུན་གྱི་འོག་ཐག་མ་ནི་གཞི་སྙིང་ཀུན་ཏུ་སྟོན་པ་ཞེས་བྱའོ། །སྟེ་ཐག་མ་ནི་གཟི་བརྗིད་དཔལ་གྱི་སྙིང་པོ་ཞེས་བྱ་བའི་པདྨ་ཆེན་པོ་ཞིག་བྱུང་། པདྨ་དེ་ཡི་སྟེང་ན་འཇིག་རྟེན་གྱི་ཁམས་གཞི་དང་སྙིང་པོ་མེ་ཏོག་གིས་བརྒྱན་པ་ཞེས་བྱ་བ་སྟེ། ཕྱི་ཡི་ལྕགས་རི་གྲུ་བཞི་ཆེན་པོ་གཅིག་གིས་བསྐོར་བའི་ནང་ན། གླིང་བཞི་རི་རབ་རྒྱ་མཚོ་དང་བཅས་པ་རི་རབ་ཀྱི་རྡུལ་ཕྲ་རབ་ཇི་སྙེད་ཅིག་ཡོད་པའི་གྲངས་དང་མཉམ་པ་ཡོད་དེ། འདི་སྐད་དུ། དེ་སྟེང་རྡུལ་ཕྲན་སངས་རྒྱས་སྙེད་པ་ཡང་། །འཇིག་རྟེན་རྡུལ་སྙེད་གྲུབ་པ་དེ་ཡི་ཚུལ། །ཡས་མས་འཕངས་སུ་རྒྱ་དེབ་བརྩེགས་པ་འདྲ། །ཕན་ཚུན་རྒྱ་ནི་ཟ་འོག་བེར་ཁྱིམ་འདྲ། །ཀུན་ནས་གྲུབ་བཞི་དག་ཤིན་ཏུ་མཛེས། །ཕན་ཚུན་རྒྱ་ནི་ཟ་འོག་བེར་ཁྱིམ་འདྲ། །ཀུན་ནས་གྲུབ་བཞི་རྣམ་དག་ཤིན་ཏུ་མཛེས། །རིན་ཆེན་ནོར་བུའི་རྒྱལ་སལ་གྲུབ་པ་ཡིས། །སྲ་བརྟན་མི་ཤིགས་རྡོ་རྗེའི་རཱ་བས་བསྐོར། །རྣམ་སྣང་གངས་ཆེན་མཚོ་ཡི་ཞིང་ཁམས་ལགས། །ཞེས་པ་དང་ཀྱི་རྒྱལ་བའི་སྲས་དག་འཇིག་རྟེན་གྱི་ཁམས་དེའི་འདབ་ཆགས་པ་ན། འཇིག་རྟེན་གྱི་ཁམས་འདི་སྐད་ཅེས་བྱ་བ་ཡོད་དེ། དེ་ཡི་ཡང་འདབ་ཆགས་ན་འདི་སྐད་ཅེས་བྱ་བ་ཡོད་དེ། དེ་ཡི་འདབ་ཆགས་ན་འདི་སྐད་ཅེས་བྱ་བའང་ཡོད་དོ། །ཞེས་ལེའུ་བརྒྱད་པ་ལས་གསུངས་པ་ལྟར་ཡིན་ནོ། །ཡང་ཕལ་པོ་ཆེའི་ལེའུ་དགུ་པ་ལས། དེ་ལྟར་རྒྱལ་བའི་ཞིང་ཁམས་བསམ་ཡས་ཀྱང་། །དེ་དག་ཀུན་གྱི་དབུས་ན་གནས་པ་ནི། །ཟེ་བ་ཡིད་དུ་འོང་བའི་འཇིག་རྟེན་ཁམས། །འོད་ཟེར་མཐའ་ཡས་བྱ་བའི་འཇིག་རྟེན་ན། །ནོར་བུའི་རྒྱལ་མཚན་བྱང་ཆུབ་སེམས་པའི་ལུས། གཞི་སྙིང་སྤོས་དང་ནོར་བུའི་རྒྱལ་པོ་ཡིས། །བརྒྱན་པའི་རྒྱན་ཞེས་བྱ་བའི་པདྨ་བྱུང་། པདྨ་དེ་ཡི་སྟེང་ན་འཇིག་རྟེན་ཁམས། །ཕྱོགས་བཅུ་ཀུན་ནས་རིན་ཆེན་འབར་བའི་འོད། །སྣང་བ་ཅན་ཞེས་བྱ་བའི་འཇིག་རྟེན་ལ། །རིན་ཆེན་ཀུན་འབར་བའི་འོད། །སྣང་བ་ཅན་ཞེས་བྱ་བའི་འཇིག་རྟེན་ལ། །རིན་ཆེན་ཀུན་གྱིས་མཛེས་པའི་རྒྱན་དུ་སྤྲས། །ཕྱོགས་བཅུ་བརྗོད་དུ་མེད་པའི་ཞིང་གིས་བསྐོར། །དེ་རྣམས་ལོངས་སྤྱོད་རྫོགས་པའི་ཞིང་ཁམས་ཡིན། །ཞེས་གསུངས་པས། གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་དེ་ཉིད། ལོངས་སྤྱོད་རྫོགས་པའི་སྐུས་གདུལ་བའི་ཞིང་ཁམས་ཏེ། དེ་ཡང་གླིང་བཞི་ཉི་ཟླ་རི་རབ་དང་འབྱམས་ཀྱི་མཚམས་སྦྱོར་གཅིག དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་གཅིག དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་བར་མ་གཅིག །དེ་བྱེ་ཕྲག་བརྒྱ་ནི་གཞི་དང་སྙིང་པོ་མེ་ཏོག་གིས་རྒྱན་བཀོད་པ་སྟེ། ལོངས་སྐུ་ཉག་གཅིག་གིས་འདུལ་བའི་ཞིང་ཁམས་ཀྱི་ཚད་དོ། །འོག་མིན་ཆེན་པོ་ནི། དེ་གཉིས་ཐ་དད་མེད་པའི་སེམས་ཉིད། རང་བྱུང་གི་དབྱིངས་དང་ཡེ་ཤེས་འདུ་འབྲལ་མེད་པའི་དོན། གདུལ་བྱ་སུ་ཡི་ཡང་བློའི་ཉམས་འོག་མ་ཚུད་པ་དེའོ། །དེ་ཀ་ལ་འོག་མིན་གྱི་གནས་ཞེས་ཀྱང་བྱ་སྟེ། དོན་དེ་ཡོན་ཏན་གྱིས་མངོན་པར་མཐོ་སྟེ། མཚན་མའི་མཐའ་གང་གི་ཡང་འོག་ཏུ་མ་གྱུར་པ་དང་། འཁོར་འདས་ཀྱི་ཆོས་ཐམས་ཅད་དེ་བཞིན་གཤེགས་པ་རྣམས། རྟེན་དང་བརྟེན་ཅན་དབྱེར་མེད་པའི་ཚུལ་གྱིས་བཞུགས་པའི་ཕྱིར་རོ། །དེ་ནི་ངེས་པ་ལྔ་དང་སྦྱར་ན་གནས་ངེས་པ་འོག་མིན་གྱི་གནས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ལ་ལོངས་སྤྱོད་རྫོགས་པའི་སྐུ་ནི། དེ་ཡང་ཡིད་ཀྱི་རྣམ་པར་ཤེས་པ་གནས་གྱུར་པ། སོ་སོར་རྟོག་པའི་ཡེ་ཤེ་དང་ཉོན་ཡིད་གནས་གྱུར་པ་མཉམ་པ་ཉིད་ཀྱི་ཡེ་ཤེས་སོ། །དེའི་འཁོར་ན་གནས་ཀྱི་བྱང་ཆུབ་སེམས་དཔའ་རྣམས་དང་། ཐེག་པ་ཆེན་པོའི་ཆོས་ལ་རྫོགས་པར་ལོངས་སྤྱོད་པས། ལོངས་སྤྱོད་རྫོགས་པའི་སྐུ་ཞེས་བྱ་སྟེ། མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ་སྟེ། དེ་ལའང་གཉིས་ཏེ། ཐུན་མོང་གི་མཚན་དཔེ་དང་། ཐུན་མོང་མ་ཡིན་པའི་མཚན་དཔེའོ། །ཐུན་མོང་གི་མཚན་དཔེ། དང་པོ་ཐུན་མོང་གི་མཚན་སུམ་ཅུ་རྩ་གཉིས་ནི། མངོན་རྟོགས་རྒྱན་ལས། ཕྱག་ཞབས་འཁོར་ལོས་མཚན་དང་རུས་སྦལ་ཞབས། །ཕྱག་དང་ཞབས་སོར་དྲྭ་བས་འབྲེལ་བ་དང་། །ཕྱག་དང་ཞབས་བཅས་འཇམ་ཞིང་གཞོན་ཤ་ཆགས། །འདི་ཡི་སྐུ་ནི་བདུན་དག་མཐོ་བ་དང་། །སོར་མོ་རིང་དང་རྟིང་ཡང་སྐུ་ཚེ་དྲང་། ཞབས་འབུར་མི་མངོན་སྤུ་ནི་གྱེན་དུ་ཕྱོགས། །བྱིན་པ་ཨེ་ན་ཡ་འདྲ་ཕྱག་རིང་མཛེས། །འདོམས་ཀྱི་སྦ་བ་སྦུབས་སུ་ནུབ་པའི་མཆོག །པགས་པ་གསེར་མདོག་པགས་པ་སྲབ་པ་དང་། །སྤུ་ན་རེ་རེ་ནས་ཀྱང་གཡས་ལེགས་འཁྲུངས། ཞལ་མཛོད་སྤུས་བརྒྱན་རོ་སྟོད་སེང་གེ་འདྲ། །འདི་ཡི་དཔུང་པའི་མགོ་ཟླམ་ཐལ་གོང་རྒྱས། །འདི་ལ་རོ་མི་ཞིམ་པ་རོ་མཆོག་སྣང་། །སྐུ་ནི་ནྱཱ་གྲོ་དྷ་ལྟར་ཆུ་ཞེང་གབ། གཙུག་ཏོར་ཡར་འཕགས་ལྗགས་རིང་མཛེས་པ་དང་། །ཚངས་དབྱངས་འགྲམ་པ་སེང་གེ་འདྲ་དང་ཚེམས། །ཤིན་ཏུ་དཀར་དང་ཚད་མཉམ་ཐགས་བཟང་དང་། གྲངས་ནི་བཞི་བཅུ་ཐམ་པ་ཚང་བ་དང་། །སྦྱན་ནི་མཐོན་མཐིང་སྤྱན་རྫི་བ་མཆོག་གི། །འདྲ་བ་འདི་དག་སུམ་ཅུ་རྩ་གཉིས་མཚན། ཞེས་དང་། དཔེ་བྱད་བཟང་པོ་བརྒྱད་ཅུ་ཡང་། དེ་ཉིད་ལས། ཐུབ་པའི་སོན་མོ་ཟང་མདོག་དང་། །མདོག་སྣུམ་མཐོ་དང་མདུད་པ་མེད། །ལོང་བུ་མི་མངོན་ཞབས་མཉམ་དང་། །སེང་གེ་གླང་ཆེན་བྱ་དང་ནི། །ཁྱུ་མཆོག་སྟབས་གཤེགས་གཡས་ཕྱོགས་དང་། །མཛེས་གཤེགས་དྲང་དང་འཁྲིལ་བག་ཆགས། །བྱི་དོར་བྱས་འདྲ་རིམ་པར་འཚམས། གཙང་དང་འཇམ་དག་དག་པའི་སྐུ། །སྐུ་ཡི་ཁོ་ལག་ཡངས་ཤིང་བཟང་། གོམ་སྙོམས་པ་དང་སྤྱན་གཉིས་ནི། །དག་དང་གཞོན་ཤ་ཅན་ཉིད་དང་། །སྐུ་ཞུམ་མེད་དང་རྒྱས་པ་དང་། །ཤིན་ཏུ་གྲིམས་པའི་སྐུ་ཉིད་དང་། །ཡན་ལག་ཤིན་ཏུ་རྣམ་འབྱེས་དང་། གཟིགས་པ་དྲི་མེད་དག་པ་དང་། །སྐུ་ཟླུམ་སྐབས་ཕྱིན་མ་སྙོངས་དང་། །ཕྱ་ལེ་བ་དང་ལྟོ་བ་དག །ཟབ་དང་གཡས་ཕྱོགས་འཁྱིལ་བ་དང་། །ཀུན་ནས་ལྷ་ན་སྡུག་པ་དང་། །ཀུན་སྤྱོད་གཙང་དང་སྐུ་ལ་ནི། །སྨེ་རིང་མདངས་ཡོད་ཟབ་རིང་དང་། །ཞ་ནི་ཧ་ཅང་མི་རིང་པ་དང་། །མཆུ་ནི་བིམ་མདངས་ཡོད་ཟབ་རིང་དང་། །ཞལ་ནི་ཧ་ཅང་མི་རིང་དང་། །དམར་དང་འབྲུག་གི་སྒྲ་ཉིད་དང་། གསུང་སྙན་འཇམ་དང་མཆེ་བ་ཟླུམ། །རྣོ་དང་དཀར་དང་མཉམ་པ་དང་། སྤྱན་ཡངས་པ་དང་རྫི་མ་སྟུག །པདྨའི་འདབ་མ་འདྲ་བ་དང་། །སྨིན་ཚུགས་རིང་དང་འཇམ་དང་། ཉམས་པ་རྣམ་པར་ཡངས་པ་དང་། །དཔྲལ་བ་ལེགས་པར་དབྱེས་པ་དང་། །དབྱེས་ཆེ་བ་དང་དབུ་རྒྱས་དང་། །དབུ་སྐྲ་བུང་བ་ལྟར་གནག་དང་། །སྟུག་དང་འཇམ་དང་མ་འཛིངས་དང་། །མི་གཤོར་དྲི་ཞིམ་སྐྱེས་བུ་ཡི། །ཡིད་ནི་འཕྲོག་པར་བྱེད་པ་དང་། །དཔལ་བེའུ་དང་ནི་བཀྲ་ཤིས་ནི། གཡུང་དྲུང་འཁྱིལ་བས་བརྒྱན་པ་རྣམས། །སངས་རྒྱས་དཔེ་བྱད་བཟང་པོར་བཞེད། ཅེས་སོ། །འདི་རྣམས་ལ་ཐུན་མོང་གི་མཚན་དཔེར་འཇོན་པའི་རྒྱུ་མཚན་ནི། སྟོན་པ་སྤྲུལ་པའི་སྐུ་དང་། སྟོང་འཁོར་ལོས་བསྒྱུར་བའི་རྒྱལ་པོ་ལ་ཡང་ཡོད་ལ། ཐ་མལ་པའི་སེམས་ཅན་རྣམས་ལའང་སྣ་རེ་ཙམ་ཡོད་པའི་ཕྱིར་རོ། ། ཐུན་མོང་མ་ཡིན་པའི་མཚན་དཔེ། ཐུན་མོང་མ་ཡིན་པའི་མཚན་དཔེ་ནི་གསུམ་སྟེ། ཕྱི་ཡི་མཚན་དཔེ་ནི་དཀྱིལ་འཁོར་གྱི་གཙོ་བོ་ཡབ་ཡུམ་གྱི་ཐུགས་རིག་པ་རང་བྱུང་གི་ཡེ་ཤེས་ཐབས་ཀྱི་སྣང་ཆ་ལས་སེམས་དཔའ་བཅུ་དྲུག་སྟེ་དབྱིངས་དང་། རྣམ་པར་དག་པ་ཤེས་རབ་ཀྱི་སྣང་ཆ་ལས་སེམས་མ་བཅུ་དྲུག་སྟེ། དེ་ལྟར་སུམ་ཅུ་རྩ་གཉིས་ནི་མཚན་བཟང་པོ་སུམ་ཅུ་རྩ་གཉིས་སོ། །འོ་ན་སེམས་དཔའ་བརྒྱད། སེམས་མ་བརྒྱད་དེ། བཅུ་དྲུག་ཏུ་བཤད་པ་དང་འགལ་ལོ་ཞེ་ན། དེ་ནི་རྒྱུ་བསྐལ་བཟང་གི་སེམས་དཔའ་བཅུ་དྲུག་དང་སེམས་མ་བཅུ་དྲུག་ཡིན་ལ། འདིར་འབྲས་བུ་དཔེ་བྲལ་གྱི་སེམས་དཔའ་ཡབ་བཅུ་དྲུག་ཡུམ་བཅུ་དྲུག་སྟེ་སུམ་ཅུ་རྩ་གཉིས་སོ། །དེ་ལྟར་འབྲས་བུའི་སེམས་དཔའ་ཡབ་ཡུམ་བཅུ་དྲུག་པོ་རེ་རེ་ལའང་དབུ་རྒྱན་གྱི་ལྷ་ལྔ་ལྔ་སྟེ་ལྷ་བརྒྱད་ཅུ་ནི་དཔེ་བྱད་བཟང་པོ་བརྒྱད་ཅུའོ། །དེ་ཡང་སྤྱི་མདོ་ལས། མཚན་གྱི་མེ་ཏོག་ལ་དཔེ་ཀུན་ནས་རྒྱས་པའོ། །ཞེས་དང་། གསང་སྙིང་གི་ལེའུ་དྲུག་པ་ལས། མཚན་དཔེ་བྱད་ཐམས་ཅད་རྫོགས། གསང་སྙིང་གི་ལེའུ་དྲུག་པ་ལས། །ཞེས་གསུངས་པས་སོ། །འོ་ན་དེ་ལྟར་སེམས་དཔའ་སེམས་མ་སུམ་ཅུ་རྩ་གཉིས་པོ་དེ་འཁོར་དུ་འདུག་པ་ལ། རྒྱན་དུ་ཅིར་འགྱུར་ཞེ་ན། རྒྱན་གྱི་དོན་ནི་མཛེས་པར་བྱེད་པ་ཡིན་ལ། འདིར་ལོངས་སྤྱོད་རྫོགས་པའི་སྐུ་མཛེས་པར་བྱེད་པ་སེམས་དཔའ་སེམས་མ། དེ་མཛེས་པར་བྱེད་པ་དབུ་རྒྱན་ཏེ། དཔེར་ན་སློབ་དཔོན་མཛེས་པར་བྱེད་པ་གྲཱ་པ། གྲཱ་མཛེས་པར་བྱེད་པ་ཐང་ཞུ་ལྟ་བུ་ཡིན་ཞེས་བླ་མ་གོང་མ་རྣམས་ཀྱིས་གསུངས་སོ། །ནང་གི་མཚན་དཔེ་ནི། སྤྱི་བོ་བདེ་བ་ཆེན་པོའི་འཁོར་ལོ་ལ་རྩ་འདབ་སུམ་ཅུ་རྩ་གཉིས་ནི་མཚན་སུམ་ཅུ་རྩ་གཉིས་དང་ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི། མགྲིན་པ་ལོངས་སྤྱོད་འཁོར་ལོ་རྩ་འདབ་བཅུ་དྲུག་སྟེ། བརྒྱད་ཅུ་ནི་དཔེ་བྱད་བཟང་པོ་བརྒྱད་ཅུའོ། །གསང་བའི་མཚན་དཔེ་ནི། སྟོན་པ་ཡབ་ཡུམ་གཉིས་རོལ་བའི་དུས་ན། ཡབ་ཀྱི་དགའ་བ་བཅུ་དྲུག་དང་། ཡུམ་གྱི་དགའ་བ་བཅུ་དྲུག་སྟེ། སུམ་ཅུ་རྩ་གཉིས་ནི་མཚན་བཟང་པོ་སུམ་ཅུ་རྩ་གཉིས་སོ། །འོ་ན་དགའ་བ་བཞིར་གསུངས་པ་ལ་བཅུ་དྲུག་ཏུ་ཇི་ལྟར་འགྱུར་ཞེ་ན། བླ་མ་གོང་མ་རྣམས་ནི། དགའ་པའི་དགའ་བ། དགའ་བའི་མཆོག་དགའ། དགའ་བའི་དགའ་བྲལ། དགའ་བའི་ལྷན་ཅིག་སྐྱེས་དགའ་ལ་སོགས་པ། དགའ་བའི་དགའ་བྲལ། དགའ་བའི་ལྷན་ཅིག་སྐྱེས་དགའ་ལ་སོགས་པ། དགའ་བ་རེ་རེ་ལའང་བཞི་བཞི་སྟེ་བཅུ་དྲུག་ཏུ་བཞེད་དོ། །དུས་ཀྱི་འཁོར་ལོའི་འགྲེལ་པ་དྲི་མ་མེད་པའི་འོད་ལས། སྒུ་གསུང་ཐུགས་ཡེ་ཤེས་བཞི་རེ་རེ་ལའག་དགའ་བ་བཞི་བཞི་སྟེ་བཅུ་དྲུག་ཡུ་བཤད་དོ། །དེ་ལ་ཐབས་ཤེས་གཉིས་ཀྱིས་ཕྱེ་བས་མཚན་སོ་གཉིས་སོ། །དགའ་བ་བཅུ་དྲུག་པ་རེ་རེ་ལའང་ཡེ་ཤེས་ལྔ་ལྔའི་རོ་དང་ལྡན་པས། ཡེ་ཤེས་བརྒྱད་ཅུ་ནི་དཔེ་བྱད་བརྒྱད་ཅུའོ། །འོ་ན་ནང་དང་གསང་བའི་མཚན་དཔེ་རྩ་དང་ཁམས་ཀྱི་རང་བཞིན་དུ་འདུག་པ་ལ། རྒྱན་དུ་ཅིར་འགྱུར་ཞེ་ན། ལོངས་སྤྱོད་རྫོགས་པའི་སྐུ་ལ་རྩ་ཁམས་རྣམ་པར་དག་པ་བདེ་བ་ཆེན་པོའི་རང་བཞིན་དུ་རོ་མཉམ་པ་ནི། མཛེས་པའི་ནག་ནས་མཛེས་པ་ཆེན་པོ་སྟེ། རྒྱན་གྱི་ ནང་ནས་མཆོག་ཡིན་ནོ། །དེ་དག་ནི་སྐུ་ངེས་པ་མཚན་དཔེས་བརྒྱན་པའོ། །འཁོར་ཕུན་སུམ་ཚོགས་པ། གསུམ་པ་འཁོར་ནི་ས་བཅུའི་བྱང་ཆུབ་སེམས་དཔལ་སྟེ། ཀུན་བྱེད་ལས། སྟོན་པ་ལོངས་སྤྱོད་རྫོགས་པའི་འཁོར་བསྟན་པ། །མོས་སྤྱོད་བཞི་ཡི་ས་ལས་འདས་པ་སྟེ། །དང་པོ་རབ་ཏུ་དགའ་བའི་ས་ནོན་ནས། །ས་བཅུ་ཆོས་ཀྱི་སྤྲིན་གྱི་ས་པ་རྣམས། །སྟོན་པ་ལོངས་སྤྱོད་རྫོགས་པའི་འཁོར་དུ་བསྟན། །ཅེས་དང་། མདོ་བཅུ་ལས། སྟོན་པ་ལོངས་སྤྱོད་རྫོགས་སྐུའི་འཁོར། །མི་རྟོག་ཏིང་འཛིན་བཅུ་སྦྱོང་བའི། །ས་གནས་པའི་བྱང་ཆུབ་སེམས། །ཉོན་མོངས་མི་གནས་ཤེས་བྱ་སྦྱོང་། །ཡེ་ཤེས་ཆོགས་དང་ཐུགས་རྗེར་འབྲེལ། །ཞེས་པས། རྒྱུ་བསྐལ་བཟང་གི་སེམས་དཔའ་ཡབ་ཡུམ་བཅུ་དྲུག་དང་། འབྲས་བུ་དཔེ་བྲལ་གྱི་སེམས་དཔའ་ཡབ་ཡུམ་བཅུ་དྲུག་སྟེ། སོ་གཉིས་སོ། །དེ་ཡང་རྒྱུ་བསྐལ་བཟང་གི་སེམས་དཔའ་བཅུ་དྲུག་ནི། སའི་སྙིང་པོ། ནམ་མཁའི་སྙིང་པོ། སྤྱན་རས་གཟིགས། ཕྱན་ན་རྡོ་རྗེ། བྱམས་པ། སྒྲིབ་པ་རྣམ་སེལ། ཀུན་བཟང་། འཇམ་དཔལ་རྣམས་དང་། ལཱ་སྱེ། མཱ་ལྱེ། གཱི་རྟི། ནཱི་རྟི། རྷཱུ་པེ། པུཥེ། ཨཱ་ལོ་ཀེ། གདྡྷེ་མའོ། །འབྲས་བུ་དཔེ་བྲལ་གྱི་སེམས་དཔའ་ནི། རྡོ་རྗེ་སེམས་དཔའ། རྡོ་རྗེ་རྒྱལ་པོ། རྡོ་རྗེ་ཆགས་པ། རྡོ་རྗེ་ལེགས་པ། རྡོ་རྗེ་རིན་ཆེན། རྡོ་རྗེ་གཟི་བརྗིད། རྡོ་རྗེ་རྒྱལ་པོ། རྡོ་རྗེ་བཞད་པ། རྡོ་རྗེ་ཆོས། རྡོ་རྗེ་རྣོན་པོ། རྡོ་རྗེ་འཁོར་ལོ། །རྡོ་རྗེ་སྨྲ་བ། རྡོ་རྗེ་ལས། རྡོ་རྗེ་སྲུང་བ། རྡོ་རྗེ་གནོད་སྦྱིན། རྡོ་རྗེ་ཁུ་ཚུར་རྣམས་དང་། རྡོ་རྗེ་སྒེག་མོ་མ། དྷུ་པེ་མ། ལྕགས་ཀྱུ་མ། སྒྲོལ་མ། རྡོ་རྗེ་ཕྲེང་མ། མེ་ཏོག་མ། ཞགས་པ་མ། བདེ་བྱེད་མ། རྡོ་རྗེ་དབྱངས་མ། སྒྲོན་མེ་མ། ལྕགས་སྒྲོག་མ། གསལ་བཀྲ་མ། རྡོ་རྗེ་གར་བསྒྱུར་མ། དྲི་ཆབ་མ། དྲིལ་འཁྲོལ་མ། འབེབས་བྱེད་མའོ། །དེ་ལ་སོགས་ཏེ། ས་ཆེན་པོ་ལ་རབ་ཏུ་གནས་པ་རྣམས་ནི། འཁོར་ངེས་པ་ས་བཅུའི་བྱང་ཆུབ་སེམས་པའོ། །བསྟན་པ་ཕུན་སུམ་ཚོགས་པ། བཞི་པ་བསྟནཔ་ནི། ཀུན་བྱེད་ལས། སྟོན་པ་ལོངས་སྤྱོད་རྫོགས་སྐུའི་བསྟན་པ་ནི། །བྱ་བ་བྱེད་པའ་ཕྱི་རྒྱུད་སྡེ་གསུམ་སྟེ། །ཞེས་པ་དང་། བཤད་རྒྱུད་ལས། ཀྲྀ་ཡ་ཨུ་པ་ཡོ་ག་གསུམ། །ལོངས་སྤྱོད་རྫོགས་སྐུའི་གསུང་དུ་གྲགས། ཞེས་པས། སྔགས་ཀྱི་ཕྱི་རྒྱུད་སྡེ་གསུམ་པོ་འདི་ལོངས་སྤྱོད་རྫོགས་སྐུའི་སྐུ་གསུང་ཐུགས་ཏེ། བཤད་རྒྱུད་ལས། ལོངས་སྤྱོད་རྫོགས་སྐུའི་རང་བཞིན་ནི། གཟའ་སྐར་དུས་ཚེས་བཟང་སྒོ་ནས། །དག་པ་གསུམ་སྤྱོད་རིགས་གསུམ་སྒྲུབ། །རྒྱན་དང་ཆ་ལུགས་རྡོ་རྗེ་འཛིན། །ལོངས་སྤྱོད་རྫོགས་སྐུའི་རང་བཞིན་ནོ། །ཞེས་པ་དང་། གསུང་ནི་ཨུ་པ་ཡ་སྟེ། བཤད་རྒྱུད་ལས། ལོངས་སྤྱོད་གསུང་གི་རང་བཞིན་ནི། །ཀྲྀ་ཡ་ཡོ་ག་བྱི་ནང་གསུམ། །དམ་ཚིག་སྒྲུབ་དང་གྲུབ་པ་ཡིས། །ཏནྣཱ་སྡེ་གསུམ་གསུངས་པ་ཡང་། ལོངས་སྤྱོད་གསུང་གི་རང་བཞིན་ནོ། །ཞེས་པ་དང༌། ཐུགས་ནི་ཡོ་གའི་རང་བཞིན་ཏེ། བཤད་རྒྱུད་ལས། ལོངས་སྤྱོད་ཐུགས་ཀྱི་རང་བཞིན་ནི། །མཚན་མེད་སྒོ་ནས་སྟུག་པོ་བཀོད། །ཕྱག་རྒྱ་བཞི་ལྡན་དཔལ་བེ་འུ། །ལོངས་སྤྱོད་ཐུགས་ཀྱི་རང་བཞིན་ནོ། །ཞེས་སོ། །ལོངས་སྐུའི་བསྟན་པ། གངས་སྔགས་ཕྱི་རྒྱུད་སྡེ་གསུམ་པོ་འདི་དག་ཚུལ་ཇི་ལྟར་བཤད་ན། བང་མཛོད་ལས། ལོངས་སྤྱོད་རྫོགས་སྐུའི་བཤད་ལུགས་ནི། །རང་གི་ངོ་བོ་བཤད་པས་ཏེ། །ལྡེམ་དགོངས་དོན་ལ་དགོངས་ནས་ནི། །མཚན་དང་ལྡན་པ་སྐུའི་སྒོ་ནས། །དེ་བཞིན་གསུང་མཆོག་མི་སྨྲ་སྟེ། །སྐུ་ཡི་ཆོས་རྣམས་མཇལ་བར་སྟོན། །ཞེས་པ་དང་། གསང་སྙིང་ལས། འོག་མིན་བླ་མེད་གནས་མཆོག་ཏུ། །སྐུ་ནི་རྣམ་པར་སྣང་མཛད་ཚུལ། །བྱང་ཆུབ་སེམས་པའི་འཁོར་རྣམས་ལ། །དེ་བཞིན་གསུང་མཆོག་མི་སྨྲ་སྟེ། །སྐུ་ཡི་ཆོས་རྣམས་མཇལ་བར་སྟོན། །ཞེས་གསུངས་པས། འོག་མིན་ཆེན་པོ་བླ་ན་མེད་པའི་གནས་མཆོག་ཏུ། སྐུ་ནི་ལོངས་སྤྱོད་རྫོགས་པའི་སྐུ་རྣམ་པར་སྣང་མཛད་ཀྱི་ཚུལ་དུ། ས་ལ་གནས་པའི་བྱང་ཆུབ་སེམས་དཔའི་འཁོར་རྣམས་ལ་ཆོས་སྟོན་ཚུལ་ནི། སྤྲུལ་སྐུས་ཚིག་ཏུ་གསུངས་པ་དེ་བཞིན་དུ། །ལོངས་སྐུ་ནི། གསུང་མཆོག་ཚིག་ཏུ་ནི་མི་སྨྲའོ། །འོ་ན་ཆོས་ཇི་ལྟར་སྟོན་ཅེ་ན། སྐུའི་བརྡའི་ཆོས། ཞལ་འཛུམ་པ་དང་། སྨིན་མ་གཡོ་བ་དང་། སྤྱན་འགྱུ་བ་དང་། སྐུ་གཟེངས་བསྟོད་པ་དང་། ཕྱག་སྐྱོང་བ་དང་། འོད་དང་སྤྲུལ་པ་འགྱེད་པ་སྟེ། དགྱེས་པའི་ཚུལ་དྲུག་གི་སྒོ་ནས། འཁོར་གྱི་བློ་ལ་མཇལ་བར་སྟོན་པའོ། །སྡུད་པ་པོ་རིགས་གསུམ་མགོན་པོས་བསྡུས། ཞེས་འབྱུང་ངོ་། །བསྟན་པ་ངེས་པ་ནི་ཐེག་ཆེན་ཁོ་ན་གསུངས་པའོ། ། དུས་ཕུན་སུམ་ཚོགས་པ་ལྔ་པ་ནི། ཀུན་བྱེད་ལས། གདུལ་བའི་དུས་ལ་སྔ་ཕྱིར་ཕྱེ་བ་མེད། ཅེས་པ་དང་། མདོ་བཅུ་ལས། སྔ་མ་ཕྱི་མ་ད་ལྟར་གསུམ། །ཁྱད་པར་མེད་པའི་དོན་འདི་བཤད། །དུས་གསུམ་མེད་དེ་ཁྱད་པར་གཅིག །ཅེས་པས། སྟོན་པ་ལོངས་སྤྱོད་རྫོགས་སྐུས་གདུལ་བའི་དུས་ལ་ཡང་། སྔ་མ་ཕྱི་མ་ད་ལྟར་གསུམ་བྱ་བ་མེད་དེ། ཐེག་པ་ཆེན་པོ་རྒྱུན་མི་ཆད་པར་གསུངས་པའོ། །དེ་ནི་དུས་ངེས་པ་རྒྱུན་མ་ཆད་པའོ། །གསུམ་པ་སྤྲུལ་སྐུའི་བསྟན་པ་བྱུང་ཚུལ། གསུམ་པ་སྤྲུལ་སྐུའི་བསྟན་པ་བྱུང་ཚུལ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟནཔ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་ལ་བཞི་སྟེ། སྣོད་ཀྱི་འཇིག་རྟེན་ཆགས་ཚུལ། དེ་དག་གི་ཚད་དང་དུས་ཀྱི་ཕྲ་རགས་བསྟན་པ། སྟོང་གསུམ་གྱི་འདོད་ཚུལ། བཅུད་ཀྱི་སེམས་ཅན་ད་ནས་ཚུལ་ལོ། །སྣོད་ཀྱི་འཇིག་རྟེན་ཆགས་ཚུལ། དང་པོ་ནི། སྤྱིར་ནས་མཁས་གར་ཁྱབ་ཚད་ཐམས་ཅད་ན་འཇིག་རྟེན་གྱི་ཁམས་ཀྱིས་ཁྱབ་པར་གནས་ཏེ། མདོ་ལས། དཔེར་ན་བར་སྣང། ལ་འཆར་གྱི་རྒྱུན་འབབ་པའི་ཚེ། བར་མཚམས་མི་མངོན་པ་བཞིན་དུ། ཕྱོགས་བཅུའི་ནམ་མཁའ་མཐའ་མེད་པ་ཐམས་ཅད་ན། འཇིག་རྟེན་གྱི་ཁམས་ཀྱིས་རབ་ཏུ་གང་བའོ། །དེ་ཡང་དཔེར་ན། ཆར་ལ་ལ་རྣམས་འབབ་པའི་འགོ་ཚུགས། ལ་ལ་བར་སྣང་ནས་འབབ། འཇིག་རྟེན་གྱི་ཁམས་ལ་ལ་ནི་ཆགས་པའི་འགོ་ཚུགས། ལ་ལ་ནི་ཆགས་ནས་གནས། ལ་ལ་ནི་འཇིག་ལ་ལ་ནི་སྟོངས་པ་བར་མ་ཆད་པའོ། །དེ་དག་ལ་ལ་ན་སངས་རྒྱས་བཞུགས་པ་འོད་ཀྱི་བསྐལ་པ་ཡོད། ལ་ལ་ན་སངས་རྒྱས་མི་བཞུགས་པ་མུན་པའི་བསྐལ་པ་ཡོད་དོ། །ཁྱད་པར་འཇིག་རྟེན་གྱི་ཀམས་འདིའི་ཆགས་ཚུལ་གྱི་དབང་དུ་བྱས་ན། ལོངས་སྤྱོད་རྫོགས་པའི་སྐུ་དེ་བཞིན་གཤེགས་པ་རྣམ་པར་སྣང་མཛད་གངས་ཅན་མཚོ་ཕྱག་མཉམ་བཞག་གི་པྱག་རྒྱ་མཛད་པའི་སྟེང་ན། པདྨ་ཞིག་ཡོད་པའི་ཟེ་འབྲུ་ལས། ནོར་བུ་རིནཔ་ཆེ་ཞིག་ཡོད་པའི་ནང་ན་སྟོང་གསུམ་འཇིག་རྟེན་གྱི་ཁམས་ཉིས་ཤུ་རྩ་ལྔ་བརྩེགས་ནས་ཡོད་པའི། བཅུ་གཉིས་ཡར་བོར། བཅུ་གཉིས་མར་བོར་བའི། བར་བཅུ་གསུམ་པ་དེ་ལ་མི་མཇེད་འཇིག་རེན་གྱི་ཁམས་ཞེས་བྱ་སྟེ། འཇིག་རྟེན་གྱི་ཁམས་འདི་ལ་མི་བཇེད་འཇིག་རྟེན་གྱི་ཁམས་ཞེས་བྱ་སྟེ། འཇིག་རྟེན་གྱི་ཁམས་འདི་ལ་མི་བཇེད་ཅེས་ཅིའི་ཕྱིར་ཞེ་ན། འདིར་སྐྱེས་པའི་སེམས་ཅན་རྣམས་ཀྱི་རྒྱུད་ལ་ཉོན་མོངས་པའི་སྐབས་མི་མཇེད་པ་ལྡན་པའམ། ཉོན་མོངས་པ་དེ་དག་གཉེན་པོས་དབྱེ་བར་དཀའ་བ་ལ་མི་མཇེད་ཅེས་བཏགས་སོ། །འཇིག་རྟེན་གྱི་ཁམས་དེ་རྣམས་ཀྱང་། བྲ་སའི་ཐང་ཡངས་པ་ལ། སོས་ཀ་ཁུག་ཆོས་ཀྱི་མེ་ཏོག་སྐྱེས་པ་ལྟར་འདབ་མ་དང་། མེ་ཏོག་དང་། ཟེའུ་འབྲུག་རྣམས་ཕན་ཚུན་འགྲན་པའི་ཚུལ་དུ་སྐྱེས་ནས། གཅིག་ལ་གཅིག་ངོ་མི་ཤེས་པ་འདུག་པ་དེ་བཞིན་དུ་ཆགས་ནས་ཡོད་དོ། །འཇིག་རྟེན་གྱི་ཁམས་དེ་རྣམས་ཀྱི་ཚུལ་ལམ་གནས་ལུགས་ནི། སྤྱན་རྣམ་པར་དག་པས་གཟིགས་པ་ལས་མ་གཏོགས་པ། འོ་ཀོལ་བློ་གྲོས་དམན། སོ་སོ་སྐྱེ་བོ་ཐ་མལ་པ་བདག་འཇིག་རྟེན་རྟག་པར་ལྟ་བའི་འདུ་ཤེས་ཅན་རྣམས་ཀྱི་ཚིག་གིས་བརྗོད་བྱ་ཙམ་ལས། ཤེས་པའམ། རྟོགས་པའམ། མཐོང་བར་མི་འགྱུར་ཏེ། ཡུམ་རྒྱས་པ་ལས། རབ་འབྱོར་ངས་ཀྱང་སངས་རྒྱས་ཀྱི་སྤྱན་རྣམ་པར་དག་པ་མི་ལས་འདས་པ་འདི་ཉིད་ཀྱིས། འཇིག་རྟེན་གྱི་ཁམས་ལ་རྣམ་པར་གཟིགས་ནས། ཞེས་གསུངས་སོ། །དེ་ལས་ཀྱང་ཁྱད་པར་འཇིག་རྟེནའ་དིའི་ཆགས་ཚུལ་གྱི་དབང་དུ་བྱས་ན། འདི་ཡི་ནམ་མཁའ་སྟོང་པ་ལ། ཐོག་མར་སེམས་ཅན་སྤྱི་མཐུན་གྱི་ལས་ཀྱིས། ཕྱོགས་བཞི་རླུང་དལ་བུས་ལངས་ཏེ། ཇི་ཆེར་སོང་བ་འཁྲིགས་པ་ལས། རླུང་གི་དཀྱིལ་འཁོར་ཆེན་པོ་ཆགས་ཏེ། དེ་ཡི་རྔམས་སུ་ནི་དཔག་ཚད་ས་ཡ་གཅིག་དང་དྲུག་འབུམ་ཡོད་དོ། །དེ་ཡི་རྒྱར་ནི་གྲངས་ཀྱི་གནས་གཞན་དྲུག་ཅུ་རྫོགས་པའི་གྲངས་མེད་གཅིག་ཡོད་དོ། །དེ་ཡི་སྟེང་ན་ཆུ་དང་གསེར་གྱི་ས་གཞི་ཆགས་པ་ལ། དེ་ཡང་ཐོག་མར་སེམས་ཅན་སྤྱི་མཐུན་གྱི་ལས་ཀྱི་མཐུ་དང་། རླུང་གི་སྟོབས་ཀྱིས་ནམ་མཁའ་ལ་སྤྲིན་གསེར་གྱི་སྙིང་པོ་ཅན་འཁྲིགས་པ་ལས། ཆར་གྱི་རྒྱུན་གཉའ་ཤིང་ཙམ་བར་མཚམས་མེད་པ་ཡུན་རིང་པོར་བབས་པས། ཆུའི་དཀྱིལ་འཁོར་ཆེན་པོ་ཆ་ས་ཏེ། དེ་ལ་འོག་གི་རླུང་གིས་ཆུའི་དཀྱིལ་འཁོར་རྙོགས་པས། སྙིང་པོ་སྟེང་དུ་གསེར་གྱི་ས་གཞི་ཆགས་པའོ། །ཆུ་དང་གསེར་གྱི་ས་གཞིའི་ཚད་ནི། ཆུའི་རྔམས་སུ་དཔག་འབུམ་ཕྲག་བརྒྱད་དོ། །གསེར་གྱི་ས་གཞིའི་རྔམས་སུ་དཔག་ཚད་གསུམ་འབུམ་ཉིས་ཁྲོའོ། །རླུང་དང་ཆུ་དང་གསེར་གྱི་ས་གཞི་རྣམས། དབྱིབས་ཟླུམ་པོ་རྒྱ་ཆེ་ཆུང་མཉམ་པ་སྟེ། དེ་ཡི་སྟེང་ན་ཡང་ཆུའི་དཀྱིལ་འཁོར་ཆེན་པོ་ཡོད་དེ། དེ་ཡང་ཐོག་མར་སེམས་ཅན་གྱི་ལས་ཀྱི་མཐུས། ནམ་མཁའ་སྤྲིན་རིན་པོ་ཆེ་སྣ་ཚོགས་ཀྱི་སྙིང་པོ་ཅན་འཁྲིགས་པ་ལས། ཆར་གྱི་རྒྱུན་གཉའ་ཤིང་ཙམ་བབས་པ་ལས་ཆགས་སོ། །ཆུ་དེ་ལ་ལས་རླུང་གྲུ་བཞི་པ་བྱེ་བ་ཕྲག་བརྒྱ་ལངས་ཏེ་དཀྲུགས་པས། བཅུད་དང་པོ་ལ་ནང་ནས་རིན་ཆེན་བཞི་ལས། ཤར་དངུལ་དཀར་པོ། ལྷོ་བཻཌཱུརྱ། ནུབ་པདྨ་རཱ་ག་བྱང་གསེར་ལས་གྲུབ་པའི་རི་རབ་ལྷུན་པོ། དབྱིབས་གྲུ་བཞི་པ། ཆོ་ལོང་ཉིས་བརྩེགས་ལྟ་བུའི་ཚད་ནི། གྱེན་དུ་དཔག་ཚད་བརྒྱད་ཁྲི། ཆུ་མཚམས་མན་ཆད་ཐུར་དུ་དཔག་ཚད་བརྒྱད་ཁྲི་སྟེ། གསེར་གྱི་ས་གཞི་ལ་ཐུག་པའོ། །ཞེང་དུའང་དཔག་ཚད་བརྒྱད་ཁྲི་ཡོད་པའི་རི་རབ་བྱེ་བ་ཕྲག་བརྒྱ་ཆགས་ནས་གནས་སོ། །རི་བར་དེ་དག་ལ་ཆུ་མཚམས་ཡན་ཆད་ནས། རྐེད་པ་མན་ཆད་ན་བང་རིམ་བཞི་ཡོད། བང་རིམ་བཞི་པོའི་བར་ཐག་དཔག་ཚད་ཁྲིའོ། །དེ་ཡང་རི་རབ་ཀྱི་ངོ་བོ་ཆོ་ལོང་ལྟ་བུ་གྲུ་གཞིར་གནས་པ་ལ། བང་རིམ་བཞི་པོ་གློ་སྐྱེས་སུ་ཡོད་དེ། འོག་མ་ཕྱིར་འཕྱང་བ་ལ་དཔག་ཚད་སྟོང་ཕྲག་བཅུ་དྲུག་གློ་སྐྱེས་སུ་གནས་ཤིང་། དེ་ཡི་གོང་མ་དཔག་ཚད་སྟོང་ཕྲག་བཅུ་དྲུག་གློ་སུ་གནས་ཤིང་། དེ་ཡི་གོང་མ་ལ་དཔག་ཚད་སྟོང་ཕྲག་བརྒྱད་དང་། དེ་ཡི་གོང་མ་ལ་བཞི་དང་། སྟེང་མ་ལ་དཔག་ཚད་སྟོང་ཕྲག་གཉིས་གློ་སྐྱེས་སུ་བ་ཡོད་པའོ། །དེ་ལྟར་རི་རབ་བྱེ་བ་ཕྲག་བརྒྱ་པོ་རེ་རེའི་ཕྱི་ལ། ལས་ཀྱི་རླུང་གིས་དཀྲུགས་པའི་བཅུད་བར་པ་ལ་གསེར་གྱི་རི་བདུན་གྱིས་གྲུ་བཞིར་བསྐོར་ཏེ་རིང་བདུན་པོའི་ནང་མས་ཉི་མའི་ཤིང་རྟའི་གཉའ་ཤིང་འཛིན་ནུས་པ་ལྟར། ཐད་ཀར་ཡོད་པས་གཉའ་ཤིང་འཛིན་དང་། དེ་བས་ཕྱེད་ཀྱིས་དམའ་བས་གཤོལ་མདའ་འཛིན་ནུས་པ་ལྟར་ཡོད་པས་གཤོལ་མདའ་འཛིན་དང་། རི་དེ་ཡི་རྩེ་མོ་ན་སེང་ལྡེང་གི་ནགས་ཡོད་པས་སེང་ལྡེང་ཅན་དང་། རྩེ་མོ་དབྱིབས་བ་ཡོད་པས་རྟ་རྣ་དང་། རྩེ་མོ་ཅུང་ཟད་ནང་དུ་འདུད་པར་ཡོད་པས་རྣམ་འདུད་དང་། དེ་དག་གི་ཕྱི་ན་མུ་ཁྱུད་ཀྱི་ཚུལ་དུ་གནས་པས་མུ་ཁྱུད་འཛིན་རྣམས་གནས་སོ། །རི་དེ་དག་ཆུ་མཚམས་ཡན་ཆད་གྱེན་དུ། ནང་མ་དཔག་ཚད་བཞི་ཁྲི་སྟེ་རི་རབ་ཀྱི་ཕྱེད་སླེབས་སོ། །དེ་ཡི་ཕྱི་མ་དྲུག་པོ་ནི་དཔངས་སུ་དཔག་ཚད་ཕྱེད་ཕྱེད་བྲི་སྟེ། གཤོལ་མདའ་འཛིན་ལ་དཔག་ཚད་ཉིས་ཁྲི། སེང་ལྡེ་ཅན་ལ་ཁྲི། གཤོལ་མདའ་འཛིན་ལ་དཔག་ཚད་ཉིས་ཁྲི། སེང་ལྡེང་ཅན་ཁྲི། ལྟ་ན་སྡུག་ལ་ལྔ་སྟོང་། རྟ་རྣ་ཉིས་སྟོང་ལྔ་བརྒྱ། རྣམ་འདུད་སྟོང་ཕྱེད་དང་སུམ་བརྒྱ། མུ་ཁྱུད་འཛིན་ལ་དྲུག་བརྒྱ་ཉིས་ཤུ་རྩ་ལྔའོ། །དེ་དག་གི་ཞེང་དུ། ཆུ་མཚམས་ཡན་ཆད་ཀྱི་རང་རང་གི་དཔངས་དང་མཉམ་པའོ། །ཐོག་མར་ལས་ཀྱི་རླུང་གིས་དཀྲུགས་པའི་བཅུད་ཐ་མ་ལ། རི་རབ་རི་བདུན་དང་བཅས་པ་དེ་དག་ཀུན་གྱི་ཕྱོགས་བཞི་ན། གླིང་ཆེན་པོ་བཞི། གླིང་ཕྲན་བརྒྱད་པོ་རྣམས་ཆངས་ཏེ་གནས་ཤིང་། དེ་དག་དང་དུས་མཉམ་དུ་གླིང་བཞི་རི་རབ་དང་བཅས་པ་ཐམས་ཅད་ལ། ཕྱི་རོལ་ལྕགས་རི་མུ་ཁྱུད་ཀྱིས་བསྐོར་བའོ། །གླིང་རྣམས་གྱེན་དུ་མཚོ་བས་ཅུང་ཟད་མཐོ་བ། རྒྱ་མཚོ་གླིང་ཐོག་ཏུ་མི་ལུད་པ་ཙམ་མོ། །ལྕགས་རི་གྱེན་དུ་མུ་ཁྱུད་འཛིན་གྱི་ཕྱེད་འཕབས་ཏེ། དཔག་ཚད་སུམ་བརྒྱ་དང་ཕྱེད་དང་བཅུ་གསུམ་མོ། །རི་རབ། གསེར་གྱི་རི་བདུན། གླིང་བཞི། གླིང་ཕྲན། ལྕགས་རི་དེ་དག་ཆུ་མཚམས་མན་ཆད། ཐུར་དུ་དཔག་ཚད་བརྒྱད་ཁྲི་གསེར་གྱི་ས་གཞི་ལ་ཐུག་པའོ། །གླིང་རྣམས་ཀྱི་དབྱིབས་དང་ཚད་ནི། ལྷོའི་འཛམ་བུའི་གླིང་ནི་ཤིང་འཛམ་བུ་ཡོད་པ་ལས་ཐོགས་སོ། །འདིའི་དབྱིབས་སོག་ཁའི་ངོས་གསུམ་ལ་དཔག་ཚད་སྟོང་ཕྲག་གཉིས་གཉིས། ལྕགས་རིའི་ངོས་ཀྱི་ཡུ་བའི་ངོས་ལ་དཔག་ཚད་བརྒྱ་ཕྲག་ཕྱེད་དང་བཞི། དེ་དག་བསྡོམས་པས་མཐའ་སྐོར་དུ་དཔག་ཚད་དྲུག་སྟོང་དང་ཕྱེད་དང་བཞི་བརྒྱའོ། །ཤར་གྱི་གླིང་དེ་ན་གནས་པའི་མི་རྣམས། འཛམ་བུ་གླིང་གི་མི་ལས་ལུས་ཉིས་གྱུར་ཀྱིས་འཕགས་པས། ལུས་འཕགས་པོའི་གླིང་ཞེས་བྱའོ། །དེ་ཡི་དབྱིབས་ཟླ་གམ་གཞུ་འདྲ་བར་ཡོད་པའི་ངོས་གསུམ་ལ་དཔག་ཚད་སྟོང་ཕྲག་གཉིས་གཉིས་ཏེ། རྒྱབ་སྒུར་པོའི་དཀྱིལ་འཆང་པ་ལྟ་བུ་པདག་ཚད་སུམ་བརྒྱ་ལྔ་བཅུའོ། །མཐའ་སྐོར་དུ་དཔག་ཚད་དྲུག་སྟོང་སུམ་བརྒྱ་ལྔ་བཅུའོ། །ནུབ་ཀྱི་གླིང་ན་གནས་པའི་མི་རྣམས་བ་ལང་ལོངས་སྤྱོད་པས། བ་ལང་སྤྱོད་ཅེས་བྱ་སྟེ། དབྱིབས་ནི། ཟླུམ་པོ་མཐའ་སྐོར་དུ་དཔག་ཚད་སྟོང་ཕྲག་བདུན་དང་ལྔ་བརྒྱའོ། །བྱང་གི་གླིང་ན་གནས་པའི་མི་རྣམས་འཆི་བའི་ཚེ། ཁྱོད་ད་སྟེ་ཞག་བདུན་ན་འཆིའོ་ཞེས་པའི་སྒྲ་མི་སྙན་པ་འབྱུང་བས་སམ། ཡང་ན་དེ་དག་འདྲེའི་སྐད་དུ་སྨྲ་བས། སྒྲ་མི་སྙན་གྱི་གླིང་ཞེས་བྱ་སྟེ། དེའི་དབྱིབས་ནི་གྲུ་བཞིའི་ངོས་རེ་ལ་དཔག་ཚད་སྟོང་ཕྲག་གཉིས་གཉིས། མཐའ་སྐོར་དུ་དཔག་ཚད་སྟོང་ཕྲག་བརྒྱད་ཡོད་དོ། །དེ་དག་གི་བར་གྱི་གླིང་ཕྲན་བརྒྱད་པོ་ནི། བྱང་ངོས་ན་ལུས་འཕགས་རྣམ་གཉིས་སོ། །བྱང་གི་གླིང་ཕྲན་གཉིས་ལས། བྱང་གི་ཤར་ན་སྒྲ་མི་སྙན། བྱང་གི་ནུབ་ན་སྒྲ་མི་སྨན་གྱི་ཟླ། ནུབ་ཀྱི་གླིང་ཕྲན་ལྷོ་ངོས་ན་གཡོ་ལྡན་དང་། ནུབ་ཀྱི་བྱང་ན་ལམ་མཆོག་འགྲོ། ལྷོའི་ཤར་ན་རྔ་ཡབ་གཞན། གླིང་ཕྲན་བརྒྱད་པོ་དེ་དག་གི་དབྱིབས་ནི། གླིང་ཆེན་བཞི་དང་འདྲ་ལ། ཚད་ནི་གླིང་ཆེན་དག་གི་ཕྱེད་ཕྱེད་དོ། །གསེར་རི་བདུན་གྱི་བར་གྱེ་ཆུ་ནི་རོལ་མཚོ་བདུན་ཏེ། དེ་ཡང་རི་རབ་ཀྱི་སྟེང་ནས་བལྟས་ན། རོལ་ཆུས་བཀང་བ་འདྲ་བས་སོ། །ཆུ་དེ་རྣམས་ཡན་ལག་བརྒྱད་དང་ལྡན་ཏེ། །བསིལ་ཞིང་ཡང་དག་འཇམ་པ་དང་། གསལ་དང་དྭངས་དང་གཙང་པ་དང་། །དྲི་མ་མེད་ཅིང་འཐུངས་པ་ན། །ལྟོ་ལ་མི་གནོད་མགྲིན་པ་བདེ། །ཡན་ལག་བརྒྱད་དུ་དེ་བཤད་དོ། །ཞེས་སོ། །རི་རབ་དང་གཉའི་ཤིང་འཛིན་གྱི་བར། རོལ་མཆོ་ནང་མའི་ཁ་ཞེང་དཔག་ཚད་བརྒྱད་ཁྲིའོ། །དེ་ཡི་ནང་ངོས་ལ་དཔག་ཚད་བརྒྱད་ཁྲི་བ་དེ་ཉིད་སུམ་འགྱུར་རོ། །རོལ་མཚོ་བཞན་གྱི་ཁ་ཞེང་ཕྱེད་ཕྱེད་བྲི་བས་ཏེ། གོ་སླའོ། །དེའི་ཕྱི་རོལ་གྱི་ཆུ་ནི་རྒྱ་མཚོ་བ་ཚྭ་ཅན་ཞེས་བྱ་སྟེ། ཆུ་མི་ཟད་པ་དང་དེ་ཡི་ནང་ན་གཟའ་སྐར་ལ་སོགས་པའི་གཟུགས་བརྙན་རྒྱ་ཡི་འབུར་ལྟར་སྣང་བས་རྒྱ་མཚོའོ། །ཆུ་དེ་ཡན་ལག་བརྒྱད་དང་མི་ལྡན་ཞིང་། བ་ཚཱའི་རོ་བྲོ་བས་ན་བ་ཚཱ་ཅན་ནོ། །དེའི་ཕྱོགས་བཞིར་དཔག་ཚད་སུམ་འབུམ་ཉིས་ཁྲིས་དང་། དཔག་ཚད་སྟོང་ཕྲག་གཉིས་ཡོད་དོ། །ཁྱད་པར་འཛམ་བུའི་གླིང་གི་བྱེ་བྲག་བསྟན་པ་ནི། གླིང་གཞན་དུ་སངས་རྒྱས་མི་འབྱོན་ལ། གླིང་འདིར་སྤྲུལ་སྐུའི་འབྱོན་གནས་ཡིན་པས། གླིང་གཞན་པས་མཆོག་ཏུ་གྱུར་པ་འཛམ་བུའི་གླིང་མཆོག་འདི་ན། གླིང་གཞན་ན་མེད་པའི་ངོ་མཚར་བའི་བསྒྲག་ཏུ་རུང་བ་དུ་མ་ཡོད་དེ། དུས་གསུམ་གྱི་སངས་རྒྱས་མངོན་པར་རྫོགས་པར་འཚང་རྒྱ་བའི་གནས་དང་། ཅཆོས་ཀྱི་འཁཽར་བའི་གནས་བྱིན་རླབས་ཅན། དུས་མཐའི་མེ་བདུན་ཆུ་གཅིག་གིས་ཀྱང་མི་འཇིག་པའི་རྡོ་རྗེ་གདན་དང་། བྱ་རྒོད་སྤུངས་པའི་རི་ཡོད། པོ་ཊ་ལ་གྲུ་འཛིན་ལ་སོགས་པའི་རིགས་གསུམ་བཞུགས་ནས་ཡོད་དེ། འཛམ་བུའི་གླིང་གི་ལྷོ་ཕྱོགས་ན་འཕགས་པ་སྤྱན་རས་གཟིགས་བཞུགས་པའི་གནས་རི་བོ་པོ་ཊ་ལ་དང་། འཛམ་བུའི་གླིང་གི་བྱང་ཤར་ན་འཕགས་པ་འཇམ་དཔལ་བྱི་བཟུགས་གནས་ལྕང་ལོ་ཅན་གྱི་གནས་ཡོད་དོ། །འཛམ་བུའི་གླིང་གི་དབུས་ན་གངས་རི་རང་བྱུང་ཤེལ་གྱི་མཆོད་རྟེན་ཡོད་ལ། གངས་རིའི་བྱང་ཕྱོགས་ན་སྨན་གྱི་ནགས་ཚལ་ཅན་སྤོ་ངད་ལྡན་པའི་རི་ཡོད་ལ། དེ་གཉིས་ཀྱི་བར་ན་ཆུ་ལག་བརྒྱད་དང་ལྡན་པའི་རི་ཡོད་ལ། དེ་གཉིས་ཀྱི་བར་ན་ཆུ་ཡན་ལག་བརྒྱད་དང་ཞིང་བསིལ་བས་མ་དྲོས་ཞེས་བྱ་བའི་མཚོ་ཡོད་དོ། །དེ་ཡི་ཆུ་ཞེང་དུ་དཔག་ཚད་ལྔ་བཅུ་ལྔ་བཅུ་ཡོད་པའི་གྲུ་བཞི་ཡོད། མཚོ་དེ་ཡི་ཕྱོགས་བཞི་བྲག་གླང་པོ་ཆེ་དང་། ཁྱུ་མཆོག་དང་། སེང་གེ་དང་། རྟའི་མགོ་འདྲ་བའི་ཁ་ནས་ཆུ་བོ་ཆེན་པོ་བཞི་འབབ་སྟེ། གཱངྒ་གླང་པོའི་ཁ་ནས་ཤར། །སིནྡྷུ་ཁྱུ་མཆོག་ཁ་ནས་ལྷོ། །སི་ཏ་སེང་གེའི་ཀ་ནས་ནུབ། །པཀྵུ་རྟའི་ཁ་ནས་བྱུང་། །མ་འདྲེས་གཡས་ཕྱོགས་ལན་གསུམ་བསྐོར། །རེ་རེ་གཡོག་ལྔ་བརྒྱར་བཅས། །རང་རང་ཕྱོགས་སུ་རྒྱ་མཚོར་འབབ། །ཅེས་སོ། །དེ་དང་ཉེ་བའི་བྱང་ཤར་ན་ཤིང་འཛམ་བུ་ཏྲིཀྵ་ཡོད་དེ། ཤིང་དེའི་ཤིང་ཐོག་ཁྱེའུ་དང་བུ་མོའི་གཟུགས་སུ་བྱུང་ནས། འཛམ་བུ་འཛམ་བུ་ཞེས་བྱ་བའི་སྒྲ་འབྱིན་ཏོ། །མཚོ་མ་དྲོས་པ་དེ་ནས་བྱང་དུ་དཔག་ཚད་ཉིས་ཤུ་ན། གསེར་བྲག་བྱ་སྐྱིབས་ཅན་ཞེས་བྱ་བ་དབྱིབས་གྲུ་བཞི་དཔངས་སུ་དཔག་ཚད་ཕྱེད་དང་བཞི། མཐའ་སྐོར་དུ་དཔག་ཚད་ལྔ་བཅུ་རྩ་ལྔ་ཡོད་པ། དེ་ཡི་ཉེ་འཁོར་ན་བྲག་ཕྲན་སྟོང་གིས་བསྐོར་བ་ཡོད་དོ། །དེ་ནས་དཔག་ཚད་ཉིས་ཤུ་ན་ཤིང་མཆོག་སཱ་ལའི་རྒྱལ་པོ་རབ་བརྟན་པ་ཞེས་བྱ་བ་ཡོད་དེ། གྱེན་དུ་དཔག་ཚད་བཅུ་བཞི། ཡལ་ག་མཐོ་དམན་རིམ་པ་བདུན་ཡོད་པ། དེ་ཡི་ཐོ་ཕྱི་ན་ཤིང་ཕྲན་སྟོང་གིས་བསྐོར་བའོ། །དེ་ནས་བྱང་ཤར་དུ་དཔག་ཚད་ཉིས་ཤུ་ན། མཚེའུ་དལ་གྱིས་འབབ་པ་ཞེས་བྱ་བ་སྦྲང་རྩིའི་རོ་བྲོ་བ་ཡོད་དེ། མཚོ་དེ་ཡི་ཆུ་ཞེང་དུ་དཔག་ཚད་ལྔ་བཅུ་ཡོད་ལ། དེ་ན་མེ་ཏོག་པདྨ་ཤིང་རྟའི་འཕང་ལོ་ཙམ། ལོ་འདབ་བ་གླང་གི་ཀོ་བ་ཙམ་ཡོད་དོ། །དེ་ཡི་ཉེ་འཁོར་ན་མཚེའུ་བརྒྱད་སྟོང་གིས་བསྐོར་བའོ། །ད་ནི་ངན་སོང་གི་གནས་བསྟན་པ་ནི། འཛམ་བུའི་གླིང་འདིའི་འོག་དཔག་ཚད་ཉིས་ཁྲི་ན། མནར་མེད་པའི་དམྱལ་བའི་གནས་ཀྱི་སྟེང་འོག་ཡོད་དེ། དེ་ཡི་སྟེང་འོག་ཕྱོགས་བཞིར་དཔག་ཚད་ཉིས་ཁྲི་ཉིས་ཁྲིའོ། །མཐའ་སྐོར་དུ་དཔག་ཚད་བརྒྱད་ཁྲི་ཡོད་དོ། །འཛམ་བུ་གླིང་འདི་ནི་འབྲུ་ཡི་ཕུང་པོ་ལྟར་ཞབས་ཆེ་བར་ཡོད་དོ། །དེའི་སྟེང་ན་ཡང་སོལ་ལ་སོགས་པའི་དམྱལ་བ་རིམ་པ་བདུན་ཡོད་དེ། དེ་དག་གི་བྱང་ཕྱོགས་ན་ཆུ་བུར་ཅན་ལ་སོགས་པ་གྲང་བའི་དམྱལ་བའི་གནས་བརྒྱད་ཡོད་དོ། །དམྱལ་བ་དེ་དག་གི་སྟེང་ན་ག་དྷ་དབུས་འགྱུར་འཆང་ནས་དཔག་ཚད་ལྔ་བརྒྱའི་འོག་ན་གཤིན་རྗེའི་འཇིག་རྟེན་ཡོད་དོ། །ད་ནི་ཉི་ཟླ་གཟའ་སྐར་གྱི་ཚད་ལ་སོགས་པ་བསྟན་པ་ནི། ཉི་ཟླ་གཟའ་སྐར་རི་རབ་ལྷུན་པོའི་ཕྱེད། ས་སྟེང་འདི་ནས་དཔག་ཚད་བཞི་ཁྲིའི་སྟེང་ནས་ཉི་ཟླ་གཟའ་སྐར་རྣམས་རྒྱུའོ། །ཉི་མའི་རྒྱུ་ནི་མེ་ཤེལ་སེམས་ཅན་སྤྱི་མཐུན་གྱི་ལས་གྲུབ་པའོ། །ཁ་ཞེང་ཆེ་ལ་དཔག་ཚད་ལྔ་བཅུ་རྩ་གཅིག་ཉི་མ་ལ་རྟ་རླུང་གི་འཁོར་ལོ་དྲུག་ཡོད་དེ། འདེགས་བྱེད་ཀྱི་རླུང་དང་། གནོན་བྱེད་དང་། སྦོ་གཉིས་ནས་སྐྱོར་བྱེད་གཉིས་དང་། སྣ་འདྲེན་དང་། མཇུག་བསྐུལ་དང་དྲུག་གོ །ཟླ་བའི་རྒྱུ་ནི་ཆུ་ཤེལ་ལོ། །ཁ་ཞེང་ལ་དཔག་ཚད་ལྔ་བཅུའོ། །ཟླ་བ་ལ་སྦོ་གཡས་གཡོན་གཉིས་ནས་སྐྱོར་བའི་རླུང་མེད་པས། རླུང་གི་རྟ་བཞིའོ། །ཉི་ཟླ་གཉིས་ཀའི་མཐུག་རྔམས་ནི། དཔག་ཚད་དྲུག་དང་དཔག་ཚད་གཅིག་གི་བཅོ་བརྒྱད་ཀྱི་ཆ་གཅིག་གོ །སྐར་མའི་རྒྱུ་ནི་ཤེལ་ཕལ་པའོ། །ཚད་ནི་སྐར་མ་ཆེ་བ་ལ་རྒྱང་གྲགས་བཅོ་བརྒྱད། འབྲིང་པོ་ལ་རྒྱང་གྲགས་བཅུ་གཅིག །ཆུང་བ་ལ་རྒྱང་གྲགས་གསུམ་ཡོད་དོ། །འོ་ན་གླིང་བཞིའི་ཉི་མའི་འཆར་ནུབ་ཀྱི་དུས་ཚོད་ཇི་ལྟར་ཡོད་ཅེ་ན། བྱང་སྒྲ་མི་སྙན་གྱི་ནམ་ཕྱེད་པ་དང་། ཤར་ལུས་འཕགས་པོའི་ཉི་མ་ནུབ་པ་དང་། ལྷོ་འཛམ་བུ་གླིང་པའི་ཉི་མ་ཕྱེད་པ་དང་། ནུབ་བ་གླང་སྤྱོད་ཀྱི་ཉི་མ་འཆར་བ་དེ་དག་དུས་གཅིག་པས། ཉི་མའི་འོད་ཀྱིས་གླིང་གཉིས་ལ་ཁྱབ་བོ། །དེ་བཞིན་དུ་ཕྱོགས་བཞི་ཀུན་ཏུ་བསྐོར་བའོ། །ཉི་མ་རིང་ཐུང་འོང་བ་ཅི་ལས་བྱུང་ཞེ་ན། འཕུལ་བྱེད་རླུང་གི་དྲག་ཞན་གྱིས་ཉི་མ་ལྷོ་བྱང་དུ་མཚོན་ཆའི་འཁོར་ལོ་བཞིན་དུ་རྒྱུ་སྟེ། འཁོར་ལོའི་རྩེ་མོ་གཉིས་ནས་རླུང་གིས་འཕུལ་དྲག་པས་ཉི་མ་མགྱོགས་ལ། ལོགས་གཉིས་ནས་རླུང་གིས་འཕུལ་ཞན་པས་ཉི་མ་བུལ་བར་བྱུང་བས་ཉི་མ་ལ་རིང་ཐུང་དུ་སྣང་བའོ། །ཟླ་བ་ལ་འཕེལ་གྲིབ་འོང་བ་ཇི་ལྟར་ཡིན་ཞེ་ན། ཟླ་བ་ཉི་མ་དང་ཉེ་རིང་གིས་རང་གི་གྲིབ་མའི་འཕེལ་འགྲིབ་ཆེ་ཆུང་སྣང་བས་ཏེ། དཔེར་ན། ཀ་བ་ལ་སོགས་པ་མར་མེ་དང་ཉེ་ཞིང་གྲིབ་མ་ཆེ་ལ། མར་མེ་དང་རིང་གིན་གྲིབ་མ་ཆུང་བ་ལྟ་བུའོ། །འོད་ཡོད་ཀྱང་ཉི་མའི་འོད་སྟོབས་ལྡན་ཕོག་པས་གྲིབ་མ་འབྱུང་སྟེ། དཔེར་ན་ནོར་བུ་འོད་ཅན་ནམ་སྲིན་བུ་མེ་ཁྱེར་ལ། མཚན་མོ་འོད་ཡོད་ཀྱང་། ཉི་མ་ཕོག་ན་ཕྱོགས་གཅིག་ཏུ་གྲིབ་མ་འབྱུང་བ་ལྟ་བུའོ། །ཟླ་བ་ལ་རླུང་གི་འཁོར་ལོ་བཞི་ལས་མེད་ཅིང་རླུང་ཤུགས་ཆུང་བས། ཉི་མ་དང་སྐར་མ་ལས་བུལ་ཞིང་། ལྷོ་བྱང་གི་རྒྱུ་སྐར་རྣམས་གང་ནས་གར་འགྲོ་དང་སྦྲགས་ནས་མཚོན་ཆའི་འཁོར་ལོ་ལྟ་བུར་རྒྱུ་བས། ཡར་ལྡོག་མར་ལྡོག་གཉིས་གཉིས་བྱེད་པའོ། །ད་ནི་རི་རབ་ཀྱི་རྩེ་མོའི་ལྷ་གནས་བསྟན་པ་ནི། ལྷུན་པོའི་རྩེ་མོ་ན་སུམ་ཅུ་རྩ་གསུམ་གྱི་ལྷ་གནས་ཡོད་དེ། དེ་ལ་སུམ་ཅུ་རྩ་གསུམ་ཞེས་རྒྱུ་མཚན་ཅིའི་ཕྱིར་ཞེ་ན། དེ་ན་གནས་གཞན་དང་ལོངས་སྤྱོད་མི་འདྲ་སུམ་ཅུ་རྩ་གསུམ་ཡོད་པའི་ཕྱིར་ན། སུམ་ཅུ་རྩ་གསུམ་ཞེས་བྱ་སྟེ་དེ་ལ་གནས་གཞན་མི་འདྲ་བ་ནི། ཚལ་ཆེན་པོ་བཞི་དང་། ས་ཆེན་པོ་བཞི་དང་། ཆོས་བཟང་ལྷའི་འདུན་ས་དང་། ཤིང་ཡོངས་འདུ་ས་བརྟོལ་དང་། མེ་ཏོག་འབྲས་བུས་གཏམས་པའི་གནས་དང་། སྐྱེད་མོས་ཚལ་ལ་སོགས་པའི་གནས། ཕན་ཚུན་འགྲན་པ་ལྟ་བུ་བཅུ་དྲུག་ཡོད་དེ། དེ་ན་ལོངས་སྤྱོད་མི་འདྲ་བ་ནི། མ་བཏབ་པའི་ལོ་ཏོག་དང་། གླང་པོ་ཆེ་ས་སྲུང་པ་དང་། རབ་བརྟན་དང་། བདུད་རྩི་ལ་སོགས་པ་ལོངས་སྤྱོད་ཀྱི་བྱེ་བྲག་མི་འདྲ་བ་བཅུ་དྲུག་ཡོད། གྲོང་ཁྱེར་ཆེན་པོ་ལྟ་ན་སྡུག་དང་སུམ་ཅུ་རྩ་གསུམ་ཡོད་པས་ན། སུམ་ཅུ་རྩ་གསུམ་མོ། །ཡང་ལྷའི་དབང་པོ་ལ་འཁོར་ཉེ་བའི་བའི་བློན་པོ་སུམ་ཅུ་རྩ་གཉིས། བརྒྱ་བྱིན་དང་སུམ་ཅུ་རྩ་གསུམ་ཡོད་པས་སོ། །ཡང་གླང་པོ་ཆེ་ས་སྲུང་དང་། རབ་བརྟན་གཉིས་ཀ་ལ་སྤྲུལ་པའི་མགོ་བོ་སུམ་ཅུ་རྩ་གཉིས་གཉུག་མར་གནས་པའི་མགོ་བོ་དང་སུམ་ཅུ་རྩ་གསུམ་ཡོད་པས་སོ། །རི་རབ་ཀྱི་རྩེ་མོ་དེའི་མཚམས་བཞིའི་ཟུར་ན་ལྕོག་ཆེན་པོ་བཞི་ཡོད་དེ། རྒྱུ་ལྕགས་ལས་གྲུབ་པ་དབྱིབས་གྲུ་བཞི་དཔག་ཚད་ཕྱེད་དང་ལྔ་བརྒྱ། ངོས་རེ་ལ་དཔག་ཚད་བརྒྱ་ཉིས་ཤུ་རྩ་ལྔ་རེ་ཡོད་དོ། །སུམ་ཅུ་རྩ་གསུམ་གྱི་དབུས་ན་གྲོང་ཁྱེར་ཆེན་པོ་ལྟ་ན་སྡུག་ཅེས་བྱ་བ་ཕྱོགས་བཞི་རི་རབ་དང་འདྲ་བར་རིན་པོ་ཆེ་བཞི་ལས་གྲུབ་པ་སྟེ། དེའི་ངོས་རེ་ལ་དཔག་ཚད་ཉིས་སྟོང་ལྔ་བརྒྱ། དཔངས་སུ་དཔག་ཚད་ཉིས་སྟོང་ལྔ་བརྒྱའོ། །དེའི་འོག་གཞི་གསེར་གྱིས་བྱས་པ་ལ། རིན་པོ་ཆེ་སྣ་ཚོགས་པས་སྤྲས་ཤིང་རྐང་པ་མནན་ན་ནེམ་ཞིང་། བཏེག་ན་འཕར་བའི་མཉེན་པའོ། །གྲོང་ཁྱེར་དེའི་ཕྱོགས་བཞི་དག་ན་ལམ་སྲང་ཆེན་པོ་བཞི་ཡོད་དེ། ལམ་སྲང་གི་ཁ་ཞེང་ལ་དཔག་ཚད་བཅུ་གཉིས། དཀྱུས་ལ་དཔག་ཚད་ཉིས་སྟོང་བརྒྱ་ཉིས་ཤུ་རྩ་ལྔའོ། །ལམ་སྲང་དེ་དག་གི་འོག་གཞི་གསེར་གྱི་བྱེ་བ་བརྡལ་བས་བྱས་པ་དེ་དག་གི་གཡས་གཡོན་གྱི་ཉེ་འཁོར་ན་ཡན་ལག་བརྒྱད་དང་ལྡན་ཞིང་སྦྲང་རྩིའོ་རོ་བྲོ་བའི་རྫིང་བུ་པདྨ་ལ་སོགས་པ་མེ་ཏོག་སྣ་ཚོགས་གྱིས་བརྒྱན་པ་དང་། དེ་ཡི་ཉེ་འཁོར་ཐམས་ཅད་ན་དཔག་བསམ་ཤིང་ལ་བྱ་སྐད་སྙན་པར་སྒྲོག་པ་མང་པོ་དོ། །ལྷ་རྣམས་ཀྱི་བསོད་ནམས་ཀྱིས་དུས་སུ་རླུང་ལངས་པས་མེ་ཏོག་རྙིང་པ་ཐམས་ཅད་འཐོར་ཞིང་མེ་ཏོག་གསར་པ་རྣམས་ནི་འགྲེམས་པར་བྱེད་དོ། །གྲོང་ཁྱེར་དེའི་ཕྱི་རོལ་ན་གསེར་གྱི་འཁོར་ཡུགས་དཔངས་སུ་དཔག་ཚད་ཕྱེད་ཡོད་པའི་བསྐོར་པའོ། །དེའི་ཕྱི་རོལ་འོབས་ཀྱི་ནང་ན་ཅུ་བསིལ་ཞིང་དྭངས་པ་སྦྲང་རྩིའི་རོ་བྲོ་བ་ཡིད་དུ་འོང་བའི་ཆུས་གང་བ་རིམ་པ་བདུན་གྱིས་བསྐོར་བ་དེ་ལ། ཕྱོགས་བཞི་ན་རིན་པོ་ཆེའི་ཟམ་པ་བཙུགས་པ་ཡོད་དོ། །གྲོང་ཁྱེར་དེ་ལ་སྒོ་སྟོང་དུ་གཅིག་གིས་མ་ཚང་བ་ཡོད་དོ། །སྒོ་རེ་སྒོ་སྲུང་པ་ལྔ་བརྒྱ་ཡོད་དོ། །གྲོང་ཁྱེར་དེ་ཡི་དབུས་ན་རྣམ་པར་རྒྱལ་བའི་ཁང་བཟང་། རྒྱུ་རིམ་པོ་ཆེ་སྣ་བཞི་ལས་བྱས་པ། འོག་གཞི་གསེར་ལ་རིན་པོ་ཆེ་སྣ་ཚོགས་ཀྱིས་སྤྲད་པ་ཡོད། དེ་ཡི་ངོས་རེ་ལ་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་ཚད་སྟོང་ཡོད་ལ། དཔངས་སུ་གྲོང་ཁྱེར་གཞན་པས་དཔག་ཚད་ཕྱེད་དང་ལྔར་གྱེན་དུ་འཕགས་པའོ། ། དེ་ལ་བ་གམ་བརྒྱ་རྩ་གཅིག་ཡོད་དེ། བ་གམ་རེ་རེའི་ནང་ན་ཁང་བུ་བརྩེཊ་པ་བདུན་བདུན་ནོ། །གྲོང་ཁྱེར་ལྟ་ན་སྡུག་གི་ཕྱི་རོལ་ཤར་ཕྱོགས་ན། ཤིང་སྣ་སྣ་ཚོགས་གྱི་ཚལ་ཡོད། ལྷོ་ན་རྩུབ་འགྱུར་གྱི་ཚལ། ནུབ་ན་འདྲེས་པའི་ཚལ། བྱང་ན་དགའ་བའི་ཚལ་གྱིས་བརྒྱན་པའོ། །ཚལ་བཞི་པོ་རེ་རེའི་མཐའ་སྐོར་དུ་དཔག་ཚད་སྟོང་སྟོང་ཡོད་པ་དེ་ལ་གསེར་གྱི་རྭ་བས་བསྐོར་བའོ། །དེ་ན་རྫིང་བུ་དང་། དཔག་བསམ་གྱི་ཤིང་དང་། མེ་ཏོག་སྣ་ཚོགས་དང་། བྱ་སྣ་ཚོགས་པས་བརྒྱན་པ་ཡོད་དོ། །དེ་དག་གི་ཕྱོགས་བཞིའི་དཔག་ཚད་ཉིས་ཤུ་ན། ཤར་ན་ཚོགས་པས་བརྒྱན་པ་ཡོད་དོ། །དེ་དག་གི་ཕྱོགས་བཞིའི་དཔག་ཚད་ཉིས་ཤུ་ན། ཤར་ན་ཤིང་རྟ་སྣ་ཚོགས་ཀྱི་ས་ལ་སོགས་པ་ས་གཞི་བཟང་པོ་བཞི། ཚད་ཚལ་བཞི་དང་འདྲའོ། །གྲོང་ཁྱེར་ལྟ་ན་སྡུག་གི་བྱང་ཤར་གྱི་མཚམས་ན། ཤིང་ཡོངས་འདུ་ས་བརྟོལ་ཡོད་དེ། རྩ་བ་ཐུར་དུ་དཔག་ཚད་ལྔ་བཅུ་ཟུག་པ། གྱེན་དུ་དཔག་ཚད་ལྔ་བརྒྱ་འཕཊ་པ། མཐའ་སྐོར་དུ་དཔག་ཚད་སུམ་བརྒྱ་ཡོད་པ། དེ་ལས་འདོད་པའི་ཡོན་ཏན་ཐམས་ཅད་འབྱུང་བ་ཡོད་དོ། །གྲོང་ཁྱེར་ལྟ་ན་སྡུག་གི་ལྷོ་ནུབ་མཚམས་ན་ཆོས་བཟང་ལྷ་ཡི་མདུན་ས་ཡོད་དེ། དེའི་དབྱིབས་ཟླུམ་པོ། །དེ་ཡི་སྟེང་གི་ཐོག་དང་འོག་གི་གཞི་མ་དང་ཀ་གདུང་ཐམས་ཅད་གཞི་ཤེལ་ལས་བྱས་པ། དེའི་ཚད་ནི་གྱེན་དུ་དཔག་ཚད་སུམ་བརྒྱ། ཐད་ཀར་དཔག་ཚད་སུམ་བརྒྱ། མཐའ་སྐོར་དུ་དཔག་ཚད་སུམ་བརྒྱ། མཐའ་སྐོར་དུ་དཔག་ཚད་དགུ་བརྒྱ་ཡོད་དོ། །དེ་ཡི་ནང་ན་རྡོ་ཨ་མོ་ལི་ཀ་ཞེས་བྱ་བ། དབྱིབས་གྲུ་བཞིའི་ངོས་རེ་ལ་དཔག་ཚད་ལྔ་བཅུ། རིན་པོ་ཆེའི་ཚོན་སྣ་མི་འདྲ་བ་བརྒྱ་རྩ་གཅིག་གིས་མིག་མངས་རིས་སུ་བྲིས་པ་སྟེ། དེ་ཡང་ཤིང་བལ་གྱི་འདབ་མ་ལྟར་རེག་ན་འཇམ་ཞིང་། རྐང་པས་མནན་ན་ནེམ་པ་བཏེག་ན་འཕར་བ་ལྟ་བུ་དེའི་དབུས་ན། ལྷའི་དབང་པོས་ལྷ་རྣམས་ལ་དུས་སུ་ཆོས་འཆད་པའི་གསེར་གྱི་ཁྲི་ཡོད་པ་དེ་ན། མེ་ཏོག་ལ་སོགས་པ་སྔར་དང་འདྲ་བ་ཡོད་དོ། །ད་ནི་ནམ་མཁའ་ལ་གནས་པའི་ལྷའི་གནས་བསྟན་པ་ནི། སུམ་ཅུ་རྩ་གསུམ་དེའི་སྟེང་ན་ཡར་ནམ་མཁའ་ལྷའི་གནས་བསྟན་པ་ནི། སུམ་ཅུ་རྩ་གསུམ་དེའི་སྟེང་ན་ཡར་ནམ་མཁའ་ལ་བ་རྟེན་པའི་ལྷ་གནས་ཉིས་ཤུ་རྩ་གཅིག་ཡོད་དེ། འདོད་ཁམས་ཀྱི་ལྷ་གནས་བཞི། གཟུགས་ཁམས་ཀྱི་ལྷ་གནས་བཅུ་བདུན་ནོ། །དེ་དག་ནམ་མཁའ་ལ་རླུང་གིས་བཏེག་ནས་རིམ་གྱིས་གནས་སོ། །དེ་ངག་གི་ཚད་ནི་འཐབ་བྲལ་གྱི་ལྷ་གནས་རི་རབ་ཀྱི་རྩེ་མོ་དང་མཉམ་པའོ། །དགའ་ལྡན། འཕྲུལ་དགའ་གཞན་འཕྲུལ་དབང་བྱེད་གསུམ་པོ་ཉིས་འགྱུར་ཉིས་འགྱུར་གྱིས་གོང་མ་གོང་མ་ཆེ་བའོ། །དེ་ནས་བསམ་གཏན་དང་པོའི་གནས་ནི་གླིང་བཞིའི་རྒྱ་དང་མཉམ། བསམ་གཏན་གཉིས་པ་སྟོང་སྤྱི་ཕུད་ཀྱི་འཇིག་རྟེན་དང་མཉམ། བསམ་གཏན་གསུམ་པ་ནི་སྟོང་གཉིས་པ་བར་མའི་འཇིག་རྟེན་དང་མཉམ། བསམ་གཏན་བཞི་པ་སྟོང་གསུམ་གྱི་རྒྱ་དང་མཉམ་མོ། །འོ་ན་ལྷ་གནས་དེ་དག་ལ་བར་ཐག་ཇི་ཙམ་ཡོད་ཅེ་ན། ལྷ་གནས་དེ་དག་གི་སྟེང་འོག་གི་བར་ཐག་ནི། རི་རབ་ཀྱི་རྩེ་མོ་ནས་མི་ཡུལ་གྱི་གླིང་བཞི་ལ་བར་ཐག་དང་དཔག་ཚད་བརྒྱད་ཁྲི་ཡོད་པ་དེ་ལྟར་འཐབ་བྲལ་གྱི་པར་ལ་ཡང་དེ་སྲིད་ཡོད་དོ། །འཐབ་བྲལ་གྱི་གནས་ནས་མི་ཡུལ་གྱི་གླིང་བཞི་ལ་བར་ཐག་དང་དཔག་ཚད་བརྒྱད་ཁྲི་ཡོད་པ་དེ་ལྟར་འཐབ་བྲལ་གྱི་པར་ལ་ཡང་དེ་སྲིད་ཡོད་དོ། །འཐབ་བྲལ་གྱི་གནས་ནས་མི་ཡུལ་གྱི་གླིང་བཞི་ལ་བར་ཐག་དཔག་ཚད་ཆིག་འབུམ་དྲུག་ཁྲི་ཇི་སྲིད་ཡོད་པ། བཞིན་དུ་འཕྲུལ་དགའ་ལ་སོགས་པའི་གནས་ནས། གནས་འོག་མ་གླིང་བཞིའི་བར་ཇི་སྲིད་ཡོད་པ་དེ་ཡི་གོང་མ་ལའང་། བར་ཐག་དེ་སྲིད་ཡོད་པ་ཀུན་འདྲ་སྟེ། དེ་ལྟར་རྩིས་པས་ཤིན་ཏུ་མཐོང་གི་ལྷ་གནས་ནས། མི་ཡུལ་ལ་བར་ཐག་ཇི་ཙམ་ཡོད་པ་དེ་སྲིད་ཅིག་ཤིན་ཏུ་མཐོང་ནས་འོག་མིན་གྱི་བར་ལ་ཡོད་དོ། །འོ་ན་ལྷ་གནས་དེ་དག་འོག་མས་གོང་མར་ཕྱིན་ཅིང་། ལྟར་མཐོང་ངམ་མི་མཐོང་ཞེ་ན། རང་གི་རྫུ་འཕྲུལ་ཡོད་པའམ། གཞཉ་གྱི་རྫུ་འཕྲུལ་ལ་བརེན་ནས་མཐོང་བ་མ་གཏོགས་པ། དེ་དག་འོག་མས་གོང་མ་མཐོང་བ་མེད་དོ། །སེམས་ཅན་སྤྱི་མཐུན་གྱི་ལས་ཀྱི་མཐུས་དང་པོ་ལ་སྣོད་ཆགས་ཏེ། དེ་ཡང་དང་པོ་ནམ་མཁའི་མཐུན་གྱི་ལས་ཀྱི་མཐུས་དང་པོ་ལ་སྣོད་ཆགས་ཏེ། དེ་ཡང་དང་པོ་ནམ་མཁའི་ལྷ་གནས་ཚངས་པ་ཆེན་པོ་ནས་འཐབ་བྲལ་ཡན་ཆད་ཀྱི་གཞལ་མེད་ཁང་རྣམས་རླུང་ལ་བརྟེན་ནས་ཡར་མར་རིམ་གྱིས་ཆགས་སོ། །དེ་ནས་ས་ལ་བརྟེན་པའི་སྣོད་རྣམས་མས་ནས་ཡར་རིམ་གྱིས་ཆགས་སོ། །དེ་ནས་ས་ལ་བརྟེན་པའི་སྣོད་རྣམས་མས་ནས་ཡར་རིམ་གྱིས་ཆགས་ཏེ། གོང་དུ་རྒྱས་པར་བཤད་པ་བཞིན་ནོ། །དེ་ལྟར་སྣོད་ཆགས་པའི་ཡུན་བར་གྱི་བསྐལ་པ་གཅིག་འདི་རྫོགས་པའོ། །སྣོད་དེ་དག་གི་ཚད་དང་དུས་ཀྱི་ཕྲ་རགས་བསྟན་པ། གཉིས་པ་དེ་དག་གི་ཚད་གཞལ་བའི་དཔག་ཚད་དང་། ལོ་ཟླ་བ་བསྐལ་པ་ལ་སོགས་པའི་རྒྱུའི་ཕྲ་རགས་བསྟན་པ་ལས། དང་པོ་གཟུགས་ཀྱི་ཕྲ་རགས་བསྟན་པ་ནི། གཟུགས་ཀྱི་མཐའ་རྡུལ་ཕྲ་རབ་ནི། ཉི་ཟེར་གྱི་རྡུལ་འབྲིང་པོ་གཅིག་ལ་བཞི་བཅུ་ཞེ་དགུར་བགོས་པའི་ཆ་གཅིག་ལ་འདོད་དོ། །རྡུལ་ཕྲ་རབ་ལ་རྡུལ་ཕྲན་གཅིག་ཡིན་ཏེ། དེ་བཞིན་བདུན་འགྱུར་དུ་བྱས་པས། རྡུལ་ཕྲན་བདུན་ལ་ལྕགས་རྡུལ་གཅིག་དེ་བདུན་ལ་ཆུ་རྡུལ་གཅིག །དེ་བདུན་ལ་རེ་བོང་གི་སྤུ་རྩེའི་རྡུལ་བཅིག་དེ་བདུན་ལ་ལུག་གི་སྤུ་རྩེའི་རྡུལ་གཅིག དེ་བདུན་ལ་གླང་གི་སྤུ་རྩེའི་རྡུལ་གཅིག དེ་བདུན་ལ་ཉི་ཟེར་གྱི་རྡུལ་གཅིག དེ་བདུན་ལ་སྲོ་མ་གཅིག་སྲོ་མ་བདུན་ལ་ཤིག་གཅིག ཤིག་བདུན་ལ་ནས་གཅིག ནས་བདུན་ལ་སོར་ཚོགས་གཅིག །ཤིག་བདུན་ལ་ནས་གཅིག ནས་བདུན་ལ་སོར་ཚོགས་གཅིག སོར་མོ་ཉིས་ཤུ་རྩ་བཞི་ལ་ཁྲུ་གང་། ཁྲུ་བཞི་ལ་འདོམ་གང་། འདོམ་དེ་ཉིད་ལྔ་བརྒྱ་ལ་རྒྱང་གྲགས་གཅིག རྒྱང་གྲགས་དེ་བརྒྱད་ལ་དཔག་ཚད་གཅིག་ཅེས་བྱའོ། །དུས་ཀྱི་ཕྲ་རགས་བསྟན་པ་ནི། དུས་ཀྱི་མཐའ་སྐད་ཅིག་ལ་ཐུབ་སྟེ། དེ་ཡང་ཕྲ་བའི་སྐད་ཅིག་གི་ཚད་ནེ། སེ་གོལ་གཏོག་པ་གཅིག་བརྒྱ་ཉིས་ཤུར་བགོས་པའི་ཆ་གཅིག་ལ་འདོད་དོ། །ཕྲ་བའི་སྐད་ཅིག་མ་བརྒྱ་ཉིས་ཤུ་ལ་རགས་པའི་སྐད་ཅིག་མའོ། །རགས་པའི་སྐད་ཅིག་མ་དྲུག་ཅུ་ལ་ཐང་ཅིག་གོ །དེ་ཉིད་སུམ་ཅུ་ལ་ཡུད་ཙམ་གཅིག་དེ་སུམ་ཅུ་ལ་ཉིན་ཞག་གཅིག་ཞག་སུམ་ཅུ་ལ་ཟླ་བ་གཅིག་ཟླ་བ་བཅུ་གཉིས་ལ་ལོ་གཅིག་ལོ་དེ་བསགས་པས་མི་ལོ་ཐེར་འབུམ་ཉིས་ཤུ་ལ་བར་བསྐལ་གཅིག་ཡ་ཐོག་རིང་པོ། མ་ཐོག་རིང་པོ་གཉིས། བར་གྱི་ཁུག་པ་བཅོ་བརྒྱད། །དེ་ལ་བར་གྱི་བསྐལ་པ་ཉིས་ཤུ། ཉིས་ཤུའི་ཡུན་དུ་འཇིག །ཉིས་ཤུའི་ཡུན་དུ་ཆགས། ཉིས་ཤུའི་ཡུན་དུ་སྟོངས། ཉིས་ཤུའི་ཡུན་དུ་གནས་པའི་ཕྱིར་རོ། །དེ་ལྟར་བར་བསྐལ་བརྒྱད་ཅུ་ལ་བསྐལ་པ་ཆེན་པོ་གཅིག་གོ །སྟོང་གསུམ་གྱི་འདོད་ཚུལ། གསུམ་པ་སྟོང་གསུམ་གྱི་འདོད་ཚུལ་བསྟན་པ་ནི། གླིང་བཞི་དང་། ཉི་ཟླ་དང་། རི་རབ་དང་། རི་བདུན་དང་། འདོད་ལྷ་དྲུག་དང་། ཚངས་པའི་འཇིག་རྟེན་དང་བཅས་པ་སྟོང་ལ་ནི། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ཞེས་བྱ་སྟེ། དེ་ལ་ལྕགས་རི་གཅིག་གིས་བསྐོར་བའོ། །སྟོང་སྤྱི་ཕུད་དེ་ཉིད་གཅིག་ནས་གཉིས་སུ་བགྲངས་པ་དེ་སྟོང་ལ་ནི། །སྟོང་གཉིས་པ་བར་མའི་འཇིག་རྟེན་གྱི་ཁམས་ཞེས་བྱ་སྟེ། དེ་ལ་ལྕགས་རི་གཅིག་གིས་བསྐོར་བའོ། །སྟོང་གཉིས་པ་བར་མའི་འཇིག་རྟེན་དེ་གཅིག་ནས་གཉིས་སུ་བགྲངས་པ་དེ་སྟོང་ལ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། དེ་ན་གླིང་བཞི་ལ་སོགས་པ་བྱེ་བ་ཕྲག་བརྒྱ་ཡོད་ལ། དེ་ལ་ལྕགས་རི་གཅིག་གིས་བསྐོར་ཞིང་། ལྕགས་རི་དེས་ཚངས་པའི་འཇིག་རྟེན་དུ་སླེབས་པར་བཤད་དོ། །དེ་དག་ཆགས་པ་དང་། གནས་པ་དང་། འཇིག་པ་དང་། སྟོངས་པ་རྣམས་དུས་མཉམ་མོ། །དེ་ཡན་ཆད་ཀྱིས་ཕྱི་སྣོད་ཀྱི་འཇིག་རྟེན་གྱི་གནས་ཚུལ་བཤད་དོ། །བཅུད་ཀྱི་སེམས་ཅན་གནས་ཚུལ། བཞི་པ་དེ་ལས་ཞར་ལ་འཕྲོས་པ་བཅུད་ཀྱི་སེམས་ཅན་དན་གནས་ཚུལ་བསྟན་པ་ནི། དེ་སྟར་སྣོད་ཀྱི་འཇིག་རྟེན་དེ་དག་ན། བཅུད་ཀྱི་སེམས་ཅན་གནས་ཚུལ་ནི། དེ་ལ་སྤྱིར་ཁམས་ནི་རྣམ་པ། སུམ། ས་ནི་རྣམ་པ་དགུ འགྲོ་བ་རིགས་ལྔའམ་དྲུག་སྐྱེ་གནས་རྣམ་པ་གཞིའོ། །དེ་ལ་དང་པོ་ཁམས་གསུམ་ནི། འདོད་ཁམས་དང་། གཟུགས་ཁམས་དང་། གཟུགས་མེད་པའི་ཁམས་དང་གསུམ་མོ། །གདོད་པའི་ཁམས་ནི་གནས་རིག་གཉིས་ཤུ་སྟེང་། གང་ཞེ་ན་ངན་སོང་གི་གནས་བཅུ་དང་། མཐོ་རིས་ཀྱི་གནས་བཅུའོ། །ངན་སོང་གི་གནས་བཅུ་ནི། དམྱལ་བ་ཚ་གྲང་བརྒྱད་བརྒྱད་པོ། ཚེ་ཚད་དང་སྡུག་བསྔལ་ཞེ་ལ་མཉམ་པས། ཡང་སོས་དང་ཆུ་བུར་ཅན་གཉིས་ཟུང་དུ་བྱས་པ་ལ་གཅིག་ཏུ་བགྲངས་པ་ལ་སོགས་པ་བརྒྱད། ཡི་དྭགས་དུད་འགྲོ་གཉིས་ཏེ་ངན་སོང་བཅུའོ། །མཐོ་རིས་ཀྱི་གནས་བཅུ་ནི། མི་ཡུལ་གླིང་བཞི་སོ་སོར་བགྲངས་ཏེ། ཚེ་ཚད་དང་ལུང་ཚད་མི་འདྲ་བས་སོ། །རྒྱལ་ཆེན་བཞི་གཅིག་ཡུ་བགྲངས་ཏེ་ཚེ་ཚད་ལུས་ཚད་འདྲ་སྟེ་ལྔ། དེ་ཡན་ཆད་ལྷ་མ་ཡིན་དང་འཐབ་པ་དང་བྲལ་མ་ཡིན་དང་འཐབ་ལ། དེ་ཡན་ཆད་ལྷ་མ་ཡིན་དང་འཐབ་པ་དང་བྲལ་བས་འཐབ་བྲལ་ལོ། །སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་བཞུགས་པའི་གནས་སུ་གྱུར་ཅིང་། ཐེག་ཆེན་གྱི་ཆོས་ཀྱི་དགའ་བ་དང་ལྡན་པས་འཕྲུལ་དགའོ། །འདོད་ཡོན་གཞན་གྱིས་སྤྲུལ་པ་ལ་སྤྱོད་པས་གཞན་འཕྲུལ་དབང་བྱེད་དང་ལྔ་སྟེ་བཅུའོ། །གཟུགས་ཁམས་དག་ན་གནས་རིགས་བཅུ་བདུན་ཏེ། བསམ་གཏན་དང་པོ་དག་ན་ལྷ་གནས་གསུམ་སྟེ། བསམ་གཏན་དང་པོ་ཡན་ཆད་སྡིག་པ་མི་དགེ་བ་ལས་ཚངས་ཤིང་དེའི་རིགས་སུ་གཏོག་པས་ན་ཚངས་རིགས་དང་། གཅིག་གི་མདུན་ན་གཅིག་བསམ་གཏན་གྱི་སྨྲང་འདོན་པས། ཚངས་པ་མདུན་ན་འདོན་དང་། བསམ་གཏན་ཁྱད་པར་ཅན་བསྒོམས་པས་ཚངས་པ་གཞན་ལས་ཁྱད་པར་འཕགས་པས་ན་ཚངས་ཆེན་ནོ། །བསམ་གཏན་གཉིས་པ་དག་ན་ལྷ་གནས་གསུམ་སྟེ། ལྷ་གོང་མ་ལ་ལྟོས་ན་འོད་ཀྱི་རྒྱུ་ཆུང་ཞིང་མི་གསལ་བས་འོད་ཆུང་དང་། དེ་བས་འོད་རྒྱ་ཆེ་ཞིང་གསལ་བས་ཚད་མེད་འོད་དང་། དེ་བས་ཀྱང་རྒྱ་ཆེ་ཞིང་གསལ་བས་ན་འོད་གསལ་ལོ། །འོ་ན་ལྷ་ཐམས་ཅད་ཀྱི་ལུས་ལ་འོད་ཡོད་པ་མཉམ་མོ་ཞེ་ན། བསམ་གཏན་དང་པོ་མན་ཆད་ན། ལུས་ཀྱི་ཕྱི་འོད་ཀྱི་རང་བཞིན་ཙམ་མོ། །བསམ་གཏན་གཉིས་པ་ཡན་ཆད་ན། ལུས་ཀྱི་ཕྱི་ནང་གཉིས་ཀ་འོད་ཀྱི་རང་བཞིན་དུ་ཡོད་ལ། དེ་དག་གི་དང་པོར་འདུག་པས་འོད་ཀྱི་མིང་བཏགས་པའོ། །དེ་དག་གི་གོང་བསམ་གཏན་གསུམ་ན། ལྷ་རིགས་གསུམ་ཡོད་དེ། དེ་དག་ནི་དགའ་བ་ཡོད་པའི་བདེ་བ་དང་ལྡན་པས། འབྲས་བུ་བདེ་བ་ལ་རྒྱུ་དགེ་བའི་མིང་བཏགས་ཏེ། དེ་ཡག་ཡིད་ཀྱི་བདེ་བ་ཆུག་དུ་དང་ལྡན་པས་དགེ་ཆུང་དང་། བདེ་བ་ཚད་མེད་པ་དང་ལྡན་པས་ཚད་མེད་དགེ་དང་། བདེ་བས་རྒྱུ་གང་ཞིང་རྒྱས་པས་དགེ་རྒྱས་སོ། །དེའི་གོང་བསམ་གཏན་བཞི་པ་ན་ལྷ་རིགས་གསུམ་ཡོད་དེ། བསམ་གཏན་གཉིས་པ་ནས་དགེ་རྒྱས་མན་ཆད་ན། འོག་གཞི་སྤྲིན་ལྟ་བུ་ཧྲིབ་ཧྲིབ་པོ་ཞིག་ཡོད་ལ། དེ་ཡན་ཆད་ན་འོག་གཞི་སྤྲིན་དང་འདྲ་བ་དེ་ཡང་མེད་པས་སྤྲིན་མེད་དང་། ཚད་མེད་པ་བཞི་ཕུལ་དུ་བྱུང་བ་བསྒོམས་པའི་བསོད་ནསམ་ལས་སྐྱེས་པས་བསོད་ནམས་ལས་སྐྱེས་དང་། ཟག་བཅས་ཀྱི་གནས་གཞན་རྣམས་ཀྱི་ནང་ནས་འབྲས་བུ་ཆེ་བའི་མཆོག་ཏུ་གྱུར་པས་འབྲས་བུ་ཆེ་དང་། དེ་ཡི་སྟེང་ན་འཕགས་པའི་གནས་གཞན་གཙང་བའི་ལྷ་ལྔ་ནི། ཟག་བཅས་ཟག་མེད་ཀྱི་བསམ་གཏན་སྤེལ་མར་བསྒོམས་པ་ཆུང་དུ་ལས་བྱུང་བས་མི་ཆེ་བ་དང་། ལུས་སེམས་ལ་འགྱོད་པའི་གདུང་གྱ་ནོམ་སྣང་བ་དང་། ལྟ་བ་རྣམ་པར་དག་པ་མཐོང་བས་ཤིན་ཏུ་མཐོང་དང་། གནས་གཞན་རྣམས་ཀྱི་འོག་ཏུ་མ་གྱུར་པས་འོག་མིན་གྱི་གནས་སོ། །དེ་དག་གི་སྟེང་ན་སངས་རྒྱས་ལོངས་སྐུའི་ཞིང་ཁམས་ཡོད་པར་བཤད་དོ། །གཟུགས་མེད་ཀྱི་ཁམས་ནི་སྐྱེ་མཆེད་མུ་བཞི་སྟེ། ནམ་མཁའ་ཡང་མེད་པའི་སྐྱེ་མཆེད་དག ཡོད་མིན་མེད་མིན་གྱི་སྐྱེ་མཆེད་དོ། །དེའང་གཟུགས་མེད་པའི་ཕྱིར་ན། གནས་གཞན་དང་ལུས་ཚད་མེད་དོ། །ཁམས་གསུམ་གྱི་ངེས་ཚིག་ནི། ཅིའི་ཕྱིར་འདོད་ཁམས་ཞེ་ན། །ཕྱི་རོལ་གྱི་འདོད་ཡོན་ལྔ་ལ་ཆགས་པའི་ཕྱིར་ན་འདོད་ཁམས་སོ། །གཟུགས་ཁམས་གནས་རིགས་བཅུ་བདུན་པོ་དེ་དག་ལ། གཟུགས་ཁམས་ཞེས་ཅིའི་ཕྱིར་ཞེ་ན། ཕྱིའི་གཟུགས་ལ་སོགས་པ་ལ་འདོད་ཆགས་དང་བྲལ་ཡང་ནང་རོལ་གཟུགས་ཀྱི་ཕུང་པོ་ལ་ཆགས་པའི་སྲེད་པ་ཡོད་པས་གཟུགས་ཁམས་སོ། །སྐྱེ་མཆེད་མུ་བཞི་ལ་ཅིའི་ཕྱིར་གཟུགས་མེད་ཟེར་ན་ནང་གི་གཟུགས་ཕུང་ལ་ཆགས་པ་མེད་ཀྱང་། ཚོར་བ་ལ་སོགས་པ་མིང་གཞིའི་ཕུང་པོ་ཙམ་ལ་ཞེན་པས་ན་གཟུགས་མེད་དོ། །ཁམས་གསུམ་པོ་དེ་དག་ཀྱང་ས་རྣམ་པར་དགུར་བྱེད་ན། འདོད་ཁམས་པ་ལ་ལུས་པོ་བའི་ཟས་འདོད། མཐུན་པོའི་གྲོགས་འདོད། བརྟེན་པའི་གནས་འདོད་པ་ཙམ་དུ་མཐུན་པས་ས་གཅིག་གོ གཟུཊ་ཁམས་བསམ་གཏན་བཞི་རྣམས། ཁམས་གཅིག་ཀྱང་དགའ་བདེའི་བསམ་པ་མི་འདྲ་བས་དེ་དག་ལ་ས་རེ་རེ་སྟེ་བཞིའོ། །གཟུགས་མེད་སྐྱེ་མཆེད་མུ་བཞི་འདྲ་བས། དེ་དག་ལ་ས་རེ་རེ་སྟེ་བཞིའོ། །གཟུགས་མེད་སྐྱེ་མཆེད་མུ་བཞི་རྣམས་ལ། སྙོམས་འཇུག་གི་རིམ་པ་ཁྱད་པར་མི་འདྲ་བས་ས་བཞི་སྟེ་དགུའོ། །དེ་དག་འགྲོ་བ་ནི་རིགས་ལྔའམ་དྲུག་ཡིན་ཏེ། ལྷ་དང་། ལྷ་མིན་མི་དང་། ངན་སོང་གསུམ་སྟེ་དྲུག །ལྷ་མིན་ལྷ་ལ་བསྡུས་ན་ལྔའོ་དེ་དག་སྐྱེ་གནས་ནི་རྣམ་པ་བཞི་ལས་སྐྱེས་ཡེ། ལྷ་རྣམས་དང༌། དམྱལ་བ་དང་། བར་དོ་རྣམས་རྫུས་སྐྱེས་སོ། །ཡི་དྭགས་ཕལ་ཆེར་རྫུས་སྐྱེས་ཡིན་ལ། མངལ་ལས་སྐྱེས་པའང་ཡོད་དོ། །དུད་འགྲོ་རྣམས་ལ་སྐྱེ་གནས་རྣམ་པ་བཞི་ཀ་ཚང་། མི་རྣམས་ལའང་སྐྱེ་གནས་བཞི་ཚང་སྟེ། སྲིད་པ་དང་པོའི་མི་ཐམས་ཅད་རྫུས་སྐྱེས་སོ། །ཡི་དྭགས་ཕལ་ཆེར་རྫུས་སྐྱེས་ཡིན་ལ། མངལ་སལ་སྐྱེས་པའང་ཡོད་དོ། །དུད་འགྲོ་རྣ་ལ་སྐྱེ་གནས་རྣམ་པ་བཞི་ཀ་ཚང་། མི་རྣམས་ལའང་སྐྱེ་གནས་བཞི་ཚང་སྟེ། སྲིད་པ་དང་པོའི་མི་ཐམས་ཅད་རྫུས་སྐྱེས་སོ། །བུད་མེད་ལྷ་མཚམས་མའི་བུ་སུམ་ཅུ་རྩ་གཉིས་ལ་སོགས་པ་སྒོ་ང་ལས་སྐྱེས་པའོ། །རྒྱལ་པོ་སྤྱི་བོ་སྐྱེས་ལ་སོགས་པ་དྲོད་གཤེར་ལས་སྐྱེས་པའོ། །མངལ་སྐྱེས་དངོས་སུ་གྲུབ་བོ། །འགྲོ་བ་རིགས་དྲུག་གི་སེམས་ཅན་དེ་རྣམས། གནས་གཞན་གང་ན་གནས་བསྟན་པ་ནི། འགྲོ་བ་མི་ནི་གླིང་ཆེན་པོ་བཞི་ན་གནས་སོ། །དེ་ཡང་ཤར་ལུས་འཕགས་པོ་ན། འབྲུ་སྣ་ལྔ་དང་རིན་པོ་ཆེ་ལྔ་ལ་ལོངས་སྤྱོད་དེ། འཛམ་བུ་གླིང་བ་བས་ཀྱང་མངའ་ཐང་ཆེའོ། །དེ་བས་ཀྱང་ནུབ་བ་ལང་སྤྱོད་མངའ་ཐང་སྟེ། དེ་ན་བ་ལང་དང་རིན་པོ་ཆེ་ལ་ལོངས་སྤྱོད་དོ། །དེ་བས་གླིང་པ་བས་ཀྱང་མངའ་ཐང་ཆེའོ། །དེ་བས་ཀྱང་ནུབ་བ་ལང་སྤྱོད་མངའ་ཐང་ཆེ་སྟེ། དེ་ན་བ་ལང་དང་རིན་པོ་ཆེ་ལ་ལོངས་སྤྱོད་དོ། །དེ་བས་བྱང་སྒྲ་མི་སྙན་མངའ་ཐང་ཆེ་སྟེ། དཔག་བསམ་གྱི་ཤིང་ལ་ལོངས་སྤྱོད་དོ། །གླིང་ཕྲན་བརྒྱད་ན་མིའམ་ལྷ་སྲིན་སྡེ་བརྒྱད་གནས་པར་བཤད་དོ། །རི་རབ་ཀྱི་བང་རིམ་བཞི་ལ་གནོད་སྦྱིན་གཞོང་ཐོགས་དང་། ཕྲེང་ཐོགས་དང་། རྟག་མྱོས་དང་། རྒྱལ་ཆེན་རིགས་བཞི་གནས་ཏེ། ཤར་དྲི་ཟའི་རིགས་རྒྱལ་པོ་ཡུལ་འཁོར་སྲུང་དང་། ལྷོ་ན་གྲུལ་བུམ་གྱི་རིགས་རྒྱལ་པོ་འཕགས་སྐྱེས་པོ་དང་། ནུབ་ན་གླུ་དབང་གི་རིགས་རྒྱལ་པོ་སྤྱན་མི་བཟང་དང་། བྱང་ན་གནོད་སྦྱིན་གྱི་རིགས་རྒྱལ་པ་རྣམ་ཐོས་སྲས་འཁོར་དང་བཅས་པ་གནས་སོ། །རི་བདུན་པོ་གཞན་དག་གི་ཁ་ལའང་། རྒྱལ་ཆེན་རིགས་བཞིའི་ལྷའི་རིགས་གནས་སོ། །ཉི་ཟླ་སྐར་མའི་སྟེང་ནའང་། ལྷའི་གྲོང་ཁྱེར་བཀོད་པ་ཕུན་སུམ་ཚོགས་པ་ཡོད་དེ། དེ་དག་ཀྱང་རྒྱལ་ཆེན་བཞིའི་རིགས་སུ་གཏོཊ་སོ། །རོལ་མཚོ་བརྒྱད་ལ་ཀླུ་ཆེན་པོ་བརྒྱད་གནས་སོ། །རྒྱ་མཚོ་བ་ཚཱ་ཅན་ལ་དུད་འགྲོའི་ཚོགས་ཅན་ཆང་གི་སྦང་མ་ལྟ་བུར་གནས་སོ། །གཤིན་རྗེའི་འཇིག་རྟེན་དག་ན་ཡི་དྭགས་ཀྱི་རྒྱལ་པོ་གཤིན་རྗེ་ཆོས་ཀྱི་རྒྱལ་པོ། ཡི་དྭགས་ཕལ་པོ་ཆེ་དང་བཅས་པ་གནས་སོ། །དམྱལ་བའི་གནས་གཞན་རྣམས་ལ་དམྱལ་བའི་སེམས་ཅན་སའི་རྡུལ་ཕྲ་རབ་ཀྱི་གྲངས་དང་མཉམ་པར་གནས་སོ། །དེ་ཡི་དབུས་ཀྱི་རྣམ་པར་རྒྱལ་བའི་ཁང་བཟང་ན། ལྷའི་དབང་པོ་བརྒྱ་བྱིན་ཉེ་དབང་སུམ་ཅུ་རྩ་གཉིས་དང་བཅས་པ་གནས་སོ། །དེ་དག་ལ་ལྷ་ཕྲན་སྟོང་ཕྲག་དུ་མའི་འཁོར་གྱིས་བསྐོར་ནས། འདོད་པ་ལ་རྩེ་དགའ་ཡོངས་སུ་སྐྱོད་དོ། །དུས་དུས་སུ་ཆོས་བཟང་ལྷའི་འདུན་སར། ལྷ་རྣམས་ལྷའི་དབང་པོ་ལས་ཆོས་ཉན་ནོ། །ལྕོག་བཞི་ལ་གནོད་སྦྱིན་ལག་ན་རྡོ་རྗེ་འཁོར་བཅས་གནས་སོ། །གླང་པོ་ཆེ་ས་སྲུང་དང་། །རབ་བརྟན་ཁ་དོག་གངས་རི་ལྟར་དཀར་བ། དཔངས་སུ་དཔག་ཚད་ཕྱེད་དང་གསུམ། ཞེང་དུ་ཕྱེད་དང་གཉིས། མཐའ་སྐོར་དུ་དཔག་ཚད་བདུན་ཡོད་པ། འཁོར་གླང་ཕྲན་སྟོང་གིས་བསྐོར་བ། མངོན་ཤེས་དང་རྫུ་འཕྲུལ་ཅན། འཛམ་གླིང་གསེར་བྲག་དང་ཤིང་མཆོག་སཱ་ལ་དང་། མཚེའུ་དལ་གྱིས་འབབ་པར་སྡོད་དོ། །ལྷ་མ་ཡིན་རྣམས་ནི་རི་རབ་ཀྱི་ཁོང་གསེང་གྱི་གཞིའི་སྟེང་ན་ཡོད་དོ། །དེའི་ལོངས་སྤྱོད་ནི་སུམ་ཅུ་རྩ་གསུམ་པའི་ལྷ་དང་མཐུན་པར་ཡོད་དོ། །འགྲོ་བ་རིཊ་དྲུག་སེམས་ཅན་དེ་དག་གི་ལུས་ཚད་དང་ཚེ་ཚད་བསྟན་པ་ནི། འཛམ་བུ་གླིང་པའི་མི་རྣམས་ཀྱི་ལུས་ཚད་ནི་ཁྲུ་བཞི་པ། ཚེ་ཚད་ནི་ངེས་པ་མེད་དེ། སྲིད་པ་དང་པོའི་མི་རྣམས་ནི་ཚེ་ལོ་དཔག་ཏུ་མེད་པ་ཐུབ་པ་བྱུང་། དེ་ནས་བརྒྱད་ཁྲི་ལ་སོགས་པ་རིམ་གྱིས་མར་བྲི་བས། ཚེ་ལོ་བཅུ་ལས་མི་ཐུན་པའོ། །ཤར་ལུས་འཕགས་པོའི་ལུས་ཚད་ནི་འཛམ་བུ་གླིང་པའི་ཁྲུ་བརྒྱད། ཚེ་ཚད་ནི་ཉིས་བརྒྱ་ལྔ་བཅུ་ཐུབ། བ་ལང་སྤྱོད་པའི་ལུས་ཚད་ནི་ཁྲུ་བཅུ་དྲུག་གོ །ཚེ་ཚད་ནི་ལོ་ལྔ་བརྒྱའོ། །སྒྲ་མི་སྙན་པ་ཁྲུ་སུམ་ཅུ་རྩ་གཉིས། ཚེ་ཚད་ན་ལོ་སྟོང་ཐུབ། རྒྱལ་ཆེན་སྙན་པ་ཁྲུ་སུམ་ཅུ་རྩ་གཉིས། ཚེ་ཚད་ནི་ལོ་སྟོང་ཐུབ། རྒྱལ་ཆེན་རིགས་བཞིའི་ལྷ་རྣམས་ཀྱི་ལུས་ཚད་ནི། འཛམ་བུ་གླིང་པའི་ཚེ་ལོ་བརྒྱད་པའི་འདོམ་བརྒྱ་ཉིས་ཤུ་རྩ་ལྔ། ཚེ་ཚད་ནི་མི་ལོ་ལྔ་བཅུ་ལ། རྒྱལ་ཆེན་རིགས་ཀྱི་ལྷའི་ཉིན་ཞག་གཅིག་ཏུ་བྱས་པའི། རང་ལོ་ལྔ་བརྒྱ་ཐུབ་བོ། །སུམ་ཅུ་རྩ་གསུམ་པའི་ལུས་ཚད། འདོམ་ཕྱེད་སུམ་བརྒྱ། ཚེ་ཚད་ནི་མི་ལོ་བརྒྱ་ལ་ཞག་གཅིག་ཏུ་རྩིས་པའི་རང་ལོ་སྟོང་ཐུབ། འཐབ་བྲལ་བའི་ལུས་ཚད་འདོམ་སུམ་བརྒྱ་བདུན་ཅུ་རྩ་ལྔ། ཚེ་ཚད་ནི་མི་ལོ་ཉིས་ལུས་ཚད་འདོམ་སུམ་བརྒྱ་བདུན་ཅུ་རྩ་ལྔ། ཚེ་ཚད་ནི་མི་ལོ་ཉིས་བརྒྱ་ལ་ཞག་གཅིག་ཏུ་རྩིས་པའི་རང་ལོ་ཉིས་སྟོང་ཐུབ། དགའ་ལྡན་པའི་ལུས་ཚད་འདོམ་ལྔ་བརྒྱ། ཚེ་ཚད་ནི་མི་ལོ་བཞི་བརྒྱ་ལ་ཞག་གཅིག་ཏུ་རྩིས་པའི་རང་ལོ་བཞི་སྟོང་ཐུབ། འཕྲུལ་དགའི་ལུས་ཚད་འདོམ་དྲུག་བརྒྱ་ཉིས་ཤུ་རྩ་ལྔ། ཚེ་ཚད་ནི་མི་ལོ་བརྒྱད་བརྒྱ་ལ་ཞག་གཅིག་ཏུ་རྩིས་པའི་རང་ལོ་བརྒྱད་སྟོང་ཐུབ། གཞན་འཕྲུལ་དབང་བྱེད་ལུས་ཚད་འདོམ་བདུན་བརྒྱ་ཉིས་ཤུ། ཚེ་ཚད་མི་ལོ་སྟོང་དྲུག་བརྒྱ་ལ་ཞག་གཅིག་ཏུ་རྩིས་པའི་རང་ལོ་ཁྲི་དྲུག་སྟོང་ཐུབ་བོ། །གཟུགས་ཁམས་ཀྱི་དང་པོ་ཚངས་རིས་ཀྱི་ལུས་ཚད་དཔག་ཚད་ཕྱེད་ཚེ་ཚད་བར་གྱི་བསྐལ་པ་ཕྱེད་ཐུབ། ཚངས་པ་མདུན་ན་འདོན་ལུས་དཔག་ཚད་གཅིག །ཚེ་ཚད་བར་གྱི་བསྐལ་པ་ཕྱེད་དང་གཉིས་ཐུབ་བོ། །འོད་ཆུང་གི་ལུས་དཔག་ཚད་གཉིས། ཚེ་ཚད་བསྐལ་པ་ཆེན་པ་གཉིས་ཐུབ། ཚད་མེད་འོད་ཀྱི་ལུས་དཔག་ཚད་བཞི། ཆེ་ཚད་བསྐལ་པ་ཆེན་པོ་བཞི་ཐུབ། དགེ་ཆུང་གི་ལུས་དཔག་ཚད་བཅུ་དྲུག་ཚེ་ཚད་བསྐལ་པ་ཆེན་པོ་བཅུ་དྲུག་ཐུབ། ཚད་མེད་དགེ་བའི་ལུས་དཔག་ཚད་སུམ་ཅུ་རྩ་གཉིས། ཚེ་ཚད་བསྐལ་པ་ཆེན་པོ་སུམ་ཅུ་རྩ་གཉིས་ཐུབ། དགེ་རྒྱས་ཀྱི་ལུས་དཔག་ཚད་དྲུག་ཅུ་རྩ་བཞི། ཚེ་ཚད་བསྐལ་པ་ཆེན་པོ་དྲུག་ཅུ་རྩ་བཞི། སྤྲིན་མེད་ཀྱི་ལུས་དཔག་ཚད་བརྒྱ་ཉེར་ལྔ། ཚེ་ཚད་བསྐལ་པ་ཆེན་པོ་བརྒྱ་ཉེར་ལྔ་ཐུབ། བསོད་ནམས་སྐྱེས་ལུས་དཔག་ཚད་ཉིས་བརྒྱ་ལྔ་བཅུ། ཚེ་ཚད་བསྐལ་ཆེན་ཉིས་བརྒྱ་ལྔ་བཅུ་ཐུབ་བོ། །འབྲས་བུ་ཆེན་བའི་ལུས་དཔག་ཚད་ལྔ་བརྒྱ། ཚེ་བསྐལ་བ་ཆེན་པོ་སྟོང་ཐུབ་བོ། །མི་གདུང་བའི་ལུས་དཔག་ཆད་ཉིས་སྟོང་། ཚེ་ཚད་བསྐལ་པ་ཆེན་པོ་ཉིས་སྟོང་ཐུབ། ཤིན་ཏུ་མཐོང་བའི་ལུས་དཔག་ཚད་བཞི་སྟོང་། ཚེ་ཚད་བསྐལ་པ་ཆེན་པོ་བཞི་སྟོང་ཐུབ། གྱ་ནོམ་སྣང་བའི་ལུས་དཔག་ཚད་བརྒྱད་སྟོང་། ཚེ་ཚད་བསྐལ་པ་ཆེན་པོ་བརྒྱད་སྟོང་ཐུབ། འོག་མིན་གྱི་ལུས་དཔག་ཚད་ཁྲི་དྲུག་སྟོང་། ཚེ་བསྐལ་པ་ཆེན་པོ་ཁྲི་དྲུག་སྟོང་ཐུབ་བོ། །གཟུགས་མེད་ཁམས་ཀྱི་སྐྱེ་མཆེད་མུ་བཞི་ལ་ལུས་ཚད་གཞལ་དུ་མེད། ནམ་མཁའ་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པ་ཉིས་ཁྲི་ཐུབ། རྣམ་ཤེས་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པོ་ཉིས་ཁྲི་ཐུབ། རྣམ་ཤེས་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པོ་དྲུག་ཁྲི་ཐུབ། ཡོད་མིན་ངན་སོང་གསུམ་གྱི་ལུས་ཚད་ནི། ངེས་པ་མེད་དེ། དམྱལ་བའི་ལུས་ཚད་ནི་རྣམ་སྨིན་སྟོབས་ཆེ་ཆུང་གིས་ལུས་ཆེ་ཆུང་དུ་མ་ཡོད་དོ། །ཡི་དྭགས་ཀྱང་དེ་དང་མཚུངས་སོ། །དུད་འགྲོ་ནི་ཆེད་དགའ་བོ་དང་། ཉེ་དགའ་བོ་གནསི་ཀྱི་ལུས་ཀྱིས་རི་རབ་ལ་ལན་གསུམ་དཀྲིས་ནས་ཡོད་པར་བཤད་དོ། །དུད་འགྲོ་ཆུང་བ་ལ་མིག་གིས་མི་བཟོད་པ་ཡོད་པས་ངེས་པ་མེད་དོ། །ཚེ་ཚད་ནི་འདོད་ཁམས་ཀྱི་ལྷ་དྲུག་གི་ཚེ་ཚད། ཡང་སོས་ལ་སོགས་པའི་དམྱལ་བ་དྲུག་གི་ཞག་མཉམ་པས། རྒྱལ་ཆེན་བཞིའི་ཚེ་ལོ་ལྔ་བརྒྱ་ལ། དམྱལ་བ་ཡང་སོས་ཀྱི་ཞག་གཅིག་ཏུ་རྩིས་པའི་རང་ལོ་ལྔ་བརྒྱ་ཐུབ་བོ། །དེ་བཞིན་གོང་འོག་ཉིས་འགྱུར་ཉིས་འགྱུར་ཏེ། སུམ་ཅུ་རྩ་གསུམ་པའི་ལོང་སྟོང་ལ་དམྱལ་བ་ཐིག་ནག་གི་ཞག་གཅིག་ཏུ་བྱས་པའི་རང་ལོ་སྟོང་ཐུབ་བོ། །འཐབ་བྲལ་གྱི་ལོ་ཉིས་སྟོང་ལ། བསྡུས་འཇོམས་ཀྱི་ཞག་གཅིག་ཏུ་བྱས་པའི་རང་ལོ་ཉིས་སྟོང་ཐུབ་བོ། །དགའ་ལྡན་པའི་ལོ་བཞི་སྟོང་ལ། ངུ་འབོད་ཀྱི་ཞག་གཅིག་ཏུ་བྱས་པའི་རང་ལོ་བཞི་སྟོང་ཏུ་བྱས་པའི་རང་ལོ་བརྒྱད་སྟོང་ཐུབ་བོ། །གཞན་འཕྲུལ་དབང་བྱེད་ཀྱི་ལོ་ཁྲི་དྲུག་སྟོང་ལ་ཚ་བའི་ཞག་གཅིག་ཏུ་བྱས་པའི་རང་ལོ་ཁྲི་དྲུག་སྟོང་། ཐུབ་པོ། །རབ་ཏུ་ཚ་བས་ནི་བར་བསྐལ་ཕྱེད་ཐུབ་བོ། །མནར་མེད་ཀྱི་ཚེ་ནི་བར་གྱི་བསྐལ་པ་གཅིག་ཐུབ་པ། གྲངས་དམྱལ་གྱི་ཚེ་ཚད་ནི་ཏུལ་འབྲུ་མ་ག་དྷའི་བྲེའི་ཁལ་ཉིས་ཤུ་འགྲོ་བའི་སྣོད་གཅིག་བཀང་ནས། སྐྱེས་བུ་ཞིག་གིས་ལོ་བརྒྱ་བརྒྱ་བཞིན་ཏིལ་རེ་རེ་ཕྱུང་པས་ཏིལ་སྦྱངས་ཟད་པར་གྱུར་པ་དེ། དམྱལ་བ་ཆུ་བུར་ཅན་གྱི་ཚེ་ཚད་ཡིན་ཏེ། དམྱལ་བ་འོག་མ་རྣམས་ཉིས་ཤུ་ཉིས་ཤུའི་འགྱུར་གྱིས་མང་བར་འགྱུར་བའོ། །དུད་འགྲོའི་ཚེ་ཚད་ནི་ཀླུ་ཆེན་པོ་བརྒྱད་ཀྱིས་བར་གྱི་བསྐལ་པ་མང་པོ་ཐུབ། དུད་འགྲོ་ཕལ་པའི་ཚེ་ལ་ངེས་པ་མེད་དོ། །གཤིན་རྗེའི་འཇིག་རྟེན་ན་གནས་པའི་ཡི་དྭགས་རྣམས་ཀྱི་ཚེ་ཚད་ནི་མིའི་ཟླ་བ་གཅིག་ལ་ཡི་དྭགས་ཀྱི་ཞག་གཅིག་ཏུ་བྱས་པའི་རང་ལོ་ལྔ་བརྒྱ་ཐུབ། ཁ་འཐོར་བའི་ཡི་དྭགས་ཀྱི་ཚེ་ལ་ངེས་པ་མེད་དོ། །སྦྱིར་འདོད་ཁམས་ཀྱི་ཚེ་ཚད་དེ་ལྟར་ཡིན་མོད་ཀྱང་། སྒྲ་མི་སྙན་པ་མ་གཏོཊ་པ་འདོད་ཁམས་ཀྱི་སེམས་ཅན་གཞན་དུས་མིན་དུ་འཆི་བ་མང་པོ་ཡོད་དོ། །ཁམས་གོང་མ་གཉིས་འཇིག་རྟེན་རིང་པའི་རྒྱུ། སེམས་ཅན་རྣམས་ཀྱི་སྤྱི་མཐུན་གྱི་ལས་ལས་གྲུབ་པ་ཉེ་བའི་རྒྱུ་འབྱུང་བ་ཆེན་པོ་བཞི་ལས་ཆགས་པས་སྣོད་ལ་འཇིག་ཆགས་ཡོད་ཅིང་། བཅུད་ལ་སྐྱེ་འཆི་ཡོད་པས་མ་དག་པའི་སྲིད་པ་ཞེས་བྱའོ། །དེ་ལྟར་ཁམས་གསུམ་སྣོད་བཅུད་སྲིད་པ་དེ་རྣམས་ཡི་ནང་ནས། སྟོན་པ་སྤྲུལ་པའི་སྐུ་འབྱོན་པའི་གནས་ནི། སྤྱིར་འདོད་ཁམས་མིའི་ཡུལ་དང་། ཁྱད་པར་གླིང་བཞི་པའི་ནང་ནས་མཆོག་ཏུ་གྱུར་པའི་འཛམ་བུའི་གླིང་གི་རྡོ་རྗེ་གདན་དང་། དེ་ལས་ཀྱང་ཁྱད་པར་དུ་གྱུར་པ། བྱ་རྒོད་ཕུང་པོའི་གནས་ཏེ། ཀུན་བྱེད་ལས། གནས་ནི་བྱ་རྒོད་ཕུང་པོའི་གནས་བསྟན་ཏེ། །ཞེས་པ་ཆོས་གསུང་པའི་གནས་ནི་གཙོ་བོར་བྱ་རྒོད་ཕུང་པོའི་རི་སྟེ། དེ་ལ་ཅིའི་ཕྱིར་བྱ་རྒོད་ཕུང་པོའི་རི་བོ་ཞེས་བྱ་ཞེ་ན། རི་དེའི་ཤར་ལྷོ་ནི་རིའི་དབྱིབས་བྱ་རྒོད་ལྟ་བུར་ཆུ་ཞེང་གབ་པར་ཡོད་ཅིང་། དེ་ན་ཕུང་པོ་གསུམ་ཡོད་པས་ཕུང་པོ་ཞེས་བྱ་སྟེ། གསུམ་ནི་སྨན་དང་མེ་ཏོག་གི་ཕུང་པོ་དང་། ཆུ་ཡོན་ཏན་ཅན་དང་། རླུང་ཡོན་ཏན་ཅན་ནོ། །དང་པོ་ནི་སྨན་སྣ་ཚོགས་དང་། མེ་ཏོག་སྣ་ཚོགས་པ་ཡོད་པའོ། །གཉིས་པ་ནི། ཆུ་གྲང་དྲོ་རན་པ་རོ་མཆོག་བརྒྱད་དང་ལྡན་པ་ནད་ཐམས་ཅད་ལ་ཕན་པའི་ཆུ་བོ་ཡོད་པའོ། །གསུམ་པ་ནི་ངད་ལྡང་བའི་བསེར་བུ་གསུམ་ཡོད་དེ། ཁམས་བདེ་བའི་བསེར་བུ་དང་། །དང་པོ་ནི་སྨན་གྱི་དྲི་ངད་ཡོད་པ་དང་། ས་ཕྱོགས་ཚ་གྲང་སྙོམས་པས་གཞན་པས་ཁམས་བདེ་བའོ། །གཉིས་པ་ནི་ཚད་པའི་ནད་ཅན་ལ་བསིལ་ནུས། གྲང་ནད་ཅན་ལ་དྲོད་སྐྱེད་ནུས་པའི་བསེར་བུ་ཡོད་པས་ནད་ཚ་གྲང་མི་ལྡང་བར་འབྱུང་བ་སྙོམས་པའོ། །གསུམ་པ་ནི་རི་དེ་ལ་བཅོམ་ལྡན་འདས་ཀྱིས་ཆོས་གསུངས་པ་ཐམས་ཅད་འཁོར་རྣམས་ཀྱིས་ཐོས། ཐོས་པ་ཐབས་ཅད་ཟིན། ཟིན་པ་ཐམས་ཅད་མི་བརྗེད། མ་བརྗེད་པ་ཐམས་ཅད་རྒྱུད་ལ་སྐྱེ་བའོ། །ཡང་ན། རྒྱ་གར་སྐད་དུ། ཀྲི་ཏ་ཀུ་ཏ། ཞེས་བྱ་སྟེ། ཀྲི་ཏ་ནི་ཡོན་ཏན། ཀུ་ཏ་ནི་བརྩེགས་པ་སྟེ། ཡོན་ཏན་བརྩེགས་པའི་རི་བོ་ཞེས་བྱའོ། །དེ་ནི་གཙོ་བོའི་ངོས་ནས་སྨོས་སུ་ཟད་ཀྱི། ཡང་དག་ཐུགས་རྗེ་སྤྲུལ་པ་ངེས་མེད་གནས་ཞེས་པ། ཡང་དག་པར་ན་ཐུགས་རྗེ་ཅིར་ཡང་སྤྲུལ་པའི་སྐུ་ལ་ངེས་པ་ཕྱོགས་གཅིག་པ་མེད་པས་ན། བཞུགས་པའི་གནས་ལའང་ངེས་ཕ་མེད་ཡངས་པ་ཅན་ལ་སོགས་པར་ཡང་གསུངས་སོ། །བཞུགས་པའི་གནས་ལའང་པའི་སྐུ་ལ་ངེས་པ་མེད་དེ། རེས་འགའ་ནི་ཝ་ར་ཎཱ་སི། རེས་འགའ་ནི་སེར་སྐྱ། རེས་དགའ་ཡངས་པ་ཅན་ལ་སོགས་པར་ཡང་གསུངས་སོ། །གདུལ་བའི་ཞིང་ཁམས་ནི་ཀུན་བྱེད་ལས། འཛམ་བུའི་གླིང་ནི་བྱེ་བ་ཕྲག་བརྒྱ་ལས། །རང་བྱུང་ཡེ་ཤེས་ཐུགས་རྗེས་རྒྱུད་དྲུག་འདུལ། །ཞེས་པ་འཛམ་བུའི་གླིང་བྱེ་བ་ཕྲག་བརྒྱ་ནི། ཤཱཀྱ་ཐུབ་པ་དང་མཐུན་པའི་བྱེ་བྲག་ཏུ་བསྟན་པ་ཡིན་ཏེ། དེའང་ཤཱཀྱ་ཐུབ་པ་ཆེན་པོ་གཅིག་ལས་ཤཱཀྱ་ཐུབ་པ་བྱེ་བ་བྲག་བརྒྱར་སྤྲུལ་ནས་འགྲོ་དོན་མཛད་དོ། །དེས་ན་དེ་ནི་མཐུན་པའི་བྱེ་བྲག་བསྟན་པ་ཞེས་སོ། །རག་བྱུང་ཡེ་ཤེས་ཀྱི་སྤྲུལ་པའི་སྐུས་ཐུབ་པ་དྲུག་ཏུ་སྣང་ནས་རྒྱུད་དྲུག་གི་སེམས་ཅན་འདུལ་བའོ། །དེ་ཡང་བཤད་རྒྱུད་ལས། སྟོན་པ་སྤྲུལ་སྐུར་བཞུགས་ཙ་ན། །སེམས་ཅན་འདོད་པའི་རང་བཞིན་གྱིས། །ཇི་ལྟར་འདོད་པའི་ཐུགས་རྗེ་བྱུང་། །སེམས་ཅན་འདོད་པའི་རང་བཞིན་གྱིས། །ཇི་ལྟར་འདོད་པའི་ཐུགས་རྗེ་བྱུང་། །སྐབ་ཆགས་ལྔ་ཡི་རྣམ་སྨིན་ཏེ། །རྒྱུད་དྲུག་གནས་སུ་ངེས་པར་བསྟན། །ལྷ་དང་ལྷ་མིན་གནས་རིགས་སུ། །ཆེ་བ་ང་རྒྱལ་འཛོམས་པར་བསྟན། །ཤེས་པ་མི་ཡི་གནས་རིགས་སུ། །དགེ་སྡིག་རྒྱུ་འབྲས་སྡེ་སྣོད་བཤད། གཏི་མུག་བྱོལ་སོང་གནས་རིགས་སུ། །རིག་པ་ཤེས་པའི་ཆོས་ཀྱང་བཤད། །སེར་སྣ་ཡི་དྭགས་གནས་རིགས་སུ། །མ་ཆགས་ཚིམ་པའི་ཆོས་ཀྱང་སྟོན། །སྡུག་བསྔལ་དམྱལ་བའི་གནས་རིགས་སུ། །སྔ་ཕྱིར་དྲན་པས་ཞེན་པ་བཟློག །ཇི་ལྟར་མོས་པ་འདོད་པ་བཞིན། །ཞེས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ཕུན་སུམ་ཚོགས་པ་ལ་གསུམ་སྟེ། སྤྱིར་འདོད་ཁམས་ཀྱི་ལྷ་དང་། གླིང་བཞིར་འགྲོ་བ་མི་ལ་སོགས་པ་རྣམས་བྱུང་ཚུལ་བསྟན་པ་དང་། ཁྱད་པར་བསྐལ་པ་བཟང་པོ་འདི་ལ་སངས་རྒྱས་སྟོང་ངམ། རབས་མདུན་འབྱོན་ཚུལལ་དང་། དེ་ལས་ཀྱང་ཁྱད་པར་དུ་སྙིགས་མ་ལྔའི་དུས་འདིར་སངས་རྒྱས་ཤཱཀྱ་ཐུབ་པ་ཇི་ལྟར་བྱོན་ཚུལ་ལོ། །སྤྱིར་འདོད་ཁམས་ཀྱི་ལྷ་དང་གླིང་བཞིར། འགྲོ་བ་མི་ལ་སོགས་པའི་བྱུང་ཚུལ། དང་པོ་ནི། དེ་ནས་བཅུད་ཀྱི་སེམས་ཅན་ཡང་མར་རིམ་གྱིས་ཆགས་ཏེ། བསམ་གཏན་གཉིས་པའི་ལྷ་ཞིག་བསམ་གཏན་དང་པོ་ཚངས་ཆེན་གྱི་གཞལ་མེད་ཁང་སྟོང་པར་བབས་ཏེ། དེ་ནས་འདོད་ལྷ་དྲུག་དང་། མི་ཡུལ་གྱི་གླིང་བཞིར་རིམ་གྱིས་བབས་ནས། དེ་ཡི་ཚེ་འོད་གསལ་གྱི་ལྷ་ལས་ཟད་པ། ཚེ་ཟད་པ། བསོད་ནམས་ཟད་པ་ཞིག་འཛམ་བུ་གླིང་དུ་ལྷུང་སྟེ། དེ་ནི་ལྷའི་བུ་ཤེད་བུ་ཞེས་བྱའོ། །དེའི་གྲོགས་སུ་གྱུར་པའང་མང་དུ་བྱུང་སྟེ། དེ་རྣམས་ལ་ནི་ཤེད་ལྷ་གྲོགས་ཞེས་བྱ་སྟེ། དུས་དེ་ནས་མི་འགའ་འཕེལ་ལོ། །དེ་ཡང་དང་པོ་སྲིད་པ་ཆགས་པ་ཡ་ཐོག་གི་མི་རྣམས་ལྷ་དང་འདྲ་སྟེ། ཐམས་ཅད་རྫུས་ནས་སྐྱེ་བ། ལུས་ལ་འོད་ཡོད་པ། ནམ་མཁའ་ལ་འགྲོ་བ། ཏིང་ངེ་འཛིན་གྱིས་འཚོ་བ། དེ་ཡི་དུས་ན་ཉི་ཟླ་གཟའ་སྐར་མེད་པས་དུས་ཚིགས་ཀྱི་ལོ་ཟླ་ཉིན་མཚན་མེད། ཕོ་མོ་དང་། རྗེ་བྲན་མེད་དོ། །དེ་ཡི་དུས་ན་ཚེ་ལོ་དཔག་ཏུ་མེད་པ་ཐུབ་པའོ་དེ་ཡི་ཚེ་ས་ཆེན་པོ་འདི་ཡི་བཅུད་ཐམས་ཅད་སྟེང་ན་སྤྲིས་མའི་ཚུལ་དུ་ཆགས་ཏེ། བདུད་རྩི་ས་ཡི་བཅུད་ཅེས་བྱ་བ་བ་ཁ་དོག་དཀར་བ། རོ་སྦྲང་རྩི་ལྟར་མངར་བ། ཁོང་དུ་སོང་ན་བདེ་བ་སྐྱེད་པ་ཡོད་པས། དེ་ལ་ལྷ་ཞིག་གིས་མྱངས་པས། ཧ་ཅང་སྡེད་ཆགས་ཆགས་ཆེས་པས་དེ་ཡང་རིམ་གྱིས་ནུབ་པ་དང་ཀྱེ་མ་བདུད་རྩི་སའི་བཅུད་ཅེས་སྨྲ་ཞིང་མྱ་ངན་བྱེད་དོ། །དེ་ནས་བདུད་རྩི་སའི་ཞག་ཅེས་བྱ་བ། རོ་དང་ཁ་དོག་སྔར་འདྲ་བ་ཞིག་བྱུང་སྟེ། དེ་ལ་སྔར་བཞིན་དུ་མྱངས་པས་དེ་ལ་ཐམས་ཅད་སྲེད་ཆགས་ཆེར་གྱུར་པའི་དབང་གིས་དེ་ཡང་རིམ་གྱིས་ནུབ་སྟེ། ཀྱེ་མ་བདུད་རྩི་སའི་ཞག་ཅེས་མྱ་ངན་བྱེད་དོ། །དེ་ཡི་འོག་ཏུ་ལྡུམ་བུའི་ཚལ་ཞེས་བྱ་བ་རོ་དང་ཁ་དོག་གོང་དང་འདྲ་རུ་ཉེ་བ་ཞིག་བྱུང་བ་དང་། དེ་ལ་མྱངས་པ་དང་འགྲིབས་པས་མྱ་ངན་བྱེད་པ་སྔར་དང་འདྲའོ། །དེ་ཡི་འོག་ཏུ་མ་བཏབ་པའི་འབྲས་ས་ལུ་ཞེས་བྱ་བའི་འབྲུ། ཕུབ་ཤུན་མེད་པ་ཞིག་བྱུང་བ་ལ་མི་རྣམས་ཀྱིས་རིམ་གྱིས་སྤྱད་པས། དེ་ཉིད་ཁམས་ཀྱི་ཟས་རགས་པར་སོང་ནས། ལུས་ཀྱི་རྫུ་འཕྲུལ་ཉམས་ཤིང་། འོད་འགྲིབས་ཏེ་མུན་ནག་ཏུ་གྱུར་པ་ལས་སེམས་ཅན་སྦྱི་མཐུན་གྱི་བསོད་ནམས་ལྔར་གྱི་ལུས་ཀྱི་འོད་ལས་ཉིས་འགྱུར་གྱིས་གསལ་བའི་ཉི་མ་བྱུང་། དེ་ཉིད་ནུབ་པས་དེའི་ཟླ་བོ་ཟླ་བ་བྱུང། ཡང་ནངས་པར་ཉི་མ་ཤར་ཞིང་ནུབ་པས་ཉིན་ནུབ་གཉིས་བྱུང་ངོ་། །དེར་ལུས་ཀྱི་མདོག་གཟུགས་ངན་དུ་སོང་ཞིང་། ཁམས་ཀྱི་ཟས་ཀྱི་རྒྱུ་མཐུན་གྱི་འབྲས་བུས། ཟག་བཅས་ཀྱི་སྒོ་དོད་པས་ཕོ་མོའི་མཚན་མ་བྱུང་སྟེ། ཕོ་མོའི་དབང་པོ་གཉིས་སྤྲས་པས་བདེ་བ་བྱུང་བས་འཁྲིག་ཆགས་བྱུང་སྟེ། ཕོ་མོའི་དབང་པོ་གཉིས་སྤྲས་པས་བདེ་བ་བྱུང་བས་འཁྲིག་ཆགས་བྱུང་སྟེ། དེས་རྐྱེན་བྱས་ནས་ཆགས་སྡང་ལངས་སོ། །དེ་ནས་ཆགས་སྡང་དབང་གིས་འབྲས་ས་ལུ་དེ་ཡང་ནུབ་ནས། དེ་ནས་འབྲས་ཐོ་ཚེ་ཞེས་བྱ་བ། ས་ཕྱོགས་གར་ཐོད་ཐོད་དུ་མི་སྐྱེ་བར་ཚོམ་བུར་སྐྱེ་བ་ཕུབ་སོག་དང་བཅས་པ་ཞིག་བྱུང་སྟེ། དེ་ལ་ལོངས་སྤྱོད་དོ། །དེ་ནས་དུས་ཤིག་གི་ཚེ་མི་ལེ་ལོ་ཅན་ཞིག་གིས་ནངས་པར་ཟ་བའི་འབྲས་དོ་ནུབ་བླངས་པས། དེར་ཐམས་ཅད་ཀྱིས་དེ་ལྟར་བྱས་ཏེ་གསོག་འཇོག་བྱས་པས་འབྲས་མང་ཉུང་ལ་མ་མཐུན་ནས། འབྲས་ཀྱི་ཞིང་རྣམས་བགོས་ཏེ་སོ་སོར་བདག་ཏུ་བཟུང་ངོ༌། །ཁ་ཅིག་ན་རེ། ཡོངས་སུ་འཛིན་པ་ནི་ནད་པ་དང་འདྲའོ་ཞེས་ཟེར་ནས། སྐལ་བར་མི་ལེན་པར་ནགས་སུ་སོང་ནས་ཁྲུས་དང་གཙང་སྦྲ་བྱེད་པ་བྱུང་བས་བྲམ་ཟེ་ཞེས་བཏགས་ཏེ། རིགས་ལ་ལྔ་བ་བྲམ་ཟེ་ཡིན་ནོ། །གཞན་རྣམས་བདག་འཛིན་ཆགས་སྡང་གི་དབང་གིས་གཅིག་ལ་གཅིག་གིས་རྐུ་འཕྲོག་དང་། རྫུན་ལ་སོགས་པའི་མི་དགེ་བའི་ལས་དང་རྩོད་པ་ཆུང་དུ་སྤྱད་པས། དེས་མཚམས་སྦྱར་ཏེ་དུད་འགྲོར་སྐྱེས། མི་དགེ་བ་འབྲིང་དུ་སྤྱད་པས་ཡི་དྭགས་སུ་སྐྱེས། མི་དགེ་བ་ཆེར་སྤྱད་པས་དམྱལ་བར་སྐྱེས། ཐ་མ་ཉོན་མོངས་པའི་ལས་དབང་གིས་རིགས་དྲུག་ཏུ་ཁ་ཚང་པར་ཆགས་སོ། །དེ་དག་བར་བསྐལ་བཅུ་དགུའི་ཡུན་ནོ། །དེར་མི་ཤེས་ལྡན་རྣམས་ཀྱིས་གྲོས་བྱས་ནས། དེའི་ཚེ་ཞིང་དཔོན་ཞིག་བསྐོས་ཏེ། དེ་རྣམས་ཀྱི་ནང་ཤེས་རབ་ཆེ་བ། ཚུལ་བཟང་བ། སྟོབས་ཆེ་བ། གཟུཊ་བཟང་བ་གཅིག་རྒྱལ་པོར་བསྐོས་ཏེ། དེས་ཐམས་ཅད་ཀྱི་ཁ་སོ་སྙོམས་ཤིང་། དེ་ལ་གཞན་གྱི་ཞིང་ཐོག་གི་བཅའ་རེ་བསྡུས་སོ། །དེའི་མིང་ནི་མང་པོས་བཀུར་བའི་རྒྱལ་པོ་ཞེས་གྲགས་སོ། །འཛམ་བུའི་གླིང་རྒྱལ་པོ་ལ་སྔ་བ་དེ་ཡིན་ནོ། །དེ་ཡི་རྒྱུད་ལ་འཁོར་ལོས་བསྒྱུར་བའི་རྒྱལ་པོ་མང་དུ་བྱུང་སྟེ། དེའི་བུ་འོད་མཛེས། དེའི་བུ་དགེ་བ། དེའི་བུ་དགེ་མཆོག །དེའི་བུ་གསོ་སྦྱོང་འཕགས། དེའི་བུ་སྤྱི་བོ་སྐྱེས་ཏེ། དེ་རྣམས་ནི་བསྐལ་པ་དང་པོའི་རྒྱལ་པོ་སྡེ་ལྔ་བྱ་བ་ལགས་སོ། །དེའི་བུ་མཛེས་དེའི་བུ་ཉེ་བ་མཛེས། དེའི་བུ་མཛེས་ལྡན། དེའི་བུ་ཉེ་མཛེས་པ། དེའི་བུ་ཉེ་བ་མཛེས། དེའི་བུ་མཛེས་ལྡན། དེའི་བུ་ཉེ་མཛེས་ལྡན། དེའི་བུ་རྒྱས་བྱེད། དེའི་བུ་ཉེ་དེད། དེའི་བུ་གཏང་པ། དེའི་བུ་གཏང་གཟུངས། དེའི་བུ་ལུས་ཐུབ། དེའི་བུ་ཤེས་ལྡན། དེའི་བུ་ངན་སྤོང་། དེའི་བུ་ཤིང་རྟ་གདུག་གུ་ཅན། དེའི་བུ་ཤ་གུ་ནི་ཆེན་པོ། དེའི་བུ་ཀུ་ཤི། དེའི་བུ་ཉེ་བའི་ཀུ་ཤི། །དེའི་བུ་ཀུ་ཤི་ཆེན་པོ། དེའི་བུ་རྒྱས་བྱེ། དེའི་བུ་རྒྱས་བྱེད་ཆེན་པོ། དེའི་བུ་ལེགས་མཐོང་། དེའི་བུ་ལེགས་མཐོང་ཆེན་པོ། དེའི་བུ་གནོད་སེལ། དེའི་བུ་ཉེ་བའི་གནོད་སེལ། དེའི་བུ་རྒྱ་བྱ། དེའི་བུ་ངེས་འགྲོ། དེའི་བུ་བདེ་བྱེད། དེའི་བུ་རབ་འདུལ། དེའི་བུ་རབ་ཏུ་སྒྲ་གྲགས། དེའི་བུ་གདུང་ལྡན། དེའི་བུ་འོད་བྱེད། དེའི་བུ་ལྷུན་པོ། དེའི་བུ་རི་རབ། དེའི་བུ་ལྷུན་པོ་ལྡན། དེའི་བུ་མེ་ལྕེ། དེའི་བུ་འཕྲེང་བ། དེའི་བུ་མེ་ལྕེ་ལྡན། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་འབུམ་གྱིས་གྲོང་ཁྱེར་གྲུ་འཛིན་དུ་མངའ་མཛད་དོ། །དེའི་འོག་ཏུ་རྒྱལ་པོ་དགྲ་འདུལ་ཞེས་བྱ་བ་བྱུང་། དེའི་བུ་ཚ་བོ་ཡང་ཚ་ནས་བརྒྱུད་པའི་རྒྱལ་པོ་ལྔ་ཁརི་བཞི་སྟོང་གིས་གྲོང་ཁྱེར་མཐའ་མེད་དུ་མཐའ་མཛད་དོ། །དེའི་འོག་ཏུ་རྒྱལ་པོ་མ་ཕེབས་པ་བྱུང་། དེའི་བུའང་ཚ་བོ་ཡང་ཚ་ནས་བརྒྱུད་པའི་རལ་པོ་དྲུག་ཁྲི་གསུམ་སྟོང་གིས་གྲོང་ཁྱེར་ལྦཱ་ར་ཎཱ་སིར་མངའ་མཛད་དོ། །དེའི་འོག་ཏུ་རྒྱལ་པོ་བཟོད་དཀའ་བྱུང་། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་བརྒྱ་ཁྲི་བཞི་སྟོང་གིས་གྲོང་ཁྱེར་དར་འཛིན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ཚངས་བྱིན་བྱུང་། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་སུམ་ཁྲི་ཉིས་སྟོང་གིས་གྲོང་ཁྱེར་ཨ་ཤོ་ཀར་མྱ་ངན་མེད་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་སུམ་ཁྲི་ཉིས་སྟོང་གིས་གྲོང་ཁྱེར་མ་ཕེབས་པར་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ཀླུ་ལྷ་བྱུང་། དེའི་བུ་ཚ་བོ་ཡང་ཚ་ནས་བརྒྱུད་པའི་རྒྱལ་པོ་ཉིས་ཁྲི་ལྔ་སྟོང་གིས་ཏ་མ་ལི་ཏའི་གྲོང་ཁྱེར་དུ་མངའ་མཛད་དོ། །དེའི་འོག་ཏུ་རྒྱལ་པོ་མིའི་ལྷ་བྱ་བ་བྱུང་། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་ཁྲི་ཉིས་སྟོང་གིས་ཏ་མ་ལི་ཏའི་གྲོང་ཁྱེར་དུ་རྒྱལ་སྤིད་བཟུང་ངོ༌། །དེའི་འོག་ཏུ་རྒྱལ་པོ་དུག་ཅན་སའི་ལྷ་བྱུང་། དེའི་བུ་ཚ་བོ་ཡ་ཚ་ནས་རིམ་གྱིས་བརྒྱུད་པའི་རྒྱལ་པོ་ཁྲི་བརྒྱད་སྟོང་གིས་གྲོང་ཁྲེར་སྤོས་ལྡན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་བློ་བཟང་བྱུང་སྟེ། དེ་ལྟ་གོང་བཞིན་རིམ་གྱིས་བརྒྱུད་པའི་རྒྱལ་པོ་ཁྲི་ཆིག་སྟོང་གིས་གྲོང་ཁྱེར་རྒྱལ་པོའི་ཁབ་རཱ་ཛཱ་གྲྀ་ཧར་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་མུན་སེལ་བྱུང་། དེ་ནས་རིམ་གྱིས་རྒྱལ་པོ་བརྒྱ་ཐམ་པས་ཝཱ་ར་ནཱ་སིར་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་གླང་ཆེན་གོང་བྱུང་། དེ་ནས་རྒྱལ་པོ་བརྒྱད་ཁྲི་བཞི་སྟོང་གིས་ཡུལ་དེ་ཧར་རྒྱལ་སྲིད་བཟུང་ངོ་། །དེ་ནས་རྒྱལ་པོ་རྒྱ་མཚོ་ལྷ་བྱ་བ་བྱུང་། དེ་ནས་རྒྱལ་པོ་སྟོང་གི་གྲོང་ཁྱེར་ཀུ་ཤི་ལྡ་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་དཀའ་ཐུབ་སྐྱོད་བྱུང་། དེ་ནས་རྒྱལ་པོ་སྟོང་གིས་གྲོང་ཁྱེར་མཐའ་མེད་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ས་ཞེས་པ་བྱུང་། དེ་ནས་རྒྱལ་པོ་ཁྲི་བཞི་སྟོང་གིས་གྲོང་ཁྱེར་འདྲེས་པའི་ཚལ་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ལྷ་ཆེན་པོ་བྱུང་། དེ་ནས་རྒྱལ་པོ་བརྒྱད་ཁྲི་བཞི་སྟོང་གིས་གྲོང་ཁྱེར་ཡང་འདྲེས་སུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ངེས་ཐུབ་བྱུང་། །དེ་ནས་རྒྱལ་པོ་ཁྲི་བདུན་སྟོང་གིས་གྲོང་ཁྱེར་ལེགས་པར་སྣང་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ནམ་མཁའི་བདག་པོ་བྱུང། དེ་ནས་རྒྱལ་པོ་བརྒྱ་ཐམ་པས་གྲོང་ཁྱེར་ཝཱ་ར་ནཱ་སིར་རྒྱལ་སྲིད་བཟུང་ངོ༌། །དེ་ཡི་འོག་ཏུ་འཁོར་ལོས་བསྒྱུར་བའི་་རྒྱལ་པོ་ཀྲྀ་ཀྲྀ་བྱ་བ་བྱུང་། དེ་ཡི་དུས་སུ་སངས་རྒྱས་འོད་སྲུང་འཇིག་རྟེན་དུ་བྱོན་ནོ། །དེའི་བུ་ལེགས་པ་སྐྱེས། དེ་ནས་རྒྱལ་པོ་བརྒྱས་གྲོང་ཁྱེར་གྲུ་འཛིན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་རྣ་བ་ཅན་བྱུང་། དེ་ལ་སྲས་བྷ་ར་དྷ་ཛ་དང་གའུ་ཏ་མི་གཉིས་བྱུང་བ་ལ། བྷ་ར་དྷ་ཛ་རྒྱལ་སྲིད་དུ་དབང་བསྐུར། གོའུ་ཏ་མ་དྲང་སྲོང་མདོག་ནག་པོའི་དྲུང་དུ་རབ་ཏུ་བྱུང་། དྲང་སྲོང་གཞན་ཚོ་ཆུས་འཚོ་བ་ཡིན་པ་ལ། གོའུ་ཏ་མ་དེས་འཚོ་བར་མ་ནུས་ཏེ། གྲོང་ཁྱེར་གྲུ་འཚོ་བ་ཡིན་པ་ལ། གོའུ་ཏ་མ་དེས་འཚོ་བར་མ་ནུས་ཏེ། གྲོང་ཁྱེར་གྲུ་འཛིན་དུ་བསོད་སྙོམས་བླངས་ཀྱིན་ཐག་མི་རིང་པ་ཞིག་ན་སྤྱིལ་བུ་བྱས་ནས་སྒོམ་མོ། །དེའི་ཚེ་གྲུ་འཛིན་ན་ཚོགས་ཆེན་མ་རབ་ཏུ་བཟང་མོ་བྱ་བའི་སྨད་འཚོང་མ་ཞིག་ཡོད་པ་ལ། སྐྱེས་བུ་གཡོ་ཅན་པདྨ་མ་རྩ་ལག་གིས་གོས་དང་རྒྱན་བྱིན་ཏེ། ཉོས་པས་མོས་ཁས་བླངས་ཏེ། དེའི་རྗེས་ལ་ཚོང་པ་གཅིག་གིས་ཀྱང་ཀར་ཤ་པ་ཎི་ལྔ་མོ་ལ་བྱིན་ཏེ་ཉོས་པས། དང་པོ་ཚོང་པའི་དྲུང་དུ་ཕྱིན་པས། དེ་ལ་པདྨའི་རྩ་ལག་ཁྲོས་ཏེ། སྐྱེས་མོས་ཚལ་དེར་རབ་ཏུ་བཟང་མོའི་སྐེ་རལ་གྲིས་བཅད་པ་དང་། གཡོག་མོས་ཇོ་མོ་བསད་དོ་ཞེས་བྱས་པ་དང་། གྲོང་ཁྱེར་གྱི་རམ་ཟླ་བ་རྣམས་ཀྱིས་དེད་པས་པད་མའི་རྩ་ལག་བྲོས་པའི་ལམ་ཁ་ན། གོའུ་ཏ་མ་སྒོམ་ཞིང་འདུག་པའི་མདུན་དུ་རལ་གྲི་ཕྲག་ཙ་ར་བོར་ཕྱིན་པས། རྗེས་གཅོད་ཀྱི་འདེད་མི་རྣམས་ན་རེ། དགེ་སྦྱོང་དེས་དང་པོ་བུད་མེད་དེ་ཉོས་ནས་བསད་དོ་ཟེར། ངས་ནི་དེ་ལྟ་བུ་བྱས་པ་མེད་དོ་ཞེས་བརྗོད་པས། སླར་རྫུན་ལན་གསུམ་དུ་སྨྲ་བ་འདི་ལ་ཆད་པ་བཅད་པར་རིགས་སོ་ཞེས་བརྗོད་པས། སླར་རྫུན་ལན་གསུམ་དུ་སྨྲ་བ་འདི་ལ་ཆད་པ་བཅད་པར་རིགས་སོ་ཞེས་ཟེར་ནས། རྒྱལ་བུ་ལ་བསྙད་པས་བདག་ལ་ནི་ཉེས་པ་དེ་ལྟ་བུ་གང་ཡང་མེད་དོ་ཟེར་བ་ལ། འོ་ན་དབང་པོ་སུ་ཡོད་ཅེས་སྨྲས་པ་དང་། ང་ལ་ཉེས་པ་མེད་ན་མཁན་པོའི་མདོག་དེ་གསེར་ལྟ་བུར་གྱུར་ཅིག་ཅེས་བརྗོད་པ་དང་། གསེར་གྱི་མདོག་ཏུ་གྱུར་ཏེ། མཚན་ཡང་གསེར་མདོག་ཏུ་གྲགས་སོ། །གོའུ་ཏ་མས་བདག་གར་སྐྱེ་ཞེས་དྲིས་པས། མཁན་པོ་ན་རེ་ཁྱོད་ལ་བུ་སྨད་མེད་པས་གར་ཡང་མི་སྐྱེས་སྟེ། རིགས་རྒྱུད་མེད་པ་ལ་བྱུང་ཆུབ་སེམས་ཀྱང་མེད་དོ། །ཁྱོད་ཀྱིས་རིགས་རྒྱུད་བཞག་ན་སྐྱེ་བ་ཡོད་ཅེས་སྨྲས་པ་དང་། བདག་ནི་ཚད་པས་གདུངས་ཏེ་ནུས་པ་མེད་དོ་ཟེར། དེར་མཁན་པོས་སྤྲིན་བསྡུས་ཏེ་ཆར་ཟིམ་བུ་ཕབ། ཚད་པ་ཞི་བར་བྱས་ཏེ། ཚུལ་བཞིན་མ་ཡིན་པ་ཡིན་ལ་བྱས་པས། ཁུ་བ་ཁྲག་དང་འདྲེས་པ་ཐིགས་པ་གཉིས་བྱུང་བ་ལས། དྲང་སྲོང་གིས་ཁྱེར་ནས། བུ་རམ་ཤིང་གི་གསེབ་ཏུ་བཞག་ནས་ཉི་མ་ལ་སྨིན་དུ་བཅུག་པས། ནམ་ཞིག་ན་སྨིན་ཏེ་ཁྱེའུ་གཉིས་བྱུང་པས། ཉི་མས་སྨིན་པ་གཅིག་ལ་ནི་ཉི་མའི་གཉེན་ཞེས་བྱའོ། །བུ་རམ་ཤིང་གི་གསེབ་ཏུ་བཅུག་པས་ན་བུ་རམ་ཤིང་པ་ཞེས་བྱའོ། །སྐབས་དེར་རྒྱལ་པོ་བྷ་ར་དྷ་ཛ་གྲོངས་ཏེ། བུ་མེད་པས་འབངས་རྣམས་ཀྱིས་གྲོས་བྱས་ཏེ། གཅུང་པོ་གོའུ་ཏ་མ་རབ་ཏུ་བྱུང་བ་དེ་ཁྱིམ་ཐབ་ཏུ་ཕབ་རྒྱལ་ཚབ་ཏུ་དབང་བསྐུར་རོ་ཞེས་ཟེར་ནས། དྲང་སྲོག་མདོག་ནག་པོའི་དྲུང་དུ་ཚབ་ཏུ་དབང་བསྐུར་རོ་ཞེས་ཟེར་ནས། དྲང་སྲོག་མདོག་ནག་པོའི་དྲུང་དུ་འོངས་ཏེ། གོའུ་ཏ་མ་བདག་ཅག་ལོ་སྩོལ་ཅིག་བྱས་པས། ཁྱེད་རང་གིས་བསད་དོ་ཟེར། དེ་ནི་མི་དྲན་ནོ་སྨྲས་པས། ཉེས་པ་གསལ་ཤིང་ལ་སྐྱོན་པ་དེའོ། །སྨྲས་པ། པས་འོ་ན་ཁྱེའུ་འདི་གཉིས་ངེད་ལ་སྩོལ་ཅིག་ཟེར་ནས། ཉི་མའི་གཉེན་རྒྱལ་ཚབ་ཏུ་དབག་བསྐུར་བས་བུ་མེད་པར་འདས་སོ། །དེའི་རྒྱལ་ཚབ་ཏུ་བུ་རམ་ཤིག་པ་དབང་བསྐུར་རོ། །བུ་རམ་ཤིང་པའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་བརྒྱ་ཐམ་པས་གྲོང་ཁྱེར་གྲུ་འཛིན་དུ་རྒྱལ་སྲིད་བཟུང་ངོ་། །དེ་རྣམས་ཀྱི་ཐ་མ་ལ་རྒྱལ་པོ་འཕཊ་སྐྱེས་པོ་བྱུང་། དེ་ལ་སྲས་གསུམ་བྱུང་སྟེ། དེ་ཡི་ཚེ་བཙུན་མོ་འདས་ནས། རྒྱལ་པོ་མྱ་ངན་དེ་ཙམ་ཅིའི་ཕྱིར་མཛད། ཡང་གསོལ་པས། བཙུན་མོ་ད་དུང་བླངས་པས་ཆོག་གོ་ཞུས་པས། དེ་སྟེར་བ་མེད་དོ་གསུངས་པས། སྔོན་སྟེར་བ་ལ་ད་མི་སྟེར་བ་ཅི་ལགས་ཞུས་པས། ད་ང་ལ་བུ་གསུམ་ཡོད་པས། ད་བུ་སྐྱེས་ཀྱང་རྒྱལ་སྲིད་མི་ཐོབ་པས་མི་སྟེར་རོ། །སྨྲས་པ། བཙུན་མོ་བླང་ངོ་། །དེ་ལག་ཏེ་བུ་མི་ཡོང་བའང་སྲིད། བྱུང་ཡང་མི་སོས་པའང་སྲིད། གལ་ཏེ་བྱུང་ཡང་རྒྱལ་སྲིད་ཁས་བླང་པར་བྱའོ། །ཞེས་ཞུས་ནས། ཉི་འོག་གི་རྒྱལ་པོའི་བུ་མོ་བླངས་པས། ཁྱོད་ཀྱི་རྒྱལ་པོ་ལ་སྲས་གསུམ་ཡོད་པས། ངའི་བུ་མོ་ལ་བུ་བྱུང་ཡང་རྒྱལ་སྲིད་མི་ཐོབ་པས་མི་སྟེང་ཟེར་རོ། །སྨྲས་པ། ཁྱོད་ཀྱི་བུ་མོ་ལ་བུ་བྱུང་ན་རྒྱལ་སྲིད་སྦྱིན་པར་བྱ་ཡི་བུ་མོ་བྱིན་ཅིག །རྒྱལ་པོས་སྨྲས་པ། ང་ཡི་བུ་མོ་ལ་བུ་མི་ཡང་པའང་སྲིད། བྱུང་ཡང་མི་སོས་པའང་སྲིད། གལ་ཏེ་བྱུང་ཞིང་སོས་ནས། རྒྱལ་སྲིད་མི་སྟེར་ན་དམག་འདྲེན་ནོ་ཞེས་གལ་ཡང་རྒྱལ་སྲིད་དགར་བཏགས་སོ། །དེ་ལ་རྒྱལ་སྲིད་མ་བྱིན་ན་དམག་དྲངས་ཀྱིས་དོགས་ནས། རྒྱལ་སྲིད་དུ་དབང་བསྐུར་རོ། །རྒྱལ་པོ་སྔར་ཚར་གསུམ་པོ་ལ་རྟགས་བཏབ་ནས་ལྦཱ་ར་ཎཱ་སིར་སྤྱུཊ་སོ། །དེ་རྣམས་ལ་སྲིང་མོ་གསུམ་ཡོད་པ་ན་རེ། བུ་སྤྱུགས་པའི་ཕ་ཁྱིམ་དུ་བུ་མོ་འདུག་པར་མི་རིགས་སོ། །དེ་བས་མིང་པོའི་གཡོག་བྱ་བར་རིགས་ཟེར་ནས། མིག་པོའི་ཕྱི་ལ་སོང་ངོ་། །དེ་ནས་རེ་ཞིག་ཞིག་ན་རྒྱལ་སྲིད་དགའ་ཤི་ནས། བུ་སྤྱུགས་པ་གསུམ་པོ་འབོད་མི་བཏང་བས། ཀོ་ལོང་བྱས་ནས་མ་བྱུང་པས། ཡབ་ཀྱིས་འབོད་ལ་ངའི་བུ་རྣམས་ཅི་འདྲ་བར་འདུག་སྨྲས་པས། སྲས་གསུམ་ནི་བུ་དང་བཅས་བདེ་བར་གདའོ། །ངའི་བུ་སྤུང་དུ་བཏང་བ་ལ་བཙུན་མོ་སྟེར་བ་སུ་ཞིག་ཡོད། གསོལ་པ། སྲས་པོ་གསུམ་དང་། སྲབ་མོ་གསུམ་བཟའ་མི་བྱས་གདའོ། །དེ་ལ་ཡབ་རྒྱལ་པོ་ཧ་ལས་ལག་པ་བརྐྱང་ནས་ཤཱཀྱ་ཤཱཀྱ་ཟེར་རོ། །དེ་ལས་སྲས་ཆེ་བའི་བརྒྱུད་པ་ནི། ཤཱཀྱ་ཆེན་པོ་ཟེར་རོ། །འབྲིང་པོའི་བརྒྱུད་པ་ནི། ཤཱཀྱ་ལི་ཙ་ཞེས་བྱའོ། །ཆུང་བའི་བརྒྱུད་པ་ནི་ཤཱཀྱ་རི་བྲག་པ་ཞེས་བྱའོ། །ཤཱཀྱ་ཆེན་པོའི་བུ་ཤཱཀྱ་གནས་འཇོག །དེའི་བུ་རྒྱུད་ལྔ་ཁྲི་ལྔ་སྟོང་གྲོང་ཁྱེར་སེར་སྐྱར་བྱུང་ངོ་། །དེ་རྣམས་ཀྱི་ཐོགས་མ་ཤཱཀྱ་གནས་འཇོག་གི་སྲས་ཤཱཀྱ་གཞུ་བརྟན། དེ་ལ་སྲས་སེདྒེ་འགྲམ་དང་། སེདྒེ་སྒྲ་གཉིས་བྱུང་། སེདྒེ་འགྲམ་ལ་སྲས་བཞི་སྟེ། ཟས་གཙང་དང་། ཟས་དཀར་དང་། བྲེའོ་ཟས་དང་། བདུད་རྩི་ཟས་སོ། །སྲས་མོ་བཞི་ལ། གཙང་མ་དང་། དཀར་མོ་དང་། བྲེ་མོ་དང་། བདུད་རྩི་མ་ཡང་ཟེར། ཚད་མེད་མ་དང་བཞིའོ། །ཟས་གཙང་ལ་སྲས་གཉིས་ཏེ། རྒྱལ་བུ་དོན་གྲུབ་དང་། གཅུང་དགའ་བའོ། །ཟས་དཀར་ལ་ཚེ་དང་ལྡན་པ་བཟང་རྒྱལ་དང་། བཟང་ལྡན་ནོ། །བྲེའོ་ཟས་ལ། མིང་ཆེན་དང་། མ་འགགས་པའོ། །བདུད་རྩི་ཟས་ལ་ལྷས་སྦྱིན་དང་། ཀུན་དགའ་བོ་གཉིས་སོ། །རྒྱལ་བུ་དོན་གྲུབ་ལ། སྲས་སྒྲ་གཅན་འཛིན་བྱུང་སྟེ། དེ་རབ་ཏུ་བྱུང་ནས་རྒྱལ་པོ་ཕོ་རྒྱུད་ཀྱི་ཞབས་ཆད་དོ། །ཤཱཀྱ་ལི་ཙ་བྱི་ཡི་རྡྱུད་པ་ནི། རྒྱལ་པོའི་ཁབ་དང་ཡངས་པ་ཅན་ན་གནས་སོ། །ཤཱཀཡརི་བྲག་པའི་རྒྱུད་པ་ལས། བོད་ཀྱི་རྒྱལ་པོ་རྣམས་ཅད་པར་འདོད་དོ། །བསྐལ་པ་བཟང་པོ་འདི་ལ་སངས་རྒྱས་སྟོང་རྩ་གཉིས་དང་རབས་བདུན་བྱོན་ཚུལ། གཉིས་པ་བསྐལ་པ་བཟང་པོའི་སངས་རྒྱས་སྟོང་བྱོན་ཚུལ་ནི། སྤྱིར་བྱང་སེམས་ཚོགས་སམ་སྨོན་ལམ་རྫོགས་པ་དང་། སངས་རྒྱས་ཀྱི་ཞིང་དག་པ་དང་། གདུལ་བྱ་དགེ་བའི་རྩ་བ་སྨིན་པ་ན་སངས་རྒྱས་འབྱུང་བ་ཡིན་ཞིང་། དེས་དམ་པའི་ཆོས་སྟོན་པ་ཡིན་ལ། ཁྱད་པར་དུ་སེམས་ཅན་གྱི་ཚེ་དང་བསོད་ནམས་མར་འགྲིབ་ཀྱི་དུས་ན་སེམས་ཅན་རྣམས་སྐྱོ་ཤལ་ཆེ་བས་དེའི་དུས་སུ་འབྱོན་པའོ། །སྤྱིར་འཇིག་རྟེན་གྱི་བསྐལ་པ་གཉིས་ཏེ། སངས་རྒྱས་མི་འབྱུང་བ་མུན་པའི་བསྐལ་པ་དང་། སངས་རྒྱས་འབྱུང་བ་སྒྲོན་མེའི་བསྐལ་པའོ། །དེ་གཉིས་གང་མང་ཞེ་ན། མུན་པའི་བསྐལ་པ་མང་ཞིང་། སྒྲོན་མེའི་བསྐལ་པ་ཤིན་ཏུ་ཉུང་སྟེ། བསྐལ་པ་བཟང་པོའི་མདོ་ལས། བསྐལ་པ་བཟང་པོ་འདིའི་གོང་དུ་མུན་པའི་བསྐལ་པ་བཞི་བཅུ་བྱུང་ངོ་། །དེ་ནས་བསྐལ་པ་བཟང་པོའདི་བྱུང་ངོ་། །ཞེས་པས། སྒྲོན་བསྐལ་བསྐལ་པ་བཟང་པོ་འདི་ལས་སངས་རྒྱས་འབྱོན་པའི་དབང་བྱས། །མདོ་སྙིང་རྗེ་པདྨ་དཀར་པོའི་རྗེས་སུ་འབྲངས་པའི་སངས་རྒྱས་སྟོང་དང། ལྔ་འབྱོན་ཚུལ་དང་། གསང་བ་བསམ་གྱིས་མི་ཁྱབ་པའི་རྗེས་སུ་འབྲངས་ཏེ། སངས་རྒྱས་སྟོང་རྩ་གཉིས་འབྱོན་ཚུལ་ལས། འདིར་གསང་བ་བསམ་གྱིས་མི་ཁྱབ་པའི་རྗེས་སུ་འབྲངས་ཏེ་སྟོང་རྩ་གཉིས་འབྱོན་ཚུལ་ལོ། །དེ་ནི་དེ་བཞིན་གཤེགས་པ་གསང་བ་བསམ་གྱིས་མི་ཁྱབ་པའི་མདོ་ལས་གསུངས་ཏེ། ཞི་བའི་བློ་གྲོས། སྔོན་འདས་པའི་དུས་བསྐལ་པ་གྲངས་མེད་པའི་ཡང་གྲངས་མེད་པའི་ཕ་རོལ་ན། བསྐལ་པ་མཛེས་པར་སྣང་བ་ཞེས་བྱ་བ། འཇིག་རྟེན་གྱི་ཁམས་རྣམ་པར་བརྒྱན་པ་ཞེས་བྱ་བར། དེ་བཞིན་གཤེགས་པ་ཡོན་ཏན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་ཞེས་བྱ་བ་བྱུང་སྟེ། ལོ་ཀའི་འཇིག་རྟེན་ཁམས་དེ་ཡང་སྣོད་རྣམ་པར་བརྒྱན་པ་ལ། སེམས་ཅན་དེར་གནས་པ་ཡང་། ཉོན་མོངས་པ་ཤས་ཆུང་བ། ཟབ་མོ་རྟོགས་པའི་མཐུ་དང་ལྡན་པ་ཤ་སྟག་གོ །སངས་རྒྱས་དེའི་འཁོར་ཉན་ཐོས་ནི་ཕྲག་ཁྲིག་གཉིས་ཡོད་ལ། བྱང་ཆུབ་སེམས་པའི་འཁོར་ཡང་འབུམ་ཕྲག་སུམ་ཅུ་ཡོད་དོ། །སངས་རྒྱས་དེ་སྐུ་ཚེའི་ཚད་ལོ་བྱེ་བ་ཕྲག་སུམ་ཅུ་རྩུ་དྲུག་ཐུབ་བོ། །དེར་སྐྱེས་པའི་མི་རྣམས་ཀྱང་དུས་མ་ཡིན་པའི་འཆི་བ་མེད་དོ། །ལོ་ཀའི་འཇིག་རྟེན་ཁམས་དེའི་གླིང་བཞི་བ་རེ་རེར་ཞེས་ཡང་དཔག་ཚད་བརྒྱད་ཁྲི་བཞི་སྟོང་ཡོད་དོ། །དེའི་ནང་ན་ཕོ་བྲང་གི་གྲོང་ཁྱེར་རྣམ་པར་དག་པ་ཅན་ཞེས་བྱ་བ་ཡོད་དོ། །དེའི་ནང་ན་ཕོ་བྲང་གི་གྲོང་ཁྱེར་རྣམ་པར་དག་པ་ཅན་ཞེས་བྱ་བ་ཡོད་དོ། །ཡངས་ཤིང་རྒྱ་ཆེ་བ། བྱང་དང་ལྷོར་ནི་དཔག་ཚད་དྲུག་ཅུ་རྩ་བཞི་ཡོད་ལ། ཤར་ནུབ་ཏུ་ནི་བཞི་བཅུ་རྩ་གཉིས་ཡོད་པ། སྐྱེད་མོས་ཚལ་བཞི་ཁྲིས་བརྒྱན་པ་ཡོད་དོ། །ཕོ་བྲང་དེ་ན་རྒྱལ་པོ་ཡུལ་འཁོར་སྲུང་ཞེས་བྱ་བ། རིན་ཆེན་སྣ་བདུན་ལ་དབང་བ། གླིང་བཞི་ལ་དབང་བ། སངས་རྒྱས་མང་པོ་ལ་ཚོགས་བསགས་པ། བསོད་ནམས་ཆེ་བ། གཟི་བརྗིད་ཆེ་བ་དང་ལྡན་པ་ཞིག་ཡོད་ལ། འདི་ཕོ་བྲང་གི་དབུས་ན་ཁང་པ་བརྩེགས་པ། མཆུ་ཞེང་དཔག་ཚད་དྲུག་ཅུ་ཡོད་པ། རཏྣ་བདུན་གྱིས་རྭ་བ་རིམ་པ་བདུན་དང་ལྡན་པར་བརྩིགས་པ། རཱ་བའི་ནང་ན་སྐྱེད་མོས་ཚལ་ཆེན་པོ་བཞི་ཡོད་དེ། མེ་ཏོག་སྣ་ཚོགས་ཀྱི་ཚལ་དང་། ཡོན་ཏན་དགའ་བ་དང་། རྨ་བྱས་མངོན་པར་དགའ་བ་དང་། དུས་ཀྱིས་བདེ་བ་ཞེས་བྱ་བ་ཡོད་དོ། །རྒྱལ་པོ་དེ་ལ་བཙུན་མོའི་འཁོར་བདུན་འབུམ་ཡོད་དེ། ཐམས་ཅད་ཀྱང་མཚན་དང་ལྡན་པའོ། །དེ་དག་ལ་བུ་སྟོང་དུ་ཚང་བ་ཡོད་དེ། དཔའ་ལ་བརྟུལ་ཕོད་ཆེ་བ། མཚན་བཟང་པོ་སུམ་ཅུ་རྩ་གཉིས་དང་ལྡན་པ་ཡོད་དོ། །དེའི་ཚེ་སངས་རྒྱས་ཡོན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་འཁོར་དང་བཅས་པ་ལ། རྒྱལ་པོ་ཡུལ་འཁོར་སྲུང་དང་བཅས་པས། ལོ་བྱེ་བར་བསྙེན་བཀུར་དཔག་མེད་པ་བྱས་སོ། །དེ་ཚེ་རྒྱལ་བུ་དེ་དག་ཀྱང་འདོད་པའི་ཡོན་ཏན་དོན་དུ་མི་གཉེར་ལ། ཆོས་ཉན་ཞིང་ཞིང་བག་ཡོད་པ་གྱུར་ཏོ། །རིང་པོར་མ་ལོན་པར་མངོན་ཤེས་ལྔ་དང་ལྡན་པར་གྱུར་ཏོ། །དེ་དག་གི་རྫུ་འཕྲུལ་དུ་མ་ཀུན་ཏུ་བརྒྱུད་ནས། ཚིགས་བཅད་དག་གསུངས་པ། སངས་རྒྱས་འབྱུང་བ་རྒྱ་ལ་རྙེད་པར་དཀའ། །མིར་སྐྱེ་བ་ཡང་ཤིན་ཏུ་རྙེད་པར་དཀའ། །གྲོགས་པོ་དག་ནི་དད་དང་ཆོས་མཉན་པ། །འདི་འདྲ་བསྐལ་པ་བརྒྱར་ཡང་རྙེད་པར་དཀའ། །མི་དབང་རྒྱལ་བ་དེ་ནི་དད་བྱུང་སྟེ། །རབ་ཏུ་ཞི་བས་འགྲོ་ལ་ཆོས་སྟོན་གྱི། །བདེ་བར་གཤེགས་པ་དེ་ཡི་དྲུང་དུ་དེང་། ཆོས་ཐོས་ནས་ནི་བདེ་འགྲོར་འགྲོ་བར་གྱིས། །ཆོས་ཐོས་ནས་ནི་ངན་སོང་སྤོང་བར་གྱིས། །ཆོས་ཐོས་ནས་ནི་ཉོན་མོངས་ཐམས་ཅད་ཞི། །བསིལ་བའི་དྲིས་པ་དམ་པ་ཐོབ་པར་འགྱུར། །ཞེས་སོ། །དེ་ནས་གཞོན་ནུ་དེ་དག་གིས་བཅོམ་ལྡན་འདས་མཆོད་པའི་ཕྱིར། ཁང་པ་བརྩེགས་པ་མཛེས་པར་སྤུལ་ཏེ། རྒྱལ་བ་འཁོར་དང་བཅས་པ་བཞུགས་ནས། ནམ་མཁར་འཕགས་ཏེ་སངས་རྒྱས་མ་མཆོད་པའི་ལས་དུ་མ་བྱས་སོ། །དེ་དག་ཆོས་མཉན་པའི་ཕྱིར་འོངས་པ་སངས་རྒྱས་ཀྱིས་མཁྱེན་ནས། ཆོས་ཀྱི་གཏམ་གྱིས་དགའ་བར་མཛད་དོ། །ཆོས་བཞི་སྟེ། དད་པ་དང་། གུས་པ་དང་། ང་རྒྱལ་མེད་པ་དང་། བརྩོན་འགྲུས་སོ། །ཡང་ཆོས་བཞི་སྟེ། དབང་པོའི་སྒོ་བསྡམ་འདོད་ལ་སྐྱོན་དུ་བལྟ། །འཛིན་པ་མི་རྟག་ཆོས་ལ་ངེས་པར་སེམས། །ཞེས་པ་ལ་སོགས་པ་གསུངས་སོ། །དེ་ནས་དེ་དག་སླར་ལོག་ནས་རྒྱལ་པོའི་ཕོ་བྲང་དུ་གཤེགས་ཏེ། ཟླ་བ་ཉ་བའི་ཚེ། མེ་ཏོག་སྣ་ཚོགས་ཀྱི་ཚུལ་དུ་བཞུགས་པ་ལ། བཙུན་མོ་དམ་པ་མ་སྨད་པ་དང་། དཔེ་མེད་པ་གཉིས། རྫིང་དགའ་བའི་ཚལ་དུ་ཁྲུས་བྱས་པ་དང་། སེདྒེའི་ཁྲི་ལ་འདུག་པ་ན། དེ་དག་གི་པང་ན། གཞོན་ནུ་མཛེས་པ་གཉིས་སྐྱིལ་མོ་དཀྲུང་དུ་རྫུས་ཏེ་བྱུང་ངོ་། །དེ་མ་ཐག་ལྷ་རྣམ་ཀྱིས། ཀྱེ་མ་འདི་གཉིས་ནི། ཆོས་ཆོས་སེམས་དཔའ་དང༌། ཆོས་ཀྱི་བློ་གྲོས་ཞེས་སྒྲ་བྱུང་ངོ་། །དེར་འཁྱེའུ་དེ་གཉསི་ཀྱིས་དེ་མ་ཐག་པར་སྨྲས་པ། གང་དག་བྱང་ཆུབ་ཏུ་ནི་སེམས་བསྐྱེད་ཅིང་། །ལོ་ཀའི་མགོན་པོ་ཕུལ་དུ་བྱུང་བ་ལ། །རབ་ཏུ་དགའ་བའི་སེམས་ཀྱིས་ཕྱག་འཚལ་ལོ། །དེ་དག་རྙེད་པ་རབ་རྙེད་གྲོགས་པ་དག །ཅེས་པ་་ལ་སོགས་པ་སྨྲས་སོ། །དེ་ནས་ཕོ་བྲང་དུ་ཕྱིན་ནོ། ། དེ་ནས་རྒྱལ་པོ་ཡུལ་འཁོར་སྲུང་ནང་དུ་མཉམ་པར་བཞག་པ་དང་། འདི་སྙམ་དུ་སེམས་ཏེ། བདག་གཞོན་ནུ་འདི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཞུགས་པའི་རྟགས་ཡོད་ན། ཐོར་མར་སངས་གང་རྒྱ་སྙམ་ནས། རིན་པོ་ཆེའི་བུམ་པ་བྱེད་དུ་བཅུག་སྟེ། དེ་དག་གི་ནང་དུ་གཞོན་ནུ་དེ་དག་གི་མིང་བྲིས་ནས་བུམ་པའི་ནང་དུ་བཅུག་སྟེ། བཞག་བདུན་དུ་མཆོད་པ་བྱས་ནས། གསེར་ལས་བྱས་པའི་ཁྲི་ཐོག་ཏུ། གཞོན་ནུ་དེ་དག་གི་མིང་ཕྱུང་བ་དང་། ཞི་བའི་བློ་གྲོས་དེའི་ཚེ་དེའི་དུས་ན། ཐམས་ཅད་ཀྱི་ཐོག་མར་རྒྱལ་པོ་གཞོན་ནུ་རྣམ་པར་དག་པའི་བློ་གྲོས་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་འཁོར་བ་འཇིག་ཏུ་གྱུར་ཏོ། །དེའི་འོག་ཏུ་རྒྱལ་པོ་རྣམ་པར་དག་པ་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་གསེར་ཐུབ་བོ། །དེའི་འོག་ཏུ་རྒྱལ་བུ་དབང་པོ་ཞི་བ་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་འོད་སྲུང་ངོ་། །དེའི་འོག་ཏུ་རྒྱལ་པོ་དོན་གྲུབ་ཅེས་བྱ་བ་བྱུང་སྟེ། དེ་ད་ལྟར་གྱི་སངས་རྒྱས་ང་ཉིད་ཡིན་ནོ། །དེའི་འོག་ཏུ་རྒྱལ་པོ་སྐ་རགས་ཅན་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་བྱམས་པའོ། ། །དེའི་འོག་ཏུ་རྒྱལ་པོ་མཆོག་གི་བློ་གྲོས་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སེདྒེའོ། །དེའི་འོག་ཏུ་ཏུ་རྒྱལ་པོ་གློག་གིས་ལྷ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་ཏོག་ཅེས་བྱའོ། །དེའི་འོག་ཏུ་རྒྱལ་པོ་བཟང་པོའི་རྒྱལ་པོ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་མེ་ཏོག་དམ་པ་ཞེས་བྱའོ། །དེའི་འོག་ཏུ་རྒྱལ་པོ་འོད་ཀྱི་དཔལ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་མེ་ཏོག་གོ །དེའི་འོག་ཏུ་རྒྱལ་པོ་རྣམ་པར་དག་པའི་མདངས་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སྐར་རྒྱལ་ཞེས་བྱའོ། །དེའི་འོག་ཏུ་རྒྱལ་པོ་དྲི་མ་མེད་པའི་རླངས་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སྤྱན་ལེགས་པ་ཞེས་བྱའོ། །དེའི་འོག་ཏུ་རྒྱལ་པོ་སྡུག་བསྔལ་མེད་ཅེས་བྱ་བ་འབྱུང་སྟེ། དེ་ནི་དེབཞིན་གཤེགས་པ་ལག་བཟང་ཞེས་བྱའོ། ། །དེ་ནས་རྒྱལ་པོ་བློ་གྲོས་རྒྱལ་པོ་སྟེ། དེ་ནི་དེ་བཞིན་གཤེགས་པ་འོད་ཟེར་ཞེས་པར་གྱུར་ཏོ། །དེའི་འོག་ཏུ་རྒྱལ་པོ་དགེ་བ་བཀོད་པའི་རྒྱལ་པོ་སྟེ། དེ་ནི་དེ་བཞིན་གཤེགས་པ་སྐར་མ་ལ་དགའ་བའོ། །དེའི་འོག་ཏུ་རྒྱལ་པོ་གཞོན་ནུ་ཕྱོགས་འགྲོས་ཞེས་བྱ་བ་འབྱུང་སྟེ། དེ་ནི་དེ་བཞི་གཤེགས་པ་ཁྱད་པར་འཕགས་པའོ། །དེའི་འོག་ཏུ་རྒྱལ་པོ་བཀོད་པའི་རྒྱལ་པོ་སྟེ། དེ་ནི་དེ་བཞིན་གཤེགས་པོ་ཡོན་ཏན་མཆོག་གོ །དེའི་འོག་ཏུ་རྒྱལ་པོ་དཔལ་སྦས་ཞེས་བྱ་སྟེ། དེ་ནི་དེ་བཞིན་གཤེགས་པ་ནོར་དཔལ་ཞེས་བྱའོ། །དེའི་འོག་ཏུ་ལུས་ཤིན་ཏུ་རྣམ་པར་དག་པ་སྟེ། དེ་ནི་དེ་བཞིན་གཤེགས་པ་ཡོན་ཏན་འབྱུང་གནས་སོ། །དེའི་འོག་ཏུ་རྒྱལ་པོ་དྲག་ཤུལ་ཅན་ཏེ། དེ་ནི་དེ་བཞིན་གཤེགས་པ་རཏྣ་འབྱུང་གནས་སོ། །དེའི་འོག་ཏུ་རྒྱལ་པོ་རིན་ཆེན་གྲགས་པ་སྟེ། དེ་ནི་དེ་བཞིན་གཤེགས་པ་ཀུན་ཏུ་སྣང་ཏུ་རྒྱལ་པོ་རིན་ཆེན་གྲགས་པ་སྟེ། དེ་ནི་དེ་བཞིན་གཤེགས་པ་ཀུན་ཏུ་སྣང་བ་ཞེས་བྱ་བར་འགྱུར་རོ། །དེ་བཞིན་དུ་རྒྱ་ཆེ་བར་སྦྱར་ཏེ། རྒྱལ་བུ་ཐམས་ཅད་ཀྱི་ཐ་ཆུང་བློ་གྲོས་མཐའ་ཡས་པ་སྟེ། དེ་ནི་སངས་རྒྱས་མོས་པ་ཅན་ནོ། །ཞི་བའི་བློ་གྲོས་དེའི་ཚེ་རྒྱལ་པོ་ཡུལ་འཁོར་སྲུང༌། དེ་ནི་སངས་རྒྱས་མར་མེ་མཛད་དོ། །མ་སླད་མའི་པང་ནས་བྱུང་བའི་རྒྱལ་པོ་ཆོས་ཀྱི་སེམས་དཔའ་ནི། བྱག་སེམས་ཕྱག་རྡོར་རོ། །བཙུན་མོ་དཔེ་མེད་པའི་པང་ནས་བྱུང་བའི་རྒྱལ་པོ་ཆེས་ཀྱི་བློ་གྲོས་ནི་ཚངས་པ་གཙུག་ཕུད་ཅན་ནོ། །དེས་ན་ཕྱག་རྡོར་སངས་རྒྱས་སྟོང་གི་སྡུད་པ་པོ་ཡིན་ཞིང་། ཚངས་པ་གཙུག་ཕུད་ཅན་ཆོས་ཀྱི་འཁོར་ལོ་བསྐོར་བའི་སྐུལ་འདེབས་ཡིན་པས། སངས་རྒྱས་སྟོང་དང་། སེམས་དཔའ་གཉིས་ཡིན་ནོ། །དེ་ཡང་བསྐལ་བཟང་ལས། འདས་དུས་བསྐལ་པ་མཛེས་པར་སྣང་བ་ལ། །རྒྱལ་བའི་ཞིང་ཁམས་རྣམ་པར་བརྒྱན་པ་དེ། །འདྲེན་པའི་མཚན་ནི་ཡོན་ཏན་མཐའ་ཡས་ཤིང་། །རིན་ཆེན་སྣ་ཚོགས་བཀོད་པའི་རྒྱལ་པོ་ཡིས། །སངས་རྒྱས་བསྟན་དེར་འཁོར་ལོས་སྒྱུར་བ་ཡི། །རྒྱལ་པོ་ཡུལ་འཁོར་སྲུང་ཞེས་བྱ་བ་ལ། །སྲས་བུ་སྟོང་དང་གཉིས་ནི་འཁྲུངས་པ་ལས། །མ་སྨད་མ་དང་དཔེ་མེད་མ་ཡི་བུ། །རྒྱལ་པོ་ཆོས་ཀྱི་སེམས་དང་བློ་གྲོས་གཉིས། གཙུག་ཕུད་ཅན་དང་ཕྱག་ན་རྡོ་རྗེར་གྱུར། གཅེན་པོ་སྟོང་དག་སངས་ནི་རྒྱས་པ་ལས། གནས་པའི་བསྐལ་པ་ཉིས་ཤུའི་དང་པོ་ལ། །སྐྱེ་རྒུའི་ཚེ་ལོ་དྲུག་ཁྲི་ཐུབ་པའི་ཚེ། །བདེ་གཤེགས་འཁོར་བ་འཇིག་ཅེས་བྱ་བ་བྱུང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །སྐྱེ་དགུའི་ཚེ་ལོ་བཞི་ཁྲི་ཐུབ་པའི་དུས། །བདེ་གཤེགས་གསེར་ཐུབ་ཅེས་པ་འཇིག་རྟེན་བྱོན། །དམ་ཆོས་ལོ་གྲངས་ལྔ་སྟོང་བར་དུ་གནས། །སྐྱེ་རྒུའི་ཚེ་ལོ་ཉིས་ཁྲི་ཐུབ་པའི་དུས། །བདེ་བར་གཤེགས་པ་འའོད་སྲུང་ཞེས་བྱ་བྱུང་། །དམ་ཆོས་ལོ་ནི་བདུན་ཁྲིའི་བར་དུ་སྤྱོད། །སྐྱེ་རྒུའི་ཚེ་ལོ་བརྒྱ་པར་གྱུར་པའི་ཚེ། །བདེ་བར་གཤེགས་པ་ཤཱཀྱ་ཐུབ་པ་བྱོན། །དམ་ཆོས་ལོ་གྲངས་ལྔ་བརྒྱ་ཕྲག་གནས། །ལྷག་མ་གནས་པའི་བར་བསྐལ་བཅུ་དགུ་ལ། །རྣམ་པར་སྣང་མཛད་ཡན་ཆད་རྫོགས་པར་འབྱུང་། །ཞེས་པས། སངས་རྒྱས་རེའི་ཡུལ་དང་། རིགས་དང་། འོད་དང་། ཡབ་དང་། ཡུམ་དང་། སྲས་དང་། རིམ་གྲོ་པ་དང་། ཤེས་རབ་ཅན་དང་། རྫུ་འཕྲུལ་ཅན་གྱི་མཆོག་གཉིས་དང་། འཁོར་འདུས་པ་དང་། ཚེ་ཆད་དང་། བསྟན་པ་གནས་པའི་ཚད་དང་། སྐུ་གདུང་སྟེ། མཆོག་ཟུང་སོ་སོར་བགྲངས་པའི་དོན། བཅུ་གསུམ་བཅུ་གསུམ་གྱི་བསྟན་ཅིང་། ཁ་ཅིག་གིས་གདུང་སྨོས་ཏེ་བཅུ་བཞིའོ། །འཁོར་འདུས་པ་ལའང་ཁ་ཅིག་ལ་མང་པོ་དང་། སྐུ་གདུང་ལ་རྒྱས་པར་འགྱུར་བ་དང་། རིལ་པོ་གཅིག་ཏུ་འདུག་པ་གཉིས་སོ། །ད་ལྟར་གྱི་སྟོན་པ་འདི་ལ་དཔེར་བརྗོད་ན། མཆོག་ཏུ་དགའ་བའི་རྒྱལ་པོ་ང་སྐྱེས་པའི་ཡུལ་ནི་སེར་སྐྱའི་གནས་ཞེས་བྱའོ། །རིགས་ནི་རྒྱལ་རིགས་སོ། །གདུང་ནི་གོའུ་ཏ་མའོ། །འོད་ནི་འདོམ་གང་ངོ་། །ཡབ་ནི་ཟས་གཙང་མའོ། །ཡུམ་ནི་སྒྱུ་འཕྲུལ་མ་ཞེས་བྱའོ། །སྲས་ནི་སྒྲ་གཅལ་འཛིན་ནོ། །རིམ་གྲོ་པ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉེར་རྒྱལ་ལོ། །རྫུལ་འཕྲུལ་ཅན་རྣམས་ཀྱི་མཆོག་ནི་པད་ནས་སྐྱེས་ཞེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱད་ཅུའོ། །དམ་པའི་ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་སྣང་ངོ་། །སྐུ་གདུང་ནི་རྒྱས་པར་འགྱུར་རོ། །ཞེས་གསུངས་སོ། །ཡང་ཚེ་ལོ་བཞི་ཁྲིའི་དུས་སུ་འཁོར་བ་འཇིག སུམ་ཁྲིའུ་དུས་སུ་གསེར་ཐུབ། ཉིས་ཁྲེའི་དུས་སུ་འོད་སྲུང་། བརྒྱ་པོའུ་དུས་སུ་ཤཱཀྱ་ཐུབ་པ་བྱོན་པ། སངས་རྒྱས་རབས་བདུན་སངས་རྒྱས་ཚུལ་ལས་བཤད་དེ། གཟུངས་ཆེན་གྱི་མདོ་ལས། སངས་རྒྱས་རྣམ་པར་གཟིགས་ནི་རྒྱལ་རིགས་གཟི་བརྗིད་ཅན། །ཚེ་ལོ་བརྒྱད་ཁྲིའི་དུས་ན་གྲོང་ཁྱེར་ཉེར་ལྡན་དུ། །ཀ་ར་བི་རིའི་ཤིང་དྲུང་མངོན་པར་རྫོགས་སངས་རྒྱས། །རྒྱལ་བ་གཙུགས་ཏོར་མངའ་བ་རྒྱལ་རིགས་རྫུ་འཕྲུལ་ཅན། །ཚེ་ལོ་བདུན་ཁྲིའི་དུས་ན་སུ་ཀའི་གྲོང་ཁྱེར་དུ། །ཤིང་མཆོག་སྤུན་ཏའི་དྲུང་དུ་མངོན་པར་སངས་རྒྱས་སོ། །རྒྱལ་བ་ཐམས་ཅད་སྐྱོབ་ནི་རྒྱལ་རིགས་བློ་གྲོས་ཅན། །ཚེ་ལོ་དྲུག་ཁྲིའི་དུས་ན་གྲོང་ཁྱེར་མཉམ་མེད་དུ། །ཤིང་མཆོག་སཱ་ལའི་དྲུང་དུ་མངོན་པར་རྫོགས་སངས་རྒྱས། །ཐུབ་པ་འཁོར་བ་འཇིག་ནི་མཆོག་ལྡན་བྲམ་ཟེའི་རིགས། །ཚེ་ལོ་བཞི་ཁྲིའི་དུས་ན་གྲོང་ཁྱེར་མཛེས་ལྡན་དུ། །ཤྲཱི་ཤ་ཡི་དྲུང་དུ་མངོན་པར་སངས་རྒྱས་སོ། །འདྲེན་པ་གསེར་ཐུབ་གཙང་ལྡན་བྲམ་ཟེའི་རིགས། །ཚེ་ལོ་སུམ་ཁྲིའི་དུས་ན་གྲོང་ཁྱེར་བདེ་ལྡན་དུ། །ཨུ་དུམ་ལྦཱ་རའི་དམར་མཆོག་ཤིང་དྲུང་མངོན་པར་རྫོགས་སངས་རྒྱས། །སྐྱོབ་པ་འོད་སྲུང་རྒྱལ་རིགས་བླ་མེད་ཡོན་ཏན་ཅན། །ཚེ་ལོ་ཉིས་ཁྲིའི་དུས་ན་གྲོང་ཁྱེར་ལྦཱ་ར་ཎཱ་སི་རུ། །ཤིང་མཆོག་སཱ་སའི་དྲུང་དུ་མངོན་པར་རྫོགས་སངས་རྒྱས། །འགྲོ་མགོན་ཤཱཀྱ་ཐུབ་པ་རྒྱལ་རིགས་བརྩོན་འགྲུས་ཅན། །ཚེ་ལོ་བརྒྱ་པའི་དུས་ན་སེར་སྐྱའི་གྲོང་ཁྱེར་དུ། །ཨ་ཤཱ་ཏ་ཡི་ཤིང་དྲུང་མངོན་པར་སངས་རྒྱས་སོ། །ཞེས་སོ། །དེ་ཡང་སངས་རྒྱས་སྟོང་འབྱུང་བ་ལ་གནས་སྐབས་ཀྱི་མར་འགྲིབ་ཀྱི་བརྒྱད་ཁྲི་པ་ནས་བརྒྱ་པའི་བར་འབྱུང་ངོ་། །བརྒྱད་ཁྲི་བས་སྔ་བ་མི་འབྱུང་སྟེ། སྐྱོ་ཤས་བྱུང་བས་ཆོས་དོན་དུ་མི་མཉེར་བས་སོ། །བརྒྱ་པ་བས་ཕྱི་བར་མི་འབྱུང་སྟེ། སྙིགས་མ་ལྔ་བདོ་བས་སོ། །སྙིགས་མ་ལྔ་གང་ཞེ་ན། དུས། སེམས་ཅན། ཚེ། ལས། ཉོན་མོངས་པའི་སྙིགས་མའོ། །དེ་ཡག་དུས་ཀྱི་སྙིགས་མ་ནི་རྩོད་ལྡན་ནོ། །སེམས་ཅན་གྱི་སྙིགས་མ་ནི་དགེ་དུས་སུ་སྐྱེས་པ། ཚེའི་སྙིགས་མ་ནི་ཚེ་ལོ་བརྒྱ་པ་མན་ཆད། ལས་ཀྱི་སྙིགས་མ་ནི་མི་དགེ་བ་བཅུ་ལ་སྤྱོད་དོ། །ཉོན་མོངས་པའི་སྙིགས་མ་ནི་གཉེན་པོས་མི་ནོན་པའོ། །ཡར་འཕེལ་ལ་མི་འབྱུང་སྟེ། མི་དགེ་བ་ངང་གིས་མི་ཡོང་ཞིང་། དངོས་པོ་རྣམས་འཕེལ་ནས་སྐྱོ་བ་མི་སྐྱེ་བས་སོ། །འོ་ན་སངས་རྒྱས་མོས་པ་ནི། །མིའི་ཚེ་ལོ་དཔག་མེད་ཐུབ་པའི་དུས་ན་འབྱུང་སྟེ། གོང་དུ་བརྒྱད་ཁྲི་བས་སྔ་བ་རུ་སངས་རྒྱས་མི་འབྱུང་ཞེས་པ་དང་འགལ་ལོ་ཞེ་ན་དེ་བདེན་ཏེ། དེ་ནི་ཤགས་རྒྱས་ཀྱི་སྨོན་ལམ་གྱི་སྟོབས་ཀྱིས་ཡིན་པས་བསམ་གྱིས་མི་ཁྱབ་སྟེ། གསང་བ་བསམ་གྱིས་མི་ཁྱབ་པའི་མདོ་ལས། སྟོང་གི་ཐ་ཆུང་བློ་གྲོས་མཐའ་ཡས་ཀྱིས་སྨྲས་པ། །སངས་རྒྱས་ཆོས་རྣམས་འདི་དག་ནམ་མཁའ་མཚུངས་ཞིང་འདྲ། །བདག་གི་ཡིད་ལ་སེམས་ཅན་ཟད་པ་མེད་སྙམ་བགྱིད། །ཚུལ་ཁྲིམས་ཀྱིས་ནི་བདག་གི་སྨོན་ལམ་འདི་དག་འགྱུར། །བདག་གི་སྨོན་ལམ་ཅི་འདྲར་ཐམས་ཅད་འདིར་གསོན་ཅིག །ཁྱེར་ཀྱི་ཚེ་ཚད་ཇི་ཙམ་པ་དག་བསྡོམས་པ་དང་། །ཚོགས་ཀྱི་རྒྱལ་པོ་ཇི་སྙེད་ཀུན་བསྡོམས། །ཐམས་ཅད་བསྡོམས་པ་དེ་ཉིད་བདག་གི་ཚེར་གྱུར་ཏེ། །བདག་གི་དགེ་ལོང་ཚོགས་ཀྱང་དེ་ཀུན་མ་ལུས་རྙེད། །ཅེས་པ་ལ་སོཊ་པ་སྨྲས་ཏེ། །དེ་ནི་སྟོང་གི་ཐ་མ་མོས་པ་ཞེས་བྱ་བར་འགྱུར་ཏེ། སངས་རྒྱས་དགུ་བརྒྱ་དགུ་བཅུ་རྩ་དགུའི་ཚེ་ཚད་དང་། ཉན་ཐོས་ཀྱི་དགེ་འདུན་ཇི་སྙེད་པ་དེ་སྙེད་དུ་འགྱུར་ཞིང་། བདག་གཉིས་དེ་ལྟར་མོས་པས་མོས་པ་ཞེས་བྱའོ། །གཞན་ཡང་སྙིང་རྗེ་པད་དཀར་ལས། འཇིག་རྟེན་གྱི་ཁམས་མཐེ་བོང་ཅན་ན། ཚེ་ལོ་བཅུ་པའི་དུས་སུ། མི་མཐེ་བོང་ཙམ་གྱི་ནང་དུ། ས་ས་རྒྱས་སྐར་མ་ལ་དགའ་བ་ཞེས་བྱ་བ་སྐུ་ཁྲུ་གང་སོར་བདུན་ཙམ་གྱི་ཚད་ཙམ་ཡོད་པར་བཤད་པ་ནི། གོང་གི་ཚེ་ལོ་བརྒྱ་པ་བས་ཕྱི་བར་སངས་རྒྱས་མི་འབྱུང་ཞེས་པ་དང་འགལ་ལོ་ཞེ་ན། དེ་ནི་འཇིག་རྟེན་གྱི་ཁམས་གཞན་དུ་འབྱོན་པ་ལ་དགོངས་པ་ཡིན་ནོ། །འོ་ན་དེ་ལྟར་གྱི་བསྐལ་པ་འདི་ལ་བཟང་པོ་ཞེས་བརྗོད་པ་ཅི་ཞེ་ན། འཇིན་རྟེན་འདི་ཆུང་འཇིག་པའི་ཚེ། །མཚོ་ནས་གསེར་གྱི་པདྨ་སྟོང་འབྱུང་བར་འགྱུར་ཏེ། །དེ་ལ་ལྷ་རྣམས་ཀྱིས་བརྟག་པས། སངས་རྒྱས་སྟོང་འབྱུང་བར་འགྱུར་ཏེ། ཀྱེ་མ་བསྐལ་པ་འདི་ནི་བཟང་པོའོ། །ཞེས་བརྗོད་པས་བསྐལ་པ་བཟང་པོ་ཞེས་གྲགས་པར་གྱུར་ཏོ། །ཞེས་སྙིག་རྗེ་པདྨ་དཀར་པོ་ལས་བཤད་ལ། ཡེ་ཤེས་རྒྱས་པའི་མདོ་ལས། བསྐལ་པ་བཟང་པོ་འདི་ཡི་མིང་། བསྐལ་པ་པདྨ་སྟོང་མཐོང་ཞེས་བཏགས་པ་ཡོད་དོ། །ངས་རྒྱས་ཤཱཀྱ་ཐུབ་པ་ཇི་ལྟར་བྱོན་ཚུལ། གསུམ་པ་སྙིགས་མ་ལྔ་བདོ་བའི་དུས་འདིར། བཅོམ་ལྡན་འདས་ཐུབ་པའི་དབང་པོ་བྱོན་ཚུལ་ནི། སློབ་དཔོན་ཀླུ་སྒྲུབ་ཀྱི་མཆོད་རྟེན་བརྒྱད་ཀྱི་བསྟོད་པར། དང་པོ་བྱང་ཆུབ་མཆོག་ཏུ་སེམས་བསྐྱེད་དེ། །བསྐལ་པ་གྲངས་མེད་གསུམ་དུ་ཚོགས་བགས་ཤིང་། །བར་དུ་གཅོད་པའི་བདུད་བཞི་འཇོམས་མཛད་པ། །བཅོམ་ལྡན་སེདྒེ་དེ་ལ་འཕྱག་འཚལ་ལོ། །ཞེས་པས། འོ་སྐོལ་གྱི་སྟོན་པ་རྒྱལ་བ་ཡག་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་འདིས། ཐུགས་དང་པོ་ཁྱབ་ཆུབ་མཆོག་ཏུ་སེམས་རིན་པོ་ཆེ་ཡངས་ཤིང་རྒྱ་ཆེ་བ་མི་དོག་ཅིང་ཕྱོགས་ཆ་མེད་པ་ཉེ་བར་དུ་བསྐྱེད་པའམ། བར་དུ་འཁོར་བ་དང་། མྱང་ཅན་ལས་འདས་པའི་ཆོས་ཐམས་ཅད་བཟང་ངན་དང་བླང་དོར་མེད་པ་མཉམ་པ་ཉིད། ནམ་མཁའ་ལྟ་བུར་དག་ཅིང་དབྱེར་མེད་པའི་ངང་དུ་རྟོགས་པས། སྒྲིབ་གཉིས་ཚུལ་བཞིན་དུ་སྦྱངས། ཚོགས་གཉིས་བསགས་པས་ལམ་ལྔ་རྫོགས་ནས། ཐ་མ་ཆོས་སྐུ་ནམ་མཁའ་ལྟ་བུ་རྣམ་པར་མི་རྟོག་པའི་བདག་ཉིད་ཕྱི་ནང་ནང་སྣོད་བཅུད་ཀྱིས་བསྡུས་པའི་ཆོས་ཐམས་ཅད་ལ་ཁྱབ་པས། མི་རྟོག་བཞིན་སྔོན་གྱི་སྨོན་ལམ་གྱི་སྟོབས་ཀྱིས། མཛད་པ་བཅུ་གཉིས་སུ་བསྟན་ནས་མངོན་པར་རྫོགས་པར་སངས་རྒྱས་ཏེ། དཀོན་མཆོག་བརྩེགས་པ་བྱང་ཆུབ་སེམས་པའི་སྡེ་སྣོད་ལས། འོ་སྐོལ་གྱི་སྒོན་པ་འདི་དང་པོ་ལམ་ནི་མ་ཞུགས། །སྙིང་རྗེ་ཆེ་བ་ལ་སོགས་པ་བྱང་ཆུབ་སེམས་དཔའི་རིགས་ལ་གནས་པའི་དུས་སུ། ལས་ཀྱི་ལྷག་པ་བྱང་ཆུབ་སེམས་དཔའི་རིགས་ལ་གནས་པའི་དུས་སུ། ལས་ཀྱི་ལྷག་མ་འགའ་ཞིག་གིས་དམྱལ་བའི་གནས་སུ་གཤིན་རྗེའི་སྐྱེས་བུ་ཨ་ཝ་སྐྱོང་བ་ཞེས་བྱ་བའི་ལྕགས་སྲེག་གི་ས་གཞི་ལ་ཤིང་རྟ་འདྲེན་པའི་གྱད་དུ་སྐྱེས་པས། དེར་ཟླ་བོ་ལ་སྙིང་རྗེའི་སེམས་སྐྱེས་ཏེ། རྗེ་བོ་ལ་བོས་ནས་འདི་སྐད་དུ། སེམས་ཅན་འདི་རྣམས་ཀྱི་སྡུག་བསྔལ་ཚ་ཞིང་རྩུབ་པ་འདི་བདག་གཅིག་པོས་འཁུར་བས་ཅི་གནང་ཞེས་ཞུས་པ་དང་། དེ་ལ་ཁོ་ཁྲོས་ཏེ། སྤྱིར་སེམས་ཅན་རང་རང་གི་ལས་ཀྱི་སྐལ་པ་ལ་སྤྱོད་པ་ལ་ཟེར་ནས། མགོ་ལ་ལྕགས་ཀྱི་ཐོ་ལུམ་འབར་བ་ཞིག་བརྒྱབ་པས། ཚེའི་དུས་བྱས་ཏེ། སུམ་ཅུ་རྩ་གསུམ་པའི་ལྷའི་བུ་གཟུགས་དང་རིགས་ཕུན་སུམ་ཚོགས་པ་ཞིག་ཏུ་སྐྱེས་ཏེ། སེམས་བསྐྱེད་ལ་སྔ་བ་དེ་ཡིན། དེའི་གོ་བ་ཡང་སྙིང་རྗེ་རང་པས་གཞན་གཅེས་པར་འཛིན་པའི་བློ་སྐྱེས་པས་སོ། །ངག་ཏུ་བརྗོད་པ་ཙམ་གྱིས་ཀྱང་མ་དག་པའི་ལས་བྱང་ནས། ལས་དག་པའི་འགོ་མ་དུས་དེ་ནས་འཇུས་པ་ཡིན་ནོ། །ལྷའི་ལུས་དེ་དག་ཤི་འཕོས་ནས་མིའི་ནང་དུ། རྫ་མཁན་སྤང་པ་འོད་ཀྱི་བུ་ཁྱེའུ་སྣང་བྱེད་དུ་སྐུ་སྐྱེ་བ་བཞེས་ཚུལ་ནི། བསྐལ་པ་གྲངས་མེད་པ་གསུམ་གྱི་སྔོན་རོལ་དུ། བསྐལ་པ་མཛེས་པར་སྣང་བ་ཞེས་བྱ་བ་ལ། གྲོང་ཁྱེར་ཆེན་པོ་བ་རུ་ན་ཞེས་བྱ་བར་སངས་རྒྱས་ཤཱཀྱ་ཐུབ་པ་ཆེན་པོ་ཞེས་བྱ་བ། ད་ལྟའི་སྟོན་པ་འདི་ལྟ་བུ་ཁོ་ན་ཞིག་བྱོན་ཏེ། གྲོང་ཁྱེར་གྱི་དབུས་ན་ཆོས་སྟོན་ཏེ། དེའི་དུས་ན་ཡང་སྙིགས་མ་ལྔ་དང་ལྡན་པ་ཚེ་ལོ་བརྒྱ་པ་ལུས་ཚད་ཆུང་པའི་དུས་ཡིན་པས་སངས་རྒྱས་དེ་ཡང་ཚུལ་མཐུན་པ་ལུས་ཚད་ཆུང་པའི་དུས་ཡིན་པས་སངས་རྒྱས་དེ་ཡང་ཚུལ་མཐུན་པར་སྐྱེས་སོ། །འཁོར་འདུས་པའི་དང་པོ་ནི་དགེ་སློང་ཆོས་སྨྲ་བའི་རྒྱལ་པོ་ཞེས་བྱ་བར། འཕགས་པ་འཇམ་དཔལ་འདི་སྐྱེས་ཏེ། དེ་ལ་ཏིང་ངེ་འཛིན་མངའ་བས་ཏིང་ངེ་འཛིན་ལ་མཉམ་པར་བཞག་སྟེ། ད་ལྟ་སུ་དང་སུ་ཞིག་དར། སུ་དང་སུ་ཞིག་ནི་རྒུད། སུ་དང་སུ་ཞིག་ནི་སངས་རྒྱས་ཀྱི་སྣོད་དུ་འདུག སུ་དང་སུ་ཞིག་ནི་དམྱལ་བར་འགྲོ་མངོན་པས་ཤེས་པས་བལྟས་པས་གྲོང་ཁྱེར་དེའི་མཐའ་ན་རིགས་ངན་རྫ་མཁན་གྱི་བུ་སྣང་བྱེད་ལ་སངས་རྒྱས་ཀྱི་སྣོད་དུ་འདུག་པར་མཐོང་ནས། དེ་གདུལ་བའི་དོན་དུ་དགེ་སློང་དེས། གྲོང་ཁྱེར་དུ་བསོད་སྙོམ་བླངས་ནས་འབྲས་ཆན་ལྷུང་བཟེད་གང་ཐོགས་ཏེ། རྫ་མཁན་དེའི་དྲུང་དུ་ཕར་ཕྱིན་པ་དང་། ཕ་མ་རྫ་བྱེད་དུ་སོང་། ཁོ་རྩེད་མོ་རྩེ་བ་དང་འཕྲད་དེ། སྣང་བྱེད་དེས་དགེ་སློང་དེའི་མདུན་དུ་ཕྱིན་ནས། བཙུན་པའི་ལག་གི་དེ་ཅི་ཡིན་ཞེས་དྲིས་པ་དང་། དེར་ཆོས་སྨྲ་བའི་རྒྱལ་པོས། འདི་ནི་ཁ་ཟས་རོ་མཆོག་བརྒྱ་དང་ལྡན་པའོ། །ཞེས་པ་དང་། འོ་ན་ང་ལ་གནང་དང་ཞེས་པས། བྱིན་གྱིས་བརླབས་ནས་བྱིན་པས། དེར་དེ་རོ་ལ་ཆགས་པ་དང་། ལྟོགས་ཕྲུག་ཏུ་སོང་བས་ཤིན་ཏུ་བཀྲེས་ནས་ཁོའི་ཕྱིར་འབྲངས་སྐད། དེར་དེ་ཤཱཀྱ་ཐུབ་པའི་ཕོ་བྲང་དེར་འགྲོ་བ་ལ་ལོ་བཅུ་གཉིས་ཙམ་འགོར་བ་ཡིན་པ་ལ། འཕགས་པ་ཐུགས་རྗེ་ཆེ་བ་དང་། སྣང་བྱེད་ལས་དག་པས། སྐྱེས་བུ་ལག་པ་བརྐྱང་པ་ལས་བསྐུམས་པ་ཙམ་ལ་སླེབས་སྐད། དེར་དགེ་སློང་གི་རྫུལ་འཕྲུལ་གྱིས་གྲོང་ཁྱེར་དབུས་སུ་ཉེ་བར་ཕྱིན་པ་དང་། དེས་སངས་རྒྱས་མཐོང་བ་དང་། ཡ་མཚན་སྐྱེས་དེ་འདི་ཅི་ཡིན་ཟེར། བཙུན་པ་ཡིན་ཞེས་པ་དང་། འདི་ནི་སངས་རྒྱས་སོ། །འདི་ཅི་ལས་བྱུང་། སེམས་བསྐྱེད་ཚོགས་བསགས་པ་ལས་བྱུང་བའོ། །ང་ལ་འོངས་ངམ་ཞེས་པ་ལ། སེམས་བསྐྱེད་ན་འོང་ཞེས་སོ། །དེར་ཁོ་དད་དེ་འབྲས་ཆན་ལྷུང་བཟེད་གང་པོ་དེ་འབུལ་དུ་བཅུག་ནས་སེམས་བསྐྱེད་དོ། །དེ་ནས་རྫ་མཁན་བཟའ་མིས་བུ་སྟོར་ཏེ་གང་ནས་ཀྱང་མ་རྙེད་པ་ལ། དེ་ནས་གྲོང་གི་བདུས་ནས་རྙེད་དོ། །དེ་ནས་སྣང་བྱེད་ཀྱིས་རབ་ཏུ་བྱུང་བར་ཞུས་པ་དང་། ཕ་མས་ཀྱང་གནས་ནས། དེ་རབ་ཏུ་བྱུང་བར་གསོལ་ཏེ་ཞུ་བ་ཕུལ་ཅིག་ཟེར་རོ། །དེ་སྐད་དུ་ཞུས་པས་སངས་རྒྱས་ཀྱིས་གནང་སྟེ། དགེ་སློང་ཚུར་ཤོག་ཅེས་པ་དང་། སྐྲ་དང་ཁ་སྤུ་རང་བྱིན་ནས་ངུར་སྨིག་གོན་པའི་དགེ་སློང་དུ་གྱུར་ཏེ། འབྲས་ཆན་ལྷུན་བཟེད་གང་ལ་བརྟེན་ནས་སེམས་བསྐྱེད་པའོ། །སྣང་བྱེད་ཀྱིས་འགྲོན་བུ་ལྔ། མཆིལ་ལྷམ་ཟུང་གཅིག །རས་ཀ་ཤི་ཀའི་གདུགས་གཅིག རྫ་བུམ་སོ་བཏང་བ་གཅིག་ཆུས་བཀང་ནས་ཕུལ་ཏེ། སེམས་བསྐྱེད་ནས་སྨོན་ལམ་བཏབ་སྟེ། སྦྱིན་པ་རྒྱ་ཆེན་གྱུར་པ་འདི་ཡིས་སུ། །འགྲོ་བ་རང་བྱུང་སངས་རྒྱ་གྱུར་ནས་ཀྱང་། །སྔོན་གྱི་རྒྱལ་བ་རྣམས་ཀྱིས་མ་བསྒལ་བའི། །སྐྱེ་བོའི་ཚོགས་རྣམས་བདག་གིས་བསྒྲལ་བར་བགྱི། །ཞེས་དང་། བདག་གི་དགེ་བའི་རྩ་བ་འདིས། བདག་ནམ་ཞིག་ཞི་བ་དག་པར་སངས་རྒྱས་ཏེ། སེམས་ཅན་མ་དག་པའི་དོན་བྱེད་པར་གྱུར་ཅིག་མིང་ཡང་ད་ལྟར་གྱི་སངས་རྒྱས་འདི་ཁོ་ན་འདྲ་བའི་ཤཱཀྱ་ཐུབ་པ་ཞེས་བྱ་བར་གྱུར་ཅིག ཅེས་སྨོན་ལམ་བཏབ་བོ། །བསྐལ་བཟང་ནས། སྨན་པོ་ཡོན་ཅན་བཤེས་གཉེན་བུར་གྱུར་ཏེ། །འབྲས་ཆན་ཕུལ་ནས་སྨོན་ལམ་བཏབ་པ་ནི། །དེ་བཞིན་གཤེགས་པ་ཁྱེད་སྐུ་ཅི་འདྲ་དང་། །འཁོར་དང་སྐུ་ཚེའི་ཚད་དང་ཞིང་ཁམས་དང་། །ཁྱོད་ཀྱི་མཚན་མཆོག་བཟང་པོ་ནི་འདྲ་བ། དེ་འདྲ་ཁོ་ནར་བདག་ཀྱང་འགྱུར་བར་ཤོག །ཅེས་སྨོན་ལམ་ཡང་དེ་དེ་དང་མཐུན་པར་བཏབ་སྟེ། །བདེ་གཤེགས་ཤཱཀྱ་ཐུབ་པ་ཆེན་པོ་ལ། འཇམ་ཞལ་གང་ནི་དབུལ་བ་བྱས་ནས་ཀྱང་། །དང་པོ་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་པས་མངོན་ནོ། །དང་པོ་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་པས་མངོན་ནོ། །ཐེག་པ་ཆེན་པོའི་མདོ་ཀ་ཅིག་ན། ཤཱཀྱ་ཐུབ་པ་འདི་སྔོན་རྒྱལ་བུ་བཙོན་འགྲུས་སྤྱོད་དུ་སྐྱེ་ནས། སངས་རྒྱས་འོད་འཕྲོའི་ཕུང་པོ་བྱ་བ་བྱུང་བ་ལ་སེམས་བསྐྱེད་པ་ཡིན་ཟེར་རོ། །བར་དུ་བསྐལ་པ་གྲངས་མེད་པ་གསུམ་མམ་སུམ་ཅུ་རྩ་གསུམ་དུ། ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པའི་གཉེན་པོར། ཚོགས་རྣམ་པར་གཉིས་ཇི་ལྟར་བསགས་ཞེ་ན། གཞུང་ལས། གྲངས་མེད་གསུམ་གྱི་བར་དུ་ཚོགས་བསགས་པས། ས་ནི་དང་པོ་བརྒྱ་པ་བཅུ་པར་ནོན། །ས་བཅུ་བྱང་ཆུབ་སེམས་དཔའི་སྟོན་པ་མཛད། །ཞེས་པ་སྟེ། དེ་ལ་ཡག་གྲངས་མེད་པ་གསུམ་དུ་ཕ་རོལ་ཏུ་ཕྱིན་པ་དྲུག་གི་དཀའ་བ་སྤྱད་པ་དང་། སངས་རྒྱས་ཇི་སྙེད་པ་ལ་བསྙེན་བཀུར་བྱས་པའི་ཚུལ་མོ། །དེ་ཡང་ཕ་རོལ་ཕྱིན་དྲུག་སྤྱད་ལུགས་ནི། བྱང་ཆུབ་སེམས་དཔའ་དུད་འགྲོར་སྐྱེས་ནས་སེམས་ཅན་རྣམས་ལ་མགོ་ལ་སོགས་པ་བཏག་བས་སྦྱིན་པ་རྫོགས་པར་མཛད་དོ། །རྒྱ་མཚོའི་ཚོང་པར་སྐྱེས་པའི་ཚེ་མགོ་དང་ཡན་ལག་བཅད་ཀྱང་སེམས་མི་འཁྲུག་པས་ཚུལ་ཁྲིམས་རྫོགས། སྨན་ཆེན་བློབ་པོར་སྐྱེས་པའི་དུས་སུ་བསམ་གཏན་དང་། དོན་གྲུབ་ཏུ་སྐྱེ་བ་བཞེས་པའི་དུས་སུ་ཤེས་རབ་རྫོགས་པར་བྱས་པ་ཏེ། མདོ་ལས་ཀྱང་། ཀུན་ལ་ལྷག་པར་སྙིང་བརྩེ་བས། །སྦྱིན་སོགས་ཕ་རོལ་ཕྱིན་རྫོགས་བྱས། །ཞེས་སོ། །སངས་རྒྱས་ཇི་སྙེད་ལ་བསྙེན་བཀུར་བྱས་ཚུལ་ནི། དང་པོ་ཤཱཀྱ་ཐུབ་པ་ནས་བཟུང་སྟེ། སངས་རྒྱས་ཡུལ་འཁོར་སྐྱོང་གི་བར། སངས་རྒྱས་བདུན་ཁྲི་ལྔ་སྟོང་ལ་བསྙེན་བཀུར་ཞིང་། བསྐལ་པ་གྲངས་མེད་པར་ཚོགས་བསགས་ཏེ་གྲངས་མེད་པ་དག་པོ་རྫོགས་ཏེ། ལུང་ལས། སངས་རྒྱས་ཤཱཀྱ་ཐུབ་པ་ནས། །འདྲེན་པ་ཡུལ་འཁོར་སྐྱོང་་བར། །བདུན་ཁྲི་ལྔ་སྟོང་ཚང་བ་ཡི། །སངས་རྒྱས་རྣམས་ནི་ངས་མཆོད་དོ། །ཞེས་སོ། །དེ་ནས་སངས་རྒྱས་ལེགས་མཛད་ནས་བཟུང་སྟེ་དབང་པོ་རྒྱལ་མཚན་གྱི་བར་དུ་བདུན་ཁྲི་དྲུག་སྟོང་བསྙེན་བཀུར་ཞིང་གྲངས་མེད་པ་གཉིས་རྫོགས་པར་བྱས་སོ། །ལུང་ལས། སངས་རྒྱས་ལེགས་མཛད་ནས་བཟུང་སྟེ། །དབང་པོ་རྒྱལ་མཚན་ཐུབ་པའི་བར། །བདུན་ཁྲི་དྲུག་སྟོང་ཚང་བ་ཡི། །སངས་རྒྱས་རྣམས་ནི་ངས་མཆོད་དོ། །ཞེས་སོ། །དེ་ནས་མར་མེ་མཛད་ནས་འོད་སྲུང་གི་བར་བདུན་ཁྲི་བདུན་སྟོང་བསྙེན་བཀུར་ཞིང་གྲངས་མེད་གསུམ་རྫོགས་པར་བྱས་ཏེ། ལུང་ལས། སངས་རྒྱས་མར་མེ་མཛད་ནས་ནི། །སངས་རྒྱས་འོད་རྣམས་ནི་ངས་མཆོད་དོ། །ཞེས་སོ། །མར་མེ་མཛད་ནས་རིན་ཆེན་གཙུག་ཏོར་ཅན་ཡན་ཆད་ཀྱིས་གྲངས་མེད་དང་པོ་རྫོགས་སོ། །དེ་ནས་མར་མེ་མཛད་ཡན་ཆད་སྐྱེས་གཉིས་པ་རྫོགས་སོ། །དེ་ནས་རྣམཔར་གཟིགས་ཡན་ཆད་ཀྱིས་གསུམ་པ་རྫོགས་པས་བཤད་དེ། །རྣམ་གཟིགས་མར་མེ་རིན་ཆེན་གཙུག །གྲངས་མེད་གསུམ་གྱི་ཐ་མར་བྱུང་། །དང་པོ་ཤཱཀྱ་ཐུབ་པ་ཡིན། །ཞེས་སོ། །དེ་ཐེག་པ་ཆེན་པོ་ལྟར་ན། ཤཱཀ་ཐུབ་ཀྱི་རྗེས་ལ་རྣམ་པར་གཟིཊ་བྱོན། བྲམ་ཟེའི་ཁྱེའུ་ཤཱཀྱའུ་སྐྱེས། ས་དང་པོ་ནོན། མར་མེ་མཛད་བར་དུ་སྟེ་བྲམ་ཟེ་ཆོས་ཀྱི་སྤྲིན་དུ་སྐྱེས། ས་བརྒྱད་པ་ནོན། གཙུག་ཏོར་ཅན་ཐ་མར་སྐྱེས་ཏེ་བྲམ་ཟེ་སེར་སྐྱར་སྐྱེས། ས་བཅུ་པ་ནོན། དེ་ཡང་སངས་རྒྱས་རྣམ་པར་གཟིགས་ནི་འདི་ནས་བསྐལ་པ་དགུ་བཅུ་རྩ་གཅིག་གི་གོང་སྐྱེ་རྒུའི་ཚེ་ལོ་བརྒྱད་ཁྲི་པ་ལ་བྱོན་ཏེ། བསྐལ་བཟང་སྟོང་གི་དགེ་སློང་སྟོང་དུ་སྐྱེས་ནས་ཚངས་པར་སྤྱོད་པ་སྤྱད་དེ། དེ་དག་བསྐལ་པ་བཟང་པོ་ལ་སངས་རྒྱ་བར་ལུང་བསྟན། ཁྱད་པར་དུ་ཤཱཀ་ཐུབ་འདི་བྲམ་ཟེ་ཤཱཀྱར་སྐྱེས་ལུགས་བསྟན། ཁྱིམ་བདག་བློ་གྲོས་ལྡན་ཞེས་པ་ཡང་རྩཱ་འཚོང་བཀྲ་ཤིས་སུ་གྱུར་ཏོ། །དེ་ལ་སོགས་པ་སངས་རྒྱས་བདུན་ཁྱི་ལྔ་འཚོང་བཀྲ་ཤིས་སུ་གྱུར་ཏོ། །དེ་ལ་སོགས་པ་སངས་རྒྱས་བདུན་ཁྲི་ལྔ་སྟོང་དཔག་ཏུ་མེད་པ་ནས། རྣམ་པར་གཟིགས་ཀྱི་བར་དུ་བསྙེན་བཀུར་བས། དག་པའི་ས་གསུམ་རྫོགས་ནས་གྲངས་མེད་པ་གསུམ་པ་རྫོགས་ཏེ། མཐར་ཕྱིན་པའི་ལམ་བགྲོད་ནས་ས་བཅུ་པ་དག་ནོན་ཏེ། དེ་ནས་ཟད་པར་མེ་ལ་གནས་ནས། དེ་བཞིན་གཤེགས་པ་སྐར་རྒྱལ་ལ་བསྟོད་དེ། དཀའ་ཐུབ་བརྟེན་ནས་གྲོང་ཁྱེར་ཉེར་ལྡན་དུའོ། །དེ་ནས་ཐ་མར་སངས་རྒྱས་འོད་སྲུང་གི་དུས་སུ་བྲམ་ཟེའི་ཁྱེའུ་བླ་མར་གྱུར་ཏེ། བསྐལ་པ་གཅིག་གི་བར་དུ་ཚོགས་བསྒྲུབས་ནས་ས་ལས་ཐམས་ཅད་མཐའ་ཕྱིན་པ་བྱས་ཏེ་ཚོགས་ལམ་ཐམས་ཅད་རྫོགས་པས། གྲངས་མེད་གསུམ་གྱི་བར་དུ་ཚོགས་ལམ་ཐམས་ཅད་རྫོགས་པས། གྲངས་མེད་གསུམ་གྱི་བར་དུ་ཚོགས་བསགས་ནས་ཞེས་པའོ། །ཐེག་ཆུང་གི་མདོ་ཁ་ཅིག་ནས། །དེ་ལྟར་གྲངས་མེད་གསུམ་གྱིས་སངས་རྒྱས་མི་ཐོབ་སྟེ། སུམ་ཅུ་རྩ་དྲུག་འགོར་ཟེར། དེ་ཡང་ཚོགས་ལམ་སྦྱོར་ལམ་གཉིས་གྲངས་མེད་གསུམ་གསུམ་སྟེ་དྲུག དེ་ནས་ས་དང་པོ་ནས་ས་བཅུ་པའི་བར་དུ་ས་རེ་རེ་ལ་གྲངས་མེད་གསུམ་གསུམ་འགོར་བའི་སུམ་ཅུ་རྩ་དྲུག་ནས་སངས་རྒྱས་ཟེར་བ་ཡོད། དེ་ལ་སོགས་ཏེ་ཚོགས་བསགས་པའི་ཡུན་ནི་གསུང་རབ་རྣམས་ནས་མི་འདྲ་བ་དུ་མ་འབྱུང་སྟེ། བསྐལ་པ་གྲངས་མེད་གསུམ་དང་། བདུན་དང་། བཅུ་དང་། སུམ་ཅུ་རྩ་དྲུག་ལ་སོགས་པ་བཤད་ལ། བཅུ་གསུམ་དུ་བཤད་པའང་ཡོད་གསུངས་སོ། །དེ་ལ་གྲངས་མེད་གསུམ་ནི་གསུང་རབ་ཕལ་ཆེར་ལས་འབྱུང་ཞིང་། གྲངས་མེད་ཀྱི་དོན་ཡང་། མངོན་པ་མཛོད་ཀྱི་འགྲེལ་པ་དང་། ཐུབ་པ་དགོངས་རྒྱན་ལ་སོགས་མང་པོ་ནས། བགྲང་པ་ལས་འདས་པའི་གྲངས་མེད་པ་མ་ཡིན་གྱི། གྲངས་ཀྱི་གནས་གཞན་དྲུག་ཅུ་བརྩིས་པའི་གྲངས་མེད་པ་ལ་བཞེད་ལ། གྲངས་ནི་གཅིག བཅུ། བརྒྱ། སྟོང་། ཁྲི། འབུམ། ས་ཡ། བྱེ་བ། དུང་ཕྱུར། རྐྱང་པ་ཡིན་པར་ཤེས་པར་བྱ། གྲངས་ཀྱི་གནས་གཞན་འདི། ཐམས་ཅད་མཁྱེན་པ་བུ་སྟོན་རིན་པོ་ཆེའི་ཆོས་འབྱུང་གི་གྲངས་ཀྱི་གནས་གཞན་དང་དགོངས་པ་མི་གཅིག་པ་རེ་གཉིས་འདུག་ཀྱང་། འདིར་ནི་འདི་གཙོ་བོ་ཆེ་བར་བྱས་སོ། །ཐེར་འབུམ་དང་། ཐེར་འབུམ་ཆེ་པོ། ཁྲག་ཁྲིག་དང་། ཁྲག་ཁྲིག་ཆེན་པོ། རབ་བཀྲམ་དང་། རབ་བཀྲམ་ཆེན་པོ། གཏམ་ཁྲིག་དང་། གཏམ་ཁྲིག་ཆེན་པོ། མི་འཁྲུག་དང་། མི་འཁྲུག་ཆེན་པོ། གཏམ་ཁྲིག་ཆེན་པོ། མི་འཁྲུག་དང་། མི་འཁྲུག་ཆེན་པོ། ཁྱད་སྦྱིན་དང་། ཁྱད་སྦྱིན་ཆེན་པོ། སྤང་སྟེང་དང་། སྤང་སྟེང་ཆེན་པོ། དེད་འདྲེན་དང་། དེད་འདྲེན་ཆེན་པོ། མཐའ་སྣང་དང་། མཐའ་སྣང་ཆེན་པོ། རྒྱུ་རིགས་དང་། རྒྱུ་རིགས་ཆེན་པོ། འོད་མཛེས་དང་། འོད་མཛེས་ཆེན་པོ། རྒྱུ་རིགས་དང་། རྒྱུ་རིགས་ཆེན་པོ། འོད་མཛེས་དང་། འོད་མཛེས་ཆེན་པོ། དབང་པོ་དང་། དབང་པོ་ཆེན་པོ། ལེགས་སྦྱིན་དང་། ལེགས་སྦྱིན་ཆེན་པོ། རྟོགས་འགྲོ་དང་། རྟོགས་འགྲོ་ཆེན་པོ། འབྱིན་རྡུལ་དང་། འབྱིན་རྡུལ་ཆེན་པོ། རྒྱ་རྟགས་དང་། རྒྱ་རྟགས་ཆེན་པོ། སྟོབས་འཁོར་དང་། སྟོབས་འཁོར་ཆེན་པོ། བརྡ་ཤེས་དང་། བརྡ་ཤེས་ཆེན་པོ། རྣམ་འབྱུང་དང་། རྣམ་འབྱུང་ཆེན་པོ། ར་རྟ་དང་། ར་རྟ་ཆེན་པོ། སྟོབས་མིག་དང་། སྟོབས་མིག་ཆེན་པོ།། ཁྱད་ཁྱུད་དང་། ཁྱད་ཁྱུད་ཆེན་པོ། མྱལ་མྱུལ་དང་། མྱལ་མྱུལ་ཆེན་པོ། འལ་འོལ་དང་། འལ་འོལ་ཆེན་པོ། ཆད་ཆོད་དང་། ཆད་ཆོད་ཆེན་པོ། མཐར་ནི་གྲངས་མེད་ཅིས་བྱའོ། །དེ་ལ་བརྩོན་འགྲུས་མྱུར་བ་བསྐལ་པ་གྲངས་མེད་གསུམ་ན་སངས་རྒྱས་ཏེ། དེ་ལ་ལམ་ཚོགས་སྦྱོར་གཉིས་ལ་གྲངས་མེད་གཅིག་ས་ས་དང་པོ་ནས་བདུན་པའི་བར་ལ་གྲངས་མེད་གཅིག །ས་བརྒྱད་པ་ནས་སངས་རྒྱས་ཀྱི་སའི་བར་ལ་གྲངས་མེད་གཅིག་སྟེ། དེ་ལྟར་བསྐལ་པ་གྲངས་མེད་པ་གསུམ་ནས་ས་ལམ་མཐར་ཕྱིན་པ་ཡིན་ཏེ། ས་ལའང་གསུམ་སྟེ། ངོ་བོ་ངེས་ཚིག་དབྱེ་བའོ། །ངོ་བོ་ནི་གནས་ཤིང་བརྟན་པས་ན་ས་ཞེས་བྱའོ། །ངེས་ཚིག་ནི་ཤ་བཅུའི་དང་པོ་ལ་སེམས་ཅན་གྱི་དོན་བསྒྲུབ་པ་ལ་རབ་ཏུ་དགའ་བས་ན། རབ་ཏུ་དགའ་བའི་ས་ཞེས་པ་ལ་སོགས་པའོ། །དབྱེ་ན་གསུམ་སྟེ། སོ་སོ་སྐྱེ་བོའི་ས། བྱང་ཆུབ་སེམས་པའི་ས། སངས་རྒྱས་ཀྱི་སའོ། །དང་པོ་ལ་གསུམ། མོས་པ་ལ་སྤྱོད་པའི་ས། སངས་རྒྱས་ཀྱི་སའོ། །དང་པོ་ལ་གསུམ། མོས་པ་ལ་སྤྱོད་པའི་ས། ཚོགས་ལམ་གྱི་ས། སྦྱོར་ལམ་གྱི་སའོ། །དེ་གསུམ་གྱི་ངེས་ཚིག་ནི། སྨོན་པའི་སེམས་སྔོན་དུ་བཏང་ནས་མོས་པས་སྤྱོད་པས་མོས་སྤྱོད་པ། ཚོགས་ལམ་ནི་མི་དགེ་བ་བོར་ཏེ། ལུས་ངག་ཡིད་གསུམ་གྱི་སྒོ་ནས་དགེ་བའི་བཤེས་གཉེན་ལ་ཐོས་པ་་བྱས་ཏེ་ཚོགས་གསོག་པའོ། །སྦྱོར་ལམ་ནི། བླ་མའི་གདམས་པ་ལ་བརྟེན་ནས་ཆོས་ཅན་མཚན་མ་ཅན་ལ། ཆོས་ཉིད་མཚན་མེད་སྦྱོར་བས་སྦྱོར་ལམ་ཞེས་པའོ། །བྱང་ཆུབ་སེམས་པའི་ས་ལ་བཅུ་སྟེ། ས་དང་པོ་རབ་ཏུ་དགའ་བ་ནས། ཆོས་ཀྱི་སྤྱིན་གྱི་བར་དུའོ། །སངས་རྒྱས་ཀྱི་ས་ལ་གསུམ་སྟེ། ཀུན་དུ་འོད་དང་། པདྨའི་སྤྱན་དང་། ཡི་གེའི་འཁོར་ལོའི་སའོ། །དེ་ལ་ཀུན་ཏུ་འོད་ནི་དབྱིངས་དང་ཡེ་ཤེས་གཉིས་སུ་མེད་པའི་འབྲས་བུ་ཆོས་ཀྱི་སྐུའོ། །པདྨའི་སྤྱན་ནི་ཆོས་ཀྱི་སྐུའི་ངང་ལས་སྤྲུལ་པའི་སྐུ་སྣ་ཚོགས་མི་འགག་པས་ལོངས་སྐུའོ། །ཡི་གེའི་འཁོར་ལོའི་ཚོགས་ཆེན་གྱི་ས་ནི་དཔའོ་འབྲུ་ལྔ་ལྟ་བུས་མཚོན་ནས་གདུལ་བྱ་ཇི་ལྟར་བྱུང་བ་འདུལ་བའི་སྤྲུལ་པའི་སྐུར་འབྱུང་བའོ། །ད་ནི་ལམ་བསྟན་པར་བྱ་སྟེ། དེ་ཡང་ངོ་བོ་ངེས་ཚིག་དབྱེ་བའོ། །ངོ་བོ་ནི་བགྲོད་པར་བྱས་པས་ན་ལམ་མོ། །ངེས་ཚིག་ནི་དེ་ལ་བརྟེན་ནས་འགྲོ་བས་སོ། །ལམ་ལ་དབྱེ་ན་ལྔ་སྟེ། ཚོགས་ལམ། སྦྱོར་ལམ། མཐོང་ལམ། སྒོམ་ལམ། མཐར་ཕྱིན་པའི་ལམ་མོ། །ཚོགས་ལམ་ལ་བཅུ་གཉིས་ཏེ། དྲན་པ་ཉེ་བར་བཞག་པ་བཞི། ཡང་དག་པར་སྤོང་བ་བཞི། རྫུ་འཕྲུལ་གྱི་རྐང་པ་བཞིའོ། །དེ་ཅིའི་ཕྱིར་ཚོགས་ལམ་ཞེ་ན། ལུས་ངག་ཡིད་གསུམ་གྱི་སྒོ་ནས་དགེ་བའི་ལས་དུ་མ་བྱེད་ཅིང་ཚོཊ་གསོག་པའི་ཕྱིར་རོ། །སྦྱོར་ལམ་ལ་བཅུ་སྟེ། དབང་པོ་ལྔ་དང་སྟོབས་ལྔའོ། །ཅིའི་ཕྱིར་སྦྱོར་ལམ་ཞེ་ན། དྲོད་རྩེ་མོ་བཟོད་པ་ཆོས་མཆོག་ནས་ནམ་མཐོང་ལམ་ལ་སྦྱོར་བས་ན་སྦྱོར་ལམ་མོ། །དེ་ཡང་བཟུང་བ་རང་བཞིན་མེད་པས་དྲོད། དེ་ལ་ཡིད་ཆེས་པས་རྩེ་མོ། །འཛིན་པ་རང་བཞིན་མེད་པས་བཟོད་པ། དེ་ལ་ཡིད་ཆེས་པས་འཇིག་རྟེན་ཆོས་མཆོག་གོ། མཐོང་ལམ་ལ་བདུན་ཏེ། བྱང་ཆུབ་ཀྱི་ཡན་ལག་བདུན་ནོ། །དེ་ལ་ཅིའི་ཕྱིར་མཐོང་ལམ་ཞེ་ན། སྔར་མ་མཐོང་བའི་དོན་མཐོང་བས་མཐོང་ལམ་ཞེས་བྱ་སྟེ། ཅི་མཐོང་ཞེ་ན། ཐོས་ཐམས་ཅད་ནམ་མཁའི་དཀྱིལ་ལྟར་མཐོང་བས་སོ། །སྒོམ་པའི་ལམ་འཕགས་པའི་ལམ་ཡན་ལག་བརྒྱད་པ་དེ་ལ། ཅིའི་ཕྱིར་སྒོམ་ལམ་ཞེ་ན། ཆོས་ཉིད་མཐོང་བའི་དོན་དེ་ལ་ཡང་ནས་ཡང་དུ་གོམས་ཤིང་འདྲིས་པར་བྱེད་པས་ན། སྒོམ་ལམ་ཞེས་བྱའོ། །མཐར་ཕྱིན་པའི་ལམ་ནི་ས་དགུ་པ་ནས་ས་བཅུ་པའི་བར་ཏེ། ཅིའི་ཕྱིར་མཐར་ཕྱིན་ཞེ་ན། བདག་གཞན་གཉིས་ཀྱི་དོན་མཐའ་ཕྱིན་པའི་ལམ་ཞེས་བྱའོ། །དེ་ལྟར་བསྟན་པའི་བདག་པོ་ཐུབ་པའི་དབང་པོ་འདིས། དང་པོར་ཐུགས་བསྐྱེད་ཅིང་ཚོགས་བསགས་ལམ་ལེགས་པར་མཐར་ཕྱིན། འབྲས་བུ་མངོན་པར་རྫོགས་པར་སངས་རྒྱས་པ་ནི་འབྲས་བུ་སྐུ་གསུམ་གྱི་ཚུལ་ཏེ། དེ་ཡང་ཆོས་སྐུ་དང་། ལོངས་སྐུར་སངས་རྒྱས་པའི་གནས་ནི་འོག་མིན་ཡིན་ལ། འཛམ་བུའི་གླིང་དུ་ནི་སྤྲུལ་པའི་སྐུར་སངས་རྒྱས་པའི་ཚུལ་བསྟན་པའོ། །འདི་ལའང་། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་སྔགས་ཀྱི་ཐེག་པའི་ལུགས་གཉིས་སོ། །མཐན་ཉིད་ཐེག་པ་ལ་ཡང་། ཐེག་ཆུང་དང་མཚན་ཉིད་ཐེག་པ་ཆེན་པའོ། །དེ་ལ་ཐེག་པ་ཆུང་བ་ནི། རྒྱལ་པོ་དོན་ཐམས་ཅད་གྲུབ་སྟེ། ས་བཅུ་རང་རྒྱུད་པ་གཅིག་འོག་མིན་ནམ། རྡོ་རྗེ་གདན་དུ་སངས་རྒྱས་པར་འདོད་དོ། །ཐེག་པ་ཆེན་པོ་ནི། རྒྱལ་བ་འདི་བསྐལ་པ་གྲངས་མེད་པའི་སྔོལ་རོལ་དུ་སངས་རྒྱས་ཟིན་པར་འདོད་དེ། མདོ་སྡེ་པདྨ་དཀར་པོ་ལས། རིགས་ཀྱི་བུ་ང་ནི་བསྐལ་པ་བྱེ་བ་ཁྲག་ཁྲིག་མང་པོ་འདས་པའི་སྔོན་རོལ་དུ་སངས་རྒྱས་སོ་ཞེས་པ་དང་། མདོ་ཡབ་སྲས་མཇལ་བ་ལས། ཤཱཀ་ཐུབ་ནི་སྔོན་བསྐལ་པ་དཔག་ཏུ་མེད་པའི་སྔོན་རོལ་དུ་དེ་བཞིན་གཤེགས་པ་དབང་པོའི་ཏོག་ཅེས་བྱ་བར་སངས་རྒྱས་ཟིན་ནས། ཕྱིས་ཀྱང་སངས་རྒྱས་ཀྱི་འཕྲིན་ལས་མཛད་པའི་ཕྱིར། སངས་རྒྱས་ཚུལ་བསྟན་ཡེ། དེ་སྐད་དུའང་། བྱེ་བ་བརྒྱ་ཏུ་རུ་རྒྱལ་བ་འདིས། །སངས་རྒྱས་ཉིད་དུ་བསྟན་གྱུར་ཀྱང་། །ད་དུང་ཆོག་པའི་འདུ་ཤེས་མེད། །སླར་ཡང་བྱང་ཆུབ་ཐུགས་ཀྱང་འཇུག་ཅེས་སོ། །འབྲས་བུ་སྔགས་ཀྱི་ཐེག་པ་ལ་ཡང་གཉིས་ཏེ། སྔགས་ཀྱི་ཕྱི་རྒྱུད་དང་། ནང་རྒྱུད་དོ། །ཕྱི་པ་རྣལ་འབྱོར་རྒྱུད་ཀྱི་ལུགས་ནི། ཆོས་སྐུ་དང་ལོངས་སྐྱུ་ནི་སངས་རྒྱས་ཡིན་ལ། སྤྲུལ་སྐུ་ནི་སངས་རྒྱས་སུ་མི་བཞེད་དོ། །དེ་བས་ན་ལོངས་སྐུ་ནི་འདོད་པའི་ཁམས་སུ་སངས་མི་རྒྱལ་ཞིང་། སྐྱེ་བའི་སྲིད་པ་ཡང་མི་བཞེད་དེ། གཟུགས་ཀྱི་ཁམས་ཀྱི་སྟུག་པོ་བཀོད་པ་དེ་ཉིད་དུ་སངས་རྒྱས་ཤིང་། སྐྱེ་བའི་སྲིད་པའང་དེ་ཉིད་དུ་བཞེད་པར་བཤད་དོ། །དེ་ཁོ་ན་ཉིད་རྣལ་འབྱོར་གྱི་རྒྱུད་ལས། འདོད་པའི་ཁམས་དང་གཟུགས་མེད་དུ། །སངས་རྒྱས་རྣམཔར་སངས་མི་རྒྱ། གཟུགས་ཀྱི་ཁམས་ཀྱི་འོས་མིན་དུ། །འདོད་ཆགས་བྲལ་ཁྱོད་སངས་རྒྱ་འོ། །ཞེས་སོ། །འོ་ན་འཛམ་བུ་གླིང་ཆུ་བོ་ནཻར་ཉྫནའི་ཆུ་བྱེ་མ་ཅན་ནམ་གསེག་མ་ཅན་དྲུང་དུ་དཀར་ཐུབ་སྤྱད་ནས། མཐའ་བྱང་ཆུབ་ཀྱི་ཤིང་གི་དྲུང་དུ་སྲོད་ལ་བདུད་བཏུལ་ནས་ཐོ་རངས་མངོན་པར་རྫོགས་པར་སངས་རྒྱས་པ་དང་འགལ་ལོ་སྙམ་ན། མི་འགལ་ཏེ། དཀའ་ཐུབ་ཀྱི་ངང་ཀེ་ཉིད་ནས་འོག་མིན་དུ་བྱོན་ཏེ། དེ་ན་དེ་བཞིན་གཤེགས་པ་ཏིལ་གྱི་གང་བུ་བཞིན་དུ་བཞུགས་པ་ལ་ཕྱག་བྱས་ནས། སེངྒེའི་ཁྲི་ལ་འདུག་ཏེ། སྟོང་པའི་ངང་ལ་ཡུན་རིང་པོར་མཉམ་པར་བཞག་ཀྱང་གསང་སྔགས་ཀྱི་གདམས་ངག་མེད་པས་མངོན་པར་རྫོགས་པར་སངས་རྒྱས་བར་མ་ནུས་ནས། ཕྱོགས་བཅུ་ན་བཞུགས་པའི་དེ་བཞིན་གཤེགས་པ་ཐམས་ཅད་བྱང་ཆུབ་སེམས་དཔའི་མདུན་དུ་བྱོན་ནས། ཏིང་ངི་འཛིན་དེ་ལས་བླངས་ནས་འདི་སྐད་དུ། རིགས་ཀྱི་བུ་ཁྱོད་གསང་སྔགས་ཀྱི་དོན་མི་ཤེས་པར་ཇི་ལྟར་སངས་རྒྱ་བར་བྱ་སྙམ། ཞེས་གསུངས་པ་དང༌། བྱང་ཆུབ་སེམས་དཔས་ཏིང་ངི་འཛིན་དེ་ལས་བཞེངས་ཏེ། དེ་བཞིན་གཤེགས་པ་དེ་དག་ལ་ཕྱག་བྱས་ཏེ། ཐལ་མོ་སྦྱར་ནས་གསང་སྔགས་ཀྱི་དོན་ཇི་ལྟར་ལགས། ཞེས་ཞུས་པ་དང༌། མངོན་པར་བྱང་ཆུབ་པ་ལྔའི་གདམས་ངག་གསུངས་ནས། དེ་མ་ཐག་ཏུ་དེ་བསྒོམས་པ་དང་སངས་རྒྱས་སོང་སྐད། དེ་ལྟར་སངས་རྒྱས་པ་དང༌། དཀའ་ཐུབ་ཀྱི་ཁོག་པ་ལས་བཞེངས་ཏེ། བདུད་བཏུལ་བ་དང༌། ཆོས་ཀྱི་འཁོར་ལོ་བསྐོར་བ་སོགས་འཛམ་གླིང་འདིར་མཛད་པ་ཡིན་ཏེ། སྟུག་པོ་བཀོད་པའི་མདོ་ལས། སངས་རྒྱས་འོག་མིན་དུ། །ཞེས་པས་མངོན་ནོ། །གསང་སྔགས་ནང་པ་རྣལ་འབྱོར་བླ་མེད་རྒྱུད་པ་ནི། འོག་མིན་དུ་རྣམ་པར་སྣང་མཛད་ཆེན་པོ་ལ་དབང་ཞུས་ནས་དེར་སངས་རྒྱས་ལ། དེའི་སྤྲུལ་པ་པོ་འདིར་སངས་རྒྱས་པར་འདོད་དེ། ཟླ་གསང་ཐིག་ལེ་ལས། གཙང་མའི་རིགས་དག་སྤངས་ནས་ནི། །འོག་མིན་སྟུག་པོ་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་པ་པོ་ནི་འདིར་སངས་རྒྱས། །ཞེས་སོ། །ཡང་ན་ས་བཅུའི་བྱང་ཆུབ་སེམས་དཔའ་ཆེན་པོ་དེ་འོག་མིན་མཆོག་གི་གནས་སུ་རྡོ་རྗེ་འཆང་ལ་དབང་ཞུས་ནས། དེ་ཉིད་ཀྱིས་དབང་བསྐུར་བས་སངས་རྒྱས་པར་འདོད་དེ། འདུལ་བ་དོན་ཡོད་པའི་རྒྱུད་ལས། གསང་བའི་གནས་མཆོག་འོག་མིན་ཉམས་དགར་ནི། །བྱང་ཆུབ་སེམས་ཀྱི་རྡོ་རྗེས་བྱིན་བརླབས་ནས། །དེ་ཉིད་དུ་ནི་མངོན་པར་བྱང་ཆུབ་པས། །བླ་མེད་སྙིང་པོ་རྡོ་རྗེ་འཆང་དུ་གྱུར། །རང་བྱུང་བདེ་བ་ཆེན་པོར་མངོན་སངས་རྒྱས། །ཞེས་སོ། །མ་རྒྱུད་པ་ནི། གྲགས་ཆེན་གྱི་སངས་རྒྱས་བཅུ་གཅིག་པ་དེ། འོག་མིན་བཙུན་མོའི་གཞལ་ཡས་སུ་དབང་བཞི་རྫོགས་ཞུས་པས། བུད་མེད་མཆོག་ལ་བརྟེན་ནས་བཅུ་དསུམ་རྡོ་རྗེ་འཛིན་པའི་ས་ཐོབ་སྟེ། རབ་ཏུ་མི་གནས་པའི་རྒྱུད་བྱས་ན། །རྡོ་རྗེ་འཛིན་པའི་ས་ཐོབ་འགྱུར། །བུད་མེད་ཕྱག་རྒྱ་བརྟེན་བྱས་ན། །རྡོ་རྗེ་འཛིན་པའི་ས་ཐོབ་འགྱུར་ཞེས་སོ། །ཡང་ན་ས་བཅུའི་བྱང་ཆུབ་སེམས་དཔའ་དེས། འོག་མིན་དུ་ལོངས་སྐུ་བདེ་བ་ཆེན་པོའི་སྐུ། དྲུག་པ་རྡོ་རྗེ་འཆང་དེ་ལ་དབང་བཞི་རྫོགས་ཞུས་པས། སངས་རྒྱས་ཀྱི་ཞིང་བགྲོད་དེ། རྡོ་རྗེ་བདེ་བ་ཆེན་པོའི་རྒྱུད་དང་། ཡེ་ཤེས་ཐིག་ལེའི་རྒྱུད་ལས། བུམ་པའི་དབང་ནི་བཅུ་གཅིག་སྟེ། གསང་བའི་དབང་ནི་བཅུ་གཉིས་མཆོག །ཤེས་རབ་ཡེ་ཤེས་བཅུ་གསུམ་པ། དེ་ལྟར་དེ་བཞིན་བཅུ་བཞི་པ། །དབང་རེ་ལ་ནི་ས་རེ་སྟེ། །འདི་རྣམས་ས་ཡི་དབང་ཕྱུག་བདག །ཅེས་སོ། །འཛམ་བུ་གླིང་འདིར་སྤྲུལ་སྐུར་སངས་རྒྱས་པའི་ཚུལ་ནི། དང་པོར་དགའ་ལྡན་ནས་གཤེགས་དང་། །ཡུམ་གྱི་ལྷུམས་སུ་ཞུགས་པ་དང་། །ལྷུམས་ཉིད་ནས་ནི་བལྟམས་པ་དང་། །ཚངས་པ་དང་བརྒྱ་བྱིན་གྱིས་བླངས་པ་དང་། །ཁབ་ནས་རབ་ཏུ་བྱུང་བ་དང་། །ནཻར་ཉྫནའི་དཀའ་ཐུབ་དང་། །བདུད་རྣམས་རབ་ཏུ་བཏུལ་བ་དང་། །མངོན་པར་སངས་ནི་རྒྱས་པ་དང་། །ཆོས་ཀྱི་འཁོར་ལོ་བསྐོར་བ་དང་། །མྱ་ངན་འདས་པས་བསྟན་པ་འོ། །ཞེས་སོ། །དང་པོར་དགའ་ལྡན་གྱི་གནས་ནས་གཤེགས་པ་ནི། དང་པོ་སངས་རྒྱས་མར་མེ་མཛད་ལ་བྱང་ཆུབ་ཀྱི་མཆོག་ཏུ་སེམས་བསྐྱེད། བར་དུ་ཕ་རོལ་དུ་ཕྱིན་པ་དྲུག་གིས་དཀའ་བ་རྣམས་པ་སྣ་ཚོགས་པ་སྤྱད། མཐའ་མ་མཛད་པ་བཅུ་གཉིས་མཐར་འདོན་པའི་ཚེ་ས་བཅུའི་བྱང་ཆུབ་སེམས་དཔའ་དམ་པ་ཏོག་དཀར་བོར་སྐྱེ་བ་བཞེས་ཏེ། གཞལ་མེད་ཁང་ཁྱད་པར་ཅན་ན་བཞུགས་སོ། །དེ་ལ་ཕྱོགས་བཅུའི་སངས་རྒྱས་ཀྱིས་བསྐུལ་ཏེ། བསོད་ནམས་རྒྱ་ཆེ་ཚོགས་མང་དྲན་རྟོག་དང་། །བློ་གྲོས་མཐའ་ཡས་ཤེས་རབ་འོད་མཛད་པ། །མཚུངས་མེད་སྟོབས་མངའ་སྐུ་རྩལ་རྒྱ་ཆེ་བ། །མར་མེ་མཛད་ཀྱི་ལུང་བསྟན་དགོངས་པ་མཛོད། །ཅེས་བྱ་བ་ལ་སོགས་པའི་ཚིཊ་བཅད་དུ་མས་བསྐུལ་ལོ། །དེ་ནས་ཕྱུང་སྟེ་ཆོས་ཀྱི་མཐོ་བ་ཞེས་བྱ་བའི་ཁང་བཟང་ན་སེདྒེའི་ཁྲི་བཟང་པོ་ལ་འདུག་གོ །ལྷའི་བུ་བྱང་ཆུབ་སེམས་དཔའ་དང་སྐལ་བ་མཉམ་པ་དག་ཀྱང་དེ་ན་འདུག་གོ །དེ་ནས་ལོ་བཅུ་གཉིས་ན་བྱུང་ཆུབ་སེམས་དཔའ་མངལ་དུ་འཇུག་པར་འགྱུར་ཞེས་གྲགས་པས། གནས་གཙང་མ་རིགས་ཀྱི་ལྷ་རྣམས་བྲམ་ཟེའི་ཆ་བྱད་དུ་བྱས་ནས་རིག་བྱེད་འདོན་དུ་འཇུག་གོ །ལྷའི་བུ་གཞན་དག་ཀྱང་འཛམ་བུའི་གླིང་དུ་ལྷགས་ནས་རང་སངས་རྒྱས་རྣམས་ལ་བསྐུལ་མ་འདེབས་སོ། །འཇུག་མ་འགྱུར་བ་ཞེས་བྱ་བའི་རི་བོ་ལ་རང་སངས་རྒྱས་ལྔ་བརྒྱ་ཡོད་པས་སྒྲ་དེ་ཐོས་ནས། མེ་ཡི་ཁམས་ལ་སྙོམས་པར་ཞུགས་ཏེ་མྱ་ངན་ལས་འདས་སོ། །དེ་ནས་བྱང་ཆུབ་སེམས་དཔལ་ལྷ་རྣམས་ལ་ཆོས་སྣང་བའི་སྒོ་བརྒྱ་རྩ་བརྒྱད་བཤད་དེ། དད་པ་དང་ནི་ཆོས་སྣང་བའི་སྒོ་སྟེ་བསམ་པ་མི་ཕྱེད་པར་འགྱུར་རོ། །ཞེས་པ་ལ་སོགས་པ་བརྒྱ་རྩ་བརྒྱད་བཤད་དོ། །དེའི་ཚེ་ལྷའི་བུ་ལ་ལས་སེམས་བསྐྱེད་པ་ལ་བཟོད་པ་ཐོབ། ལ་ལར་མཐོང་ལམ་སྐྱེས་སོ། །དེ་ལྟར་ལྷའི་སྟོན་པ་མཛད་ནས་དབུ་རྒྱན་ཕུད་ནས། བྱམས་པ་ལ་བསྐོན་ཏེ་རྒྱལ་ཚབ་དུ་དབང་བསྐུར་རོ། །གཉིས་པ་ཡུམ་གྱི་ལྷུམས་སུ་ཞུགས་པ་ནི། བྱང་ཆུབ་སེམས་དཔའ་དགའ་ལྡན་གྱི་གནས་ནས་གཟིགས་པ་བཞི་ལ་གཟིགས་སོ། །དུས་ནི་ཐོག་མ་སྟེ། བསྐལ་པ་རྫོགས་ལྡན་ལ་མངལ་དུ་མི་འཇུག མར་འགྲིབ་པ་སྐྱེ་རྒ་ན་འཆི་སྣང་བའི་ཚེ་ན་འཇུག་གོ །གླིང་ནི་གཞན་གསུམ་དུ་མི་སྐྱེ་འཛམ་གླིང་ཁོ་ནའོ། །ཡུལ་ནི་མཇའ་ཁོབ་ཀྱི་ཡུལ་དུ་མི་སྐྱེ་ཡུལ་དབུས་སུའོ། །རིགས་ནི་རིགས་དམན་པར་མི་སྐྱེ་རྒྱལ་རིགས་ཡོན་ཏན་དྲུག་ཅུ་རྩ་བཞི་དང་ལྡན་པའོ། །དེ་ལྟར་གཟིགས་ཏེ་ཟས་གཙང་མ་དང་ལྷ་མོ་སྒྱུ་འཕྲུལ་མ་གཉིས་དང་། བྱང་ཆུབ་སེམས་དཔའ་ཚུལ་མཐུན་པར་དགོངས་སོ། །དེ་ནས་བྱང་ཆུབ་སེམས་དཔའ་ན་རེ། གྲོགས་པོ་དག ཁོ་བོ་ཇི་ལྟ་བུའི་གཟུགས་ཀྱིས་མངལ་དུ་འགྲོ་བར་བྱ་ཞེས་གསུངས་པས། ཁ་ཅིག་ན་རེ་བྲམ་ཟེའི་གཟུགས་སུ་ཟེར། ཚངས་རིགས་ཀྱི་ལྷ་གཟི་བརྗིད་དམ་པ་བྱ་བ་ན་རེ། བྲམ་ཟེའི་རིག་བྱེད་ལས་ཇི་སྐད་འབྱུང་བའི་གཟུཊ་སུ་བཞུད་པར་རིཊ་སོ་ཟེར། དེ་ཡང་ཅི་འདྲ་ཞེ་ན་གླང་པོ་ཆེའི་ཕྲུ་གུ་མདོག་དཀར་པོ་མཆེ་བ་དྲུག་པ་གསེར་གྱི་བྲཱ་བས་གཡོགས་པ་མགོ་དམར་བ་ཞིག་ཏུ་སྤྲུལ་ནས། དཔྱིད་ཟླ་ཐ་ཆུང་གི་ཚེས་བཅོ་ཟླ་བ་ཉ་བ་དང་སྐར་མ་རྒྱལ་ལ་བབས་པའི་ཚེ་ཡུམ་གསོ་སྦྱོང་བླངས་བའི་དུས་སུ། དྲན་ཞིང་ཞེས་བཞིན་དུ་མ་ཡི་སྙན་ཁུང་གཡས་པ་ནས་ཞུགས་སོ། །ཞུཊ་ནས་བློ་གཡས་སུ་བརྟེན་སྟེ་བཞུགས་སོ། །དེའི་ཚེ་ཟས་གཙང་མའི་ཁྱིམ་དུ་སྔ་ལྟས་བརྒྱད་བྱུང་སྟེ། ཁྱིམ་དེ་ཆག་ཆག་བཏབ་སྟེ་རྡུལ་མེད་ཅིང་། སྦྲང་མ་དང་སྡིག་སྦྲུལ་མེད་པ་དང་། ནེ་ཙོ་ལ་སོགས་པ་བྱ་སྐད་སྙན་པོ་སྒྲོག་པ་དང་། རྒྱལ་པོའི་རྫིང་ལ་སོགས་པ་ཐམས་ཅད་མེ་ཏོག་པདྨས་ཁེངས་པ་དང་། རྒྱལ་པོའི་ཁྱིམ་ན་མར་དང་། སྦྲང་རྩི་ལ་སོགས་སྤྱད་པས་མི་ཟད་པར་སླར་འཕེལ་བ་དང་། རྒྱལ་པོའི་ཁྱིམ་ན་རྔ་བོ་ཆེ་ལ་སོགས་པ་མ་རྡུང་པར་སྒྲ་འབྱིན་པ་དང་། རྒྱལ་པོའི་ཁྱིམ་ན་དངུལ་ལ་སོགས་པ་རིན་པོ་ཆེའི་སྣོད་རྣམས་ཁ་བྱེ་ཞིང་གང་པ་དང་། ཉི་ཟླའི་འོད་ཟིལ་གྱིས་ནོན་པའི་འོད་བྱུང་སྟེ། བཀྲ་ཤིས་པའི་སྔ་ལྟས་བརྒྱད་དོ། །དེ་ནས་ཡུམ་ལ་གླང་པོ་ཆེའི་ཕྲུ་གུ་ཁོང་དུ་སོང་བར་རྨིས་ནས་རྒྱལ་པོ་སྤྱན་དྲངས་ཏེ་རྨི་ལམ་བཟླས་སོ། །རྒྱལ་པོས་ཀྱང་བྲམ་ཟེའི་རིག་བྱེད་མཁན་བཀུག་སྟེ་རྨི་ལམ་བཟླས་སོ། །བྲམ་ཟེ་ན་རེ། ཁྱོད་ལ་སྲས་པོ་མཚན་སོ་གཉིས་ཀྱིས་བརྒྱན་པ། ཁྱིམ་ན་འདུག་ན་འཁོར་ལོས་བསྒྱུར་བའི་རྒྱལ་པོ། རབ་ཏུ་བྱུང་ན་འཚང་རྒྱའོ་ཞེས་ཟེར་བས་བྲམ་ཟེ་ལ་བྱ་དགའ་བྱིན་ནོ། །དེ་ནས་རྒྱལ་པོས་ནོར་དང་ཟས་ཀྱི་སྦྱིན་པ་ཡང་བྱས་སོ། །དེ་ནས་རྒྱལ་པོའི་བསམ་པ་ལ་ལྷ་མོ་སྒྱུ་འཕྲུལ་མ་ཁྱིམ་གང་དུ་འདུག་ན་བདེ་སྙམ་པ་དང་། འདོད་ཁམས་ཀྱི་ལྷ་རྣམས་ཀྱིས་གཞལ་མེད་ཁང་རེ་ཕུལ་ལོ། །བྱང་ཆུབ་སེམས་དཔའི་མཐུས་ཁྱིམ་དེ་ཐམས་ཅད་དུ་ལྷ་མོ་སྒྱུ་འཕྲུལ་མ་རེ་རེ་མངོན་པར་བསྟན་ཏོ། །ལྷ་དེ་དག་ཀྱང་བདག་ཁོ་ནའི་ཁྱིམ་ན་བྱང་སེམས་ཀྱི་མ་འདུག་སྙམ་མོ། །དེའི་དུས་འོག་གི་ས་ཆེན་པོ་རྡོལ་ཏེ་པདྨ་བྱུང་བས་ཚངས་པའི་འཇིག་རྟེན་དུ་འཕགས་སོ། །འཇིག་རྟེན་གྱི་བཅུད་ཐམས་ཅད་པདྨ་དེ་ལ་ཟིལ་མངར་གྱི་ཐིགས་པ་ཆགས་སོ། །བཅུད་དེ་ལྷ་ཚངས་པས་བླངས་ནས་བྱང་ཆུབ་སེམས་དཔའ་ལ་དྲངས་སོ། །དེ་ནས་མའི་རུམ་དེ་བྱང་ཆུབ་སེམས་དཔས་རིན་པོ་ཆེ་བཀོད་པ་ཞེས་བྱ་བའི་གཞལ་མེད་ཁང་ཏུ་བྱིན་གྱིས་བརླབས་ཏེ། དེར་ཟླ་བ་དགུ་ངོ་དང་བཅུར་བཞུགས་ཏེ། ལྷ་དང་མིའི་སྐྱེ་རྒུ་བྱི་བ་ཕྲག་ཁྲིག་སུམ་ཅུ་རྩ་གཉིས་སྨིན་པར་བྱས་སོ། །མཛད་པ་གསུམ་པ་ལྷུམས་ནས་བལྟམས་པ་ནི། དེ་ནས་ཟླ་བ་བཅུ་ལོན་པ་དང་། རྒྱལ་པོའི་ཁྱིམ་དུ་ལྟས་སོ་གཉིས་བྱུང་སྟེ། མེ་ཏོག་ཐམས་ཅད་ཁ་འབུས་ཤིང་སྐྱེ་བ་དང་། རིན་པོ་ཆེའི་ཤིང་ལྗོན་པ་འབྱུང་བ་དང་། གླང་པོ་ཆེའི་ཕྲུ་གུ་ལྔ་བརྒྱ་རྒྱལ་པོའི་རྐང་པ་ལ་སྣའི་རྩེ་མོ་གཏུག་དང་། ལྷའི་བྱིས་པ་མང་པོ་བཙུན་མོ་ཡི་པང་པ་ན་སྣང་བ་ལ་སོགས་སོ་གཉིས་བྱུང་ངོ་། །དེ་ནས་ཡུམ་གྱིས་བཙའ་བའི་དུས་ལ་བབ་པར་ཤེས་ཏེ། རྒྱལ་པོ་ལ་སྐྱེད་མོས་ཚལ་དུ་བདག་འགྲོ་ཞེས་ཟེར་རོ། །ལྷས་ཀྱང་འཁོར་རྣམས་ལ་དེ་བཞིན་དུ་བསྒོ་སྟེ། ལུམྦི་ནཱིའི་ཚལ་མཛེས་ལྡན་མའི་ཚལ་དེ་རྒྱན་གྱིས་བརྒྱན་པར་གྱིས་ཤིག་མཚོན་ཆ་ཐོགས་པ་རྣམས་ཀྱིས་སྲུངས་ཤིག་ཟེར་རོ། །འཁོར་གྱིས་དེ་བཞིན་དུ་བྱས་ཏེ། ལྷ་མོ་ཤིང་རྟ་ལ་བཞོན་ནས་ལྷ་ཀླུ་དང་མིའི་བུ་མོ་དུ་མས་བསྐོར་ཏེ་གླུ་དབྱངས་ཀྱིས་བསྟོད་ཅིང་ལུམྦི་ནཱིའི་ཚལ་དུ་གཤེགས་སོ། །ལྷ་མོ་ཤིང་རྟ་ལས་བབས་ཏེ་གླག་ཤའི་ཤིང་དྲུང་དུ་ཕྱིན་ཏེ། ལག་པ་གཡས་པ་བརྐྱངས་ནས་གླག་ཤའི་ཡལ་ག་ནས་བཟུང་ངོ་། །དེ་ནས་གླང་གི་ལོའི་དཔྱིད་ཟླ་ར་བའི་ཉའི་ཚེ། བྱང་སེམས་དྲན་ཞིང་ཤེས་བཞིན་དུ་མ་ལ་གནོད་པ་མེད་ཅིང་མངལ་གྱི་དྲི་མས་མ་གོས་པར་གློ་གཡས་ནས་བྱུང་སྟེ་སྐུ་བལྟམས་སོ། །མཛད་པ་བཞི་པ་དང་བརྒྱ་བྱིན་གྱིས་བླངས་པ་སྟེ། དེའི་ཚེ་ཚངས་པ་དང་བརྒྱ་བྱིན་གྱིས་གོས་ཀ་ཤི་ཀའི་སླེ་མོས་བླངས་སོ། །བྱང་སེམས་མའི་རུམ་དུ་གནས་པའི་ལྷའི་ཁང་པ་བརྩེགས་པ་དེ། ལྷ་ཚངས་པའི་གནས་སུ་མཆོད་པའི་རྟེན་དུ་ཁྱེར་རོ། །བྱང་སེམས་བཙས་མ་ཐག་ཏུ་ས་ལ་པདྨ་ཆེན་པོ་རྡོལ་ལོ། །ཀླུའི་རྒྱལ་པོ་དགའ་བོ་དང་ཉེ་དགའ་བོ་གཉིས་ཀྱིས་ཆུ་བསིལ་བ་དང་དྲོ་བའི་ཆུ་རྒྱུན་གཉིས་ཀྱིས་ལུས་བཀྲུས་སོ། །ཚངས་པ་དང་། རྒྱལ་པོ་ཆེན་པོ་བཞིས་སྤོས་ཆུས་བཀྲུས་ཏེ་མེ་ཏོག་བསྟོར་རོ། །བར་སྣང་ལ་རྡུལ་གཡབ་ཀྱི་རྔ་མ་དང་། རིན་པོ་ཆེའི་ཏོག་བསྟོར་རོ། །བར་སྣང་ལ་རྡུལ་གཡབ་ཀྱི་རྔ་མ་དང་། རིན་པོ་ཆེའི་གདུགས་བྱུང་ངོ་། །དེ་ནས་བྱང་སེམས་ན་རེ་ཆོས་ཐམས་ཅད་ཀྱི་སྔོན་དུ་འགྲོ་བར་བྱའོ། །ཞེས་ཤར་དུ་གོམ་པ་བདུན་པོར་བས་མེ་ཏོག་པདྨ་བདུན་སྐྱེས་སོ། །ལྷ་དང་མིའི་སྦྱིན་གནས་སུ་འགྱུར་བར་བྱའོ་ཞེས་ལྷོ་དང་ནུབ་ཏུ་གོམ་པ་བདུན་བདུན་བོར་རོ། །བདུད་ཐམས་ཅད་གཞོམ་པར་བྱའོ་ཞེས་འོག་ཏུ་གོམ་པ་བདུན་བོར་རོ། །སེམས་ཅན་ཐམས་ཅད་གཞོམ་པར་བྱའོ་ཞེས་འོག་ཏུ་གོམ་པ་བདུན་བོར་རོ། །སེམས་ཅན་ཐམས་ཅད་ཀྱིས་གྱེན་དུ་བལྟ་བར་བྱའོ་ཞེས་སྟེང་དུ་གོམ་པ་བདུན་པོར་རོ། །དེའི་ཚེ་སེར་སྐྱའི་གྲོང་དུ་ཤཱཀྱའི་རིགས་ཀྱི་གྲོགས་པོ་ལྔ་བརྒྱ་བཙས་སོ། །འདུན་པ་ལ་སོགས་པ་འབངས་བརྒྱད་བརྒྱ་བཙས་སོ། །རྔ་ལྡན་ལ་སོགས་པ་རྟ་སྟོང་ཕྲག་བཅུ་སྐྱེས་སོ། །ས་སྲུང་ལ་སོགས་པ་གླང་པོ་ཆེ་སྟོང་ཕྲག་ཉིས་ཤུ་འབྲངས། །བེའུ་དྲུག་སྟོང་སྐྱེས་སོ། །དེ་རྣམས་རྒྱལ་པོའི་སྲས་ལ་བྱིན་ནོ། །གླིང་གི་དབུས་སུ་ཨ་ཤཱ་ཏའི་སྙིང་པོ་སྐྱེས་སོ། །གླིང་ཕྲན་རྣམས་སུ་ཙན་དན་གྱི་ནགས་སྐྱེས་སོ། །བྱང་ཆུབ་སེམས་དཔའི་ལོངས་སྐྱོད་ཀྱི་རྐྱེན་དུ་སྐྱེད་མོས་ཚལ་ལྔ་བརྒྱ་བྱུང་ངོ་། །རྒྱལ་པོའི་བསམ་པར་འདི་སྐྱེས་མ་ཐག་ཏུ་བདག་གི་དོན་ཐམས་ཅད་གྲུབ་པས། མིང་ཡང་དོན་ཐམས་ཅད་གྲུབ་པ་ཞེས་བཏགས་སོ། །དེ་ནས་བྱང་ཆུབ་སེམས་དཔའ་བཙས་ནས་ཞག་བདུན་ལོན་ནས་ཡུམ་འདས་སོ། །ཡུམ་དེ་སུམ་ཅུ་རྩ་གསུམ་གྱི་ལྟར་སྐྱེས་སོ། །ཚལ་དེ་ནས་སེར་སྐྱའི་གྲོང་དུ་བྱོན་ཏེ། བྲམ་ཟེར་རྣམས་ཀྱིས་བཀྲ་ཤིས་བསྒྲགས་སོ། །ཤཱཀྱའི་རིགས་རྣམས་ཀྱང་དོན་གྲུབ་འདིར་བྱོན་ཞེས་ཟེར་རོ། །བྱང་སེམས་ཀྱང་དེ་ན་བཞུགས་སོ། །དེ་ནས་རང་གི་ཁང་བཟང་ཆེན་པོར་བཞུགས་སོ། །དེ་ནས་ཤཱཀྱའི་རྒན་རབས་རྣམས་བགྲོས་ཏེ་གཞོན་ནུ་འདིར་བྱི་དོར་སུས་ནུས་ཟེར་རོ། །ཤཱཀྱའི་བུ་མོ་ལྔ་བརྒྱ་ཙམ་སོ་སོ་ནས་ངེད་ཀྱིས་བྱ་ཟེར་རོ། །དེ་ནས་སྲུ་སྐྱེ་དགུའི་བདག་མོ་ལ་གཉེར་གཏད་དོ། །དེའི་ཚེ་མ་སོ་གཉིས་ཡོད་དེ། པང་ན་འཚོ་བ་བརྒྱད། ནུ་མ་བསྣུན་པ་བརྒྱད། རྩེ་གྲོགས་ཀྱི་མ་བརྒྱད། དྲི་མ་ཕྱི་བ་བརྒྱད་ལ་སོགས་པའོ། །དེའི་ཚེ་གངས་རིའི་ངོས་ན་གནས་པའི་དྲང་སྲོང་ནག་པོ་ཞེས་བྱ་བ་མངོན་ཤེས་ལྔ་དང་ལྡན་པ་ཞིག་གིས་མཐོང་ནས། རྒྱལ་པོའི་ཁབ་གང་ན་བ་དེར་རྫ་འཕྲུལ་གྱིས་འོངས་ཏེ། རྒྱལ་པོ་དེའི་མཚན་བལྟས་པ་དང་། དེ་ཅིར་འགྱུར་བ་ཤེས་པས། ངོ་མཚར་སྐྱེས་མྱ་ངན་ཡང་སྐྱེས་ཏེ། དེ་ཡི་ཞབས་ལ་ཕྱག་འཚལ་ཞིང་སྐོར་བ་བྱས་ནས། གདོང་མཆི་མ་དང་བཅས་པས་དེ་ལ་ལུང་བསྟན་ཏེ། ལྷ་མཁྱེན་པར་མཛོད་ཅིག་བཙས་གྱུར་གཞོན་ནུ་འདི་ཡི་མཚན་ལྟས་ནི། །སུམ་ཅུ་རྩ་གཉིས་མཚན་གྱིས་བརྒྱན་པ་མཐོང༌། །འདི་ནི་གཉིས་སུ་འགྱུར་ཏེ་གཞན་དུ་མིན། །ཁྱིམ་དུ་གནས་ན་འཁོར་ལོས་བསྒྱུར་རྒྱལ་དང་། །ཁྱིམ་ནས་ཁྱིམ་མེད་རབ་ཏུ་བྱུང་གྱུར་ན། །འདྲེན་པ་གཞན་གྱིས་དྲིང་ལ་མིང་འཇོག་པར། །འཇིག་རྟེན་འདིར་ནི་མངོན་རྫོགས་བྱང་ཆུབ་འགྱུར། གསང་བའི་གནས་མཆོག་སྦུབས་སུ་ནུབ་འགྱུར་ཞིང་། །སྤྱི་གཙུག་འགྲོ་བ་ཀུན་གྱིས་མི་མཐོང་འགྱུར། །ཁབ་ཏུའང་བཞུགས་པར་མི་འགྱུར་རབ་ཏུ་གཤེགས། །ཞེས་སོ། །འོ་ན་ཁྱོད་དུ་བའི་རྒྱུ་ཅི་ཡིན་ཞེས་དྲེས་པས། ལྷ་བདག་ནི་སྐྱེས་བུ་ཆོས་མཛད་སྐྱེས་བུ་མཆོག་འདི་དང་འཕྲད་ནས་དོན་མ་གྲུབ་པར་འཆི་འགྱུར་ཏེ། ཞི་བ་མ་ཐོབ་རང་གི་ཉེས་མཐོང་བས། །ཡིད་ལ་གདུང་བ་སྐྱེས་ཏེ་དུ་བ་ཡིན་ཞེས་སོ། །དེ་ནས་བྲམ་ཟེ་རང་གི་གནས་སུ་སོང་ངོ་། །དེ་ནས་བྲམ་ཟེ་མདུན་ན་འདོན་ལ་སོགས་པ་ལྔ་བརྒྱ་ཙམ་གྱིས་མགོ་རྒྱན་དང་། རྣ་རྒྱན་ལ་སོགས་པ་བརྡུངས་ནས་བརྒྱན་པས་རྒྱལ་བུའི་འོད་ཀྱིས་རྒྱན་ཐམས་ཅད་མོག་མོག་པོར་གྱུར་ཏོ། །མཛད་པ་ལྔ་པ་ཡི་གེ་དང་། འཕོང་དང་། བཟོ་བསླབས་པ་ནི། དེ་ནས་རྒྱལ་བུ་དེ་མ་མ་རྣམས་ཀྱིས་བསྐྱེད་བསྲིངས་ཏེ་ཡ་མཚན་སྐྱེས་ཏེ་ཤིང་ལྗོན་པ་ཞིག་གི་དྲུང་དུ་ཕྱིན་ཏེ་མཉམ་པར་བཞག་སྟེ་བསམ་གཏན་བཞི་སྒོམ་མོ། །ཤིང་གི་གྲིབ་མས་བཟུང་ནས་མ་བཏག་ངོ་། །དེ་ནས་ཡ་མཚན་སྐྱེས་ནས་ཡིག་མཁན་ཆོས་ཀྱི་བཤེས་གཉེན་གྱི་རྩར་ཕྱིན་ཏེ་ཡི་གེའི་གྲྭར་ཞུགས་ནས་ཡི་གེ་བསླབས་པས། སློབ་དཔོན་ལ། ཀྱཻ་མཁན་པོ་བདག་ལ་ཡི་གེ་གང་བསླབ། ཚངས་པའི་ཡེ་གེའམ། བྲུ་ཤའི་ཡི་གེའམ། ཁ་རོ་ཏའི་ཡི་གེའམ། རྒྱའི་ཡི་གེ་ལ་སོགས་ཡ་ཡིག་རིགས་དྲུག་ཅུ་རྩ་བཞི་གང་བསླབ། ཅེས་གསུངས་པས། ཡི་གེའི་མཁན་པོས་ཡིག་རིགས་དེ་རྣམས་ཀྱི་མིང་ཡང་མ་ཤེས་ཏེ། ཤིན་ཏུ་ངོ་མཚར་བར་གྱུར་ཏོ། །དེ་ནས་ནག་པ་དཔང་པོར་བཞག་ནས། ཤཱཀྱ་རྣམས་དང་འཕོང་འགྲན་ཏེ། ཀུན་དགའ་བོས་རྒྱང་གྲགས་གཉིས་ཀྱི་ཕ་རོལ་དུ་ལྕགས་ཀྱི་རྔ་བོ་ཆེ་གཅིག་འབེན་དུ་བཙུགས་སོ། །དེ་བཞིན་དུ་ལྷས་བྱིན་གྱིས་རྒྱང་གྲགས་བཞི་ཡི་ཕ་རོལ་དུ་བཙུག་སོ། །དེའི་འོག་ཏུ་ཤཱཀྱ་ལག་ན་བེ་ཅོན་གྱིས་དཔག་ཚད་གཅིག་གི་ཕ་རོལ་ཏུ་བཙུགས་སོ། །དེ་ནས་རྒྱལ་བུས་རྒྱང་གྲགས་བཅུའི་ཕ་རོལ་ཏུ་ལྕགས་ཀྱི་རྔ་གཅིག་སོ། །དེ་ནས་ཀུན་དགའ་བོ་ལ་སོགས་པས་མདའ་འཕངས་པས་རང་རང་གི་འབེན་ལ་ཕོག་གོ །དེ་ནས་རྒྱལ་བུས་འཕེན་པས། གཞུ་ལ་ལ་རྒྱུད་ཆད། ལ་ལ་ཆག་པས། དེར་རྒྱལ་པོ་ན་རེ་གྲོང་ཁྱེར་འདི་ན་བདག་གི་གཞུ་རུ་འདོད་པ་མ་མཆིས་སོ་ཟེར་རོ། །ཡབ་རྒྱལ་པོས་སྨྲས་པ། བུ་ཡོད་དོ། །ཁྱོད་ཀྱི་མེས་སེདྒེ་འགྲམ་གྱི་གཞུ་སུས་ཀྱང་བརྡུང་བར་མི་ནུས་པ་ཡོད་དོ། །དེ་ནས་གཞུ་བླངས་ཏེ། ཤཱཀྱའི་གཞོན་ནུ་གཞན་གྱིས་བརྡུང་བར་མ་ནུས་སོ། །དེ་ནས་རྒྱལ་བུས་གཞུ་དེ་བླངས་ཏེ། སྟན་ལས་སྐྱིལ་མོ་ཀྲུང་ཕྱེད་བཅས་ཏེ་ཕྱག་གཡོན་པས་བཟུང་ནས། གཡས་ཀྱི་སོར་གཅིག་གིས་བརྡུངས་སོ། །དེའི་ཚེ་སེར་སྐྱའི་གྲོང་ཁྱེར་དུ་སྒྲ་ཆེན་པོ་བྱུང་ངོ་། །དེ་ནས་རྒྱལ་བུས་མདའ་འཕངས་པས་གཞན་གྱི་འབེན་རང་ས་ཕུག་ནས་རང་གི་འབེན་ཀྱང་ཕུག་སྟེ་ས་ལ་ཟུག་ནས་མི་སྣང་བར་གྱུར་ཏོ། །དེའི་ཤུལ་ནས་ཆུ་བྱུང་སྟེ། མདའ་ཆུ་ཁྲོན་པ་ཞེས་བྱའོ། །དེ་ནས་གྲངས་སམ་རྩིས་འགྲན་ཏེ། ཤཱཀྱ་སྲིད་སྒྲུབ་བྱ་བ་དཔང་པོར་བཞག་སྟེ། གྲངས་སམ་རྩིས་འགྲན་ཏེ། བཅུ་ནས་ཐེར་འབུམ་གྱི་བར་གྱི་མཁས་བར་གྱུར་ཏོ། །དེ་ནས་བི་ཤཱ་ཀརྨ་སྣ་ཚོགས་འཕྲིན་ལས་དཔང་པོར་བཞག་སྟེ། བཟོ་འགྲན་ཏེ་བླ་མ་བས་མཁས་པར་གྱུར་ཏོ། །དེ་རྣམས་ཀྱིས་གོས་དང་རྒྱན་ཡོན་དུ་ཕུལ་ལོ། །དེ་ནས་གྲོང་ཁྱེར་སེར་སྐྱའི་གྲོང་གི་གྱད་པ་རྣམས་དང་རྩལ་འགྲན་པ་ནི། ཤཱཀྱའི་གཞོན་ནུ་ལྔ་བརྒྱ་ཙམ་ཚོགས་ཏེ། ས་འཚོ་མ་རྒྱལ་བའི་རུ་མཚོན་དུ་བཞག་སྟེ། དེའི་ཚེ་ལྷས་བྱིན་གྱིས་གླང་པོ་ཆེའི་སྣ་ནས་བཟུང་སྟེ་ཐལ་ལྕག་བརྒྱབ་པས་ཤིའོ། །མཛེས་དགའ་བོས་གླང་པོའི་མཇུག་མ་ནས་བཟུང་སྟེ་གྲོང་གི་ཕྱི་རོལ་ཏུ་བོར་རོ། །དེ་ནས་རྒྱལ་བུས། གླང་མ་ནས་བཟུང་སྟེ་གྲོང་གི་ཕྱི་རོལ་ཏུ་བོར་རོ། །དེ་ནས་རྒྱལ་བུས། གླང་པོ་ཆེ་འདི་ལུས་ཤིན་ཏུ་ཆེ་བས་རུལ་ན་གྲོང་ཁྱེར་དྲེ་མི་ཞིམ་པ་ཡོང་གསུངས་ཏེ་རྐང་པ་ཡ་གཅིག་ས་ལ་བརྐྱངས་ཏེ། རྐང་པའི་མཐེ་བོས་གླང་པོའི་རོ་བླངས་ཏེ། རྭ་བ་རིམ་པ་བདུན་དང་། འོབས་རིམ་པ་བདུན་དང་། གྲོང་ཁྱེར་གྱི་ཕྱི་རོལ་ཏུ་རྒྱང་གྲགས་གཅིག་ཏུ་འཕངས་སོ། །ས་ཕྱོགས་དེ་གཤོངས་ཀྱིས་སོང་བས་གླང་པོ་གཤོངས་ཞེས་བཏགས་སོ། །དེ་ནས་མཆོང་རྩལ་འགྲན་ཏེ། དགའ་བོ་དང་། མཛེས་དགའ་བོ་གཉིས་ཀྱིས་རྒྱལ་བུའི་དྲུང་དུ་ཕྱིན་པས་ལག་པ་རེག་མ་ཐག་ཏུ་ས་ལ་འགྱེལ་ལོ། །དེ་ནས་ལྷས་བྱིན་དང་འགྲན་ཏེ། རྒྱལ་བུས་ལྷས་བྱིན་ལས་པ་གཡས་པས་བཏེག་སྟེ། སའི་སྟེང་དུ་བོར་ཡང་། དེ་ཡི་ལུས་ལ་གནོད་པར་མ་གྱུར་ཏོ། །དེ་ནས་མཆོང་པ་དང་། བང་ལ་སོགས་པ་ལ་འགྲན་པའང་རྒྱལ་བུ་འབར་ཞིག་ཁྱད་པར་དུ་འཕགས་པར་གྱུར་ཏོ། །དེ་ནས་མཛད་པར་དུ་འཕགས་པར་གྱུར་ཏོ། །དེ་ནས་མཛད་པ་དྲུག་པ་ཁབ་དང་རྒྱལ་སྲིད་བཞེས་པ་ནི། ཤཱཀྱའི་རྒན་རབས་རྣམས་ན་རེ། རྒྱལ་བུ་གཙང་མ་གཞོན་ནུ་འདི་ལ་བཙུན་མོ་བླང་བར་བགྱིའོ། །དེ་ལྟར་བྱས་པར་རབ་ཏུ་མི་འབྱུང་སྟེ་རྒྱལ་པོའི་གདུང་ཡང་མི་ཆད་དོ་ཟེར་རོ། །རྒྱལ་པོ་ན་རོ། །དེ་ལྟར་བྱ་ཡི་ཚུལ་དང་མཐུན་པའི་བུ་མོ་ཚོལ་ཞིག་ཅེས་སྨྲས་པས། ཤཱཀྱ་ལྔ་བརྒྱ་སོ་སོ་ནས་རང་རང་གི་བུ་མོ་ཚུལ་དང་མཐུན་ཞེས་སྨྲའོ། །རྒྱལ་པོ་ན་རེ། གཞོན་ནུ་ཕུལ་ཆེ་བ་ཡིན་གྱི་བུ་མོ་དང་འདོད་དྲིའོ་ཟེར་ཏེ། ཤཱཀྱ་དེ་དག་ཀུན་འདུས་ཏེ་དྲིས་པས། གཞོན་ནུ་ན་རེ། འདོད་པའི་སྐྱོན་ནི་བདག་གིས་མཐའ་ཡས་རིག །འཐབ་མོ་འཁོན་བཅས་མྱ་ངན་སྡུག་བསྔལ་ཆེ། །འཇིག་རྟེན་དུག་གི་ལོ་མ་འདྲ་བ་སྟེ། །མེ་དང་འདྲ་ཞིག་རལ་གྲིའི་སོ་དང་འདྲ། །འདོད་པའི་ཡོན་ཏན་བདག་མ་ཡིན་ཏེ། །བདག་ནི་བུད་མེད་ཚོགས་དང་མཛེས་མ་མིན། །བསམ་གཏན་ཏིང་འཛིན་བདེ་བ་ཞི་སེམས་སུ། །བདག་ནི་མི་སྨྲ་ནགས་འདབ་གནས་པར་བྱ། །ཞེས་གསུངས་ནས། ཡང་སྨྲས་པས། སེམས་ཅན་མོངས་སུ་སྨྱིནཔར་བྱ་བའི་ཕྱིར་དུ་སྔོན་གྱི་བྱང་ཆུབ་སེམས་དཔའ་རྣམས་ཀྱིས་བཙུན་མོ་དང་། སྲས་དང་བཅས་པའི་དོན་བྱས་པས། བདག་ཀྱང་དེ་བཞིན་དུ་བྱེད་པ་ལ་བུད་མེད་ཕལ་པ་ཚུལ་དང་མཐུན་པ་མ་ཡིན་པས། གང་ལ་ང་རྒྱལ་ཁེངས་དང་ཞེ་སྡང་མ་མཆིས་ཞིང་། གཡོ་དང་ཕྲག་དོག་སྒྱུ་སྤུང་དྭངས་པའི་ངང་ཚུལ་ཅན། །རྨི་ལམ་ན་ཡང་སྐྱེས་པ་གཞན་དང་ཆགས་དང་བྲལ། །དེ་འདྲའི་བུ་མོ་མཆིས་ན་བདག་ལ་གནང་བར་གསོལ། །ཞེས་པ་ལ་སོགས་པ་གསུངས་པས། ཡབ་ཀྱིས་བྲམ་ཟེ་མདུན་ན་འདོན་ཁྱོད་ཀྱིས་སེར་སྐྱའི་གྲོང་ཀྱེར་ནས། ཡོན་ཏན་དེ་རྣམས་དང་ལྡན་པའི་བུ་མོ་ཚོལ་ཞིག་གསུངས་ནས། དེ་ནས་བྲམ་ཟེར་དེས་སེར་སྐྱའི་གྲོང་དུ་ཡོང་སྟེ། དེ་དག་བུད་མེད་གང་ལ་འདུག་བརྟགས་པས། ཤཱཀྱ་ལག་ན་བེ་གྱི་བུ་མོ་ལ་འདུག་པར་མཐོང་ནས། བུ་མོ་ལ་སྨྲས་པ། ཟས་གཙང་སྲས་པོ་གཟུགས་ནི་ཤིན་ཏུ་མཛེས། །སུམ་ཅུ་རྩ་གཉསི་མཚན་ལྡན་གཟི་བརྗིད་ཅན། །དེ་ཡང་བུད་མེད་རྣམས་ཀྱི་ཡོན་ཡི་གེར་བྲིས། །སུ་ལ་ཡོན་ཏན་འདི་ཡོད་དེ་ཡི་ཆུང་མར་འོས། །ཞེས་སྨྲས་པས། དེ་ནས་བུ་མོ་དེས་བཞིན་འཛུམ་པ་བསྟན་ནས་སྨྲས་པ། བྲམ་ཟེ་བདག་ལ་ཡོན་ཏན་དེ་དག་ཀུན་ཚང་གི། །མཛེས་པའི་གཟུགས་ཅན་དེ་ནི་བདག་གི་ཀྱིམ་ཐབས་སོ། །གལ་ཏེ་གཞོན་ནུས་བཞེད་ན་ཕྱི་བཤོལ་མ་མཛད་གསུངས། །རྒྱ་ལ་སྐྱེ་བོ་ཕལ་དང་ཞུགས་པར་གྱུར་ཀྱང་གདའ། །ཞེས་ཟེར་རོ། །དེ་ནས་སྐྱེ་བོ་ཕལ་དང་ཞུགས་པར་གྱུར་ཀྱང་གདའ། །ཞེས་ཟེར་རོ། །དེ་ནས་བྲམ་ཟེས་ཡོན་ཏན་དེ་དག་ལག་ན་བེ་ཅོན་གྱི་བུ་མོ་ལ་གདའ་འོ་ཞེས་རྒྱལ་པོ་ལ་སྨྲས་སོ། །རྒྱལ་པོས་དེ་ལྟ་བུའི་གཏམ་དེ་ཐོས་པ་དང་། ལག་ན་བེ་ཅོན་གྱི་གམ་དུ་ཕོ་ཉ་བརྫངས་ཏེ། བུ་མོ་བསླངས་པས། ལག་ན་བེ་ཅོན་ན་རེ། རྒྱལ་པོ་གཞོན་ནུ་དེ་སྐྱིད་བདེ་བར་འདུག་པ་ཡིན་ལ། ངའི་རིགས་ནི་སྒྱུ་རྩལ་ཤེས་པ་ལ་སྟེར་གྱི། རྒྱལ་བུས་སྒྱུ་རྩལ་གང་ཡང་མི་ཤེས་སོ་ཟེར་རོ། །དེ་ནས་ཡབ་རྒྱལ་པོ་བཞིན་མདོག་ངན་པར་གྱུར་ཏོ། །རྒྱལ་བུ་དེས་ཅི་ནོངས་གསུངས་པས། ཡབ་རྒྱལ་པོ་ན་རེ། བུ་མོ་ཤེད་རྩལ་དང་སྒྱུ་རྩལ་གང་ཆེ་བ་ལ་སྟེར་ཟེར་བས་མ་དགའ་གསུངས་སོ། །རྒྱལ་བུས་གཏམ་དེ་ཐོས་པ་དང་། ཡབ་རྒྱལ་པོ་ལ་སྨྲས་པ། གྲོང་ཁྱེར་འདི་ན་བདག་དང་སྒྱུ་རྩལ་འགྲན་ནུས་པ་འགའ་མ་མཆིས་སམ། རཱ་ཛས་བགད་ནས། བུ་ཁྱོད་ཀྱིས་སྒྱུ་རྩལ་བསྟན་པར་ནུས་སམ། ལྷ་དེ་ནི་བདག་གིས་ལེགས་པར་རྫོག་ཐོགས་ལགས་སོ། །དེ་ནས་རྒྱལ་པོས་སེར་སྐྱའི་གྲོང་ཁྱེར་དུ་དྲིལ་བསྒྲགས་ཏེ། སྒྱུ་རྩལ་ཤེས་པ་ཐམས་ཅད་འདུས་ཤིག་ཅེས་བསྒོའོ། །དེ་ནས་གོང་བཞིན་དུ་འགྲན་པས་རྒྱལ་བུ་ཁྱད་པར་དུ་འཕགས་པ་བྱུང་སྟེ། ལག་ན་བེ་ཅོན་གྱིས་རང་གི་བུ་མོ་རྒྱལ་བུ་ལ་ཕུལ་ལོ། །དེ་ལ་སོགས་ཏེ་བཙུན་མོ་བརྒྱད་ཁྲི་བཞི་སྟོང་ཁང་ཏུ་བཞེས་ཏེ་རྩེ་དགའ་རོལ་པར་སྤྱོད་དོ། །དེ་ནས་དགུང་ལོ་ཉིས་ཤུ་རྩ་དགུ་ལ་སྲས་སྒྲ་གཅན་འཛིན་བལྟམས་སོ། །མཛད་པ་བདུན་པ་རབ་ཏུ་བྱུང་བ་ནི། དེའི་ཚེ་བྱང་ཆུབ་སེམས་དཔའ་ལ་མཆོད་པ་སྤྲོ་བའི་ལྷ་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་ལ་སོགས་པ་རྣམས་འདུས་པར་གྱུར་ཏོ། །སྐྱེས་བུ་འདི་བཙུན་མོའི་ནང་དུ་ཡུན་རིང་ན་འཚང་རྒྱ་བར་འགྱུར་རམ་མི་འགྱུར་སྙམ་མོ། །དེ་ནས་གནས་སྐབས་དེ་ལ་ཕྱོགས་བཅུའི་སངས་རྒྱས་རྣམས་ཀྱིས་བསྐུལ་བ་ཆོས་ཉིད་ཡིན་པས། ནམ་མཁའི་སིལ་སྙན་གྱི་སྒྲ་དག་ལས། འཆི་མེད་མྱ་ངན་མེད་པར་སངས་རྒྱས་ནས། །སྐོམ་པས་ཉམས་ཐག་བདུད་རྩིས་ཚིམ་བྱ་ཞེས། །སྔོན་གྱི་སྨོན་ལམ་ཚོགས་མཆོག་དྲན་པར་བྱོས། གྲོང་ཁྱེར་འདི་ནས་མྱུར་དུ་མངོན་པར་ཕྱུང་། །ཞེས་བསྐུལ་བའི་ཚིགས་སུ་བཅད་པ་གསན་པ་དང་། རབ་ཏུ་འབྱུང་བར་བཞེད་པ་ན། གྲོང་ཁྱེར་གྱི་ཕྱོགས་བཞི་དབུས་སུ་སྐྱེ་རྒ་ན་འཆི་དང་དགེ་སྦྱོང་གི་དངོས་པོ་གཟིགས་སོ། །ཁ་ལོ་བསྒྱུར་བ་ལ་དྲིས་ནས། །འདུན་པ་ང་ནི་གཞན་དོན་ཚོལ་བས་ན། །བྱང་ཆུ་རྒ་ཤི་མེད་པའི་གནས་ཐོབ་ནས། །འགྲོ་བ་བསྒྲལ་བར་བྱ་ཞེས་ཡུན་རིང་ནས། །སྨོན་ལམ་བཏབ་པ་དེ་ཡི་དུས་ལ་བབ། །ཅེས་གསུང་ཏེ་བདག་ཀྱང་འདི་ལྟ་བུ་བྱ་དགོས་པར་དགོངས་པས། ཟས་གཙང་གི་རྨི་ལམ་ན་གཞོན་ནུ་རབ་ཏུ་བྱུང་བར་རྨོས་སོ། །དེ་ནས་རྒྱལ་བུ་བསྲུང་བའི་ཕྱིར། རྭ་བ་རྒྱ་ཆེན་པོ་བྱས་འོབས་ཀྱིས་བསྐོར་བ་དང་། བཙུན་མོ་རྣམས་ཀྱིས་གླུ་གར་རྩེད་འཇོ་རྒྱུན་མ་བཅད་པ་དང་། ཤཱཀྱའི་ཚོགས་རྣམས་ཀྱང་ཡིད་མི་དགའ་ཞིང་སྲུང་བར་བྱེད་དོ། །དེའི་ཚེ་གཞོན་ནུ་རབ་ཏུ་བྱུང་བའི་སྔ་ལྟས་སུ། ངང་པ་ལ་སོགས་བྱའི་ཚོགས་རྣམས་སྒྲ་མི་སྙན་པར་སྒྲོགས་པ་དང་། མེ་ཏོག་པདྨའི་ཚོགས་རྙེད་པ་དང་། ཤིང་ལྗོན་པ་བསྐམས་པ་དང་། རྔ་དང་རྫ་ཇ་བརྡུངས་ན་སྒྲ་མི་འབྱུང་ཞིང་ཆགས་པ་དང་། རྔ་དང་རྫུ་བརྡུངས་ན་སྒྲ་མི་འབྱུང་ཞིང་ཆགས་པ་དང་། ནམ་ཕྱེད་ནས་ས་འཚོ་མའི་རྨི་ལམ་དུ་ས་གཡོས་པ་དང་། ཤིང་ལྗོན་པ་རྩ་བ་ནས་ཐོན་པ་དང་། ཉི་མ་དང་། ཟླ་བ་ས་ལ་ལྷུང་བ་རྨིས་ནས། ས་འཚོ་མ་གཉིད་སད་ནས་མཆི་མ་ཟག་ཅིང་རང་གི་བྱང་སེམས་ལ་འདི་སྐད་སྨྲས་སོ། །ལྷ་ཅིགས་རྨི་ལམ་འདི་འདྲ་རྨིས་པ་བཀའ་སྩོལ་ཅིག་བྱང་སེམས་ཀྱིས་ས་འཚོ་མ་ལ་སྨྲས་པ། དེ་ནི་ཁྱོད་ཀྱིས་ཉོན་མོངས་པའི་དྲྭ་བ་གཅོད་པ་ཡིན་ཏེ། ཤིན་ཏུ་བཟང་ཞེས་ལུང་བསྟན་ཏོ། །དེ་ནས་བྱང་སེམས་ཀྱིས་ཡབ་ལ་རབ་ཏུ་བྱུང་བར་ཞུས་པས། རྒྱལ་པོ་མིག་མཆི་མས་གང་ནས་ཁྱོད་རབ་ཏུ་མ་བྱུང་བར། ཅི་འདོད་པ་སློང་བ་སྨྲོས་ཤིག་ཟེར་རོ། །རྒྱལ་བུ་བྱང་ཆུབ་སེམས་དཔས་སྨྲས་པ། ལྷ་གཅིག་བདག་ལ་འདོད་པ་བཞི་ཡོད་པས། རྟག་ཏུ་རྒས་པས་མི་ཚུགས་པ་དང་། རྟག་ཏུ་མདོག་བཟང་ཞིང་དར་ལ་བབ་པ་དང་། རྟག་ཏུ་ནད་མེད་པ་དང་། ཚེ་ལ་རྒུད་པ་མེད་པ་བཞི་འཚལ་ལོ། །རྒྱལ་པོ་སྡུག་བསྔལ་མེད་པ་དང༌། ཚེ་ལ་རྒུད་པ་མེད་པ་བཞི་འཚལ་ལོ། །རྒྱལ་པོ་སྡུག་བསྔལ་ཏེ་གཞོན་ནུ། དེའི་མཐུ་བདག་ལ་མེད་དོ་ཟེར། བྱང་ཆུབ་སེམས་དཔས་སྨྲས་པ། འོ་ན་མཆོག་ཅིག་སློང་གི་འདི་ནས་ཤི་འཕོས་ནས་ཕུང་པོ་ཉིང་མཚམས་མི་སྦྱོར་བ་ཞི་སྩོལ་ཅིག་ཟེར་རོ། །དེ་ནས་རྒྱལ་པོས་བུ་ལ་ཆགས་པ་བཏང་ནས། ཁྱོད་ཀྱི་བསམ་པ་རྫོགས་པར་གྱུར་ཅིག་ཅེས་གསུངས་སོ། །དེ་ནས་གནོད་སྦྱིན་གྱི་དེད་དཔོན་ཉེར་བརྒྱད་འདུས་ནས། དོ་ནུབ་བྱང་སེམས་རབ་ཏུ་འབྱུང་གི་ཟེར་ནས་མཆོད་པ་བྱེད་དོ། །དེ་ནས་རྒྱལ་བུས་འདུན་པ་མ་སྨྲས་པ། བྱང་སེམས་གང་དུ་བཞུད་དེ་མ་བཞུད་ཅེས་སྨྲས་པས། རྒྱལ་བུ་ན་རེ། ངས་མགོ་དང་རྐང་ལག་དང་མིག་ཀྱང་བཏང་སྟེ་སེམས་ཅན་ཡོངས་སུ་དགྲོལ་བའི་དུས་ལ་བབ་བོ། །ཞེས་གསུངས་སོ། །དེའི་ཚེ་ལྷའི་བུ་ཞི་བའི་བློ་གྲོས་ཀྱིས་གྲོང་ཁྱེར་གྱི་མི་ཐམས་ཅད་གཉིད་ཀྱིས་ནོན་པར་བྱས་སོ། །རྒྱལ་པོ་བཞི་ཡིས་རྟའི་རྨིག་པ་ནས་བཏེགས་ནས་ནམ་མཁའ་ལ་བྱོན་ཏེ། མཆོད་རྟེན་རྣམ་དག་གི་དྲུང་དུ་རྟ་དང་རྒྱན་དང་བཟའ་རྣམས་འདུན་པ་ལ་སླར་ལྡོག་སྟེ། ལྡོག་མེད་པའི་གནས་མཆོག་འཆི་མེད་པར། །འཆི་མེད་བྱང་ཆུབ་དམ་པ་མ་ཐོབ་བར། །ང་ནི་སེར་སྐྱའི་གྲོང་དུ་མངོན་ཕྱོགས་ཏེ། །འགྲོ་འདུག་ཉལ་དང་འཆག་པར་མི་བྱའོ། །ཞེས་གསུངས་ནས་ཉིད་ཀྱི་དབུ་སྐྲ་ཉིད་ཀྱིས་བཞར་ནས་གནས་གཙང་མའི་ལྷའི་བུ་ལས་ངུར་སྨྲིག་བླངས་ཏེ་ཆོས་གོས་མཛད་དེ། རབ་བྱུང་གི་བསྙེན་པར་རྫོགས་པ་མཛད་དོ། །དེ་ནས་ཕྱི་རོལ་པའི་ལྷ་བ་དང་སྤྱོད་ལམ་མ་ཡིན་པར་བསྟན་པའི་དོན་དུ། འཇིག་རྟེན་ན་གདམས་ངག་ཆེ་བར་གྲགས་པ་སྒྱུ་རྩལ་ཤེས་ཀྱི་བུ་རིང་ཕུར་དང་། རངས་བྱེད་ཀྱི་བུ་ལྷག་སྤྱོད་དག་ལ་ཅི་ཡང་མེད་པ་དང་། འདུ་ཤེས་མེད་མིན་གྱི་ཆོས་སྟོན་པའི་གདམས་ངག་མནོས་ཏེ། གྲོགས་པ་དག་ཁྱོད་ཀྱི་ཆོས་འདི་ནི་ངེས་པར་འབྱུང་བ་མ་ཡིན་ཞེས་སུན་ཕྱུང་པ་དང་། དེ་དག་ལས་ཡོངས་སུ་ཆད་པའི་ལྔ་སྡེ་དང་འགྲོགས་ཏེ། རིག་པའི་རྩེར་ཕྱིན་པར་གྱུར་ཏོ། །མཛད་པ་བརྒྱད་པ་དཀའ་ཐུབ་མཛད་པ་ནི། དེ་ནས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་ཅིང་ཡོངས་སུ་གདུངས་པས་དག་པ་འཚོལ་བ་རྣམས་སུན་དབྱུང་བའི་ཕྱིར། འཇུག་ངོགས་བདེ་བ་ཆུ་རླུང་ནེར་ཉྫནའི་འགྲམ་དུ་ཟས་དང་སྐོམ་བཅད་དེ། བྱ་དགའ་བའི་སྤྱོད་པས་ལོ་དྲུག་ཏུ་མཁའ་ཁྱབ་ཀྱི་ཏིང་འཛིན་ལ་སྙོམས་པར་བཞུགས་སོ། །དེ་ལ་དུས་གསུམ་གྱི་སངས་རྒྱས་རྣམས་ཀྱིས་ཆོས་རྣམས་ཀྱི་དེ་ཁོ་ན་ཉིད་མ་རྟོཊ་པར་ཅི་དཀའ་བ་སྤྱད་པས་སངས་རྒྱའམ་ཞེས་བསྐུལ་བས། སྐུ་དེ་ཉིད་དུ་བཞག་ནས་ཐུགས་ལོངས་སྐུའི་ཆ་བྱད་དུ་ཞུགས་ནས་རི་རབ་ཀྱི་རྩེ་མོར་གཞུང་ཡོ་ག་དུམ་བུ་བཞའི་རྒྱུད་གསུངས་སོ། །དེ་ནས་དཀའ་ཐུབ་ཀྱི་ཁོག་པར་བྱོན་པས་སྐུ་རིད་པ་ལ་བ་གླང་རྫི་མོས་འཇམ་ཞོ་དྲངས་པས་སྐུའི་མདོག་རྙེད་དོ། །ཚོང་དཔོན་གྱི་བུ་མོས་ཤེ་མ་གང་དང་གང་ཚེས་པ་བརྒྱའི་འོ་མ་གཅིག་ལ་བླུད་དེ་འབྲས་གསར་པ་དང༌། འོ་མ་ཐུག་པར་བཙོས་པ་དྲངས་སོ། །དེ་ནས་བྱང་ཆུབ་སེམས་དཔས་སྐུ་བསིལ་བར་བྱ་བའི་ཕྱིར་ནཻར་ཉྫནར་ཁྲུས་བྱས་སོ། །དེ་ནས་སྤྲིའུའི་རྒྱལ་པོས་སྦྲང་རྩི་དྲངས་སོ། །དེ་གསོལ་བས་སྐུ་གསེར་གྱི་བརྟན་པ་ཕྱིས་པ་ལྟར་གྱུར་ཏོ། །མཛད་པ་དགུ་པ་བདུད་བཏུལ་པ་ནི། རྩཱ་འཚོང་བཀྲ་ཤིས་ལ། བཀྲ་ཤིས་ང་ལ་རྩྭ་ཞིག་མྱུར་དུ་བྱིན། །དེ་རིང་ང་ལ་རྩྭ་ཡིས་དོན་ཆེན་འགྱུར། །བདུད་དང་བཅས་པའི་དཔུང་རྣམས་བཅོམ་ནས་སུ། །བྱང་ཆུབ་ཞི་བ་གསུམ་པོ་ཐོབ་པར་འགྱུར། །ཞེས་གསུང་ནས་རྩྭ་ཀུ་ཤ་རྨ་བྱའི་མགྲིན་པ་ལྟར་སྔོ་ལ་འཇམ་པ་ལྗང་ལོ་གཡས་སུ་འཁྱིལ་བ་ཕྱག་གང་བླངས་ཏེ། དེ་ཉིད་བྱང་ཆུབ་ཀྱི་ཤིང་དྲུང་དུ་མ་གྲུམ་པར་བཏིང་བ་ལ། སྐྱིལ་མོ་ཀྲུང་དུ་བཞུགས་ནས་འདི་སྐད་ཅེས། སྟན་འདིར་བདག་གི་ལུས་འདི་སྐམ་པའམ། །པགས་ར་རུས་པའི་ཚོགས་རྣམས་ཞིག་གྱུར་ཀྱང་། །བསྐལ་མང་རྙེད་དཀའི་བྱང་ཆུབ་མ་ཐོབ་བར། །སྟན་འདི་ལས་ནི་འགུལ་སྐྱོད་མི་བྱའོ། །ཞེས་དམ་བཅའ་མཛད་པ་ལ། ཕྱོགས་བཅུའི་བྱང་ཆུབ་སེམས་དཔའ་རྣམས་འདུས་པས་མཆོད་ཅིང་སྐོར་བ་བྱས་སོ། །ཡང་སྨིན་མཚམས་ནས་བདུད་ཀྱི་སྡེ་རྣམ་པར་འཇོམས་པ་ཞེས་བྱ་བའི་འོད་བཀྱི་བ་དེས་སྟོང་གསུམ་གྱི་བདུད་ཐམས་ཅད་ལ་ཁྱབ་ཅིང་འོད་ལས་ཚིཊ་སུ་བཅད་པ། སེམས་ཅན་དག་པ་བསྐལ་མང་སྤྱད་སྤྱོད་པ། །ཟས་གཙང་སྲས་པོ་རྒྱལ་སྲིད་རབ་སྤངས་ཏེ། ཕན་བྱེད་བདུད་རྩི་འདོད་པས་མངོན་པར་ཕྱུང་ནས་ནི། །བྱང་ཆུབ་ཤིང་དྲུང་འོངས་ཀྱི་དེ་རིང་སྒྲིམ་པར་གྱིས། །ཞེས་བྱ་བ་བྱུང་བ་དང་། བདུད་སྡིག་ཅན་རྣམས་ལ་རང་གི་ཕྱོགས་མུན་པས་ཁྱབ་པ་ལ་སོགས་རྨིས་ལྟས་ངན་པ་བདུན་ཅུ་རྩ་གཉིས་ཀྱང་བྱུང་ནས། བདུད་ཀྱི་དམག་རིགས་དྲུག་ཅུ་འདུས་ཏེ། གནོད་བྱིན་གྲུལ་བུམ་དང་ནི་ལྟོ་འཕྱེའི་གཟུགས། །སྲིན་པོའི་གཟུགས་དང་ཤ་ཟ་ཡི་དྭགས་གཟུགས། །འཇིག་རྟེན་མི་སྡུག་དྲངས་དྲག་གཟུགས་ཇི་སྙེད་པ། །ཐམས་ཅད་རྒྱུ་ཡིས་དེར་ནི་སྤྲུལ་པ་བྱས། །ཞེས་པ་དང་། ཕྱོགས་ཀུན་ནས་ནི་རི་ཡི་དེར་ནི་སྦྲུལ་པ་བྱས། །ཞེས་པ་དང་། ཕྱོགས་ཀུན་ནས་ནི་རི་ཡི་འཕྲེང་བ་དང་། མཁའ་དྲག་གི་ནི་མཚོན་གྱི་ཆར་པ་དང་། །སྙིང་རྗེ་འབར་བ་མངོན་པར་ཕབ་པ་ཡི། །ཤཱཀྱའི་བུ་དེ་ཐལ་རང་བརླག་པར་བྱ། །ཞེས་ཤིན་ཏུ་མི་སྡུག་པའི་ཆ་བྱད་དང་། ང་རོ་སྣ་ཚོགས་སྒྲོགས་ཀྱང་། བྱང་ཆུབ་སེམས་དཔར་འཇིག་འི་བག་མེད་ཅིང་། །མཚོན་ཆ་ལ་སོགས་དྲག་དུ་བསྣུན་པས་ཀྱང་། །བྱམས་ལྡན་ཐུབ་པ་དེ་ཡི་སྐུ་ལ་ནི། །མེ་དང་དུག་དང་མཚོན་གྱིས་མི་ཚུགས་ཏེ། །མཚོན་ཆ་འཕངས་པ་མེ་ཏོག་ཉིད་དུ་གྱུར། །འདི་ལྟར་དེ་ཡིས་བྱང་སེམས་སྒོམ་ཕྱིར་རོ། །ཞེས་ཟེར་རོ། །ཞེས་པའི་ཚུལ་གྱིས་གནོད་པར་མ་གྱུར་ལ། །སྡིག་ཅན་གྱི་བུ་སྟོང་ལས། བློ་གྲོས་བཟང་པོ་དང་། ངན་པ་ལ་སོགས་པ་བྱང་ཆུབ་སེམས་དཔའ་ལ་དང་པའི་ཕྱོགས་གཉིས་སུ་ཆད་དེ། །ཆད་པས་བྱང་ཆུབ་སེམས་དཔའ་མ་ཐུབ་ཅིང་། ཡང་སྡིག་ཅན་གྱིས། སྔོན་ཆད་ཁོ་བོས་མཆོད་སྦྱིན་གཏན་པ་མེད། །བྱས་པ་ལ་ནི་ཁྱོད་ཉིད་དཔང་ཡིན་ན། །ཁྱོད་ལ་འདི་ན་དཔང་འགའ་ཡོད་མེན་པས། །སྒྲས་ཀྱང་དཔང་མེད་དེ་ནི་ཕམ་པ་ཡིན། །ཞེས་རྒྱུ་ལམ་སྒྲུབ་པ་ལ་སྐུར་བ་བཏབ་པ་དང་། བྱང་ཆུབ་སེམས་དཔས་ཕྱག་གཡས་པ་ས་ལ་བརྡབས་ཏེ། ས་འདི་འགྲོ་བ་ཀུན་གྱི་གནས་ཡིན་ཏེ། །རྒྱུ་དང་མི་རྒྱུ་ཉེ་རིང་མེད་པར་སྙོམ། །འདི་ནི་བདག་གི་དཔང་སྟེ་རྫུན་མེད་པས། །ས་ཁྱོད་འདི་ལ་བདག་གི་དཔང་གྱིས་ཤིག །ཅེས་གསུངས་པས་ས་ཆེན་པོ་རབ་ཏུ་གཡོས་པ་དང་། སའི་ལྷ་མོའི་ལུས་ཕྱེད་ཕྱུང་སྟེ། །ཅེས་གསུངས་པ་ཆེན་པོ་རབ་ཏུ་གཡོས་པ་དང་། སའི་ལྷ་མོའི་ལུས་ཕྱེད་ཕྱུང་སྟེ། སྐྱེས་བུ་ཆེན་པོ་དེ་བཞིན་ཏེ། །དོན་འདི་བདག་ལ་སྔོན་ལེགས་ཀྱིས། །བཅོམ་ལྡན་འདས་ཉིད་དཔང་དང་ཚད་བདག་ལ་སྔོན་ལེགས་ཀྱིས། །བཅོམ་ལྡན་འདས་ཉིད་དཔང་དང་ཚད་མར་བཞུགས་པར་ལེགས། །ཞེས་པ་དང་། སྡིག་ཅན་དཔུང་དང་བཅས་པས་སྒྲ་དེ་ཐོས་པ་དང་། དངངས་སྐྲག་སྙིང་འགས་པ་ཙམ་དུ་ཐམས་ཅད་བྲོས་སོ། །སྤོབས་པ་མེད་ནས་མི་སྣང་བར་གྱུར་ཏེ། མྱ་ངན་གྱི་ཁང་བུར་ཞུགས་སོ། །དེ་ནས་ཆོ་འཕྲུལ་ཆེན་པོ་བསྟན་པ་ནི། ལྷོག་ཕྱོགས་ཁྱག་པ་གྱད་ཀྱི་ཡུལ་དུ་ལྗགས་ཀྱི་མཆིལ་མ་ཐལ་བ་གཅིག་གིས་མུ་སྟེགས་ཀྱི་སྟོན་པ་སུམ་བརྒྱ་དྲུག་ཅུ་ཆུས་ཁྱེར་བར་མཛད་དོ། །མཛད་པ་བཅུ་པ་སངས་རྒྱས་པ་ནི། གནས་སྐབས་དེར་གཙང་མ་རིགས་ཀྱི་ལྷ་རྣམས་ཀྱིས་སྡིག་ཅན་ལ་སྤྱོ་བ་དྲུག་གིས་མཛད་ཅིང་། བྱང་ཆུབ་ཤིང་གི་ལྷ་མོ་བརྒྱད་ཀྱིས་སྡིག་ཅན་ལ་སྤྱོ་བ་དྲུག་གིས་སྨད་ཅིང་། བྱང་ཆུབ་ཤིང་གི་ལྷ་མོ་བརྒྱད་ཀྱིས་བྱང་ཆུབ་སེམས་དཔའ་རྣམ་པ་དྲུག་གི་བསྟོད་པའང་བྱས་སོ། །དེ་ནས་ནམ་གྱི་ཆ་སྨད་ལ་བསམ་གཏན་བཞི་མངོན་དུ་མཛད་ཅིང་། གུང་ཐུན་ལ་མངོན་པར་ཤེས་པ་ལྔ་བསྐྱེད་དེ། ཐོ་རངས་ཟག་པ་ཟད་པ་མངོན་དུ་མཛད་དེ་རྡོ་རྗེ་བྟ་བུའི་ཏིང་ངེ་འཛིན་སྐད་ཅིག་དང་ལྡན་པའི་ཤེས་རབ་ཀྱིས་བག་ཆཊ་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་ཏེ་ཕུང་པོའི་རྒྱུན་དེ་ཉིད་མ་དོར་བར་སྐུ་གསུམ་ཡེ་ཤེས་བཞི་དང་ལྡན་པ་ཉིད་དུ་མངོན་པར་རྫོགས་པར་སངས་རྒྱས་སོ། །དེ་ལ་ཕྱོགས་དང་བཅུའི་སངས་རྒྱས་རྣམས་ཀྱིས་གསུངས་པ། བདག་ཅག་ཇི་ལྟར་སངས་རྒྱས་པ། །དེ་ལྟ་ཁོ་ནར་ཁྱོད་སངས་རྒྱས། །དཔེར་ན་མར་དང་མར་ཉིད་ཀྱི། །ཉིང་ཁུ་མཚུངས་པ་ཉིད་དུ་འགྱུར། །ཅེས་གསུངས་པ། གནས་གཙང་མའི་ལྷ་རྣམས་ཀྱིས་མཆོད་ཅིང་བསྟོད་དོ། །སྟོན་པས་ཐོག་མ་ཁོ་ནར་ཚངས་པའི་དབྱངས་ཀྱིས་འདི་སྐད་གསུངས་སོ། །བསོད་ནམས་སྨིན་ཅིང་སྡུག་བསྔལ་རྣམ་པར་སེལ། །བསོད་ནམས་ལྡན་པ་བསམས་པ་རྣམས་ཀྱང་འགྲུབ། །བདུད་བཅོམ་ནས་ནི་བྱང་ཆུབ་མངོན་སངས་རྒྱས། །མྱ་ངན་འདས་ཤིང་བསིལ་བའི་དངོས་པོ་ཐོབ། །ཅེས་གསུངས་སོ། །མཛད་པ་བཅུ་གཅིག་པ་ཆོས་ཀྱི་འཁོར་ལོ་བསྐོར་བ་ནི། དང་པོ་རྒྱུ་གསུམ་གྱི་ཆོས་མ་གསུངས་ཏེ། རྒྱུ་གསུམ་ནི། སྟོན་པ་ལ་མ་གུས་པ་སྤོང་བ་དང་། དམ་པའི་ཆོས་བཙུན་པ་དང་། སྟོན་པ་ལ་མ་གུས་པ་སྤོང་བ་དང་། དམ་པའི་ཆོས་བཙུན་པ་དང་། ཞུ་བ་པོའི་བསམ་པ་བསྐང་པའི་ཕྱིར། བདུན་ཕྲག་བདུན་དུ་ཆོས་མ་གསུངས་ཏེ། བདུན་ཕྲག་དང་པོ་ལ་སེམས་ཅན་ཐམས་ཅད་ཀྱི་སྡུག་བསྔལ་མཐར་དབྱུང་ངོ༌། །ཞེས་སྐྱིལ་པོ་ལ་སེམས་ཅན་ཐམས་ཅད་ཀྱི་སྡུག་བསྔལ་མཐར་དབྱུང་ངོ༌། །ཞེས་སྐྱིལ་མོ་ཀྲུང་མ་བཤིག་པར་བྱང་ཆུབ་ཀྱི་ཤིང་ལ་གཟིགས་སོ། །བདུན་ཕྲག་གཉིས་པ་ལ་སྟོང་གསུམ་དུ་རིང་དུ་འཆག་གོ །བདུན་ཕྲག་གསུམ་པ་ལ་སྙིང་པོ་བྱང་ཆུབ་ལ་གཟིགས་སོ། །བཞི་པ་ལ་རྒྱ་མཚོའི་བར་དུ་འཆག་གོ །ལྔ་པ་ལ་བཏང་བཟུང་གི་གནས་སུ་གཤེགས་སོ། །དྲུག་པ་ཤིང་ནྱ་གྲོ་དྷའི་ཆུ་ཤིང་གབ་དྲུང་དུ་བཞུད་དེ་ཀུན་ཏུ་རྒྱུ་བ་དག་ལ་གདམས་ངག་མཛད་དོ། །བདུན་པ་ལ་ཤིང་སྒྲོལ་རྒྱུའི་ཚལ་དུ་བཞུད་དེ། ཚོང་དཔོན་ག་གོན་བཟང་པོས་སྤྱན་གཟིགས་ཕུལ་བས་ཤིས་པ་བརྗོད་པའི་མདོ་གསུངས་སོ། །དེ་ནས་ཡང་ཆོས་ཟབ་མོ་མཉན་ཅིང་བཤད་དུ་མེད་ལ་རྟོག་གེའི་ཡུལ་མ་ཡིན་པའི་རྟོགས་པ་ཡོད་ལ། འདི་གཞན་ལ་བསྟན་ཡང་ཁོང་དུ་ཆུད་པས། དོན་དུ་མི་འགྱུར་བ་སྙམ་སྟེ། ཐུགས་ལས་ཆུང་པ་ལ་གཞོལ་བ་དང་། ལྷ་ཚངས་པས་བརྒྱ་བྱིན་སྦྲན་ཏེ། ཟླ་བ་ཉ་བ་གཟའ་ལས་ཐར་བ་ལྟར། །ཁྱེད་ཀྱི་ཐུགས་ནི་ཤུན་ཏུ་རྣམ་པར་གྲོལ། གཡུལ་ལས་རྣམ་པར་རྒྱལ་བ་བཞེངས་གསོལ་ཏེ། །འཇིག་རྟེན་མུན་པར་ཤེས་རབ་འོད་ཕྱུང་གསོལ། །ཞེས་ཞུས་པས་མ་གནང་ངོ་། །དེ་ནས་ལྷ་ཚངས་པས་ཞུས་པས། །སྲིད་པ་ལ་ཆགས་ཤིང་སྐྱེ་དགུ་འདོད་པས་བཅིངས་པས་མི་རྟོཊ་ཞེས་མ་གནང་ངོ་། །དེ་ནས་ལྷ་ཚངས་པས། །མ་དྷ་ཡི་ཡུལ་འདིར་སྔོན་ཆད་ཆོས། །མ་དག་དྲི་མའི་རྗེས་སུ་འབྲེང་པ་བྱུང་། །བདུད་རྩིའི་སྒོ་མོ་དབྱེ་བར་མཛད་ཀྱི་ཆོས། །རྡུལ་བྲལ་དྲི་མ་མེད་པ་བསྟན་དུ་གསོལ། །ཞེས་ཞུས་པས། འཇིག་རྟེན་ཐམས་ཅད་ལ་གཟིགས་ནས་མ་ངེས་པ་དང་། གདུལ་བྱ་ཡང་དག་པ་ཉིད་དུ་ངེས་པ། ལོག་པར་ངེས་པ། མ་ངེས་རིགས་གསུམ་ལ་གཟིགས་ནས་གནང་ངོ་། །དེ་ནས་ལྷ་ཚངས་པས་ཀྱང་དེ་བཞིན་གཤེགས་པ་ལ་ཆོས་ཀྱི་འཁོར་ལོ་བསྐོར་བར་གནང་ངོ་ཞེས། ལྷའི་གནས་རྣམས་ལ་གོང་ནས་གོང་དུ་བསྒྲགས་སོ། །དུས་ནི་སྟོན་པས་དགུང་ལོ་སུམ་ཅུ་རྩ་ལྔ་ས་མོ་ཕག་གི་ལོའི་སྟོན་ཟླ་ར་བའི་ཉིས་ཤུ་དགུའི་བར་དུ། ལོ་བདུན་དུ་ཞག་དགུས་མ་ཚང་བ་ཙམ་དུ་བདེན་པ་བཞིའི་ཆོས་ཀྱི་འཁོར་ལོ་བསྐོར་ཏེ། འདུལ་བའི་སྡེ་སྣོད་རྣམས་རྒྱས་པར་གསུངས་ཏེ། དེ་ཡང་ཆོས་འདི་སྔོན་ལ་སུས་རྟོགས་ན། འཁོར་གྱི་དང་པོ་ལྔ་སྡེ་བཟང་པོས་ཁོང་དུ་ཆུད་པར་དགོངས་ནས། ཡུལ་ལྦཱ་ར་ཎཱ་སིའི་དྲང་སྲོང་ལྷུང་བ་རི་དྭགས་རྒྱུ་བའི་གནས་སུ་བཞུགས་པ་ལ། ལྔ་སྡེ་བཟང་པོ་ཡུལ་ལྦཱ་ར་ཎཱ་སིའི་ཕུ་ན་གནས་པས། སངས་རྒྱས་ནི་ལྷོའི་ངོས་ནས་བྱང་ཕྱོགས་སུ་བཞུད་པ་ལས། དེའི་ཤུལ་ཀར་ཀུན་ཏུ་རྒྱུ་ཕྱི་རོལ་པ་ལྔ་བརྒྱ་ཙམ་དང་བཅས་པ་ལྷོའི་ཕྱོགས་སུ་འགྲོ་བ་དང་འཕྲད་ནས། དེ་རྣམས་ཀྱི་བསམ་པ་ལ་གོའུ་ཏ་མ་འདི་ལ་སློབ་དཔོན་མེད་པར་སངས་རྒྱས་ཟེར་བ་འདི་རིགས་སམ། བདེན་ནམ་དྲིས་པས། གོའུ་ཏ་མ་ཁྱེད་ཀྱི་སློབ་དཔོན་སུ་ཡིན་དྲིས་པ་དང་། ལན་དུ། ང་ལ་སློབ་དཔོན་སུ་ཡང་མེ། །ང་རང་གཅིག་པོར་རྫོགས་སངས་རྒྱས། །ང་དང་འདྲ་བ་གཞན་མེད་དེ། །བསིལ་གྱུར་ཟག་པ་ཟད་པ་མིན། །ཅེས་གསུངས་པས། དགྲ་བཅོམ་པར་གོ་ནས་འོ་ན་ཁྱེད་དགྲ་བཅོམ་པ་ཡིན་ནམ་བྱས་པས། །ང་ནི་འཇིག་རྟེན་དགྲ་བཅོམ། །ང་ནི་སྟོན་པ་བླ་ན་མེད། །ལྷ་དང་ལྷ་མིན་ནང་ན་ཡང་། །ང་དང་འདྲ་བ་ཡོད་མ་ཡིན། །ཞེས་གསུངས་པས། །འོ་ན་ཁྱོད་རྒྱལ་བར་ཁས་ལེན་ནམ་ཞེས་ཞུས་པས། སངས་རྒྱས་ཀྱིས་བཀའ་སྩལ་པ། གང་དུ་ཟག་པ་ཟད་རྙེད་པ། །ང་འདྲ་རྒྱལ་བར་ཤེས་པར་བྱ། །སྡིག་པའི་ཆོས་ལས་ང་རྒྱལ་བས། །ཉེ་འགྲོའི་དེ་བཞིན་ང་རྒྱལ་བ། །ཞེས་གསུངས་པས། སངས་རྒྱས་ཡིན་པར་ཡིད་ཆེས་ཏེ། ད་འོ་ན་ཁྱོད་གར་བཞུད་དྲིས་པས། ང་ནི་ལྦཱ་ར་ཎཱ་སིར་འགྲོ། །གྲོང་ཁྱེར་གསལ་ལྡན་སོང་ནས་ཀྱང་། །དམུས་ལོང་ལྟ་བུའི་སེམས་ཅན་ལ། །ཆོས་ཀྱི་སྒྲོན་མེ་འདེགས་སུ་འགྲོ །ཞེས་པ་ལ་སོགས་གསུངས་པས། འོ་ན་བདག་ཅག་ཀྱང་ལྷན་ཅིག་པར་ཁྱེད་ཀྱི་འཁོར་བགྱིད་དོ་ཟེར་ནས། ལྷོ་ངོས་སུ་སོང་ངོ་། །སངས་རྒྱས་འཁོར་བ་དང་བཅས་པ་བྱང་ཕྱོགས་སུ་ལྦཱ་ར་ཎཱ་སིའི་ཕུག་ཏུ་བྱོན་པ་དང་། དེ་ན་མུ་སྟེགས་ཀྱི་སྟོན་པ་ལྔ་སྡེ་བཟང་པོ་ཡོད་པས། སངས་རྒྱས་འབྱོན་པ་ཐོས་ཏེ་གྲོས་བསྟུན་ནས་འཁོར་མི་བྱེད་པར་བཅའ་བ་བྱས་སོ། །ཀུན་ཤེས་ཀོའུ་དི་ནྱས་དམ་མ་བཅས། དེར་སངས་རྒྱས་བྱོན་པ་དང་གཟི་བརྗིད་མ་བཟོད་དེ་དྲིས་པ། ཚེ་དང་ལྡན་པ་ཁྱེད་མི་ཆོས་བླ་མ་མཁན་གཟི་བརྗིད་མ་བཟོད་དེ་དྲིས་པ། ཚེ་དང་ལྡན་པ་ཁྱེད་མི་ཚོས་བླ་མ་མཁན་ཞིག་ཡིན་སྙམ་པ་ལ། གཟི་བརྗིད་རེ་ཆེ། འཕགས་པའི་ཤེས་རབ་ཅང་མངའ་འམ་དྲིས་པས། བཀའ་སྩལ་པ། ང་ལ་ཚེ་དང་ལྡན་པ་མ་ཟེར་ཅིག །སྡུག་བསྔལ་སེལ་བའི་ལྗོན་ཤིང་ངོ་། །ནད་སེལ་བའི་སྨན་པའོ། །ཞེས་གསུངས་པས་དད་དེ་འཁོར་གྱི་དང་པོར་གྱུར་ཏོ། །དེ་ནས་ཆོས་གསུངས་པར་བཞེད་ནས་འཁོར་བ་བསྡུ་བའི་གཎྜི་བརྡུངས་པའི་སྒྲ་ལས་འདི་སྐད་དུ་བྱུང་སྟེ། །བདེ་གཤེགས་སློབ་མར་གྱུར་པའི་སེམས་ཅན་གང་སུ་དག །དེང་འདིར་སྟོན་པས་ཆོས་ཀྱི་ཆར་འབེབས་ཀྱི། །གང་དག་མཉན་པར་འདོད་རྣམས་འདིར་འདུས་ཤིག །ཟབ་མོ་རྒྱལ་བའི་བཀའ་ལ་ཀུན་ཉོན་ཅིག །ཅེས་པའི་སྒྲ་བྱུང་བས་ཀུན་ལྦཱ་ཎཱ་སིར་འདུས་སོ། །དེའི་ཚེ་ཚེ་དང་ལྡན་པ་ཀུན་ཤེས་ཀོའུ་དི་ནྱ། རྟ་ཐུལ། །རླངས་པ། མིང་ཆེན། བཟང་ལྡན་དང་ལྔ་ལ། འདི་སྐད་དུ་བཟིན་བཟང་དག འདི་ནི་སྡུག་བསྔལ་ལོ། །འདི་ནི་ཀུན་འབྱུང་བའོ། །འདི་ནི་འགོག་པའོ། །འདི་ནི་ལམ་མོ། །ཞེས་རེ་རེ་ལ་ཡང་ཕྱེས་ནས་སྐད་ཅིག་མ་བཅུ་དྲུ་གོ་དོན་བསྟན་པས་མཐོང་ལམ་རྒྱུད་ལ་སྐྱེས་སོ། །ད་དུང་ལམ་གོང་མ་རྒྱུད་ལ་མ་སྐྱེས་པ་ལ་གསུམ་ཏེ། སྡུག་བསྔལ་ནི་འབྲས་བུ་སྟེ་ཤེས་པར་བྱའོ། །ཀུན་འབྱུང་ནི་རྒྱུ་སྟེ་སྤང་བར་བྱའོ། །འགོག་པ་ནི་འབྲས་བུ་སྟེ་སྔོན་དུ་བྱའོ། །ལམ་ནི་རྒྱུ་སྟེ་བསྒོམ་པར་བྱའོ། །ཞེས་གསུངས་པས་སྒོམ་ལམ་རྒྱུད་ལ་སྐྱེས་སོ། །ད་དུང་ལམ་གོང་མ་རྒྱུད་ལ་མ་སྐྱེས་པ་ལ་གསུངས་ཏེ། དོན་ལ། སྡུག་བསྔལ་ཤེས་ཟིན་པས་བྱས་ཏེ་ཤེས་ཟིན་ད་ཤེས་སུ་མེད། ལམ་ནི་བསྒོམ་པར་བྱ་སྟེ་བསྒོམ་ཟིན་ནས་བསྒོམ་རྒྱུ་མེད། འགོག་པ་སྔོན་དུ་བྱ་སྟེ་བྱས་ཟིན་སྔོན་དུ་བྱར་མེད། ཅེས་གསུངས་པས། མཐར་ཕྱིན་པའི་ལམ་རྒྱུད་ལ་སྐྱེས་ཏེ་འབྲས་བུ་ཐོབ་བོ། །དེ་ནི་བདེན་པ་རྣམ་པར་བཞག་པའི་འཁོར་ལ། བདེན་པ་རྣམ་པར་བཞག་པའི་འཁོར་གྱི་དང་པོ་ལྔ་སྡེ་བཟང་པོ་བཏུལ་བའོ། །དེའི་དུས་སུ། །སྟོན་པ་འཁོར་དྲུག་དེའི་གྱི་དང་པོ་ལྔ་སྡེ་བཟང་པོ་བཏུལ་བའོ། །དེའི་དུས་སུ། སྟོན་པ་འཁོར་དྲུག་དེའི་འཚོ་བ་ནི་བསོད་སྙོམས་ལ་བརྟེན་ཏེ་སྦྱིན་བདག་མེད་པས། ལྔ་སྡེའི་དགེ་སློང་ལ། གསུམ་ལ་ཆོས་འཆད། གཉིས་གྲོང་ཁྱེར་དུ་བསོད་སྙོམས་ལ་འཇུག །དེའི་བསོད་སྙོམས་དེས་དྲུག་ཆར་གྱི་གྲོ་འཚོ་བར་བྱེད་དོ། །དེའི་བསོད་སྙོམས་ཀྱིས་དྲུག་ཆར་གྱི་ཚ་བ་འཚོ་བར་བྱེད་དོ། །དེ་ལྟར་ཅོས་བཤད་པས་ལྔ་སྡེའྀ་དགེ་སློང་སྨིན་པ་དང་། གྲོལ་བར་གྱུ་ཏེ། དེ་ནས་སྟོན་པ་འཁོར་དྲུག་པོས་འབབ་ཆུ་ཆེན་པོ་གནོད་པ་ཅན་གྱི་འགྲམ་དུ་བྱོན་པ་དང་། ཁྱིམ་བདག་རིགས་ཀྱི་གཙོ་བོའི་བུ་ལྔ་རབ་ཏུ་བྱུང་སྟེ། གྲགས་པ། དྲི་མེད། གང་པོ། བ་ལང་བདག་ལག་བཟང་དང་ལྔའོ། །དེ་ལྔ་ལའང་ཆོས་ནི་སྔ་མ་ཁོ་ན་བཞིན་གསུངས། སྦྱིན་བདག་ནི་ཁྱིམ་བདག་གྲགས་པས་བྱས། ཁྱིམ་བདག་དེའི་འཁོར་གྱི་ཁྱིའུ་ལྔ་བཅུ་ཡག་རབ་ཏུ་བྱུང་ནས། སྨིན་ཅིང་གྲོལ་བར་གྱུར་ཏེ། དེའི་ཚེ་འཇིག་རྟེན་འདིར་དགྲ་བཅོམ་པ་དྲུག་ཅུ་དང་། གཅིག་ལ་ནི་སངས་རྒྱས་ཡིན། དེ་ནས་སྟོན་འཁོར་དྲུག་ཅུ་རྩ་གཅིག་པོ་རྣམས་ཀྱིས་མ་ག་དྷའི་གྲོང་ཁྱེར་སྟེང་རྒྱས་ཀྱི་དྲུང་དུ་བྱོན་ནས། འོད་སྲུངས་མཆེད་གསུམ་འཁོར་སྟོང་དང་བཅས་པ་ལ། སྔ་མ་ཁོ་ན་ལྟ་བུའི་ཆོས་གསུངས། ཆོ་འཕྲུལ་རྣམ་པ་གསུམ་བསྟན་ནས། དེ་རྣམས་སྨིན་པ་དང་གྲོལ་བར་མཛད། སྟོན་འཁོར་སྟོང་དང་དྲུག་ཅུ་རྩ་བཞི་པོའི་འཚོ་བ་ནི། གྲོང་སྟེང་རྒྱས་ཀྱི་སྐྱེ་བོ་དད་པ་ཅན་རྣམས་ཀྱིས་སྦྱར། དེ་ནས་སྟོན་འཁོར་དེ་རྣམས་ལྡང་འགྲམ་གྱི་ཚལ་དུ་བྱོན་ཏེ། མཆོད་རྟེན་ལེགས་པར་རབ་ཏུ་གནས་པའི་དྲུང་དུ་བཞུགས་པ་ལ། ཡུལ་མ་ག་དྷའི་རྒྱལ་པོ་བཟོ་སྦྱངས་གཟུཊ་ཅན་སྣིང་པོས་བསྙེན་བཀུར་ཆེན་པོ་མཛད་ནས། རྗེ་འབངས་བརྒྱ་དང་བརྒྱད་ཅུ་རྩ་བདུན་ལ་སྔ་ལ་སྔ་བཀུར་ཆེནཔོ་མཛད་ནས། རྗེ་འབངས་བརྒྱ་དང་བརྒྱད་ཅུ་རྩ་བདུན་ལ་སྔ་མ་ཁོ་ནའི་བདེན་པ་བཞིའི་ཆོས་གསུངས་ནས་སྨིན་དང་གྲོལ་བར་མཛད་དོ། །དེ་ནས་ཤཱཀྱ་པ་རྣམས་ཀྱང་རབ་ཏུ་དད་པར་གྱུར་ནས། ཚེ་དང་ལྡན་པ་ཆར་ཀས་ཡབ་དང་སྲས་ཀྱང་སྤྲད་དེ། དེའི་དུས་སུ་ཤཱཀྱའི་རིགས་ལྔ་བརྒྱ་རབ་ཏུ་བྱུང་ཟེར་རོ། །དེ་ནས་བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་བའི་གནས་ནི། ཡུལ་མ་ག་དྷ་འོད་མའི་ཚལ་རྒྱལ་པོའི་ཁབ། བྱ་རྒོད་ཕུང་པོའི་རི་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ལ་སོགས་པར། དུས་ནི་སྟོན་པའི་དགུང་ལོ་བཞི་བཅུ་རྩ་གཉིས་རྟའི་ལོ་སྟོན་ཟླ་འབྲིང་པོའི་ཚེས་གཅིག་ནས། བདུན་ཅུ་དོན་གསུམ་གླང་གི་ལོའི་སྟོན་ཟླ་འབྲིང་པོའི་ཚེས་བཅུ་བཞིའི་བར་དུ། ལོ་སུམ་ཅུ་སོ་གཅིག་དང་ཞག་བཅུ་གསུམ་དུ་གསུངས་སོ། །ཁྲོ་ཕྱ་ལོ་ཙྭ་བས་སུམ་ཅུ་རང་ཟེར། མཆིམས་པས་ལོ་ཉིས་ཤུ་རྩ་བདུན་ཟེར། འཁོར་ནི་ཚེ་དང་ལྡན་པ་ཤཱ་རིའི་བུ་དང་མོའུ་འགལ་གྱི་བུ་དང་། རབ་འབྱོར་ལ་སོགས་པའི་ཐེག་པ་ཆེན་པོའི་རིགས་ཅན་གྱི་ཉན་ཐོས་མང་པོ་དང་། རིགས་གསུམ་མགོན་པོ་དང་། བྱམས་པ་དང་། བརྒྱ་བྱིན་ལ་སོགས་པའི་བྱང་ཆུབ་སེམས་པའི་འཁོར་བྱེ་བ་ཕྲག་ཁྲིག་བརྒྱ་སྟོང་ལའོ། །ཆོས་ནི་མཚན་ཉིད་མེད་པའི་ཆོས་ཀྱི་འཁོར་ལོས་ཏེ། ཤེར་ཕྱིན་དང་། བཀའ་བར་པར་གཏོགས་པ་རྣམས་སོ། །དེ་ཡང་ཟབ་པར་སྟོན་པ་རྣམས་སོ། །དེ་ཡང་ཟབ་པར་སྟོན་པ་ཏིང་ངེ་འཛིན་རྒྱལ་པོ་འམ། རྒྱ་ཆེ་བར་སྟོན་པ་ཕལ་པོ་ཆེ་འམ། གཉིས་ཀ་སྟོན་པ་ཡུམ་རྒྱས་པོ་སྟོང་ཕྲག་བརྒྱ་པ་དང་། འབྲིང་གི་རྒྱས་པ་ཉིས་ཁྲི་ལྔ་སྟོང་པ་དང་། འབྲིང་གི་འབྲིང་ཁྲི་བརྒྱད་སྟོང་པ་དང་། །འབྲིང་གི་བསྡུས་པ་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང་། འབྲིང་གི་བསྡུས་པ་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང་། བསྡུས་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང་། བསྡུས་པའི་བསྡུས་པ་ཡོན་ཏན་རིན་པོ་ཆེ་སྡུད་པའོ། །དེ་ལ་སོགས་པ་ཆོས་ཐམས་ཅད་སྣང་ལ་རང་བཞིན་མེད་པ་དངོས་པོ་མེད་པའི་ངོ་བོ་ཉིད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དུ་གཏན་ལ་འབེབས་བར་བྱེད་པའི་ཆོས་གསུངས་ཏེ། ཡུམ་རྒྱས་པ་ལས། བདག་གི་འདུ་ཤེས་དང་བྲལ་བར་བྱེད་ཅིང་། བདག་གི་འདུ་ཤེས་དང་བྲལ་ནས། སྟོང་པ་ཉིད་ཀྱིས་འཁོར་བ་ལས་གྲོལ་བ་དང་། ཞེས་པ་ལ་སོགས་པ་གསུངས་པ་ལྟར། བསྟན་པའི་ཆོས་བསམ་གྱིས་མི་ཁྱབ་པ་ཞིག་གསུངས་སོ། ། དེ་ནས་བཀའ་གསུམ་པ་དོན་རྣམ་པར་ངེས་པའི་ཆོས་ཀྱི་འཁོར་ལོ་བསྐོར་བའི་གནས་ནི། རི་མ་ལ་ཡ་དང་། གྲོང་ཁྱེར་ཡངས་པ་ཅན་དང་། བུ་མོ་ཤེས་རབ་ཅན་གྱི་རྫིང་ངམ། གྲོང་ཁྱེར་ཡངས་པ་ཅན་དང་། བུ་མོ་ཤེས་རབ་ཅན་གྱི་རྫིང་ངམ། ལང་ཀ་པུ་རི་ལ་སོགས་པ་རྣམས་སོ། །དུས་ནི། སྟོན་པ་དགུང་ལོ་བདུན་ཅུ་དོན་གསུམ་གླང་གི་ལོའི་སྟོན་ཟླ་འབྲིང་པོའི་ཉ་ནས། བརྒྱད་ཅུ་ཐམ་པ་སྤྲེའུའི་ལོ་ཡི་དབྱར་ཟླ་འབྲིང་པོའི་ཉའི་བར། ལོ་དགུ་རུ་ཟླ་བ་གསུམ་གྱིས་མ་ལོངས་པ་ཙམ་དུ་གསུངས་སོ། །མཆིམས་པས་ལོ་བཅུ་ཟེར། ཁྲོ་ཕུ་ལོ་ཙཱ་བས་ལོ་བཅུ་གཉིས་ཟེར་རོ། །འཁོར་ནི་བྱང་ཆུབ་སེམས་དཔའ་དོན་དམ་ཡང་དག་འཕགས་པ་ལ་སོཊ་པ་འཁོར་ཐེག་པ་སྣ་ཚོཊ་ལ་མོས་པ་ཞེས་གསུངས་ཀྱང་། ཐེག་པ་ཐམས་ཅད་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཡིན་ནོ། །ཆོས་ནི་མདོ་སྡེ་དགོངས་པ་ངེས་འགྲེལ་ལ་སོགས་པའི་བདེན་པ་རྣམ་པར་བཞག་པའི་ཆོས་གསུངས་ཏེ། དེ་ཡང་གང་ཞེ་ན། ཆོས་ལྔ་དག་དང་རང་བཞིན་གསུམ། །བདག་མེད་གཉིས་ཀྱི་ནང་དུ་ནི། །ཐེག་པ་ཆེན་པོ་མཐའ་དག་འདུས། །ཞེས་གསུངས་པའི་ཚུལ་ཅན་ཏེ། །དེ་ནི་གྲངས་སུ་མ་ཕྱེ་བའི་ངེས་པའི་དོན་གྱི་མདོ་སྡེའོ། །དབུ་མ་པ་རྣམས་བཀའ་དང་པོ་ཐ་མ་གཉིས་དགོངས་པ་ཅན། བར་པ་ངེས་དོན་དུ་འདོད་དོ། །འཁོར་ཐུན་མོང་མ་ཡིན་པ་རྣམས་ལ། གསང་སྔགས་ཀྱང་འགའ་ཙམ་གསུངས་ཏེ། དེ་ཡག་ཤཱཀ་ཐུབ་ཀྱིས་སྔགས་ཀྲྀ་ཡ་ནི་ཆུ་བོ་ནཻར་ཉྫན་དང་། སིང་ག་ལའི་གནས་སུ་གསུངས། ཨུ་པ་ཡ་དཔུང་བཟང་གི་ཚལ་ལ་སོགས་པར་གསུངས། ཡོ་ག་ནི་མེ་རི་འབར་བའི་ཕོ་བྲང་དུ་གསུངས། གསང་སྔགས་ནང་པ་ཤས་འགའ་ནི། ཤཱཀ་ཐུབ་ལོངས་སྐུའི་ཆ་ལུགས་སུ་མཛད་ནས། བསིལ་བའི་ཚལ་དང་། ལྕང་ལོ་ཅན་ལ་སོགས་པར་གསུངས་སོ། །གསང་སྔགས་ཀྲྀ་ཡོག་ལྷ་ཡུལ་དུ་གསུངས་པ་ནི། ཀྲྀ་ཡ་ལྷའི་ཡུལ། གནས་ཆོས་བཟང་ལྷའི་ཕོ་བྲང་དུ། སྟོན་པ་རིགས་ཀྱི་གཙོ་བོ་རྣམ་པར་སྣང་མཛད་ལ་སོགས་པ་དང་། རྒྱལ་བ་རིགས་གསུམ་གྱི་འཁོར་བྱང་ཆུབ་སེམས་དཔའ་རིགས་གསུམ་དང་། ལྷའི་དབང་པོ་བརྒྱ་བྱིན་ལ་སོགས་པ་རྣམས་ལ་གསུངས་སོ། །ཡོ་ག་ནི་ལྷའི་གནས། རི་རབ་ཀྱི་རྩེ་མོ། །རྣམ་པར་རྒྱལ་བའི་ཁང་བཟང་དུ་འཁོར་ཉེ་བའི་སྲས་བརྒྱད་ལ་གསུངས་སོ། །ཟབ་མོའི་དོན་ལ་མོས་པ་ཨིནྡྲ་བྷཱུ་ཏི་ལ་སོགས་པ། བདེ་མཆོག་འཁོར་ལོའི་གཟུགས་སུ་སྤྲུལ་ཏེ། གསང་སྔགས་གསུངས་པའང་ཡོད་དོ། །འགའ་ཞིག་ན་རེ། གསང་སྔགས་ནི་དངོས་སུ་མ་གསུངས་པས་བཀའ་མིན་ནོ། །ཞེས་ཟེར་ཏེ། གསང་སྔགས་འཁོར་ལོ་གསུམ་པར་འཇོག་པ་ལུང་། སྤྱོད་འདུས་ནས། འདོད་ཆགས་དང་བྲལ་བའི་གཟུགས་སུ་སྤྲུལ་ནས། དམན་པ་ལ་མོས་པ་རྣམས་ལ། འཕགས་པའི་བདེན་པ་བཞི་རྟོགས་པར་མཛད་ཅིང་། འདོད་ཆགས་དང་བྲལ་བའི་སྤྱོད་པ་བསྟན་པ་དང་། ཡང་ཐེག་པ་ཆེན་པོ་ལ་མངོན་པར་ཞེན་པ་རྣམས་ལ། རྣམ་ཤེས་ཚོགས་བརྒྱད་སོ་སོ་ལ། ཆོས་བདག་མེད་པར་ཞེན་པ་རྣམས་ལ། རྣམ་ཤེས་ཚོགས་བརྒྱད་སོ་སོ་ལ། ཆོས་བདག་མེད་པར་རྟོགས་པར་མཛད་ཅིང་། ས་དང་ཕ་རོལ་ཏུ་ཕྱིན་པའི་སྤྱོད་པ་བསྟན་པ་དང་། ཡང་བདེ་མཆོག་འཁོར་ལོའི་སྐུ་རུ་སྤྲུལ་ནས། ཟབ་མོ་ལ་ལྷག་པར་མོས་པ་རྣམས་ལ། འདོད་ཆགས་ཀྱི་སྤྱོད་པ་རྟོགས་པར་བྱ་བའི་ཕྱིར། གསང་སྔགས་ཀྱི་ཆོས་སྟོན་པར་མཛད་དོ། །ཞེས་པས་གསང་སྔགས་ནི་དངོས་སུ་གསུངས་པར་འདོད་པ་ཡང་ཡོད་ལ། ཕྱིས་འབྱུང་བར་ལུང་བསྟན་པར་འདོད་པ་ཡང་ཡོད་དོ། །གཞན་ཡང་དང་པོར་གསུངས་པ། ཤིས་པར་བརྗོད་པའི་མདོ་དང་། གྲོངས་ཁའི་བཀའ་ཆེམས་མྱ་ངན་ལས་འདས་པའི་མདོ་གཉིས། འཁོར་ལོ་གསུམ་དུ་འདུས་སམ་ཞེ་ན། དེ་ཉིད་ནི་བཀའ་ཡིན་ཀྱང་། ཚངས་པས་ཞུས་པ་མ་ཡིན་པས། འཁོར་ལོ་གསུམ་དུ་མ་འདུས་ཏེ། དེ་གཉིས་དང་ལྔ་ཡིན་ནོ། །འོ་ན་གསུམ་ཞེས་པ་དང་འགལ་ལམ་ཞེ་ན། མི་འགལ་ཏེ། ངེས་དོན་གྱི་མདོ་ཁ་ཅིག་ལས། བདེ་བར་གཤེགས་པ་རྣམས་ཀྱིས་ནི། །ཆོས་ཀྱི་འཁོར་ལོ་སྔར་གསུངས་པ། །ཞེས་པས་སོ། །དེ་ལྟར་སྟོན་པས་བཀའ་འཁོར་ལོ་སྔར་གསུངས་པ། །ཞེས་པས་སོ། །དེ་ལྟར་སྟོན་པས་བཀའ་འཁོར་ལོ་རིམ་པ་གསུམ་དུ་བསྐོར་ནས་འགྲོ་བའི་དོན་མཐར་ཕྱིན་པར་མཛད་དོ། །མཛད་པ་བཅུ་གཉིས་པ་མྱ་ངན་ལས་འདས་པ་ནི། རེ་ཞིག་འོས་སུ་གྱུར་པའི་གདུལ་བྱ་ཟད་པ་དང་། བཞུགས་པ་དོན་མེད་པ་དང་། སྐྱེས་པའི་མཐའ་བསྟན་པས་འཁོར་བ་ལས་ཡིད་འབྱུང་པ་དང་། སྐུ་གདུང་ལ་མཆོད་པ་འབུལ་བའི་ཕྱིར། སྟོན་པ་དགུང་ལོ་བརྒྱད་ཅུ་ཐམ་པ་སྤྲེའུ་ཡི་ལོ་ལ། གདུལ་བྱའི་ལྷག་མ་དྲི་ཟའི་རྒྱལ་པོ་རབ་དགའ་དང་། །ཀུན་ཏུ་རྒྱུ་ལག་བཟང་ལམ་ལ་བཀོད་ནས། དགོངས་པ་ཡོངས་སུ་མྱ་ངན་ལས་འདའ་བར་བཞེད་དེ། ཡུལ་རྒྱ་གར་ལྷོ་ཕྱོགས་གྱད་སྟོབས་པོ་ཆེ་འབྱུང་བའི་གནས། ཆུ་རླུང་ཆེན་པོ་ཧ་རི་ལ་བྷེ་ཏའི་འགྲམ། ཤིང་སཱ་ལའི་དབང་པོའི་དྲུང་དུ། དགོངས་པ་ཡོངས་སུ་མྱ་ངན་ལས་འདའ་བར་ཉེ་བའི་ཚེ། འཁོར་རྣམ་བཞིས་ཞུ་བ་རྣམ་པ་བཞི་ཞུས་ཏེ། ད་ནི་སྟོན་པ་ཡོངས་སུ་མྱ་ངན་ལས་འདའ་བར་ཉེ་བས། བདག་ཅག་རྣམས་ཀྱི་སྟོན་པ་ནི་གང་ལ་བགྱི། ཐེ་ཚོམ་ནི་སུས་སེལ། འདོད་ལྡན་སྡིག་ཏོ་ཅན་ལྷས་བྱིན་དང་། ཁྱིམ་པ་སུན་འབྱིན་པར་བྱེད་པའི་དྲུག་སྡེ་འདི་སུས་འདུས། བཀའ་སྡེ་སྣོད་རྣམ་པ་གསུམ་པོ་འདིའི་བསྡུ་བ་ཇི་ལྟར་བགྱི། ཞེས་ཞུས་པ་དང་། བཅོལ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་དོན་དུ་ང་ལ་ཞུས་པ་ལེགས་སོ། །ཁྱེད་ལེགས་པར་ཉོན་ལ་ཡིད་ལ་ཟུངས་ཤིག་ངས་བཤད་དོ། །ང་འདས་པའི་འོག་ཏུ་ཁྱེད་རྣམས་ཀྱི་སྟོན་པ་ནི། སོ་སོ་ཐར་པར་ལ་གྱིས་ཤིག །ཐེ་ཚོམ་ནི་སྡེ་སྣོད་རིན་པོ་ཆེ་རྣམས་པ་གསུམ་དང་བསྟན་ལ་སོལ་ཅིག །ལྷས་བྱིན་དང་དྲུག་སྡེ་ནི་འདུལ་མི་དགོས་ཏེ་རང་ཐུལ་ལོ། །ངའི་བཀའ་བསྡུ་བ་བྱེད་པའི་དུས་སུ་ཆོས་ཐམས་ཅད་ཀྱི་དབུར། འདི་སྐད་བདག་གི་ཐོས་པའི་དུས་གཅིག་ན་ཞེས་བྲིས་ཞིག་གཞུག་ཏུ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཞེས་པ་བྲིས་ཤིག །ངའི་མཛད་པ་ནི་བཅུ་གཉིས་ཀྱིས་རྫོགས་ཏེ། དེ་ལས་གཞན་པ་ནི་མེད་དོ་གསུངས་ནས་སྐུ་མྱ་ངན་ལས་འདའ་བའི་ཚུལ་བསྟན་ཏེ། བྱེ་བྲག་ཏུ་བཤད་པ་ལས་ཀྱང་། ཆོས་འཁོར་གནས་དང་ཡངས་པ་ཅན། །ས་དཀར་ཅན་དང་ལྷ་ཡི་གནས། བྱིས་པ་བསོད་དང་ཀོའུ་ཤམ་བྷི། །འབྲོག་དང་མཆོད་རྟེན་རི་དང་ནི། །འོད་མའི་གྲོང་དང་སྒྲར་བཅས་དང་། །སེར་སྐྱའི་གནས་ཀྱི་གྲོང་ཁྱེར་དུ། །དེ་རྣམས་སུ་ནི་ཐུབ་པ་ཡི། །སེར་སྐྱའི་གནས་ཀྱི་གྲོང་ཁྱེར་དུ། །དེ་རྣམས་སུ་ནི་ཐུབ་པ་ཡི། །སྐྱེས་མཆོག་ལོ་རེ་ལོ་རེ་བཞུགས། །ཉིས་ཤུ་རྩ་གསུམ་མཉན་ཡོད་དུ། །སྨན་གྱི་གནས་སུ་ལོ་བཞི་སྟེ། །འབར་བའི་ཕུག་གི་གནས་སུ་གཉིས། །རྒྱལ་པོའི་ཁབ་ཀྱི་གྲོང་དུ་ལྔ། །དགའ་བ་སྤྱད་པ་ལོ་དྲུག་སྟེ། ཉི་ཤུས་རྩ་དགུ་ཁབ་ཏུ་གནས། །རྒྱལ་བ་དེ་ལྟར་བརྒྱད་ཅུ་ལ། །ཐུབ་མཆོག་དམ་པ་མྱ་ངན་འདས། །ཞེས་བཤད་དོ། །ཕྲན་ཚེགས་ལས། ཀུན་དགའ་བོ་དེ་བཞིན་གཤེགས་པ་ནི་ན་ཚོད་བརྒྱད་ཅུ་ལོན་ཏེ། སྐུ་བགྲེས་ཁོགས་གཏུགས་པར་གྱུར་ཏེ། ཞེས་གསུངས་པ་དང་། གསེར་འོད་ལས། སྐུ་ཚེ་བརྒྱད་ཅུ་ཞིག་ཐུབ་སྟེ། །ཞེས་པས། སྐུ་ཚེ་ནི་བརྒྱད་ཅུ་ཁོ་ན་ཡིན་ལ། ཁ་ཅིག་ཀུན་ཏུ་རྒྱུ་རབ་བཟང་དང་། དྲི་ཟར་རབ་དགའ་འདུལ་བ་ལ་ལོ་རེ་རེ་བཞུགས་པའམ། བྲམ་ཟེ་སུ་ག་ཏྲ་དང་། གསེར་འདོ་ལས། སྐུ་ཚེ་བརྒྱད་ཅུ་ཞིག་ཐུབ་སྟེ། །ཞེས་པས། སྐུ་ཚི་ནི་བརྒྱད་ཅུ་ཁོ་ན་ཡིན་ལ། ཁ་ཅིག་ཀུན་ཏུ་རྒྱུ་རབ་བཟང་དང་། དྲི་ཟ་རབ་དགའ་འདུལ་བ་ལ་ལོ་རེ་རེ་བཞུགས་པའམ། བྲམ་ཟེ་སུ་ག་ཏྲ་དང་། ཁྱིམ་བདག་དཔལ་སྐྱེས་གཉིས་ཀྱིས་གསེར་གྱི་པདྨ་རེ་དང་། ཨུཏྤལ་རེ་ཕུན་ནས་གསོལ་བ་བཏབ་པའི་དོན་དུ་ལོ་གཉིས་ཏེ། བརྒྱད་ཅུ་རྩ་གཉིས་ལ་འདས་པའང་ཟེར། མྱང་འདས་ཆེན་པོའི་མདོ་ལས། དཔྱིད་ཟླ་ཐ་ཆུང་ས་གའི་ཟླ་བའི་ཚེས་བཅོ་ལྔའི་མཚན་མོའི་གུང་ཐུན་ལ་འདས་པར་བཤད། ཕྲན་ཚེགས་ཀྱི་འབྲེལ་པར་སྟོན་ཟླ་ཐ་ཆུག་སྨིན་དྲུག་ཟླ་བའི་དཀར་ཕྱོགས་ཀྱི་ཚེས་བརྒྱད་ཀྱི་གུང་མཐུན་ལ་འདས་པར་བཞེད། སྐུ་གདུང་སྦྱངས་པས། རིང་བསྲེལ་བྲེ་བོ་ཆེ་བརྒྱད་བྱུང་སྟེ། ཆ་བརྒྱད་དུ་བགོས་ཏེ་མཆོད་པ་རྒྱས་པར་བྱས་སོ། །འདུལ་བ་ལུང་ཕྲན་ཚེགས་ལས། སྤྱན་ལྡན་སྐུ་གདུང་བྲེ་བོ་བརྒྱད་དག་ལས། །བདུན་ནི་འཛམ་བུ་གླིང་པས་མཆོད་པར་ཐོབ། །སྐྱེས་མཆོག་སྐུ་གདུང་བྲེ་བོ་གང་ཞིག་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །མཆེ་བ་གཅིག་ནི་རྩ་གསུམ་འཇིག་རྟེན་མཆོད། གཉིས་པ་ཚིག་འཛིན་གྲོང་ཁྱེར་ཡིད་འོང་ན། གསུམ་པ་ཀ་ལིང་རྒྱལ་པོའི་ཡུལ་ན་སྟེ། །སྐྱེས་མཆོག་དེ་ཡི་མཆེ་བ་བ་བཞི་པ་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །ཅེས་སོ། །མཆོད་རྟེན་གྲོང་དེ་ཉིད་ཀྱི་ནང་། ལམ་གྱི་བཞི་མདོར་དབྱིབས་ཟླུམ་པོ་བང་རིམ་བཅུ་གསུམ་པ་འཁོར་ལོ་བཅུ་གསུམ་བརྩེགས་པ་བང་རིམ་རེ་རེ་བཞིན་ཕྱོགས་ཕྱོགས་སུ་སྒོ་རེ་རེ་བཏོད་པ་བཞེངས་སོ། །འཁོར་ཕུན་སུམ་ཚོགས་པ། གསུམ་པ་འཁོར་ལ་གསུམ་སྟེ། ཉིད་ལས་མི་ཞན་པའི་འཁོར་དང་། ལྷན་ཅིག་པ་དང་། གོ་ཕྱེ་བའི་འཁོར་རོ། །ཉིད་ལས་མི་ཞན་པའི་འཁོར། དང་པོ་ནི་ས་བཅུ་རྒྱུན་མཐའི་བྱང་ཆུབ་སེམས་དཔའ་རྣམས་ཏེ། དེ་རྣམས་དང་། སྤངས་པ་དང་ཡེ་ཤེས་ཁྱད་པར་མེད་པའི་ཕྱིར་རོ། །ལྷན་ཅིག་པའི་འཁོར། ལྷན་ཅིག་པའི་འཁོར་ལ་གཉིས་ཏེ། བྱང་ཆུབ་སེམས་དཔའ་དང་། ཉན་ཐོས་སོ། །བྱང་ཆུབ་སེམས་དཔའ་ལ་གསུམ། ངོ་བོ། །ངེས་ཚིག །དབྱེ་བའོ། །ངོ་བོ་ནི། སྔོན་བྱུང་གི་དུས་ན། ཁྱིམ་པ་དང་། རབ་ཏུ་བྱུང་བ་དང་། ཁྱེའུ་དང་། བུ་མོའི་གཟུགས་སུ་གདུག་པ་སྟེ། ཉན་ཐོས་དང་། རང་སངས་རྒྱས་ཀྱིས་སེམས་ལས་རིང་དུ་གྱུར་པའི་རྟེན་གྱི་གང་ཟག་གོ །གཉིས་པ་ངེས་ཚིག་ནི། ལས་ཀྱི་སྒྲིབ་པའི་ཚོགས་བྱང་པ། ལམ་གྱི་ཡོན་ཏན་གྱིས་ཕྱག་པ། གདུལ་བྱ་གཞན་དོན་དུ་སེམས་པའོ། །གསུམ་པ་དབྱེ་བ་ལ་བཞི་སྟེ། མོས་པས་སྤྱོད་པའི་བྱང་ཆུབ་སེམས་དཔའ། ཐུགས་དང་པོ་བསྐྱེད་པའི་བྱང་ཆུབ་སེམས་དཔའ། ལམ་ལ་ཞུགས་པའི་བྱང་ཆུབ་སེམས་དཔའ། ས་ལ་གནས་པའི་བྱང་ཆུབ་སེམས་དཔའ་དང་བཞིའོ། །དང་པོ་མོས་པས་སྤྱོད་པའི་བྱང་ཆུབ་སེམས་དཔའ་ནི། བྱང་ཆུབ་མཆོག་ཏུ་སེམས་བསྐྱེད་ནས་འགྲོ་བའི་དོན་བྱེད་པས། མོས་པས་སྤྱོད་ཅིང་མོས་པས་བསྒྲུབས་ཏེ། དེ་ཡང་བཀའ་རྒྱས་པ་ལས། བྱང་ཆུབ་སེམས་དཔའ་གང་ཞིག་ཐེག་པ་ཆེན་པོ་ལ་དགའ་བ་དང་། མོས་པ་དང་། དད་པ་དང་། འདུན་པ་རབ་ཏུ་སྐྱེས་སོ། །ཞེས་སོ། །གཉིས་པ་སེམས་བསྐྱེད་པའི་བྱང་ཆུབ་སེམས་དཔའ་ནི། མ་འབྲེལ་ཁས་ལེན་གྱི་སེམས་མ་བསྐྱེད་པར། ཡང་དག་དོན་གྱིས་སེམས་བསྐྱེད། སྟོང་པ་དང་སྙིང་པོ་དབྱེར་མེད་རྒྱུད་ལ་སྐྱེས་ཏེ། བསྟན་པའི་རྩ་བ་བཙུགས་པའོ། །དེ་ཡང་སྡུད་པ་ལས། དང་པོ་བྱང་ཆུབ་མཆོག་ཏུ་སེམས་བསྐྱེད་བསྐྱེད་པ་ནས། ཐ་མ་འདྲེན་པ་རྣམས་ཀྱི་དམ་ཆོས་ཟད་ཀྱི་དུས་ཞེས་སོ། །གསུམ་པ་ལམ་ལ་ཞུགས་པའི་བྱང་ཆུབ་སེམས་དཔའ་ལ་ལྔ་སྟེ། ཚོགས་ལམ་གྱི་བྱང་ཆུབ་སེམས་དཔའ། སྦྱོར་ལམ་གྱི། མཐོང་ལམ་གྱི། སྒོམ་ལམ་གྱི། མཐར་ཕྱིན་པའི་ལམ་གྱི་བྱང་ཆུབ་སེམས་དང་ལྔའོ། །བཞི་པ་ས་ལ་གནས་པའི་བྱང་ཆུབ་སེམས་དཔའ་ལ་བཅུ་སྟེ། གཉིས་པ་དྲི་མ་མེད་པའི། གསུམ་པ་འོད་འཕྲོ་བའི། བཞི་པ་འོད་བྱེད་པའི། ལྔ་པ་སྦྱང་དཀའ་བའི། དྲུག་པ་མངོན་དུ་གྱུར་པའི། བདུན་པ་རིང་དུ་གྱུར་པའི། བརྒྱད་པ་མི་གཡོ་བའི། དགུ་པ་ལེགས་པའི་བློ་གྲོས་ཀྱི། བཅུ་པ་ཆོས་ཀྱི་སྦྲིན་གྱི་བྱང་ཆུབ་སེམས་དཔའ་དང་བཅུའོ། །དེ་རྣམས་ཀྱ་བསྡུ་ན་གཉིས་སུ་འདུས་ཏེ། ས་དང་པོ་ནས་བདུན་པ་མན་ཆད་ལ། རྒྱུའི་བྱང་ཆུབ་སེམས་དཔའ་ཟེར། ས་དང་པོ་དགུ་པ་བཅུ་པ་མན་ཆད་ལ། རྒྱུའི་བྱང་ཆུབ་སེམས་དཔའ་ཟེར། བརྒྱད་པ་དགུ་པ་བཅུ་པ་གསུམ་ལ་གནས་པ་ནི། དག་པ་ས་སུམ་མམ། ས་ཆེན་པོ་ལ་རབ་ཏུ་གནས་པ་འབྲས་བུའི་བྱང་ཆུབ་སེམས་དཔའ་ཟེར་ཏེ། ས་སྙིང་ལ་སོགས་པ་བསྐལ་བཟང་གི་སེམས་དཔའ་བརྒྱད་ལྟ་བུའོ། །དེ་དག་གི་ནང་ནས་ཀྱང་རྟག་ཏུ་ཕྱི་བཞིན་འབྲེང་བའི་འཁོར་ནི་ཁྱད་པར་ཅན་གྱི་སེམས་དཔའ་བཞི་སྟེ། བྱམས་པ། འཇམ་དབྱངས། ཕྱག་རྡོར། སྤྱན་རས་གཟིགས་དབང་ཕྱུག་གོ །དེ་རྣམས་ཐུབ་པ་ཆེན་པོ་ཉིད། བཞེངས་བཞུགས་གཤེགས་གཟིམས་ཀྱི་སྤྱོད་ལམ་ཐམས་ཅད་དུ། བཞེངས་བཞུགས་གཤེགས་གཟིམས་ཀྱི་སྤྱོད་ལམ་ཐམས་ཅད་དུ། ལུས་དང་གྲིབ་མ་བཞིན་རྟག་དུ་མི་འབྲལ་བའི་ཕྱིར་རོ། །དེ་ལྟ་བུའི་སེམས་དཔའ་བཞི་པོ་དེ། སྐུ་གང་དུ་བཞུགས་ནས་འཕྲིན་ལས་གང་དུ་མཛད་ཅེ་ན། བྱམས་པ་ནི་དགའ་ལྡན་དུ་བཞུགས་ནས་འཕྲིན་ལས་གང་དུ་མཛད་ཅེ་ན། བྱམས་པ་ནི་དགའ་ལྡན་དུ་བཞུགས་ནས་འཕྲིན་ལས་ལྷ་ཡུམ་ན་དར་རོ། །འཇམ་དབྱངས་ནི་རི་ངོ་རྩེ་ལྔར་བཞུགས་ནས་འཕྲིན་ལས་བྱང་ཕྱོགས་ཤམ་བྷ་ལར་བདེ་འཛིན་དར་རོ། །ཕྱག་ན་རྡོ་རྗེ་ནི་ལྕང་ལོ་ཅན་དུ་བཞུགས་ནས་འཕྲིན་ལས་ནུབ་ཕྱོགས་ཨུ་རྒྱན་ན་དར་རོ། །སྤྱན་རས་གཟིགས་ནི་རི་བོ་པོ་ཏ་ལར་བཞུགས་ནས་འཕྲིན་ལས་བོད་ཁ་བ་ཅན་གྱི་རྒྱལ་ཁམས་སུ་དར་རོ། །དེ་རྣམས་ཐུགས་རྒྱུད་ཡེ་ཤེས་སུ་སྣང་བས། སྔོན་དུ་སངས་རྒྱས་ཟིན་ཀྱང་། ལམ་དུས་འཕགས་པར་གནས་ནས། སྟོན་པའི་བྱ་བ་བྱེད་པ་ལ་འཁོར་གྱི་ཚུལ་དུ་བསྟན་པ་ཡིན་ནོ། །གཉིས་པ་ཉན་ཐོས་ལའང་། ངོ་བོ། །ངེས་ཚིག་དབྱེ་བའོ། །ངོ་བོ་ནི་སྔོན་བྱུང་གི་དུས་ན། འཁོར་ལྔ་སྡེ་བཟང་པོ་ལ་སོགས་པ། དགེ་སློང་གི་དགེ་འདུན་ལྔ་སྟོང་བཞུགས་པ་དེའོ། །དེ་ཡང་མདོ་ལས། དགེ་སློང་གི་དགེ་འདུན་ལྔ་སྟོང་དང་ཐབས་ཅིག་གོ །ཞེས་པའོ། །གཉིས་པ་ངེས་ཚིག་ནི། དུས་བསྐལ་པ་གྲངས་མེད་པར་རྐྱེན་དགེ་བའི་བཤེས་གཉེན་ལ་ཆོས་གཉན་ཞིང་ཐོས་པ་བྱེད་དགོས་པའོ། །དེ་ཡང་སྡུད་པ་ལས། བྱང་ཆུབ་སེམས་དཔའ་མི་འགའ་བསྐལ་བ་བྱེ་བ་གྲངས། །རིང་པར་འདུ་ཤེས་ཡུན་རིང་བར་དུ་སྡུག་བསྔལ་སྒྲུབ། །ཅེས་སོ། །གསུམ་པ་ཉན་ཐོས་ཀྱི་དབྱེ་བ་ལ་བཞི་སྟེ། ཚུལ་རྟགས་འཛིན་པའི་ཉན་ཐོས་དང་། ཞི་བ་འགྲོད་པའི་ཉན་ཐོས་དང་། སྤྲུལ་པའི་ཉན་ཐོས་དང་། གྲུབ་མཐའ་འཛིན་པའི་ཉན་ཐོས་སོ། །དེ་ཡང་ཚུལ་རྟགས་འཛིན་པའི་ཉན་ཐོས་ནི། ཉན་ཐོས་ཀྱི་ཚུལ་ལམ་རྟགས་ཙམ་བཟུང་ནས། དོན་ཐེག་པ་ཆེན་པོ་སྟེ། ཀུན་དགའོ་ལ་སོགས་པའོ། །ཞི་བ་བགྲོད་པའི་ཉན་ཐོས་ནི། ཉན་ཐོས་འགོག་པ་རྣམས་སོ། །སྤྲུལ་པའི་ཉན་ཐོས་ནི། རབ་འབྱོར་དང་། ཤཱ་རིའི་བུ་ལ་སོགས་པོའོ། །དེ་རྣམས་བསླབ་པའི་མཐུན་ཕྱོགས་གཙོ་བོར་གཏོགས་པའོ། །བསླབ་པ་ནི་མི་མཐུན་ཕྱོགས་གཙོ་བོར་སྟོན་པའི་སྤྲུལ་པ་ནི། དབྱེ་ན། ཉན་ཐོས་སྡེ་དྲུག་གང་ཞེ་ན། འཆར་ཀ་འདུལ་ཀ་གཉིས། དགའ་བོ་ཉེར་དགའ་གཉིས། འགྲོ་བཟང་བློ་འགྱོགས་གཉིས་ཏེ་དྲུག་གོ །གྲུབ་མཐའ་འཛིན་པའི་ཉན་ཐོས་ལ་གཉིས་ཏེ། བྱེ་བྲག་ཏུ་སྨྲ་བ་དང༌། མདོ་སྡེ་པ་གཉིས་སོ། །དེ་ཡང་མངོན་རྟོགས་ལས། རབ་རྒྱུད་ཟབ་མོའི་ཆོས་ལ་སྐྲག །སྙོམས་འཇུག་གསུམ་གྱིས་ཞི་བ་བགྲོད། །རབ་འབྱོར་ལ་སོགས་སྤྲུལ་པ་བ། །གྲུབ་མཐའ་འཛིན་པ་རྣམ་གཉིས་ཏེ། །བྱེ་བྲག་སྨྲ་དང་མདོ་སྡེ་བ། ཕྱི་རོལ་རྡུལ་ལ་རབ་ཏུ་བརྩོད། །ཅེས་སོ། །དེ་རྣམས་སྟོན་པ་བཞུགས་པའི་ཚེ། ཞལ་མཐོང་གསུང་ཐོས་ཏེ། དངོས་སུ་བཀའ་ལ་གནས་པས་ལྷན་ཅིག་པའི་འཁོར་ཅེས་སོ། །གོ་ཕྱེ་བའི་འཁོར། གསུམ་པོ་གོ་ཕྱེ་བའི་འཁོར་ནི། སྟོན་པ་སྐུ་མྱ་ངན་ལས་འདས་ནས། སྟོན་པའི་བསྟན་པ་ལ་བཞུགས་ཏེ། བཀའ་རྗེས་སུ་སྒྲུབ་ཅིང་གསུང་དང་དུ་ལེན་པ་རྣམས་སོ། །བསྟན་པ་ཕུན་སུམ་ཚོགས་པ། བཞི་པ་བསྟན་པ་ནི། རྒྱས་པར་ཉོམ་མོངས་པ་བརྒྱད་ཁྲི་བཞི་སྟོང་གི་གཉེན་པོར། ཆོས་ཀྱི་སྒྲོ་མོ་བརྒྱད་ཁྲི་བཞི་སྟོང་གསུངས་ལ། འབྲིང་དུ་ཉོན་མོངས་པ་ཕྲ་རགས་བཅུ་གཉིས་ལ་དགོངས་ཏེ། གསུང་རབ་ཡན་ལག་བཅུ་གཉིས་སུ་གསུངས་ཤིང་། བསྡུས་པར་ཉོན་མོངས་པ་དུག་གསུམ་འདུལ་བའི་གཉེན་པོར། སྡེ་སྣོད་གསུམ་དུ་བསྟན་པའོ། །ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གསུངས་ཚོལ། དང་པོ་བརྒྱད་ཁྲི་བཞི་སྟོང་གསུངས་པ་ནི། །ཀུན་བྱེད་ལས། འདོད་ཆཊའདུལ་བའི་གཉེན་པོར་གསུངས་པ་ནི། འདུལ་བའི་སྡེ་སྣོད་ཉིས་ཁྲི་ཆིག་སྟོང་གསུངས། །ཞེ་སྡང་འདུལ་བའི་གཉེན་པོར་གསུངས་པ་ནི། །མདོ་སྡེའི་སྡེ་སྣོད་ཉིས་ཁྲི་ཆིག་སྟོང་གསུངས། གཏི་མུག་འདུལ་བའི་གཉེན་པོར་གསུངས་པ་ནི། །མངོན་པའི་སྡེ་སྣོད་ཉིས་ཁྲི་ཆིག་སྟོང་གསུངས། །དུག་གསུམ་ཆ་མཉམ་འདུལ་བའི་གཉེན་པོར་ནི། །སྡེ་སྣོད་གསུམ་ལས་ཉིས་ཁྲི་ཆིག་སྟོང་གསུངས། །སྤྱི་རུ་བརྒྱད་ཁྲི་བཞི་སྟོང་གསུངས་པ་ཡང་། །དུག་གསུམ་གཉེན་པོས་འདུལ་ཕྱིར་གསུངས་པ་ཡིན། །ཅེས་པ་དང་། ལྷ་མོ་བཞིས་ཞུས་པའི་མདོ་ལས་ཀྱང་། སེམས་ཅན་ཉོན་མོངས་པ་འདོད་ཆཊ་ལས་གྱུར་པ་ཉི་ཁྲི་ཆིག་སྟོང་ཡོད་པས། དེའི་གཉེན་པོར་གདུལ་བྱ་ལ་འདུལ་བས་མི་སྡུག་པ་བསྒོམ་ཐབས་ཉིས་ཁྲི་ཆིག་སྟོང་བཀའ་སྩལ། ཉོན་མོངས་པ་ཞེ་སྡང་ལ་ནང་མི་མཐུན་པ་ཉིས་ཁྲི་ཆིག་སྟོང་ལ། དེའི་གཉེན་པོར་མདོ་སྡེ་ལས་བྱམས་པ་བསྒོམ་ཐབས་ཉིས་ཁྲི་ཆིག་སྟོང་གི་གཉེན་པོར། མངོན་པ་ལས་རྟེན་འབྲེལ་བསྒོམ་ཐབས་ཉིས་ཁྲི་ཆིང་སྟོང་བཀའ་སྩལ། དུག་གསུམ་ཆ་མཉམ་པ་ལས་གྱུར་པ་ཉིས་ཁྲི་ཆིག་སྟོང་གི་གཉེན་པོར་ཁམས་ཀྱི་རབ་ཏུ་དབྱེ་བ་ཉིས་ཁྲི་ཆིག་སྟོང་བཀའ་སྩལ་ཏོ། །ཞེས་པ་དང་། མདོ་ལས་ཀྱང་། འདོད་ཆགས་ཤས་ཆེ་མི་སྡུག་ཤ་ཚིལ་དང་། པགས་པ་སྟེང་རུས་བལྟས་པས་རྣམ་པར་གྲོལ། །ཞེ་སྡང་མེ་ལ་བྱམས་པའི་ཆུ་ཡིས་བསད། གཏི་མུག་ལ་་ནི་རྟེན་འབྲེལ་ལམ་གྱིས་སོ། །ཞེས་པ་དང་། ལྷའི་མདོ་ལས་ཀྱང་། ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་གི་ནི་གྲངས་སྙེད་ཀྱི། །ཞེས་གསུངས་སོ། །ཆོས་ཀྱི་སྒོ་མོ་འམ། ཕུང་པོ་ཞེས་བྱ་བ་ནི། ལ་ལ་ན་རེ། ས་རྡོ་རི་བྲག་ཐམས་ཅད་ལ་ཤོག་བུ་བྱས། རྩི་ཤིང་ནགས་ཚལ་ཐམས་ཅད་ལ་སྨྱ་གུ་བྱས། ཆུ་ཐམས་ཅད་ཀྱིས་སྣག་ཚ་བྱས། འགྲོ་བ་སེམས་ཅན་ཐམས་ཅད་ཀྱིས་ཡིག་མཁན་བྱས་ནས་བྲིས་པ་ཙམ་ཞིག་ལ་ཆོས་ཀྱི་ཕུང་པོ་གཅིག་ཟེར་རོ། །ཁ་ཅིག་ན་རེ། རྟ་ཁལ་བརྒྱ་ལ་གླང་ཆེན་ཁལ་གཅིག །གླང་ཅེན་གྱི་ཁལ་བརྒྱ་ལ་རབ་བརྟན་གྱི་གཅིག་དེ་ལྟ་བུ་བརྒྱ་ལ་ཆོས་ཀྱི་མོའམ་ཕུང་པོ་གཅིག་ཟེར་ཏེ། ཐོག་མཐའ་གཉིས་ནི། སྔ་མ་མངས་ལ་ཕྱི་མ་ཉུང་བས་བརྒྱད་ཁྲི་བཞི་སྟོང་གི་གྲངས་རྩིར་མ་བཏུབ་པར། སྔ་མ་མངས་ལ་ཕྱི་མ་ཉུང་བས་བརྒྱད་ཁྲི་བཞི་སྟོང་གི་གྲངས་རྩིར་མ་བཏུབ་པར། སྔ་མ་ལ་སྒོ་མོ་གཅིག་ལས་མི་འོང་། ཕྱི་མ་ལ་ཚིག་ལེའུར་བྱས་པ་བྱེ་བ་ཕྲག་བརྒྱ་དང་། འབུམ་ཕྲག་བཞི་བཅུ་ལས་མེད་པས། ཆོས་ཚོ་མི་འདུས་སོ། །དེ་བས་ན་བར་མ་ལ་བྱའོ། །ཡང་ན་ཆོས་ཀྱི་སྒོ་མོ་ནི། ཤོ་ལོ་ཀ་ལ་སོགས་བུངས་ལ་མི་བྱ་བར། ཆོས་ཀྱི་ནང་རིགས་མི་འདྲ་བ་རེ་ལ་བྱའམ་དཔྱད་དེ། ཉོན་མོངས་པ་གང་སྐྱེས་རེའི་གཉེན་པོར་གང་འགྲོ་ཞིག་ལ་ཆོས་ཀྱི་སྒོ་མོ་གཅིག་བྱ་སྐད་དོ། །གཞི་མ་གང་ལ་བཞག་ཀྱང་། དེ་ཉིད་གཅིག་ནས་གཉིས་སུ་བགྲངས་པས་བརྒྱ་ཕྲག་བཅུ་ལ་སྟོང་། སྟོང་ཕྲག་བཅུ་ལ་ཁྲི། ཕྲི་ཕྲག་བརྒྱད་དང་སྟོང་ཕྲག་བཞི་ལ་བརྒྱད་ཁྲི་བཞི་སྟོང་ཞེས་བྱའོ། །གསུང་རབ་ཡན་ལག་བཅུ་གནིས་སུ་འདུས་ཚུལ། གཉིས་པ་ནི། བརྒྱད་ཁྲི་བཞི་སྟོང་པོ་དེ་དག་གསུང་རབ་ཡན་ལག་བཅུ་གཉསི་སུ་འདུས་ཏེ། ཀུན་བྱེད་ལས། མདོ་སྡེ་ལ་ཡང་བཤད་ལུགས་བཅུ་དང་གཉིས་སོ་སོར་དབྱེ་བའི་དོན་དུ་བསྟན་པ་ཡིན། ཞེ་པ་དང་། བརྒྱད་སྟོང་པའི་འགྲེལ་པ་སྙིང་པོ་མཆོག་ལས། མདོ་སྡེ་དབྱངས་བསྙད་ལུང་དུ་བསྟན། །ཚིགས་བཅད་ཆེད་བརྗོད་གླེང་བཞི་དང་། །རྟོགས་བརྗོད་དེ་ལྟ་བུ་བྱུང་དང་། །སྐྱེས་རབས་ཤིན་ཏུ་རྒྱས་པ་དང་། །རྨད་བྱུང་གཏན་ལ་དབབ་པ་དག གསུང་རབ་ཡན་ལག་བཅུ་གཉིས་ཡིན། །ཞེས་སོ། །དེ་ལ་མདོའི་སྡེ་ནི་པའི་དོན་སྨོས་པའི་ཚུལ་གྱིས་རྐྱང་པར་གསུངས་པའོ། །དེ་ཅིའི་ཕྱིར་ཕྱེ་སྟེ་མ་གསུངས་ཞེ་ན། ཀུན་ལས་བཏུས་སུ། ཕན་ཡོན་བཅུ་གཟིགས་ནས་དེ་བཞིན་གཤེགས་པ་སྨོས་པའི་ཚུལ་གྱི་ཆོས་སྟོན་ཏེ། རྣམ་པར་བཞག་སླ་བ་དང་། བཤད་སླ་བ་དང་། གཟུག་སླ་བ་དང་། ཆོས་ལ་གུས་པས་མྱུར་ཏུ་ཚོགས་ཡོངས་སུ་རྫོགས་པར་བྱེད་པ་དང་། མྱུར་ཏུ་ཆོས་ཉིད་རྟོགས་པར་འགྱུར་བ་དང་། སངས་རྒྱས་ལ་ཤེས་ནས་དད་པ་ཐོབ་པ་དང་། ཆོས་དང་དགེ་འདུན་ལ་ཤེས་ནས་དད་པ་ཐོབ་པ་དང་། མཐོང་བའི་ཆོས་བདེ་བར་གནས་པའི་མཆོག་ལ་རེག་པ་དང་། འབེལ་བའི་གཏམ་གྱིས་གཏན་ལ་འབེབས་པས་དམ་པ་རྣམས་ཀྱི་སེམས་མགུ་བར་བྱེད་དེ། མཁས་པ་ཞེས་བྱ་བའི་གྲངས་སུ་འགྲོའོ་ཞེས་སོ། །དབྱངས་ཀྱིས་བསྙད་པའི་སྡེ་ནི་མདོ་སྡེ་དེ་ཉིད་དུ་དབུས་དང་ཐ་མར་ཚིགས་སུ་བཅད་དེ་དབྱངས་ཀྱིས་བསྙད་པའམ། དྲངས་པའི་དོན་གྱི་མདོ་སྡེ་རྟོགས་པར་བྱེད་པས་དབྱངས་ཀྱིས་བསྙད་པའོ། །ལུང་དུ་བསྟན་པའི་སྡེ་ནི་ཉན་ཐོས་འདས་ཏེ་ཤི་བའི་དུས་བྱས་པ་དང་། འབྱུང་བ་ལུང་སྟོན་པ་དམ་པའི་ཆོས་པདྨ་དཀར་པོ་ལྟ་བུའམ། ཡང་ངེས་པའི་དོན་གྱི་མདོ་སྡེ་ནི། དེས་རྣམ་པར་ཕྱེས་ནས་དགོངས་པ་ལུང་སྟོན་པའི་ཕྱིར་ལུང་དུ་བསྟན་པའི་སྡེའོ། །ཚིགས་སུ་བཅད་པའི་སྡེ་ནི་ཚིགས་བཅད་དུ་སྦྱར་ནས་གསུངས་པ་སྟེ། དེ་ནི་བཅའ་བ་གཉིས་པ། དགེ་སློང་འདི་ནི་སྟོན་པ་སྟེ། །ཉེ་བར་ཞི་ཞིང་ཟག་པ་ཟད། ཅེས་པ་ལྟ་བུ་དང་། བཅའ་བ་གསུམ་པ། འདི་ནི་བདག་གི་སེམས་ཅན་མེད། །སྲོག་ཀྱང་ཡོད་པ་མ་ཡིན་ཏེ། །ཆོས་འདི་རྒྱུ་དང་བཅས་ལས་བྱུང་། །ཞེས་པ་ལྟ་བུ་དང་། བཅའ་བ་བཞི་པ། །ཆོས་རྣམས་ཐམས་ཅད་རྒྱུ་ལས་བྱུང་། །ཞེས་སོགས་ལྟ་བུ་དང་། བཅའ་བ་ལྔ་པ་དང་བཅའ་བ་དྲུག་པ་འདི་དག་འཁྲུལ་པའི་སྣང་བ་སྟེ། རྨི་ལམ་ཉམས་སུ་མྱོང་བ་བཞིན། །མ་རིག་འཁྲུལ་པའི་གཉིད་སད་ན། །འཁོར་བ་རྣམས་ནྱི་དམིགས་སུ་མེད། །དེ་ཡི་ཕྱིར་ན་འགའ་ཞིག་ལ། །བློ་སྐྱེ་མེད་པ་སངས་རྒྱས་ཡིན། །ཞེས་པ་ལྟ་བུའོ། །ཆེད་དུ་བརྗོད་པའི་སྡེ་ནི་རྣམ་བཤད་རིག་པར། གང་ཟག་གི་ཆེད་དུ་གསུངས་པ་མ་ཡིན་གྱི། བསྟན་པ་གནས་པར་བྱ་བ་འབའ་ཞིག་གི་ཕྱིར་གང་ཡིན་པ་སྟེ། ཞེས་སོ། །གང་ཡིད་རངས་ནས་བརྗོད་པ་སྟེ། དཔེར་ན། ཐུབ་པས་སྣོད་བཅུད་ཀྱི་ཞིང་སྦྱངས་པ་ན་སངས་རྒྱས་བཅོམ་ལྡན་འདས་ཀྱིས་དུལ་བ་ནི་ལེགས་སོ། །ཞི་བ་ནི་ལེགས་སོ། །གསུངས་པ་ལྟ་བུའོ། །གླིང་བཞིའི་སྡེ་ནི་གང་ཟག་འགའ་ཞིག་གི་ཆེད་དུ་གསུངས་པ་ལྟ་བུའོ། །གླེང་བཞིའི་སྡེ་ནི་གང་ཟག་འགའ་ཞིག་གི་ཆེད་དུ་གསུངས་པ་དང་། བྱུང་བ་དང་བཅས་པའི་བསླབ་པ་བཅསཔ་གསུངས་པ་དེ་ནོར་ཅན་ལ་མ་བྱིན་ལེན་གྱི་བསླབ་པ་བཅསཔ་ལྟ་བུའོ། །རྟོགས་པ་བརྗོད་པའི་སྡེ་ནི་དཔེ་དང་བཅས་པར་གསུངས་པ་སྟེ། དེ་དོན་གསལ་བར་བྱེད་པའི་ཕྱིར་རོ། །དེ་ལྟ་བུ་བྱུང་བའི་སྡེ་ནི། སྔོན་གྱི་སྦྱོར་བ་དང་ལྡན་པ་སྟེ། ཀེ་མོ་གོའུ་ཏ་མའི་གཏམ་རྒྱུད་ལྟ་བུའོ། །སྐྱེས་པ་རབས་ཀྱི་སྡེ་ནི་བྱང་ཆུབ་སེམས་དཔའི་སྤྱོད་པ་སྟོན་པ་སྟེ། ཐམས་ཅད་སྒྲོལ་གྱི་རྣམ་ཐར་ལྟ་བུའོ། །ཤིན་ཏུ་རྒྱས་པའི་སྡེ་ནི་བྱང་ཆུབ་སེམས་དཔའི་སྡེ་སྣོད་དང་ལྡན་པ་སྟེ། སེམས་ཅན་ཐམས་ཅད་ལ་ཕན་པ་དང་བདེ་བའི་གནས་ཡིན་དང་། རྒྱས་པ་དང་། རྒྱ་ཆེ་བ་དང་། ཟབ་པའི་རྣམ་པར་ཆོས་སྟོན་པའི་ཕྱིར་རོ། །སྒྲིབ་པ་ཐམས་ཅད་ཅད་རྣམ་པར་འཐག་པས་རྣམ་པར་འཐག་པ་ཞེས་བྱའོ། །གཞན་དང་མཚུངས་པ་མེད་པས་མཚུངས་བྲལ་ཞེས་བྱའོ། །ཆེན་པོ་བདུན་དང་ལྡན་པས་ཐེག་པ་ཆེན་པོ་ཞེས་བྱའོ། །རྨད་དུ་བྱུང་བའི་སྡེ་ནི་ཉན་ཐོས་དང་བྱང་ཆུབ་སེམས་དཔའ་དང་སངས་རྒྱས་རྣམས་ཀྱི་ངོ་མཚར་རྨད་དུ་བྱུང་བའི་ཆོས་བསྟན་པའོ། །གཏན་ལ་ཕབ་པར་བསྟན་པའི་སྡེ་ནི། གོང་དུ་ཆོས་ཀྱི་མཚན་ཉིད་ཕྱིན་ཅི་མ་ལོག་པར་བསྟན་པས་མདོ་ལ་སོགས་པའི་དོན་བཤད་པའོ། །སྡེ་སྣོད་གསུམ་དུ་འདུས་ཚུལ། གསུམ་པ་ནི། གསུང་རབ་ཡན་ལག་བཅུ་གཉིས་ཀྱང་སྡེ་སྣོད་གསུམ་དུ་འདུས་ཏེ། དེ་ཡང་། ཐེག་པ་ཆེན་པའི་ལུགས་དང་། ཆུང་ངུའི་བསྡུ་ལུགས་དང་། ཐུན་མོང་གི་བསྡུ་ལུགས་གསུམ་ལས། ཐ་མ་ལྟར་ན། དང་པོར་མདོ་དང་། དབྱངས་བསྙད། ལུང་བསྟན། ཚིགས་བཅད། ཆེད་བརྗོད་ལྔ་ནི་འདུལ་བ། དེ་འོག་གླེང་བཞིའི་སྡེ་དང་། རྟོགས་བརྗོད། དེ་བྱུང་སྐྱེས་པ་རབས། རྒྱས་དང་། རྨད་བྱུང་དྲུང་པོ་མདོ་སྡེ་ཐ་མ་གཏན་ལ་ཕབ་པའི་སྡེ་མངོན་པར་འདུས་པའོ། །དེས་ན་ཉོན་མོངས་པ་དུག་གསུམ་དུ་བསྟན་པས། དེ་འདུལ་བའི་གཉེན་པོར་སྡེ་སྣོད་གསུམ་དུ་བསྟན་པ་སྟེ། ཀུན་བྱེད་ལས། འདོད་ཆགས་ཞེ་སྡང་གཏི་མུག་རྣམ་གསུམ་བྱུང་། །དེ་དག་འདུལ་བའི་གཉེན་པོར་སྡེ་སྣོད་གསུམ། །ཞེས་པས། ཉོན་མོངས་པ་དུག་གསུམ་པོ་དེ་དག་འདུལ་བའི་གཉེན་པོར་སྡེ་སྣོད་རིན་པོ་ཆེ་གསུམ་གསུངས་ཏེ། དེ་ཡང་སྡེ་ནི་བརྗོད་བྱའི་སྡེ་ལ། སྣོད་ནི་དེ་བསྡུས་པའི་ཕྱིར་ཏེ། དཔེར་ན་ནས་སྡུད་པའི་སྣོད་ལ་ནས་སྣོད་ཅེས་བརྗོད་པ་བཞིན་ནོ། །གསུམ་པ་ནི་གྲངས་ངེས་པ་སྟེ། ལྷག་པ་ཚུལ་ཁྲིམས་ཀྱི་བསླབ་པ་གཙོར་སྟོན་པ་འདུལ་བ་དང་། ལྷག་པ་ཏིང་ངེན་འཛིན་གྱི་བསླབ་པ་གཙོར་སྟོན་པ་མདོ་སྡེ་དང་། ལྷག་པ་ཤེས་རབ་ཀྱི་བསླབ་པ་གཙོར་སྟོན་པ་མངོན་པའོ། །དེ་ཡང་འདུལ་བ་ཞེས་ཅིའི་ཕྱིར་བྱ་ཞེ་ན། ལུང་དང་ངེས་པར་འབྱུང་བ་དང་། །བཅའ་བཞི་དང་ནི་རབ་འབྱེད་དང་། །དེ་ཉིད་འདུལ་བ་ཉིད་སྤྱོད་པའོ། །ཞེས་པའོ། །མདོ་སྡེ་ཞེས་ཅིའི་ཕྱིར་བྱ་ཞེ་ན། གནས་རྣམས་དང་ནི་མཚན་ཉིད་དང་། །ཆོས་དོན་སྟོན་པས་མདོ་སྡེར་བཤད། །ཅེས་པའོ། །མངོན་པ་ཞེས་ཅིའི་ཕྱིར་བྱ་ཞེ་ན། མངོན་དུ་བྱ་ཕྱིར་ཡག་ནས་ཡང་། །ཟིལ་གནོན་རྟོགས་པས་མངོན་པའི་ཆོས། །ཞེས་པས་སྡེ་སྣོད་གསུམ་གྱི་ངེས་ཚིག་གོ །དེ་ལྟར་སྤྲུལ་སྐུའི་བསྟན་པ་འདི་ཉིད་ནི། ཚིག་སྡེབ་སྦྱོར་ལེགས་པའི་སྒོ་ནས་གསུངས་ཏེ། གསག་བ་རིག་པ་བཀོད་པ་ལས། སྤྲུལ་སྐུའི་སྡེབ་སྦྱོར་ལེགས་པར་གསུངས་པའི་ཚེ། །མཐུན་དཔེ་རང་ལ་གནས་པའི་དུས་ན་ཡིན། །ཅེས་པ་དང་། གསང་བའི་སྙིང་པོ་ལས། དཔེར་ན་དེ་བཞིན་སྦྲིད་སངས་བཞིན། གསུང་བའི་སྙིང་པོ་ལས། དཔེར་ན་དེ་བཞིན་སྦྲིད་སངས་བཞིན། གསུང་གཅིག་སྒྲ་ཡིས་སོ་སོར་གོ །ཞེས་པས། སངས་རྒྱས་ཤཱཀྱ་ཐུབ་པས་ཆོས་གཅིག་ལས་མ་གསུངས་ཀྱང།ལྷ་དྔ་མི་དང་ལྷ་མི་ཡིན་དང་། དྲི་ཟར་བཅས་པའི་འཇིག་རྟེན་རྣམས་ཀྱིས་རང་རང་གི་སྐད་དུ་གོ་ནས་ནི། གསུང་གཅིག་དུ་མའི་སྐད་དུ་ཆོས་སྟོན་པ། སྤྲུལ་སྐུ་བརྗོད་པ་ཚིག་གི་གསུང་ངོ༌། ། དུས་ཕུན་སུམ་ཚོགས་པ། ལྔ་པ་དུས་ནི་སྤྱིར་བསྐལ་པ་བཟང་པོ་འདི་ལ་དུས་བཞི་རུ་བྱུང་སྟེ། སངས་རྒྱས་འཁོར་བ་འཇིག་འཇིག་རྟེན་དུ་བྱོན་པའི་དུས་སུ། སེམས་ཅན་རྣམས་ལ་མ་བསླབ་པར་དགེ་བ་བཅུ་ངང་གིས་རྫོགས་པས་ན། རྫོགས་ལྡན་གྱི་དུས་ཞེས་ཟེར་རོ། །དེ་ནས་བར་གྱི་བསྐལ་པ་གསུམ་ནས། གསེར་ཐུབ་འཇིག་རྟེན་དུ་བྱོན་པའི་དུས། དགེ་བ་བཅུ་ལས་ལུས་ངག་ཡིད་གསུམ་གྱི་ཆ་ཕྲ་བ་བདུན་ཡལ་ནས། ལུས་ཀྱི་ལས་སྲོག་གཅོད་པ་དང་། ངག་གི་ལས་ཚིག་རྩུབ་པ་དང་། སེམས་ཀྱི་ལས་གནོད་སེམས་རགས་པ་འདི་གསུམ་ངང་གིས་སྤོང་བས། གསུམ་ལྡན་གྱི་དུས་ཞེས་ཟེར་རོ། །དེ་ནས་རབ་གྱི་བསྐལ་པ་གསུམ་ནས། སངས་རྒྱས་འོད་སྲུང་འཇིག་རྟེན་དུ་བྱོན། དེའི་དུས་སུ་སེམས་ཅན་གྱི་བསོད་ནསམ་བྲི་བས། ལུས་ཀྱི་སྲོག་གཅོད་པ་དང་། ངག་གི་ཚིག་རྩུབ་སྟེ་རགས་པ་འདི་གཉིས་ངག་གིས་སྤོང་བས། གཉིས་ལྡན་གྱི་དུས་ཞེས་ཟེར་རོ། །དེ་གསུམ་གྱི་དུས་ན། ཕ་རོལ་ཏུ་ཕྱིན་པ་ལ་སོགས་པ་སྡེ་སྣོད་གསུམ་རྒྱས་པར་གསུངས་ཏེ། དེ་དག་གི་སྒོ་ནས་བྱང་ཆུབ་ཐོབ་པར་མཛད་དོ། །དེ་ནས་བར་གྱི་བསྐལ་པ་གཅིག་ནས་སངས་རྒྱས་ཤཱཀྱ་ཐུབ་པ་འཇིག་རྟེན་དུ་བྱོན། དེའི་དུས་ཀྱི་སྣིགས་མ་ལ་སོགས་པ། སྙིགས་མ་ལྔ་དང་། མི་དགེ་བ་བཅུ་སྤྱོད་པ་བྱུང་བས་ན། རྩོད་ལྡན་གྱི་དུས་ཞེས་ཟེར་ཏེ། ཚེ་ལོ་ནི་བརྒྱད་པ། ལྔ་བརྒྱ་པ་ཕྲག་དང་པོའོ། །གསང་སྔགས་རྡོ་རྗེ་ཐེག་པ་རྣམས་ཀྱང་འདིའི་དུས་སུ་འབྱུང་བར་གསུངས་སོ། །
སྤྱི་དོན་གསུམ་པ། བསྟན་པ་རིན་པོ་ཆེ་རྒྱ་གར་དུ་རྒྱས་ཚུལ།
སྤྱི་དོན་གསུམ་པ་བསྟན་པ་རིན་པོ་ཆེ་རྒྱ་གར་དུ་རྒྱས་ཚུལ་ལ་གཉིས་ཏེ། མཚན་ཉིད་རྒྱུའི་ཐེག་པ་དང་། གསང་སྔགས་བུའི་ཐེག་པའོ། །མཚན་ཉིད་རྒྱུའི་ཐེག་པ། དང་པོ་ལ་གསུམ་སྟེ། དགྲ་བཅོམ་པ་ཆོས་ཀྱི་སྤྱན་ལྡན་རྣམས་ཀྱིས་བཀའ་བསྡུ་བ་མཛད་ཚུལ་དང་། མཁས་པ་པཎྜི་ཏ་རྣམས་ཀྱིས་བསྟན་བཅོས་བརྩམས་ཚུལ། ཐེག་པ་གོང་འོག་གི་ཤན་དབྱེ་ཞིང་དེ་དག་གི་ཁྱད་པར་བསྟན་པའོ། །དང་པོ། དགྲ་བཅོམ་པ་ཆོས་ཀྱི་སྤྱན་ལྡན་རྣམས་ཀྱིས་བཀའ་བསྡུ་བ་མཛད་ཚུལ། དང་པོ་བཀའ་བསྡུ་བ་མཛད་ཚུལ་ནི། དེ་ཡང་བཀའ་ཞེས་བྱ་བ་ནི། གོང་གང་གི་ཡང་མ་ཆོད་ཅིང་། མཐོ་ལ་གཉན་པས། སངས་རྒྱས་ཀྱིས་འཁོར་རྣམས་ལ་མར་བཀའ་གསལ་དུ་གསུངས་པའི་ཕྱིར་ན། །བཀའ་ཞེས་བྱ་སྟེ། གང་ཟག་ཆེན་པོ་ཞིག་གིས་གསུངས་པའི་ཕྱིར་ན། བཀའ་ཞེས་བྱ་སྟེ། གང་ཟག་ཆེན་པོ་ཞིག་གིས་གསུངས་པ་ཡིན་ནོ། །བཀའ་ལ་དབྱེ་ན་གསུམ་སྟེ། ཞལ་ནས་གསུངས་པའི་བཀའ། རྗེས་སུ་གནང་བའི་བཀའ། བྱིན་གྱིས་བརླབས་པའི་བཀའོ། །དང་པོ་ཞལ་ནས་གསུངས་པའི་བཀའ་ནི། སྡུད་པའམ། མཚན་བརྗོད་ལྟ་བུའོ། །རྗེས་སུ་གནང་བའི་བཀའ། སངས་རྒྱས་སྐུ་ཡོངས་སུ་མྱ་ངན་ལས་འདའ་ཁར། ཀུན་དགའ་བོས་ཞུ་བ་བཞི་དྲིས་པའི་དུས་སུ། བཀའ་བསྡུ་བ་བྱེད་པའི་དུས་སུ། །འགོར་འདི་སྐད་བདག་གིས་ཐོས་པའི་དུས་གཅིག་ན་དང་། བར་དུ་དྲིས་ལན་དང་། ཐ་མར་རྗེས་སུ་ཡིད་རངས་བ་བྲིས་ཤིག་གསུངས་པ་ལྟ་བུའོ། །བྱིན་གྱིས་བརླབས་པའི་བཀའ་གསུམ་སྟེ། སྐུ་དང་གསུང་དང་ཐུགས་ཀྱི་བྱིན་གྱིས་བརླབས་པའི་བཀའོ། །དེ་ལ་སྐུས་གྱིས་བརླབས་པའི་བཀའ་ནི། བྱང་ཆུབ་སེམས་དཔའ་རྡོ་རྗེ་སྙིང་པོའི་སྤྱི་བོར་སངས་རྒྱས་ཀྱི་ཕྱག་བཞག་པས། རྣམ་གྲོལ་ཟླ་བ་མདོ་སྡེ་ས་བཅུ་པ་བཤད་ནུས་པ་ལྟ་བུའོ། །གསུང་ནི་སངས་རྒྱས་ཀྱིས། རབ་འབྱོར་ཁྱེད་ཤེས་རབ་ཀྱི་ཕ་རོལ་ཏུ་ཕྱིན་པ་ལས་སྤོབས་པར་བྱོས་ཤིག་ཅེས་པས། འཆད་ནུས་པའམ། དངོས་སུ་མཚོན་ན་སངས་རྒྱས་ཀྱིས་མོའུ་འགལ་གྱི་བུ་ལ། ཤཱཀྱའི་རིགས་རྒྱུད་ཤོད་ཅིག་ཅེས་གསུངས་པས། མདོ་སྡེ་མངོན་པར་འཡྦུང་བ་བཤད་ནུས་པ་ལྟ་བུའོ། །ཐུགས་ཀྱི་བྱིན་གྱིས་བརླབས་པ་ནི། དེ་བཞིན་གཤེགས་པ་ཏིང་ངེ་འཛིན་ལ་སྙོམས་པར་ཞུགས་ནས། སྤྱན་རས་གཟིགས་བཤད་པ་པོར་བྱིན་གྱིས་བརླབས། ཤཱ་རིའི་བུ་ཐན་པ་པོར་བྱིན་གྱིས་བརླབས་ནས། ཤེས་རབ་སྙིང་པོ་བཤད་པ་ལྟ་བུའོ། །དེ་ལྟར་སྟོན་པ་མྱ་ངན་ལས་འདས་ཙམ་ན། སྡེ་སྣོད་གསུམ་དུ་བསྡུས་པ་དང་། གཞུང་ཚིག་དང་ཡི་གེར་བཀོད་པ་མེད་དེ། ཐེག་པ་ཆེན་པོའི་ཆོས་བྱིན་གྱིས་བརླབས་ནས་བཤད་པ་ཡིན་ནོ། །དེ་ནས་མྱ་ངན་ལས་འདའ་ཁར་ཀུན་དགའ་བོ་བོས་ནས། ཀུན་དགའ་བོ་ང་མྱ་ངན་ལས་འདས་ནས། ཆོས་ཐམས་ཅད་སྡེ་སྣོད་གསུམ་དུ་སྡུས་ཤིག་ཅེས་གསུངས་ཏེ། འོ་ན་ཀུན་དགའ་བོ་ལ་དེ་སྐད་གསུངས་པ་ཅི་ཞེ་ན། ཀུན་དགའ་བོ་ཐོས་པ་འཛིན་པའི་ཉེ་གནས་ཡིན་ཏེ། དེ་ཡང་སངས་རྒྱས་དགུང་ལོ་ལྔ་བཅུ་བཞེས་ནས་ཉེ་གནས་གཅིག་འདོད་ནས་ཡོད་པ་ལ། མོའུ་འགལ་གྱི་བུ་ལ་སོགས་པས། ཉེ་གནས་བདག་ཅིག་གིས་བྱའམ་ཞུས་པས་མ་གནང་སྟེ། ཀུན་དགའ་བོ་ལ་སྤྱན་ཀྱིས་གཟིགས་པས། དེར་ཐམས་ཅད་ཀྱིས་ཀུན་དགའ་བོ་ལ་ཉེ་གནས་གྱིས་བྱས་པས། བྱེ་མ་བཏུབ། ནན་ཏན་དུ་སྨྲས་ནས། རྩི་གསུམ་བཟུང་སྟེ་ཟས་ལྷག་མི་ཟ་བ། གོས་ལྷག་མི་གྱོན་པ་དང་། ཅི་དྲིས་པའི་ལན་སྟེར་བ་དང་གསུམ་རྩིས་སུ་བཟུང་ནས། ཉེ་གནས་ལོ་ཉིས་ཤུ་རྩ་གཉིས་བྱས་པའི་ཕྱིར་རོ། །བཀའ་བསྡུ་བ་དང་པོ་མཛད་ཚུལ། དེ་ལས་ཁྱད་པར་རམ། བྱེ་བྲག་ཏུ་བསྡུ་ཚུལ་བསྟན་པ་ནི། བཀའ་བསྡུ་བ་རྣམ་པ་གསུམ་ལས། བསྡུ་བ་དང་པོ་ནི། སངས་རྒྱས་འདས་བའི་ཕྱིར། བཀའ་ཡི་བསྡུ་བ་དང་པོ་མཛད་དོ། །གནས་གང་དུ་བསྡུ་ཞེས་བགྲོས་པ་ལས། དེར་ཁ་ཅིག་ན་་རེ་རྩ་མཆོག་ཏུ་བྱ་ཟེར་བ་ལ། དེར་སྔོན་སངས་རྒྱས་འདས་པའི་ཤུལ་ཡིན་ཏེ། འདས་པ་རྒྱུས་མེད་པ་ཀུན་གྱིས་དེ་ཡི་ལོ་རྒྱུས་ཐོས་ན་དེ་དག་མྱ་ངན་བྱེད་པ་དང་། སེམས་གཡེང་བ་དང་སྙིང་མི་དགའ་ཟེར། ཡང་ཁ་ཅིག་ན་རེ་རྡོ་རྗེ་གདན་གྱི་ཙ་ན་ཡུལ་ཉམས་དགའ་བྱ་བ་ཡོད་དོ། །དེ་ནི་སྟོན་པ་ཆོས་ཀྱི་སྐུ་བརྙེས་པ་དང་། བཀྲ་ཤིས་པའི་གནས་ཡིན་པས་དེར་བྱའམ། རུང་པ་དག་རྒྱལ་པོ་གསང་བའི་བྲག་ཕུག་ཏུ་རུང་པ་ཡིན་ཏེ། དེ་ན་ཡོད་བདག་མེད་བྱས་པས། འོ་ན་ཡུལ་མ་ག་དྷའི་ཐུབ་པ་ལུས་འཕགས་མོའི་གླིང་ན། སངས་རྒྱ་ཀྱི་བསྟན་པ་ལ་དད་པའི་རྒྱལ་པོ་མ་སྐྱེས་དགྲ་བྱ་བ་ཡོད་པས། དེ་ལ་སྦྱིན་བདག་བཅོལ་ལ་བཀའ་བསྡུ་བ་བྱའོ་བྱ་བ་ཡོད་པས། དེ་ལ་སྦྱིན་བདག་བཅོལ་ལ་བཀའ་བསྡུ་བ་བྱའོ་ཞེས་ཟེར་ནས། ཀུན་དགའ་བོས་ལྗོངས་རྒྱུ་བཞིན་བཞུད། འོད་སྲུངས་ཀྱིས་ལམ་དྲང་པོར་བཞུད་པས། རྒྱལ་པོ་མ་སྐྱེས་དགྲ་དང་འཕྲད་ནས། གར་འགྲོ་དྲིས་པ་དང་། སངས་རྒྱས་ནི་འདས། ད་ཆོས་ཀྱི་བསྡུ་བ་བྱེད་པ་ཡིན་ཞེས་སྨྲས་པས། དེར་རྒྱལ་པོ་གླང་པོ་ཆེའི་ཁ་ནས་ལྷུང་སྟེ་བརྒྱལ་ལོ། །དེ་ནས་བརྒྱལ་སངས་པ་དང་མ་འགགས་པས་སེམས་གསོས་ནས། སངས་རྒྱས་མྱ་ངན་ལས་འདས་བྱ་བ་མེད་དེ། ཉན་ཐོས་ལ་སོགས་པའི་སྣང་ངོ་ལ་འདའ་བའི་ཚུལ་བསྟནཔ་ཡིན་བྱས་པས། འོ་ན་འོ་སྐོལ་རྣམས་ལ་མཆོག་པའི་གནས་སམ། རྟེན་མེད་པས་ཇི་ལྟར་བྱ་ཞེས་དྲིས་པ་དང་། དེ་དེའི་བཀའ་བགྲོས་བསྡུ་བ་ཙམ་ཞིག་བྱེད་པ་ཡིན་པས། དེ་ལ་རྩ་མཆོག་ཏུ་ཡང་མ་རུང་། འོད་མའི་ཚལ་དུ་བྱ་སྙམ་པས་ཀྱང་། སྔོན་སྟོན་པས་ཆོས་གསུངས་པའི་གནས་ཡིན་པས་དེར་ཡང་སྙིང་མ་དགའ། རུང་པ་དག་ནི་ནྱ་གྲོལ་དྷ་ཞེས་པ་རྒྱལ་པོའི་ཁབ་གསང་བའི་བྲག་ཀྱང་ཟེར་ལ། ལྷ་མ་ཡིན་གྱི་ཕུག་ཀྱང་ཟེར་བ་དེར་འོས་ལ་རུང་པ་ཡིན་ཏེ། དེ་ན་ཚུལ་སྦྱོར་མཁན་མེད་པས། ད་ཡུལ་མཉམ་ཀར་འགྲོའམ་སྙམ་བྱས་པས། མ་སྐྱེས་དགྲ་ན་རེ། འོ་ན་གསང་བའི་བྲག་ཕུག་ཏུ་འདེང་ངོ༌། །ཚུལ་སྦྱོར་བའི་ཡོན་བདག་བདག་གིས་བྱ་ལ། དབྱར་ཟླ་བ་གསུམ་གྱི་འཚོ་བ་དང་གནས་མལ་སྦྱར་གྱིས་དེར་གཤེགས་པར་ཞུའོ། །ལར་སངས་རྒྱས་དང་། ཤཱ་རིའི་བུས་ཀྱང་ང་ལ་དྲིས་པར་མྱ་ངན་ལས་འདས། འཕགས་པ་འོད་སྲུངས་ལ་སོགས་པ་ཁྱེད་རྣམས་ཀྱང་། མྱ་ངན་ལས་མི་འདའ་བའི་དབང་ཡོད་པ་ཡིན་པས། རྒྱ་ལ་འདའ་མ་ཡང་ང་ལ་མ་དྲིས་པར་མི་འདའ་བར་ཞུའོ་ཞེས་པ་དང་། འདོ་སྲུངས་ཀྱིས་དེ་ལྟར་ཞལ་གྱིས་བཞེས་ཏེ། ད་རུང་སྐུ་མ་འདས་པར་རི་བོ་བཞིའི་བར་ན་ཏིང་ངེ་འཛིན་ལ་བཞུགས་ཏེ། ལན་ཅིག་བྱམས་པ་བྱོན་ཙ་ན་ཆོས་གོས་ལ་སོཊ་པ་གསོལ་ནས། སྔར་གྱི་ཚུལ་བཞིན་དུ་བཞེངས་ནས་སེམས་ཅན་གྱི་དོན་ཡང་བྱེད་པ་ཡིན་ནོ། །དེ་ནས་བ་ལང་བདག་གྲོངས་པས་དགྲ་བཅོམ་པ་ལྔ་བརྒྱ་ཡང་མ་ཐེམས་ནས། ཡང་གྲོས་བྱས་པས། སངས་རྒྱས་ཞལ་བཞུགས་ཙ་ན་ཀུན་དགའ་བོ་ལ་སྡུད་པ་པོ་གཏད་པས། ཀུན་དགའ་བོ་འོས་སམ་ཞེས་བགྲོས་པ་དང་། ཀུན་དགའ་བོ་ནི་བསླབ་པ་རྒྱུན་དུ་ཞུགས་པ་ཡིན་པས། དགྲ་བཅོམ་པ་ཡང་མ་ཐོབ་བམ་སྙམ་ཡོད་ཙ་ནས། ཁོ་ནི་འདིར་འོང་ཡང་མི་འོང་ལ་བྱུང་ཡང་ཆོས་ཀྱི་བསྡུ་བ་མི་མཛད་པར་གཟིགས་ཏེ། དེ་ཐམས་གང་གིས་འབྲས་བུ་ཐོབ་ཏུ་གཞུག་སྙམ་ནས་མངོན་ཤེས་ཀྱིས་གཟིགས་པས་ཁོ་ལ་གསོལ་བ་བཏབ་པས་མི་ཕན་ཏེ། རྒྱ་གད་བྱས་པས་ཕན་པར་གཟིགས་ནས། འོང་སྲུངས་ལ་དེ་སྐད་ཞེས་སྨྲས་པ་དང་། དེ་ལ་འོད་སྲུངས་ཀྱིས་སྤྱོ་བ་བརྒྱད་གསུངས་པ། རྙོག་ཅན་ཆུ་བླུད་བཟའ་རྡོག་གིས་བརྫིས། ལན་ལོག་བཏབ་དང་སྐུ་བསྟན་དང་། གསང་བ་བསྟན་དང་བསྙེན་རྫོགས་ཞུས། །བཞུགས་ཞེས་གསོལ་བ་མ་བཏབ་དང་། །བག་ཡངས་མ་ཞུས་སྤྱོ་བ་བརྒྱད། །ཀུན་དགའ་བོ་ནི་ཁྱོད་ཀྱིས་ཉེས། །ཞེས་དང༌། ཉོན་མོངས་པ་ཅུང་ཟད་ཀྱང་མ་སྤངས་པའི་ཀུན་དགའ་བོ་ཁྱོད། རང་མཆོག་འདུས་པའི་ནང་དུ་མ་འདུག་པར་ལོངས་ཤིག ཅེས་དྲག་ཏུ་སླར་མ་སྨྲས་པས། དེ་ནས་མ་འགགས་པས་འོད་སྲུངས་མ་སྨྲས་པ། ཀུན་དགའ་བོ་མེད་ན། བདག་ཅག་གིས་མདོའི་དོན་ཡང་ཇི་ལྟར་འདོན། འོད་སྲུངས་ན་ཏེ། འདི་རྒྱ་ལ་མདོའི་དོན་ཤེས་པའི་ཡོན་ཏན་དང་། ལྡན་དུ་ཟིན་ཡག་འདི་ནི་འདོད་ཆགས་མ་སྤངས་པས་བསླབ་པ་རྒྱུན་དུ་ཞུགས་པ་སྟེ། སྲིད་པར་མི་འོས་སོ་ཞེས་སྨྲས་པ་དང་། དེ་ནས་ཀུན་དགའ་བོ་དགེ་འདུན་གྱི་གསེབ་ནས་མེ་དགའ་བཞིན་ཕྱིར་འགྲོ་བ་ལ། མ་འགགས་པས་སྨྲས་པ། ཚེ་དང་ལྡན་པ་ཁྱོད་ཀྱིས་ཉོན་མོངས་པ་སྤོངས་དང་། ཕྱིས་འབྲས་བུ་ཐོབ་ནས་བདག་ཅག་གི་དཔོན་དུ་བྱའོ་ཞེས་སྤྲོ་བ་བསྐྱེད་ནས་ནས་བཏང་ངོ་། །དེ་ནས་ཚེ་དང་ལྡན་པ་ཀུན་དགའ་བོས་ཡུལ་བྷྲི་རྫི་ཞེས་པའི་ས་ཕྱོགས་སུ་ཕྱིན་ཏེ། ཁྱིམ་བདག་སྤོང་བྱེད་ཕ་སྤད་རབ་ཏུ་བྱུང་ནས་ཆོས་བསྟནཔས། སྤོང་བྱེད་ཀྱང་དགྲ་བཅོམ་པའི་འབྲས་བུ་ཐོབ་པ་དང་། སྤོང་བྱེད་ཀྱང་མཁན་པོ་ལ་རྟོག་པ་ཞུགས་ཏེ། བདག་ཅག་གི་སྟོན་པར་ཆོས་བསྟན་སྙམ་ནས་ཏིང་ངེ་འཛིན་ལ་མཉམ་པར་བཞག་ནས་བལྟས་པས། ཉོན་མོངས་པ་མ་སྤངས་པར་འདུག་ནས། མཁན་པོ་ལ་ཞལ་ཏ་སྨྲས་པ། མཁན་པོ་ཁྱོད་ཀྱང་བག་མེད་མ་མཛད་པར། །ཤིང་འབྲུ་མཐིབས་པོ་སྟན་ན་མྱ་ངན་འདའ། །ཐུགས་ལ་ཞོཊ་ལ་བསམ་གཏན་མཛོད་ཅིག་དང༌། །ཡུན་མི་རིང་པར་ཞི་བའི་གནས་ཐོབ་འགྱུར། །ཞེས་སྨྲས་པ་དང་། དེར་འགྱོད་དེ་ད་ནི་རང་གི་སློབ་མ་ཚུན་ཆོས་ཀྱིས་ཀྱང་འདི་སྐད་དུ་སྨྲ་བ་དེ་ བས་ན། འོད་སྲུངས་ཀྱིས་ཟེར་བ་དེ་ཡང་ཤིན་དུ་བདེན་སྙམ་ནས། སྤོང་ཁང་དུ་ཞུགས་ནས་སྤོང་ཐག་བཅིངས་ནས། ཞག་བདུན་དུ་བསམ་གཏན་མཛད་པས་དེ་ཉིད་དུ་འབྲས་བུ་ཐོབ་སྐད། དེའང་སྔོན་དུ་སྟོན་པའི་ཞབས་འབྲིང་ཡུན་རིང་པོ་བྱས་པ་དང ཐོས་པ་མང་པོས་རྒྱུད་གྲོལ་བ་དང༌། མཆེད་གྲོགས་རྣམས་ཀྱིས་སྤྱོས་པས་དུས་དེར་འགྱོད་པ་དྲག་པོ་སྐྱེས་པ་དང་། བསམ་གཏན་དྲག་པོ་རྩེ་གཅིག་ཏུ་བསྒོམ་པ་རྣམས་ཀྱིས་ཞག་བདུན་ལ་འབྲས་བུ་ཐོས་པའོ། །དེར་འོད་སྲུངས་འདི་བདག་དགེ་འདུན་ནང་ནས་འབྱིན་པ་དེ། །སྡང་སེམས་སམ་འོན་ཏེ་བྱམས་པའི་སེམས་ཀྱིས་ཕྱུང་སྙམ་ནས། ས་མ་ཏིས་བལྟས་པས། སེམས་བརྩེ་སེམས་སུ་འདུག་ནས། འོད་སྲུངས་ལ་ཡང་དད་འདུན་སྐྱེས་སོ། །དེ་ལྟར་འབྲས་བུ་ཐོབ་ནས། སངས་བའི་བྲག་ཏུ་ཕྱིན་ནས་སྒོ་ཕྱེ་ཞེས་སྨྲས་པ་དང༌། ནང་དུ་འོང་བའི་རྫུ་འཕྲུལ་ཅན་ཡིན་ན་ནང་དུ་ཤོག སྒོ་དབྱེ་ཅི་འཚལ། རྫུ་འཕྲུལ་ཅན་མ་ཡིན་པ་ན་ནང་དུ་མི་གཏོང་ཞེས་པ་དང་། རྫུ་འཕྲུལ་གྱིས་ནང་དུ་འོངས་པས། ཐམས་ཅད་ཀྱིས་ཀུན་དགའ་བོ་ཡིན་པ་ཁོང་དུ་མ་ཆུད་པས་ངོ་མ་ཤེས་ཏེ་རྟོག་པ་གསུམ་ཞུགས་སྐད། དེ་ཡང་སྟོན་པ་སུ་ཡིན་སྙམ་པ་དང་། བདུད་ལ་སོགས་པའི་བར་ཆད་མ་ཡིན་ནམ་སྙམ་པ་དང་། གལ་ཏེ་ཀུན་དགའ་པོ་རང་ཡིན་ནམ་སྙམ་པ་སྟེ་རྟོག་པར་གསུམ་སྐྱེས་པ་དང་། དེར་བར་སྣང་གི་ལྷ་རྣམས་ཀྱིས་ཚིགས་སུ་བཅད་དེ་སྐད་སྨྲས་པ། གང་ལ་ཆོས་རྣམས་ཡང་དག་གནས། །འཇིག་རྟེན་གསུམ་པོས་རྟག་ཏུ་མཆོད། །འཕགས་པ་འདི་ནི་དོགས་མེད་པར། །སེདྒེ་བཞིན་དུ་ཆོས་རྣམས་སྒྲོགས། །ཀྱི་མ་ཞི་བ་དེ་བཤད་པས། །ཁྱེད་རྣམས་བདེ་བར་ འདོད་པ་ཡི། །ངེས་པའི་སྙིང་པོ་སྙིང་པོ་མཆོག །དེ་ཉིད་ལ་ནི་གུས་པས་ཉོན། །ཞེས་པ་དང་། དགེ་སློང་རྣམས་ཀྱིས་སེདྒེ་ཁྲི་ལ་བླ་གོས་ལྔ་བརྒྱ་གཡོགས་ནས་བཞག་པ་དང་། དེའི་སྟེང་དུ་བྱོན་ཏེ། འདི་སྐད་བདག་གིས་ཐོས་པ་ཞེས་པ་ན་གང་ཟག་གཅིག་མ་རྟོགས་པ་ནི་བདག་ཚེ་དང་ལྡན་པ་ཀུན་དགའ་བོ་ཞེས་པ་དང་ངོ་ཤེས་ཏེ། དེ་ནས་འོད་སྲུངས་ལ་སོགས་པས་གསོལ་བ་བཏབ་ནས་ཆོས་རྣམས་བསྡུས་པའོ། །དེ་ལྟར་ན་བསྡུ་བའི་གནས་གང་དུ་བསྡུས་ན་གསང་བའི་བྲག་ཏུ་བསྡུས་པའོ། །སྡུད་པ་པོ་ནི། ཉེ་བ་འཁོར་དང་ཀུན་དགའ་པོ་ལ་འོད་སྲུངས་ཀྱིས་གསོལ་བ་བཏབ་པ། སྟོན་པ་འཇིག་རྟེན་ཕན་བཞེད་པས། །རྒྱལ་བས་གསུངས་པའི་ཆོས་རྣམས་ཀྱིས། །རྣམ་པ་མཆོག་ནི་གང་བསྟན་པས། །རྒྱལ་བས་གསུངས་པའི་ཆོས་རྣམས་ཀྱིས། །རྣམ་པ་མཆོག་ནི་གང་བསྟན་པ། །ཚེ་དང་ལྡནཔས་འདུལ་བ་གསུངས། །ཞེས་ཞུས་སོ། །དེ་བཞིན་དུ་ཀུན་དགའ་བོ་ལ་མདོ་སྡེ་གསུངས་ཞེས་ཞུས་སོ། །ཆོས་སྡེ་སྣོད་གསུམ་གང་ཟག་གི་བློ་ལ་བསྡུས་ཏེ་གསུངས་ཞེས་ཞུས་སོ། །ཆོས་སྡེ་སྣོད་གསུམ་གང་ཟག་གི་བློ་ལ་བསྡུས་ཏེ་གཞུང་དུ་མ་བཀོད་དོ། །ཡོན་བདག་རྒྱལ་པོ་མ་སྐྱེས་དགྲས་བྱས་སོ། །འདུས་པ་དགྲ་བཅོམ་པ་ལྔ་བརྒྱའོ། །བཀའ་བསྡུ་བ་གཉིས་པ་མཛད་ཚུལ། དེ་ནས་བསྡུ་བ་གཉིས་པ་ནི། སངས་རྒྱས་འདས་ནས་ལོ་བརྒྱ་དང་བཅུ་ལོན་པ་བྱའི་ལོ། །ཡུལ་ཡངས་པ་ཅན་གྱི་རྩྭ་ཅན་གྱི་ལྗོངས། གྲོང་ཁྱེར་སྐུ་སྨ་རིའི་གཙུག་ལག་ཁང་དུ། སྡེ་པ་བཅོ་བརྒྱད་པོ་ལྟ་སྤྱོད་མ་མཐུན་པའི་དོན་གཏན་ལ་དབབ་པའི་ཆེད་དུ། དགྲ་བཅོམ་པ་ཟླ་བ་རྒུར་པོ་དང་། གྲགས་པ་སོགས་མི་དགུས་མཛད་དོ། །གསོལ་བ་ འདེབས་པ་ཚེ་དང་ལྡན་པ་གྲགས་པ་ཞེས་བྱ་སྟེ་ཉེར་སྦས་སོ། །གང་བསྡུས་པའི་ཆོས་ནི་སྡེ་སྣོད་གསུམ་པོ་ཉིད་དོ་ཟེར་ཡང་། བཙུན་པ་ལྷ་ཆེན་པོས་གསུངས་པའི་མི་རུང་པ་བཞི་བཅུ་བོར་ནས། རྩ་བ་སྡེ་བཞིར་བསྡུས་ཏེ་དེ་ཡང་ལྷ་ཆེན་པོའམ། ཡངས་པ་ཅན་གྱི་དགེ་སློག་རྒན་གཞོན་མེད་པ་ན་རེ། ཧུ་ལུ་ཧུ་ལུ་ཡི་རངས་དང་། །ཀུན་སྤྱོད་གནོད་དང་ལན་ཚྭ་དང་། །ལམ་དང་སོར་གཉིས་དཀྲུག་དང་གདིང་། གསེར་གྱི་རུང་པ་བྱས་པ་ནི། །འདི་ནི་མི་རུང་བཞི་བཅུ་ཡིན། །ཞེས་པས་ལོག་པ་དེ་དག་བསལ་ནས། ཐམས་ཅད་ཡོད་པར་སྨྲ་བ་དང་། མང་པོས་བཀུར་བ་དང་། གནས་བརྟན་པ་དང་། ཕལ་ཆེན་པའི་སྡེ་པའོ། །འདུས་པའི་ཚད་ནི་དགྲ་བཅོམ་པ་བདུན་བརྒྱ་སྟེ། དེ་ཡང་གཅིག་མ་ཚང་པ་ནི་ཟླ་རྒུར་གྱིས་གསོས་སོ། །ལུང་ཕྲན་ཚེགས་ལས་ཟླ་རྒུར་གྱིས་མ་ཚོར་བ་དང་དད་པའི་ལྷས་སྦྲན་ཏེ། ཁོས་རྫུ་འཕྲུལ་གྱིས་འོངས་ནས་སྒོ་བརྡུངས་པ་དང་། སུ་ཡིན་ཞེས་པས་དེའི་ལན་དུ། གང་དག་སྤར་བུ་ཅན་ནས་འོངས་པ་ཡི། །དགེ་སློང་མང་དུ་ཐོས་པའི་འདུལ་བ་འཛིན། །དེ་དག་ལས་ནི་གང་ཞིག་འདིར་འོངས་ཏེ། །དབང་པོ་ཞེ་ཞེས་བྱ་བ་སྒོ་ན་སྡོད། །ཅེས་པ་དང་། ནང་པས་གང་ཡིན་ངོ་མ་ཤེས་ནང་གི་མཚན་སྟོན་པ། །ཅེས་པ་དང་། ནང་པས་གང་ཡིན་ངོ་མ་ཤེས་ནང་གི་མཚན་སྟོན་པ། གང་དག་སྤར་བྱ་བ་སྒོ་སྲུང་པ་མཛད་དེ་སྡོད་ཅེས་སྨྲས་པས་ངོ་ཤེས་ཏེ་འབྲས་བུ་ཐོབ་པར་ཤེས་ནས་ནང་དུ་བཏང་བས་བདུན་བརྒྱར་ཐེམས་ཏེ། དེའི་དུས་སུ་ཡང་ཐམས་ཅད་ལྷག་ཆད་མེད་པར་སྨྲ་བ་འདུག་ནས། གཞུང་དུ་མ་བཀོད་དེ་བློ་ལ་བསྡུས་སོ། །དེ་ལྟར་དགྲ་བཅོམ་པ་བདུན་བརྒྱ་ཚོགས་པའི་སྦྱིན་བདག་རྒྱལ་པོ་དྷ་རྨ་ཨ་ཤོ་ཀ་ཞེས་ཀྱང་བྱ། མདོ་མཛངས་བླུན་དང་། སྙིང་རྗེ་པདྨ་དཀར་པོ་ལས། ཆོས་རྒྱལ་མྱ་ངན་མེད་ཅེས་ལུང་བསྟན་པ་དེས་མཛད་ནས། ཆོས་ཐམས་ཅད་དུ་མ་རོ་གཅིག་ཏུ་དོན་བསྡུས་ཤིང་གཏན་པ་ཕབ་པ་ཡིན་ནོ། །བཀའ་བསྡུ་བ་གསུམ་པ་མཛད་ཚུལ། དེ་ནས་བསྡུ་བ་གསུམ་པ་ནི། སྟོན་པ་མྱ་ངན་ལས་འདས་ནས་ལོ་སུམ་བརྒྱ་ལོན་པ་ལུག་གི་ལོ་ལ། ཁ་ཆེའི་ཡུལ་བྱ་ལག་གི་ཀུན་དགའ་ར་བའི་གྲོང་ཁྱེར་ཛ་ལན་དྷ་རའི་དགོན་པ་སྟེ། དེའི་གྲོང་གི་བྱེ་བྲག་ཀུ་ན་བི་ནར་རོ། །སྡུད་པ་པོ་ནི། སྐྱེ་བོ་ཐ་མལ་གྱི་བྱང་ཆུབ་སེམས་དཔའ་བཱ་སུ་མི་ཏྲ་དང་། དགེ་འདུན་འདུས་པའི་ཚད་ནི། བྱམས་མའི་བུ་གང་པོ་ལ་སོགས་པ་བྱང་ཆུབ་སེམས་དཔའ་ལྔ་བརྒྱ། པུར་ཎི་ཀ་ལ་སོགས་པ་དགྲ་བཅོམ་པ་ལྔ་བརྒྱ། སོ་སོ་སྐྱེ་བོའི་པཎྜི་ཏ་ཉིས་བརྒྱ་ལྔ་བཅུའམ། ཁྲི་དྲུག་སྟོང་། ཚུལ་སྦྱོར་བའི་ཡོན་བདག་དང་གསོལ་བ་འདེབས་པ་གཉིས་ཀ་ཛ་ལན་དྷ་རའི་དྲྭ་བ་འཛིན་རྒྱལ་པོ་ཀ་ནི་ཀས་གསེར་ཅན་བྱས་ཏེ། དེས་དབྱར་ཟླ་གསུམ་དུ་འཚོ་བ་དང་གནས་མལ་སྦྱར། རྒྱལ་པོ་དེ་ཡང་བློ་དང་ཤེས་རབ་དང་ལྡན་པ་དད་པ་ཆེ་བ། ཆོས་ལ་མོས་པ་ཞིག་སྟེ། དེས་སངས་རྒྱས་ཀྱི་ཆོས་བཀའ་འདི་རྣམས་ལ་ལྷད་ཞུགས་སམ་མ་ཞུགས་གཟིགས་པས་སྔ་མ་བས་གཞུང་ཉམས་པར་མཐོང་ནས། བསྡུ་བ་བྱས་པས། སོ་སོའི་སྐྱེ་བོ་མི་བརྗེད་པའི་གཟུངས་མ་ཐོབ་པ་རྣམས་ལྷག་ཆད་དུ་འདོན་པར་འདུག་ནས། དུས་དེར་སངས་རྒྱས་ཀྱི་བསྟན་པ་ཡུན་རིང་དུ་གནས་པར་བྱ་བ་དང་། མ་འོངས་པའི་སེམས་ཅན་རྣམས་ ལ་ཕན་གདགས་པའི་ཕྱིར། བཀའ་སྡེ་སྣོད་རྣམས་གཞུང་ཚིག་ཡི་གེར་བསྡུས་ཏེ། པོ་ཏི་དང་གླེགས་བམ་དུ་བྲིས་པས། དེ་ལ་པོད་ཀྱི་གླང་པོ་ཆེའི་ཁལ་ལྔ་བརྒྱ་བྱུང་ནས་དེ་དག་ལ་རབ་གནས་བྱས་ནས་བཞག་གོ །དེའི་དུས་སུ་བསྡུས་པའི་ཆོས་ནི་གྱེས་པའི་སྡེ་པ་བཅོ་བརྒྱད། རྩ་བའི་སྡེ་བཞིར་བསྡུས་ཏེ། དེ་ཡང༌། ཡུལ་དུས་སློབ་དཔོན་བྱེ་བྲག་གི །ཐ་དད་རྣམས་ལ་བཅོ་བརྒྱད་འདོད། །སྟོན་པ་ཐ་དད་ཡོད་མ་ཡིན། །ཞེས་པ་དང་། ཡང་དེ་སྐད་དུའང་། ཤཱཀྱ་སེདྒེའི་བསྟན་པ་འདི། །དེ་ལྟར་རྣམ་པ་བཅོ་བརྒྱད་དུ། །གྱུར་ཏེ་འགྲོ་བའི་བླ་མ་དེའི། །སྔོན་གྱི་འཕྲིན་ལས་དབང་གིས་ན། །ཞེས་ཏེ། རྩ་བ་བཞི་ལས་དང་པོ་ཐམས་ཅད་ཡོད་པར་སྨྲ་བ་ལས། བདུན་དུ་གྱེས་ཏེ། གཞི་ཐམས་ཅད་ཡོད་པར་སྨྲ་བ་དང་། འོད་སྲུངས་སྡེ། ཆོས་སྲུངས་སྡེ། མང་ཐོས་སྡེ། གོས་དམར་ཅན་གྱི་སྡེ། རྣམ་པར་འབྱེད་དེ་སྨྲ་བའི་སྡེ། གོས་དམར་ཅན་གྱི་སྡེ། རྣམ་པར་འབྱེད་དེ་སྨྲ་བའི་སྡེ། ས་སྲུངས་ཀྱི་སྡེའོ། །དགེ་འདུན་ཕལ་ཆེན་པའི་སྡེ་ལྔ་ནི། ཤར་གྱི་རི་བོའི་སྡེ། ནུབ་ཀྱི་རི་བོའི་སྡེ། གངས་རིར་གནས་པའི་སྡེ། འཇིག་རྟེན་འདས་པར་སྨྲ་བའི་སྡེ། རྟག་པར་སྨྲ་བའི་སྡེའོ། །དགེ་འདུན་གནས་བརྟན་པའི་སྡེ་གསུམ་སྟེ། རྒྱལ་བྱེད་ཚལ་གནས་སྡེ། འཇིག་མེད་རི་གནས་སྡེ། གཙུག་ལས་ཁང་གནས་སྡེའོ། །དགེ་འདུན་མང་པོས་བཀུར་བའི་སྡེ་གསུམ་སྟེ། ས་སྒྲོགས་རིགས་ཀྱི་སྡེ། སྲུངས་བའི་སྡེ། གནས་མ་བུའི་སྡེའོ། །དེ་ལྟར་བཅོ་བརྒྱད་པོ་དེ་སྡེ་བཞིར་བསྡུས་པའོ། །དགྲ་བཅོམ་པ་སེདྒེའི་གདོང་ཅན་བྱ་བས། ཡི་གེའམ་གླེགས་བམ་དུ་བཀོད་ནས་གང་ཟག་ཐ་དད་ལ་གཉེར་དུ་གཏད་དེ། འབུམ་ཞལ་ ཆེམས་ཡིན་པས་ཀླུ་ལ་གཏད། ཉིས་ཁྲི་ལྔ་སྟོང་པ་བརྒྱ་བྱིན་ལ། ཁྲི་བརྒྱད་སྟོང་པ་དང་ཁྲི་པ་ལ་སོགསཔའི་ཤེས་རབ་ཕྲ་འདུས་རྣམས་བྱམས་པའི་ཕ་ལྷ་ལག་བརྒྱད་པོ་ལ་གཏད། བརྒྱད་སྟོང་པ་དང་། སྡུད་པ་རྣམ་ཐོས་སྲས་ལ་གཏད། གསང་སྔགས་ཐམས་ཅད་མཁའ་འགྲོ་མ་ལ་གཏད། མདོ་ཕྱོགས་ལ་སོགས་པའི་གསུང་རབ་ཕལ་ཆེར་རྡོ་རྗེ་གདན་གྱི་གེའུ་ཚང་དུ་བཞུགས། དེ་ཙ་ན་མི་རྣམས་དད་པ་དང་བརྩོན་འགྲུས་དང་རྫུ་འཕྲུལ་ཆུང་བས་གླེགས་བམ་མ་ཐོབ་སྟེ། འོན་ཀྱང་རྒྱལ་པོ་མ་སྐྱེས་དགྲས་གླང་པོ་ཆེའི་རྒྱབ་ཁལ་གཅིག་ཙམ་གདན་དྲངས་ཞེས་གྲགས། དར་ཅིག་མི་ཡུལ་དུ་ཆོས་གཅིག་ཀྱང་མ་ཐོབ་སྟེ། ཆོས་ནུབ་པ་ཙམ་དུ་གྱུར་ཀྱང་ཟེར་རོ། །དེ་ནི་ཁྱད་པར་རམ་ཐེག་ཆུང་གིས་བསྡུ་ལུགས་སོ། །ཐེག་ཆེན་དང་ཐུན་མོང་གི་བཞེད་ཚུལ། ཐེག་ཆེན་གྱི་བཞེད་པས། མདོ་སྡེ་ཕྱག་རྡོར་གྱིས་བསྡུས། འདུལ་བ་བྱམས་པས་བསྡུས། མངོན་པ་འཇམ་དཔལ་གྱིས་བསྡུས་ཟེར་རོ། །ཐེག་པ་ཐུན་མོང་གི་བཞེད་པས་གསང་བའི་བྲག་ཕུག་ཏུ་ཚོགས་པའི་དུས་སུ། ཀུན་དགའ་བོ་ལ་གསོལ་བ་བཏབ་སྟེ། ཚེ་དང་ལྡན་པ་མདོ་སྡེ་གསུངས་ཞེས་ཞུས་པས། སྔ་གྲོ་མདོ་སྡེ་བསྡུས། ཉེ་བར་འཁོར་ལ་གསོལ་བ་བཏབ་ནས། ཚེ་དང་ལྡ་པ་འདུལ་བ་གསུངས། ཞེས་ཞུས་པས། ཉི་མ་ཕྱེད་ལ་འདུལ་བ་བསྡུས། ཡང་འོད་སྲུངས་ལ་གསོལ་བ་བཏབ་ནས། ཚེ་དང་ལྡན་པ་མངོན་པ་གསུངས་ཞེས་ཞུས་པས། འོད་སྲུངས་ཀྱིས་དགོང་ཁ་མངོན་པ་བསྡུད་ཞེས་གྲགས་སོ། །དེ་ཡང་འདི་སྐད་དུ། རྒྱལ་བའི་བཀའ་ལུང་འཁོར་ལོ་རྣམ་གསུམ་ལ། །བསྡུ་བ་ རྣམ་གསུམ་མཛད་པ་དེ་ཡི་ཚུལ། །སངས་རྒྱས་འདས་པ་དེ་ཡི་ཕྱི་དེའི་དབྱར། །ཨ་སུ་ར་བཅུད་མེད་ཞེས་གསང་བའི་བྲག་ཕུག་ཏུ། །སྦྱིན་བདག་རྒྱལ་པོ་མ་སྐྱེས་དགྲ་ཡིས་བྱས། །དགྲ་བཅོམ་ལྔ་བརྒྱས་བསྡུས་བ་དང་པོ་མཛད། །མདོ་སྡེ་ཐམས་ཅད་ཀུན་དགའ་བོ་ཡིས་བསྡུས། །འདུལ་བ་ཐམས་ཅད་ཉེ་བར་འཁོར་གྱིས་བསྡུས། མངོན་པ་ཐམས་ཅད་འོད་སྲུངས་ཆེན་པོས་བསྡུས། །སངས་རྒྱས་འདས་ནས་ལོ་བརྒྱ་དང་བཅུ་ན། །ཡངས་པ་ཅན་གྱི་རྩྭ་གནས་ལྗོངས་མཆོག་ཏུ། གྲགས་པ་དང་ནི་ཟླ་རྒུར་ལ་སོགས་པའི། །དགྲ་བཅོམ་བདུན་བརྒྱས་བསྡུ་བ་གཉིས་པ་མཛད། །སངས་རྒྱས་འདས་ནས་ལོ་ནི་སུམ་བརྒྱ་ན། །ཁ་ཆེའི་བྱ་ལག་ཀུན་དགའ་ར་བ་རུ། །དགྲ་བཅོམ་ལྔ་བརྒྱ་བྲང་སེམས་ལྔ་བརྒྱ་དང་། །སོ་སོ་སྐྱེ་བོ་ཁྲི་དང་དྲུག་སྟོང་ཚོགས། །དེ་དུས་བསྡུ་བ་གསུམ་པ་མཛད་པ་ཡིན། །ཅེས་གསུངས་སོ། །གཉིས་པ། བཀའི་དགོངས་འགྲེལ་ལ་མཁས་པ་པཎྞི་ཏ་རྣམས་ཀྱིས་བསྟན་བཅོས་བརྩམས་ཚུལ། གཉིས་པ་བཀའི་དགོངས་འགྲེལ་མཁས་པ་པཎྜི་ཏ་རྣམས་ཀྱིས་བསྟན་བཅོས་བརྩམས་ཚུལ་ནི། དེ་ལྟར་བསྟན་པ་རང་བཞིན་གྱིས་རྒྱན་དང་ལྡན་ཡང་། ཕལ་གྱིས་རྟོགས་པར་དཀའ་བ་ལ། གཟུགས་མཛེས་པའི་སྐྱེས་བུ་ལ་མེ་ལོང་བསྟན་པ་ལྟ་བུ། དེ་དག་གསལ་བར་བྱེད་པའི་བསྟན་བཅོས་བརྩམས་ཚུལ་བརྗོད་དོ། ། བདེན་བཞིའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས། དང་པོ་བདེན་པ་བཞིའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས་ནི། སྟོན་པ་མྱ་ངན་ལས་འདས་པའི་ལོའི་ཕྱིས་ཏེ་དབྱར་བྱའི་ལོ་ལ། གསང་བའི་བྲག་ཕུག་ཏུ་དགྲ་བཅོམ་པ་ལྔ་བརྒྱས་བཀའ་བསྡུ་བ་ལ་ཚོགས་པས། བཀའ་བསྡུ་མ་དགོས་ཏེ་གཞུང་དུ་མ་བཀོད། བཀའ་རྣམས་ཀྱིས་དོན་འགྲེལ་པའི་ཚུལ་དུ། བསྟན་བཅོས་འགའ་བརྩམས་པ་ནི། ཚེ་དང་ལྡན་པ་ཀུན་དགའ་བོ་དང་། འོད་སྲུངས་དང་། ཉེ་བ་འཁོར་དང་། ཀ་ཏ་ཡན་ལ་སོགས་པའི་དགྲ་བཅོམ་པ་ཐམས་ཅད་དགོངས་པ་བསྡུར་ནས། བྱེ་བྲག་ཏུ་བཤད་པ་མཛོད་ཆེན་མོ་ཞེས་བྱ་བ། རྩ་བའི་སྡེ་བཞི་ཡན་ལག་དང་བཅས་པ་མཛད། དེ་ནས་དགྲ་བཅོམ་པ་བདུན་གྱིས་དེའི་དོན་འགྲེལ་ལམ། མངོན་པའི་ཕྱོགས་སུ་འགྲོ་བའི་མངོན་པ་སྡེ་བདུན་མཛད་དེ། ཇི་སྐད་དུ། ཆོས་ཀྱི་པུང་པོ་ཤཱ་རིའི་བུས། གདགས་པའི་བསྟན་བཅོས་མིའུ་འགལ་བུས། །ཁམས་ཀྱི་ཚོགས་ནི་གང་པོས་བྱས། །རྣམ་ཤེས་ཚོགས་ནི་ལྷ་སྐྱིད་ཀྱིས། །ཡེ་ཤེས་ལ་འཇུག་ཀ་དྷའི་བུས། །རབ་ཏུ་བྱེད་པ་དབྱིག་ཤེས་ཀྱིས། །ཡང་དག་འགྲོ་བའི་རྣམ་གྲངས་ནི། གསུང་པོ་ཆེ་ཡིས་བྱས་ཞེས་གྲགས། །ཞེས་པ་ལྟར་རོ། །སྟོན་པ་འདས་ནས་ལོ་སུམ་བརྒྱ་ན། ཡུལ་དབུས་ཀྱི་རྒྱལ་པོ་དྷརྨ་ཨ་ཤོ་ཀའི་ཆོས་རྒྱལ་མྱ་ངན་མེད་སྐུ་དྲིན་ལ། སློབ་དཔོན་བྷུ་བ་ཀ་བྱོན་ནས། སྒྲའི་བསྟན་བཅོས་སྒྲ་པཱ་ཎི་བྱ་བ་བརྩམས། བྲམ་ ཟེ་ཧོ་ཧ་ནས་སྒྲ་ཚིག་གི་སྒྲོན་མ་བྱ་བ་བརྩམས། སློབ་དཔོན་ཙནྡྲ་གོ་མིས་བྱཱ་ཀ་ར་ཎ་བརྡ་སྤྲོད་པ་སྡེ་བརྒྱད་བརྩམ། དགྲ་བཅོམ་པ་ཆོས་སྐྱབས་ཀྱིས་དཀོན་མཆོག་བརྩེགས་པ་ལ་བརྟེན་ནས་མངོན་སུམ་གྱི་ཚད་མ་བཞི་དང་། རྗེས་དཔག་གི་ཚད་མ་གསུམ་མཛད། དེ་ནས་སློབ་དཔོན་ཕྱོགས་ཀྱི་གླང་པོས་དམིགས་པ་ལ་བརྟགས་པ་ལ་སོགས་པ་རབ་ཏུ་བྱེད་པ་བརྒྱ་ཐམ་པ་སྔར་བརྩམས་པས་བག་ཙམ་འཐོར་ཏེ་མ་འདུས་པར་མཁྱེན་ནས། ཆོས་སྐྱབས་ཀྱི་ལུང་ལ་བརྟེན་ནས། ལུང་བརྒྱ་དང་ལྡན་པའི་ཚད་མ་ཀུན་ལས་བཏུས་པ་བརྩམས། དེས་དབང་ཕྱུག་སྡེ་ལ་གོང་མ་བཤད་དེ། དབང་ཕྱུག་སྡེས་དོན་དེ་དྷརྨ་ཀཱིར་ཏི་ཆོས་ཀྱི་གྲགས་པ་ལ་བཤད། དྷརྨ་ཀཱིར་ཏིས་གདམས་པ་དེ་ལ་བརྟེན་ནས་ཚད་མ་སྡེ་བདུན་བརྩམས་ཏེ། རྩ་བའི་རབ་ཏུ་བྱེད་པ་གསུམ་དང་། ཡན་ལག་གི་རབ་ཏུ་བྱེད་པ་བཞི་མཛད། དེ་ལ་རྩ་བའི་གསུམ་ནི། དབང་པོ་རབ་ཀྱི་དོན་དུ་རིགས་ཐིགས་ལེའུ་གསུམ་གྱི་བདག་ཉིད་ཅན་བརྩམས། འདི་ཡི་འགྲེལ་པ་རུ་སློབ་དཔོན་ཆོས་མཆོག་གིས་ཆོས་མཆོག་ཆེན་མོ་མཛད། འབྲིང་གི་དོན་དུ་རྣམ་ངེས་ལེའུ་གསུམ་གྱི་བདག་ཉིད་བརྩམས། འདིའི་འགྲེལ་གི་དོན་དུ་རྣམ་ངེས་ལེའུ་གསུམ་གྱི་བདག་ཉིད་བརྩམས། འདིའི་འགྲེལ་པ་རུ་ཤེས་རབ་འབྱུང་གནས་སྦས་པས་ཚད་མ་རྒྱན་མཛད། དབང་པ་ཐ་མའི་དོན་དུ་རྣམ་འགྲེལ་ལེའུ་བཞི་པ་བརྩམས་སོ། །ཡན་ལག་གི་བཞི་ལ། གཏན་ཚིག་དཀའ་བར་དགོངས་ནས་གཏན་ཚིགས་ཀྱི་ཐིགས་པ། འགྲེལ་པ་དཀའ་བར་དགོངས་ནས་འགྱེལ་པ་བརྟགས་པ། རིག་བྱེད་གསང་བར་སྨྲ་བ་སུན་འབྱིན་པ་ལ་རྒྱུད་གཞན་སྒྲུབ་པ། རྩོད་པ་དཀའ་བར་དགོངས་ནས་རྩོད་པའི་རིགས་པ་མཛད། ཕྱིས་དབྱིག་གཉེན་གྱིས་ ཚད་མ་སྨྲ་བ་སྒྲོན་མ་མཛད། དེ་ཚད་མའི་བསྟན་བཅོས་བརྩམས་ཚུལ་ལོ། །དེ་ནས་འདུལ་བའི་བསྟན་བཅོས་བརྩམས་ཚུལ་ནི། འདུལ་བ་ལུང་སྡེ་བཞི་ལ་བརྟེན་ནས། སློབ་དཔོན་ཡོན་ཏན་འོད་ཀྱིས་མདོ་རྩ་བ་བམ་པོ་དགུ་པ་མཛད། ལས་ཀྱི་གཞིའི་ལག་ལེན་ཀརྨ་ཤ་ཏམ་བམ་པོ་དགུ་པ་བརྩམས། མདོ་རྩ་བའི་འགྲེལ་པ་བམ་པོ་བཅུ་བདུན་པ་བརྩམས། སློབ་དཔོན་ཤཱཀྱ་འོད་ཀྱིས་དགེ་ཚུལ་གྱི་དོན་དུ་ཤློ་ཀ་སུམ་བརྒྱ་པ་དང་། དེའི་འགྲེལ་པ་འོད་ལྡན་བམ་པོ་བརྒྱད་པ་བརྩམས། ཁ་ཆེ་དགེ་འདུན་བཟང་པོས་ཀཱ་རི་ཀ་ལྔ་བཅུ་པ་དང་། དགེ་སློང་དང་དགེ་འདུན་གྱི་ལོ་དྲི་བ་ཡང་མཛད་དོ། །སྟོན་པ་འདས་ན་སུམ་བརྒྱ་དང་བཅུ་ན་བཙུན་པ་ལྷ་ཆེན་པོ་ཞེས་བྱ་བ་བྱུང་སྟེ། དེས་འཁོར་རྣམས་ལ་ཆོས་ལོག་ཚིགས་བཅད་སྨྲ་པ། ལྷ་རྣམས་མ་རིག་པ་ཡིས་བསླུས། །ལས་ནི་སྒྲ་ཡི་རྒྱུན་ལས་བྱུང་། ལྷ་རྣམས་མ་རིག་པ་ཡིས་བསླུས། །ལས་ནི་སྒྲ་ཡི་རྒྱུན་ལས་བྱུང་། །ཐེ་ཚོམ་ཅན་རྣམས་གཞན་གྱི་འཇུག །འདི་ནི་སངས་རྒྱས་བསྟན་པ་འོ། །ཞེས་ཆོས་མ་ཡིན་པ་ལྔ་གླེངས་པས། གནས་དེ་ན་ཐོས་པ་དང་ཤེས་རབ་ཏན་ཡོད་པས། དེ་རྣམས་ཀྱིས་ཚིག་དེ་ལ་བརྟགས་པས། ཚིག་དེ་བཀའ་ལས་ཀྱང་འགལ། དོན་ལས་ཀྱང་མཛེས་པར་མི་སྣང་ནས་སྨྲས་པ། ལྷ་ཆེན་པོ་ཁྱེད་ཀྱི་ཚིག་འདི་ལྟ་བུ་ཕྱིས་མ་སྨྲ་ཞིག་འདི་ནི་སངས་རྒྱས་ཀྱི་བསྟན་པ་འདུལ་བའི་ཆོས་མ་ཡིན་ནོ་ཞེས་སྨྲས་པས། དེར་ཚིག་དེ་ལ་གླེང་ལངས་ནས་ཚན་མཐོག་ཐག་རྩོད་དེ། རྒྱལ་བློན་ལ་སོགསཔ་བསྡུམས་ཀྱང་མ་བསྡུམས་ཏེ། སྔོན་སངས་རྒྱས་ཀྱི་རྩོད་པ་ཞི་བའི་ཆོས་འགའ་ཡང་མ་གསུངས་སམ་ཟེར་བས། ཁ་ཅིག་ན་རེ་དེ་ ནི་གསུངས་སོ་ཟེར་ན། འོ་ན་གནས་བརྟན་པ་ལྟར་མེད་ཟེར་བ་རྣམས་ཕྱོགས་གཅིག་ཏུ་འཁོད། ལྷ་ཆེན་པོ་ལྟར་མེད་ཟེར་བ་ཡག་ཕྱོགས་གཅིག་ཏུ་འཁོད་དེ། ལྷ་ཆེན་པོའི་ཕྱོགས་སུ་གཞོན་ཕྱོགས་དྲན་པ་ཅན་མང་། གནས་བརྟན་པའི་ཕྱོགས་སུ་རྒན་རིགས་ཉུང་ཤས་ལུས་ཏེ་རིགས་གཉིས་སུ་འཆད་དོ། །དེ་ལྟར་ལོ་སུམ་བརྒྱ་ནས་བཞི་བརྒྱའི་བར་ཚུན་ཆད་དུ་ཆོས་ཀྱི་ལྟ་བུ་ལ་མ་མཐུན་ཞིང་། རྩོད་པའང་ལན་བདུན་དུ་བྱུང་ངོ༌། །དགེ་འདུན་ཡང་གོང་བཞིན་དུ་རྩ་བ་དང་ཡན་ལག་ཏུ་བཅས་ནས་བཅོ་བརྒྱད་དམ་ཉིས་ཤུ་རྩ་གཉིས་སུ་གྱེས་ཏེ། སོ་སོར་སྡེ་བའི་སློབ་དཔོན་རྣམས་ཀྱིས་བསྟན་བཅོས་ཀྱང་མང་དུ་མཛད་དོ། །ཚུལ་ཇི་ལྟར་མཛད་པའི་ཚུལ་ཡང་། མུ་སྟེགས་ཀུན་བརྟག་པའི་བློ་ཅན་ལ་གང་ཟག་བདག་མེད་པ་ལ་སོགས་འདི་དག་ཀྱང་མེད་པ་མ་ཡིན་ཏེ། ཡོད་པར་བསྟནཔས་གང་ཟག་རྣམས་ཀྱང་། ཅུད་ཟད་ཡོད་པར་ལྟ་བ་ཤས་ཆེ་བར་གྱུར་ཏོ། །དེ་སྐད་དུ་ཡང་ལང་ཀར་གཤེགས་པ་ལས། བཅོ་བརྒྱད་དམ་ནི་ཉིས་ཤུ་གཉིས། །ཐམས་ཅད་ཐེག་པ་གཅིག་ལས་བྱུང་། །ཡོད་པ་མ་ཡིན་མེད་པ་མིན། །མ་འོངས་འབྱུང་བར་ང་སྨྲ་འོ། །ཞེས་གསུངས་པས། རྒྱས་པར་ནི་རྟོག་གེ་འབར་བ་ནས་འབྱུང་བར་ཤེས་པར་བྱའོ། །འདི་རྣམས་ཀྱིས་ལྟ་བ་དང་འདོད་ལུགས། སློབ་དཔོན་དུལ་བའི་ལྷས་མཛད་པའི་གཞུང་ལུགས་ཀྱི་བསྟན་བཅོས། ལྟ་བུ་གསུམ་པ་ཞེས་བྱ་བ་ནས་ཀྱང་བཅོམ་པ་གོ་མི་ཏྲ་ཞེས་པས་ཀྱང་འདུལ་བའི་བསྟན་བཅོས་བརྩམས་པ་ཡོད་ དོ། །དེ་དག་གིས་བཀའ་འཁོར་ལོ་དང་པོ་བདེན་པ་བཞིའི་ཆོས་ཀྱི་འཁོར་ལོ་གཏན་ལ་འབེབས་པ་དབག་པོ་ཐ་མའི་དོན་དུ་བརྩམས་པའོ། །མཚན་ཉིད་མེད་པའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས། བཀའ་གཉིས་པ་མཚན་ཉིད་མེད་པའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས་ནི། སངས་རྒྱས་འདས་ནས་ལོ་བཞི་བརྒྱ་ལོན་པ་ན་འཕགས་པ་ཀླུ་སྒྲུབ་བྱོན་པ་ཡིན་ཏེ། མདོ་སྡེ་སྤྲིན་ཆེན་པོ་ལས་འདི་སྐད་དུ། ཀུན་དགའ་བོ་ལི་ཙཱ་བྱི་གཞོན་ནུ་སེམས་ཅན་རྣམས་ཀྱིས་མཐོང་ན་དགའ་བ་འདི། ང་མྱ་ངན་ལས་འདས་ནས་ལོ་བཞི་བརྒྱ་ན། ཀླུ་ཞེས་བྱ་བ་དགེ་སློང་དུ་གྱུར་ནས། ངའི་བསྟན་པ་རྒྱས་པར་བྱེད་དེ། མཐར་དེ་བཞིན་གཤེགས་པ་ཡེ་ཤེས་འབྱུང་ནས་འོད་ཅེས་བྱ་བར་མངོན་པར་རྫོགས་པར་འཚང་རྒྱ་བར་འགྱུར་རོ། །ཞེས་ལུང་བསྟན་པར་གྱུར་པ་དེ་བྱོན་ནས། ཡུམ་ཆེན་མོའི་གླེགས་བམ་ཡག་ཀླུའི་ཡུལ་ནས་ཡུལ་དབུས་མ་ག་དྷར་སྤྱན་དྲངས། བདག་མེད་སེདྒེའི་ང་རོས་ཤེས་བྱ་ཐམས་ཅད་ཚུལ་གཅིག་ཏུ་སྟོན་པའི་བསྟན་བཅོས་དབུ་མ་རིགས་པའི་ཚོགས་དྲུག་ལ་སོགས་པ་བརྩམས་ཏེ། དབུ་མ་རྩ་བའི་ཤེས་རབ། རིགས་པ་དྲུག་ཅུ་པ། རྩོད་པ་བཟློག་པ། ཞིབ་མོ་རྣམ་པར་འཐག་པ། རིན་པོ་ཆེའི་འཕྲེང་བ། གང་ལ་འཇིགས་མེད་ལ་སོགས་པ་མཛད། ཨཱརྱ་དེ་བས་བཞི་བརྒྱ་པ་མཛད། ཟླ་གྲགས་ཀྱིས་རྩ་བ་ཤེས་རབ་ཀྱི་པ་དབུ་མ་ཚིག་གསལ་ ཞེས་རྩ་ཤེའི་འགྲེལ་པ་བཞི་བརྒྱ་པའི་ཊཱིཀ་དང་འཇུག་པའི་འགྲེལ་པ་རིཊ་པ་དྲུག་ཅུ་པ། སྟོང་ཉིད་བདུན་ཅུ་པ། རིན་པོ་ཆེའི་འཕྲེང་བ། དེ་རྣམས་ཀྱི་འགྲེལ་པ་མཛད། སངས་རྒྱས་ཡེ་ཤེས་ཞབས་ཀྱིས་ཀྱང་རྩ་ཤེའི་འགྲེལ་པ་མཛད། བྷ་བྱས་ཀྱང་རྩ་ཤེའི་འགྲེལ་པ་ཤེས་རབ་སྒྲོན་མ་མཛད། དེའི་འགྲེལ་པ་སྤྱན་རས་གཟིགས་ཀྱི་བརྟུལ་ཞུགས་མཛད། བྷ་བྱས་རྟོག་གེ་འབར་བ་མཛད་དེ། དེ་རྣམས་ནི་རིགས་པའི་ཚོགས་སམ། གཞུང་ཕྱི་མོ་ཞེས་བྱའོ། །དེ་ནས་བྷ་བྱའི་རྗེས་སུ་འབྲངས་པའི་ཡེ་ཤེས་སྙིང་པོས་བདེན་གཉིས་མཛད། ཐོགས་མེད་ཀྱི་རྗེས་སུ་འབྲངས་པའི་ཞི་བ་འཚོས་དབུ་མ་རྒྱན་མཛད། ཀཱ་མ་ལ་ཤཱི་ལས་དབུ་མ་སྣང་བ་མཛད་དེ། དེ་གསུམ་ལ་དབུ་མ་ཤར་པ་གསུམ་ཞེས་བྱ་སྟེ། རང་རྒྱུད་པ་ཞེས་བྱའོ། །དེ་རྣམས་ནི་ཕར་ཕྱིན་དང་ལྟ་བ་མཐུན་པས་དབུ་མའི་བསྟན་བཅོས་སོ། །ཁྱད་པར་དུ་ཤེས་རབ་ཀྱི་ཕ་རོལ་ཏུ་ཕྱིན་པ་གཞུང་ཆེ་ཕྲ་ཉིས་ཤུ་ལ་དགོངས་འགྲེལ་གྱི་བསྟན་བཅོས་མཛད་པ། ནག་ཁྲིད་བཅུ་དགུ་ལ་སློབ་དཔོན་དིཥྟ་སེ་ནས་འབུམ་ཊཱིཀ་མཛད། ཕྱོགས་ཀྱི་གླང་པོས་དོན་བསྡུས་བྱམས་པས་མངོན་རྟོགས་རྒྱན་མཛད། ཐོགས་མེད་ཀྱིས་བྱེབྲག་བཤད་པ་དང་སྐབས་བསྡུས། ཀླུ་སྒྲུབ་ཀྱིས་དོན་བསྡུས། ཨཱརྱ་དེ་བས་ཀྱང་དོན་བསྡུས། དབྱིག་གཉེན་གྱིས་ཉིས་ཁྲི་གཞུང་འགྲེལ། འཕགས་པ་རྣམ་གྲོལ་སྡེས་ཉིས་ཁྲི་སྣང་བ། སོ་སོ་སྐྱེ་བོ་རྣམ་གྲོལ་སྡེས་སྙིང་པོ་མཆོག་སེདྒེ་བཟང་པོས་འགྲེལ་པ་དོན་གསལ་དེ་ཉིད་སྣང་བ། བརྒྱད་སྟོང་འགྲེལ་ཆེན། འགྲེལ་ཆུང་། ཤཱདྟི་པས་དག་ལྡན། ཡེ་ཤེས་ཞབས་ཀྱིས་པན་ཙིག །ཀཱ་མ་ལ་ཤཱི་ལས་ཡེ་ཤེས་སྙིང་ལ་འགྲེལ་ཆུང་། བཱི་མ་ལ་ མི་ཏྲས་ཤེར་སྙིང་ལ་རྒྱ་ཆེར་འགྲེལ། ཁ་ཆེ་ཛྙན་ཤྲཱིས་ཀྱང་མངོན་རྟོགས་རྒྱན་ལ་འགྲེལ་པ་མཛད། གཞན་ཡང་ཀླུ་སྒྲུབ་ཀྱིས་བཟོ་རིག་པའི་བསྟན་བཅོས་བཟོའི་གནས་སུམ་ཅུ་པ་ལ་སོགས་པའམ། བློན་པོའི་དོན་དུ་ཤེས་རབ་བརྒྱ་པའམ། བཙུན་མོའི་དོན་དུ་སྤོས་ཡིག་ལ་སོགས་པ་མཛད། གསོ་བ་རིག་པའི་བསྟན་བཅོས་ཀྱང་སོ་མ་རྭ་ཙ་དང་། འཚོ་བའི་མདོ་དང་ཡན་ལག་བརྒྱད་པ་དང་། འདྲ་བ་ཏའི་རྩ་འགྲེལ་ལ་སོགས་པ་མཛད་དེ། དེ་དག་ནི་བསྟན་བཅོས་ཤིང་རྟ་ཆེན་པོའི་སྲོལ་གཅིག་གོ །དོན་དམ་རྣམ་པར་ངེས་པའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས། བཀའ་གསུམ་པ་དོན་དམ་རྣམ་པར་ངེས་པའི་ཆོས་ཀྱི་འཁོར་ལོ་གསལ་བར་བྱེད་པའི་བསྟན་བཅོས་ནི། སྟོན་པ་ཞི་བར་གཤེགས་ནས་ལོ་དགུ་བརྒྱ་ལྷག་ཙམ་སྟོང་དུ་ཉེ་བ་ན། སངས་རྒྱས་ཀྱི་བསྟན་པ་ལ་སྤྲང་པོ་ཉི་མའི་དངོས་གྲུབ་ལ་སོགས་པ་དགྲ་ལན་གསུམ་བྱུང་སྟེ། དང་པོ་ནོི་མུ་སྟེགས་ཀྱི་རྒན་མོ་ཞིག་ན་རེ། ནང་པའི་གཎྜིའི་སྒྲ་མ། འགེམས་ཞེས་པ་ཞིག་སྣང་སྟེ། འོ་སྐོལ་ལ་གནོད་མི་གནོད་བརྟག་པར་རིགས་སོ་ཞེས་ཟེར་ནས་བརྟགས་པས། འོ་སྐོལ་ལ་གནོད་མི་གནོད་བརྟག་པར་རིགས་སོ་ཞེས་ཟེར་ནས་བརྟགས་པས། ལྷ་དང་ཀླུ་དང་གནོད་སྦྱིན་གྱི་མཆོད་པའི། །དཀོན་མཆོག་གསུམ་གྱི་ཏོག་སྡེ་འདི་བརྡུངས་པས། །མུ་སྟེགས་འཆལ་པའི་ཀླད་པ་རྣམ་པར་འགེམས། །ཞེས་པར་རིགས་ནས་དམག་དྲངས་ནས་བསྣུབས་སོ། །དེ་ནས་ཅུང་ཙད་འཕེལ་ནས་ཡོད་པའི་ཚེ། དབུས་ཀྱི་རྒྱལ་པོས། སྟག་གཟིག་གི་རྒྱལ་པོ་ལ་རས་ཀྱི་ན་བཟའ་སྲུབས་མེད་པ་ ཞིག་སྐྱེས་སུ་བསྐུར་ཏེ་དེའི་སྙིང་ཁར་རྐང་རྗེས་འདྲ་བ་ཞིག་ཡོད་པས། ངན་སྔགས་བྱས་སོ་ཟེར་ནས་དམག་དྲངས་ཏེ་བསྣུབས་སོ། །དེ་ནས་ཀྱང་ཅུང་ཟད་པའི་འཕེལ་ནས་ཡོད་པའི་ཚེ། ནང་པའི་གཙུག་ལག་ཁང་ཞི་ཏུ། ཕྱི་པའི་སྤྲང་པོ་གཉིས་སློང་དུ་འོངས་པ་ལ་བཀྲུས་ཆུ་གཏོར་བས་ཁྲོས་ཏེ། ཉི་མ་བསྒྲུབས་ནས་ནང་པའི་གཙུག་ལག་ཁང་དང་གསུང་རབ་མང་པོ་བསྲེགས་ནས་བསྣུབས་སོ། །དེ་ལྟར་བསྟན་པ་ཉམས་དམས་པའི་དུས་སུ། བྲམ་ཟེ་མོ་གསལ་བའི་ཚུལ་ཁྲིམས་ཞེས་བྱ་བ་དགེ་སློང་མ་ཞིག་ཡོད་པ་ལ། དེའི་རྨི་ལམ་དུ། ཚུལ་ཁྲིམས་སྲུང་པ་ལས་ཁྱིམ་ཐབ་བྱས་ན་སངས་རྒྱས་ཀྱི་བསྟན་པ་དར་ཞིང་སེམས་ཅན་ལ་ཕན་པ་ཡོད་དེ་ཟེར་བ་ཞིག་བྱུང་ནས། བྲམ་ཟེར་མོ་དེས་རྒྱལ་བོ་གཅིག་དང་ཁྱིམ་ཐབ་བྱས་པ་ལས། འཕགས་པ་ཐོགས་མེད་བྱོན། དེ་ནས་བྲམ་ཟེར་གཅིག་དང་ཁྱིམ་ཐབས་བྱས་པ་ལས། སློབ་དཔོན་དབྱིག་གཉེན་བྱོན་ནས། གཅེན་པོས་མགོན་པོ་བྱམས་པ་བསྒྲུབས་ཏེ། གྲུབ་པ་དང་རྫུ་འཕྲུལ་གཞན་སྟོན་མཛད་ནས། དགའ་ལྡན་དུ་བྱོན་ནས་བྱམས་པ་དངོས་ལ་མི་ལོ་ལྔ་བཅུའི་བར་དུ་ཆོས་གསན་ནས། ཕྱིས་མི་ཡུལ་དུ་བྱོན་ཏེ། བྱམས་པའི་ཆོས་ལྔ་མཛད་དེ། རྒྱན་རྣམ་གཉིས། འབྱེད་རྣམ་གཉིས། ཐེག་པ་ཆེན་པོ་རྒྱུད་བླ་མ་དག་ལྔའོ། །དེ་ལྟ་བུའི་ཆོས་ལྔ་པོ་འདིས་ཀྱང་སྡེ་སྣོད་གསུམ་གཏན་ལ་དབབ་པའི་ཕྱིར་གསུངས་ཏེ། མདོ་སྡེའི་སྡེ་སྣོད་གཏན་ལ་དབབ་པའི་དབང་དུ་བྱས་ནས། མདོ་སྡེ་རྒྱན་དང་། རྒྱུད་བླ་མ་མཛད། འདུལ་བའི་སྡེ་སྣོད་གཏན་ལ་འབེབས་པ་ལ། མངོན་རྟོགས་རྒྱན། མངོན་པ་ལ་ཆོས་དང་ཆོས་ཉིད་དབུ་མ་དང་མཐའ་གཉིས་མཛད། དེ་ལྟ་བུའི་ཆོས་ལྔ་པོ་ དེ་བྱམས་པས་ཐོགས་མེད་ལ་གནང་སྟེ། ཐོགས་མེད་ཀྱིས་ཀྱང་སྡེ་སྣོད་མཐའ་དག་གི་དོན་གསལ་བར་བྱ་བའི་ཕྱིར། རྣལ་འབྱོར་སྤྱོད་པའི་ས་སྡེ་ལྔ་དང་། སྡོམ་རྣམ་པ་གཉིས་མཛད་དེ། དེ་ལ་སའི་དངོས་གཞི་ནི་རྦ་བ་ལྟ་བུ་ཡིན་ལ། རྣམ་པར་གཏན་ལ་དབབ་པ་བསྡུ་བ་ནི། དེའི་ཚིག་གི་འགྲེལ་པ་ཡིན་ཞིང་། གཞི་བསྡུ་བ་ནི་དེའི་དོན་གྱི་ཆ་སྡེ། དེ་བསྟནཔར་བྱ་བ་རྣམས་སྤྱོད་པར་བསྡུ་བས། དེའི་དོན་སློབ་མ་ལ་ཇི་ལྟར་བཤད་ཐམས་སྟོན་པར་བརྩིས་པའོ། །དེ་ཡག་ལྔ་པོ་བསྡུས་པས་ས་བཅུ་བདུན་དུ་བཞག་སྟེ། དང་པོ་དགུ་ནི་འཁོར་བར་འཇུག་ཕྱོགས་ཀྱི་ས་ལ་འཁོར་བ་ལས་ལྡོག་པའི་ཕྱོགས་ནས་འོག་མ་བརྒྱད་བཞག་གོ །སྡོམ་པ་རྣམས་གཉིས་ནི། ཐེག་པ་ཐུན་མོང་གི་སྡོམ་པ་མངོན་པ་ཀུན་ལས་བཏུས་པ་དང་། ཐུན་མོང་མ་ཡིན་པའི་སྡོམ་པ་ཐེག་པ་བསྡུས་པའོ། །དེ་ཡང་མངོན་པ་ཀུན་ལས་བཏུས་པ་ཕུང་པོ་ལྔའི་རང་བཞིན་དུ་བཞག་ཅིང་། ཐེག་པ་བསྡུས་པ་ནི་ཤེས་བྱའི་གནས་ལ་སོག་སཔ་བཅུས་ཐེག་པ་ཆེན་པོ་མཐའ་དག་གི་དོན་བསྡུས་པར་བརྩམས་སོ། །དེ་ནས་སློབ་དཔོན་དབྱིག་གཉེན་གྱིས་ཁ་ཆེ་འདུལ་བ་བཟང་པོ་ལ་སོགས་པོ་པཎྜི་ཏ་ཆེན་པོ་མི་ཡི་བླ་མ་མཉེས་པར་མཛད་ནས་སྡེ་སྣོད་མང་པོ་གསན་ཅིང་། ཁོ་རང་ཡང་སྐྱེ་བ་མཉེས་པར་མཛད་ནས་སྡེ་སྣོད་མང་པོ་གསན་ཅིང་། ཁོ་རང་ཡག་སྐྱེ་བ་ལྔ་བརྒྱར་པཎྜི་ཏར་བརྒྱུད་ནས་སྐུ་འཁྲུངས་པ་ཡིན་པས། བསྟན་བཅོས་རྩོམ་པའི་སྤོབས་པ་ཐོགས་པ་མི་མངའ་བ་དང་ལྡན་པ་ཡིན་པས། བསྟན་བཅོས་རྩོམ་པའི་སྤོབས་པ་ཐོགས་པ་མི་མངའ་བ་དང་ལྡན་པས། མངོན་པ་མཛོད་རྩ་འགྲེལ་དང་བཅས་པ་མཛད་པ་ཡིན་ཏེ། གཅེན་ལ་གསན་ནས། ཐེག་པ་ཆེན་པོ་སེམས་ཅན་གྱི་དོན་གསལ་བར་བྱ་བའི་ཕྱིར། རབ་ ཏུ་བྱེད་པ་པྲ་ཀ་ར་ན་སྡེ་བརྒྱད་མཛད་དེ། འདི་ལྟར་ཕུང་པོ་ལྔའི་བ་ཏུ་བྱེད་པ་དང་། ཉིས་ཤུ་པ་དང་། སུམ་ཅུ་པ་དང་། ལས་གྲུབ་པ། རྣམ་བཤད་རིགས་པ། དབུས་མཐའི་འགྲེལ་བ། མདོ་སྡེ་རྒྱན་གྱི་འགྲེལ་པ། རྟེན་འབྲེལ་ཆེན་པོའི་ཊཱིཀ་རྣམས་བརྩམས། དབྱིག་གཉེན་གྱིས་ཚེ་རབས་སུ་ཁམས་བརྟས་པར་བྱས་པ། བློ་གྲོས་བསྟན་པས་ཀྱང་ཕུང་པོ་ལྔའི་འགྲེལ་པ་བྱེ་བྲག་བཤད་པ་དང་། སུམ་ཅུ་པའི་རྣམ་བཤད་དང་། དབུས་མཐའི་འགྲེལ་བཤད་དག་མཛད། བྲམ་ཟེའི་བཙུན་པོ་ཡོན་ཏན་འོད་ཀྱིས་ཕུང་པོ་ལྔའི་རབ་བྱེད་ཀྱི་འགྲེལ་པ་མཛད། དགེ་བསྙེན་བཙུན་པ་ངོ་བོ་ཉིད་མེད་པར་སྨྲ་བས་ཀྱང་མདོ་སྡེ་རྒྱན་གྱི་འགྲེལ་བཤད་དང་། །དེ་ལྟར་ཐོགས་མེད་མཆེད་གཉིས་སློབ་བརྒྱུད་དང་བཅས་པས་བསྟན་བཅོས་མང་དུ་མཛད་དེ། དམ་པའི་ཆོས་མངོན་པ་ལ་དྒ་ལན་གསུམ་དུ་དར་ནས་ནུབ་པ་དེ་དར་བར་བྱས་སོ། །དེ་རྣམས་ཀྱང་ཤིང་རྟའི་སྲོལ་གཅིག་ཡིན་ནོ། །གསང་སྔགས་འཁོར་ལོ་གསུམ་པར་བྱས་པའི་རྒྱུད་སྡེ་རྣམས་གསལ་བར་བྱེད་པའི་བསྟན་བཅོས། གསང་སྔགས་འཁོར་གསུམ་པར་བྱས་པའི་རྒྱུད་སྡེ་རྣམས་གསལ་བར་བྱེད་པའི་བསྟན་བཅོས་བརྩམས་ཚུལ་ནི། གསང་འདུས་འགྲེལ་བྱེད་འཕགས་པ་ཡབ་སྲས་དང་། པདྨ་ཀུ་ལ་ལ་སོགས་པས་མཛད་དེ་སློབ་དཔོན་ཀླུ་སྒྲུབ་ཀྱིས་མ་སྨིན་པ་རྣམས་སྨིན་པར་བྱེད་པའི་ཆོ་ག་ཉིས་ཤུ་པ། དེ་གྲོལ་བར་བྱེད་པའི་བསྐྱེད་རིམ་ལ་མདོར་བྱས་དང་མདོར་བསྲེས་གཉིས། རྫོགས་རིམ་ལ་ལམ་རིམ་པ་ལྔ་དང་། བྱང་ཆུབ་སེམས་འགྲེལ་ལ་སོགས་པ་མཛད། དེ་ལ་རྒྱ་དང་བསྟུན་པ་ཕྱག་རྒྱ་བཞི་མཛད། །ཨཱརྱ་དེ་བས་དེའི་དོན་འགྲེལ་བའི་ཆེད་དུ་སྤྱོད་བསྡུས། བག་ཆགས་སྦྱོང་པ་ལ་སེམས་ཀྱི་སྒྲིབ་སྦྱོང་། སྒྱུ་ལུས་ཕལ་པ་དག་པར་བྱེད་པ་རང་བྱིན་གྱིས་བརླབས་པ་མཛད། ཟླ་གྲགས་ཀྱིས་སྒྲོན་གསལ་དང་། རྡོ་རྗེ་སེམས་དཔའི་སྒྲུབ་ཐབས་མཛད། ཕྱིས་སློབ་དཔོན་གྱིས་སྒྲ་སྦྱང་དད་པ་དང་། སྦྱོར་བ་ཡན་ལག་དྲུག་དང་བདུད་རྩི་གསང་བའི་སྒྲུབ་ཐབས་མཛད། ཤཱཀྱ་བཤེས་གཉིན་གྱིས་རིམ་པ་གཉིས་པ་དང་། སེམས་དམིགས་མཛད། ནཱག་བོ་དྷེས་རྣམ་བཞག་དང་། མངོན་པར་བྱང་ཆུབ་པ་དང་། རིམ་པ་ཁོངས་སུ་བསྡུས་པ་དང་། རྡོ་རྗེ་སེམས་དཔའི་མཆོད་ཐབས་མཛད། སློབ་དཔོན་གཞན་གྱིས་ཀྱང་གསང་འདུས་ལ་བརྟེན་པ་ཨནྡྲི་བྷཱུ་ཏིས་ཡེ་ཤེས་གྲུབ་པ། པདྨ་བཛྲས་གསང་བ་སྒྲུབ་པ། ལེགས་སྨིན་ཀཱ་རས་གཉིས་མེད་གྲུབ་པ། ཡན་ལག་མེད་པའི་རྡོ་རྗེས་ཐབས་ཤེས་རབ་གཏན་ལ་དབབ་པ་གྲུབ་པ་མཛད། སློབ་དཔོན་སངས་རྒྱས་ཡེ་ཤེས་ཞབས་ཀྱིས་འཇིག་རྟེན་སྣང་བྱེད་ཀྱི་དལ་དང་། སྒྲུབ་ཐབས་ཀུན་ཏུ་བཟང་པོ་མཛད། དེའི་སློབ་མ་བཞི་ལ་ཐ་ཁ་ནས་ཁ་ཆེ་ཆུང་། ཛ་ཡན་དད་ཏས་ཛ་ཡ་ཛྙཱ་ན། ཤང་ཀར་ན་ནས་ཀུན་ཏུ་བཟང་པོའི་འགྲེལ་པ་རྡོ་རྗེ་ནོར་བུ། དྲི་མེད་འབྱུང་ནས་གནས་ཀྱིས་ལེའུ་བཅུ་བདུན་གྱི་འགྲེལ་པ་རྒྱན་མཛད། ཤཱིདྟི་པས་སྙིམ་པའི་མེ་ཏོག་མཛད། ངག་དབང་གྲགས་པས་གཞི་སྣང་ཡན་ལག་བདུནཔ་མཛད། གཞན་ཡང་ཀུན་དགའ་སྙིང་པོ་དང༌། བཱི་ མི་ཏྲ་དང་། ཤཱཀྱ་མི་ཏྲ་དང་། བཞད་པའི་རྡོ་རྗེ། ཆོས་ཀྱི་མྱུ་གུ །མགྲིན་པ་གསུམ་པ། དབྱངས་སྙན་བྷུདྡྷ། བྷ་ལིང་ཏ་ལ་སོགས་པས་གསང་བ་འདུས་ཀྱི་བསྟན་བཅོས་མང་དུ་མཛད། དེ་ཉིད་འདུས་པ་སློབ་དཔོན་གསུམ་གྱི་གཞུང་ཞེས་པ་ཤཱཀྱ་བཤེས་གཉེན་གྱིས་འགྲེལ་པ་ཀ་ས་ལ་མཛད། སངས་རྒྱས་གསང་བ་དང་ཀུན་དགའ་སྙིང་པོ་སྟོད་འགྲེལ་སྨད་འགྲེལ་སྒྲུབ་ཐབས་གསུམ། བཤད་རྒྱུད་བཞི་དང་ངན་སོང་སྦྱོང་པ་ལ་སོགས་པའི་འགྲེལ་པ་མང་དུ་མཛད། ཕ་རྒྱུད་འགྲེལ་བྱེད་དེ་སོགས་ཞེས་པ་ནི། གཤིན་རྗེ་དམར་ནག་འཇིག་བྱེད་གསུམ་གྱི་རྒྱུད་ལ་དཔལ་འཛིན་དང་། ནི་ལ་བཛྲ་མི་ཕྱེད་གྲགས་པ། ནག་པོ་ཞབས། མར་མེ་མཛད་དང་། ཀུ་མཱ་ར་ཙནྡྲ་དང་། ཤཱནྟི་པས་ཀྱང་འགྲེལ་པ་མཛད། མའི་རྒྱུད་སྡེ་བཅུ་བཞིའི་དོན་འགྲེལ་ཞེས་པ། གུར་ལས་མ་རྒྱུད་བཅུ་བཞིར་བཞག་སྟེ། དེ་དག་གི་སྒྲུབ་འགྲེལ་ལས། བདེ་མཆོག་ལ་ཕྱག་ན་རྡོ་རྗེའི་སྟོད་འགྲེལ་དང་། ཀ་མ་ལའི་འགྲེལ་པ་དང་། ཀོང་ཀ་ནའི་འགྲེལ་པ་དང་། ལུ་ཧི་པ་དང་ནག་པོ་རྡོ་རྗེ་ལ་རྡོ་རྗེ་སྙིང་པོའི་འགྲེལ་པ་དང་། མཚོ་སྐྱེས་ཀྱི་སྒྲུབ་ཐབས་དང་འགྲེལ་པ་མཚོ་སྐྱེས་མ། མི་ཐུབ་ཟླ་བས་ཡན་ལག་དྲུག་པ་དང་འགྲེལ་པ་ཀུ་མུ་ཏ། ཤཱདྟི་པས་སྒྲུབ་ཐབས་འཁྲིལ་སྤོང་དང་འགྲེལ་པ་མུ་ཏིག་འཕྲེང་བ། སློབ་དཔོན་ནག་པོ་བས་དེ་ཉིད་གསལ་བའི་སྒྲུབ་ཐབས་དང་ནག་པོ་པའི་དགོངས་འགྲེལ། ཌོམ་བྷི་ཧེ་རུ་ཀས་བདག་མེད་མ་གསལ་བ་དང་། ལྷ་མོ་བཅོ་ལྔ་མ་མཛད་གཞན་ཡང་མཻ་ཏྲི་པས་ཀྱང་མཛད་པ་ཡོད་དོ། །མ་ཧཱ་མ་ཡ་ལ་ཀུ་ཀུ་རི། དང་། རྒྱན་པ་དང་། ཤཱནྟི་པ་དང་། ནག་པོའི་གཞུང་ལ་སོགས་པའོ། །ནག་པོ་པ་ལ་སོགས་པའི་འགྲེལ་སྒྲུབ་མང་དུ་ཡོད་དོ། །གདན་བཞི་ལ་འཕགས་པའི་ལྷའི་གཞུག་ལ་སོགས་པའོ། །རྒྱུད་ཐམས་ཀྱི། ཐུན་མོང་ངམ་ཁྱད་པར་གྱུར་པ་དང་པོའི་སངས་རྒྱས་ཀྱི་རྒྱུད་དཔལ་དུས་ཀྱི་འཁོར་ལོ་ལ་ཡང་བྱང་ཆུབ་སེམས་དཔའ་སྤྱན་རས་གཟིགས་ཀྱི་གཞུང་ལ་སོགས་པ་མང་དུ་ཡོད་དོ། །དེ་བཞིན་བྱ་སྤྱོད་ལ་སོགས་པའི་རྟོག་པ་ཕྲ་མོ་རྣམས་ལ་ཡང་སློབ་དཔོན་ནཱ་ག་རྫུ་ནའི་ཀླུ་སྒྲུབ་རྒྱུད་ཀུན་ལས་བཏུས་པ་དང་། རིག་པ་འཛིན་པའི་སྡེ་སྣོད་ལ་སོགས་པ་གཞུང་དུ་མ་བརྩམས་སོ། །གཞན་ཡང་བྲམ་ཟེ་ཆེན་པོ་ས་ར་ཧ་པས་ཕྱག་རྒྱ་ཆེན་པོ་དོ་ཧ་ཆེ་འབྲིང་རྣམས་དང་། སྔགས་དང་མཚན་ཉིད་ཀྱི་བསྟན་བཅོས་འགའ་ཟུང་བརྩམས། སློབ་དཔོན་གཞན་དག་གིས་མཛད་པའང་དུ་མ་ཞིག་བཞུགས་སོ། །གསུམ་པ། ཐེག་པའི་ཁྱད་པར་བསྟན་པ། གསུམ་པ་ཐེག་པའི་ཁྱད་པར་བསྟན་པ་ནི། རྒྱུ་མཚན་ཉིད་ལུགས་ཀྱི་བཀའ་དང་བསྟན་བཅོས་དེ་རྣམས་ཀྱང་ཉན་རང་ཐེག་ཆུང་དང་། བྱང་སེམས་ཐེག་ཆེན་གཉིས་སུ་འདུས་པར་གསུངས། དེ་གཉིས་ཀྱི་ཁྱད་པར་ཡང་ཤེས་རབ་དང་སྙིང་རྗེ་ཆེ་བ་ལ་ཐེག་ཆེན། ཤེས་རབ་དང་སྙིང་རྗེ་ཆུང་བ་ལ་ཐེག་ཆུང་ངོ་། །དེ་སྐད་དུ་ཡང་། ཡེ་ཤེས་རྣམཔར་བཀོད་པའི་རྒྱུད་ལས། སྙིང་རྗེས་སེམས་ཅན་ལ་དམིགས་ཤིང་། །ཤེས་རབ་ཆོས་ཀྱི་དབྱིངས་སུ་ཁྱབ། །ཐེག་པ་ཆེན་པོ་ཞེས་བྱར་བཤད། །ཐེག་ ཆུང་དེ་ལས་ལྡོག་པའོ། །ཞེས་པས། དེ་གཉིས་ཀྱི་ཁྱད་པར་ལ་བརྒྱད་དོ། །རང་གི་ངོ་བོའི་སྒོ་ནས་ཤེས་རབ་དང་སྙིང་རྗེ་ཆེ་ཆུང་གི་ཁྱད་པར་དང་། འཇུག་སྒོའི་སྒོ་ནས་བདེན་པ་མང་ཉུང་གི་ཁྱད་པར་དང་། ལྟ་བའི་སྒོ་ནས་རྟོགས་པ་ཆེ་ཆུང་གི་ཁྱད་པར་དང་། བསྲུང་མཚམས་ཀྱི་སྒོ་ནས་གནད་བཀག་ཡོད་མེད་ཀྱི་ཁྱད་པར་དང་། སྒོམ་པའི་སྒོ་ནས་དམིགས་པ་དང་བཅས་པ་དང་དམིགས་པ་མེད་པའི་ཁྱད་པར་དང་། སྤྱོད་པའི་སྒོ་ནས་གཞན་དོན་བྱེད་པ་དང་མི་བྱེད་པའི་ཁྱད་པར་དང་། སྒྲུབ་པའི་སྒོ་ནས་ཐབས་དང་ཤེས་རབ་བྲལ་མ་བྲལ་གྱི་ཁྱད་པར་དང་། འབྲས་བུའི་སྒོ་ནས་སེམས་ཅན་ལ་ཐུགས་རྗེ་འབྱུང་བ་དང་མི་འབྱུང་བའི་ཁྱད་པར་དང་བརྒྱད་དོ། །དང་པོ་ཐེག་པའི་ཁྱད་པར་གྱི་དང་པོ་རང་གི་ངོ་བོའི་ཁྱད་པར་ནི། ནང་པ་སངས་རྒྱས་པའི་ཐེག་པ་མཚན་ཉིད་དང་ལྡན་པ་ལ། ཤེས་རབ་དང་སྙིང་རྗེ་ཆུང་བ་ཞིག་ཐེག་པ་ཆུང་དུ། དེ་ལ་ཤེས་རབ་བྱུང་སྟེ་བདག་མེད་གཉིས་ཀྱི་དོན་མ་རྟོགས། ཉན་ཐོས་ཀྱི་གང་ཟག་གིས་བདག་མེད་ཙམ། རང་རྒྱལ་གྱིས་ཆོས་ཀྱི་བདག་མེད་ཙམ་ལས་མ་རྟོགས་པའོ། །དེ་ཡང་སྡུད་པ་ལས། སེམས་བསྐྱེད་དེས་ནི་ཕས་པས་ཀྱང་ཤིན་ཏུ་ལྕི། །ཞེས་སོ། །ནང་པ་སངས་རྒྱས་པའི་ཐེག་པ་མཚན་ཉིད་དང་ལྡན་པ་ལ། ཤེས་རབ་དང་སྙིང་རྗེ་ཆུང་བ་ཞིག་ཐེག་པ་ཆུང་དུ། དེ་ལ་ཤེས་རབ་བྱུང་སྟེ་བདག་མེད་གཉིས་ཀྱི་དོན་མ་རྟོགས། ཉན་ཐོས་ཀྱི་གང་ཟག་གིས་བདག་མེད་ཙམ། རང་རྒྱལ་གྱིས་ཆོས་ཀྱི་བདག་མེད་ཙམ་ལས་མ་རྟོགས་པའོ། །དེ་ཡང་སྡུད་པ་ལས། སེམས་བསྐྱེད་དེས་ནི་ཕས་ཕམ་པས་ཀྱང་ཤིན་ཏུ་ལྕི། །ཞེས་སོ། །ནང་པ་སངས་རྒྱས་ཐེག་པ་མཚན་ཉིད་དང་ལྡ་པ་ལ། ཤེས་རབ་དང་སྙིང་རྗེ་དང་ལྡན་པ་ཞིག་ཐེག་པ་ཆེན་པོ་སྟེ། དེ་ལ་ཤེས་རབ་ཆེ་སྟེ། བདག་མེད་གཉིས་ལེགས་པར་རྟོགས་ཏེ། སྡུད་པ་ལས་ཤེས་རབ་ལྡན་པ་མཁའ་ལ་བྱ་བཞིན་རྣམ་པར་རྒྱུ། །ཞེས་པ་དང་། ཡང༌། ཤེས་རབ་ཀྱིས་ནི་ཆོས་ཀྱི་རང་བཞིན་ཡོངས་ཤེས་ནས། །ཞེས་པས་སོ། ། སྙིང་རྗེ་ཆེ་སྟེ་རང་དོན་ཡལ་བར་དོར་ནས་གཞན་དོན་གཙོར་བྱེད་པའོ། །དེ་སྐད་དུ་ཡང་། ཐབས་མེད་ཤེས་རབ་དམན་པས་གཞཉ་དོན་བྱེད་མི་ནུས། གཞན་དོན་གཙོར་བྱེད་ཐེག་པ་ཆེན་པོའི་ལམ། །ཞེས་པ་དང་། མཚན་བརྗོད་ལས། སྙིང་རྗེ་ཡི་ནི་ཡ་ལད་བགོས། །ཞེས་དང་། སྡུད་པ་ལས། མིའི་འཇིག་རྟེན་འབྱུང་པོའི་གདོན་དང་ནད་མང་བ། ཕན་དང་སྙིང་རྗེར་ལྡན་པའི་བྱིན་གྱིས་བརླབས་ཀྱིས་ཞི། ཞེས་སོ། །གཉིས་པ་འཇུག་སྒོའི་ཁྱད་པར་ནི། དང་པོ་ཐེག་པ་ཆུང་དུ་པ་རྒྱུ་བདེན་པ་བཞིའམ་རྟེན་ཅིང་འབྲེལ་པའི་སྒོ་ནས་འཇུག །དེ་ཡང་མཚན་བརྗོད་ལས། བདེན་བཞིའི་ཚུལ་གྱི་རྣམ་པ་ཅན། །ཞེས་པ་དང་། ཡན་ལག་བཅུ་གཉིས་སྲིད་རྩ་སྟོན། །ཞེས་སོ། །གཉིས་པ་ཐེག་པ་ཆེན་པོ་ནི། རྒྱུ་བདེན་པ་གཉིས་ཀྱི་སྒོ་ནས་འཇུག །ཐེག་ཆུང་བཞིན་སྤང་བྱ་སྤོང་བྱེད། རྟེན་འབྲེལ་གྱི་རྟོག་སྤྱོད་བྱ་མི་དགོས། དོན་དམ་པའི་བདེན་པ་སྟོང་ཞིང་སྤྲོས་པ་དང་བྲལ་བའི་སྒོ་ནས་འཇུག །ཀུན་རྫོབ་ཀྱི་བདེན་པ་སྙིང་རྗེ་ཆེན་པོ་སྒྱུ་མ་ལྟ་བུའི་སྒོ་ནས་འཇུག་གོ །དེ་ཡང་མཚན་བརྗོད་ལས། བདེན་པ་གཉིས་ཀྱི་ཚུལ་ལ་གནས། །བདེན་པ་གཉིས་ཀྱི་ཚུལ་གྱི་མཆོག །ཅེས་སོ། །གསུམ་པ་ལྟ་བའི་ཁྱད་པར་ནི། དང་པོ་ཐེག་པ་ཆུང་བས་བདག་མེད་གཉིས་ཀ་མ་རྟོགས་ཏེ། ཆོས་ལ་བདག་ཏུ་འཛིན་པའོ། །དེའང་གསང་སྙིང་ལས། བདག་དང་བདག་གིར་སོ་སོར་འཛིན། །ཞེས་པ་དང་། སྡུད་པ་ལས། བདག་ཏུ་གནས་པ་ལེ་ལོར་གྱུར་འཛིན་དང་། སྡུད་པ་ལས། བདག་ཏུ་གནས་པ་ལེ་ལོར་གྱུར་པ་སྟེ། །བྱིས་པ་བདག་ཉིད་ཀྱིས་ནི་མཁའ་ལ་མདུད་པ་བོར། །ཞེས་སོ། །གཉིས་ ཐེག་པ་ཆེན་པོའི་ལྟ་བ་བདག་མེད་པ་གཉིས་མེད་ཀྱི་དོན་རྟོགས་པའོ། །དེ་ཡང་མཚན་བརྗོད་ལས། བདག་མེད་སེདྒེའི་སྒྲ་དག་ལྡན། །ཞེས་པ་དང་། སྡུད་པ་ལས། བདག་དང་བདག་གིར་མི་དམིགས་དུས་གསུམ་དག་པ་སྟེ། །ཞེས་སོ། །བཞི་པ་བསྲུང་མཚམས་ཀྱི་ཁྱད་པར་ནི། ཉན་ཐོས་པ་གནོད་པ་བཞི་དང་བཅས་པ་ལུས་དང་སྲོག་ལ་བབ་ཀྱག་བསྲུང་བ་ལ་རློམ་སེམས་སུ་མི་བྱེད་དོ། །སྡུད་པ་ལས། བདག་ནི་ཚུལ་ཁྲིམས་ལྡན་པ་གཞན་ནི་ཚུལ་ཁྲིམས་འཆལ། །ཞེས་སོ། །ཚུལ་ཁྲིམས་བསྲུང་ཞིང་ཡོངས་དག་དེ་ལ་ཚུལ་ཁྲིམས་མེད། །ཅེས་སོ། །ཐེག་པ་ཆེན་པོ་ནི་གཞན་ལ་ཕན་པ་བཞི་དང་བཅས་པ་སྒྲུབ་སྟེ། དེད་དཔོན་སྙིང་རྗེ་ཆེན་པོས་ཚོང་པ་ལ་བ་ནག་པོ་བསད་པའམ། ལྷ་ལུང་དཔལ་གྱི་རྡོ་རྗེས་བཙན་པོ་གླང་དར་མ་བསད་པ་ལྟ་བུའོ། །དེ་ཡང་སྡུད་པ་ལས། བྱང་ཆུབ་སེམས་དཔའ་འདོད་པའི་ཡོན་ཏན་ལྔ་སྤྱོད་ཀྱང་། །སངས་རྒྱས་ཆོས་དང་འཕགས་པའི་དགེ་འདུན་སྐྱབས་སོང་སྟེ། །སངས་རྒྱས་བསྒྲུབ་བྱ་སྙམ་དུ་ཀུན་མཁྱེན་ཡིད་བྱེད་ན། །མཁས་པས་བརྩོན་འགྲུས་ཕ་རོལ་ཕྱིན་གནས་རིག་པར་བྱ། །ཞེས་དང་། སྤྱོད་འཇུག་ལས། མི་གང་བྱང་ཆུབ་སེམས་བཏང་ཡང་། །དེ་དག་ཐར་པར་བྱེད་འདོད་པས། །དེ་ནི་ཕན་ཡོན་དཔག་མེད་དག །བྱམས་མགོན་བློ་དང་ལྡན་པ་ཡིས། །ནོར་བཟང་དག་ལ་དེ་ལྟར་བཤད། །ཅེས་སོ། །ལྔ་པ་སྒོམ་པའི་ཁྱད་པར་ནི། དང་པོ་ཐེག་ཆུང་པ་དམིགས་པ། དང་བཅས་པའི་བ་མ་གཏན། ཉན་ཐོས་ཀྱི་སྙོམ་འཇུག་གསུམ། རང་རྒྱལ་ལུགས་འགག་གམ་ཤེས་པ་སྐད་ཅིག་མ་དམིགས་པས་སྒོམ་པའོ། །དེ་ཡག་སྡུད་པ་ལས། དཔེར་ན། དུག་དང་འདྲེས་པའི་ཁ་ཟས་བཟང་ཟ་བ། །དཀར་པོའི་ཆོས་ལ་དམིགས་པའང་རྒྱལ་བས་དེ་འདྲར་གསུངས། །ཞེས་སོ། །གཉིས་པ་ཐེག་པ་ཆེན་པོ་ནི། ཆོས་ཐམས་ཅད་མི་དམིགས་པའི་ཚུལ་གྱིས་སྒོམ་པའོ། །དེ་ཡང་སྡུད་པ་ལས། བྱང་ཆུབ་སེམས་དཔའ་མི་དམིགས་བྱང་ཆུབ་སེམས་མི་དམིགས། །ཞེས་སོ། །དྲུག་པ་སྤྱོད་པའི་ཁྱད་པར་ནི། དང་པོ་ཐེག་པ་ཆུང་བ་ནི། བསྐལ་པ་བྱེ་བར་དགེ་བའི་ལས་སྤྱོད་ཀྱག་རང་འཁོར་བ་ལས་ཐར་བར་བྱ་བའི་དོན་དུ་སྤྱོད་པའོ། །དེ་ཡང་སྡུད་པ་ལས། བསྐལ་པ་བྱེ་བར་དགེ་བའི་ལས་བཅུ་སྤྱད་གྱུར་ཀྱང་། །རང་སངས་རྒྱས་དང་དགྲ་བཅོམ་ཉིད་ལ་འདོད་བསྐྱེད་ན། །དེ་ཚེ་ཚུལ་ཁྲིམས་སྐྱོན་བྱུང་ཚུལ་ཁྲིམས་ཉམས་པ་ཡིན། །སེམས་བསྐྱེད་དེ་ནི་ཕས་ཕམ་པས་ཀྱང་ཤིན་ཏུ་ལྕི། །ཞེས་སོ། །གཉིས་པ་ཐེག་པ་ཆེན་པོ་ནི། ལྷག་པའི་བསམ་པ་རྣམ་པར་དག་པས་ལུས་ལོངས་སྤྱོད་དགེ་བའི་རྩ་བ་ཐམས་ཅད་སེམས་ཅན་གྱི་དོན་དུ་སྤྱོད་པའོ། །དེ་ཡང་སྡུད་པ་ལས། འགྲོ་དོན་མངོན་དོན་དུ་སྤྱོད་པའོ། །དེ་ཡང་སྡུད་པ་ལས། འགྲོ་དོན་མངོན་ཞུགས་ངེས་པའི་ཤེས་རབ་ཕ་རོལ་ཕྱིན། །ཞེས་པ་དང་། དེ་ཡང་། དཔའ་རྣམས་སེམས་ཅན་ཐམས་ཅད་ཀུན་གྱི་དབང་གིས་འགྲོ། །ཞེས་སོ། །བདུན་པ་སྒྲུབ་པའི་ཁྱད་པར་ནི། དང་པོ་ཐེག་ཆུང་པ་ཐབས་དང་ཤེས་རབ་པ་བྲལ་བས། མཚན་མ་ཕྱོགས་གཅིག་ཏུ་སྒྲུབ་པའོ། །དེ་ཡང་སྡུད་པ་ལས། ཐབས་མེད་ཤེས་རབ་བྲལ་བས་ཉན་ཐོས་ཉིད་དུ་ལྟང༌། ཞེས་སོ། །གཉིས་པ་ཐེག་པ་ཆེན་པོ་ནི། ཐབས་ཤེས་རབ་གཉིས་སུ་མེད་པས་སྒྲུབ་པའོ། །དེ་ཡང་སྡུད་པ་ལས། ཐབས་དང་ཤེས་རབ་གཉིས་ཀྱི་གདུགས་ནི་ཡོངས་བཟུང་ནས། །ས་གཉིས་མི་གནས་བླ་མེད་བྱང་ཆུབ་མཆོག་རེག་འགྱུར། །ཞེས་སོ། །བརྒྱདཔ་འབྲས་བུ་ཐོབ་པའི་ཁྱད་པར་ནི། དང་པོ་ཐེག་པ་ཆུང་བ་ཕུག་པོ་ལྷག་བཅས་ལྷག་མེད་ཀྱི་མྱ་ངན་ལས་འདས་པ་དགྲ་བཅོམ་པ་དང་། བསེ་རུ་ལྟ་བུའི་ཡེ་ཤེས་ཞི་བ་ཆོས་ཀྱི་སྐུ་ལ་གཞན་དོན་དུ་ཐུགས་རྗེ་འབྱུང་མི་སྲིད་དོ། །དེ་ཡང་སྡུད་པ་ལས། དགྲ་བཅོམ་པ་དག་རྐྱེན་གྱི་སངས་རྒྱས་ཡེ་ཤེས་དང་། །ཁམས་གསུམ་དག་ནི་རྨི་ལམ་དག་ན་མི་འདོད་བཞིན། །ཞེས་སོ། །གཉིས་པ་ཐེག་པ་ཆེན་པོ་ནི། མི་གནས་པ་མྱ་ངན་ལས་འདས་ཐོབ་སྟེ། ཤེས་རབ་ཆེན་པོ་ས་འཁོར་བའི་མཐའ་ལ་མི་གནས་པ་ཆོས་ཀྱི་སྐུའོ། །ཐམས་ཅད་མཁྱེན་པའི་ཡེ་ཤེས་ཐོབ་བོ། །དེ་ཡང་དུ་སྡུད་པ་ལས། གནས་མེད་གནས་མིན་འདི་ནི་རྒྱལ་བས་གནས་པར་གསུངས། །ཞེས་པ་དང་། མཚན་བརྗོད་ལས། ཐམས་ཅད་མཁྱེན་པའི་ཡེ་ཤེས་མཚོ། །ཞེས་སོ། །སྙིང་རྗེ་ཆེན་པོ་མྱ་ངན་ལས་འདས་པའི་མཐའ་ལ་མི་གནས་ཏེ། གཟུགས་སྐུ་གཉིས་ཀྱིས་ལ་དག་པ་དང་མ་དག་པ་སྣ་ཚོགས་ཀྱི་དོན་བྱེད་པའོ། །དེ་ཡང་མཚན་བརྗོད་ལས། ལོངས་སྦྱོད་རྫོགས་སྐུ་སྐུ་ཡི་རྒྱལ། །སངས་རྒྱས་སྤྲུལ་པ་སྣ་ཚོགས་བགྱིད། །ཇི་བཞི་འགྲོ་བའི་དོན་བྱེད་པ། །ཞེས་སོ། །གསང་སྔགས་འབྲས་བུའི་ཐེག་པ། གཉིས་པ་གསང་སྔགས་འབྲས་བུའི་ཐེག་པ་ལ་གཉིས་ཏེ། རྒྱ་མཚན་ ཉིད་ཀྱི་ཐེག་པ་དང་འབྲས་བུ་སྔགས་ཀྱི་ཐེག་པའི་ཁྱད་པར་བཤད་དང་། སྔགས་ཀྱི་ཐེག་པ་བྱུང་ཚུལ་དངོས་སོ། །དང་པོ། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་སྔགས་ཀྱི་ཐེག་པའི་ཁྱད་པར་བཤད་པ། དང་པོ་ནི་སེམས་ཉིད་སངས་རྒྱས་ཀྱི་རྒྱུ་རུ་འདོད་ཅིང་། དོན་དམ་བསྒྲུབ་བྱ་བྱས་ནས། ཀུན་རྫོབ་སྤང་བྱ་བྱེད་པ་ནི་རྒྱུ་མཚན་ཉིད་ཀྱི་ཐེག་པ། སེམས་ཉིད་སངས་རྒྱས་ཀྱི་འབྲས་བུར་འདོད་ཅིང་། ཀུན་རྫོབ་ཀྱང་མི་སྤོང་པར་ལམ་དུ་བྱེད་པ་ནི། འབྲས་བུ་སྔགས་ཀྱི་ཐེག་པའོ། །དེ་དག་གི་ཁྱད་པར་བྱེ་བྲག་ཏུ་བཤད་ན་དགུ་སྟེ། རང་གི་ངོ་བོའི་ཁྱད་པར་དང་། ལམ་དུ་འཁྱེར་ལུགས་ཀྱི་ཁྱད་པར་དང་། འཇུག་སྒོའི་ཁྱད་པར་དང་། རྟོགས་པའི་ཁྱད་པར་དང་། སྤྱོད་པའི་འཕྲིན་ལས་ཀྱི་ཁྱད་པར་དང་། སྒྲུབ་ཐབས་ཀྱི་ཁྱད་པར་དང་། འབྲས་བུའི་ཁྱད་པར་དང་དགུའོ། །དེ་ལ་རང་གི་ངོ་བོའི་ཁྱད་པར་ནི་ལྔ་སྟེ། དང་པོ་ནི་ཀྲྀ་ཡ་སི་ཏི་ཀ་ར་ལས། དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་དང་། །དབང་པོ་རྣོན་པའི་དབང་བྱས་ནས། །སྔགས་ཀྱི་ཐེག་པ་ཁྱད་པར་འཕགས། །ཞེས་པས། དོན་གཅིག་ཅེས་པ། མཚན་ཉིད་པ་ནི་དོན་དམ་པ་དེ་ལྟ་བུའི་སྤྱོད་ཡུལ་མིན། འཕགས་པ་ས་ལ་གནས་པའི་སྤྱོད་ཡུལ་ཡིན་ཟེར་ཏེ། དོན་གཅིག་ལ་རྨོངས་པའོ། །གསང་ སྔགས་ལ་ནི་དོན་དམ་པའི་བདེན་པ། བླ་མ་དམ་པའི་གདམས་ངག་ལ་བརྟེན་ནས་ད་ལྟར་གྱི་དུས་སྐད་ཅིག་མ་ལས་རྟོགས་པར་བྱེད་དེ། དོན་གཅིག་ལ་མ་རྨོངས་པའོ། །གཉིས་པ་ཐབས་མང་ཉུང་གི་ཁྱད་པར་ནི་མཚན་ཉིད་པ་ནི་སེམས་ཅན་འཁོར་བ་ལས་སྒྲོལ་བའི་ཐབས་ཉུང་སྟེ། ཕ་རོལ་ཏུ་ཕྱིན་པ་བཞི་ལས་མེད་པའོ། །གསངས་སྔགས་པ་ནི་ཐབས་མང་སྟེ། ཐབས་བསམ་གྱིས་མི་ཁྱབ་པ་སྣ་ཚོགས་ཀྱིས་སེམས་ཅན་སྒྲོལ་བའོ། །དེ་ཡང་མཚན་བརྗོད་ལས། ནམ་མཁའི་བདག་པོས་སྣ་ཚོགས་སྟོན། །དེ་ཡང་མཚན་བརྗོད་ལས། ནམ་མཁའི་བདག་པོས་སྣ་ཚོགས་སྟོན། །ཞེས་སོ། །གསུམ་པ་ཐབས་དཀའ་སླའི་ཁྱད་པར་ནི། མཚན་ནིད་པ་སངས་རྒྱས་པའི་ཐབས་དཀའ་སླའི་ཁྱད་པར་ནི། མཚན་ཉིད་པ་སངས་རྒྱས་པའི་ཐབས་དཀའ་བ་སྟེ། དཀའ་ཐུབ་དང་། སྡོམ་པ་ལ་སངས་རྒྱས་པའི་ཐབས་དཀའ་བ་སྟེ། དཀའ་ཐུབ་དང་། སྡོམ་པ་ལ་བརྟེན་དགོས་པའོ། །གསང་སྔགས་པ་ནི་དཀའ་ཐུབ་དང་། ཚུལ་ཁྲིམས་ལ་བརྟེན་མི་དགོས་པ་སྟེ། མཚན་བརྗོད་ལས། མཁས་པ་ཆེན་ཆེན་པོ་ཐབས་ཆེ་བ། །ཞེས་པ་དང་། འཇ།་དཔལ་བཤད་རྒྱུད་ལས། ཐབས་མང་བ་དང་ཐབས་ཆེ་བ། །དེ་བཞིན་སླ་དང་མྱུར་བ་ཡི། །སྔགས་ཀྱི་ཐེག་པ་ཁྱད་པར་འཕགས། །ཞེས་སོ། །བཞི་པ་དབང་པོ་རྣོ་རྟུལ་གྱི་ཁྱད་པར་ནི། མཚན་ཉིད་པ་དབང་པོ་རྟུལ་པོ་ཡིན་ལ། གསང་སྔགས་པ་དབང་པོ་རྣོན་པོ་ཡིན་ཏེ། མཚན་བརྗོད་ལས། ཤེས་རབ་མཚོན་ཆེན་འཆང་བ་པོ། །ཞེས་སོ། །ལྔ་པ་དབང་གི་ཁྱད་པར་ནི། །མཚན་ཉིད་པ་ལ་མ་སྨིན་པ་སྨིན་པར་བྱེད་པ་དབང་གི་ལམ་དཀྱིལ་འཁོར་མཆོག་དང་བཅས་པ་མེད་པའོ། །གསང་སྔགས་པ་ནི་དབང་དམ་པ་ཐོབ་པས་དོན་པོ་དང་ལྡན་པའོ། །མཚན་བརྗོད་ལས། དབང་གི་དམ་པ་མཆོག་གི་གནས། །ཞེས་པ་དང་། གསང་སྙིང་ལས། སློབ་དཔོན་ མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ན། །ཉན་པ་ལ་སོགས་བརྩོན་པ་རྣམས། །འབྲས་བུ་མེད་ཅིང་བརླག་པར་འགྱུར། །ཞེས་སོ། །དེ་རྣམས་ཀྱི་རང་གི་ངོ་བོའི་ཁྱད་པར་རོ། །གཉིས་པ་ལམ་དུ་འཁྱེར་ལུགས་ཀྱི་ཁྱད་པར་ནི། དང་པོ་རྒྱུ་མཚན་ཉིད་ཀྱི་ཐེག་པ་ཞེས་པ། དེ་ལ་རྒྱུ་ནི་རྒྱུ་ཚོགས་གནིས་བསོག་པའམ། བདེ་སྡུག་གི་རྒྱུ་མི་དགེ་བ་སྤོང་། དགེ་བ་སྒྲུབ་པ་ལམ་དུ་བྱེད་པའོ། །རྩ་རྒྱུད་ལས། དགེ་སྡིག་ལས་ཀྱི་སྒོར་ཞུགས་ནས། །འབྲས་བུ་བདེ་དང་སྡུག་བསྔལ་མྱོང་། །མཚན་ཉིད་ཡུ་ཡང་མཚོན་པའི་ཕྱིར། །མཚན་ཉིད་རྒྱུ་ཞེས་བཤད་པ་ཡིན། །ཞེས་སོ། །པདྨ་དཀར་པོ་ལས། རྒྱུ་ལ་སྦྱོར་བ་རྒྱུ་ཡི་ཆོས། །འཁོར་ལོ་བཞིན་དུ་བསྐོར་བྱས་ནས། །འབྲས་བུ་ཐེག་པའི་ཉེ་ལམ་ཞིག །དུས་མཚན་ཕྱི་མ་མྱོང་བར་འགྱུར། །ཞེས་སོ། །མཚན་ཉདི་ཅེས་པ་ནི། མཚན་གཞི་དུ་མ་ལ། མཚོན་བྱ་དུ་མས་མཚན་ཉིད་དུ་མར་མཚོན་པའོ། །གཉིས་པ་འབྲས་བུ་གསང་སྔགས་ཀྱི་ཐེག་པ་ནི། འབྲས་བུ་ཉིད་ལ་ངེས་པའི་ལམ་དུ་བྱེད་པའི། །ཞེས་སོ། །ཡང་བང་མཛོད་ལས། ཕྱག་རྒྱའི་དཀྱིལ་འཁོར་གསལ་བཀོད་ནས། །དབྱེར་མེད་རྡོ་རྗེ་སྒོམ་པའི་ཕྱིར། །འབྲས་བུ་ལམ་དུ་གྱུར་པས་ནས། །འབྲས་བུ་རྡོ་རྗེ་ཐེག་པ་འོ། །ཞེས་སོ། །དེ་ཡང་འབྲས་བུ་ཞེས་བྱ་བ་ནི། །རྒྱུ་ཚོགས་གཉིས་བསགས་པའི་འབྲས་བུ་སྒྲིབ་པ་གཉིས་ཟད། དོན་དམ་ཀུན་རྫོབ་དབྱེར་མེད་པ་དེ། བླ་མ་དམ་པའི་གདམས་ངག་གིས་རང་ ལ་རྗེན་ཆེར་གྱིས་བསྟན་ནས་ལམ་དུ་བྱེད་པའོ། །དེ་ལ་འབྲས་བུ་མཚན་ཉིད་དང་ལྡན་པ་ཞིག་ལམ་དུ་བྱེད་དམ། མི་ལྡན་པ་ཞིག་ལམ་དུ་བྱེད་ཅེ་ན། འབྲས་བུ་མཚན་ཉིད་ནར་སོན་པ་ཞིག་ལམ་དུ་བྱེད་པའོ། །དེ་ལམ་དུ་བྱས་པ་ལ་དགོས་པ་མེད་དོ་ཞེ་ན། །འབྲས་བུ་རང་གི་ངོ་བོ་ལ་ཁྱད་མེད་ཀྱང་། གསལ་བ་གོང་ནས་གོང་དུ་བསྐྱེད་འདོན་པའི་དགོས་པ་ཡོད་དོ། །དེ་ཡང་རིམ་དྲུག་ལས། རང་བཞིན་རྐྱེན་གྱིས་མངོན་བྱས་པས། །འབྲས་བུ་རྒྱུ་ལ་མིང་བཏགས་ཀྱང་། གསལ་ཞིང་གསལ་བ་གསུམ་དུ་འགྱུར། །ཞེས་སོ། །འོ་ན་འབྲས་བུ་ཐུག་པ་མེད་པར་འགྱུར་རོ་ཞེ་ན། བུ་ཆུང་འདི་མི་ཡི་མཚན་ཉིད་ནར་སོན་པ་ཡིན་ནམ་མིན་བྱའོ། །དེ་ལམ་དུ་བྱེད་ལུགས་ཀྱི་ཁྱད་པར་རོ། །གསུམ་པ་འཇུག་སྒོའི་ཁྱད་པར་ནི། མཚན་ཉིད་པ་བདེན་པ་གཉིས་ཡ་བྲལ་དུ་འཇུག་སྟེ། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་སོ། །གསང་སྔགས་པ་ནི་བདེན་པ་དབྱེར་མེད་ཀྱི་སྒོ་ནས་འཇགུ་སྟེ། དོན་དམ་ཀུན་རྫོབ་དབྱེར་མེད་པ། །ཞེས་སོ། །བཞི་པ་ལྟ་བའི་ཁྱད་པར་ནི། མཚན་ཉིད་པས་དོན་སྤྱིའི་མཚན་ཉིད་ལས་མ་རྟོགས། གསང་སྔགས་པས་དོན་རང་གི་མཚན་ཉིད་རྟོགས་པའོ། །དེ་ཡང་། རང་བཞིན་གྱིས་ནི་རྟོགས་གྱུར་པ། །ཞེས་སོ། །ལྔ་པ་བསྲུང་མཚམས་ཀྱི་ཁྱད་པར་ནི། །མཚན་ཉིད་པ་ནི། ཉན་ཐོས་ཀྱི་འདུལ་ཁྲིམས་སྒོ་ང་གྲུམ་པའམ། རྫའི་བེའུ་ཆག་པ་དང་འདྲ། བྱང་ཆུབ་སེམས་དཔའི་སྡོམ་པ་ནི། རྫ་ཆག་པ་དག་འདྲ་སྟེ། སླར་གསོ་བར་དཀའོ། །གསང་སྔགས་ཀྱི་དམ་ཚིག་ནི། གསེར་དངུལ་ཞོམ་ དང་འདྲ་སྟེ་སླར་གསོ་བ་སླའོ། །དྲུག་པ་སྒོམ་པའི་ཁྱད་པར་ནི། མཚན་ཉིད་པ་བདེན་པ་འབྲས་བུ་ཡ་བྲལ་དུ་སྒོམ་ལ། གསང་སྔགས་པ་བསྐྱེད་རྫོགས་གཉིས་བདེན་པ་དབྱེར་མེད་དུ་སྒོམ་པའོ། །བདུན་པ་སྤྱོད་པའི་འཕྲིན་ལས་ཀྱི་ཁྱད་པར་ནི། མཚན་ཉིད་པ་ལུས་དང་སྲོག་ལ་བབས་ཀྱང་། སྙིང་རྗེ་ཆེན་པོས་འགྲོ་བའི་དོན་བྱེད་པའོ། །དེ་ཡང་སྡུད་པ་ལས། མགོ་དང་རྐང་ལག་གཏོང་ཞིང་རྟག་ཏུ་ཞུམ་བའི་སེམས་ཀྱང་མེད། །ཅེས་སོ། །གསང་སྔགས་པས་འཕྲིན་ལས་རྣམ་པར་བཞིས་སེམས་ཅན་གྱི་དོན་བྱེད་དོ། །དེ་ཡང་མཚན་བརྗོད་ལས། སངས་རྒྱས་འཕྲིན་ལས་བྱེད་པའི་མགོན། །ཞེས་སོ། །བརྒྱད་པ་སྒྲུབ་པའི་ཁྱད་པར་ནི། མཚན་ཉིད་པ་ཐབས་རྐྱང་པས་སྒྲུབ་སྟེ། སྒྲུབ་ཐག་རིང་བའོ། །གསང་སྔགས་པ་ནི་ཐབས་ཤེས་རབ་ཟུང་དུ་སྦྲེལ་ནས་སྒྲུབ་སྟེ། སྒྲུབ་ཐག་ཉེ་བའོ། །ནོར་བ་ཐབས་ཅད་རྣམ་པར་སྤངས། །དོན་གསུམ་ཐེ་ཚོམ་མེད་འི་བློ། །ཞེས་སོ། །དགུ་པ་འབྲས་བུའི་ཁྱད་པར་ནི། དུས་ཉེ་རིང་དང་སྐུ་མང་ཉུང་གི་ཁྱད་པར་རོ། །མཚན་ཉིད་པ་དུས་བསྐལ་པ་གྲངས་མེད་པ་གསུམ་ནས་བཅུ་གཅིག་པ་ཀུན་ཏུ་འོད་ཀྱི་ས་ཐོབ་ལ། གསང་སྔགས་པ་ནི་དུས་བསྐལ་པ་གྲངས་མེད་པར་སྒྲུབ་མི་དགོས་ཏེ། མི་ཚེ་བདུན་ནམ། མི་ཚེ་ལྔའམ། མི་ཚེ་གསུམ་མམ། མི་ཚེ་གཉིས་སམ། སྐད་ཅིག་མ་གཅིག་གིས་རྡོ་རྗེ་འཛིན་པའམ། སྟུག་པོ་བཀོད་པའམ། པདྨ་ཅན་ནམ། རྡོ་ རྗེ་སེམས་དཔའི་མཚན་ཡོངས་སུ་རྫོགས་པའམ། ཡི་གེ་འཁོར་ལོ་རྫོགས་ཆེན་གྱི་ས་ཐོབ་པའོ། །སྐུ་མང་ཉུང་གི་ཁྱད་པར་ནི། མཚན་ཉིད་པ་སྐུ་གསུམ་ལ། གསང་སྔགས་པ་སྐུ་ལྔ་ཡེ་ཤེས་ལྔ་དང་ལྡན་པར་འདོད་དེ། སྐུ་ལྔ་ནི་ཆོས་ཀྱི་སྐུ་དང་། ལོངས་སྤྱོད་རྫོགས་པའ་སྐུ་དང་། སྤྲུལ་པའི་སྐུ་དང་། དབྱེར་མེད་རྡོ་རྗེའི་སྐུ་དང་། མངོན་པར་བྱང་ཆུབ་པའི་སྐུ་དང་ལྔའོ། །ཡེ་ཤེས་ལྔ་ནི། ཆོས་ཀྱི་དབྱིངས་ཀྱི་ཡེ་ཤེས་དང་། མེ་ལོང་ལྟ་བུའི་ཡེ་ཤེས་དང་། མཉམ་པ་ཉིད་ཀྱི་ཡེ་ཤེས་དང་། སོ་སོར་རྟོག་པའི་ཡེ་ཤེས་དང་། བྱ་བ་གྲུབ་པའི་ཡེ་ཤེས་སོ། །དེ་ཡང་མཚན་བརྗོད་ལས། སངས་རྒྱས་སྐུ་ལྔའི་བདག་ཉིད་ཅན། །ཁྱབ་བདག་ཡེ་ཤེས་ལྔ་ཡི་བདག །ཅེས་སོ། །དེ་རྣམས་ཀྱིས་རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་སྔགས་ཀྱི་ཁྱད་པར་རྣམ་པར་བཤད་པའོ། །གཉིས་པ། འབྲས་བུ་གསང་སྔགས་ཀྱི་ཐེག་པའི་བྱུང་ཚུལ་དངོས་བཤད་པ། གཉིས་པ་འབྲས་བུ་གསང་སྔགས་ཀྱི་ཐེག་པ་བྱུང་ཚུལ་དངོས་ལ་གཉིས་ཏེ། ཕྱི་ཐུབ་པ་རྒྱུད་ཀྱི་ཐེག་ཀྲྀ་ཡོག་སྡེ་གསུམ་དང་། ནང་པ་དབང་བསྒྱུར་ཐབས་ཀྱི་ཐེག་པའོ། །ཕྱི་ཐུབ་པ་རྒྱུད་ཀྱི་ཐེག་པ་ཀྲྀ་ཡོག་སྡེ་གསུམ། དང་པོ་ལ་གསུམ་སྟེ། བྱ་རྒྱུད་ཀྲྀ་ཡ་དང་། སྤྱོད་རྒྱུད་ཨུ་པ་ཡ་དང་། གཉིས་མེད་ཡོ་ག་གསུམ་མོ། །དང་པོ་ཀྲྀ་ཡའི་ཅོས་ཐབས་ཅད་གྲོང་ཁྱེར་ཝཱ་ར་ཎཱ་སིར་བྲམ་ཟེའི་ རིགས་ལ་བཀའ་བབས་པ་ཡིན་ནོ། །དེར་འབབ་པའི་རྒྱུ་མཚན་ནི། གྲོང་ཁྱེར་དེ་ན་མི་རིགས་ཀྱང་བྲམ་ཟེའི་རིགས་ཁྲུས་དང་གཙང་སྦྲ་ལ་གནས་པ། ཟས་དཀར་གསུམ་དག་མངར་གསུམ་ཟ་བ། རས་ཁ་ཚར་མ་ཉམས་པ་དང་བཅས་པ་གོས་གྱོན་པ་ཡོད་དེ། ཆོས་ཀྱང་དེ་བཞིན་དུ་བབས་པ་ཡིན་ནོ། །ཀྲྀ་ཡའི་སྟོན་པ་ནི་དེ་བ་ཞལ། འཁོར་ནི་འདོད་ཁམས་ཀྱི་ལྷ་དང་ཀླུ་རྣམས་སོ། །གནས་ནི་འདོད་ཁམས། སྡུད་པ་པོ་ནི་སྤྱན་རས་གཟིགས་ཀྱིས་བསྡུས། ཞེས་འབྱུང་ངོ་། །ཆོས་སྡེ་ངོས་བཟུང་པ་ནི། ཀྲྀ་ཡ་ལ་རྒྱུད་སྡེ་ཆེན་པོ་སུམ་བརྒྱ་ཡོད་པར་བཞེད་པ་ལ། འདོད་ཁམས་ཀྱི་ལྷའི་ཡུལ་དུ་ལུས་ནས། མི་ཡུལ་དུ་དར་བ་དྲུག་ལ། ཐམས་ཅད་འབྱུང་བའི་རྒྱུད། འབྱུང་བ་ཆེན་པོའི་རྒྱུད། འདུས་པ་འབྱུང་བའི་རྒྱུད། སུ་སི་ཏི་ཀ་ར་ན་སྒྲུབ་པའི་རྒྱུད། ཕྱག་ན་རྡོ་རྗེས་དབང་བསྐུར་བའྀ་རྒྱུད། ཀྲྀ་ཡ་དཔུང་བཟང་གི་རྒྱུད་དོ། །ཀྲྀ་ཡ་སྤྲུལ་པའི་རྒྱུད་བདུན་ལ། རྡོ་རྗེ་འཆང་གི་སྤྱི་བོའི་གཙུག་ནས་རྡོ་རྗེ་རྣམ་པར་རྒྱལ་བའི་རྒྱུད། ཞལ་ནས་ཨ་མོ་གྷ་པ་ཤའི་རྒྱུད། དཔུང་པ་གཡས་ནས་དཔུང་བཟང་གི་རྒྱུད། གཡོན་པ་ནས་ཕྱག་ན་རྡོ་རྗེ་དབང་བསྐུར་བའི་རྒྱུད། ཐུགས་ཀ་ནས་རིག་པ་མཆོག་གི་རྒྱུད། ལྟེ་པ་ནས་རྩ་བ་བྱེ་བྲག་གི་རྒྱུད། །བོལ་གོང་ནས་ཀྲྀ་ཡ་བཟང་པོའི་རྒྱུད་དོ། །གཉིས་པ་ཨུ་པ་ཡའི་ཆོས་ཐམས་ཅད་རི་རབ་ཁོང་གསེང་འདུས་པའི་རྩེ་མོར། བློན་པོའི་རིགས་ལ་བཀའ་བབས་ཡིན་ནོ། །དེར་བབས་པའི་རྒྱུ་མཚན་ནི། རི་དེའི་རྩེ་མོ་འདུས་པས་ཁོང་གསེང་དུ་ཡོད་པ། རྩེ་མོ་འདུས་པ་ན་ཆོས་ཀྱང་དེ་བཞིན་དུ་བབས་པ་ཡིན་ནོ། །སྟོན་པ་ནི་ཨུ་ ཡ་ཡི་དེ་བ་ཞལ་ཆེན་པོ། འཁོར་ནི་གཟུགས་ཁམས་ཀྱི་ལྷ་དང་ཀླུ་རྣམས་སོ། །གནས་ནི་གཟུགས་ཁམས་སོ། །སྡུད་པ་པོ་དཔལ་རྟ་མགྲིན་གྱིས་བསྡུས་ཞེས་གྲགས་སོ། །ཆོས་སྡེ་ངོས་བཟུང་བ་ནི། ཨུ་པ་ཡ་ལ་རྒྱུད་སྡེ་བདུན་ཡོད་པ་ལས། བཞི་གཟུགས་ཁམས་ལྟ་ཡུལ་དུ་ལུས་ནས། མི་ཡུལ་དུ་དར་བ་གསུམ་ལ། དཔལ་ཉི་མ་གཟི་བརྗིད། རིག་འཛིན་གྱི་སྡེ་སྣོད། བསམ་གཏན་ཕྱི་མ་རིམ་པར་ཕྱེ་བའི་སྒྲོན་མེ་དང་གསུམ་མོ། །གསུམ་པ་རྣལ་འབྱོར་ཡོ་གའི་ཆོས་ཐམས་ཅད་ནི། མེ་རི་འབར་བའི་རྩེ་མོར་རྗེ་རིགས་ལ་བཀའ་བབས་པ་ཡིན་ནོ། །དེར་བབས་པའི་རྒྱུ་མཚན་ནི། རི་དེ་ཤིན་ཏུ་ཚན་ཆེ་བ། མཐུག་གྲག་པ། ལྷུན་སྟུག་པ། བག་དྲོ་བ་དང་ལྡན་པས་ན་ཆོས་ཀྱང་དེ་ལྟ་བཞིན་དུ་བབས་པ་ཡིན་ནོ། །རྣལ་འབྱོར་ཡོ་གའི་སྟོན་པ་ནི། དེ་བ་ཞལ་ཆེན་པོའོ། །འཁོར་ནི་ཁམས་གསུམ་གྱི་ལྷ་དང་ཀླུ་རྣམས་སོ། །གནས་ནི་ཁམས་གསུམ་ཀར་ངོ་། །སྡུད་པ་པོ་ནི་གསང་བདག་ཕྱག་ན་རྡོ་རྗེས་བསྡུས་ཞེས་གྲགས་སོ། །ཡོ་གའི་ཆོས་སྡེ་ངོས་པ་ལ། ཁམས་གསུམ་ཀའི་ལྟ་ཡུལ་དུ་ལུས། མི་ཡུལ་དུ་དར་བ་དྲུག་ལས། ཀ་ས་མུ་ཏ་རྟོགས་པ་ཡོངས་སུ་རྒྱས་པའི་རྒྱུད། བཛྲ་རྡོ་རྗེ་ཤ་ཀ་རའི་རྒྱུད་དང་། འདུས་པ་ཤ་ཀ་རའི་རྒྱུད། ཏ་ཐ་སང་ཏྲ་ཧའི་རྒྱུད། ངཉ་སོང་སྦྱོང་བའི་རྒྱུད། འཁོར་ལོ་བརྩེགས་པའི་རྒྱུད་དང་དྲུག་གོ །དེ་ལྟར་གསང་སྔགས་ཕྱི་རྒྱུད་སྡེ་གསུམ་པོ་དེ་ཉིད་ནི། སྟོན་པ་ སྤྲུལ་པའི་སྐུ་ཉིད་ཀྱིས་དངོས་སུ་གསུངས་པའང་མང་དུ་ཡོད་ལ། གཞན་ཡང་དཔལ་ཀུན་རིག་རྣམ་པར་སྣང་མཛད་ལ་སོགས་པ་སྟོན་པ་ལོངས་སྤྱོད་རྫོགས་པའི་སྐུས་གསུངས་པ་དང་། གསང་བའི་བདག་པོ་ལ་སོགས་བྱང་ཆུབ་སེམས་དཔའི་ཆ་ལུགས་འཛིན་པ་ཀུན་གྱིས་གསུངས་པ་སྟོན་པ་མྱ་ངན་ལས་ལ་འདས་ཀྱི་གོང་རོལ་ཏུ་མི་ཡུལ་དུ་བྱུང་བ་དང་། སྔ་ཕྱིའི་རིམ་པ་མང་དུ་བྱུང་བས། དུས་འདི་ཙམ་ཞིག་ན་བྱུང་བྱ་བའི་དུས་ཚིགས་ཀྱི་ངེས་པ་བཞག་ཐུ་མེད་དོ། །ནང་པ་དབང་སྒྱུར་ཐབས་ཀྱི་ཐེག་པ། གཉིས་པ་ནང་པ་དབང་བསྒྱུར་ཐབས་ཀྱི་ཐེག་པ་བྱུང་ཚུལ་ལ་གཉིས་ཏེ། གསང་སྔགས་ཕྱི་ནང་གི་ཁྱད་པར་བསྟནཔ་དང་། བྱུང་ཚུལ་དངོས་སོ། །གསང་སྔགས་ཕྱི་ནང་གི་ཁྱད་པར་བསྟན་པ། དང་པོ་གསང་སྔགས་ཕྱི་པ་གསུམ་གྱི་ནི། ལྟ་བས་ཕྱིར་གྱུར་ཏེ། ཆོས་ཐམས་ཅད་ཀྱི་རང་བཞིན་རང་བྱུང་གི་ཡེ་ཤེས་སུ་སྨྲ་མ་ནུས། སྒོམ་པས་ཕྱིར་གྱུར་ཏེ། བདག་དམ་ཚིག་པ་དང་། ཡེ་ཤེས་པ་བཟང་དུ་སྒོམ་པའོ། །སྤྱོད་པས་པྱིར་གྱུར་ཏེ། དམ་རྫས་ཤ་ལྔ་བདུད་རྩི་ལྔ་ལ་སྤྱོད་མ་ནུས། དབང་གིས་པྱིར་གྱུར་ཏེ། ཟབ་མོའི་དོན་གྱི་དབང་གསུམ་པ་སྟོན་མི་ནུས་པའོ། །དེ་དག་གི་ཁྱད་པར། རྒྱས་པར་བསད་ན་བདུན་ཏེ། འཇུག་སྒོའི་སྒོ་ནས་ཐབས་དང་ཤེས་རབ་ཡ་བྲལ་མ་བྲལ་གྱི་ཁྱད་པར་དང་། ལྟ་བའི་སྒོ་ནས་བདེན་པ་དབྱེར་མེད་དུ་རྟོགས་མ་རྟོགས་ཀྱི་ཁྱད་ པར་དང་། བསྲུང་མཚམས་ཀྱི་སྒོ་ནས་སྤང་བླང་དགག་སྒྲུབ་ཡོད་མེད་ཀྱི་ཁྱད་པར་དང་། སྒོམ་པའི་སྒོ་ནས་ཏིང་ངེ་འཛིན་ལ་བློ་སྦྱོང་ཚབས་ཆེ་ཆུང་གི་ཁྱད་པར་དང་། སྤྱོད་པའི་སྒོ་ནས་དམ་རྫས་བདུད་རྩི་ལྔ་ལ་སྤྱོད་ནུས་མི་ནུས་ཀྱི་ཁྱད་པར་དང་། སྒྲུབ་པའི་སྒོ་ནས་བདག་དམ་ཚིག་སེམས་དཔའ་དང་ལྷ་ཡེ་ཤེས་དཔའ་གཉིས་མེད་གཅིག་ཏུ་ཤེས་མི་ཤེས་ཀྱི་ཁྱད་པར་དང་། འབྲས་བུའི་སྒོ་ནས་ནས་དུས་ཉེ་རིང་དང་། སྐུ་གསུང་ཐུགས་ཕྱག་རྒྱ་ཆེན་པོར་སྟོན་མི་སྟོན་གྱི་ཁྱད་པར་རོ། །དེ་ལ་དག་པོ་ནི། ཀྲྀ་ཡ་ཁྲུས་དང་གཙང་སྦྲའི་སྒོ་ནས་འཇུག་ཡོ་ག་བྱང་ཆུབ་ལྔའི་སྒོ་ནས་འཇུག་སྟེ། ཐབས་ཤེས་རབ་ཟུང་དུ་མ་འབྲེལ་བའོ། །གསང་སྔགས་ནང་པ་ནི་ཐབས་ཤེས་རབ་གཉིས་སུ་མེད་པའི་སྒོ་ནས་འཇུག་སྟེ། གསང་སྙིང་ལས། སྒྲུ་འཕྲུལ་དྲྭ་བས་མངོན་རྫོགས་པའི། །ཐབས་དང་ཤེས་རབས་ལྡན་གྱུར་ཏེ། །ཞེས་པ་དང་ཡང་། ཐབས་དང་ཤེས་རབ་མཉམ་སྦྱར་ནས། །ཞེས་སོ། །གཉིས་པ་ནི་གསང་སྔགས་ཕྱི་པ་ལྟ་བ་བདེན་པ་དབྱེར་མེད་དུ་མ་རྟོགས། དོན་དམ་པཇའི་བདེན་པ་སྟོང་པ་ཉིད་དག་པའི་མཐའ་བཞིའམ་མམ། རིགས་བཞིའམ། རིགས་ལྔ་འདོད་པའོ། །གསང་སྔགས་ནང་པ་ནི་དོན་དམ་རང་རིག་སྤྲོས་པའི་མཐའ་ཐམས་ཅད་དང་བྲལ་བ། ཀུན་རྡོབ་ཀྱི་བདེན་པ་རྟོག་ཚོགས་ཐམས་ཅད་སྐུ་དང་ཤེས་སུ་སྣང་ལ། དེ་གཉིས་ཀྱང་། སེམས་ཀྱི་སྟེང་ན་དབྱེར་མེད་པར་འདོད་དེ། སྔགས་ཞེས་རབ་ཏུ་གྲགས་པ་ནི། །དོན་དམ་ཀུན་རྫོབ་དབྱེར་མེད་པ། །ཞེས་ སོ། །གསུམ་པ་གསང་སྔགས་ཕྱི་པའི་དམ་ཚིག་ཀྱང་སླར་དགག་སྒྲུབ་ཅན་དུ་བསྲུང་ཞི་སྒྲུབ། གསང་སྔགས་ནང་པ་ནི། དམ་ཚིག་སྤང་བླང་དགག་སྒྲུབ་མེད་པ་བསྲུང་བའོ། །དེ་ཡང་གསལ་བཀྲ་ལས། འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོམ་མི་སྤོང་ངོ༌། །ཞེས་པའོ། །བཞི་པ་སྒོམ་པ་ནི། གསང་སྔགས་པྱི་པ་ཏིང་ངེ་འཛིན་ལ་བློ་སྦྱོར་ཚབས་ཆུང་སྟེ། བྱང་ཆུབ་ལྔ་སྒོམ་པའོ། །གསང་སྔགས་ནང་པ་ནི་ཏིང་ངེ་འཛིན་རྣམ་པ་གསུམ་དང་། གསང་ཆེན་རིགས་གཅིག་དང་། དེ་ཉིད་རིགས་གཅིག་དང་། དམ་པ་རིགས་བརྒྱད་དང་། སངས་རྒྱས་སྟོང་གི་དཀྱིལ་འཁོར་དང་། སྣང་བ་རྣམ་པར་འབྱེད་པའི་ཏིང་ངེ་འཛིན་སྒོམ་པའོ། །ལྔ་པ་སྤྱོད་པ་ནི། གསང་སྔགས་ཕྱི་པ་དམ་རྫས་བདུད་རྩི་ལྔ་ལ་སྤྱོད་མི་ནུས་ལ། གསང་སྔགས་ནང་པ་ནི་དམ་རྫས་བདུད་རྩི་ལྔ་ལ་སྤྱོད་པའོ། །དེ་ཡང་། བདུད་རྩི་རྣམ་པ་ལྔ་ཡི་ལོངས་སྤྱོད་དང་། །ཞེས་སོ། །དྲུག་པ་སྒྲུབ་པ་ནི། གསང་སྔགས་ཕྱི་པ་ཕྱིའི་མཆོད་པ་རྣམ་པ་ལྔས། བདག་དམ་ཚིག་སེམས་དཔའ་དང་། ལྷ་ཡི་ཤེས་སེམས་དཔའ་གཉིས་ཐ་དད་དུ་སྒྲུབ་སྟེ། ཀྲྀ་ཡ་བ་རིགས་གསུམ་དམ་ཚིག་པ་ཆོ་ག་ཡན་ལག་བཅུ་གཅི་གིས་བསྐྱེད་དེ། ཡེ་ཤེས་པ་ཅི་འདྲ་བ་འོག་མིན་ནས་སྤྱན་དྲངས། མཆོད་པ་འབུལ་ཏེ། ལྷ་དང་བདག་རྗེ་འབངས་ ཐ་དད་དུ་བསྒོམས་ནས་དངོས་སྒྲུབ་ཡེ་ཤེས་པ་ལ་རེ་བའོ། །ཨུ་པ་ཡ་ནི་དམ་ཚིག་པ་དེ་ཉིད་བཞི་ལྡན་དུ་སྒོམ། ཡེ་ཤེས་པ་དེ་ཉིད་ཅི་འདྲ་བ་འོག་མིན་ནས་སྤྱན་དྲངས་ལ་མཆོད་པ་འབུལ། དངོས་གྲུབ་རེ་བ་དང་བཅས་ཏེ་བསྒོམས་ཏེ། ལྷ་དང་བདག་དཔོན་གཡོ་གི་ཚུལ་དུ་ཐ་དད་དུ་འདོད་པའོ། །རྣལ་འབྱོར་ཡོ་ག་ནི། བློ་ཆུང་བས་བཚན་བཅས་ལྷ་བསྒོམས་ཏེ། བདག་དམ་ཚིག་པ་ལྷ་སུམ་ཅུ་རྩ་བདུན་བྱང་སེམས་ལྔས་བསྐྱེད། ཡེ་ཤེས་པ་དེ་ཅི་འདྲ་བ་འོག་མིན་ནས་སྤྱན་དྲངས་ནས་ལྷ་བདག་སྤུན་ཟླའམ། གྲོགས་པོ་ལྟ་བུར་བཟང་ངན་ཐ་དད་མེད། སྔོ་གྲུབ་དེས་སྟེར་བར་སྒོམ་མོ། །བློ་ཆེན་བ་ནི་མཚན་མེད་མི་རྟོག་པར་སྒོམ་པའོ། །གསང་སྔགས་ནང་པ་ནི། དམ་རྫས་བདུད་རྩི་ལྔའི་མཆོད་པས་བདག་དམ་ཚིག་སེམས་དཔའ་དང་། ལྷ་ཡེ་ཤེས་སེམས་དཔའ་གཉིས་གཉིས་སུ་མེད་དེ་མཆོད་པ་འབུལ་བའི་ཡུལ་དང་། འབུལ་བའི་མཁན་པོ་གཉིས་མེད་པར། རང་ཉིད་ལ་རང་ཉིད་ཀྱིས་མཆོད་ཅིང་སྒྲུབ་པའོ། །དེ་ཡང་། བདག་ཆོས་ཀུན་མཉེས་ཐམས་ཅད་ཚིམས། །ཞེས་སོ། །བདུན་པ་འབྲས་བུའི་ཁྱད་པར་ནི། གསང་སྔགས་ཕྱི་པ་ནི། མི་ཚེ་བདུན་ནམ་ལྔ་ལ། རིགས་གསུམ་མམ། རིགས་བཞིའམ།རིགས་ལྔ་རྡོ་རྗེ་འཛིན་པའི་ས་ཐོབ་པའོ། །གསང་སྔགས་ནང་པ་ནི། དབང་བསྐུར་གདམས་ངག་བསྟན་པ་ཙམ་གྱིས་ནི། ས་དང་པོའི་བདེན་པ་མཐོང་། བསྐྱེད་རིམ་བསྒོམས་པས་ས་བརྒྱད་པ་ནོན། རྫོགས་རིམ་ངག་དབེན་གྱིས་ས་བཅུ་པ་ནོན། འོད་ གསལ་གྱིས་ས་བཅུ་གཉིས་པ་ནོན། ཟུང་འཇུག་གིས་ས་བཅུ་གསུམ་པ་རྡོ་རྗེ་འཛིན་པའི་ས་ནོན་པའོ། །དེ་སྐད་དུ་ཡང་། གསང་འདུས་ལས། དང་པོ་ལས་ཀྱི་སྦྱོར་བ་ཡིས། །ས་བརྒྱད་པ་ནི་ཐོབ་པར་འགྱུར། །སྣང་བ་གསུམ་པ་མཐོང་བ་ནི། །ས་བཅུ་ལ་ནི་རབ་ཏུ་གནས། །མངོན་པར་བྱང་ཆུབ་རྣམ་ལྔ་ཞེས། གཙང་མའི་ས་ནོན་དེ་ནས་ནི། །སངས་རྒྱས་ས་ལ་གནས་པར་འགྱུར། །ཚེ་འདི་ལ་ནི་ཐམས་ཅད་མཁྱེན། །ཞེས་པ་དང་། དུས་འཁོར་ལས་ཀྱང་། རྡོ་རྗེ་ཐེག་པའི་འབྲས་བུ་ནི། །སངས་རྒྱས་དྲུག་པ་རྡོ་རྗེ་འཆང་། །ཉོན་མོངས་ལྔ་དང་ཡེ་ཤེས་ལྔ། །ཚེ་འདི་ལ་ནི་མཉམ་སྦྱོར་བས། །དེ་གཉིས་གཉིས་སུ་མི་ཤེས་པས། །ཡང་དག་རྫོགས་པའི་བྱང་ཆུབ་ཐོབ། །ཅེས་པ་དང་། དུས་འཁོར་ཞབས་ཀྱིས། དེས་ན་སྤྱོད་པ་གསུམ་བྱས་པས། །དག་པའི་སྐུ་བཞི་ཡེ་ཤེས་དྲུག །སྟོབས་སོགས་ཡོན་ཏན་ཀུན་རྫོགས་པ། །ཚེ་འདིར་ངེས་པར་ཐོབ་པར་འགྱུར། །ཞེས་སོ། །ཚེ་འདི་ལ་གནས་སྐབས་ཀྱི་འབྲས་བུ། རིག་འཛིན་གྱི་ས་ཐོབ་ནས། འཛམ་བུའིགླིང་བྱེ་བ་ཕྲག་ལྔ་བརྒྱར། སྤྲུལ་པ་བྱེ་བ་ཕྲག་ལྔ་བརྒྱར་བཀྱེ་ནས། སེམས་ཅན་ཀྱི་དོན་བྱེད་ནུས་པའོ། །དེ་ཡག་གསང་བ་སྙིང་པོ་ལས། ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་བསྒྱུར་རིགས་ཀྱི་དམ་པ་འགྲུབ། །ཅེས་སོ། །མཐར་ཐུག་ལ་སྐུ་གསུང་ཐུགས་ཡོན་ཏན་འཕྲིན་ལས་ཉིས་ཤུ་རྩ་ལྔར་ཤར་ནས། སེམས་ཅན་ཐམས་ཅད་ལ་མཐའ་མེད་པའི་དོན་བྱེད་པའོ། །དེ་རྣམས་ཀྱིས་གསང་སྔགས་ཕྱི་ནང་གི་ཁྱད་པར་བཤད་པའོ། ། ནང་པ་དབང་སྒྱུར་ཐབས་ཀྱི་ཐེག་པ་བྱུང་ཚུལ་དངོས། གཉིས་པ་ནང་པ་དབང་བསྒྱུར་ཐབས་ཀྱི་ཐེག་པ་བྱུང་ཚུལ་དངོས་ནི། བསྟན་པ་ཐམས་ཅད་ཀྱི་སྙིང་པོ། ཐེག་པ་ཐམས་ཅད་ཀྱི་ཡང་རྩེ། །ཐབས་ཤེས་རབ་བཟང་མོའི་ལམ་ལ་བརྟེན་ནས། གང་ཟག་གི་རྒྱུད་ལ་འབྲས་བུ་དངོས་སུ་སྟོན་པར་བྱེད་པའི་ཆོས། ནང་པ་བསྐྱེད་རྫོགས་གསུམ་གྱི་ཐེག་པ་ནི། སྟོན་པར་བྱེད་པའི་ཆོས། ནང་པ་བསྐྱེད་རྫོགས་གསུམ་གྱི་ཐེག་པ་ནི། སྟོན་པ་མྱ་ངན་ལས་འདས་པའི་འོག་རོལ་ཏུ་འབྱུང་བར་ལུང་བསྟན་པ་ཡིན་ཏེ། དེ་ཡང་། ལོ་དུས་ཅི་ཙམ་ཞིག་ནས་བྱུང་བ་ཡིན་ཞེ་ན། མདོ་སྒྱུ་འཕྲུལ་གཉིས་ཀྱི་ཐེག་པ་ནི། ཐུབ་པའི་དབང་པོ་མྱ་ངན་ལས་འདས་ནས་ལོ་ཉིས་ཤུ་རྩ་བརྒྱད་ན་འབྱུང་བར་གསུངས་ཏེ། དེ་ཡང་འདི་ལྟར་ཐུབ་པའི་དབང་པོ་མྱ་ངན་ལས་འདའ་བར་གསུངས་ཏེ། དེ་ཡང་འདི་ལྟར་ཐུབ་པའི་དབང་པོ་མྱ་ངན་ལས་འདའ་བར་བཞེད་པའི་ཚེ། འཁོར་རྣམས་ཀྱི་ནང་ནས་རྫུ་འཕྲུལ་ཆེར་སྤྱོད་པའི་མོའུ་འགལ་གྱི་བུ་ལ། ཁྱོད་ཀྱི་འཁོར་རྣམས་སྡུས་ཤིག །ང་ལ་ངེས་པ་བཞག་རྒྱུ་ཡོད་དོ། །གསུངས་ནས་དེར་མོའུ་འགལ་གྱི་བུས་ཀྱང་རྫུ་འཕྲུལ་འདུ་བྱ་བ་ཤེས་པའི་མངོན་པར་ཤེས་པས། འཁོར་རྣམས་སྐད་ཅིག་ལ་བསྡུས་ནས། སྟོན་པའི་ཞབས་དྲུང་དུ་འཁོད་པ་དང་། འཁོར་རྣམས་ལ་སྟོན་པའི་ཞལ་ནས། ངས་འགྲོ་བ་རྣམས་འཁོར་བའི་རྒྱ་མཚོ་ལས་སྒྲོལ་བའི་ཟམ་པ་དང་སྟེགས་ནི་བཙུགས། ལམ་དང་སྲོལ་ག་ནི་བཏོད། །ཆོས་ཀྱི་འཁོར་ལོ་ནི་ལེགས་པར་བསྐོར། སེམས་ཅན་མ་སྨིན་པ་རྣམས་སྨིན་པར་བྱས། མ་གྲོལ་བ་དག་ནི་གྲོལ་བར་བྱས། དེ་ལྟར་མཛད་པ་ཐམས་ད་ཡོངས་སུ་རྫོགས་པར་བྱས་པ་ཡིན་པས། ད་ང་ནི་དགོངས་པ་ཡོངས་སུ་མྱ་ངན་ལས་འདའ་བ་ཡིན་པས། ཁྱེད་རང་རྣམས་ཐེ་ཚོམ་མ་ཆོད་ པའི་དྲི་བ་ལྷག་མ་དག་ཡོད་ན་ད་ལྟ་དྲིས་ཤིག དེ་ནས་ང་མེད་པ་ལ་མྱ་ངན་མ་བྱེད་ཅིག །ངས་འདུས་བྱས་ཐམས་ཅད་མི་རྟག་པར་བསྟན་པ་ཡིན་ནོ། །དངོས་པོ་ཐམས་ཅད་ནི་ངེས་པར་འཇིག་པ་ཡིན་ནོ། །འབྱོར་པ་ཐམས་ཅད་རྒུད་པ་ཡིན་ནོ། །དངོས་པོ་ཐམས་ད་ནི་ངེས་པར་འཇིག་པ་ཡིན་ནོ། །འབྱོར་པ་ཐམས་ཅད་རྒུད་པ་ཡིན་ནོ། །གང་ཟག་ཀུན་གྱི་སྲོག་གི་དབང་པོ་ལ་སྐྱེ་ཤི་ཡོད་པའི་ཕྱིར་འགགས་པ་ཡིན་ནོ། །ཞེས་ཡང་དང་ཡང་དུ་བསྟན་པ་ཡིན་ནོ། །ཞེས་གསུངས་པ་དང་། འཁོར་རྣམས་ཀྱིས་སྟོན་པ་མྱ་ངན་ལས་འདའ་བར་རིག་ནས། ཡིད་རབ་ཏུ་མ་དགའ་སྟེ། མྱ་ངན་གྱི་གདུང་བ་ནོན་ནས་མིག་མཆི་མས་འགགས་ཤིང་། དྲི་བའི་སྤོབས་པ་མ་བྱུང་བ་ལས། དེ་རྣམས་ཀྱི་ནང་ནས་རིག་འཛིན་གྱི་རྒྱལ་པོ་ཀུན་ཛ་རས་སྟན་ལས་ལངས་ཏེ། སྟོན་པའི་མདུན་དུ་སེདྒེའི་ལྟ་སྟངས་ཀྱིས་མིག་མི་འཛུམ་པར་བལྟ་ཞིང་། འདི་སྐད་ཅེས་གསོལ་ཏོ། །མཉམ་ཉིད་བླང་དོར་མེད་སྤྱོད་ཅིང་། །ཐབས་མཆོག་དཔག་གིས་མི་ལང་ཡང་། །བྱང་ཆུབ་གཞན་ནས་མི་འཚོལ་བའི། །ངེས་པའི་ཐེག་ཆེན་ཡོངས་མ་གསུངས། །ཞེས་དྲིས་ཏེ། དོན་བཅོམ་ལྡན་འདས་ཀྱི་མཛད་པ་ཐམས་ཅད་ཡོངས་སུ་རྫོགས་བར་བྱས་སོ་གསུངས་མོད་ཀྱང་། བསྟན་པའི་སྙིང་པོ་ཟབ་མོའི་ལམ་གསང་བ་བླ་ན་མེད་པའི་ཐེག་པ་དག་མ་གསུངས་པར་ཞེས་དྲིས་པ་ཡིན་ནོ། །དེའི་ལན་དུ་འདི་སྐད་ལུང་བསྟན་པ་ཡིན་ཏེ། །ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམཔ་ཞིག །འཛམ་གླིང་ཤར་གྱི་ཕྱོགས་སུ། །མི་ལས་སྐལ་ལྡན་དྲ་མ་ཆེ། །རྒྱལ་པོ་ཛ་ཞེས་བྱ་བ་ལ། །སྔོན་དུ་ལྟས་རྣམས་སྣང་གྱུར་ཏེ། །དྲག་ཤུལ་ ཅན་ཞེས་བྱ་བའི་རྩེར། །གྲོགས་ཀྱི་སེམས་དཔའ་དམན་པའི་ལུས། །ལང་ཀའི་བདག་པོ་ལ་སོགས་པ། །ལག་ན་རྡོ་རྗེས་སྟོན་པར་འགྱུར། །ཞེས་མདོ་སྡེ་གདམས་ངག་འབོགས་པའི་རྒྱལ་པོར་གསུངས་པ་དང་། གསང་བ་ལུང་བསྟན་པ་ལས་ཀྱང་། རྒྱུ་ལ་སྦྱོར་བ་རྒྱུ་ཡི་ཆོས། །འཁོར་ལོ་ཤིན་ཏུ་བསྐོར་བྱས་ནས། །འབྲས་བུའི་ཐེག་པ་ཉེ་ལམ་ཞིག །མ་འོངས་པ་ན་འབྱུང་བར་འགྱུར། །ཞེས་པ་དང་། དཔལ་སྡོམ་པ་འབྱུང་བའི་རྒྱུད་ཕྱི་མ་ལས། བདེ་བར་གཤེགས་པ་ཁྱོད་ཀྱི་བསྟན་པ་འདི་ཁོ་ནར་འདུས་སམ་ཞེས་པའི་ལན་དུ། ང་ནི་མྱ་ངན་འདས་འོག་ཏུ། །ལོ་ནི་བརྒྱ་དང་བཅུ་གཉིས་ནས། །བསྟན་པའི་སྙིང་པོ་དམ་པ་ཞིག །ལྷ་གསན་གསུམ་དུ་གྲགས་པ་དེ། །འཛམ་གླིང་ཤར་ལྷོའི་ཕྱོགས་མཚམས་ཀྱི། །དཔལ་ཞེས་བྱ་བའི་རི་བོ་ལ། །ལག་ན་རྡོ་རྗེ་མཐུ་ལྡན་འགྱུར། །མི་ལས་སྐལ་ལྡན་དམ་པ་ཞིག །ཐེག་ཆེན་གསང་སྔགས་རྒྱས་པར་བྱེད། །དེ་ལ་རིམ་གྲོ་རྟག་ཏུ་གྱིས། །ཐེག་ཆེན་གསང་སྔགས་རྒྱས་པར་བྱེད། །དེ་ལ་རིམ་གྲོ་རྟག་ཏུ་གྱིས། །ཞེས་སོ། །དེ་ལྟར་ལུང་བསྟན་པ་རྣམས་དང་། རྗེས་སུ་མཐུན་པར་དབང་བསྒྱུར་ཐབས་ཀྱི་ཐེག་པ་མདོ་སྒྱུ་འཕྲུལ་གཉིས་བྱུང་ཚུལ་ནི། རྒྱལ་བ་རིག་འཛིན་གང་ཟག་གསུམ། །དགོངས་པ་རིག་པ་རྣ་བར་བརྒྱུད། གང་ལ་ཐུག་གི་བར་དུའོ། །ཞེས་པས་གསུམ་སྟེ། རྒྱལ་བ་དགོངས་པར་བརྒྱུད་པ་ནི་རྒྱལ་བ་ཀུན་ཏུ་བཟང་པོས་རྒྱལ་ཚབ་རིགས་ལྔ་ལ་བརྒྱུད། རིགས་ལྔས་རྒྱལ་སྲས་སེམས་དཔའ་ལ་སོག་སཔ་ལྷན་ཅིག་པའི་འཁོར་ལ་བརྒྱུད་པའོ། །རིག་འཛིན་རིག་པར་བརྒྱུད་པ་ནི། མི་མ་ཡིན་པ་ལ་རྒྱུད་པ་དང་། མི་དང་མི་མ་ཡིན་པ་གཉིས་ཀ་ལ་བརྒྱུད་པའོ། ། དང་པོ་ནི། ཐུབ་བའི་དབང་པོ་འདས་ནས་ལོ་ཉིས་ཤུ་རྩ་བརྒྱད་ཀྱི་བར་དུ། རྒྱལ་བ་རིགས་གསུམ་གྱིས་བརྒྱུད་པ། འཇམ་དཔལ་གྱིས་ལྟ་བ། སྤྱན་རས་གཟིགས་ཀྱིས་སྒྲུབ་པ་དང་། ཕྱག་རྡོར་གྱིས་སྤྱོད་པ་བསྟན་ཟེར་ཀྱང་། གསང་སྔགས་ཀྱི་ལྟ་སྤྱོད་སྒྲུབ་པ་གསུམ་ཀའི་དོན། འཇམ་དཔལ་གཞོན་ནུ་མཛེས་པའི་སྐུ་དག་ལྡན་པ་དེས། ལྷ་རྣམས་ཀྱིས་ལུས་དང་བསམཔ་དང་མཐུན་པར་ཆོས་བསྟན་ཏེ། འཇམ་དཔལ་རྡོ་རྗེ་རྣོན་པོས་ལྷ་གྲགས་ལྡན་མཆོག་སྐྱོང་ལ་བཤད། དེས་རིན་པོ་ཆེ་འོད་འབར་བ་ལ་བཤད། དེས་སྐྱེ་དགུའི་བདག་པ་ཚངས་པ་ལ་བཤད། དེས་ཚངས་པ་ཀུན་གྲོལ་ལ་བཤད། དེས་ཚངས་པ་གཙུག་ཕུད་འཛིན་ལ་བཤད། དེས་དབང་པོ་བརྒྱ་བྱིན་ལ་བཤད། དེས་ལྷ་རིག་འཛིན་ལ་ཚོམ་བུ་འབུམ་སྡེ་ལའོ། །དེ་ལྟར་གྱུར་བའི་ལྷ་རྣམས་ཀྱི་གདུང་གསབ་པར་གྱུར་ཏོ། །སྤྱན་རས་གཟིགས་བདུད་རྩི་སྨན་གྱི་སྐུ་དང་ལྡན་པ་དེས། ཀླུ་གདུག་ཅན་རྣམས་ཀྱི་ལུས་དང་བསམ་པ་དང་མཐུན་པར། ཀླུ་རྒྱལ་གྷྲི་ཧ་ནག་པོ་ལ་བཤད། དེས་ཀླུ་མོ་ཁ་འདུལ་མ་ལ། དེ་ཀླུ་ཡིད་འོང་དགའ་བ་ལ། དེས་འཇོག་པོ་ལ། དེས་ཀླུ་མོ་འདུལ་ཚངས་མ་ལ། དེས་ཀླུ་ཚོམ་བུ་འབུམ་སྡེ་ལ། དེ་ལྟར་ཀླུ་རྣམས་ཀྱང་གོང་ལྟར་དུ་གྱུར་པའོ། །ཕྱག་ན་རྡོ་རྗེ་འཇིགས་ཚུལ་སྡིགས་པའི་སྐུ་དང་ལྡན་པ་དེས། གནོད་སྦྱིན་རྣམས་ཀྱི་ལུས་དང་བསམ་པ་དང་མཐུན་པར། གནོད་སྦྱིན་གྲགས་ལྡན་མཆོག་སྐྱོང་ལ་བཤད། དེས་གནོད་སྦྱིན་ཀུན་ཏུ་བཟང་པོ་ལ་བཤད། དེས་གནོད་སྦྱིན་ལག་ན་རྡོ་རྗེ་ལ། དེས་གནོད་ སྦྱིན་སྐར་མདའ་གདོང་ལ། དེས་གནོད་སྦྱིན་ཚོམ་བུ་འབུམ་སྡེ་ལ། དེ་ལྟར་གནོད་སྦྱིན་རྣམས་ཀྱང་གོང་ལྟར་གྱུར་ཏོ། །མ་དང་མི་མ་ཡིན་པ་གཉིས་ཀ་ལ་བརྒྱུད་པ་ནི། གསང་བའི་བདག་པོས། ལྷ་གྲགས་ལྡན་མཆོག་སྐྱོང་། དེས་ཀླུ་རྒྱལ་འཇོག་པོ། གནོད་སྦྱིན་སྐར་མདའ་གདོང་། སྲིན་པོ་ལང་ཀ་མགྲིན་བཅུ། མི་ལས་སྐལ་ལྡན་ལི་ཙ་བྱི་དྲི་མ་མེད་པར་གྲགས་པ་ལ་སོགས་པ་རིག་པ་འཛིན་པ་འདུས་པའི་འཁོར་ལ་མ་ལ་ཡའི་རྩེར་གསུངས་ཤིང་བརྒྱུད་དོ། །གང་ཟག་རྣ་བར་བརྒྱུད་པ་ནི། ཐུབ་པ་འདས་ནས་ལོ་ཉིས་ཤུ་རྩ་བརྒྱད་ན་ཤར་ཕྱོགས་ཟ་ཧོར་གྱི་ཡུལ་དུ་རྒྱལ་པོ་ཛ་ཞེས་བྱ་བ་བྱོན་ཏེ། དེས་ཨ་སུ་ར་གསང་བའི་བྲག་ཕུག་ཏུ་སྒྲུབ་པ་མཛད་པ་ལ། རྨིས་ལྟས་བདུན་ཤར་ཞིང་། དངོས་སུ་པོ་ཏི་དང་གླེགས་བམ་གིཡ་ཆར་བབས་ནས། ཕྱག་ན་རྡོ་རྗེས་གསུངས་པའོ། །དེ་ལ་རི་མ་ལ་ཡ་ནི། སངས་རྒྱས་ཐམས་ཅད་ཀྱིས་གསང་སྔགས་སྟོན་པའི་གནས་ཡིན་ཏེ། རི་དེ་ནི་ཤིན་ཏུ་བཀྲ་ཤིས་ཤིང་བྱིན་ཆེ་བ་མཐོང་སྣང་དུ་མ་ཡོད་དེ། དག་པ་ལ་ལས་རིན་པ་ཆེ་སྣ་ཚོགས་ལས་གྲུབ་པར་མཐོང་ལ། ལ་ལས་ནི་བྲག་རི་ཤིན་ཏུ་ན་ཞིང་གཟེངས་མཐོ་བར་མཐོང་བ་དང་། ལ་ལས་ནི་གནམ་ལྕགས་འབར་བ་གང་གིས་ཀྱང་བགྲོད་མི་ནུས་པར་སྣང་བའོ། །རི་དེའི་ཤར་ལྷོ་ན། ཏྲི་ཤི་ཨ་སུ་རའི་བྲག་ཕུག་ཅེས་བྱ་བ། ཕུག་རིན་པོ་ཆེ་ཟུར་བརྒྱད་དུ་ཡོད་པ། ལོགས་ལ་ངོ་མཚར་བའི་རི་མོ་རང་བྱུང་པ། ལོགས་བྲག་སེདྒེ་དཀར་པོ་ཁྱི་ཚུགས་ལྟ་བུ་ཡོད་པ། མཁར་ཡང་ཐོག་སུམ་རིམ་དང་བཅས་པ། སྟེང་ན་བྱ་ཀ་ལན་ཏ་ཀའི་ཚང་བཅས་ནས་ཆོས་ཐམས་ཅད་ཐིག་ལེ་ཉག་ཅིག་ཏུ་སྒྲ་སྒྲོགས་པ་ཡོད་དོ། །རྩ་བ་ན་བདུད་རྩིའི་ཆུ་མིག་རང་རྡོལ་དུ་ཡོད་པ། མདུན་ན་མེ་ཏོག་གི་སྣམ་བུ་ཡོད་པ། ཤིང་ཡལ་ག་ཕྱོགས་བཞིར་གྱེས་པས་དུས་བཞིའི་དགྲ་ལས་སྐྱོབ་པ་ལྟར་དུ་ཡོད་པ། ཤིང་དེའི་མེ་ཏོག་དང་འབྲས་བུ་ཐམས་ཅད་སྨན་དུ་གྱུར་ཏེ། ཟོས་པས་ནད་སྣ་ཚོགས་སེལ་བ། དེ་ལྟ་བུའི་ཉམས་དགའ་བའི་གནས་དེར། ལས་དང་སྐལ་བར་ལྡན་པ་རྣམས་ཀྱི་ནི་བགྲོད་དུ་ཐར་ལ། ལས་དང་སྐལ་བར་མི་དན་པ་རྣམས་ཀྱིས་ནི་མི་ཐར་བའི་བར་ཁང་ན་སྐལ་ལྡན་རྒྱལ་པོ་ཛ་གསང་སྔགས་ཕྱི་རྒྱུད་ལ་སྒྲུབ་པ་མདད་ཀྱིན་བཞུགས་པ་ལས། རྨི་ལྟས་བདུན་ཞག་རེ་རེ་ལ་རྨིས་ཀྱང་སྐད། ཞག་གཅིག་ལ་རྨིས་ཀྱང་སྐད། རྨི་ལྟས་དང་པོ་ནི། གསང་བདག་ཕྱག་ན་རྡོ་རྗེ་མདུན་གྱི་ནམ་མཁའ་ལ་བྱོན་ཏེ། སྐུའི་གནས་ནས་འོད་ཟེར་འཕྲོས་ཏེ་གདུལ་བྱ་ཐམས་ཅད་ཀྱི་རྟོག་སྒྲིབ་སྦྱངས། གསུང་གི་གནས་ནས་བསྟན་པ་དང་ཐེག་པའི་སྒྲ་བསྒྲགས་པས་གདུལ་བྱ་ཐམས་ཅད་ཀྱིས་གོ་བར་མཛད། ཐུགས་ཀྱི་གནས་ནས་རྡོ་རཇེ་འོད་འབར་བ་བྱུང་ནས་རྒྱལ་པོའི་ཐུགས་ཀར་ཐིམ། སྤྱི་བོའི་གཙུག་ནས་ཉི་མ་བྱུང་ནས་རྒྱལ་པོའི་སྤྱི་གཙུག་ཏུ་ཐིམ་པ་རྨིས་སོ། །དེ་ཡང་དགོངས་འདུས་ཀྱི་འགྲེལ་པ་ལུང་བསྟན་རྡོ་རྗེ་ལས། སྐུ་གསུང་ཐུགས་རྟགས་ཐིམ་པ་དང་། །ཞེས་པའི་དོན་ནོ། །རྨི་ལྟས་གཉིས་པ་ལ། དུས་གསུམ་གྱི་བདེ་བར་གཤེགས་པ་ཐམས་ཅད་ཉི་མ་དང་ཟླ་བ་ལ་ཆིབས། ཕྱག་ན་གསེར་གྱི་འཁོར་ལོ་རྩིབས་སྟོང་དང་ལྡན་པ་བསྣམས་ནས། སེམས་ཅན་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་རྨིས་སོ། །དེ་ཡང་ ཆོས་ཀྱི་བགྲོ་བ་མཛད་པ་དང་། །ཞེས་བའི་དོན་ནོ། །རྨི་ལྟས་གསུམ་པ་ལ། ནམ་མཁའ་ལ་སྤྲིན་གསེར་གྱི་ཁ་དོག་ཅན་ནི་ཆགས། སྣང་སྲིད་གསལ་བའི་གློག་འཁྱུག ཆོ་འཕྲུལ་གྱི་འབྲུག་སྒྲ་དམ་པ་ཆོས་ཀྱི་སྒྲ་འུར་དི་རི་རི་སྒྲོག་པ་རྨིས་ཏེ། དེ་ཡང་། ཆོས་སྒྲ་ཆེན་པོ་སྒྲོག་པ་དང་། ཞེས་པའི་དོན་ནོ། །རྨི་ལྟས་བཞི་པ། ནམ་མཁའི་སྤྲིན་གསེབ་ནས་བདུད་རྩིའི་ཆུ་རྒྱུན་བབས་ཏེ། ས་ཕྱོགས་ཐམས་ཅད་ཆག་ཆག་བཏབ། གདུལ་བྱ་ཐམས་ཅད་ཀྱི་རྟོག་སྒྲིབ་སྦྱངས་ནས། ཀུན་ཀྱང་རྡོ་རྗེ་རྣལ་འབྱོར་ཞེས། སྔགས་གྱི་སྒྲ་དི་རི་རི་སྒྲོ་པ་ཞིག་རྨིས་སོ། །དེ་ཡང་། བདུ་རྩིའི་ཆོས་ཆར་བབས་པ་དང་། །ཞེས་པའི་དོན་ནོ། །རྨི་ལྟས་ལྔ་པ་ལ། ནམ་མཁའི་སྤྲིན་གསེབ་ནས་རིན་པོ་ཆེའི་སྒྲོམ་གྱི་ནང་ན་རིན་པོ་ཆེ་མཐིང་གི་ཤོག་བུ་ལ་གསེར་གྱིས་རྒྱ་རང་མནན་དུ་བྲིས་པའི་པོ་ཏི་དང་གླེགས་བམ་སྐར་མདའ་ཐང་ལ་བབས་པ་ཙམ་དུ་ལྷུང་བ་རྨིས་སོ། །དེ་ཡང་། རིན་ཆེན་ཆར་དུ་བབས་པ་དང་། །ཞེས་བའི་དོན་ནོ། །རྨི་ལྟས་དྲུག་པ་ལ། པོ་ཏི་གླེགས་བམ་དེ་རྣམས་ལ་རིག་འཛིན་དང་བྱང་ཆུབ་སེམས་དཔའ་རྣམས་ལ་ལ་ནི་མཆོད་པ་འབུལ། ལ་ལ་ནི་སྐོར་བ་བྱེ། ལ་ལ་ནི་བསྟོད་པ་བྱེད་བའི་སྒྲ་སྒྲོག་པ་ཞིག་རྨིས་སོ། །དེ་ཡང་། མཆོད་པ་རྒྱ་ཆེན་བྱས་པ་དང་། །ཞེས་པའི་དོན་ནོ། །རྨི་ལྟས་བདུན་པ་ལ། ནམ་མཁའི་མཐོངས་ནས་གཟུགས་སུ་མ་གྲུབ་པའི་ལུང་སྟོན་པའི་སྒྲ། ལས་དང་སྐལ་བ་རབ་ལྡན་ཞིང་། །བསོད་ནམས་ཆེན་པོའི་དྲ་མ་ཁྱོད། །སྤྲུལ་པས་ཇི་ལྟ་ལུག་བསྟན་ཞིང་། །རྒྱལ་བས་འབྱུང་བར་ལུང་བསྟན་པའི། །བསྟན་པའི་སྙིང་པོ་དམ་པ་ཞིག །སྐལ་ལྡན་ཁྱེད་ ལ་སྒྲོག་པར་བྱའོ། །ཞེས་པ་རྨིས་པས་དེར་རྒྱལ་པོ་མནལ་སད་དེ། མཁར་གྱི་ཡང་ཐོག་ཏུ་སྐུ་འཆག་ཏུ་བྱོན་པས། གསང་བདག་ཕྱག་ན་རྡོ་རྗེའི་སྐུ་རྒྱུ་རིན་པོ་ཆེ་སྨུག་པོ་ལས་གྲུབ་པ་ཁྲུ་གང་པ་ཞིག་བཞུགས་ཀྱིན་གདའ་སྐད། དེ་ལ་ཕྱག་ལན་གསུམ་བཙལ། བསྐོར་བ་ལན་གསུམ་བྱས། ཞབས་སྤྱི་བོའི་གཙུག་ཏུ་བླངས་ཏེ། ཨེ་མ་ངོ་མཚར་མཆོག་གི་སྐུ། །འདྲེན་པ་མཆོག་གི་དཔལ་ལེགས་གང་། །མོས་པའི་ཡིད་ཡིས་ལྷ་མཆོག་ཁྱོད། །སྔོན་ཚེ་གོང་ནས་བསྒྲུབས་པ་ཡི །ལས་འབྲེལ་ལྷ་མཆོག་ཁྱོད་ཉིད་ནི། །བསྐལ་པ་བརྒྱར་ཡང་མི་གཏོང་ངོ་། །གསུངས་ཏེ་ཡིད་དམ་གྱི་ལྟར་བཟུང་ནས་ཟླ་བ་བདུན་དུ་སྒྲུབ་པ་མཛད་པས། པོ་ཏི་དང་གླེགས་བམ་རྨི་ལམ་དུ་བྱུང་བ་དེ་རྣམས་མངོན་སུམ་དུ་བབས་ཤིང་དེའི་བྱིན་གྱིས་བརླབས་ཀྱིས་སྣང་བ་ཐམས་ཅད་དཔེ་ཆར་ཤར་བ་ཡིན་སྐད། དེར་རྒྱལ་པོས་པོ་ཏི་དང་གླེགས་བམ་དེ་རྣམས་ལ་བརྟགས་པས་རྟོགས་པར་འདུག་ཀྱང་། གདུལ་བྱ་གཟུ་ལུམ་ཅན་དང་རས་གཅོད་ཅན་རྣམས་དགག་པར་བྱ་བའི་ཕྱིར་དུ་མ་རྟོགས་པ་ལྟར་གནང་ནས། འཇིག་རྟེན་གྱི་ཁམས་ན་མཁྱེན་པ་སུ་ཞེས་དྲིས་པས། ཟ་ཧོར་གྱི་ཡུལ་ན་སིང་ང་ཨུ་པ་རཱ་ཛ་ཞེས་བྱ་བ་མཁྱེན་པ་རྒྱ་ཆེའོ་ཞེས་ཟེར་ཏེ། སྤྱན་འདྲེན་དུ་བཏག་བས། ཁོང་ཉིད་ཀྱིས་ཀྱང་རྒྱལ་པོའི་ཐུགས་ཀྱི་རྟོག་པ་མ་སེལ་གྱི་དོགས་ནས་འབྱོན་དུ་མ་བཞེད་སྐད། པོ་ཏི་དང་གླེགས་བམ་རྣམས་རྟ་དང་ཀླང་པོ་ལ་ཁོལ་ལ་ཐོངས་ཤིག ངས་བརྟག་གི་གསུངས་ནས། པོ་ཏི་དང་གླང་པོ་ལ་ཁོལ་ལ་ཐོངས་ཤིག ངས་བརྟག་གི་གསུངས་ནས། པོ་ཏི་དང་གླེགས་བམ་རྣམས་སྟག་སྒྲོ་དང་གཟིག་སྒྲོའི་ནང་དུ་བཅུག་ནས། ཨ་ཀ་རུ་དང་དུ་རུ་ཀ་ལ་སོགས་པའི་སྤོས་སྣ་ཚོགས་དང་། གདུགས་དང་ རྒྱལ་མཚན་ལ་སོགས་པའི་མཆོད་པ་སྣ་ཚོགས་དང་བཅས་པས་སྤྱན་དྲངས་ཏེ། ཁོང་གིས་བརྟགས་པས་ཚིག་གཅིག་ཀྱང་བརྡའ་མ་མཇལ་སྐད། སློབ་དཔོན་གྱི་སྔོན་གྱི་མཚན་རྟགས་དང་སྦྱར་ན། རྒྱལ་པོ་ཉིད་རང་གི་རྟོགས་པར་འགྱུར་རོ་གསུངས་ནས། ཚུར་སྤྱན་དྲངས་སྐད་དོ། །ཡང་རྒྱལ་པོ་ཉིད་ཀྱིས་བརྟགས་པས་རྟོགས་པར་འདུག་ཀྱང་། མ་རྟོགས་པ་ལྟར་གནང་ནས། ཡང་འཇིག་རྟེན་གྱི་ཁམས་ན་མཁྱེན་པ་སུ་ཆེ་ཞེས་དྲིས་པས། སངས་རྒྱས་རིན་ཆེན་མང་གི་སྤྲུལ་པ་དགེ་སློང་ཀུ་ཀུ་རཱ་ཛ་ཞེས་བྱ་བ་མཁྱེན་པ་རྒྱ་ཆེའོ་ཟེར་ནས་སྤྱན་འདྲེན་དུ་བཏང་པས། རྒྱལ་པོའི་ཐུཊ་ཀྱི་རྟོག་པ་མ་ཆོད་ཀྱི་དོཊ་ནས་འབྱོན་དུ་མ་གནང་པར། པོ་ཏི་དང་གླེཊ་བམ་སྟག་སྒྲོ་དང་གཟིག་སྒྲོའི་ནང་དུ་བཅུག་ནས། ཨ་ཀ་རུ་དང་དུ་རུ་ཀ་ལ་སོགས་སྤོས་སྣ་ཚོགས་དང་། གདུགས་དང་རྒྱལ་མཙན་ལ་སོགས་མཆོད་པའི་བྱེ་བྲག་སྣ་ཚོགས་དང་བཅས་པས་སྤྱན་དྲངས་ཏེ། དགེ་སློང་ཀུན་ཀུ་རཱ་ཛ་ཉིད་ཀྱིས་བརྟག་པས། སྒྱུ་འཕྲུལ་དྲྭ་བ་ལེའུ་སྟོང་ཕྲག་བརྒྱ་པའི་རྒྱུད་བྱ་བ་དེའི་ནང་ནས། རྡོ་རྗེ་སེམས་དཔའ་ཐུགས་ཀྱི་སྒྲུབ་པའ་ལེའུའམ་རྡོ་རྗེ་སེམས་དཔའ་ཞལ་མཐོང་གི་ལེའུ་རྟོགས་ཏེ། ཟླ་བ་བདུན་དུ་སྒྲུབ་པ་མཛད་པས། རྡོ་རྗེ་སེམས་དཔའ་ཏིང་ངེ་འཛིན་གྱི་ངང་ལ་ཡེར་གྱིས་བྱོན་ཏེ་རིགས་ཀྱི་བུ་དངོས་གྲུབ་ཅི་འདོད་གསུངས་པ་ལས། སློབ་དཔོན་གྱིས་བསྟན་པ་དང་ཐེག་པ་མཐའ་དག་རྟོགས་པའི་དངོས་གྲུབ་ཞུའོ་ཞེས་ཞུས་པས། ཕྱག་ན་རྡོ་རྗེས་ལུང་སྟོན་པར་འགྱུར་གྱི་གསུངས་ན་མི་སྣང་བར་སོང་སྐད། ཡང་ཟླ་བ་བདུན་སྒྲུབ་པ་མཛད་པས་ཕྱག་ན་རྡོ་རྗེ་མངོན་སུམ་དུ་བྱོན་ནས་རྡོ་རྗེ་ལན་གསུམ་སྤར་ཏེ། སྤོང་ལེན་བརྟུལ་ཞུགས་སྤྱོད་ པའི་དབང་། །དགེ་བས་བསྐུར་ནས་སྡིག་པ་མེད། །ཅེས་གསུངས་ནས་རྩོལ་དང་བཅས་པའི་མཚན་ཉིད་ཀྱི་ཐེག་པ་སྤངས་ཏེ། རྩོལ་བ་མེད་པ་གསང་སྔགས་ཀྱི་ཐེག་པ་ཉམས་སུ་ལེན་པ་ཁྱོད་ལ། དོན་གྱི་བསྟན་པ་དང་ཐེག་པ་ཐམས་ཅད་རྫོགས་པར་དབང་བསྐུར་རོ། །ཚིག་གིས་བསྟན་པ་དེ་དག་དགེ་བསྙེན་ལི་ཙ་དྲི་མ་མེད་པ་ལ་ཞུས་ཤེག ཅེས་ལུང་བསྟན་ནོ། །ཀུ་ཀ་རཱ་ཛས་གསང་བའི་བདག་པོའི་བཀའ་བཞིན་བསྒྲུབས་ཤིང་། སྒྱུ་འཕྲུལ་དྲཱ་བ་སྟོག་ཕྲག་བརྒྱ་བའི་རྒྱུད་ལ། ཏན་ཏྲ་ཆེན་པོ་སྡེ་བཅོ་བརྒྱད་དུ་ཕྱེས་ནས། སྐལ་ལྡན་རྒྱལ་པོ་ཛ་ལ་གསུངས། ཏན་ཏྲ་ཆེན་པོ་སྡེ་བཅོ་བརྒྱད་དུ་ཕྱེས་ནས། སྐལ་ལྡན་རྒྱལ་པོ་ཛ་ལ་གསུངས། ཏན་ཏྲ་ཆེན་པོ་སྡེ་བཅོ་བརྒྱད་དུ་ཕྱེས་ནས། སྐལ་ལྡན་རྒྱལ་པོ་ཛ་ལ་གསུངས། ཏན་ཏྲ་སྡེ་ཆེན་པོ་བཅོ་བརྒྱད་གང་ཞེ་ན་སྐུའི་རྒྱུད་གསུམ་ནི། སངས་རྒྱས་མཉམ་སྦྱོར། གླང་པོ་ཆེ་རབ་འབོག གླང་པོ་ཆེ་ཆུར་ཞུགས་སོ། །གསུང་གི་རྒྱུད་གསུམ་ནི། ཟླ་གསང་ཐིག་ལེ། གཅིག་ལས་འཕྲོས་པ། དུ་མ་འཕྲོས་པའོ། །ཐུགས་ཀྱི་རྒྱུད་གསུམ་ནི། གསང་བ་འདུས་པ། རི་བོ་བརྩེགས་པ། རྩེ་གཅིག་འདུས་པའོ། །ཡོན་ཏན་གྱི་རྒྱུད་གསུམ་ནི། དཔལ་མཆོག་དང་པོ། བདུད་རྩི་མཆོག་དང་པོ། ཡིད་བཞིན་ནོར་བུའི་རྒྱུད་དོ། །འཕྲིན་ལས་ཀྱི་རྒྱུད་གསུམ་ནི། སྐར་མ་མ་ལེ། སྒོན་མ་འབར་བ། ཀཱི་ལ་ཡ་ཡིག་འབྲུ་བཅུ་གཉིས་ཀྱི་་རྒྱུད་དོ། །སྤྱིའི་རྒྱུད་གསུམ་ནི། དེ་ཐམས་ཅད་ཀྱི་རྒྱུད་སྒྱུ་འཕྲུལ་དྲཱ་བའི་རྒྱུད། དམ་ཚིག་ས་མ་ཡ་འབུམ་སྡེ་བཀོད་པའི་རྒྱུད། རྡོ་རྗེ་ཐབས་ཀྱི་ཞགས་པའི་རྒྱུ་དོ། །དེ་ལྟར་ཏན་ཏྲ་ཆེན་པོ་སྡེ་བཅོ་བརྒྱད། རྒྱལ་པོ་ཛས་སིང་ང་རཱ་ཛ་ལ། དེས་སྲས་མོ་ག་མ་ས་ལ། དེས་རྒྱལ་པོ་ཀུ་ཀུ་རཱ་ཛ་ལ། དེས་རོ་ལངས་བདེ་བའི་དངོས་གྲུབ། དེས་རྡོ་རྗེ་བཞད་པ་ལ། དེས་ཟ་ཧོར་གྱི་རྒྱལ་པོ་་ཕྲ་ཧ་ཏི། དེས་སློབ་ དཔོན་སངས་རྒྱས་གསང་བ་ལ། དེས་སློབ་དཔོན་བཱི་མ་ལ་མི་ཏྲི་ལ་སོགས་པ་པཎྜི་ཏ་ལྔ་བརྒྱ་ལགསུངས། དེ་སྐད་དུ་ལམ་རིམ་ཆེན་པོ་ལས གསང་བའི་བདག་པོ་མགོན་གཤེགས་ནས། །ལྷ་ཀླུ་གནོད་སྦྱིན་སྲིན་པོ་དང་། །མི་ལས་སྐལ་ལྡན་འདུས་པ་ལ། །དབང་པོས་ཇི་ལྟར་ལུང་བསྟན་དུས། །རྒྱལ་པོའི་རིགས་ཅན་ལྟས་ཤར་བ། །འབྲེལ་པས་སྣང་ལ་མངོན་བརྟགས་པས། །ཐུགས་ཀྱི་སྒྲུབ་པ་མངོན་རྟོགས་ཏེ། །དེ་ཉིད་སྒོ་ནས་དེ་ཉིད་འགྲུབ། །བསྟན་པའི་དངོས་གྲུབ་དེ་དེ་ནས་ཟོབ། །དོན་དམ་བཅུད་ཀྱིས་དེ་ནས་རྒྱས། །འདོད་པའི་བསམ་པ་དེ་རུ་འགྲུབ། །སྨོན་པའི་ལྷ་དང་དེ་རུ་མཇལ། །ཞེས་སོ། །དེ་ནས་དེའི་རྗེས་སུ་ཞུགས་པའི་དགེ་སློང་ཀུ་ཀུ་རཱ་ཛ་དང་། རྒྱལ་པོ་ཨིནྡྲ་བྷཱུ་ཏི་དང་། ཟ་བོར་གྱི་རྒྱལ་པོ་སིང་ཧ་ཨུ་པ་རཱ་ཛ་དང་། སྲས་མོ་གོ་མ་དེ་ལ་སོགས་པས། ཚོགས་ཀྱི་དཀྱིལ་འཁོར་སྒྲུབ་པ་ལ་བརྟེན་ནས་རིམ་པ་བཞིན་དུ་ཚེམ་བུ་འབུམ་དང་། ཁྲི་དང་། སྟོང་དང་། བརྒྱ་དང་ཅས་ཏེ་རིག་འཛིན་གྱི་ས་ལ་དངོས་སུ་གཤེགས་པ་བསམ་གྱིས་མི་ཁྱབ་པ་བྱུང་ཞིང་། གསང་སྔགས་ཀྱི་བསྟནཔ་རྒྱསཔར་གྱུར་པ་ཡིན་ནོ། །དེ་སྐད་དུ་ཡང་། ལམ་རིམ་ལ། དེ་ནས་རྡོ་རྗེ་གདན་སྟེངས་ཀྱི། །འཛམ་གླིང་ཤར་གྱི་ཕྱོགས་མཚམས་ཀྱིས། །ཕོ་བྲང་དམ་པ་རིན་ཆེན་ན། །བཀྲ་ཤིས་དམ་པའི་ཁང་བུ་རུ། །ཀུ་ཀུ་རཱ་ཛ་ཤིནྡྲ་བྷཱུ་ཏི་དག། །སིང་ཧ་ཨུ་པ་རཱ་ཛ་དང་། །སྲས་མོ་གོ་མ་ས་ལ་སོགས་སྒྱུ་འཕྲུལ་དྲཱ་བའི་དབང་ཐོབ་ནས། །ཚོགས་ཀྱི་དཀྱིལ་འཁོར་མངོན་བསྒྲུབས་ཏེ། །རྡོ་རྗེ་འཆང་སར་མངོན་དུ་གཤེགས། །ཞེས་སོ། །གཉིས་པ་ལུང་ཨ་ནུ་ཡོ་ག་ནི། སྟོན་པ་ཐུབ་པའི་དབང་པོ་འདས་ པའི་དུས། དེའི་ཉེས་པས་ཕྱི་སྣོད་ཀྱི་འཇིག་རྟེན་ཡིད་དུ་མི་འོང་པར་གྱུར། ནང་བཅུད་ཀྱི་སེམས་ཅན་རྣམས་ནི་བཞིན་གྱི་དཀྱིལ་འཁོར་མོག་མོག་པོར་གྱུར། ནང་པ་སངས་རྒྱས་པའི་བསྟན་པ་ནི་ཤི་ལ་ཐུག་པར་གྱུར། ཕྱི་རོལ་མུ་སྟེགས་པ་རྣམས་ནི་ཅལ་ཀའི་སྒྲ་སྒོགས་ཏེ། གོའུ་ཏ་མའི་བསྟན་པ་ནི་མེ་ཤི་བའི་དུད་པ་བཞིན་དུ་སོང་ཟེར་བའི་ཚེ། དམ་པའི་རིགས་ཅན་དྲ་མ་ལྔས་ཏིང་ངེ་འཛིན་ལ་སྙོམ་པར་ཞུགས་ནས་སྟོན་པ་མྱ་ངན་ལས་འདས་པ་མ་ཚོར་རོ། །དེ་ནས་ལོ་ཉིས་ཤུ་རྩ་བརྒྱད་ནས་ཏིང་ངེ་འཛིན་ལ་ཞུགས་པ་དེ་ལས་ལངས་པ་དང་། སྟོན་པ་འདས་པའི་ཉེས་པ་བཞི་པོ་མཐོང་ནས་རང་གི་གནས་སུ་ཐག་ཆད་པར་དུ་ཏེ། རྫུ་འཕྲུལ་གྱི་བྱ་བ་ཤེས་པའི་མངོནཔར་ཤེས་པས། དྲག་ཤུལ་ཅན་ཞེས་བྱ་བའི་རི་མ་ལ་ཡ་གནམ་ལྕགས་ཡོད་སའི་རྩེར་འདུས་ཏེ། དུས་གསུམ་གྱི་སངས་རྒྱས་ཐམས་ཅད་ཡིད་ལ་བྱས་ཏེ། ཀྱེ་མ་ཀྱེ་ཧུད་ཀྱི་མ་ཀློང་། །སྟོན་པ་སྒྲོན་མེའི་འོད་ནུབ་ན། །འཇིག་རྟེན་མུན་པ་གང་གིས་སེལ། །ཞེས་པ་ལ་སོགས་ཀྱི་གདུང་ཚིག་ཉིས་ཤུ་རྩ་གསུམ་བཏོན་པས། དུས་གསུམ་གྱི་སངས་རྒྱས་ཐམས་ཅད་ཀྱིས་གསན་ནས་ལྕང་ལོ་ཅན་གྱི་གནས་སུ་འདུས་ཏེ། གསང་བའི་བདག་པོ་ལ་ཁྱོད་ཀྱིས་མི་མཇེད་འཇིག་རྟེན་གྱི་གདུང་བ་སེལ་ཅིག་པར་བསྐུལ་བས། གསང་བདག་རབ་ཏུ་དགྱེས་ཏེ་རང་གི་སྟན་ལས་ལངས་ཏེ་འཁོར་ལུང་བསྟན་པ་ཡག་མཛད་ནས། དམ་པའི་རིགས་ཅན་དྲ་མ་ལྔའི་དྲུང་དུ་མངོན་གསུམ་དུ་བྱོན་པས། ངོ་མ་ཤེས་ཏེ། ཨེ་མ་ཧོ། སྐྱེས་བུ་ཁྱེད་སུ་ཞིག གང་ནས་བྱོན། གང་དུ་བཞུད། དོན་གྱི་ཆེད་ཀ་ཅི་ཞིག་ཅེས་དྲིས་པས། ང་ནི་ཅིས་ཀྱང་མི་བསྐྱོད་དེ། །མི་ འཁྲུག་རྡོ་རྗེ་སེམས་དཔའ་ཡིན། །སྙིང་རྗེས་གཡོ་ཞིང་བསྐྱོད་པ་ན། །སྲིད་པ་གསུམ་གྱི་གཉེན་གཅིག་པོ། །ཞེས་གསུངས་པས་ན་ངོས་ཏེ། དགའ་མགུ་རངས་པའི་བསམ་པས་ཞུས་ནས། རི་མ་ལ་ཡ་གནམ་ལྕགས་ཡོད་པའི་རྩེ་མོར། དམ་པའི་རིགས་ཅན་དྲ་མ་ལྔ་ལ་མདོ་དགོངས་པ་འདུས་པ་སོགསཔ་ལུང་ཨ་ནུ་ཡོ་གའི་ཆོས་སྡེ་རྣམས་དང་། གཞན་ཡང་ཕུར་པ་དང་མ་མོ་ལ་སོགས་པ་སྒྲུབ་སྡེ་འགའ་ནི། དུར་ཁྲོད་ཆེན་མོ་བསིལ་བའི་ཚུལ་དུ་བབས་པ་ཡིན་ལ། ཨ་ནུ་ཡོ་ག་བབས་ལུགས་སྤྱིའི་རྣམ་བཞག་དེ་ལྟར་ཡིན་ཅིང་། ཁྱད་པར་ཆོས་ཚན་སྒྲུབ་གཞུང་རེ་ལ་ལོ་རྒྱུས་བབས་ཚུལ་རེ་འདུག་པ་ཡི་གེ་མངས་བས་རང་གཞུང་ལོ་རྒྱུས་རྣམས་ན་གསལ་ལོ། །གསུམ་པ་གསང་བ་ལས་ཀྱང་ཆེས་གསང་བ་ཡང་གསང་རྨད་དུ་བྱུང་བ། རྡོ་རྗེ་ཐེག་པ་ལྟ་བའི་ཞེ་ཕུགས། དུས་གསུམ་སངས་རྒྱས་ཐབས་ཅད་ཀྱི་ཐུགས་ཀྱི་ཉིང་ཁུ། དངོས་པོའི་གནས་ལུགས་རང་གྲོལ་མངོན་སུམ་ཆིག་ཆོད་དུ་སྟོན་པ། རྩོལ་མེད་རྫོགས་པ་ཆེནཔོའི་བསྟན་བའི་བྱུང་ཚུལ་ནི། རྒྱལ་བ་དགོངས་པས་བརྒྱུད་པ་དང་། རིག་འཛིན་རིག་པས་བརྒྱུད་པ་དག། གང་ཟག་སྙན་ཁུང་བརྒྱུད་པ་དང་། ལྷ་དང་མིའི་ཡུལ་དུ་ཇི་ལྟར་གྲགས་ཚུལ་ལོ། །དང་པོ་རྒྱལ་བ་དགོངས་པས་བརྒྱུད་པ་ནི། འོག་མིན་ལ་སོགས་པར་རྒྱལ་བ་སྐུ་བཞིའི་བསྟནཔ་བྱུང་ཚུལ་ནི། སྟོན་པ་ངོ་བོ་ཉིད་ཀྱི་སྐུས་རང་གསལ་ངོ་བོ་ཉིད་ཀྱིས་གསུངས་ཚུལ་དང་། སྟོན་པ་ངོ་ཉིད་ཀྱི་སྐུས་རང་གསལ་ངོ་བོ་ཉིད་ཀྱིས་རང་གྲོལ་མངོན་སུམ་དུ་གསུངས་ཚུལ་དང་། ལོངས་ སྤྱོད་རྫོགས་པའི་སྐུས་རང་གི་ངོ་བོས་གསུངས་ཚུལ་དང་། གསང་བའི་སྐུས་བདེ་ཆེན་ཐབས་ཀྱིས་གསུངས་པ་དེ་རྣམས་སོ། །སྟོན་པ་གསང་བའི་བདག་པོས་སྤྲུལ་སྐུ་དགའ་རབ་རྡོ་རྗེ་ལ་བསྟན་པའི་བདག་པོར་དབང་བསྐུར་ནས། ལྷ་དང་མིའི་ཡུལ་དུ་གྲགས་པ་ཡིན་ཏེ། དེ་ཡང་སྤྲུལ་སྐུ་དགའ་རབ་རྡོ་རྗེ་ཚིག་སྡེབ་སྦྱོར་ལེགས་པས་བཤད་པ་དང་། དེ་ཇི་ལྟར་གྲགས་ཤིང་བརྒྱུད་པའི་ལོ་རྒྱུས་ནི་རྒྱས་པར་འདྲ་འབག་ཆེན་མོ་ན་གསལ་ཏེ། དེ་ཡང་དང་པོ་གསང་སྔགས་འབྱུང་བའི་དུས་དྲུག་ལ་བབ་པའི་ཚེ། རྩོལ་མེད་ཨ་ཏིའི་བསྟན་པ་བྱུང་བ་ཡིན་ཏེ། ཉོན་མོངས་རྒྱུད་དྲག་མོས་མཐུ་ཞན། །ལས་ཀྱི་ཚེ་ཐུང་བཀའ་དོན་སྟོར། །བསྟན་སྙིགས་གྲུབ་མཐའ་ངན་པས་བསྒྱུར། གཉེན་པོས་མི་ནོན་སྒྲུབ་རྩོལ་ཞན། །དེ་ཚེ་རིག་པའི་རྣམ་རྟོག་ཤར། །ཞེས་པས། ཉོན་མོངས་པ་རྒྱུད་དྲག་པོའི་དུས་དང་། དད་པ་མེད་ཅིང་མོས་མཐུ་ཞན་པའི་དུས་དང་། ལས་ཀྱི་ཚེ་ཐུང་བའི་དུས་དང་། བཀའི་དོན་ཚིག་ཙམ་ལ་དོན་དུ་འཛིན་པའི་དུས་དང་། །བསྟན་པའི་སྙིགས་མ་གྲུབ་མཐའ་ངན་པའི་དུས་དང་། གཉེན་པོས་མི་ནོན་རྩོལ་སྒྲུབ་ཞན་པའི་དུས་སུ། ཤན་འབྱེད་ལ་ཟླ་རང་གྲོལ་མངོན་སུམ་དུ་སྟོན་པ་ཨ་ཏི་འབྱུང་བའི་དུས་སུ། ཤན་འབྱེད་ལ་ཟླ་རང་གྲོལ་མངོན་སུམ་དུ་སྟོན་པ་ཨ་ཏི་འབྱུང་བའི་དུས་ཡིན་ཏེ། དུས་དེ་ཙ་ན་སུམ་ཅུ་རྩ་གསུམ་ལྷའི་གནས་ན་ལྷ་བདེ་བ་བཟང་སྐྱོང་ལ་བུ་ལྔ་བརྒྱ་རྩ་གཅིག་ཡོད་པའི་གཅེན་པོ་ཀུན་དགའ་སྙིང་པོ་ཞེས་བྱ་བ། སྐྱེས་ཟླ་ན་ཚོད་གཞན་བས་སྒྱུ་རྩལ་དང་བློ་གྲོས་ཁྱད་པར་འཕགས་པ་ཞིག་བྱུང་། ལྷའི་བུ་གཞན་རྣམས་ནི་དགའ་བའི་ཚལ་ལ་སོགས་ན་གླུ་གར་དང་། རོལ་མོ་དང་། །རྩེད་འཇོ་དང་། ཁྲུས་དང་། ཚིགས་སུ་བཅད་པ་ལ་དགའ་བ་ལས། ཀུན་དགའ་སྙིང་པོ་ནི། བསམ་གཏན་གྱི་འབུར་ཁང་ན་གཅིག་པུར་སྡོད་ཅིང་། རྡོ་རྗེའི་བཟླས་པ་ལ་དགའ་བས། ལྷའི་དབག་པོས་མིག་ཡང་སེམས་ལྷག་ཅན་ཞེས་བྱ་བར་བཏགས་སོ། །ལྷའི་བུ་དེ་ལ་ཆུ་མོ་གླང་གི་ལོ་ཆོ་འཕྲུལ་ཆེན་མོའི་ཟླ་བ་ལ། རྨི་ལྟས་བཞི་རྨིས་ཏེ། དང་པོ་ནི། །སངས་རྒྱས་ཐམས་ཅད་ལས་འོད་ཟེར་ཕྱོགས་བཅུར་འཕྲོས་ཏེ། ཐུབ་པ་དྲུག་གིས་སེམས་ལྷག་ཅན་ལ་བསྐོར་བ་བྱས་ནས་དབུའི་གཙུག་ཏུ་ཐིམ་པ་ཞིག་རྨིས་སོ། །གཉིས་པ་ལ་ཚངས་པ་དང་ཁྱབ་འཇུག་དང་གུ་ལང་གསུམ་ཁྱུར་མིད་དུ་ཟོས་པ་རྨིས་སོ། །གསུམ་པ་ནི་ནམ་མཁའ་ལ་ཉི་ཟླ་གཉིས་ཤར་ནས། ཉི་ཟླ་སེམས་ལྷག་ཅན་གྱི་ལག་ཏུ་བྱུང་ནས། འཇིག་རྟེན་གྱི་ཁམས་ཐམས་ཅད་འོད་ཀྱི་སྣང་བར་བྱས་པ་ཞིག་རྨིས་སོ། །བཟི་པ་ནམ་མཁའ་སྤྲིན་གྱི་ཁ་དོག་ཅན་ལས་བདུད་རྩིའི་ཆར་བབས་པས་རྩི་ཐོག་དང་ནགས་ཚལ་ཐམས་ཅད་རྒྱས་ནས་རིན་པོ་ཆེའི་མྱུ་གུ་དང་། མེ་ཏོག་དང་འབྲས་བུ་ཐམས་ཅད་དུས་གཅིག་ཏུ་རྒྱས་པ་རྨིས་སོ། །དེ་རྣམས་རྨིས་པ་དང་ནང་པར་ལྷའི་དབང་པོ་ལ་བཟླས་པས། རབ་ཏུ་དགྱེས་ནས་ལྷའི་དབང་པོས་བསྟོད་པ། ཨེ་མ་ཧོ། བསྟན་པའི་སྙིང་པོ་རྣལ་མ་འབྱུང་བའི་དུས། །ཡང་སྤྲུལ་གནང་དུས་གསུམ་བྱང་ཆུབ་རྫོགས། །འཇིག་རྟེན་མུན་སེལ་དུས་མཐའི་ནོན་པའ། །ཐུགས་སྲས་འཛམ་གླིང་དཔལ་གྱུར་ངོ་མཚར་ཨང་། །ཞེས་གསུངས་ནས་ཁྱེད་ཀྱི་དང་པོའི་རྨི་ལྟས་དེ་སངསར་གཡས་ཀྱི་དགོངས་པ་ཐུགས་སུ་ལོན་ནས། སངས་རྒྱས་ཐམས་ཅད་ཀྱི་རྒྱལ་ཚབ་བྱེད་པའི་རྟགས་ཡིན། གཉིས་པ་བདུད་ཐམས་ཅད་དབང་དུ་བསྡུས་ཤིང་དུག་གསུམ་མ་སྤངས་པར་རྩད་ནས་བཅད་དེ། མངོན་པར་ རྫོགས་པར་སངས་རྒྱ་བའི་རྟགས་ཡིན། གསུམ་པ་དེ་འབྲས་ལས་འདས་པའི་ཐེག་པས་གདུལ་བྱའི་མུན་པ་སེལ་ཞིང་། བསྟན་པའི་སྒྲོན་མེ་བྱེད་པའི་རྟགས་ཡིན། བཞི་པ་ནི། མན་ངག་རང་བྱུང་བདུད་རྩིའི་ཆུས། ཉོན་མོངས་པའི་གདུང་བ་གཏན་ནས་བསལ་ཏེ། རྩོལ་མེད་ཀྱི་འབྲས་བུ་ལྷུན་གྱིས་གྲུབ་པའི་རྟགས་ཡིན་གསུངས་ནས་ཤིན་ཏུ་དགྱེས་ཏེ། ཞལ་ཕྱོགས་བཞིར་གཟིགས་ནས་དུས་གསུམ་གྱི་རྒྱལ་བ་ཐམས་ཅད་ལ་བསྐུལ་བ། གསུང་གི་མངའ་བདག་ཐམས་ཅད་ཀྱིས། །རྩོལ་པའི་ཐེག་པ་མཐའ་སྟོན་ནས། །སྩོལ་མེད་ཐེག་པ་མི་གསུངས་པར། །ཐུགས་རྗེ་ཆེན་པོ་ཡལ་ལམ་ཅི། །སྐལ་ལྡན་གདུལ་བྱ་མཆིས་པ་ན། །ལྷུན་གྲུབ་ཐེག་པ་གསུང་དུ་གསོལ། །ཞེས་གསོལ་བ་བཏབ་པས། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ནམ་མཁའ་ལ་སྤྲིན་བཞིན་དུ་འདུས་ནས། སངས་རྒྱས་ཐམས་ཅད་མགྲིན་གཅིག་ཏུ་རྡོ་རྗེ་སེམས་དཔའ་ལ་འདི་སྐད་ཅེས་བསྐུལ་ལོ། །དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེའི་རང་བཞིན་ཁྱོད་ཡིན་པས། །སངས་རྒྱས་ཀུན་གྱི་མཛད་པར་ཤར། གསུང་གི་མངའ་བདག་ཐམས་ཅད་ཀྱི། །ཡེ་ཤེས་རང་བཞིན་ཁྱོད་ཡིན་པས། །ཐམས་ཅད་བྱང་ཆུབ་སེམས་སུ་གསལ། །བདེ་གཤེགས་མ་ལུས་ཐམས་ཅད་ཀྱི། །སྐུ་ཡི་ངོ་བོ་དང་ལྡན་པས། །རྨད་བྱུང་རོལ་པའི་སྐུ་རུ་ཤར། །ཚིག་གཅིག་དོན་མང་ཚོགས་པའི་བདག །ཞེས་སྐུ་གསུང་ཐུགས་ཐོན་ཏན་འཕྲིན་ལས་ལྔའི་སྒོ་ནས་བསྟོད་དེ་བསྐུལ་བའོ། །དེ་ཡང་བློ་དང་མཐུན་པའི་སྒོ་ནས། རྩོལ་མེད་ཀྱི་ཐེག་པ་བསྟན་དུ་གསོལ། ཞེས་བསྐུལ་ བ། རིན་ཆེན་འཕྲུལ་གྱི་ཐབས་ལྡན་པས། གང་འདོད་མཐུན་པའི་སྒོ་དེ་ནས། །རྩོལ་མེད་དབྱིག་དང་འཕྲད་པར་གྱིས། །ཞེས་བསྐུལ་བས། བཅོམ་ལྡན་འདས་རྡོ་རྗེ་སེམས་དཔའ་ཕྱག་ན་རྡོ་རྗེ་ཉིད་ཀྱི་ཐུགས་ཀ་ནས་ཕྱུང་ནས། རིན་པོ་ཆེ་རང་འབར་གྱི་འཀོར་ལོ་ལག་ཏུ་གཏད་དེ། འདི་སྐད་ཅེས་བསྐུལ་ལོ། །གཉིས་མེད་ཡེ་ཤེས་གསང་བའི་དོན། །དབྱེར་མེད་རྩོལ་མེད་ཡེ་སངས་རྒྱས། །དབུ་མ་ཆེན་པོ་དྲང་བའི་ལམ། །འདུས་པའི་ཚོཊ་ལ་བསྟནཔར་གྱིས། །ཞེས་བསྐུལ་བས། སེམས་དཔའ་རྡོ་རྗེས་བཤད་པར་ཞལ་གྱིས་བཞེས་པ་འདི་སྐད་ཅེས་ཞུས་སོ། །རྡོ་རྗེ་སེམས་དཔའ་ནམ་མཁའ་ཆེ། །ཚིག་གི་སྤྱོད་ཡུལ་མ་ཡིན་པས། །བདག་གི་བགྲོ་བར་ཤིན་ཏུ་དཀའ། །མ་རྟོགས་པ་ལ་ཚིག་སྒོ་ནས། །མཚོན་ནས་རྟོགས་པར་བྱ་བའི་ཕྱིར། །ཅི་རིགས་པ་ལ་ཚིག་སྒོ་ནས། །མཚོན་ནས་རྟོགས་པར་བྱ་བའི་ཕྱིར། །ཅི་རིགས་པར་ནི་རྣམ་པར་བགྲོད། །ཅེས་གསུངས་པར་ཁས་བླངས་ནས། ཕྱག་ན་རྡོ་རྗེས་དུས་གསུམ་གྱི་སངས་རྒྱས་ཐམས་ཅད་ཀྱི་དགོངས་པ་དང་མི་འགལ་བར་བྱ་བའི་ཕྱིར་དུས་གསུམ་གྱི་སངས་རྒྱས་ཐམས་ཅད་རིགས་ལྔའི་ངོ་བོར་བཞུགས་པ་ལས། གཞི་འབྲས་ཀྱི་དོན་འདི་ཐེ་ཚོམ་བཅད་དེ་དོན་འདི་ཞུས་སོ། །ཤར་ཕྱོགས་རྡོ་རྗེ་རྣམ་པར་གནོན་པའི་ཞིང་ཁམས་ནས། དེ་བཞིན་གཤེགས་པ་རྡོ་རྗེ་གསང་བ་ཞེས་བྱ་བ་མི་ཕྱེད་འཁོར་དང་བཅས་པ་ལ། འདི་སྐད་ཅེས་གསོལ་ཏོ། །སེམས་ཉིད་རྡོ་རྗེ་ལྟ་བུ་ལ། །སྐྱེ་འགག་འབྱུང་བ་ཇི་ལྟར་ལགས། །ཞེས་གསོལ་པ་དང་། དེ་ནས་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རྡོ་རྗེ་གསང་བས་བཀའ་སྩལ་པ། སེམས་ཉིད་མི་འགྱུར་རྡོ་རྗེ་ལ། །སྐྱེ་དང་འགག་པ་ཡོད་མ་ཡིན། །རྣམ་རྟོག་བློ་ལ་སྐྱེ་འགག་བྱུང། ཞེས་གསུངས་སོ། །དེ་ནས་ལྷོ་ཕྱོགས་ལོ་གའི་ཁམས་རཏྣ་སྣང་བ་ཞེས་བྱ་བ་ན། དེ་བཞིན་གཤེགས་པ་རཏྣ་ཞབས་ཞེས་བྱ་བ། རིན་པོ་ཆེ་རང་འབར་སྣང་བའི་ཁྲི་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ན་ཉིད་སྟོན་ཅིང་བཞུགས་པ་ལས། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །བྱང་ཆུབ་སེམས་ཀྱི་རང་བཞིན་ལ། །རྒྱུ་རྐྱེན་རྩོལ་བས་མ་བསྒྲུབས་པར། །ཡོན་ཏན་འབྲས་བུ་ཇི་ལྟར་འཆར། །ཞེས་གསོལ་པ་དང་། དེ་བཞིན་གཤེགས་པ་རིན་ཆེན་ཞབས་ཀྱིས་བཀའ་སྩལ་པ། དག་ཤ་ཀ་ཡི་རྒྱན་བཞིན་དུ། །རྒྱུ་འབྲས་མཐར་ཕྱིན་ཏེ་ནས་རྫོགས། །ཐམས་ཅད་རང་བཞིན་སྙིང་པོ་མཆོག གསང་བ་ཐམས་ཀྱིས་རྟོགས་གྱུར་ན། །ཉི་མའི་འོད་ལྟར་འབྲས་བུ་འཆར། །ཞེས་གསུངས་སོ། །དེ་ནས་ཡང་། ནུབ་ཕྱོགས་པདྨ་བརྩེགས་པ་ཞེས་བྱ་བའི་ཞིང་ཁམས་ན། བཅོམ་ལྡན་འདས་པདྨའི་འོད་ཅེས་བྱ་བ་དྲི་མ་མེད་པདྨའི་གདན་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ན་ཉིད་སྟོན་ཅིང་བཞུགས་ཏེ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །སེམས་ཉིད་པདྨ་ལྟར་དག་ལ། གཟུང་འཛིན་དྲི་མ་ཇི་ལྟར་བྱུང་།ཞེས་གསོལ་པས། བཅོམ་ལྡན་འདས་པདྨའི་འོད་ཀྱིས་འདི་སྐད་བཀའ་སྩལ་པ། པདྨ་འདམ་ན་གནས་བཞིན་དུ། །འདམ་གྱི་སྐྱོན་གྱིས་འགོས་པ་མེད། །བྱང་ཆུབ་སེམས་ཀྱི་ངོ་བོ་ནི། །འཁོར་བའི་རྟོག་པར་མི་འགྱུར་ཏེ། །རྣམ་རྟོག་བློ་ལས་འཁོར་བ་བྱུང་། །འཁོར་བའི་རྟོག་པར་མི་འགྱུར་ཏེ། །རྣམ་རྟོག་བློ་ལས་འཁོར་བ་བྱུང་། །ཞེས་གསུངས་སོ། །དེ་ནས་བྱང་ཕྱོགས་རྣམ་དག་གྲུབ་པ་ཞེས་བྱ་བའི་འཇིག་རྟེན་ན། དེ་བཞིན་གཤེགས་པ་གྲུབ་པར་སྣང་བ་ཞེས་བྱ་བ་གདན་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ ན་ཉིད་སྟོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །རྩོལ་མེད་སེམས་ཀྱི་རང་བཞིན་ལ། །འགྲོ་དོན་མཛད་པ་ཇི་ལྟར་འབྱུང་། །ཞེས་གསོལ་བ་དང་། དེ་བཞིན་གཤེགས་པ་གྲུབ་པར་སྣང་བས་བཀའ་སྩལ་པ། རང་བྱུང་ཡེ་ཤེས་རྟོགས་གྱུར་ན། །མཛད་པའི་བྱིན་བརླབས་རང་ལ་འཆར། །ཞེས་གསུངས་སོ། །དེ་ནས་དབུས་ཕྱོགས་མཐའ་དང་བྲལ་བའི་ཞིང་ཁམས། དེ་བཞིན་གཤེགས་པ་རྣམ་པར་སྣང་མཛད་ཀྱིས། ཕྱག་ན་རྡོ་རྗེ་མདུན་དུ་འཁོད་མ་ཐག །སྟོན་པས་མདུན་བསུས་ཏེ་གསུངས་པ། འདུས་པའི་འཁོར་ཚོགས་ཁྱེད་ཀྱིས་ནི། །རྒྱལ་བ་ཀུན་གྱི་ཐུགས་ཀྱི་བཅུད། །ཡེ་ཤེས་གསང་དོན་ཁྱེད་ཀྱིས་ནི། །རྒྱལ་བ་ཀུན་གྱི་ཐུགས་ཀྱི་བཅུད། །ཡེ་ཤེས་གསང་དོན་རྟོགས་པར་གྱིས། །ཞེས་གསུངས་པ་དང་། ཕྱག་ན་རྡོ་རྗེ་ཉིད་རང་གི་སྟན་ལས་ལངས་ཏེ། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་ཞུས་སོ། །ཁྱེད་ནི་གསུང་གི་སེདྒེ་སྟེ། །ཡེ་ཤེས་གསང་བ་བསྟན་དུ་གསོལ། །ཞེས་ཞུས་པས། རྣམ་པར་སྣང་མཛད་ཀྱིས་བཀའ་སྩལ་པ། སེམས་དཔའ་རྡོ་རྗེ་དེ་ཉོན་ཅིག །ཡེ་སེས་གསང་བའི་རང་བཞིན་ནི། །སངས་རྒྱས་སེམས་ཅན་གཉིས་སུ་མེད། །ནམ་མཁའ་བཞིན་དུ་ཀུན་ལ་ཁྱབ། །མ་རིག་ཡེ་ཤེས་ཐ་དད་མེད། །མ་རྟོགས་རྟོགས་པའི་ལམ་དུ་གཅིག །ཡེས་ཤེས་གསང་བའི་མཚན་ཉིད་ནི། །རང་རིག་འོད་གསལ་རྣམ་པར་པར་དག །རྣམ་རྟོག་ཡེ་ཤེས་ཉིད་དུ་གནས། གཞི་བཞག་རག་ལུགས་རིན་ཆེན་མཛོད། །རང་བྱུང་མ་བཙལ་གདོད་ནས་དག །ཡེ་ཤེས་གསང་བའི་རྣམ་པ་ནི། སྣ་ཚོགས་སྣང་ལ་ངོས་བཟུང་མེད། །མི་དམིགས་སྒྱུ་མ་ལྷུན་གྲུབ་ནི། །རྟག་ཏུ་གསལ་ན་ལྟ་བ་ཡིན། །ཞེས་གསུངས་སོ། ། དེ་བཞིན་དུ་རྨད་བྱུང་བསྟན་པའི་སྙིག་པོ་རྩོལ་མེད་ཨ་ཏི་རང་བྱུང་གིས་དགོངས་པ། རྒྱུ་འབྲས་ལས་འདས་པའི་ཆོས། ཨ་ཏི་ཡོ་གའི་ཆོས་རྣམས་བྷུ་དྡྷ་ཐམས་ཅད་ལ་དགོངས་པའི་བཅུད་བླངས་ནས། སུམ་བཅུ་རྩ་གསུམ་གྱི་གནས་རྣམ་པར་རྒྱལ་བའི་ཁང་བཟང་གི་དབུ་རྩེ་སྲོག་ཤིང་གི་རྡོ་རྗེ་དགུ་པ་དང་བཅས་པའི་འབུར་ཁང་ན། ལྷའི་བུ་སེམས་ལྷག་ཅན་ཡོད་པའི་དྲུང་དུ་བྱོན། དེར་སྲོག་ཤིང་རྡོ་རྗེ་རྩེ་དགུ་པའི་སྟེང་དུ། རིན་པོ་ཆེ་འབར་བའི་ཁྲི་བཤམས་རཏྣ་ཚོགས་ལས་གྲུབ་པའི་གདུགས་ཕུབ། །དེར་ཕྱག་ན་རྡོ་རྗེ་བཞུགས་ནས་སེམས་ལྷག་ཅན་ལ་རྒྱལ་ཐབས་སྤྱི་བླུགས་རྫོགས་པའི་དབང་བསྐུར་ནས། མན་ངག་འཕྲུལ་གྱི་ལུང་བཅུ་ཕོག་ལྷུན་གྲུབ་གསུམ་གྱི་དབང་བསྐུར་ནས་སྐུ་གསུམ་ཐུགས་ཕྲད་ཀྱི་མན་ངག་བྱིན། ཐིག་ལེ་ཆེན་པོའི་དབང་བསྐུར་ནས་སེམས་ཉིད་འགྱུར་མེད་ཀྱི་མན་ངག་བྱིན། མི་འགྱུར་བརྟན་པའི་དབང་བསྐུར་ནས། སྤྱོད་ལམ་རིག་པའི་མན་ངག་བྱིན། རིག་པ་སྤྱི་བླུགས་ཀྱི་དབང་བསྐུར་ནས། ཡེ་ཤེས་ངོས་འཛིན་གྱི་མན་ངག་བྱིན། གཉིས་མེད་འདྲེས་པའི་དབང་བསྐུར་ནས། ཕྱག་རྒྱ་ཆེན་པོའི་མན་ངག་བྱིན། རྡོ་རྗེ་ལུང་གི་དབང་བསྐུར་ནས། རྒྱལ་ཚབ་སྒོམ་པའི་མན་ངག་བྱིན། གཞན་ཡང་དབང་དང་མན་ངག་རྒྱུད་སྡེ་མང་པོ་དུས་མཐའི་སྐད་ཅིག་ལ་རྫོགས་པར་གཏད་ནས་རྒྱལ་ཚབ་ཏུ་དབང་བསྐུར་རོ། །དེ་ཡང་། རྨད་བྱུང་བསྟན་པའི་སྙིང་པོ་འདི། །ལྷ་གནས་གསུམ་དུ་གྲགས་གྱུར་ནས། །ཡང་སྤྲུལ་གང་ཟག་ཐུགས་སྲས་ཀྱིས། །འཛམ་གླིང་དབུས་སུ་རྒྱས་པར་བྱོས། །ཞེས་གསུངས་ཏེ། བསྟན་པ་ལྷ་གནས་གསུམ་དུ་རྒྱས་པར་མཛད་དོ། ། དེ་ནས་རྩོལ་མེད་ཀྱི་བསྟན་པ་མི་ཡུལ་དུ་བྱུང་བའི་ལོ་རྒྱུས་ནི། སྙིཊ་མ་རྩོད་ལྡན་གྱི་དུས་འདིར་ཤཱཀྱ་ཐུབ་པ་བྱོན་ཏེ། དེ་ལ་སྐུ་ཡིས་འདུལ་བ། གསང་གིས་འདུལ་བ། ཐུགས་ཀྱིས་འདུལ་བ་ལས། སྐུ་ནི་བཅོམ་ལྡན་འདས་ཉིད་བཞུགས་པའི་དུས་ཉིད་ལ། གསུང་ནི་ཀུན་དགའ་བོ་ལ་སོགས་པས་ཚིག་དང་ཡི་གེར་བྲིས་པ་ཡིན་ལ། ཐུགས་ནི་སྟོན་པ་ཡོངས་སུ་མྱ་ངན་ལས་འདས་ནས་ལོ་བརྒྱ་ལཧག་ཙམ་ན་རྩོལ་མེད་ཨ་ཏི་ཡོ་གའི་བསྟན་པ་བྱུང་བར་མངོན་ཏེ། དེ་ཉིད་ཅིའི་ཕྱིར་ཞེ་ན། སྤྲུལ་པའི་སྟོན་པ་དགའ་རབ་རྡོ་རྗེ་མ་བྱོན་པའི་སྔོན་རོལ་ཏུ་མན་ངག་རྫོགས་པ་ཆེན་པའི་ཆོས་ཀྱང་མིའི་ཡུལ་དུ་བྱུང་བ་མེད་ལ། སློབ་དཔོན་དགའ་རབ་རྡོ་རྗེའི་ཡུལ་ཡང་རྒྱལ་པོ་དྷརམའཨ་ཤོ་ཀའི་སྲས་མོ་ཡིན་ཞིང་། རྒྱལ་པོ་དྷརམའཨ་ཤཽ་ཀ་ནི་སྟོན་པ་འདས་ནས་ལོ་བརྒྱ་དང་བཅུ་ན། རྒུར་པོ་དང་། ཞི་ལྡན་ལ་སོགས་པ་དགྲ་བཅོམཔ་བདུན་བརྒྱ་ཚོགས་ནས་བཀའ་བསྡུ་བ་གཉིས་པ་མཛད། དུས་དེར་ཆོས་ཐམས་ཅད་ཚིག་དང་ཡི་གེར་ཡང་བཀོད་པ་ཡིན་ལ། དེ་དག་གི་ཡོན་བདག་རྒྱལཻཾ་་དེས་མཛད་པ་ཡིན་པའི་ཕྱིར་དང་། མདོ་སྡེ་ལས་ཀྱང་། རྒྱལ་པོ་འདི་ནི་ཆོས་རྒྱལ་མྱ་ངན་མེད་ཅེས་བྱ་བ་སྟོན་པ་འདས་ནས་ལོ་བརྒྱ་ནས་འབྱུང་བར། མཛངས་བླུན་དང་། སྙིང་རྗེ་པདྨ་དཀར་པོའི་མདོ་གཉིས་ལས་ལུང་བསྟན་པའི་ཕྱིར་རོ། །དེ་ཡང་། སློབ་དཔོན་དགའ་རབ་རྡོ་རྗེ་ཇི་ལྟར་བྱོན་པའི་ཚུལ་ནི། རྒྱ་གར་ནུབ་ཕྱོཊ་ཨུ་རྒྱན་གྱི་ཡུལ་དྷ་ན་ཀོ་ཤའི་སྦྱིན་པའི་མཛོ་གླིང་། མཚོ་ཀུ་ཀྲའི་འགྲམ། རྡོ་རྗེ་གླིང་ཕུག་གི་གི་གནས་སུ་ཡོན་ཏན་ལག་ན་འཆར་བའི་རིཊ། ཡབ་རྒྱལ་པོ་དྷ་ཧེ་ན་ཏ་ལོ་ཡིན། སྲས་ཐུ་བོ་རཱ་ཛ་ཧ་ཧི་ཏི་ཡིན། རྒྱལ་པོ་ ལ་སྲས་མོ་པར་ནི་ཞེས་བྱ་བ་ཤིན་ཏུ་མཚན་དང་ལྡན་པ། དགེ་བའི་སེམས་དང་བྱང་ཆུབ་ཀྱི་སེམས་ལྷག་པར་ཆེ་བ་སྐྱོན་བྲལ་གཡོ་སྒྱུ་སྤངས་ཏེ། རབ་ཏུ་བྱུང་ནས་དགེ་སློང་མའི་ཁྲིམས་རྣམ་པར་དག་པ་བསྲུངས་བ། འཁོར་སྐྱེས་པ་ཕོ་སྤངས་ཏེ། དགེ་སློང་མ་ལྔ་བརྒྱས་བསྐོར་ཏེ་གནས་པ་ལས། ཤིང་མོ་གླང་གི་ལོ་དབྱར་ཟླ་ར་བའི་ཚེས་བརྒྱད་ཐོ་རངས་ཀྱི་རྨི་ལམ་ན། དེ་བཞིན་གཤེགས་པ་ཐམས་ཅད་ལས་འོད་ཟེར་འཕྲོས་ཏེ་ཉི་ཟླ་གཉིས་སུ་འགྱུར་ནས། ཉི་མ་སྤྱི་བོ་ནས་མར་ཐིམ་ཞིང་། ཟླ་བ་རྐང་མཐིལ་ནས་ཡར་ཐིམ་པ་རྨིས་སོ། །ནང་པར་རྟོགས་པ་སྐྱེས་ཏེ། མཚོ་ཀུ་ཏྲའི་འགྲམ་དུ་ཁྲུས་བྱས་ཏེ་ཁ་ཤར་དུ་བལྟས་ནས་ཡོད་པ་ལ། ཕྱག་ན་རྡོ་རྗེས་བྱ་ཡི་རྒྱལ་པོ་གསེར་གྱི་ངང་པ་གཅིག་ཏུ་སྤྲུལ་ནས། སེམས་ལྷག་ཅན་ཡི་གེ་ཧཱུཾ་གཅིག་ཏུ་བསྡུས་ཏེ་སྤྲུལ་པའི་བྱང་ངང་པ་བཞི་དང་བཅས་ཏེ་བྱ་ལྔ་པོ་ནམ་མཁའ་ལས་བབས་ཏེ་ཁྲུས་བྱས་སྤྲུལ་པ་བཞི་ནམ་མཁའ་ལ་འཕུར། གསང་བདག་སྤྲུལ་པའི་བྱ་སྲས་མོའི་ཐུགས་ཀར་ཆགས་ཏེ། མཆུ་ལན་གསུམ་དུ་གཏུགས་ནས་ཧཱུཾ་འོད་འརབ་བ་གཅིག་བསྟིམས་ཏེ་འཕུར་ནས་སོང་ངོ་། །དེར་སྲས་མོ་ཡ་མཚན་སྐྱེས་ཏེ། ཡབ་དང་འཁོར་རྣམས་ལ་རྨི་ལམ་དང་། བྱ་ངང་པའི་ལོ་རྒྱུས་བསྙད་པས། ཡབ་ཡ་མཚན་ནས་དགྱེས་ཏེ། སངས་རྒྱས་ཀྱི་སྤྲུལ་པ་ཞིག་འབྱུང་ངེས་གསུངས་ནས་བྱ་དགའ་དང་རིམ་གྲོ་ཡང་མང་དུ་མཛད་དོ། །ལོ་དུས་ནས་སྲས་མོའི་ཐུག་ཀ་ནས་རིན་པོ་ཆེ་སྣ་ཚོགས་ལས་གྲུབ་པའི་རྡོ་རྗེ་རྩེ་དགུ་པ་ཞིག་བྱུང་བ་ལས་ཐམས་ཅད་ཡ་མཚན་དུ་གྱུ་ཏོ། །དེར་རྡོ་རྗེ་དེ་རང་ཞིག་པ་ལས་ཁྱེའུ་ཆུང་མཚན་དཔེས་བརྒྱན་པ་ཕྱག་གཡས་པ་ན་རྡོ་རྗེ་ཐོགས་པ། གཡོན་པ་ ན་རཏྣའི་ཕྱག་ཤིང་ཐོགས་པ། རྡོ་རྗེ་སེམས་དཔའ་ནམ་མཁའ་ཆེ་ལ་སོགས་པའི་ཞལ་ཏོན་འདོན་དུ་མཛད་པ་ཞིག་བྱུང་ངོ་། །དེར་ཐམས་ཅད་དགྱེས་ཏེ་བྲམ་ཟེ་མཚན་མཁན་ལ་མཚན་བསྟན་པས་བྲམ་ཟེ་ཤིན་ཏུ་ངོ་མཚར་ཏེ། སྤྲུལ་པའི་སྐུ་ཐེག་པ་མཆོག་གི་བསྟན་པའི་བདག་པོ་ཞིག་འབྱུང་བར་འདུག་གོ་གསུངས་ཏེ། མཚན་ཡང་དགའ་རབ་རྡོ་རྗེར་བཏགས་སོ། །དེ་གཞོན་ནུ་ནས་རོལ་རྩེད་ལ་སོགས་པ་ཐམས་ཅད་མཆོག་ཏུ་གྱུར་པ། མཛད་པ་ཐམས་ཅད་རྫོགས་ཏེ་རྒྱལ་སྲིད་བཟུང་བ་ལ། དེར་ཕྱག་ན་རྡོ་རྗེ་སྐུ་མངོན་སུམ་དུ་བྱོན་ནས། རྒྱལ་ཐབས་སྤྱི་བླུགས་ལ་སོགས་པའི་དབང་རྣམས་རྫོགས་པར་བསྐུར། ལྷོ་ནུབ་འདམ་ཤོད་གླིང་གི་དུར་ཁྲོད་ནས། པུ་ཏྲ་རྣམ་པ་གསུམ་བཀུག་དབང་བསྐུར་དམ་ལ་བཏགས་ནས། ཀློང་དགུ་བམ་པོ་ཉིས་ཁྲི་ལ་སོགས་པ་རྒྱུད། དབང༌། མན་ངག་ལ་སོགས་དུས་མཐའི་སྐད་ཅིག་ཉིད་ལ་རྫོགས་པར་གཏད་དོ། །དགའ་རབ་ཉིད་བསྟན་པའི་སྒྲོན་མེར་དབང་བསྐུར། དམ་ཅན་རྣམས་ནི་རྣལ་འབྱོར་གྱི་གྲོགས་མཛད་ཅིང་བསྟནཔ་བསྲུང་བར་གཉེར་གཏད་དོ། །དེར་སྤྲུལ་པའི་སྐུ་དགའ་རབ་རྡོ་རྗེ་ཉིད་དུས་མཐའི་སྐད་ཅིག་ཉིད་ལ་རྩོལ་མེད་རྫོཊ་པ་ཆེན་པོའི་ས་ལ་མངོན་པར་རྫོགས་པར་སངས་རྒྱས་ཏེ། དུས་གསུམ་གྱི་སངས་རྒྱས་ཐམས་ཅད་དང་དགོངས་པ་གཅིག་ཏུ་གྱུར་ནས། སྤྱིར་རྒྱུ་འབྲས་ཀྱི་བསྟན་པ་ཐམས་ཅད་ལྷག་མ་མེད་པར་ཐུགས་སུ་ཆུད། ཁྱད་པར་དུ་རྩོལ་མེད་རྫོགས་ཅད་ལྷག་མེད་པར་ཐུགས་སུ་ཆུད། ཀུན་བཟང་གིས་གསུངས་པ་ཀློང་དགུ་བམ་པོ་ཉིས་ཁྲི། ཡན་ལག་གི་རྒྱུད་རྒྱལ་བ་རིགས་ལྔ་དང་གསང་བདག་གིས་གསུངས་པ། བཤད་པའི་རྒྱུད་དང་ཡན་ལག་ སྤྲུལ་པའི་སྐུ་དགའ་རབ་རྡོ་རྗེ་ཞེས་བྱ་བ་ཡོད་ཀྱི། དེ་ལ་རྨད་བྱུང་བསྟན་པའི་སྙིང་པོ་ཨ་ཏི་ཡོ་ག་ཞེས་བྱ་བ། རྩོལ་བ་མེད་པར་སྐད་ཅིག་ལ་སངས་རྒྱ་བ་ཡོད་པས། དེ་ལོང་ལ་སྤྲུལ་པའི་སྡུད་པ་པོ་གྱིས་ཤིག་པར་ལུང་བསྟན་ནོ། ། །པཎྜི་ཏ་གཞན་རྣམས་ནི་རྒྱུ་འབྲས་ཀྱི་ཆོས་འདི་ལས་ལྷག་པ་ཡོད་དོ་ཞེས་ཟེར་བ་ནི་ཤིན་ཏུ་མི་རིགས་པས་སུན་དབྱུང་བར་གྲོས་སོ། །དེར་བྲམ་ཟེ་སྙིང་པོ་གྲུབ་པས་ཀྱང་མཀྱེན་བཞིན་དུ་སྤྲུལ་པའི་བ་འདོན་པའི་ཕྱིར་སུན་དབྱུང་དུ་འགྲོ་བགྲོས་སོ། །དེ་ནས་པཎྜི་ཏ་རྣམས་ཀྱིས་སུ་འགྲོ་ཞེས་བཀའ་བགྲོས་པས། ཨུ་རྒྱན་གྱི་ཡུལ་ཐག་རིང་པ་དང་བགྲོད་པར་དཀའ་བས། གཞན་རྣམས་ཀྱིས་མི་བགྲོད་པས་སྙིང་པོ་གྲུབ་པ་དང་། ཐུ་བོ་རཱ་ཛ་ཧས་ཏི་ལ་སོགས་པ་བདུན་བཏག་ངོ་། །བདུན་པོས་རྡོ་རྗེ་གླིང་ཕུག་ཏུ་ཕྱིན་ནས་སྤྲུལ་པའི་སྐུ་དགའ་རབ་རྡོ་རྗེ་དང་མཇལ་ཏེ། ཉམས་སད་པའི་ཕྱིར་དུ་རྒྱུ་འབྲས་ཀྱི་ཐེག་པའི་ཆེ་བ་བརྗོད་དེ་ཆོས་ཀྱི་བགྲོ་བ་གྱ་པས། དང་པོར་རྒྱུའི་ཆོས་སྡེ་སྣོད་གསུམ་ལ་བགྲོ་པར་བྱས་པས་ཀྱང་དགའ་རབ་མ་ཐུབ། འབྲས་བུའི་ཆོས་སྔགས་ཕྱི་ནང་གཉིས་ལ་བགྲོ་བ་བྱས་ཀྱང་མ་ཐུབ། དེར་པཎྜི་ཏ་རྣམས་ཀྱིས་རྒྱུ་འབྲས་ཀྱི་ཐེག་པའི་ཕྱོགས་བཟུང་། སྤྲུལ་པའི་དགའ་རབ་རྡོ་རྗེ་རྒྱུ་འབྲས་ལས་འདས་པ་ཨ་ཏིའི་ཕྱོགས་བཟུང་ནས་ཆོས་ཀྱི་བགྲོ་བ་མཛད་པས། པཎྜི་ཏ་བདུན་གྱིས་མ་ཐུབ་སྟེ། བདེ་མཆོག་སྙིང་པོ་ནི་མཁྱེན་བཞིན་དུ་སྤྲུལ་པའ་སྐུ་དགའ་རབ་རྡོ་རྗེ་ལ་རྒྱུ་འབྲས་ལས་འདས་པའི་ཆོས་ཤིག་ཞུའམ་མི་ཞུ་ཞེས་པཎྜི་ཏ་གཞན་རྣམས་ལ་གྲོས་བྱེད་པའི་ཚུལ་བསྟན་ནོ། །པཎྜི་ཏ་ལ་ལ་ནི་འོ་ཅག་རྣམས་ནི་ཉེས་པར་གྱུར་ཏོ་ཟེར། ཐུ་བོ་རཱ་ཛ་ཧས་ཏི་ལ་སོགས་ ནི་ཞུ་བར་དགོངས་ཀྱང་། འོ་ཅག་རྣམས་ཀྱིས་བརྙས་པ་བྱས་པས་ཞུ་བར་མི་སྤོབས་ཟེར་རོ། །དེར་སྤྲུལ་པའི་སྐུ་དགའ་རབ་ལ་བདེ་མཆོག་ཤིང་པོ་ལ་སོགས་པས་བཤགས་པ་བྱ་བར་གྲོས་བྱས་ཏེ། ལ་ལས་ཕྱག་དང་བསྐོར་བ་བྱས། ལ་ལས་དུས་ནས་མཆི་མ་ཕྱུང་། འཇམ་དཔལ་བཤེས་གཉེན་གྱིས་ཕྱག་བཙལ་མཆི་མ་ཕྱུང་སྟེ། རང་གི་ལྕེ་བཅད་ལ་བཤགས་པ་བྱ་བར་དགོངས་ལ། སྤྲུལ་པའི་སྐུ་དགའ་རབ་ཀྱིས་མཁྱེན་ཏེ། ཚངས་པའི་དབྱངས་སུ་ཚིག་འདི་སྐད་གསུངས་སོ། །ཨེ་མ་ཧོ། མཉམ་ཉིད་ཕྱོགས་བྲལ་ལྷུན་རྫོགས་བདེ་བ་ཆེ། །ཆོས་རྣམས་ཐམས་ཅད་བྱང་ཆུབ་སྙིང་པོ་ལ། །འགྲོ་དྲུག་རང་ལ་ཡུལ་ཟུང་ཞེན་པས་བཅིངས། །མུ་སྟེགས་མཐར་འཛིན་རྟག་ཆད་ལོག་པར་ཞུགས། །ཐེག་བརྒྱད་རང་ལ་གཉིས་བཟུང་ཡིན་མིན་གྱི། །ཞེན་འདོད་ཕྱོགས་རིས་རང་འདོད་དབྱིངས་ལ་ཞེན། །མཉམ་པའི་དོན་ལ་ཕྱོགས་དང་རིས་སུ་བཅད། །རང་ལ་ཡོད་བཞག་མེད་པ་གཞཉ་དུ་འཚོལ། །ལྷུན་གནས་བདེ་བར་རྩོལ་བ་དང་དུ་ལེན། །རང་སེམས་སངས་རྒྱས་ནམ་ཞིག་དུས་ལ་ལྟོས། །མཉམ་ཉིད་མ་རྟོགས་ཞེ་འདོད་ཕྱོགས་ལྟ་ལ། །འདི་ཡིན་ཐང་ཆད་ཡུས་རྒྱལ་སྙིང་རེ་རྗེ། །དེ་བས་ཕྱོགས་འཛིན་ཞེན་པའི་རཱ་ཆོག་ལ། །མཉམ་ཉིད་ཕྱོགས་བྲལ་བདེ་བའི་ལམ་ལ་ཞུགས། །ཞེས་གསུངས་ནས། སྙིང་པོ་གྲུབ་པ་ལ་ཁྱོད་ཀྱི་ལྕེ་བཅད་པས་སྡིག་པ་མི་འདག་པས། རྒྱུ་འབྲས་ཀྱི་ཆོས་ལས་ཁྱད་པར་དུ་འཕགས་པའི་ཆོས་རྩོམས་ཤིག དེས་འདག་པར་འགྱུར་རོ། །ཞེས་གསུངས་སོ། །དེར་ལས་དང་སྐལ་བར་མི་ལྡན་པ་དག་ནི་ལོག་གོ །འཇམ་དཔལ་བཤེས་གཉེན་ནི་བརྡའ་བསྟན་པ་ཙམ་ལ་སྐད་ཅིག་མ་ལ་ རྟོགས་པ་ཁོང་དུ་ཆུད་དོ། །དེར་རྟོགས་པ་ཁོང་དུ་ཆུད་ཀྱང་། བསྟན་པ་ཡོངས་སུ་རྫོགས་པར་བྱ་བའི་ཕྱིར་རྒྱལ་ཐབས་སྤྱི་བླུགས་ཀྱི་དབག་བསྐུར། ཀློང་དགུ་བམ་པོ་ཉིས་ཁྲི་ལ་སོགས་པ་རྒྱུད་དང་མན་ངག་ཐམས་ཅད་རྫོཊ་པར་གཏད་ནས། འཇམ་དཔལ་བཤེས་གཉེན་ཞེས་བྱ་བར་མིང་མཏགས་སོ། །དེར་དགའ་རབ་ཀྱིས་དོན་ནས་ཚངས་པའི་དབྱངས་སུ་གསུངས་པ། སེམས་ཀྱི་རང་བཞིན་ཡེ་ནས་སངས་རྒྱས་ཏེ། །ཞེས་གདམས་སོ། །དེར་འཇམ་དཔལ་བཤེས་གཉེན་གྱིས་རྟོགས་པའི་དོན་དུ་ཁོང་དུ་ཆུད། བསྟན་པའི་སྙིང་པོ་རྫོགས་ནས་རྟོགས་པ་བརྗོད་པ། བདག་ནི་འཇམ་དཔལ་བཤེས་གཉེན་ཏེ། གཤིན་རྗེའི་གཤེད་ཀྱི་དངོས་གྲུབ་ཐོབ། །འཁོར་འདས་མཉམ་པ་ཆེན་པོར་རྟོགས། །ཐམས་ཅད་མཁྱེན་པའི་ཡེ་ཤེས་ཤར། །ཞེས་གསུངས་ནས། བྱང་སེམས་རྡོ་རྗེ་ལ་གསེར་ཞུན་བཤགས་པར་བརྩམས་ཏེ་སྡུད་པ་པོ་མཛད། རྒྱལ་པོ་དྷ་ཧེ་ན་ཏ་ལོ་དང་། སྲས་ཐུ་བོ་རཱ་ཛ་ཧས་ཏི་དང་། སྲས་མོ་པ་ར་ནི་དང་། ཀླུ་རྒྱལ་པོ་དང་། གནོད་སྦྱིན་མོ་བྱང་ཆུབ་དང་། ཀུ་ཀུ་རཱ་ཛ་སྔ་མ་ལ་སོགས་པ་རྣམས་ནི། དགའ་རབ་རྡོ་རྗེའི་ཞལ་མཐོང་གསུང་ཐོས་ནས་ཉེ་བར་འཁོར་ན་འཁོད་དོ། །འཇམ་དཔལ་བཤེས་གཉེན་དང་། རྒྱལ་པོ་དྷ་ཧེ་ན་ལོ་དང་། །སངས་རྒྱས་གསང་བ་དང་། ཤྲཱི་སིདྷ་དང་། པདྨ་འབྱུང་གནས་དང་། སྒེག་པ་རྡོ་རྗེ་དང་། བཱི་མ་ལ་ཡན་ཆད་དུ་གདུང་རབས་ཉིས་ཤུ་རྩ་ལྔ་ལ་བརྒྱུད་པ་དང་། རྩ་གསུམ་ལ་བརྒྱུད་པ་དང་། རྩ་གཅིག་ལ་བརྒྱུད་པ་ དང་། ཐུགས་སྲས་བདུན་ལ་བརྒྱུད་པ་དང་། ལྔ་ལ་བརྒྱུད་པ་དང་། གསུམ་ལ་བརྒྱུད་པ་དང་། གཅིག་ལ་བརྒྱུད་པ་ལ་སོགས་པ་མང་དུ་ཡོད་ཅིང་། གདུང་རབས་ཚོ་ལ་གོ་རིམ་ངེས་པ་མེད་དེ། བརྒྱུད་པའི་བཀའ་བབས་རེ་ལ་བརྒྱུད་ལུགས་རེ་ཡོད་དོ། །དེ་ནས་བོད་དུ་འགྱུར་ནས་ད་ལྟ་ཡན་ཆོད་དུ་སོ་སོ་རང་རང་གི་བརྒྱུད་ཚུལ་མང་དུ་ཡོད་དེ། དེ་དག་ཀྱང་བརྒྱུད་པ་གསུམ་དང་བཤད་ཚུལ་བཞི་ཡིན་ནོ། །དེ་ལ་བརྒྱུད་པ་གསུམ་ནི་རྒྱལ་བ་དགོངས་པའི་བརྒྱུད་པ་དང་། རིག་འཛིན་རིག་པའི་བརྒྱུད་པ། གང་ཟག་སྙན་ཁུང་གི་བརྒྱུད་པའོ། །དེ་དག་གི་བཤད་སྲོལ་གསུམ་ནི། བྱིན་གྱིས་བརླབས་ཀྱིས་བཤད་པ་དང་། རང་གི་ངོ་བོས་བཤད་པ་དང་། ཚིག་སྡེབ་སྦྱོར་ལེགས་པས་བཤད་པ་དང་གསུམ་ལས། བྱིན་གྱིས་བརླབས་ཀྱིས་བརྒྱུད་པ། བརྡའི་བརྒྱུད་པ། དོན་གྱི་བརྒྱུད་པ། ཚིག་གི་བརྒྱུད་པ་དང་བཞི་ཡིན་ཅིང་། དེ་ལྟར་བརྒྱུད་པ་བཞི་ལྡན་གྱིས་བབས་ཏེ། ད་ལྟ་ཡན་ཆད་དུ་ཟམ་མ་ཆད་པར་ཆུ་བོའི་གཞུང་དང་འདྲ་བ་ཡིན་ནོ། །དེ་ཡན་ཆད་ནི་རྒྱ་གར་གྱིབརྒྱུད་ཚུལ་ལམ། བབས་ལུགས་ཟུར་ཙམ་སྨོས་པ་ཡིན་ནོ། །
སྤྱི་དོན་བཞི་པ། བོད་གངས་ཅན་གྱི་ཡུལ་དུ་བཀའ་དང་བསྟན་བཆོས་ཇི་ལྟར་འགྱུར་ཚུལ།
སྤྱིན་དོན་བཞི་པ་བོད་གངས་ནཅ་གྱི་ཁྲོད་དུ་ཇི་ལྟར་འགྱུར་ཚུལ་ལ་བཞི་སྟེ། ཡུལ་གྲུ་དང་ས་བཅད་ཀྱིས་རྒྱལ་ཁམས་གཏན་ལ་དབབ་པ་དང་། བོད་ཡུལ་གངས་རིའི་ཁྲོད་འདིར་བོད་མི་ཇི་ལྟར་བྱུང་བའི་ཚུལ་དང་། རྗེའི་བྱོན་རབས་དང་། ཆོས་དང་མཐུན་པའི་རྒྱལ་པོའི་རིང་ལ་དམ་པའི་ཆོས་བོད་དུ་བྱུང་ཚུལ། དང་པོ། ཡུལ་གྲུ་དང་ས་བཅད་ཀྱིས་རྒྱལ་ཁམས་གཏན་ལ་དབབ་ཚུལ། དང་པོ་ནི་འཛམ་བུའི་གླིང་ན་རྒྱལ་ཁམས་ཆེན་པོ་བཅུ་གསུམ་ཡོད་དོ། །ཨོག་བྲན་མིག་གཅིག་པའི་རྒྱལ་ཁམས། ཀེ་ཀེ་རྨེ་ཤ་ཅན་གྱི་རྒྱལ་ཁམས། རྐང་གཅིག་ཨ་ཁི་རའི་རྒྱལ་ཁམས། སོག་པོ་སྤྲེལ་ལག་ཅན་གྱི་རྒྱལ་ཁམས། རྒྱལ་མོ་ཁྱི་ཅན་གྱི་རྒྱལ་ཁམས། རྣ་བོ་ཆེ་བོག་བུའི་རྒྱལ་ཁམས། ཚེ་ཚེ་རའི་རྒྱལ་ཁམས། རྩེར་རྩེར་རྟ་མགོ་ཅན་གྱི་རྒྱལ་ཁམས། དེ་རྣམས་སྲིན་པོ་ཡིན་སྐད། དེ་ནས་མི་ལ་རྒྱལ་ཁམས་ཆེན་པོ་ལྔ། རྒྱ་དཀར་པོའི་རྒྱལ་ཁམས། རྒྱ་ནག་རྒྱལ་ཁམས། སྟག་གཟིག་ནོར་གྱི་རྒྱལ་ ཁམས། ཁྲོམ་གེ་སར་དམག་གི་རྒྱལ་ཁམས། བོད་ཁ་བ་ཅན་གྱི་རྒྱལ་ཁམས་དང་ལྔ་སྡེ། རྒྱལ་ཁམས་བཅུ་གསུམ་པོ་དེའི་ནང་ནས། འོ་སྐོལ་བོད་ཁ་བ་ཅན་གྱི་རྒྱལ་ཁམས་ལ་ས་བཅད་ཀྱི་རྡོ་རིང་ཆེན་པོ་བཞི་ཡོད་དེ། ཤར་ཕྱོགས་རྒྱ་ནག་པོ་དང་བོད་ཀྱི་ས་མཚམས་ཤམ་བུ་གངས་དཀར་ལྷའི་ཡུལ་དུ་འགྲོན་བུ་དང་གི་རྡོ་རིང་བཙུགས་པ་ཚུན་ཆད། ལྷོ་ཕྱོགས་རྒྱ་དཀར་པོ་དང་བོད་ཀྱི་ས་མཚམས་སེ་སྙུག་མ་བུ་ཁུར་གྱི་ཡུལ་དུ་མཐིང་ཤུན་གཡུ་ཡི་རྡོ་རིང་བཙུགས་པ་ཚུན་ཆད། ནུབ་གླང་མ་རྐང་གཅིག་ཀླུའི་ཡུལ་དུ་བཤའ་རྩེ་དངུལ་གྱི་རྡོ་རིང་བཙུགས་པ་ཚུན་ཆད། བྱང་ཕྱོགས་མ་རྨའི་ལ་རྒྱུད་སྨན་གྱི་ཡུལ་དུ་ར་གན་གསེར་གྱི་རྡོ་རིང་བཙུགས་པ་ཚུན་ཆད་པོ་དེ་མངའ་རིས་བོད་ཀྱི་རྒྱལ་ཀམས་སུ་གཏོགས་པ་ཡིན། བོད་ལ་ཡུལ་གྲུ་ཆེན་པོ་གསུམ་ཡོད་པ་ལས། སྟོད་མངའ་རིས་སྐོར་གསུམ་གངས་དང་གཡའ་ཡི་རཱ་བས་བསྐོར་བ་རྫིང་དང་འདྲ་བ་ལ་ཡུལ་གྲུ་ཆེན་པོ་གཅིག་སྨད་ལྷ་རིས་ཕྱུགས་དྲུག་ནགས་དང་ན་ཡི་ལྗོངས་ཀྱིས་བསྐོར་བ་ཞིང་དང་འདྲ་བ་ལ་ཡུལ་་གྱི་གྲུ་གཅིག །བར་དབུས་གཙང་རུ་བཞི་ཡུར་བ་དང་འདྲ་བ་བྲག་དང་ཆུ་འཐབ་ཀྱིས་བསྐོར་བ་ལ་ཡུལ་གྱི་གྲུ་གཅིག་དང་གསུམ་པོ་དེ་ལ་ཡུལ་གྲུ་ཆེན་པོ་གསུམ་ཟེར་བ་ཡིན་ནོ། །གཉིས་པ། བོད་ཡུལ་གངས་རིའི་ཁྲོད་འདིར་བོད་མི་ཇི་ལྟར་བྱུང་ཚུལ། གཉིས་པ་བོད་ཡུལ་གངས་རིའི་ཁྲོད་འདིར། བོད་ཀྱི་ཇི་ལྟར་བྱུང་བའི་ཚུལ་ནི། སྔོན་ཤཱཀྱ་ཐུབ་པ་མ་བྱོན་པ་རྩོད་དུས་ཀྱི་འགོ་འཛིན་ པའི་ཚེ། རྒྱ་གར་དུ་རྒྱལ་པོ་དྲང་སྲོང་རྒྱལ་བ་ཞེས་བྱ་བ་ལ། བུ་ཡུལ་འཁོར་སྐྱོང་དང་། སྐྱ་སེང་གཉིས་ཀྱི་དང་པོ་ལ་བུ་དགྲ་ངན་དང་། འཐབ་དཀའ་དང་། རྣ་བ་ཅན་ལ་སོགས་པ་བརྒྱ་ཐམ་པ་བྱུང་ལ། གཉིས་པ་ལ་སྲིད་སྒྲུབ་དང་། ཡུལ་འཁོར་བསྟན་པ་དང་། འཇིགས་སྡེ་དང་། རིཊ་མེད་པ་དང་། ལྷག་བཅས་དང་ལྔ་བྱུང་སྟེ། དེ་དག་འཁྲུག་པ་ཆེན་པོ་བྱས་སོ། །དེའི་ཚེ་མུ་སྟེགས་ཁྱབ་འཇུག་ཆེན་པོས་སྲིད་སྒྲུབ་ཀྱི་ཁ་ལོ་བ་བྱས་ཏེ། དགྲ་ངན་དཔུང་ཚོགས་བཅོ་བརྒྱད་དང་བཅས་པ་བརླག་པར་བྱས་སོ། །རུ་པ་ཏེ་ཞེས་བྱ་བའི་རྒྱལ་པོ་དཔུང་ཚོགས་དང་བཅས་པ་གཡུལ་གྱིས་འཇིགས་ཏེ། བུད་མེད་ཀྱི་ཆས་སུ་བྱས་ནས་རི་གངས་ཅན་གྱི་ཁྲོད་དུ་བྲོས་ཏེ་གནས་པའི་རིགས་ལས་དིང་སང་བོད་ཅེས་བྱ་བར་གྲགས་པ་ཡིན། ཞེས་ལྷ་ལས་ཕུལ་དུ་བྱུང་བའི་བསྟོད་པའི་འགྲེལ་པ་སློབ་དཔོན་ཤེས་རབ་གོ་ཆས་བྱས་པས་ལས་བཤད་དོ། །བོད་ཁ་བ་ཅན་གྱི་རྒྱལ་ཁམས་འདི་ཡུལ་ངན་ཤོས་ཀྱང་ཡིན། དེར་སྐྱེས་འི་མི་རྣམས་ནི་ངན་འགྲོ་ནས་ངན་འགྲོར་སྐྱེས་པས། སངས་རྒྱས་ཀྱི་གདུལ་བྱར་མ་གྱུར་པས། ས་ཕྱོགས་དེ་ན་སངས་རྒྱས་ཀྱི་བསྟན་པ་ཡང་མེད། དེ་བཞིན་གཤེགས་པའི་ཞབས་ཀྱིས་ཀྱང་མ་བཅགས། གསུང་གི་འོད་ཟེར་གྱིས་ཀྱང་མ་ཁྱབ་པས། མཚན་མོ་མུན་ནག་གི་མུན་པའི་སྨག་དང་འདྲ་བར་ནག་ཐིབས་སེ་འདུག་པར་གཟིགས་སོ། །དེ་ནས་བྱང་ཆུབ་སེམས་དཔའ་སྤྱན་རས་གཟིགས་ཀྱི་འཁོར་བྱང་ཆུབ་སེམས་དཔའ་སྤྲེའུ་ཞིག་ཡོད་པ་ལ། ཁྱེད་ཀྱིས་ཁ་བ་ཅན་གྱི་རྒྱལ་ཁམས་མ་གིར་སྒོམ་ནུས་ སམ་གསུངས་པ་དང་། སྤྲེའུ་ན་རེ། སྒོམ་ནུས་ཟེར་བ་ལ། དེ་ལ་གཏན་ཁྲིམས་ལྔ་ཕོག་མི་སྡུག་པའི་སྒོམ་བསླབས་ནས་བཏང་ངོ་། །སྤྲེའུ་དེས་ཀྱང་ཁ་བ་ཅན་གྱི་ཡུལ་དུ་ཡོང་ནས། བྲག་གི་ཕུག་པ་ཞིག་ཏུ་སྒོམ་ཞིང་ཡོད་པ་དང་། ཉིན་ཞིག་བྲག་སྲིན་མོ་གཅིག་སྤྲང་མོའི་ཆ་བྱད་དུ་བྱས་ཏེ། སྤྲེའུའི་དྲུང་དུ་ཡོང་ནས། འདོམས་བསྟན་ས་གཏོར། འདོད་སྤྱོད་པའི་བརྡའ་ལ་སོགས་པ་ཞག་བདུན་བྱས་ཀྱང་། སྤྲེའུས་མི་སྡུག་པ་ལ་མཉམ་པར་བཞག་པས་སེམས་མཛེས་མ་རྒྱན་གྱིས་བརྒྱན་པ་ཞིག་ཏུ་བྱས་ནས། ནུ་མ་དང་འདོམས་བསྟན་ཏེ་འུ་ཅག་གཉིས་ཁྱིམ་ཐབ་བྱའོ་ཟེར། སྤྲེའུས་ང་ཐུགས་རྗེ་ཆེན་པོའི་དགེ་བསྙེན་ཡིན་པས་བྱར་མི་རུང་བྱས་པས། མོ་ན་རེ་འོ་ན་ང་ཞེ་སྡང་སྐྱེས་ནས་ཁྱོད་ལ་མ་དད་པ་སྐྱེ་ཏེ་ངན་སོང་དུ་འགྲོའོ་ཟེར་ཏེ། དེ་ལ་བྱང་ཆུབ་སེམས་དཔའ་སྤྲེའུ་སྙིང་རྗེ་སྐྱེས་ཏེ། བྲག་སྲིན་མོའི་གདོང་ལ་མིག་འབྲུག་ཚུགས་སུ་ཞག་བདུན་གྱི་བར་དུ་བལྟས་ཏེ། ག་རེ་འདི་དང་ཁྱིམ་ཐབ་བྱས་ནས་ནི་སྡོམ་པ་ཉམས་གྱི་བར་དུ་བལྟས་ཏེ། ག་རེ་འདི་དང་ཁྱིམ་ཐབ་བྱས་ན་ནི་སྡོམ་པ་ཉམས་འགྲོ་བར་འདུག་མ་བྱས་ན་མོ་འཆི་བར་འདུག་པས་དེ་བས་ཀྱང་ཉེས་པ་ཆེ་སྟེ། བྱང་ཆུབ་ཀྱི་སེམས་ཉམས་འགྲོ་བར་འདུག་པས། འདི་ཨཱརྱ་པ་ལོ་ཞུ་དགོས་སྙམ་ནས། རྫུ་འཕྲུལ་གྱིས་པོ་ཊ་ལར་ཕྱིན་ཏེ། འཕགས་པ་ལ་ཕྱག་བྱས་ནས་འདི་སྐད་ཞུས་སོ། །སྤྱན་རས་གཟིགས་བདག་གི་ཁ་བ་ཅན་གྱི་བྲག་ཅིག་ལ་སྒོམ་བའི་སར། བྲག་སྲིན་མོ་ཞིག་ཡོང་ནས་ཁྱོད་ཁྱིམ་ཐབ་བྱ་དགོས། དེ་མི་བྱེད་ནས་མོ་འཆི་ཟེར་བས། ད་དེ་ལྟ་བུ་བྱར་རུང་ ངམ་མི་རུང་ཞུས་པས། འཕགས་པའི་ཞལ་ནས། ཁྱད་དེ་དང་ཁྱིམ་ཐབ་གྱིས་ཤིག་དེ་ལེགས་སོ། །ཞེས་གསུངས་སོ། །ཇོ་མོ་སྒྲོལ་མའི་ཞལ་ནས་ཀྱང་། དེ་འགྲོ་བ་མི་རུ་འཕེལ་བས། ཆོས་ཀྱི་རྟེན་དུ་འགྱུར་ཏེ་ཤིན་ཏུ་ལེགས་སོ་གསུངས་སོ། །དེ་ནས་སྤྲེའུ་བྱང་ཆུབ་སེམས་དཔའ་དེས། བྲག་སྲིན་མོ་ཤི་ཡིས་དོགས་ནས་རྫུ་འཕྲུལ་གྱིས་མྱུར་བར་མོའི་རྩེར་ཕྱིན་ཏེ། །ཁྱིམ་ཐབ་ཏུ་ཁས་བླངས་པ་དང་། དེ་ནས་ཟླ་བ་བཅུ་ནས་འགྲོ་བ་རིགས་དྲུག་ལས་ཚེ་འཕོས་པའི་བུ་དྲུག་བྱུང་སྟེ། དེ་ཡང་ཕ་སྤྲེའུ་ཡིན་པས་ལུས་པོ་སྤུ་ཡིས་ཁེངས་པ། མ་བྲག་སྲིན་མོ་ཡིན་པས་མཇུག་མ་མེད་པ། གདོང་དམར་བ། བཞིན་མི་སྡུག་པར་བྱུང་ངོ་། །དེ་ཡང་གཅིག་ལྷ་ལས་ཚེ་འཕོས་པས་ཁོང་ཁྲོ་ཆེ་ཞིང་རྩུབ་པ་འཐབ་མོ་ལ་དགའ་བ་ཞིག་བྱུང་། གཅིག་མི་ལས་ཚེ་འཕོས་པས་འདོད་ཆགས་ཆེ་ལ་མི་ནོར་ལ་དགའ་བ་ཞིག་བྱུང་། ཚིག་དུམ་འདི་སྒྲིག་པོས་བསྣན། གཅིག་བྱོལ་སོང་ལས་ཚེ་འཕོས་པས་ལུས་བྱད་ངན་པ་ལྟོ་ལ་བརྣན་པ་སེར་སྣ་ཆེ་བ་ཞིག་བྱུང་། གཅིག་དམྱལ་བ་ལས་ཚེ་འཕོས་པས། ཞེ་སྡང་ཅན་ཁྲོ་གཏུམ་ཆེ་བ་ཞིག་བྱུང་ངོ་། །བུ་དེ་རྣམས་ཀྱང་སྐྲ་ཡོད་པ་སྨྲ་ཤེས་པ། ཤ་དམར་པོ་དང་། ཁྲག་དྲོན་མོ་ལ་དགའ་བ་བྱས་པ་རྣམས་བྱུང་སྟེ། མ་བྲག་སྲིན་མོ་ལྟོགས་ནས་ཕྲུ་གུ་དེ་རྣམས་ཟ་བར་འདུག་པས། ཕས་ལྷོ་ཕྱོགས་ཀྱི་ནགས་མ་བྱ་ཚོགས་ཅན་བྱ་བ་ན། སྤྲེའུའི་ཁྱུ་ཡོད་པ་དེའི་ཟླ་ལ་བསྐྱལ་བས། དེ་རྣམས་སྤྲེལ་མོ་དང་ལྷན་ཅིག་ཏུ་ཚོགས་པ་ལས། ཟླ་བ་དགུ་ངོ་དང་བཅུ་ན་སྤྲེའུ་ཡང་མིན། མི་ཡང་མིན་པ་བཞི་བརྒྱར་འཕེལ་ལོ། །དེ་ནས་ལོ་ གཅིག་ལོན་པ་དང་། སྤྲེའུ་བྱང་སེམས་ཀྱིས་བུ་དེ་རྣམས་ཅི་འདྲ་འདུག་བལྟར་ཕྱིན་པ་ལས། ཚ་བོ་རྣམས་བཀྲེས་ཤིང་རིད་པ་མཐོང་ནས་ཤིང་ཐོག་གིས་གསོས་པས། སྤྲེའུ་བྱང་སེམས་དེའི་ལུས་ཀྱི་སྤུ་ཐམས་ཅད་བྱི། རྐག་ལག་གས། མཇུག་མ་སྐྱ་བ་བཞིན་དུ་སོང་ནས། སྤྲེའུ་རྣམས་མ་འཁྱོང་པར་སྡུག་བསྔལ་ལོ། །དེར་འདི་ཅི་ལས་བྱུང་སྙམ་དུ་བསམས་པས། དེ་ཡང་འཕགས་པ་དང་རྗེ་བཙུན་མའི་གསུང་བཞིན་བསྒྲུབས་པ་ལས་བྱུང་སྟེ། ཁོང་པ་ལ་ནི་འཁྲུལ་པ་མི་མངའ། ང་རང་གི་སྡོན་གྱི་ལས་ངན་པ་ཡིན་པས་འཕགས་པ་ལ་ཞུའོ་སྙམ་ནས། རྫུ་འཕྲུལ་གྱིས་པོ་ཊ་ལར་བྱོན་ནས་ཕྱག་བྱས་པས། འཕགས་པས་མཁྱེན་ནས་དགྱེས་ཏེ། རིགས་ཀྱི་བུ་བདེ་བར་འོངས་སམ་ཞེས་གསུངས་པ་དང་། སྤྲེའུས་སྔར་བཞིན་རྒྱས་པར་བསྙད་པས། འཕགས་བའི་ཞལ་ནས་ཤིན་ཏུ་ལེགས་པས། ཁྱོད་ཀྱི་རིགས་རྒྱུད་དེ་རྣམས་ཆོས་དང་ཟང་ཟིང་གཉིས་ཀས་བསྐྱང་གི དེ་ཡང་ཁྱོད་ཀྱི་རིགས་རྒྱུད་དེ་རྣམས་ནི། རིགས་རྣམ་པ་གཉིས་སུ་འགྱུར་ཏེ། གཅིག་ནི་ཕའི་རིགས་སུ་འགྱུར། གཅིག་ནི་མའི་རིགས་སུ་འགྱུར་རོ། །ཕའི་རིགས་སུ་འགྱུར་བ་རྣམས་ནི། དད་པ་དང་ཤེས་རབ་ཆེ་བ། སྙིང་རྗེ་དང་བརྩོན་འགྲུས་ཆེ་བ། ཆོས་ཟབ་མོ་སྟོང་པ་ཉིད་ཀྱི་དོན་ལ་ལྷག་པར་མོས་པ། དགེ་བའི་རྩ་བ་ཆུང་དུས་མི་ངོམས་པ། བློ་རྒྱ་ཆེ་བ་ལ་དགའ་བ། མིག་དང་ལག་པ་བྱ་བྱེད་མང་ཞིང་། ཅུང་ཟད་བྱད་བཞིན་མི་སྡུག་པ་སྟེ། དེ་ནི་བྱང་ཆུབ་སེམས་དཔའ་བློ་ཆེན་ཞེས་བྱ་བའི་རིགས་སུ་འགྱུར་རོ། །མི་རིགས་སུ་གྱུར་པ་དེ་རྣམས་ནི། ཤ་དམར་པོ་ཟ་ཞིང་ཁྲག་དམར་པོ་འཐུང་། ཚོང་དང་ ཁེ་སྤོགས་ལ་དགའ་བ། སྐད་རྒྱང་ཆེན་པོ་གཏོང་བ། མཛའ་བོ་དང་བདག་གི་བར་སེམས་པ་གཞན་གྱི་སྐོན་ཐོས་པ་ལ་དགའ་བ། གདོལ་པ་དང་ཤ་ཟའི་རིགས་སུ་འགྱུར་ཏེ་དེ་རྣམས་གསོལ་ལ་སྐྱོངས་ཤིག དེ་རྣམས་ཀྱི་ཟས་སྐལ་འདི་ལ་གྱིས་གསུངས་ནས། ནས། གྲོ། སྲན་མ། སྲན་ཆུང་། སོ་བ་ལ་སོགསཔ་རྣམས་གནང་ནས་འདི་རྣམས་ཁ་བ་ཅན་གྱི་ཡུལ་དབུས་ཤིག་ཏུ་ཐོབ་ཅིག འབྲུ་སྨིན་ཅིང་འཕེལ་བར་འགྱུར་རོ་གསུངས་ནས། སྤྲེའུས་ཁ་བ་ཅན་དུ་ཆས་པ་དང་། འཕགས་པས་བྲག་སྲིན་མོ་དང་ཁྱིམ་ཐབ་བྱས་པའི་བྱ་དགའ་ལས་གསེར་དངུལ་ཟངས་ལྕགས་ལ་སོགས་པ་རིན་པོ་ཆེའི་ཕྱེ་འབྱུང་ཁུངས་སུ་བྱིན་གྱིས་བརླབས་ཏེ། ཁ་བ་ཅན་དུ་གུ་ལང་ལ་སོགས་པ་རིན་པོ་ཆེའི་གཏེར་ཁ་དུས་སུ་དབྱེ་བ་དང་། ཡང་ལྗགས་ཀྱི་རྩེ་མོ་ལས་ཞལ་ཆབ་ཐིགས་པ་གཅིག་ཁ་བ་ཅན་དུ་སྟོར་བས། དུས་དུས་སུ་བྱང་ཆུབ་སེམས་དཔའི་སྤྲུལ་པ་ཐོད་རྒལ་བ་རེ་རེ་འབྱུང་བ་དང་། ཡིད་བཞིན་གྱི་ནོར་བུ་ངོ་མཚར་ཅན་ཐམས་ཅད་འབྱུང་བ་དང་། ཕྱོགས་མཚམས་ཀྱི་ལས་སྒོ་ཐམས་ཅད་ཁ་བྱེ་བ་དང་། ཆོས་དང་ཟང་ཟིང་གི་ལོངས་སྐྱོད་ཐམས་ཅད་འབྱུང་བར་བྱ་ཡི། མཐར་ཡང་ཁྱོད་ཀྱི་རིགས་རྒྱུད་ཐམས་ཅད་གསེར་གྱིས་འཚོ་བར་འགྱུར་རོ་གསུངས་སོ། །དེ་ནས་བྱང་སེམས་སྤྲེའུ་དེས་ཁ་བ་ཅན་གྱི་དབུས་ཕྱོགས་ས་ཕྱོགས་ཉམས་དགའ་ལ་འབྲུ་སྣ་སྨིན་པ། ཡུལ་དབུས་ཀྱི་ཆ་ལ་བརྟེན་པ། བཞེད་སྣ་དགུ་ཚང་པ། རང་བཞིན་གྱིས་ཡོན་ཏན་ཐམས་ཅད་འབྱུང་བ། ཁ་བ་ཅན་གྱི་སྙིང་པོ་ལྟ་བུ་ཞིག་ཏུ་ འབྲུ་ནས་ལྔ་བཏབ་སྟེ། དབྱར་གྱི་དུས་ནགས་མ་བྱ་ཚོགས་ཅན་དུ་ཚ་བོ་རྣམས་བསྐྱངས། སྟོན་ཀ་འབྲུ་བཏབ་སར་བལྟར་ཕྱིན་པས་འབྲུ་རྣམས་ཤིན་དུ་རྒྱས་པ་མཐོང་ནས། དེར་སྤྲེལ་ཕྲུག་ཚ་བོ་རྣམ་བཀུག་ནས་བསྟན་ཏེ། འདི་རྣམས་ཁྱོད་རྣམས་ཁྱེར་ལ། ཨཱརྱ་པ་ལོས་ཟས་སྐལ་དུ་གནང་བ་ཡིན་པས། འདི་ལས་གཅིག་ཟོ་དང་། ཞེས་སྨྲས་པས། སྤྲེལ་ཕྲུག་བཞི་བརྒྱ་པོ་རྣམས་འདི་ལ་ལྟོས་ལས་ཟོ་དང་ཞེས་ཟེར་ཏེ། མིང་ཡང་ཡར་ལུང་ཟོ་དང་གྲགས་སོ། །ཡུལ་ལ་སྔ་བ་དེ་ཡིན་ནོ། །དེ་རྣམས་ནི་ཟང་ཟིང་གིས་བསྡུས་པའི་ཚུལ་བསྟན་པའོ། །ད་ནི་ཆོས་ཀྱིས་བསྡུས་བར་དགོངས་ཏེ། བྱང་སེམས་སྤྱན་རས་གཟིགས་དབང་ཕྱུག་གི་ཕྱག་གཡས་པའ་མཐིལ་ནས་འོད་ཟེར་གཅིག་སྤྲོས་ཏེ། དེའི་སྣ་ལ་ཁྱེའུ་མཚན་དང་དཔེ་བྱད་དུ་ལྡན་པ་གཅིག་ཏུ་སྤྲུལ་ནས་ཁ་བ་ཅན་གྱི་སྤྲེའུ་ཡང་མིན། མི་ཡང་མིན་པའི་མཇུག་རྡུལ་ལུས་པོ་སྤུས་གང་པ་དེ་རྣམས་ཀྱི་གསེབ་ཏུ་ཕྱིན་པས། དེ་རྣམས་ན་རེ། ཁྱེད་ཀྱི་ལུས་ལེགས་པོ་དེ་ཅི་ལས་བྱུང་བྱས་པ་དང་། སྤྲུལ་པའི་ཁྱེའུས་སྨྲས་པ། ངས་མི་དགེ་བ་བཅུ་སྤངས་ཤིང་། དགེ་བ་བཅུ་བསྒྲུབས། ཕ་རོལ་ཏུ་ཕྱིན་པ་དྲུག་སྤྱད་པ་ལས་བྱུང་བྱས་པ་དང་། སྤྲེལ་ཕྲུག་རྣམས་ན་རེ། འོ་ན་དེ་རྣམས་ངེད་ལའང་སློབས་དང་ཟེར་ནས་སྤྲུལ་བའི་ཁྱེའུས་དེ་རྣམས་ལ་མི་དགེ་བ་བཅུ་སྤོང་ཞིང་། དགེ་བ་བཅུ་སྒྲུབ་པ་དང་། ཕ་རོལ་ཏུ་ཕྱིན་པ་དྲུག་ལ་སྤྱད་པའི་ཆོས་བཤད་པས། །སྤྲེའུ་ཕྲུག་རྣམས་ཀྱིས་ཀྱང་དེ་ལྟར་བྱས་པས་གཟུགས་བྱད་ཕུན་སུམ་ཚོགས་པར་གྱུར་ཏོ། །དེ་ལྟར་སྤྲུལ་པའི་ཁྱེའུ་དེས་དགེ་བ་བཅུའི་ཁྲིམས་ལ་བཀོད་པས། སེམས་དང་ ཆོས་སུ་འདྲེས་ནས། ཆོས་ལ་རང་དགར་བྱར་ཡོད་དེ། དེ་ནི་བཀའ་དྲིན་ཤིན་ཏུ་ཆེའོ། །དེ་ལ་ཡང་སྤྱིར་འཛམ་བུའི་གླིང་འདི་ན་མི་རིགས་མི་མཐུན་པ་སུམ་བརྒྱ་དང་དྲུག་ཅུ། སྐད་རིགས་མི་མཐུན་པ་བདུན་བརྒྱ་དང་ཉིས་ཤུ། ལུས་ཀྱི་རྣལ་འབྱོར་འགྱུར་མི་འདྲ་བ་བཅུ་བདུན། རུས་པ་ལྕེས་འགྱུར་ཚད། མིང་ཁ་ནས་ཐོན་ཚད་ཡོད་སྐད་ནའང་། རུས་ཀྱི་ཕྱི་མོ་བཅུ་གཉིས་ཙམ་ལ་བསྡུ། དེ་ལ་རྒྱལ་རིགས་སུ་གཏོགས་པས་ཆེ་བ་དང་། རྗེའུ་རིགས་སུ་གཏོགས་པས་བཙུན་པ་དང་། བྲམ་ཟེའི་རིགས་སུ་གཏོགས་པས་གཙང་བ་དང་། དམངས་ཀྱི་རིགས་སུ་གཏོགས་པས་མང་བ་དང་། བཞི་པོ་དེ་རུ་འཛམ་གླིང་གི་མི་རིགས་ཐམས་ཅད་འདུ་བ་ཡིན་པས། སྤྱིའི་རིགས་ཀྱི་ཕྱི་མོ་བཞི་ཡང་ཟེར་ལ། ཕྱིའི་རིགས་ཀྱི་ཕྱི་མོ་བཞི་ཡང་ཟེར་བ་ཡིན་སྐད། རྒྱ་དཀར་པོ་ལྷ་ནས་ཆད་པས་སམ་སྐྲྀ་ཏ། ལེགས་པར་སྦྱར་བ། ལྷའི་སྐད་དུ་སྨྲ་བ། རྒྱ་ནག་པོ་ཀླུ་ནས་ཆད་པས་ནཱ་ག་ཏྲི་ཏ་ཀླུའི་སྐད་དུ་སྨྲ་བ། ཧོར་སྤྲེའུ་མ་ཡིན་ལས་ཆད་པས་ཨ་སུ་ཏྲི་ཏ་ལྷ་མ་ཡིན་གྱི་སྐད་དུ་སྨྲ་བ། བོད་སྤྲེའུ་དང་བྲག་སྲིན་ལས་ཆད་པས་ཨ་བ་པྲི་ཏི་ཏ་ཟུར་ཆག་གི་སྐད། འདྲེའི་སྐད་དུ་སྨྲ་བ་དང་བཞི་ལ་རབ་གྱི་རུས་ཀྱི་ཕྱི་མོ་གཉིས་ཏེ་བཞི་ལས། བོད་ཕམ་ཆེར་གྱི་རུས་གྱེས་པར་འདོད་པས་ནང་གི་རིགས་ཕྱི་མོ་བཞི་ཟེར། དེ་ལ་རུས་ཀྱི་ཕྱི་མོ་བཅུ་གཉིས་ཟེར་བ་ཡིན་ནོ། ། གསུམ་པ། རྗེའི་བྱོན་རབས། གསུམ་པ་རྗེའི་བྱོན་རབས་ཀྱི་དབང་དུ་བྱས་ན། རྗེ་རྒྱལ་རིགས་ལ་དབྱེ་ན་སུམ་བརྒྱ་དང་དྲུག་ཅུ་ཡོད་ཀྱང་། བསྡུ་ན་རྣམ་པ་གཉིས་སུ་འདུས་ཏེ། དག་པ་སངས་རྒྱས་ཀྱི་རྗེ་དང་། མ་དག་པ་སེམས་ཅན་གྱི་རྗེ་འདི་སྐད་རྣམ་པ་གཉིས་སུ་འདུས། དེ་ལ་དག་པ་སངས་རྒྱས་ཀྱི་རྗེ་ནི་གསུམ་ཡིན་ཏེ། ཐེག་པ་ཆེན་པོ་མདོ་སྡེ་ཟླ་བའི་སྒྲོན་མེ་ལས། འདི་སྐད་དུ། ཁྱབ་གདལ་བཞི་སྙིང་མི་མཇེད་འཇིག་རྟེན་ན། །འགྲོ་བའི་དོན་མཛད་རྗེར་གྱུར་རྒྱལ་པོ་ལ། །སངས་རྒྱས་སྐུ་གསུམ་རྣམ་པ་དེར་བསྟན་ཏེ། འགྲོ་ལ་ཕན་པའི་རྒྱལ་པོ་རྣམ་པ་གསུམ། །ཞེས་པས། ཆོས་སྐུ་དང་། ལོངས་སྐུ་དང་། སྤྲུལ་སྐུ་དང་གསུམ་མོ། །གཉིས་པ་མ་དག་པ་སེམས་ཅན་གྱི་རྗེ་ལ། བསྡུ་ན་རྣམ་པ་ལྔ་ཡིན་ཏེ། དེ་ཡང་བུ་མོ་བློ་གྲོས་གཞོན་ནུས་ཞུས་པའི་མདོ་ལས། འདི་སྐད་དུ། སྤྱི་ཕུད་ས་འཛིན་བྱེ་བྲག་ཕྱོགས་སྐྱོང་དང་། །འཁོར་ལོས་བསྒྱུར་བའི་རྒྱལ་པོ་རྣམ་པ་ལྔ། །འགྲོ་བའི་དོན་མཛད་ལམ་གནས་བྱང་ཆུབ་སེམས། །བཅུ་གཅིག་ཡོན་ཏན་སྐུ་ལ་རབ་ཏུ་བརྒྱན། །བྱང་ཆུབ་སེམས་དཔའི་རྒྱལ་པོ་ཡིན་པར་གྲགས། །ཞེས་གསུངས་སོ། །དེ་ཡང་སྟོང་སྤྱི་ཕུད་ཀྱི་རྒྱལ་པོ་ཚངས་པ་དང་། ས་འཛིན་ནི་བརྒྱ་བྱིན། བྱེ་བྲག་ནི་འགྲོ་བ་རིགས་དྲུག་པོ་སོའི་རྒྱལ་པོ། ཕྱོགས་སྐྱོང་ནི་ཡུལ་འཁོར་སྲུང་ལ་སོགས་པ་བཞི། འཁོར་ལོས་བསྒྱུར་བ་ནི་རིན་པོ་ཆེ་བཞིའི་འཁོར་ལོ་ལ་དབང་བསྒྱུར་བའི་རྒྱལ་པོ་རྣམས་སོ། །བྱང་ཆུབ་སེམས་དཔའི་རྒྱལ་པོ་དེ་རྣམས་ ཀྱི་འོག་ཏུ། འོ་ཅག་འཛམ་བུའི་གླིང་པ་ལ་རྒྱལ་པོ་རྣམ་པ་གསུམ་བྱུང་བ་ནི། གདུང་རྒྱུད་བསྐོས་དང་གློ་བུར་གསུམ་ལགས་ཏེ། དེ་ལ་གདུང་རྒྱུད་ཀྱི་རྒྱལ་པོ་ནི། དང་པོ་རྗེ་མང་པོས་བཀུར་བ་ནས་གདུང་རབས་ལྔ་ན་རྒྱལ་པོ་སྤྱི་བོ་སྐྱེས་བྱོན་ནས། གསེར་གྱི་འཁོར་བསྒྱུར་ནས་གླིང་བཞི་ལ་མངའ་དབང་ཇི་ལྟར་མཛད་པ་དང་། དེ་ནས་མང་ཞིག་ན། རྒྱལ་པོ་ཚངས་པས་བྱིན་ཅེས་བྱ་བའི་རིང་ལ་བདེ་བར་གཤེགས་པ་འཁོར་བ་འཇིག་འཇིག་རྟེན་དུ་ཇི་ལྟར་བྱུང་བ་དང་། དེ་ནས་གདུང་རབས་མང་ཞིག །རྒྱལ་པོ་ཨུ་པ་ལའི་གདོང་ཞེས་བྱ་བའི་སྐུ་རིང་ལ། བདེ་བར་གཤེགས་པ་གསེར་ཐུབ་འཇིག་རྟེན་དུ་ཇི་ལྟར་བྱོན་པ་དང་། དེ་ནས་གདུང་རབས་མང་ཞིག་ན། རྒྱལ་པོ་ཀྲྀ་ཀྲྀ་ཞེས་བྱ་བའི་རིང་ལ། སངས་རྒྱས་འོད་སྲིངས་འཇིག་རྟེན་དུ་ཇི་ལྟར་བྱོན་པ་དང དེ་ནས་གདུང་རབས་མང་ཞིག་ན། གྲོང་ཁྱེར་སེར་སྐྱ་རུ་རྒྱ་པོ་ཟས་གཙང་མའི་སྐུ་རིང་ལ། སངས་རྒྱས་ཤཱཀྱ་ཐུབ་པ་འཇིག་རྟེན་དུ་ཇི་ལྟར་བྱོན་པ་དང་། དེ་དག་ལ་སོགས་ཏེ་ཐོག་མར་རྒྱལ་པོར་གང་གིས་ལས་ཅི་མཆད་པ་དང་། ཐ་མ་གདུང་རབས་ཇི་ཙམ་ཐལ་ན་རྗེ་མང་པོས་བཀུར་གཉིས། ཁྲི་ཕྲག་ལྔ་བརྒྱ་ཕྲག་གཉིས། དགུ་བཅུ་རྩ་བཞི། སངས་རྒྱས་ཉིད་དང་དགུ་བཅུ་རྩ་ལྔ་བྱུང་ངོ་། །ལུགས་གཅིག་ཏུ་གདུང་རབས་འབུམ་དང་། ལྔ་ཁྲི། སྟོང་བརྒྱ་བཞི་བཅུ་ཞེ་བརྒྱད་འདས་པར་མདོ་སྡེ་ལས་བཤད། སྟོང་ཁྲི་འབུམ་དང་། ས་ཡ་དྲུག་ཅུ་རྩ་གཅིག་ འདས་པར་འདུལ་བ་ལས་བཤད། ས་ཡ་བདུན་ཁྱི་ལྔ་སྟོང་ལྔ་བརྒྱ་ཉིས་ཤུ་རྩ་བདུན་འདས་པར་མངོན་པ་ལས་བཤད་ཟེར་ཏེ། འདི་དག་ལ་བརྟགས་པར་བྱའོ། །ཤཱཀྱའི་རིགས་རབ་ཏུ་བྱུང་པས་གདུང་ཆད་པར་སྡེ་སྣོད་གསུམ་ཀ་མཐུན་ནོ། །བསྐོས་པའི་རྒྱལ་པོ་སྡེ་བཞི་ནི། གདུང་རྒྱུད་གློ་བུར་གཉིས་ཀྱི་བར་སྐབས་སུ། ཕྱོགས་བཞིར་བསྐོས་པའི་རྒྱལ་པོ་སྡེ་བཞི་བྱུང་། ཤར་ཕྱོགས་རྒྱ་ནག་གཙུག་ལག་རྒྱལ་པོ་དེ། མར་ཁུའི་གཞོང་བུས་བསྐོས་ཤིང་ལེགས་ཉེས་སྟོན། ལྷོ་ཕྱོགས་རྒྱ་གར་ཆོས་ཀྱི་རྒྱལ་པོ་དེ། བདུད་རྩི་བུམ་པས་བསྐོས་ནས་མ་རིག་སེལ། ནུབ་ཕྱོགས་སྟག་གཟིག་ནོར་གྱི་རྒྱལ་པོ་དེ། ཡིད་བཞིན་ནོར་བུས་བསྐོས་ཤིང་དབུལ་བ་སེལ། བྱང་ཕྱོགས་གེ་སར་དམག་གི་རྒྱལ་པོ་དེ། དཔག་ཆེན་མདའ་ཡིས་བསྐོས་ཤིང་དགྲ་དཔུང་འདུལ། ཅེས་སོ། །གསུམ་པ་འོ་སྐོལ་བོད་ཀྱི་རྒྱལ་པོ་གློ་བུར་དུ་བྱུང་བ་འདིའི་དབང་དུ་བྱས་ན། བོད་ཀྱི་རྒྱལ་པོ་ལ་སྔ་བ་གཉའ་ཁྲི་བཙན་པོ་ཡིན་ཏེ། ཁ་ཅིག་ན་རེ་ཀོ་ས་ལའི་རྒྱལ་པོ་གསལ་རྒྱལ་གྱི་སྲས་ལྔ་ཚིགས་ཡིན་ཟེར་རོ། །ཁ་ཅིག་གཟུཊ་ཅན་སྙིང་པོའི་སྲས་ཆུང་བ་སྟོབས་ཆུང་གི་སྲས་ལྔ་ཚིཊ་ཡིན་ཟེར་རོ། །ཁ་ཅིག་བོད་རྣམས་བདུད་དང་གནོད་སྦྱིན་གྱི་རྒྱལ་ཕྲན་བཅུ་གཉིས་ཀྱིས་སྣྲེལ་བའི་དུས་སུ། ཀོ་ས་ལའི་རྒྱལ་པོ་འཆར་བྱེད་ཀྱི་བུ་ཡིན་ཟེར། དངོས་ནི་ཤཱཀྱ་རི་བྲག་པའི་རྒྱུད་ཡིན་ཏེ། ཤཱཀྱ་རི་བྲག་པའི་རྒྱུད་པ་ནི་འཕགས་རྒྱལ་ན་གནས་ཏེ། འཕགས་རྒྱལ་གྱི་རྒྱལ་པོ་མུ་ཁྱུད་མཐའ་ཡས་ཞེས་བྱའོ། །དེའི་བུ་གཏུམ་པོ་རབ་སྣང་། དེའི་བུ་ཤར་པ་ལ་སྲས་གཉིས་ཏེ། སྐྱབས་སེང་དང་དམག་བརྒྱ་པ་གཉིས་ཏེ། དེ་གཉིས་རྒྱལ་སྲིད་ལ་མ་འཆམ་པས་ སྐྱབས་སེང་གི་བུ་ལྔ་དམག་བརྒྱ་པས་མ་ཐུབ་སྟེ། རྩིས་བྱས་པས་ཁྱོད་ཀྱི་བཙུན་མོ་དམ་པ་གཅིག་ལ་བུ་བཙས་པར་འགྱུར་ཏེ། དེས་ཡང་ན་རྒྱལ་སྲིད་འཛིན་པར་བྱེད། ཡང་ན་བརླག་པར་བྱེད་དོ་ཟེར། དེ་ནས་བཙུན་མོ་དམ་པ་ལ་སྲས་གཅིག་བཙས་པ་དེ། མི་བྱ་ངང་པ་ལྟར་མས་ནས་འགེབས་པ། གཡུའི་སྨིན་མ་ཡོད་པ། ལག་པ་བྱའི་རྒྱལ་པོ་ལྟར་དྲྭ་བས་འབྲེལ་བ། སོ་དུང་འཁོར་མ་ཡོད་པ་ཞིག་བྱུང་བས། དེ་ཡབ་རྒྱལ་པོ་ལ་སྙན་དུ་གསོལ་བས། དེ་ལྟས་ངན་གཅིག་ཡོད་པར་འདུག་པས་སོད་ཅིག་ཟེར་རོ། །བློན་པོ་རྣམས་ཀྱིས་མཚོན་གྱིས་གསོད་མ་ཕོད་པར། ཟངས་ཁ་སྦྱར་དུ་བཅུག་སྟེ་གཟེར་བཏབ་ནས་ཆུ་བོ་གདྒ་ལ་བསྐྱུར་བས། ཡངས་པ་ཅན་པའི་རྒྱལ་པོ་ཡིན་པས། བྱ་དང་རི་དྭགས་ཐམས་ཅད་ཀྱིས་རྩེད་ཟླ་བྱས། གཅན་གཟན་ཐམས་ཅད་ཀྱིས་ཟས་བསྐྱལ། ཤིང་ཐམས་ཅད་ཀྱིས་མགོ་བཏུད། །དེ་ནས་རྒྱལ་བུ་ན་རེ། ང་བསོད་ནམས་ཆེ་བར་འདུག་པ་ལ། ངའི་ཕ་མེས་གང་ཡིན་ཟེར་བ་ལ། རྒྱལ་པོ་དམག་བརྒྱ་པས་ལྟས་ངན་དུ་བྱས་ཏེ་ཆུ་ལ་བོར་བ་དེ། ངེད་ཀྱིས་རྙེད་པའི་གཏམ་བརྗོད་པས། རྒྱལ་བུ་ཡིད་མ་དགའ་ནས་གངས་དབྲག་ཏུ་བྲོས་པས། ལྷ་རི་གྱང་མ་གྱང་མཐོའི་ཁར་བྱུང༌། དེ་ནས་བལྟས་ཕས་ཁ་བ་ཅན་གྱི་རྒྱལ་ཁམས་ན། ཡུལ་ཡར་མོ་སྣ་བཞི། ལྷ་ཡར་ཤམ་པོ་བདེ་འབྱུང་མཐོང་ཁམས་ན། ཡུལ་ཡར་མོ་སྣ་བཞི། ལྷ་ཡར་ལྷ་ཤམ་པོ་བདེ་འབྱུང་མཐོང་ནས། དེར་བྱོན་པས་ལྷ་རི་སྤོ་མཐོའི་ཁར་བྱུང་ངོ་། །དེ་ནས་དམུ་སྐས་ལས་བངས་ནས་ཡར་ལུང་བཙན་ཐང་སྒོ་བཞིར་བྱོན་པས། གམ་ལྷའི་སྲས་དང་། ཐོག་ལྷ་བོན་པོ་དང་། སེ་སེན་པོ་དང་། ཞང་ཞུང་བོན་པོ་དང་། ཤེས་པ་མཁན་བཅུ་གཉིས་ཕྱུགས་སྐྱོང་པའི་རྩར་བྱོན་པས། དེ་དག་གིས་ཁྱེད་སུ་ཡིན་བྱས་པས་བཙན་པོ་ཡིན་ཟེར། གང་ནས་བྱོན་བྱས་པས། མཛུབ་མོ་གནམ་ལ་སྒྲེང་ཞིང་ནམ་མཁའ་ལ་བལྟའོ། །དེའི་སྐད་མ་གོ་ནས་འདི་གནམ་ནས་བྱོན་པའི་བཙན་པོ་ངོ་མཚར་ཅན་ཞིག་འདུག་པས། ཁྱིམ་གྱི་མི་རྣམས་ལ་སྟོན་ཟེར་ཏེ། ཤིང་ཁྲི་བྱས་པའི་སྟེང་དུ་བཞུགས་ནས། མི་བཞིས་གཉའ་བ་ལ་ཁུར་ཏེ། གྲོང་ཁྱེར་གྱི་མི་རྣམས་ལ་བསྟན་ནས། འདི་གནམ་ནས་བྱོན་ཇཔའི་བཙན་པོ་ངོ་མཚར་ཅན་ཞིག་འདུག་སྟེ། འོ་ཅག་གི་ཇོ་བོ་བྱའོ་ཟེར་ནས། མིང་ཡང་གཉའ་ཁྲི་བཙན་པོར་གྲགས་ཏེ། བོད་ཀྱི་བཙན་པོ་ལ་སྔ་བ་དེ་ཡིན་ནོ། །དེའི་སྲས་དམུ་ཁྲི་བཙན་པོ། དེའི་སྲས་དིང་ཁྲི། དེའི་སྲས་སོ་ཁྲི། དེའི་སྲས་ཡེ་ཁྲི། དེའི་སྲས་གདགས་ཁྲི། དེའི་སྲས་སྲིབས་ཁྲི་བཙན་པོ་དང་བདུན་ལ་ཁྲི་བདུན་ཟེར་ཏེ། ཐ་མ་དེ་རྣམས་ཀྱི་རིང་ལ་རྡོལ་བོན་དར་རོ། །བཙན་པོ་དེ་རྣམས་ཀྱི་དབུ་ལ་འོད་ཀྱི་ལྷ་ཐག་ཡོད་པས། སྲས་ཀྱི་ཆིབས་ཁ་ཐུབ་ཙ་ན། ཡབ་འོད་ལུས་ནམ་མཁའ་ལ་འཇའ་ཡལ་བ་བཞིན་དུ་གྱུར་པ་ལ། གྲི་གུམ་བཙན་པོས་བོན་བྱས་པས་མ་རུང་སྟེ། རལ་གྲི་གླང་པོ་སྣ་བྱ་བ་ཀླད་ལ་སྐོར་བས་འོད་ཀྱི་ལྷ་ཐག་ཆད། འདྲེ་སྲིན་ཐམས་ཅད་ཅད་འཁྲུག་པས་རྗེ་འབངས་རྣམས་ལོ་ངམ་གྱིས་བཀྲོངས། སྲས་གསུམ་ཡོད་པ་ལ། ཤ་ཁྲི་ཀོང་པོར་སྤྱུགས་པས་ཀོང་རྗེ་དཀར་པོ་ཡིན། ཉ་ཁྲི་ཉང་པོར་སྤྱུགས་པས་ཉང་བཙུན་རྒྱལ་པོ་ཡིན། བྱ་ཁྲི་སྤུ་བོར་སྤྱུགས་པས་སླད་ཀྱིས་བྱ་ཁྲི་སྦུ་བོ་ནས་སྤྱན་དྲངས་ནས་མཚན་ཡང་སྤུ་དེ་གུང་རྒྱལ་ དུ་གྲགས་སོ། །སྤུ་དེ་གུང་རྒྱལ་གྱི་དུས་སུ་མངའ་ཐང་འགྲིབས་པས་བར་གྱི་ལྡིང་གཅིག་ཟེར་རོ། །དེའི་སྲས་ཨ་ཤེ་ལེགས། དེའི་སྲས་ཨི་ཨོ་ལེགས། དེའི་སྲས་དེ་ཤོ་ལེགས། དེའི་སྲས་གུ་རུབ་ལེགས། དེའི་སྲས་ཐེ་ཤོ་ལེགས། དེའི་སྲས་སྲོང་རྗེ་ལེགས་ཏེ་སའི་ལེགས་དྲུག་ཟེར། དེ་རྣམས་ཀྱི་ཕོ་བྲང་འཆིང་ང་སྟག་རྩེར་བཏབ་སྟེ། བོད་ཀྱི་མཁར་ལ་སྔ་བ་དེ་ཡིན་ནོ། །ཆེ་བའི་ལྡེ་བརྒྱད་ལ། ལྡེ་འཕྲུལ་པོ། ལྡེ་ནོལ་ནམ། ལྡེ་ནོལ་པོ། སེ་ནོལ་ནམ། སེ་ནོལ་པོ། ལྡེ་རྒྱལ་པོ། ལྡེ་གཞུང་བཙན། ལྡེ་སྲིད་བཙན་དང་བརྒྱད་དོ། །ཚིགས་ཀྱི་བཙན་ལྔ་ལ། རྒྱལ་ཐོ་ཐོ་ལོང་བཙན། ཁྲི་བཙན་ནམ་དང་། ཁྲི་གུང་བཙན། ཁྲི་ཐོག་རྗེ་བཙན། ཁྲི་ཐོག་བཙན་དང་ལྔས་ཕོ་བྲང་དུར་པ་ཐང་དུ་མཛད་དོ། །བཞི་པ། དམ་པའི་ཆོས་བོད་དུ་བྱུང་ཚུལ། བཞི་པ་ཆོས་མཐུན་བའི་རྒྱལ་པོའི་རིང་ལ་དམ་པའི་ཆོས་བོད་དུ་བྱུང་ཚུལ་ནི། དེ་ཡང་སངས་རྒྱས་ཀྱི་བསྟན་པ་རིན་པོ་ཆེ་རྒྱ་གར་ལ་སོགས་པ་ཀུན་ཏུ་རྒྱས་པར་གྱུར་མོད་ཀྱང་། བོད་ཀྱི་ཡུལ་རི་བྲག་ཁ་བ་ཅན་གྱི་ལྗོངས་འདི་དག་སྟོན་པས་ཞབས་ཀྱིས་མ་བཅགས་པས་མཆོད་རྟེན་དུ་མ་གྱུར་ཞིང་། བདག་ཉིད་ཆེན་པོ་གཞན་གྱིས་ཀྱང་བཏང་སྙོམས་སུ་གྱུར་པའི། སྐལ་བ་དམན་པར་གྱུར་པ་དེ་ཡུན་རིང་དཀོན་མཆོག་གི་སྨྲ་མི་གྲགས་པར་གྱུར་ཏེ་གནས་པ་ལ། དུས་ནམ་ཞིག་ན་བྱང་ཆུབ་སེམས་དཔའི་སྨོན་ལམ་གྱི་དབང་གིས་སའི་བདག་པོ་དང་། རྒྱལ་པོའི་བློན་པོ་ ཆེན་པོ་དང་། པཎྜི་ཏ་དང་། ལོ་ཙཱ་བ་ཆེན་པོ་དེ་དག་ཏུ་བལྟུམས་ནས་བསྟན་པ་རྒྱས་པར་མཛད་པ་ཡིན་ནོ། །དེ་ཡང་བྱང་ཕྱོགས་ཀྱི་རྒྱུད་འདིར་ཕྱི་མའི་དུས་ཀྱི་ཚེ་བསྟན་པ་རྒྱས་པར་གྱུར་པ་ཡིན་ཏེ། དེ་སྐད་དུ་ཡང་མདོ་ལས། ང་ཡི་འདུལ་བའི་བསྟན་པ་ལ། །ལོ་ནི་ལྔ་བརྒྱ་ཕྲག་བཅུར་གནས། །དྲུག་བརྒྱ་དག་གི་གནས་པ་ལས། །ཉིས་སྟོང་བདུན་བརྒྱ་ཙམ་ན་ནི། །མཐའ་ཁོབ་ཡུལ་དུ་དར་བར་འགྱུར། །ཞེས་པ་དང་། ཡང་ཤེས་རབ་གྱི་ཕ་རོལ་དུ་ཕྱིན་པའི་གླེགས་བམ་བརྒྱད་སྟོང་པ་ལས། ཤཱ་རིའི་བུ་ཤེས་རབ་གྱི་ཕ་རོལ་ཏུ་ཕྱིན་པ་དང་ལྡན་པའི་མདོ་སྡེ་འདི་དག་ནི་དེ་བཞི་གཤེགས་པ་འདས་ནས་དམ་པའི་ཆོས་ནུབ་པའི་དུས་ན་ལྷོ་ཕྱོགས་སུ་འབྱུང་། ལྷོ་ཕྱོགས་ནས་ཀྱང་མཐའ་ཁོབ་ཏུ་འབྱུང་། མཐའ་ཁོབ་ནས་ཀྱང་བྱང་ཕྱོགས་སུ་འབྱུང་སྟེ། ཆོས་འདུལ་བའི་གཉེན་པོར་གྱུར་པ་ནི་མ་ཡིན་ནོ། །ཟེས་དང་། ཡང་ཤཱ་རིའི་བུས་གསོལ་པ། བཅོམ་ལྡན་འདས་ཤེས་རབ་གྱི་ཕ་རོལ་ཏུ་ཕྱིན་པ་ཟབ་མོ་འདི་ནི་ཕྱི་མའི་དུས། ཕྱི་མའི་ཚེ་ན་བྱང་ཕྱོགས་ཀྱི་གནས་སུ་རྒྱས་པར་འགྱུར་རོ། །ཞེས་དང་། ཡང་། ལྷ་མོ་དྲི་མ་མེད་པས་ཞུས་པའི་མདོ་ལས། གདོང་དམར་གྱི་ཡུལ་དུ་སྟོན་པ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་དམ་པའི་ཆོས་རྒྱས་པར་འགྱུར་རོ། །ཞེས་བྱ་བ་ལ་སོགས་པ་དུ་མ་ནས་གསུངས་པའི་ཕྱིར་རོ། །དེའི་ཕྱིར་ནས་མངའ་བདག་རྒྱལ་པོ་མེས་དབོན་རྣམ་གསུམ་གྱི་རིང་ལ་དམ་པའི་ཆོས་བོད་ཡུལ་དུ་བྱུང་བ་ཡིན་ཏེ། དེ་ཡང་འདི་ལྟར་ལྷ་ཐོ་ཐོ་རི་སྙན་ཤལ་གྱི་སྐུ་རིང་ལ་དམ་པའི་ཆོས་ཀྱི་དབུ་བརྙེས། མེས་སྲོང་བཙན་གྱི་སྐུ་རིང་ལ་སྲོལ་བཏོད། རྒྱལ་པོ་ཁྲི་སྲོང་ལྡེ་བཙན་གྱི་སྐུ་རིང་ལ་དར་ ཞིང་རྒྱས་པར་མཛད་པ་ཡིན་ནོ། །ཐོག་མར་དམ་པའི་ཆོས་དབུ་བརྙེས་ཚུལ། དེ་ལ་དང་པོ་ནི། རྗེ་གཉའ་ཁྲི་བཙན་པོ་ནས་གདུང་རབས་ཉིས་ཤུ་རྩ་དྲུག་ན་ཡུལ་ཡར་ལུང་གི་ཕོ་བྲང་ཡུམ་བུ་བུ་བླ་ཁང་བྱ་བ་རྒྱལ་པོ་ཐོག་རྗེ་ཐོག་བཙན་ཞེས་བྱ་བ་ལ། སྲས་རྒྱལ་བུ་ཞིག་འཁྲུངས་ནས། བྱད་ལ་མཐོ་དོ་ཡོད་པ། རྣ་བ་བུང་བུའི་རྣ་བ་ཙམ་ཡོད་པ་ཞིག་བྱུང་སྐད། རྒྱལ་པོ་ན་རེ། འདི་ལྟས་ངན་ཡིན་ནམ། བཟང་པོའི་ལྟས་ཡིན་མི་ཤེས་པས། ཕྱི་ཡི་མི་རྣམས་ལ་མ་བཤད་ཅིག་ཟེར་བ་ལ། བློན་པོ་གཅིག་བཤད་ནི་འདོད། བཤད་དུ་མེད་པས་མ་བདེ་སྟེ། རོ་སྟོད་རྒྱངས་ཤིང་ནི་འདོད། བཤད་དུ་མེད་པས་མ་བདེ་སྟེ། རོ་སྟོད་རྒྱངས་ཤིང་ན་བས། ཁོས་བྱི་ཁུང་གི་བུག་པ་ཞིག་ན་ཕར་ཁ་བཙུགས་ནས། ངེད་ཀྱི་རྒྱལ་པོ་ལ་སྲས་རྒྱལ་བུ་བྱད་མཐོ་དོ་ཡོད་པ། རྣ་བ་བུང་བུའི་རྣ་བ་ཙམ་ཡོད་པ་ཞིག་ཡོད་དོ་ཞེས་སྨྲས་པས། ཐམས་ཅད་ཀྱིས་ཐོསྀཾ་་གླེང་བ་ཞིག་བྱུང་བས། བྱི་ཁུང་དུ་སྨྲས་པའི་རྣམ་ཐར་ཡན་པ་ཞེས་ཀྱང་གྲགས་ལ། མཚན་རང་ལྷ་མཐོ་དོ་རི་སྙན་ཤལ་བྱ་བ་ཡིན་ནོ། །རྒྱལ་པོ་དེ་ཡི་རིང་ལ་བདེ་བར་གཤེགས་པའི་བྱིན་གྱིས་བརླབས་ཀྱིས་སྤང་སྐོང་ཕྱག་རྒྱ་པ་དང་། གསེར་གྱི་མཆོད་རྟེན་བང་རིམ་ལྔ་པ་དར་ཚོན་སྣ་ལྔས་དྲིལ་ཏེ་ཕོ་བྲང་གི་ཡང་ཐོག་ན་བྱོན་ནས་འདུག་པ་གཟིགས་པས་ཤིན་ཏུ་དགྱེས་ཏེ་ཆོས་དང་བོན་དུ་མ་ཤེས། ངོ་མཚར་ཅན་ཞིག་ཡིན་སྙམ་དུ་དགོངས་ནས་མཚན་ཡང་གཉན་པོ་གསང་བའི་དབྱངས་ཞེས་བྱ་བར་བཏགས་ནས་མཆོད་པ་ཕུལ་ཞིང་གསོལ་བ་བཏབས་པས། རྗེ་སྐུ་ཚེ་རིང་ ཞིང་འབངས་བཀྲ་ཤིས་པ་དང་། ཆབ་སྲིད་མངའ་ཐང་རྒྱས་པར་གྱུར་ཏོ། །ཞེས་གསུངས་སོ། །ཁ་ཅིག་ན་རེ། གཞན་རྣམས་དེ་ལྟར་ཡིན་མོད་ཀྱི། ཆོས་བྱོན་ལུགས་ཀྱི་ལོ་རྒྱུས་སུམ་ཟུར་བཞི་སྟེངས་རྙིང་པ་ལས། རྒྱལ་པོ་དེའི་རིང་ལ་ཐོ་དཀར་དང་། ལིའི་ལོ་ཙཱ་བ་གཉིས་ཀྱིས་རྒྱ་ནག་གི་མཁན་པོ་ལི་བྱིན་གསན་དྲངས་ཏེ་བྱོན་ནས། རྒྱལ་པོ་ལ་ཆོས་བཤད་ཀྱང་། བོད་ལ་ཡི་གེ་མེད་པས། བསླབ་ཏུ་མ་བཏུབ་ཅིང་དར་བར་མ་ནུས་ནས། སྐུའི་རྟེན་དུ་རིགས་ལྔའི་ལུགས་སྐུ་ཚར་གཅིག་གསུང་གི་རྟེན་དུ་སྤང་ཀོང་དང་གཙུག་ཏོར་དྲི་མེད། ཐུགས་ཀྱི་རྟེན་དུ་གསེར་གྱི་མཆོད་བང་རིམ་ལྔ་པ་དང་། དེ་རྣམས་ལ་རིགས་ལྔའི་ཕྱག་རྒྱས་བཏབ་ནས་འདི་ལ་མཆོད་པ་གྱིས་གསུངས་ནས་མཁན་པོ་རྒྱ་ནག་ཏུ་བཞུད། རྒྱ་ནག་ཏུ་ཕལ་ཆེན་དང་། དགོངས་འགྲེལ་དང་། རྫོགས་ཆེན་ལ་སོགས་པ་མང་དུ་བསྒྱུར་ནས་དར་ཞིང་རྒྱས་པར་མཛད་སྐད། བོད་ཀྱི་རྒྱལ་པོས་དཀོན་མཆོག་གི་མཆོད་རྟེན་ལ་མཆོད་ཅིང་གསོལ་བ་བཏབ་པའི་བྱིན་བརླབས་ཀྱིས་ཆབ་སྲིད་དང་མངའ་ཐང་རྒྱས། རྒྱལ་པོ་ཡང་ཚེ་གཅིག་ལ་སྐུ་ལུས་གཉིས་བཞེས། རྒྱ་གར་ནས་ཆོས་བྱོན། རྒྱ་ནག་ནས་ཧ་ཤང་བྱོན་ཏེ་དབུ་བརྙེས་པར་གྱུར་ཏོ་ཞེས་ཟེར་རོ། །དེ་ཡན་ཆད་ནི་ཆབ་སྲིད་བོན་གྱིས་བསྐྱངས་སོ། །དེའི་རྨི་ལམ་དུ་མི་རབས་ལྔ་ན་འདིའི་དོན་ཤེས་པ་འབྱུང་ཟེར་བ་ལུང་བསྟན་ནོ། །དེའི་སྲས་ཁྲི་གཉན་གཟུགས་བཙན། དེའི་སྲས་འབྲོང་གཉན་ལྡེ་རུ། དེའི་སྲས་སྟག་རི་གཉན་གཟིགས་དམུས་ལོང་ཞིག་སྐྱེས་པ་རྒྱལ་སར་བཏོན་ཏེ། གཉན་ པོ་གསང་བ་ལ་མཆོད་པས་སྤྱན་བྱེ་སྟེ། སྟག་རི་ལ་གཉན་འགྲོ་བ་གཟིགས་པས་མཚན་དེ་ལྟར་གྲགས་སོ། །བར་དུ་དམ་པའི་ཆོས་ཀྱི་སྲོལ་བཏོད་ཚུལ། དེའི་སྲས་གནམ་རི་སྲོང་བཙན་དང་། བཙུན་མོ་ཚེ་སྤོང་བཟའ་འབྲི་ཟ་ཐོད་དཀར་གྱི་སྲས་མཚན་དང་ལྡན་པ། དབུ་ལ་ཨ་མི་ཏཱ་བྷ་འོད་དཔག་མེད་དམ་སྣང་བ་མཐའ་ཡས། བཞུགས་པ་ཞིག་མེ་མོ་གླང་ལ་བལྟམས་ནས་ཁྲི་ལྡེ་སྲོང་བཙན་ཏུ་བཏགས་ཏེ། དབུའི་འོད་དཔག་མེད་དར་ལེབ་རྒག་གྱིས་དཀྲིས་ནས་ལོ་བཅུ་གསུམ་པ་ལ་རྒྱལ་སར་བཏོན་ཏེ། མཐའི་རྒྱལ་ཕྲན་ཐམས་ཅད་དབང་དུ་འདུས་ཏེ་སྐྱེ་འབུལ་འཕྲིན་ཡིག་ཀློག་གོ །དེའི་ཚེ་བོད་ལ་ཡི་གེ་མེད་པས། ཐོན་མི་ཨ་ནུའི་བུ་ཐོན་མི་སམྦྷོ་ཊ་བོད་ཡང་དག་པ་དང་། སྟག་ལོ་དེ་ཁྲོང་གཉིས་ལ་སོགས་པ་མི་བཅུ་དྲུག་ཙམ་ཡི་གེ་སློབ་ཏུ་བཏང་བ་མང་ཡུལ་དུ་བྱོན་ནས་ཡི་གེ་མཁན་ལི་བྱིན་ཀ་ར་ཞེས་བྱ་བ་ལ་སྒྲ་དང་ཡི་གེར་བཅས་པ་བསླབས་ནས། རྒྱ་གར་གྱི་ཡི་གེ་ལྔ་བཅུ་ལས་བོཡ་ཀྱི་ཀ་ཁ་སུམ་བུར་བསྒྱུར་ཞིང་། ཀ་ཁའི་བསྟ་བཅོས་ཞེས་བྱ་བ་དང་། སུམ་ཅུ་པ་དང་རྟགས་འཇུག་མཛད་དེ་སྒྲའི་སྡེབ་སྦྱོར་རྣམས་ལེགས་པར་མཛད་ནས་ཡིག་ཀློག་གི་གྲྭ་བཙུགས། རྒྱའི་ལོ་ཙཱ་བ་ཁ་ཆེ་ཨ་མོ་གྷ་ཞེས་བྱ་བས་སྒྲ་རང་འགྱུར་དུ་མཛད་དེ། མདོ་སྡེ་དཀོན་མཆོག་སྤྲིན་དང་། ལང་ཀར་གཤེགས་པ་དང་། གསེར་འོད་དམ་པ་དང་། གཟུངས་ཙིན་ཏ་མ་ཎི་དང་། མདོ་སྡེ་པདྨ་དཀར་པོ་དང་། འདུས་པ་རིན་པོ་ཆེའི་ཏོག་དང་། གཟུངས་གྲྭ་ ལྔ་རྣམས་བསྒྱུར། གཞན་ཡང་ཆོད་དགེ་བ་བཅུ་ལ་བརྟེན་པའི་ཁྲིམས་དང་། ཁྱད་པར་སོ་སོ་ཐར་པ་རྩ་བ་བཞིའི་ཁྲིམས་བཅས། བསྙེན་གནས་ཀྱི་ཁྲིམས་ཡན་ལག་བརྒྱད་པ་ཡང་སྲུང་བ་ལ་བཀོད་ཅིང་། དེ་ལྟར་ཆོས་ཁྲིམས་ལེཊ་པར་བཅས་ནས་བདེ་བ་ལ་བཀོད། མིང་ཡང་སྲོང་བཙན་སྒམ་པོར་གྲགས་སོ། །སྤྲུལ་པའི་རྒྱལ་པོ་དེའི་སྐུ་རིང་ལ་རྒྱ་གར་ལྷོ་ཕྱོགས་ནས། ཙན་དན་སྦྲུལ་གྱི་སྙིང་པོ་ལས་རང་བྱུང་དུ་བྱོན་པའི་སྤྱན་རས་གཟིགས་བཅུ་གཅིག་ཞལ་གདན་དྲངས། ཐོན་མི་སམྦྷོ་ཊ་དང་། བློན་པོ་མགར་སྟོང་བཙན་ཡུལ་བཟུང་གིས་བལ་པོའི་ཡུལ་ནས་རྒྱལ་པོ་འོད་ཟེར་གོ་ཆའི་སྲས་མོ། །ཁྲི་གཉེར་ཅན་གྱི་སྤྲུལ་པ་བལ་མོ་བཟའ་ཁྲི་བཙུན་དང་། ལྷ་མི་བསྐྱོད་རྡོ་རྗེ། བྱམས་པ་ཆོས་ཀྱི་འཁོར་ལོ། །ཙན་དན་གྱི་ཇོ་མོ་སྒྲོལ་མ་རྣམས་སྤྱན་དྲངས། རྒྱ་ནག་པོའི་ཡུལ་ནས། རྒྱའི་རྒྱལ་པོ་སེདྒེ་ཁྱད་པར་ཅན་བཅོམ་ལྡན་འདས་ཤཱཀྱ་མུ་ནེ་དགུང་ལོ་བཅུ་གཉིས་པའི་སྐུ་ཚད་གདན་དྲངས། དེ་ནས་ཁྲི་བཙུན་གྱིས་གཙུག་ལག་ཁང་བཞེངས་རྐྱལ་བསྒྱེལ་འདྲ་བ་འདི་མནན་དགོས་པར་གཟིགས་ཏེ། དཔུང་མགོ་གཡས་པ་ལ་ཀ་ཚལ། གཡོན་པ་ཁྲ་འབྲུག་བརླ་གཡས་པ་ལ་གཙང་འགྲམ། གཡོན་པ་ལ་གྲོམ་པ་རྒྱངས་ཏེ་རུ་བཞིའི་གཙུག་ལག་ཁང་ཆེན་པོ་བཞི་བརྩིགས་པས་ཀྱང་ཞིག །ཡང་སྲིན་མོའི་ཡན་ལག་བཞི་གནོན་དགོས་པར་མཁྱེན་ནས་གྲུ་མོ་གཡས་པ་ལ་ཀོང་པོ་བུ་ཆུ་ལྷ་ཁང་། གཡོན་པ་ལ་ལྷོ་བྲག་མཁོ་མཐིང་། པུས་མོ་གཡས་པ་ལ་ཀ་བྲག །གཡོན་པ་ལ་པྲ་དུམ་ རྩེ། མཐའ་འདུལ་གྱི་གཙུག་ལག་ཁང་ཆེན་པོ་བཞི་བརྩིགས་ཏེ་གདོད་འོ་ཐང་མཚོ་ལ་རྡོ་མཁར་བརྩིགས། ཤིང་གིས་ཕུབ། ཀླུའི་འདག་པས་ཞལ་ཞལ་བྱས་ཏེ། ར་ལ་ས་བསྐྱལ་ནས་བདལ་ཏེ་ལྷ་སའི་གཙུག་ལག་ཁང་ར་ས་འཕྲུལ་སྣང་བཞེངས། གློ་བུར་བྱང་མར་བཟོ་རྒྱུ་སྤུངས་པ་ལས་རང་བྱོན་དུ་བྱོན་པའི་ཇོ་བོ་ཐུགས་རྗེ་ཆེན་པོ་བཅུ་གཅིག་ཞལ་བཞུགས་སོ་གསོལ་ལོ། །དེ་ནས་རྒྱལ་པོས་རྒྱ་ནག་རི་བོ་རྩེ་ལྔར་བྱོན་ནས་ལྷ་ཁང་བརྒྱ་རྩ་བརྒྱད་བཞེངས་སོ། །རྒྱལ་མོ་ཨོང་ཇོས་ར་མོ་ཆེའི་གཙུག་ལག་ཁང་བཞེངས་སོ། །དེའི་ཚེ་རྒྱ་གར་གྱི་སློབ་དཔོན་ཀུ་མཱ་ར་དང་། བྲམ་ཟེར་ཤང་ཀཱ་ར་དང་། བལ་པོའི་སློབ་དཔོན་ཤཱི་ལ་མཉྫུ་དང་། རྒྱ་ནག་གི་སློབ་དཔོན་ཧ་ཤང་མ་ཧཱ་དཱ་བ་ཚོ་དང་། ལྷ་ལུང་རྡོ་རྗེ་དཔལ་རྣམས་ཀྱིས་ཆོས་ཅི་རིགས་སུ་བསྒྱུར་ཞིང་གཏན་ལ་ཕབ་བོ། །རྒྱལ་པོ་དེ་ནི་ཐུགས་རྗེ་ཆེན་པོའི་སྤྲུལ་པར་གྲགས་ཤིང་། ལིའི་བཙུན་པ་གཉིས་ཀྱི་ལོ་རྒྱུས་ཡོད། རྒྱལ་པོ་དེས་ལོ་དྲུག་ཅུ་རྩ་དགུ་རྒྱལ་སྲིད་བཟུང་སྟེ། བརྒྱད་ཅུ་རྩ་གཉིས་ལ་གཤེགས་སོ། །དེ་དང་མཉམ་དུ་ཨོང་ཇོའི་ཞལ་ནས་ལྷ་ཤཱཀྱ་མུ་ནེ་ར་མོ་ཆེ་ནས་གདན་དྲོངས་ལ། འཁྲུལ་སྣང་གི་གློ་འབུར་དུ་སྦོས་ལ་སྒོ་ལ་ཞལ་གྱིས་ལ་འཇམ་དབྱངས་བྲིས་ཤིག་གསུངས་ཏེ། ཁྲི་བཙུན་དང་གཉིས་ཀ་རྒྱལ་པོ་དང་མཉམ་དུ་ཐུགས་རྗེ་ཆེན་པོའི་ཐུགས་ཀར་ཐིམ་མོ། །བློན་པོ་རྣམས་ཀྱིས་ཀྱང་ལྷ་གཉིས་བརྗེས་ཏེ་ཞལ་ཆེམས་ལྟར་བྱས་སོ། །རྒྱལ་པོ་དེའི་སྲས་མང་སྲོང་མང་བཙན། དེའི་སྲས་གུང་སྲོང་གུང་ བཙན། དེའི་སྲས་འདུས་སྲོང་མང་པོ་རྗེ་བློ་ནམ་འཕྲུལ་གྱི་རྒྱལ་པོ། དེའི་སྲས་ཁྲི་ལྡེ་གཙུག་བཙན། དེས་ལྷ་ས། མཁར་བྲག་མཆིམས་ཕུར་ནམ་ར། དར་འཕུར་མཁར་སྡག་མདོ་སྨད་དུ་རྨ་ཆུ་ཁྲི་རྩེ། བྲག་དམར་དུ་སྒ་ཆུ་ཤར་སྒོ། འཕང་ཐང་ཀ་མེད། ཀ་ཆུ་བན་ཆུང་། བྲག་དམར་མགྲིན་བཟང་ལ་སོགས་པ་བཞེངས་སོ། །བྲན་ཀ་མུ་ལ་ཀོ་ཤ་དང་། གཉགས་ཛྙཱན་ཀུ་མཱ་རས་མདོ་སྡེ་ལས་བརྒྱ་པ་དང་། གསེར་འོད་དམ་པ་གཉིས། སློབ་དཔོན་སངས་རྒྱས་གསང་བ་གངས་ཏི་སེ་ལ་བཞུགས་པའི་ཞལ་ངག་ནས་བསྒྱུར། རྩིས་དང་སྨན་དཔྱད་ལ་སོགས་པ་བསྒྱུར་ཏེ་ཅོས་སྲོལ་ཆེ་བར་མཛད། དེའི་སྲས་འཇང་ཚ་ལྷ་དབོན་ལ་རྒྱའི་པོའི་སྲས་མོ་གྱིམ་ཤིང་ཨོང་ཇོ་བླངས་པས་བུ་ཤི་སྟེ། མེས་དང་འདུས་ནས་ལྷ་ཤཱཀྱ་མུ་ནེ་ར་སའི་ལྷོ་ཕྱོགས་གློ་འབུར་ལ་སྦས་པ་བཙལ་ཏེ་མཆོད་པ་བྱས་སོ། །དམ་པའི་ཆོད་དར་ཞིང་རྒྱས་པར་མཛད་ཚུལ། བར་དུ་དམ་པའི་ཆོས་དར་ཞིང་རྒྱས་པར་མཛད་པ་ནི་འཕགས་པ་འཇམ་དཔལ་གྱི་སྤྲུལ་པ་རྒྱལ་པོ་ཁྲི་སྲོང་ལྡེ་བཙན་ཡིན་ཏེ། དེ་ཡང་མཁྱེན་རབ་གྱི་བདག་པོ་འཕགས་པ་འཇམ་དཔལ་དེས་བཞུགས་ས་རྒྱ་ནག་རི་བོ་རྩེ་ལྔ་ན་བཞུགས་ཀྱང་། ཞལ་བོད་དུ་བསྟན་ནས་ཐུགས་ཀྱིས་བོད་ཁ་བ་ཅན་རྣམས་འདུལ་བར་དགོངས་སོ། །བོན་པོ་དང་སངས་རྒྱས་ཆོས་པ་གཉིས་བར་གྱི་འཐབ་ཟིངས། དེ་ཡང་། རྒྱལ་པོ་དབང་ཆེ་བ་ཞིག་ཏུ་སྤྲུལ་ནས་མངའ་འོག་ཏུ་སྡུད་ པར་དགོངས་ནས། རྒྱ་ནག་རི་བོ་རྩེ་ལྔ་ནས་ཡེ་ཤེས་ཀྱི་སྤྱན་གྱིས་གཟིགས་བས་བོད་ཀྱི་རྒྱལ་པོ་ཁྲི་ལྡེ་གཙུག་བཙན་བྱ་བའི་མངའ་འོག་ན་འདུག་པར་མཁྱེན་ནས། རྒྱལ་པོ་ཁྲི་ལྡེ་གཙུག་བཙན་དང་། ཡུམ་རྒྱ་མོ་གྱིམ་ཤིང་ཨོང་ཇོ་གཉིས་ཕོ་བྲང་བྲག་དམར་ན་རིན་པོ་ཆེའི་ཁྲི་སྟེང་ན་གཟིམས་ནས་བཞུགས་པ་ལ། འཕགས་པ་འཇམ་དཔལ་གྱི་ཐུགས་ཀ་ནས་འོད་ཟེར་ལྔའི་རྩེ་མོ་ལ་གསེར་གྱི་ཁྱེའུ་ཆུང་མཚོན་གང་པ་ཞིག་གྱིམ་ཤིང་ཨོང་ཇོ་ཡི་མངལ་དུ་འཕྲོས་པའི་སྤྲུལ་པ་བཀྱེའོ། །དེའི་ཡུལ་གྱི་རྨི་ལམ་ན་འོད་ཟེར་ཉི་མ་ཉར་བ་འདྲ་བ་ཞིག་བྱུང་ནས་མངལ་གྱི་ནང་དུ་འོད་ཀྱི་ཁྱེའུ་ཇོ་ཞིག་ཞུགས་པ་རྨིས་ནས། ཡབ་རྒྱལ་པོ་ལ་བཟླས་པས་བར་སྣང་གི་ལྷ་བྲན་ཞིག་ངེད་རང་གི་བུར་འོངས་པ་ཡིན་ཏེ་ཡོང་བས། རྨི་ལམ་དེ་རབ་ཏུ་བཟང་ངོ་གསུངས་ནས་རྒྱལ་པོ་ཤིན་ཏུ་དགྱེས་སོ། །དེ་ནས་ཡུམ་ལུས་མ་བདེ་བ་མེད་པར་འགུལ་འཕར་ལ་སོགས་པ་བྱུང་བ་དང་། ཤེས་པ་གསལ་བ་དང་། ལུས་ཡང་བ་དང་། བདེ་བ་དང་། ཉོམ་མོངས་པ་མི་སྐྱེ་བར་གྱུར་ཏེ། དེ་ནས་ཟླ་དགུ་ངོ་བཅུ་ནས་ཕོ་བྲང་བྲག་དམར་དུ་ཡུམ་ལ་ན་ཚ་མེད་པར་བལྟམས་སོ། །སོ་དུང་སོ་འཁོར་མ་ཡོད་པ། སྐྲ་མཐོན་མཐིང་གཙུག་གཡས་སུ་འཁྱིལ་བ། མཛེས་པ་ལྷའི་བུ་ལྟ་བུ་ཞིག་བྱུང་སྟེ། ས་རྟའི་ལོ་དཔྱིད་ཟླ་ར་བ། སྐར་མ་རྒྱལ་གྱི་ནམ་ལངས་ཉི་མ་ཤར་བ་ལ་སྐུ་འཁྲུངས་ཏེ། རྒྱལ་པོ་ལ་ཕོ་བྲང་འཕང་ཐང་དུ་བསྟན་པར་ཆས་པ་ན། བུ་ཆེན་མ་སྣ་ནམ་མཟས་ཕྲོགས་ཏེ། རྒྱ་མོ་ན་རེ། ཡིན་པ་དང་ངའི་ཡིན་ཏེ། དྲི་མོ་ཁྱོད་ཁྱེར་ཟེར་ནས་བཏང་། སྣ་ནམ་གྱི་བུར་བྱས་ནས་མཚན་ཁྲི་སྲོང་ལྡེ་བཙན་དུ་བཏགས་ སོ། །བུ་ཨོང་ཇོའི་ཡིན་པར་མི་ཀུན་གྱིས་ཤེས། དེ་ཆུང་བའི་དུས་སུ་རྒྱའི་ཡུལ་དུ་སང་ཤི་ལ་སོགས་མི་བཞི་ཆོས་འཚོལ་དུ་བཏང་ངོ་། །དེའི་དུས་སུ་ཧ་ཤང་མངོན་ཤེས་ཅན་གྱིས་བོད་ཀྱི་ཕོ་ཉ་བ་འཕགས་པ་བྱང་སེམས་ཀྱི་སྤྲུལ་པ་ཞིག་འོང་སྟེ། འདི་འདྲའོ་ཞེས་འདྲ་འབག་བྱས་སོ། །སླེབས་པ་དང་རྒྱའི་རྒྱལ་པོས་བསྙེན་བཀུར། ཆོས་མང་པོ་བསྐུར། ཧ་ཤང་ཞིག་དང་བཅས་པ་བརྫངས་ཏེ་བོད་དུ་སླེབས་པ་ན། ཡབ་རྒྱལ་པོ་ཡར་འབྲོག་རྦ་བ་ཚལ་དུ་ཆིབས་སྒྲོན་པར་གྲོངས། རྒྱལ་བུ་ནར་མ་སོན་པས། ཞང་མ་ཞང་ཁྲོན་པ་སྐྱེས་ན་རེ། རྒྱལ་པོ་སྐུ་ཚེ་ཐུང་པ་ཆོས་བྱས་པས་ལན། བཀྲ་མི་ཤིས། ཚེ་ཕྱི་མ་མི་བདེན། ཚེ་འདིའི་རྐྱེན་བཟློག་ལ་བོན་བྱ། སུས་ཆོས་བྱེད་པ་དེ་ཕོ་རེང་དུ་གཏང་ལ་མཐར་སྤྱུགས། དེ་ཕྱིན་ཆད་བོད་ལ་ཚེ་ཚུང་བ་མི་ཡོང་། ར་མོ་ཆེའི་ལྷ་ཤཱཀྱ་མུ་ནེ་ཡང་སླར་རྒྱ་ནག་ཏུ་སྐྱེལ་ཟེར་ནས། འབྲེང་བའི་དྲྭ་བར་བཅུག་སྟེ་མི་སུམ་བརྒྱས་དྲུད་པར་བརྩམས་པས། བསྒྲུལ་བར་མ་ནུས་པར་བྱེ་ཐེམས་སུ་སྦས། ལྷ་སའི་དཀོན་གཉེར་ཧ་ཤང་རྒད་པོ་རྒྱལ་ཡུལ་དུ་བསྐྲད་དོ། །དེའི་ལྷམ་པ་གཅིག་བོད་དུ་ལུས་པས་དེ་ན་རེ། ད་དུང་ཆོས་མེ་སྟག་ཙམ་ཞིག་མྱུར་དུ་ཡོང་ཟེར་ནས་སོང་། མཁར་བྲག་དང་། མགྲིན་བཟང་རྨང་ནས་བཤིག །དེའི་ཅོང་མཆིམས་ཕུའི་རྫ་ལ་བསྐྱལ། ར་སར་བཟོ་གྲྭ་བཙུགས། བཤས་བྱས་ནས་ལྡེར་ཆོས་ལ་ལག་པ་དམར་པོས་འཇུས། ཕྱག་ལ་ནང་ཆ་བཀལ་ལོ། །བློན་པོ་མང་དར་དང་། ལྷ་ལ་གཉིས་ཆོས་ལ་དགའ་ཟེར་ནས་ཆད་པ་བཅད་དོ། །བོད་ནག་པོར་བཏག་བས་མ་རུང་སྟེ། དུས་དེར་སྣ་ནམ་ཁྲི་ཐོག་རྗེ་ཐང་ལ་འབར་བྱ་བ་བརྒྱལ་ནས་ཨ་ལ་ལ་ཟེར་ཞིང་། རྒྱབ་གས་ནས་ཤི། ལྕོག་རོ་ སྐྱེ་པ་རྒྱལ་གོང་མགོ་དང་། ལྕེ་དང་། རྐན་དང་། རྐང་ལག་ཐམས་ཅད་བསྐམས་ཏེ་གུམ་པས། བླ་འོག་གི་མི་དང་ལྟས་མཁན་ཀུན་མཐུན་པར། རྒྱའི་ལྷ་ཁྲོས་ཏེ་བྱེ་ཐེམས་སུ་བཅུག་པས་ལན། ལྷའི་ཁུངས་དང་པོ་རྒྱ་གར་ནས་ཡོང་བ་ཡིན་པས། ད་ཡང་སྐྱེལ་ལོ་ཟེར་ནས་བྱེ་ཐེམས་ནས་བཏོན། དྲེའུ་གཉིས་ལ་འགྱོགས་བགྱིས་ནས་མང་ཡུལ་དུ་བསྐྱལ་ལོ། །དེའི་དུས་ཡུལ་ངན་ཆེན་པོ་བྱུང་། འབངས་གུམ་པ་ལ་དགེ་རྩ་བགྱིར་མི་གནང་བའི་ཁྲིམས་བུ་ཆུང་བཅས། དེའི་ཚེ་སྦ་གླང་ཀླག་གི་སྦ་གསལ་སྣང་གི་བུ་ཚ་མིང་སྲིང་གཉིས་ཡོད་པ་དུས་གཅིག་ཏུ་གུམ་པས། ཧ་ཤང་གིས་ཆོ་ག་བྱས་པས། བུ་ལྷར་སྐྱེས། བུ་མོ་ལོ་དུས་ན་རང་གི་བུར་སྐྱེས་ཏེ་སྐྱེ་བ་དྲན་པ་ཞིག་བྱུང་སྟེ། ཆོས་ལ་ཡིད་ཆེས་སྐྱེས་ནས། སྦ་གསལ་སྣང་མང་ཡུལ་གྱི་ཁ་བློན་ལ་བཏང་བ་ལྟར་མཛད་དེ་ལོ་ཙཱ་བསླབས་སོ། །དེའི་ཚེ་སང་ཤི་བོད་དུ་སླེབས་ཏེ་ཆོས་བྲག་ལ་སྦས་སོ། །དེ་ནས་ཁྲི་སྲོང་ལྡེ་བཙན་དགུང་ལོ་བཅུ་གསུམ་ལོན་པ་དང་རྒྱལ་སར་བཏོན་ཏེ་ཇོ་མོ་གསུམ་ཁབ་ཏུ་བཞེས་ཏེ། ཚེ་སྤོང་བཟའ་དམར་རྒྱན། འབྲོ་བཟའ་བྱང་ཆུབ་སྒྲོན། ཕོ་ཡོང་བཟའ་རྒྱལ་མོ་བཙུན་ནོ། །ཡབ་མེས་ཀྱི་ལེའུ་ཚེ་གཏམ་མཛད་པ་ན་ཆོས་ཀྱི་གཏམ་བྱས་ཏེ་ཆོས་སྦས་པ་བླངས་ཏེ་སྙན་དུ་གསོལ་བས་དད་པར་གྱུར་ཏེ། རྒྱལ་མོ་མགོ་དང་པཎྜི་ཏ་ཨ་ནན་ཏ་དང་གསུམ་གྱིས་སྒྱུར་ཅིག་གསུངས་ཏེ་བསྒྱུར་བར་བརྩམས་པས་བློ་ནམ་ཞང་ཁྲོན་པ་སྐྱེས་ལ་སོགས་པས་བཀག་གོ །དེར་བློན་པོ་ཆོས་ལ་དགའ་བ་རྣམས་ཀྱིས་སང་ཤི་རྒྱ་ཡུལ་དུ་བརྫངས་སོ། །རྒྱལ་པོས་ལོ་བདུན་དུ་འབངས་རྣམས་དང་ཕྱིའི་སོ་ཁ་བསྲུང་བ་དང་། ནང་གི་སོ་ ཚིགས་མཛད་པས་རྒྱལ་ཁྲིམས་བསྐྱངས་སོ། །གསལ་སྣང་གེས་མང་ཡུལ་དུ་མ་བསྡད་པར་རྒྱ་གར་དུ་ཕྱིན་ནས། མ་ཧ་བྷོ་དྷི་དང་། ཤྲཱི་ན་ལེན་དྲ་ལ་མཆོད་པ་བྱས། བལ་ཏུལ་དུ་མཁན་པོ་བོ་དྷི་སཏཱ་མཇལ་ཏེ། མང་ཡུལ་དུ་སྤྱན་དྲངས་ནས་གཙུག་ལག་ཁང་བཞེངས་ཏེ་སེམས་བསྐྱེད་སྡོམ་པ་མནོས་ཡེ་ཤེས་དབང་པོ་ཞེས་མིང་བཏགས་སོ། །སློབ་དཔོན་བོད་དུ་འབྱོན་པར་ཞུས་པས། ལུང་བསྟན་ཅིང་ཞལ་གྱིས་བཞེས་ཏེ་བལ་པོར་གཤེགས་སོ། །སྦས་ཆོས་བསླབས་ཏེ་ཕོ་བྲང་རླུང་ཚུགས་སུ་རྒྱལ་པོ་དང་མཇལ་ཏེ་ཆོས་ཀྱི་གླེང་མཆིད་བྱས། པོ་དྷི་སཏྭའི་ལོ་རྒྱུས་བསྙད་པས། ཁྱོད་ཡིབ་ཅིག། ངས་ཞང་ཉང་བཟང་ཁད་ཀྱིས་གསོལ་དུ་གཞུག་གོ་ཟེར་ནས། ཞང་ཉང་བཟང་དང་། མགོས་ཁྲི་བཟང་ལ་སོགས་པ་ཆོས་ལ་དགའ་བའི་བློན་པོ་ཀུན་ལ་ཆོས་བྱེད་པར་གསོལ་བ་བཏབ་པས། ཉང་བཟང་ན་རེ། མ་ཞང་དབང་ཆེ་ཆོས་ལ་གནག་པས་མི་འགྲུབ་མཆི་ཟེར་ནས། མགོས་ན་རེ་ཐབས་བགྱི་བར་རྔོ་ཐོགས། ཁོ་བོའི་གཏིང་གནོན་སླད་ཀྱིས་མཛོད་ཅིག་ཅེས་ཟེར་རོ། །རྒྱལ་བློན་ཆད་བྱས་ཏེ་མགོས་ཀྱིས་བློ་བཏོན་ནས། མ་ཞང་ཁྲོན་པ་སྐྱེས་གསོན་པོར་དུར་དུ་བཅུག་སྟེ་ཁ་ཕ་བོང་གིས་བཅད་དོ། །དེ་ནས་ཁྲོན་པ་སྐྱེས་གསོན་པོར་དུར་དུ་བཅུག་སྟེང་ཁ་པ་བོང་གིས་བཅད་དོ། །དེ་ནས་ལོ་ཉིས་ཤུ་ཐུམ་པ་གླང་གི་ལོ་ལ་དམ་པའི་ཆོས་བྱ་བའི་ཐུགས་དགོངས་སྐྱེས་ཏེ། སྔ་མའི་རྒྱལ་པོ་སྲོང་བཙན་སྒམ་པོས་ཀྱང་བོད་མོན་རུམ་དང་འདྲ་བ་ལ། གཙུག་ལག་ཁང་བཞེངས། དམ་པའི་ཆོས་བསྒྱུར། བོད་ལ་ཤིན་ཏུ་བཀའ་དྲིན་ཆེ་བར་མཛད་འདུག་བདག་གིས་ཀྱག་དམ་པའི་ཆོས་དར་ཞིང་རྒྱས་པར་བྱ་དགོས་སྙམ་པའི་བསམ་པ་རྒྱ་ཆེན་པོ་བསྐྱེད་ནས། སྔོན་ལ་དཀོན་མཆོག་གསུམ་གྱི་རྟེན་ འགྲོ་བ་མི་རྣམས་ཀྱིས་མོས་པ་བྱེད་པའི་ས། བདག་རང་གི་གཡར་དམ་བྲག་དམར་དཔལ་གྱི་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས་པར་དགོངས་ཏེ། བློ་ཉེ་བའི་འབངས་བློན་འགའ་བསགས་ནས། བདག་འདུས་བྱས་ཀྱི་དགེ་བའི་རྩ་བ་ལ་གཙུག་ལག་ཁང་ཞིག་བཞེངས་སུ་གསོལ་བའི་གྲོས་བྱས་པས། བློན་པོ་དེ་རྣམས་ཀྱི་མཆིད་ནས། དེ་སྐད་བྱས་ན་རྗེའི་ཐུགས་དགོངས་དེ་རང་མི་འབྱོངས་པས། བློན་འབངས་རྣམས་བསག་ལ་འདི་སྐད་གསུངས་ཤིག་པར་བགྲོས་སོ། །ཡང་ན་ཧས་པོ་རི་ཟངས་ཀྱི་སྦུགས་སུ་འཇུག་གམ། ཡང་ན་དགེ་རྒྱས་བྱེ་མའི་གླིང་གསེར་ཕྱེས་འགེངས་སམ། ཡང་ན་གཡས་རུའི་གཙང་པོ་ཟངས་ཀྱི་སྦུགས་སུ་འཇུག་གམ། ཡང་ན་ཧས་བོ་རི་ཡི་རྩེ་མོ་ལ་ཤེལ་གྱི་མཆོད་རྟེན་ཞང་པོ་རྒྱའི་ཡུལ་ནས་མཐོང་བ་ཞིག་བརྩིག་གམ་ཞེས་གསུང་ཤིག དེའི་དུས་ན་བདག་ལ་ལས་དེ་ཙམ་མི་འགྲུབ་བོ་ཞེས་བཀའ་གཅོག་པའི་ཚུལ་བགྱིད། ལ་ལས་གཙུག་ལག་ཁང་བཞེངས་སོ་བའི་ཚུལ་བགྱིད། ལ་ལས་རྗེ་ཡི་དབང་ཟ་བའི་ཚུལ་བགྱི་ཡིས་ཞེས་ཟེར་རོ། །རྗེས་འབངས་བློན་རྣམས་བསགས་ཏེ་གོང་གི་འདམ་ཀ་ཀུན་བོར་ནས། འབངས་རྣམས་དེ་ཙམ་མི་འགྲུབ་བོ་ཞེས་གླེངས། བློན་པོ་ཀུན་གྱིས་གོང་གི་གྲོས་བྱས་པ་ལྟར་གླེངས་སོ། །དེར་མཇུག་ཏུ་གཙུག་ལག་ཁང་བཞེངས་པར་གྲོས་འཆམ་མོ། །དེར་རྒྱལ་པོས་དགུང་ལོ་ཉིས་ཤུས་རྩ་གཅིག་སྟག་གི་ལོ་ལ་རྨང་འདིང་པར་བཞེད་ནས། རྒྱ་གར་གྱི་ཡུལ་ནས་སློབ་དཔོན་བོ་དྷི་སཏཱ་ཞེས་བྱ་བ་བྱང་ཆུབ་སེམས་དཔའ་མཁྱེན་པ་ཆེ་བཞིག་བཞུགས་པར་གྲགས་ནས། སྦ་གསལ་སྣང་ལ་སོགས་པའི་བང་ཆེན་མི་གསུམ་ལ་གསེར་ཕྱེ་བྲེ་གང་ཞུ་རྟེན་ དུ་བསྐུར་ནས་སྤྱན་འདྲེན་དུ་བཏག་བས། བོད་ཀྱི་བཙན་པོ་དང་། ངེད་གཉིས་ཚེ་སྔོན་གྱི་ལས་འབྲེལ་ཡོད་པས་འགྲོ་དགོས་གསུངས་ཏེ་བོད་དུ་ཀྱོན་ནས། རྒྱལ་པོས་ཞུ་བ་ཕུལ་བ། སློབ་དཔོན་ཆེན་པོ་ལགས། བདག་རང་གི་གཡར་དམ་དཀོན་མཆོག་གསུམ་གྱི་ཕོ་བྲང་གི་རྟེན་འགྲོ་བ་མི་རྣམས་ཀྱིས་མོས་པ་བྱེད་པའི་ས། གཙུག་ལག་ཁང་ཞིག་བཞེངས་པ་ལགས་པས། སློབ་དཔོན་གྱིས་ས་གཞི་བྱིན་གྱིས་བརླབ་ཏུ་གསོལ། ཞེས་ཞུ་བ་ཕུལ་བ་དང་། སློབ་དཔོན་གྱིས་གསུངས་པ། བོད་ཀྱི་ལྷ་འདྲེ་མི་མ་ཡིན་རྩུབ་མོར་འདུག་པས། ངས་བྱང་ཆུབ་ཀྱི་སེམས་ཀྱིས་འདུལ་བ་ཡིན་ཏེ། ཐུལ་ལམ་མི་ཐུལ་མི་ཤེས་པས། རྒྱལ་པོ་རང་རྨང་ཐིངས་ཤིག་གསུངས་ནས། སློབ་དཔོན་གྱིས་ས་གཞི་བྱིན་གྱིས་བརླབས། མངའ་བདག་ཉིད་ཀྱི་སྐུ་ལ་དར་དཀར་གྱི་ན་བཟའ་གསོལ། ཕྱག་ཏུ་གསེར་གྱི་འཇོར་ཐོགས་ཏེ་རྨང་བརྐོས་པ་དང་། །ས་ཁྲུ་གང་ཙམ་གྱི་འོག་ནས་འབྲས་དཀར་མོ་ཁལ་གཅིག་དང་། ས་ཞག་རོ་ཀ་ར་ལྟར་བྲོ་བ་མང་པོ་བྱུང་ནས། རྒྱལ་པོ་ཉིད་ཀྱི་ཞལ་དུ་གསོལ། །དབུ་ལའང་བྱུགས། འོ་ང་ཡི་བསམ་པ་འགྲུབ་ནས་ཡོང་། བོད་ཡུལ་དུ་ཆོས་ཀྱི་བསྟན་པ་དར་ནས་འོང་གསུངས་སོ། །དེ་ནས་རྨང་བཏིང་ནས་བརྩིགས་པ་དང་། དགེ་བསྙེན་ཉིས་ཤུ་རྩ་གཅིག་ལ་སོགས་པ་བོད་ཀྱི་གནོད་སྦྱིན་མཐུ་བོ་ཆེ་དང་། མཐུ་མོ་ཆེ་རྣམས་ཀྱིས་བར་གཅོད་བྱས་ཏེ། ཉིན་མོ་མིས་བརྩིགས་པ་ནུབ་མོ་ལྷ་འདྲེས་བཤིག ར་རྡོ་་ཀླུངས་སུ་ཕབ། ཀླུང་རྡོ་རི་ལ་བསྐྱལ། རྩིག་ཏུ་མ་བཏུབ་བོ། །དེར་རྒྱལ་པོ་ཐུགས་མུག་སྟེ། བདག་བསོད་ནམས་ཆུང་ངམ། སློབ་དཔོན་བྱིན་ བརླབས་ཆུང་ངམ། བོད་ཀྱི་ལྷ་འདྲེ་གདུག་པ་ཆེའམ་ཞུས་པས། སློབ་དཔོན་གྱི་ཞལ་ནས། ཁྱེད་བསོད་ནམས་མི་ཆུང་། ང་བྱིན་བརླབས་མི་ཆུང་སྟེ། བདག་གིས་རྒྱུ་མཚན་ཉིད་ཀྱི་ཆོས་གཅིག་ཀྱང་མ་ལུས་པ་ཞིག་ཤེས། བྱང་ཆུབ་ཀྱི་སེམས་འབྱོངས་པ་ཡིན་ཏེ། བོད་ཀྱི་ལྷ་འདྲེ་གདུག་པ་ཅན་འདི་རྣམས་མི་ཐུལ་བར་འདུག་པས། ད་དྲག་པོའི་འཕྲིན་ལས་ཀྱིས་འདུལ་བའི་དུས་ལ་བབ་འདུག་པས། ནུབ་ཕྱོགས་ཨུ་རྒྱན་གྱི་ཡུལ་ན། སློབ་དཔོན་པདྨ་གནས་ཞེས་བྱ་བ་ཚེ་ལ་དབང་བའི་རིག་འཛིན་ཐོབ་པ། ལྷ་སྲིན་སྡེ་བརྒྱད་བྲན་དུ་འཁོལ་བ། མཐུ་ཆེ་ལ་རྩ་དྲག་པ། གསང་སྔགས་ཀྱི་སྤྱོད་པ་མཛད་པ་སྤྱན་དྲངས་ན་མངའ་བདག་གི་དགོངས་པ་འགྲུབ་ཅིང་མི་མ་ཡིན་གདུག་པ་ཅན་རྣམས་ཀྱང་ཐུལ་བར་འགྱུར་རོ། །ཞེས་གསུངས་པས། རྗེས་དེ་སྤྱན་མི་འདྲོངས་ལས་ཆེ་བྱས་པས། དེ་སྤྱན་འདྲོངས་པའི་རྒྱུ་མཚན་གསུམ་ཡོད་པས་འདྲོངས་ནས་འོང་གསུངས། དེ་ཡང་ད་ལྟ་བལ་ཡུལ་ཡང་ལེ་ཤོད་ན་བཞུགས་ཡོད་པས་ཐག་ཉེ་བ་དང་། བོད་འདུལ་བའི་དུས་ལ་བབ་པར་མཁྱེན་པ་དང་། འོ་ཅག་གསུམ་ཚེ་སྔོན་འབྲེལ་བ་ཡོད་པ་དང་གསུམ་གྱིས་སྤྱན་འདྲོངས་ནས་ཡོང་གསུངས་སོ། །སློབ་དཔོན་པདྨའི་སྐུ་ཆེ་བའི་ལོ་རྒྱུས་མདོར་བསྡུས། དེ་ཡང་སློབ་དཔོན་པདྨའི་སྐུ་ཆེ་བའི་ལོ་རྒྱུས་དང་། རྣམ་པར་ཐར་པ་ནི་ནམ་མཁའི་མཐའ་དང་མཚུངས་ཤིང་ཚིག་ཏུ་བརྗོད་ཀྱིས་མི་ལང་ཡང་། འཁྲུངས་རབས་རྣམ་ཐར་མདོར་བསྡུས་བརྗོད་པ་ནི། དེ་ཡང་རྒྱ་ གར་གྱི་ཡུལ་ན་ནུབ་ཕྱོགས། དཔལ་ཨུ་རྒྱན་ཞེས་བྱ་བའི་ཡུལ་རིན་པོ་ཆེ་འབར་བའི་གྲོང་ཁྱེར་ན། རྒྱལ་པོ་ཨིནྡྲ་བྷཱུ་ཏི་འབྱོར་པའི་དབང་པོ་ཞེས་བྱ་བ་ཆོས་སྐྱོང་བའི་རྒྱལ་པོ་ཨུ་རྒྱན་གྱི་རྒྱལ་ཁམས་ལ་མངའ་མཛད་པ། བཻཌཱུ་རྱའི་ཤིན་ཏུ་དྭངས་པ་ཕོ་བྲང་རིནཔོ་ཆེ་འོད་འབར་བ། ཕྱི་ནང་མེད་པ་མ་བསྒྲིགས་པར་གསལ་བའི་ནང་ན། བཙུན་མོ་བརྒྱ་རྩ་དང་། ཕྱི་བློན་དང་ནང་བློན་དང་བར་བློན་ལ་སོགས་པའི་འཁོར་དཔག་ཏུ་མེད་པའི་ཚོགས་དང་བཅས་ནས་བཞུགས་པ་ལས། རྒྱལ་པོ་ལ་སྲས་མི་མངའ་ནས། དབྱར་ཟླ་ར་བའི་ཚེས་བཅོ་ལྔ་ལ་དཀོན་མཆོག་ལ་མཆོད་པ་རྒྱ་ཆེན་པོ་ཕུལ་ཏེ། ཆོས་ཀྱི་སྤྲིན་ཞེས་བྱ་བ་ཐེག་པ་ཆེན་པོའི་མདོ་ཞར་གཅིག་བཏོན་ནས་འགྲོ་བ་རྣམས་ལ་མཆོད་སྦྱིན་རྒྱ་ཆེན་པོ་མཛད་དམ་བཅས་ཏེ། དཀོར་མཛོད་ཀྱི་ནོར་ཐམས་ཅད་སྦྱིན་པར་བཏང་བས། ལོ་མང་བར་མ་ལོན་པ་དང་དཀོར་མཛོད་ཀྱི་ནོར་ཐམས་ཅད་ཟད་ཅིང་སྟོངས་སུ་ཉེ་བ་ལ། སྦྱིན་པའི་འཕྲོ་བཅད་པས། སློང་མོ་མ་འཕྲོ་མ་ཆད་ནས། ད་ནི་བང་མཛོད་ཐམས་ཅད་སྟོངས་ནས་མེད་དོ་ཞེས་སྨྲས་པ་དང་། འོ་ན་ངེད་རྣམས་ལ་མ་བྱིན་ན་སྔར་བྱིན་པ་ཐམས་ཅད་དོན་མེད་དོ་ཞེས་ཟེར་རོ། །དེ་ནས་རྒྱལ་པོའི་ཐུགས་དགོངས་ལ། ཕྱིའི་རྒྱ་མཚོའི་གླིང་ལ་ཀླུའི་བུ་མོ་མཛེས་ལྡན་མའི་ལག་ན་ཡིད་བཞིན་གྱི་ནོར་བུ་རིན་པོ་ཆེ་དགོས་འདོད་ཐམས་ཅད་འབྱུང་བ་ཟད་མི་ཤེས་པ་ཞིག་ཡོད་པར་འདུག །དེ་ཆོས་ཀྱི་སྦྱིན་པ་གཏོང་བའི་བྱང་ཆུབ་སེམས་དཔའ་ཞིག་གིས་བསླངས་ན་སྟེར་བ་ཡིན་འདུག་པས། དེ་བསླང་དགོས་སྙམ་ནས་རྒྱ་མཚོ་ལ་རྫིངས་བཅས་ནས། ཕྱིའི་རྒྱ་མཚོ་ལ་ནོརབུ་རིན་པོ་ཆེ་ཐེངས་མང་དུ་བླངས་པའི་དེད་དཔོན་ཞིག་ཡོད་ ལ་བཀའ་བསྒོ་མཛད་ནས། འཁོར་དང་བཅས་ཏེ་ཆད་པ་ལས། རྒྱལ་པོ་ལ་འཀོར་རྣམས་ཀྱིས་མ་བཞུད་ཅེས་ཞུ་བ་ཕུལ་ཀྱང་མ་གནང་སྟེ། རྫིངས་ཀྱི་ནང་དུ་བཞུད་ནས་ཕྱོགས་བཟིར་དར་པོ་ཆེ་བཞི་ཕྱར། མཐུན་པའི་རླུང་བྱུང་བ་དང་འགྲོ །མི་འདོད་པའི་རླུང་བྱུང་བ་དང་ཕྱོགས་བཞིར་ཞ་ཉེའི་གཏིང་རྡོ་ཆེན་པོ་བཞི་རྔ་མའི་ཟག་པ་ལ་འཕྱང་དུ་བཅུག་ནས། རྫིངས་སྡོད་པ་དང་བཅས་ཏེ་རྒྱལ་པོ་འཀོར་བཅས་ཕྱིའི་རྒྱ་མཚོ་ལ་ཉག་ཐག་བཅད་ནས་བཞུད་དོ། །དེ་ནས་རྫིངས་ཀྱི་དར་པོ་ཆེ་ཕྱར་ཏེ། རླུང་ཕྱོགས་སུ་བཏང་བས་དཔག་ཆེན་གྱི་མདའ་འཕངས་པ་བཞིན་སོང་ངོ་། །དེ་ནས་རིན་པོ་ཆེའྀ་གླིང་དུ་ཕྱིན་པ་དང་། འཁོར་གཞན་རྣམས་རིན་པོ་ཆེའི་གླིང་དུ་བཞག་ནས། རྒྱལ་པོ་དང་དེད་དཔོན་གྲུ་ཆུང་ཞིག་ཏུ་ཞུགས་ནས་སོང་བས། རི་དཀར་པོ་ཞིག་སྣང་ནས། ཕ་གི་ཅི་ཡིན་ཞེས་རྒྱལ་པོས་དྲིས་པ་དང་། ཕ་གི་རིན་པོ་ཆེ་དངུལ་གྱི་རི་ཡིན་ཟེར་རོ། །དེ་ནས་ཡང་ཕྱིན་པ་དང་རི་སྔོན་པོ་ཞིག་སྣང་ནས། ཕ་གི་ཅི་ཡིན་དྲིས་པས། རིན་པོ་ཆེ་བཻཌཱུ་རྱའི་རི་ཡིན་ཞེས་ཟེར་རོ། །དེ་ནས་བྱོན་པ་དང་རི་སེར་པོ་ཞིག་སྣང་ནས་དྲིས་པས། དེ་ནི་གསེར་གྱི་རི་ཡིན་ནོ། །ཕ་གི་རྩ་རུ་འགྲོ་བ་ཡིན་ཟེར་ནས་གསེར་གྱི་རི་དེའི་རྩར་ཕྱིན་པ་དང་། གསེར་གྱི་བྱེ་མའི་ས་གཞིར་སྣང་ངོ་། །དེའི་མདུན་ན་རིན་པོ་ཆེ་སྣ་ཚོགས་པའི་མཁར་ཞིག་སྣང་ངོ་། །དེད་དཔོན་གྱིས་རྒྱལ་པོ་ལ་སྨྲས་པ། མཁར་པ་གིའི་མདུན་རྡོ་རྗེའི་གཏུན་ཞིག་ཡོད་ཀྱི་དེས་མཁར་དེའི་སྒོ་རྡུངས་ཤིག་དེའི་ནང་ནས་ལྷ་མོ་བརྒྱས་རིན་པོ་ཆེ་ཁྱེར་ནས་འབུལ་དུ་འོང་གི་དེ་རྣམས་ལ་གཏབསམ་མ་སྨྲས་ཞིག །དེ་ནས་ཡང་སྒོ་བརྡུངས་པས། ནང་གི་ མཇུག་ལ་ཀླུའི་བུ་མོ་མཛེས་ལྡན་བ་བྱ་བ་བུ་མོ་སྔོན་པོ་མཛེས་པ་གཅིག་གིས་ནོར་བུ་རིན་པོ་ཆེ་སྔོན་པོ་འོད་ཁ་དོག་ལྔར་འབར་བ་ཞིག་འབུལ་དུ་འོང་གི་དེ་མྱུར་དུ་ལོངས་ལ་མ་ཤོར་བར་གོས་ཀྱི་ཐ་མར་ཕུར་བ་གྱིས་ཤིག་དེ་ནོར་བུ་རིན་པོ་ཆེ་བསམ་འཕེལ་དུ་འོང་བ་ཡིན་ནོ། །ཞེས་དེད་དཔོན་གྱིས་རྒྱལ་པོ་ལ་བསླབས་ནས་བཏང་བ་དང་། རྒྱལ་པོས་ཀྱང་དེ་ལྟར་བྱས་པས་ལྷ་མོ་དང་ཀླུ་མོ་རྣམས་ཀྱིས་རྒྱལ་པོ་ལ་ནོར་བུ་རིན་པོ་ཆེ་ཕུལ་ནས། བསམ་པའི་དོན་ཐམས་ཅད་འགྲུབ་བོ། །དེད་དཔོན་དྲིན་ཆེའོ་ཞེས་སྨྲས་ཏེ་འཁོར་རྣམས་ཡོད་ས་དེར་བྱོན་ནོ། །དེད་དཔོན་རིན་པོ་ཆེ་བརྟག་པ་ལ་མཁས་པ་དེས་རིན་པོ་ཆེ་འཆིང་བུ་ལ་སོགས་པ་ཐོབ་ནས་རིན་པོ་ཆེའི་ཆ་བགོས་ཏེ་བྱོན་ནོ། །མང་ན་རྫིངས་ཆུར་བྱིངས་ནས་སྲོག་འདོར་བར་བྱེད་ད། །ཆོག་ཤེས་པར་གྱིས་ཤིག་ཅེས་སྨྲས་སོ། །དེ་ནས་རྫིངས་ཁ་ལོ་བསྒྱུར་ནས་རྒྱལ་པོ་འཁོར་དང་བཅས་པས་ཡུལ་ཕྱོགས་སུ་འོངས་པ་དང་། ཕྱིའི་རྒྱ་མཚོའི་གླིང་ཞིག་ན། པདྨའི་སྡོང་པོ་ཞིག་སྐྱེས་པའི་ཁ་ན་ཁྱེའུ་ལོ་བརྒྱད་ལོན་པའི་ན་ཚོད་ཞིག་ལྟ་ན་སྡུག་པ་བྱད་བཞིན་ལེགས་པ་ཤིན་ཏུ་ངོ་མཚར་བ་ཞིག་འཁྲུངས་ནས་འདུག་པ་དང་། རྒྱལ་པོས་ཁྱེའུ་དེ་ལ་སྨྲས་པ། ཁྱེའུ་ཁྱོད་ཀྱི་ཕ་ནི་གང་ཡིན༌། མ་ནི་གང་ཡིན༌། རིགས་ནི་གང་དུ་གཏོགས། ཡུལ་ནི་གང་དུ་བཟུང་། ཟས་སྐལ་ནི་གང་ལ་བརྟེན༌། འདི་ན་དོན་ཅི་བྱེད་ཡེ་ཤེས་ཡིན་ནོ། །མ་ནི་དབྱིངས་ཀུན་ཏུ་བཟང་མོ་ཡིན་ནོ། །རིགས་ནི་དབྱིངས་དང་རིག་པ་གཉིས་སུ་མེད་པར་གཏོགས་སོ། །ཡུལ་ནི་ཆོས་ཀྱི་དབྱིངས་སྐྱེ་བ་མེད་པར་བཟུང་ངོ༌། །ཟས་སྐལ་དུ་ གཉིས་སྣང་གི་རྟོག་པ་ཟའོ། །འདི་ན་ཉོན་མོངས་པ་གསོད་པའི་སྤྱོད་པ་བྱེད། ཅེས་སྨྲས་པ་དང་། དེར་རྒྱལ་པོ་ངོ་མཚར་སྐྱེས་ཏེ། འདི་ནི་སྤྲུལ་པའི་སྐུ་ཞིག་འདུག་པས་ངའི་བུ་སྐལ་དང་མཆོག་གནས་བྱའོ་གསུངས་ནས་པདྨའི་སྡོང་པོ་དེ་ཡང་བཅད། ཁྱེའུ་དེ་ཡང་གདན་དྲངས་ཏེ་རྒྱལ་པོ་ཉིད་ཀྱི་ཡུལ་དུ་ཕྱིན་པར་གྱུར་ཏོ། །དེ་ནས་འཁོར་ཐམས་ཅད་རབ་ཏུ་དགའ་ནས་རྒྱལ་པོ་ལ་བསུ་བ་རྒྱ་ཆེན་པོ་མཛད་དོ། །དེ་ནས་རྒྱལ་པོས་སྨོན་ལམ་འདི་སྐད་བཏབ་བོ། །ངས་རྙེད་པའི་ནོར་བུ་རིན་ཆེན་འདི། ཡིད་བཞིན་གྱི་ནོར་བུ་རིན་པོ་ཡིན་ན། ང་ཡི་ཁྱེའུ་འདི་བཞུགས་སའི་རིན་པོ་ཆེ་སྣ་བདུན་གྱི་ཁྲིར་གྱུར་ལ། རིན་པོ་ཆེ་སྣ་བདུན་གྱི་གདུགས་ཀྱང་ཡོད་པར་གྱུར་ཅིག་ཅེས་བརྗོད་མ་ཐག་ཏུ་རིན་པོ་ཆེ་སྣ་བདུན་གྱི་ཁྲི་དང་གདུགས་བྱུང་སྟེ། དེ་ལ་ཁྱེའུ་བཞུགས་ཏེ་རྒྱལ་པོར་མངའ་གསོལ་ནས་རྒྱལ་བུའི་མཚན་ཡང་མཚོ་སྐྱེས་རྡོ་རྗེར་བཏགས་སོ། །དེ་ནས་ཡང་རྒྱལ་པོས་ནོར་བུ་རིན་པོ་ཆེ་འདི་ཡིད་བཞིན་གྱི་ནོར་བུ་རིན་པོ་ཆེ་མ་ནོར་བ་ཡིན་ན་བདག་གིས་སྔོན་ཆད་སྦྱིན་པ་བཏང་བའི་བང་མཛོད་སྟོངས་པ་ཐམས་ཅད་གང་ངར་ཤོག་ཅིག་ཅེས་བརྗོད་མ་ཐག་ཏུ་སྔོན་གྱི་བང་མཛོད་སྟོངས་པ་ཐམས་ཅད་སྔོན་ཅི་ཡོད་པས་གང་བར་གྱུར་ཏོ། །དེ་ནས་རྒྱལ་པོ་ཆེན་པོ་དེས། རྔ་བོ་ཆེ་བརྡུངས་ནས་ཕྱོགས་ཐམས་ཅད་དུ་སྒྲ་བསྒྲགས་ཏེ། རྒྱལ་པོ་ཨིནྡྲ་བྷཱུ་ཏི་དེས། ཡིད་བཞིན་གྱི་ནོར་བུ་རིན་པོ་ཆེ་ལ་དགོས་འདོད་ཀྱི་ཆར་འབེབས་པས། སུ་ཅིའདོད་པ་གང་ལ་གང་པོས་ནོར་བུ་རིན་པོ་ཆེ་ལ་སྨན་དང་དྲི་ཡིས་ཁྲུས་ཆབ་གསོལ། རྒྱལ་མཚན་གྱི་རྩེ་ལ་བཏགས། ཙན་དན་དང་ཨ་ག་རུ་ལ་སོགས་པའི་དྲི་ཡིས་བདུགས། རྒྱལ་པོས་ཁྲུས་བྱས། གོས་གཙང་མ་བགོས་ནས། ཕྱོགས་བཞིར་ལྷ་ཕྱག་བཙལ་ནས་འདི་སྐད་ཅེས་གསོལ་བ་བཏབ་བོ། །ངས་རྙེད་པའི་ནོར་བུ་རིན་པོ་ཆེ་འདི་ཡིད་བཞིན་གྱི་ནོར་བུ་རིན་པོ་ཆེ་ཞིག་ཡིན་ངེས་ན། མི་དང་སེམས་ཅན་ཅི་འདོད་པ་རྣམས་ལ་གང་འདོད་ཀྱི་ཆར་ཕོབ་ཅིག་ཅེས་བརྗོད་པ་ཙམ་གྱིས་ཕྱོགས་བཞི་ནས་རླུང་ལངས་ནས་མི་གཙང་བ་ཐམས་ཅད་ཕྱདག་ནས་ཆར་ཟིམ་བུ་བབས་ཏེ་རྡུལ་མི་ལྡང་བར་བྱས་སོ། །དང་པོ་ཁ་ཟས་རོ་བརྒྱ་པའི་ཆར་བབས། དེས་ལྟོགས་པ་ཐམས་ཅད་ཚིམ་པར་བྱས་སོ། །དེ་ནས་གོས་ཀྱི་ཆར་ཕབ། འཁྱགས་པ་ཐམས་ཅད་དྲོ་བར་བྱས་སོ། །དེ་ནས་ནོར་གྱི་ཆར་བབས། གང་ལ་གང་འདོད་པས་ཚིམ་པར་བྱས་སོ། །དེར་རྒྱལ་པོ་མངའ་འོག་ཏུ་འདུས་པ་ཐམས་ཅད་ལྟོགས་པ་འཕོགས་པ་ཐམས་ཅད་དང་བྲལ་བར་བྱས་ནས། ད་ནི་ཁྱོད་ཅག་ཐམས་ཅད་ཐེག་པ་ཆེན་པོའི་ཆོས་ལ་སྤྱོད་ཅིག་ཅེས་བཀའ་བསྒོས་ནས་དེ་རྣམས་ཐམས་ཅད་ལ་བྱང་ཆུབ་ཀྱི་སེམས་བསྐྱེད་དེ། ཆོས་ལ་སྤྱད་པས་ཕྱིར་མི་ལྡོག་པའི་འབྲས་བུ་ཐོབ་བོ། །དེ་ནས་རྒྱལ་བུ་སྤྲུལ་པའི་སྐུ་དེས་རྒྱལ་ས་བཟུང་བས། འགྲོ་བའི་དོན་མི་འོང་བར་ཐུགས་ཀྱིས་དགོངས་ནས། རྒྱལ་པོ་དང་། བློན་པོ་རྣམས་སུན་འདོན་པའི་ཕྱིར། བརྟུལ་ཞུགས་ཀྱི་སྤྱོད་པ་མཛད་དེ། སྐུ་གཅེར་བུ་ལ་རུས་པའི་རྒྱན་དྲུག་གསོལ། ཕྱག་ན་དུག་གསུམ་རྩད་ནས་གཅོད་པའི་ཁ་ཊཾ་ག་ནས་མཁའི་དབྱུག་པ་རྩེ་གསུམ་པ་ཞིག་ཐོགས་ཏེ་གར་མཛད་པས། ཕོ་བྲང་གི་རྩེར་རྒྱལ་བུས་གར་མཛད་པ་ལ་བལྟ་བའི་མི་ མང་ཚོགས་པས། ཁ་ཊཾ་ག་ཕྱག་ནས་ཤོར་བའི་ཚུལ་མཛད་ནས། བློན་པོ་དབང་ཆེ་བ་ཀ་མ་ཏ་བྱ་བའི་བུའི་མགོ་ལ་བརྒྱབ་པས། བློན་པོའི་བུ་ཤི་བར་གྱུར་ཏོ། །དེ་ཡང་རྒྱལ་ཁྲིམས་གང་གིས་ཉམས་པ་དེ་ལ་ཆད་པ་གཅོད་པས་བློན་པོ་རྣམས་ཚོགས་ནས་རྒྱལ་པོ་ལ་གསོལ་བ། རྒྱལ་བུར་མངའ་གསོལ་ཡང་ཚུལ་མ་ཡིན་པའི་སྤྱོད་པ་བྱས་ནས་བློན་པོའི་བུ་བསད་པས། ད་རྒྱལ་བུ་རང་གསལ་ཤིང་གི་རྩེ་ལ་བསྐྱོན་ནས་ཆད་པས་བཅད་འཚལ་ཞེས་ཞུས་པ་དང་། རྒྱལ་པོ་ན་རེ་འདི་མི་མ་ཡིན་གྱི་བུ་ཡིན་ནམ་སྤྲུལ་པ་ཡིན་མི་ཤེས་པས། བློན་པོ་རྣམས་ཀྱིས་སྤྱུགས་པར་བྱས་སོ། །དེ་ནས་ཡབ་རྒྱལ་པོ་ཤིན་ཏུ་ཐུགས་ལ་གཅགས་ནས་མ་མགུ་སྟེ། རྒྱལ་ཁྲིམས་བཙན་པའི་དབང་གིས་མི་སྤྱུགས་པའི་དབང་མེད་ནས། རྒྱལ་བུ་ལ་གསུངས་པ། རིན་ཆེན་མཚོ་དཀྱིལ་པདྨའི་སྡོང་པོ་ལ། །ཕ་དང་མ་མེད་ཁྱེའུ་སྤྲུལ་པའི་སྐུ། །སྲས་ཀྱིས་འཕོངས་ནས་རྒྱལ་པོར་དབང་བསྐུར་ཡང་། །རྒྱལ་བུའི་སྤྱོད་པས་བློན་པོའི་ཕྲུ་གུ་བཀུམ། །བློན་པོ་རྣམས་ཀྱིས་རྒྱལ་ཁྲིམས་ཆད་པས་གཅོད། །བསད་པས་སྤྱུགས་པར་གནང་གི་ད་ནི་གང་དགར་བཞུད། །ཅེས་གསུངས་པ་དང་། རྒྱལ་བུས་སྨྲས་པ། འཇིག་རྟེན་འདི་ན་ཕ་དང་མ་དཀོན་ཡང་། །ཡབ་དང་ཡུམ་དུ་བགྱིས་ནས་རྒྱལ་པོར་བྱུང་། །ལས་ཀྱིས་ལན་ཆགས་བློན་པོའི་བུ་ཡང་བསད། །ཡབ་གྱི་རྒྱལ་ཁྲིམས་ཉམས་པས་སྤྱུགས་པར་ལེགས། །སེམས་ལ་སྐྱེ་ཤི་མེད་པས་བསད་ཀྱང་འཇིགས་པ་མེད། །ཡུལ་ལ་ཞེན་པ་མེད་པས་སྤྱུགས་ཀྱང་མི་དགའ་མེད། །ཡབ་དང་ཡུམ་ཡང་ཡུན་དུ་བདེ་བར་བཞུགས། །ལས་ ཀྱིས་འབྲེལ་བས་ཕྱི་མར་མཇལ་ཏེ་མཆིས། །ཞེས་སྨྲས་ཏེ་ཡབ་ཡུམ་ལ་ཕྱག་བྱས་སོ། །ཡབ་ཡུམ་ཡང་འདི་སྤྲུལ་པ་ཞིག་ཡིན་སྙམ་ནས་ཤིན་ཏུ་མ་དགྱེས་སོ། །དེར་བློན་པོ་རྣམས་ཀྱིས་རྒྱལ་བུདྀཾ་་ཁྲིད་དེ། ཨུ་རྒྱན་གྱི་ཡུལ་གྱི་ལྷོ་ཕྱོགས་ན། དུར་ཁྲོད་ཆེན་པོ་བསིལ་བའི་ཚལ་བྱ་བ་ན། མི་མ་ཡིན་དང་གཅན་གཟན་གཏུམ་པོ་ཡོད་པ། ཤིན་ཏུ་འཇིགས་ཤིང་སྐྱི་གཡའ་བའི་དུར་ཁྲོད་ཆེན་པོ་དེར་བསྐྱལ་ལོ། །ཡུལ་དེའི་ཆོས་ལུགས་ཀྱིས་མི་ཤི་ཚད་དུར་ཁྲོད་དེར་སྐྱེལ་བས། རོ་གོས་རས་ཡུག་རེས་བཏུམས་ནས། རོ་ཟན་འབྲས་ཆན་ཁལ་རེ་སྔས་སུ་བཅུག་ནས་འཇོག་པས། རྒྱལ་བུ་དེ་ཡང་སྔགས་སྤྱོད་རྣལ་འབྱོར་པ་བྱས་ནས། ཟས་སུ་རོ་ཟས་ཟོས། གོས་སུ་རོ་གོས་གྱོན། ཤིན་ཏུ་ལོངས་སྤྱོད་དང་ལྡན་པར་ཡོད་པ་ལ། དུས་ཕྱི་མ་ལན་ཅིག་ཡུལ་དེར་མུ་གེ་བྱུང་ནས་མི་ཕལ་ཆེར་ཤི་ནས། རོ་གོས་རས་ཡུག་རེས་དྲིལ་ནས་སྐྱེལ་བ་ལས། རོ་ཟན་འབྲས་ཆན་སྐྱེལ་བ་མེད་ནས། དེ་ནས་ཟས་སྐལ་དུ་རོ་ལ་ལོངས་སྤྱད་པས་དུར་ཁྲོད་ན་གནས་པའི་ལས་ཀྱི་མཁའ་འགྲོ་མ་རྣམས་དབང་དུ་བསྡུས་ནས། མི་ཀུན་གྱིས་སྲིན་པོ་ཤཱདྟ་རཀྴི་ཏ་བྱ་བར་མཚན་བཏགས་སོ། །དེ་ནས་ཟ་ཧོར་གྱི་ཡུལ་དུར་ཁྲོད་དགའ་བའི་ཚལ་དུ་སྤྱོད་པ་མཛད་ནས་རོ་ལ་ལོངས་སྤྱད་པས། མཁའ་འགྲོ་མ་བདུད་འདུལ་མ་བྱ་བས་དབང་བསྐུར་བྱིན་གྱིས་བརླབས་སོ། །དེ་ནས་ཨུ་རྒྱན་གྱི་ལྷོ་ཕྱོགས་དུར་ཁྲོད་སོ་སའི་གླིང་དུ་བྱོན་ནས། བརྟུལ་ཞུཊ་ཀྱི་སྤྱོད་པ་མཛད་པས། མཁའ་འགྲོ་མ་ཞི་འཚོས་དབང་བསྐུར་བྱིན་གྱིས་བརླབས་སོ། །དེ་ནས་སྔར་པདྨ་ལ་སྐུ་འཁྲུངས་པའི་རྒྱ་མཚོའི་གླིང་དེར་བྱོན་ནས་གསང་སྔགས་མཁའ་འགྲོ་བའི་བརྡ་སྐད་ཀྱིས་བསྒྲུབས་པས་རྒྱ་མཚོའི་གླིང་ གི་མཁའ་འགྲོ་བཞི་དབང་དུ་འདུས། རྡོ་རྗེ་ཕག་མོའི་ཞལ་མཐོང་བྱིན་གྱིས་བརླབས་ཏེ་རྒྱ་མཚོའི་ཀླུ་དང་བར་སྣང་གི་གཟའ་བྲན་ལ་སོགས་པ་རྣམས་བྲན་དུ་ཁས་བླངས་དབང་དུ་བསྡུས་སོ། །མཁའ་འགྲོ་མ་རྣམས་ཀྱིས་བྱིན་གྱིས་བརླབས། ཆོས་བཤད་དེ། དེར་ནུས་པ་དང་ལྡན་པའི་རྣལ་འབྱོར་པར་གྱུར་ཏོ། །མཁའ་འགྲོ་མ་རྣམས་ཀྱིས་གསང་མཚན་རྡོ་རྗེ་དྲག་པོ་རྩལ་དུ་བཏགས་སོ། །དེ་ནས་རྒྱ་གར་གྱི་སློབ་དཔོན་མཁས་པ་རྣམས་ལ་གསང་སྔགས་ཕྱི་ནང་གི་ཅོས་ཐམས་ཅད་རྩད་གཅད་སྙམ་ནས། ཟ་ཧོར་པྲེ་ཏ་རའི་ལམ་དུ་དགེ་སློང་ཤཱཀྱ་མི་ཏྲའམ་ཤཱཀྱ་བཤེས་གཉེན་བྱ་བ། སློབ་དཔོན་པྲ་ཧ་ཏི་བྱ་བ་ལ་ཆོས་ཉན་དུ་འགྲོ་བ་དང་འཕྲད་ནས། ཁྱེད་གནས་གང་དུ་འགྲོ་དྲིས་པས། ངེད་བྲག་དམར་བྱ་ཁྱུང་བྱ་བ་ན་སློབ་དཔོན་པྲ་ཧ་ཏི་བཞུགས་པས་དེ་ལ་ཆོས་ཞུ་རུ་འགྲོ་ཟེར། འོ་ན་ཡ་ཡང་འགྲོ་ཟེར་ནས་ཁོ་དང་འགྲོགས་ཏེ་ཡོངས་པས། སློབ་དཔོན་པྲ་ཧ་རི་དང་མཇལ་ནས། ཆོས་ཞུས་རབ་ཏུ་བྱུང་སྟེ་མཚན་ཡང་ཤཱཀྱ་སེདྒེ་ཞེས་བྱ་བར་བཏགས་སོ། །ཡོ་གའི་ཆོས་མུན་ཏ་ཛ་ཡ་དང་། ཡོ་གའི་ཆོས་རྩ་བརྒྱད་དང་། ཧ་ཐ་སང་ཀྲ་ཧ་དང་། ཡོ་གའི་རྒྱུད་སྡེ་ཆེན་པོ་གསུམ་བཤད་པས་ཚར་རེས་ཤེས་པ་དང་། སྒྲིབ་པ་སྦྱང་བའི་ཕྱིར་ཚར་བརྒྱད་ཉན་པ་དང་། མ་བསྒྲུབས་པར་དུ་དེ་ཉིད་དུ་ཡོ་གའི་ལྷ་སུམ་ཅུ་རྩ་གཉིས་ཀྱི་ཞལ་མཐོང་ངོ་། །དེ་ནས་ཤཱཀྱ་སེདྒེ་དེའི་ཐུགས་ལ་རྣལ་འབྱོར་མ་ཧཱ་ཡོ་གའི་ཆོས་ཤིག་བསྒྲུབ་ལ་རྣལ་འབྱོར་ཚེའི་རིག་འཛིན་དང་། ཕྱག་རྒྱ་ཆེན་པོ་མཆོག་གི་དངོས་གྲུབ་བསྒྲུབ་པར་དགོངས་ནས། རི་མ་ལ་ཡ་ན་སློབ་དཔོན་ཆེན་པོ་འཇམ་དཔལ་བཤེས་ གཉེན་བཞུགས་པའི་སྤྱན་སྔར་ཕྱིན་ཏེ་ཞུས་པས། སློབ་དཔོན་གྱི་ཞལ་ནས། ངས་སྐྱོད་འདུལ་བའི་དུས་ལ་མ་བབ་པས། དགེ་སློང་མ་ཀུན་དགའ་བྱ་བ་ཕྱི་ནང་གསང་བ་གསུམ་གྱི་དབང་བསྐུར་བ་མཁས་པ་ཞིག་ཡོད་པས་དེར་སོང་ལ་དབང་ཞུས་ཤིག་ཅེས་ལུང་བསྟན་ཏོ། །དེ་ནས་ཤཱཀྱ་སེདྒེ་དགེ་སློང་མའི་སྤྱན་སྔར་ཕྱིན་ཏེ། གཡོག་མོ་ཀུ་ཀུ་མ་ལ་འཕྲིན་བརྫངས་པས་མ་བྱོན་ནས། བརྗེད་དམ་བྱས་པས་ཤེལ་དཀར་གྱི་གྲི་གུས་མོ་རང་གི་བྲང་གཤགས་ཏེ་བསྟན་པ་དང་ཞི་བའི་ལྷ་བུདྡྷ་རྩ་གཉིས་བཀྲ་ལམ་པ་མཐོང་བ་དང་། དེ་ཉིད་དགེ་སློང་མ་ཡིན་ནམ་སྙམ་ནས་ཕྱག་བཙལ་བསྐོར་བ་བྱས་པ་དང་། ང་གཡོག་མོ་ཡིན་ནང་དུ་འདོང་ཟེར་བས་ཕྱིན་པ་དང་། དགེ་སློང་མ་དང་མཇལ་ཏེ་ཕྱག་བཙལ་སྐོར་བ་བྱས་ནས་ཕྱི་ནང་གསང་གསུམ་གྱི་དབང་ཞུ་བྱས་པས། དགེ་སློང་མས་ཤཱཀྱ་སེདྒེ་ཡི་གེ་ཧུཾ་ཞིག་ཏུ་བྱས་ནས། ཞལ་དུ་མིད་པས་ཁོང་པའི་ནང་དུ་བདང་བསྐུར་ཏེ་གསང་བའི་པདྨར་བཏོན་ཏེ། ལུས་ངག་ཡིད་གསུམ་གྱི་སྒྲིབ་པ་དག་པར་བྱས་ནས། ཞལ་དུ་མིད་པས་ཁོང་པའི་ནང་དུ་དབང་བསྐུར་ཏེ་གསང་བའི་པདྨར་བཏོན་ཏེ། ལུས་ངག་ཡིད་གསུམ་གྱི་སྒྲིབ་པ་དག་པར་བྱས་ནས། ཕྱི་སངས་རྒྱས་སྣང་བ་མཐའ་ཡས་ཀྱི་དབང་བསྐུར་ཏེ་ཚེའི་རིག་འཛིན་ཐོབ་པར་དབང་བསྐུར་རོ། །ནང་འཕགས་པ་སྤྱན་རས་གཟིགས་སུ་དབང་བསྐུར་ཏེ། ཕྱག་རྒྱ་ཆེན་པོའི་རིག་འཛིན་ཐོབ་པར་དབང་བསྐུར་རོ། །གསང་བ་དཔལ་རྟ་མགྲིན་དུ་དབང་བཀྶུར་ཏེ་དྲེགས་པ་ཅན་ཐམས་ཅད་དབང་དུ་དུ་སྡུད་པར་དབང་བསྐུར་རོ། །དེ་ནས་ཤཱཀྱ་སེདྒེས་སླར་འཇམ་དཔལ་བཤེས་གཉེན་ཅན་དུ་ཕྱིན་ཏེ། འཇམ་དཔལ་ལ་ཕྱི་ནང་གི་ཅོས་མང་པོ་གསན། ཚར་རེས་ཤེས་པ་བྱུང་ནས་འཇམ་དཔལ་གྱི་ཞལ་མཐོང་པ་བྱུང་གསུངས་སོ། །དེ་ ནས་སློབ་དཔོན་ཧུཾ་ཀ་རའི་དྲུང་དུ་བྱོན་ཏེ། དཔལ་ཡང་དག་གྲུབ་པ་དང་། སྒྲུབ་པ་རྣམ་གསུམ་གྱི་ཚོ་ག་གསན། སློབ་དཔོན་སོག་སྐྱ་དྷེ་བའི་དྲུང་དུ་ཕྱིན་ཏེ་རྡོ་རྗེ་ཕུར་པའི་ཆོ་ག་གསན། ཕུར་པའི་ལྷ་ཚོགས་ཀྱི་ཞལ་མཐོང་། སློབ་དཔོན་ནཱ་ག་རྫུ་ནའི་སྤྱན་སྔར་བྱོན་ཏེ་པདྨ་གསུང་གི་ཆོ་ག་གསན། པདྨ་དབང་གི་ཞལ་མཐོང་། སློབ་དཔོན་སངས་རྒྱས་གསང་བའི་སྤྱན་སྔར་བྱོན་ཏེ། ཞི་ཁྲོ་སྒྱུ་འཕྲུལ་གྱི་ཆོས་གསན། སློབ་དཔོན་རྡོ་རྗེ་མི་འགྱུར་བཱི་མ་ལའི་སྤྱན་སྔར་བྱོན་ཏེ། བདུད་རྩི་ཡོན་ཏན་གྱི་ཆོས་གསན། སློབ་དཔོན་རོམ་བུ་གུ་ཧྱ་དེ་བའི་སྤྱན་སྔར་བྱོན་ཏེ་བསྟན་པ་བསྲུང་བའི་ངན་སྔགས་དང་དྲག་སྔགས་མང་པོ་གསན། སྤོན་དཔོན་ཤྲཱི་སིང་ཧའི་སྤྱན་སྔར་བྱོན་ཏེ། བཀའ་རྫོགས་པ་ཆེན་པོའི་སེམས་ཕྱོགས་ཐམས་ཅད་བསྟན་ཏེ། ཆོས་ཐམས་ཅད་ཚར་རེས་ཤེས་ཤིང་ལྷའི་ཞལ་མཐོང་། མཚན་ཡང་བློ་ལྡན་མཆོག་སྲེད་དུ་བཏགས་སོ། །དེ་ནས་བློ་ལྡན་མཆོག་སྲེད་ཀྱི་ཐུགས་དགོངས་ལ། ད་ངས་གསང་སྔགས་ཀྱི་དོན་ལ་མངའ་བརྙེས། སྐྱེ་ཤི་མེད་པ་ཚེའི་རིག་འཛིན་བསྒྲུབ་ལ། སྔོན་གྱི་ཟ་ཧོར་གྱི་རྒྱལ་བློན་རྣམས་ཆོས་ལ་འཛུད་དགོས་སྙམ་སྟེ། ཟ་ཧོར་གྱི་ཡུལ་དུ་བྱོན་ནས། ཟ་ཧོར་གྱི་རྒྱལ་པོ་གཙུག་ལག་འཛིན་གྱི་བུ་མོ་མེ་ཏོག་མན་དྷ་ར་བ་ཞེས་བྱ་བ་མཚན་དང་ལྡན་པ་ཞིག་དབང་དུ་བསྡུས་ནས། སྒྲུབ་སྡེ་མོ་གཟུངས་མར་ཁྲིད་ནས་རི་པོ་ཏ་ལ་ཞེས་བྱ་བར་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་ཕོ་བྲང་གི་ལྷོ་ཕྱོགས་ན་བྲག་ཕུག་མཱ་ར་ཡི་ཀ་ཞེས་བྱ་བ། ཁ་ལྷོ་ཕྱོགས་ལ་བལྟས་པ། དུས་གསུམ་དུ་མེ་ཏོག་གི་ཆར་འབབ་པ། ཙན་དན་གྱི་ནགས་ཚལ་ཡོད་པ། རིགས་གསུམ་མགོན་པོས་བྱིན་གྱིས་བརླབས་པའི་གནས་དེར། ཚེ་དཔག་མེད་ཀྱི་དཀྱིལ་འཁོར་ཞལ་ཕྱེ་ནས་ཚེ་བསྒྲུབས་པས། ཟླ་བ་གསུམ་ན་སངས་རྒྱས་སྣང་བ་མཐའ་ཡས་ཚེ་དཔག་མེད་ཀྱི་ཞལ་མཐོང་སྟེ། འཆི་མེད་ཚེའི་བདུད་རྩིའི་བུམ་པ་ཡབ་ཡུམ་གཉིས་ཀྱི་སྤྱི་བོར་བཞག ཞལ་དུ་བླུད་པས་སྐུ་སྐྱེ་འཆི་མེད་པ་རྡོ་རྗེའི་ལུས་སུ་གྱུར་ཏེ། ཡོ་ག་ཚེའི་རིག་འཛིན་ཐོབ་བོ། །དེ་ནས་ཟ་ཧོར་གྱི་ཡུལ་མི་རྣམས་ཆོས་ལ་འཛུད་པའི་ཕྱིར། གྲོང་ཁྱེར་ན་མར་ལ་བསོད་སྙོམས་ལ་བྱོན་པས། རྒྱལ་པོ་དང་ཡུལ་མི་རྣམས་ཀྱིས་ཕྲག་དོག་བྱས་ཏེ། མཐའི་བན་དྷེ་འཁྱམས་པོ་ཞིག་གིས་སྔོན་ཡང་ངེད་ཀྱི་མི་བསད། བུད་མེད་ཐམས་ཅད་ལ་སྤྱད། དེ་ནས་རྒྱལ་པོའི་བུ་མོ་ཁྲིད་ནས་རྒྱལ་སྲིད་བསླད། ད་དུང་འདིས་ངེད་ལ་གནོད་པ་སྐྱེལ་བས་འདི་ལ་སྐྱོན་དབབ་དགོས་ཟེར་ནས། སྡིག་འདིས་ངེད་ལ་གནོད་པ་སྐྱེལ་བས་འདི་ལ་སྐྱོན་དབབ་དགོས་ཟེར་ནས། སྡིག་པའི་སྤྱི་ཁུར་བྱས་མེ་ལ་བསྲེག་དགོས་ཟེར་ཏེ། མི་རེས་ཙན་དན་ཁུར་པོ་རེ་དང་། ཏིལ་མར་བྲེ་རེ་བསྡུས་ཏེ་བསྲེགས་པས། གཞན་བསྲེགས་པ་ཀུན་ཞག་གསུམ་ནས་དུ་བ་ཆད་པ་ཡིན་པས། ཞག་དགུ་རུ་དུ་བ་མ་ཆད་པས་བལྟས་ཙ་ན། མེ་ལྕེ་ཐམས་ཅད་ཕྱི་རུ་འབར་ནས་རྒྱལ་པོའི་ཕོ་བྲང་ཐམས་ཅད་པས་བལྟས་ཙ་ན། མེ་ལྕེ་ཐམས་ཅད་ཕྱི་རུ་འབར་ནས་རྒྱལ་པོའི་ཕོ་བྲང་ཐམས་ཅད་ཀྱང་འཚིག་ལ་ཉེ། ཏིལ་མར་རྒྱ་མཚོར་འཁྱིལ་ནས། ནང་ཐམས་ཅད་པདྨར་འཚིག་ལ་ཉེ། ཏིལ་མར་རྒྱ་མཚོར་འཁྱིལ་ནས། ནང་ཐམས་ཅ་པདྨར་ཆགས་ཏེ། པདྨའི་སྡོང་པོ་ཆེན་པོ་ཞིག་གི་ཁ་ན་ཡབ་ཡུམ་གཉིས་སྐུ་གྲང་གྲང་བསིལ་བསིལ་ལྟར་འདུག་པས། རྒྱལ་པོ་ལ་སོགས་པ་ཡ་མཚན་སྐྱེས་ནས་བསྟོད་པ་ཕུལ་བ། སྐུ་ནི་མི་འགྱུར་རྡོ་རྗེའི་སྐུ། གསུང་ནི་མི་འགག་རྡོ། རྗེའི་གསུང་། །ཐུགས་ནི་མི་འགྱུར་རྡོ་རྗེའི་ཐུགས། །སྐུ་གསུང་ཐུགས་ལ་འཆི་མེད་རྡོ་རྗེ་ལྟར། །མཚོ་སྐྱེས་རྡོ་རྗེ་ཁྱེད་ལ་ཕྱག་འཚལ་ལོ། །བདག་ཅག་མ་རིག་རྨོངས་པས་མཐོལ་ལོ་བཤགས། །བདག་ཅག་ཡུལ་ཁམས་བདེ་ལ་འགོད་དུ་གསོལ། །ཞེས་གསོལ་བ་བཏབ་པས་གྲོང་ཁྱེར་གྱི་མེ་ཤི་སྟེ་སྔར་ལྟར་མཛེས་ལ་ཉམས་དགའ་བར་འགྱུར་རོ། །མཚན་ཡང་པདྨ་འབྱུང་གནས་དང་། པདྨ་སཾ་བྷ་བར་པདྨ་འབྱུང་གནས་བཏགས་ཏེ། ཟ་ཧོར་གྱི་རྒྱལ་ཁམས་ཆོས་ལ་བཙུད་དོ། །དེ་ནས་སློབ་དཔོན་གྱི་ཐུགས་དགོངས་ལ་ད་ནི་ཨུ་རྒྱན་གྱི་རྒྱལ་ཁམས་ཆོས་ལ་འཛུད་པར་དགོངས་ནས། ཨུ་རྒྱན་གྱི་ཡུལ་ན་ཕར་ཡབ་ཡུམ་གཉིས་ལ་བསོད་སྙོམས་སུ་བྱོན་པ་དང་། ཡུལ་པ་རྣམས་ཀྱིས་ངོ་ཤེས་ཏེ། འདིས་སྔོན་ཡང་ངེད་ཀྱི་བློན་པོའི་བུ་བསད། རྒྱལ་ཁྲིམས་ལ་གནོད་པ་བསྐྱལ། ད་ཡང་འདིས་གནོད་པོའི་བུ་བསད། རྒྱལ་ཁྲིམས་ལ་གནོད་པ་བསྐྱལ། ད་ཡང་འདིས་གནོད་པ་སྐྱེལ་བས། འདི་བསྲེག་དགོས་ཟེར་ཏེ་སྔར་གྱི་བུ་བསད་པའི་བློན་པོ་ལ་སོགས་པ་ཡུལ་པ་རྣམས་ཀྱིས་སྡིག་པའི་སྐྱི་ཁུར་བྱས་ནས་ཙན་དན་ཁུར་རེ་དང་ཏིལ་མར་བྲེ་རེ་བསྡུས་ནས་བསྲེགས་པས། སྔོན་ཆད་བསྲེགས་པ་ཞག་བདུན་ནས་དུ་བ་ཆད་པ་ལ། ཞག་ཉིས་ཤུ་རྩ་གཅིག་ཏུ་དུ་བ་མ་ཆད་ནས་རྒྱལ་པོས་ལྟོས་ཤིག་ཅེས་བསྐུལ་བས་སུས་ཀྱང་འཇིགས་ཏེ་བལྟ་མ་ནུས་ནས། སྔར་གྱི་ཡབ་རྒྱལ་པོ་དེ་ཉིད་ཐུགས་མ་ཆེས་ཏེ། གལ་ཏེ་སྤྲུལ་པའི་སྐུ་ཞིག་ཡིན་ནས་མ་འཚིག་གམ་སྙམ་ནས། འཁོར་དང་བཅས་པ་བལྟར་འོངས་པ་དང་། ཏིལ་མར་ཞིང་དོར་ཙམ་ཞིག་འཁྱིལ་བའི་དབུས་ན། སོལ་བའི་གུར་ཆེན་པོ་ཞིག་གི་ནང་ན། པདྨའི་སྡོང་པོ་ཞིག་གི་ཁ་ན་ཡབ་ཡུམ་གཉིས་ཆར་སྐུ་ཟིལ་པ་ཁྲིམ་མེ་བྱས་ནས་ སྔར་གྱི་འགྲོ་བ་རྣམས་ཐུགས་རྗེས་སྒྲོལ་བའི་བརྡར་ཐོད་པའི་འཕྲེང་བ་སྐུ་ལ་གསོལ་ནས་བཞུགས་པས། ཡབ་རྒྱལ་པོ་ལ་སོགས་པ་རྣམས་ངོ་མཚར་སྐྱེས་ཏེ་ཕྱག་བཙལ་སྐོར་བ་ལན་གསུམ་བྱས་བསྟོད་པ་ཕུལ་བ། དངོས་གྲུབ་མཆོག་བརྙེས་ཡ་མཚན་ཆེན་པོའི་སྐུ། སྐྱེ་འཆི་གཉིས་སྤངས་པདྨའི་ནང་ནས་འཁྲུངས། །འཁོར་བ་ཐུགས་རྗེས་སྒྲོལ་བའི་ཐོད་ཕྲེང་སྐུ་ལ་གསོལ། །སྤྲུལ་སྐུ་རྡོ་རྗེ་ཐོད་ཕྲེང་སྐུ་ལ་ཕྱག་འཚལ་བསྟོད། །ཞེས་རྒྱལ་པོས་ཞབས་སྤྱི་བོར་བླངས་ནས་མཆོད་གནས་སུ་ཞུས་པས། སློབ་དཔོན་གྱིས་གསུངས་པ། ཁམས་གསུམ་འཁོར་བར་སྐྱེས་པའི་སྡུག་བསྔལ་བཙོན་དོང་ཡིན། །ཆོས་སྐྱོང་རྒྱལ་པོར་སྐྱེས་ཀྱང་འདུ་འཛི་གཡེང་བའི་གནས། །རང་སེམས་སྐྱེ་མེད་ཆོས་སྐུར་མ་ཤེས་ན། །འཁོར་བའི་སྐྱེ་གནས་མི་ཆོད་རྒྱུན་མར་འཁོར། །རྒྱལ་པོ་ཆེན་པོ་སེམས་ཉིད་སྟོང་གསལ་ལྟོས། །ཕྱི་མར་རྫོགས་པའི་སངས་རྒྱས་ཐོབ་པར་འགྱུར། །ཞེས་གསུངས་པས་རྒྱལ་པོ་ཉིད་ཀྱིས་དུས་དེ་རང་སེམས་ཆོས་སྐུར་མཐོང་སྟེ་རྟོགས་གྲོལ་དུས་གཅིག་ཏུ་བྱུང་ནས། རྒྱལ་པོ་འཁོར་དང་བཅས་མི་སྐྱེ་བའི་ཆོས་ལ་བཟོད་པ་ཐོབ་བོ། །རྒྱལ་པོས་བསྟོད་པ་ཕུལ་བ། དངོས་གྲུབ་མཆོག་བརྙེས་ཡ་མཚན་ཆེན་པོའི་སྐུ། །རྟོགས་པ་བླ་མེད་པདྨ་རྒྱལ་པོའི་སྐུ། །དེ་བཞིན་གཤེགས་པའི་མན་ངག་གསང་ཆེན་རྣམས། །ཀློང་ནས་གྲོལ་མཛད་ཁྱོད་ལ་ཕྱག་འཚལ་ལོ། །ཞེས་བསྟོད་ནས། ཐོད་པའི་འཕྲེང་བ་སྐུ་ལ་གསོལ་བས་པདྨ་ཐོད་འཕྲེང་དུ་བཏགས། རྒྱལ་པོའི་སྲས་མཛད་པས་པདྨ་རྒྱལ་པོར་བཏཊ་སོ། །དེ་ནས་རྒྱལ་པོའི་མཆོད་གནས་ལོ་བཅུ་གསུམ་མཛད་ནས། ཨུ་རྒྱན་གྱི་རྒྱལ་ཁམས་ཆོས་ལ་བཀོད་དོ། །རྒྱལ་པོ་ཨིནྡྲ་བྷཱུ་ཏི་བཙུན་མོ་འཁོར་ དང་བཅས་པ་ཕྱག་རྒྱ་ཆེན་པོའི་རིག་འཛིན་ཐོབ་བོ། །དེ་ནས་ཡང་སློབ་དཔོན་གྱིས་མུ་སྟེགས་ཀྱི་བསྟན་པ་བསྣུབས་བའི་ཕྱིར། རྒྱ་གར་ཡུལ་དུ་བྱོན་ནས་མུ་སྟེགས་ཀྱི་སྟོན་པ་ལྔ་བརྒྱ་དང་བགྲོ་གླེང་བྱས་པས། མུ་སྟེགས་ཀྱིས་སློབ་དཔོན་མ་ཐུབ་པས་མུ་སྟེགས་ཐུལ་ནས། མུ་སྟེགས་པས་སློབ་དཔོན་ལ་མཐུ་བྱེད་པ་ལ། མཁའ་འགྲོ་མ་བདུད་འདུལ་མས་སློབ་དཔོན་ལ་བསེའི་སྒྲོམ་བུ་ཞིག་གཏད་ནས། བདུད་དང་མུ་སྟེགས་ཐུལ་ཅིག་པར་ལུང་བསྟན་པ་དང་། བསེའི་སྒྲོམ་བུ་ནས་སྲོག་སེར་ཐོགས་དང་བཅས་པའི་མཁའ་འགྲོ་མའི་ངན་སྔགས་ཞག་བདུན་མ་བྱུང་སྟེ། མུ་སྟེགས་ནགས་བསེབ་ན་སློབ་དཔོན་ལ་མཐུ་བྱེད་བའི་ནགས་ལ་ཐོགས་དབབ་སྟེ་མེས་འཚིག་ནས་མུ་སྟེགས་ཁ་བསྟབ་ནས། མ་ཤི་བ་རྣམས་ནང་པ་སངས་རྒྱས་པ་ལ་བཙུད་ནས། མཚན་ཡག་འཕཊ་པ་སེདྒེ་སྒྲ་སྒྲོག་ཏུ་བཏགས་སོ། །དེ་ནས་སློབ་དཔཡོནགཡི་ཐུགས་དགོངས་ལ། ཚེའི་རིག་འཛིན་གྲུབ་ཀྱང་ཕྱག་རྒྱ་ཆེན་པོའི་རིག་འཛིན་མ་གྲུབ་ན་ཕན་པ་མེད་པར་དགོངས་ནས། རྒྱ་གར་ཡུལ་གྱི་ཚུར་རོལ། བལ་པོ་ཡུལ་གྱི་ཕ་རོལ་ན། ཡང་ལེ་ཤོད་ཀྱི་བྲག་ཕུག་བྱ་བ་ན་མེ་ཏོག་དགུན་ཡང་མི་སྐམ་པ་བཀྲ་ཤིས་བྱིན་ཆེ་བའི་ས་དེར་བྱོན་ནས། སྒྲུབ་སྡེ་མོ་བལ་མོ་ཤཱཀྱ་དེ་བཱི་བྱ་བ་མཚན་དང་ལྡན་པ་ཞིག་ཁྲིད་ནས། དཔལ་ཡང་དག་སྒྲུབ་པ་མར་མེ་དགུ་པའི་དཀྱིལ་འཁོར་ཞལ་ཕྱེ་སྟེ་སྒྲུབ་པ་མཛད་པ་ལས། བར་གཅོད་རྣམ་པ་གསུམ་བྱུག་སྟེ། ཀླུ་རྒྱང་ཨོ། གནོད་སྦྱིན་རྒོད་ཁ་མ། ིད་དུར་བར་སྣང་ཁམས་ཀྱི་གློག་མ་སྤྲིན། དེ་གསུམ་གྱིས་བར་གཅོད་བྱས་ཏེ་ལོ་གསུམ་དུ་ཆར་ཐིགས་གཅིག་ཀྱང་མ་བྱུང་མ་ བབས་ཏེ་རྩི་ཤིང་དང་ལོ་ཐོག་མ་སྐྱེས་པས། རྒྱ་གར་དང་བལ་པོ་དང་བོད་ལ་སོགས་པ་ལ་མུ་གེ་དང་ཕྱུགས་ནད་དང་མི་ནད་ཐམས་ཅད་སྤྲིན་མཆེད་པ་ལྟར་བྱུང་ནས་མི་ཕྱུགས་མང་པོ་ཤི། དེར་སློབ་དཔོན་གྱི་ཐུགས་ལ་དའི་ཅིས་ཀྱག་མ་ལན་ཏེ་བདག་གིས་ཕྱག་རྒྱ་ཆེན་པོའི་དངོས་གྲུབ་སྒྲུབ་པ་ལ་མི་མ་ཡིན་པ་འདི་རྣམས་ཀྱིས་བར་གཅོད་བྱས་པར་དགོངས་ནས། བལ་པོ་ཇི་ལ་ཇི་ཚ་དང་བལ་པོ་ཀུ་ལ་ཀུན་ཞི་གཉསི་ལ་གསེར་ཕྱེ་བྲེ་གང་སྤྱན་གཟིགས་སུ་བསྐུར་ནས། རྒྱ་གར་ན་ཕར་སློན་དཔོན་པཎྜི་ཏ་རྣམས་ཀྱིས་སྤྱན་སྔར་བསྲིངས་པ། བདག་མ་ཧཱ་མུ་དྲྭ་མཆོག་གི་དངོས་གྲུབ་སྒྲུབ་པ་ལ་བར་གཅོད་རྣམ་པ་གསུམ་བྱུང་བས་བར་གཅོད་ཞི་བ་དང་འདུལ་བའི་ཆོས་ཤིག་རྫོང་བར་ཞུའོ། །ཞེས་སྤྱན་སྔར་བརྫངས་པས། རྒྱ་གར་གྱི་པཎྜི་ཏ་རྣམས་ན་རེ། རྒྱ་གར་གྱི་སློབ་དཔོན་པྲ་ཧ་ཏི་ལ་བར་གཅོད་འདུལ་བའི་རྡོར་ཕུར་པའི་ཆོས་ཞུས་ཤིས། གསུངས་ནས་སློབ་དཔོན་པྲ་ཧ་རི་ལ་ཞུས་པས། ཕུར་པ་བི་ཏོ་ཏ་མ་ལ་འབུམ་སྡེའི་ནང་ནས་དགྲ་བགེགས་འདུལ་བའི་ལས་ཁ་མི་ཁུར་གཉིས་བརྫངས་པས། ཡང་ལེ་ཤོད་ཀྱི་བྲག་ཕུག་ཏུ་སླེབས་པ་ཙམ་གྱིས་བར་གཅོད་རྣམ་པ་གསུམ་ཡང་ཞི། རྒྱ་མཚོ་ལས་རླངས་བྱུང་། ས་ལ་དྲོད་བྱུང་། བར་སྣང་ལ་སྤྲིན་གཏིབས། སྤྲིན་ལས་ཆར་བབས་ཏེ། རྩི་ཤིང་ལོ་ཐོག་དང་འབྲས་བུ་ཐམས་ཅད་དུས་གཅིག་ཏུ་སྔོ་ལམ་གྱིས་སྐྱེས་ཏེ། འབྲས་བུ་དུས་སུ་སྨིན་ནོ། །འབྲས་བུ་དེ་ཟོས་པས་མི་ནད་ཕྱུགས་ནད་ཆད། མུ་གེ་ཡང་སངས་ནས། རྒྱལ་ཁམས་ཐམས་ཅད་བདེ་སྐྱིད་དུ་གྱུར་ཏོ། །སློབ་དཔོན་པདྨས་དེའི་དུས་སུ་དཔལ་ཡང་དག་གི་ལྷ་ཚོགས་དང་། རྡོ་རྗེ་ཕུར་པའི་ལྷ་ ཚོགས་རྣམས་ཀྱི་ཞལ་གཟིགས་ཏེ། ཡང་དག་ནི་ཚོང་པ་དང་འདྲ། དངོས་གྲུབ་ཆེ་ལ་བར་གཅོད་མང་། བར་གཅོད་འདུལ་བ་ལ་དགོངས་ནས་ཧེ་རུ་ཀ་གལ་བོ་དང་། བི་ཏོ་ཏ་མ་ལ་ལ་བརྟེན་ནས། ཡང་ཀུར་སྦྲགས་མའི་སྒྲུབ་པ་མཛད་ནས་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་བོ། །དེའི་དུས་སུ་ནམ་གྱི་སྲོད་ལ་ཤོ་ནམ་མཆེད་བཞིས་སྲོག་སྙིང་ཕུལ་ཏེ། དམ་ལ་བཏགས། བསེའི་སྐྱེས་བུ་བཞི། དུང་གི་སྐྱེས་བུ་བཞི། ལྕགས་ཀྱི་སྐྱེས་བུ་བཞི། ཕོ་རྒྱུད་རྣམས་ཀྱིས་སྲོང་སྙིང་ཕུལ་ཏེ། དམ་ལ་བཏགས་ནས་རྡོ་རྗེ་ཕུར་པའི་བཀའ་སྲུང་དུ་བཞག་གོ །དེ་ནས་སློབ་དཔོན་པདྨས་སྐུ་ལྷའི་དཀྱིལ་འཁོར་གྱིས་དྲེགས་པ་ཅན་ཐམས་ཅད་ཟིལ་གྱིས་མནན། གསུང་སྔགས་ཀྱི་དཀྱིལ་འཁོར་གྱིས་དྲེགས་པ་ཅན་ཐམས་ཅད་དབང་དུ་བསྡུས། ཐུགས་ཆོས་ཉིད་ཀྱི་དཀྱིལ་འཁོར་གྱིས་ཆོས་ཉིད་སྤྲོས་པ་མེད་པས། རྣལ་རྟོག་དང་དུག་ལྔ་རང་བཞིན་དངོས་མེད་ཀྱི་ངང་ལས་ཕྱག་རྒྱ་ཆེན་པོའི་དགོངས་པ་ལས་མི་འགྱུར་བར་བཞུགས་སོ། །སློབ་དཔོན་པདྨ་བོད་དུ་སྤྱན་དྲངས་པའི་ཚུལ། དེ་ལྟ་བུའི་སློབ་དཔོན་པདྨ་སྤྱན་དྲངས་ཚུལ་ནི། གོང་དུ་མཁན་པོ་བོ་དྷི་སཏཱས་ལུང་བསྟན་པ་དེ་རྒྱལ་པོའི་མནལ་ལམ་དུ་བྱུང་པ་སྐད་བྱས་ནས་འབངས་རྣམས་དང་བཀའ་བགྲོས་ཏེ། སྦས་མང་པོ་རྗེ་སྣང་གསལ་སྣང་འང་ཟེར་དང་། སེང་མགོ་ལྷ་ལུང་གཉིས་ལ་བཀའ་བསྩལ་ནས་གཡོག་གསུམ་དང་བཅས་དཔོན་གཡོག་ལྔ་ལ་གསེར་ཕྱེ་བྲེ་གང་། བར་གྱི་ལམ་རྒྱགས་དང་བཅས་པ་བརྫངས་ནས་སྤྱན་དྲངས་ཀྱང་ཟེར། ལུགས་གཅིག་ ཏུ་ཤུད་བུ་དཔལ་གྱི་སེདྒེ། སྣ་ནམ་རྡོ་རྗེ་བདུད་འཇོམས། མཆིམས་ཤཱཀྱ་པྲ་བྷ་བ་དང་གསུམ། སྣུབས་ནམ་མཁའི་སྙིང་པོ་དང་བཞིས་བང་ཆེན་ལ་ཕྱིན་ནས་སྤྱན་དྲངས་ཀྱང་ཟེར། དེར་སྤྱན་འདྲེན་པ་རྣམས་ལམ་དུ་ཚུད་པ་དང་སློབ་དཔོནགཡི་སྤྱན་ལམ་དུ་སྲུང་མ་རྣམས་ཀྱིས་བསྐུལ་ནས། བོད་ཡུལ་ཧས་པོ་རིའི་རྩེར་བོད་ཀྱི་ལྷ་བཙན་པོས་གཙུག་ལག་ཁང་བཞེངས་སུ་གསོལ་བས། སློབ་དཔོན་ཆེན་པོའི་སྤྱན་སྔར་བང་ཆེན་པོ་འོངས་པ་འདི་རྣམས་ཐང་ཆད་ལ་ཉོན་མོངས་པས་སློབ་དཔོན་མང་ཡུལ་གུང་ཐང་ཙམ་དུ་གཤེགས་པར་ཞུའོ། །ཞེས་སྲུང་མ་རྣམས་ཀྱིས་བསྐུལ་ནས་དེར་སློབ་དཔོན་གྱིས་རྫུ་འཕྲུལ་གྱིས་ནམ་མཁའ་ལ་བྱོན་ནས་མང་ཡུལ་གུང་ཐང་དུ་ཟླ་བ་གསུམ་བཞུགས་པ་དང་། བང་ཆེན་པ་རྣམས་དང་མཇལ་ནས་སློབ་དཔོན་གྱིས་མཁྱེན་བཞིན་དུ་ཁྱེད་སུ་ཡིན། གར་འགྲོ་དྲིས་པས་བང་ཆེན་རྣམས་ཀྱིས་ལྷ་སརས་ཁྲི་སྲོང་ལྡེ་བཙན་གྱིས་སློབ་དཔོན་པདྨ་སྤྱན་འདྲེན་དུ་བཏང་བ་ལགས་སོ། །ཁྱེད་ལགས་སམ་ཞུས་པས། འོ་ང་ནི་ཟླ་བ་གསུམ་གྱི་གོང་ནས་སྲུང་མ་རྣམས་ཀྱིས་བསྐུལ་དུ་བྱུང་ནས། ཁྱོད་བང་ཆེན་པ་རྣམས་ཉོན་མོངས་ཀྱིས་དོགས་འདིར་བསྡད་པ་ཡིན། ཟླ་བ་གསུམ་འདིར་བསྡད། ཁྱོད་རང་འགོར། ད་ང་ལ་སྐུ་ཡོན་ཅི་ཡོད་ཕུལ་ཅིག་གསུངས་པར་ཕྱག་བྱས་ཏེ་གསེར་ཕྱེ་བྲེ་གང་ཕུལ་བས། ད་ཅི་ཡོད་ཕུལ་ཅིག་གསུངས་པ་དང་། རྒྱ་པོས་དེ་ལས་མ་བསྐུར། ངེད་བང་ཆེན་རྣམས་ཀྱི་ལུས་ངག་ཡིད་གསུམ་བྲན་དུ་འབུལ་ཞེས་ཕྱག་བཙལ། སློབ་དཔོན་གྱི་ཞབས་སྤྱི་བོར་བླངས། སྐོར་བ་བྱས་པས་སློབ་དཔོན་མཉེས་ཏེ། ངས་བོད་ཀྱི་དད་པ་ལ་རྒྱུས་སྒོ་དང་འགྱུར་ལྡོག་ཡོད་ མེད་བལྟས་པ་ཡིན། ང་ལ་སྣང་བ་ཐམས་ཅད་གསེར་དུ་ཡོད་གསུངས། ཕྱག་གཡས་པ་གུང་ཐང་གི་གཡས་ཕྱོགས་ས་བརྐྱངས་པས་གཡས་ཕྱོགས་ཀྱི་རི་ཐམས་ཅད་གསེར་དུ་གྱུར། གཡོན་བ་ནུབ་ཕྱོགས་སུ་བརྐྱངས་པས་ས་རྡོ་ཐམས་ཅད་གཟི་མཆོང་དང་གསེར་གཡུར་གྱུར། བང་ཆེན་པོ་ཀུན་ལ་ཡང་བྱིན། ངའི་རྫུ་འཕྲུལ་དང་ནུས་མཐུ་འདི་ལྟར་ཡོད། ཁྱེད་རང་རྣམས་ང་ལ་ཡིད་ཆེས་པར་གྱིས་གསུངས། གསེར་གྱིས་བདག་ལ་དགོས་པ་མེད། འོན་ཀྱང་མངའ་བདག་གི་དགོངས་པ་བསྒྲུབ་ཅིང་བསོད་ནམས་ཐོབ་པར་བྱ་བའི་ཕྱིར་དེ་རེ་ཞིག་བླང་གི གསུངས་ནས་མང་ཡུལ་དང་བལ་ཡུལ་གྱི་ཕྱོཊ་སུ་གཏོར་ནས་བཏང་སྟེ། དུས་ཕྱི་མ་ལ་བོད་ཀྱི་གསེར་ཐམས་ཅད་མང་ཡུལ་དང་བལ་ཡུལ་དུ་འབོལ་བར་འོང་ངོ་གསུངས། བང་ཆེན་པ་རྣམས་ལ་བྱིན་པི་གསེར་གཡུ་ལྕུག་ཡིན་ནམ་སྙམ་ནས་སོ་སོར་ཕག་ཏུ་ཁ་ཕྱེ་ནས་བལྟས་ཙ་ན་བདེན་པར་སྣང་ངོ་། །ཡིད་རང་སར་ཆེས་སོ། །དེ་ནས་སློབ་དཔོན་པདྨ་དང་གཡོག་པོ་ཚོས་མར་བྱོན་ཏེ། མང་ཡུལ་དོན་མཁར་བྱ་བར་བྱོན་པ་དང་། རི་ཆེན་པོ་གཉིས་སུ་བརྫུས་ཏེ་དབོན་གཡོག་ཚོ་བཅར་བར་བྱས་པས། སློབ་དཔོན་གྱིས་བྲག་ལ་ཕྱག་མཁར་བཙུགས་ནས་བྲག་ལམ་བཏོད་དེ་བྲག་གི་ཁ་ན་ཡར་བྱོན་པས། མོ་རང་དངངས་ཤིང་བྲེད་པར་གྱུར་ཏེ་སྲོག་སྙིང་ཕུལ་ནས་སྲུང་མར་ཁས་བླངས་སོ། །གསང་མཚན་ཡག་གངས་ཀྱི་ཡུལ་ཆེན་རྡོ་རྗེ་གཡུ་བུན་པར་བཏགས་སོ། །དེ་ནས་བྱང་གནམ་ཐང་ན་མར་བྱོན་ཙ་ན། གནམ་ལྷ་དཀར་མོས་ སློབ་དཔོན་ལ་ཐོག་དབབ་པར་བྱས་པས། སློབ་དཔོན་གྱིས་ཕྱག་གཡོན་པའི་མཐིལ་དུ་ཆུ་མེ་ལོང་གང་ཙམ་ཞིག་བཞག་པ་དང་། དེར་སོང་ཟེར་སོང་ཙམ་ན། ཐོག་ཁྲག་སྐམ་སྲན་མའི་རྡོག་པོ་ཙམ་བདུན་དུ་སོང་ནས་འདུག དེ་ནས་མོ་ཡང་ཡ་མཚན་སྐྱེས་ཤིང་བྲེད་ནས་མོ་དཔལ་མོ་དཔལ་མཚོར་བྲོས་སོ། །སློབ་དཔོན་གྱིས་མཚོ་མེ་ཕུང་དུ་བསྒོམས་པས་མཚོ་ལྷོགས་ཀྱིས་འཁོལ་བ་དང་། མོ་ཤ་རུས་བྱེ་སྟེ་བྲོས་པ་ལ་སློབ་དཔོན་གྱིས་རྡོ་རྗེ་གཅིག་བརྒྱབ་སྟེ་མིག་གཡས་པ་བཅར་བས་མོ་བྲེད་དེ། སྟོན་པའི་ཞལ་སྐྱིན་རྡོ་རྗེ་ཐོད་འཕྲེང་སྩལ། བར་ཆད་མི་བགྱིད་དགོངས་པ་གློད་པར་འཚལ། ཞེས་ཟེར་ཏེ་སྲོག་སྙིང་ཕུལ་ནས་དམ་ལ་བཏགས། མིང་ཡང་ཤ་མེད་གངས་དཀར་རྡོ་རྗེ་སྤྱན་གཅིག་མར་བཏགས་སོ། །དེ་ནས་འུ་ཡུག་ན་མར་བྱོན་ཙ་ན་བསྟན་མ་རྣམས་ཀྱིས་རི་བར་དུ་བཅར་རབ་བརྩམས་པ་ལས། སློབ་དཔོན་གྱིས་རི་ཐམས་ཅད་ཕྱག་འཁར་གྱིས་བོར། གཡའ་རི་དང་གངས་རི་ཐམས་ཅད་བཤིག་བསྟན་མ་བཅུ་གཉིས། སྐྱོང་མ་བཅུ་གཉིས། ཡ་མ་བཅུ་གཉིས་རྣམས་ཀྱིས་སྲོག་སྙིང་ཕུལ་ནས་དམ་ལ་བཏགས་སོ། །དེ་ནས་ལྕེ་ཕུ་ཤ་བུད་ལུང་དུ་བྱོན་ཙ་ན། ཡར་ལྷ་ཤམ་བུས་བདེ་འབྱུང་གཡག་དཀར་པོ་རི་ལོགས་ཙམ་ཞིག་ཏུ་སྤྲུལ་ནས་ཉམས་བླངས། ཁ་སྣའི་རླངས་ལས་ན་བུན་དང་སྤྲིན་དུ་བྱས། ཁ་ཆུ་དང་སྣ་ཆུ་ལས་ཁ་བ་བུ་ཡུག་ཏུ་འཚུབས་པ་དང་། སློབ་དཔོན་གྱིས་ལྕགས་ཀྱུའི་ཕྱག་རྒྱས་སྣ་ནས་བཟུང་། ཞགས་པའི་ཕྱག་རྒྱས་སྐེ་ནས་བཏགས། ལྕགས་སྒྲོག་གི་ཕྱག་རྒྱས་རྐང་བཞི་སྒྲོག་དུ་བཅུག །དྲིལ་བུའི་ཕྱག་རྒྱས་རྡུང་གཏག་ བཏང་བས། ཁྱེའུ་དར་དཀར་གྱི་རས་ཁ་ཅན་གཅིག་ཏུ་སོང་ནས་སྲོག་སྙིང་ཕུལ་ནས་དམ་ལ་བཏགས་སོ། །དེ་ནས་སྐུ་ལྷ་ཐང་ལྷའི་རྩར་བྱོན་པ་དང་། དེས་སློབ་དཔོན་ལ་ཉམས་སད་པའི་ཕྱིར་གནོད་སྦྱིན་ཆེན་པོ་ཞིག་ཏུ་སྤྲུལ་ནས། སློན་དཔོན་དཔོན་གཡོག་ཟ་བའི་ཚུལ་དུ་བྱུང་བ་ལ། སློབ་དཔོན་གྱིས་སྡིགས་བཛུབ་ཅིག་མཛད་པས། བྱིས་པ་གཡུའི་ཟུར་ཕུད་ཅན་ཞིག་ཏུ་སོང་བས། འོ་འདི་ཀླུའི་རྒྱལ་པོ་མེ་ཏོག་ཐོད་དཀར་ཞེས་ཀྱང་བྱ། དྲི་ཟའི་རྒྱལ་པོ་ཟུར་ཕུད་ལྔ་པ་ཞེས་ཀྱང་བྱ། གཉན་ཐང་ལྷ་ཞེས་ཀྱང་བྱ་བ་དེ་ཡིན། ངས་འདི་ལ་གྲོ་ཞིག་བླུང་གི་གསུངས་ནས་གཤེགས་པས། ཕྱི་དྲོ་གྲོ་འཁོར་ཙ་ན་ན་བཟའི་ཕུ་ཐང་གསེབ་ནས་གཤེགས་པས། ཕྱི་དྲོ་གྲོ་འཁོར་ཙ་ན་བཟའི་ཕུ་ཐུང་གསེབ་ནས་ཅི་ཡག་མི་བྲོ་བའི་ཁུར་བ་ལན་ལེབ་དང་། ཞལ་ཟས་སྣ་ཚོགས་པ་བསྣམས་ནས་བྱོན་ཏེ་མངའ་འོག་ཏུ་བསྡུས་སོ། །དེ་ནས་བྱག་འཕན་ཡུལ་དུ་བྱོན་ཙ་ན། བྱང་གི་ཏིང་ལོ་སྨན་དང་། སྟག་སྨན་ཁྱི་གདོང་དང་། བྱང་ཕུག་པ་རྣམས་ཀྱིས་བྱང་ཐུན་གསུམ་གྱི་ལྷགས་པ་གཅིག་ཏུ་བསྡུས་ཏེ། སློབ་དཔོན་འཁོར་བཅས་པ་ལ་བརྒྱབ་པས། འཁོར་རྣམས་ཀྱང་བྲེད་ལ་ཁད། སློབ་དཔོན་རང་ཡང་སྐུ་བག་བསེར་ཙམ་ཞིག་མཛད་ནས། སློབ་དཔོན་གྱིས་གངས་རིའི་གནོད་སྦྱིན་ཕོ་མོའི་རྟེན་ཐམས་ཅད་མེ་ཕུང་དུ་བསྒོམས་པས། མར་ལ་ལྕགས་ཚན་ཕོག་པ་ལྟར་ལྷན་གྱིས་བཞུ་ནས་བོད་ཀྱི་གནོད་སྦྱིན་ཕོ་མོ་ཐམས་ཅད་ཀྱིས་སྲོག་སྙིང་ཕུལ་ནས་དམ་ལ་བཏགས་སོ། །དེ་ནས་སྟོད་ལུང་བུ་བ་ཚལ་དུ་བྱོན་ཁ་ལ་བྲག་རིངས་སུ་གུང་གཅིག་བཞུགས་ནས་བཙན་ཐམས་ཅད་དམ་ལ་བཏགས། དེ་ནས་ས་ཟམ་ ཕུག་ཏུ་བཞུགས་ཏེ། །བདུད་ཐམས་ཅད་དམ་ལ་བཏགས་སོ། །དེ་ནས་གཡའ་རི་གོང་དུ་བཞུགས་ནས་རྒྱལ་པོ་དང་འགོང་པོ་ཐམས་ཅད་དམ་བཏགས་སོ། །དེ་ནས་ཧས་པོ་རིར་བྱོན་ནས་བོད་ཀྱི་མངའ་བདག་བཙན་པོ་ཁྲི་སྲོང་ལྡེ་བཙན་གྱིས་བསུ་བ་མཛད་ནས། རྒྱལ་པོའི་ཐུགས་ལ་ང་མགོ་ནག་ཐམས་ཅད་ཀྱི་རྗེ་ཡིན་པས། སློབ་དཔོན་ང་ལ་ཕྱག་བྱེད་དུ་འོང་སྙམ། སློབ་དཔོན་གྱི་ཐུགས་དགོངས་ལ་ང་གྲུབ་པ་ཐོབ་པའི་རྣལ་འབྱོར་པ་སློབ་དཔོན་དུ་སྤྱན་དྲངས་པ་ཡིན་པས། ང་ལ་ཕྱག་བྱེད་དུ་འོང་སྙམ་ནས། ཕྱག་ལ་མ་འདུམ་པས། སློབ་དཔོན་གྱིས་དེའི་དུས་སུ་ང་ཆེ་ང་བཙན་གྱི་མགུར་དེ་གསུངས་སོ། །ཨེ་མ་ཁམས་གསུམ་སེམས་ཅན་འཆི་ལ་རྟག་རྣལ་འབྱོར་ཚེ་ཡི་རིག་འཛིན་གྲུབ། །འཆི་བདག་བདུད་ཀྱིས་ཉམ་མི་ང་། །ང་འཆི་མེད་པདྨ་འབྱུང་གནས་ཡིན། །རྡོ་རྗེ་ཚེ་སྒྲུབ་གྱི་གདམས་ངག་ཡོད། །སྐྱེ་འཆི་མེད་པའི་སྐུ་ཐོབ་པས། །ལྷ་སྲིན་སྡེ་བརྒྱ་འབངས་སུ་འཁོལ། །ང་རྒྱལ་པོ་པདྨ་འབྱུང་གནས་ཡིན། །ཁམས་གསུམ་དབང་སྡུད་ཀྱི་གདམས་ངག་ཡོད། །སྣང་སྲིད་འཁོར་འདས་ཀྱི་དཔེ་བ་ལ། །དྲང་དོན་ངེས་དོན་གྱི་བཤད་པ་བྱེད། །ང་དགེ་བཤེས་པདྨ་འབྱུང་ནས་ཡིན། །འཁོར་འདས་ཤན་འབྱེད་ཀྱི་གདམས་ངག་ཡོད། །སེམས་ཉིད་ཤོག་བུ་རྣལ་མ་ལ། །ཚིག་དང་བྲལ་བའི་ཡེ་གེ་བྲིས། །ང་ཡིག་མཁན་པདྨ་འབྱུང་གནས་ཡིན། །ཆོས་ཡི་གེ་མེད་པའི་གདམས་ངག་བདོག །འདི་ལྟར་སྣང་བའི་གྱང་ལོགས་ལ། གཉིས་སུ་མེད་པའི་རི་མོ་བྲིས། །ང་ལྷ་བཟོ་པདྨ་འབྱུང་གནས་ཡིན། །སྣང་སྟོང་འོད་གསལ་གྱི་གདམས་ངག་ བདོག །མི་དུག་ལྔའི་ནད་ཀྱིས་ཉེན་པ་ལ། །ཟད་མེད་སྨན་གྱིས་གསོ་བར་བྱེད། །ང་སྨན་པ་པདྨ་འབྱུང་གནས་ཡིན། །བདུད་རྩི་འཆི་གསོས་ཀྱི་གདམས་ངག་བདོག །མི་དད་པ་ཆེ་བའི་འདུན་མ་བྱས། །མི་ཚེ་ཕྱི་མའི་བདེ་སྐྱིད་བྱས། །ང་གཙོ་བོ་པདྨ་འབྱུང་གནས་ཡིན། །འཁོར་པ་རྩད་གཅོད་ཀྱི་གདམས་ངག་བདོག །ང་ཤེས་རབ་སྙིང་རྗེའི་མཚོན་ཐོགས་ནས། །རྣམ་རྟོག་ལོག་པའི་དགྲ་བོ་འདུལ། །ང་དཔའ་བོ་པདྨ་འབྱུང་གནས་ཡིན། །འཁོར་བ་རུ་བཟློག་གི་གདམས་ངག་ཡོད། །དུག་ལྔ་གདོན་ལྔ་དགྲར་ལངས་པ། །ཡེ་ཤེ་ལྔ་ཡི་ཁོངས་སུ་བྲུབས། །ང་མཐུ་ཆེན་པདྨ་འབྱུང་གནས་ཡིན། །དུག་ལྔ་རྩད་གཅོད་ཀྱི་གདམས་ངག་ཡོད། །ཁྱེད་གདོང་དམར་སྲིན་བོད་ཀྱི་རྗེ། །འཇིག་རྟེན་གྲགས་པའི་ཁེངས་སེམས་ཅན། །ང་རྒྱལ་འཁོར་བར་སྐྱེ་བའི་རྒྱུ། །ཉོན་མོངས་དུག་ལྔའི་རྒྱན་གྱིས་བརྒྱན། །བོད་ཀྱི་མངའ་བདག་མ་ལགས་སམ། །ཁྱེད་མངའ་ཐང་ཆེ་བར་གློ་བ་དགའ། །ང་རྒྱལ་པོ་ཉིད་ལ་ཕྱུག་མི་འཚལ། །རྒྱལ་པོའི་ན་བཟའ་བཞེས་ཕྱག་འཚོལ། །ཞེས་ང་ཆེ་ང་བཙན་གྱི་མགུར་གསུངས་ནས་ཕྱག་ཐལ་མོ་ཡ་གཅིག་དེང་མཛད་པས། རྒྱལ་པོའི་ན་བཟའ་ཕྱགི་་འོད་ཟེར་གྱི་རྡུལ་གྱིས་འཚིག་ནས། དེར་རྒྱལ་བློན་རྣམས་བྲེད་དེ། །རྒྱལ་པོས་ཕྱག་ཡས་ཀྱིས་བཙལ་ལོ། །དེ་ནས་སློབ་དཔོན་ཕོ་བྲང་དུ་སྤྱན་དྲངས་ནས་གསེར་གྱི་ཁྲི་ལ་བཞུགས་ཏེ། ཞལ་སྐྱེམས་དང་། བཤོས་དང་། འཇིག་རྟེན་གྱི་སྤྱུན་གཟིགས་སྣ་ཚོགས་དྲངས། ཟ་འོག་སྨུག་བེར་སྐུ་ལ་གསོལ། རྒྱལ་པོས་ཕྱག་རྟེན་དང་བཅས་ནས་ཞུས་པ། ཨེ་མ་ན་མོ་གུ་རུ་རྗེ། །བདག་ནི་སྲིན་པོ་གདོང་ དམར་རྗེ། །བོད་ཀྱི་མི་ནི་འདུལ་བར་དཀའ། །དམ་པ་ཆོས་ཀྱི་རྟེན་ཞིག་འཛུགས། །སློབ་དཔོན་སྤྲུལ་པའི་སྐུ་བཞུགས་པས། །ས་གཞི་གྱི་ནས། བོད་ཀྱི་མངའ་བདག་རྒྱལ་པོ་ལགས། བོད་གནོད་སྦྱིན་ཕོ་མོའི་འདྲེད་ཡུལ་དུ་འདུག་པས། ལམ་ཁར་ཡང་གནོད་སྦྱིན་ཕོ་མོ་མང་པོ་དམ་ལ་བཏགས། ཡུལ་ཕ་གི་ན་བོད་ཐམས་ལ་དབང་བྱེད་པའི་ཀླུའི་རྒྱལ་པོ་ཞིག་འདུག་བས། དེ་ལ་ཀླུ་གཏེར་འཇུག་དགོས་པར་འདུག་གསུངས་ནས། མལ་གྲོའི་མཚོ་ཁར་བྱོན་ནས་འཁོར་བ་དོང་སྤྲུགས་ཀྱི་ཆོ་ག་མཛད། དཔལ་ངན་སོང་སྦྱོང་བའི་དཀྱིལ་འཁོར་བཞེངས་ནས། མངའ་བདག་རྗེ་འབངས་ཐམས་ཅད་སྒྲིབ་པ་སྦྱོང་པའི་ཆོ་ག་མཛད། དེ་ནས་མཚོ་ཁད་དེར་བྱོན་ནམ་ཆབ་གཏོར་གཟི་ཡི་ཡུ་བུ་གང་ལ་ཏིང་ངེ་འཛིན་གྱིས་རྒྱ་སྐྱེད་ནས། སློབ་དཔོན་གྱིས་ལཧ་འདྲེ་ཟིལ་གནོན་གྱི་མགུར་གསུངས་པ་ནི་ཧཱུཾ། ང་ནི་སློབ་དཔོན་པདྨ་བྱུང་གནས་ཏེ། །མངལ་གྱིས་མ་གོས་མཚོ་སྐྱེས་རྡོ་རྗེ་ཡིན། གནོད་པས་མི་ཚུགས་ཚེ་རིག་འཛིན་གྲུབ། ལུས་ངག་ཡིད་གསུམ་ལྷ་རུ་གསལ་བས་ན། །སྡེ་བརྒྱད་དྲེགས་པ་མ་ལུས་ཟིལ་གྱིས་གནོན། །རྟོག་འཛིན་ཆོད་པས་འཇིགས་པས་བསྡིགས་རྒྱུ་མེད། །ནམ་མཁའ་ཡང་པའི་དཀྱིལ་འཁོར་དུ། །འབྱུང་ཆེན་བཞི་པོ་ཤོམ་ཡང་ཤོམ། །ཤོམ་ཡང་ཤོམ་ཏེ་ཡངས་ཀྱང་ཡངས། །སེམས་ཉིད་སྟོང་པའི་དཀྱིལ་འཁོར་དུ། །ལྷ་སྲིན་སྡེ་བརྒྱད་ཤོམ་ཡང་ཤོག །ཤོམ་ཡང་ཤོམ་ཏེ་ཡངས་ཀྱང་ཡངས། །སེམས་ཉིད་སྟོང་པ་པ་དམིགས་མེད་ལ། །ལྷ་ཡང་མེད་དེ་འདྲེ་ཡང་མེད། །ང་ལ་ཆོ་འཕྲུལ་ཅི་བསྟན་ཀྱང་། །ང་ལ་གཡོ་ རྡུལ་ཙམ་མེད། །མཆོད་སྦྱིན་གཏོར་མ་ཆེན་པོ་འདི། །མང་པོར་ཏིང་ངེ་འཛིན་གྱིས་བསྐྱེད། །སོ་སོར་ཐོབ་པ་སྔགས་ཀྱི་བྱས། །ཕྱག་རྒྱས་འཐབ་རྩོད་ཕམ་རྒྱལ་མེད། །ཚིགས་བཅད་བདེན་པས་བཀྲོལ་ཏེ་བསྔོ། །འདི་བཞེས་ས་གཞི་གནང་བ་བྱིན། །ཁྲི་སྲོང་ལྡེ་བཙན་བསམ་པ་སྒྲུབས། །ལྷ་ཁང་རྩིགས་ཤིག་ལྷ་འདྲེ་རྣམས། །སྔགས་འཆང་ང་ཡི་བཀའ་མ་གཅོག་གུམ་གུམ་ཆུམ་ཆུམ་ལས་ལ་འདུས། །ཞེས་གསུངས་པས་ལྟ་འདྲེ་ཐམས་ཅད་ཆབ་གཏོར་དེ་ལ་བཀའ་འོག་ཏུ་འདུས་པས་རྨ་ཆེན་སྤོམ་ར་ཁོ་འོང་དུ་མ་འདོད་དེ། སློབ་དཔོན་གྱིས་ལྕགས་ཀྱུའི་ཕྱག་རྒྱས་སྙིང་ཁ་ནས་བཟུང་སྟེ་བཀུག་པས། རྐང་པ་ཡ་གཅིག་ཁམས་ཀྱི་གཡར་མོ་ཐང་དུ་བཞག་ཡ་གཅིག་ཧས་པོ་རི་ལ་བཞག་ནས། བདག་ནི་གཡར་ཁམས་ཆེ་བ་གཅིག་ལགས་ན། བན་ཆུང་ཁྱེད་ཀྱང་བཀའ་ནན་ཆེ་བ་གཅིག་གིས་མི་འོང་དུ་བཏུབ་པས། འདིར་མཆིས་ན་བཀའ་ཅི་སྩོལ་ཞེས་བགྱིས་པ་དང་། སློབ་དཔོན་གྱིས་མཆོད་སྦྱིན་འདི་ཁྱེར་ལ་མངའ་བདག་གི་དགོངས་པ་སྒྲུབས་ཤིག་ཅེས་གསུངས་པས་ཁོ་ན་རེ། བཀའ་བསྩལ་བ་བཞིན་བགྱིད་ན། བདག་སྣ་གཏོར་ཞིག་ཆེ། སྐམ་ཆས་ཤིག་ལ་དགའ་བས། ཟན་བྲུལ་གྱི་འོག་ཏུ་ཆུ་བླུགས་པའི་གཏོར་མ་འདི་མི་འཚལ་བས་སྐམ་ཆས་ཤིག་གསོལ་ཅིག་སྐད་ནས། སྔོན་ཆ་དཀར་མོ་ཞིག་གི་ནང་དུ་རིན་པོ་ཆེ་ཞིག་བདར་ནས་བྱིན་གྱིས་བརླབས་ཏེ། བསྩལ་ནས་དམ་ལ་བཏགས་སོ། །བསམ་ཡས་བཞེངས་ཚུལ། དེ་ནས་ཐོག་མར་རྗེ་འབངས་ཉིས་ཤུས་རྩ་ལྔ་རྡོ་རྗེ་ཕུར་པའི་དཀྱིས་ འཁོར་དུ་བཅུག་ཅིང་དབང་བསྐུར། དེའི་དུས་སུ་དགེ་བསྙེན་ཉིས་ཤུ་རྩ་གཅིག་དང་། གཡའ་རི་མོ་དང་གངས་རི་མོ་ཉིས་ཤུ་རྩ་གཅིག་དང་། བསྟན་མ་བཅུ་གཉིས། བོད་ཀྱི་གནོད་སྦྱིན་མཐུ་བོ་ཆེ་རྣམས་དམ་ལ་བཏགས། གཟའ་ཆེན་པོ་བརྒྱད། རྒྱུ་སྐར་ཉིས་ཤུ་རྩ་བརྒྱད་དམ་ལ་བཏགས་ཏེ་མངའ་འོག་ཏུ་བསྡུས། རི་རྡོ་རི་ལ་བཞག་ཀླུངས་རྡོ་ཀླུངས་སུ་བཞག་ནས་དབུ་རྩེ་ཆེན་མོའི་རྨིང་བཏིང་སྟེ་བརྩིགས་པས། ཉིན་མོ་མིས་བརྩིགས་པ་བས། ནུབ་མོ་ལྷ་འདྲེས་བརྩིགས་པ་མཐོ་བར་བྱུང་སྟེ། སློབ་དཔོན་གྱི་ཐུགས་དགོངས་ལ་ངས་ལྷ་མ་སྲིན་སྡེ་བརྒྱད་ཐམས་ཅད་དམ་ལ་ཐོགས་སམ་མ་ཐོགས་སྙམ་ནས། དགོངས་པ་ལ་བཞུགས་ནས་གཟིཊ་པས། ལྷ་མ་སྲིན་གཞན་ཐམས་ཅད་ཀྱི་ལུས་ངག་ཡིད་གསུམ་ཐམས་ཅད་དམ་ལ་ཐོགས་ནས་འདུག་པས། ཀླུ་འདིའི་ལུས་དམ་ལ་ཐོགས་ནས་བསམ་ཡས་བརྩིགས་པ་ལ་སོགས་འི་ལས་བྱེད། ངག་དམ་ལ་ཐོགས་ནས་བཀའ་ཉན་ཟེར་ཞིང་འདུག་ཡིད་མ་མ་ཐོགས་པར་གནོད་པ་སྣ་ཚོཊ་སྐྱེལ་བཞིན་འདུག་པས། སློབ་དཔོན་ཀླུ་འདུལ་བའི་ཏིང་ངེ་འཛིན་ལ་བཞུགས་པ་ལ། རྩིག་བཟོ་མཁན་པོ་ཧ་ཤང་མ་ཧའ་ཡ་ན་དང་། ཧོར་གཡག་ཊ་ཀ་ར་མ་ལ་སོགས་པས་རྩིག་བཟོ་ཟིན་ནས། ཤིང་བཟོ་མཁན་པོ་རྒྱ་ནག་ལར་མཚོ་ཧེ་དང་། བལ་པོ་བྷ་སུ་ལ་སོགས་པ་སྟེའུ་ཀླད་ལ་བསྐོར་ཞིང་། རྒྱལ་པོའི་ཤིང་གང་ན་ཡོད་ཤིང་ལག་ཐོགས་སོ་བྱས་པས། རྒྱལ་པོ་དངངས་ཏེ་ཤིང་འདི་ཙམ་ཞིག་གང་ནས་བཙལ་སྙམ་པ་ཐུགས་ལ་བྱུང་བ་དང་། ཟུར་ཕུད་རྐྱང་དབུ་ཚལ་གྱི་ཀླུས་བར་གཅོད་བྱས་ཏེ། མི་དཀར་རྟ་དཀར་ཅན་ཞིག་གི་ཆས་སུ་བྱས་ནས་རྒྱལ་པོའི་དྲུང་དུ་འོངས་ཏེ། རྗེ་ལཊ། བསམ་ཡས་ཀྱི་ཤིང་དགོས་ཚད་ངས་སྦྱིན་གྱི། སློབ་དཔོན་པདྨ་ལ་དགོངས་པ་འགྲོལ་བར་ཞུ་ཟེར་ནས། མངའ་བདག་གི་ཐུགས་ལ་དངོས་གྲུབ་ཡིན་བར་དགོངས་ནས་ཞལ་གྱིས་བཞེས་ཏེ། རྒྱལ་པོས་སློབ་དཔོན་དགོངས་པ་འགྲོལ་དུ་མི་འཇུག་རེ་མནའ་སྐྱོལ་ཟེར་ནས། རྒྱལ་པོས་མནའ་བསྐྱལ། མཆིམས་ཕུའི་གྲེ་གུ་དགེ་འུར་རྒྱལ་པོས་སློབ་དཔོན་གྱི་སྤྱན་སྔར་བྱོན་ནས། སློབ་དཔོན་ལ་དགོངས་པ་འགྲོལ་བར་ཞུ་བྱས་པས་མ་གནང་། སླར་ཡང་སློབ་དཔོན་དགོངས་པ་འགྲོལ་བར་ཞུ། དངོས་གྲུབ་ཆེན་པོ་བདོག་བྱས་པས། སློབད་པོན་གྱིས་དགོངས་པ་བཀྲོལ་བས། རྒྱལ་པོས་གོང་གི་བཀའ་མཆིད་གླེང་བས། སློབད་དཔོན་གྱི་ཞལ་ནས་རྗེ་ལགས་གཙུག་ལག་ཁང་གི་ཤིང་རང་བཞིན་གྱིས་འོང་སྟེ། བདག་གིས་ཀྱང་ལྷ་མ་སྲིན་སྡེ་བརྒྱད་གཞན་གྱི་ལུས་ངག་ཡིད་གསུམ་ཀ་དམ་ལ་ཐོགས་པ་ལ། ཀླུ་འདི་ཡིད་དམ་ལ་མ་ཐོགས་པར་འདུག་པས། དམ་ལ་གདགས་སྙམ་པ་ལགས་ཏེ། ད་དུས་ལྔ་བརྒྱའི་སྙིགས་མའི་དུས་ལ་བབ་པ་ན་ས་གཞི་ཐམས་ཅད་ཀླུས་དབང་བྱེད། ནང་དུ་མཛེ་རིགས་བརྒྱ་རྩ་བརྒྱད་དར་བཞིན་འོང་། མཐའ་འདུལ་དང་མིའི་ཁང་ཁྱིམ་ལ་སོགས་པ་ཐམས་ཅད་ཀྱང་འཇིག ས་སྟེང་འོག་ཀླུས་དབང་བྱེད་པ་ཞིག་འོང་གསུངས་སོ། །དེ་ནས་མངའ་བདག་གིས་མར་བྱོན་ཙ་ན་ཀླུས་བསམ་ཡས་ཀྱི་གཙང་པོ་ལ་ཤིང་བསྐུར་ནས་བསམ་ཡས་སུ་ནག་མེར་བ་ཆགས་སོ། །དེར་ལྷ་ཁང་འབུབས་པའི་ཤིང་རྣམས་ཀླུས་ཕུལ་ལོ། །དེ་ཡང་དབུ་རྩེ་རིཊ་གསུམ་རི་རབ་གྱི་ཚུལ་དུ་བྱས། འཁོར་ས་གསེར་གྱི་རི་བདུན་གྱི་ཚུལ་དུ་བྱས་ཏེ་རྣམ་པར་སྣང་མཛད་ངན་སོང་སྦྱོང་བའི་ དཀྱིལ་འཁོར་དུ་བཞེངས། དེ་ཡང་ཐོག་འདུལ་བ་དང་བསྟུན་ནས་ཕུག་རྒྱུད་རིས་ཐམས་ཅད་མདོ་སྡེ་དང་བསྟུན། ལྡེར་སོ་ཐམས་ཅད་གསང་སྔགས་དང་བསྟུན་ནོ། །དེ་ལྟར་ན་ལྡེར་སོ་བདུན་ཅུ་དོན་བརྒྱད་བྱས། རི་མོ་ལ་མདོ་རྒྱུད་བཅུ་བཞི། ཀ་བ་སྟོང་རྩ་གཉིས། སྒོ་མོ་ཆེ་སུམ་ཅུ་རྩ་དྲུག་སྒོ་ཆུང་བཞི་བཅུ་རྩ་གཉིས། བྱིའུ་སྐས་ཆེན་པོ་བཅུ་དྲུག་ཅོང་ཆེན་པོ་བརྒྱད། འཕྱར་དར་ཆེན་པོ་གསུམ། འཕན་ཆེན་པོ་བརྒྱད། མངོན་པ་དང་བསྟུན་པའི་གླིང་ཕྲན་བཅུ་གཉིས། ཉི་ཟླ་དང་བཅས་པ་བཞེངས་ཏེ། ཤར་ལུས་འཕགས་པོའི་གླིང་གླིང་གཡོག་དང་བཅས་པ་ལ་དཔེ་བྱས་ཏེ། རྣམ་དག་ཁྲིམས་ཁང་གླིང་། མཁྱེན་རབ་འཇམ་དཔལ་གླིང་། བརྡའ་སྦྱོར་ཚང་མང་གླིང་གསུམ་ཟླ་གམ་དུ་བྱས། ལྷོར་འཛམ་བུ་གླིང་གླིང་གཡོག་གཉིས་དང་བཅས་པ་ལ་དཔེ་བླངས་ཏེ། བདུད་བདུལ་སྔགས་པའི་གླིང་། ཨརྱ་པ་ལོའི་གླིང་། སྒྲ་བསྒྱུར་རྒྱ་གར་གླིང་གསུམ་སོག་ཁར་བྱས། ནུབ་བ་ལང་སྤྱོད་གླིང་གླིང་གཡོག་དང་བཅས་པ་ལ་དཔེ་བླངས་ཏེ། བཻ་རོ་ཙ་ནའི་གླིང་། དགའ་ལྡན་བྱམས་པ་གླིང་། མི་གཡོ་བསམ་གཏན་གླིང་གསུམ་ཟླུམ་པོར་བྱས། བྱང་སྒྲ་མི་སྙན་གླིང་གླིང་གཡོག་དང་བཅས་པ་ལ་དཔེ་བླངས་ཏེ། རིན་ཆེན་སྣ་ཚོགས་གླིང་། བྱང་ཆུབ་སེམས་བསྐྱེད་གླིང་། དཔེ་དཀར་དཀོར་མཛོད་གླིང་གསུམ་གྲུ་བཞིར་བྱས། ཡག་ཤ་ལྟག་འོག་ཉི་ཟླའི་ཚུལ་དུ་བྱས་སོ། །ཟུར་བཞིར་མཆོད་རྟེན་བཞི་བཞེངས་ཏེ། མཆོད་རྟེན་དཀར་པོ་བྱང་ཆུབ་ཆེན་པོའི་མཆོད་རྟེན། ཉན་ཐོས་ཀྱི་ལུགས་སེདྒེས་བརྒྱན་པ། ཤུད་བུ་ངམ་མ་རྒྱལ་ཐོ་རེས་བཞེངས། མཆོད་རྟེན་དམར་པོ་ཆོས་ཀྱི་འཁོར་ལོ་བྱང་ཆུབ་སེམས་པའི་ལུགས། པདྨ་སྟོང་གིས་བརྒྱན་པ་སྣ་ནམ་རྒྱལ་ཚ་ལྷ་སྣང་གིས་བཞེངས། མཆོད་རྟེན་ནག་པོ་དེ་བཞིན་གཤེགས་པའི་སྐུ་གདུང་གིས་བརྒྱན་པ་དང་། རང་སངས་རྒྱས་ཀྱི་ལུགས་ངམ་རྟ་ར་ཀླུ་གོང་ནག་པོས་བཞེངས། མཆོད་རྟེན་སྔོན་པོ་དཔལ་ལྷ་ལས་བབས་པ། དེ་བཞིན་གཤེགས་པའི་ལུགས་ལྷ་ཁང་གི་སྒོ་མོ་ཆེ་བཅུ་དྲུག་གིས་བྱན་པ་མཆིམས་རྡོ་རྗེ་སྤྲེལ་ཆུང་གིས་བཞེངས་སོ། །དེ་རེ་རེ་ལ་སངས་རྒྱས་ཀྱི་རིང་བསྲེལ་རེ་རེ་ཡོད། ཕྱི་ལྕགས་རི་ཟུར་མང་རྡོ་རྗེ་འགྲོས་ལ་མཆོད་རྟེན་བརྒྱ་རྩ་བརྒྱད་ཀྱི་ཚུལ་དུ་ཁ་བསྐོངས་པ་བཞེངས། ཕྱོགས་བཞིར་མགོན་ཁང་བཞི། སྒོ་བཞིའི་གདོང་ན་རྡོ་རིང་བཞི། རྡོ་རིང་གི་སྟེང་ན་ཟངས་ཀྱི་ཁྱི་མོ་བཞི་དང་བཅས་པ་བཞེངས་སོ། །རྒྱལ་པོས་བཙན་མོ་ལྔ་ཁབ་ཏུ་བཞེས་པ་ལ། མཆིམས་བཟའ་ལྷ་མོ་བཙུན་དང་། མཁར་ཆེན་བཟའ་མཚོ་རྒྱལ་སྒྲུབ་པ་མཛད་པས་ཕྱག་རིས་མེད། ཇོ་མོ་ཚེ་སྤོང་བཟའ་མེ་ཏོག་སྒྲོན་གྱིས་ཁམས་གསུམ་ཟངས་ཁང་གླིང་བཞེངས། འབྲོ་བཟའ་ཁྲི་རྒྱལ་མོ་བཙུན་རབ་ཏུ་བྱུང་བའི་མཚན་བྱང་ཆུབ་རྗེར་གསོལ་བས་དགེ་རྒྱས་ལི་མའི་གླིང་བཞེངས་སོ། །དེ་ལྟ་བྲག་དམར་དཔལ་གྱི་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གཞི་ཆེ་ལ་དཔངས་མཐོ་བ། རྒྱུ་བཟང་ལ་བཀོད་པ་ལེགས་པ། དུང་ཕོར་གཟིས་བཀང་པ་འདྲ་བ་སྡེ་འཁོར་དང་བཅས་པ། ཉི་འོག་གི་རྒྱལ་ཨཱཿས་ན་དཔེ་མེད་འགྲན་ཟླ་དང་བྲལ་བ་རྗེའི་ཐུགས་དམ། འབངས་ཀྱི་མཆོད་གནས་འདི་ཉིད་སྟག་གི་ལོ་ལ་རྨིང་བཏིང་ནས་ རྟའི་ལོ་ལ་འབྱོངས་ཏེ། རྒྱལ་པོའི་ཐུགས་དགོངས་ཇི་ལྟར་བསམ་པ་བཞིན་འགྲུབ་པས། དཔལ་གྱི་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཞེས་བྱའོ། །དེ་ནས་ལུག་གི་ལོ་ལ་སློབ་དཔོན་པདྨས་རབ་གནས་མཛད་པས་བྱིནརལབ་ངོ་མཚར་ཅན་གསུམ་བྱུང་སྟེ། བྱང་ཆུབ་གླིང་གི་དབུས་ཀྱི་རྣམ་པར་སྣང་མཛད་ནམ་མཁའ་ལ་འཕགས་པ་དང་། དབུ་རྩེའི་ལྷ་རྣམས་ཕྱིར་ཤར་དུ་ཐོན་ནས་བྱུང་བ་དང་། མངའ་བདག་གི་ཐུགས་ལ་ད་ནི་ནང་དུ་ཤར་དུ་ཐོན་ནས་བྱུང་བ་དང་། མངའ་བདག་གི་ཐུགས་ལ་ད་ནི་ནང་དུ་མི་ཚུད་དམ་སྙམ་པ་དང་། སྐད་ཅིག་ལ་ནང་དུ་ཚུད་པ་དང་། དབུས་ཀྱི་རྡོ་རིགས་ཀྱི་སྟེང་ལ་ཟངས་ཀྱི་ཁྱི་མོ་བཞི་ཡོད་པ་ཕྱོགས་བཞིར་མཆོངས་ནས་སྐད་ཐེངས་གསུམ་འདོན་པ་དང་། འཁོར་སའི་སྨྱུག་རིང་རིམ་གྱིས་མ་སྐྱེས་པར་དུས་གཅིག་ལ་ཤད་ཀྱི་བྱུང་ངོ་། །དེ་ལ་སོགས་པའི་ངོ་མཚར་བའི་ལྟས་བསམ་གྱིས་མི་ཁྱབ་པ་ཞིག་བྱུང་ངོ་། །དེ་ལ་སོགས་པའི་ངོ་མཚར་བའི་ལྟས་བསམ་གྱིས་མི་ཁྱབ་པ་ཞིག་བྱུག་ངོ་། །གཞན་ཡང་སངས་རྒྱས་ཀྱི་བསྟན་པ་དར་བ་དང་། གཙུག་ལག་ཁང་གཞན་བརྩིག་པ་ལ་ཡང་མི་མ་ཡིན་གྱི་གནོད་པ་མི་འབྱུང་བ་ལ་སོགས་པའི་རྟེན་འབྲེལ་དང་བྱིན་བརླབས་མང་དུ་མཛད་དོ། །དེའི་དུས་སུ་རྒྱལ་པོ་ནི་ཐུཊ་དམ་གྱི་ལྷ་ཁང་རྣམས་འབྱོངས་པ་དང་། རབ་ཏུ་གནས་པ་རྣམས་གྲུབ་པས་ཤིན་ཏུ་དགྱེས་ཏེ། །ང་རེ་དབུ་རྩེ་རིགས་གསུམ་འདི། །བརྩིགས་པ་མི་འདྲ་སྐྱེས་པ་འདྲ། །ང་རེ་དབུ་རྩེ་རིགས་གསུམ་འདི། །བརྩིགས་པ་མི་འདྲ་སྐྱེས་པ་འདྲ། །ང་རེ་དགའ་བྱ་བ་ལ་སོགས་པའི་རྗེའི་དགའ་གླུ་བཅུ་གསུམ་མགུར་དུ་བཞེངས་སོ། །བློན་པོ་རྣམས་ཀྱིས་ཀྱང་རང་རང་ཆེ་བའི་མགུར་བླངས། ལོ་བཅུ་གསུམ་གྱི་བར་དུ་སྐྱིད་ཀྱི་བྲོ་མོ་ཆེ་བརྡུངས། མི་རེས་གླུ་རེ་བླངས། རྟ་རེས་བང་རེ་རྒྱུགས། བྱ་རེས་སྐད་རེ་བཏོན། རྩེད་སྣ་དང་ལྟད་མོ་བསམ་གྱིས་མི་ཁྱབ་པ་ཞིག་བྱས་སོ། །དེ་ནས་བསམ་ཡས་ རབ་གནས་ཀྱི་དུས་སུ། ཁམས་གསུམ་ཟངས་ཁང་གླིང་གི་ནུབ་ཕྱོགས་ཀྱི་མཚོ་མོའི་མགུལ་དུ་པདྨའི་སྡོང་པོ་ཞིག་སྐྱེས་ནས་བྱུང་བས། མི་རྣམས་རབ་ཏུ་དགའ་ཞིང་ཚོགས་ནས་ལྟད་མོ་བྱེད་དོ། །བོད་ཀྱི་བདེ་སྐྱིད་དང་མངའ་ཐང་རྣམས་ཉི་མ་ཤར་བ་བཞིན་དུ་རྒྱས་པར་མཛད་དོ། །སད་མི་བདུན། དུས་དེར་རྗེ་བློན་རྣམས་རྩེད་བྲོ་དང་ལོངས་སྤྱོད་ལ་ཡེངས་པས། ལྷ་ཁང་ལ་མཆོད་པའི་ལེ་ལོ་ཤོར་བའི་སྟབས་ཀྱིས་ལྷ་རྣམས་ཀྱི་ཐིགས་ཚགས་དང་གཉེར་བྱེད་མཁན་མེད་པར་གྱུར་པས་ཉམས་ནས་འདུག་པ་གཟིཊ་པ་དང་། རྒྱལ་པོ་མ་དགྱེས་ནས། སློབ་དཔོན་བོ་དྷི་ས་ཏཱ་ལ་ཞུས་པ། ངས་འགྲོ་བ་རྣམས་ལ་ཕན་གདཊ་ཤིང་སངས་རྒྱས་ཀྱི་བསྟན་པ་ལ་ཕན་པར་བྱ་བའི་ཕྱིར་གཙུག་ལག་ཁང་ཅེན་པོ་འདི་བཞེངས་པ་ཡིན་ཏེ། རིང་པོར་མ་ལོན་པར་ཉམས་འདུག་པས། འདི་ཡུན་རིང་པོས་མི་བཞུཊ་པར་འགྱུར་རམ་ཞུས་པས། སློབ་དཔོན་གྱི་ཞལ་ནས། ཡུན་རིང་དུ་བཞུགས་པ་ལ་དཀོན་གཉེར་བྱ་བ་བསྐོས་ནས་ཞབས་ཏོག་དང་གཉེར་བྱེད་དགོས་པ་ཡིན། ཁྱེད་རང་རྣམས་ཀྱང་། ལྟད་མོ་ལ་གཡེངས་ནས་ལྷ་ཁང་ཡལ་བར་དོར་བས་དེ་ལས་འོས་མེད་གསུངས། འོ་ན་དཀོན་གཉེར་དེ་ཇི་ལྟ་བུ་ཞིག་འཚལ་ཞུས་པས། ཁྱིམ་པ་རྣམས་རང་རང་གི་བུ་སྨད་ཀྱི་བྱ་བས་གཡེངས་པས། ལྷ་ཁང་ཡལ་བར་དོར་ནས་དེ་ལ་དཀོན་མཆོག་གི་ཞབས་ཏོག་མི་ཏོང་བས། རབ་ཏུ་བྱུང་བ་དགོས་པ་ཡིན་གསུངས། རབ་ཏུ་བྱུང་བ་བྱ་བ་ཇི་ལྟ་བུ་ལགས་ཞུས་པས། ང་ལྟ་བུ་ཡིན་གསུངས། འོ་ན་དེ་རྒྱ་གར་ནས་གདན་འདྲེན་འཚལ་ལམ། ངེད་བོད་ལ་ཡང་བཏུབ་ཅེས་ཞུས་པས། རྒྱ་གར་ན་ཤིན་ཏུ་མང་བར་ཡོད་གདན་དྲངས་ནའང་བཟང་སྟེ། དེ་བས་ཀྱང་བོད་ཀྱི་མི་ལ་བྱུང་ན་བསྟན་པ་ཡུན་རིང་དུ་གནས་པའི་རྒྱུར་འགྲོ་བས་ཤིན་ཏུ་ལེགས། འོང་ངམ་མི་འོང་ཉམས་སད་ཀྱི་གསུངས་ནས། དཔའ་རྨ་གཟིགས་ཀྱི་བུ་དཔའ་ཁྲི་རཏྣ་དང་། མཆིམས་ཨ་ནུའི་བུ་ཤཱཀྱ་པྲ་བྷ་དང་། རྩངས་ཐེན་ལེ་ཏྲའི་བུ་རྩངས་ལེགས་གྲུབ་དང་། པ་གོར་ཧེ་འདོད་ཀྱི་བུ་བཻ་རོ་ཙ་ན་དང་། ཞང་ཉ་བཟང་གི་བུ་ལྷ་བུ་དང་། ཤུད་བུ་ཁོང་སླེབ་དང་། སྦ་གསལ་སྣང་བཅས་རབ་ཏུ་བྱུང་བའི་མིང་ཡེ་ཤེས་དབང་པོ་ཞེས་བྱ་སྟེ། དེ་ལྟར་བདུན་ལ་སྐད་བསླབས་པས་ལོབས་ཏེ་རབ་ཏུ་བྱུང་བས། སད་མི་བདུན་ཞེས་གྲགས་སོ། །ལོ་རྒྱུས་གཅིག་ལས་ལོ་ཙཱ་བ་སད་མི་བདུན་ནི། རྒན་གསུམ། གཞོན་གསུམ། བར་མ་གཅིག་ཅེས་བྱ་སྟེ། རྒན་གསུམ་ནི་དབའ་མཉྫུ་ཤྲཱི་དང་། རྩངས་ཐེན་ལེན་ཏྲ། བྲན་ཀ་ར་མུ་ཏེའོ། །གཞོན་གསུམ་ནི་པ་གོར་བཻ་རོ་ཙ་ན། འཁོན་ན་གེན་དྲ། རྩངས་དེ་ཝན་དྲའོ། །བར་པ་རླངས་སུ་ག་ཏ་གཞན་ཞིག་ཏུ་གླང་ཀ་ཏ་ན་དང་ཡང་གླང་ཀ་ཏ་ཤ་ཞེས་འཁོར་འདུག་སྒྲིག་པོས། རབ་ཏུ་བྱུང་བའི་མཚན་ཡེ་ཤེས་དབང་པོ་ཡིན་ལ། མཁན་པོ་བོ་དྷི་སཏཱས་བྱས་ནས་རབ་ཏུ་བྱུང་བས་སད་མི་མི་བདུན་ཞེས་གྲགས་སོ། །ཤིན་ཏུ་ཚུལ་ཁྲིམས་དང་ལྡན་པ་བྱུང་བས། ཤིན་ཏུ་དགྱེས་ཏེ་ལུག་གི་ལོ་ལ་ཐམས་ཅད་ཡོད་པར་སྨྲ་བའི་སྡེ་པའིད་གེ་སློང་བཅུ་གཉིས་རྒྱ་གར་ནས་གདན་དྲངས་ནས་རབ་ཏུ་བྱུང་བའི་སྡེ་བཙུགས་པ་ནི། རྒྱལ་པོས་འཁོར་འབངས་ཐམས་ ཅད་བསགས་ནས་རྒྱལ་བུ་རྒྱལ་ས་མ་བཟུང་བ་དང་། ལྷ་གཅིག་ཁབ་ཏུ་མ་བཞེས་པ་དང་། འབངས་རལ་པ་ཅན་བརྒྱ་བཞི་བཅུ་དུས་གཅིག་ལ་རབ་ཏུ་བྱུང་ངོ་། །རྒྱལ་པོ་ཉིད་ལ་ཁབ་ཏུ་བཞེས་པའི་བཙུན་མོ་ལྔ་ཡོད་པའི་ཆུང་ཤོས་མཁར་ཆེན་བཟའ་བཙན་མོ་དང་། བྱང་ཆུབ་བཙན་མོ་བྱ་བ་གཉིས་ཀྱང་རབ་ཏུ་བྱུང་ངོ་། །མཁར་ཆེན་བཟའ་བཙན་མོ་ནི་མཚོ་རྒྱལ་ཡིན་ཏེ་མཆིམས་ཕུར་གྲུབ་པ་ཐོབ། བྱང་ཆུབ་བཙན་མོ་གཡོས་ལ་མཁས་པས་ཚང་མང་གླིང་དུ་དགེ་འདུན་རྣམས་ཀྱི་ཕྱག་ཚང་མ་མཛད། གཞན་ཡང་རྨ་རིན་ཆེན་མཆོག ལ་སུམ་རྒྱལ་བའི་བྱང་ཆུབ། ངན་ལམ་རྒྱལ་བ་མཆོག་དབྱངས། སྣུབས་ནམ་མཁའ་སྙིང་པོ་ལ་སོགས་པའི་འབངས་དད་པ་ཅན་ལྔ་བརྒྱ་བར་ཏུ་བྱུང་། འབངས་ཞབས་འོག་གི་རྡེའུ་དང་འདྲ་བ་བདེ་བར་ཕྱུང་། དབུའི་མཆོད་གནས་སུ་ཁུར། འཚོ་བ་བླ་ནས་སྦྱར། དགེ་བ་ཉམ་བག་ཏུ་སྤྱོད་དེ་དགེ་འདུན་གྱི་སྡེ་བཙུགས། ཉན་བཤད་དང་སྒོམས་སྒྲུབ་གྱི་གྲཱ་བཟུང་། སངས་རྒྱས་ཀྱི་བསྟན་པ་རྒྱས་པར་མཛད་པ་ཡིན་ནོ། །དེ་ནས་སློབ་དཔོན་པདྨ་འབྱུང་གནས་དང་། མཁན་པོ་བོ་དྷི་ས་ཏཱ་རྒྱ་གར་གྱི་ཡུལ་དུ་བཞུད་པར་དགོངས་ནས། མངའ་བདག་ལ་ཞུས་པ། བོད་ཡུལ་དབུས་སུ་སྐྱེ་པ་ཡི། །བཙན་པོ་ཁྲི་སྲོང་ལྡེ་བཙན་དང་། །ཟ་ཧོར་ཡུལ་ནས་བྱོན་པ་ཡི། །མཁས་པ་བོ་དྷི་ས་ཏཱ་དང་། །ཨུ་རྒྱལ་ཡུལ་ནས་ཡོངས་པ་ཡི། །པདྨ་འབྱུང་ནས་གནས་ང་དང་གསུམ། །སྐུ་ཚེ་ཡང་སྔའི་དུས་ཙ་ན། །མ་གུ་ཏ་ཡི་ཡུལ་དག་ཏུ། །མོན་ཕྲུག་སྤུན་གསུམ་དག་ཏུ་སྐྱེས། །མཆོད་རྟེན་བརྩིགས་ཤིང་སྨོན་ལམ་བཏབ། །སྐྱེ་བ་སོ་སོར་སྨིན་པ་ལས། བོ་དྷི་སཏྭ་བྲམ་ཟེར་སྐྱེས། །བཙན་པོ་དྲང་སྲོང་རིགས་སུ་སྐྱེས། །བདག་ནི་ཕྲ་མ་སྲིན་བུར་སྐྱེས། །དེ་གསུམ་གཅིག་ཏུ་ཚོགས་ནས་ནི། །སྔ་མའི་མཆོད་རྟེན་དེ་ལ་ནི། །མཆོད་པ་ཆེན་པོ་རབ་ཕུལ་ཏེ། །སྨོན་ལམ་སོ་སོར་འདི་སྐད་བཏབ། །དྲང་སྲོང་བུ་ཡི་སྨོན་ལམ་ནི། །བདག་ནི་ཚེ་འདིའི་ཕྱི་མ་ལ། །འཁྱག་པ་འཁྱག་ཡུལ་མཐའ་ཁོབ་ཏུ། །ཆོས་ཀྱི་རྒྱལ་པོར་གྱུར་ནས་ནི། །ཆཔས་ཀྱི་བསྟན་པ་འཛུགས་པར་ཤོག །དེ་ལྟར་སྨོན་ལམ་བཏབ་པ་ཡིས། །ད་ལྟ་རྒྱལ་པོར་སྐྱེས་པ་ཡིན། །བྲམ་ཟེའི་བུ་ཡི་སྨོན་ལམ་ནི། །བདག་ནི་མཁས་པ་པཎྜི་ཏ། །རིག་པའི་གནས་ལྔ་མཁས་པ་ཡི། །རྒྱལ་བའི་བསྟན་པ་འཛིན་བྱེད་པའི། །སློབ་དཔོན་བྱེད་པར་སྨོན་ལམ་བཏབ། །ད་ལྟ་བོ་དྷི་སཏྭ་ཡིན། །ཕྲ་མ་སྲིན་བུའི་སྨོན་ལམ་ནི། །བདག་ནི་སྔགས་འཆང་མཐུ་སྟོབས་ཅན། །རྒྱལ་པོའི་ཐུགས་དགོངས་སྒྲུབ་པ་ཡི། །སྔགས་འཆང་མཐུ་རྩལ་ལྡན་པར་ཤོག །སློན་ལམ་བཏབ་པའི་མཐུ་བཙན་པས། །ཟ་ཧོར་ཨུ་རྒྱན་བོད་ཀྱི་ཡུལ། །སོ་སོར་སྐྱེས་ཀྱང་བོད་ཡུལ་འདིར། །སློབ་དཔོན་ཡོན་བདག་གྱུར་པ་ཡིན། །རྒྱལ་པོའི་ཐུགས་དམ་བསམ་ཡས་འདི། །སྟག་ལ་རྨིང་བཏིང་རྟ་ལ་འབྱོངས། །ལོ་ལྔ་ལྷག་མ་མེད་པར་བཞེངས། །བགེགས་ཞི་དུས་སུ་བསམ་པ་འགྲུབ། །མཁས་པ་བོ་དྷི་སཏཱ་དང་། །ཨུ་རྒྱན་པདྨ་འབྱུང་གནས་བདག །རྒྱ་གར་ཡུལ་དུ་འགྲོ་བར་ཞུ། །ཞེས་གསུངས་པས། རྒྱལ་པོས་སློབ་དཔོན་གཉིས་ལ་གསེར་ཕྱེ་བྲེ་རེས་དངུལ་སྐྱོགས་བཀང་བ་ཕུལ། འཇིག་རྟེན་གྱི་སྤྱན་གཟིགས་མང་པོ་དྲངས། ཕྱག་འཚལ་སྐོར་བ་བྱས། སྤྱན་ཆབ་བཏོན་ནས་ཞུས་པ། ཨེ་མ་ཧོ། སློབ་དཔོན་རྣམ་གཉིས་བདག་ལ་གསོན། །ཡང་ སྔའི་ཚེ་ལ་སྨོན་ལམ་བཏབ། །རྒྱ་གར་ཡུལ་དུ་སྐྱེས་ནས་ནི། །ཡང་ནི་སྨོན་ལམ་བཏབ་པ་ཡིས། །སློབ་དཔོན་རྣམ་གཉིས་རྒྱ་གར་དུ། །དམ་པ་ཆོས་ཀྱི་ཡུལ་དུ་སྐྱེས། །བདག་ནི་གདོང་དམར་པོ་བོད་ཀྱི་ཡུལ། །ལས་ཀྱིས་བདག་པའི་རྒྱལ་པོར་སྐྱེས། །བསོད་ནམས་མི་ཆུང་མགོ་ནག་རྗེ། །རྟ་ཡི་ལོ་ལ་བྲག་དམར་དུ། །བདག་ནི་ཡུལ་ལ་བལྟམས་སོ་གསུངས། །བཅུ་གསུམ་ལོན་ནས་ཡབ་དང་བྲལ། །ཉིས་ཤུའི་ལོ་ལ་བསམ་པ་སྐྱེས། །རྩ་གཅིག་སྟག་ལ་རྨིང་བཏིང་ནས། །སློབ་དཔོན་བོ་དྷི་སཏཱ་ཡིས། །ས་གཞི་བྱིན་གྱིས་བརླབས་གྱུར་ཀྱང་། །བགེགས་ཀྱིས་སྒྲུབ་ཏུ་མ་སྟེར་བས། །སློབ་དཔོན་སྤྱན་དྲོངས་སྒྲུབས་ཤིག་པ། །བོ་དྷི་སཏཱའི་ལུང་བསྟན་ཡིན། །སྔོན་གྱི་ཐུགས་དམ་པ་དང་བཙན་བྱོན། །སྟག་ནས་རྟ་ཡི་ལོ་ལྔས་འབྱོངས། །སྔར་ཡང་སྐུ་སྐུ་དྲིན་ཆེ་ཏེས་བསྐྱངས། །ཁྲི་སྲོང་ལྡེ་བཙན་མ་གུམ་ཚེར། །བཞུད་པར་མི་ཞུ་བཞུགས་པར་ཞུ། །ཐུགས་རྗེས་དགོངས་ལ་བཀའ་གནང་ཞུ། །ཞེས་ཞུ་བ་ཕུལ་བས་སློབ་དཔོན་གཉིས་ཀྱིས་བཀའ་བགྲོས་པས། སློབ་དཔོན་པདྨའི་ཞལ་ནས། རང་རེ་གསུམ་ཚེ་ཡང་སྔ་ལ། ཚེ་གསུམ་གྱི་སྨོན་ལམ་གྱི་འབྲེལ་པ་ཡོད་པ་ཡིན་པས། རྒྱལ་པོའི་ཞལ་ངོ་མི་བསྐུམ་གསུངས་པས། སློབ་དཔོན་བོ་དྷི་སཏཱའི་ཞལ་ནས། ཤིན་ཏུ་ལེགས་སོ། །དེ་བཞིན་བགྱིའོ་གསུངས་ནས། སློབ་དཔོན་གཉིས་ཀྱིས་རྒྱལ་པོ་ལ་བཀབ་གནང་བ། སྐྱེ་བ་གསུམ་གྱི་སྨོན་ལམ་གྱིས། །ལས་ཀྱི་འཕྲོ་ཡི་བོད་དུ་ཚོགས། །སྔར་ཡང་བཙན་པོ་དགྱེས་པར་བགྱི། །རྒྱལ་པོའི་ཞལ་ངོ་མི་བསྐུམ་བགྱི། །ཞེས་གསུངས་ནས་བཞུགས་པར་བཀའ་གནང་ངོ༌། ། ལྕོག་རོ་དང་སྣ་ནམ་སོགས་ཀྱིས་ལོ་ཅཱ་གནང་སྟེ་གསང་སྔགས་རྒྱུད་སྡེའི་སྐོར་བསྒྱུར་ཚུལ། དེ་ནས་བཙན་པོས་སློབ་དཔོན་གཉིས་ལ་ཆོས་གསུངས་པར་ཞུ་བ་ཕུལ་ཏེ། གསེར་གྱི་ཁྲི་ལ་སློབ་དཔོན་པདྨ་བཞུགས། །དངུལ་གྱི་ཁྲི་ལ་སློབ་དཔོན་བོ་དྷི་སཏཱ་བཞུགས། གུང་གྲལ་དུ་རྒྱལ་པོ་ཉིད་བཞུགས། གཡོན་གྲལ་ལ་ལྕོག་ཀླུའི་རྒྱལ་མཚན་དང་། སྐ་བ་དཔལ་བརྩེགས་དང་། ལོ་ཙཱ་བ་གཉིས་གབ་རྩེའི་ཁྲི་ལ་བཞུགས། སློབ་དཔོན་གཉིས་ལ་གསེར་གྱི་མཎྜལ་ཁྲུ་རེ་ལ་གཡུ་ཡི་མེ་ཏོག་རི་རབ་གླིང་བཞི་དང་བཅས་པ་གསེར་གྱི་མཎྜལ་ཁྲུ་རེ་ལ་གཡུ་ཡི་མེ་ཏོག་རི་རབ་གླིང་བཞི་དང་བཅས་པ་རེ་ཕུལ། ལོ་ཙཱ་བ་གཉིས་ལའང་རིན་པོ་ཆེའི་མཎྜལ་རེ་ཕུལ་ནས། ཆོས་གསུང་བར་ཞུ་བ་ཕུལ་བ། ཨེ་མ་ཧོ། རྒྱ་གར་ཡུལ་དུ་སྐུ་འཁྲུངས་ནས། །དམ་པའི་ཆོས་ལ་མངའ་བརྙེས་པ། །མཁས་པ་པཎྜི་ཏར་གྱུར་པའི། །སློབ་དཔོན་ཆེནཔོ་རྣམ་གཉིས་ཀྱིས། །སྔགས་དང་མཚན་ཉིད་ཆོས་བཤད་ཞུ། །ལོ་ཙཱ་གཉིས་ཀྱིས་བསྒྱུར་བར་ཞུ། །བོད་ཡུལ་མུན་པར་འཐིབས་པ་ལ། །ཆོས་ཀྱི་སྒྲོན་མེ་སྤར་བར་ཞུ། །ཞེས་ཞུས་པས། །སློབ་དཔོན་གྱི་གསུངས་པ། ཨེ་མ་ཧོ། རྒྱལ་པོ་ཆེན་པོ་བོད་ཀྱི་མི་རྣམས་ལ་དད་པ་མེད། བློན་པོ་རྣམས་ནི་ཆོས་ལ་གནག་པས། རྒྱལ་པོ་ཉིད་རང་ཆོས་ཀྱི་བཀའ་ཁྲིམས་འཆོས་ཤིག་གསུངས་ནས། ལུག་གི་ལོ་གཞུག་ནས་སྒྲེའུའི་ལོ་གཞུག་ཡན་ཆད་ལ་སློབ་དཔོན་པདྨའི་ལོ་ཙཱ་བ་ལྕོག་རོ་ཀླུའི་རྒྱལ་མཚན། སྣ་ནམ་རྡོ་རྗེ་བདུད་འཇོམས། ངན་ལམ་རྒྱལ་བ་མཆོག་དབྱངས། བྲང་ཏི་ཛ་ཡ་རཀྵིཏ། ལྕེ་ཀུ་ཀུ་རཱ་ཛ་ལ་སོགས་པས་མཛད་དེ་གསང་སྔགས་ ཀྱི་རྒྱུད་སྡེ་རྣམས་བསྒྱུར་བ་ནི་བབས་དང་པོའོ། །དེ་ཡང་གསང་སྔགས་སྒྲུབ་པ་ལ་བར་ཆད་མི་འབྱུང་བར་བྱ་བའི་ཕྱིར་གཟི་ལྡན་འབར་བ་མཚམས་ཀྱི་རྒྱུད། བདག་ཏུ་འཛིན་པ་འཁོར་བའི་རྒྱུ་ཡིན་པས། འཁོར་བ་ལས་གྲོལ་ཞིང་ཕུང་པོ་ལྷའི་དལ་དུ་གསལ་བར་བྱ་བའི་ཕྱིར་ཞི་བའི་ལྷ་རྒྱུད། བདུད་དང་སྲིན་པོ་དྲེགས་པ་ཅན་ཐམས་ཅད་ཚར་གཅོད་པའི་ཕྱིར་ཁྲོ་བོའི་ལྷ་རྒྱུད། སྐུ་གསུང་ཐུགས་ཡོན་ཏན་ཕྲིན་ལས་ལྔས་དགྲ་བགེགས་ཚར་བཅད་པའི་ཕྱིར། སྐུའི་སྒྲུབ་ལུགས་བསྐལ་པ་མེ་ལྟར་འབར་བའི་རྒྱུད། གསུང་གི་དབང་ཆེན་འདུས་པའི་རྒྱུད། ཐུགས་ཀྱི་ཁྲོ་བོ་པུཎྜ་རི་ཀའི་རྒྱུད། ཡོན་ཏན་གྱི་ལྷ་མོ་མ་གོམ་བའི་རྒྱུད། ཕྲིན་ལས་ཀྱི་རིག་འདིན་དྲུག་པའི་རྒྱུད། རིགས་སྔགས་སྤྱིའི་སྒྲུབ་ལུགས་དཔལ་ཧེ་རུ་ཀ་འདུས་པའི་རྒྱུད། འཇམ་དཔལ་སྐུའི་སྒྲུབ་ལུགས་ལ་སོགས་གསང་བའི་བཀའ་བརྒྱད་སོ་སོའི་འགྱུར་བྱུང་རྣམས་རྒྱས་པར་འོག་ནས་སྟོན་ནོ། །ཕྲིན་ལས་ཁ་སྐོང་བ་དང་། རྒྱན་རྒྱགས་གདབ་པའི་ཕྱིར། ཤེས་པོ་སྟོང་གིས་བརྒྱན་པའི་རྒྱུད་ལས་རྒྱ་མཚོ་ཇི་ལྟར་བྱས་པ་བསྟན་པའི་ཕྱིར། རྐརྨ་མཱ་ལྱེ་ཕྲིན་ལས་ཀྱི་རྒྱུད། བསོད་ནསམ་དང་ཡེ་ཤེས་ཀྱི་ཚོགས་རྫོགས་པར་བྱ་བའི་ཕྱིར། ཚོགས་རྒྱུད་ཆེན་ཆུང་། མཆོད་པ་མི་ཟད་པའི་གཏེར་དུ་བྱིན་གྱིས་བརླབས་པའི་ཕྱིར། ནམ་མཁའ་མཛོད་ཀྱི་བྱིན་གྱིས་བརླབས་པའི་རྒྱུད། སྦྱོར་བ་གནས་སུ་དག་པའི་ཕྱིར། ཐིག་ལེ་ཀློང་གི་རྒྱུད། བརྟུལ་ཞུགས་དྲག་པོར་བྱ་བའི་ཕྱིར། གླང་པོ་ཆེ་བར་འབོག་གི་རྒྱུད། སྒོརལ་མ་གནས་སུ་དག་པར་བྱ་བའི་ཕྱིར། སྟོབས་པོ་ཆེ་ཡོངས་གྲོལ་གྱི་རྒྱུད། བཀྲ་ཤིས་པ་ལ་སྦྱིན་སྲེག་བྱ་བའི་ཕྱིར། ཟ་བྱེད་རོལ་པའི་རྒྱུད། གཏོར་མའི་ ལས་ཐམས་ཅད་སྔོན་དུ་འགྲོ་བའི་ཕྱིར། གཏོར་རྒྱུད་ཆེ་ཆུང་། བཀའ་འཁོར་སྐྱོང་བའི་སྲུང་མ་ལྷག་མ་ལ་དབང་བ་ལ་ལས་བཅོལ་བའི་ཕྱིར། དཔལ་འབར་ཁྲོ་བོའི་རྒྱུད། དགྲ་བགེགས་གཟིར་ཞིང་མནན་པའི་ཕྱིར། ཞིང་བཟུ་རོལ་པའི་རྒྱུད། དེ་རྣམས་ནི་མཧཱ་ཡོ་གའི་རྒྱུད་སྡེ་ཡིན་ནོ། །ཨ་ནུ་ཡོ་གའི་རྒྱུད་སྡེ་ལ། མདོ་བཞི་ཐེམས་དང་ལྔ་ལ། ཀུན་བཏུས་རིག་པའི་མདོ། །སེམས་ལུང་ཆེན་མོའི་མདོ། །སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་ནི་བཀའ་ཐམས་ཅད་ཀྱི་ཐེམས་སུ་བཞག་པ་ཡིན་ནོ། །གབ་པ་སྡེ་དྲུག་ལ། སྐུའི་རྒྱུད་སངས་རྒྱས་མཉམ་སྦྱོར། གསུང་གི་རྒྱུད་ཟླ་གསང་ཐིག་ལེ། ཐུགས་ཀྱི་རྒྱུད་གསང་བ་འདུས་པ། ཡོན་ཏན་གྱི་རྒྱུད་རྣམ་སྣང་སྒྱུ་འཕྲུལ། ཕྲིན་ལས་ཀྱི་རྒྱུད་ཀརྨ་མཱ་ལྱེ། མཇུག་རྒྱུད་དོན་བསྡུས་པ་རྡོ་རྗེ་གདན་བཞིའི་རྒྱུད་དོན་ནོ། །སྒྱུ་འཕྲུལ་སྡེ་བརྒྱད་ལ། སེམས་དང་ཡེ་ཤེས་དང་རང་སྣང་དུ་སྟོན་པ་གསང་བའི་སྙིང་པོ། ཕྲིན་ལས་ཁ་ཚང་བར་བསྟན་པ་སྒྱུ་འཕྲུལ་བཞི་བཅུ་པ། དབང་མངོན་དུ་གྱུར་པ་སྒྱུ་འཕྲུལ་བླ་མ། དམ་ཚིག་དང་བསྟན་པའི་མན་ངག་ཏུ་གྱུར་པ་སྒྱུ་འཕྲུལ་ལེ་ལག དོན་བསྡུས་ནས་བསྟན་པ་སྒྱུ་འཕྲུལ་ལེའུ་བརྒྱད་པ། རོལ་པ་མངོན་དུ་གྱུར་པ་ལྷ་མོ་སྒྱུ་འཕྲུལ། དེ་རྣམས་ཀྱིས་མ་ཚང་བ་ཁ་སྐོང་པ་སྒྱུ་འཕྲུལ་བརྒྱད་ཅུ་པ། དོན་དམ་པ་ཡེ་ཤེས་ཡོངས་སུ་ཤེས་པ་འཇམ་དཔལ་སྒྱུ་འཕྲུལ་ལོ། །དེ་རྣམས་ནི་གསང་སྔགས་ནང་གི་རྒྱུད་སྡེ་ཡིན་ནོ། །རྒྱ་དཔེ་རྒྱ་གར་ཤྲཱེ་ན་ལེནྡྲའི་གཙུག་ལག་ཁང་ན་བཞུགས་པ་ལ། སློབ་དཔོན་གྱི་རྫུ་འཕྲུལ་གྱིས་བླངས་ཏེ། རྒྱ་ གར་དུ་མ་ལུས་པར་དཔེ་བསམ་ཡས་ཀྱི་དཀོར་མཛོད་ན་བཞུགས་སོ། །སློབ་དཔོན་བོ་དྷི་སཏཱ་དང་ལོ་ཙཱ་བ་སྐ་བ་དཔལ་བརྩེགས་ཀྱིས་གསང་སྔགས་ཕྱི་པ་རྣམས་བསྒྱུར་ཚལ། སློབ་དཔོན་བོ་དྷི་སཏཱ་དང་། ལོ་ཙཱ་བ་སྐ་བ་དཔལ་བརྩེགས་ཀྱིས་གསང་སྔགས་ཕྱི་པ་རྣམས་བསྒྱུར་ཏེ། དེ་ཡང་བྱ་བའི་རྒྱུད། ཀྲྀ་ཡའི་ཆོས་བྱ་བ་ཕྱིའི་རྒྱུད་དྲུག་ལ། རིག་སྔགས་ཐམས་ཅད་ཀྱི་ཁོག་དབུབ་པ་ཀྲྀ་ཡ་དཔུང་བཟང་གི་རྒྱུད། རིག་སྔགས་ཐམས་ཅད་གསལ་བ་རིག་པ་མཆོག་གི་རྒྱུད། རིག་སྔགས་ཐམས་ཅད་ཀྱི་དོན་བསྡུས་པ་སུ་སི་ཏི་ཀ་རའི་རྒྱུད། རིག་སྔགས་ཐམས་ཅད་ཀྱི་དགོངས་པ་བསམ་གཏན་ཕྱི་མའི་རྒྱུད་དང་དང་དྲུག་གོ །བྱ་བ་བྲེ་བྲག་གི་རྒྱུད་ནི། རིགས་གསུམ་གྱི་སྐོར་ལས། སྤྱན་རས་གཟིགས་ཀྱི་ཆོས་སྐོར་ལ་པདྨ་རྩེ་མོ་སངག་ཀྱི་རྒྱུད། པདྨ་ཅོད་པན་གྱི་རྒྱུད། ཆོ་ག་སྔགས་ཀྱི་རྒྱུད། ཡིད་བཞིན་ནོར་བུའི་རྒྱུད། ཨ་མོ་གྷ་པཱ་ཤ་དོན་ཡོད་ཞགས་པའི་རྒྱུད། ཟ་མ་ཏོག་བཀོད་པ་ཆེ་ཆུང་པ་སོགས་པའི་རྒྱུད་དོ། །འཇམ་དཔལ་གྱི་སྐོར་ལ། འཇམ་དཔལ་ཡེ་ཤེས་སེམས་དཔའ་དྲི་མ་མེད་པའི་རྒྱུད། འཇམ་དཔལ་རྣོན་པོ་དྲི་མ་མེད་པའི་རྒྱུད། འཇམ་དཔལ་དྲྭ་བ་སྤྱོད་པའི་རྒྱུད། འཇམ་དཔལ་མཚན་ཡག་དགཔར་བརྗོད་པ་གླུར་བླངས་རྒྱུད་ལ་སོགས་པའོ། །ཕྱག་ན་རྡོ་རྗེའི་སྐོར་ལ། ཕྱག་ན་རྡོ་རྗེ་དབང་བསྐུར་བའི་རྒྱུད། ཕྱག་ན་རྡོ་རྗེ་ས་འོག་གི་ རྒྱུད། རྡོ་རྗེ་བེ་ཅོན་གྱི་རྒྱུད། རྡོ་རྗེ་བདེ་ཁྲོས་ཀྱི་རྒྱུད། རྡོ་རྗེ་རྣོན་པོའི་རྒྱུད་ལ་སོགས་པའོ། །གཟུངས་གྲྭ་ལྔ་ལ་སོགས་པ་གཟུངས་བརྒྱ་དྲུག་ཅུའོ། །ཨུ་པའི་རྒྱུད་བཞི་ལ་སྤྱོད་རྒྱུད་བཞི་སྟེ། རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད། མེ་དཔུང་འབར་བའི་རྒྱུད། ཕྱག་ན་རྡོ་རེཇ་དབང་བསྐུར་བའི་རྒྱུད། རྣམ་པར་མི་རྟོག་པའི་རྒྱུད་དོ། །ཡོ་ག་རྣལ་འབྱོར་གྱི་རྒྱུད་ལ། ཡོ་གའི་གཞུང་ཆེན་པོ་བམ་པོ་སུམ་བརྒྱ་ཡོད་པས་མ་བསྒྱུར། དེའི་རྒྱུད་སྡེ་ཆེན་པོ་བཞི་ལ། རྩ་བའི་རྒྱུད་ཏ་ཐ་སང་ཀྲ་ཧ་དང་། པ་ཤ་ཀ་ར་རྡོ་རྗེ་རྩེ་མོའི་རྒྱུད་དང་། ཤྲཱི་པདྨ་རཱ་ག་རྒྱ་དཔལ་མཆོག་དང་པོའི་རྒྱུད་དང་། ས་མུན་ཛཱ་ཡ་རྟོགས་པ་བསྡུས་པའི་རྒྱུད་དང་བཞིའོ། །དེ་ལྟར་གསང་སྔགས་ཕྱིའི་རྒྱུད་སྡེ་དེ་རྣམས་སློབ་དཔོན་བོ་དྷི་སཏྭ་དང་། ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་རོ། །རྒྱུ་དཔེ་རྣམས་བསམ་ཡས་ཀྱི་དཔེ་མཛོད་དུ་བཞུགས་སོ། །ལོ་ཙཱ་བ་ཉང་ཏིང་འཛིན་བཟང་པོས་ཀྲྀ་ཡའི་རྒྱུད་སྡེ་ཏཱིཀ་སོགས་བསྒྱུར་ཚུལ། བབས་གཉིས་པ་ནི་དེའི་རྗེས་ལ་སློབ་དཔོན་དྷ་ནས་སྐྲིཏ་དང་། ཤཱམྟིང་གབྡྷ་གདན་དྲངས་ཏེ། དེའི་དུས་ལོ་ཙཱ་བ་ཉང་ཏིང་འཛིན་བཟང་པོས་མཛད་ནས་ཀྲྀ་ཡའི་རྒྱུད་སྡེ་ཊཱིཀ་དང་བཅས་པ་དང་། སྐུ་གསུངས་ཐུགས་ཀྱི་གལ་པོའི་སྐོར་དང་། གཤིན་རྗེའི་སྒྲུབ་ཐབས་ཁ་ཡར་བསྒྱུར་རོ། ། སློབ་དཔོན་སངས་རྒྱས་གསང་བ་ལས་གསང་སྔགས་ཕྱི་ནང་གི་ཆོས་མང་དུ་བསྒྱུར་བ། བབས་གསུམ་པ་ནི། སློབ་དཔོན་སངས་རྒྱས་གསང་བ་གངས་ཏི་སི་ལ་བྱོན་པའི་ཚེ་ཆོས་གསུངས་པ་རྣམས་ཡིན་ཏེ། སྐུ་ཆེ་བའི་ལོ་རྒྱུས་ནི། རྒྱ་གར་ནུབ་ཕྱོགས་པའི་རྒྱལ་རིགས་ཆེན་པོ་ཞིག་ཡིན་ཅིང་། ལན་གཅིག་གི་ཚེ་རྒྱལ་པོ་ཆེན་པོ་ཞིག་ལ་སྲས་ཞིག་འཁྲུངས་པ་ལས། རྒྱལ་པོའི་ཐུགས་དགོངས་ལ་ངའི་བུ་འདི་ལ་འཇིག་རྟེན་གྱི་ཁམས་ན་གང་ཟག་མིའི་སློབ་དཔོན་དུ་བྱ་བའི་འོས་མེད་པས་མཁྱེན་རབ་གྱི་མངའ་བདག་འཕགས་པ་འཇམ་དཔལ་བསྒྲུབ་ཏུ་བཅུག་ལ་དེ་ལ་སློབ་དཔོན་ཞུ་དགོངས་སྙམ་ནས། སྐུ་རྟེན་ལུགས་སྐུ་ཁྲུ་གང་། གསུང་རྟེན་མེ་ཏོག་པདྨ། ཐུགས་རྟེན་འོ་མ་སྤར་བུ་གང་གཏད་དེ། རྒྱལ་པོས་འཇམ་དཔལ་གྱི་སྒོམ་ལུང་ཕོག་ནས་བསྒྲུབ་ཏུ་བཅུག་པས་རྒྱལ་པོ་བསོད་ནམས་ཆེ་བ་དང་། རྒྱལ་རིགས་ཡིན་པས་ཞག་དྲུག་ནས་འགྲུབ་སྟེ། ལུགས་སྐུ་ཞལ་འཛུམ་པ་དང་བཞད་པ་ལ་སོགས་པ་བྱུང་། པདྨའང་སོར་མར་སྐྱེས་པ་འདྲ་བ་བྱུང་། འོ་མ་ཡང་ལུད་ལ་ཁད་པ་བྱུང་སྟེ་རྒྱལ་བུའི་བསམ་པ་ལ་འཇམ་དཔལ་འགྲུབ་ནས་འདུག་བས་སིདྡྷི་གང་ལ་བླངས་ན་དྲག་སྙམ་པའི་ཐེ་ཚོམ་སྐྱེས་པ་ལས། ལྷ་ཉིད་བདུད་འཆར་ཀ་ནག་པོ་ཞེས་བྱ་སྟེ། བྱ་ནག་པོ་ཆེན་པོ་ཞིག་ཏུ་སྤྲུལ་ནས་གཤོག་པ་ཆུར་བཅུག་པ་ས་ལ་བསྒྲེས་ཏེ། སློབ་དཔོན་གྱི་འགྲམ་པ་ལ་བརྒྱབ་པས་དར་ཅིག་བརྒྱལ་བར་གྱུར་ཏེ། བརྒྱབ་བ་སངས་པ་དང་བལྟས་པས། ལུགས་སྐུའང་ནག་ལོག་གེར་སོང་། པདྨ་ཡང་རྙིང་པར་ སོང་། འོ་མ་ཡང་བསྐམས་ལ་ཁད་པར་སོང་། རྒྱལ་བུའི་བསམ་པ་ལ་ད་རེས་སིདྡྷི་གང་ལ་བླངས་ཀྱང་ཆོག་པའི་དུས་སུ་སིདྡྷི་མ་བླངས་པས་ལན། དེ་ཅིས་ཉེས་སྙམ་ན་ཐེ་ཚོམ་ཟོས་པས་ལན། དེ་ཅིས་ལན་ན་ཐོས་པ་ཆུང་བས་ལན་སྙམ་ནས། ཧ་ཅང་ཐོས་པ་ཆུང་ན་ཡང་བདུད་ཀྱི་ལས་སུ་རིག་པར་བྱ་སྟེ། ངའམ་ང་ལྟ་བུའོ་གསུངས་ནས། ཡབ་རྒྱལ་པོ་ལ་ཞུས་ནས། རྒྱ་གར་ཤར་ཕྱོགས་སུ་པཎྜི་ཏ་ལྔ་བརྒྱའི་དྲུང་དུ་ཐོས་པ་མཛད་དུ་བྱོན་པས། ཁོང་རིགས་བཟང་བ་དང་། འཇམ་དཔལ་གྲུབ་པའི་སྟོབས་ཀྱིས་པཎྜི་ཏ་ལྒ་བརྒྱའི་མཁྱེན་པ་ཐམས་ཅད་ཐོགས་པ་མེད་པར་ཐུགས་སུ་ཆུད་ཅིང་མཁས་པ་ཆེན་པོར་གྱུར་ཏེ་ཁོང་རིགས་བཟང་བ་དང་མཁས་པའི་སྟོབས་ཀྱིས་ལོངས་སྤྱོད་འདུ་འཛི་མང་པོ་འདུས་པས་གཡེངས་པ་ཤིན་དུ་ཆེ་སྟེ། སྐྱོ་བ་སྐྱེས་ནས་ཧ་ཅང་ཐོས་པ་ཆེ་ན་བདུད་ཀྱི་ལས་སུ་རིགས་པར་བྱ་སྟེ། ངའམ་ང་ལྟ་བུའོ་གསུངས་ནས། གངས་ཏི་སེ་བྱ་རོག་གི་གདོང་པ་ཅན་གསེར་བྲག་བྱ་སྐྱིབས་བྱ་བར་སྒོམ་སྒྲུབ་ལ་བྱོན་པ་དང་དེའིད་དུས་སུ་བོད་ཡུལ་ན་ཆོས་སྐྱོང་བའི་རྒྱལ་པོ་མངའ་བདག་ཁྲི་སྲོང་ལྡེ་བཙན་བཞུཊ་པ་དང་དུས་མཚུངས་ནས། གངས་ཏུ་སི་ན་རྒྱ་གར་གྱི་པཎྜི་ཏ་མཁས་པ་ཞིག་བྱོན་ནས་འདུག་ཟེར་བ་ཐོས་ནས། ལོ་ཙ་བ་དབའ་མཉྫུ་ཤྲཱི་ཝརྨ་དང་། མཆིམས་ཤཱཀྱ་པྲ་བྷ་དང་། བྲན་ཀ་ར་མུ་ཁེནྡྲ། རྩངས་ཐེ་ལེག་ཏྲ་དང་བཞི་ལ་གསེར་ཕྱི་བྲེ་གསུམ་བསྐུར་ནས་གདན་འདྲེན་དུ་བཏང་བས། ང་སྒྲུབ་པའི་དམ་བཅའ་ཞིག་བྱས་ནས་ཡོད་པས་བོད་དུ་མི་འགྲོ་གསུངས་ནས། འབྱོན་དུ་མ་བཞེད། མི་འབྱོན་ན་ཆོས་ཞུ་འཚལ་ཞུས་པས། ཆོས་བཤད་པའི་དུས་ལ་བབ་བམ་མི་བབ་ཡིད་གྱི་ལྷ་ལ་དྲི་ཡིས་ གསུངས་ནས། ཞག་གསུམ་ཡི་དམ་ལྷ་ལ་གསོལ་བ་བཏབ་ནས་དྲིས་པས། དུས་ལ་བབ་པར་ཡི་དམ་ལྷས་ལུང་བསྟན་ནས། ཆོས་གསུང་བར་གནང་སྟེ། གསང་སྔགས་ཀྱི་ཆོས་ཟབ་མོ་བཤད་པ་ལ་སྨོན་ལ་དབང་བསྐུར་དགོས་གསུངས་ནས། སློབ་དཔོན་གྱིས་མཚོ་མ་ཕམ་གཡུའི་དབྱིངས་ཀྱི་དཀྱིལ་འཁོར་ལྷ་ཚོགས་བཞི་བཅུ་རྩ་གཉིས་མདུན་གྱི་ནམ་མཁའ་ལ་བཀྲ་ས་ལེ་འདུག་པ་བང་ཆེན་པ་རྣམས་ཀྱིས་ཞལ་མཐོག་བ་བྱུང་། དེར་སློབ་དཔོན་གྱིས་དབང་ལྷ་ལ་ཞུ་བའམ་ང་ལ་ཞུ་གསུངས་པས། ཁོང་རྣམས་ཀྱི་སེམས་པར། ལྷ་དེ་ནས་མི་སྣང་བར་འགྲོ་བས། སྔོན་ལ་ལྷ་ལ་ཞུ་བྱས་པས། སློབ་དཔོན་གྱིས་སེ་གོལ་གཏོགས་པ་ཞིག་བྱས་ཏེ། ལྷ་ཚོགས་རྣམས་ཏུགས་ཀར་བསྡུས་ནས། ཁྱེད་བོད་སྲིན་པོ་གདོང་དམར་བ་འདི་དམ་ཚིག་ཤིན་ཏུ་ཆུང་བར་འདུག་སྟེ། ཆོས་འཆད་པའི་འབྲེལ་བ་ཙམ་འདུག་པས། བཤད་པར་བྱ། གསུངས་ནས་མངོན་པར་བྱང་ཆུབ་པའི་རྒྱུད་དང་། ངན་སོངས་སྦྱོང་རྒྱུད་སྒྲུབ་ཐམས་དང་་བཅས་པ། མན་ངག་ཨ་བ་ཏ་ར་ལ་སོགས་ལ་ཡོ་གའི་ཆོས་རྣམས་དང་། གཞན་ཡང་གསང་སྔགས་ནང་གི་རྒྱུ་འཕྲུལ་གསང་བའི་སྙིང་པོ་འགྲེལ་པ་དང་བཅས་པ། མན་ངག་ལམ་རིམ། སློབ་དཔོན་ཉེད་ཀྱིས་མཛད་པའི་མན་ངག་རྡོ་རྗེ་ལམ་རིམ། ཁྲོ་བོའི་ལམ་རིམ་དང་། ཞི་བ་དྲྭ་ཆེན་དྲྭ་ཆུང་དང་། འབྲིང་པོ་ལ་སོགས་མན་ངག་ཕྲ་མོ་མང་པོ་དང་། བསམ་གཏན་ཕྱི་མའི་རྒྱ་ཆེར་འགྲེལ་པ་དང་བཅས་པ། གསང་སྔགས་ཕྱི་ནང་གི་ཆོས་མང་དུ་བསྒྱུར་ནས་བྱུང་བ་ཡིན་ནོ། །ལང་ཆེན་པ་རྣམས་ཀྱིས་རྒྱལ་པོ་ལ་གསུངས་པ། རྒྱལ་པོས་ལོ་ཙྭ་བ་ རྨ་གཉག་གཞན་དུ་དམའ་གྲག་ཞེས་འཁོད། སྒྲིག་པོས། གཉིས་ལ་བཤད། དེ་ནས་མར་སྒྱུ་འཕྲུལ་གྱི་བརྒྱུད་པ་སྤྱི་མདོ་དང་མཐུན་པར་གསུངས་སོ། །གྲུབ་ཐོབ་སློབ་དཔོན་ནམ་མཁའ་སྙིང་པོའི་སྐོར། བབས་བཞི་པ་ནི། རྒྱ་གར་ན་སློབ་དཔོན་ཧཱུཾ་ཀ་ར་གསང་སྔགས་ཀྱི་མངའ་བདག་ཏུ་གྲགས་ནའང་། སྤྱན་ནི་མ་འདྲོངས། རྒྱལ་པོའི་ཐུགས་དགོངས་ལ། གསང་སྔགས་རྡོ་རྗེ་ཐེག་པ། ཚེ་འདི་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་ཆོས། རྒྱ་གར་ཡུལ་དུ་གྲུབ་ཐོབ་རྣམས་ལ་ཞུ་རུ་བཏང་ལ། བོད་འདིར་ཡང་གྲུབ་ཐོབ་འགའ་མ་བྱུང་ན་ཆོས་ལ་ཡིད་མི་ཆེས། ཕྱི་རབས་ཀྱང་མི་འབྱུང་ལ། རྒྱ་གར་དུ་ཆོས་ལ་གཏུག་ཏུ་གཏོང་དགོས་སྙམ་ནས། བོད་ཀྱི་དགེ་སློང་མི་ལྔ་རྒྱ་གར་དུ་བརྫངས་ཏེ། གནུབས་ནམ་ཁའི་ཧ་རཱ་ཛ། འདྲེ་རྒྱལ་བའི་བློ་གྲོས་དང་ལྔ། ལང་གྲོ་དཀོན་མཆོག་འབྱུང་གནས་དང་། དགེ་སློང་མི་ལྔ་དཔོན་དང་དྲུག་བརྫངས་ཀྱང་ཟེར་དེ། དེ་རྣམས་ཞབས་འོག་ནས་རྡེའུ་བཏོན། དབུའི་མཆོད་གནས་སུ་བསྐུར་བས། བཀའ་ལ་བཏགས་ནས། རྒྱ་གར་གྱི་ཡུལ་དུ་གསང་སྔགས་ཀྱི་ཆོས་འཚོལ་དུ་བཏང་སྟེ། གསེར་ཕྲེ་བྲེ་གསུམ་བསྐུར་ནས་བཏང་བ་དང་། དགེ་སློང་མི་ལྔས་དཀའ་བ་སྲོག་དང་བསྡོས་ཏེ། རྒྱ་གར་ཡུལ་དུ་ཕྱིན་ནས་ད་ལྟ་རྒྱ་གར་ཡུལ་ན་གསང་སྔགས་ཀྱི་གྲུབ་པ་ཐོབ་པར་གྲཊ་པ་ཇི་སྐད་བྱ་བ་ཡོད་དྲིས་པས། གསེར་བྲག་བྱ་ཁྱུང་བ་ལ་སློབ་དཔོན་ཧཱུཾ་ཀ་ར་བྱ་བ་བཞུགས་ཟེར་ནས། སློབ་དཔོན་གྱི་ཐད་དུ་ཕྱིན་ནས་གཡོག་པོ་སོག་སྐྱ་ དེ་བ་བྱ་བ་ལ་གསེར་བརྔན་པར་བྱིན་ནས། སློབ་དཔོན་ལ་ཆོས་ཞུ་བ་ཡིན་པས། ཁྱོད་ཀྱིས་སློབ་དཔོན་དང་ངོ་སྤྲོད་དགོས་བྱས་པས། སློབ་དཔོན་བསྐོར་ཁང་རིམ་དགུའི་ནང་ན་དགོངས་པ་མཛད་ཅིང་བཞུགས་པས། མཇལ་དུ་མི་བཏུབ། ཁྱེད་རང་ནང་དུ་འཁྲིད་ཀྱིས། སློབ་དཔོན་གྱི་སྤྱན་སྔར་བཙན་ཐབས་ཀྱིས་སོང་ལ་གསེར་ཕུལ་ལ་ཆོས་ཞུས་ཤིག་གནང་སྟེར་འོང་གིས་ཟེར་བས། བོད་ཀྱི་བན་དྷེ་མི་ལྔས་ཕྱིན་ནས་ཕྱག་བཙལ་ཏེ། གསེར་ཕྱེ་བྲེ་གང་ཕུལ་ནས། སློབ་དཔོན་ཆེན་པོ་ལགས། ངེད་བོད་ཀྱི་ཆོས་སྐྱོང་བའི་རྒྱལ་པོས་ཚེ་འདི་ཉིད་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པའི་ཆོས་ཤིག་འཚོལ་དུ་བཏང་བས། སློབ་དཔོན་གྱིས་གནང་འཚལ། ཞུ་རྟེན་དུ་གསེར་བསྐུར་བ་འདི་ལགས། ཆོས་མ་རྙེད་ན་རྒྱལ་པོས་ངེད་རྣམས་ལ་ཆད་པ་གཅོད་དུ་འོང་བས། སློབ་དཔོན་གྱིས་ཐུགས་རྗེས་བཟུང་འཚལ། ཞེས་ཞུ་པས། སློབ་དཔོན་གྱི་ཞལ་ནས། བོད་ཀྱི་རྒྱལ་པོ་བྱང་ཆུབ་སེམས་དཔའི་རིགས། ཆོས་ལ་ཐུགས་དགོངས་འཇོག་པ་ངོ་མཚར་ཆེ། ཁྱེད་རྣམས་དཀའ་བ་དང་བསྡོས་ནས་ཆོས་འཚོལ་དུ་འོང་པས་ང་དང་འཕྲད་པ་ལས་འཕྲོ་ཡོད་པ་ཡིན་པས་སྔོན་ལ་དབང་བསྐུར་དགོས་གསུངས་ནས། དབང་གསང་སྔགས་ཀྱི་རྩ་བ་ཡིན་པས། དབང་མ་བསྐུར་ན་གསང་སྔགས་བཤད་དུ་མི་རུང་། སྒྲུབ་ཏུ་མི་རུང་གསུངས་ནས། ཟླ་གམ་དྲུག་ཅུ་རྩ་བརྒྱད་པའི་དཀྱིལ་འཁོར་བཞེངས་ནས་དབང་བསྐུར། ཕྲག་འཐུང་དྲུག་ཅུ་རྩ་བརྒྱད་པའི་ཞལ་བསྟན། དེ་ནས་ཟླ་གམ་ལྔ་བཅུ་རྩ་བརྒྱད་པ་དང་། ཟླ་གམ་དགུ་པ་དང་། དུག་གསུམ་པང་རིམ་གསུམ་པ་དང་། དལ་རིམ་པར་ཞལ་ཕྱེ་ནས་བསྟན། སྨན་གྱི་སྒྲུབ་པའི་དལ་ལ། གསུམ་ལས། པདྨ་འདབ་མ་བརྒྱད་ལ་བརྟེན་ནས་སྨན་མཁའ་འགྲོ་མ་བུའི་སྒྲུབ་པ། ཙཀྲ་རྩིབས་བརྒྱད་ཕྱེ་མའི་སྒྲུབ་པ། ཟླ་གམ་དགུ་པ་དམ་རྫས་རློན་སྦྱོར་གྱི་སྒྲུབ་པ་དང་། དེ་ལྟར་གསུམ་དུ་བདུད་རྩི་སྨན་གྱི་སྒྲུབ་པར་ཞལ་བསྟན། བཀྲ་ཤིས་དག་པའི་རྫས་ལ་བརྟེན་ནས་ཚེ་སྒྲུབ་པ། མཁའ་དབྱིངས་དག་པའི་ཡུམ་ལ་བརྟེན་ནས་ཚེ་སྒྲུབ་པ། གསང་བ་བྱང་ཆུབ་སེམས་ལ་བརྟེན་ནས་ཚེ་སྒྲུབ་པ་དང་གསུམ་གྱི་དལ་དུ་ཚེ་སྒྲུབས་ནས་འཆི་མེད་ཚེའི་དབང་བསྐུར། ཡེ་དག་པའི་ཆོས་ཉིད་བྱང་ཆུབ་སེམས་ཀྱི་སྒྲུབ་པ། མཁའ་དག་པ་སྦྱོར་བ་བྱང་ཆུབ་སེམས་ཀྱི་སྒྲུབ་པ། སྙིང་རྗེ་དག་པ་སྒྲོལ་བ་བྱང་ཆུབ་སེམས་ཀྱི་སྒྲུབ་པར་གསང་སྔགས་སྤྱོད་པས་དབང་བསྐུར། དེ་རྣམས་ལག་ལེན་དུ་བཤད་ནས། ཡང་དག་སྐོར་བྱང་ཐམས་ཅད་བརྫངས་ནས། ད་ལོ་གཅིག་ཏུ་བསྒྲུབ་ལ གྲུབ་རྟགས་ཐོན་པར་གྱིས་ལ་བོད་དུ་སོང་ཞིག་གསུངས་པས། བོད་ཀྱི་བན་དྷེ་མི་ལྔ་པོས་འགྲོ་བར་བྱས་པས། རླངས་དཔལ་གྱི་སེདྒེ་ན་རེ། སློབ་དཔོན་རྒྱ་ཆོས་བོད་དུ་འཕེལ་གྱིས་དོག་པ་ཡིན་ཉེན་ཡོད། རྒྱ་གར་བ་ཅོས་ལ་ཕྲག་དོག་ཆེ་བས། འོ་ཅག་གི་སྲོག་ལ་འབབ་ཉེན་ཡོད་བྱས་པས། གནུབས་ནམ་མཁའི་སྙིང་པོས་སྨྲས་པ། མས་བུ་ལ་དུག་ཆུ་མི་བླུད། སློབ་དཔོན་གྱིས་ལོག་པ་མི་སློབ། སློབ་དཔོན་གྱི་བཀའ་བཅག་ན་དམྱལ་བར་འགྲོ། ང་མི་འགྲོ་ཁྱེད་ཅག་འགྲོ་ན་སོང་ཞིག་བྱས་པས། མི་བཞི་པོས་འགྲོ་བར་ཆས་པ་ལ། སློབ་དཔོན་གྱིས་སེང་ལྡེང་གི་ཕུར་པ་བྱིན་གྱིས་བརླབས་པ་ཞིག་རླངས་དཔལ་གྱི་སེདྒེ་ལ་བསྐུར་ནས། འདི་ཉལ་ཙ་ན་སྔས་སུ་ཐོབ་ཅིག བར་ཆད་འོང་ཉེན་ཡོད་དོ་གསུངས་པ་དང་། བལ་ཡུལ་གྱི་མཚོ་འགྲམ་ཞིག་ཏུ་ཉལ་བ་དང་། སེང་ ལྡེང་གི་ཕུར་པ་སྔས་སུ་བཏབ་སྟེ་ཁོ་གཉིད་ལོག་པས་གྲུ་གུ་ཨུ་པེ་ཤས་ཁོ་རང་གི་སྔས་སུ་བཏབ་པ་དང་། སྔར་སློབ་དཔོན་གྱི་བཀའ་ལ་ཡིད་མ་ཆེས་པའི་སྐྱོན་གྱིས་མཆོ་དེ་ལ་ཀླུ་ནག་པོ་འདམ་འཛིན་བྱ་བ་ཡོད་པ་སྦྲུལ་ནག་པོ་ཆེན་པོ་གཅིག་ཏུ་བྱས་ཏེ། དཔལ་གྱི་སེདྒེའི་རྩེའུ་ཆུང་འཇིབ་ཏེ་གུམ་མོ། །དེ་ནས་དགེ་སློང་མི་གསུམ་པོས་རྗེའི་སྤྱན་སྔར་བྱོན་ཏེ། ཆོས་ཕུལ་ནས། གཉིས་པོའི་ལོ་རྒྱུས་བཤད་པས། རྒྱལ་པོ་ཡང་ཐུགས་མ་ཆེས། བློན་པོ་གདུག་པ་ཅན་རྣམས་ཀྱིས་ཆོས་ལ་ཕྲག་དོག་བྱས་ཏེ། འདྲེ་རྒྱལ་བའི་བློ་གྲོས་བྱང་ཐོ་སིང་ཧ་རཱ་ཛ་མདོ་ཁམས་སྨད་དུ་སྤྱུགས་སོ། །གནུབས་ནམ་མཁའི་སྙིང་པོ་ལ་སློབ་དཔོནགཡིས་ཡང་དག་སྒྲུབ་པ་རྩ་བ་ལྟ་བུ་ལ་འགྲེལ་ཆེན་སྒྲོན་མེ་ལྟ་བུ་མཛད་ནས་བཤད། ཡང་དག་སྒྲུབ་པ་ལུས་ཀྱི་ཁོག་པ་དང་འདྲ་བས་ན། ཁོང་པའི་སྙིང་དང་འདྲ་བའི་མེ་གཅིག་ཐོད་གཅིག་གནང་ནས། ལོ་གཅིག་གསེར་བྲག་བྱ་ཁྱུང་ལ་བསྒྲུབས་པས་དཔལ་ཆེན་པོ་ཡབ་ཡུམ་གྱི་ཞལ་མཐོང་། དེ་ནས་བོད་དུ་རྫུ་འཕྲུལ་གྱིས་འོངས་པས། མངའ་བདག་གི་སྤྱན་སྔར་ཕྱིན་ནས་རྗེ་ལ་ཞུས་པ། རྗེས་བཞེད་པའི་ཆོས་དཔལ་ཡང་དག་གྲུབ་ལ་བྱ་བ་རྒྱུ་སེམས་ཅན་ལ་འབྲས་བུ་ཕྱག་རྒྱ་ཆེན་པོ་ཐོབ་པ་འདི་ལྟ་བུ་མཆིས་སོ་གསུངས་ནས། ཡང་དག་གྲུབ་པ་གཅིག་པོ་ཉིད། །སངས་རྒྱས་བདེ་ཆེན་ཀུན་འདུས་པ། །རྣམ་འབྱོར་ཟབ་མོ་སྐུ་གསུམ་རྫོགས། །མཁའ་འགྲོ་སྒྱུ་མ་བདེ་མཆོག་བདེ། །ཞེས་གསུངས་ནས། རང་གི་བྲང་དངུལ་དཀར་གྱི་གྲི་གུས་གཤགས་ནས། ཁོང་པ་ན་ཞི་བའི་ལྷ་སངས་རྒྱས་བཞི་བཅུ་རྩ་གཉིས་བཀྲ་ལམ་པ་བསྟན་པས། རྒྱལ་པོ་ཚིག་དང་དོན་གཉིས་ལྷ་གསུམ་ཀ་ལ་ངེས་ཤེས་སྐྱེས་ཏེ། ཕྱག་དབུ་ཐོད་བུད་བུད་བཙལ་ལོ། །དེ་ནས་རྒྱལ་པོ་དབུའི་མཆོད་གནས་སུ་བཟུང་ནས། འཕགས་པ་ཡང་དག་པའི་ཆོས་སྐོར་རྣམས་དང་། ཀྲྀ་ཡ་ཡོ་ག་སྡེ་གསུམ་དང་། མ་ཧཱ་ཡོ་གའི་རྒྱུད་དང་ཕྱག་བཞེས་དང་། གཞན་ཡང་ལུང་གི་ཧེ་རུ་ཀ་གལ་པོ་ལ་སོགས་པའི་རྒྱུད་དང་ཕྱག་བཞེས་མང་དུ་བསྐྱུར། ཁྱད་པར་དཔལ་ཡང་དག་ཟླ་གམ་དྲུག་ཅུ་རྩ་བརྒྱད་པ་དང་། ཟླ་གམ་ལྔ་བཅུ་རྩ་བརྒྱད་པ་དང་། ཟླ་གམ་དགུ་པ་དང་། ཟླ་གམ་གཅིག་པ་དང་། དུག་གསུམ་ངང་རིམ་གསུམ་པ་ལ་སོཊ་པ་རྣམས་རྒྱུད་སྒྲུབ་ཐབས་ཕྱག་བཞེས་ལ་སོཊ་པ་རྣམ་གསུངས་ཤིང་གསན་པས། བློན་པོ་རྣམས་ཀྱིས་ཕྲག་དོག་བྱས་ནས་རྒྱལ་པོས་འབངས་ལ་སློབ་དཔོན་བྱ་བར་མི་རིཊ་པས། འདི་རྒྱལ་ཁྲིམས་ལ་གནོད་པས། འདུག་ས་གཅིག་ཏུ་མི་འཇོག་གོ་ཟེར་ནས་ལྷོ་བྲག་མཁར་ཆུར་སྤྱུགས་སོ། །ལྕགས་ཕུར་ཅན་དུ་སྒྲུབ་ཏེ། གྲུབ་རྟགས་མར་མེ་རང་འབར་བ་དང་། བྲག་ལ་སྐུ་རྒྱབ་གཏད་པའི་ཤུལ་དང་། ཕུར་བ་བཏབ་པ་དང་། ཉི་ཟེར་ལ་ཞོན་ནས་གཤེགས་པ་བྱུང་གོ །དེ་ནས་དུས་ལན་གཅིག་གི་ཚེ་ན་རྒྱལ་པོ་བསྙུང་ནས། སྐུའི་རིམ་གྲོ་ཅི་བྱས་ཀྱང་མ་ཕན་པར་ལྟོ་དང་རྩིས་དང་མོ་ལ་སོགས་པ་བཏབ་པས་གཞན་ཅིས་ཀྱང་མི་ཕན། དགེ་སློང་ནམ་མཁའ་སྙིང་པོ་སྤྱན་དྲངས་ན་ཕན་ཟེར་ནས། བང་ཆེན་པ་མི་གཉིས་བཏང་བ་དང་། ཁྱེད་རང་སྔོན་ལ་སོང་ཤིག་ང་འོང་གི་གསུངས་པ་དང་། བང་ཆེན་པས་མ་སླེབས་པར་སློབ་དཔོན་རྒྱལ་པོའི་སྤྱན་སྔར་ཉི་མ་དྲོས་པ་དང་བྱོན་ནོ། །དེར་རྒྱལ་པོས་སྐུའི་རིམ་གྲོའི་ཡོ་བྱད་ཅི་འཚལ་ ཞུས་པ་དང་། གཞན་ཅི་ཡག་མི་འཚལ། ད་རྒྱལ་པོ་ཉིད་རང་བཞེས་པ་ཅི་ཙལ་འཚལ་བ་ཞིག་ཞལ་སྐྱེམས་དང་ཆོས་ལ་དྲོངས་ཤིག་གསུངས་ནས། དེ་ཁ་ཟས་ཚོགས་མཛད་ནས་བཞེས་པས་སུམ་ཆ་གཅིག་ཙམ་ཞིག་གསོལ་ཚར་ཙམ་ན། འབངས་ནང་པ་གཅིག་གིས་སྙུན་གསོལ་བས། བདག་ལ་ནི་བུད་མེད་དཀར་མོ་གཅིག་བྱུང་ནས་ཐལ་ལྕག་ཅིག་བརྒྱབ་པ་སྙམ་བགྱིའོ། །ཨེན་ཙམ་པ་ཞིག་བདེའོ་གསུངས་ཏེ། རྒྱལ་པོས་སློབ་དཔོན་སྤྱུགས་པའི་སྐུའི་དམ་ཚིག་ཉམས་པ་བསྐངས་སོ། །བཞེས་པ་སུམ་ཆ་གཉིས་ཙམ་ཞིག་གསོལ་ཚར་ཙམ་ན། འབངས་ནང་པ་གཅིག་གིས་སྙུན་གསོལ་བས། བདག་ལ་བདུད་མེད་ནག་མོ་ཟིག་གིས་ཐལ་ལྕག་ཅིག་རྒྱབ་པ་སྙམ་བྱེད། ད་ཅི་བས་ཆེས་བདེའོ་གསུངས། གསུང་གི་དམ་ཚིག་ཉམས་པ་བསྐངས་སོ། །དེ་ནས་བཞེས་པ་ཀུན་གསོལ་ཚར་ཙམ་ན། ཡང་འབངས་ནང་པ་གཅིག་གིས་སྙུན་གསོལ་བས། བདག་ལ་བུད་མེད་སྨུག་མོ་ཞིག་བྱུང་ནས་ཐལ་ལྕག་གཅིག་རྒྱབ་པ་སྙམ་བགྱིད། ད་ནི་མི་བདེ་བ་ཅི་ཡང་མེད་དོ་གསུངས་སོ། །རྒྱལ་པོས་ཐུགས་ཀྱི་དམ་ཚིག་ཉམས་པ་བསྐངས་སོ། །དེ་ནས་བློན་པོ་ཀུན་ན་རེ། འདི་རྒྱལ་པོ་དང་ནམ་མཁའ་སྙིང་པོ་གཉིས་ཕྲད་འདོད་པའི་རྒྱུ་ཡིན་ནོ་ཟེར་ནས། ཉི་མ་རྒས་ལ་ཁད་ཙམ་ན་བན་དྷེས་རྗེའི་དབུ་སྐྲ་བསིལ་ཞིག་ཉི་མ་རྒས་པ་ལ་རྗེའི་དབུ་སྐྲ་བསིལ་མ་ཟིན་ན་སྐྱོན་འབེབས་སོ་ཟེར་བ་དང་ནམ་མཁའི་སྙིང་པོས་ཉི་གྲིབ་མཚམས་སུ་སེང་ལྡེང་གི་ཕུར་པ་ཞིག་བཏབ་ནས། ཉི་མ་ཕྱེད་སྐད་ཙམ་ཞིག་རྟོད་ལ་མནན་པ་དང་། ད་ཕྱུགས་ལུག་རྣམས་ཚུད་ཅིག་གསུངས་པ་དང་། ཉི་གྲིབ་མཚམས་ཀྱི་ཕུར་པ་བཏོན་པས། ཉི་མ་དམར་ཧྲིལ་སོང་སྟེ། ནམ་ཁྱེད་ཙམ་དུ་སོང་ངོ༌། །ཡང་བློན་ པོ་ཀུན་གྲོས་བྱས་ཏེ། བན་དྷེ་རྫུ་འཕྲུལ་ཅན་འདིས། འོ་ཅག་ལ་མཐུ་བྱེད་དུ་འོང་བས་བསད་དགོས་ཟེར་ནས། རྒྱལ་པོ་དང་སྐུ་འཆག་དུ་འོང་སར་སྐུངས་བྱས་པ་དང་། སློབ་དཔོན་ནམ་མཁའི་སྙིང་པོས་ཐོགས་ཕབ་སྟེ། ཧཱུཾ་ཧཱུཾ་ཞེས་དྲག་པོ་བརྗོད་ནས་ཐོག་སྡིགས་མཛུབ་ཀྱི་རྩེ་ལ་བསྐོར་བས། ལ་ལ་རེངས། ལ་ལ་བརྒྱལ། རྗེ་ལྷ་ཅིག་སྐུ་མ་བསྙེལ་ལམ་གསུངས་པས། འཇིཊ་དང་ཆེས་འཇིགས། གནམ་ལྕགས་ཐོག་གི་སྒྲ་བས་ཀྱག་བན་དྷེའི་ཧཱུཾ་སྒྲ་དེ་འཇིགས། བློན་པོ་ནག་པོ་དེ་ཀུན་ལ་དེ་ལན་རེ་འཇོམས་གསུངས་སོ། །སློབ་དཔོན་ནམ་མཁའི་སྙིང་པོ་ནམ་མཁའ་ལ་འཕུར་ནས་ལྷོ་བྲག་མཁར་ཆུར་བཞུད་དོ། །གཞུག་ཕུང་པོ་ལྷག་མེད་དུ་གཤེགས་སོ། །བཻ་རོ་ཙ་ནས་རྒྱ་གར་ཡུལ་དུ་ཆོས་ཞུས་ཚུལ་དང་། བོད་དུ་ཕེབས་རྗེས་རྒྱལ་བློན་རྣམས་དང་། ལྷག་པར་རྒྱལ་པོ་ཚ་བའི་རོང་དུ་སྤྱུགས་རྗེས་རྒྱལ་མོ་གཡུ་སྒྲ་སྙིང་པོ་ལ་མན་ངག་གི་ཆོས་གསུང་ཚུལ། བབས་ལྔ་པ་ནི། དེ་ལྟར་གྱི་རྒྱུ་འབྲས་ཀྱི་ཆོས་མང་དུ་བསྒྱུར་ཞིང་ཤིན་ཏུ་དར་བར་གྱུར་ཀྱང་། རྒྱུ་འབྲས་ལས་འདའ་བར་བྱེད་པ་རྫོགས་པ་ཆེན་པོའི་ཆོས་མ་བསྒྱུར་བར་ཡོད་པ་ལ་རྒྱལ་པོ་ཉིད་ལ་སློབ་དཔོན་པདྨས་ལུང་བསྟན་པའམ་མནལ་ལམ་དུ་དཔལ་རྡོ་རྗེ་སེམས་དཔའ་མདུན་གྱི་ནམ་མཁའ་ལ་བྱོན་ནས། རྒྱུ་འབྲས་ལས་འདའ་བ་རྟོགས་གྲོལ་དུས་གཅིག་ལ་འོང་བའི་ཆོས། བཀའ་རྫོགས་པ་ཆེན་པོ་ཞེས་བྱ་བ་ཞིག་ཡོད་པས། བོད་ཀྱི་དགེ་སློང་མི་གཉིས་འཚོལ་དུ་ཐོངས་ཤིག་གསུངས་པའི་ལུང་བསྟན་ལ་ བརྟགས་ཤིང་དཔྱད་པས། རྒྱ་གར་ན་རྒྱུ་འབྲས་ལས་འདའ་བའི་ཆོས་ཡོད་པར་མཁྱེན་ཅིང་། སྔར་གྱི་རྒྱུ་འབྲས་ཀྱི་ཆོས་ཀྱིས་ཐུགས་མ་ཁེངས་ནས། རྒྱ་གར་ན་རྒྱུ་འབྲས་ལས་འདའ་བར་བྱེད་པའི་ཆོས་རྫོགས་པ་ཅེན་པོ་བྱ་བ་ཡོད་ངེས་པར་འདུག་པས། དེ་འཚོལ་དུ་གཏང་དགོས་སྙམ་དུ་དགོངས་ནས་རྩད་གཅད་པས། སྟོན་པ་དགའ་རབ་རྡོ་རྗེའི་སློབ་མ་འཇམ་དཔལ་བཤེས་གཉེན་དང་། ཤྲཱི་སིང་ཧཱ་དཔལ་སེང་གེ་བྱ་བ་ཨ་ཏི་ལ་མཁས་པ་ཡོད་པར་གྲགས་ནས་པ་གོར་བཻ་རོ་ཙ་ན་སྣམ་པར་སྣང་མཛད་དང་རྩངས་ལེགས་གྲུབ་གཉིས་ལ་གསེར་ཕྱེ་བ་མེན་གྱི་རཱ་དོ། །གསེར་གྱི་པ་ཏྲ་མཛུབ་གང་པ་བརྒྱད། དངུལ་གྱི་བྱའོ་མཛའ་ཚད་མ་གཅིག །རྟ་མཚའ་ལུ་བྱ་གདོང་རྣམས་བསྐུར་ནས། དཀའ་བ་བཅུག་དྲུག་སྤྱད་དེ་རྒྱ་གར་ཡུལ་དུ་ཕྱིན་པས། ཐོག་མར་དྷ་ཧེ་ནའི་འདུ་ཁང་བར་མ་ན། མཁན་པོ་ཤྲཱི་སེང་ཧཱ་བཞུགས་པ་དང་མཇལ་ཏེ། ཕྱག་དང་སྐོར་བ་བྱས། གསེར་སྲང་སྟོང་ཕུལ་ནས། རྗེ་ཁྲི་སྲོང་ལྡེ་བཙན་གྱི་ལོ་རྒྱུས་རྣམས་བརྗོད། ཆོས་གསུངས་བར་ཞུ་ཞུས་པས། འཆད་པར་ཞལ་གྱིས་བཞིས་ཏེ། མཁན་པོའི་ཞལ་ནས། ཁྱེད་གཉིས་ཀྱིས་སྔོན་ལ་པཎྜི་ཏ་ལྔ་བརྒྱ་པོ་གཞན་ལའང་རྒྱུ་འབྲས་ཀྱི་ཆོས་རྫོགས་པར་ཉོན་ཅིག་པཎྜི་ཏ་ཕྱི་མ་རྣམས་ལའང་གསེར་ཕྱེ་དུམ་རེ་ཕུལ་ལ་གསང་སྔཊ་འབྲས་བུའི་ཆོས་ཉོན་ཅིག་དེ་ནས་མ་ཚོར་བར་ནམ་གྱི་གུང་ལ་རྩོལ་མེད་རྫོགས་པ་ཆེན་པོའི་ཆོས་བཤད་ཀྱིས་གསུངས་སོ། །དེ་ནས་ཨུ་རྒྱན་གྱི་སློབ་དཔོན་དྷ་ན་མཾ་སྐྲཾ་ཏ་དང་རྒྱ་ཤར་གྱི་མཁན་པོ་སུ་རེནྡྲ་བོ་དྷི་ལ་སོགས་པ་པཎྜི་ཏ་ལྔ་བརྒྱ་པོ་རྣམས་ལ་དང་པོ་རྒྱུ་མཚན་ཉིད་ཀྱི་ཆོས་ཐམས་ཅད་རྫོགས་པར་ཞུས། །དེ་ནས་སྔགས་ཕྱིའི་ཆོས་རྣམས་ ཀྱང་རྫོགས་པར་གསན། དེ་ནས་པཎྜི་ཏ་ཕྱི་མ་བདུན་ལ་ཕྱི་ནང་གསང་གསུམ་གྱི་དབང་རྫོགས་པར་ཞུས་ནས། གསང་སྔགས་ནང་གི་ཆོས་མང་དུ་གསན་ནོ། །དེ་ནས་སྤྲུལ་པའི་སྐུ་དགའ་རབ་རྡོ་རྗེ་དང་། འཇམ་དཔལ་བཤེས་གཉེན་གཉིས་དང་ཞལ་མཇལ་ནས། གསེར་ཕྱེ་དང་པ་ཏྲའི་ཕུལ་ནས་ཕྱག་བཙལ་སྐོར་བ་བྱས་ཞབས་སྤྱི་བོར་བླངས་ཏེ། མན་ངག་གི་ཆོས་ཞུས་པས། དབང་བསྐུར་བྱིན་གྱིས་བརླབས། མན་ངག་གི་ཆོས་རྣམས་རྫོགས་པར་གནང་བ་བྱིན་ཏེ། སློབ་དཔོན་ཤྲཱི་སིང་ཧཱ་ལ་ཉོན་ཅིག་པར་ལུང་བསྟན་ནོ། །དེ་ནས་སློབ་དཔོན་ཤྲཱི་སིང་ཧཱའི་དྲུང་དུ་ཕྱིན་ཏེ། མན་ངག་གི་ཆོས་ཞུས་པས། དབང་བསྐུར་བྱིན་གྱིས་བརླབས། མན་ངག་གི་ཆོས་རྣམས་རྫོགས་པར་གནང་བ་བྱིན་ཏེ། ཐོག་མར་རྒྱུད་ཉིས་ཤུ་རྩ་ལྔ་བཤད་དེ། དང་པོ་སེམས་ཀྱི་དོན་རྩ་ལག་རྒྱས་པར་བསྟན་པའི་ཕྱིར། ནམ་མཁའ་ཆེ་རྒྱས་པའི་རྒྱུད་བཤད། སེམས་ཀྱི་དོན་རྟོགས་པ་དཀའ་བ་དེ་ཉམས་སུ་བླང་བའི་ཕྱིར། ནམ་མཁའ་ཆེ་རྒྱས་པ་ཕྱི་མའི་རྒྱུད་བཤད། སེམས་ཀྱི་དོན་རྣམ་པར་གྲོལ་བ་བསྟན་པའི་ཕྱིར། ནམ་མཁའ་ཆེ་གྲོལ་བའི་རྒྱུད་བཤད། སེམས་ཀྱི་དོན་མི་འགྱུར་བ་བསྟན་པའི་ཕྱིར། ཡང་ཏིག་རྒྱལ་པོའི་རྒྱུད་བཤད། སེམས་ཀྱི་དོན་ཐིག་ལེའི་ཀློང་དུ་འདུས་པར་བསྟན་པའི་ཕྱིར། བྱང་ཆུབ་སེམས་ཀྱི་ཐིག་ལེའི་ཀློང་དུ་འདུས་པར་བསྟན་པའི་ཕྱིར། བྱང་ཆུབ་སེམས་ཀྱི་ཐིག་ལེའི་རྒྱུད་བཤད། སེམས་ཀྱི་དོན་རང་བྱུང་གི་ཡེ་ཤེས་སུ་བསྟན་པའི་ཕྱིར། གསང་བ་རྒྱལ་པོའི་རྒྱུད་བཤད། སེམས་ཀྱི་དོན་རང་གི་རིག་པར་རྟོགས་ཤིང་ཁོང་དུ་ཆུད་པར་བྱ་བའི་ཕྱིར། ཤེས་རབ་ཡེ་ཤེས་ཐིག་ལོའི་རྒྱུད་བཤད། སེམས་ཀྱི་དོན་ ཀུན་ཏུ་བཟང་པོའི་ཀློང་དུ་ཐམ་ཅད་གཅིག་པར་བྱ་བའི་ཕྱིར། དབྱིངས་རྣམ་པར་དག་པའི་རྒྱུད་བཤད། སེམས་ཀྱི་དོན་མཆོད་ཏུ་བསྟན་པའི་ཕྱིར། མན་ངག་སྙིང་པོའི་རྒྱུད་བཤད། སེམས་ཀྱི་དོན་མཆོག་ཏུ་གྱུར་པ་དེ་ཉིད་ཡིད་ཆེས་པར་བསྟན་པའི་ཕྱིར། སྙིང་པོ་བྱི་ཏའི་རྒྱུད་བཤད། སེམས་ཀྱི་དོན་རྩ་བ་མ་ནོར་བར་བསྟན་པའི་ཕྱིར། ནམ་མཁའ་ཆེ་ཅན་གྱི་རྒྱུད་བཤད། སེམས་ཀྱི་དོན་ཐིག་ལེ་ཉག་གཅིག་ཏུ་བསྟན་པའི་ཕྱིར། ཉག་གཅིག་དགོངས་པའི་རྒྱུད་བཤད། སེམས་ཀྱི་དོན་མ་ནོར་རྣལ་དུ་གཞུག་པའི་ཕྱིར། བསམ་གཏན་གཅིག་བུའི་རྒྱུད་བཤད། སེམས་ཀྱི་དོན་རིམ་པས་བརྒྱུད་ནས་བསྟ་པའི་ཕྱིར། བསམ་གཏན་བརྒྱུད་པའི་མདོ་བཤད། སེམས་ཀྱི་དོན་གཞུང་ཀུན་ནས་བསྡུ་དགོས་པར་བསྟ་པའི་ཕྱིར། སྒོ་མངས་ཀྱི་མདོ་བཤད། སེམས་ཀྱི་དོན་དབང་གི་རིམ་པ་བཞིན་དུ་བསྟན་པའི་ཕྱིར། ནམ་མཁའ་ཆེ་དབང་གི་གལ་པོའི་རྒྱུད་བཤད། སེམས་ཀྱི་དོན་བརྗོད་པའི་ཚིག་དང་བྲལ་བར་བསྟན་པའི་ཕྱིར། ནམ་མཁའ་ཆེ་ཡི་གེ་མེད་པའི་རྒྱུད་བཤད། སེམས་ཀྱི་དོན་དངོས་པོ་ཐམས་ཅད་ཇི་ལྟར་འབྱུང་བར་བསྟན་པའི་ཕྱིར། རིན་ཆེན་འབར་བའི་རྒྱུད་བཤད། སེམས་ཀྱི་དོན་དངོས་པོ་ཐམས་ཅད་འོད་གསལ་བར་བསྟན་པའི་ཕྱིར། རིན་ཆེན་སྒྲོན་མེའི་རྒྱུད་བཤད། སེམས་ཀྱི་དོན་དགོངས་པ་ཐམས་ཅད་རང་ལས་བྱུང་བ་བསྟན་པའི་ཕྱིར། རིན་ཆེན་འཕྲེང་བའི་རྒྱུད་བཤད། སེམས་ཀྱི་དོན་ཁམས་གསུམ་གྱི་ངང་དུ་གསལ་བར་བསྟན་པའི་ཕྱིར། ཁམས་གསུམ་སྒྲོལ་མའི་རྒྱུད་བཤད། སེམས་ཀྱི་དོན་ངེས་པ་ཡང་དག་པའི་དོན་བསྟན་པའི་ཕྱིར། ངེས་པ་སྙིང་པོའི་རྒྱུད་བཤད། སེམས་ཀྱི་དོན་མི་འགྱུར་བར་བསྟན་པའི་ཕྱིར། རྡོ་རྗེ་གསང་བའི་རྒྱུད་བཤད། སེམས་ཀྱི་དོན་སངས་རྒྱས་ད་ལྟ་ནས་ཡིན་པར་བསྟན་པའི་ཕྱིར། ཡེ་བསངས་རྒྱས་པའི་རྒྱུད་ཤད་དོ། །དེ་ནས་ལུང་ཆེན་པོ་བཅོ་བརྒྱད་བཤད་དེ། བྱང་ཆུབ་སེམས་ལས་ཐམས་ཅད་བྱུང་བའི་ཕྱིར། རིག་པའི་ཁུ་བྱུག་བཤད། རྩོལ་སྒྲུབ་ཐམས་ཅད་ཟིལ་གྱིས་གནོན་པ་ལ་རྩལ་ཆེན་བཤད། སེམས་ཀྱི་དོན་ཆོས་ཉིད་ཀྱི་དབྱིངས་སུ་རྫོགས་པས། བྱང་སེམས་སྒོམ་པའི་དོན་རྡོ་ལ་གསེར་ཞུན་བཤད། སྒོམ་པའི་དོན་མཐར་ཕྱིན་པ་མི་ནུབ་ལ་རྒྱལ་མཚན་ནམ་མཁའ་ཆེ་བཤད། སེམས་སྟོང་པ་ཉིད་དུ་ལ་ལས་ཟླ་བའི་ཕྱིར། རྨད་དུ་བྱུང་བ་བཤད། སེམས་ཉིད་སྐྱེ་འཆི་མེད་པར་སྲིད་གསུམ་འཁོར་བར་བསྐོར་བའི་ཕྱིར། སྲོག་གི་འཁོར་ལོ་བཤད། སེམས་ཉིད་ལ་འདོད་པའི་ཡོན་ཏན་ཐམས་ཅད་འབྱུང་བར་བསྟན་པའི་ཕྱིར། ཡིད་བཞིན་ནོར་བུ་བཤད། སེམས་ཀྱི་ངང་དུ་རྣམ་པར་རྟོག་པ་ཐམས་ཅད་ཆོས་ཉིད་མཉམ་པའི་ངང་དུ་བསྟན་པའི་ཕྱིར། ཀུན་འདུས་བཤད། སེམས་ལ་ཐེག་པ་ཐམས་ཅད་རྫོགས་ཤིང་བྱུང་བ་ཐམས་ཅད་ཀུན་ལས་རྒྱལ་པའི་ཕྱིར། ནམ་མཁའ་ཆེ་རྒྱལ་པོ་བཤད། སེམས་ཉིད་ཀུན་ཏུ་བཟང་པོའི་ངང་ལ་བཞག་པ་ཀུན་གྱི་མཆོག་གམ། རྩེ་མོར་བསྟན་པའི་ཕྱིར། རྩེ་མོ་བྱུང་རྒྱལ་བཤད། སེམས་ཀྱི་རང་བཞིན་དོན་དམ་པའི་ངང་ལས་སྤྲོས་དང་བྲལ་ཞིང་བདེ་བའི་ངང་ལ་གནས་པའི་ཕྱིར། བདེ་འཇམ་བཤད། སེམས་ལ་ཉོན་མོངས་པའི་སྐྱོན་གྱིས་མི་གོས་ཤིང་། ཡོན་ཏན་གྱི་སྤྲས་པའི་ཕྱིར། རྫོགས་པ་ཆེན་པོ་སྤྱི་བཅིངས་བཤད་དོ། ། དེ་ལྟར་རྩ་བའི་རྒྱུད་བཅོ་བརྒྱད། ཡན་ལག་གི་རྒྱུད་དང་བཅས་པ། དབང་དང་གདམས་ངག་ངོ་སྤྲོད་དང་བཅས་པ་བཤད་ནས་ཚིམ་མམ་བྱས་པས། ལེགས་གྲུབ་ཚིམ་མོ་ཟེར་ནས། རྒྱལ་པོ་ལ་ངོ་སོ་འདོད་ནས་སྔོན་ལ་སོང་བས། ལམ་དུ་ལོ་བཞི་བཅུ་ཞིག་ལ་གཅན་འཕྲང་བས་བཀྲོངས་སོ། །བཻ་རོ་ཙ་ནས་མ་ཚིམ་ཞུས་པས། དེར་སློབ་དཔོན་གྱིས་མན་ངག་རྒྱ་མཚོའི་ཀློང་བཤད་ནས། དེས་ཚིམ་མམ་གསུངས་པས། མ་ཚིམ་ཞུས་པས། ཡང་ཀློང་སྡེའི་སྐོར་ལ་ཕྱི་རྩིས་རྒྱའི་སྐོར་དང་། ནང་གསང་རྒྱའི་སྐོར་དང་། གསང་བ་རྒྱའུ་ཆུང་གི་སྐོར་དང་། དགོངས་པ་གཏད་བརྒྱའི་སྐོར་དང་། རྒྱུད་དང་། དབང་དང་། གདམས་ངག་དང་བཅས་པ་གནང་ནས་ཚིམ་མམ་བྱས། ཡང་མ་ཚིམ་ཟེར་རོ། །ཡང་རྒྱུད་སྡེའི་སྐོར་ལ་སོགས་པའི་རྒྱུད་དང་། གདམས་ངག་མང་དུ་གསུངས་ནས་ཚིམ་མམ་བྱས་པས་ཀྱང་མ་ཚིམ་ཟེར་རོ། །ཡང་ཀེའུ་ཚང་གི་སྐོར་དང་། གབ་པའི་སྐོར་ལ་སོགས་པ་རྒྱུད་དང་མན་ངག་ཟབ་ལ་རྒྱ་ཆེ་བ་མང་དུ་གསུངས་ནས་ཚིམ་མམ་བྱས་པས་ཀྱང་མ་ཚིམ་ཟེར་རོ། །ཡང་ཤན་འབྱེད་པ་བྲམ་ཟེའི་སྐོར་ལ་ཟློ་བ་རྒྱལ་པོའི་སྐོར། རྒྱུད་དང་མན་ངག་ཏུ་བཅས་པ་མང་དུ་གསུངས་ནས་ཚིམ་མམ་དུ་ད་ལྟ་པས་དེ་རྣམས་ཀྱི་དོན་རྩོལ་བ་མི་དགོས་པར་རང་གྲོལ་མངོན་སུམ་དུ་ལྟ་ཉིད་དུ་མཐོང་བ་ཞིག་ཞུ་དགོས་ཞེས་གསོལ་ནས། གསེར་ཕྱེ་བྲེ་གང་དང་། སླར་གསེར་གྱི་པ་ཏྲ་བདུན་ཕུལ་ནས་ཕྱག་དང་སྐོར་བ་མང་དུ་མཛད་དེ། ཞུས་པས། སློབ་དཔོན་ཤིན་ཏུ་དགྱེས་ཏེ་ཞལ་འཛུམ་པ་མཛད་ནས། དྷ་ཧེ་ནའི་འདུ་ཁང་དང་པོར། གསལ་བྱེད་རིམ་པོ་ཆེ་འབར་བ་ལ་བརྟེན་ནས། རྒྱལ་ཐབས་སྤྱི་བླུགས་རྫོགས་པའི་དབང་བསྐུར་ནས། མན་ངག་འཕྲུལ་གྱི་ལུང་བཅུ་ཕོག །ལྷུན་གྲུབ་གསུམ་གྱི་དབང་བསྐུར་ནས་སྐུ་གསུངས་ཐུཊ་ཕྲད་ཀྱི་མན་ངག་བྱིན། ཐིག་ལེ་ཆེན་པོའི་དབང་བསྐུར་ནས། སེམས་ཉིད་འགྱུར་མེད་ཀྱི་མན་ངག་བྱིན། མི་འགྱུར་བསྟན་པའི་དབང་བསྐུར་ནས། སྤྱོད་ལམ་རིག་པའི་མན་ངག་བྱིན། རིག་པ་སྤྱི་བླུགས་ཀྱི་དབང་བསྐུར་ནས། ཡེ་ཤེས་ངོས་ཛིན་གྱི་མན་ངག་བྱིན། གཉིས་མེད་འདྲེས་པའི་དབང་བསྐུར་ནས། ཕྱག་རྒྱ་ཆེན་པོའི་མན་ངག་བྱིན། རྡོ་རྗེ་ལུང་གི་དབང་བསྐུར་ནས། རྒྱལ་མཚན་སྒོམ་པའི་མན་ངག་བྱིན། དེ་ལྟར་དབང་བདུན་ཡོངས་སུ་རྫོགས་པར་བསྐུར་ནས་ཐུགས་ཕྲད་གསུམ་གྱིས་རང་གྲོལ་མངོན་སུམ་དུ་ངོ་སྤྲད། མངོན་སུམ་གཉིས་ཀྱིས་ཚད་ལ་ཕབ། ཐིག་ལེ་དྲུག་གིས་རྣམ་རྟོག་སྤྲོས་པ་བཅད། ཆེ་བ་ལྔའི་དགོངས་པ་ཁྱད་པར་འཕགས་ཏེ། རྩོལ་བ་མེད་པར་ཡེ་ནས་སངས་རྒྱས་པའི་དོན་ཉིད་མངོན་དུ་གྱུར་ཏོ། །དེ་ནས་གནས་ལུཊ་གཙོ་བོར་སྟོན་པའི་ཡེ་ཤེས་དོན་ཉིད་མངོན་དུ་གྱུར་ཏོ། །དེ་ནས་གནས་ལུཊ་གཙོ་བོར་སྟོན་པའི་ཡེ་ཤེས་རྫོགས་པ་ལ་སོགས་པ། རྩ་བའི་རྒྱུད་ལྔ་དང་། ཀུན་འདུས་རིན་པོ་ཆེ་འོད་ཀྱི་རྒྱུད་དང་། ཀློང་དགུའི་རྒྱུད་ལ་སོགས་པ་ཡན་ལག་གི་རྒྱུད་ཉིས་ཤུ་རྩ་ལྔ་སྟེ་སུམ་ཅུ་ཐམ་པ། ཀློང་དགུ་ལ་སོགས་པ་སྤྲུལ་སྐུ་དགའ་རབ་གྱི་རྒྱལ་བ་བཀའི་ཕྲན་བུ་བཅོ་བརྒྱད། རིག་འཛིན་གྱི་གཉེར་ཡིག་བཞི། ཀུ་ཀུ་རཱ་ཛའི་ཉི་མའི་སྙིང་པོ་འོད་དང་ལྡན་པ་ཤྲཱེ་སིང་ཧཱ་ཉིད་ཀྱི་རྒྱན་འཕྲེང་འོད་གསུམ་དང་། བསམ་གཏན་ཉམས་ཀྱི་སྒྲོན་མ། བསྟན་སྲུང་དུར་ཁྲོད་ཀྱི་མ་མོ་སྤུན་གསུམ་གྱི་སྒྲུབ་ཐབས་དང་བཅས་པ་གནང་ནས། སློབ་དཔོན་གྱི་ཞལ་ནས། ད་ནི་ཆོས་རྫོགས་ པར་བཤད་པ་ཡིན་པས། རྒྱ་གར་པ་ཆོས་ལ་ཕྲག་དོག་ཆེ་བས། ལམ་དུ་སྲོག་གི་བར་ཆད་འབྱུང་ཉེན་ཡོད་པས། རྐང་མགྱོགས་ལོ་གཅིག་ཏུ་བསྒྲུབ་པ་ལ་སོང་ཞིག་གསུང་ནས། མཚན་ཡང་དཔའ་བོ་བཻ་རོ་ཙ་ནར་བཏགས། དེ་ནས་ཀ་ཤ་ལྕགས་ཀྱི་གདོང་པ་ཅན་བྱ་བར་རེ་མ་ཏིའི་རྐང་མགྱོགས་ལོ་གཅིག་ཏུ་བསྒྲུབས་པས་གྲུབ་སྟེ། གཅན་འཕྲང་གི་དཔོན་ཀུ་མ་ར་དང་གྲོགས་པོ་བྱས། གསེར་ཕྱེ་བྱིན་ནས་མནའ་འམ་ཐོ་བཅས་སོ། །ཆོས་ཐམས་ཅད་རྒྱ་དཔེ་ཏཱ་ལའི་ལོ་མ་ལ་བྲིས་ནས་ཁུར་ཏེ། རྐང་མགྱོགས་ཀྱི་གྲོགས་པསོ་གཅན་འཕྲང་དང་པོ་བསྒྲལ་ཏེ་བཏང་ངོ༌། །དེ་དུས་རྒྱ་གར་གྱི་པཎྜི་ཏ་ཐམས་ཅད་ཀྱི་རྨི་ལམ་ན། རྒྱ་གར་གྱི་ཉི་མ་བན་དྷེ་ཞིག་གིས་བོད་དུ་ཁུར་ནས་ནུབ་པ་རྨིས་ཏེ། རྐང་མགྱོགས་སྦྲན་པ་དང་། གཅན་འཕྲང་གི་དཔོན་པོས་བོད་ཀྱི་བན་དྷེ་འདྲ་བ་མ་མཐོང༌། མཐའི་མོན་བུ་སྤྱི་ཟླུམ་ཞིག་སོང་སྟེ། དེ་ཡིན་ན་ད་ཙམ་བོད་ཡུལ་དུ་སླེབས་བྱས་པ་དང་། རྐང་མགྱོགས་པ་རྣམས་ལོག་གོ །དེ་ནས་བཻ་རོ་ཙ་ནས་རྗེའི་ཐད་དུ་བྱོན་ནས། རྗེའི་བཞེད་པའི་ཆོས་རྣམས་ལོན་ནས་བདོག་རྒྱ་གར་བ་ནི་ཆོས་ལ་ཕྲག་དོག་ཆེ་ལ། བོད་ཀྱི་བློན་པོ་ནི་ཆོས་ལ་གནས། རྒྱལ་པོ་ནི་སྙ་ཁུང་སྲབ་པས་སྙན་ཕྲ་འབྱུང་སྲིད་པས་མི་གསན་པར་ཞུའོ། །ཞེས་སྤྲིངས་སོ། །བཻ་རོ་ཙ་ནས་རྐང་མགྱོགས་འགྲུབ་པས་ཞག་བདུན་གྱིས་བོད་དུ་བརྟོལ་བ་དང་། དེར་རྒྱལ་པོས་སློབ་དཔོན་བཻ་རོ་ཙ་ན་ལ་ཕྱག་བཙལ་ཞབས་སྤྱི་བོར་བླངས་ནས། སྤྱིར་དམ་པའི་ཆོས་རྣམས་དང་། ཁྱར་པར་དུ་མན་ངག་ཨ་ཏིའི་ཆོས་རྣམས་རྗེ་བཻ་རོ་ རོ་ལ་ཡོད་པར་ཡིད་ཆེས་ནས་རྒྱན་བློན་ཐམས་ཅད་ཀྱིས་ཕྱག་གྱང་འགྱེལ་བ་བཞིན་དུ་མཛད། མཚན་ཡང་མན་ངག་གི་བདག་པོ་དཔའ་བོ་ལྷ་རྗེ་ཞེས་བྱ་བར་བཏགས་སོ། །དེར་འབངས་བློན་ཀུན་གྱི་མཆིད་ནས། འོ་ཅག་གི་ལྷ་ཁྲི་སྲོང་ལྡེ་བཙན་ལ་རྗེ་འདུག་གོ་ཟེར་ནས། མཚན་ཡང་ལྷ་རྗེ་ཞེས་བྱ་བར་ཆགས་སོ། །དེ་ནས་དཀོན་མཆོག་གསུམ་བླའི་མཆོད་གནས་སུ་ཁུར་ཏེ། རྗེ་རྒྱལ་པོ་བས་ཀྱང་དགེ་འདུན་གཉན་པར་དབུའི་མཆོད་གནས་སུ་ཁུར་རོ། །དེ་ནས་སློབ་དཔོན་བཻ་རོ་ཙ་ནས་ཉིན་པར་རྗེ་བློན་ལ་སོགས་པ་རྣམས་ལ་རྒྱུ་འབྲས་ཀྱི་ཆོས་བསྒྱུར། ནམ་གྱི་གུང་ལ་རྗེ་ཉིད་ལ་མན་ངག་གི་ཆོས་བསྒྱུར། དེ་ཡང་དང་པོ་འདུལ་བ་ལུང་སྡེ་བཞིའི་བསྟན་བཅོས་དང་བཅས་པ་བསྒྱུར། ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཁྲག་བརྒྱ་པ་ལས། བྱམས་པས་ཞུས་པ་དང་། རྟག་ཏུ་དུ་བམ་པོ་དགུས་མ་ལོངས་པར་བསྒྱུར། སངས་རྒྱས་ཕལ་པོ་ཆེ་ལ་བམ་པོ་བརྒྱ་དང་བརྒྱད་བསྒྱུར། མྱ་ངན་ལས་འདས་པ་བམ་པོ་ཉིས་བརྒྱ་ལྔ་བཅུ་ལས། བམ་པོ་ཉིས་བརྒྱ་མ་བསྒྱུར་ལྔ་བཅུ་བསྒྱུར། མདོ་སྡེ་ལང་ཀར་གཤེགས་པ་ལས་བམ་པོ་བཅོ་ལྔ་བསྒྱུར། དེ་ལྟར་རྒྱུ་འབྲས་ཀྱི་ཐེག་པ་བཀའ་དང་བསྟན་བཅོས་ལ་སོགས་པ་བསྒྱུར་ཞིང་བཞུགས། ལུང་གི་ཆོས་གཤིན་རྗེ་གཤེད་ཀྱི་རྒྱུད་རྣམས་ནས། རིན་པོ་ཆེ་འོད་ཀྱི་རྒྱུ་དང་། དབང་བསྐུར་རྒྱལ་པོའི་རྒྱུད་དང་། བསྐལ་པ་མེ་ལྟར་འབར་བའི་རྒྱུད་དང་། ཁྲོ་བོ་པུཎྜ་རི་ཀའི་རྒྱུད་ལ་སོགས་པ་ཏནྡྲ་སྡེ་བཅུ་དྲུག་ལ་སོགས་པ་བསྒྱུར་ཞིང་བཞུགས། ནམ་གྱི་གུང་ལ་སྔ་འགྱུར་ལྔ་ལ་ སོགས་པ་བསྒྱུར་ཞིང་བཞུགས་སོ། །གཞན་ཡང་ནུབ་ཕྱོགས་ཁ་ཆེའི་ཡུལ་དུ་རབ་ཏུ་གྲགས་པའི་སློབ་དཔོན་ཟླ་བ་མངོན་པར་དགའ་བ་ལ་ཞུས་པའི་གསོ་བ་རིག་པའི་རྒྱུད་སྟོན་པ་སྨན་པའི་རྒྱལ་པོས་གསུངས་པ་རྩ་བའི་རྒྱུད། བཤད་པའི་རྒྱུད། མན་ངག་གི་རྒྱུད། ཕྱི་མའི་རྒྱུད་ལ་སོགས་པ། རྒྱུད་ཀྱི་དབུ་ཕྲན་འགྲེལ་པ། བསྟན་བཅོས་དང་བཅས་པ་རྣམས་དང་། བཟོ་རིག་པའི་བཟོ་ཡིག་པ་ཏྲ་ལ་སོགས་པ་བསྒྱུར་རོ། །དུས་དེ་ཙ་ན་རྒྱ་གར་གྱི་ཡུལ་ནས་ཕྲ་མ་སྒྲོན་པའི་བང་ཆེན་པ་མི་གཉིས་བཏང་ནས། ཁྱོད་བོད་ཀྱི་བནྡེ་དེས་ཆོས་མ་རྙེད་པར། མུ་སྟེགས་ཀྱི་ངན་སྔགས་མང་པོ་ཁྱེར་སོང་བས་བོད་ཕུང་བར་བྱེད་པས་སོད་ཅི། ཅེས་བསྒྲགས་སོ། །དེ་ནས་བོད་ཀྱི་བློན་པོ་ཀུན་གྱིས་དེ་ཆབ་ལ་གསོལ་དགོས། བོད་ཕུར་བར་བྱེད་ངེས་ཟེར་རོ། །རྒྱལ་པོའི་གསུང་ནས་རྒྱ་གར་བ་ཆོས་ལ་ཕྲག་དོག་བྱེད་པ་ཡིན། དེ་ལྟར་མིན་བྱས་ཀྱང་མ་ཉན་ནས། མཐའི་སྤྲང་པོ་ཞིག་བཟུང་། བཻ་རོ་ཙ་ནའི་ན་བཟའ་བསྐོན། ཟངས་ཁ་སྦྱར་དུ་བཅུག་ནས་གཟེར་གྱིས་བསྡམས་ཏེ་ཆུ་ལ་བསྐྱུར་ནས་བཏང་ངོ་། །བཻ་རོ་ཙ་ན་ཕོ་བྲང་ཡང་མཛོད་དུ་ཀ་བ་ཁོང་སྟོང་བྲུས་པ་ཞིག་ཏུ་བཞུགས་ནས་ནམ་ཕྱེད་ཙམ་ན་ཆོས་གསན་པ་ལས། སེམས་སྡེ་བཅོ་བརྒྱད་ཀྱི་སྟོད་ཀྱི་ལྔ་ཚར་བ་དང་། འབངས་ནང་པ་གཅིག་དང་ཇོ་མོ་ཚེ་སྤོང་བའ་དམར་རྒྱན་གྱི་ཚོར་ནས་ཕྱིར་འབུག་པ་དང་། བློན་པོ་ཕྱི་ནང་ཐམས་ཅད་ཚོགས་ནས། རྗེ་ལ་ཐུགས་ནོར་པ་ཆེན་པོ་གདའ། ཡབ་མེས་ཀྱི་དཀོར་མཛོད་ཀྱི་གསེར་དངུལ་ཐམས་ཅད་འཇིམ་པ་ལ་བྱུགས་ནས། ང་ལྷ་ཁང་མཛད་གསུངས། ཆོས་བྱེད་གསུངས་ན་མཐའི་མི་ འཁྱམས་པོ་བཟུང་ནས་ཆུ་ལ་བསྐྱུར། བོད་ཕུང་བར་བྱེད་པའི་རྒྱ་གར་གྱི་ངན་སྔགས་མཁན་དེ་ཕུགས་སུ་བཅུག་ནས་ཅི་ཟེར་ཉན། དེ་ལ་ཆད་པ་གཅོད་པས་སྒོར་ཐོན་ཅི། དེ་ལྟར་མིན་ན་རྒྱལ་ཁྲིམས་འདཇིག་གོ་ཟེར། དེར་རྒྱལ་པོ་ཐུགས་མ་དགྱེས་ནས། འུ་ཅག་ཇི་ལྟར་བྱ་ཞུས་པས། རྗེ་ལཊ། ང་སྔོན་ཡང་རྒྱལ་མོ་ཚ་བ་རོང་དུ་རྒྱལ་མོ་ལེགས་བཞེར་དཔལ་མོ་བྱ་བའི་བུ་རུ་སྐྱེས། ད་དུང་ལས་ཀྱི་འཕྲོ་དང་གདུལ་བྱ་ཞིག་ཡོད་པས་དེར་སྤྱུགས་ཤིག །རྗེ་ཉིད་རང་ད་དུང་རྒྱ་གར་ནས་རྒྱ་གར་གྱི་པཎྜི་ཏ་རྣམས་ཀྱི་ནང་ནས་མཁས་པ། བཱི་མ་ལ་མི་ཏྲ་བྱ་བ་བཞུགས་པས། དེ་སྤྱན་དྲོངས་ལ་ཆོས་ཀྱི་གྲྭ་ཚུགས །དེའི་དུས་སུ་ངོའི་ཆོས་འདི་གཏུག་ཏུ་གཏོང་། དེར་བོད་རྣམས་ཡིད་ཆེས་ནས་རྗེ་དང་མཇལ་བར་མཆི་ཡིས་གསུངས་ནས། རྗེ་ལ་དབང་མེད་དེ་རྒྱལ་ཁ་བློན་གྱིས་བསྒྱུར་ནས། བཻ་རོ་ཙ་ན་རྒྱལ་མོ་ཚ་བ་རོང་དུ་སྤྱུགས་སོ། །དེར་བོད་ཀྱི་རྟོགས་ཆེན་པ་བྱུང་ཟེར་ནས་ཤིག་དོང་དུ་བསྐྱུར། སྦལ་པའི་དོང་དུ་བསྒྱུར་བྱས་ཀྱང་གནོད་པ་མ་བྱུང་ནས། བཻ་རོ་ཙ་ནས། ང་བོད་ཀྱི་རྒྱལ་བློན་རྒྱིས་རྒྱ་གར་ཡུལ་དུ་ཆོས་འཚོལ་དུ་བཏང་བས། རྒྱ་གར་གྱི་ཡུལ་ནས་ཆོས་ལ་ཕྲག་དོག་བྱས་ནས། ངན་སྔགས་ཡོད་ཟེར་བློན་པོ་རྣམས་ཀྱིས་སྤྱུགས་པ་ཡིན། ང་ཚེ་སྔོན་མ་རྒྱལ་མོ་ལེགས་བཞེར་དཔལ་མོའི་བུ། དགེ་སློང་བཱུརྞ་གང་པོ་བྱ་བ་དེ་ཡིན་ནོ། །སྔོན་གྱི་ལས་ཀྱི་འཕྲོ་ཡོད་པ་ཡིན་ནོ། །ཞེས་གསུངས་པས། རྒྱལ་མོ་གྲུ་ལ་སོགས་པས་ཚེ་སྔ་ཕྱི་དྲན་པའི་དགེ་སློང་བཱུརྞ་འདུག་པ་ཟེར་ནས་བཤགས་པ་བྱས། ཕྱག་བཙལ་ཞབས་མགོ་ཐོག་ཏུ་བླངས་སོ། །དེ་ནས་གདན་འཕར་མ་དགུ་བརྩེགས་ཀྱི་སྟེང་དུ་སློབ་དཔོན་བཞུགས། སུ་གསོལ། རྒྱལ་མོ་གྲུས་སྣ་དྲངས་ཏེ་རྒྱལ་བློན་ཀུན་གྱིས་དངུལ་གྱི་དོང་རྩེ་དང་། གསེར་གྱི་པ་ཏྲ་དང་། ཕྱེ་མ་དང་དར་སྲབ་ལ་སོགས་པ་མང་པོ་ཐོགས་ནས་ཕྱག་བཙལ། མེ་ཏོག་གཏོར། ཚིགས་སུ་བཅད་པའི་བསྟོད་པ་ཕུལ་ནས་ཞུས་པས་གང་ལ་གང་འདུལ་དུ་གསུངས་ཏེ། བཟོའི་རྣམ་པ་དང་། འཚོ་བྱེད་སྨན་པ་དང་། འགྲོ་བ་དད་པ་བསྐྱེད་པའི་བསྟན་བཅོས་དང༌། ཁྱ་པར་ཉིན་མོ་བཞིན་དཀོན་མཆོག་བརྩེགས་པ་གསུངས། སྲོད་ལ་གསང་སྔགས་ནང་པའི་ཆོས་གསུངས། དེ་ནས་རྒྱལ་མོ་གཡུ་སྒྲས་སྙིང་པོས། རྟ་བཟང་པོ་གཅིག་ལ་གསེར་སྒ་དང་གསེར་སྲབ་ཀྱིས་བརྒྱན་པོ་ཕུལ། སྦྱངས་པ་དགུ་དང་། ཕོད་པ་བཅུ་གསུམ་གྱིས་སློབ་དཔོན་གྱི་ཐུགས་མཉེས་པར་བྱས་ཏེ། མན་ངག་གི་ཆོས་ཞུས་པ་ནི། སྤྱིར་བཀའ་རྫོགས་པ་ཆེན་པོའི་ཆོས་ཐམས་ཅད་ཨུ་རྒྱན་གྱི་གནས་ན་ཡེ་ཤེས་ཀྱི་མཁའ་འགྲོ་མའི་ཕྱག་ན་ཡོད་དེ། དེ་ཡང་ཀློང་ཆེན་པོ་དགུ། ལེའུ་འབུམ་ཕྲག་ལྔ། བམ་པོ་བརྒྱད་ཁྲི་བཞི་སྟོང་ཡོད་དེ། དེ་ཡང་ཀློང་ཆེན་པོ་དགུ་ནི་སྐྱེ་བ་མེད་པའི་ཀློང་དང་། སྙིང་པོ་དོནགཡི་ཀློང་དང་། གདོད་ནས་མ་སྐྱེས་པའི་ཀློང་། ཚིག་ལས་འདས་པའི་ཀློང་། སྤྲོས་པ་དང་བྲལ་བའི་ཀློང་། བརྗོད་དུ་མེད་པའི་ཀློང་། དེ་ཁོ་ན་ཉིད་ཀྱི་ཀློང་། མཐའ་ཀུན་དང་བྲལ་བའི་ཀློང་། གཉིས་སུ་མེད་པའི་ཀློང་ངོ་། །ལེའུ་འབུམ་ཕྲག་ལྒ། བམ་པོ་བརྒྱད་ཁྲི་བཞི་སྟོང་ནི། སྐྱེ་མེད་ཀློང་ལ་ལེའུ་འབུམ་ཕྲག་གཅིག་བམ་པོ་སྟོང་ཕྲག་བརྒྱད་དང་། ཡང་བརྒྱད་བཞུགས་སོ། །དེ་བཞིན་དུ་ཀློང་རེ་རེ་ལ་ལེའུ་ཁྲི་ཕྲག་ལྔ་ལྔ་ལས། བམ་པོ་སྟོང་ཕྲག་བརྒྱད་དང་ལྔ་བརྒྱ་ཀུན་ ལ་བཞུགས་པས། ལེའུ་འབུམ་ཕྲག་ལྔ་དང་། བམ་པོ་བརྒྱད་ཁྲི་བཞི་སྟོང་ཡོད་པ་ལས། སློབ་དཔོན་བཻ་རོ་ཙ་ནས་རྒྱལ་པོ་གཡུ་སྒྲ་སྙིང་པོ་ལ་རྣམ་པར་ཕྱེ་སྟེ་གསུངས་པ་ནི། རྫོགས་པ་ཆེན་པོ་ཕྱི་སྐོར་ལ་རྣམ་གྲངས་དང་འགྱུར་ལུགས་གཉིས་ལས། རྣམ་གྲངས་ནི། རྒྱུད་སྡེ། སེམས་སྡེ། ཀློང་སྡེ། བམ་པོའི་སྐོར། མདོ་ལུང་། རྫོགས་ཆེན་མ་བུའི་སྐོར། མན་ངང་རྫོང་འཕྲང་གི་སྐོར། མན་ངག་སྙན་བརྒྱུད་ཀྱི་སྐོར། མན་ངག་བསམ་གཏན་གྱི་སྐོར། རྒྱ་གར་གྱི་ཡུལ་ན་རྣམ་གྲངས་དགུ་བཞུགས་སོ། །བསྒྱུར་ལུགས་ནི། རྒྱ་གར་གྱི་ཡུལ་ན་རྒྱུད་མང་ཡང་རྩ་བའི་རྒྱུད་ལྔ། ཡན་ལག་གི་རྒྱུད་བདུན། བཤད་པའི་རྒྱུད་བཞི་སྟེ། རྒྱུད་སྡེ་ཆེན་པོ་བཅུ་དྲུག་བོད་ཡུལ་དུ་བསྒྱུར་རོ། །རྩ་བའི་རྒྱུད་སྡེ་ལྔ་ནི་བཀྲ་ཤིས་མི་འགྱུར་གསལ་བར་གནས་པའི་རྒྱུད་དང་གཅིག་ཡོན་ཏན་རྫོགས་པ་རྣམ་པར་རོལ་པའི་རྒྱུད་དང་གཉིས། ཡུལ་ཀུན་ལ་འཇགུ་པ་རྣམ་དག་རོལ་པའིརྒྱུད་དང་གསུམ། ཐིག་ལེ་རྒྱ་མཚོ་འཇུག་པ་ལ་གནས་པའིརྒྱུད་དང་བཞི། རིན་པོ་ཆེ་བཀོད་པ་རྣམ་པར་འབྱེད་པའི་རྒྱུད་དང་ལྔའོ། །ཡན་ལག་གི་རྒྱུད་བདུན་ནི། ཀུན་ཏུ་བཟང་པོ་ཆེ་བ་རང་ལ་གནས་པའིརྒྱུད་དང་གཅིག་ཡེ་ཤེས་རང་ལ་དབབ་ཅིང་རང་ལ་གནས་པའི་རྒྱུད་དང་གཉིས། མི་འགྱུར་གནས་པའི་རྒྱུད་དང་གསུམ། བཀོད་པ་རྒྱན་གྱི་རྒྱུད་དང་བཞི། དོན་གསལ་བ་མཐར་ཕྱིན་པའི་རྒྱུད་དང་ལྒ། གསལ་བ་རང་གྲོལགཡི་རྒྱུད་དང་དྲུག དཀྱིལ་འཁོར་རྫོགས་པའི་རྒྱུད་དང་བདུན་ནོ། །བཤད་པའི་རྒྱུད་བཞི་ནི། རྨད་དུ་བྱུང་བའི་རྒྱུད་དང་གཅིག་ཀུན་བྱེད་རྒྱལ་པོའི་རྒྱུད་དང་གཉིས། བྱང་ཆུབ་སེམས་དཔའ་ཡེ་ཤེས་རོལ་པོ་སྟོང་ ཉིད་ཀྱིས་བརྒྱན་པའི་རྒྱུད་དང་གསུམ། དེ་ཁོ་ན་ཉིད་སྟོན་པ་གསང་བ་རོལ་པའི་རྒྱུད་དང་བཞི་སྟེ། དེ་ལྟར་རྒྱ་མཚོའི་གླིང་དུ་བཤད་པའི་རྒྱུད་སྡེ་ཆེན་པོ་བཅུ་དྲུག་བོད་དུ་བསྒྱུར་རོ། །ཀུན་བྱེད་རྒྱལ་པོ་མ་བུ་དགུ་སྐོར་དུ་གསུངས་པ་ལ། ཀུན་བྱེད་རྒྱལ་པོ་རྩ་བའི་རྒྱུད་ཐོས་པའི་ཤེས་རབ་ལ་གདམས་པ་ལེའུ་ལྔ་བཅུ་རྩ་བདུན་པ། རྒྱུད་ཕྱི་མ་བསམ་བྱུང་གི་ཤེས་རབ་ལ་གདམས་པ་ལེའུ་བཅུ་གཉིས་པ། ཕྱི་མའི་ཕྱི་མོ་སྒོམ་བྱུང་གི་ཤེས་རབ་ལ་གདམས་པ་ལེའུ་བཅུ་གཉིས་པ། ཕྱི་མའི་མ་སྒོམ་བྱུང་གི་ཤེས་རབ་ལ་གདམས་པ་ལེའུ་བཅོ་ལྔ་པོ། ཀུན་བྱེད་བཤད་པའི་རྒྱུད་མདོ་བཅུ། སྤྱིའི་བཤད་རྒྱུད་འཁོར་བ་རྩད་གཅོད་དང་ལྔ། ཤྲཱི་སིང་ཧཱའི་རྒྱ་ཆོས་ཉིས་ཤུ་རྩ་གཅིག། འབྲས་བུ་རིན་པོ་ཆེ་དང་མཉམ་པའི་རྒྱུ་ལེའུ་བཅུ་བཞི་པ། དེ་རྣམས་ཀྱི་འགྲེལ་པ་ལྡེ་མིག་མན་ངག་དང་བཅས་པ་རྣམས་གསུངས་སོ། །སེམས་སྡེའི་སྐོར་ལ། རྒྱ་གར་གྱི་ཡུལ་ན་སེམས་སྡེ་བདུན་ཅུ་རྩ་བདུན་བཞུགས་པ་ལས བོད་དུ་བསྒྱུར་བ་ནི། ནམ་མཁའ་ཆེ། ཁྱུང་ཆེན། རྩལ་ཆེན། རིག་པའི་ཁུ་བྱུག་སྒོམ་པ་དོན་དྲུག་མ། རྨད་དུ་བྱུང་བ། ནམ་མཁའི་རྒྱལ་པོ། རྡོ་ལ་གསེར་ཞུན། བདེ་ལ་ཕྲ་བཀོད། བྱང་ཆུབ་སེམས་ཐིག་ཀུན་བཏུས་བདེ་འཇམ་སྙིང་པོ། རྫོགས་པ་སྤྱི་སྤྱོད། ཡིད་བཞིན་ནོར་བུ། རྗེ་བཙན་དམ་པ། སྤྱི་རྒྱུད་སྤུངས་པ། རྩེ་མོ་བྱུང་རྒྱལ་ལོ། །དེ་ལྟར་སེམས་སྡེའི་རྒྱུད་བཅོ་བརྒྱད། མན་ངག་བཅོ་བརྒྱད་ངོ་སྤྲོད་དང་བཅས་པ་གནང་། ཀློང་སྡེའི་སྐོར་ལ། རྒྱ་གར་གྱི་ཡུལ་ན་ཀློང་སྐོར་བཅོ་བརྒྱད་བཞུགས་པ་ལ། ཐུགས་རྗེ་ཀློང་ནག་མ་བུ་གཉིས། ཀློང་དཀར་པོ་ལ་རྒྱ་མཚོའི་ཀློང་མ་བུ་ངཉིས། ཀློང༌།ཆེན་རབ་འབྱམས་མ་བུ་བཞི་སྟེ། ཀློང་སྐོར་གསུམ་བོད་དུ་བསྒྱུར་ རོ། །ཀློང་སེམས་ཁ་སྦྱོར་ཞེས་བྱ་སྟེ། སེམས་སྡེ་རྩ་བ་བཅོ་བརྒྱད། བསྐལ་པ་དུམ་བུའི་རྒྱུད་བཅོ་བརྒྱད་བོད་ཡུལ་དུ་བསྒྱུར་རོ། །ཀློང་སེམས་གཉིས་ལས། སྤྱིར་ནམ་མཁའ་ཆེ་རྒྱས་པ་རྣལ་འབྱོར་པའི་སྤྱི་རྒྱུད་ཅེས་བྱ་བ་ཞིག་རྒྱ་གར་ན་ཡོད་ཟེར་རོ། །བམ་པོའི་སྐོརལ། རྒྱ་གར་གྱི་ཡུལ་ན་བམ་པོ་ཉིས་ཁྲི་བཞུགས་པ་ལ། སྣང་བའི་བམ་པོ། སྟོང་པའི་བམ་པོ། ཡེ་ཤེས་ཀྱི་བམ་པོ། ལྟ་སྒོམ་སྤྱོད་པ་འབྲས་བུའི་བམ་པོ་ལ་སོགས་ཏེ། བམ་པོ་བརྒྱ་སྐོར་ཞིག་བོད་དུ་བསྒྱུར། རྫོགས་པ་ཆེན་པོ་མདོ་ལུང་གི་སྐོར་ལ་མདོང་ལུང་། མདོ་རྩ་གཉིས། མདོ་འགྲེལ་དང་གསུམ་བོད་དུ་བསྒྱུར་རོ། །ཡུལ་རྫོགས་པ་ཆེན་པོ་མ་བུའི་སྐོར་ལ། མ་སྟོང་པའི་ཡེ་ཤེས། བུ་རིག་པའི་ཡེ་ཤེས་མ་བུ་གཉིས་བོད་དུ་བསྒྱུར། མ་སྟོང་པའི་ཡེ་ཤེས། བུ་རིག་པའི་ཡེ་ཤེས་མ་བུ་གཉིས་བོད་དུ་བསྒྱུར། མན་ངག་རྫོང་འཕྲེང་གི་སྐོར་ལ། བཀའ་རྫོགས་དང་གཉན་རྫོགས་གཉིས་བོད་ཡུལ་དུ་བསྒྱུར་རོ། །མན་གང་སྙན་བརྒྱུད་ཆེ་ཆུང་གཉིས་བོད་དུ་བསྒྱུར། མན་ངག་བསམ་གཏན་གྱི་སྐོར་ལ། བསམ་གཏན་བརྒྱད་ཅུ་པ་བོད་དུ་བསྒྱུར་རོ། །དེ་རྣམས་ནི་ཨ་ཏི་ཕྱི་སྐོར་སེམས་ཕྱོགས་ཀྱི་བསྒྱུར་ལུགས་སོ། །རྫོགས་པ་ཆེན་པོ་ནང་སྐོར་འདི་ལ་རྣམ་གྲངས་དང་བསྒྱུར་ལུགས་གཉིས་ལས། རྣམ་གྲངས་ནི། རྒྱ་གར་གྱི་ཡུལ་ན་རིག་པ་བླ་མའི་རྒྱུད་བྱ་བ་མ་བུ་གསུམ་བཞུགས་སོ། །བསྐྱུར་ལུགས་ནི། བྲམ་ཟེའི་སྐོར་དང་། རིག་པའི་སྐོར་དང་། གབ་པའི་སྐོར་དང་། རྨད་དུ་བྱུང་བའི་སྐོར་དང་། རྫོགས་ཆེན་ལྡེ་མིག་གི་སྐོར་དང་སྐོར་གཅིག་ཆད་དྲུག་བོད་ཡུལ་དུ་བསྒྱུར་རོ། །རྫོགས་པ་ཆེན་པོ་བྲམ་ཟེའི་སྐོར་འདི་ལ། རྒྱུད་དྲུག་ལོ་རྒྱུད་བདུན། འཕྲུལ་གྱི་ལྡེ་མིག་དང་བརྒྱད། འཁོར་ལོ་གསུམ་སྟེ་བཅུ་གཅིག་རིན་པོ་ཆེ་རྒྱན་གྱི་ མན་ངག་དང་བཅུ་གཉིས་བཞུགས་སོ། །དེ་ལ་རྒྱུད་དྲུག་ནི། རྒྱུད་ཀྱི་སྙིང་པོ་ལེའུ་ཉིས་ཤུ་རྩ་བརྒྱད། ཡེ་ཤེས་ཏིང་རྫོགས་ཀྱི་རྒྱུད་ལེའུ་ཉིས་ཤུ་རྩ་བདུན་པ། འཁོར་བ་ཐོག་མཐའ་གཅོད་པའི་རྒྱུད་ལེའུ་བདུན་པ། ནམ་མཁའ་ཀློང་ཡངས་ཀྱི་རྒྱུད་ལེའུ་སུམ་ཅུ་ཐམ་པ། རྨད་དུ་བྱུང་འི་རྒྱུད་ལེའུ་ཉིས་ཤུ་རྩ་བརྒྱད། བཀའ་ལུང་སྤྱོད་པ་དོན་ཡོད་པའི་རྒྱུད་དང་དྲུག་གོ །འཁོར་ལོ་གསུམ་ནི། མན་ངག་གི་འཁོར་ལོ། །ལྟ་བ་སྤྱོད་པའི་འཁོར་ལོ། །གཏན་ཚིགས་སྒྲའི་འཁོར་ལོ་དང་གསུམ་མོ། །རིན་པོ་ཆེ་རྒྱན་གྱི་མན་ངག་ནི། གནད་ལ་དབབ་པའི་སྐོར་ཞེས་བྱའོ། །དེ་རྣམས་ནི་ནང་སྐོར་ཀྱི་བསྒྱུར་རོ། །ཨ་ཏི་གསང་བའི་སྐོར་འདི་ལ་རྣམ་གྲངས་དང་གཅིག་བསྒྱུར་ལུགས་དང་གཉིས་ལས། རྣམ་གྲངས་ནི་རྒྱ་གར་གྱི་ཡུལ་ན་གསང་རྒྱུད་ཆེན་པོ་དང་གཅིག་ཡང་ནི་ཨ་ཏི་གསང་སྐོར་ལས་ཟབ་མོ་སྐོར་དགུ་བོད་ཡུལ་དུ་འགྱུར་རོ། །ཨ་ཏི་གསང་བའི་སྐོར་འདི་ལ་རྣམ་གྲངས་དང་གཅིག་བསྒྱུར་ལུགས་དང་གཉིས་ལས། རྣམ་གྲངས་ནི་གར་ཕྱི་ཡུལ་ན་གསང་བརྒྱུད་ཆེན་པོ་དང་གཅིག་ཡང་ཏིག་དང་གཉིས། སྤྱི་ཏིག་དང་གསུམ་བཞུགས་སྐད། དེ་ལ་བསྒྱུར་ལགུས་ནི་ཨ་ཏི་གསང་སྐོར་ལས་ཟབ་མོ་སྐོར་དགུ་བོད་ཡུལ་དུ་འགྱུར་རོ། །རྫོགས་པ་ཆེན་པོ་ཀེའུ་ཚང་སྐོར། འཕྲུལ་གཞི་ཟབ་མོ་སྐོར་གཅིག་ཡིན། རིན་པོ་ཆེ་རྒྱས་པའི་སྐོར་ཟབ་མོ་སྐོར་གཅིག་ཡིན། ཉི་མའི་འཁོར་ལོ་ཟམ་མོ་སྐོར་གཅིག་ཡིན། རྒྱལ་པོའི་བླ་གཏེར་ཟབ་མོ་སྐོར་གཅིག་ཡིན། ཟ་འོག་བེར་ཁྱིམ་ཟབ་མོ་སྐོར་གཅིག་ཡིན། རྒྱུད་པ་ཐ་མ་ཟབ་མོ་སྐོར་གཅིག་ཡིན། གཞན་ཡང་བཤད་ཐབས་གཉིས་ལས་མཁས་པ་པཎྜི་ཏའི་ལུགས་ལ། ཐིག་ལེ་སྡེ་བཞི། འཇམ་དཔལ་སྡེ་བཞི། བིག་པར་ཏ་སྡེ་བཞི་སོགས་པའོ། །ཀུ་སུ་ལུ་རྣལ་འབྱོར་པའི་ལུགས་ལ་སྔགས་ ཀྱི་རྩ་བ་གསུམ་སྟེ། །རྒྱུད་ཐམས་ཅད་ཀྱི་རྩ་བ་འཇམ་དཔལ་དགོངས་པ་འདུས་པ། ལུང་ཐམས་ཅད་ཀྱི་རྩེ་བ་མཁའ་འགྲོ་མ་དྲྭ་བའི་འཁོར་ལོ། །མན་ངག་ཐམས་ཅད་ཀྱི་རྩ་བ་འཁོར་ལོ་ལྔས་བསྐོར་བའོ། །གྲུབ་མཐའ་བཀོད་པའི་མན་ངག་ནི། ལྷུན་གྲུབ་ཇི་བཞིན་བཀོད་པའི་རྒྱུད། དྲི་མེད་རྣམ་དག་གི་རྒྱུད་དང་། གསང་བ་རིག་པ་བཀོད་པའི་རྒྱུད་དང་། དྲི་མེད་འོད་གསལ་གྱི་རྒྱུད་དང་བཞིའོ། །གཞན་ཡང་རྒྱུད་གསེར་མགོ་ནག་དང་། ལུང་ཐོ་ཡིག་ཅན་དང་། མན་ངག་ཕྲ་ཡིག་ཅན་དང་གསུམ་མོ། །དེ་ལྟར་ཆོས་དཔག་ཏུ་མེད་པ་ཀུན་རྫོགས་པའི་ཐ་མ་ལ། ཁྱད་པར་དུ་མན་ངག་ཐམས་ཅད་ཀྱི་ཉིང་ཁུ། བླ་མ་གོང་མ་རྣམས་ཀྱིས་སྙིང་ལྟ་བུར་གཅེས་པར་མཛད་པ། རང་གྲོལ་མངོན་སུམ་དུ་སྟོན་པའི་མན་ངག་གནང་སྟེ། གསལ་བྱེད་རིན་པོ་ཆེ་འབར་བ་བཞེངས་ནས། རྒྱལ་ཐབས་སྤྱི་བླུགས་རྣལ་མའི་དབང་ལ་སོགས་པ་དབང་གི་ཆུ་བོ་བདུན་རྫོགས་པར་བསྐུར། གནས་ལུགས་གཙོ་བོར་སྟོན་པ་ཡེ་ཤེས་རྫོགས་པ་དང་། འཕྲུལ་ཚུལ་གཙོ་བོར་སྟོན་པ་ཡེ་ཤེས་གསང་བ་དང་། རྟོགས་ཐབས་གཙོ་བོར་སྟོན་པ་རིག་པ་རང་གསལ་མཆོག་གི་རྒྱུད་དང་། སྒོམས་ཐབས་གཙོ་བོར་སྟོན་པ་མཁའ་ས་མུན་ཏ་ནམ་མཁའ་མཐའ་དང་མཉམ་པའི་རྒྱུད་དང་། འབྲས་བུ་གཙོ་བོར་སྟོན་པ་སྙིང་པོ་དོན་གྱི་རྒྱུ་དག་ལྔའོ། །གཞན་ཡང་ཀློང་དགུ་ལ་སོགས་ཏེ་ཡན་ལག་གི་རྒྱུད་ཉིས་ཤུ་རྩ་ལྔ། སྦྲུལ་སྐུ་དགའ་རབ་ཀྱི་བཀའི་མན་ངག་ཕྲན་བུ་བཅོ་བརྒྱད། རིག་འཛིན་གྱི་ཆོས་བཞི་ལ། སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་རིན་པོ་ཆེ་རང་གི་གཏེར་གཏད་པ། ལྷ་བདུད་རྩི་ཆོས་ཀྱི་རྒྱལ་པོས་མཛད་པའི་བྱང་ཆུབ་ཀྱི་ སེམས་རིན་པོ་ཆེ་བདུད་རྩི་རྒྱུན་ཆེ་མཆོག་རྒྱན་གྱི་འཁོར་ལོ་ཞེས་བྱ་བ། ཀླུ་རྒྱལ་དགེ་བ་དཔལ་འབར་གྱིས་མཛད་པ་སའི་རིམ་པ་གསུམ་དུ་བསྡུས་པའི་མན་ངག གནོད་སྦྱིན་མ་བྱང་ཆུབ་མས་མཛད་པའི་བྱང་ཆུབ་ཀྱི་སེམས་རིན་པོ་ཆེ་གསང་བ་ཐུགས་ཀྱི་སྒྲོན་མ་ཞེས་པ་དང་། དྲི་མེད་གསང་སྒྲོན། ཀུ་ཀུ་རཱ་མཛད་པའི་བྱང་ཆུབ་ཀྱི་སེམས་ཉི་མའི་སྙིང་པོ་འོད་དང་ལྡན་པ། ཤྲཱི་སིང་ཧཱས་མཛད་པའི་རིན་པོ་ཆེའི་རྒྱན། རིན་པོ་ཆེའི་འཕྲེང་བ། རྗེ་ཉིད་ཀྱིས་མཛད་པའི་བསམ་གཏན་དོན་གསུམ་པ་ལ་སོགས་པ། གཞན་ཡང་འཇམ་དཔལ་གཤིན་རྗེ་གཤེད་ཀྱི་སྒྲུབ་པའི་རྒྱུད། རྩ་རྒྱུད་མེ་རི་གསང་བ། རྒྱུད་ཕྱི་མ། ཕྱི་མའི་ཡང་ཕྱི་མ། སྒྲུབ་ཐབས། དབང་ཆོག ལས་ཚོགས་བསྟན་སྲུང་དང་བཅས་པ་གཡུ་སྒྲ་ལ་གཉེར་དུ་གཏད་དོ། །དེར་དཔོན་སློབ་གཉིས་ཀ་དགོངས་པ་གཅིག་ཏུ་གྱུར་ཏེ། རྒྱལ་མོ་ཚ་བའི་རོང་དུ་བསྟན་པ་དར་བ་དང་འགྲོ་བའི་དོན་མཛད་ཅིང་བཞུགས་སོ། །སློབ་དཔོན་བཱི་ལ་སྤྱན་དྲངས་ཚུལ། བབས་དྲུག་པ་ནི། བཻ་རོ་ཙ་ན་ཚ་བའི་རོང་དུ་སྤྱུགས་མ་ཐང་གི་དུས་སུ། རྗེ་ཁྲི་སྲོང་ལྡེ་བཙན་གྱི་ཐུགས་དགོངས་ལ། སྤྱིར་བོད་ཁ་བ་ཅན་གྱི་རྒྱལ་ཁམས་འདི་ཆོས་ལ་འགོད་འདོད་པས། བོད་ཀྱི་ཤེས་རབ་ཅན་གྱ་གར་དུ་བཏང་ནས། ཆོས་ངོ་མཚར་ཅན་རྙེད་བྱུང་ཡང་། བློན་པོ་གདུག་པ་ཅན་ཆོས་ལ་གནག་པས་ཕྲག་དོག་བྱས་ནས་ཆོས་སྤྱད་དབང་མ་བྱུང་། ཆོས་འཚོལ་དུ་བཏག་པ་ཐམས་ཅད་ཀྱང་། བློན་པོས་རྒྱལ་ཁྲིམས་ ལ་བསྙད་ཅིང་སྤྱུགས། ཁྱད་པར་རིན་པོ་ཆེའི་སྡོང་པོ་ལྟ་བུ་གསང་སྔགས་ཀྱི་སྡོང་པོ་བཻ་རོ་ཙ་ན་ནི་བློན་པོ་གདུག་པ་ཅན་དང་རྒྱ་གར་གྱི་ཕྲ་མ་མཁན་གྱི་རིང་ལ་ཚ་བའི་རོང་དུ་སྤྱུགས་པས། ད་རྗེ་བཻ་རོའི་ཆོས་འདི་མ་ནོར་བའི་དཔང་པོ་དང་། རྗེ་བཻ་རོའི་ཆེ་བ་འདོན་པའི་ཕྱིར་དང་། བོད་དུ་བསྟན་པ་རྒྱས་པར་བྱ་བའི་ཕྱིར། རྒྱ་གར་ནས་སྤྱིར་འབྲས་ཐམས་ཅད་དང་། ཁྱད་པར་དུ་མན་ངག་གི་ཆོས་ལ་མཁས་པའི་པཎྜི་ཏ་གཅིག་སྤྱན་དྲངས་ནས་བླའི་མཆོད་གནས་བྱ་བར་དགོངས་སོ། །དེ་ནས་རྗེས་འབངས་བློན་ཀུན་བསགས་ནས། འོ་ཅག་རྣམས་ཀྱིས་བོད་མུན་པའི་སྨག་རུམ་ལྟ་བུ་ལ་རྒྱུ་འབྲས་ཀྱི་ཆོས་དང་། ཁྱད་པར་མན་ངག་གི་ཆོས་ལ་མཁས་པའ་པཎྜི་ཏ་གཅིག་སྤྱན་འདྲེན་དགོས་པས། སུ་འགྲོ་ཞེས་བགྲོས་སོ། །དེར་རྗེ་བློན་འབངས་ཀུན་མཐུན་པར་འཁོན་ཀླུའི་དབང་པོ་གཏོང་བར་གྲོས་འཆམ་ནས། གསེར་ཕྱེ་བྲེ་དོ་དང་། པ་ཏྲ་འགའ་ཟུང་བསྐུར་ནས། ཉང་པོ་ཀླུའི་རྒྱལ་མཚན་དང་། སྦས་ན་ཝ་ཅནད་དང་གསུམ་བཏང་ཡང་ཟེར། ལུགས་གཅིག་ཏུ་ལོ་ཙཱ་བ་སྐ་བ་དཔལ་བརྩེགས། ཅོག་རོལ་ཀླུའི་རྒྱལ་མཚན་དང་། རྨ་རིན་ཆེན་མཆོག་དང་གསུམ་བརྫངས་ནས། སློབ་དཔོན་བཱི་མ་ལ་སྤྱན་དྲངས་པ་ཡིན་ཟེར། སློབ་དཔོན་བཱི་མ་ལ་དེ་ཡང་། ཐུགས་རྗེ་ཆེན་པོའི་སྤྲུལ་པ་ཡིན་ཏེ། རྒྱལ་པོ་དྷརྨ་ཨ་ཤོ་ཀ་བྱ་བའི་སྲས་མོ། །ལྷ་ལྕམ་དྷརྨ་བོ་དྷི་བྱ་བ་ཤིན་ཏུ་མཛེས་པ་ལྷའི་བུ་མོ་འདྲ་བ་ཞིག་ཡོད་པ་ལས། གཉིད་ལོག་པའི་རྨི་ལམ་ན། མི་དཀར་པོ་ཤིན་ཏུ་མཛེས་པ་འོད་ཟེར་དཀར་པོ་འཕྲོ་བ་ཞིག་བྱུང་སྟེ། བདུད་རྩི་བུམ་པ་གང་སྤྱི་བོར་བཞག་ནས་བླུགས་པས། ཚངས་པའི་བུ་ག་ནས་མར་སོང་བས། ལུས་བདེ་བས་གང་བ་ཞིག་རྨེས་སོ། །དེ་ནས་ལུས་མ་བདེ་བ་མེད་པར་བུ་གཅིག་བཙས་པས། ཁྱོ་མེད་པའི་བུ་ངོ་ཚ་ནས་བྱེ་བའི་གསེབ་ཏུ་བོར་བས་མིག་གཉིས་ཁྲ་ཧྲི་གེ་འདུག་ནས། ཡར་བླངས་ཏེ་གསོས་པས། ཞག་ལོན་ཟླ་བ་ལོན་གཞན་བས་སྐྱེད་ཆེ་བ་ཞིག་བྱུང་ནས། ལོ་ལྔ་ལོན་ནས་རིག་པའི་གནས་ལྔ་ལ་སྦྱངས་པས། ལྷག་པར་ཆོས་མ་མཁས་པར་གྱུར་ཏོ། །པཎྜི་ཏ་ལྔ་བརྒྱའི་ནང་ནས་ཆོས་ལ་མཁས་པར་གྱུར་ནས། མཚན་ཡང་བཱི་མ་ལ་མི་ཏྲ་ཞེས་བྱའོ། །དེ་ལྟ་བུའི་སློབ་དཔོན་དེ། །རྒྱ་གར་བི་ཀྲ་མ་ཤཱི་ལའི་གཙུག་ལག་ཁང་ན་བཞུགས་པས། ཆོས་སྐྱོང་པའི་རྒྱལ་པོ་དྷ་རྨ་ཙཀྲ་ལ་གསེར་ཕྱེ་འདི་ཕུལ་ལ། ངའི་གསེར་གྱི་སྐྱེས་ལན་དུ། ཕྱི་ནང་གི་ཆོས་མཐའ་དག་ལ་མཁས་པའི་པཎྜི་ཏ་གཅིག་ཞུ་གྱིས་ལ། ལོ་ཙཱ་བ་ཁྱེད་གསུམ་གྱིས་སྤྱན་དྲོངས་ལ་ཤོག་ཅིག་ཅེས་བསྒོས་ནས་བཏང་ངོ་། །དེ་ནས་ལོ་ཙཱ་བ་གསུམ་གྱིས་བི་ཀྲ་མ་ཤཱི་ལའི་གཙུག་ལག་ཁང་དུ་རྒྱལ་པོ་ལ་གསེར་ཕུལ་ནས་ཞུས་པ། རྒྱལ་པོ་ཆེན་པོ། བོད་ཡུལ་གྱི་རྗེ་ཆོས་སྐྱོང་པའི་རྒྱལ་པོ་ཡིན་པས། ཕྱི་ནང་གི་ཆོས་མཐའ་དག་ལ་མཁས་པའི་པཎྜི་ཏ་ཞིག་གནང་བར་ཞུ་གསུང་གི་གདའ་འོ། །ཞེས་ལོ་ཙཱ་བ་གསུམ་གྱིས་སྨྲས་པ་དང་། རྒྱལ་པོ་དྷརྨ་ཙ་ཀྲའི་ཞལ་ནས། འོ་ན་ངའི་མཆོད་གནས་པཎྜི་ཏ་ལྔ་བརྒྱ་ནང་པར་ཚ་བ་ལ་སོགས་པའི་གྲལ་དུ་ཞུ་དགོས་གསུངས་ནས། རྒྱལ་པོ་ས་གསེར་གྱི་མཎྜལ་རེ་ཕུལ་ནས་ཞུས་པ། བོད་ཀྱི་ཆོས་སྐྱོང་བའི་རྒྱལ་པོས་ང་ལ་སྐྱེས་སུ་གསེར་བསྐུར་ནས། ཕྱི་ནང་གི་ཆོས་མ་ལསུ་པ་ལ་མཁས་པའི་པཎྜི་ཏ་ཞིག་ལོ་ཙཱ་བ་འདི་གསུམ་སྤྱན་འདྲེན་དུ་བཏང་བ་ཡིན་པས་གཤེགས་བར་ཞུའོ་ཞེས་གསུངས་པས། པཎྜི་ཏ་ལྔ་བརྒྱའི་ནང་ནས་ མཁས་པ་ཆེན་པོར་གྱུར་པ། སློབ་དཔོན་བཱི་མ་ལ་མི་ཏྲ་གུང་གྲལ་ན་བཞུཊ་པ་ལ། གཡས་ཀྱི་ཕྱེད་དང་སུམ་བརྒྱ། གཡོན་གྱི་ཕྱེད་དང་སུམ་བརྒྱའི་དབུས་ཀྱི་བཱི་མ་ལ་མི་ཏྲ་ལ་དུས་གཅིག་ཏུ་སྤྱན་རུབ་སྟེ་བྱུང་བ་དང་། དོན་གྱིས་སོངས་ཤིག་པར་བསྐུལ་ནས། དབུས་ཀྱི་སློབ་དཔོན་བཱི་མ་ལ་བཞེངས་ནས། བོ་དྷི་སཏཱ་ཐེམ། ཞེས་ལན་གསུམ་གསུངས་པས། ལོ་ཙཱ་བ་གསུམ་ལ་གོ་བ་མི་འདྲ་བ་གསུམ་བྱུང་སྟེ། སྐ་བ་དཔལ་བརྩེགས་ཀྱི་གོ་བ་ལ། གཞུ་མོ་དག་ལ་བརྟེན་པའི་མདའ། །སྐྱེས་བུས་མཐེབ་མཛུབ་རྩོལ་ཕོད་ན། །མདས་ཀྱང་འབེན་ངོས་ཕྱིན་པར་འགྱུར། །ཞེས་གསུངས་ནས་བཞུད་པར་གོ །རྨ་རིན་ཆེན་མཆོག་གི་གོ་བ་ལ། ཉག་ཐག་དག་ལ་བརྟེན་པའི་གྲུ །སྐྱེ་བུའི་སྐྱ་བས་རྩོལ་ཕོད་ན། །གྲུས་ཀྱང་ཆུ་ལ་སྒྲོལ་བར་འགྱུར། །ཞེས་གསུངཤ་ནས་བཞུད་པར་གོ །ཅོག་རོ་ཀླུའི་རྒྱལ་མཚན་གྱི་གོ་བ་ལ། ཡོན་ཏན་དག་དང་ལྡན་པའི་མི། །རང་ཡུལ་མེད་པའི་ས་ཕྱོགས་སུ། །ལུས་ཀྱི་བུམ་པ་གང་དྲིལ་བ། །སེམས་ཀྱི་ཆུ་བོ་དེ་རུ་འབོ། །ཞེས་གསུངས་ནས་བཞུད་པར་གོ །དེ་ནས་རྒྱལ་པོ་དང་པཎྜི་ཏ་རྣམས་ཀྱི་བཀའ་ཐོབ་ནས། སློབ་དཔོན་བཱི་མ་ལ་མི་ཏྲ་ལོ་ཙཱ་བ་གསུམ་གྱིས་སྤྱན་དྲངས་ནས། ཀ་པཱ་ལི་སོར་བཞི་པ་ཞིག་ལ་རྒྱ་ཡིག་བདུན་བྲིས་པ་གཅིག་བསྣམས་ནས་བྱོན་ཏེ་བསམ་ཡས་སུ་བྱོན་ནས། རྒྱལ་པོ་རྗེ་བློན་རྣམས་ཀྱིས་ཀྱང་བསུ་བ་མཛད། བསམ་ཡས་སུ་ཞབས་ཕབ་ནས་འཁོར་ས་ཆེན་མོར་སྤྱན་དྲངས་པས། རྒྱལ་པོ་ལ་ཡང་ཕྱག་མི་འཚལ། ལྷ་ཁང་ལ་ཡང་ཕྱག་མ་མཛད་པས། རྒྱལ་པོ་ལ་ཡང་ཕྱག་མི་འཚལ། ལྷ་ཁང་ལ་ཡང་ཕྱག་མ་མཛད་པས། བློན་པོ་རྣམས་ཀྱིས་ངེད་ཀྱི་ལྷ་ཁང་འདིར་སྔར་ཡང་པཎྜི་ཏ་མང་པོ་སྤྱན་དྲངས། ལྷ་ལ་ཡང་ཕྱག་མི་འཚལ་བ་ཅི་ལགས་ཞུས་པས། ཁྱེད་རྒྱལ་བློན་རྣམས་ཀྱི་ཕྱག་གི་དོན་ཤེས་སམ་གསུངས། རྒྱལ་པོས་ཕྱག་གི་དོན་མི་ཤེས་ཞུས་པས། ངས་ལྷ་དང་རང་གཉིས་སུ་མེད་པའི་དོན་གྱི་ཕྱག་ཅིག་བཙལ་ཟིན། བརྡའི་ཕྱག་ལྷས་མི་ཐུབ་པས། ལྷ་ལ་ཡང་ཕྱག་མི་འཚལ། རྒྱལ་པོ་ལ་ཡང་ཕྱག་མི་འཚལ་གསུངས་པས། རྒྱལ་བློན་གྱི་ཐུགས་ལ། འོ་ན་ནང་པ་སངས་རྒྱས་པ་མིན་ནམ། ཕྱི་པ་མུ་སྟེགས་པ་རང་ཡིན་སྙམ་པས། རྒྱལ་པོ་ཐུགས་མ་ཆེས་གསུངས། བཱི་མ་ལས་ཆོས་གོས་གསོལ་ནས་རྫུ་འཕྲུལ་གྱིས་ཕྱག་མཛད་པ་ནི། རྣམ་པར་སྣང་མཛད་གཟུགས་སྐུ་ལ། །བཱི་མ་མི་ཏྲ་ཡེ་ཤེས་ལྷ་ཡི་ཕྱག། །ཀུན་རྫོབ་ངོ་གང་ཕྱག་འབུལ་ལོ། །ཞེས་ཕྱག་འཚལ་བའི་ཚུལ་བྱས་པས། རྣམ་པར་སྣང་མཛད་དབུའི་གཙུག་ནས་གདན་ཁྲི་ཡན་ཆད་ཚལ་པས་གས་སོ། །རྒྱལ་པོ་སྙམ་ན་མུ་སྟེགས་པ་ཡིན་ངེས་པར་འདུག་སྙམ་སྟེ་ཞལ་ངོ་ནག་ཐིང་སོང་བ་དང་། ཡང་བཱི་མ་ལས། རྒྱལ་པོ་ལ་ཡིད་མ་ཆེས་སམ་མ་དགྱེས་སམ་གསུངས། མ་ལས་ཞུས་པས། ཡང་ཕྱག་མཛད་ནས། རྣམཔར་སྣང་མཛད་ཡེ་ཤེས་ལྷ་ཡི་ཕྱག །བཱི་མ་མི་ཏྲ་གཟུགས་ཀྱི་ཕུང་པོ་ཡིས། །ཡེ་ཤེས་ལྔ་ལྡན་རྟགས་ཀྱིས་དབང་བསྐུར་རོ། །ཞེས་གསུངས་ནས་རྣམ་པར་སྣང་མཛད་ཀྱི་སྤྱི་བོར་ཕྱག་བཞག་པས། སྔར་གསུངས་ནས་རྣམ་པར་སྣང་མཛད་ཀྱི་སྤྱི་བོར་ཕྱག་བཞག་པས། སྔར་བས་ཀྱང་མཚར་ཏེ་འོད་བྱུང་བས། སྔོན་ལ་དབུ་རྩེ་འོད་ཀྱིས་ཁེངས། དེ་ནས་བསམ་ཡས་དང་། ལྷ་ཁང་ཐམས་ཅད་འོད་ཀྱི་ཁྱབ་པར་རབ་ནས་མཛད་དོ། །དེ་ནས་རྒྱལ་པོ་ལ་ཕྱག་བགྱིའོ་གསུངས་ནས་ཕྱག་བསྣར་བས། རྒྱལ་པོའི་ཞལ་ནས་ཁྱེད་ཕྱི་དགེ་སློང་གི་དགེ་འདུན་ཡིན་པ་དང་། ནང་གསང་སྔགས་ཀྱི་གྲུབ་པ་ཐོབ་པའི་རྣལ་འབྱོར་པར་གདའ་བས། ཕྱག་མི་མཛད་པར་ཞུ་གསུངས་པ་དང༌། བཱི་མ་ལའི་ཞལ་ནས་ཁྱོད་བོད་ཆོས་སྐྱོང་བའི་རྒྱལ་བོར་འདུག་པས་ཅིས་ ཀྱང་ཕྱག་འཚལ་གསུངས་ནས་ཕྱག་བཏབ་པས། རྒྱལ་པོའི་ན་བཟའ་སློབ་དཔོན་གྱི་ཕྱག་གི་འོད་ཟེར་གྱིས་ཧྲོག་ཧྲོག་འཚིགས་པས། རྒྱལ་པོས་ཡས་ཀྱི་ཕྱག་སློབ་དཔོན་ལ་བཙལ་ལོ། །དེ་ནས་སློབ་དཔོན་བཱི་མ་ལ་མི་ཏྲ་གདན་སེདྒེའི་ཁྲི་ལ་བཞུགས། གབ་རྩེ་དགུ་བརྩེགས་གདན་དུ་བཏིངས། ཟ་འོག་སྨུག་བེར་སྐུ་ལ་གསོལ། གསོལ་ཟས་ཀྱི་རྣམ་པ་མང་པོ་དྲངས། གསེར་ཕྱེ་བྲེ་གསུམ་རིན་པོ་ཆེ་དངུལ་གྱི་བུམ་པར་བླུགས་ནས་ཕུལ་བས། སློབ་དཔོན་ཞལ་ནག་ཐོམ་མེ་བཞུགས་ནས་ཅང་མི་གསུང་། རྒྱལ་པོའི་ཐུགས་ལ་ལྷོ་བལ་འདོད་པ་ཅན་ད་རུག་མ་ཚིམ་པར་འདུག་སྙམ་པ་དང་སློབ་དཔོན་བཱི་མ་ལས། རྒྱལ་པོའི་ཐུ་བར་བྱེ་བ་བྲེ་གསུམ་བླུགས་ནས་དར་ཅིག་ཟུངས་ཤིག་གསུངས། རྒྱལ་པོས་ཐུ་བ་མ་ཐུབ་ཙ་ན་བྱེ་མ་གསེར་དུ་སོང་འདུག །རྒྱལ་པོ་ཆེན་པོ། ང་ལ་སྣང་བ་ཐམས་ཅད་གསེར་དུ་ཡོད། རྒྱལ་པོའི་དགོངས་པ་བསྒྲུབ་པའི་ཕྱིར་རེ་ཞིག་བླང་གི་གསུངས་སོ། །སློབ་དཔོན་ཆེན་པོ་རྣམ་ལྔ་དང་པཎྜི་ཏ་སོ་སོས་བསྒྱུར་བའི་དཀར་ཆག དེ་ནས་རྒྱལ་པོ་ཁྲི་སྲོང་ལྡེ་བཙན་གྱིས་ཨུ་རྒྱན་གྱི་སློབ་དཔོན་པདྨ་འབྱུང་གནས་དང་། ཁ་ཆེའི་སློབ་དཔོན་བཱི་མ་ལ་མི་ཏྲ་དང་། ཟ་ཧོར་གྱི་མཁན་པོ་བོ་དྷོ་སཏཱ་དང་། རྒྱ་ནག་གི་སློབ་དཔོན་ཀ་མ་ལ་ཤཱི་ལ་དང་། སིང་ག་ལའི་སློབ་དཔོན་དྷ་ན་ཤཱི་ལ་སོགས་ཏེ། མཁས་པའི་སློབ་དཔོན་ཆེན་པོ་རྣམ་པ་ལྔ་དང་། གཞན་ཡང་ཤཱན་ཏིང་གརྦྷ། བི་ཤུདྡྷ་སིང་ཧཱ་ ལ་སོགས་པའི་པཎྜི་ཏ་མཁས་པ་རྣམས་དང་། ལོ་ཙཱ་བ་སད་མི་མི་བདུན་དང་། སྐ་བ་དཔལ་བརྩེགས། ཅོག་ཏོ་ཀླུའི་རྒྱལ་མཚན། ཞང་སྣ་ནམ་ཡེ་ཤེས་སྡེ། རྨ་རིག་ཆེན་མཆོག་གཉགས་ཛྙ་ན་ཀུ་མ་ར། ལོ་ཙཱ་བའི་མཚན་བུ་ལྡན་མ་རྩེ་མང་། སྣུབས་ནམ་མཁའི་སྙིང་པོ། དབས་ཨ་ཙརྱ་ཡེ་ཤེས་དབྱངས། མགོ་བུམ་སྤྲུ་འབྱིན། ལོ་ཁྱི་ཆུང་། དེ་ལྟར་ལོ་པཎ་ཐམས་ཅད་ཅད་སྤྱན་དྲངས་ནས། རྒྱལ་པོས་ཆོས་གསུངས་པར་ཞུ་བ་ཕུལ་ཏེ། སློབ་དཔོན་པདྨ་འབྱུང་གནས་ནི་སྐུ་པདྨ་ལས་འཁྲུངས་པ། སྤྱིར་ཁམས་གསུམ་དབང་དུ་བསྡུས་ཞིང་སྲིད་གསུམ་ཟིལ་གྱིས་གནོན་པའི་ཐུགས་དམ་གདའ། ཡུལ་ང་དུ་བྱོན་ཀྱང་ཡུལ་དེའི་ལྷ་འདྲེས་སྲོག་སྙིང་འབུལ། ཁྱད་པར་དུ་བསམ་ཡས་ཀྱི་ས་གཞི་བཏུལ་བ་ཡིན་པས། གདན་སེདྒེའི་ཁྲི་གསུམ་བརྩེགས་པའི་སྟེང་དུ་བཞུགས་སོ། །སློབ་དཔོན་བཱི་མ་ལ་མི་ཏྲ་ན་པཎྜི་ཏ་ལྔ་བརྒྱའི་ནང་ནས་མཁས་པ་ཡག་རབ་ཏུ་བཞུགས་ཤིང་། ཆོས་ཐམས་ཅད་རྒྱ་སྐད་དུ་མཚམས་སྦྱར་ནས། བཀའ་རྒྱ་མཚོ་སྔགས་ཕྱི་ནང་། འདུལ་བ་མདོ་སྡེ། མངོན་པ་ལ་སོགས་ཆོས་ཐམས་ཅད་ལ་མངའ། མི་བརྗེད་པའི་གཟུངས་ཐོབ་པོ་ཆོས་ཀྱི་མིང་སྨོས་པས་དོན་ཝ་ལེར་མཁྱེན་པ་ཡིན་པས་གདན་སེདྒེའི་ཁྲི་རེ་རེ་ལ་བཞུགས་སོ། །པཎྜི་ཏ་གཞན་རྣམས་ནི་སེདྒེའི་ཁྲི་རེ་ལ་བཞུགས་སོ་།ལ་ཙཱ་བ་གཞན་རྣམས་ནི་དར་གྱི་གབ་རྩེའི་ཁྲེ་རེ་རེ་ལ་བཞུགས་སོ། །རྒྱལ་པོས་གསེར་གྱི་མཎྜལ་རེ་ཕུལ། རྒྱའི་གན་ཇ། བལ་པོའི་གོ་ཇ། བོད་ཀྱི་འབྲུ་ཆང༌། རྒྱ་གར་གྱི་འབྲས་ཆང་། གང་ལ་གང་གསོལ། འཇིག་རྟེན་གྱི་ཞལ་ཟས་རྣམ་པར་མང་པོ་དྲངས་ནས། ཕྱག་བཙལ་སྐོར་བ་བྱས་ནས་ཞུས་པ། ཨེ་ ཧོ། ཨུ་རྒྱན་སློབ་དཔོན་པདྨ་འབྱུང་གནས་དང་། །ཁ་ཆེའི་སློབ་དཔོན་བཱི་མ་མི་ཏྲ་དང་། །ཟ་ཧོར་སློབ་དཔོན་བོ་དྷི་སཏྭ་དང་། །སིང་གྷ་ལའི་སློབ་དཔོན་དྷ་ན་ཤཱི་ལ་དང་། །རྒྱ་ནག་སློབ་དཔོན་ཀཱ་མ་ལ་ཤཱི་ལ། །དབུ་ཡི་མཆོད་གནས་བོད་ཀྱི་ལོ་ཙཱ་རྣམས། །བདག་ནི་ཆོས་སྐྱོང་རྒྱལ་པོར་ཞལ་འཆེས་པས། །རྒྱ་གར་ཡུལ་ན་བཞུགས་པའི་དམ་པའི་ཆོས། །བཀའ་དང་བསྟན་བཅོས་རྒྱུད་ལུང་མན་ངག་རྣམས། གཅིག་ཀྱང་མ་ལུས་བོད་དུ་བསྒྱུར་བར་ཞུ། །དམ་པ་ཆོས་ཀྱི་འཁོར་ལོ་བསྐོར་དུ་གསོལ། །དམ་པའི་ཆོས་ཀྱི་སྒྲོན་མེ་སྤར་དུ་གསོལ། །དམ་པ་ཆོས་ཀྱི་ཆར་ཆེན་དབབ་ཏུ་གསོལ། །དམ་པ་ཆོས་ཀྱི་དུང་ཆེན་འབུད་དུ་གསོལ། །དམ་པ་ཆོས་ཀྱི་གཎྜི་བརྡུང་དུ་གསོལ། །ཞེས་ཞུ་བ་ཕུལ་ལོ། །དེ་ནས་ལོ་པཎ་རྣམས། ཨཱརྱ་པ་ལོའི་གླིང་དུ་ཁྲུས་དུ་དྲངས། །བྱང་ཆུབ་མཆོག་ཏུ་སེམས་བསྐྱེད་དེ། །ཁྲུས་ཁང་གླིང་དུ་ཁྲུས་བྱས་ནས། །བྱང་ཆུབ་གླིང་དུ་སེམས་བསྐྱེད་ནས། །བྱམས་པའི་གླིང་དུ་ལུང་ཡང་བསྟན། །བསམ་གཏན་གླིང་དུ་སྒོམ་གྲྭ་བཙུགས། །སྒྲ་བསྒྱུར་གླིང་དུ་སྒྲ་བསྒྱུར་ནས། །རྣམ་དག་གླིང་དུ་ཆོས་ཀྱང་བཤད། །ལོ་ནི་བཅུ་གསུམ་ཆོས་གྲྭ་བཙུགས། །ཨུ་རྒྱན་སྐད་དང་ཟ་ཧོར་སྐད། །ཁ་ཆེའི་སྐད་དང་སིང་ཧའི་སྐད། །རྒྱ་ནག་སྐད་དུ་བསྒྱུར་ནས་བཤད། །པཎྜི་ཏ་གང་གི་ཞལ་ངག་ནས། ལོ་ཙཱ་བ་སུའི་འགྱུར་རྒྱས་པར་མདོ་རྒྱུད་བསྟན་བཅོས་རྣམས་རང་རང་གི་གཤམ་ན་གསལ་ཞིང་། འདིར་རགས་རིམ་ཙམ་བརྗོད་པ་ནི། སློབ་དཔོན་དྷ་ན་ཤཱི་ལ་དང་། ཀཱ་མ་ལ་ཤཱི་ལའི་ལོ་ཙཱ་བ་སྐ་བ་དཔལ་བརྩེགས། །ཅོག་རོ་ཀླུའི་རྒྱལ་མཚན། སྣ་ནམ་ཡེ་ཤེས་སྡེ་དང་གསུམ་གྱིས་བྱས་ནས་མདོ་སྡེ་མ་ ལུས་པ་དང་། དཀོན་མཆོག་བརྩེགས་པ། སངས་རྒྱས་ཕལ་པོ་ཆེ་དང་། བཀའ་ཤེས་རབ་ཀྱི་ཕ་རོལ་ཏུ་ཕྱིན་པ་རྒྱས་འབྲིང་ཐམས་ཅད་བསྒྱུར་རོ། །རྒྱའི་སློབ་དཔོན་ཀཱ་མ་ལ་ཤཱི་ལ་དང་། རྨ་རིན་ཆེན་མཆོག་གིས་སྤང་ཀོང་ཕྱག་སྟོང་པ་ལ་སོགས་པ་མདོ་སྡེ་རྒྱ་ནག་ལུགས་མང་པོ་བསྒྱུར་རོ། །སློབ་དཔོན་བོ་དྷི་སཏཱ་དང་། ལོ་ཙཱ་བ་མཆན་བུ་རྣམས་ཀྱིས། །མདོ་སྡེ་འདུལ་བ། མངོན་པ་གསུམ་གྱི་གཞུང་ཐམས་ཅད་བསྒྱུར་རོ། །སློབ་དཔོན་པདྨའི་ལོ་ཙཱ་བ་སྣུབས་ནམ་མཁའི་སྙིང་པོ་ལ་སོགས་པས་བྱས་ཏེ། གསང་སྔགས་སྒྲུབ་པ་བཀའ་བརྒྱད་ཀྱི་རྒྱུད་སྒྲུབ་ཐབས་མང་པོས་བསྒྱུར་རོ། །སློབ་དཔོན་བཱི་མ་ལ་མི་ཏྲའི་ལོ་ཙཱ་བ་གཉགས་ཛྙན་ཀུ་མཱ་རས་བྱས་ནས། གསང་སྔགས་ཕྱི་ནང་གི་ཆོས་མང་པོ་བསྒྱུར་རོ། །དེའི་དཀར་ཆག་བསྟན་པ་ལ། ཐོག་མར་ཤློ་ཀའི་ཚིག་བའི་བཞི་གྲངས་དང་། བམ་པོའི་ཚད་བསྟན་པ་ནི། དེའང་ཚེགས་བར་བདུན་པ་ཚིགས་རྐང་བཞི་ལ་ཤློ་ཀ་གཅིག་དང་། དེ་སུམ་བརྒྱ་ལ་ནི་བམ་པོ་གཅིག་གི་ཚད་ཡིན་ལ། བམ་པོ་ལ་ཆེ་ཆུང་བྱུང་བ་རྣམས་ནི། ཚེགས་བར་གྱི་ཡི་གེ་མང་ཉུང་ངམ་ཡང་ན་འགའ་ཞིག་ཚེཊ་བར་བགྲང་དཀའ་ནས་ཤོག་གྲངས་ཀྱི་སྟེང་ནས་བམ་ཚད་བརྩིས་པས་ཅུང་ཟད་འཆུགས་པར་གསལ་ལོ། །དེ་ལ་ཐེག་པ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱོགས་སུ་གཏོགས་པའི་མདོ་སྡེ་ལས། འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་སྟོང་ཕྲག་བརྒྱ་པ་ཤློ་ཀ་འབུམ། བམ་པོ་སུམ་བརྒྱ། ཉིས་ཁྲི་ལྔ་སྟོང་པ་ཤློ་ཀ་ཉིས་ཁྲི་ལྔ་སྟོང་། བམ་པོ་བདུན་ཅུ་རྩ་དྲུག་ཁྲི་བརྒྱད་སྟོང་པ་ཤློ་ཀ་དེ་སྙེད། བམ་པོ་དྲུག་ཅུ། ཤེས་རབ་ཁྲི་པ་ཤློ་ཀ་ཁྲི། བམ་པོ་སུམ་ཅུ་ རྩ་གསུམ། བརྒྱད་སྟོང་པ་ཤློ་པ་ཤློ་ཀ་སྟོང་ཕྲག་བརྒྱད། བམ་པོ་ཉིས་ཤུ་རྩ་བཞི། །ཤེས་རབ་ཁྲི་པ་ཤློ་ཀ་དེ་སྙེད་ཅིག་ཤེར་ཕྱིན་རབ་རྩལ་གྱི་གནོན་པ་ཤློ་ཀ་ཉིས་སྟོང་ཆིག་བརྒྱ་དྲུག་ཅུ། བམ་པོ་བདུན་དང་། ཤློ་ལོ་ཀ་དྲུག་ཅུ། །ལྔ་བརྒྱ་པ་ཤློ་ཀ་དེ་སྙེད་དེ། བམ་པོ་གཅིག་དང་ཤློ་ཀ་ཉིས་བརྒྱ། །རྡོ་རྗེ་གཅོད་པ་ཤློ་ཀ་སུམ་བརྒྱ། བམ་པོ་གཅིག་ཡུལ་བསྡུས་པའི་ཚིགས་སུ་བཅད་པ་གཉིས་བམ་པོ་གཅིག་ཚུལ་བརྒྱ་ལྔ་ཅུ་རྩ་གཅིག་ཟླ་བ་སྙིང་པོ་དང་། ཡི་གེ་ཉུང་ངུ་གཉིས་ཤློ་ཀ་སུམ་ཅུ། ཤེས་རབ་སྙིང་པོ་ཤློ་ཀ་ཉིས་ཤུ་རྩ་བརྒྱད། །སྒོ་ཉིས་ཤུ་རྩ་ལྔ་པ་ཤློ་ཀ་དེ་སྙེད། ཡི་གེ་གཅིག་མ་ཤློ་ཀ་དྲུག་དང་རྐང་པ་གཅིག་དེ་དག་ནི་ཡུལ་གྱི་མདོ་བཅོ་བརྒྱད་དེ། ཤེར་ཕྱིན་བདུན་བརྒྱ་པ་ནི་དཀོན་བརྩེགས་ལེའུ་ཞེ་་དྲུག་པ་ཆུང་བ་ཡིན་ནོ། །སངས་རྒྱས་ཕལ་པོ་ཆེ་ཤློ་ཀ་སུམ་ཁྲི་དགུ་སྟོང་སུམ་ཅུ་སྟེ། བམ་པོ་བརྒྱ་སུམ་ཅུ་དང་། ཤློ་ཀ་སུམ་ཅུ། ད་ལྟ་སྡེ་གཅིག་ཏུ་བྱས་པ་ལ། ལེའུ་བཞི་བཅུ་རྩ་ལྔའི་དང་པོ་འཇིག་རྟེན་གྱི་དབང་པོའི་རྒྱན་དང་། མཐའ་ན་དེ་བཞིན་གཤེགས་པའི་སྐྱེ་བ་འབྱུང་བ་དང་། འཇིག་རྟེན་ལས་འདས་པ་དང་། སྡོང་པོ་བརྒྱན་པ་ནོར་བཟང་གིས་བླ་མ་བསྟེན་པ། ཞེ་ལྔ་པ་རྣམས་དང་། དཀོན་མཆོག་ཏཱ་མ་ལ་བམ་པོ་ལྔ་སྟེ་གུད་ན་ཡོད་དོ། །འདིའི་ཤིན་ཏུ་རྒྱས་པ་ཆེན་པོའི་མདོ། །སངས་རྒྱས་ཕལ་པོ་ཆེ་ལས་ཞེས་བྱ་བ་ཕྱིས་ནས་གཟུངས་འདུས་སུ་བཅུག་ནས་སྣང་སྟེ། འདི་གཟུངས་མ་ཡིན་པས་ཕལ་ཆེན་གྱི་ཟླ་ལ་གཞུག་གོ །འདི་དང་པོ་མ་ག་དྷ་དབྱེ་ཆོས་ཀྱི་དགོན་པར་གསུངས་པ་དང་། ས་བཅུ་པ་སངས་རྒྱས་ནས་ཞག་ བདུན་ཕྲག་གཉིས་པ་ལ། གཞན་འཁྲུལ་དབང་བྱེད་ལྷའི་རྒྱལ་པོ་དབང་བསྒྱུར་གྱི་གནས་སུ་གསུངས་པ་དང་། ནོར་བཟང་གིས་བླ་མ་བསྟེན་པ་མཉན་ཡོད་ན་བཞུགས་པའི་ཚེ་བྱུང་བ་དང་། དཀོན་མཆོག་ཏཱ་མ་རྒྱལ་པོའི་ཁབ་ཏུ་གསུངས་པ་ལ་སོགས་པའི་མདོ་དུ་མ་ཡོད་མོད་ཀྱི། སྔོན་དཔེ་ཉམས་པའི་ཚེ། གང་རྙེད་པ་བྲིས་པས་བར་དུ་ཆད་པ་མང་པོ་ཡོད་ལ། ཇི་སྙེད་པ་རྫོགས་སོ་ཞེས་བྱ་བ་ཡོད་དེ། གང་རྙཻད་པ་ཞེས་པའི་དོན་ནོ། །འཕགས་པ་དཀོན་མཆོག་བརྩེགས་པ་ཆོས་ཀྱི་རྣམ་གྲངས་སྟོང་ཕྲག་བརྒྱ་པ། བདོ་བཞི་བཅུ་རྩ་དགུ་པ་ལ་སྡོམ་པ་གསུམ་བསྟན་པ་བམ་པོ་ཕྱེད་དང་བཞི་དང་ཤློ་ཀ་བཅུ། སྒོ་མཐའ་ཡས་རྣམ་པར་སྦྱོང་པ་བམ་པོ་བཞི། གསང་བ་བསམ་གྱིས་མི་ཁྱབ་པ་བམ་པོ་བཅུ་གཅིག་དང་། ཤློ་ཀ་ཉིས་བརྒྱ། རྨི་ལམ་བསྟན་པ་བམ་པོ་གསུམ་དང་ཤློ་ཀ་བརྒྱ། འོད་དཔག་མེད་ཀྱི་ཞིང་བཀོད་པ་བམ་པོ་གསུམ། མི་འཁྲུག་པའི་བཀོད་པ་བམ་པོ་ལྔ་དང་ཤློ་ཀ་བཞི་བཅུ། གོ་ཆ་བཀོད་པ་བམ་པོ་དྲུག་ཆོས་ཀྱི་དབྱིངས་རང་བཞིན་དབྱེར་མེད་པར་བསྟནཔ་བམ་པོ་གཉིས་དང་། ཤློ་ཀ་ལྔ་བཅུ། ཆོས་བཅུ་པ་བམ་པོ་གཅིག་དང་ཤློ་ཀ་ཉིས་བརྒྱ། ཀུན་ནས་སྒོའི་ལེའུ་ཤློ་ཀ་ཉིས་བརྒྱ་དང་དྲུག་ཅུ། འོད་ཟེར་ཀུན་ནས་བཀྱེ་བ་བམ་པོ་ལྔ། བྱང་ཆུབ་སེམས་དཔའི་སྡེ་སྣོད་བསྟན་པ་བམ་པོ་ཉིས་ཤུ་རྩ་ཕྱེད་དང་གསུམ། དགའ་བོ་མངལ་དུ་འཇུག་པ་བམ་པོ་གཉིས། མངལ་ན་གནས་པ་བམ་པོ་གཉིས། འཇམ་དཔལ་གྱི་ཞིང་གི་བཀོད་པ་བམ་པོ་གསུམ་དང་ཤློ་ཀ་ཉིས་བརྒྱ་བཞི་བཅུ། ཡབ་སྲས་མཇལ་བ་བམ་པོ་བཅོ་ལྔ་པ་ཤློ་ཀ་ཉིས་བརྒྱ་བཞི་བཅུ། ཡབ་སྲས་མཇལ་བ་བམ་པོ་བཅོ་ལྔ་པ་ཤློ་ཀ་ཉིས་བརྒྱ་ལྔ་བཅུ། གང་པོས་ཞུས་པ་བམ་པོ་དྲུག་ཡུལ་འཁོར་སྐྱོང་གིས་ ཞུས་པ་བམ་པོ་གསུམ་དང་ཤློ་ཀ་བརྒྱ། ཁྱིམ་བདག་དྲག་ཤུལ་ཅན་གྱིས་ཞུས་པ་བམ་པོ་གཉིས་དང་ཤློ་ཀ་བརྒྱ་ལྔ་བཅུ། ཀློག་ཐོབ་ཀྱིས་ཞུས་པ་བམ་པོ་གཉིས། སྒྱུ་མ་མཁན་བཟང་པོས་ལུང་སྟོན་པ་བམ་པོ་གཅིག་ཤློ་ཀ་བརྒྱ་སུམ་ཅུ། ཆོ་འཕྲུལ་ཆེན་པོ་བསྟན་པ་བམ་པོ་གཅིག་བྱམས་པ་སེདྒེའི་སྒྲ་བམ་པོ་བཞི། ཉེ་བར་འཁོར་གྱིས་ཞུས་པ་བམ་གཉིས། ལྷག་པའི་བསམ་པ་བསྐུལ་བ་བམ་པོ་གཉིས། ལག་བཟང་གིས་ཞུས་པ་བམ་པོ་གཉིས་དང་ཤློ་ཀ་བརྒྱ་རྩ་བརྒྱད། དེས་པས་ཞུས་པ་བམ་པོ་གཅིག་དཔལ་བྱིན་གྱིས་ཞུས་པ་བམ་པོ་གཅིག་བད་ས་ལའི་རྒྱལ་པོ་འཆར་བྱེད་ཀྱིས་ཞུས་པ་ཤློ་ཀ་ཉིས་བརྒྱ། བློ་གྲོས་བཟང་པོ་མོས་ཞུས་པ་བམ་པོ་ཕྱེད། བུ་མོ་གང་ག་མཆོག་གིས་ཞུས་པ་ཤློ་ཀ་བརྒྱད་ཅུ། བུ་མོ་མྱ་ངན་མེད་བྱིན་ལུང་བསྟན་པ་བམ་པོ་གཅིག་བུ་མོ་དྲི་མེད་བྱིན་གྱིས་ཞུས་པ་བམ་པོ་ཕྱེད་དང་གཉིས་ཡོན་ཏན་རིན་ཆེན་མེ་ཏོག་ཀུན་ཏུ་རྒྱལ་པ་བམ་པོ་ཕྱེད་དང་གཉསི། ཡོན་ཏན་རིན་ཆེན་རིན་ཆེན་མོ་ཏོག་ཀུན་ཏུ་རྒྱལ་པས་ཞུས་པ་ཤློ་ཀ་བརྒྱ་བཞི་བཅུ། ལྷའི་བུ་དཔལ་བཟང་གིས་ཞུས་པ་བམ་པོ་གཉིས། བློ་གྲོས་རབ་གནས་ཀྱིས་ཞུས་པ་བམ་པོ་བཞི། སེདྒེས་ཞུས་པ་ཤློ་ཀ་དྲུག་ཅུ། གསང་ཆེན་ཐབས་མཁས་ཡེ་ཤེས་དམ་པས་ཞུས་པ་བམ་པོ་བཞི་དང་དང་ཤློ་ཀ་བཅུ་གསུམ། བུ་མོ་རྣམ་དག་དང་བས་ཞུས་པ་བམ་པོ་ཕྱེད། །བྱམས་པས་ཞུས་པ་བམ་པོ་གཅིག་ཤློ་ཀ་བཅུ། བྱམས་པས་ཞུས་པའི་ཆོས་བརྒྱད་པ་བམ་པོ་གཅིག་འོད་སྲུངས་ཀྱི་ལེའུ་བམ་པོ་གསུམ། རིན་པོ་ཆེའི་ཕུང་པོ་བམ་པོ་གཉིས་དང་ཤློ་ཀ་བདུན་ཅུ། བློ་གྲོས་མི་ཟད་པས་ཞུས་པ་བམ་པོ་ཕྱེད། ཤེས་རབ་ཀྱི་ཕ་རོལ་ཏུ་ཕྱིན་ འཇམ་དཔལ་གྱིས་ཞུས་པ་བམ་པོ་གཉིས་དང་ཤློ་ཀ་བརྒྱ། གཙུག་ན་རིན་ཆེན་གྱིས་ཞུས་པ་བམ་པོ་གསུམ། དཔལ་ཕྲེང་སེདྒེའི་སྒྲ་བམ་པོ་གཉིས། དྲང་སྲོང་རྒྱལ་པས་ཞུས་པ་བམ་པོ་གཉིས་ཏེ། མདོ་རེ་ལ་ལེའུ་རེར་བྱས་པའི་ལེའུ་རིམ་པ་ཡང་དེ་ལྟར་ཡོད་ལ། བྱང་ཆུབ་སེམས་དཔའི་སྡེ་སྣོད་པོ་ཏིའི་དོན་དུ་འོག་ཏུ་བྲིས་ནས་སྣང་སྟེ། གོ་རིམ་འདི་བཞིན་དུ་བྲིས་པའོ། །མདོ་སྡེ་སྣ་ཚོགས་སྡེ་གཅིག་ཏུ་བྱས་པའི་ཐེག་པ་ཆེན་པོའི་མདོ་སྡེ་སྣ་ཚོགས་ལ་འཕགས་པ་བསྐལ་པ་བཟང་པོ་ཤློ་ཀ་བདུན་སྟོང་བརྒྱད་བརྒྱ་སྟེ། བམ་པོ་ཉིས་ཤུ་རྩ་དྲུག་ཡེ་ཤེས་རྒྱས་པའི་མདོ་ཤློ་ཀ་དྲུག་སྟོང་དགུ་བརྒྱ་སྟེ་བམ་པོ་ཉིས་ཤུ་རྩ་གསུམ། རྒྱ་ཆེ་རོལ་པ་བམ་པོ་བཅོ་བརྒྱད། དགེ་བའི་རྩ་བ་ཡོངས་སུ་འཛིན་པ་ཤློ་ཀ་ལྔ་སྟོང་བཞི་བརྒྱ་སྟེ་བམ་པོ་བཅོ་བརྒྱད། ཏིང་ངེ་འཛིན་རྒྱལ་པོ་ཤློ་ཀ་སྟོང་ལྔ་བརྒྱ་སྟེ་བམ་པོ་བཅུ། སྙིང་རྗེ་པདྨ་དཀར་པོ་བམ་པོ་བཅོ་ལྔ། དམ་པའི་ཆོས་པདྨ་དཀར་པོ་བམ་པོ་བཅུ་གསུམ། སའི་སྙིང་པོ་འཁོར་ལོ་བཅུ་པ་བམ་པོ་བཅུ་གསུམ། མྱ་ངན་ལས་འདས་པ་རྒྱ་གར་ལས་བསྒྱུར་བ་བམ་པོ་བཅུ་གསུམ། བམ་པོ་བཅུ་པ་བློ་གྲོམ་རྒྱ་མཚོས་ཞུས་པ་ཤློ་ཀ་སུམ་སྟོང་བམ་པ་བཅུ། སྤྲིན་ཆེན་པོ་བམ་པོ་བཅུ། བམ་པོ་བརྒྱད་པ་ལ། ལག་ཀར་གཤེགས་པ་རྒྱ་གར་ལས་བསྒྱུར་བ་ཤློ་ཀ་ཉིས་སྟོང་བཞི་བརྒྱ་སྟེ་བམ་པོ་བརྒྱད། འདུས་པ་རིན་པོ་ཆེ་ཏོག་གི་གཟུངས་ཤློ་ཀ་ཉིས་སྟོང་བཞི་བརྒྱ་སུམ་ཅུ་སྟེ་བམ་པོ་བརྒྱད་དང་ཤློ་ཀ་སུམ་ཅུ་རྩ་གསུམ། དཀོན་མཆོག་ སྤྲིན་ཤློ་ཀ་ཉིས་སྟོང་ལྔ་བརྒྱ་སྟེ་བམ་པོ་བརྒྱད་དང་ཤློ་ཀ་བརྒྱད། ནམ་མཁའ་མཛོད་ཀྱིས་ཞུས་པ་དང་། དེ་བཞིན་གཤེགས་པའི་མཚན་ལྔ་སྟོང་བཞི་བརྒྱ་ལྔ་རྩ་གསུམ་པ་བམ་པོ་བརྒྱད། བམ་པོ་བདུན་པ་ལ། མདོ་སྡེ་དཀོན་མཆོག་འབྱུང་གནས་ཤློ་ཀ་ཉིས་སྟོང་ཆིག་བརྒྱ་སྟེ་བམ་པོ་བདུན། དེ་བཞིན་དུ་བློ་གྲོས་མི་ཟད་པ་ཆེན་པོ་ཀླུའི་རྒྱལ་པོ་རྒྱ་མཚོས་ཞུས་པ་ཆེན་པོ། ཆོས་ཡང་དག་པར་བསྡུས་པ་དེ་བཞིན་གཤེགས་པའི་སྙིང་རྗེ་ཆེནཔོ་བསྟནཔ་སྟེ། གཟུངས་ཀྱི་དབང་ཕྱུག་རྒྱལ་པོས་ཞུས་པས། ཚངས་པ་ཁྱད་པར་སེམས་ཀྱིས་ཞུས་པ། ད་ལྟར་གྱི་སངས་རྒྱས་མངོན་སུམ་དུ་བཞུགས་པར་སེམས་ཀྱིས་ཞུས་པ། ད་ལྟར་གྱིས་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་སོར་མོའི་འཕྲེང་བ་ཅན་ཚུལ་ཁྲིམས་འཆལ་པ་ཚར་གཅོད་པ་སྟེ་དགུའོ། །བམ་པོ་དྲུག་པ་ལ་ཆོས་་ཐམས་ཅད་བཀོད་པའི་རྒྱལ་པོ། སྙིང་རྗེ་ཆེན་པོ་པདྨ་དཀར་པོ། དྲི་མ་མེད་པར་གྲགས་པས་བསྟན་པ། ཕ་རོལ་ཏུ་ཕྱིན་པ་ལྔ་བསྟནཔ་ཕྱིར་མི་ལྡོག་པ་འཁོར་ལོའི་མདོ། །ནམ་མཁའ་མཛོད་ཀྱི་ཏིང་ངེ་འཛིན་དང་དྲུག་གོ །བམ་པོ་ལྔ་པ་ལ། དད་པའི་སྟོབས་བསྐྱེད་པ་ལ་འཇུག་པ་ཕྱག་རྒྱའི་མདོ་ཤློ་ཀ་སྟོང་ལྔ་བརྒྱ་བདུན་ཅུ་སྟེ་བམ་པོ་ལྔ་དང་ཤློ་ཀ་བདུན་ཅུ། གསེར་འོད་དམ་པ་རྒྱ་གར་ལས་བསྒྱུར་བ་བྱང་ཆུབ་སེམས་དཔའི་སྤྱོད་ཡུལ་ཐབས་ཀྱི་ཡུལ་རྣམཔར་འཇུག་པའམ་བདེན་སྨྲའི་ལེའུ། དཔའ་བར་འགྲོ་བའི་ཏིང་ངེ་འཛིན། མི་འམ་ཅིའི་རྒྱལ་པོ་ལྗོན་པས་ཞུས་པ། རྔ་བོ་ཆེ། ཟ་མ་ཏོག་བཀོད་པ་བམ་པོ་ཕྱེད་དང་ལྔ། རྡོ་རྗེ་ཏིང་ངེ་འཛིན་རིན་པོ་ཆེའི་མདོ་སྡེ་དགུའོ། །བམ་པོ་བཞི་པ་ལ། དགོངས་པ་ངེས་པར་འགྲེལ་པ་ཤློ་སྟོང་ཉིས་བརྒྱ་ཉིས་ཤུ། ཐེག་པ་ཆེན་པོའི་མན་ངག་གི་ མདོ་ཤློ་ཀ་སྟོང་ཉིས་བརྒྱ་བཞི་བཅུ། སྟུག་པ་བཀོད་པ། ལྷག་པའི་བསམ་པ་བསྟན་པ། དཀོན་མཆོག་ཟ་མ་ཏོག་ཀླུའི་རྒྱལ་པོ་མ་དྲོས་པས་ཞུས་པ་བསོད་ནམས་ཐམས་ཅད་བསྡུས་པའི་ཏིང་ངེ་འཛིན། ཟུང་གི་མདོ། །དེ་བཞིན་གཤེགས་པའི་མཛོད། དཀོན་མཆོག་གི་མཛོད་དེ་བཅུའོ། །བམ་པོ་གསུམ་པ་ལ། དེ་བཞིན་གཤེགས་པ་འགྲོ་བ་ཤློ་ཀ་དགུ་བརྒྱ་བདུན་ཅུ་རྩ་ལྔ། རབ་ཏུ་ཞི་བ་རྣམ་པར་ངེས་པ་ཆོ་འཕྲུལ་གྱི་ཏིང་ངེ་འཛིན་དགུ་བརྒྱ་དང་བཅུ། ཡེ་ཤེས་སྣང་བ་རྒྱན་དགུ་བརྒྱ་དང་བརྒྱད་ཅུ། དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་དགུ་བརྒྱ་ཉིས་སུམ་ཅུ་རྩ་གསུམ་པའི་ལེའུ། དཔལ་ཆེན་པོའི་མདོ། །དེ་བཞིན་གཤེགས་པའི་དཔལ་ཕུན་སུམ་ཚོགས་པ། སངས་རྒྱས་འགྲོ་བ་ལྷའི་བུ་རབ་རྩལ་སེམས་ཀྱིས་ཞུས་པ། ཁྱེའུ་བཞིའི་ཏིང་ངེ་འཛིན། དེ་བཞིན་གཤེགས་པའི་དཔལ་གྱི་དམ་ཚིག་ཆོས་ཐམས་ཅད་འབྱུང་བ་མེད་པ་བསྟན་པ། རྣམ་པར་འཕྲུལ་པའི་རྒྱལ་པོས་ཞུས་པ། ཆོས་ཀུན་འགྲོ་བ། སྤྲིན་ཆེན་པོ་བྱང་ཆུབ་སེམས་དཔའ་འདུས་པའི་དགའ་སྟོན་ཏེ་བཅུ་དྲུག་གོ །བམ་པོ་གནིས་པ་ལ་ནི། སྤྲིན་ཆེན་པོའི་ལེའུ་ཤློ་ཀ་བརྒྱད་བརྒྱ་ཉིས་ཤུ། སྤྲིན་ཆེན་པོ་ཕྱོགས་བཅུའི་བྱང་ཆུབ་སེམས་དཔའ་འདུས་ཤིང་དགའ་སྟོན་ལ་རྩེ་བ་ཤློ་ཀ་དེ་སྙེད་ཅིག་ཐེག་པ་ཆེནཔོ་ལ་དད་པ་སྒོམ་པ་བམ་པོ་གཉིས་དང་ཤློ་ཀ་དགུ་བཅུ། ཡེ་སེས་ཕྱག་རྒྱའི་ཏིང་ངེ་འཛིན་ཤློ་ཀ་དྲུག་བརྒྱ་དྲུག་ཅུ། འཇམ་དཔལ་རྣམ་པར་རོལ་པ་ཤློ་ཀ་དྲུག་བརྒྱ་བཅུ། བྱམས་པ་འཇུག་པ། སྦྱིན་པའི་ཕ་རོལ་ཏུ་ཕྱིན་པ་བསྟན་པ། བདེན་པ་གཉིས་བསྟན་པ། སྨན་གྱི་བླ་བཻཌཱརྱའི་སྔོན་གྱི་ སྨོན་ལམ། དེ་བཞིན་གཤེགས་པ་བདུན་གྱི་སྨོན་ལམ་དཀོན་མཆོག་འབྱུང་གནས། དེ་བཞིན་གཤེགས་པའི་བྱིན་རླབས་སེམས་ཅན་ལ་གཟིགས་ཤིང་། སངས་རྒྱས་ཀྱི་ཞིང་བཀོད་པ་སྟོན་པ་བུ་མོ་ཟླ་མཆོག་ལུང་བསྟན་པ། བུད་མེད་འགྱུར་བ་ལུང་བསྟན་པ། འཇིག་རྟེན་ཕ་རོལ་སྒྲུབ་པ། ཐར་པ་ཆེན་པོ་ཕྱོགས་སུ་རྒྱས་པ་རྒྱ་གར་ལས་བསྒྱུར་བ། ཟླ་བ་མཆོག་གི་སྙིང་པོས་ཞུས་པ་དང་། སྟག་རྣས་ཏེ་བཅུ་བདུན་ནོ། །བམ་པོ་གཉིས་པ་ལ་བམ་པོ་གཅིག་ལྷག་མ། རྡོ་རྗེ་སྙིང་པོས་ཞུས་པ་ཤློཀ་ལྔ་བརྒྱ་བདུན་ཅུ། དཔལ་དབྱངས་ཀྱིས་ཞུས་པ་ལྔ་བརྒྱ། ཕུང་པོ་གསུམ་པ་ལྔ་བརྒྱ་སུམ་ཅུ། ནམ་མཁའི་སྙིང་པོས་ཞུས་པ་དང་། སྒྱུ་མ་ལྟ་བུའི་ཏིང་ངེ་འཛིན་གཉིས་བམ་པོ་ཕྱེད་དང་གཉིས་གཉིས། གླང་པོའི་རྩལ། དཔལ་སྦས་དང་སྤྱན་རས་གཟིཊ་ཀྱི་མདོ་དང་། རིན་ཆེན་དྲྭ་བ་ཅན་དང་། རྣམ་པར་འཐག་པ་ཐམས་ཅད་བསྡུས་པ་རྣམས་རེ་རེ་བཞིན་ཤློ་ཀ་སུམ་བརྒྱ་དྲུག་ཅུ། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་ཤློ་ཀ་བཞི་བརྒྱ། འཇམ་དཔལ་རྣམ་པར་སྤྲུལ་པ་ཤློ་ཀ་སུམ་བརྒྱ་དགུ་བཅུ་རྩ་བཞི། འཇམ་དཔལ་རྣམཔར་སྤྲུལ་པ་ཤློ་ཀ་སུམ་བརྒྱ་དགུ་བཅུ་རྩ་བཞི། སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་བསྟན་པ་ཤློ་ཀ་སུམ་བརྒྱ་ལྔ་བཅུ། ལས་ཀྱི་སྒྲིབ་པ་རྣམ་པར་དག་པ་ཤློ་ཀ་བརྒྱ་བཞི་བཅུ། རྡོ་རྗེ་སྙིང་པོའི་གཟུངས་སུམ་བརྒྱ་ཉིས་ཤུ། དེ་བཞིན་གཤེགས་པའི་སྙིང་པོ་ཤློ་ཀ་སུམ་བརྒྱ་དང་བཅུ། བམ་པོ་གཅིག་པ་ལ། དེ་བཞིན་གཤེགས་པའི་སྤྱོད་ཡུལ་ཡོངས་སུ་དག་པ། ངེས་པ་དང་མ་ངེས་པར་འགྲོ་བ་རྒྱ་ལ་འཇུག་པ་ཚངས་པས་བྱིན་གྱིས་ཞུས་པ། ཡེ་སེས་རྒྱས་པ་ཆུང་ངུ། ཐབས་མ་མཁས་པ། སྤོབས་པའི་བློ་གྲོས་ཀྱིས་ཞུས་པ་ཆོས་ཀྱི་ཚུལ། མར་མེ་འབུལ་བ། དམ་པའི་ ཆོས་ཀྱི་རྒྱལ་པོ། འདུལ་བ་རྣམ་པར་གདོན་མི་ཟ་བ། སེདྒེའི་སྒྲ་སྒྲོག་པ་གང་པོས་ཞུས་པ། གློག་འབྱིན་གྱིས་ཞུས་པ། ཐེག་པ་ཆེན་པོ་མངོན་པའི་མདོ། །དེ་བཞིན་གཤེགས་པའི་མདོའི་སྙིང་པོའོ། །བམ་པོར་མ་སླེབས་པ་ལ། དོན་དམ་པའི་ཆོས་ཀྱིས་རྣམ་པར་རྒྱལ་བ་ཤློ་ཀ་ཉེས་བརྒྱ་བརྒྱད་ཅུ། བསམ་གྱིས་མི་ཁྱབ་པ་བསྟནཔ་ཉིས་བརྒྱ་བདུན་ཅུ་རྩ་དྲུག་ཁྱེའུ་སྣང་བ་བསམ་གྱིས་མི་ཁྱབ་པས་ཞུས་པ་ཉིས་བརྒྱ་བདུན་ཅུ། ཆོས་བཞི་པ་སྒྲུབ་པ་ཉིས་བརྒྱ་དྲུག་ཅུ། ལས་ཀྱི་སྒྲིབ་པ་རྒྱུན་གཅོད་པ་སཱ་ལུ་ལྗང་པ་ཉིས་བརྒྱ་ཉིས་བརྒྱ་དྲུག་བྱང་ཆུབ་སེམས་དཔའི་སྤྱོད་པ་བསྟན་པ་ཁྱེའུ་རིན་ཆེན་གྱིས་ཞུས་པ་ཉིས་བརྒྱ་ཉིས་ཤུ། སྒོ་མཐའ་ཡས་པ་རིན་པོ་ཆེའི་མཐའ། མར་མེ་མཛད་ཀྱིས་ལུང་བསྟན་པ་ཉེས་བརྒྱ་རྩ་བཅུ་ལྔ་བཅུ་ཡིན་ཟེར་ཏེ་བརྟགས་སངས་རྒྱས་ཀྱི་ས་ཉིས་བརྒྱ་བློ་གྲོས་མི་ཟད་པས་ཞུས་པ་ཆུང་དུ། རིན་པོ་ཆེ་ཟླ་བས་ཞུས་པ། ཀླུའི་རྒྱལ་པོ་རྒྱ་མཚོས་ཞུས་པ། དགེ་བ་བཅུ་བཤད་པ། སངས་རྒྱས་ཀྱི་དབུ་རྒྱན། ཚངས་པས་ཞུས་པ། སངས་རྒྱས་སྨན་བླའི་མདོ་དུ་རྣམས་རེ་རེ་ལ་ཉིས་བརྒྱ། ག་ཡ་གོ་རི་ལ་བརྒྱ་དགུ་བཅུ། དེ་བཞིན་གཤེགས་པའི་སྔོ་བ་ལ་མཁས་པ་བརྒྱ་དྲུག་ཅུ། འཇམ་དཔལ་གནས་པ་བརྒྱ་བཞི་བཅུ། ཕྱོགས་བཅུའི་མུན་སེལ་བམ་པོ་ཕྱེད། རྒྱལ་པོ་གདམས་པ་བརྒྱ་དྲུག་ཅུ། བདེ་བ་ཅན་གྱི་བཀོད་པ་བརྒྱ་སུམ་ཅུ། བགྲེས་མོས་ཞུས་པ་བརྒྱ་རྩ་བཅུ། འཇིག་རྟེན་མཐུན་འཇུག་བརྒྱ་བཅུ་ཅིག་དཔལ་དབྱིག་གིས་ཞུས་པ་བརྒྱ་བཅོ་ལྔ། རྣམཔར་མི་རྟོག་པར་འཇུག་པ་དང་། སངས་རྒྱས་མི་སྤང་པ་བརྒྱ་ཉིས་ཤུ། གསལ་རྒྱལ་གྱིས་ཞུས་པ། ཆོས་དང་དོན་རྣམ་པར་ འབྱེད་པ། སངས་རྒྱས་བརྒྱད་པ། འཇམ་དཔལ་གྱིས་ཞུས་པ། བྲམ་ཟེ་མོ་དཔལ་ལྡན་མས་ཞུས་པ། བྱང་ཆུབ་ཀྱི་ཕྱོགས་ཀྱི་ཆོས་བསྟན་པ་རྣམས་དགུ་བཅུ་པ། བདུད་རྩི་བརྗོད་པ། བདེ་བྱེད་ཀྱིས་ཞུས་པ་གསེར་གྱི་བྱེ་མ་ལྟ་བུ། ཆོས་ཀྱི་ཕྱག་རྒྱ། ཡང་དག་པ་ཉིད་དོ་ཅོག་གི་ལེགས་པའི་ཡོན་ཏན་བཤད་པ་རྣམས་བརྒྱད་ཅུ་པ། བྱམས་པས་ཞུས་པ་ཆོས་བརྒྱད་པ། སྲིད་པ་འཕོ་བ། དཀྱིལ་འཁོར་བརྒྱད་པ། བདེ་ལྡན་མ་ལུང་བསྟན་པ། རྣམ་པར་བདུན་ཅུ་པ། ཡུལ་འཁོར་སྐྱོང་གིས་ཞུས་པ། ཆུང་ངུ་བདུན་ཅུ་རྩ་གསུམ། རྨད་དུ་བྱུང་བའི་ཆོས་ཀྱི་རྣམ་གྲངས་བདུན་ཅུ་རྩ་བཞི། བསམ་གྱིས་མི་ཁྱབ་པའི་རྒྱལ་པོ་བདུན་ཅུ་རྩ་ལྔ། སངས་རྒྱས་བཅུ་གཉིས་པ་བདུན་ཅུ་རྩ་བདུན་ནོ། །དཀྱིལ་འཁོར་བརྒྱད་པ་དྲུག་ཅུ། སྒྲ་ཆེན་པོ་དྲུག་ཅུ་རྩ་བཞི། མཚན་མོ་བཟག་པོ་དང་། བཀྲ་ཤིས་པ་བརྒྱད་པ་ལྔ་བཅུ་རྩ་གཅིག་ཚངས་པའི་དཔལ་ལ་ལུང་བསྟནཔ་བཞི་བཅུ། ལྷའི་མདོ་སུམ་ཅུ་རྩ་བདུན། སྦྱིན་པའི་ཕན་ཡོན་བསྟན་པ་སུམ་ཅུ། བྱམས་པས་ཞུས་པ་ཤིན་ཏུ་ཆུང་ངུ་ལ་བཅུ་དྲུག་ཆོས་བཞི་པ་དང་། ཆོས་བཞི་པ་བསྟན་པ་དང་། རྟེན་འབྲེལ་བསྟན་པ་གསུམ་ལ་བཅུ་གསུམ་བཅུ་གསུམ། འཇམ་དཔལ་གྱི་བསྟཔ་པྱེད་དང་བཅོ་ལྔ། །རྒྱ་བ་བློ་གྲོས་ཀྱིས་ཞུས་པ་བཅུ་གཅིག་རྒྱ་མཚོས་ཞུས་པ་་ཆུང་ངུ་ལ་ཤློ་ཀ་བཅུའོ། །ཟས་ཀྱིས་འཚོ་བ་ཡོངས་སུ་དག་པ༌། ཕོ་རོལ་ཏུ་ཕྱིན་པ་བཅུ་བསྟན་པ། ཕ་རོལ་ཏུ་ཕྱིན་པ་བསྡུས་པ། ཤེས་རབ་བསྐྱེད་པ། དེ་བཞིན་གཤེགས་པའི་ལུང་གི་ལེའུ། དེ་བཞིན་གཤེགས་པའི་ཏིང་ངེ་འཛིན། ཚངས་པས་ལུང་བསྟན་པ། རབ་དགས་ཞུས་པ། དད་པ་ལ་ རབ་ཏུ་འཇུག་པ། སྤོབས་པའི་རྒྱན་བཀོད་པ། ཡེ་ཤེས་བསྡུས་པ། ཡེ་ཤེས་ཀྱི་མཛོད། བྱམས་པ་སྐར་གྱི་མདོ། །བྱང་ཆུབ་སེམས་དཔའ་ལུག་བསྟནཔ་རྒྱུ་སྐར་གྱི་ཚུལ་ལ་བསྟན་པ། འཇམ་དཔལ་གྱི་རྒྱུད་ལས་སྐར་མདའ་ལྟུང་བའི་ལྟས་བསྟན་པ། སངས་རྒྱས་བཅུ་པ་རྣམས་ཀྱི་ཚད་མི་སྣང་བས་ཕྱིས་བྲིའོ། །ཐེག་པ་ཆུང་ངུའི་མདོ་སྡེ་སྣ་ཚོགས་ལ་དམ་པའི་ཆོས་དྲན་པ་ཉེར་བཞག་ཤློ་ཀ་སྟོང་ཕྲག་གསུམ་ཅུ་རྩ་དྲུག་པ་ལས། བམ་པོ་བཞི་བཅུ་རྩ་གསུམ་ཡན་ཆད་བསྒྱུར། དེ་ཚིགས་བཅད་དུ་བསྡུས་པ་བམ་པོ་གཅིག་ཡང་དེའི་མདོ་ཤློ་ཀ་ཉེར་ལྔ་ལས་བརྒྱ་པ་ཤློ་ཀ་ཁྲི་ཆིག་བརྒྱ་སྟེ། བམ་པོ་སུམ་ཅུ་རྩ་བདུན། གང་པོའི་རྟོགས་བརྗོད་དྲུག་སྟོང་དྲུག་བརྒྱ་སྟེ། བམ་པོ་ཉིས་ཤུ་རྩ་གཉསི། མཛངས་བླུན་སུམ་སྟོང་དགུ་བརྒྱ་སྟེ། བམ་པོ་བཅུ་གསུམ། འཇི་རྟེན་གདགས་པ་ཉིས་སྟོང་ཆིག་བརྒྱ་སྟེ་བམ་པོ་ལྔ། བསོད་ནམས་སྟོབས་ཀྱི་རྟོགསཔ་བརྗོད་པ། ལས་རྣམ་འབྱེད་ཆེན་པོ། བཟང་སྦྱིན་གྱི་མདོ། །རྡོ་འཕངས་པའི་མདོ། །ཚངས་པའི་དྲྭ་བ་རྣམས་ལ་བམ་པོ་གཉིས་པ། ལས་རྣམ་འབྱེད་ཆུང་དུ་བམ་པོ་གཅིག་མདོ་ཆེན་པོ་ལ། མདོ་ཆེན་པོ་ཀུན་ཏུ་རྒྱུ་བ་དང་། ཀུན་ཏུ་རྒྱ་བ་མ་ཡིན་པ་དང་། མཐུན་པ་སུམ་བརྒྱ་ལྔ་བཅུ། མདོ་ཆེན་པོ་སྒྱུ་མའི་དྲྭ་བ་བཞི་བརྒྱ་དང་བཞི་བཅུ། མདོ་ཆེན་པོ་འདུས་པ་བམ་པོ་གཅིག་མདོ་ཆེན་པོ་ལྔ་གསུམ་པ་ཉིས་བརྒྱ་ཉིས་ཤུ། མདོ་ཆེན་པོ་གཟུགས་ཅན་སྙིང་པོས་བསུ་བ་དང་། མདོ་ཆེན་པོ་སྟོང་པ་ཉིད་ཆེན་པོ་གཉིས་བམ་པོ་ཕྱེད་ཕྱེད། མདོ་ཆེན་པོ་སྟོང་པ་ཉིད་ཤློ་ཀ་དགུ་ བཅུ། མདོ་ཆེན་པོ་རྒྱལ་མཚན་མཆོག་གཉིས་བརྒྱད་ཅུ་པ། མདོ་ཆེན་པོ་སྟོང་པ་ཉིད་རེན་ཅིང་འབྲེལ་བར་འབྱུང་པ་བདུན་ཅུ་པ། ཆོས་ཀྱི་རྣམ་གྲངས་ལ་དོན་རྣམཔར་གདོན་མི་ཟ་བའི་ཆོས་ཀྱི་རྣམ་གྲངས་ངམ་པོ་གཅིག་དོན་རྣམཔར་ངེས་པའི་ཆོས་ཀྱི་རྣམ་གྲངས་ཤློ་ཀ་བརྒྱ་པ། དོན་རྒྱས་པའི་ཆོས་ཀྱི་རྣམ་གྲངས་དང་། དོན་དམ་པ་སྟོང་པ་ཉིད་ཀྱི་ཆོས་ཀྱི་རྣམ་གྲངས་ཤློ་ཀ་ཉིས་གྲངས་དང་། རྨད་དུ་བྱུང་པའི་ཆོས་ཀྱི་རྣམ་གྲངས་བདུན་ཅུ་པ། གནས་བརྟན་སྤྱན་དྲངས་པ། ཚེའི་མཐའི་མདོ། །ཚེ་འཕོ་བ་ཇི་ལྟར་འགྱུར་བའི་མདོ། །དགའ་བ་ཅན་གྱི་མདོ། །མང་པོ་འདུས་པའ་མདོ། །སྐྱེས་བ་དམ་པའི་དམོ་རྣམས་ཤློ་ཀ་ཉིས་བརྒྱ་པ། ཆོས་ཀྱི་ཕུང་པོ་བམ་པོ་ཕྱེད། བྱམས་པས་ལུང་བསྟནཔ་བསོད་ནམས་ཀྱི་མདོ། །བསོད་ནམས་གདགས་པའི་མདོ། །ཕག་མོའི་རྟོགས་པ་བརྗོད་པ། གང་ཟག་གི་མདོ། །ཀླུའི་རྒྱལ་པོ་ལྔའི་ཚིགས་སུ་བཅད་པ། གསལ་རྒྱལ་གྱི་ཚིགས་བཅད་གྲོང་ཁྱེར་གྱི་འཚོ་བ། ཡི་གེ་མེད་པའི་ཟ་མ་ཏོག་རྣམཔར་སྣང་མཛད་ཀྱི་སྙིང་པོ་རྣམས་ཤློ་ཀ་བརྒྱ་པ། མཆོད་རྟེན་བསྐོར་བའི་ཚིགས་བཅད་བདུན་ཅུ་པ། དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་བསྟན་པ་དྲུག་ཅུ། ཁང་བ་བརྩེགས་་པ་དྲུག་ཅུ། ཁྱིམ་བདག་འདུ་ཤེས་ཀྱི་མདོ་དང་། རྟེན་འབྲེལ་གྱི་མདོ་དང་། དགའ་བོ་རབ་ཏུ་བྱུང་བའི་མདོ་གསུམ་ལྔ་བཅུ་པ། ཀུན་ཏུ་རྒྱུ་སེན་རིང་གིས་ཞུས་པ་བཞི་བཅུ་པ། གསུམ་ལ་སྐྱབས་སུ་འགྲོ་བ་ཅུ་པ། གནས་འཇོག་དང་། གཞོན་ནུ་དཔེའི་མདོ་གཉིས་ལ་ཉིས་ཤུ་པ། གསེར་མདོག་གི་སྔོན་གི་སྔོན་གྱི་སྦྱོར་བ་བརྒྱད་ཅུ་བདུན། ཟླ་བའི་མདོ་སུམ་ཅུ། ལྷའི་མདོ་མྱུ་གུ་བཅུ་བདུན། སངས་རྒྱས་ཀྱི་རྟོགས་པ་བརྗོད་པ་ཤེས་ལྡན་གྱི་མདོ། །མཎྜལ་འབུལ་བའི་ཕན་ཡོན་བསྟན་པ། ཆོས་བཞི་པའི་མདོ། །མི་རྟག་པ་ཉིད་ཀྱི་མདོ་བཞི་བཅོ་ལྔ་པ། སྟག་མོའི་བུ་མོས་ཞུས་པ་དགུ་འདུ་ཤེས་བཅུ་བསྟན་པ་ཤློ་ཀ་བརྒྱད་དོ། །ཆེད་དུ་བརྗོད་པའི་མདོ། །རྣམཔར་གྲོལ་བའི་ལམ་སྦྱང་པ། རི་མོའི་མཚན་ཉིད་བསྟན་པ། འཇིག་རྟེན་ཕ་རོལ་སྒྲུབ་པ། ལས་ཀྱི་འགྱུར་བ་བསྟན་པ། དགེ་བ་བཅུ་དང་དུ་བླངས། ལུས་འཕགས་མའི་མདོ། །སྒྲ་ཆེན་པོ་སྤང་ཀོང་ཕྱག་བརྒྱ་པ། ཚད་མེད་པ་བསྟན་པ་རྣམས་ལ་ཚད་མེད་པ་ཕྱིས་བྲིའོ། །གཟུགས་སྣ་ཚོགས་ལ་གཟུངས་དང་དང་ཤློ་ཀ་ཞེས་ཀུན་ལ་སྦྱར་ཏེ་བསྲུང་བ་ལྔ་ལ། རྨ་བྱ་ཆེན་པོ་ཤློ་ཀ་བདུན་བརྒྱ། སྟོང་ཆེན་རབ་འབྱམས་ལ་བམ་པོ་གཉིས། སོར་སོ་འབྲེང་མ་བཞི་བཅུ། བསིལ་བའི་ཚལ་ཉིས་བརྒྱ་བརྒྱད་ཅུ། གསང་སྔགས་རྗེས་འཛིན་བརྒྱ་བཞི་བཅུ། རྡོ་རྗེ་རི་རབ་ཁང་བུ་བརྩེགས་པ་ཤློ་ཀ་བདུན་བརྒྱ། ནོར་བུ་རྒྱས་པའི་གཞལ་མེད་ཁང་བུ་བརྩེགས་པ་ཤློ་ཀ་བདུན་བརྒྱ། ནོར་བུ་རྒྱས་པའི་གཞལ་མེད་ཁང་གསང་བ་དམ་པ་སྙིང་རྗེ་རིན་པོ་ཆེའི་རང་བཞིན། རྡོ་རྗེ་མཆུ། རྡོ་རྗེ་གནམ་ལྕགས་མཆུ། ལྕགས་མཆུ་གཉིས། ལྕགས་མཆུ་ནག་པོ་རྣམས་བམ་པོ་གཉིས། སྤྲིན་ཆེན་པོ་རླུང་གི་དཀྱིལ་འཁོར་ཀླུ་ཐམས་ཅད་ཀྱི་སྙིང་པོ་བམ་པ་གཅིག་དེ་ཆུང་ངུ་ལ་ཉིས་བརྒྱ་ཉིས་ཤུ། སྟོབས་པ་ཆེ། བྱང་ཆུབ་རྒྱན་འབུམ། འོད་ཟེར་དྲི་མེད། གཙུག་གཏོར་དྲི་མེད་ཉིས་བརྒྱ་ལྔ་བཅུ། སྤྱན་རས་གཟིགས་ཡིད་བཞིན་ནོར་བུ་འཁོར་ལོས་བསྒྱུར་བ། རྒྱ་གར་ལས་བསྒྱུར་བ་ཉིས་བརྒྱ་བཞི་བཅུ། མེ་ཁ་ལ་ཉིད་བརྒྱ་ཉིས་ཤུ་རྩ་ལྔ། ངན་འགྲོ་ཐམས་ཅད་སྦྱོང་བའི་གཙུག་གཏོར་རྣམ་རྒྱལ། གཙུག་ གཏོར་གདུགས་དཀར། དོན་ཡོད་ཞགས་པ། ཚེ་དཔག་མེད། རིག་པའི་རྒྱལ་མོ་རྒྱལ་བ་ཅན་རྣམས་བརྒྱ་ཉིས་ཤུ། རིགས་ཀྱི་སྔགས་རྒྱལ་མོ་རྒྱལ་བ་ཅན་དང་། སྒྲོལ་མ་མཆོག་གཉིས་བམ་པོ་ཕྱེད་པ། ལྷ་མོ་ཆེན་མོ་དཔལ་ལུང་བསྟན་པ་དང་། ཡངས་པའི་གྲོང་ཁྱེར་དུ་འཇུག་པ། སྣང་བརྒྱད་རྣམས་སུམ་བརྒྱ། སངས་རྒྱས་བདུན་པ་བརྒྱ་དང་ལྔ། སྒོ་བཟང་པོ་བརྒྱ་རྩ་བཅུ། དྲི་མ་མེད་ལ་བརྒྱད་ཅུ་རྩ་བདུན། ཆོས་ཀྱི་རྒྱ་མཚོ་བརྒྱད་ཅུ། ནོར་གྱི་རྒྱུན་དང་། རོ་ལངས་བདུན་པ་བརྒྱད་ཅུ་རྩ་དྲུག་རྡོ་རྗེ་མི་ཕམ་མེ་ལྟར་རབ་ཏུ་རྨོངས་བྱེད་བདུན་ཅུ་པ། གཟའི་ཡུམ་དྲུག་ཅུ་པ། གསེར་ཅན་དང་། རྒྱ་ཆེན་ཤུགས་ལྡན་གྱི་གཏོར་མ་དག། སྙིང་རྗེ་མཆོག་དང་། རྡོ་རྗེ་མཆོག་རྣམས་ལྔ་བཅུ་པ། སངས་རྒྱས་ཀྱི་སྙིང་པོའི་ཆོས་ཀྱི་རྣམ་གྲངས་ལྔ་བཅུ་རྩ་ལྔ། ཀུན་ཏུ་བཟང་པོ་ལྔ་བཅུ་རྩ་ཕྱེད་དང་གསུམ་སྤྱན་རས་གཟིགས་ཞལ་བཅུ་གཅིག་པ་ལྔ་བཅུ་རྩ་གསུམ། མེ་ཏོག་བརྩེགས་པ་ལྔ་བཅུ་རྩ་ལྔ། གཟུངས་ཆེན་པོ་ཞེས་བྱ་བ་ལྔ་བཅུ་རྩ་བདུ། རྒྱལ་མཚན་གྱི་རྩེ་མོའི་དཔུང་རྒྱན། བདུད་རྩི་ཐལ་སྦྱོར་རྟེན་འབྲེལ་སྙིང་པོའི་ཆོ་ག་ནི་ལ་ཀན་ཐ། ལུན་ནས་འོད། ལག་ན་རྡོ་རྗེ་གོས་སྔོན་པོ་ཅན་རྣམས་བཞི་བཅུ་པ། བེ་ཅོན་ཆེན་པོ་བཞི་བཅུ་རྩ་བཞི། འགྲོ་ལྡིང་གི་རིག་སྔགས་བཞི་བཅུ་རྩ་ལྔ། གློག་བཟློག་གཙུག་གི་ནོར་བུ་ཞེས་བྱ་བ་བཞི་བཅུ་རྩ་བརྒྱད། ཙན་དན་གྱི་ཡན་ལག་སུམ་ཅུ་རྩ་དགུ་སངས་རྒྱས་ཀྱི་སྙིང་པོ་དང་། སའི་དབང་པོ་གཉིས་སུམ་ཅུ་རྩ་བརྒྱད། དབྱིག་དང་ལྡནཔ་དང་། ཕྱིར་བཟློག་པ་རྣམ་པར་རྒྱལ་བ་ཅན་གཉིས་སུམ་ཅུ་རྩ་བདུན། ཚེ་དཔག་མེད་ཡི་སྙིང་པོ་དང་། སྤྱན་ རས་གཟིགས་དབང་ཕྱུག་གི་ཡུམ་དང་། གཞན་གྱིས་མི་ཐུབ་པ་རིན་པོ་ཆེའི་འཕྲེང་བ་རྣམས་སུམ་ཅུ་རྩ་དྲུག་པ། རྡོ་རྗེ་རྣམ་འཇོམས་དང་། སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་གསུམ་ཅུ་རྩ་ལྔ། གཞན་གྱིས་མི་ཐུབ་པ་མི་འཇིགས་པ་སྦྱིན་པ་སུམ་ཅུ་རྩ་བཞི་པ། དབང་བསྐུར་བ་དང་། ལྷ་མོ་བརྒྱད་སུམ་ཅུ་རྟ་གསུམ་པ། མིག་རྣམ་པར་སྤྱོད་པ་སུམ་ཅུ་རྩ་གཉིས་པ། ཧ་ཡ་གྲྀ་བ་སུམ་ཅུ་པ། ཁ་འབར་མའི་གཏོར་མ་དང་། འཇམ་དཔལ་གྱི་ཞལ་ནས་གསུངས་པ་ཉིས་ཤུ་པ། ལག་ན་རྡོ་རྗེའི་མིང་བརྒྱད་གསང་སྔགས་ཀྱིས་བསྐོར་བ། བར་དུ་གཅོད་པ་ཐམས་ཅད་སྦྱོང་པ་དང་། དགུ་སེལ་རྣམས་ཉིས་ཤུ་གཅིག་པ། རྡོ་རྗེ་འཇིགས་བྱེད་དང༌། དཀྱིལ་འཁོར་བརྒྱད་པ་དང་། འོད་ཟེར་ཅན་དང་། གཞང་འབྲུམ་ཞི་བྱེད་རྣམས་ཉིས་ཤུ་རྩ་ལྔ་པ། ལག་ན་རྡོ་རྗེ་བཅུའི་སྙིང་པོ་ཉིས་ཤུ་རྩ་གསུམ་པ། ཡི་གེ་དྲུག་མའི་རིག་སྔགས་བཅུ་དགུ་པ། སྒོ་དྲུག་པ་བཅོ་བརྒྱད་པ། མདངས་ཕྱིར་འཕྲོག་པ་བཅུ་བདུན་པ། མཆོད་པ་སྤྲིན་དག། ཚོགས་བདག་གི་སྙིང་པོ་བཅུ་དྲུག་པ། ཡོན་ཏན་བསྔགས་པ་དཔག་ཏུ་མེད་པ་དང་། ལྷའི་བུནོརབུ་བཟང་པོའི་སྙིང་པོ་དང་། ལས་ཀྱི་སྒྲིབ་པ་རྣམ་པར་སྦྱོང་བ་རྣམས་བཅོ་ལྔ་པ། རིག་སྔགས་ཀྱི་རྒྱལ་པོ་དབུགས་ཆེན་པོ་རིམས་ནད་ཞི་བྱེད་བཅུ་བཞི། ཕྱིར་བཟློག་པ་སྟོབས་ཅན། ནད་རབ་ཏུ་ཞི་བྱེད། ལྷ་མོ་ནག་མོ། །བུ་མང་པོ་སྟོན་པ། ཀླུའི་རྒྱལ་པོ་གཟི་ཅན་གྱིས་ཞུས་པ་རྣམས་བཅུ་གསུམ། རྒྱ་མཚོ་དུང་སྐྱོང་། དག་པོས་ཞུས་པ་གསུམ། རིམས་ནད་རང་ཏུ་ཞི་བྱེད་རྣམས་བཅུ་གཉིས། དཔལ་ཆེན་མོའི་མདོ་བཅུ་གཅིག་འབྲུམ་བུའི་ནད་རབ་ཏུ་ཞི་བྱེད། བགེགས་སེལ་བའི་མདོ། །ནོར་བུ་བཟང་པོའི་གཟུངས། པརྞ་ཤ་བ་རེ། གནོད་འཛིན་ཆུ་དབང་སྙིང་རྗེ་ཅན། བདེ་བྱེད། འཇིགས་པ་ཆེནཔོ་བརྒྱད་ལས་སྒྲོལ་བ་རྣམས་བཅུ། སྟག་མོའི་བུ་མོས་ཞུས་པ་དང་། ཐམས་ཅད་ཀྱི་ཡུལ་གཉིས་དགུ། དཔལ་ཆེན་མོའི་མཚན་བཅུ། ནག་མོ་ཆེན་པོ། མིག་ནད་ཞི་བྱེད། སྟོང་བསྒྱུར་ན་གསུམ་བདུན། ཤེས་རབ་འཕེལ་བ་ཤློ་ཀ་ལྔའོ། །ཡོན་ཡོངས་སུ་སྦྱོང་བ། གསང་པ་རིང་བསྲེལ། ཟ་་མ་ཏོག། དམ་པའི་ཆོས་འདུལ་བ་ལ། འདུལ་བའི་ལུང་བཞི་ཤློ་ཀ་སུམ་ཁྲི་ཉིས་སྟོང་བདུན་བརྒྱ་སྟེ། བམ་པོ་བརྒྱ་དང་དགུ འདུལ་བ་ལུང་རྣམ་པར་འབྱེད་པ་ཉིས་ཁྲི་ལྔ་སྟོང་སྟེ། བམ་པོ་བརྒྱད་ཅུ་རྩ་གསུམ་དང་། བམ་པོ་གསུམ་ཆ། ལུང་ཕྲན་ཚེགས་ཁྲི་བདུན་སྟོང་བདུན་བརྒྱ་སྟེ། བམ་པོ་ལྔ་བཅུ་རྩ་དགུ། སྒོ་བརྒྱད་ལས་དྲུག་ཡན་ཆད་བསྒྱུར། གཞུང་དམ་པ་ཁྲི་ལྔ་སྟོང་དགུ་བརྒྱ། བམ་པོ་ལྔ་བཅུ་རྩ་གསུམ། འདི་ལ་ལེའུ་བཅུ་གཅིག་སྟེ། ཞུ་བ་འདུལ་བྱེད་གཅིག་ལས་འཕྲོས་པ། ལྔ་ཚན། བཅུ་དྲུག་ཚན། གླིང་གཞི། རྐྱང་པ། གཏམ་གྱི་གཞི། མ་ན་བི་ག་མ་མོ་ལུས་སོགས་བསྟན་པའོ། །འདུལ་བ་ཞུས་ལན་བམ་པོ་བཅུ་གཅིག་ཡན་ཆད་བསྒྱུར། དགེ་སློང་མའི་རྣམ་འབྱེད་བརྒྱད་སྟོང་བཞི་བརྒྱ་སྟེ། བམ་པོ་ཉིས་ཤུ་རྩ་བཞི་དང་ཤློ་ཀ་བརྒྱ། དགེ་སློང་ཕའི་སོ་སོ་ཐར་པ་བདུན་བརྒྱ། དགེ་སློང་མའི་སོ་སོ་ཐར་པ་བརྒྱད་བརྒྱ་སྟེ། འདི་གཉིས་དགྲ་བཅོམ་པ་ཆོས་ཀྱི་ཚོང་དཔོན་གྱིས་བྱས་པར་འདོད་དོ། །དེ་དག་གི་འགྲེལ་པ་ལ་ལུག་བཞིའི་འགྲེལ་པ་བམ་པོ་བཅུ་གསུམ་མན་ཆད། ལུང་རྣམ་འབྱེད་ཀྱི་བཤད་པ་བཞི་སྟོང་ལྔ་བརྒྱ་སྟེ་བམ་པོ་བཅུ་བདུན། ཕྲན་ཚེགས་ཀྱི་ འགྲེལ་པ་བམ་པོ་གཉིས། ཡང་འགྲེལ་པ་དཔེ་ཁྱེར་མ་གཞུང་བླ་མའི་འགྲེལ་པ་བམ་པ་ཉིས་ཤུ། ཕའི་སོ་སོ་ཐར་པ་ལ་ཊཱིཀ་བམ་པོ་བརྒྱ་དང་བཅུ་གཉིས་པ། བམ་པོ་ལྔ་བཅུ་པ། འདུལ་བ་བསྡུས་པ་བཞི་སྟོང་ལྔ་བརྒྱ་སྟེ་བམ་པོ་བཅོ་ལྔ། མའི་སོ་སོ་ཐར་པའི་ཊཱིཀ་བམ་པོ་གཉིས། ལས་བརྒྱ་ཉིས་ཤུ་རྩ་གཅིག་པ་སུམ་སྟོང་དྲུག་བརྒྱ་སྟེ་བམ་པོ་བཅུ་གཉིས། འདུལ་བ་མདོ་སྡེ་ཉིས་སྟོང་བདུན་བརྒྱ་སྟེ་བམ་པོ་དགུ། དེའི་རྒྱ་ཆེར་འགྲེལ་པ་ཉིས་ཁྲི་ཆིག་སྟོང་སྟེ་བམ་པོ་བདུན་ཅུ། མདོའི་འགྲེལ་པ་ཤེས་རབ་འགྲེལ་གྱིས་བྱས་པ་དང་། ཡོན་ཏན་འོད་ཀྱིས་བྱས་པ་གཉིས། འདུལ་བ་དྲི་བའི་ཚིག་ལེའུར་བྱས་པ་བརྒྱ། དེའི་ཊཱིཀ་དྲུག་བརྒྱ་དྲུག་ཅུ་རྩ་བཞི་སྟེ། བམ་པོ་ལྔ་དང་ཤློ་ཀ་བརྒྱ་དྲུག་ཅུ་རྩ་བཞི། སུམ་བརྒྱ་པ་བམ་པོ་གཅིག་གི་འགྲེལ་པ་འོད་ལྡན་ཉིས་སྟོང་བཞི་བརྒྱ་སྟེ། བམ་པོ་བརྒྱད་དང་ཀཱ་རི་ཀ་ལྔ་བཅུ་དང་། ཆོས་ཀྱི་ཚོང་དཔོན་གྱིས་བྱས་པའི་འདུལ་བ་ལ། བསྟོད་པ་དང་། དེའི་འགྲེལ་པ་སློབ་དཔོན་དུས་ལྷས་བྱས་པ། དགེ་སྦྱོང་གི་ཚུལ་སྙིང་པོས་མཛད་པ་བམ་པོ་གཉིས་དང་ཤློ་ཀ་བདུན་ཅུ། རྣལ་འབྱོར་སྤྱོད་པའི་ས་ལས་དགོངས་འགྲེལ་ཉི་ཚེ་བཤད་པ་ལ་སོགས་ཤིན་ཏུ་ཆུང་བ་བམ་པོ་གཅིག་དང་ཤློ་ཀ་དྲུག་ཅུ་སྟེ་ལྔའོ། །སཱ་ལུ་ལྗང་པའི་རྒྱ་ཆེར་འགྲེལ་བ་བམ་པོ་ཕྱེད་དང་གཉིས། སཱ་ལུ་ཇང་པའི་འགྲེལ་པ་སློབ་དཔོན་ཀླུ་སྒྲུབ་ཀྱིས་ཚིཊ་བཅད་དུ་བསྡེབས་པ་བམ་པོ་གཅིག་སངས་རྒྱས་ཀྱི་སའི་བཤད་པ་བམ་པོ་གསུམ་དང་ཤློ་ཀ་བཞི་བཅུ། སངས་རྒྱས་ཀྱི་སའི་བསྡུས་དོན་ཤློ་ཀ་བརྒྱ། སངས་རྒྱས་ཀྱི་སའི་ཚིག་གི་དོན་བསྡུས་པ་ཤློ་ཀ་བརྒྱད་ཅུ། བློ་གྲོས་མི་ཟད་པས་བསྟན་པའི་འགྲེལ་པ་བམ་པོ་ཉིས་ ཤུ། ག་ར་ཡམ་གོ་རིའི་བཤད་པ་དབྱིག་གཉེན་གྱིས་བྱས་པ་བམ་པོ་ཕྱེད། ག་ར་གོ་རིའི་མདོ་དང་སྤེལ་མར་བཤད་པ་བམ་པོ་ཕྱེད་དང་གསུམ། རྣམ་པར་མི་རྟོག་པར་འཇུག་པའི་འགྲེལ་པ་བམ་པོ་གཉིས། ཆོས་བཞི་པའི་རྒྱ་ཆེར་འགྲེལ་པ་ཡེ་ཤེས་བྱིན་གྱིས་བྱས་པ་བམ་པོ་ཕྱེད། དོན་དམ་པའི་ཆོས་ཀྱི་རྣམ་གྲངས་ཀྱི་འགྲེལ་པ་བམ་པོ་བདུན། སྒོ་མཐའ་ཡས་པ་སྒྲུབ་པའི་གཟུངས་ཀྱི་བཤད་པ་ཚིགས་བཅད་ཡེ་ཤེས་སྙིང་པོས་བྱས་པ་ཤློ་ཀ་བརྒྱ་དགུ་བཅུ། དེས་བྱས་པ་སྒོ་མཐའ་ཡས་པའི་རྒྱ་ཆེར་འགྲེལ་པ་སྟོང་སུམ་བརྒྱ་བཅོ་ལྔ། སྒོ་དྲུག་པའི་བཤད་པ་སུམ་ཅུ་རྩ་གཅིག་སྒོ་དྲུག་པའི་གཟུངས་ཀྱི་བཤད་པ་དང་། རྒྱ་ཆེར་འགྲེལ་པ་བཞི་བརྒྱ་ལྔ་བཅུ་རྩ་དྲུག་རྟེན་འབྲེལ་གྱི་ཚིགས་བཅད་ཀྱི་བཤད་པ་ཤློ་ཀ་དགུ་བཅུ། ཚིགས་སུ་བཅད་པ་གཉིས་ཀྱི་འགྲེལ་པ་སློབ་དཔོན་མཛེས་བཀོད་ཀྱིས་མཛད་པ་ཉིས་བརྒྱ། རྣམ་པར་སྣང་མཛད་ལ་བསྟོད་པ་རྡོ་རྗེའི་འཛིན་གྱི་དབྱངས་བཤད་པ་བརྒྱ་རྩ་བཅུ། ཆུབ་དུ་སེམས་བསྐྱེད་པའི་བཤད་པ་ཉིས་བརྒྱ། བཟང་སྤྱོད་ཀྱི་འགྲེལ་པ་སློབ་དཔོན་ཤཱཀྱ་བཤེས་གཉེན་གྱིས་མཛད་ལ་བརྒྱད་བརྒྱ། སློབ་དཔོན་ཡོན་ཏན་འོད་ཀྱིས་མཛད་པ་ལ་ལྔ་བརྒྱ། སློབ་དཔོན་ཕྱོགས་ཀྱི་གླང་པོ་དང་རྒྱན་བཟང་པོས་མཛད་པ་གཉིས་ལ་བམ་པོ་ཕྱེད་དང་གཉིས་གཉིས་སོ། །རྒྱ་གར་ལས་དཔེ་མ་རྙེད་པ་རྣམས་ནི། རྒྱ་ནག་དང་། ལི་ལས་བསྒྱུར་བས། དང་པོ་རྒྱ་ལས་བསྒྱུར་བའི་མདོ་ནི། མྱ་ངན་ལས་འདས་པ་ཆེན་པོ་ཤློ་ཀ་ཁྲི་དྲུག་སྟོང་བརྒྱད་བརྒྱ་སྟེ་བམ་པོ་ལྔ་བཅུ་རྩ་དྲུག་ཡང་ དག་པར་སྤྱོད་པའི་ཚུལ། ནམ་མཁའི་མདོག་གིས་འདུལ་བའི་བཟོད་པ་སྟོང་སུམ་བརྒྱ་སྟེ། བམ་པོ་གཅིག་ལྷག་ལང་ཀར་གཤེགས་པ་ལའང་དེ་སྙེད་ཅིག་གསེར་འོད་དམ་པ་སུམ་སྟོང་ཉིས་བརྒྱ་སྟེ་བམ་པོ་བཅུ་ལྒག་སངས་རྒྱས་ཀྱི་ཐབས་ལ་མཁས་པ་ཆེན་པོས་དྲིན་ལ་ལན་གླན་པ་བམ་པོ་ཕྱེད་དང་བརྒྱད། རྡོ་རྗེའི་ཏིང་ངེ་འཛིན་བམ་པོ་དྲུག་སངས་རྒྱས་ཀྱི་མཛོད་དང་། མ་སྐྱེས་དགྲའི་འགྱོད་པ་བམས་བ་བམ་པོ་ལྔ། ཐར་པ་ཆེན་པོ་ཕྱོགས་སུ་རྒྱས་པ་བདུན་བརྒྱ་བཅུ་གཉིས། བྱང་ཆུབ་སེམས་དཔའི་སོ་སོ་ཐར་པ་བདུན་བརྒྱ་པ། ཡོངས་སུ་བསྔོ་བའི་འཁོར་ལོ་དང་། གཙུག་ཏོར་ཆེན་པོ་བདུན་ཀྱི་ལེའུ་བམ་པོ་གཉིས་པ། ཆོས་ཆུབ་སེམས་དཔའི་སོ་སོ་ཐར་པ་བདུན་བརྒྱ་པ། ཡོངས་སུ་བསྔོ་བའི་འཁོར་ལོ་དང་། གཙུག་ཏོརྀཾ་ན་པོ་བདུད་ཀྱི་ལེའུ་བམ་པོ་གཉིས་པ། ཆོས་ཀྱི་རྒྱལ་མོ་སེམས་ཅན་གྱི་སྐྱེ་འཆིའི་རྩ་བ་བསྟན་པ་དོན་རྒྱས་པ། སྣང་བརྒྱད་རྣམས་བམ་པོ་གཅིག་པ། སྤྱན་རས་གཟིགས་དབང་ཕྱུག་ཡིད་བཞིན་འཁོར་ལོར་བསྒྱུར་བའི་གཟུངས། རྷཾ་བྱ་ཐབས་དང་བཅས་པ་ཉིས་བརྒྱ་བཞི་བཅུ་པ། ཁྱད་པར་ཅན་གྱི་གཟུངས་བདུན་ཅུ་རྩ་ལྔ་པ་རྣམས་སོ། །མདོའི་འགྲེལ་པ་ལ་དགོངས་པ་ངེས་འགྲེལ་གྱི་འགྲེལ་པ་སློབ་དཔོན་རྫོགས་དཔལ་གྱིས་མཛད་པ་བམ་པོ་བདུན་ཅུ་རྩ་བཞི་པ། ཡང་བམ་པོ་དགུ་པ་གཅིག་དམ་པའི་ཆོས་པདྨ་དཀར་པོའི་འགྲེལ་པ་ཤློ་ཀ་དྲུག་སྟོང་སྟེ་བམ་པོ་ཉིས་ཤུ། རྡོ་རྗེ་གཅོད་པའི་ཊཱིཀ་བམ་པོ་ལྔ། ལང་དཀར་གཤེགས་པའི་བསྡུས་དོན་བམ་པོ་གསུམ། ཡང་ལང་དཀར་གཤེགས་པའི་ཊཱིཀ་ཁྲི་ཉིས་སྟོང་དྲུག་བརྒྱ་སྟེ་བམ་པོ་བཞི་བཅུ་རྩ་གཉིས། ཆོས་ཀྱི་རྒྱལ་མོའི་བཤད་པ་བམ་པོ་བཞི། ཆོས་ཀུན་མཆོག་ལ་ཅིག་ཅར་འཇུག་པའི་སྒྲོ། མཁན་པོ་བདུན་བརྒྱུད་ཀྱི་མདོ་ཞེས་བྱ་བ་བ་བམ་པོ་གཉིས། སློབ་དཔོན་དར་མ་དྷ་རས་མཛད་པའི་ བསམ་གཏན་གྱི་ཡི་གེ་བམ་པོ་གསུམ། མཁན་པོ་བོ་དྷི་སཏཱས་མཛད་པ་ལྔ་བཅུ་པ། མ་བྱིན་པ་ལེན་པའི་སྐབས་ནས་མཁན་པོ་བཞིས་དཔྱད་པ་མཛད་པ་ཉིས་ཤུ་པ། སྡེ་པ་བཅོ་བརྒྱད་ཀྱི་མིང་དང་རིམ་པ་དུལ་བ་ལྷས་མཛད་པ་དྲུག་ཅུ་རྩ་ལྔ། གཞུང་ཐ་དད་པ་རིམ་པར་བཀླག་པའི་འཁོར་ལོ་ལས་སྡེ་ཐ་དད་པར་བསྟན་པ་ལྔ་བཅུ་པའོ། །ཐེག་པ་ཆུང་ངུའི་མངོན་པ་ལ། ཆོས་མངོན་པ་མཛོད་ཀྱི་རྩ་བ་བམ་པོ་གཉིས་དང་ཤློ་ཀ་བརྒྱ། དེའི་རང་འགྲེལ་བམ་པོ་སུམ་ཅུ། དེའི་འགྲེལ་བཤད་སློབ་དཔོན་གྲགས་པ་བཤེས་གཉེན་གྱིས་མཛད་པོས་བྱས་པ་མདོ་དང་མཐུན་པ་བམ་པོ་བཅོ་ལྔ། སློབ་དཔོན་ཞི་བའི་ཟླ་བས་མཛད་པ་བམ་པོ་བཅུ་བཞི། མངོན་པ་མཛོད་ཀྱི་ཐབས་བསྡུས་པ་བམ་པོ་བཅུ། སློབ་དཔོན་དབྱིག་གཉེན་གྱི་མཛད་པ། གཞུང་ལུགས་ཀྱི་བྱེ་བྲག་བཀོད་པའི་འཁོར་ལོ་ཆོས་མངོན་པ་འཇུག་པའི་བམ་པ་ཕྱེད་དང་གསུམ། དེའི་རྒྱ་ཆེར་འགྲེལ་པ་སྙིང་པོ་ཀུན་ལས་བསྡུས་པ་སྟོང་བརྒྱད་བརྒྱ་ལྔ་བཅུ་སྟེ་བམ་པོ་དྲུག་དང་ཤློ་ཀ་ལྔ་བཅུ། མངོན་པ་ལ་འཇུག་པའི་འགྲེལ་པ་བམ་པོ་ལྔ། ཆོས་མངོན་པ་ཀུན་ལས་བཏུས་པ་ལ་སྟོང་དགུ་བརྒྱད་ཅུ་རྩ་ལྔ་སྟེ་བམ་པ་དྲུག་དང་བརྒྱད་ཅུ་ལྔ་རྩ། དེའི་བཤད་པ་སུམ་སྟོང་སུམ་བརྒྱ་སྟེ་བམ་པ་བཅུ་གཅིག་ཕུང་པོ་ལྔ་རབ་འབྱེད་བརྒྱ་སུམ་ཅུ་རྩ་གཉིས། དེའི་འགྲེལ་པ་སློབ་དཔོན་བློ་གྲོས་བརྟན་པས་བྱས་པ་སྟོང་ལྔ་བརྒྱ་ལྔ་བཅུ་རྩ་གཅིག་སྟེ་བམ་པོ་ལྔ་དང་བཅུ་རྩ་གཅིག་སློབ་དཔོན་ཡོན་ཏན་འོད་ཀྱིས་མཛད་པ་ལ་བདུན་བརྒྱ། སློབ་དཔོན་པདྨའི་རྩ་ལག་གིས་མཛད་པ་ལ་བམ་པ་ལྔ། བཞི་ལྔ་ཕྲུགས་ལ་བམ་ པོ་གསུམ། ཆེད་དུ་བརྗོད་པའི་ཚོམས་ལམ་པོ་བཞི། དེའི་འགྲེལ་པ་སྟོང་ཕྲག་བཅུ་གཉིས་པ། གནས་བརྟན་སྤྱན་དྲངས་པ་བམ་པོ་གཅིག་དང་ཤློ་ཀ་བརྒྱད། བཙུན་པ་ཆོས་ལྡན་གྱི་རབ་འབྱོར་དྲན་པ་ཉེར་བཞག་གི་ཚིག་ལེའུར་བྱས་པ་བརྒྱ་པ། ས་སྡེ་ལྔ་ནི་འདིར་ཐེག་པ་གསུམ་དང་། སྡེ་སྣོད་གསུམ་ཀ་ཚང་པ། དེ་དག་ཕྱོགས་གཅིག་ཏུ་མི་རུང་གི་ལྟ་བ། སེམས་ཙམ་ཡིན་པས་ལོ་པཎ་རྣམས་ཀྱིས་སེམས་ཙམ་དུ་བཤད་པས་འདིར་མི་བྲོའོ། །སེམས་ཙམ་གྱི་བསྟན་བཅོས་ལ་རྣལ་འབྱོར་སྤྱོད་པའ་ས་བཞི་ཁྲི་ཉིས་སྟོང་། བམ་པོ་བརྒྱ་བཞི་བཅུ་ལ་ས་མང་པོ་ལ་བདུན་སྟོང་བརྒྱད་བརྒྱ་སྟེ་བམ་པོ་ཉིས་ཤུ་རྩ་དྲུག་དེའི་ལེའུ་ལ་ཉན་ཐོས་ཀྱི་ས་ལྔ་སྟོང་བཞི་བརྒྱ་སྟེ་བམ་པོ་བཅོ་བརྒྱད། བྱང་ཆུབ་སེམས་དཔའི་ས་དྲུག་སྟོང་ཆིག་བརྒྱ་ལྔ་བཅུ་སྟེ་བམ་པོ་ཉིས་ཤུ་དང་ཤློ་ཀ་བརྒྱ་ལྔ་བཅུ། གཉིས་པ་རྣམ་པར་གཏན་ལ་དབབ་པ་བསྡུ་བ་ཁྲི་ཆིག་སྟོང་ལྔ་བརྒྱ་ཉིས་ཤུ་རྩ་ལྔ་སྟེ་བམ་པོ་བཞི་བཅུ་རྩ་གསུམ་དང་ཤློ་ཀ་བརྒྱ་ཉིས་ཤུ་རྩ་ལྔ། གསུམ་པ་གཞི་བསྡུ་བའི་འདུལ་བ་བསྡུ་བ་བམ་པོ་གཉིས། མདོ་སྡེ་བསྡུ་བ་དགུ་སྟོང་སྟེ་བམ་པོ་སུམ་ཅུ། བཞི་པ་རྣམ་གྲངས་བསྡུ་བ་བདུན་བརྒྱ་ཉིས་ཤུ་རྩ་ལྔ། བམ་པོ་གཉིས་དང་ཤློ་ཀ་བརྒྱ་ཉེར་ལྔ། ལྔ་པ་རྣམ་པར་བཤད་པ་བསྡུས་བ་ལྔ་བརྒྱ་ལྔ་བཅུ་སྟེ། བམ་པོ་གཉིས་སུ་ཅུང་མ་སླེབས་པ། དེ་དག་གི་འགྲེལ་པ་ལ། ས་མང་པོ་པའི་ཊཱིཀ་ཉིས་སྟོང་ཆིག་བརྒྱ་སྟེ་བམ་པོ་བདུན། རང་སངས་རྒྱས་ཀྱི་སའི་བཤད་པ། བྱང་སའི་ཚུལ་ཁྲིམས་ཀྱི་ལེའུའི་བཤད་པས་མུན་ཏྲ་མེ་གྷས་བྱས་པ་སྟོང་ལྔ་བརྒྱ་སྟེ་བམ་པོ་ལྔ། རྒྱལ་བའི་སྲས་ཀྱིས་བྱས་པའི་རྒྱ་ཆེར་འགྲེལ་པ་དང་། ཡོན་ཏན་འོད་ཀྱིས་བྱས་པའི་དཀའ་འགྲེལ་གཉིས་ ཐེག་པ་ཆེན་པོ་བསྡུས་པ་སྟོང་ཆིག་བརྒྱ་བདུན་ཅུ་སྟེ། བམ་པོ་ཞིབ་མ་སླེབས་ཙམ། དེའི་བཤད་སྦྱར་སུམ་སྟོང་སུམ་ཅུ་སྟེ། བམ་པོ་བཅུ་དང་ཤློ་ཀ་སུམ་ཅུ། དེའི་བཤད་སྦྱར་སུམ་སྟོང་སུམ་ཅུ་སྟེ། བམ་པོ་བཅུ་དང་ཤློ་ཀ་སུམ་ཅ། ཤེས་བྱའི་གནས་ཀྱི་ཊཱིཀ་དོན་གསལ་བསྡུས་པ་བམ་པོ་བཅུ་བཞི། ཉིས་ཤུ་པའི་རང་འགྲེལ་བརྒྱ་སུམ་ཅུ། འགྲེལ་བཤད་བམ་པོ་ཕྱེད་དང་གསུམ། སུམ་ཅུ་པའི་བཤད་པ་བདུན་བརྒྱ། དེའི་བཤད་པ་སྟོང་དྲུག་བརྒྱ་བདུན་ཅུ་རྩ་ལྔ་སྟེ་བམ་པོ་ལྔ་དང་བདུན་ཅུ་རྩ་ལྔ། རྣམ་མཤད་རིགས་པའི་མདོ་སྡེའི་དུམ་བུ་བརྒྱ་པ་བམ་པོ་གཅིག་དེའི་འགྲེལ་པ་རྣམ་པར་བཤད་པའི་རིགས་པ་བམ་པོ་བཅུ། དེའི་འགྲེལ་བཤད་བམ་པོ་བཅོ་ལྔ། ལས་གྲུབ་པའི་རབ་ཏུ་བྱེད་པ་བམ་པོ་གཅིག་འགྲེལ་པ་བམ་པོ་བཞི། མདོ་སྡེ་རྒྱན་གྱི་རྩ་བ་བམ་པོ་གསུམ། འགྲེལ་པ་སུམ་སྟོང་ཉིས་བརྒྱ་བདུན་ཅུ་སྟེ། བམ་པོ་བཅུ་དང་ཤློ་ཀ་ཉིས་བརྒྱ་བདུན་ཅུ། འགྲེལ་བཤད་སུམ་སྟོང་དྲུག་བརྒྱ་སྟེ་བམ་པོ་བཅུ་གཉིས་སོ། །དབུས་མཐའི་རྩ་བ་ཤློ་ཀ་བདུན་ཅུ། འགྲེལ་པ་དྲུག་བརྒྱ་བཞི་བཅུ། བམ་པོ་གཉིས། འགྲེལ་བཤད་སུམ་སྟོང་ལྔ་བརྒྱ་སྟེ་བམ་པོ་བཅུ་གཅིག་དང་ཉིས་བརྒྱ། བསྟན་པ་རྒྱས་པ་བམ་པོ་བཅུ་དྲུག་གོ །དབུ་མའི་བསྟན་བཅོས་ལ། དབུ་མ་ཆེན་པོ་རྩ་བ་བཞི་བརྒྱ་ཞེ་དགུ་དེའི་རང་འགྲེལ་དག་ལ་འཇིགས་མེད་ཉིས་སྟོང་ཆིག་བརྒྱ་སྟེ་བམ་པོ་བདུན། བུདྡྷ་པཱ་ལིང་ཏ་སུམ་སྟོང་སྟེ་བམ་པོ་བཅུ། རྩ་བའི་འགྲེལ་པ་ཤེས་རབ་སྒྲོན་མེ་དྲུག་སྟོང་སྟེ་བམ་པོ་ཉིས་ཤུ། དེའི་བཤད་པ་འགྲེལ་པ་ཤེས་རབ་སྒྲོན་མེ་དྲུག་སྟོང་སྟེ་བམ་པོ་ཉིས་ཤུ། དེའི་བཤད་པ་སྤྱན་རས་གཟིགས་ཉིས་ཁྲི་བཞི་སྟོང་སྟེ། བམ་པོ་བརྒྱད་ཅུ། སྟོང་ཉིད་བདུན་ཅུ་པ་བདུན་ཅུ་རྩ་བཞི། དེའི་འགྲེལ་པ་ཉིས་བརྒྱད་ཅུ། རིགས་པ་དྲུག་ ཅུ་པ་དྲུག་ཅུ་རྩ་གཉིས། དེའི་འགྲེལ་པ་བམ་པོ་ཕྱེད་དང་གསུམ། དེ་ཁོ་ན་ཉིད་ལ་རྩོད་པ་བཟློག་པ་བདུན་ཅུ། དེའི་འགྲེལ་པ་བམ་པོ་གཅིག་དབུ་མ་རིན་པོ་ཆེའི་འཕྲེང་བ་བམ་པོ་གཉིས། དེའི་འགྲེལ་པ་སྟོང་ཉིས་བརྒྱ་སྟེ་བམ་པོ་བཞི། སྟོང་བ་ཉིད་ཀྱི་སྒོ་བཅུ་གཉིས་པ་རྩ་འགྲེལ་བམ་པོ་གཉིས། ཨཱརྱ་དེ་བའི་ལག་ཚོད་ཀྱི་རྩ་བ་ཤློ་ཀ་དྲུག་འགྲེལ་པ་བདུན་ཅུ། ཚིགས་སུ་བཅད་པ་བརྒྱ་པ་སྟེ་གསུམ། ཞིབ་མོ་འཐག་པ་རྩ་འགྲེལ་བམ་པོ་གཉིས། དབུ་མའི་སྙིང་པོ། དེའི་འགྲེལ་པ་རྟོག་གེ་འབར་བ་བམ་པོ་བཅུ་དྲུག་བདེན་གཉིས་ཀྱི་རྩ་བ་སུམ་ཅུ་རྩ་བདུན། རང་འགྲེལ་བམ་པོ་གཅིག་འགྲེལ་བཤད་བམ་པོ་གསུམ། དབུ་མ་རྒྱན་གྱི་རྩ་བ་བརྒྱ། རང་འགྲེལ་བམ་པོ་གཉིས། བཀའ་ཊཱིཀ་སྟོང་ལྔ་བརྒྱ་སྟེ་བམ་པོ་ལྔ། དབུ་མ་སྣང་བ་ཉིས་སྟོང་དགུ་བརྒྱ་སྟེ་བམ་པོ་དགུ་ཀཱ་མ་ལ་ཤཱི་ལའི་ཆོས་ཐམས་ཅད་ངོ་བོ་ནིད་མེད་པར་གྲུབ་པ་བམ་པོ་ཕྱེད་དང་གཉིས་དང་། དེ་ཁོ་ན་ཉིད་སྣང་བའི་རབ་ཏུ་བྱེད་པ་བམ་པོ་གཅིག་དཔལ་སྦས་ཀྱིས་མཛད་པའི་དེའི་ཁོ་ན་ཉིད་ལ་འཇུག་པའི་རྩ་བ་སུམ་ཅུ། དཔལ་སྦས་ཀྱིས་མཛད་པའི་དེ་ཁོ་ན་ཉིད་ལ་འཇུག་པའི་རྩ་བ་སུམ་ཅུ། འགྲེལ་པ་ཉིས་བརྒྱ། རྟེན་འབྲེལ་སྙིང་པོའི་རྩ་འགྲེལ་ལ་ལྔ་བཅུ་རྩ་བཞི། བྱང་ཆུབ་ཀྱི་སེམས་བཤད་པ་ལྷུག་པ་ཉིས་བརྒྱ། དབུ་མའི་ལུགས་ཀྱི་རྙིང་པོ་མདོར་བསྡུས་པའི་རབ་ཏུ་བྱེད་པ་བམ་པོ་ཕྱེད། སློབ་དཔོན་ཉི་མའི་འོད་ཀྱིས་མཛད་པའི་ལྟ་བའི་བྱེ་བྲག་སྐུ་གསུམ་ལ་འཇུག་པའི་རྩ་བ་ཀླུའི་བཤེས་གཉེན་གྱིས་མཛད་པ་དང་། འགྲེལ་པ་ཡེ་ཤེས་ཟླ་བས་བྱས་པ་གཉིས་སེམས་ཙམ་ཡིན་ནའང་། ལོ་པཎ་རྣམས་ཀྱིས་དབུ་མར་བྱས་སོ། །བྱང་ཆུབ་སེམས་པའི་སྤྱོད་པ་དང་བསམ་གཏན་སྒོམ་པའི་གེ་ལ། ཀླུ་སྒྲུབ་ཀྱི་སེམས་བསྐྱེད་ཆོ། ག་བཞི་བཅུ། མདོ་ཀུན་ལས་བཏུས་པ་སྟོང་ལྔ་བརྒྱ་སྟེ་བམ་པོ་ལྔ། བཤེས་པའི་སྤྲིང་ཡིག་ཉིད་བརྒྱ། དེའི་བཤད་པ་བློ་གྲོས་ཆེན་པོས་བྱས་པ་སྟོང་ཉིས་བརྒྱ་ལྔ་བཅུ་སྟེ་ངམ་པོ་བཞི་དང་ལྔ་བཅུ། སྦྱངས་པའི་ཡོན་ཏན་གྱི་ཕན་ཡོན་ཀླུ་སྒྲུབ་ཀྱིས་མཛད་པ་བརྒྱ། སྐྱེས་རབས་ཀྱི་རྒྱུད་སུམ་སྟོང་དགུ་བརྒྱ་སྟེ་བམ་པོ་བཅུ་བཞི། ཞི་བ་ལྷས་མདོ་ཀུན་ལས་བཏུས་པ་བམ་པོ་བདུན། བྱང་ཆུབ་སེམས་དཔའི་སྤྱོད་པ་ལ་འཇུག་པ་བམ་པོ་གཉིས། ཕ་རོལ་ཏུ་ཕྱིན་པ་དྲུག་བསྡུས་པའི་ཚིགས་བཅད་བམ་པོ་གཉིས། རྟ་དབྱངས་ཀྱི་མྱ་ངན་གསལ་བ། ཉི་མ་སྦས་པས་བྱས་པའི་ཚིགས་སུ་བཅད་པའི་མཛོད་བརྒྱ་པ། སློབ་དཔོན་ཀ་ལ་ཡ་ནའི་དྲིས་ལན་བམ་པོ་གཅིག་རིན་པོ་ཆེ་ཟླ་བ་འབྱུང་གནས་ཀྱིས་ཤློ་ཀ་ཉིས་བརྒྱ། ཨུཏྤལ་ཨ་ཤཱོ་ཀའི་ཤའི་དྲིས་ལན་ལྔ་བཅུ་བཅས་པ་བརྒྱད་ཅུ་པ་བརྒྱད་ཅུ། ཚིགས་སུ་བཅད་པའི་དོན་བསྡུས་པ་བམ་པོ་གསུམ། སྡོམ་པ་ཉིས་ཤུ་པའི་འགྲེལ་པ་བམ་པོ་གཉིས། སློབ་མ་ལ་སྤྲིངས་པ་ཉིས་བརྒྱ། རྒྱལ་པོ་ཀ་ནི་ཀཱ་ལ་སྤྲིངས་པ་བརྒྱ། ཤེས་རབ་བརྒྱ་པ་བརྒྱ། སྤྱན་རས་གཟིགས་དབང་ཕྱུག་གིས་དགེ་སློང་རབ་གནས་གཞོན་དུ་ལ་སྤྲིངས་པ་ཤློ་ཀ་བཅུ་གཉིས་སོགས། སྒོམ་རིམ་གྱི་ཡེ་གེ་ལ། སྒོམ་པའི་རིམ་པ་ཀཱ་མ་ལ་ཤཱི་ལས་མཛད་པ་བམ་པོ་རེ་རེ་གསུམ་དང་། ཆུང་དུ་གཅིག་སྟེ་བཞི། སྒོམ་རིམ་སློབ་དཔོན་ཏིར་ཏིས་བྱས་པ་བམ་པོ་གཅིག་བྱང་ཆུབ་ཀྱི་སེམས་སྒོམ་པ་སློབ་དཔོན་རྒྱལ་བའི་འོད་ཀྱིས་སྔགས་ཀྱི་རྒྱུད་ལས་བཏུས་ཏེ་བྱས་པ་བརྒྱ། བྱང་ཆུབ་ཀྱི་སེམས་སྒོམ་པ་སློབ་དཔོན་འཇམ་དཔལ་བཤེས་གཉེན་གྱིས་བྱས་པ་དྲུག་ཅུ་རྩ་བརྒྱད། སྒོམ་པའི་སྒོ་ སློབ་དཔོན་ཀ་མ་ལ་ཡ་ཝར་མས་བྱས་པ་དྲུག་ཅུ་རྩ་བདུན་དང་། མི་རྟག་པ་སྒོམ་པ་ཆུང་དུ། སྒོམ་ཐབས་སློབ་དཔོན་ཆོས་ཀྱི་བློ་གྲོས་ཀྱིས་མཛད་པ་སུམ་ཅུ། སངས་རྒྱས་གསང་བའི་རྟོགས་པའི་གེགས་སེལ། སློབ་དཔོན་མཁས་པ་ཆོས་ཀྱི་གྲཊ་པས་བྱས་པ་བམ་པོ་གཅིག་སློབ་དཔོན་ཡེ་ཤེས་སྙིང་པོས་མཛད་པ་རྣམས་སོ། །འཕགས་པ་ལ་བསྟོད་པ་སྣ་ཚོགས་བྱས་པ་ལ། སངས་རྒྱས་ལ་བསྟོད་པ་རྡོ་རྗེ་འཛིན་གྱི་དབྱངས། དེའི་འགྲེལ་པ་སློབ་དཔོན་ཞི་བ་འཚོས་བྱས་པ། ཀླུ་སྒྲུབ་ཀྱིས་མཛད་པ་སྐུ་གསུམ་ལ་བསྟོད་པ་དགུ་བསམ་གྱིས་མི་ཁྱབ་པར་བསྟོད་པ་ལྔ་བཅུ་པ། འཇིག་རྟེན་ལས་འདས་པར་བསྟོད་པ་ཉིས་ཤུ་རྩ་གཉིས། དཔེ་མེད་པར་བསྟོད་པ་ཉིས་ཤུ་རྩ་ལྔ། བསྟོད་པ་ལས་འདས་པར་བསྟོད་པ་བཅོ་བརྒྱད། དོན་དམ་པར་བསྟོད་པ་བཅུ། སྒྲ་གཅན་ཟིན་བཟང་པོས་མཛད་པ་ཤེར་ཕྱིན་ལ་བསྟོད་པ་བཞི་བཅུ། སློབ་དཔོན་མ་ཏི་ཙི་ཏྲས་མཛད་པ་དཀོན་མཆོག་གསུམ་ལ་བསྟོད་པ། དེའི་འགྲེལ་པ་རྒྱལ་བའི་སྲས་ཀྱིས་མཛད་པ་གཉིས། སངས་རྒྱས་ལ་བསྟོད་པ་ནི་གསང་བའི་གནས་སུ་བསྟོད་པ། དད་པ་ལ་སྤོབས་པ་བསྐྱེད་པ་བརྒྱ་ལྔ་བཅུ། ལེའུ་བཅུ་གསུམ་ལ་བསྟོད་པ་གླེང་བསླང་བ། རྒྱུའི་སྒོ་ནས་བསྟོད་པ། དཔེ་མེད་པར་བསྟོད་པ། རྨད་དུ་བྱུང་བར་བསྟོད་པ། སྐུ་ལ་བསྟོད་པ། སྨོན་ལམ་ལ་བསྟོད་པ། ལམ་ལ་འཇུག་པ་ལ་བསྟོད་པ། དཀའ་བ་མཛད་པ་ལ་བསྟོད་པ། མཁས་པར་བསྟོད་པ། བུ་ལོན་མེད་པར་བསྟོད་པ། བསྔགས་པར་འོས་པ་ལེའུ་བཅུ་གསུམ་པ་ལ་བསྟོད་མི་ ནུས་པར་བསྟོད་པ། ཕྱག་འཚལ་བའི་བསྟོད་པ། ཐམས་ཅད་མཁྱེན་པ་གྲུབ་པར་བསྟོད་པ། སྟོབས་དང་མི་འཇིགས་པ་ལ་བསྟོད་པ། གསུང་རྣམ་པར་དག་པ་ལ་བསྟོད་པ། རྩོད་པ་མི་མངའ་བར་བསྟོད་པ། ཚངས་པ་དང་མཐུན་པར་གསུངས་པ་ལ་བསྟོད་པ། ཕན་པ་མཛད་པར་བསྟོད་པ། ལན་མི་ལོནཔར་བསྟོད་པ། སྐུའི་ཕྱོགས་གཅིག་ལ་བསྟོད་པ། ལྗགས་ལ་བསྟོད་པ། སྲིད་པ་ལས་བཀྱོན་པར་བསྟོད་པ། དཔེ་ལས་བསྟོད་པའོ། །གསང་བའི་གནས་སུ་བསྟོད་བའི་འགྲེལ་པ་བམ་པོ་གཅིག་བརྒྱ་ལྔ་བཅུ་པའི་འགྲེལ་པ་སློབ་དཔོན་དགའ་བྱེད་སྙན་པས་བྱས་པ་བམ་པོ་ལྔ། ཡོན་ཏན་མཐའ་ཡས་པར་བསྟོད་པ་སློབ་དཔོན་དཀོན་མཆོག་འབངས་ཀྱིས་བྱས་པ་ལ་བཅུ། དེའི་འགྲེལ་པ་དང་པིན་དར་ཐ་སློབ་དཔོན་ཕྱོགས་ཀྱི་ཀླང་བྱས་པ་ལ་བཅུ། དེའི་འགྲེལ་པ་དང་པིན་དར་ཐ་སློབ་དཔོན་ཕྱོགས་ཀྱི་གླང་པོས་བྱས་པ་གཉིས། ཁྱད་པར་འཕགས་པ་ལ་བསྟོད་པ་དང་། ལྷ་ལས་ཕུལ་དུ་བྱུང་བར་བསྟོད་པ་མཐོ་བཙུན་གྲུབ་རྗེ་དང་། བདེ་བྱེད་བདག་པོ་གཉིས་ཀྱིས་མཛད་པ། དེ་བཞིན་གཤེགས་པ་བདུན་ལ་བསྟོད་པ། དཀྱིལ་འཁོར་བརྒྱད་ལ་བསྟོད་པ། མཆོད་རྟེན་ལ་བསྟོད་པ། རྗེས་སུ་མོས་པ། སྒྲོལ་མ་ལ་འཇིཊ་པ་ཐམས་ཅད་ལས་སྒྲོལ་བར་བསྟོད་པ་ཙནྡྲ་གོ་མིས་མཛད་པ་བཞི་བཅུ་པ། སྤྱན་རས་གཟིགས་ཀྱི་སྙིང་རྗེ་ལ་བསྟོད་པ་བཅོ་ལྔ་པ། འཇམ་དཔལ་ལ་བསྟོད་པ་བདུན་པ། ཆུ་དབང་ལ་བསྟོད་པ། རྒྱལ་པོ་ཤི་བི་ཏྲ་མ་ཨ་དི་རྒྱས་མཛད་པ་སུམ་ཅུ། ལྷ་མོ་དབྱངས་ཅན་ལ་བསྟོད་པ་ཤེས་རབ་སྣང་བར་བྱེད་པའི་རྒྱན། ཆུ་དབང་ལ་བསྟོད་པ་བརྒྱད་པ། ལྷ་མོ་ནམ་གྲུ་ལ་བསྟོད་པ། བྲམ་ཟེར་མཆོག་སྲེད་ཀྱིས་བྱས་པ་བཅོ་ལྔ་པ། ནད་ཀྱི་བདག་མོ་ལ་བསྟོད་པ་སུམ་ཅུ། གཤིན་རྗེའི་ ལྕམ་མོ་ལ་བསྟོད་པ་རྣམས་ནི་བསྟོད་པའོ། །སློབ་དཔོན་པདྨའི་ལོ་ཙཱ་བ་གོང་དུ་སྨོས་པ་རྣམས་དང་སྣུབས་ནམ་མཁའི་སྙིང་པོ། མཁར་ཆེན་དཔལ་གྱི་དབང་ཕྱུག་ལ་སོགས་པས་བྱས་ཏེ། གསང་སྔགས་སྒྲུབ་པ་བཀའ་བརྒྱད་ཀྱི་རྒྱུད་དང་སྒྲུབ་ཐབས་མང་པོ་བསྒྱུར་ཏེ། ཐོག་མར་འཇམ་དཔལ་སྐུའི་རྒྱུད་ཟླ་གསང་ནག་པོ། གཤིན་རྗེ་རོལ་པ་རྩ་བའི་རྒྱུད། འཇམ་དཔལ་ལས་བཞིའི་འཁོར་ལོ་གསང་བའི་བརྒྱུད་ལེའུ་བཅུ་གཉིས་པ་དང་། རྒྱུད་ཕྱི་མ་རིམ་པར་བཀོད་པ་ལེའུ་བཅུ་གསུམ་པ་དང་། འཕགས་པ་གཤིན་རྗེ་གཤེད་ནག་པོ་གསང་བའི་རྒྱུད་ལེའུ་སུམ་ཅུ་པ་དང་། གཤིན་རྗེའི་གཤེད་དམར་པོ་མཱ་ར་ཁྲག་སྐྱུག་གི་རྒྱུད་ལེའུ་བདུན་པ་དང་། གནོད་སྦྱིན་གདོང་གསུམ་པའི་རྒྱུད་ལེའུ་བཅོ་བརྒྱད་པ་དང་། དཔལ་ཟླ་གསང་ནག་པོའི་རྒྱུད་ཀྱི་སྐབས་ང་ལྔ་པ་དང་། དཔལ་གཤིན་རྗེའི་གཤེད་ནག་པོ་མེ་རླུང་སྐྱིན་ཐང་འཁྲུགས་པའི་རྒྱུད་ལེའུ་ང་གསུམ་པ་དང་། ནག་པོ་ཆེན་པོ་མིའི་ཐོད་པ་ཅན་གྱི་རྒྱུད་ལེའུ་སུམ་ཅུ་པ་དང་། ལས་རིགས་སུམ་ཅུ། གསང་བ་དྲུག་ཅུ་པ། ལུང་རིགས་མདོ་བྱང་ཁ་ཐུན་ཆེ་འབྲིང་ཆུང་གསུམ། རྩ་བ་སྒྲུབ་ཐམས་ལ་སོགས་པ་དང་། ཅལ་དགུ་པ་དང་། དེ་ལ་སོགས་ཏེ་གཤིན་རྗེ་དམར་ནག་གི་རྒྱུད་དང་སྒྲུབ་ཐབས་ལས་ཚོགས་ལ་སོགས་པ་མཐའ་ཡས་པ་ཞིག་བསྒྱུར་བར་འདུག་པདྨ་གསུང་གི་སྒྲུབ་ཐབས་སྐོར་ལ། རྟ་མཆོག་རོལ་པ་དང་། དབང་ཆེན་འདུས་པའི་རྒྱུད་ལེའུ་དྲུག་ཅུ་རྩ་གཉིས་པ་དང་། ཁྲག་འཐུང་རོལ་པའི་རྒྱུད་ལེའུ་བཅུ་པ་དང་། རྟ་མགྲིན་པདྨ་གསང་རྒྱུད། དེ་ལ་སོགས་པའི་རྒྱུད་གཞན་ཡང་མང་དུ་འདུག་པ་དང་། སྒྲུབ་ཐབས་ནི་པདྨ་དབང་ཆེན་ བདེ་གཤེགས་འདུས་པ། དྲེགས་པ་ཚར་གནོད། ཡང་གསང་ཁྲོས་པ། རྟ་མགྲིན་གསང་སྒྲུབ། ནཱ་ག་ཀླུ་འདུལ། དེ་ལ་སོགས་ཏེ་རྒྱུད་དང་། སྒྲུབ་ཐབས་བསམ་གྱིས་མི་ཁྱབ་པ་ཞིག་བསྒྱུར་རོ། །ཡང་དག་ཐུགས་ཀྱིས་སྒྲུབ་སྐོར་ལ། ཁྲག་འཐུང་འདུས་པའི་རྒྱུད་ལེའུ་སུམ་ཅུ་པ། འཇིག་རྟེན་འདས་པའི་མདོ་དང་། ཁྲོ་བོར་པུཎྜ་རཱི་ཀའི་པདྨ་དཀར་པོ་རྒྱུད་ལེའུ་ཉིས་ཤུ་རྩ་གཅིག་པ་དང་། ཧེ་རུ་ཀ་གལ་པོའི་རྒྱུད་ལེའུ་བཅུ་བདུན་པ། ཡང་དག་གྲུབ་པའི་རྒྱུད་ལེའུ་བཅུ་པ། རྡོ་རྗེ་གསང་བ་ལས་ཀྱི་རྒྱུད་ལེའུ་བཅུ་གཉིས་པ། དེ་ལ་སོགས་པའི་རྒྱུད་སྡེ་རྣམས་ལ་བརྟེན་པའི་སྒྲུབ་ཐབས་ནི། ཟླ་གམ་དྲུག་ཅུ་རྩ་བརྒྱད་པ། ལྔ་བཅུ་རྩ་བརྒྱད་པ། ཟླ་གམ་དགུ་པ། ཟླ་གམ་གཅིག་པ། སྲིན་པོ་མ་ཏྲཾ་ཞལ། དུག་གསུམ་བང་རིམ་གསུམ་པ་རྣམས་བསྒྱུར་རོ། །ཆེ་མཆོག་འདུས་པ་བདུད་རྩི་ཡོན་ཏན་གྱི་སྐོར་ལ། ཆེ་མཆོག་རོལ་པ་རྩ་བའི་རྒྱུད། བདུད་རྩི་ཆེན་པོ་ཡེ་ཤེས་གསང་བའི་འཁོར་ལོའི་རྒྱུད་ལེའུ་ཉིས་ཤུ་པ། བཤད་སྦྱར་བདུད་རྩི་ལྗོན་ཤིང་ལེའུ་བརྒྱད་པ། བདུད་རྩི་སྒྲུབ་པ་བམ་པོ་བཞི། བདུད་རྩི་བམ་པོ་དྲུག་པ། བདུད་རྩི་བམ་པོ་བརྒྱད་པ། བདུད་རྩི་འཁྱིལ་བ། ཐམས་ཅད་བདུད་རྩི་ལྔའི་རང་བཞིན། དངོས་གྲུབ་ཆེན་པོ་ཉེ་བའི་སྙིང་པོའི་རྒྱུད་ལེའུ་བཅོ་ལྔ་པ། བདུད་རྩི་མཆོག་ལུང་དུམ་བུ་གསུམ་པའི་རྒྱུད་རྣམས་ལ་བརྟེན་ཏེ་པདྨ་འདབ་བརྒྱད་ཁྲོལ་བུའི་སྒྲུབ་པ། ཙ་ཀྲ་རྩིབས་བརྒྱད་ཕྱེ་མའི་སྒྲུབ་པ། ཟླ་གམ་དགུ་པར་དམ་མཛད་རློན་སྦྱོར་གྱི་སྒྲུབ་པ་ལ་སོགས་པ་རྣམས་བསྒྱུར་རོ། །ཕྲིན་ལས་ཕུར་བའི་སྒྲུབ་སྐོར་ལ། བྱི་ཏོ་ཏ་མ་ལ་རྩ་བའི་རྒྱུད་ཆེན་མོ་ལས་གྱེས་ པའི་རྒྱུད་དང་དབང་དང་གདམས་སྐོར་ལུཊ་མང་ན་ཡང་། བོད་དུ་ཡོངས་སུ་གྲགས་པ་ལུང་སྡེ་བཞིར་འདུས་ཏེ། ཕུར་པ་གསང་སྐོར། མདོ་སྐོར། ལུང་སྐོར། རྩ་བའི་སྐོར་རོ། །གསང་སྐོར་ལ་བརྟེན་ནས་རྡོ་རྗེ་ཕུར་པ་གསང་བའི་རྒྱུད། འཁོར་ལོ་གསང་རྒྱུད། པདྨ་གསང་རྒྱུད། ཕྲིན་ལས་གསང་རྒྱུད་དོ། །གསང་རྒྱུད་ལ་རྟོགས་པ་དང་པོ་རྩ་བའི་རྒྱུད། རྟོགས་པ་བར་པ་བཤད་པའི་རྒྱུད། རྟོགས་པ་མཐའ་མ་རྒྱུད་ཕྱི་མའོ། །ཡང་རྩ་རྒྱུད་མྱ་ངན་ལས་འདས་པ་རྒྱུད་ཕྱི་མ་བཅུ་གཉིས། འབྱུང་བ་ཆེན་པོ་འབྲིང་པོ་དང་ཆུང་བའོ། །མདོའི་སྐོར་ལ། རྩ་བའི་རྒྱུད་ཕྱི་མ། དགོངས་པ་ལུང་བསྟན། རྡོ་རྗེ་མེ་ལྕེ་འཕྲེང་བ། དྲག་པོ་གསང་གཏེར་གྱི་རྒྱུད་གཉིས་སོ། །ལུང་གི་སྐོར་ལ། དུང་ཁྲོད་ཁུ་བྱུག་རོལ་པ་རྩ་བའི་རྒྱུད། དེའི་རྒྱུད་ཕྱི་མ་དང་བཅས་པའོ། །རྩ་བའི་སྐོར་ལ། རྩ་བའི་རྒྱུད། དགོངས་རྒྱུད། དགོངས་རྒྱུད་ཆེན་མོ། །རྒྱུད་ཕྱི་མ། ཕྱི་མའི་ཕྱི་མ། ལྟ་བ་རྫོཊ་རྒྱུད། ལྟ་བ་སྤྱོད་པའི་རྒྱུད། བཅུ་གཉིས་ཆུང་བ་ཆེ་འབྲིང་ཆུང་གསུམ་མོ། །ཡང་རྩ་སྐོར་ལ། རྡོ་རྗེ་ཁྲོས་པ་རྩ་བའི་རྒྱུད། དྲི་མེད་འོད་ལྡན་བཤད་པའི་རྒྱུད། ཕུར་པ་དབང་གི་རྒྱུད། འཕྲིན་ལས་ཀྱི་རྒྱུད། གཏོར་མའི་རྒྱུད། དམ་ཚིག་རྒྱུད་དང་དྲུག་གོ །ཡང་ཁྲོ་བོ་བཅུའི་རྒྱུད། དམ་ཅན་སྡེ་གསུམ་གྱི་རྒྱུད་དང་། རྒྱུད་བུ་ཆུང་བཅུ་གསུམ་མོ། །དེ་དག་རྣམས་ལ་བརྟེན་པའི་སྒྲུབས་ཐབས་དང་ལས་ཆོག་ཕྱག་བཞེས་ཀྱང་མང་དུ་འགྱུར་རོ། །མ་མོ་རྦོད་གཏོང་གི་སྒྲུབ་སྐོར་ལ། མ་མོ་སྲིད་པ་རྒྱུད་ལུང་། ཡན་ལག་མ་མོའི་ཕྱི་རྒྱུད་དུ་གྲགས་པ། སྲིད་པ་བེམ་དང་། ཙི་ཏྟརཀྟ། མཁའ་ལ་སྐར་ ཚོགས་རྣམས་དང་། དཔལ་ལྷ་མོ་འདོད་པ་ཁམས་ཀྱི་དབང་ཕྱུག་མའི་རྒྱུད་ལས། སྒྲུབ་ཐབས་འབྱུང་བ་ཞེས་བྱ་བ། རྒྱུད་ལེའུ་རྩ་བཞི་པ་དང་། སྙིང་ཟོར་ནག་མོའི་རྒྱུད་ཅེས་བྱ་བ་སྐབས་དགུ་པ། དཔལ་བཤན་པ་ནག་མོའི་རྒྱུད་ལེའུ་བཅུ་བདུན་པ། རལ་གཅིག་མ་ནག་མོའི་སྔགས་རྒྱུད་ཕྱི་མ་ལེའུ་བཅོ་ལྔ་པ། དུར་ཁྲོད་ལྷ་མོའི་རྒྱུད་ལེའུ་བདུན་པ། རལ་གཅིག་སྒྲོལ་བྱེད་ཆེན་མོ་བྱ་བའི་གཟུངས། ཟ་བྱེད་སྤྱང་རྐྱལ་ནག་མོའི་རྒྱུད་ལེའུ་སུམ་ཅུ་རྩ་གཉིས། འཕགས་པ་ཧེ་དུར་འབར་བའི་རྒྱུད་ལེའུ་བཅུ་གཅིག་པ། རལ་གཅིག་ནག་མོའི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་སྙིང་ཐུན་གྱི་རྒྱུད་ལེའུ་བཅོ་བརྒྱད། དངོས་གྲུབ་བསྟན་པར་གཟིགས་པའི་རྒྱུད་ལེའུ་བརྒྱད་པ། མཁའ་འགྲོ་མ་མེ་ལྕེ་འཕྲེང་བའི་རྒྱུད་ལེའུ་རྩ་གསུམ་པ་དང་། དུར་ཁྲོད་ལྷ་མོ་རང་རྒྱུད་པ་བྱ་བ་ལེའུ་བཅུ་གཉིས་པ། མ་མོ་གསང་བ་གཏན་ཚིགས་ཀྱི་རྒྱུད་ལེའུ་ཉིས་ཤུ་རྩ་བརྒྱད་པ། ཨེ་ཀ་ཛཱ་ཊི་ཐུགས་ཀྱི་གསང་བ་ས་ནག་གི་རྒྱུད་ལེའུ་དགུ་པ། དཔལ་རལ་གཅིག་མའི་རྒྱུད་ལེའུ་བཅུ་གསུམ་པ། འཕགས་པ་ནམ་གྲུ་ཆེན་མོ་དགའ་བར་བྱེད་པའི་རྒྱུད་ལེའུ་བཅུ་གཅིག་པ། ཙི་ཏྟ་ནག་མོ་གསང་བའི་རྒྱུད་ལེའུ་བརྒྱད་པ། མ་མོ་སྲོག་རྒྱུད་ལེའུ་བརྒྱད་པ། ལས་ཀྱི་མཁའ་འགྲོ་མའི་རྒྱུད་ལེའུ་བཞི་པ། ལྷ་མོ་ནག་པོའི་སྒྲུབ་ཐབས་ལེའུ་གཅིག་པ། ལྷ་མོ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ལེའུ་བཅུ་བཞི་པ། རྒྱུད་ཕྱི་མ་ལེའུ་བདུན་པ། ཕྲ་མེད་སྤྱང་ཀི་ལས་ཀྱི་རྒྱལ་མོའི་རྒྱུད་ལེའུ་ཉིས་ཤུ་ར་བཞི་པ། དཔལ་ལྷ་མོ་ཚོགས་བདག་གི་རྗེ་མོས་ཡོངས་སུ་རོལ་པའི་རྒྱུད་ལེའུ་བཅུ་གཉིས་པ། རྒྱུད་དེ་དག་ལ་བརྟེན་པའི་སྤྱི་སྒྲུབ་དང་སྒོས་ སྒྲུབ་མང་དུ་བསྒྲུར་བར་སྣང་ངོ་། །རིག་འཛིན་ལ། རིག་འཛིན་རོལ་པའི་རྒྱུད་དང་། རིག་འཛིན་གྲུབ་པའི་རྒྱུད་ལ་བརྟེན་ནས་རྣལ་འབྱོར་རིག་འཛིན་གྱི་སྒྲུབ་པ་བརྒྱ་རྩ་གཅིག་མཛད། དྲེགས་པ་འདུལ་བའི་རྒྱུད་ལ་བརྟེན་ནས། འཇིག་རྟེན་མཆོད་བསྟོད་ཀྱི་སྤྱི་སྒྲུབ་དང་། སྒོས་སྒྲུབ་མཛད། དྲག་པོ་ངན་སྔགས་ཀྱི་རྒྱུ་ལ་བརྟེན་ནས། དམོད་པ་དྲག་སྔགས་ཀྱི་སྒྲུབ་པ་རྣམས་མཛད་དོ། །དེ་རྣམས་ལ་ཁྱད་པར་དུ་གལ་ཆེ་བའི་གདམས་པ་རྣམས་ལ། གཤིན་རྗེའི་འཁོར་ལོ་ཤེས་པར་དཀའ་བས། འཕྲུལ་འཁོར་ལྡེ་མིག་ཡི་གེ་བསྡུ་བ་མཛད། ཕུར་པ་སྒྲུབ་པར་དཀའ་བས་གཞི་སྙིང་གཅིག་ཏུ་དྲིལ་བ་མཛད། མ་མོ་སྒྲུབ་ཀྱང་ལས་ལ་བཀོལ་དཀའ་བས། མ་མོ་སྲོག་གི་འཁོར་ལོའི་ཤིས་པ་བསྟན་པ་མཛད། ཕོ་རྒྱུད་ལས་མྱུར་ཡང་གྱོང་ཞིང་འཁུ་ལྡོག་ཆེ་བས། ཆིངས་དང་ལོག་གནོན་གྱི་ཙཀྲ་མཛད་དོ། །ལྷག་པར་ཁྱད་པར་དུ་འཕགས་པའི་སྒྲུབ་པ་བཀའ་བརྒྱད་བདེ་གཤེགས་འདུས་པ་རྩ་བའི་རྒྱུད། ཕྱི་མའི་རྒྱུད། ཕྱི་མའི་ཕྱི་མའི་རྒྱུད། མ་ཚང་བ་ཁ་སྐོང་བའི་རྒྱུད། འབྱེད་པར་བྱེད་པའི་ལྡེ་མིག་གི་རྒྱུད་དང་ལྔ་ལ་བརྟེན་ནས་ཞི་བ་རིགས་བརྒྱ། དེ་ཉིས་རིགས་ལྔ། དེ་ཉིད་རིགས་གཅིག་ཁྲོ་བོ་འཇིགས་བྱེད་ཆེན་པོའི་དལ་དང་། རྡོ་རྗེ་འཇིགས་ཆུང་གི་དཀྱིལ་འཁོར་རྒྱུད་དང་། སྒྲུབ་ཐབས་ཆ་ལག་དང་བཅས་པ་མཛད་དོ། །གཞན་ཡང་རྒྱལ་པོའི་སྐུ་གསུང་ཐུགས་ཀྱི་ཉམས་ཆགས་བསྐང་ཞིང་སྐུ་ཚེ་བསྲིང་བའི་དོན་དུ། པཎྜི་ཏ་དང་ལོ་ཙཱ་བ་རྣམས་བཀའ་བགྲོས་ཏེ། ཕྱི་བསྐོངས་སུ་རྒྱལ་པོ་ཐུགས་དམ་མདོ་བཅུ་བསྒྱུར་ཏེ། ཤེས་རབ་སྙིང་པོ་ལྟ་བའི་མདོ། འདའ་ཁ་ཡེ་ཤེས་སྒོམ་པའི་མདོ། །བཟང་པོ་སྤྱོད་པ་སྨོན་ལམ་མདོ། །རྡོ་རྗེ་རྣམ་འཇོམས་ཁྲུས་ཀྱི་མདོ། །བྱང་ཆུབ་ལྟུང་བཤགས་བཤགས་པའི་མདོ། །གཙུག་ཏོར་དཀར་མོ་བཟློག་པའི་མདོ། །གོས་སྔོན་ཅན་བསྲུང་བའི་མདོ། །ཚེ་དཔག་མེད་ཚེ་བསྲིངས་པའི་མདོ། །ནོར་རྒྱུན་མ་ནོར་སྒྲུབ་པའི་མདོ། །ཡི་གེ་གཅིག་མ་སྙིང་པོའི་མདོ། །དེ་རྣམས་བསྒྱུར་ནས་རྒྱལ་པོའི་ཐུགས་དམ་ཕོག་གོ །ནང་བསྐོངས་སུ། གསང་སྔགས་ནང་གི་ཡང་བསྐོངས། ན་རག་དོང་སྤྲུགས། དབང་སྒྲུབ་པ། མན་ངག་དག་བཅས་པ་བསྒྱུར་ཏེ། སྔོན་སེམས་ཅན་ལསུ་སྲུལ་པོ་ཅན་གྱིས་སློབ་དཔོན་བསད་དེ། མཚམས་མེད་པ་བྱས་པས་དམྱལ་བར་ལྷུང་པ་ལ། ཀུན་ཏུ་བཟང་པོས་བཤད་པ་དེ་བཞིན་དུ། རྒྱལ་པོའི་དམ་ཚིག་ཉམས་པ་བསྐངས་ཏེ། སྡིག་པ་ཐབས་མད་བྱང་བར་གྱུར་ཏོ། །ཡེ་ཤེས་སྐུ་མཆོག་དམ་ཚིག་ཉིས་ཤུ་རྩ་བརྒྱད་ཀྱི་བཤགས་པ། མཁའ་འགྲོ་རྣམ་བཞིའི་བཤགས་པ། ལྟ་བའི་ཀློང་བཤགས་བཞི་མཛད་ནས། སྔོན་བྲམ་མིའི་ཐོད་པ་ཅན་ལ། དཔལ་རྡོ་རྗེ་སེམས་དཔས་གསུངས་པས་སྒྲིབ་པ་དག་པ་དེ་བཞིན་དུ། རྒྱལ་པོའི་དམ་ཚིག་ཆགས་ཉམས་ཐམས་ཅད་བསྐངས་ཏེ་སྒྲིབ་པ་དག་པར་གྱུར་ཏོ། །སྐུ་ཚེའི་རྐྱེན་དང་བར་ཆད་བཟློག་པའི་ཕྱིར་དུ་སྨན་དང་བཅུད་ལེན་གྱི་སྦྱོར་བ་མང་པོ་མདད། མདོས་ཀྱི་ལེའུ་སྟོང་ཕྲག་གཅིག་ལྷ་འདྲེ་སྟོང་དྲྭི་བ་འབྱུང་པོ་འདུས་པའི་རྒྱུད། མ་མོ་སྲིད་པའི་བེམས་བཞི་ལ་སོགས་པའ་ཕོ་མདོས་དང་མོ་མདོས་མང་པོ་མཛད། གཞན་ཡང་སངས་རྒྱས་ཀྱི་བསྟན་པ་བརྟན་པ་དང་། དམ་པའི་ཆོས་བཙུན་པའི་ཆེད་ དུ་བསྟན་པ་བསྲུང་བའི་དྲག་སྔགས་དཔལ་མགོན་པོ་ནག་པོ་དང་། དཔལ་ལྷ་མོ་ནག་མོ་སྔགས་སྲུང་ནག་སྨུག་མི་རྒྱུད་དང་། སྒྲུབ་ཐབས་དང་། ལས་བྱེད་ལྷ་སྲིན་སྡེ་བརྒྱད། དཀར་པོ་གིང་། ནག་པོ་བདུད། དམར་པོ་བཙན། སྲོག་གཅོད་གནོད་སྦྱིན། བཤན་པ་སྲིན་པོ། ནད་གཏོང་མ་མོ། །དྲག་པོ་གཟའ། གདུག་པ་ཀླུ། དེ་རྣམས་ཀྱི་རྒྱུད་དང་། སྒྲུབ་ཐབས་དང་། གནམ་ལྕགས་ཐོག་ཆུ་འཁྱགས་སེར་བ། དེ་ལ་སོགས་པའི་དྲག་སྔགས་དང་། ངན་སྔགས་བསམ་གྱིས་མི་ཁྱབ་པ་ཞིག་བསྒྱུར་ནས་བསྟན་པའི་བཙས་སུ་བཞག་གོ །གཞཉ་ཡང་རྒྱལ་པོ་གླང་དར་མས་བསྟན་པ་པ་བསྣུབས་པར་དགོངས་པ་དང་། དུས་སྙིཊ་མའི་སེམས་ཅན་རྣམས་རྗེས་དུ་གཟུང་བའི་ཕྱིར་དུ། ཆོས་གཏེར་དང་། ནོར་གཏེར་དང་། བསྟནཔ་བསྲུང་བའི་དྲག་སྔཊ་ལ་སོཊ་གཏད་རྒྱ་སྨོན་ལམ་དང་བཅས་ནས་སྦས་པ་ནི་བསམ་གྱིས་མི་ཁྱབ་པའོ། །གཞན་ཡང་རྒྱལ་པོའི་ཐུགས་དམ་གཙུག་ལག་ཁང་གཉན་པ་དང་། དཀོར་ཆ་བསྲུང་བ་ལ་རྒྱལ་པོ་པེ་ཧར་བསྐོར་པ་ཡིན་ཏེ། དེའང་པེ་ཧར་བྷ་ཏ་ཧོར་གྱི་ཡུལ་ན་དཀོར་སྲུང་མཛད་པ་ལ། རྒྱལ་པོ་ཁྲི་སྲོང་ལྡེ་བཙན་གྱིས་དམག་མང་པོ་ཁྱེར་ཏེ་བྷ་ཏ་ཧོར་གྱི་དགོན་པ་བཅོམ། དཀོར་ཆ་ཁྱེར་བས། ཁྱད་པར་རྒྱལ་པོ་ཤིང་བྱ་ཅན་ཞེས་ཀྱང་བྱ། བདུད་ཡམ་ཤེས་ནག་པོ་ཞེས་ཀྱང་བྱ། གཡས་ཀྱི་རུ་འདྲེན་དཔའ་བོ་སྟག་ཆས་བརྒྱ། གཡོན་གྱི་རུ་འདྲེན་ཉན་ཐོས་དགྲ་བཅོམ་བརྒྱ། སླད་ཀྱི་རྗེས་གནོན་པ་བན་དྷེ་ནག་པ་བརྒྱ། སྔོན་གྱི་ཤུལ་འདྲེན་པ་བུད་མེད་ནག་པོ་བརྒྱ། ཕྱིའི་བློན་པོ་ཧ་དག་ལང་ཀྲ་བརྒྱ། ནང་གི་བློན་པོ་མུན་བུ་པུ་ཏྲ་བརྒྱ། སྐུའི་སྐྱོ་ གྲོགས་འབག་དང་སེདྒེ་བརྒྱ། སྤྲུལ་པ་ཡང་སྤྲུལ་སྤྲ་དང་སྤྲེའུ་བྱི་ལ་བརྒྱ་དང་བཅས་པ་དཀོར་ཆ་དང་ལྷ་ཆའི་ཕྱིར་འབྲངས་ནས་བྱུང་བ་དང་། སློབ་དཔོན་པདྨ་འབྱུང་གནས་ཀྱིས་དཀོར་མཛོད་པེ་ཧར་གླིང་དུ་རྟེན་བཙུགས། དམ་ལ་བཏགས། བསམ་ཡས་ལ་སོགས་པ་གཙུག་ལག་ཁང་ཐམས་ཅད་ཀྱི་སྲུང་མར་མངའ་གསོལ་དཀོར་ཆས་སྲུང་བར་གཉེར་གཏད་དོ། །སློབ་དཔོན་བཱི་ལས་སྤྱིར་མདོ་སྔགས་ཀྱི་ཆོས་དཔག་ཏུ་མེད་པ་ཞིག་གསུངས་ཤིང་། ཁྱད་པར་དུ་བཀའ་བསྐྱེད་རྫོགས་རྣམ་པ་གསུམ་གྱི་འགྱུར་ཚུལ་གྱི་དཀར་ཆག་ནི། བསྐྱེད་པ་མ་ཧཱ་ཡོ་ག་ལ་སྤྱིར་གར་ཡུལ་ན། ཏནྟེ་ཆེན་པོ་སྡེ་བཅོ་བརྒྱད་དུ་ཡོད་དེ། དེ་ཡང་སྐུ་གསུང་ཐུགས་ཡོན་ཏན་ཕྲིན་ལས་ལྔའམ། བཞིའམ་རྩ་བར་གྱུར་པའི་རྒྱུད་ལྔ་ནི། སྐུའི་རྒྱུད་སངས་རྒྱས་མཉམ་སྦྱོར། གསུང་གི་རྒྱུད་ཟླ་གསང་ཐིག་ལེ། ཐུཊ་ཀྱི་རྒྱུད་གསང་བ་འདུས་པ། ཡོན་ཏན་གྱི་རྒྱུད་དཔལ་མཆོག་དང་པོ། ཕྲིན་ལས་ཀྱི་རྒྱུད་དཔལ་ཕྲེང་དཀར་མོ། །དེ་ནས་སྒྲུབ་པའི་ལག་ལེན་སྟོན་པའི་རྒྱུད་ལྔ་སྟེ་སྐུའི་སྒྲུབ་པའི་ལག་སྟོན་པ་ཧེ་རུ་ཀ་རོལ་པའི་རྒྱུད། གསུང་གཡི་རྟ་མཆོག་རོལ་པ། ཐུཊ་ཀྱི་སྙིང་རྗེ་རོལ་པ། ཡོན་ཏན་གྱི་བདུད་རྩི་རོལ་པ། ཕྲིན་ལས་ཀྱི་ཕུར་པ་བྱི་ཏོ་རོལ་པའོ། །དེ་ནས་སྤྱིའི་ཡན་ལག་ཏུ་གྱུར་པའི་རྒྱུད་ལྔ་ནི། གོ་འཕང་དབང་གིས་བགྲོད་པའི་རྒྱུད་རི་བོ་བརྩེགས་པ། གཞི་དམ་ཚིག་གིས་བཟུང་པ་ལ་དམ་ཚིག་བཀོད་པ། ཐག་ལྟ་བས་བཅད་པ་ལ་གླང་ཆེན་རབ་འབོག་ཉམས་སུ་ཏིང་ངེ་འཛིན་གྱིས་བླངས་བ་ལ་རྩེ་གཅིག་བསྡུས་པ་ལ་སྤྱོད་པས་དོར་བ། རྔམ་པ་གློག་གི་ཡེ་ཤེས་འཁོར་ལོ་དང་ལྔ་སྟེ་བཅོ་ ལྔའོ། །དེའི་སྟེང་དུ་རྒྱུད་ཕྱི་མ་ལྟ་བུ་གཉིས་ནི། དངོས་གྲུབ་སྒྲུབ་པའི་ཆོ་གའི་ཡན་ལག་ཏུ་གྱུར་པ་ཐབས་ཀྱི་ཞགས་པ་པདྨའི་ཕྲེང་བ་དང་། དཀྱིལ་འཁོར་ཀྱི་ལས་ལས་ལ་ཏུ་གྱུར་པ་ཐབས་ཀྱི་ཞགས་པ་པདྨའི་ཕྲེང་བ་དང་། དཀྱིལ་འཁོར་ཀྱི་ལས་འཇུག་པའི་ཡན་ལག་ཏུ་གྱུར་པ། རྣམ་པར་སྣང་མཛད་སྒྱུ་འཕྲུལ་དྲྭ་བའི་རྒྱུད་དོ། །དེ་དག་ཐམས་ཅད་ཀྱི་དོན་གཅིག་ཏུ་བསྡུས་ནས་སྟོན་པར་བྱེད་པ་བསྡུས་དོན་ལྟ་བུའི་དོན་གཅིག་ནི། དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལེའུ་སྟོང་ཕྲག་བརྒྱ་པའོ། །རྩ་རྒྱུད་ཆེན་པོ་དེ་ནི་ཨོ་རྒྱན་ན་མཁའ་འགྲོ་མའི་གླིང་ན་བཞུགས་པ་སྟེ། དེ་ལ་རྒྱ་གར་གྱི་སློབ་དཔོན་ཡང་དངོས་གྲུབ་བརྙེས་པ་རེ་རེ་ཙམ་མ་གཏོགས་པ་ཕལ་གྱིས་མ་གཟིགས་ཏེ། བོད་དུ་མ་བསྒྱུར་རོ། །གཞན་བོད་དུ་བསྒྱུར་བ་རྣམས་རེ་ཞིག་བརྗོད་ན། སངས་རྒྱས་མཉམ་སྦྱོར་ལ་ཕྱོགས་གཅིག་ཏུ་བསྡུས་པའི་རྒྱུད་རྟོགས་པ་བཅུ་པ། རྒྱུད་ཕྱི་མ་རྟོགས་པ་གཅིག་པ། ཕྱི་མའི་ཡང་ཕྱི་མ་རྟོགས་པ་བཅོ་བརྒྱད་པའོ། །ཟླ་གསང་ཐིག་ལེ་ལ་དཀྱིལ་འཁོར་དྲུག་པ་ཡན་ཆད་རྩ་རྒྱུད་སྒྱུད་ཕྱི་མ་དཀྱིལ་འཁོར་བདུན་པའོ། །གསང་བ་འདུས་པ་ལ་རྩ་བའི་རྒྱུད་ལེའུ་བཅུ་བདུན། ཕྱི་མ་ལེའུ་གཅིག་སྟེ་བཅོ་བརྒྱད་དོ། །བཤད་རྒྱུད་གཞི་ལས་འཕྲོས་པའི་རྒྱུད་དང་ལྔ་ལ་སོགས་པའོ། །དཔལ་མཆོག་ལ་ཡོན་ཏན་རྒྱ་ཆེར་བཀོད་པ་ལ། རྣམ་པར་རོལ་པ་ལེའུ་སུམ་ཅུ་སོ་གཉིས། །རྒྱུད་ཕྱི་མ་ལ་ཚིག་གསུམ་ལ་འཇུག་པ་ལ་ལེའུ་བཅོ་བརྒྱད་པའོ། །དཔལ་ཕྲེང་དཀར་པོ་ལ་རྒྱུད་ཕྱི་མ་ཐབས་ཅད་ཀྱི་འཕྲིན་ལས་རྒྱ་ཆེར་རོལ་པའི་རྒྱུད་རྟོགས་པ་བཅུ་གནིས་པ། རྒྱུད་ཕྱི་མ་ཟབ་མོའི་དོན་གཏན་ལ་ཕབས་པ་ལེའའུ་བཅུ་གསུམ་པ། ཁ་མཐུན་པའི་རྒྱུད་འཇམ་དཔལ་གསང་བའི་རྒྱུད། གསང་བ་དྲུག་ཅུ་པ་ལ་ལེའུ་སོ་གཉིས་པ། ཉེར་གཉིས་པ་ལ་སོ་བདུན་པའོ། །ཧེ་རུ་ཀ་པ་རོལ་པའི་རྒྱུད་ལ་རྩ་རྒྱུད་ལེའུ་ཞེ་གསུམ་པ། ཕྱི་མ་བཅོ་བརྒྱད་པའོ། །དབང་ཆེན་རྩ་རྒྱུད་ལ་ལེའུ་བདུན་ཅུ་རྩ་གཉིས། རྒྱུད་ཕྱི་མ་རིམཔར་ཕྱེ་བ་བཅུ་བདུན་པའོ། །སྙིང་རྗེ་རོལ་པ་ལ་ལེའུ་སུམ་ཅུ། བདུད་རྩི་རོལ་པ་ལ་རིམ་པར་ཕྱེ་བ་བརྒྱད་པ། དུམ་བུ་གསུམ་པ། བཀོལ་བའི་རྒྱུད་བམ་པོ་བཅོ་བརྒྱད་པ། ཆ་མཐུན་པ་རྡོ་རྗེ་བདུད་རྩི་སྨན་གྱི་རྒྱུད་ལེའུ་བཅུ་གཅིག་པའོ། །བྱི་ཏོ་ཏ་མ་ལ་ཕུར་པ་བྱང་ཆུབ་སེམས་འབྱུང་བའི་རྒྱུད། དཀྱིལ་འཁོར་ཆེན་པོ་ལྔའི་རིམ་པ། རྣམ་པར་རོལ་པ་རྩ་བའི་རྒྱུད་དཀྱིལ། རྒྱུད་ཕྱི་མ་ཀཱི་ལ་ཡ་བཅུ་གཉིས་ཀྱི་རྒྱུད། བཤད་རྒྱུད་མ་མོ་རུལ་དུར་ཁྲོད་རྒྱན་གྱི་རྒྱུད། ཆ་མཐུན་པས་ན་མྱ་ངན་ལས་འདས་པའི་རྒྱུད་ལ་སོགས་པའོ། །རི་བོ་བརྩེགས་པ་ལ་ལེའུ་ཉེར་གཉིས། དམ་ཚིག་བཀོད་པ་ལེའུ་བཅུ་གསུམ་པ། གླང་པོ་རབ་འབོག་ལ་ལེའུ་ཉེར་བརྒྱད། རྩ་བ་གཅིག་བསྡུས་པ་ལ་ལེའུ་བཅོ་ལྔ་སྟེ། དེ་བཞི་རྒྱུད་ཀྱང་བཞུགས་པའོ། །གླང་པོ་རབ་འབོག་ལ་རྩ་བའི་རྒྱུད་ལེའུ་དྲུག་ཅུ་རྩ་གཉིས། ཕྱི་མ་ལ་ལེའུ་བཅུ་གསུམ་ཆ་མཐུན་གློག་གི་གུ་ལེའུ་བཅོ་བརྒྱད། ཐབས་ཀྱི་ཞགས་པ་ལ་རྩ་རྒྱུད་ལེའུ་བཞི་བཅུ་རྩ་གཉིས་པ་དང་། ཕྱི་མ་ལས་རྒྱ་མཚོ་ལ་འཇུག་པ་ལེའུ་གཅིག་གོ །རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལ་སྒྱུ་འཕྲུལ་སྡེ་བརྒྱད། བཤད་རྒྱུད་སྡེ་བཞི། དེ་དག་གི་མན་ངག་དང་བཅས་པ་བསྒྱུར་རོ། །དུས་བུ་འདི་མ་དཔེ་གཞན་ལས་ཁ་བསབས་པ་ཡིན། སྒྲིག་པ་པོས། སྒྱུ་འཕྲུལ་སྡེ་བརྒྱད་ལ། སེམས་དང་ཡེ་ཤེས་རང་སྣང་དུ་སྟོན་པའི་རྩ་བ་གསང་བའི་སྙིང་པོ། རྒྱས་པར་འགྲེལ་པ་བརྒྱད་ཅུ་པ། རོལ་པ་མངོན་གྱུར་ལྷ་མོ་སྒྱུ་འཕྲུལ། དབང་གཙོ་བོར་སྟོན་པ་སྒྱུ་འཕྲུལ་བླ་མ། དཀྱིལ་འཁོར་གཙོ་བོར་སྟོན་པ་སྒྱུ་འཕྲུལ་བརྒྱད་པ། ཡོན་ཏན་མཐར་ཕྱིན་པར་སྟོན་པ་འཇམ་དཔལ་སྒྱུ་འཕྲུལ་དྲྭ་བ། འཕྲིན་ལས་གཙོ་བོར་སྟོན་པ་སྒྱུ་འཕྲུལ་བཞི་བཅུ་པ། དམ་ཚིག་མཆོག་ཏུ་གསལ་བར་སྟོན་པ་སྒྱུ་འཕྲུལ་ལེ་ལག་དང་བརྒྱད་དོ། །བཤད་རྒྱུད་སྡེ་བཞི་ལ་ཐབས་ལམ་རིམ་དང་ཅིག་བར་དུ་སྟོན་པ་ཡེ་ཤེས་སྙིང་པོ་དང་། རྡོ་རྗེ་མེ་ལོང་གཉིས། གྲོལ་ལམ་རིམ་དང་ཅིག་ཅར་དུ་སྟོན་པ་སྒྱུ་འཕྲུལ་ཐལ་བ་དང་། རྒྱ་མཚོ་གཉིས་ཏེ་བཞིའོ། །གསང་བ་སྙིང་པོའི་འགྲེལ་པའི་མན་ངག་ནི། སྒེག་པ་རྡོ་རྗེས་མཛད་པའི་འགྲེལ་པ་སྤར་ཁབ། སངས་རྒྱས་གསང་བས་བཛད་པའི་འགྲེལ་ཆེན། ཛི་ན་མི་ཏྲས་མཛད་པའི་རྒྱ་མ་མདུད་འགྲེལ། སློབ་དཔོན་པདྨས་མཛད་པའི་འགྲེལ་པ་རྣམ་བཤད་ཉིན་བྱེད་སེདྒེའི་འགྲེལ་པ། བཱི་མ་ལས་མཛད་པའི་རྒྱས་པ་མངོན་རྟོགས་བསྡུས་པ་པིན་ཏར་ཐ། བཱི་མ་ལའི་སྒྱུ་འཕྲུལ་བླ་མའི་འགྲེལ་པ་མུན་སེལ་སྒྲོན་མེ། ལེ་ལག་གི་འགྲེལ་པ་སྤྱན་འགྲེལ། བརྒྱད་ཅུ་པའི་འགྲེལ་པ་མངོན་རྟོགས། དེ་དག་གི་མན་གང་ནི། སློབ་དཔོན་བཞད་པ་རྡོ་རྗེས་མཛད་པའི་ལ་ཤན། རུ་འཇམ་དཔལ་ཤེས་གཉེན་གྱི་ལྷ་བ་རྣམ་བཀོད། རུ་ཀླུ་གྲུབ་ཀྱི་གཡུ་ཐང་། རུ་ཤྲཱི་སིང་ཧའི་ཐུགས་ཀྱི་སྒོ་ལྕགས། རུ་དེ་བ་གསང་མཛད་ཀྱི་ཐེག་པ་ཆེན་པོ་ཤེས་རབ་ཀྱི་རིམ་པ། རུ་དྷརྨ་བོ་དྷིའི་ཤེས་རབ་ཀྱི་སྒྲོན་མེ། རུ་པདྨའི་ལྟ་ཕྲེང་། རུ་བོ་དྷིའི་བསྟན་པའི་སྙིང་པོ། རུ་བཀའ་བརྩེགས་ཀྱི་ལྟ་བའི་རིམ་པ་ རྒྱུད་ཕྱི་མ་འཇུག་པ་ཁོག་དབུབ་པའི་མན་ངག་ལ། རུ་སྒེག་རྡོར་གྱི་ཐུགས་ཐིག་སྒྱུ་འཕྲུལ་སྤྱི་སྤྱོད། རུ་བཱི་མ་ལའི་ཁོག་གཞུང་གསལ་བའི་སྒྲོན་མ། འོད་ཀྱི་སྣང་བ། རྒྱུད་དོན་ཡོངས་སུ་ཤེས་བྱེད། གནས་སྐབས་ཀྱི་འགྲེལ་པ་བཅུ་ལ། ལྟ་བ་སྟོན་པ་རུ་བཱི་མལའི་འགྲེལ་པ་སྒྲོན་མ་དྲུག་ལ། མཚན་ཉིད་སྒྲོན་མས་རང་སྤྱི་གཏན་ལ་དབབ། ཐུགས་ཀྱི་སྒྲོན་མས་ཐེག་པའི་བདར་ཤ་བཅད། ཡང་དག་སྒྲོན་མས་ངེས་དོན་ལྟ་བ་བཙལ། ཤེས་རབ་སྤྱན་འབྱེད་འཕྲུལ་གྱི་མེ་ལོང་དགུ་སྐོར། ལྷུན་གྲུབ་གཏན་ཚིགས་ཀྱི་སྒྲོན་མ། གཉིས་པ་སྤྱོད་པ་ལ། དབང་ཚིག་ཕྲིན་སྒྲུབ་རྣམས་ཀྱི་ཞོར་ལ་སྟོན་པ་ལས་གཞུང་ཧྲིལ་ཐུམས་སུ་སྟོན་པ་མེ། གསུམ་པ་དཀྱིལ་འཁོར་ལ་རུ་སངས་རྒྱས་གསང་བའི་རྡོ་རྗེ་ལས་རིམ་གྱི་བསྟོད་གཉིས། འོད་རིམ་ཆོ་ག་མདོར་བསྡུས། ཆོས་དོན་བསྡུས་པ། རུ་བཱི་མ་ལའི་ཐིག་གི་པིན་ཏར་ཐ་ལས་སོགས་པའོ། །བཞི་པ་དབང་ལ། རུ་བྷུ་དྷ་ཀུ་ཏའི་དབང་གི་ངེས་འབྱེད། རྡོ་རྗེ་ལས་རིམ་གཉིས་ཀྱི་སྨད། གལ་པོ་ཆེ་རྩ་འགྲེལ། ངེས་འབྱེད་ཆེ་ཆུང་། རུ་སྒེག་རྡོར་གྱི་ཐུགས་ཐིག་རུ་བཱི་མ་ལའི་འཇམ་ཐིག་གསང་ཐིག་ཐུགས་ཐིག་ཅིག་བར་འཇུག་པ། དབང་རྒྱུད་པའི་རྩ་འགྲེལ། རྣ་རྒྱུད་ཟམ་པ། ལྷན་སྐྱེས་རྩ་འགྲེལ། སྙིང་གི་རྩ་འགྲེལ། སྙིང་གི་སྒྲོན་མ། རང་ལུས་ཐབས་ལྡན། གཞན་ལུས་ཤེས་རབ། བདེ་བ་ཆེན་པོའི་མན་ངག་རྣམས་ནི་ཨིནྡྲ་བྷཱུ་ཏིས་མཛད་དོ། །ཡེ་ཤེས་ཞབས་ཀྱི་རིན་ཆེན་འཁོར་ལོ། །རིན་ཆེན་སྣང་བ། རིན་ཆེན་ཕྲེང་བའོ། །ལྔ་པ་དམ་ཚིག་ལ་བསྲུང་བྱའི་དམིགས་གཙོ་བོར་སྟོན་པ། སྒེག་པ་རྡོ་རྗེའི་དམ་ཚིག་ གསལ་བཀྲ། རྣམ་གྲངས་གཙོ་བོར་སྟོན་པ་ཕྲ་རྒྱས། བཤགས་ཐབས་གཙོ་བོར་སྟོན་པ་རྒྱུན་བཤགས་དང་། རུ་པདྨའི་ན་རག་དོང་སྤྲུགས་ཀྱི་སྒྲུབ་ཐབས་རྒྱས་འབྲིང་། ཚོགས་དམ་ཚིག་ཉིས་ཤུ་རྩ་བརྒྱད་པ། ཉིན་བྱེད་སེདྒེའི་རྣམ་གྲངས་བཤད་ཐབས་ཉིས་ཤུ་རྩ་བརྒྱད་རྩ་འགྲེལ་དང་བཅས་པ། དམ་ཚིག་རིནཔོ་ཆེའི་གཏེར། རུ་བཱི་མ་ལའི་སྲུང་ཐབས་གཙོ་བོར་སྟོན་པ་མཆོད་རྟེན་རིགས། མིག་མང་རིགས། ཤེལ་གོང་རིགས། ཤེལ་གྱི་སྐས་ཆེན། ལྟ་བའི་ཁྲུས་ལུང་རྒྱལ་མཚན་ནོ། །ཀུན་དགའ་སྙིང་པོའི་ཉེས་དམིགས་གཙོ་བོར་སྟོན་པ། གཅན་འཕྲང་ཆེན་པོ་དང་། སྤྱོད་པའི་ཁྲུས་ལུང་། དྲུག་པ་འཕྲིན་ལས་ལ་གསུམ་སྟེ། སྒྲོལ་བའི་འཕྲིན་ལས་ལ། རུ་བཱི་མ་ལའི་གནས་ལུང་ཚིགས་བཅད་དགུ་བཅུ་པ། ལུང་ཕྲན་གསུམ་མདོ་བྱང་། གཟེར་མགོ་གཉིས། ལས་འཕྲེང་། དུར་ཁྲོད་བདེ་བའི་དངོས་གྲུབ་ཀྱི་དཔེ་ཆུང་རང་གནས་ཡེ་ཤེས་མཚོན་ཆེན། དྲག་པོ་འདུལ་བྱེད་ལ་སོགས་པའོ། །མེའི་སྒྲོ་ནས་བྱ་བ་ལ། སངས་རྒྱས་གསང་བའ་སྦྱིན་སྲེག་རྩ་བ། བཱི་མ་ལའི་སྦྱིན་སྲེག་སྤྱི་དོན་བཅུ་གཅིག་རོ་སྤྲེག་སྤྱི་དོན་དགུ་མ། བཅུ་བཞི་མ། བཅུ་གཉིས་མ། བཅོ་ལྔ་མ་ལ་སོགས་པའོ། །མཆོད་རྟེན་གདན་ས་ལ། སྐུ་གདུང་ལས་འཕྲེང་། སྐུ་གདུང་འབར་བའི་ལས་དབྱེ། རབ་གནས་རྩ་བའོ། །བདུན་པ་སྒྲུབ་པ་མན་ངག་ལ་གཉིས་ཏེ་ཐུན་མོང་དང་། མཆོག་གོ །དང་པོ་ནི། ཚེ་སྲ། རྐང་མགྱོགས། མིག་རྣོ་ལ་སོགས་ཏེ། ཐུན་མོང་གི་སྒྲུབ་པ་བཞི་བཅུ་ཞེ་གཅིག་ལ་སོགས་པའོ། །མཆོག་ལ་གཉིས་ཏེ་བསྐྱེད་རིམ་དང་རྗོགས་རིམ་ མོ། །དང་པོ་ལ་གཉིས་ཏེ། ཞི་བ་དང་ཁྲོ་བོའོ། །དང་པོ་ཞི་བ་ལ། རུ་སངས་རྒྱས་གསང་བའི་ཞི་བ་རྒྱས་པ་འོད་རིམ་དྲྭ་ཆུང་། བཱི་མ་ལའི་དྲྭ་ཆེན། རྒྱུད་དོན་གསལ་བྱེད། མེ་ལོང་ལྟ་བུའི་སྒྲུབ་ཐབས་འོད་ཀྱི་ཕྱག་རྒྱའོ། །ཁྱོ་བོ་ལ། རུ་སངས་རྒྱས་གསང་བའི་སྣང་བ་དམ་པའི་རྒྱན་ཡག་དག་སྒྲོན་མ། རུ་བཱི་མ་ལའི་ཤེས་རབ་སྒྲོན་མ། ཚོགས་ཀྱི་འཁོར་ལོ། །ཁྲོ་བོ་ལས་འཕྲེང་། ཞི་ཁྲོ་ཐུན་མོང་བ་ལ། རུ་པདྨའི་ཡང་དག་སྒྲོན་མའི་རྩ་བའི་འགྲེལ་པ། འཇིག་རྟེན་ལས་འདས་པའི་མདོ། །ཧེ་རུ་ཀའི་གལ་པོ་དང་མཐུན་པར་བསྡེབས་པ། རུ་བཱི་མ་ལའི་རྟོགས་པ་ལྷ་རྒྱུད། ཆོ་ག་བསྡུས་པའི་སྒྲོན་མ། ཞི་ཁྲོ་ལས་ཀྱི་གལ་འཕྲེང་། དེ་ཉིས་ཉིས་ཤུ་རྩ་དགུ་པའོ། །གཉིས་པ་རྗོགས་རིམ་ལ། ཨིནྡྲ་བྷཱུ་ཏིའི་རིམ་གཉིས། བཱི་མ་ལའི་རིམ་གསུམ། ལམ་ཆུང་། རུ་སྒོག་སྡོར་གྱི་རིམ་དྲུག །ཨིནྡྲ་བྷཱུ་ཏིའི་རྣམ་བཀོད། རུ་སངས་རྒྱས་གསང་བའ་ལམ་རིམ་ཆེན་མོ་ལ་སོགས་པའོ། །བརྒྱད་པ་ཏིང་ངེ་འཛིན་ལ། རུ་བཱི་ལའི་ཕྱག་རྒྱ་བསམ་གཏན། སྤྱོད་ཡུལ་བཞི་པ། མཁའ་ལྡིང་། སྐུ་མངོན་གསུམ། ཕྱག་རྒྱ་བཞི་པའི་བསམ་གཏན། ཁྲོ་བོ་ཕྱག་རྒྱ་གཅིག་པ་ཆེ་ཆུང་གཉིས། ཧེ་རུ་ཀ་དང་། སྐུ་གསུང་ཐུགས་ཀྱི་སྒྲུབ་ཐབས། རྩེ་གཅིག་བསྡུས་པའི་བསམ་གཏན་ཡི་དམ་ལྷའི་ཏིང་འཛིན་ཆེ་ཆུང་། གཉིས་པ་མི་རྟོག་པ་ལ། རུ་བཱི་མ་ལའི་སྤྱོད་ཡུལ་ཞི་བ། སྤྱོད་ཡུལ་སྦྱོང་བ། རྣམ་པར་མི་རྟོག་པའི་སྒོམ་ལུང་ཆེ་ཆུང་། ཏིང་ངེ་འཛིན་སྒྲོན་མའི་བསམ་གཏན། སེམས་དོན་བསྡུས་པ། ཡན་ལག་བཞི་པའི་བསམ་གཏན། རུ་སངས་རྒྱས་སངས་བའི་སེམས་དོན་རབ་ཏུ་འབྱེད་པ། རུ་པདྨའི་འཕྲུལ་གྱི་མེ་ལོང་། དགུ་པ་མཆོད་པ་ལ། རུ་པདྨའི་ ཟ་ཚོགས་བུདྡྷ་ཀུ་ག་ག་ས་ཏའི་རྣལ་འབྱོར་གཏོར་མའི་རིམ་པ། དུར་ཁྲོ་བདེ་བའི་ཟ་ཚོགས། ཧེ་ཆེན། ཧེ་ཆུང་། གཡོས་ཡིག་ཆེ་ཆུང་། བཱི་མ་ལའི་ཐབས་ཕྱོགས་དཔག་གིས་མི་ལངས་པ། ཐབས་མཆོག་དབྱིག་སྒྲོལ་མ་ལ་སོགས་པའོ། །བཅུ་པ་སྔགས་ནི་ལྷག་པ་ཏིང་ངེ་འཛིན་དང་། དཀྱིལ་འཁོར་དང་། སྒྲུབ་པའི་ཞོར་ལ་སྟོན་ཅིང་ཚིག་འགལ་དུ་སྟོན་པ་མེད། གཙོ་ཆུང་། འོན་ཀྱང་ཡི་གེ་བརྒྱ་པའི་སྒྲུབ་ཐབས། སྔགས་ཀྱི་བཟླས་ཐབས་བཅུ་པ་ལ་སོགས་པའོ། །རྒྱུད་དོན་ཡོངས་སུ་ཤེས་བྱེད་ཀྱི་དངོས་པ་བཅུ་ལ། སྒྱུ་འཕྲུལ་ཕྲག་བརྒྱ་ཉེས་ཤུ་རྩ་བདུན་པ་བཞུགས་སོ། །དེ་དག་རྣམས་ཕལ་ཆེར་ནི་རྨ་རིན་ཆེན་མཆོག་གིས་ཞུས་ཤིང་བསྒྱུར་ཏེ་གཏན་ལ་ཕབ་པའོ། །ལུང་ཨ་ནུ་ཡོ་ག་ལ། རྩ་བའི་མདོ་བདུན་དང་ཕྱི་མ་བདུན་ནོ། །རྩ་བ་བདུན་ནི། ཀུན་རིག་རྒྱལ་པོ། ཀུན་འདུས་རིག་པ། སེམས་ལུང་ཆེན་མོ། །རྔམ་པ་གློག་པ་ཡེ་ཤེས་ཙཀྲ། དུར་ཁྲོད་རོལ་པ་ཁུ་བྱུག་བདུད་རྩི་འབྱུང་བའི་རྒྱུད་ཀྱི་མདོ། །ཕྱག་རྒྱ་རོལ་པའི་མདོའོ། །ཕྱི་མ་བདུན་ནི། དབང་བསྐུར་རྒྱལ་པོའི་མདོ། །རིག་འཛིན་དྲུག་གི་མདོ། །རིག་འཛིན་མཆོག་གི་མདོ། །གསང་སྒོ་འགྲེལ་པ། རྡོ་རྗེ་འཁོར་ལོ། །སྒྲོལ་མ་བརྩེགས་པའི་མདོ། །དགོངས་པ་འདུས་པའི་མདོ་དང་བདུན་ནོ། །ཡང་མདོ་བཞི་ཐེམས་དང་ལྔ་ལས་མེད་ཀྱང་ཟེར་ཏེ། ཀུན་འདུས་རིག་པའི་མདོ། །སེམས་ལུང་ཆེན་མོ། །རྔམ་པ་གློག་དུར་ཁྲོད་རོལ་པ་ཁུ་བྱུག་དགོངས་པ་འདུས་པ་དང་ལྔའོ། །དེ་རྣམས་ནི་བྲུ་ཤའི་ལོ་ཙཱ་བ་ཆེ་བཙན་སྐྱེས་མཆོག་གིས་བསྒྱུར་རོ། ། གཞན་ཡང་འཇམ་དཔལ་དང་། པདྨ་དང་། ཡང་དག་དང་། བདུད་རྩི་དང་། ཕུར་པ་དང་། མ་མོ་ལ་སོགས་ཏེ། སྒྲུབ་པ་སྡེ་དྲུག་རྒྱུད་སྒྲུབ་ཐབས་ཕྱག་བཞེས་དང་བཅས་པ། སློབ་དཔོན་པདྨའི་འགྱུར་བྱང་གི་སྐབས་དང་མཐུན་པ་གཉགས་ཛྙཱན་ཀུ་མཱ་རས་བསྒྱུར་རོ། །མན་ངག་རྫོགས་པ་ཆེན་པོའི་སྐོར་ལ། ཕྱི་སེམས་སྡེའི་སྐོར་དང་། ནང་ཀློང་སྡེའི་སྐོར་དང་། བམ་པོའི་སྐོར་དང་། མདོ་ལུང་། རྫོགས་ཆེན་མ་བུའི་སྐོར་དང་། མན་ངག་རྫོགས་འཕྲེང་གི་སྐོར་དང་། མན་ངག་སྙན་རྒྱུད་ཀྱི་སྐོར་དང་། མན་ངག་བསམ་གཏན་གྱི་སྐོར་ལ་སོགས་པའོ། །སློབ་དཔོན་བཻ་རོ་ཙ་ནའི་འགྱུར་བྱང་གི་སྐབས་སུ་རྒྱས་པར་བཤད་པ་བཞིན་དུ། རྫོགས་ཆེན་ཕྱིས་འགྱུར་དུ་གྲགས་པ་རྣམས་ཀྱང་གཉགས་ཛྙཱན་ཀུ་མཱ་རས་བསྒྱུར་བ་ཡིན་ནོ། །རབ་བཞིན་རྫོགས་པ་ཆེན་པོ་སྡེ་གསུམ་ལས། དེ་དག་ལས་ཁྱད་པར་དུ་བསྡུས་པའི་ཐིག་ལེ་རང་གནད་ལ་དབབ་པ་འདི་ལ་རྣམ་གྲངས་དང་གཅིག་བསྒྱུར་ལུགས་དང་གཉིས་ལས། རྣམ་གྲངས་ལ་གཉིས་ཏེ། སྙན་རྒྱུད་དང་བཤད་རྒྱུད་གཉིས་སོ། །བཤད་རྒྱུད་ལ། ཐིག་ལེ་རང་གནད་ལ་དབབ་པ་འདི་ལ། ཕྱི་སྐོར་དང་གཅིག་ནང་སྐོར་དང་གཉིས། གསང་སྐོར་དང་གསུམ། གསང་སྐོར་བླ་ན་མེད་པའི་སྐོར་དང་བཞི། རྒྱ་གར་གྱི་ཡུལ་ན་རྣམ་གྲངས་བཞི་བཞུགས་སོ། །ཕྱི་སྐོར་ནང་སྐོར་གསང་སྐོར་གྱི་བསྒྱུར་ལུགས་ནི། ཕྱི་ཤིང་སྒྲོམ་སྐྱ་མོའི་སྐོར་དང་གཅིག་ནང་བསེ་སྒྲོམ་སྨུག་པོའི་སྐོར་དང་གཉིས། གསང་བ་དངུལ་གྱི་གའུ་སྤར་ཁབ་ཅན་གྱི་སྐོར་དང་གསུམ་བོད་དུ་བསྒྱུར་རོ། ། ཕྱི་ཤིང་སྒྲོམ་སྐྱ་མོའི་སྐོར་ལ། ཐུགས་རྗེ་ཆོས་ཀྱི་འཁོར་ལོ་ཕྱི་ལྟར་དུ་སྐོར་བ། ཟུག་པ་རྩ་བའི་ཚུལ་དུ་འདུག་པ་ལ། སྐུའི་རྒྱུད་པདྨ་འཁྱིལ་བ། གསུང་གི་རྒྱུད་རྡོ་རྗེ་རྩེ་མོ་འདུས་པ། ཐུགས་ཀྱི་རྒྱུད་རིན་པོ་ཆེ་སྤུངས་པ། ཡོན་ཏན་གྱི་རྒྱུད་བསོད་ནམས་རི་བོ་བརྩེགས་པ། འཕྲིན་ལས་ཀྱི་རྒྱུད་མཁའ་གསལ་ལ་ཉི་མ་དང་ལྔ་སྟེ། རྩ་བའི་རྒྱུད་སྡེ་ཆེན་པོ་ལྔ་བོད་ཡུལ་དུ་སྤྲུགས། རྨ་བྱ་མཇིང་བསྣོལ། ཡེ་ཤེས་བླ་མ། ལྷ་མོ་འོད་ཟེར་ཅན་གྱི་རྒྱུད་དང་བཞི་སྟེ། མན་ངག་གི་རྒྱུད་སྡེ་ཆེན་པོ་བཞི་བོད་ཡུལ་དུ་བསྒྱུར་རོ། །རྒྱས་པ་ལོ་འདབ་ཀྱི་ཚུལ་དུ་འདུག་པ་ལ། ཞལ་ཐིམས་གསུམ་པ། མཚན་ནིད་བཞི་ལྡན། ཐིགས་ཐེག་པ་གསུམ་པ། བདུད་རྩི་ཡག་ཞུན་གྱི་བཅུད་དང་བཞི་སྟེ། ལུང་གི་བཀའ་ཆེན་མོ་བཞི་བོད་ཡུལ་དུ་བསྒྱུར་རོ། །གསལ་བ་མེ་ཏོག་གི་ཚུལ་དུ་འདུག་པ་ལ། པོ་ཏི་སྨུག་པོ་ཆེ་ཆུང་གཉསི་བོད་དུ་བསྒྱུར་རོ། །སྨིན་པ་འབྲས་བུའི་ཚུལ་དུ་འདུག་པ་ལ། སེམས་ཕྱོགས་ཆེན་མོ་མཛོད་ཀྱི་རྒྱུད་བསྒྱུར་རོ། །དེ་རྣམས་ནི་ཕྱི་ཤིང་སྒྲོམ་སྐྱ་མོའི་སྐོར་གྱི་བསྒྱུར་ལུགས་སོ། །ནང་བསེ་སྒོམ་སྨུག་པོའི་སྐོར་ལ། རྟོག་པ་ཡེ་ཤེས་ཀྱི་འཁོར་ལོ་ནང་ལྟར་དུ་བསྐོར་བ་ལ། ཀུན་ཏུ་བཟང་པོའི་སྒོམ་ཉམས་དྲུག་པ། ཡེ་ཤེས་ལག་སྤྲད། མཆོངས་པ་ལྔ་ལྡན། ཐིག་ལེ་གསང་བ་བརྡའི་རྒྱུད། ཚོགས་ཀྱི་སྐོར་བྱང་ཆེ་ཆུང་གཉིས། འཕྲུལ་གྱི་ལྡེ་མིག་གསུམ་སྐོར། ནམ་མཁའ་གཉིས་པ། རྒྱུད་སེམས་བསྲེ་བའི་མན་ངག་རྣམས་ལྟོ་སྦྱོར་གྱི་དགོངས་པ། སྐུ་གསུམ་བྱ་ལོག་གི་རྒྱུད། བྱ་ལོག་གསལ་བ་སྒྲོན་མའི་རྒྱུད། ལྷུན་གྲུབ་ཡོངས་རྫོགས་ཀྱི་རྒྱུད། ཇི་འཞིན་གནས་པ་བཀོད་པའི་རྒྱུད། དྲི་མེད་རྣམ་དག་འོད་གསལ་བའི་རྒྱུད་ལ་སོགས་པ་སྟེ་རྒྱུད་སྡེ་ཆེན་པོ་བཅུ་གསུམ་བོད་ཡུལ་དུ་བསྒྱུར་རོ། །དེ་རྣམས་ནི་བསེ་སྒྲོམ་སྨུག་པོའི་བརྒྱུར་ལུགས་སོ། །གསང་བ་བཻཌཱུརྱ་རིན་པོ་ཆེ་བསེའི་གའུ་དངུལ་གྱི་སྤར་ཁབ་ཅན་གྱི་སྐོར་ལ། ཕྱག་ན་རྡོ་རྗེ་མེ་ལྕེ་འཕྲེང་བའི་རྒྱུད། མཁའ་འགྲོ་མ་གཙུག་ན་མེ་འབར་གྱི་རྒྱུད། འཇམ་དཔལ་ཡེ་ཤེས་རྒྱན་གྱི་རྒྱུད། འཇམ་དཔལ་དགོངས་པ་འདུས་པའི་རྒྱུད། ཡོངས་སུ་གྲགས་པ་སྤུ་གྲི་སྡེ་དྲུག་བཤད་པའི་རྒྱུད། བསྐལ་པ་དུ་མའི་རྒྱུད། རིན་པོ་ཆེ་ཨ་ཏིའི་གཟེར་མིག་ཆེ་ཆུང་གཉིས་ཏེ་རྒྱ་ནས་བོད་ཡུལ་དུ་བསྒྱུར་རོ། །དེ་ཚོ་ནི་གསང་བ་བཻཌཱུརྱ་རིན་ཆེ་པོ་བསེའི་གའུ་དངུལ་གྱི་སྤར་ཁབ་ཅན་གྱི་བསྒྱུར་ལུགས་སོ། །དེ་རྣམས་ནི་བཱི་མ་ལ་མི་ཏྲ་དང་གཉགས་ཛྙནས་སྒྲ་བསྒྱུར་གླིང་དུ་བསྒྱུར་རོ། །གཞན་ཡང་སྤྱི་རྒྱུད་ཐིག་ལེ་ཀུན་གསལ་དང་། ཟབ་མོ་རྒྱུད་ལྔ་ལ་སོགས་པ། སྙན་རྒྱུད་ཡི་གེ་ཅན་དཔེ་དང་བཅས་པ་དང་། སྙན་རྒྱུད་ཡི་གེ་མེད་པའི་ངོ་སྤྲོད་དམར་ཁྲིད་ཀྱི་གདམས་ངག་རྣམས་དང་། བསམ་ཡས་མཆིམས་བུའི་བྲག་དམར་དགེ་གོང་དུ་ཉང་མཆོག་ཏིང་འཛིན་བཟང་པོ་ལ་བཤད་ཅིང་ཛྙནས་བསྒྱུར་བ་ལགས་སོ། །དེ་ལས་ཡང་ཁྱད་པར་དུ་བསྒྱུར་པ། རྫོགས་པ་ཆེན་པོ་ཡང་གསང་བླ་ན་མེད་པ། མངོན་སུམ་སྙིང་ཐིག་གི་སྐོར་ལ། རྒྱུད་བཅུ་བདུན། ཁྲོས་མ་ནག་མོའི་རྒྱུད་དང་བཅོ་བརྒྱད་དོ། །ཟབ་པའི་པོ་ཏི་བཞི། མཐུན་མོང་གི་པོ་ཏི་བཞི། མན་ངག་གི་ཡི་གེ་མི་འདྲ་བ་བརྒྱ་དང་བཅུ་དགུ་ བཞུགས་པ་ལས། རྒྱུད་བཅུ་བདུན་གྱི་ཐོག་མར། རིག་པ་རང་ཤར་གྱི་རྒྱུད་ལ་ལེའུ་བརྒྱད་བཅུ་རྩ་དྲུག་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལ་ལེའུ་བརྒྱད། སེདྒེ་རྩལ་རྫོགས་ཀྱི་རྒྱུད་ལ་ལེའུ་བཅུ་གསུམ། གསང་བ་ཡི་གེ་མེད་པའི་རྒྱུད་ལ་ལེའུ་དྲུག་བཀྲ་ཤིས་མཛེས་ལྡན་གྱི་རྒྱུད་ལ་ལེའུ་བདུན། སྒྲ་ཐལ་འགྱུར་གྱི་རྒྱུད་ལ་ལེའུ་དྲུག་ཀུན་ཏུ་བཟང་པོ་སྙིང་གི་མེ་ལོང་གི་རྒྱུད་ལ་ལེའུ་བ་བདུན་སྒྲོན་མ་འབར་བའི་རྒྱུད་ལ་ལེའུ་སྙིག་གི་མེ་ལོང་རྒྱུད་ལ་ལེའུ་བདུན། སྒྲོན་མ་འབར་བའི་རྒྱུད་ལ་ལེའུ་སྙིང་གི་མེ་ལོང་གི་རྒྱུད་ལ་ལེའུ་བདུན། སྒྲོན་མ་འབར་བའི་རྒྱུད་ལ་ལེའུ་སྙིག་གི་མེ་ལོང་གི་རྒྱུད་ལ་ལེའུ་བདུན། སྒྲོན་མ་འབར་བའི་རྒྱུད་ལ་ལེའུ་བདུན། ནོར་བུ་འཕྲ་བཀོད་ཀྱི་རྒྱུད་ལ་ལེའུ་བཅུ་བཞི། ཉི་ཟླ་ཁ་སྦྱོར་གྱི་བདུན། ནོར་བུ་འཕྲ་བཀོད་ཀྱི་རྒྱུདལ་ལ་ལེའུ་བཅུ་བཞི། ཉི་ཟླ་ཁ་སྦྱོར་གྱི་བདུན། ནོར་བུ་འཕྲ་བཀོད་ཀྱི་རྒྱུད་ལ་ལེའུ་གསུམ། མུ་ཏིག་འཕྲེང་བའི་རྒྱུད་ལ་ལེའུ་བརྒྱད། རིག་པ་རང་གྲོལ་གྱི་རྒྱུད་ལ་ལེའུ་དགུ། རྫོགས་པ་རང་བྱུང་གི་རྒྱུད་ལ་ལེའུ་བརྒྱད། ཀུན་ཏུ་བཟང་པོ་ཀློང་དྲུག་པའི་རྒྱུད་ལ་ལེའུ་དྲུག་སྐུ་གདུང་འབར་བའི་རྒྱུད་ལ་ལེའུ་གསུམ། རིན་ཆེན་སྤུངས་པའི་རྒྱུད་ལ་ལེའུ་ལྔ། ཁྲོས་མ་ནག་མོའི་རྒྱུད་ལ་ལེའུ་བཅོ་བརྒྱད་དོ། །ཟབ་པའི་པོ་ཏི་བཞི་ལ། དུང་ཡིག་ཅན་དང་ཟངས་ཡི་ཅན་གཉིས། བསྟན་པ་བུ་གཅིག་པ་དར་གསུམ། འདས་རྗེས་དང་བཞིའོ། །མཐུན་མོང་གི་པོ་ཏི་བཞི་ལ། གཡུ་ཡིག་ཅན། དུམ་དུམ་ཁྲིགས། འཕྲ་ཏིག་ཅན། མཁའ་འགྲོ་གསང་མཛོད་དང་བཞིའོ། །མན་ངག་གི་ཡི་གེ་བརྒྱ་དང་བཅུ་དགུ་ནི། གསང་བའི་མན་ངག་དུམ་དུ་ཁྲིམས་ལ་དུམ་བུ་བདུན་ཅུ་བཞི། མ་བུ་ངེས་པ་གསུམ་གྱི་རྣམ་འབྱོར་དོན་རབ་ཏུ་འགྲུབ། འཕྲུལ་གཞི་གསང་བའི་མེ་ལོང་ཉིད་ལ་དུམ་མེད་མ་བུ་གཉིས། འབྱུང་བཞི་གནད་ཡིག་ཉིད་ལ་དུམ་མེ་མ་བུ་བཞི་དང་། རིན་ཆེན་གསེར་ཏིག་ཉིད་ལ་དུམ་མེད་མ་བུ་མེད། སྣང་བྱེད་སྒྲོན་ ཉིད་ལ་དུམ་བརྒྱད་མ་བུ་གཉིས། འོད་གསལ་ལྡེ་མིག་ཉིད་ལ་དུམ་ལྔ་མ་བུ་མེད། ཤེས་བྱ་གསུམ་སྐོར་ཉིད་ལ་དུམ་གསུམ་མ་བུ་ལྔ། གསལ་བའི་སྡོམ་བྱང་ཉིད་ལ་དུམ་མེད་མ་བུ་ལྔ། སྒྲ་རྟགས་འཁོར་ལོ་ཉིད་ལ་དུམ་བརྒྱད་མ་བུ་མེད། བབས་ལུགས་གསུམ་སྐོར་དུམ་བུ་གསུམ་སྟེ་མ་བུ་བདུན། འཕྲུལ་པའི་ལྡི་མིག་ཉིད་ལ་དུམ་བུ་གསུམ་སྟེ་མ་བུ་མེད། ཡེ་ཤེས་ལག་འཕྲད་ཉིད་ལ་དུམ་མེད་མ་བུ་གཉིས། གསང་ཐིག་ཆེན་མོ་ལ་ནི་དུམ་བུ་བཅུ་སྟེ་མ་བུ་མེད། བསེ་བྱང་བསྐོལ་མ་ཉིད་ལ་དུམ་བུ་ལྔ་དང་མ་བུ་གསུམ། ལམ་ཁྲིགས་ཆེན་མོ་ལ་ནི་དུམ་བུ་བཅུ་སྟེ་མ་བུ་མེད། བཀའ་འགྲེལ་ཆེན་མོ་ལ་ནི་དུམ་བུ་བཅུ་བདུན་མ་བུ་མེད། བསམ་གཏན་རང་སྣང་ཉིད་ལ་དུམ་བུ་ལྔ་མ་བུ་གཉིས། གསལ་བའི་མེ་ལོང་ཉིད་ལ་དུམ་དྲུག་མ་བུ་མེད། གསང་བའི་ཞིང་གོམ་ཉིད་ལ་དུམ་མེད་མ་བུ་བརྒྱད། སྣང་བ་བསྡུས་པ་ཉིད་ལ་དུམ་བཞི་མ་བུ་གཉིས། གནས་པའི་འབྱུང་ཁུངས་ཉིད་ལ་དུམ་གསུམ་མ་བུ་མེད། ཁྲེགས་ཆོད་བདུན་པ་ཉིད་ལ་དུམ་བདུན་མ་བུ་དགུ །ཐོད་རྒལ་དགུ་ནིད་ལ་ནི་དུམ་དགུ་མ་བུ་ལྔ། ལུང་བསྟན་ཆེན་མོ་ཉིད་ལ་དུམ་དང་མ་བུ་མེད། ཀློང་ཆེན་དྲུག་པ་ཉིད་ལ་དུམ་དྲུག་མ་བུ་གཉིས། སྤྱོད་ལམ་བསྡུས་པ་ཉིད་ལ་དུམ་གསུམ་མ་བུ་གཉིས། ལྟ་བའི་གསེར་སྐོར་ཉིད་ལ་དུམ་དགུ་མ་བུ་མེད། པདྨ་ཀློང་ཡངས་དུམ་ལྔ་མ་བུ་གསུམ། ལྷ་ཡི་ཕྱག་སོར་མ་ལ་དུམ་ལྔ་མ་བུ་གསུམ། གསེར་གྱི་ཨུཏྤལ་ལ་ནི་དུམ་མེད་མ་བུ་མེད། དྲན་པ་རྒྱུན་གཅོད་དུམ་གསུམ་མ་བུ་མེད། རིག་པ་ལམ་སློང་དུ་བཅོ་ལྔ་མ་བུ་མེད། ཕྲ་ལ་རྒྱུན་དྲིལ་དུམ་མེད་མ་བུ་མེད། གསལ་མི་སྒྲོན་མ་ཉིད་ལ་དུམ་མེད་མ་བུ་མེད། སེདྒེ་རྩལ་སྤྲུགས་དུམ་ལྔ་མ་བུ་གསུམ། ཨ་ཏི་གནམ་དགོས་དུམ་ལྔ་མ་བུ་དྲུག་དགོངས་དོན་བཞི་པ་ཉིད་ལ་དུམ་མེད་མ་བུ་མེད། རྡོ་རྗེ་ལམ་བསྟན་ཉིད་ལ་དུམ་མེད་མ་བུ་ལྔ། རིན་ཆེན་འོད་འབར་དུམ་མེད་མ་བུ་མེད། ལྷག་པའི་འཁོར་ལོ་དུམ་བཞི་མ་བུ་གསུམ། ཁྱུང་ཆེན་མཁའ་ལྡིང་དུམ་གཉིས་མ་བུ་གསུམ། ལྟ་བའི་མིག་སེལ་དུམ་དགུ་མ་བུ་མེད། བླ་མའི་རིམ་པ་དུམ་བུ་བཅུ་བདུན་མ་བུ་མེད། དྲངས་པའི་ཚིག་རྒྱུན་བརྡ་འགྲོལ་འཁྲུལ་གཞི་རྩད་གཅོད་བསྡུས་དོན་བཅས། སེམས་ཀྱི་དམིགས་དྲུག་དུམ་བུ་དྲུག་ལ་བཤད་ཊཱིཀ་འགྲེལ། སྒོམ་པའི་འཁོར་ལོ་དུམ་བུ་ལྔ་ལ་མ་བུ་གསུམ། དབང་གི་འཁོར་ལོ་དུམ་བུ་གཅིག་ལ་མ་བུ་གཉིས། དབང་གི་ལས་བྱང་དུ་བཅུ་བདུན་མ་བུ་མེད། སྤྲོས་མེད་དབང་གི་མན་ངག་དུམ་མེད་མ་བུ་མེད། དབང་གི་རྩ་བ་དུམ་མེད་འགྲེལ་རྩ་གཉིས། དབང་གི་རིག་འབྱེད་དུམ་བཞི་མ་བུ་མེད། དབང་གི་ཕྲ་ཏིག་དུམ་དྲུག་མ་བུ་མེད། འཁོར་ལོ་དྲུག་པའི་དབང་གི་དུམ་དྲུག་མ་བུ་གསུམ། དམ་ཚིགས་རབ་འབྱེད་དུམ་གསུམ་མ་བུ་མེད། དབང་བཀའ་ངེས་དོན་ཆེན་མོ་དུམ་བུ་བཅུ་གཅིག་མ་བུ་ལྔ། དབང་འབྱོར་སྤྲ་ཁྲིད་དུམ་དགུ་མ་བུ་མེད། རིག་པའི་མེ་ཏོག་དུམ་མེད་མ་བུ་གསུམ། གསེང་ལུང་ཆེན་པོ་དུམ་དྲུག་མ་བུ་གཉིས། མན་ངག་རྩ་གསུམ་དུམ་མེད་མ་བུ་གསུམ། ལུང་ཊཱིཀ་བཅོ་བརྒྱད་དུམ་བུ་བཅོ་རྒྱད་མ་བུ་མེད། རིག་པ་དྲུག་པ་དུམ་དྲུག་མ་བུ་གསུམ། སེམས་ལུང་སྒོམ་ཁྲིགས་དུམ་བུ་གཉིས་མ་བུ་མེད། ཕྲ་བཀོད་བཅུ་པ་དུམ་བཅུ་མ་བུ་མེད། ལུང་ཡིག་འདུས་པ་དུམ་གཉིས་མ་བུ་མེད། བདུད་ རྩི་ཡང་ཞུན་དུམ་མེད་མ་བུ་གསུམ། ལུང་གསུམ་འདུས་པ་དམ་གསུམ་མ་བུ་གཉིས། གཡུ་ཡིག་ཅན་ལ་དུམ་བུ་བཅོད་བརྒྱད་མ་བུ་གཉིས། ཕྲ་ཡི་གཅན་ལདུམ་བུབཅུ་དགུ་མ་བུ་མེད། གསེར་ཡིག་ཅན་ལ་དུམ་བུ་ཉིས་ཤུ་མ་བུ་གཉིས། སྙིང་གསེར་ཅན་ལ་དུམ་བུ་ཉིས་ཤུ་རྩ་གཅིག་མ་བུ་མེད། དེ་ཉིད་ཆུང་བ་དུམ་བུ་བདུན་ཡོད་མ་བུ་མེད། བསམ་གཏན་ཉལ་བའི་འཁོར་ལོ་ཉིད་ལ་དུམ་བཞི་མ་བུ་མེད། འཕྲུལ་ཡིག་ཆེན་མོ་དུམ་བུ་ཉིས་ཤུ་རྩ་གཅིག་མ་བུ་མེད། ཆུང་བ་ཉིད་དུམ་བུ་བཞི་ལ་མ་བུ་གཉིས། མཁའ་འགྲོའི་མཛོད་ལ་དུམ་བུ་དྲུག་ལ་མ་བུ་གཉིས། འཕོ་བ་ཆེན་མོ་དུམ་མེད་མ་བུ་མེད། གསང་བའི་གཟེར་བུ་དུམ་མེད་མ་བུ་མེད། རྩ་གནས་འཁོར་ལོ་དུམ་བཞི་མ་བུ་གཉིས། བསམ་གཏན་འབས་ལུགས་དུམ་མེད་མ་བུ་མེད། རིག་པའི་ས་འབྱེད་དུམ་ལྔ་མ་དྲུག་སྣང་བ་རྒྱས་འདེབས་ལ་དུམ་མེད་མ་བུ་མེད། ཡེ་ཤེས་སྦུབས་འཇུག་དུམ་གསུམ་མ་བུ་གཉིས། ལོ་རྒྱུས་ཆེན་མོ་དུམ་གསུམ་མ་བུ་མེད། གསང་བའི་ཞལ་མ་བུ་བརྒྱད། གཏན་རྩིས་གོ་ཆ་དུམ་བུ་གསུམ་ཡོད་མ་བུ་མེད། འགྱུར་མེད་ཐིག་ལེ་ཉིད་ལ་དུམ་དྲུག་མ་བུ་མེད། དངོས་པོའི་ཕ་བརྒྱུད་ཉིད་ལ་དུམ་གསུམ་མ་བུ་ལྔ། འབྲས་བུ་དངོས་ལ་དུམ་མེད་མ་བུ་མེད། ནམ་མཁའ་ལམ་ཁྱེར་ཉིད་ལ་དུམ་དང་མ་བུ་མེད། ཐི་བྱ་ཚང་འཇུག་ཉིད་ལ་དུམ་མེད་མ་བུ་ལྔ། གསང་བ་རིན་ཆེན་ལ་ནི་དུམ་མེད་མ་བུ་ལྔ། ཀ་དག་ཆེན་པོའི་དབང་ཡིག་ལ་ནི་དུམ་མེད་མ་བུ་མེད། ལྷུན་གྲུབ་ཡེ་ཤེས་དུམ་དྲུག་མ་བུ་མེད། ཤེས་རབ་འཁོར་ལོ་ལ་ ནི་དུམ་བརྒྱད་མ་བུ་མེད། སྨྲ་བའི་མཚོན་ཆེན་ལ་ནི་དུམ་བཅུ་མ་བུ་མེད། འབྱུང་བ་གནས་འབྱེད་ཉིད་ལ་དུམ་བཞི་མ་བུ་བརྒྱད། ཡེ་ཤེས་ལྔ་སྐོར་ཉིད་ལ་དུམ་ལྔ་མ་བུ་གཉིས། འོད་ཀྱི་ཚུལ་བཤད་ལ་ནི་དུམ་བཅུ་མ་བུ་མེད། སྒྲོན་མེའི་ཁུངས་གཅོད་ཉིད་ལ་དུམ་གཉིས་མ་བུ་གཉིས། ཕྱག་རྒྱ་འདུས་པ་ལ་ནི་དུམ་བཞི་མ་བུ་མེད། བཀོད་པ་ལྔ་ལ་ནི་དུམ་ལྔ་མ་བུ་མེད། རྒྱ་མཚོ་ཨར་གཏོད་ལ་ནི་དུམ་གཉིས་མ་བུ་མེད། རླུང་གི་མདོ་བྱང་ཉིད་ལ་དུམ་དྲུག་མ་བུ་གཉིས། ངོ་སྤྲོད་གསུམ་པ་ལ་ནི་དུམ་གསུམ་མ་བུ་མེད། བཅའ་ལུགས་བཅུ་གཅིག་ལ་ནི་དུམ་བཅུ་གཅིག་མ་བུ་མེད། རྩ་ཐིག་ཆེན་མོ་ལ་ནི་དུམ་གསུམ་མ་བུ་གཉིས། ཆུང་བ་དུམ་བུ་གསུམ་མ་བུ་གཉིས། རླུང་གི་ལྡེ་མིག་དུམ་མེད་མ་བུ་མེད། རིག་པའི་གནས་པ་ནིད་ལ་དུམ་བཞི་མ་བུ་མེད། མིག་གི་བསམ་གཏན་ཉིད་ལ་དུམ་མེད་མ་བུ་དྲུག་ཅེས་པའི་རྩ་བ་དང་། ཡན་ལག་གི་རྒྱུད་སྡེ་དེ་རྣམས་ནི། ལོ་ཙཱ་བ་སྐ་བ་དཔལ་བརྩེགས་ཀྱིས། བསམ་ཡས་མཆིམས་ཕུའི་བྲག་དམར་དགེ་གོང་དུ་བསྒྱུར་རོ། །གཞན་ཡང་ལོ་ཙྭ་བ་དང་། པཎྜི་ཏ་མཁས་པར་གྲགས་པ་མང་པོ། དམ་པའི་ཆོས་བཀའ་དང་བསྟན་བཅོས། རྒྱུད་དང་མན་ངག་ལུང་དང་རིགས་པར་དཔྱད་པ་བསམ་གྱིས་མི་ཁྱབ་པ་བསྒྱུར་རོ། །བོད་དུ་གྲུབ་་བརྙེས་པ་དཔག་ཏུ་མེད་པ་བྱུང་བ་སོ་སོའི་མཚན་ནུས། ཡང་དེའི་དུས་འཚོ་བ་བླ་ནས་སྦྱོར། དགེ་བ་ཉམས་བག་དུ་སྤྱོད་དེ། དགེ་འདུན་གྱི་སྡེ་བཙུགས། ཉན་བཤད་དང་སྒོམ་སྒྲུབ་ཀྱི་གྲྭ་བཟུང། སངས་རྒྱས་ཀྱི་བསྟན་ཕ་རྒྱས་པར་མཛད་དེ། ཚང་མང་ཀེ་རུའི་གླིང་དུ་གཡོས་མལ་བཅས་ཏེ་རབ་ཏུ་བྱུང་བ་གསུམ་བརྒྱ་ལ། ཟས་སྣ་བཅུ་གསུམ་ཙམ་རེ་འདྲེན། དེའི་ལག་ལེན་ཇོ་མོ་བྱང་ཆུབ་རྗེས་མཛད། གདན་ནོན་པ་དང་ཡུམ་རྒྱས་པ་བམ་པོ་རེ་ལ་ཤོག་དྲིལ་དུ་བྱས་ནས། འབུམ་ཚར་རེ་འདོན་ནོ། །དུས་དེར་བློན་པོ་འགོས་ཁྲི་བཟང་གི་ཞལ་ནས། དམ་པའི་ལྷ་ཆོས་རྒྱས་པར་མཛད་ན། སྐྱེ་བོ་མི་ཆོས་ཀྱི་ལོ་རྒྱུས་མཛད་པར་ཅིས་གནང་མཆི་ན། རྗེའི་གདུང་རབས་དང་། འབངས་ཀྱི་དཔྱད་ལ་སོགས་པ་ཡང་མཛད་དོ། །དེའི་ཚེ་སློབ་དཔོན་བོ་དྷི་སཏཱའི་ཞལ་ནས། བོད་དུ་མུ་སྟེགས་ནི་མི་འབྱུང་གི་སངས་རྒྱས་ཀྱི་བསྟན་པ་ཉིད་ལ་གཉིས་སུ་གྱེས་ཏེ་རྩོད་པར་འགྱུར་བ་སྟེ། རྩོད་པ་ཆོས་ཕྱོགས་སུ་ཞི་བར་འགྱུར་རོ། །ཞེས་ལུག་བསྟན་ཏེ། དབུ་ལ་རྟས་འཕྲ་བ་རྒྱལ་ཏེ་ཞི་བར་གཤེགས་སོ། །ཞལ་མཆེམས་རྣམས་ཡེ་ཤེས་དབང་པོ་ལ་བཞག་དེའི་སྤུར་ཧས་པོ་རིའི་རྒྱབ་ཏུ་བཞུགས་ནས་མཆོད་རྟེན་ཞིག་ཀྱང་བཞེངས་སོ། །དུས་དེ་ཙ་ན་སློབ་དཔོན་པདྨ་དང་། བཱིམ་ལ་མི་ཏྲ་ལ་སོགས་ཏེ། རྒྱ་གར་གྱི་མཁས་གྲུབ་མང་པོ་བྱོན་ཞིང་ཞབས་ལ་གཏུགས་པ་དང་། དམ་པའི་ཆོས་ཚུལ་བཞིན་སྤྱད་པས་དེའི་བྱིན་རླབས་ཀྱིས། ཆམ་འོག་གི་འབངས་ཕོ་མོ་ཡོན་ཏན་ཅན་གྲུབ་པ་བརྙེས་པ་མང་དུ་བྱུང་སྟེ། དེའང་འབྲོ་རྒྱལ་བའི་བློ་གྲོས་ཀྱིས་རྫུ་འཕྲུལ་གྱིས་སྟག་གཟིག་གི་རྒྱལ་ཁམས་དབང་དུ་བསྡུས། སྣ་ནམ་རྡོ་རྗེ་བདུད་འཇོམས་ཀྱིས་ནམ་མཁའ་ལ་འཕུར་ནས་གླིང་གཞན་དུ་འགྲོ་ནུས། ངན་ལམ་རྒྱལ་བ་མཆོག་དབྱངས་ཀྱིས་རྟ་མགྲིན་གཞན་དུ་འགྲོ་ནུས། ངན་ལམ་རྒྱལ་བ་མཆོག་དབྱངས་ཀྱིས་རྟ་མགྲིན་གྱི་སྐུ་དངོས་སུ་སྟོན་ནུས། ཨུ་ན་ཨ་ནམ་གྱིས་རང་ལུས་སྤྲུལ་པ་བསམ་གྱིས་མི་ཁྱབ་པ་ འབྱིན་ནུས། སྣུབས་ནམ་མཁའི་སྙིང་པོ་སངས་རྒྱས་ཀྱི་ཞལ་མངོན་གསུམ་དུ་གཟིགས་ནས་དྲི་བ་ཞུ་ནུས། རླངས་དཔལ་གྱི་སེདྒེས་སྲིད་པ་གསུམ་གྱི་འདྲི་སྲེན་མག་པོ་མངོན་སུམ་དུ་སྲེག་ནུས། རླངས་གཙུག་ན་རིན་ཆེན་གྱིས་བག་བཞི་སོ་སོར་ཕྱེ་ནས་སླར་སྦྱོར་བར་ནུས། རླངས་ཁམས་པ་གོ་ཆས་འབུམ་སྡེ་བཞི་ཞལ་བཏོན་དུ་མཛད་ནུས། རྨ་རིན་ཆེན་མཆོག་གིས་བྲག་ཆེན་པོ་སྲིན་ལག་གིས་བཏེགས་ནས་དེའི་འོག་ཏུ་འཛུལ་ནུས། གཉཊ་ཛྙཱན་ཀུ་མཱ་རས་བྱ་ནམ་མཁའ་ལ་འཕུར་བ་ལ་སྔགས་བཏབ་པས་ས་ལ་ལྷུང་ནུས། པ་གོར་བཻ་རོ་ཙ་ནས་རྐང་མགྱོགས་ཀྱི་དངོས་གྲུབ་ཀྱིས་རྒྱ་གར་ཡུལ་ཞལ་གསུམ་ལ་བསྐོར་ནུས། གཉན་ཨཱ་ཙརྱ་དཔལ་དབྱངས་ཀྱིས་ཕྲ་མིན་མ་དང་། དབང་ཕྱུག་མའི་མཐོང་ནུས་པ་ལ་སོགས་གྲུབ་པ་བརྙེས་པ་དཔག་ཏུ་མེད་པ་བྱུང་ངོ་། །བུད་མེད་ལ་ཡང་མང་པོ་བྱུང་སྟེ། འབྲོ་བཟའ་ཏི་སམ་གྱིས་ནམ་མཁའ་ལ་འཕུར་ནུས། མ་གོ་བཟའ་རིན་ཆེན་མཚོས་ཉི་མའི་སྲབ་མདའ་ལ་ཆོས་གོས་འགེལ་ནུས། འོ་བྱེ་བཟའ་དཀར་རྒྱལ་འཕཊ་མས་ཡི་དམ་ལྷའི་ཞལ་བསྟན་ནུས། ལྕོག་རོ་བཟའ་བྱང་ཆུབ་འཕགས་ཀྱིས་ལུས་ལ་མེ་འབར་བ་ལ་ཆུའི་དཀྱིལ་འཁོར་འགོད་ནུས། མཁར་ཆེན་བཟའ་མཚོ་རྒྱལ་གྱིས་ལུས་དང་ཡན་ལག་ལ་སངས་རྒྱས་ཀྱི་དལ་འགོད་ནུས། ཛི་བཟའ་ལྷ་དཀར་མ་ཕྲ་མོའི་སིང་དྡྷིས་ནམ་མཁའ་ལ་འཕུར་ནུས། ས་བཞི་ལ་འཛུལ་ནུས། ཤུགས་བཟའ་ཤེས་རབ་འཕགས་མས་སངས་རྒྱས་ཀྱི་བཀའ་རབ་འབྱམས་ཀྱི་ཚིཊ་སུ་བཅད་པ་ཞལ་བཏོན་དུ་མཛད་ནས། འབར་བཟའ་ལྷ་མོ་དབྱངས་ཀྱིས་སེམས་ཀྱི་ཏིང་ངེ་འཛིན་ལས་སུ་རུང་ནས། སེམས་ཅན་གྱི་དོན་སྣ་ཚོགས་བྱེད་ནུས། ཤེལ་དཀར་ བཟའ་རྡོ་རྗེ་མཚོས་རྟིང་པ་ལ་གྲུ་བྱས། འཁར་བ་ལ་རྐྱ་བ་བྱས་ནས་གཙང་པོ་ལ་འགྲོ་ནུས་པ་ལ་སོགས་པའི་གྲུབ་པ་བརྙེས་པ་དཔག་ཏུ་མེད་པ་བྱུང་ངོ་། །ཆབ་སྲིད་མུ་ནེ་བཙན་པོར་གཏད་ཚུལ་སོགས་དང་། སློབ་དཔོན་པདྨ་རྔ་ཡབ་གླིང་དུ་གཤེགས་ཚུལ། དེར་རྒྱལ་པོ་ཡང་ཐུགས་ཤིན་ཏུ་དགྱེས་ཏེ། དགོངས་པ་ཐམས་ཅད་ནི་གྲུབ། མཛད་པ་ནི་དེ་ཙམ་མོ་སྙམ་ནས། རྒྱལ་པོའི་ཞལ་ནས། སློབ་དཔོན་པདྨ་དང་བོ་དྷོི་སཏྭའི་གསུང་དང་སྦྱར་ནས། ཁོ་བོའི་ཚེ་ཡུན་རིང་པོ་མི་ཐུབ་ཅེས་གསུངས་ནས། རྗེ་ཐུགས་ལས་ཆུང་དུ་ལ་གཞོན་བར་བཞེད་ནས། སློབ་དཔོན་བཱི་མ་ལ་མི་ཏྲ་མན་ངག་གི་ཆོས་རྣམས་ཞུས་ཏེ་སྒོམ་མཛད་པར་དགོངས་ནས། སྲས་མུ་ནེ་བཙན་པོ། མུ་ཏིག་བཙན་པོ། གཅུང་ཁྲི་ལྡེ་སྲོང་བཙན་པོ་དང་གསུམ་མངའ་བ་ལས། སྲས་མུ་ནེ་བཙན་པོ་ལ་ཆབ་སྲིད་འབོགས་པར་བཞེད་ནས། བློན་པོ་ཞང་རྒྱ་ཚ་ལྷ་སྣང་གི་བུ་འུ་ཡི་བཙན་པོ་དང་། རྒྱལ་བློན་གསུམ་དབུ་རྩེའི་བར་ཁང་གི་རྔ་ཁང་དུ་འཚོགས་པ། ཡུམ་མེ་ཏོག་སྒྲོན་གྱི་མཐོང་སྟེ། ཐུགས་གཏུམ་པས་དོགས་འཚལ་ནས། ཆབ་སྲིད་སྣ་ནམ་པ་ལ་སྟེར་སྙམ་ནས་མུ་ཏིག་བཙན་པོ་་ལ་སྨྲས་པ། ལྷ་སྲས་ཁྱེའུ་རིང་སྒོ་བར་དུ་བཙིར་ནས་ཆུ་གྲིས་བཀུམ། ཡབ་ན་རེ། བུ་ཁྱེའུ་རིང་གར་སོང་ཟེར་བ་དང་། ཁྱེའུ་རིང་དེ་རིང་རྒྱང་རིང་པོར་སོང་ཟེར་ནས། གྲི་ཁྲག་ཅན་བོར་ནས་བར་ཁང་དུ་བྲོས་སོ། །དེར་རྗེའི་ཐུགས་དམ་འགྱངས་ནས། གཡར་མཆུ་བྱུང་བར་དོགས་ཏེ། བློན་པོ་མཛངས་པ་ཀུན་གྲོས་བྱས་ཏེ། བློན་པོ་ འགོས་ཁྲི་བཟང་གིས་ཞལ་ལྕེ་དགའ་བ་གསུམ་དུ་བཅད། ཡུམ་དགའ་བ་རྒྱལ་སྲིད་མུ་ནེ་བཙན་པོ་ལ་གཏད་དོ། །སྣ་ནམ་པ་དགའ་བར་ལྷ་སྲས་མུ་ཏིག་མཐར་སྤྱུགས། ལྷ་སྲས་དགའ་བར་ཀོ་ལོང་མ་གསོལ་ཟེར་ནས། ཆབ་སྲིད་མུ་ནེ་བཙན་པོ་ལ་མངའ་བར་བགྱིས། ཐུན་ཚགས་དཀར་དམར་དུ་མཛད་ནས་གཏད། ཡབ་ཟུར་མཁར་དུ་སྒོམ་དུ་གཤེགས་སོ། །དེ་ལྟ་བུའི་རྒྱལ་པོ་དེས། སངས་རྒྱས་ཀྱི་བསྟན་པ་རིན་པ་ཆེ་དར་ཞིང་རྒྱས་པར་མཛད་པ་དང་། འགྲོ་བ་ཀུན་བདེ་ལེགས་སུ་བྱུང་བའི་གནས། དཀོན་མཆོག་གསུམ་གྱི་རྟེན་བཙུགས་པ་ནི། དེ་ཡང་སངས་རྒྱས་མི་འགྱུར་རྟེན་དུ་གཙུག་ལག་ཁང་བརྒྱ་རྩ་བརྒྱད་བཞེངས་སུ་གསོལ། ཆོས་མི་འགྱུར་གྱི་རྟེན་དུ་བཀའ་དང་བསྟན་བཅོས་ཀུན་ཀྱང་པོ་ཏི་གླེགས་བམ་དུ་བཀོད་ཅིང་། ལོ་པཎ་སྐྱེས་མཆོག་ཁྱད་པར་ཅན་མཁས་པ་རྣམས་ཀྱིས་ཆོས་དཔག་ཏུ་མེད་པ་བསྒྱུར་ཏེ། ཆོས་གྲྭ་ཆེན་པོ་བཙུགས་ནས། ཉན་བཤད་ཀྱི་བསྟན་པ་རྒྱས་པར་མཛད་དེ། དགེ་འདུན་མི་འགྱུར་གྱི་རྟེན་དུ་འབངས་རིགས་རུས་དང་ཡོན་ཏན་གྱིས་བརྒྱན་ཅིང་། ཤེས་རབ་དང་དད་པ་ལྡནཔ་མང་པོ་རབ་ཏུ་འབྱུང་སྟེ་དགེ་འདུན་གྱི་སྡེ་བཙུགས་ཤིང་། སྐྱེ་རྒུ་ཐམས་ཅད་སེམས་ཆོས་ལ་འགྱུར་ཏེ་དམ་པའི་ཆོས་ཉི་མ་ཤར་བ་བཞིན་དུ་རྒྱས་ཤིང་། བོད་ཁམས་ཐམས་ཅད་བདེ་བ་ལ་བརྟལ་བས། དེའི་མངའ་ཐང་ཆེན་མོའི་བྱིན་ནི་རི་རབ་ལྟར་བརྗིད་ཆེ། དགྲ་ཟླའི་རྒྱལ་ཁམས་ཐམས་ཅད་ཟིལ་གྱིས་མནན་ཏེ་མོག་མོག་པོར་གྱུར། སྙན་པའི་བ་དན་གྱི་ཕྱོགས་མཚམས་ཐམས་ཅད་ལ་ཁྱབ། བདེ་སྐྱིད་ཕུན་ སུམ་ཚོགས་པ་སུམ་ཅུ་རྩ་གསུམ་གྱི་ལྷ་དང་མཉམ། མཐོ་རིས་དང་ཐར་པའི་ཐེམ་སྐས་ནི་བཙུགས། ཉིད་དང་གཞན་སྨིན་པའི་འཕྲིན་ལས་རྒྱ་ཆེན་པོ་མཛད་དེ་ཐམས་ཅད་བདེ་བ་ལ་བཀོད་དོ། །དགུང་ལོ་དྲུག་ཅུ་རྩ་གསུམ་ལ་དགུང་དུ་གཤེགས་སོ། །སློབ་དཔོན་པདྨ་འབྱུང་གནས་ཀྱིས་སྐལ་ལྡན་བོད་ཀྱི་རྒྱལ་ཁམས་འདིར། མི་ལོ་ལྔ་བཅུ་རྩ་གཅིག་བཞུགས་ནས་བོད་ཀྱི་ས་གཞི་དང་དང་རི་བྲག་ཐམས་ཅད་གནས་ཆེན་དང་སྒྲུབ་གནས་སུ་བྱིན་གྱིས་བརླབས། རྒྱལ་པོ་ཡང་འདས། རེ་ཞིག་བོད་ཀྱི་གདུལ་བྱ་རྫོག་ནས་ལྷོ་ནུབ་རྔ་གཡབ་གླིང་དུ་འབྱོན་པར་དགོངས་ཏེ། དེ་ན་སྲིན་ཡུལ་ལང་ཀ་པུ་རི་ཞེས་བྱ་བ་འཛམ་བུའི་གླིང་སོག་ཁ་ལ་ཡོད་པས། དེ་ཨོ་རྒྱན་ཡུལ་དང་ཉེ་བས་སྲིན་པོས་མི་བཤོར་འོངས་པ་གསོད་པ་དང་། སྲིན་པོ་གདུལ་ཞིང་སྲིན་པོའི་ཁ་གནོན་མཛད་པར་ཐུགས་ཀྱི་དགོངས་ནས་བསམ་ཡས་ནས་གཤེགས་པར་དགོངས་པ་ལ། ལྷ་སྲས་མུ་ནེ་བཙན་པོ་ལ་སོགས་པ་བོད་ཀྱི་རབ་བྱུང་དང་། དགེ་ཤེས་དང་། སྔགས་པ་དང་། བློན་པོ་དང་། གཙོ་བོ་དང་། བུད་མེད་ལ་སོགས་པ་རྣམས་ཀྱིས་བཞུགས་པར་ཞུ་བ་ཕུལ་བས། སློབ་དཔོན་གྱིས་བཞུགས་པར་མ་གནང་སྟེ། མང་ཡུལ་གྱི་རོང་གི་བར་ཐུག་ཐུག་ཆོས་དང་གདམས་པ་ཞལ་བཀོད་མང་དུ་གསུངས་ནས། ཉི་མའི་ཟེར་ལ་ཆིབས་ཏེ་ཞལ་ལྷོ་ནུབ་ཏུ་གཟིགས་ནས་ནམ་མཁའ་ལ་ཡུད་ཀྱིས་གཤེགས་སོ། །ད་ལྟ་ཡང་རྔ་གཡབ་གླིང་ཕྲན་ཐངས་མདོག་དཔལ་རིའི་རྩེ་པདྨ་འོད་ཀྱི་གཞལ་ཡས་སུ། སྐུ་ཚེ་འདས་གྲོངས་དང་ བགྲེས་རྒུད་མི་མངའ་བར། སྐྱེ་འཆི་མེད་པར་ཚེ་ལ་དབང་བའི་རིག་འཛིན་བརྙེས་ནས་བཞུགས་སོ། །ད་ལྟར་ཡང་གདུལ་བྱ་སྐལ་ལྡན་རྣམས་ཀྱིས་གསོལ་བ་འདེབས་པའི་གནས་སུ་ཐུགས་རྗེའི་དམ་ཚིག་གིས་དབང་གིས་བྱོན་པ་ཡིན་ནོ། །རྗེ་བཻ་རོ་ཙ་ན་དང་གཡུ་སྒྲ་སྙིང་པོས་ཆོས་གསུངས་པའི་སྐོར། དེའང་གོང་དུ་བཤད་པའི་སྐབས། སློབ་དཔོན་བཱི་མ་ལ་མི་ཏྲ་བོད་དུ་ཕེབས་ནས། དཔལ་གྱི་བསམ་ཡས་ན་ཆོས་གསུངས་པའི་དུས་སུ། རྗེ་བཻ་རོ་ཙཱ་ནས་ཚ་བ་རོང་དུ་དུ་གསན་ཏེ། གཡུ་སྒྲ་སྙིང་པོ་ལ། བདག་དང་རྒྱལ་པོ་ཁྲི་སྲོང་སྡེ་བཙན་གཉིས་ཀྱིས་བོད་དུ་སྤྱིར་བསྟན་པ་དར་བར་བྱ་བ་ཁྱད་པར་དུ་མན་ངག་གི་ཆོས་རྒྱས་པར་བྱ་བའི་ཕྱིར་སེམས་བསྐྱེད་ནས། བདག་གིས་དཀའ་བ་མང་པོ་སྤྱད་དེ། སྐད་རིགས་མི་མཐུན་པ་བྱོལ་སོང་ལྟ་བུ་བརྡ་མི་འཕྲོད་པའི་ལམ་བཤགས། རྒྱ་གར་མཁས་པ་རྣམས་ཀྱི་མན་ངག་གཏིང་ཕྱིན་པ་རྙེད། ངོ་སོ་བསྟོད་ནས་ཡོང་སྟེ་རྒྱལ་པོ་ཉིད་ཀྱི་ཐུགས་ཚིམས་པར་བྱས། རང་གི་ལས་ཀྱིས་འཕེལ་པའི་སྟོབས་དང་། རྒྱ་གར་གྱི་ཕྲ་མ་དང་བོད་ཀྱི་བློབ་པོ་གདུག་པ་ཅན་རྣམས་ཀྱིས་འདིར་སྤྱུགས་ཀྱང་། བདག་དང་རྒྱལ་པོ་གཉིས་ཀྱིས་བོད་དུ་མན་ངག་གི་ཆོས་དར་བར་བྱ་བར་དགོངས་པ་ཡིན་པས། ཁྱེད་ཚེགས་ཆེ་བར་མ་བལྟ་བར་བོད་དུ་རྒྱུགས་ལ། བོད་ན་ད་ལྟ་མཁས་པ་ཆེན་པོ་་བཱི་མ་ལ་མི་ཏྲ་བྱ་བ་ཡོད་འདུག་པས། དེ་དང་དགོངས་པ་བསྡུར་ལ་ངའི་ཆོས་འདི་རྣམས་ ཀྱི་ཆེ་བ་ཐོན་ལ། བོད་དུ་མན་ངག་གི་ཆོས་དར་བར་གྱིས། ཞེས་གསུངས་སོ། །དེར་རྒྱལ་མོ་གཡུ་སྒྲ་ཉིད་ཀྱིས་སྒྲ་འགྱུར་སམ་བརྒྱ་སོ་དྲུག་ཤེས་པས། མངོན་པར་ཤེས་པ་དུམ་དང་ལྡན་པ། རྫུ་འཕྲུལ་སྣ་ཚོགས་སྟོན་ནུས་པ་ཡིན་ཏེ། དེར་གཡུ་སྒྲས་རྗེའི་གསུང་ཉན་ནས། དཔལ་གྱི་བསམ་ཡས་སུ་བྱོན་པས། དེ་ནས་སློབ་དཔོན་བཱི་མ་ལ་མི་ཏྲ་ཉིད་ཁྱམས་ཀྱི་ནང་ན་པྲ་ཀ་ར་ཎ་སྡེ་བརྒྱད་འཆད་པའི་ཐུན་ལ་བབས་པ་ལ། གཡུ་སྒྲས་ནང་དུ་ཐད་ཀྱིས་བྱོན་ནས། བཱི་མ་ལ་ལ་གདོང་ཚུགས་སུ་ཅེར་གྱིས་གཟིཊ་ཏེ། ཀཾ་ཀ་པ་རི་ཀཾ་ཀ་པ་རི། ཞེས་གསུངས། ཡང་མངའ་བདག་རྒྱལ་པོ་ལ་སྤྱན་ཅེར་གྱིས་གཟིགས་ནས། ཨ་ཀ་པ་རི་མི་ཐ། ཞེས་སྒྲ་བརྗོད་པས། བཱི་མ་ལས་དབུ་དམའ་མཛད་ནས་དྷ་ཐིམ་དྷ་ཐིམ་གསུངས་སོ། །གཡུ་སྒྲ་ཕྱིར་ཐོན་ནས་སོང་ངོ་། །དེར་རྒྱལ་པོས་བཱི་མ་ལ་ལ་མཐའ་མི་དེ་འདྲ་ཞིག་བྱུང་ནས་དེ་འདྲའི་སྒྲ་ཚིག་བརྗོད་པ་དེ་ཇི་སྐད་ཟེར་བ་ལགས། སློབ་དཔོན་གྱིས་ཇི་སྐད་བགྱིས་པ་ལགས་ཞུས་པས། བཱི་མ་ལའི་ཞལ་ནས། ཁོས་ཟེར་བ་དེ་ནི། ཝ་སྤྲེ་དག་གིས་སྒྲ་བསྒྲགས་ཀྱང་། །སེདྒེའི་གདངས་སུ་ཅང་འགྱུར་རམ། །ཕོ་རོག་རྡོ་རྗེའི་བགྲོད་བསྐྱོད་ཀྱང་། །སྟོང་གསུམ་ས་གཞི་ཅང་འཁོར་རམ། །ཉན་ཐོས་བྱིས་པའི་ཆོས་བཤད་པས། །རྩོལ་མེད་འབྲས་བུ་ཅང་ཐོབ་བམ། །བྱ་བ་ལགས། །བདག་གིས་དེ་ནི་ཆོས་ཐམས་ཅད་མཉམ་པ་ཉིད་ལ་འདྲ་མོད་བྱས་པ་ལགས། ཨ་ཀ་པ་རི་མི་ཐའི་སྒྲ་ལས་དྲངས་པ་ནི། བོད་ཀྱི་མངའ་བདག་རྒྱལ་པོའི་སྤྱན་ལམ་ནས། །སྐྱེ་མེད་ལྷུན་རྫོགས་བྱང་ཆུབ་ཆེན་པོའི་སྐུ། །རྒྱ་གར་མཁས་པ་ཉིས་ཤུ་རྩ་གསུམ་གྱི། །མན་ངག་བདེ་ཆེན་བཙལ་དུ་མེད་པའི་ ཆོས། ཚེ་འདི་ཉིད་ལ་འབྲས་བུ་སངས་རྒྱ་བའི། །མན་ངག་སྙིང་པོ་ཚ་བའི་རོང་དུ་སྤྱུགས། །མ་རིག་རྨོངས་པའི་རྗེ་བློན་སྙིང་རེ་རྗེ། །ཞེས་བྱ་བ་ཡིན་ཏེ། འུ་ཅག་རྣམས་ལ་ཁྲེལ་ནས་འཕྱ་བའི་ཚིག་ཡིན་གསུངས་སོ། །དེར་གཡུ་སྒྲ་ལ་ཛྙན་ཤིན་ཏུ་མོས་ནས། ཆོས་གསུང་པར་ཞུས་པས་ཞལ་གྱིས་བཞེས་ཏེ་སློབ་དཔོན་གཉིས་ཀ་དཔལ་གྱི་བསམ་ཡས་ཀྱི་ཁྱམས་སུ་སྤྱན་དྲངས། ཆོས་ཀྱི་འགྲོ་བ་དང་དགོངས་པའི་ཉམས་བསྡུར་བས། ནམ་མཁའ་ལ་དཀར་པོའི་ཕྱོགས་ཀྱི་ཕྱོགས་སྐྱོང་དང་། ལྷ་རྣམས་ཀྱིས་མེ་ཏོག་འཐོར་བ་དང་། ས་གཡོ་བ་དང་། ནམ་མཁའ་ལ་འོད་ཟེར་གྱི་དྲྭ་ཕྱེད་བྱུང་ངོ་། །དེ་ལ་ཐམས་ཅད་མོས་ཤིང་དད་པར་གྱུར་ཏོ། །དེ་ནས་གཡུ་སྒྲས་ནམ་མཁའ་ཆེ་ལ་སོགས་པ་རྗེ་བཻ་རོས་སྔར་ཁྲི་སྲོང་ལ་གསུངས་པའི་ཆོས་རྣམས་གསུངས་པས་སྔ་འགྱུར་ཞེས་གྲགས་སོ། །བཱི་མ་ལས་རྩེ་མོ་བྱུང་རྒྱལ་ལ་སོགས་བཅུ་གསུམ་གསུངས་པའི་ཕྱི་འགྱུར་ཞེས་གྲགས། དེ་གཉིས་ཕ་མ་བུ་བསྡེབས་པ་བཞིན་པ་བཞིན་ཁྲིགས་སེ་བྱུང་བས་ཐམས་ཅད་ཡིད་ཆེས་སོ། །ཁྱད་པར་དུ་གཡུ་སྒྲ་ལ་ཛྙ་ནས་སྔ་འགྱུར་ལྔ་དང་། ཕྱི་འགྱུར་བཅུ་གསུམ་སེམས་སྡེ་བཅོ་བརྒྱད། རྒྱུད་དང་མན་ངག་དང་བཅས་པ། ཀུན་བྱེད་རྒྱལ་པོའི་རྒྱུད་སྔ་མ་དང་ཕྱི་མ་དང་མདོ་རྩ། མདོའི་ལུང་། མདོའི་འགྲེལ་པ་དང་བཅས་རྣམས་དང་། ཀློང་སྡེའི་སྐོར་ལ། ཀློང་སྡེ་བཞི། རྒྱུད་མན་ངག་དུ་བཅས་པ་རྣམས་ལོ་མང་དུ་གསན་ཅིང་བཞུགས་སོ། །ཛྙཱན་རང་གི་རིགས་དང་། སྒྲ་དང་། མཁྱེན་པའི་ཆོས་དང༌། དྲེགས་པས་བསྒྲིབས་ཏེ་རང་གྲོལ་མངོན་སུམ་དུ་སྟོན་པའི་མན་ངག་གི་ཆོས་རྣམས་ནི་མི་གསུངས་པར། གཡུ་སྒྲ་ཉིད་མར་རྗེའི་དྲུང་ དུ་གཤེགས་པ་ལས། ལམ་དུ་དཔང་སངས་རྒྱས་མགོན་པོ་དང་མཇལ་ནས། དེར་གཏད་པ་གསུམ་པའི་ལུགས། རྒྱུད་མན་ངག་ཏུ་བཤད་པ་ལུགས་ཚང་བ་ཞིག་བཤད་ནས་སྨིན་པར་བྱས་སོ། །དེ་ནས་མར་བྱོན་པས། རྒྱ་བློ་གྲོས་གཞོན་ནུ་དང་མཇལ་ནས་ལས་ཅན་དུ་གཟིགས་ཏེ། རྒྱུད་སྡེ་ཉིས་ཤུ་རྩ་ལྔ་དབང་གདམས་ངག་དང་བཅས་པ་ཡོངས་སུ་རྫོགས་པ་གཏད་དོ། །དེ་ནས་མདོ་ཁམས་སྨད་དུ་སྦ་སྒོམ་རྡོ་རྗེ་རྒྱལ་མཚན་དང་འཕྲད་དེ། སྤྱིར་ཨ་ཏིའི་རྒྱུད་མན་ངག་དང་བཅས་པ་མང་དུ་གནང་། ཁྱད་པར་རྒྱལ་ཐབས་སྤྱི་བླུགས་རྫོགས་པའི་དབང་བསྐུར་རོ། །དེར་སྦས་ཀྱིས་གསེར་ག་རུ་ལས་བྱས་པའི་རྡོ་རྗེ་རྩེ་དགུ་པ་གཅིག་གིས་སྣ་དྲངས་པའི་ནོར་སྣ་སྟོང་ཆ་གསུམ་དང་ལྔ་བརྒྱ་ཕུལ་ལོ། །དེ་ནས་གཡུ་སྒྲས་རྒྱལ་མོ་ཚ་བའི་རོང་དུ། རྗེ་བཻ་རོའི་དྲུང་དུ་ཕེབས་ཏེ། སྔར་གྱི་ལོ་རྒྱུས་ཡང་དག་བཅུ་གཅིག་གིས་རྗེ་བཻ་རོ་ལ་བསྟོད་པ་ལ་སོགས་པའི་ཞིབ་སྙན་དུ་གསོལ་བས། རྗེ་བཻ་རོ་ཤིན་ཏུ་དགྱེས་ཏེ། སླར་བོད་ཡུལ་དུ་གཤེགས་པར་ཐུགས་ཀྱིས་དགོངས་སོ། །དུས་དེ་ཙམ་ན་བོད་ཡུལ་དབུས་ན་རྗེ་བློན་འབངས་ལ་སོགས་པ་ཐམས་ཅད་རྗེ་བཻ་རོ་ཙ་ན་ཚ་བའི་རོང་ནས་སྤྱན་དྲངས་ལ་བཤགས་པ་བྱ་བ་དང་། ཆོས་གྲྭ་ཆེན་པོ་འཛུགས་པར་གྲོས་འཆམས་སོ། །བཱི་མ་ལའི་ཞལ་ནས་ཀྱང་། བཻ་རོ་ཙ་ན་སྤྱན་དྲོངས་ཤོག་པར་གསུངས་སོ། །སྤྱན་འདྲེན་པར། རྗེ་ཨུ་པ་དེ་ཤ། ཐང་བཟང་དཔལ་གྱི་རྡོ་རྗེ། གར་དཔལ་གྱི་སྙིང་པོ་དང་གསུམ་བཏང་བས། རྗེ་དང་མཇལ། འབྱོན་པར་ཞུ་བ་ཕུལ་བས། རྗེ་དགྱེས་ནས་ཞལ་ཀྱིས་བཞེས་ཏེ། སྤྱན་འདྲེན་པ་རྣམས་སྔོན་ལ་བཏང་། རྗེ་བཻ་རོ་ཙ་ན་དཔོན་གཡོག་གཉིས་ཀྱིས་བྱོན་ པར་ཆས་པ་ལ། ཚ་བ་རོང་པ་རྣམས་ཀྱིས་བཞུགས་པར་གསོལ་བ་བཏབ་ཀྱང་མ་གནང་སྟེ། ཕྱིས་ལན་གཅིག་བྱོན་པར་ཞལ་གྱིས་བཞེས་ནས། དཔོན་གཡོག་གཉིས་རྫུ་འཕྲུལ་གྱིས་གཤེགས་པས་སྐད་ཅིག་མ་ལ་མཆིམས་ཕུའི་ཡང་དབེན་དུ་ཕེབས་སོ། །དུས་དེ་ཙ་ན་རྒྱལ་པོ་ཁྲི་སྲོང་གི་ཤིད་ཀྱི་དུས་ཕེབས་པར་བྱས་པ་ཞིག་ཀྱང་འདུག་མུ་ནེ་བཙན་པོའི་ཤིད་ལ་ཕེབས་པ་ཡིན་ཡང་ཟེར་རོ། །དུས་དེ་ཙ་ན་སློབ་དཔོན་བཱི་མ་ལ་དང་། རྗེ་བཻ་ཙ་ན་གཉིས་ཞེས་ས་ལ་ཧབ་ཐོབ་ཏུ་བྱས། བོད་ཀྱི་ཛྙཱན་ལ་སོགས་མཁས་བཙུན་རྣམས་དང་། དགེ་འདུན་སྡེ་གཉིས་དང་། རྒྱལ་བློན་རྣམས་ཀྱིས་ཕྱག་གྱང་འགྱེལ་བ་བཞིན་བྱས་སྟེ། ཐམས་ཅད་ཀྱིས་རང་རང་གི་རྒྱན་དང་གསེར་དང་། གཡུ་དང་རྟ་དང་གོས་ལ་སོགས་པ་ཧབ་ཐོབ་ཏུ་ཕུལ་ཏེ། རྗེ་བཻ་རོའི་དྲུང་དུ་རི་སྤུངས་པ་ཙམ་བྱུང་སྟེ། རྒྱལ་པོའི་ཤིད་ཀྱང་རྒྱས་པར་བྱས་སོ། །དེ་ནས་ཆོས་གྲྭ་ཆེན་མོ་བཙུགས་ཏེ། ཆོས་ཀྱི་འཁོར་ལོ་རྒྱ་ཆེན་པོ་བསྐོར། །རྗེ་བཻ་རོས་ཆོས་གསུངས་པའི་དུས་སུ་ནམ་མཁའ་ལ་འོད་ཟེར་གྱི་འཇའ་ཆོན་དྲྭ་ཕྱེད་དང་འོད་ཟེར་སྣ་ཚོགས་འཕྲོ་བ་དང་། ནམ་མཁའ་ལ་ལྷའི་ཚོགས་མང་པོ་བྱོན་ནས། ལྷ་ཡི་མེ་ཏོག་སྣ་ཚོགས་འཐོར་བ་དང་། ས་ཆེན་པོ་གཡོ་བ་ལ་སོགས་པོ་ངོ་མཚར་ཅན་གྱི་ཆོ་འཕྲུལ་དུ་མ་བྱུང་ངོ་། །དེ་ནས་ཆོས་འཁོར་ཚར་ཏེ། རྗེ་བཻ་རོ་དང་། གཡུ་སྒྲ་དང་། འཁོར་ཐུན་མོང་མ་ཡིན་པ་འགའ་མཆིམས་ཕུའི་དབེན་གནས་སུ་ལོ་གཅིག་བཞུགས། དེ་ནས་རྒྱལ་མོ་ཚ་བའི་རོང་དུ་ལན་གཅིག་གཤེགས་ཏེ། ཚ་བ་རོང་གི་རྒྱལ་བློན་རྣམས་དང་མཇལ་ནས། ཆོས་ཀྱི་འགྲོ་བ་ མཛད། སྣོད་དང་ལྡན་པ་རྣམས་ལ་མན་ངག་གསུངས་ཤིང་བཞུགས་སོ། །དེ་ནས་བཻ་རོ་ཙ་ན་ཚ་བའི་རོང་དུ་བཞུགས་པ་ཐོས་ནས། ཁམས་སུ་སྤྱན་དྲངས། རྗེ་བཱི་མ་ལ་མི་ཏྲ་ལ་སོགས་པ་པཎྜི་ཏ་གསུམ་ཡང་སྤྱན་དྲངས། ཁམས་གསུམ་བྱང་ཆེན་གྱི་ཡག་དབེན་དུ། བཻ་རོ་ཙ་ནས་ལོ་ཙཱ་མཛད་ནས། ཡང་དག་བདག་དོན་ལ་སོགས་པ་སྒྲུབ་སྡེའི་ཆོས་མང་དུ་བསྒྱུར་རོ། །ཡང་རྗེ་བཻ་རོས་དཔང་སངས་རྒྱས་མགོན་པོ་དང་། རྒྱ་བློ་གྲོས་གནོན་ནུ་དང་། སྦས་རྡོ་རྗེ་རྒྱལ་མཚན་དང་གསུམ་པར་དགོངས་པ་ལྷན་དུ་མཛད། གཞན་འཁོར་ཐུན་མོང་མ་ཡིན་པ་རྣམས་ལ། ཨ་ཏི་སེམས་སྡེའི་སྐོར་ལ་སོགས་པ་རྒྱུད་མན་ངག་མང་དུ་གསུངས་ཏེ། མན་ངག་སེམས་སྡེ་བཅོ་བརྒྱད་ངོ་སྤྲོད་དང་བཅས་པ་གསུངས་སོ། །དེ་ལ་བརྒྱུད་པ་དང་པོ་ནི། རྗེ་བཻ་རོས་ཁྲི་སྲོང་སྡེ་བཙན་ལ་སྔ་འགྱུར་ལྔ་དང་། མན་ངག་རྒྱ་མཚོའི་ཀློང་དང་། གཞན་ཡང་རྒྱུད་མན་ངག་དང་བཅས་ལྐོག་འགྱུར་དུ་གསུངས་པ་རྣམས་སོ། །བརྒྱུད་པ་བར་མ་ལ། རྗེ་གཡུ་སྒྲ་སྙིང་པོས ཛྙཱན་དང་། རྨ་རིན་ཆེན་མཆོག་ལ་གསུངས་པ་རྣམས་སོ། །ཐ་མ་ནི་རྒྱལ་མོ་གཡུ་སྒྲ་སྙིང་པོས་དཔང་སངས་རྒྱས་མགོན་པོ་དང་། རྒྱ་བློ་གྲོས་གཞོན་ནུ་དང་། སྦས་རྡོ་རྗེ་རྒྱལ་མཚན་ལ་གསུངས་པ་རྣམས་ཡིན་ཏེ། ཕྱིས་ཁམས་གསུམ་བྱང་ཆེན་གྱི་ཡང་དབེན་དུ། རྗེ་ཉིད་དང་མཇལ་ནས་དགོངས་པ་མཛད་ཅིང་གསུངས་པ་རྣམས་ཡིན་ནོ། །དེ་ནས་ཡང་ཡར་བསམ་ཡས་སུ་བྱོན་ནས་ཧས་པོའི་ཁ་ལ་བཞུགས་ཏེ། འཁོར་ཐུན་མོང་པ་རྣམས་ལ་དྲང་དོན་གྱི་བསྟན་བཅོས་དང་། རྒྱུ་འབྲས་ཀྱི་ཆོས་བག་རེ་དང་། སྔར་གྱི་འགྱུར་མཇུག་མ་ཚང་བ་ འགའ་ཡང་གསུམ་སོ། །ཐུན་མོང་མ་ཡིན་པ་ལ་ཨ་ཏིའི་མན་ངག་ཁྱད་པར་ཅན་འགའ་ཡང་གསུངས་གིན་བཞུགས་སོ། །དུས་དེ་ཙ་ན་ལི་ཡུལ་ལྕང་ར་སྨུག་པོ་ནས་བཙུན་མོ་ལེ་བཟའ་ཚུལ་ཁྲིམས་སྒྲོན་གྱིས་རྗེ་བཻ་རོ་ཙ་ན་བསམ་ཡས་སུ་བྱོན་པ་ཐོས། བཙུན་མོས་མཇལ་གྱིས་སྤྱན་འདྲེན་དུ་བྱོན་པས། སློབ་དཔོན་དང་མཇལ་ཏེ། དགོངས་པ་བསྡུར་བས་དགོངས་པ་གཅིག་ཏུ་གྱུར་སྟེ། རྗེ་ཤིན་ཏུ་མཉེས་སོ། །བཙུན་མོ་ལི་བཟའ་ཚུལ་ཁྲིམས་སྒྲོན་ནི། ཕྱི་ནང་གསང་བ་གསུམ་གྱི་མཚན་དང་ལྡན་པ། བྱང་ཆུབ་སེམས་ཀྱི་བདེ་བ་ཟག་པ་མེད་པས་རྒྱས་པ། གནས་ལུགས་སྙིང་བོའི་དོན་ལ་དགོངས་པ་མངོན་དུ་གྱུར་པ་ཞིག་ཡིན་ནོ། །དེ་ལ་རྗེ་བཻ་རོ་ཡུན་གྱི་དགོངས་པ་ལ་གཤེགས་པར་དགོངས་ནས། འཁོར་རྣམས་ལ་གདམས་ངག་ཞལ་ཆེམས་སུ་གསུངས་ནས་དགོངས་པ་ལ་གཤེགས་པར་ཆས་པ་ལ། རྗེ་གཡུ་སྒྲས་སྙིང་པོ་དང་། དཔང་སངས་རྒྱས་མགོན་པོ་དང་། རྒྱ་བློ་གྲོས་གཞོན་ནུ་དང་། སྦས་རྡོ་རྗེ་རྒྱལ་མཚན་དང་། རྗེ་སད་ན་ལེགས་འཇིང་ཡོན་གྱི་སྲས་རྗེ་མངའ་བདག་རལ་པ་ཅན་ལ་སོགས་པ་རྣམས་ཀྱིས་གསོལ་བ་བཏབ་ནས་བསྐུལ་བས། དཔོན་སློབ་རྣམས་དགོངས་པ་བསྡུར་ཏེ། རྣམ་ཐར་དུ་འདྲ་འབག་ཆེན་མོ་མཛད་པ་ཡིན་པས་རྒྱས་པར་དེ་ན་གསལ་ལོ། །དེ་ནས་སློབ་དཔོན་གྱིས་འཁོར་རྣམས་ལ་ཞལ་ཆེམས་འདི་སྐད་གསུངས་སོ། །ཁྱེད་རྣམས་འཇིག་རྟེན་འཁོར་བའི་ཆོས་ལ་བསྒྲུབ་བྱ་མ་བྱེད། སྙིང་རྗེ་ཆེན་པོས་གདུལ་བྱ་ཡལ་བར་མ་དོར། མོས་གུས་ཆེན་པོས་བླ་མ་དང་སྐད་ཅིག་ཀྱང་འབྲལ་བར་མ་བྱེད། ཤེས་རབ་ཆེན་པོས་དུས་ནམ་དུ་ཡང་རང་ལས་གཞན་དུ་མ་ལྟ་ ཞིག་གསུངས་ནས། བཙུན་མོ་ལི་བཟའ་ཚུལ་ཁྲིམས་སྒྲོན་དང་གཉིས། གློག་འཁྱུགས་པ་ལྟར་ལི་ཡུལ་ལྕང་ར་སྨུག་པོར་གཤེགས་ནས་ཡུན་གྱི་དགོངས་པ་ལ་བཞུགས་ཏེ། སླར་རྣམ་པར་སྣང་མཛད་ཉིད་ཀྱི་ཐུགས་ཀར་བསྡུས་སོ། །བཀྲེས་ཕྱུག་བསྙམས་པ་དང་། སྐར་ཆུང་ལྷ་ཁང་བཞེངས་ཚུལ། དེ་ཡང་གོང་དུ་བཙན་པོ་ཁྲི་སྲོང་སྐུ་འདས་རྗེས། སྲས་མུ་ནི་བཙན་པོ་དགུང་ལོ་བཅོ་ལྔ་ལོན་ཙ་ན། ཇོ་མོ་རུ་ཡོངས་བཟའ་རྒྱལ་མོ་ཁབ་ཏུ་བཞེས་ཏེ། ལྕགས་ཕོ་སྟག་གི་ལོ་ལ་རྒྱས་སྲིད་བཟུང་ནས། ཆབ་སྲིད་རྒྱ་ཆེ་བ་ཡབ་ཀྱི་ཞལ་ཆེམས་དང་མཐུན་པར། འབངས་ཀྱི་ཚིས་བགྱི་བར་དགོངས་ནས་བླ་ལོབ་ཆོས་གནས་རབ་ཏུ་བྱུང་བའི་མངའ་ཐང་དང་། ཆོས་འཁོར་སྟོད་སྨད་ཀྱི་ཞབས་ཏོག་ཡབ་ཀྱི་སྲོལ་བཞིན་མཛད། བྲག་དམར་བསམ་ཡས་ལྷུན་གྱིས་གྲུབ་པའི་ལྷ་ཁང་དུ། དུས་ཀྱི་མཆོད་པ་ཆེན་པོ་བཞི་བཙུགས། བོད་ཀྱི་རྗེ་བློན་ཡོངས་ཀྱི་འཕྲལ་རྐྱེན་བཟློག་པ་དང་། ཡུན་གྱི་བདེ་བ་བསྒྲུབ་ཕྱིར་ཚོགས་བསགས་མང་དུ་མཛད། མཆོད་རྟེན་ཆེན་པོ་བཞིའི་གདུགས་དང་། དབུ་རྩེ་བྱ་འདབ་ལྕགས་ཐག་གིས་སྦྲེལ་ནས། མཁའ་ལ་དར་དང་འཕན་གྱིས་བྲེས། ས་གཞི་མན་ཙི་ལིང་མང་དང་། གསེར་དངུལ་གྱི་ཕོར་པ་ལ་སོགས་པས་བཀང་། དབུ་རྩེའི་ཐང་ཆོས་མཛད་ཀྱིས་ཁེངས་པར་བགྱིས་ནས། ལྕགས་རིའི་བྱང་ངོས་ཀྱི་ཕྱོགས་བཞི་ནས་འབངས་ཐམས་ཅད་རྒྱན་དང་ མཆོད་རྫས་དང་བཅས་ཏེ་རྩེད་བྲོ་བྱེད། བཙན་པོ་དབུ་རྩེའི་སྒོ་ཐང་ནས། སེདྒེའི་ཁྲི་ཐོག་ནས་མཆོད་པ་ཕུལ་བས། དད་པ་སྐྱེས་ནས་དབུའི་ལ་ཐོད་དང་ན་བཟའ་ཕུད་ནས་ལྷ་ལ་འབུལ་ལོ། །དེ་ནས་བཙན་པོའི་ཞལ་ནས་ངའི་ཡབ་གྱི་ཐུགས་དམ་གྱི་ལྷ་ཁང་ལ། ཁྱོད་བོད་ཀྱི་འབངས་ཐམས་ཅད་ཀྱིས་རྟ་དང་མཚོན་ཆ་མ་གཏོགས་པ་ཐམས་ཅད་ཕུལ་ཅིག་ཅེས་བཀའ་སྩལ་ནས། འབངས་ཐམས་ཅད་ཀྱིས་རྗེའི་བཀའ་སྩལ་པ་ལྟར་ཕུལ་ཏེ། ཁ་ཅིག་གིས་ནི་གཡུ་དང་གསེར་ལ་སོགས་ཕུལ། ཁ་ཅིག་གིས་སློག་པ་དང་གོས་ཕུལ་ནས། མཆོད་རྫས་ཀྱི་ཕུང་པོ་ཆེན་པོར་ཡོད། དེ་དཀོན་མཆོག་གི་གཉེར་བསྡུས་ནས། མཆོད་པ་བྱེད་པའི་འབུལ་རྒྱུ་བཟང་ངན་བྱུང་ནས། བཙན་པོའི་ཞལ་ནས། ཁྱོད་དད་པ་ཆེ་ཆུང་ཁྱད་རེ་ཆེ། ལ་ལས་གསེར་དང་གཡུ་འབུལ་ནུས་པ་ལ། ལ་ལ་ར་སློག་ལས་འབུལ་མི་ནུས་པ་ཞེས་བཀའ་བསྩལ་པས། མི་ལྟོགས་ཀུན་ན་དེ། རྗེ་གཅིག་ལགས། ངེད་དད་པ་ཆུང་བ་མ་ལགས་ཏེ། ལྟོགས་པས་འབུལ་རྒྱུ་མ་མཆིས། ངེད་དད་པ་ཆུང་བ་མ་ལགས་ཏེ། ལྟོགས་པས་འབུལ་རྒྱུ་མ་མཆིས། འབུལ་རྒྱུ་ཆེ་བ་ཀུན་ཕྱུག་པོ་ལགས་པས་ནོར་ཕྱུག་པར་མཆིས་པ་ལགས་སོ། །ཞེས་སྙན་དུ་གསོལ་བས། ཀྱཻ་ངའི་མངའ་རིས་སུ་གྱུར་པ་ལ་ལས་ཟས་གོས་ཙམ་ལས་མི་འབྱོངས། ལ་ལས་ལྷག་མ་དང་བཅས་པ་མི་རིགས་གསུངས་ནས། རུ་བཞིའི་ཕྱོགས་སུ་ལས་མི་བསྐོས་ནས། བཀྲེས་ཕྱུག་མེད་པར་ནོར་བསྙམས་སོ། །དེ་ནས་ཡང་མངོན་པར་བྱང་ཆུབ་པའི་ཟླ་བ་ལ་མངོན་པའི་མཆོད་པ་བགྱིས། ཞིང་པ་ཀུན་ཐོང་བོར་ནས་བློས་བཏང་ནས། རོལ་དུ་ཐོང་གཤོལ་ལྡེམ་མེ་བཞག་ཅིང་མཆོད་པ་བྱེད་དུ་འོངས། ཡང་སྔར་བཞིན་དུ་མཆོད་རྫས་ བཟང་ངན་བྱུང་བས། ཡག་བཀྲེས་ཕྱུག་ལན་རེ་བསྙམས། དེ་ནས་ཚུལ་འཇུག་གི་ཟླ་བ་ལ། མདོ་སྡེའི་མཆོད་པ་ཆེན་པོ་བགྱིས་ཏེ། ཞིང་པ་ཀུན་ཡུར་གྲ་བཤིན་ནས། ལྟོ་སྣོད་རྡོས་མནན་ནས་མཆོད་པ་བྱེད་དུ་ཡོང་། ཡང་སྔ་མ་བཞིན་ཆོས་རྫས་བཟང་ངན་བྱུང་བས། ཡང་བཀྲེས་ཕྱུག་ལན་རེ་བསྙམས། དེ་ནས་ཡང་སྟོན་ཟླ་ཐ་ཆུང་ལ་ཆོས་འཕྲུལ་ཆུང་བའི་དུས་འདུལ་བའི་མཆོད་པ་བགྱིས་ཏེ། ཡང་ཆོས་རྫས་བཟང་ངན་བྱུང་སྟེ། རང་རང་གི་ལས་སུ་དགོངས་ཏེ། མདོར་ན་ལྟོགས་ཕྱུག་ལན་གསུམ་བསྙམས་ཏེ། ཆོས་པ་དང་། འགྲོན་པོ་ལམ་དུ་འགྲོ་བ་ཀུན་ཀྱང་རྒྱགས་ཕྱེ་འཁྱེར་མི་དགོས་ཏེ་བླ་ནས་སྦྱོར། སྲོག་གཅོད་པ་དང་། རྐུན་པོ་ལ་སོགས་པའི་འཚོ་བ་སྒྲུབ་མི་དགོས། བོད་བདེ་བ་ལ་བཀོད་པས། སྲས་མུ་ནེ་བཙན་པོ་བཀའ་དྲིན་ཆེ་བ་ལགས་སོ། །དེ་ནས་ཕོ་ཡོང་བཟའ་རྒྱལ་མོ་བཙུན་ལ་ཡབ་རྒྱལ་པོ་ཐུགས་ལ་འདོགས་པས། ཡབ་འདའ་ཁར་ཕོ་ཡོང་བཟའ་ལྷ་སྲས་ཀྱི་ཁབ་དུ་བཞེས་ཤིག་པར་བཀའ་བསྩལ་པས། སྲས་གསུམ་གྱི་ཡུམ་ཚེ་སྤོང་བཟའ་ལ་མ་རངས་ཏེ། ཡབ་སྐུ་གཤེགས་པའི་འགོ་རུ་ཚེ་སྤོང་བཟས་ཕོ་ཡོང་བཟའ་འགྲོང་དུ་ཡོང་བས། ཕོ་ཡོང་བཟའ་སྐྲ་གསར་བགྱིས་ནས་རྒྱན་མ་ཐོགས་པར་གདའ། དེ་ལ་སྙད་བཙལ་རལ་གྲི་བརྡེགས་སྙམ་པ་ལ། སྲས་མུ་ནེ་བཙན་པོས་གཡོན་བསྐོར་ཏེ། ཡུམ་ཚེ་སྤོང་བཟའ་གླེན་དྲཊ་པས། བློན་གུང་ལྡེ་གཅུང་བྱ་བ་ཕྱག་ཚང་དུ་བསྐོས་ནས། ཕོ་བྲང་འོན་བུ་བླ་མཁར་དུ་སྲས་ལ་དགུང་ལོ་བཅུ་ལ་འདས། བང་སོ་ཀེ་རུ་ལྡེམ་བུར་བརྩེགས་སོ། །ཚེ་ སྤོང་བཟས་ཕོ་ཡོང་བཟའ་ལ། རང་གི་བུའི་རལ་གྲི་བསྩལ་ཏེ། ཉིན་རེ་ཤགས་རྒོད་རེ་འདེབས་ཤིང་། སེན་མོས་ཤ་སྲང་རེ་བཅད་ཅིང་བཀྲོངས་སོ། །དེ་ནས་མུ་ཏིག་བཙན་པོ་མོན་ན་སྤུགས་ཡོད་པ་དབང་བསྐུར་བར་ཆད་བྱས་ཏེ་སྤྱན་དྲངས་པས། སྣ་ནམ་པས་བྲང་ཁ་ཕྱེས་ནས་བཀྲོངས། བང་སོ་ཀེའུ་བཟའ་བརྩེགས་སོ། །དེ་ནས་འབངས་རྣམས་གྲོས་བགྱིས་ཏེ། གཅུང་ཁྲི་ལྡེ་སྲོང་བཙན་ལ་དབང་བསྐུར་བར་བྱས་པས། ཁ་ཅིག་ན་རེ། ད་དུང་རཱ་ཛ་ནར་མ་སོན་ཏེ། འབངས་ཀྱི་ཚིས་མི་ཡོང་། ལན་ཅིག་བློན་མཛངས་པ་བསྐོས་ནས་ཁྲིམས་བུ་ཆུང་བཅའོ་ཟེར། སྔོན་ཡང་ཡབ་སྐུ་འདས་པའི་དུས་སུ་རྒྱལ་པོ་སྐུ་ནར་མ་སོན་ནས་ཞང་བློན་གསུམ་ལ་ཁྲིམས་གཏད་ནས། ཁྲིམས་བུ་ཆུང་བཅས། ལྷ་ཆོས་སྒྲུབ་པས་གྱོད་ཁ་ཆེན་མོ་ལ་ཐུག་པས་བོད་འཕུང་བར་བྱས། ད་རྒྱལ་བུ་རང་དབང་བསྐུར་ལ་བློན་མཛངས་པ་བསྐོས་ཟེར་ཏེ། འབངས་ཀུན་གྱིས་ཆོས་བགྱིས་པ་ལེགས་ཟེར་ནས། རྒྱལ་བུས་འོང་ངམ་མི་ཡོང་སད་པར་འཆམ་ནས། དགུང་ལོ་བཞི་པ་ལ་དབང་བསྐུར་ནས་རྒྱལ་སྲིད་གཏད་པས་སད་པ་བཞིན་དུ་ལེགས་པར་བྱུང་ནས། སད་ན་ལེགས་ཞེས་བྱས། འཇིང་པ་ཡོ་བ་སྐུ་དབང་ཆེ་བས། གླང་འཇིང་ཡོན་ཞེས་ཀྱང་གྲགས། རྒྱལ་བུ་དེ་ནང་སོན་པས། འབྲོམ་བཟའ་མ་ངོ་མ་ལྟ་ཁབ་ཏུ་བཞེས། འབྲོམ་ཁྲི་བཟུང་བློན་དུ་བསྐོས་ཏེ། བོད་ཀྱི་རྒྱལ་པོ་ལ་ང་ཆེ་བས། ལག་རིས་སུ་ལྷ་ཁང་ཉི་མ་ཙམ་ཞིག་བཞེངས་ཞེས་བཀའ་བསྩལ་ཏོ། །ཉི་མ་ལ་ཇི་ཙམ་ཡོད་སློབ་དཔོན་མཛོད་མཁན་ལ་ དྲིས་པས། ཉི་མ་ལ་རྒྱར་དཔག་ཚད་ལྔ་བཅུ་རྩ་གཅིག་ཡོད་པས། བོད་ཀྱི་ས་གཞི་ལ་མི་ཤོང་གསུངས་པས། འོ་ན་ཟླ་བ་ཙམ་ཞིག་བྱེད་གསུངས། དེ་ལའང་དཔག་ཚད་ལྔ་བཅུ་ཐམ་པ་ཡོད་པས། འོ་ན་སྐར་མ་ཆེ་བ་ཙམ་ཞིག་བརྩེགས་གསུངས། དེ་ལ་ཡང་རྒྱང་གྲགས་བཅོ་བརྒྱད་ཡོད་བྱས་པས། བྱང་འབྲོག་ཡངས་པས་དེར་བརྩེགས་གསུངས། བློན་པོ་ཀུན་གྱིས་མཆིད་ནས། བླ་བློན་ཀུན་གྱི་ལོངས་སྤྱོད་དབུས་སུ་བྱེད་པས། བྱང་དུ་བརྩེགས་ན་ལྷ་ཁང་སྟོང་པར་ལུས་ཞེས་གསོལ་པས། འོ་ན་ཉང་རོར་བརྩིགས་གསུངས་ཏེ། དེ་ཡང་ཐུགས་དམ་ཞིག་བྱེད་པར་རྩིགས་ཕུལ། རྒྱ་དེར་སྐར་མ་ཆུང་ངུ་ཙམ་ཞིག་བྱེད་པར་ཆད་བྱས་ནས། སྐར་ཆུང་ལྷ་ཁང་བཞེངས་སུ་གསོལ། རྒྱར་རྒྱང་གྲགས་གཅིག་ཡོད་པ་རྨང་གཏིང་པས། བཟོ་བོ་རྣམས་ཁེངས་དྲེགས་བྱས་ཏེ། རྩིག་བཟོ་བ་ན་རེ། ངའི་རྩིག་པ་མེད་ན་གང་ཡང་བྱར་མི་བཏུབ། ང་གཙོ་ཆེ་ཟེར་ཏེ། དེ་བཞིན་དུ་ཤིང་བཟོ་བ་དང་། ལྷ་བཟོ་བ་ལ་སོགས་པ་རྣམས་ཀྱང་སོ་སོས་གླེང་ངོ་། །དེ་ནས་དང་པོ་ཀ་བ་གཅིག་བཅོས་ཏེ། ལྡིར་བཟོ་འཕྲུལ་འཁོར་དུ་བཞེངས་སུ་གསོལ། དེ་ནས་ཀ་བ་བསྐོར་ནས་རྒྱ་ཕུག་བཀག། དེ་ནས་ཕྱི་དེ་ལ་བརྩིགས་པར་གྱིས་ཏེ། སྐར་ཆུང་བརྩིགས་པས་ཁྱད་པར་དུ་འཕགས་པ་ལགས་སོ། །རྒྱལ་པོ་དེས་ཡབ་མེས་ཀྱི་སྲོལ་མ་ཤོར་བར་མཛད། ཡབ་མེས་ཀྱི་ཐུགས་དམ་ཀུན་གྱི་ཞི་རལ་གསོ་བ་དང་། རྒྱན་གདགས་པ་དང་ར་སའི་ཁྱམས་ཁང་ཆེན་མོ་བཞེངས་པ་ལ་སོགས་པའི་ཕྱག་རྗེས་མང་དུ་མཛད། བསྒྱུར་ཟིན་པའི་ཆོས་རྣམས་ཆ་ཚང་བར་སྐད་གསར་བཅད་ཀྱིས་གཏན་ལ་ཕབ་ཅིང་ཞུ་ཆེན་བྱས་པའི་སྐོར་སོགས། བབས་བདུན་པ་ནི། ཡབ་ཀྱི་ཚེ་ལ་ལོ་ཙྭ་བ་སྐ་ཅོག་ཞང་གསུམ་ལ་གསེར་ཕྱེ་མ་མང་དུ་བསྐུར་ནས་གདན་འདྲེན་དུ་བཏང་བའི་པཎྜི་ཏ་མཁན་པོ་པྲ་ཛྙཱ་ཝརྨ་དང་། ཤཱཀྱ་སེང་ཧ་དང་། སུ་རེན་ཏྲ་བོ་དྷི་དང་། ཛི་ན་མི་ཏྲ་དང་། དྷ་ན་ཤཱི་ལ་དང་། བིརྱ་སིང་ཧ་ཀ་ར་དང་དྲུག་བྱོན་ནས་མཚན་ཉིད་ཀྱི་ཐེག་པ་ཆེན་པོའི་ཆོས་ཀྱང་མང་དུ་བསྒྱུར་ཅིང་། གསང་སྔགས་ཀྲྀ་ཡོག་གི་རྒྱུད་དང་། སྐུ་གསུང་ཐུག་སཀྱི་རྒྱུད་སྡེའི་སྐོར་ལ་སོཊ་པ་སྔགས་ཕལ་མོ་ཆེ་རྣམས་དང་། ནང་གི་མན་ངག་ཀྱང་འགའ་རེ་བསྒྱུར་བ་ཡིན་ནོ། །རབ་ཏུ་བྱུང་བའི་མངའ་ཐང་བསྟོད། ལོ་བཞི་བཅུ་ཞེ་ལྔ་བཟུང་ནས་ཆོས་དང་མཐུན་པར་མཛད་ནས་བཀའ་དྲིན་ཆེ་བ་ལགས་སོ། །རྒྱལ་པོ་དེ་ལ་སྲས་ལྔ་སྟེ། ཁྲི་གཙུག་ལྡེ་བཙན་རལ་པ་ཅན། ལྷ་སྲས་གཙང་མ། ཁྲི་དར་མ་འུ་དུམ་བཙན། ལྷ་རྗེ་ལྷུན་གྲུབ་ཁྲི་བཙན་དང་ལྔའོ། །དེ་ལ་གཅེན་རྗེ་བཙུན་གསང་བའི་མངའ་བདག་ཕྱག་ན་རྡོ་རྗེའི་སྤྲུལ་པ། མངའ་བདག་རལ་པ་ཅན་དགུང་པོ་བཅུ་ལོན་པ་ལ་དབང་བསྐུར་ནས་ཆབ་སྲིད་ལ་གཏད། ཅོག་རོ་བཟའ་དཔལ་གྱི་ངང་ཚུལ་མ་ལ་སོགས་པའི་བཙུན་མོ་ལྔ་ཁབ་ཏུ་བཞེས། ལྷ་མར་རྗེ་ལྷ་ལོད་ཀྱིས་ཕྱི་བློན་བྱས། བན་ཆེན་པོ་དཔལ་གྱི་ཡོན་ཏན་གྱིས་ཆོས་ཀྱི་བློན་པོ་བགྱིས་ཏེ། མེས་ཀྱི་དྷ་རྨའི་ལྷ་ཁང་ལ་དཔེ་བྱས་ནས་ ཐུགས་དམ་དགུ་བརྩེགས་བཞེངས་པར་ཆད་བྱས་པའི་དུས་སུ། རྗེའི་ཞལ་ནས། ཡབ་མེས་ཀུན་གྱི་རིང་ལ་བཙན་པོ་ལ་བྱ་བ་གསུམ་ཡོད་དེ། ཐུགས་དམ་དུ་གཙུག་ལག་ཁང་བཞེངས་པ་དང་། བོད་འབངས་བདེ་ལ་འགོད་པ་དང་། སྐུ་ལ་བསྡོ་བ་ལ་དམག་དྲངས་པའོ། །དེ་ལ་ཡབ་མེས་ཀུན་གྱིས་ལ་ལས་རེ་རེ་མཛད། ལ་ལས་གཉིས་གཉིས་མཛད། ལ་ལས་གསུམ་ཀ་མཛད་ནའང་རིམ་གྱིས་མཛད། ང་གསུམ་ཀ་དུས་གཅིག་ལ་བྱེད་དོ། །ཞེས་བཀའ་བསྩལ་ནས་ཐུགས་དམ་གྱི་གཙུག་ལག་ཁང་གི་རྨིང་བཏིང་པར་ཆད་བྱས་ཙ་ན། ལྷ་ས་མཁར་དང་འདྲ། བམས་ཡས་གྲོང་དང་འདྲ། སྐར་ཆང་ཆད་པ་དང་འདྲ། ང་ལྷ་ཁང་བཤའ་མ་ཞིག་བྱེད་དོ་ཞེས་བཀའ་བསྩལ་ནས། རྒྱ་དཀར་ནག་གཉིས། བལ་པོ། ལི་ཡུལ། ཁ་ཆེ། བོད་ཡུལ་གྱི་གཟོ་གྲྭ་མཁས་པ་ཀུན་བཀུག་སྟེ། རྒྱའི་ཇུ་ཞག་མཁས་པ་གཅིག་གིས་ས་བཙལ་ནས། འུ་ཤང་རྡོ་དཔེ་མེད་ཀྱི་གཙུག་ལག་ཁང་བཞེངས་སོ། །འཛམ་བུའི་གླིང་ན་བཟོ་མཁས་པ་བལ་པོ་རྡོ་མཁན་ལ་སོགས་པས་བཟོ་བགྱིས་ཏེ། འོག་ཁང་དུམ་སྒོའི་རུ་བཞི་མན་ཆད་རྡོ་ལ་བགྱིས་པས་རྡོ་བཟོ་ཁྱད་དུ་འཕགས་པ་བྱུང་། དེའི་ཕུད་ལ་ར་སའི་གཙུག་ལག་ཁང་དུ་མེས་ཀྱི་ཆོས་སྲོལ་གཏོད་པས་བཀའ་དྲིན་ཆེ་བས་རྡོ་རིང་ཕུལ། རི་མོའི་ཕུད་ལ་དར་གྱི་བེ་བུམ་བརྒྱ་རྩ་བརྒྱད་ཕུལ། ལྡེར་སོའི་ཕུད་ལ་ཚངས་དང་བརྒྱ་བྱིན་གཉིས་བཞེངས་སོ། །ལུགས་མའི་ཕུད་ལ་ཅོང་ཆེན་དྲིབ་བུའི་ཚུལ་དུ་བཏགས་སོ། །བར་ཁང་གསུམ་སོ་ཕག་ལས་བྱས། སྟེང་ཁང་གསུམ་ཤིང་དང་། ཟངས་དང་གསུམ་སོ་ཕག་ལས་བྱས། སྟེང་ཁང་གསུམ་ཤིང་དང་། ཟངས་དང༌། ཀོ་བ་ལས་བྱས། རྒྱ་ཕིམས་ཀྱི་འོག་ཏུ་རླུང་གི་འཁོར་ལོ་བསྐོར་ཏེ། རབ་ཏུ་བྱུང་བ་མང་པོ་རྒྱུན་དུ་བསྐོར་བ་བྱེད། བྱ་འདབ་ལ་ཕྱོགས་བཞིར་ལྕགས་ཐག་བཞི་མཆོད་རྟེན་ཆེན་པོ་བཞི་ལ་གཏད་པས། རླུང་ཆེན་པོ་ནུབ་ནས་བྱུང་བའི་ཚེ། ཤར་གྱི་ལྕགས་ཐག་ལྷོད་ཀྱིས་སོང་བས་རྒྱ་ཕུབས་ཤར་དུ་ཡོ་ཙམ་འགྲོ །རླུང་ཤར་ནས་བྱུང་ནས་ནུབ་ཀྱི་ལྕགས་ཐག་ལྷོད་སོང་ན། རྒྱ་ཕུབས་ནུབ་ཏུ་ཅུ་ཟད་ཡོ། རི་ནགས་ཀྱི་རྩེ་ལ་ན་བུན་བྱུང་བ་དང་། ལྷ་ཁང་གི་ཁྱུང་མགོ་ལ་ཡང་ན་བུན་ཐུལ་གྱིས་ཡོང་བའི་མཐོན་པོ་གཅིག་བཞེངས་སུ་གསོལ། མེས་ཀྱི་གཙུག་ལག་ཁང་བརྒྱ་རྩ་བརྒྱད་བཞེངས་པར་དམ་བཅས་པའི་གྲངས་མ་ཚང་པའི་ལྷག་མ་རྣམས་ཁ་བཀང་། རྩིས་ཁ་ཉང་སྟོད་རྩིས་ཀྱི་ལྷ་ཁ་བཏིང་། འབངས་རྣམས་བདེ་ལ་བཀོད། ཟས་གོས་ཙམ་ནི་འཕྲལ་གྱི་བར་གསལ། ཡུན་དུ་བདེ་བའི་ལྷ་ཚོགས་ལ་འགོད་པའི་ཕྱིར་དེ་བཞིན་གཤེགས་པའི་གསུང་རབ་ཐམས་ཅད་ལ་གཟིགས་པས། ཆོས་ལ་ལ་ནི་རྒྱ་ནག་པོའི་སྐད་དུ་སྨྲ། ཆོས་ལ་ལ་ནི་རྒྱ་དཀར་པོའི་སྐད་དུ་སྨྲ། ལ་ལ་ནི་བལ་པོ་དང་ཨུ་རྒྱན་གྱི་སྐད་དུ་སྨྲ་བས། མེས་ཀྱི་ལྷ་དང་ཆོས་སྐད་སྣ་ཚོགས་སུ་བྱུང་བ་འདི་ཅུང་མ་ལེགས། སངས་རྒྱས་རྒྱ་གར་དུ་བྱོན་ནས་ཆོས་དང་པོ་རྒྱ་གར་དུ་གསུངས་པ་ཡིན་པས། ད་ཡང་ཆོས་ཐམས་ཅད་རྒྱ་དཀར་པོའི་སྐད་མགྲིན་གཅིག་ཏུ་བྱེད། ཅེས་བཀའ་བསྩལ་ནས། བོད་ཕྲུག་བློ་རྣོ་བ་རྣམས་ལ་གསེར་བསྐུར་ནས་ལོ་ཙཱ་བ་བསླབས། མེས་དང་ཡབ་ཀྱི་རིང་ལ་སྤྱན་དྲངས་པའི་པཎྜི་ཏ་ཆེན་པོ་བཱི་མ་ལ་མི་ཏྲ་དང་། མཁན་པོ་བྲ་ཛྙཱ་ཝརྨ་དང་། ཤཱཀྱ་སེང་ཧ་དང་། སུ་རེན་ཏྲ་བོ་དྷི་དང་། ཛི་ན་མི་ཏྲ་དང་། དྷ་ན་ཤི་ལ་དང་། བེརྱ་སེང་ཧ་ཀ་ར་རྣམས་སྤྱན་དྲངས་ ནས། སྒྲ་བསྒྱུར་རྒྱ་གར་གླིང་དུ་རྐྱེན་བླ་ནས་སྦྱར་ཏེ་བཞུགས་པ་དང་། བོད་ཡུལ་ན་བཞུགས་པའི་གསུང་རབ་མ་ལུས་པ་སྤྱན་དྲངས་ནས། ལོ་ཙཱ་བ་སྐ་བ་དཔལ་བརྩེགས་དང་། ཅོག་ཏོ་ཀླུའི་རྒྱལ་མཚན། བན་དྷེ་ཡེ་ཤེས་སྡེ་ལ་སོགས་པས་བྱས་ཏེ། སྔར་གྱི་འགྱུར་མ་དག་པ་ཐམས་ཅད་བཅོས། བསྒྱུར་འཕྲོ་ལྷག་མ་རྣམས་ཁ་བཀང་། སྔར་མ་བསྒྱུར་བའི་མདོ་སྔགས་ཀྱི་ཆོད་དཔག་ཏུ་མེད་པ་བསྒྱུར། སྒྲ་ཐམས་ཅད་རྒྱ་དཀར་པོའི་ལུགས་སུ་འགྱུར་བཅོས། དེ་ཡག་རྒྱ་གར་སྐད་དུ་ཞེས་པ། རྒྱ་ནི་མ་ཉམས་པའོ། །གར་ནི་སྒྱུར་བར་བྱེད་པ། སྐད་ནི་ཐོས་པར་བྱེད་པ། དུ་ནི་འདུས་པར་བྱེད་པའོ། །མཚན་ཀླད་དུ་བཀོད་པ་ལ་དགོས་པ་བཞི་སྟེ། རྒྱ་གར་ནི་ཆོས་ཐམས་ཅད་ཀྱི་འབྱུང་གནས་ཡིན་པས་ཁུངས་བཙུན་པའི་དགོས་པ་དང་། ལོ་ཙཱ་བ་སྒྲ་ཐང་ཀློག་ལ་མཁས་ཏེ། རྒྱ་བོད་གཉིས་ཀའི་སྐད་ཤེས་པའི་དགོས་པ་དང་། བོད་མུན་པའི་སྨག་རུམ་དང་འདྲ་བས། བོད་ལ་ལོ་ཙཱ་བའི་དྲིན་བཞག་པའི་དགོས་པ་དང་། ཆོས་ཀྱི་མཚན་གཅིག་དབུ་རུ་བྱུང་བས། སློབ་མ་འཇུག་ལྡོག་ལ་མཁས་པའི་དགོས་པའོ། །སྔོན་གྱི་སྐད་རྙིང་ལ་གག་དང་། བྱི་རོབ་ལ་སོགས་ཡོད་པ་རྣམས་གང་དང་ཇི་ལྟར་ལེགས་པར་བཅོས་ཏེ། སྐད་གསར་བཅད་ཀྱིས་གཏན་ལ་ཕབ་ཅིང་ཞུ་ཆེན་ལ་གཏུགས་སོ། །དེ་ཡང་ཞུ་ཆེན་གྱི་ལོ་ཙཱ་བ་ཞེས་བྱ་བ་ནི། དེའི་ཚེ་མཁས་པ་མཐར་ཕྱིན་པ་དེས་ཞུས་དག་བྱས་ནས་ཡིད་ཆེས་པའི་གནས་ཡིན་པའམ། ཡང་ན་རྒྱ་དཔེ་ལས་བོད་སྐད་དུ་སྟོན་ནམ། བོད་དཔེ་ལས་རྒྱ་སྐད་དུ་སྟོན་ན་སྡེབ་སྦྱོར་སྒྲ་དང་མཐུན་པར་འོང་བ་སྟེ། འདི་ནི་སྲིད་པའང་ ཤིན་ཏུ་དཀའ་སྟེ། ཐ་མ་བྲེ་དང་སྲང་དང་ཞོ་ལ་སོགས་པ་ཐམས་ཅད་ཀྱང་རྒྱ་གར་དང་བསྟུན་ནས། སྐྱིད་ཤོད་ར་སར་གཏན་ལ་ཕབ། རབ་ཏུ་མ་བྱུང་བ་ཐམས་ཅད་སླར་ཕྱུང་། ཆོས་གོས་དུམ་བུ་ཙམ་ལ་ཡང་དབུ་བཏུགས་ཏེ་ཕྱག་མཛད། དེའི་དུས་ཆོས་གྲྭ་ཆེན་མོ་གསུམ་དུ་ཁོད་བཤམས་ཏེ། ཐོས་བསམ་བློ་སྦྱོང་གི་གྲྭ་བཅུ་གཉིས། མཁས་བཙུན་སྟངས་འབུལ་གྱི་གྲྭ་དྲུག་སྨྲ་བཅད་སེམས་ཕྱོགས་ཀྱི་གྲྭ་དྲུག་སྟེ་གྲྭ་བཅུ་གཉིས་ལ་སོགས་པ་བཤམས་ཏེ། རྒྱལ་སྲིད་ཀྱི་མངའ་ཐང་ཆེན་མོ་ནས་མཁའ་ལྟར་རྒྱས་ནས་ཉི་འོག་ཡི་རྒྱལ་པོ་ཐམས་ཅད་ཀྱི་དབུས་བཏུགས་ཏེ། མཐའ་བཞི་་ལས་རྣམ་པར་རྒྱལ་ནས་གང་དང་ཡང་འཁོན་མེད་པར་མཛད་དོ། །བཙན་པོ་དད་པ་ཆེ་བས་འདུན་མ་རབ་ཏུ་བྱུང་བ་ལ་ཕུལ་བས། ལོ་ཙཱ་བ་རྣམས་ཀྱི་ཞལ་ནས། བོད་འབངས་གདུལ་དཀའ་བས་ཆད་པ་ལ་བརྟེན་ནས་གདུལ་དགོས་པས། ངེད་རབ་ཏུ་བྱུང་བས་སྟོན་པའི་བཀའ་བཞིན་དུ་བགྱིད་འཚལ་བས་ཆད་པའི་ལས་བགྱིད་མི་རུང་། ཞེས་གསོལ་བས། གསུང་བཞིན་མི་བགྱིད་པ་ལ་ངས་ཞང་བློན་ཀུན་ཆད་པ་བགྱིད་དུ་འཚལ། ཆབ་སྲིད་བཞེས་པར་ཞུ་འཚལ། ཞེས་གསུངས་ནས། རྗེའི་དབུ་ཐོད་ཕུད་ཅིང་རབ་ཏུ་བྱུང་བའི་གདན་དུ་བཏིང་། རབ་ཏུ་བྱུང་མ་ཐག་གིའང་ཞལས་སྤྱི་ཐོག་ཏུ་ལེན། གོས་སེར་པོའི་ལྷན་པ་སྐྱེ་བོའི་ལུས་ལ་འདུག་པ་གཟིགས་ཀྱང་དེ་ལ་ཕྱག་མཛད། ཞང་བློན་གང་གིས་ཕྱག་སྟེན་ཕུལ་ནས་བསྙུན་གསོལ། ཕྱག་ཉིས་ཤུ་རྩ་གཅིག་མཛད་ཀྱང་ཕྱག་ལན་མི་མཛད། བོད་ཡོངས་ལ་རྗེའི་དཔྱ་བསྡུས་ནས་དགེ་འདུན་ལ་བླ་འཚོར་ཕུལ། རབ་ཏུ་བྱུང་བ་རེ་རེ་ལ་ཡང་འབངས་མི་ཁྱིམ་བདུན་བདུན་མངའ་རིས་སུ་ཕུལ་ བས་ཟས་དང་ན་བཟའ་སྦྱོར། རབ་ཏུ་བྱུང་བའི་གོས་ལྷན་པ་ཅན་བྱུང་ཡང་དེ་དྲིལ་ནས་དེའི་མངའ་རིས་ལ་བཀའ་དྲག་ཏུ་བཅོལ། སྐྱེ་བོ་ཁྱིམ་པའི་ཆས་ཀུན་ཀྱང་རབ་ཏུ་བྱུང་བའི་འདུན་མ་བཞིན་ཆོས་དང་བསྟུན་པས་ཤིན་ཏུ་བདེ་ཞིང་སྐྱིད་པར་མཛད་པས་ཆོས་ཀྱི་རྒྱལ་པོ་དེ་ཤིན་ཏུ་བཀའ་དྲིན་ཆེ་བ་ལགས། སྔ་བསྒྱུར་སྐབས་ཀྱི་པཎ་སློབ་ཚོའི་མཚན་ཐོ་སོགས་ཁ་སྐོང་ཁག་ཅིག་ཆོས་འབྱུང་རྙིང་མ་རྣམས་ལ། གསང་སྔགས་ཀྱི་བསྟན་པ་འདི་རྒྱལ་པོ་སྔ་དར་ཀྱི་དུས། བབས་བདུན་དུ་བསྒྱུར་བ་ལས། དང་པོ་ནི་སློབ་དཔོན་པདྨ་བསམ་ཡས་ཀྱི་ས་མཆོག་ལ་ཕེབས་དུས། སྙིང་ཞགས་གཉིས། མ་གཤིན་གཉིས། པད་ཕུར་གཉིས། འཕྲིན་ལས་བསྟན་སྲུང་དང་བཅས་པ་བསྒྱུར་རོ། །གཉིས་པ་བསམ་ཡས་ཀྱི་རབ་གནས་ལ་ཤིནྟ་གརྦྟ་སྤྱན་དྲངས་པའི་དུས། ཀྲྀ་ཡའི་རྒྱུད་ནོ་པེ་ཀེ་དང་བཅས་པ་གཙོ་བོར་བསྒྱུར་རོ། །གསུམ་པ་སློབ་དཔོན་སངས་རྒྱས་གསང་བ་གངས་ཏི་སེ་ལ་བྱོན་པའི་ཚེ། གདན་ནི་མ་འདྲོངས། རྩངས་ཐེ་ལེན་ཏྲ། བྲན་ཀ་ར་མུ་ཡི། འཇམ་དཔལ་གོ་ཆ་རྣམས་བརྫངས་པས། མངོན་པར་བྱང་ཆུབ་པའི་ཏནྟྲ་དང་། ཨ་པ་ཏ་ར་ལ་སོགས་པ་ཡོ་གའི་སྡེ་སྣོད་དང་། ནང་པ་སྒྱུ་འཕྲུལ་རྡོ་རྗེ་ལས་རིམ་ལ་སོགས་པ་མང་དུ་ཞུས་སོ། །བཞི་པ་རྒྱ་གར་ན་སློབ་དཔོན་ཧཱུཾ་ར་གསང་སྔགས་ཀྱི་མངའ་བདག་ཏུ་གྲགས་ཀྱང་། སྤྱན་ནི་མ་འདྲོངས། སྣུབས་ནམ་མཁའི་སྙིང་པོ་ལ་སོགས་ཏེ། དགེ་སློང་མི་ལྔ་ དཔོན་དང་དྲུག་བརྫངས་ཏེ། གཙོ་བོར་ཡང་དག་ཞུས་སོ། །ལྔ་པ་ནི་རྒྱ་གར་ན་སློབ་དཔོན་འཇམ་དཔལ་བཤེས་གཉེན་ཨ་ཏི་ལ་མཁས་པར་གྲགས་ནས། བཻ་རོ་ཙ་ན་དང་། རྩངས་ལེགས་གྲུབ་གཉིས་བརྫངས་པས། ཤྲཱི་སེང་ཧ་དང་མཇལ་ནས་རྫོགས་ཆེན་ཞུས་སོ། །དྲུག་པ་ནི་སད་ན་ལེགས་འཇིང་ཡོན་གྱི་སྐུ་དྲིན་ལ། མཁན་པོ་པྲ་ཛྙཱ་ཝརྨ་ལ་སོགས་དྲུག་བྱོན་ནས། སྔགས་མཚན་ཉིད་ཀྱི་ཆོས་མང་དུ་བསྒྱུར་རོ། །བདུན་པ་ནི། མངའ་བདག་ཁྲི་རལ་གྱི་རིང་ལ། པཎྜི་ཏ་བཱི་ལ་མི་ཏྲ་བྱོན་ནས། སྔགས་མཚན་ཉིད་ཀྱི་ཆོས་མང་དུ་བསྒྱུར། ཁྱད་པར་དུ་སེམས་ཕྱོགས་ཀྱི་ཕྱི་འགྱུར་ཚོ་དང་། སྒྱུ་འཕྲུལ་དྲྭ་བརྒྱུད་འགྲེལ་པ་དང་བཅས་པ་དང་། བདུད་རྩི་མཆོག་གི་ལུང་ལ་སོགས་ཏེ། སྒྲུབ་པ་སྡེ་དྲུག་ཕྲ་མོ་ཉེར་གཅིག་ཕྱག་བཞེས་དང་བཅས་པ་བསྒྱུར་ཅེས་སོ། །ཡང་ལུགས་གཅིག་ལ་བབས་པ་ལྔ་པ་ཡན་མཐུན་པ་ལས། སྔོན་གྱི་ཡི་གེ་རྙིང་པ་མང་པོ་ལ་བརྟགས་ཤིང་དཔྱད་ནས། བཱི་མ་ལ་མངའ་གི་ལོ་རྒྱུས་དང་། རྒྱལ་རབས་རྣམས་ནའང་གསལ་བར་སྣང་ངོ་། །མངའ་བདག་ཁྲི་རལ་གྱི་རིང་ལ་བྱོན་ནས། ཆོས་མང་དུ་གསུང་ཟེར་བ་ནི། ཕེབས་པ་ཁྲི་སྲོང་གི་དུས་ཕེབས་ནས། ཆོམ་མང་དུ་གསུངས་ཟེར་བ་ནི། ཕེབས་པ་ཁྲི་སྲོང་གི་དུས་ཕེབས་ནས། མངའ་བདག་ཁྲི་རལ་གྱི་དུས་སུ་སྔར་གྱི་འགྱུར་མ་དག་པ་རྣམས་བཅོས། བསྒྱུར་འཕྲོ་ལྷག་མ་ཀུན་ཁ་བཀང་། སྔར་མ་བསྒྱུར་བའི་སྔགས་མཚན་ཉིད་ཀྱི་ཆོས་མང་དུ་བསྒྱུར། བསྟན་པ་ཡོངས་སུ་དར་ཞིང་རྒྱས་པར་མཛད་པ་ལ་དགོངས་པ་ཡིན་ནོ། །སྔོན་བོད་དུ་སངས་རྒྱས་ཀྱི་བསྟན་པ་དབུ་བརྙེས་ནས། རྒྱལ་པོ་ འདི་ཡན་ལ་བྱོན་པའི་པཎྜི་ཏ་དང་། ལོ་ཙཱ་བ་བྱོན་པ་ཀུན་དྲིལ་བའི་རྐང་གྲངས་ནི། མཁན་པོ་ལི་བྱིན། མཁན་པོ་ཤནྟ་རཀྵི་ཏ་བོད་སྐད་དུ་ཞི་བ་འཚོ་དང་། པདྨ་འབྱུང་གནས་པདྨ་ཀ་ར་དང་། སྔགས་འཆང་འཕགས་པ་ཀིརྟ་དང་། བཱི་མ་ལ་མི་ཏྲ་དྲི་མེད་བཤེས་གཉེན་དང་། སངས་རྒྱས་གསང་བ་བྷུབྡྷགུ་ཡ་དང་། བསམ་ཡས་ཀྱི་རབ་གནས་མཁན་ཤིནྡ་གརྦྷ་ཞི་བའི་སྙིང་པོ་དང་། བི་ཤུདྷ་སིང་ཧ་རྣམ་དག་སེདྒེ་དང་། ཀ་མ་ལ་ཤཱི་ལ་པདྨའི་ངང་ཚུལ་དང་། རྒྱ་གར་གྱི་སློབ་དཔོན་ཀུ་ས་ར་དང་། བྲམ་ཟེར་ཤང་ཀ་བདེ་བྱེད་དང་། བལ་པོ་ཤི་ལ་མཉྫུ་འཇམ་དཔལ་ཚུལ་ཁྲིམས་དང་། བྲམ་ཟེར་ཨ་ནནྟ་མཐའ་ཡས་དང་། ཀ་ལྱ་མི་ཏྲ་དགེ་བའི་བཤེས་གཉེན་དང་། ཛི་ན་མི་ཏྲ་རྒྱལ་བའི་བཤེས་གཉེན་དང་། སུ་རིནྟྲ་བོ་དྷི་ལྷའི་དབང་པོ་བྱང་ཆུབ་དང་། དྷ་ན་ཤི་ལ་སྦྱིན་པ་ཚུལ་ཁྲིམས་དང་། བོ་དྷི་མི་ཏྲ་བྱང་ཆུབ་བཤེས་གཉེན་དང་། མུ་ནེ་ཝརྨ་ཐུབ་པའི་གོ་ཆ་དང༌། སརྦ་ཛྙཱན་དེ་ཝ་ཀུན་མཁྱེན་ལྷ་དང་། བེདྱཱེ་ཀ་ར་པྲ་བྷ་རིག་བྱེད་འོད་ཟེར་ལ་སོགས་པ་རྣམས་སོ། །ལོ་ཙཱ་བ་ལ་སྔ་བ་ཡོན་མི་སམྦྷོ་ཊ་དང༌། ཀརྨ་ཀོ་ཤ་དང་། རྡོ་རྗེ་དཔལ་དང་། བྲན་ཀ་མུ་ལ་ཀོ་ཤ་དང་། གཉགས་ཛྙཱན་ཀུ་མཱ་ར་དང་། སྦ་ཡེ་ཤེས་དབང་པོ་དང་། ངན་ལམ་རྒྱལ་བ་མཆོག་དབྱངས་དང་། སྦ་ཁྲི་གཞེར་སང་ཤི་ཏ་དང་། སྦྲང་རྒྱ་རེ་ལགས་གཟིགས་དང་། སེང་གོང་ལྷ་ལུག་གཟིགས་དང་། སྦ་མང་རྗེ་གསལ་སྣང་དང་། སྣ་ནམ་རྡོ་རྗེ་བདུད་འཇོམས་དང་། ལྕེ་ཛྙཱན་སིདྡྷ། སྣུབས་ནམ་མཁའི་སྙིང་པོ། འབྲེ་རྒྱལ་བའི་བློ་གྲོས། རླངས་དཔལ་ གྱི་སེདྒེ། རུ་གྱོང་བིདྱཱ་རཱ་ཛ། གྲུ་གུ་ཨུ་པེག་ཤ། ལང་འགྲོ་དཀོན་མཆོག་འབྱུང་གནས། མཆིམས་ཤཱཀྱ་པྲ་བྷ། བྲང་ཏི་ཛ་ཡ་རཀྵི་ཏ། ཤུད་བུ་དཔལ་གྱི་སེདྒེ། དབས་མཉྫུ་ཤྲཱི་ཝརྨཱ། རྩངས་དེ་བེན་ཏྲ་ར་རཀྵི་ཏ། རྨ་རིན་ཆེན་མཆོག་རྩངས་པ་ལའི་བུ་རིན་ཆེན་ལེགས་གྲུབ། དྷརྨ་ཨ་ཤོ་ཀཱ་དང་། དྲན་པ་ནམ་མཁའ་དང་། འགྲོ་རིན་ཆེན་སྡེ་དང་། རྣམ་པར་མི་རྟོག་པ་དང་། ཤཱཀྱ་པྲ་བྷ་བ་དང་། ལྕེ་ཁྱི་འབྲུག་དང་། མྱང་མཁས་པ་གོ་ཆ་དང་། ཛྙཱ་དེ་བ་ཀོ་ཥ་དང་། ཞང་རྒྱལ་ཉེན་ཉ་བཟང་དང་། ཀླུའི་རྒྱལ་མཚན་དང་། དཔལ་བརྩེགས་རཀྵིཏ་དང་། རཏྣ་རཀྵི་ཏ་དང་། བཟང་སྐྱོང་དང་། ཡེ་ཤེས་སྙིང་པོ་དང་། རྒྱལ་བ་ཤེས་རབ་དང་། ཤཱཀྱ་བཤེས་གཉན་དང་། དགེ་བ་དཔལ་དང་། ལེགས་ཀྱི་སྡེ་ལ་སོགས་པ་རྣམས་སོ། །སྐུ་ལ་བསྡོ་བར་དམག་དྲངས་ཚུལ། དེ་ནས་སྐུ་ལ་བསྡོ་བ་ལ་དམག་དྲངས་ནས་ཆམ་ལ་ཕབ་པའི་ལོ་རྒྱུས་ནི། རྒྱ་ནག་པོའི་རྒྱལ་པོ་དང་དབོན་ཞང་གཉིས་སྡུམ་བྱ་བར་ཆད་པ་ལ་མ་བསྡུམས་ནས། བོད་རུ་བཞི་ནས་དམག་ཏོང་སྡེ་བཅོ་བརྒྱད་ཚན་པར་ཁྲིག་གེ་ཁྲིད་ནས། རྒྱ་ནག་ཡུལ་དུ་དམག་དྲངས། རྒྱའི་གྱིན་པོ་ཐམས་ཅད་བཀུམ་ནས་ཆམ་ལ་ཕབ། རྟ་པའི་ཉིན་ལམ་བཅུ་བཞི་ཚུན་ ཆད་མངར་འདུས། རྒྱའི་ཧ་ཤང་དང་། བོད་ཀྱི་པཎྜི་ཏ་ཐམས་ཅད་འདུས་ནས་བར་དཔང་མཛད། དབོན་ཞང་བསྡུམས་པར་མཛད། རྒྱའི་གོང་བུ་མདའ་རུར་རྒྱའི་གཙུག་ལག་ཁང་གཅིག་དང་། བོད་ཀྱི་བཙན་པོའི་གཙུག་ལག་ཁང་གཅིག་བཞེངས་སུ་གསོལ། དེའི་བར་དུ་ས་ལ་བཙན་པོ་དབོན་ཞང་། གནམ་ལ་ཉི་མ་དང་ཟླ་བ་ལས་མེད་དོ་བར་གླེངས་ནས། ཕོ་བོང་ལ་ཉིན་ཟླའི་གཟུགས་བྱས། གོང་བུ་མདའ་རུ་ཡན་ཆད་དུ་རྒྱའི་དམག་པར་མི་འདྲེན། དེ་མན་ཆད་དུ་བོད་ཀྱི་མདག་མར་མི་འདྲེན་པའི་མནའ་བྱས་ཏེ། དེ་རྒྱ་བོད་ཀྱི་སོ་མཚམས་ཡིན། དཔང་དུ་ལྷ་ཀླུ་གཉན་པོ་བཞག །དབོན་ཞང་ཇི་ལྟར་ཆད་པའི་རྩིགས་ཀྱི་ཡི་གེ་གསུམ་མཆིས་ཏེ། བཀྲ་ཤིས་ཁྲི་སྒོ་དང༌། ར་སའི་ལྷ་ཁང་དང་། གོང་བུ་དམར་པོ་གསུམ་དུ་རྡོ་རིང་ལ་བྲིས་ནས་ཡོད་དོ། །བཙན་པོའི་འདུན་ས་ཆུང་དུ་རབ་ཏུ་བྱུང་བ་ལ་ཕུལ་ནས། ཆབ་སྲིད་ཆོས་དང་མཐུན། དབང་དགེ་འདུན་ལ་ཕུལ་བས་བློན་པོ་ནག་པོ་ལ་དགའ་བ་ཀུན་བྱི་དང་། རྐུ་བྱ་དབང་མེད། སྤྱོད་པ་ཤིན་ཏུ་དོག་པས། རྗེའི་སྙན་དུ་ཞང་བློན་དགོས་པ་སྒྲུབ་པ་ལ་དཔྱང་ལོ་དམ་དུ་བསྡུས་ནས། དམངས་རབ་ཏུ་བྱུང་བ་ལ་དགྱེས་བཞིན་དུ་ཕྱག་འཚལ་བ་ཅི་ལགས། ཞེས་བྱ་བ་ལ་སོགས་པ་ཞུས་པའི་ལན་དུ། བཙན་པོས་སྐྱ་བཙུན་བོད་འབངས་ཡོངས་བསྡུས་པ་ཞུས་པའི་ལན་དུ། བཙན་པོས་བཙུན་བོད་འབངས་ཡོངས་བསྡུས་ནས། རབ་ཏུ་བྱུང་བའི་མངའ་ཐང་བསྟོད། ཞང་བློན་རྣམས་ལ་ཕྱག་དང་སྙུན་རྨེད། འདབ་མ་དགུ་རྩེགས་ཅན་དང་། གཟིག་པོ་སྣ་ཚོགས་ཅན་སོགས་པ་ཐམས་ཅད་བཀའ་ནན་ལ་ཕབ། ར་ས་དང་། བསམ་ཡས་དང། སྐར་ཆུང་ལ་སོགས་པ་ཡབ་མེས་ཀྱི་ཐུགས་དམ་བཞེངས་པའི་འཕྲོ་ཐམས་ཅད་མ་ལུས་པར་བཞེངས། ཞིག་རལ་ཐམས་ཅད་ཀྱང་གསོ་བདོ་ཙ་ན། འབངས་ནག་པོ་ལ་དགའ་བ་ཀུན་གྱིས། ངེད་འདི་ཙུག་བྱེད་པ་ཅིས་ལན་ཞེས་གླེངས་པས། བློན་པོ་རྣམས་ཀྱི་སྙིང་དུ་གདོན་གསོལ་ནས། འདི་བཙན་པོའི་ཆབ་སྲིད་ཀྱི་དབང་དམངས་བཙུན་པ་ལ་གཏད་པས་ལན་ཟེར། སྤྱོད་པ་རྩིང་དུ་བཏང་། དེ་ལ་བཀའ་ནན་ཆེར་བསྩལ་བས། དེ་ཕ་གི་ཀུན་གྱིས་ལན་ཟེར་ནས། མཛུབ་མོ་བཙུགས། རྒྱལ་པོས་ངའི་རབ་ཏུ་བྱུང་བ་ལ་མཛུབ་མོ་བཙུགས་ཤིང་། མཚང་ཆེན་པོ་སྟོན་པའི་བརྡ་བྱས་པས། ཁྲིམས་ལ་བཀྱོན་ཅིག་གསུངས། མཚང་ཆེན་པོ་སྟོན་པའི་བརྡ་བྱས་པས། ཁྲིམས་ལ་བཀྱོན་ཅིག་གསུངས། མཛུབ་མོ་བཅད། ད་ཕྱིན་ཆད་ངའི་རབ་ཏུ་བྱུང་བ་ལ་མཛུབ་ཀེར་བྱེད་པ་བྱུང་ན། དེའི་མཛུབ་མོ་ཆོད་ཅིག་ཅེས་བཀའ་བསྩལ། ཡང་སྤོཡད་པ་དོག་པ་ཕ་གི་ཀུན་གྱིས་ལན་ཟེར་ནས་མཆུ་གཡོ་བྱས་པས། ངའི་རབ་ཏུ་བྱུང་བ་ལ་མཆུ་གཡོ་བྱེད་པའི་མཆུ་བྲེག་ཤིག་གསུངས་ཏེ། དེ་བཞིན་དུ་མིག་ལོག་བྱེད་པའི་མིག་ཕྱུང་། བཙུན་པའི་ཡོ་བྱད་བརྐུས་པ་ལ་དཀོན་མཆོག་ཀྱི་བརྒྱད་ཅུ་འཇམ་ལ་སོགས་པའི་ཆོས་ཁྲིམས་མཛད་པས། ཞང་བློན་ནག་པོ་ལ་དགའ་བ་ཀུན་གྲོས་བྱས་ནས་ཆོས་ཁྲིམས་བཤིག་པར་ལྐོག་ཏུ་ཆད་བྱས་པས། དེ་ལ་བཙན་པོ་མ་བཀྲོངས་ན་ཆོས་ཁྲིམས་མི་འཇིག་ཟེར། ལྷ་སྲས་སྤུགས་པས་ཆོག་ཟེར་རོ། །ཡང་བན་ཆེན་པོ་ཆོས་ལ་དཀར་བས་དབང་ཆེས་ཆེ་ནས། ཆོས་ཁྲིམས་མི་ཤིགས་ཞེས་གླེང་བས། དེ་ལ་སྙན་ཕྲ་བཅུག་སྟེ། བན་ཆེན་པོ་དཔལ་གྱི་ཡོན་ཏན་དང་། དཔལ་གྱི་ངག་ཚུལ་ཉམ་བཤམས་སོ་ཞེས་སྙན་དུ་གསོལ་ནས་ཆད་པ་བྱེད་དུ་ཞུས་པས། བན་ཆེན་པོས་ ལྕགས་ཀྱི་ཕྲོག་བསྒྲུབས་པས་མ་འགྲུབ་པར་མཁས་པ་བཙན་པར་བྱས་ཏེ། སྦས་རྒྱལ་ཏོ་རེས་བན་དཔལ་གྱི་ཡོན་ཏན་བསད། དེས་དམོད་པས་བོད་ལ་བཀྲ་མི་ཤིས་པ་སྣ་ཚོགས་འབྱུང་། བཙུན་མོ་ལྕེབས། ལྷ་སྲས་གཙང་མ་རབ་ཏུ་བྱུང་ནས་རྫོགས་པ་ཆེན་པོ་དང་བཅས་པ་སྤ་གྲོ་མོན་དུ་སྤུགས། བོད་ཀྱི་བསོད་ནམས་ཉམས་པ་དང་འདྲེ་སྲིན་རྒོད་པས་བཙན་པོ་དགུང་ལོ་སོ་དྲུག་ལྕགས་ལོ་བྱ་ལ། སྦས་རྒྱལ་ཏོ་རེ་དང་། ཅོག་རོ་ལེགས་བཀྲ་གདོང་བཙན་གཉིས་ཀྱིས་ཞལ་ལྟག་པར་བསྟན་ཏེ་ཏེ་བཀྲོངས་སོ། །ཁྲི་དར་མ་འུ་དུམ་བཙན་གྱི་སྐོར། དེ་ནས་བཙན་པོ་གླང་དར་མ་འུ་དུམ་བཙན་དགུང་ལོ་དགུ་བཞེས་པ་ལ་ཆབ་སྲིད་གཏད། ཐེའུ་རང་དབང་རྒྱལ་ཏོ་རེ་ནང་བློན་དུ་བསྐོས། བློན་སྣ་ནམ་རྒྱལ་ཚེ་ཁྲི་གསུམ་ལ་སོགས་ཀྱིས་ཆོས་ཁྲིམས་དང་འགལ་བ་མང་དུ་བྱས། ལོ་པཎ་གྱིས་ཆོས་བསྒྱུར་བའི་གྲྭ་ཞིག་སྟེ་བསྒྱུར་འཕྲོ་ལ་ལུས། འུ་ཤང་རྡོ་ལ་རབ་གནས་མ་གྲུབ་པར་ལུས་སོ། །དེ་ནས་བཙན་པོ་ནར་གསོན་པ་དང་། ཐུགས་སུ་གདོན་གསོལ་ཏེ། ཆོས་ཁྲིམས་བཤིག་པར་དགོངས་པ་ལ་བསྙད་མ་རྙེད་པར་ཡོད་ཙ་ན། དུས་དེར་ལྷ་སར་སད་དང་སེར་བ། བཙའ་དང་མུ་གེ། མི་ནད་དང་ཕྱུགས་ནད་ལ་སོགས་པ་མང་པོ་བྱུང་བས། དེ་ལ་བཙན་པོས་བསྙད་བཙལ། འབངས་ཀུན་ལ་ལྟས་ངན་འདི་ལྟ་བུ་བྱུང་། ཅིས་ཉེས་སམ་དྲིས་པས་མི་ཤེས་ཟེར། ངས་ཤེས་ངན་འདི་ལྟ་བུ་བྱུང་། ཅིས་ཉེས་སམ་དྲིས་པས་མི་ཤེས་ཟེར། ངས་ཤེས་སྟེ་རྒྱལ་མོ་ཨོང་ཅོ་ཞེས་བྱ་བའི་གནོད་སྦྱིན་མོ་ཞིག་གིས། གནོད་སྦྱིན་གྱི་ལྷ་ ཤཱཀྱ་མུ་ནེ་ཟེར་བའི་བཀྲ་མི་ཤིས་པ་ཞིག་སྤྱན་དྲངས་ནས། དེ་དང་པོ་རི་རབ་ཀྱི་རྩེ་མོར་ཡོངས་ནས། ལྷ་གཡུལ་ཕམ་པར་བྱས་ནས་ལྷ་རྣམས་ཕུང་བར་བྱས། དེ་ནས་ཨུ་རྒྱན་དུ་ཡོངས་ནས་རྒྱན་འཕུང་བར་བྱས། དེ་ནས་མ་ག་དྷར་ཡོངས་ནས་རྒྱ་གར་འཕུང་བར་བྱས། དེ་ནས་རྒྱ་ནག་ཏུ་ཡོངས་ནས་རྒྱ་ནག་འཕུང་བར་བྱས། དེ་ནས་བོད་དུ་ཡོངས་ནས། མོ་ས་དཔྱད་ལ་མཁས་པས་ས་དཔྱད་བྱས་ཏེ། ལྕགས་དཀར་གྱི་རི་སེདྒེ་གནམ་ལ་འཕྱོང་བ་འདྲ་བ་ལ། དེའི་སྒལ་ཚིག་ཉིས་ཤུ་རྩ་གཅིག་ལ་མཆོད་རྟེན་ཉིས་ཤུ་རྩ་གཅིག་གི་མེ་བཙའ་བཞག་སྤྱི་བོར་མཆོད་རྟེན་ནག་པོ་ཁྲི་འཕངས་དགུ་པས་མནན། མཁལ་ཁུང་དུ་ལྷ་ཁང་བྱས་ནས་སྟོད་ལ་མནན། དེ་མ་མནན་ན་རྒྱ་གར་མངའ་རིས་སུ་འདུ་བ་ཡིན། ཡར་ལུང་མེ་སྣའི་གདོང་ལ་རི་འབྲས་ཀྱི་ལྗང་པ་འདྲ་བ་ཡོད་དེ། དེ་རྐེད་པར་བཅད། དེ་མ་བཅད་ན་བོད་དུ་མུ་གེ་མི་ཡོང་བ་ཡིན། མྱང་རོ་ན་རི་སྟག་དང་སེདྒེ་འཐབ་པ་འདྲ་བ་ཡོད། དེ་མ་བཅད་ན་བོད་དུ་དཔོན་རྒྱུད་མི་ཆད་པ་ཡིན། རི་སྟག་སེང་གཉིས་མཇུག་མ་བསྣོལ་བ་འདྲ་བ་ཡོད་དེ། དེ་བཅད་ནས་བར་དུ་རིན་པོ་ཆེའི་མཆོད་རྟེན་གྱིས་མནན། དེ་མ་མནན་ན་བཙན་པོ་འཕྲུལ་མངའ་བ་དང་། བློན་པོ་རིག་པ་ཅན་རྒྱུན་མི་ཆད་པར་ཡོང་བ་ཡིན། དྲང་སྲོང་སྲིན་པོ་རི་དང་། རྒྱ་ནག་ཏོང་ཀུན་གཉིས་ཀྱི་བར་ན། རི་པི་ཝང་གི་རྒྱུད་འདྲ་བ་ཡོད་དེ། དེ་ལས་ཡུལ་གཞན་གྱི་རྫས་དང་ཡོ་བྱད་མ་ཆད་པ་ཡོང་བ་ཡིན་ཏེ། དེ་ལ་མོས་གནོད་པ་བྱ་བརམ་ནུས་པས། ད་ལྟ་ཡང་རྒྱུན་མ་ཆད་པ་ཡིན། བོད་འབངས་ཐམས་ཅད་རབ་ཏུ་བྱུང་སྟེ། བུད་མེད་བཀག་ནས་ཆོས་བྱེད་ཟེར་ནས་མི་ རབས་བཅད་དེ། བོད་ཀྱི་ཆབ་སྲིད་ཕ་མིང་ལ་གནོད་པ་ཡིན། བོད་ཀྱི་ས་གཉན་ཐམས་ཅད་ལ་བཅོས་ཀ་བྱས་པས། མོ་རང་ལ་མཛེ་བྱུང་ནས་རོ་ལྷ་སར་བཞག་སྟེ་བང་སོ་མེད་པ་ཡང་དེ་ཙུག་ཡིན། ཞེས་པ་ལ་སོགས་ལོག་པའི་ཕྱིར་ཁྲིད་མང་དུ་བྱས་ནས། ད་རྒྱ་གར་གྱི་སྐད་པ་ར་པི་རི་འདི་ལ་གོ་རྒྱུ་ཅི་ཡང་མེད། ཆོས་བཏུབ་པ་མི་ཡོང་། འོ་ཅག་བཙུན་པ་ཐམས་ཅད་རྟགས་དང་ཕྲལ་ལ་ཁྱིམ་པར་དབབ། ཆོས་གྲྭ་ཆེན་མོ་སུམ་ཅུ་པོ་དུས་གཅིག་ལ་བཤིག་རབ་ཏུ་བྱུང་བ་ཚོ་ཕབ། བཙུན་པའི་རྟགས་འབོར་དུ་མ་འདོད་པ་རྣམས་ལ། མདའ་གཞུ་དང་། རྔ་བཤང་བསྐུར་ནས་ཁྱི་ར་ལ་བཀོད། དེ་ལྟར་མ་ཉན་པ་ཀུན་བསད། པོ་ཏི་ཕལ་ཆེར་ལྷ་སའི་བྲག་ལྟེ་བ་ཅན་ལ་སྦས། མི་དད་པ་ཅན་ཀུན་ན་རེ། བཙན་པོའི་ཐུགས་སུ་གདོན་གསོལ་བར་ངེས། མེས་སྲོང་བཙན་སྒམ་པོ་དང་། རྒྱ་མོ་ཨོང་ཅོ་དང་། བལ་མོ་ཁྲི་བཙུན་གསུམ་སྤྲུལ་པར་འདུག་དེའི་རྗེས་ལ་རྒྱལ་པོ་རྫུ་འཕྲུལ་མངའ་བ་མང་དུ་བྱོན། སློབ་དཔོན་སྦས་གསལ་སྣང་དང་། འགོས་ཁྲི་བཟང་ཡབ་ལྷག་དང་། བྲན་ཀ་དཔལ་གྱི་ཡོན་ཏན་ལ་སོགས་པའི་རིག་པ་ཅན་ཡང་མང་དུ་བྱུང་། བཙན་པོས་ཆོས་ཁྲིམས་བཤིག་འདོད་པའི་བསྙད་འདོགས་པ་ཡིན། ལྷ་ཤཱཀྱ་མུ་ནེ་ལས་བོད་ཁམས་བདེ་སྐྱིད་འབྱུང་བ་ཡིན་ཏེ། ཟེར་ཞིང་མྱ་ངན་བྱེད། དེ་ནས་བོད་འབངས་དད་པ་ཅན་ཀུན་གྱིས་ལྷ་སྤྱན་མི་འདྲོངས་པའི་ཐབས་བྱས་ནས། རིན་པོ་ཆེའི་སྐུ་བསྒུལ་བར་མི་ནུས་ཞེས་སྙན་དུ་གསོལ་བས། རྗེའི་ཞལ་ནས་གཟུ་བ་ཚུགས་ལ་བོར་ཅིག་ཅེས་རོ། །དེ་ནས་ལྷ་བཞུགས་པའི་ཁང་པ་ བྱེ་མས་བཀང་ནས། གཟུ་བ་བཙུགས་ཤིང་ཐག་པ་མང་དུ་བཏགས་ཏེ་འཐེན་པས་མི་དང་ཐག་པ་ཀུན་ཆད་དོ། །དེ་ནས་རྗེ་ལ་ཞུས་པ་དང་། འདི་མི་ཐེག་པས་སྔོན་ཡང་ཞང་མ་ཞང་གིས་ལྷ་བྱེ་ཐེམས་སུ་སྦས། ད་ཡང་བྱེ་ཐེམས་སུ་སྦ་བར་བཞུགས་སམ་ཞུས་པས། དེ་བཞིན་གྱིས་གསུངས་ནས་བྱེ་ཐེམས་སུ་བཅུག་གོ །བཙན་པོའི་ཞལ་ནས། ད་ར་སའི་ལྷ་ཡང་སྐྱོལ་ཞེས་བསྒོ་ནས། བློན་པོ་རྣམས་ཀྱིས་གྲོས་སྟེ་ཇོ་བོ་སྦས། གློ་འབུར་གྱི་བྱམས་པོ་ཇོ་བོ་ཡིན་ནོ་བྱས་ཏེ་ཆུར་སྐྱེལ་བར་བྱས་སོ། །ཞེས་ཆད་ནས། ར་སའི་སྟེང་ནས་ཆོ་ངེ་བཏབ་པས། ལྷོ་ནུབ་གྱི་དཀྱིལ་འཁོར་སྟེང་ན། བཙན་པོ་མི་དགེ་བའི་ཁྲིམས་བཅའ་བས་ཐོས་ནས་ཅིས་ཉེས་དྲིས་པས། ཤཱཀྱ་མུ་ནེའི་འོག་ན་རྒྱལ་པོ་ཀླུ་མཐོང་བའི་གདུག་ཅན་གནན་ནས་འདུག་བྱས་པས། སྐུ་ཕྱིར་ཐོན་ནམ་མ་ཐོན་ཟེར། ཐོན་ལ་ཁད་ཡོད་དེ་སྐུ་ཐོག་ཏུ་བྱེ་མ་བླུག་ལ་བཞག་གམ་བྱས་པས། ལེགས་སོ་དེ་ལྟར་གྱིས་གསུངས་ནས། ཤཱཀྱ་མུ་ནེའི་བཞུགས་ཁང་ལ་བྱེ་མ་རྫངས། སྒོ་ལ་འདམ་འབག་གིས་ཞལ་ཞལ་བྱས། རྒྱལ་པོ་དགྱེས་སུ་རེ་ནས། སྒོ་ལ་བཙུན་པ་ཆང་འཐུང་བའི་རོ་མོ་བྲིས་ནས་བཞག་གོ །བསམ་ཡས་དང་ར་མོ་ཆེའི་སྒོ་ལ་ཡང་འདག་ཞལ་བྱས་ནས་བཞག་གོ །བྱམས་པའི་སྐུ་སྐྲད་རས་ཀྱིས་གཡོགས། མིའི་དཔུང་པ་གཤིབས་པའི་བར་ནས་བཙན་པོས་གཟིགས་ཙ་ན་བྱམས་པ་གསེར་ལྷག་ལྷག་མཐོང་བ་བྱས་སྟེ། མི་མང་པོས་ཐག་པ་བཏགས་ནས་འདྲུད་པ་བཞིན་བྱས་ཏེ། ཉི་མ་ནུབ་ཙ་བ་སྐུ་མ་ནུབ། འོ་ཐང་གི་མཚོ་ལ་བོར་རམ་བྱས་པས་རུང་ཟེར། བྱམས་པ་ཡར་གདན་དྲངས་ནས་གློ་འབུར་དེ་ཉིད་དུ་སྔ་མ་བཞིན་བཞུགས། རྡོ་ མཚོར་བོར་ནས་བསོ་བཏབ་པས། བཙན་པོ་ན་རེ་ཅི་ཡིན་ཟེར། ལྷ་ཆུར་བསྐྱུར་བ་ཡིན་བྱས་པས། དེ་ཤིན་ཏུའང་ལེགས་སོ་ཟེར། ནང་པར་བློན་པོ་འགའ་ཆབ་ལ་ལྟ་བཞིན་འདུག་པས། བཙན་པོས་གཟིགས་པས་ཁྱེད་དེ་ན་ཅི་བྱེད་ཟེར། སྐུ་ཚོལ་བ་ཡིན་པ་མི་འདུག་ཉས་ཟོས་སམ་བྱས་པས། འོ་དེ་ཙུག་ཡིན་ཤིན་ཏུ་ལེགས་ཟེར། དེ་ནས་རེ་ཞིག་ན་ཡེར་པ་ལྷ་རིའི་སྙིང་པོ་ན། ལྷ་ལུང་དཔལ་གྱི་རྡོ་རྗེ་སྒོམ་གྱིན་ཡོད་པའི་དྲུང་དུ། ནམ་ཕྱེད་ན་དཔལ་ལྡན་ལྷ་མོ་བུད་མེད་ཀྱི་ཆས་སུ་བྱོན་ནས། དེང་སང་བོད་ན་གྲུབ་པ་ཐོབ་པ་ནི་ཁྱོད་ལས་མེད་ན། རྒྱལ་པོ་སྡིག་ཅན་བསད་རན་ཟེར་བ་ཞིག་བྱུང་། དེ་ཉེ་གནས་ལ་བཤད་པས། ཉེ་གནས་ཀྱིས་རྒྱལ་པོས་ཆོས་བསྣུབས་པའི་ལོ་རྒྱུས་ཞིབ་ཏུ་སློབ་དཔོན་ལ་བསྙད་པས། དཔལ་གྱི་རྡོ་རྗེས་སྡིག་སྤྱོད་ཀྱི་རྒྱལ་པོ་དེ་བསྟན་པའི་གདུད་དུ་གཟིགས་ནས། སྙིང་རྗེ་ཁྱད་པར་ཅན་སྐྱེས་ཏེ། རྟ་དཀར་པོ་ལ་སོལ་བ་བྱུགས། བེར་ནང་དཀར་ལ་ཕྱི་ནག་པ་གྱོན། ལྕགས་མདའ་ལྕགས་གཞུ་བསྣམས་ནས་ལྷ་སར་བྱོན་བའི་དུས་སུ། རྒྱལ་པོ་ན་རེ། མདང་རྨི་ལམ་ངན་པ་ཞིག་ཀྱང་རྨིས། ཁམས་ཀྱང་ངན། སྙིང་ཡང་མི་དགའ་ཟེར་ཞིང་རྡོ་རིངས་ཀྱི་ཡི་གེ་ཀློག་ཅིང་འདུག་གོ །དཔལ་གྱི་རྡོ་རྗེ་མི་ཞིག་དང་འཕྲད་པས། ཇོ་བོ་མི་ནག་རྟ་ནག་ཁྱོད་གར་འགྲོ་ཟེར། ང་བཙན་པོ་ལ་ཕྱག་བྱེད་པ་ཡིན། རྒྱལ་པོ་ག་ན་བཞུགས་བྱས་པས། རྡོ་རིངས་ཀྱི་ཡི་གེ་ཀློག་གིན་འདུག་ཟེར། རྒྱལ་པོས་དཔལ་གྱི་རྡོ་རྗེ་བྱུང་བ་མཐོང་སྟེ། མགོན་པོ་ནག་པོ་བྱོན་ཟེར་ནས། གཙུག་ལག་ཁང་དང་དགའ་ལྡན་གྱི་བར་ཁང་གི་མཆོད་རྟེན་ལ་སྐུ་བརྟེན་ཏེ་བཞུགས་པའི་ མདུན་དུ། དཔལ་གྱི་རྡོ་རྗེས་རྟ་ལས་བབས་ནས། པུས་མོ་ལ་བརྟེན་ཏེ་གཞུ་བརྡུངས་པས། རྒྱལ་པོས་ཕྱག་བྱེད་པར་གོ་ནས་ཞེ་ས་འབུལ་ཟེར། ཕྱག་དང་པོ་བྱེད་ཙ་ན་གཞུ་བརྡུངས། གཉིས་པ་ལ་མདའ་སྟོང་སྦྱར། གསུམ་པ་ལ་མཐེབ་བཀྲོལ་ནས་མདའ་བཏང་བས་བྲང་ལ་ཕོག་སྟེ་རྒྱལ་པོ་སྡིག་ཅན་བསད་ནས། ང་བདུད་ཡ་ཞེར་ནག་པོ་བྱ་བ་ཡིན། རྒྱལ་པོ་སྡིག་ཅན་འདི་ལྟར་གསོད་པ་ཡིན་ཟེར་ནས་བྲོས་སོ། །རྒྱལ་པོས་མདའ་ལ་ཕྱག་འཇུས་ནས། ཡང་ན་ལོ་གསུམ་གྱིས་གསོད་པ་སྔས། ཡང་ན་ལོ་གསུམ་གྱིས་གསོད་པ་ཕྱིས་པ་ཡིན་ཟེར་ཏེ་གྲོངས་སོ། །རྒྱལ་པོ་དེས་ལོ་བཅོ་བརྒྱད་ནས་ཉིས་ཤུ་རྩ་གཅིག་བར་ལོ་གསུམ་རྒྱལ་སྲིད་བཟུང་ཀྱང་ཟེར། ལོ་རྒྱུས་གཅིག་ལ་ལོ་བཅུ་གཅིག་ལ་ཐུབ་པ་ལ། ཆབ་སྲིད་ལོ་གཅིག་དང་ཟླ་བ་ཕྱེད་དང་ལྔ་མཛད་ནས་གྲོངས་ཀྱང་ཟེར། དེ་ནས་ལྷ་སར་རྒྱལ་པོ་བཀྲོངས། རམ་ཟླ་རྒྱུགས་ཞེས་སྦྲན་པས། ལ་ལ་ནི་ལྷ་རི་སྒང་བརྒྱུད་ནས་ཡར་བྱུང་། ལ་ལ་ཕོ་བྲང་དམར་པོ་རི་ན་ཡར་བྱུང་། མི་ནག་མཚོ་ལ་རྟ་བཤད། བེར་ཕྱི་ནང་ལྡོག་སྟེ་གྱོན་ནས། ལྕགས་གཞུ་གནམ་དུ་སྒྲེང་ཞིང་། ང་ལྷ་གནམ་ཐེང་དཀར་པོ་ཡིན་ཟེར་བྲོས། ཁ་ཅིག་ན་རེ། ངན་པ་དེ་དེའུ་ཟིནཔ་ལ། དྲང་སྲོང་སྲིན་པོ་སྣར་ས་སྲོས་ནས་མ་མཐོང་བར་ཤོར་ཟེར། ཁ་ཅིག་ན་རེ་གྲིབ་སེ་སྒྲོམ་གྱི་ཕུ་རུ་ཤོར་ཟེར། ཁ་ཅིག་ནི་ཐང་མོ་རྡོ་རིང་དུ་ནམ་སྲོས་ནས་མ་ཟིན་ཟེར། གསུམ་དུ་ཡོང་བ་འདི་དཔལ་གྱི་རྡོ་རྗེའི་སྤྲུལ་པ་ཡིན་ངེས། འདི་གསོད་ཟེར་ནས་རྟ་པ་དགུས་གསོད་དུ་ཕྱིན་པས། དཔལ་གྱི་རྡོ་རྗེ་སྒོམ་ཞིང་ཡོད་པའི་སྒོམ་ཁང་མདུན་དུ་ཐལ་རྒྱ་བཏབ། དར་དཀར་པོའི་ ཡོལ་བའི་ནང་དུ་སྤྱང་ཐུལ་དང་བྱ་རྒོད་ཀྱི་ཐུལ་པ་བཞག་དཀར་ཁུང་ཆུང་ངེ་མ་ཞིག་གིས་ཁ་ཁྱེར་ལ་བྱ་སྤུ་ཐུལ་ལ་བྱས་ནས་མི་འདུག་མངོན་པ་ཀུན་ལས་བཏུས་དང་། འདུལ་བ་འོད་ལྡན་དང་། ལས་ཀརྨ་ཤ་ཏཾ་གསུམ། ཁུར་ནས་ཁམས་སུ་བྲོས་སོ། །དབུས་གཙང་གི་མི་བཅུས་འདུལ་བའི་བསྟན་པ་བཙུགས་པའི་སྐོར། པཎྜི་ཏ་ལ་ལ་སྤྱུགས། ལ་ལ་ཡུལ་དུ་བསྐྲད། ལོ་ཙཱ་བ་ཕལ་ཆེར་བྲོས། དེ་ལྟར་དར་མས་བསྟན་པ་བསྣུབས་པའི་དུས་སུ། འཇད་པ་གཙང་རབ་གསལ། བོ་དོང་བ་གཡོ་དགེ་འབྱུང་། སྟོད་ལུང་པ་དམར་ཤཱཀྱ་མུ་ནེ་དང་གསུམ་དཔལ་ཆུ་བོ་རི་ལ་སྒོམ་ཞིང་ཡོད་པའི་དུས་སུ། བཙུན་པ་མང་པོས་ཁྱི་ཁྲིད། རྔ་བཤང་བརྡུང་ཞིང་མགོ་ལ་བྱ་སྒྲོ་བཙུགས། ཤམ་ཐབས་སྔ་ལོག་ཕྱི་ལོག་བྱས་ནས་རི་དྭགས་ལ་མདའ་འཕེན་པ་ཐབ་ཁ་བས་མཐོང་བས་མ་དགའ་ནས། བན་རྒན་འཁྲུལ་ལམ་བཙུན་པ་སྨྱོ་ཟེར་ཞིང་གཟིགས་པས་མཐོང་ཞིང་བྲིས་སོ། །སློབ་དཔོན་མ་འཁྲུལ་བཙུན་པ་མ་སྨྱོ། རྒྱལ་པོས་ཆོས་བསྣུབས་པའི་ལོ་རྒྱུས་ཞིབ་ཡུ་བསྙད་པས། འོ་ན་བན་དྷེ་ཞིག་འདིར་བོས་དང་གསུངས་ནས། དེ་ལ་གཏམ་དྲིས་པས། ཁྱེད་ལ་བཀའ་ཆད་ཀྱིས་མ་འཕོག་པ་མཁར་རྗེ་ཆེ་ཟེར་ནས། བཙུན་པ་གསུམ་པོས་གོས་རེ་བས་དྲིལ་ནས་སྤྲང་ཆབ་སུ་ཞུགས་ཏེ་ཁམས་སུ་བྲོས་ནས་དན་ཏིག་ཤེལ་གྱི་དཀོན་པར་སླེབས་པ་དང་། སྔར་གྱི་གོས་གྱོན་པས། དེ་ན་ཡོད་པའི་མུ་ཀུན་ན་རེ། རྒྱལ་པོའི་ཁྲིམས་ཀྱིས་མ་ཕོག་པར་ཐར་བ་ཚོ་ ཟེར་བས། བྲེད་ནས་ནགས་སུ་སྒོམ་ཞིང་ཡོད་ཙ་ན། རྨ་ཆུ་ཁའི་ཕྱུགས་རྫིས་མཐོང་སྟེ། དགོང་ཀ་མི་འདུས་པ་རྣམས་ལ་སྨྲས་པས། ལས་དང་སྐལ་བར་ལྡན་པའི་མོས་པ་སྤྱོད་པའི་ས་ལ། མུ་གཟུགས་གསལ་འབར་བྱ་བས་བལྟར་ཕྱིན་པས། དད་ནས་རབ་ཏུ་བྱུང་བར་ཞུས་པས། འདུལ་བའི་པོ་ཏི་གཏད་ནས། དད་ན་རབ་ཏུ་ཕྱུང་གསུངས། འདུལ་བའི་པོ་ཏི་གཏད་ནས། དད་ན་རབ་ཏུ་ཕྱུང་གསུངས། བལྟས་པས་དད་ནས་མཆི་མ་བྱུང་ངོ་། །དེར་གཙང་གིས་མཁན་པོ་བྱས། གཡོས་སློབ་དཔོན་བྱས་ཏེ་དགེ་ཚུལ་དུ་བྱུང་ངོ་། །མཚན་ཡང་མཁན་སློབ་དང་སྦྱར་ཏེ་དགེ་བ་རབ་གསལ་དུ་གྲགས་སོ། །དེ་ནས་བསྙེན་རྫོགས་ཞུ་བ་ལ་དཔལ་གྱི་རྡོ་རྗེར་ཞུས་པས་ངས་རྒྱལ་པོ་བསད་པས་ཁ་སྐོང་མི་བཏུབ་ཀྱིས་གཞན་བཙལ་ལོ། །གསུངས་ནས་རྒྱ་ནག་ཧ་ཤང་ཀེ་དབང་དང་བྲི་བན་བ་གཉིས་བཙལ་ཏེ་བཏང་ངོ༌། །དེ་ནས་དགེ་ཚུལ་ལོ་གཅིག་ལོན་ཏེ། སྔར་གྱི་མཁན་སློབ་ཀྱིས་མཁན་སློབ་བྱས། དམར་གྱིས་གསང་སྟོན་བྱས། རྒྱའི་དགེ་སློང་གཉིས་ཉིས་ཀྱིས་ཁ་སྐོང་བྱས་ཏེ་ལྔའི་ཚོཊ་ཀྱིས་བསྙེན་པར་རྫོགས་སོ། །དེ་ནས་ལོ་ལྔ་ལོན་པ་དང་། དབུས་ནས་ཀླག་པ་ལམ་པ་ཀླུ་མེས་ཚུལ་ཁྲིམས་ཤེས་རབ། འབྲི་ཡེ་ཤེས་ཡོན་ཏན། རག་ཤི་ཚུལ་ཁྲིམས་འབྱུང་གནས། སྦ་ཚུལ་ཁྲིམས་བློ་གྲོས། སུམ་པ་ཡེ་ཤེས་བློ་དང་ལྔ། གཙང་ནས་མགུར་མོ་རབ་ཁ་བ། ལོ་སྟོན་རྡོ་རྗེ་དབང་ཕྱུག་ཤབ་སྒོ་ལྔའི་ཆོང་བཙུན་ཤེས་རབ་སེདྒེ། མངའ་རིས་པ་འོས་བརྒྱད་སྤུན་གཉིས། བོ་དོང་པ་ཨུ་དེ་དཀར་བ་དང་ལྔ་སྟེ། མི་བཅུ་འོངས་ནས་གཙང་ལ་བཀའ་འདྲི་ཞུས་པས། ང་རྒས་ནས་མཁན་པོ་མི་སྐྱོང་པས། བླ་ཆེན་ལ་ཞུས་གསུངས་ནས་ཞུས་པས། ངས་བསྙེན་རྫོགས་བྱས་ནས་ལོ་ལྔ་ལས་མ་ལོན་པས་མཁན་ པོ་མི་བཏུབ་གསུངས་པ་ལ། གཙང་ན་དེ་དམིགས་བཏུབ་པས་ཀྱིས་གསུངས་ནས། བླ་ཆེན་པོས་མཁན་པོ་བྱས་ཏེ། གཙང་དང་གཡོས་སློབ་དཔོན་དང་གསང་སྟོན་བྱས། དམར་དང་ཧ་ཤང་གིས་ཁ་སྐོང་བྱས་ནས། ཐམས་ཅད་གཅིག་རྫོཊ་བྱས་སོ། །དེ་ནས་བླ་ཆེན་གྱི་ཞལ་ནས། ལོ་སྟོན་མཐུ་ཆེ་བས་བསྟན་པ་སྲུངས་ཤིག་ཀླུ་མེས་སྐུ་བཙུན་པས་མཁན་པོ་གྱིས་ཤིག་ཚོང་དགེ་བློ་རྣོ་བས་སྟོན་པ་གྱིས་ཤིག་འབྲིང་བསྐོས་མཁས་པས་གནས་གཞི་ཟུངས་ཤིག་གསུངས། དེ་ནས་བྱིངས་པོས་ཡར་ཡོང་། ཀླུ་མེས་ཀྱིས་གྲུབ་ཡེ་ཤེས་རྒྱལ་མཚན་ལས་འདུལ་བ་ཉན་ཞིང་བསྡད་དོ། །དེ་ལྟར་དབུས་གཙང་དུ་འདུལ་བའི་བསྟན་པ་མེད་པ་ལོ་བདུན་ཅུ་བྱུང་ནས། དབུས་གཙང་གི་བཙུ་པོ་འདིས་འདུལ་བའི་བསྟནཔ་བཙུགས་པ་ཡིན་ཏེ། མི་བཅུ་དབུས་སུ་བྱོན་ཙ་ན། རྒན་མོ་ཞིག་ན་རེ། ང་ལོ་དྲུག་ལོན་ཙ་ན་བཙུན་པ་མཐོང་ཟེར། ད་ཇི་ཙ་ལོན་དྲིས་པས། ལོ་བདུན་ཅུ་དོན་དྲུག་ལོན་ཟེར་བས་སོ། །ཞེས་ཟེར་ལ། ཁ་ཅིག་ལོ་བརྒྱ་རྩ་བརྒྱད་སོང་ཟེར། འདི་མན་གྱི་སྡོམ་བརྒྱུད་རྣམས་ཤེས་པར་འདོད་ན་གཞན་དུ་བལྟ་བར་བྱའོ། །མངའ་རིས་བོད་ཀྱི་རྒྱལ་ཁམས་སུ་མདོ་སྔགས་ཀྱི་ཆོས་དར་བའི་སྐོར། དེ་ལྟར་གོང་དུ་སྨོས་པའི་ཆོས་རྒྱལ་མེས་དབོན་རྣམས་དང་། ལོ་པཎ་སྐྱེས་མཆོག་ཁྱད་པར་ཅན་རྣམས་ཀྱི་བཀའ་དྲིན་ལ་བརྟེན་ནས། སྤྱིར་མངའ་རིས་བོད་ཀྱི་རྒྱལ་ཁམས་འདིར། མདོ་སྔགས་ཀྱི་ཆོས་དཔག་ཏུ་མེད་ ཞིག་དར་བར་མཛད་ཅིང་། ཁྱད་པར་དུ་བཀའ་གསང་སྔགས་ཟབ་མོ་འདི་ལ། སྔ་འགྱུར་དུ་གྲགས་པ་རྙིང་མའི་བབས་ཚུལ་དང་། ཕྱི་འགྱུར་གསར་མའི་བྱུང་ཚུལ་ལོ། །སྔ་འགྱུར་དུ་གྲགས་པ་རྙིང་མའི་བབས་ཚུལ། དེའང་སྔགས་སྔ་འགྱུར་གྱི་བསྟནཔ་འདི། བརྒྱུད་ཚུལ་གྱི་བབས་ལུགས་ཆེན་མོ་གསུམ་ལ་བརྟེན་ནས། ད་ལྟ་ཡན་ཆད་དུ་ཇི་ལྟར་དར་ཞིང་རྒྱས་པའི་ཚུལ་ནི། སྤྱིར་གསང་སྔགས་ཀྱི་བསྟནཔ་འདི་ནི་དང་པོ་གཉགས་ལ་བབས། བར་དུ་སྣུབས་ལ་བབས། ཐ་མ་ཟུར་ལ་བབས་སོ། །དང་པོ་ནི་ཡུལ་ཡར་ཀླུངས་ཀྱི་གཉགས་སྟག་སྒྲ་ལྷ་སྣང་དང་། ཡུམ་སྲུ་བཟའ་སྒྲོན་མ་སྐྱིད་ཅེས་བྱ་བའི་སྲས། མི་ཆོས་ཀྱི་མིང་རྒྱལ་བའི་བློ་གྲོས་ཞེས་བྱ། ཆོས་མིང་གཉགས་ཛྙཱན་ཀུ་མ་ར་ཞེས་བྱ་བས་དྲུག་པའི་བྱང་ཆུབ་སེམས་དཔར་གྱུར་པ། ཨུ་རྒྱན་གྱི་སློབ་དཔོན་པདྨ་འབྱུང་གནས་དང་། རྒྱ་གར་གྱི་མཁན་པོ་བཱི་མ་ལ་མི་ཏྲ་དང་། ལོ་ཙཱ་བ་ཆེན་པོ་བཻ་རོ་ཙ་ན་དང་། རྫུ་འཕྲུལ་ལ་དབང་ཐོབ་པ་སྣུབས་ནམ་མཁའི་སྙིང་པོ་དང་། རྒྱལ་མོ་ཚ་བ་རོང་གི་མཁས་པ་གཡུ་སྒྲ་སྙིང་པོ་ལ་སོགས་པའི་ཞབས་ལ་གཏུགས་ཤིང་། མཁས་གྲུབ་དེ་རྣམས་ཀྱི་ཞལ་གྱི་བདུད་རྩི་ཐོབ་པ། མདོ་སྔགས་ཀུན་མ་མཁྱེན་པ་རབ་ཏུ་རྒྱས་པར་མཛད་པའི་གཉགས་ཛྙཱན་ཀུ་མཱ་ར་ལ། བཀའ་བསྐྱེད་རྫོགས་གསུམ་གྱི་བཀའ་ཆུ་བོ་ཆེནཔོ་བཞི་འདུས་པ་ཡིན་ཏེ། དཀྱུས་བཤད་གཞུང་གི་ཆུ་བོ་འགྲེལ་ཊཱིཀ་སྟོང་ཐུན་དང་བཅས་པ། སྙན་བརྒྱུད་གདམས་ངག་གི་ཆུ་བོ་གནད་ཡིག་དམར་ཁྲིད་དང་བཅས་ པ། བྱིན་རླབས་དབང་གི་ཆུ་བོ་བསྐུར་ཐབས་ངོ་སྤྲོད་དང་བཅས་པ། ཕྱག་བཞེས་འཕྲིན་སྒྲུབ་གྱི་ཆུ་བོ་བསྟན་སྲུང་དྲག་སྔགས་དང་བཅས་པ་བཞི་ཡིན་ནོ། །དེ་རྣམས་ཆུ་བོ་དང་འདྲ་སྟེ། གོང་ནས་བརྒྱུད་པ་བར་མ་ཆད་པ་རེ་རེ་གཉིས་གཉིས་སུ་ཡ་མ་བྲལ་ཞིང་། བཞི་ཀ་འདུས་པ་ལ་བཀའི་ཆུ་བོ་བཞི་འདུས་ཞེས་བྱའོ། །དེ་ལྟར་འཛོམས་པ་དེ་སློབ་དཔོན་གཉགས་ཡིན་ལ། དེ་ལ་སློབ་མ་བསམ་གྱིས་མི་ཁྱབ་པ་བྱུང་ཡང་། ཁྱད་པར་དུ་ཐུགས་ཟིན་པ་ལ་དཔལ་གྱི་བུ་བཞི་ཞེས་གྲགས་ཏེ། སོག་པོ་དཔལ་གྱི་ཡེ་ཤེས། གྲྭ་དཔལ་གྱིས་སྙིང་པོ། ཐག་བཟང་དཔལ་གྱི་རྡོ་རྗེ། འོ་བྲན་དཔལ་གྱི་གཞོན་ནུ་དང་བཞིའོ། །ཁ་ཅིག་དཔལ་གྱི་བུ་བརྒྱད་དུ་འདོད་དེ། གཉན་ཨཙརྱ་དཔལ་དབྱངས། མཚུར་ནག་པོ་ཡེ་ཤེས་དཔལ་ལ་སོགས་པའོ། །ཁ་ཅིག་ནི་བློ་རྣོ་བ་གསུམ། ལུང་མན་ངག་གི་བདག་པོ་ལྔ་ཟེར་ཏེ། དང་པོ་ནི། རྗེ་དབུས་པ་བ་སྟེ་རབ་གསལ་རིན་པོ་ཆེ། ཐང་བཟང་དཔལ་གྱི་རྡོ་རྗེ། །མཚུར་ནག་ཡེ་ཤེས་དཔལ་ལོ། །གཉིས་པ་ནི། དབུས་ཀྱི་དགེ་བཤེས་འཕགས་པ་ཤེས་རབ། ལྷོའི་སྦས་ཀུན་སུ་ལ་མཆོག་གི་ཤེས་རབ། ཁམས་ཀྱི་གྲྭ་དཔལ་གྱི་སྙིང་པོ། ཡར་འབྲོག་སོག་པོ་དཔལ་གྱི་ཡེ་ཤེས། སྙེ་མོའི་འོ་བྲན་དཔལ་གྱི་གཞོན་ནུའོ། །དེ་ཡན་ཆད་ནི་གྲུབ་པ་ཐོབ་སྟེ། ཟག་བཅས་ཀྱི་ལུས་འདི་ཉིད་མ་སྤངས་པར་རྡོ་རྗེའི་ལསུ་སུ་གྱུར་ནས་རིག་འཛིན་གྱི་ས་ལ་གཤེགས་པ་འབར་ཞིག་བྱུང་ངོ་། །གཞན་ཡང་གཉགས་ཛྙཱན་ཀུ་མཱ་རས། ཨ་རོ་ཡེ་ཤེས་འབྱུང་གནས་ལ། རིན་ཆེན་འཕགས་ལམ་བཀོད་པའི་རྒྱུད་དང་། ཡེ་ཤེས་འཁོར་ལོ་གསལ་བ་སྙིང་རྒྱུད་དང་། རྫོགས་པ་ཆེན་པོ་ཉི་མའི་སྙིང་པོའི་རྒྱུད། ཡེ་ ཤེས་གསང་བ་སྒྲོན་མའི་རྒྱུད་ལ་སོགས་པ་བཤད་པས། དེའི་ལུགས་ལ་ཁམས་ལུགས་ཞེས་གྲགས་སོ། །ཁམས་ལུགས་ཨ་རོའི་སྐོར་ལ། ཆོས་སྡེ་དྲུག་སྟེ། དེ་ལ་ཨ་རོ་ཕྱི་སྐོར་ནང་སྐོར་གསང་སྐོར། གཟེར་ཀའི་སྐོར། སྡེ་སྐོར། སྤྲུལ་པའི་སྐོར་དང་དྲུག་གོ །དེ་ལ་ཕྱི་སྐོར་ནི། ཐེག་ཆེན་རྣལ་འབྱོར་ལ་སོགས་པའོ། །ནང་སྐོར་ནི། མདོ་ལུག་མདོ་རྩ་མདོ་འགྲེལ་པ་ལ་སོགས་པ་བཻ་རོ་ཙ་ནའི་ཆོས་རྣམས་སོ། །གསང་སྐོར་ནི། རིན་པོ་ཆེ་གདབ་སྤུང་གི་སྐོར་དང་། ཐུན་བདུན་མ་ལ་སོགས་པའོ། །གཟེར་ཁ་ལ་ཆེ་འབྲིང་ཆུང་གསུམ་མོ། །སྡེ་སྐོར་ལ་སྡེ་སྐོར་བཞི་བཅུ་ཞེ་གཉིས་ལ་སོགས་པའོ། །སྤྲུལ་སྐོར་ནི། ཨ་རོ་སྤྲུལ་པའི་སྐུ་རུ་བྱོན་པའི་ཚུལ་དང་བཅས་པའི་གདམས་ངག་རྣམས་སོ། །དེ་རྣམས་ནི་ཨ་རོའི་སྐོར་གྱི་དབྱེ་བའོ། །གཞན་ཡང་གཉགས་ཛྙཱན་ཀུ་མཱ་རས་ཉང་མཆོག་རབ་གཞོན་ནུ་ལ་བཤད་པས། དེའི་ལུགས་ལ་མྱང་ལུགས་ཞེས་གྲགས་སོ། །ཡང་གཉགས་ཛྙཱནས་སོག་པོ་དཔལ་གྱི་ཡེ་ཤེས་བཤད། དེས་སྣུབས་སངས་རྒྱས་ཡེ་ཤེས་རིན་པོ་ཆེ་ལ་བཤད། དེའི་ལུགས་ལ་རོང་ལུགས་ཞེས་གྲགས་སོ། །རོང་ལུགས་ལ་བཤད་སྲོལ་བཞི་སྟེ། ལྟ་བ་སྒང་དྲིལ་དུ་བཤད་པ་དང་། གབ་པ་མངོན་ཕྱུང་དུ་བཤད་པ་དང་། སྟར་ཁ་གེགས་སེལ་ལྟར་བཤད་པ་དང་། ཟབ་མོ་ཁོང་ལྟོ་རུ་བཤད་པའོ། །ཡང་སོག་པ་དཔལ་གྱི་ཡེ་ཤེས་ནས། སྐོར་སྟོན་ཤེས་རབ་ཡེས་ཤེས་བརྒྱུད་དེ། དེའི་ལུགས་ལ་སྐོར་ཞུགས་ཞེས་གྲགས་སོ། །འདིར་མདོ་སྒྱུ་འཕྲུལ་རྫོགས་ཆེན་གསུམ་གྱི་བབས་དང་བརྒྱུད་ཚུལ་སྤྱི་མདོ་ཙམ་དུ་བཤད་པ་ཡིན་གྱི་ཞིབ་པར་རང་རང་གི་བརྒྱུད་ཚུལ་རྣམས་སུ་ཤེས་པར་བྱའོ། ། གཉིས་པ་སྣུབས་སངས་རྒྱས་ཡེ་ཤེས་ལ་བབས་པ་ནི། སྣུབས་སངས་རྒྱས་ཡེ་སེས་རིན་པོ་ཆེ་ལ་བཀའི་ཆུ་བོ་བཞི་འདུས་པ་ཡིན་ཏེ། སྣུབས་སངས་རྒྱས་ཡེ་ཤེས་དེ་ནི། ཐོག་མ་ནས་སྦྱངས་པའི་འཕྲོ་དང་ལྡན་པ། སྐུ་གཞོན་ནུ་ནས་འོ་བྲན་དཔལ་གྱི་གཞོན་ནུ་དང་། བལ་པོ་བ་སུ་དྷ་ར་དང་། རོམ་བུ་གུ་ཧྱ་ཙནྡྲ་དང་། སློབ་དཔོན་པདྨ་འབྱུང་གནས་ལ་སོགས་ཏེ། རྒྱ་བོད་ཀྱི་མཁས་པ་མང་པོའི་ཞབས་དྲུང་གཏུགས་པས། སྐུ་གསུངས་ཐུགས་ཡོན་ཏན་རིན་པོ་ཆེའི་ནོར་གྱིས་གང་ཞིང་། མཁྱེན་པ་འདི་ཙམ་ཞིག་ཡིན་ཞེས་གང་ཟག་གི་བློས་དཔལ་པར་མི་ནུས་པ། མཆོག་དང་ཐུན་མོང་གི་དངོས་གྲུབ་ཐབས་དུ་མའི་སྒོ་ནས་བརྙེས་པ། ལྷ་མ་སྲིན་སྡེ་བརྒྱད་ཀྱི་མན་ངག་གི་བདག་པོ་ལ་སོགས་པར་དབང་བསྐུར་ནས་ཆེ་བའི་ཡོན་ཏན་དུ་མ་དང་ལྡན་པ་ཡིན་ནོ། ། །དེ་ཡང་སློབ་དཔོན་གྱི་ཡབ་སྣུབས་ལྷ་ལེགས། ཡུལ་གཉགས་མོ་ཟླ་བ། ཡུལ་ངམ་ཤོད་སྒྲགས་པ་ཡིན་ཏེ། དགུང་ལོ་བདུན་ལོན་ནས་ཡིག་ཀློག་སོགས་རིག་པའི་གནས་ལྔ་ལ་སྦྱངས་ཤིང་། བཅུ་གཅིག་ལོན་ནས་མཁས་པ་མང་པོའི་སྤྱན་སྔར་བྱོན་ཏེ། བོད་ཀྱི་མཁས་པ་ཁམས་སོག་པོ་དཔལ་གྱི་ཡེ་ཤེས་དང་། འོ་བྲན་དཔལ་གྱི་གཞོན་ནུ། གྲྭ་དཔལ་གྱི་སྙིང་པོ། གཉན་ཨཱཙརྱ་དཔལ་དབྱངས་ལ་སོགས་སློབ་དཔོན་གཉགས་ཀྱི་སློབ་མ་ཐམས་ཅད་ལ་ཐུག་ཅིང་ཁྱད་པར་གཉགས་ཛྙཱན་ཉིད་ཀྱི་ཐུགས་སྲས་ཀྱི་དམ་པར་གྱུར་པ། ལུང་མན་ངག་ཀུན་གྱི་བདག་པོར་གྲགས་པ། བླ་མའི་སྐུ་དགྲ་སྒྲོལ་བའི་ཚེ་བཅོམ་ལྡན་དཔལ་ཆེན་པོ་ཉིད་ཀྱིས་དབང་བསྐུར། རྫོང་འཕྲེང་ནས་མཚན་ལྟས་དགུ་དང་ལྡན་པར་ལུང་བསྟན་པའི་སྐྱེས་བུ། ཡར་འབྲོག་གི་ ཁམ་རྒྱལ་པོ་འབར་ཞེས་བྱ་བའི་སྲས་ལྔ་ཚིགས། ས་ལྔ་པ་ལ་གནས་པའི་བྱང་ཆུབ་སེམས་དཔའ་སོག་པོ་དཔལ་གྱི་ཡེ་སེས་ལ་མང་དུ་ཞུས་པ་ཡིན་ཏེ། སློབ་དཔོན་གཉགས་ཉིད་ལ་སློབ་པའི་ལོ་རྒྱུས་ཀྱང་འདུག་གོ །དེ་ལྟར་བོད་ཀྱི་མཁས་པ་གྲུབ་མང་པོ་ལ་ཐུག་ཅིང་། དེ་ནས་ལྷོ་བལ་དུ་གཤེགས་ཏེ། རྒྱ་གར་གྱི་མཁས་པ་བཅུ་གཅིག་གི་ཞབས་ལ་གཏུགས། གཞན་ཡང་བྲུ་ཞ་བའི་ལོ་ཙཱ་བ་ཆེ་བཙན་སྐྱེས་དང་། རྒྱ་གར་གྱི་མཁས་པ་དྷརྨ་བོདྷི་དང་། གཙུག་ལག་དཔལ་དགེ་དང་། བལ་པོའི་ཇོ་བོ་བ་སུ་དྷ་ར་ལ་སོགས་པ་པཎྜི་ཏ་དང་། གྲུབ་ཐོབ་མང་པོ་ལ་ཐུགས་ནས། རྒྱུད་མན་ངག་སྒྲུབ་ཐབས་ཆོག་ཡིག་བསྟན་སྲུང་དང་བཅས་པ་མང་པོ་བསྒྱུར་བ་ནི། རྒྱས་པར་སྣུབས་ཀྱི་བཀའ་ཤོག་རྒྱབ་ཆེན་ན་གསལ་ལ། རགས་རིམ་ཉེར་བསྡུས་ཙམ་ཞིག་བརྗོད་པ་ནི། བཀའ་ཤོག་རྒྱབ་ཆེན་ལས། བྱ་རྒོད་ཕུག་པོའི་རི་ཡི་ཤར་གྱི་ལོགས། །དྲི་ཞིམ་ཙན་དན་ཚལ་གྱི་ནགས་ཀྱི་གསེབ། །ལྟག་སེང་རྒྱབ་བསྣོལ་ཞེས་པའི་བྲག་ཕུག་ཏུ། །ཆོས་ཉིད་དོན་ལ་སྒོམ་ཞིང་མཆིས་པ་ལ། །བདག་གི་མ་རུངས་བྱས་པ་གཅིག །འདི་སྐད་ཟེར་ནས་སྔོན་དུ་བྱུང་། །བོད་ཀྱི་བན་ཆུང་ཚུར་གསན་དང་། །ང་ནི་ཀམ་ཀའི་ཚལ་ནས་ཡོངས། །སྔགས་སྲུང་ནག་མོའི་སྤྲུལ་པ་སྟེ། །དུར་ཁྲོད་གནས་ན་རོ་ཟ་བས། །སྒྲུབ་པ་པོས་ནི་རོ་ཚོལ་ལ། གཏོར་མ་ཆེན་པོ་རྟག་ཏུ་མཐོང་། །ད་དུང་ཆོས་ཉིད་དོན་ལ་ཚོལ། །འགྲོ་གྱི། །ཞེས་མི་སྣང་བར་གྱུར་ཏོ། །སྔགས་སྲུང་དེ་སྐ་གསུངས་ནས་རང་ཡུལ་རྗེས་སུ་དྲན། །སླར་ལོག་ཟླ་བ་བཅུ་སྣུབས་ཡུལ་ རོང་དུ་ཕྱིན། །ལོ་ན་བཅུ་བདུན་ལོན་ནས་དམ་ཚིག་རྗེས་སུ་དྲན། །དེ་ནས་དཔལ་གྱི་གཞོན་ནུ་འོ་བྲན་དྲུང་དུ་རྟོལ། །དེ་ནས་བདག་གིས་དཔལ་གྱི་གཞོན་ནུ་ལ། །དམ་ཚིག་གཞུང་སྲང་འཕྲིན་ལས་ཕུར་བུ་གཉིས། གཏན་ཚིགས་བརྒྱ་དང་བཅས་པ་གཏད་ནས་བཞག་རྗེ་ཡིས་གཏད་ཅིང་གནང་བའི་གཡར་དམ་ཟླ་གསང་ནག་པོ་ནི། །དམ་ཚིག་གཙོ་བོར་གཟུང་ནས་ས་ཡི་གཏེར་དུ་སྦས་པར་དགོངས། །དེ་ནས་སྔགས་སྲུང་བཀའ་ལ་མཉ་ནས་སུ། །བོད་ཀྱི་རྒྱལ་ཁམས་དཀར་པོར་བསྒྱུར་བའི་ཕྱིར། གསང་སྔགས་བཀའ་རྣམས་བདག་ལ་འདི་ལྟར་བཤད། །མ་ཧཱ་ཡོ་གའི་རྒྱུད་སྡེ་འབུམ་སྡེ་ལས། །ཁྱད་པར་ཟབ་པར་བསྟན་པ་གསང་བའི་སྙིང་པོ་དང་། །ཐབས་ཀྱི་ཞགས་པ་སངས་རྒྱས་མཉམ་སྦྱོར་དང་། །ཧེ་རུ་ཀ་ཡི་གལ་པོ་འཇིག་རྟེན་འདས་པའི་མདོ། །ཧེ་རུ་ཀ་འདུས་ཏནྟྲ་དྲུག་སྡེ་རྒྱུད་ཀྱི་གཏེར། །འདི་ཡི་སྒྲུབ་ཐབས་རྣམ་བཞི་བསྟན་པ་ཡིན། །དུར་ཁྲོད་ཁུ་བྱུག་ཡེ་ཤེས་རྔམ་གློག་དང་། །ཀུན་འདུས་དགོངས་འདུས་སེམས་ལུང་ཆེན་པོ་ལྔ། རྒྱུད་ལུང་མན་ངག་ཀུན་གྱི་སྤྱི་ཡི་མདོ་རུ་བཞག །གསང་སྔགས་རླབས་ཆེན་བཀའ་བརྒྱུད་རྒྱ་མཚོ་ནས། །འབུམ་སྡེ་རྒྱུད་ལུང་མན་ངག་རྩ་འགྲེལ་བཅས། །བོད་ཀྱི་བན་ཆུང་རྣམས་ལ་བསྟན་པ་ཡིན། །ཕྱི་མ་སྒྲུབ་ཡིག་མཐའ་དག་ཕྱི་རྒྱུད་ནང་རྒྱུད་ནས། །ཕན་ཐོགས་ཆེ་བར་བྱས་ཏེ་ཕྱི་རབས་ཀུན་ལ་གཏད། །རྒྱ་གར་མཁས་པ་བཱི་མ་མི་ཏྲ་དང་། །ཨུ་རྒྱན་མཁས་པ་པདྨ་འབྱུང་གནས་དང་། །བལ་པོའི་མཁས་པ་བ་སུ་དྷ་ར་དང་། །བོད་ཀྱི་མཁས་པ་ཛྙཱན་ཀུ་མ་རས། །བདག་ལ་གནང་བའི་མན་ངག་འདི་རྣམས་ཡིན། །བྱང་ཆུབ་སེམས་ཀྱི་ཡེ་གེ་བཅོ་བརྒྱད་ བོ། །དོན་ལ་དབྱེ་བ་མེད་ཀྱག་མན་ངག་སོ་སོའི་བཞེད། །རྩ་འགྲེལ་ཊཱིཀ་གཅེས་པའི་ཡིག་ཆུང་མ་བུ་རྣམས། །སོ་སྣུབས་གཉིས་ལ་གཏད་ཀྱིས་འགྲོ་དོན་གྱིས། །སེམས་ཅན་དོན་ལ་བྱེད་པའི་ལན་ངག་བརྒྱད་ཅུ་གཉིས། མཁས་པ་རྣམ་བཞིའི་མན་ངག་རྒྱུན་མ་བཅད། །བྱང་ཆུབ་སེམས་དོན་མན་ངག་ངོས་འཛིན་བྱེད་པའི་མན་ཏྲི་ཀ། །བུ་གཅིག་ཡོན་ཏན་རྒྱ་མཚོ་སེམས་ཀྱི་དཀྱིལ་དུ་བསྟིམས། །ཕྱི་རབས་ང་ཡི་རྒྱུད་ལ་ཞུགས་པའི་དོན་ཆེད་དུ། །འཕྲིན་ལས་ཀྲྀ་ཡོག་གཏད་ཀྱིས་འགྲོ་དོན་གྱིས། །ཡོ་གའི་དབང་ཕྱུག་ཕྱེ་སྟེ་ཕྱི་རབས་དོན་དུ་བཞག །རྒྱ་གར་མཁས་པའི་མན་ངག་རིམ་པར་བརྒྱུད་པའི་མཐའ། །མཁས་པ་རྣམ་བཞིའི་མན་ངག་སྔགས་ལམ་མ་ཆད་པ། གསང་སྔགས་མ་བཞིར་གྱུར་བའི་སྒྲུབ་ཡིག་རྣམས་གསུམ་པོ། །ཐུགས་ཀྱི་སྒྲུབ་པ་ཡང་དག་སྒྲུབ་པ་གཅིག་པོ་ཉིད། །འཕྲིན་ལས་ཉིད་འཁོལ་མན་ངག་གསང་བའི་འཕྱོང་དང་བཅས། །སྐྱེ་ཤི་མེད་པའི་བདུད་རྩིའི་སྒྲུབ་ལུགས་ཆེན་པོ་ལགས། །འཆི་མེད་འཆི་ལོངས་ཚེ་ཡི་སྒྲུབ་པ་འཕྱོང་དང་བཅས། །འཁོར་བ་རུ་ལྡོག་ཉོན་མོངས་རྩད་གཅོད་འཕྲིན་ལས་ཕུར་པ་ལ། །བཟློག་འཇོམས་ཕུར་བུ་བསད་གསོ་ཐལ་ཕྱུང་འཕྱོང་དང་བཅས། །རྩ་འགྲེལ་མཚམས་སྦྱོར་ལས་བྱང་ཊཱིཀ་དང་། །ཁོག་དོན་མདོ་བྱང་ཡིག་ཆུང་མ་བུར་བཅས། །ཡང་དག་འཕྲིན་ལས་དྲག་པོར་བསྟན་པ་ནི། །ཕུན་སུམ་ཚོགས་པའི་མན་ངག་ཆེ་ཆུང་མ་ལུས་དང་། །རང་སེམས་གཏན་ལ་འབེབས་པའི་སེམས་དོན་འདའ་ཀ་མ། །བོད་ཀྱི་བན་ཆུང་རྣམས་ལ་བསྟན་པ་ཡིན། །ཅེས་སོ། །དེ་ལྟར་སྣུབས་སངས་རྒྱས་ཡེ་ཤེས་རིན་པོ་ཆེས། རྒྱ་གར་ནས་ ཆོས་མང་པོ་བསྒྱུར་ནས་བྱོན་ཙ་ན། མངའ་བདག་ཁྲི་རལ་པོ་ཅན་གྲོངས་ནས། དེའི་གཅུང་པོ་ཁྲི་དར་མ་འུ་དུམ་བཙན་གླང་དར་མར་གྲགས་པ་དེས་རྒྱལ་སྲིད་བཟུང་སྟེ། དེ་བདུད་ཀྱི་བྱིན་གྱི་བརླབས་པའི་སྐྱེས་བུ་ཞིག་བྱུང་ནས། ཡབ་སེམས་ཀྱི་ཆོས་ལུགས་ཐམས་ཅད་ནི་བོར། ཆོས་འཁོར་ཐམས་ཅད་ནི་ཉམས་སྨད། གཙུག་ལག་ཁང་ཐམས་ཅད་བཤིག་ཅིང་གླེགས་བམ་ཐམས་ཅད་ཆུ་ལ་འཕོ། རབ་ཏུ་བྱུང་བ་རྣམས་ཀྱག་ཕབ་ཅིང་ཁྱིམ་གྱི་གནས་སུ་བཀོད། མ་ཕབས་པ་དག་ནི་བཀྲོངས། སྔགས་འཆང་ཀན་ཡང་རི་ཁྲོད་དང་གངས་ཁྲོད་དུ་ཡིབ་ཅིང་། སངས་རྒྱས་ཀྱི་བསྟན་པ་ནུབ་པར་མཐོང་ནས། དེར་སློབ་དཔོན་གྱི་ཐུགས་དགོངས་ལ། སྡིག་སྤྱོད་ཀྱི་རྒྱལ་པོ་འདི་འདྲ་བས། སངས་རྒྱས་ཀྱི་བསྟན་པ་དར་རྒྱས་སུ་མི་སྟེར་བར་འདུག་པས། བསྟནཔ་སྲུང་བའི་དྲག་སྔགས་ཤིག་དགོས་པར་འདུག་སྙིང་དུ་དགོངས་ནས། དེ་མ་ཐག་ཏུ་རྒྱ་གར་ལ་ཕར་ལོག་ཕྱིན་ཏེ། བླ་མ་བ་སུ་དྷ་ར་དང་། གཙུག་ལག་དཔལ་དགེ་ལ་སོགས་པ་རྣམས་ལ་བསྟན་པ་སྲུང་བའི་དྲག་སྔགས་ཀྱི་སྐོར་དཔག་ཏུ་མེད་པ་ཞུས་ནས་བྱོན་ཙ་ན། ལྟ་ལུང་དཔལ་གྱི་རྡོ་རྗེས་རྒྱལ་པོ་བཀྲོངས་ཟིན་ནས་འདུག་པས། བསྟན་སྲུང་དེ་དག་ཕྱིས་གཏེར་དུ་སྦས། ལ་ལ་སློབ་མ་ཀུན་ལ་སྤེལ་བ་ཡིན་སྟེ། དེ་དག་གི་དཀར་ཆག་ཉེར་བསྡུས་ནི། སྤྱིར་འཇམ་དཔལ་གཤིན་རྗེའི་ཆོས་སྐོར་ལ། རྒྱ་གར་གྱི་ཡུལ་ན། འཇམ་དཔལ་ཁྲི་དྲུག་སྟོང་བཞུགས་པ་ལས་བོད་ཡུལ་དུ་ཡེ་ཤེས་ལྷའི་རྒྱུད་སུམ་ཙུ་རྩ་གཉིས། ལས་ཀྱི་སྲིན་པོ་གདོང་དམར་འདུལ་བའི་ཕྱིར། འཇིག་རྟེན་དྲེགས་པའི་རྒྱུད་སུམ་ཅུ་རྩ་གཉིས་ཏེ། རྒྱུད་དྲུག་ཅུ་རྩ་བཞི། འཇམ་དཔལ་གླུ་བླུངས་ ཀྱི་ལེའུ་སྟེ། རྒྱུད་དྲུག་ཅུ་རྩ་ལྔ་པ་བསྒྱུར་བ་ལས། རྒྱུད་དང་། སྒྲུབ་ཐབས་ཁ་ཡར་ཙམ་བརྗོད་པ་ནི། འཇམ་དཔལ་ནག་པོ་ཁ་ཐུན་ཆེ་འབྲིང་ཆུང་གསུམ་ལས། མདོ་བྱང་རྩ་འགྲེལ་དང་བཅས་པ། འཕྲིན་ལས་ལས་བྱང་རྟོག་མེད་སྤྲོས་བྲལ་དུས་གསུམ་མངོན་ཕྱུང་། དྲག་པོ་ལས་ཁོག་ལས་ཐིག་ལ། གསང་ཐིག་བཅུ་པ། གསང་བ་སུམ་ཅུ་པ། གསང་བ་དྲུག་ཅུ་པ། དགུ་བཅུ་པ། འཇམ་དཔལ་གསང་རྒྱུད་སྔ་ཕྱི་གཉིས། འཁྲུལ་འཁོར་ནག་པོའི་སྔགས་རྒྱུད། ཟླ་གསང་ཟེར་བ་དམར་ནག་རྒྱུད། པྲ་ཁོག་སྣང་བའི་རྒྱུད། ཡ་མ་ར་ཙ་ཁྲོས་པའི་རྒྱུད། བྱང་བུ་དགུ་སྐོར་ཐུགས་གཟེར་འབྲུག་གཅིག་པ། སུམ་ཅུ་པའི་སྨད་ལས། འཕྲུལ་འཁོར་རྩ་བ་འཇམ་དཔལ་བཤེས་གཉེན་གྱིས་མཛད་པ། དེའི་འགྲེལ་པདྨས་མཛད་པ། ཁང་བུ་བཅུ་དྲུག་པ། གཤེད་བཞི་ལས་ཀྱི་ལྡེ་མིག་འཕྲུལ་འཁོར་ནག་པོ་ཡང་སྙིང་གསང་བའི་མན་ངག་བཅུ་དྲུག་འཁོར་ལོ་གསང་བའི་པྲ་ཁྲིད། ལས་ཀྱི་གཤིན་རྗེའི་ལས་བྱང་། སྒྲོལ་གིང་ནག་པོ་ལས་ཀྱི་མེད་ཐུང་། གཟའ་རྒོད་འཆི་བདག་གི་མེད་ཐུང་། སྲོག་བདག་རྒྱལ་པོའི་མེད་ཐུང་། ས་བདག་གི་མེད་ཐུང་། ཀླུའི་མཛོད་ཟེར་ནག་པོ། སྒྲོལ་གིང་རུག་གི་བསད་ཐབས། ཕྱིར་བཟློག་པའི་མན་ངག་མཚོན་ཆ་ལྡེ་མིག་འཁོར་ལོ་འབྲོས་ཐབས་བརྒྱད་ཀྱི་མན་ངག་འཁོར་ལོ་མུན་སེལ་ཉི་མ། སྤྱི་རྒྱུད་ལས་ཀྱི་འབྲས་བུ། རྡོ་རྗེ་ནང་འཕྲད་རང་གཤེད་འཁོར་ལོ། །གསང་བ་རོལ་པ་འཁོར་ལོ། །འབྱུང་བ་བཤིག་པའི་འཁོར་ལོ། །ཟོར་ཐུན་དྲུག་མན་ངག་དུ་བཀོད་པ། ཉི་མ་བཞི་པའི་སྒྲུབ་ཐབས་རྩ་འགྲེལ། སྤྱིའི་མན་ངག་རྟགས་ཀྱི་ཡི་གེ། བླ་ དང་ལྷ་འདྲེ་རྒྱུ་དུས་བསྟན་པ། འཁྱམས་བཟློག་གནད་ཀྱི་མན་ངག་གཏད་གཉེར་བཅུ་གནིས། འཕྲུལ་འཁོར་གྱི་མཚོ་སྡེབ་ལུགས། ལག་ཏུ་བླངས་པའི་པྲ་ཁྲིད། གཞན་ཡང་ཁ་ཐུན་ཆུང་ངུའི་སྒྲུབ་ཐབས། བྱེ་མ་རེག་གཅོད་ཀྱི་རྩ་བ་ལས་བྱང་། གདམས་པ། ཞལ་ཁྲིད། སྒོན་མ། དཔེ་བྱང་ལག་ལེན། དྲག་སྔགས་རྒྱས་འདེབས་ཀྱི་སྐོར་ལ། དྲག་པོ་སྔགས་རྒོད། རྒྱུད་ཀྱི་རྒྱལ་པོ། རྒྱ་སྡེབ། རྒྱུད་ཀྱི་བཀའ་འགྲེལ། སྐུ་གསུམ་ཡོངས་རྫོགས། འཕྲིན་ལས་གསང་སྒྲོན། གསོད་བྱེད་ཌམ་པའི་ལས་བྱང་། ལྷ་སྒོམ་ཐབས། སྐུ་གསུངས་ཐུགས་ཀྱི་བསྟེན་པའི་རྒྱ་སྡེབ། སྲིང་སུམ་འདུས་པའི་དྲག་སྔགས། ཐུགས་ཀྱི་ཐིག་སྡེབ། རིགས་གསུམ་ཁྲོ་བོའི་སྡེབ། ལྟོ་དཀྲུགས་གནད་སྡེབ། སྤུ་གྲི་དྲུག་སྐོར་སྡེབ། སྡེབ་ཡིག་རིན་ཆེན་འཕྲེང་བ། འཕྲུལ་འཁོར་སྡེབ་ཀྱི་རྒྱུད། ཕྱིར་བཟློག་སྔགས་སྡེབ་རྒྱུད་ཀྱི་རྒྱལ་པོ། ཀུན་དགའ་བོ་དང་ཤཱ་རིའི་བུའི་སྡེབ། གཞན་ཡང་འཇམ་དཔལ་ནག་པོ་རྩ་བི་རྒྱུད། ཟླ་གསང་ནག་པོའི་རྒྱུད། གསལ་བྱེད་སྒྲོན་མ། འཇམ་དཔལ་ཟླ་གསང་མེ་ལྕེ་འཕྲེང་བའི་རྒྱུད། དེའི་ཕྱི་མའི་རྒྱུད། འཇམ་དཔལ་རོ་ལངས་ཤ་རུའི་རྒྱུད། ནག་པོ་གནམ་རྒྱུད། རྣམ་པར་རྒྱལ་བའི་རྒྱུད། ལས་བཞི་གསང་བའི་རྒྱུད། སྒྱུ་འཕྲུལ་དྲྭ་བའི་རྒྱུད། དྲི་མ་མེད་པའི་རྒྱུད། ལས་ཀྱི་སྦྱོར་བ་བརྒྱ་རྩ་གཅིག་པའི་རྒྱུད། ནག་པོ་དགྲ་རྒྱུད་ཁ་ཐུན་ནག་པོའི་རྒྱུད། ནག་པོ་འཁོར་ལོའི་རྒྱུད། བླ་མཚོ་ནག་པོའི་རྒྱུད། གཙུག་ན་མེ་འབར་རྒྱུད། མཐར་ཐུག་འཁོར་ལོའི་རྒྱུད། རཀྴ་དམར་ནག་རྒྱུད། རཀྴ་གླང་མགོའི་རྒྱུད། རྒྱུད་མཆོག་འཁོར་ལོའི་རྒྱུད། ནག་པོ་ཟངས་ཁའི་རྒྱུད། དྲག་སྔགས་བདུན་པའི་རྒྱུད་ ལ་སོགས་པ་རྣམས་སོ། །ཚེ་བདག་གི་ཆོས་སྐོར་གྱི་རྒྱུད་ཀྱི་དབྱེ་བ་ནི། རྩ་བའི་རྒྱུད་དང་། བཤད་པའི་རྒྱུད། རྩ་བ་ཡན་ལག་གི་རྒྱུད། དཀའ་བ་སྤྱོད་པའི་རྒྱུད། མ་ཚང་བ་ཁ་སྐོང་བའི་རྒྱུད་དོ། །རྩ་བའི་རྒྱུད་ལ་གཉིས་ཏེ། རྩ་རྒྱུད་ཡེ་ཤེས་སྙིང་པོའི་རྒྱུད། བཤད་རྒྱུད་འཕྲུལ་གྱི་མེ་ལོང་། རྩ་བ་ཡན་ལག་གི་རྒྱུད་ལ་དགུ་སྟེ། བྱ་ཁྱུང་ལ་ཀ་རུ་ནམ་མཁའ་ལྡིང་གི་རྒྱུད། རུས་སྦལ་ལ་རུས་སྦལ་ཁྲ་བོའི་རྒྱུད། སྔགས་དྲག་པོ་མངོན་དུ་ཕྱུང་བའི་རྒྱུད། དེའི་ཕྱི་མོ་སྲོག་དམར་ལེན་རྣོ་བ་མཚོན་ཆའི་རྒྱུད། འཇིག་རྟེན་ཟིལ་གནོན་ཉི་མ་མིག་དམར་གྱི་རྒྱུད། མཚོན་ཆ་པ་ལ་པ་ཏྲའི་རྒྱུད། པ་ཏྲ་གསང་རྒྱུད་ཟོར་བ་ཅན་གྱི་རྒྱུད་དང་དགུའོ། །བཤད་པའི་རྒྱུད་ལ་དགོངས་པ་མངོན་དུ་ཕྱུང་བའི་རྒྱུད། དཀའ་བ་སྤྱོད་པ་མེ་ལྕེ་འཕྲེང་བའི་རྒྱུད། མ་ཚང་བ་ཁ་སྐོང་བ་འཕྲུལ་གྱི་སྙིང་པོའོ། །ཡན་ལག་གི་རྒྱུད་ལ། རང་གཤེད་འབེབས་པ་སྡིག་པ་སྙིང་འཛིང་དང་། ཀླུ་འདུལ་བ་སྡིག་པ་སྟོབས་ཆེན་དང་། སྤྱོད་པའི་དྲག་སྔགས་ཨ་མོ་ཀ་ཕུང་དང་། སྙིང་པོ་དོན་གྱི་གསང་རྒྱུད་དང་། བཟློག་པ་ཨུར་མོ་བཅོ་བརྒྱད་པའི་རྒྱུད་དོ། །སྡི་པ་སྙིང་འཛིང་ལེའུ་བཅོ་ལྔ་པ། དེའི་ཕྱི་མའི་སྙིང་པོ་གསང་རྒྱུད་ལེའུ་བདུན་ཡོད། དེ་ཡང་འཇམ་དཔལ་སྡིག་པ་སྟོབས་ཆེན་གྱི་སྐོར་ལ། ཁྲོ་བོ་སྙིང་གཟེར་གསང་བའི་རྒྱུད། རྩ་བ་དྲག་པོ་སྲུང་བ་དང་། མཚོན་ཆ་ཡི་གེ །བདུད་རྩི་འོད་ཀྱི་སྒྲོན་མ། བསམ་གཏན་བུམ་པི་ཁ་ཆིངས་རྒྱལ་པོ། །ག་རུ་ཌ་མཁའ་ལྡིང་གི་རྒྱུད་དང་སྒྲུབ་ཐབས། དེའི་ཟེར་ལས་པྲ་ཁོག་སྣང་བ་གཉིས། ཀླུ་རྣམས་སྟོབས་ཀྱིས་གནོན་པ། སྦྱིན་སྲེག་སྡིག་པ་སྟོབས་ཅན་ གསང་བའི་རྒྱུད། དེའི་མན་ངག་རྟོག་པ་དགུ་པ། གསལ་བའི་སྒྲོན་མེ། གསལ་བའི་ཉི་མ། ཀླུ་ལ་རང་གཤེད་དབབ་པ། སྡིག་པ་སྙིང་ལ་རུ་འཛིང་། སྙིང་པོའི་རྒྱུད། སྲུང་བའི་མཐར་ཐུག་དྲག་པོའི་འཁོར་ལོ། །ཀླུའི་ནད་གསོ་ཐབས་དང་བཅས་པ་རྣམས་སོ། །སྡིག་པ་སྙིང་འཛིན་གི་ཆོས་སྐོར་ལ། སྡིག་པ་ནག་པོ་སྙིང་འཛིང་གསང་བའི་རྒྱུད། སྲུང་བའི་མཐར་ཐུག་སྤྱི་སྤྱོད་འཕྲུལ་གྱི་ལྡེ་མིག་སྒྲོན་མ་གསང་བའི་པྲ་ཁྲིད། ཕྱི་མཆོད་རྟེན། ནང་འཁོར་ལོ། །གསང་བ་ཅི་ཏྟ། དྲག་པོ་ཐུན་ལ་བརྟེན་པ་དང་། སྒྲུབ་ཐབས་བཞི། སྔགས་ཀྱི་འབྲུ་བཤད་ཐེམས་ཡིག་དྲག་པོ་སྔགས་ཀྱི་འབྲུ་འགྲེལ། སྔགས་དོན་གསལ་བར་བྱེད་པའ་སྒྲོན་མེ། སྒོམ་རིམ་མན་ངག་འཁོར་ལོའི་པྲ་ཁྲིད། འཇམ་དཔལ་དྲིལ་སྒྲུབ་གསང་བ་ཟིལ་གནོན་སྒྲུབ་ཁོག་ཆེན་པོའི་རྩ་བ། འཇམ་དཔལ་བཤེས་གཉེན་གྱི་སྒྲོན་མ་པྲ་ཁྲིད། མཆོད་རྟེན་ལག་ཏུ་བླངས་པའི་པྲ་ཁྲིད། ཁྲག་འཐུང་ནག་པོའི་མན་ངག་དབང་མཆོག་མུ་ཏིག་འཕྲེང་བ། མཆོད་བསྟོད་གསལ་སྒྲོན། ལས་རིམ་གསལ་སྒྲོན། ཕྱག་རྒྱ་གསལ་སྒྲོན། གསང་པ་སྦས་ཏིག་རྣམས་སོ། །གནམ་ལྕགས་ཨུར་མོའི་སྐོར་ལ། སྟོང་སྲོག་འཁོར་ལོ་བཞི་རུ་གྲགས་པ་ཡི། ཨུར་མོ་རྨོག་པ་བཅོ་བརྒྱད་པའི་རྒྱུད། གཙུག་ཏོར་འཁོར་ལོས་བསྒྱུར་བའི་སྒྲུབ་ཐབས། ཕྱིར་བཟློག་འཁོར་ལོ། །འཕྲིན་ལས་ཀྱི་འཁོར་ལོ་ལྔའི་སྒྲོན་མའི་ལག་ལེན། ཕྱིར་བཟློག་སྔགས་ཀྱི་ལག་ལེན། ཉི་ཟླ་ཁ་སྦྱོར་བྱུང་ན་གསལ་མདངས་བྱུང་། སེདྒེ་ཁ་འཐབ་བྱུང་ན་རྩལ་ཆེན་གདོན། སྒྱོགས་གཉིས་ནམ་མཁར་འཕངས་ན་སྒྱོགས་རྡོ་བཅག་རྣོ་གསུམ་མཚོན་དུ་བརྡུངས་པ། བཙོན་ དོང་གསད་པ། སྟོང་སྲོག་འཁོར་ལོ་དྲག་པོ་དང་། གནམ་ལྕགས་ཨུར་མོ། །གསང་བའི་འཕྲུལ་འཁོར། མཱ་ར་ཡ་བསད་པའི་ལས། མ་ནག་པའི་ལས་བྱང་། གཤེད་པོའི་སྦྱོར་བ་བཅས་ཆོག་ཀ་ལ་ཡག་ཤ་རྡོ་རྗེའི་སྦྱོར་བ། བདུད་སྲིན་ནག་མོ་འཆི་ལྟས་ཅན་གྱི་སྔགས། དེ་རྣམས་བཅས་ཆོག་གི་མན་ངག་ཡིན་ནོ། །ཨུར་མོའི་སྤོབས་ཆོག་སྔགས་ཀྱི་ཕྲ་མེན་ནི། གཙུག་ལག་དཔལ་དགེའི་ཅོག་བརྡུང་ཡིན་གསུངས། གཞན་ཡག་འཇམ་དཔལ་གཤིན་རྗེ་གཤེད་ནག་པོ། ཨ་མོ་གྷ་ཕུང་གི་རྒྱུད། ཚེ་བདག་མེ་རླུང་སྐྱིན་ཐང་ཁྲོས་པའི་རྒྱུད། ཉི་མ་མིག་དམར་ལེའུ་རེ་གསུམ་པོ། རཱ་ཧུ་ལའི་སྐྱེ་རྒྱུད། འཇིག་རྟེན་སྐྲག་བྱེད་ཏྲེ་ལོག་སྐད་འབྱིན་རྒྱུད། དམར་ལེན་སྲོང་གི་སྐོར་ལ། དམར་ལེན་སྤུ་གྲི་ལེའུ་བདུན་པ། ཟླ་གསང་ནག་པོ་སྲིན་མོ་ཁྲག་འཐུང་གི་རྒྱུད། འབྱུང་བ་འཁྲུག་པའི་སྒྲུབ་ཐབས། དྲག་སྔགས་ཀྱི་ཐུས་ཀ། ཕྲ་མེན་སྟོབས་ཀྱི་དྲག་སྔགས་སྨྲྀ་ཏི་ཁ་སྦྱོར། ཚེ་བདག་མགོ་དགུ་པའི་དྲག་སྔགས། བྱེ་བ་དགུ་ཁྲི་ཡ་མ་གཏུམ་པོའི་དྲག་སྔགས། སེར་བ་གློ་བུར་དབབ་པའི་མན་གང་གཞན་ཡང་གནམ་ལྕགས་དབབ་པའི་ལན་སྔགས། མཐ་ཐུག་བཤན་པ་དམར་པོས་བསད་པ་སྤུ་གྲི་ནག་པོ། ཚེ་བདག་ནག་པོའི་ངན་སྔགས། རང་གཤེད་གསང་བའི་དམར་ལེན་དང་། ཡང་གསང་དྲག་སྔགས་རྣམས་སོ། །གནོད་བྱིན་སྲོག་ཟན། འཇིག་རྟེན་ཕུང་བྱེད། གདོང་མོ་སྙིང་སྐོར། དྲག་སྔགས་ཟླ་གསང་། དེ་ལ་སོགས་ཏེ་དྲག་སྔགས་ཅོག་བརྡུང་གི་སྐོར་བསམ་གྱིས་མི་ཁྱབ་པ་ཞིག་ཡོད་དོ། ། གཞན་ཡང་རྒྱ་མཚོ་དུག་སྲི་ཀའི་སྐོར་རྩ་རྒྱུད་འཁོར་ལོ་ནག་པོའི་ལེའུ་ཞེ་གསུམ་པ། འཁོར་ལོ་ནག་པོ་རྟོག་པ་བདུན་པ། ཀླུ་ནག་མགོ་དགུའི་མན་ངག་ནང་ཚན་རྒྱུད་ཀྱི་རྒྱལ་པོ་རྒྱ་མཚོ་དུག་སྲི་ཀའི་སྤྱི་སྤྱོད་དང་བསྡུས་དོན་ལ་སོགས་བསམ་གྱིས་མི་ཁྱབ་པ་ཞིག་འདུག་སྟེ་ཡི་གེར་འཇིགས་པས་མ་བྲིས་སོ། །འཇོམས་བྱེད་འཆར་ཀ་ནག་པོའི་རྒྱུད་སྒྲུབ་ཐབས་ལས་ཚོགས་དང་བཅས་པ་དང་། གཞན་ཡང་མ་མོ་ཨེ་ཀ་ཛེ་ཊི་རེ་མ་ཏི་མཆེད་བཞིའི་རྒྱུད་སྒྲུབ་ཐབས་དང་བཅས་པ། གཞན་ཡང་གཤིན་རྗེ་དམར་པོའི་རྒྱུད་སྡེ་ལ། གཤིན་རྗེ་དམར་པོ་རྩ་བའི་རྒྱུད། གར་མཁན་མཆོག་གི་རྒྱུད། དེའི་ཕྱི་མ། གཞན་ཡང་མ་རུ་རྩེའི་སྔགས་རྒྱུད། རལ་གཅིག་མ་ཟོར་བ་དམར་ནག་གི་རྒྱུད། དམར་པོ་སྙིང་གཟེར་གྱི་རྒྱུད། ཁ་ཐམ་དམར་ནག་གི་རྒྱུད། སྤུ་གྲི་རེག་གཅོད་ཀྱི་རྒྱུད། མ་ར་ཁྲག་སྐྱུག་འཇིག་རྟེན་རླུང་དམར་གྱི་རྒྱུད། དེ་རྣམས་སྒྲུབ་ཐབས་མན་ངག་ལག་ལེན་དང་བཅས་པ། རྒྱུ་མཚོན་ལ་བརྟེན་ཏེ་སྒྲུབ་པ། སྐྱིན་ཐང་མེ་རླུང་འཁྲུག་པ། གསེར་གྱི་འབྲུ་ཐུས། བསྡུས་དོན་ལ་སོགས་པ་བཞི། གནད་ཡིག་དང་བཅས་པ། གཟའ་རྒོད་གསང་བའི་ཅོག་བརྡུང་། འཇིག་རྟེན་ཁམས་སུ་ཐོག་སེར་དབབ་པ་ལ་སོགས་པ། གཞན་ཡང་མཚོན་ཆ་ལས་ཀྱི་འཁོར་ལོ་ལ་སོགས་པ་བསྟན་སྲུང་དྲག་སྔགས་ཀྱི་སྐོར་བསམ་གྱིས་མི་ཁྱབ་པ་ཟིག་འགྱུར་རོ། །དེ་ལྟར་ཆོས་དང་བསྟན་པ་སྲུང་བའི་དྲག་སྔགས་བསམ་གྱིས་མི་ཁྱབ་པ་བསྒྱུར་པའི་སངས་རྒྱས་ཡེ་ཤེས་རིན་པོ་ཆེ་དེ་ཉིད། མདོ་སྡེ་ལས་ས་བཞི་པ་ལ་གནས་པའི་བྱང་ཆུབ་སེམས་དཔའ་ཡིནཔར་གསུངས་ཤིང་། སྟོན་པ་འདས་ནས་ལོ་ཉིས་སྟོང་ན་འབྱུང་བར་ལུག་བསྟན་པ་ཡིན་ ཟེར། སྐུ་ཆེ་བའི་ལོ་རྒྱུས་དང་རྣམཔར་ཐར་པ་བཀའ་ཤོག་རྒྱ་ཅན་འགའ་ལ། སྣུབས་ཀྱི་ཞལ་ནས། དེ་ཡངས་སངས་རྒྱས་ཡེ་ཤེས་རིན་པོ་ཆེས། །ལོ་ནི་བདུན་ནས་ཤེས་བྱའི་ཡིག་རྩིས་བསླབས། །བཅུ་གཅིག་ལོན་ནས་བལ་པོ་ཁབ་པར་འཁྱམས། །བདག་གིས་རྒྱ་གར་ཁ་ཆེ་ལན་བདུན་བསྐོར། །བདག་གིས་མཁས་པ་བཅུ་གཅིག་ཞལ་ཡག་མཐོང་། གསུང་ཡང་ཐོས། །ཞེས་སོ། །དགུང་ལོ་བརྒྱ་དང་ཉིས་ཤུ་ལོན་ནས་དགོངས་པ་ཡོངས་སུ་མྱ་ངན་ལས་འདའ་བའི་ཚུལ་བསྟན་ནོ། །དེ་ལ་སློབ་མ་མང་ཡང་ཁྱད་པར་ཐུགས་ཟིན་པ་བཞི་སྟེ། ཐུགས་སྲས་དམ་པ་གཅིག་དང་ལྔ་བྱུང་བ་ཡིན་ནོ། །སྲས་བཞི་ནི། སོ་ཡེ་སེས་དབང་ཕྱུག་པོ་གོར་བློན་ཆེན་འཕགས་པ། དན་ཡོན་ཏན་མཅོག་སྲུ་ལེགས་པའི་སྒྲོན་མའོ། །སྲས་ཀྱི་དམ་པ་ནི་ཁུ་ལུང་ཡོན་ཏན་རྒྱ་མཚོའོ།ལ སོ་ལ་ལྟ་བ་སྒང་དྲིལ་བྱས་ཏེ་བཤད། པ་གོར་ལ་འགྲེལ་ཊཱིཀ་དང་སྦྱར་ལ་བཤད། །དན་ལ་གཏེར་བགེས་སེལ་གྱི་ཚུལ་དུ་བཤད། སྲུ་ལ་ཚིག་སྡེབ་སྦྱོར་ལེགས་པའི་སྒོ་ནས་བཤད་པ་དང་བཞིའོ། །སྲས་ཀྱི་དམ་པ་ཁུ་ལུང་ཡོན་ཏན་གྱ་མཚོ་ལ་ལྟ་བ་སྒང་དྲིལ་གབ་པ་མངོན་དུ་ཕྱུང་སྟེ་མན་ངག་སྒོམ་སྡེབ། ཟབ་མོ་གསང་བའི་ཁོང་ལྟོ་གཏར་ག་གེགས་སེལ་གྱི་ཚུལ་དུ་བཤད་པའོ། །དེ་རྣམས་ལ་རོང་ལུགས་ཀྱི་བཤད་སྲོལ་བཞིར་གྲགས་པ་ཡིན་ནོ། །དེ་ལྟར་ཆོས་ཐམས་ཅད་ཚང་བ་ཡོན་ཏན་རྒྱ་མཚོ་ཡིན་ཏེ། འདི་སྐད་དུ་སློབ་དཔོནགཡི་མགུར་བཞེས་པ། སྣུབས་ཆེན་ནི་ཡང་དབང་གཏེར། །ཤེས་རབ་ཀྱི་ནགས་ཚལ་ལ། །ཡོན་ཏན་གྱི་ལྗོན་ཤིང་འཁྲུངས། སྣོད་མཆོག་ནི་ལྔ་རུ་བླུགས། གཅིག་གིས་ནི་རྩ་བ་ཁྱིར། །བློན་ཆེན་གྱི་འཕགས་པ་ཡིན། གཅིག་གིས་ནི་ལོ་མ་ཁྱེར། །ལེགས་པའི་སྒྲོན་མ་ཡིན། གཅིག་གིས་ནི་མེ་ཏོག་ཁྱེར། །དན་དོན་གྱི་ཡོན་ཏན་མཚོ། གཅིག་གིས་ནི་འབྲས་བུ་ཁྱེར། །ཡེ་ཤེས་ཀྱི་དབང་ཕྱུག་ཡིན། གཅིག་གིས་ནི་ཐམས་ཅད་ཁྱེར། །ཡོན་ཏན་གྱི་རྒྱ་མཚོ་ཡིན། གསུངས་སོ། །དེ་ཡང་རྩ་བ་རྒྱུད་ལ་མཁས་པ་པ་གོར། ལོ་མ་བདུད་རྩི་ལ་མཁས་པ་སྲུ། མེ་ཏོག་བརྒལ་ལན་ལ་མཁས་པ་དན། འབྲས་བུ་ལ་མཁས་པ་སོ། །ཐམས་ཅད་ལ་མཁས་ལ་ཡོན་ཏན་རྒྱ་མཚོ་ཡིན་ནོ། །མདོར་ན་གང་ལྟར་བྱས་ཀྱང་། སྲས་ཀྱི་དམ་པ་ཡོན་ཏན་རྒྱ་མཚོ་ཡིན་པ་ལ་རྩོད་པ་མེད་པའོ། །དེ་ཡང་། འདི་སྐད་དུ། སྣུབས་ཆུང་རྡོ་རྗེ་ཡང་དབང་ལ། །ལྷ་སྲིན་སྡེ་བརྒྱད་འདུ་འདུ་ནས། །མན་ངག་བདག་པོར་དབང་བསྐུར་ནས། །ཡོན་ཏན་རྒྱ་མཚོ་བུ་ལ་བཤད། །ཅེས་ངག་བདག་པོར་དབང་བསྐུར་ནས། །ཡོན་ཏན་རྒྱ་མཙོ་བུ་ལ་བསད། །ཅེས་བྱ་བ་ལ་སོགས་པ་དུ་མའི་སྒོ་ནས་ཡོན་ཏན་རྒྱ་མཚོ་ཁ༠ཻཾ་ན་ལ་བསྔགས་པ་ཡིན་པའི་ཕྱིར་རོ། །དེ་ལྟར་སྣུབས་སངས་རྒྱས་ཡེ་སེས་ཀྱིས་བསྒྱུར་བ་ཡན་ཆད་ཀྱིས་རྙིང་མའི་འགྱུར་གཞུང་ཆད་པ་ཡིན་ནོ་ཞེས་ཁ་ཅིག་ཟེར་ཡང་། དེའི་འོག་རོལ་དུ། །ཁུ་ལུང་ཡོན་ཏན་རྒྱ་མཚོའི་བཀའ་དྲིན་ལས། རྒྱ་གར་ནས་སྔགས་འཆག་གི་པཎྜི་ཏ་གྲུབ་ཐོས་དྷ་ན་ཏ་ལ་ཞེས་བྱ་བ་བྱོན་ཏེ། འཇམ་དཔལ་གཤིན་རྗེའི་ཆོས་སྐོར་རྣམས་བསྒྱུར་བ་ཡིན་ཏེ། དེ་ཡག་ས་གསུམ་པའི་བྱང་ཆུབ་སེམས་དཔའ་ཁུ་ལུང་ཡོན་ཏན་རྒྱ་མཚོའི་རྣམ་ཐར་བསམ་གྱིས་མིཁཡབ་ཀྱང་། མདོར་བསྡུས་ན་བཞི་སྟེ། ས་ནོན་ཅིང་ལུག་བསྟན་ཐོབ་པ་དང་། སྐུ་ཚེ་སྔ་ཕྱི་གཉིས་སུ་སངས་རྒྱས་ཀྱི་སྐུ་སྲས་དང་ཐུགས་སྲས་ སུ་གྱུར་པ་དང་། རྒྱ་བོད་གཉསི་ཀྱི་བླ་མའིབཡིན་བརླབས། དངོས་གྲུབ་བཀའིབབས་ལུགས་དང་། ཐ་མ་གྲུབ་རྟགས་དངོས་གྲུབ་ཐོབ་ལུགས་སོ། །དེ་ལ་དག་པོ་ས་ནོན་ལུག་བསྟན་ཐོབ་པ་ནི། གོང་གི་ལུག་བསྟན་པ་ལས། ས་བཞི་པའི་བྱང་ཆུབ་སེམས་དཔའ་དེས། ས་གསུམ་པའི་བྱང་ཆུབ་སེམས་དཔའ་གཅིག་ལ་སྟོན་པར་འགྱུར། ཞེས་གསུངས་པས། ས་ནོན་ཅིང་ལུང་བསྟན་ཐོབ་པའི་སྐྱེས་མཆོག་གོ །གཉིས་པ་སྐུ་ཚེ་སྐུ་ཕྱི་ལ་སངས་རྒྱས་ཀྱི་སྐུ་སྲས་དང༌། ཐུགས་སྲས་སུ་གྱུར་བ་ནི། ཡུལ་རྒྱ་གར་གྱི་ཡུལ་དུ་རྗེ་སངས་རྒྱས་ཉིད་སྤྲུལ་སྐུ་ཡིན་པས། སྡིག་པ་ལ་མངོན་པར་དགའ་བ་རྣམས་དབུགས་དབྱུང་བའི་དོན་དུ། བཤན་པ་རྨེ་རུ་རྩེ་ཞེས་བྱ་བར་སྐྱ་སྐྱེ་བ་བཞེས་ཏེ། དེའི་ཡུལ་གདུག་རྩུབ་ཀྱི་སྐོར་མགོ་མ་ཞེས་བྱ་བ་ཡོད་དེ། དེ་གཉིས་ལ་སྲས་མིང་སྲིང་གསུམ་སྐྱེས་པར་གྱུར་པ་ནི། ཆེ་ཤོས་དགའ་བོ། །ཆུང་ཤོས་དགའ་ཆུང་། སྲིང་མོ་དགའ་ལྕམ་ཞེས་བྱའོ། །བཟའ་འཚོ་ལྔ་པོ་དེ་ལ། སློབ་དཔོན་བཟང་པོ་དགེ་སློང་ཀ་རུ་ཎ་བྱ་བ་གཅིག་བཞུགས་པ་ལ། བཟའ་འཚོ་རྣམས་ཀྱིས་དབང་དང་གདམས་ངག་ཞུས་ཏེ། སྲས་དགའ་བོ་མོས་གུས་བརྩོན་འགྲུས་གཏོང་ཕོད་ཆེ་བས། ནོར་རྫས་ཡོ་བྱད་ཐམས་ཅད་བླ་མ་ལ་ཕུལ་ཏེ། དབང་དང་གདམས་ངག་ཉམས་སུ་བླངས་པས་གྲུབ་པ་བསྙེས་ཏེ། ཚེ་ལ་དབང་པའི་རིག་འཛིན་ཐོབ་བཞུགས་ཞེས་གྲགས་སོ། །ཡབ་བཤན་པ་རྨེ་རུ་རྩེ་སྤྲུལ་སྐུ་ཡིན་པས་དོན་ལ་འདས་གྲོངས་མི་མངའ་ཡང་། གདུལ་བྱ་རྣམས་དང་མཐུན་འཇུག་ ཐབས་སུ། དེ་ནས་སྐུ་འདས་ནས། བོད་ཡུལ་དུ་སྣུབས་གསལ་བ་དབང་ཕྱུག་ཡབ་ཡུམ་གྱི་སྲས་སུ་སྐྱེས། མིང་རྡོ་རྗེ་ཁྲི་གཙུག་ཅེས་བྱ་སྟེ། རྗེ་སངས་རྒྱས་ཡེ་ཤེ་སསུ་སྐུ་འཁྲུངས་སོ། །ཡུམ་གདུག་རྩུབ་ཀྱི་སྐོར་མགོ་མ་ཞེས་བྱ་བ་རྗེ་བཙུན་སྒྲོལ་མའི་སྤྲུལ་པ་སྟེ། བོད་ཡུལ་དུ་ཇོ་མོ་མཁར་ཆེན་མཟའ་མཚོ་རྒྱལ་དུ་སྐུ་འཁྲུངས་སོ། །སྲས་དགའ་ཆུང་ནི། རྒྱ་གར་རྒྱལ་ཁྲིམས་དམ་པས། དང་པོ་རྒྱལ་པོའི་སྤྱན་སྔར་བཤཛ་པ་པོར་དམ་བཅས་པས། དུས་དེ་ཙ་ན་ནང་པ་སངས་རྒྱས་པ་དང་། ཕྱི་པ་མུ་སྟེགས་པ་གཉིས་རྟག་པར་རྩོད་དགོས་པས། དགའ་ཆུང་བཤད་པ་དང་རྩོད་པས་སུན་ཡང་། རྒྱལ་ཁྲིམས་དམ་པས་གཤོལ་དབང་མེད་ནས། བོད་གསང་སྔགས་འཆོལ་བར་སྤྱད་ཆོག་པའི་ཡུལ་དུ་སྐྱེ་བར་སྨོན་ལམ་བཏབ་ནས་འདས་ཏེ། བོད་ཡུལ་སྣུབས་ཡུལ་རོག་འོག་ཁུ་ལུང་དུ། ཡབ་གྲོང་བན་ཞིག་གི་སྲས་སུ་སྐུ་འཁྲུངས་སོ། །དགའ་ལྕམ་ནི། ཤེལ་དཀར་བཟའ་རྡོ་རྗེར་སྐུ་འཁྲུངས་སོ། །གསུམ་པ་རྒྱ་བོད་ཀྱི་བླ་མའི་བྱིན་རླབས་དངོས་གྲུབ་ཀའི་བབས་ལུགས་ནི་གནིས་ལས། རྒྱ་གར་བླ་མའི་བཀའ་བབས་ལུགས་ནི། དུས་དེར་སྲས་དགའ་བོ་ཟེས་བྱ་སྟེ། རྒྱ་གར་དྷ་ན་ཏ་ལས། ཡབ་ཡུམ་གཅུང་པོ་ལ་སོགས་པ་གང་ན་འཁྲུངས་མངོན་ཤེས་ཀྱི་གཟིགས་པས། ཡབ་བཤན་པ་རྨི་རུ་རྩེ་རྗེ་སངས་རྒྱས་ཡེ་ཤེས་སུ་སྐུ་འཁྲུངས་ནས། སྐལ་ལྡན་ལ་ཟབ་མོའི་ལམ་བསྟན་ནས་བདེ་བ་ལ་འཁོད་ཅིང་འདུག་ཡུམ་སྐོར་མགོ་མ་ཞེས་བྱ་བ་དེ། ཇོ་མོ་མཁར་ཆེན་བཟའ་སྐུ་འཁྲུངས་ནས། རང་དོན་གྲུབ་ནས་གཞན་དོན་མཛད་ཅིང་འདུག་སྲས་མོ་དའག་ལྕམ་ཤེལ་ དཀར་བཟའ་རྡོ་རྗེར་འཁྲུངས་ནས་དངོས་གྲུབ་ཕྲ་མོ་བརྙེས་ནས་འདུག་པས། བཞི་གསུམ་པོའི་དོན་མི་དགོས་པར་འདུག་དགོངས་ཏེ། གཅུང་པོ་དགའ་ཆུང་ལ་གཟིགས་པ། ཡབ་གྲོང་བན་གཅིག་གི་སརས་རང་རྒྱུད་པ་ལྟ་འཁྲུངས་འདུག་སྟེ། སྙིང་རྗེ་བར་དགོངས་ནས།དེའི་དོན་ཞིག་བྱ་སྙམ་ནས་བྱོན་པར་ཆས་ཏེ། རྐང་མགྱོགས་ཀྱི་དངོས་གྲུབ་སྒྲུབ་པར་དགོངཤ་ནས། གནོད་བྱིན་མ་ཅར་ལང་མ་བསྒྲུབས་པས། དེའི་ཚེ་གཡོག་པོ་ལ་དྲུང་དུ་མ་ཉལ་བྱས་པས་མ་ཉན་ཏེ་ཉལ་ནས། ནམ་ཕྱེད་ན་སྐད་ངན་རྩེར་བྱུང་སྟེ་གཟིཊ་པས། གཡོག་པོའི་རྩེ་ཆུང་ལ་སྡིག་པ་ནག་པོ་གཅིག་གིས་འཐམས་ནས་འདུག་པས། ཕྱག་གི་གྷུ་ཡ་རྡོ་རྗེ་ཕུད་ནས་རྒྱབ་པས། ཏོག་ཟེར་ནས་ཡར་སོང་ངོ་། །དེ་ནས་ཐོ་རངས་གནས་འཆག་པ་སྐད། ས་བྲུམས་པ་སྐད་ཟེར་བའི་སྒྲ་ཆེན་པོ་ཞིག་བྱུང་ནས་གཟིགས་པས། བྱ་ཆེན་པོ་གནམ་གྱིས་ས་བཀབ་པ་ཙམ་ཞིག་གཤོག་པ་གཡས་པ་དྲུད་པ་གཅིག་བྱུང་ནས། ཁྱེད་སུ་ཡིན་གསུངས་པས། བདག་ནི་གནོད་བྱིན་ཅར་ལང་མ་བགྱི་ལགས་པས། ལས་ཅི་བགྱི་བཀའ་རྩོལ་ཅིག་ཟེར་བས། སློབ་དཔོན་གྱིས་ངག་བོད་ཀྱི་སྣབས་ཡུལ་རོང་དུ་སྐྱོལ་གཅིག་གསུངས་པས། མོ་ན་རེ། འབངས་མོ་ཞབས་ཏོག་ཕེར་ཙམ་བདོག་པ་ལགས་ཏེ། སློབ་དཔོན་རང་གི་གཤོག་པ་བཅག་ནས་མི་བདོག་ཟེར་ནས། གཤོག་པ་ས་ལ་ཕབ་ནས་འདུག་གོ །དེར་སློབ་དཔོན་གྱི་ཞལ་ནས་ཁྱོད་བདེན་གསུངས་ནས། གཡོག་པ་ལ་བཀའ་བཀྱོན་ནོ། །དེ་ནས་ཡང་སློབ་དཔོན་གྱིས་བདུད་ནག་པོ་གནམ་རོལ་གྱི་རྐང་མགྱོགས་སྒྲུབ་པས་འགྲུབསཏེ་མི་ནག་པོ་འཇིགས་སུ་རུང་པ་ཞིག་ལོབ་དོན་གྱི་དྲུང་དུ་ བྱུང་སྟེ། སློབ་དཔོན་ལགས་ལས་ཅི་འཚལ་བཀའ་སྩོལ་ཅིག་ཟེར་རོ། །དེར་སློབ་དཔོན་གྱིས་བོད་ཡུལ་སྣུབས་ཡུལ་རོང་དུ་སྐྱོལ་ཅིག་གསུངས་པས། ཁོས་ཐུ་བ་བཟེད་ནས། འོ་ན་འདིར་བཞུགས་ཤིག་ཟེར་རོ། །དེ་ནས་སློབ་དཔོན་གྱིས་རྒྱ་གར་ནས་བྱོན་པའི་རྟགས་སུ། འབྲས་ཀྱི་སྲུས་ཁྲེས་གཅིག་ཙན་དན་གྱི་ཡལ་ག་ལོ་མ་སྔོ་ཁྲོག་གེ་བ་གཅིག་སྨྱུག་མའི་ཡལ་འདབ་སོ་མ་ཅིག་བཅས་བསྣམས་ནས། ཁོའི་ཐུ་ཁུད་དུ་བཞུགས་པས་མཚན་གཅིག་གིས་བོད་ཡུལ་རོང་དུ་རྟོལ་ལོ། །དེར་ཁོ་ན་རེ། གུང་ཡང་སངས། བོད་ཡུལ་རོང་དུའང་སླེབས་པས། ཁོ་བོ་ལ་བོད་ཀྱི་ལྷ་འདྲེ་གདུག་པ་ཅན་མང་པོས་ཁྲག་དོག་བྱེད་པར་གདའ་བས། བདག་འགྲོ་བར་ཞུ་ཟེར་ནས་སླར་ལོག་གོ །དེར་གདུགས་ཐལ་གྱིས་ཤར་བས་ཤར་བ་ཞེས་བྱ། ཀོ་བ་གཏོང་བའི་གྲུ་ཁ་ཡིན་པས་ཤར་བ་གྲུ་ཁ་ཞེས་གྲགས་སོ། །དེར་སློབ་དཔོན་གྱིས་ཀོ་མཁན་ལ་ང་ཆུ་ལས་སྒྲོལ་གསུངས་པས། མཐའི་མི་ཀོ་བཙས་མེད་པར་མི་སྒྲོལ་ཟེར་ཏེ་མ་གཉན་པ་ལས། སློབ་དཔོན་གྱིས་ཆབ་ལ་མ་བྱིངས་པར་ཆུ་སྟེང་ནས་བྱོན་པས་ཀོ་མཁན་འགྱོད་དོ། །དེར་སློབ་དཔོན་གྱིས་བྱོན་པས། ཁུ་ལུང་འགོས་ཀྱི་གྲོང་རྡལ་ན་ཡོན་ཏན་རྒྱ་མཚོ་ཡོན་བདག་ཅིག་གི་ཚེ་སྒྲུབ་བྱེད་ཅིང་ཡོད་པའི་ནང་དུ་སྦ་ཚངས་ལ་བྱོན་ནས། ཡོན་ཏན་རྒྱ་མཚོ་ཁྱོད་ཀྱིས་འདིར་ཅི་བྱེད་པ་ཡིན་གསུངས་པས། ཚེ་སྒྲུབ་བྱེད་པ་ལགས་ཟེར་བས། འོ་ན་ཅི་བཏུབ་གསུངས་ནས་ཚེ་ལ་རྐང་ཐོ་རྒྱབ་པས། ཚེ་འགྱེལ། ཆང་བོ། །དལ་བསུབས་པས། ཡོན་བདག་བཟའ་ཚོ་ན་རེ། མཐའི་མིས་ཐུབ་ཚོད་འདི་ཙམ་བྱེད་པ་ལྟས་ངན་ཡིན། རྒྱོབ་སོད་ཟེར་ནམ་བརྡེག་པར་བྱུང་བ་ལ་ ཡོན་ཏན་རྒྱ་མཚོ་སྔོན་གྱི་ཐུགས་དམ་རྗེས་སུ་དྲན་ཏེ། ཨ་པོ་ཟེར་ཞིང་པྶང་འཁྱུད་བཏབ་ནས་འདི་ངའི་ཕུ་བོ་ཡིན་མ་བརྡེག་བྱས་པས། བརྡེག་བརྫོག་མ་ནུས་སོ། །དེ་ནས་སློབ་དཔོན་གྱི་ཞལ་ནས། ད་གཟོད་དཀྱིལ་འཁོར་བྲིས་ཚེ་ཆོས་གསུངས་པས། དེ་ལྟར་བྱས་པས། དེ་ནས་སློབ་དཔོན་གྱིས་དགོངས་པ་མཛད་དེ་ཚེ་བྱིན་གྱིས་བརླབས། ད་ཁྱོད་རང་ཚོ་ཕར་ཐེག་དང་གསུངས་པས། བཏེགས་པས་ཀྱང་མ་ཐེག་སྤྲོས་ཀྱག་མ་ཕེད། བསྒྱེལ་བས་ཀྱང་མ་འགྱེལ། ཚེ་བྱ་བ་དེ་ལྟར་བྱེད་པ་ཡིན་གསུངས་ནས། ཡོན་ཏན་ཀྱང་འགྱེལ། ཚེ་བྱ་བ་དེ་ལྟར་བྱེད་པ་ཡིན་གསུངས་ནས། ཡོན་ཏན་རྒྱ་མཙོ་ལ་དབང་བསྐུར། ཞོར་ལ་ཡོན་བདག་ལ་ཡང་དབང་བསྐུར་ནས། ཁྱོད་ལ་ཐེག་པ་མཆོག་གི་དངོས་གྲུབ་གྱི་སྐལ་བ་མི་འདུག་སྟེ། ཐུན་མོང་གི་དངོས་གྲུབ་མི་རབས་བདུན་བརྒྱུད་དུ་མི་ནོར་དར་བར་འོང་གསུངས་པས་དེ་ཇི་ལྟ་བ་བཞིན་བྱུང་ངོ་། །དེ་ནས་རྒྱ་གར་དྷ་ན་ཏ་ལའི་ཞལ་ནས། ཡོན་ཏན་རྒྱ་མཚོ་ཁྱོད་ཀྱི་སྒུབ་གནས་གྲོང་གིས་མི་འོང་། ངས་བཙལ་གྱི་གསུངས་ནས། ཁུ་ལུང་མཁར་གདོང་མོན་མོའི་གཙུག་རུམ་ལྟ་བུའི་ས་གནས་བཟང་པོ་བཙལ་ཏེ། དེར་དབང་དང་གདམས་པ་རྫོགས་པར་གནང་། བསྟན་སྲུང་གཤིན་རྗེ་དམར་ནག་མ་གཤིན་གྱི་སྐོར་ཟབ་ལ་མང་བ་གནང་ནས། སླར་རྒྱ་གར་ལ་གཤེགས་སོ། །དེ་ནི་རྒྱ་གར་དྷ་ན་ཏ་ལའི་བཀའ་བབས་ལུགས་སོ། །བོད་ཀྱི་བླ་མའི་བཀའ་བབས་ནི། རྗེ་སངས་རྒྱས་ཡེ་ཤེས་ལ་ཐུགས་ཀྱི་སྲས་བཞི། སྲས་མོ་གཉིས་ཏེ་དྲུག་ཡོད་པ་ལས། དེའི་ནང་ནས་ཐུགས་ཀྱི་སྲས་དམ་པར་གྱུར་པ་ཡོན་ཏན་རྒྱ་མཙོ་ལ་བརྒྱུད་དེ། བཀའི་བཅུད་དང་ཐུགས་ཀྱི་ཉིང་ཁུ་ཐམས་ཅད་བབས་སོ། ། བཞི་པ་གྲུབ་རྟགས་དངོས་གྲུབ་ཐོབ་ལུགས་ནི། མཆོག་གི་དངོས་གྲུབ་ཆོས་ཉིད་ཀྱི་དོན་རྟོགས། རྟོགས་པ་མངོན་དུ་ནས་ཟག་པ་མེད་པའི་མངོན་ཤེས་ཤར། འཇམ་དཔལ་ཁྲོ་བོ་ཡ་མན་ཏ་ཀ་ལ་སོགས་པ་ཐུགས་དམ་གྱི་ལྷ་དུ་མ་ཞལ་གཟིགས། ཐུན་མོང་གི་དངོས་གྲུབ་དང་ཡེ་ཤེས་དང་ལས་ལ་གྲུབ་པའི་དམ་ཅན་སྲུང་མ་རྣམས་འཕྲིན་ལས་ལ་འཁོལ་ཏེ། བསྟན་སྲུང་སྲོག་སེར་གཏད་གསུམ་ལ་བྱིན་རླབས་ཐོན་ནས་བསྟན་པའི་རུ་དང་བཙུགས། ནུས་པ་ལ་མངའ་བརྙེས་པའོ། །གཞན་ཡང་འོ་བྲན་དཔལ་གྱི་གཞོན་ནུའི་སྲས། པདྨ་འབྱུང་གནས། དེའི་སྲས་བློ་གྲོས་འབྱུང་གནས་ཀྱི་སྐུ་དྲིན་ལ། རྒྱ་གར་གྱི་པཎྜི་ཏ་ཙནྡྲ་ཀཱི་རྟི་ཞེས་བྱ་བ་བྱོན་ཏེ། དེས་གསུང་སྔགས་ཀྱི་སྒྲུབ་ཐབས་དང་། བསྟན་སྲུང་དུ་བཅས་པ་མང་དུ་བསྒྱུར་ཞིང་། ཕྱི་མ་འཇམ་དཔལ་གཤིན་རྗེའི་སྒྲུབ་ཐབས་བསྒྱུར་བས། དེ་ལ་འོ་བྲན་གྱི་མཐེབ་རྒྱ་ཅན་ཞེས་གྲགས་པ་ཡིན་ནོ། །རྙིང་མའི་འགྱུར་གཞུག་ནི་དེས་ཆད་པ་ཡིན་པས། དེ་ཡན་ཆད་དུ་བསྒྱུར་བའི་སྔགས་མཚན་ཉིད་ཀྱི་ཆོས་རྣམས་བསྟན་པ་སྔ་འགྱུར་ཡིན་པས་རྙིང་མ་ཞེས་གྲགས་པ་ཡིན་ནོ། །གསར་རྙིང་གཉིས་ཀྱི་གོ་དོན་ནི། ཁ་ཅིག་ན་རེ། རྡོ་རྗེ་གདན་ནས་བསྒྱུར་བ་གསར་མ་ཡིན་ལ། ཨུ་རྒྱན་ནས་བསྒྱུར་བ་རྙིང་མ། མཁའ་འགྲོ་ནས་བརྒྱུད་པ་གསར་མ་ལ། རིག་འཛིན་ནས་བརྒྱུད་པ་རྙིང་མ་ཡིན་ཟེར། ཁ་ཅིག་ན་རེ། ཚད་མེད་པ་བཞི་དང་། བདུན་རྣམ་དག་བཀོད་ནས། རྒྱུའི་རྡོ་རྗེ་འཆང་ལས། འབྲས་བུ་རྡོ་རྗེ་འཆང་དུ་བསྒྱུར་བའི་གཞུང་འདུག་ན་དེ་གསར་མ་ཡིན་ལ། ཏིང་ངེ་འཛིན་གསུམ་མངོན་དུ་ བཀོད་ནས། འབྲས་བུའི་རྡོ་རྗེ་འཆང་དེ་ཕལ་ཆེར་ཡོགཤ་རྫོགས་སུ་གྲུབ་པའི་གཞུང་དེ་རྙིང་མ་ཡིན་ཟེར། ཡང་རྡོ་རྗེ་འཆང་གིས་གསུངས་པ་གསར་མ་ཡིན་ལ། ཀུན་ཏུ་བཟང་པོས་གསུངས་པ་རྙིང་མ་ཡིན་ཟེར་ཏེ། དེ་རྣམས་ལ་རྒྱུ་མཚན་ངེས་པ་གཞག་ཏུ་མེད་ལ། ཁྱད་པར་ཀུན་ཏུ་བཟང་པོ་དང་རྡོ་རྗེ་འཆང་ངོ་བོ་གཅིག་ཡིན་པ་ལ་གཉིས་སུ་འབྱེད་པ་ཤིན་ཏུ་མི་འཐད་དེ། རྣམ་གཞག་ཡེ་མ་གོ་བ་ཡིན། ངོ་བོ་གཅིག་ལ་མཚན་གྱི་རྣམ་གྲངས་དུ་མ་བྱུང་བ་ཡིན་ཏེ། གནས་ལུགས་ལ་མཚན་དུ་གསོལ་བས། ངོ་བོ་ཉིད་ཀྱི་སྐུ་ཞེས་བྱ། སྤྱོད་ཡུལ་ཡོངས་སུ་དག་པ་ལ་མཚན་དུ་གསོལ་བ་དཔལ་ཀུན་ཏུ་བཟང་པོ། རིག་ལ་མཚན་དུ་གསོལ་བ་རྡོ་རྗེ་འཆང་། ཡེ་ཤེས་ཀྱི་གྲངས་ལ་མཚན་དུ་གསོལ་བ་རྒྱལ་བ་དྲུག་པའི་བདག་ཉིད་དོ། །མདོར་ན་རྙིང་མའི་རྙིང་ཏིག་གི་རྒྱུད་བཅོ་བརྒྱད། ཡེ་ཤེས་གསང་སྒྲོན་གཤིན་རྗེ་ལ་སོགས་པའི་རྒྱུད་མཐའ་དག་ན། རྡོ་རྗེ་འང་གི་གསུངས་ཞེས་པ་ཡོད་ལ། གསར་མའི་ཡ་རྒྱུད་སྡེ་མང་པོ་ན། ཀུན་ཏུ་བཟང་པོས་གསུངཤ་བྱ་བ་ཡོད་དོ། །དོན་ལ་རྒྱ་གར་ན་གསར་རྙིང་གཉིས་ཀྱི་མིང་བཏགས་པར་ཟད་དོ། །གསུམ་པ་ཟུར་ལ་བབས་ཚུལ་འོག་ནས་བསྟན་ནོ། །ཕྱི་འགྱུར་གསར་མའི་བྱུང་ཚུལ། གཉིས་པ་བསྟན་པ་ཕྱི་འགྱུར་གསར་མའི་འགྱུར་འགོ་གང་ནས་ཚུགས་ན། དེ་ཡང་གོང་དུ་བཤད་པའི་རྒྱལ་པོ་གླང་དར་མ་ལ་བཙུན་མོ་གཉིས་ ཡོད་པས། ཆེན་མས་ང་ལ་སྲས་སྐྱེས་པ་ཡིན་བྱས་ཏེ། བུ་ཆུང་ཞིག་བཙལ་ནས་ང་ལ་མདང་སྐྱེས་པ་ཡིན་བྱས་ཏེ་བསྟན་པས། བློན་པོ་རྣམས་ན་རེ། མདང་སྐྱེས་པའི་བུ་ཆུང་ལ་སོ་མི་འབྱུང་སྟེ། ཡུམ་གྱི་བཀའ་བཞིན་བརྟེན་དུ་ཆུག་གསུངས་པས། ཡུམ་བརྟན་ཞེས་གྲགས་ཏེ། དེའི་སྲས་ཁྲི་ལྡེ་མགོན་པོ། དེའི་སྲས་མགོན་གཉེན། དེ་ལ་སྲས་རིག་པ་མགོན་པོ་དང་། ཉི་འོད་དཔལ་མགོན་གཉིས། རིག་པ་མགོན་གྱི་སྲས་ཁྲི་ལྡེ་པོ། དེའི་སྲས་འོད་པོ། དེ་ལ་སྲས་གསུམ། ཨ་ཙ་ར་དང་། མགོན་པོ་བཙན་དང་། མགོན་པོ་བརྩེགས་སོ། །ཉི་འོད་དཔལ་མགོན་གྱི་སྲས་མགོན་སྤྱོད། དེའི་སྲས་ལན་ཡེ་ཤེས་རྒྱལ་མཚན་ཏེ་ཆེ་བརྒྱུད་དོ། །བཙུན་མོ་ཆུན་མ་ལ་སྲས་གཅིག་ཤིང་མོ་གླང་ལ་འཁྲུངས་ཏེ། ཆེན་མས་བསད་དམ་འཕྲོག་ཀྱིས་དོགས་ནས། ཉིན་མོ་ཉིད་མའི་འོ་ད་དང་། མཚན་མོ་མར་མེའི་འོད་རྒྱུན་མ་ཆད་པར་བྱས་ཏེ་སྲུང་བས འོད་སྲུང་དུ་གྲགས་ཏེ་རྒྱལ་སར་བཏོན་ནས་ལོ་དྲུག་ཅུ་རྩ་གསུམ་ལ་འདས་སོ། །དེའི་སྲས་དཔལ་འཁོར་བཙན་པོ་ལོ་བཅུ་གསུམ་ལ་རྒྱལ་སར་བཏོན་ཏེ་སོ་གཅིག་ལ་འདས་སོ། །དེ་ལ་སྲས་གཉིས་ཏེ། བཀྲ་ཤིས་བརྩེགས་པ་དཔལ་དང་། ཁྲི་སྐྱིད་ལྡེ་ཉིམ་མགོན་གཉིས་སོ། །བཀྲ་ཤིས་བརྩེགས་པ་དཔལ་དང་། ཁྲི་སྐྱིད་ལྡེ་ཉི་མ་མགོན་གཉིས་སོ། །བཀྲ་ཤི་བརྩེགས་པ་དཔལ་དང་། ཁྲི་སྐྱིད་ལྡེ་ཉི་མ་མགོན་གཉིས་སོ། །བཀྲ་ཤིས་བརྩེགས་པས་རྒྱལ་སྲིད་བཟུང་སྟེ། དེ་ལ་སྲས་གསུམ། ཆེ་བ་དཔལ་ལྡེ། བར་པ་འོད་ལྡེ། ཆུང་བ་སྐྱིད་ལྡེའོ། །ཉི་མ་མགོན་མངའ་རིས་སུ་སྤུགས་པས། སྤུ་ཧྲེང་དུ་སྐུ་མཁར་ཉི་བཟུངས་བརྩིགས་ཏེ་ཆབ་སྲིད་བཟུང་། དེ་ལ་སྲས་གསུམ། ཆེ་བ་དཔལ་གྱི་ལྡེ་རིག་པ་མགོན་གྱིས་མང་ཡུལ་བཟུང་། དེ་ལ་སྲས་གསུམ། ཆེ་བ་དཔལ་གྱི་ལྡེ་རིག་པ་མགོན་གྱིས་མང་ཡུལ་བཟུང་། བར་པ་བཀྲ་ཤིས་ལྡེ་མགོན་གྱིས་སྤུ་ཧྲེང་བཟུང་། ཆུང་བ་ལྡེ་གཙུག་མགོན་གྱིས་ཞང་ཞུང་བཟུང་། དེ་ལ་ སྲས་འཁོར་རེ་དང་སྲོང་ངེ་གཉིས་ཏེ། བཙན་པོ་འཁོར་རེས་རྒྱལ་སྲིད་གཅུང་པོ་ལ་གཏད་ནས། རབ་ཏུ་བྱུང་ཏེ་མཚན་ཡེ་ཤེས་འོད་ཅེས་བྱའོ། །བཙན་པོ་འདིའི་དུས་ནས། གསར་མའི་འགྱུར་འགོ་ཚུགས་པ་ཡིན་ཏེ། རྙིང་མའི་འགྱུར་གཞུག་ཆད་ནས་ལྷ་བླ་མ་ཡེ་ཤེས་འོད་མ་བྱོན་པའི་བར་སྐབས་དེར། མི་རབས་གཉིས་གསུམ་ཙམ་གྱི་བར་དུ་པཎྜི་ཏ་འབྱོན་པའི་རྒྱུན་ལས་ཆད། དམ་པའི་ཆོས་གྱུར་མཁན་མེད་དོ། །དེའི་དུས་བལ་པོ་མེ་རུ་རྩེ་ཞེས་བྱ་བ་རྒྱ་སྐད་ཤེས་ལ་མཁས་པ་གཅིག་བྱུང་ནས། དེ་ལ་བོད་རྣམས་ཀྱི་ཆོས་ཞུས་པས། བལ་པོ་ཕར་ལོག་ནས་པཎྜི་ཏ་ཕྲ་ལ་རིང་མོ་དང་། ཇོ་བོ་སྨྲྀ་ཏི་གཉིས་སྤྱན་དྲངས་ནས་འོངས་ཏེ། འགྱུར་བྱ་བར་བརྩམས་པ་ལས། ལོ་ཙཱ་བ་བལ་པོར་ཕོ་ལོག་གིས་ཤི་སྟེ། པཎྜི་ཏ་གཉིས་པོས་བོད་སྐད་མི་ཤེས་པས། དབུས་གཙང་ན་མར་སོ་སོར་པོ་འཁྱམས་ཏེ། སྨྲྀ་ཏིས་རྟ་ནག་ཏུ་ལུག་རྫི་མཛད། ཕྱིས་དཔྱལ་ལོ་ཙཱ་བ་བསོད་ནམས་རྒྱལ་མཚན་གྱིས་སྨན་ལུང་དུ་སྤྱན་དྲངས་ནས་ཆོས་ཞུས། ཁམས་སུ་བྱོན་ནས་ལྡན་གློང་ཐང་དུ་མངོན་པ་མཛོད་ཀྱི་བཤད་པ་བཙུགས། ཕྱིས་བོད་སྐད་ཁམས་པར་གྱུར་ཏེ། གདན་བཞི་དང་། འཇམ་དཔལ་མཚན་བརྗོད་ཀྱི་འགྲེལ་པ། སྒོག་རྡོར་གྱི་མཛད་པའི་འགྲེལ་པ། སྒྲུབ་ཐབས་གསང་ལྡན་གྱི་སྐོར་དང་། སྔགས་དོན་རྣམ་གཟིགས་ལ་སོགས་པ་རང་འགྱུར་མང་པོ་མཛད། སྔགས་དོན་རྣམ་གཟིགས་ལ་སོགས་པ་རང་འགྱུར་མང་པོ་མཛད། ཕྱིས་ལིང་ཆུ་གསེར་ཁབ་ཏུ་བྱོན་ཏེ། སྨྲ་སྒོ་མཚོན་ཆ་བརྩམས། དེ་དག་རྒྱ་ཆེར་འཕེལ་བར་མ་ནུས་སོ། །པཎྜི་ཏ་ཕྲ་ལ་རིང་མོས་རོང་པ་ཆོས་བཟང་ལ་གྲོང་འཇུག་བྱས་པས། རོང་པ་ཆོས་མང་པོ་རྡོལ་ཤེས་སུ་བྱུང་བ་ཡིན་ནོ། །དེ་རྗེས་ལྷ་བླ་མས་ཞང་ཞུང་ཐོ་ལིང་གི་ གཙུག་ལག་ཁང་བཞེངས། རིན་ཅེན་བཟང་པོ་ལ་སོགས་པ་ཁྱེའུ་ཉིས་ཤུ་རྩ་གཅིག་རྒྱ་གར་དུ་བརྫངས་ནས། ཆོས་སློབ་ཏུ་བཏང་བ་ལས། རིན་ཆེན་བཟང་པོ་དང་། ལེགས་པའི་ཤེས་རབ་མ་གཏོགས་པ་གཞན་རྣམས་ཤི་བས་ཆོས་མ་ལོབས། རིན་ཆེན་བཟང་པོ་སྔགས་མཚན་ཉིད་ཐམས་ཅད་ལ་མཁས་པར་གྱུར་ཏེ། པཎྜི་ཏ་ཤཱདྡྷ་ཀ་ར་ཝརྨཱ་དང་། བུདྡྷ་ཤྲཱི་ཤན་ཏི་དང་། བུདྡྷ་པཱ་ལ་དང་། ཀཱ་མ་ལ་གུབྟ་དང་། པདྨ་ཀཱ་ར་ཝརྨ་ལ་སོཊ་པ་སྤྱན་དྲངས་ཏེ། མཚན་ཉིད་ཀྱི་ཐེག་པ་དང་། རྒྱུད་སྡེ་བཞི་ཀ་བསྒྱུར། ཁྱད་པར་ཡོ་ག་དང་གསང་འདུས་ཀྱི་ཅོས་སྐོར་མང་པོ་བསྒྱུར་ཞིང་སྔགས་གཏན་ལ་ཕབ། ལྷ་བླ་མའི་གཅུང་པོ་སྲོང་ལྡེའི་སྲས་ལྷ་ལྡེས་ཀྱང་། པཎྜི་ཏ་སུ་བྷ་ཥི་ཏ་སྤྱན་དྲངས་ནས། དེའི་སྲས་འོད་ལྡེ་དང་། ཕོ་བྲང་ཞི་བ་འོད་དང་། བཙུན་པ་བྱང་ཆུབ་འོད་གསུམ་བྱུང་བ་ལས། ཕོ་བྲང་ཞི་བ་འོད་དང་། བཙུན་པ་བྱང་ཆུབ་འོད་གསུམ་བྱུང་བ་ལས། ཕོ་བྲང་ཞི་བ་འོད་དང་། བཙུན་པ་བྱང་ཆུབ་འོད་གཉིས་རབ་ཏུ་བྱུང་། བྱང་ཆུབ་འོད་ཀྱི་ནག་ཚོ་ཚུལ་ཁྲིམས་རྒྱལ་ལ་སོག་སཔའི་མི་ལྒ་ལ་གསེར་བསྐུར། ལོ་ཙཱ་བ་རྒྱ་བརྩོན་འགྲུས་སེདྒེ་དཔོན་དུ་བསྐོས་ནས། པཎྜི་ཏ་བཟང་པོ་སྤྱན་དྲོངས་ལ་ཤོག་བྱས་པས། རྒྱ་གར་ཤར་ཕྱོགས་རྒྱལ་པོ་དགེ་བ་དཔལ་གྱི་སྲས། འབྲི་ཀ་མ་ལ་ཤིང་ལའི་གཙུག་ལག་ཁང་དུ་ལེགས་པར་སྦྱངས་པ་དཱི་བཾ་ཀ་ར་ཤྲཱི་ཛྙཱན་བློའི་སྒྲོན་མེ་ཡེ་ཤེས་བྱེད་སྤྱན་དྲངས་པས། ནག་ཚོས་ལོ་ཙཱ་བྱས་ནས་བྱོན་ཏེ། ལོ་ཙཱ་བ་རིན་ཆེན་བཟང་པོའི་གཟིགས་ཁང་དུ་བྱོན་པའི་ཚེ། དང་པོ་ལོ་ཙཱ་བས་ཕྱག་མ་མཛད། པཎྜི་ཏས་ལོ་ཙཱ་བའི་གཟིམས་ཁང་ནི་གསང་སྔགས་ཀྱི་ལྷ་རྣམས་ལ་བསྟོད་པ་རེ་མཛད་པས། ལ་ བ་མཉེས་ཏེ། ཆོས་ཀྱི་འབེལ་གཏམ་མང་པོ་མཛད་དེ་ཕྱག་མཛད། ཆོས་ཞུས་འགྱུར་མང་པོ་མཛད་དེ། ཁྱད་པར་དུ་ཡོ་ག་རྣམས་ཀུན་དགའ་སྙིང་པོའི་འགྲེལ་པ་དང་བསྟུན་ནས། དག་པར་བཅོས་ཏེ་དབང་བཀའ་དང་བཤད་སྒྲུབ་ཀྱི་མན་ངག་རྒྱ་ཆེར་སྤེལ་ལོ། །ཇོ་བོ་རྗེས་རིམ་གྱིས་དབུས་སུ་བྱོན་ཏེ། སློབ་མ་ཁུ་རྔོག་འབྲོལ་གསུམ་ལ་གདམས་པ་དང་ཆོས་མང་པོ་གནང་སྟེ། ཁྱད་པར་དུ་འབྲོམ་ལ་བཀའ་གདམས་ཀྱི་ཆོས་གནང་སྟེ་དར་བར་མཛད་དོ། །དེ་རྗེ་འབྲོག་མི་ཤཱཀྱ་ཡེ་ཤེས་ཀྱིས་ཀྱང་། པཎྜི་ཏ་གྷ་ཡ་དྷ་ར་སྤྱན་དྲངས་ཏེ། གསེར་སྲང་ལྔ་བརྒྱ་ཕུལ་ཏེ། ཀྱཻ་རྡོ་རྗེ་གུར། སམ་བུ་ཌི། ར་ལི་དང་། ཨ་ར་ལི་བཞི་ལ་སོགས་པ་དང་། ལམ་འབྲས་བུ་དང་བཅས་པའི་ཆོས་བསྐོར་རྣམས་བསྒྱུར་རོ། །རྗེ་བཙུན་དམ་པ་སངས་རྒྱས་དང༌། ཞ་མ་སེདྒེའི་རྒྱལ་པོས་ཀྱང་། ཞི་བྱེད། ཨ་ལི་ཀཱ་ལི་ལ་སོཊ་པ་རྟེན་འབྲེལ་གྱི་ཆོས་མང་པོ་བསྒྱུར་རོ། །དེ་རྗེས། ལྷོ་བྲག་མར་པ་ཆོས་ཀྱི་བློ་གྲོས་ཀྱིས། རྒྱ་གར་དུ་ལན་གསུམ་བྱོན། བླ་མ་ནཱ་རོ། །མི་ཏྲི། ཞི་བ་བཟང་པོ། ཡེ་ཤེས་སྙིང་པོ། ཕམ་ཏིང་པ་ལ་སོགས་པ་བསྟེན་ནས། དཀའ་བ་མང་པོས་བླ་མ་མཉེས་པར་མཛད་དེ། གསང་འདུས། བདེ་མཆོག་ཀྱཻ་རྡོ་རྗེ། མ་ཧཱ་མ་ཡ། གདན་བཞི་ལ་སོགས་པ་མང་པོ་ཞུས་ཏེ། བཤད་རྒྱུད་དང་། སྒྲུབ་རྒྱུད་ཀྱི་བསྟ་པ་དར་ཞིང་རྒྱསཔར་མཛད། དེ་ལ་བཤད་རྒྱུད་ཀྱི་དབང་དུ་བྱས་ན། གཞུང་གི་རྔོག་ཆོས་ཀྱི་རྡོ་རྗེ། སྟག་ཚལ་གྱི་མེས་པོ་ཚོམ་པོ། དོལ་གྱི་ཚུར་སྟོན་དབང་ངེ། ལྷོ་ལ་ཡག་མར་པ་མགོ་ལེགས་ལ་སོགས་པས་དར་ཞིང་རྒྱས་པར་མཛད། སྒྲུབ་བརྒྱུད་ཀྱི་དབང་དུ་བྱས་ན། རྗེ་མེ་ ལ་རས་པས། དཀའ་སྤྱད་དཔག་མེད་ཀྱི་ཞབས་ཏོག་གིས་བླ་མ་མཉེས་པར་མཛད་ནས་ཚིག་དོན་གྱི་བརྒྱུད་པ་བར་མ་ཆད་པའི་མན་ངག་འཆི་མེད་ཞལ་གྱི་བདུད་རྩི་མོས་གུས་མཐར་ཕྱིན་པའི་ལྗགས་ཀྱི་དབང་པོ་ལ་བརྡར་ནས། ཉམས་མྱོང་དང་མངོན་པར་རྟོགས་པ་བདེ་བ་ཆེན་པོ་ཕུལ་དུ་ཕྱིན་པས་སྐུ་རྒྱས་ཤིང་། བརྩོན་འགྲུས་ཀྱི་ཤུགས་དྲག་པོས་དོན་གྱི་སྙིག་པོ་ཉམས་སུ་བླངས་པས། མཆོག་དང་ཐུན་མོང་གི་དངོས་གྲུབ་བརྙེས་པས་བཀའ་བརྒྱུད་རིན་པོ་ཆེའི་བསྟནཔའི་ཉི་མ་དང་ཟླ་བ་ལྟར་གྲགས་པའི་བླ་མ་དེ་བཀའ་དྲིན་ཆེའོ། །དེའི་སློབ་མར་གྱུར་པ་ལ། ཐུགས་ཟིན་པའི་སྲས་བཞི། དེ་དང་ཉེ་བའི་སྲས་དྲུག་སྐུ་བགྲེས་ཁར་བྱོན་པའི་སྲས་རྒྱད་ལ་སོགས་པའི་ནང་ནས། རྗེ་སྒམ་པོ་བ། སྙིང་རྗེ་པདྨ་དཀར་པོའི་མདོ་ལས། སྙིགས་མ་ལྔ་བདོ་བའི་དུས་སུ། བྱང་ཕྱོགས་ཀྱི་རྒྱུད་དུ་དགེ་སློང་འཚོ་བྱེད་ཀྱི་མི་ཅན་འབྱུང་བར་འགྱུར་རོ་ཞེས་དང་། ཐུབ་པའི་སྤྱན་སྔར་ཟླ་འོད་གཞོན་ནུར་གྱུར་ཞེས་ལུག་བསྟན་པ་དེས་བསྟནཔ་དར་ཞིག་རྒྱས་པར་བྱ་པ་ཡིན་ནོ། །ཁྱུང་པོ་རྣལ་འབྱོར་གྱིས་རྒྱ་གར་དུ་བྱོན་ནས། པཎྜི་ཏ་གྲུབ་པ་ཐོབ་པ་མང་པོ་དང་མཇལ་ནས་ཆོས་དང་གདམས་པ་མང་དུ་གསན། ཁྱད་པར་ཡེ་ཤེས་ཀྱི་མཁའ་འགྲོ་མ་ནི་གུ་མ་གེས་གསང་ཡུམ་དང་མཇལ་ནས། ནི་གུའི་ཆོས་དྲུག་ལུག་མན་ངག་དང་བཅས་པ་ཞུས་ན་བརྒྱུད་པ་རིན་པོ་ཆེ་སྣ་བདུན་ལ་བརྒྱུད་དེ་གངས་ཅན་གྱི་ཁྲོད་འདིར་བསྟནཔ་རྒྱས་པར་མཛད་པ་ཡིན་ནོ། །གཞན་ཡང་མངའ་བདག་རྩེ་ལྡེས་ཀྱང་ཁ་ཆེ་ཛྙཱན་ཤྲཱི་སྤྱན་དྲང་ཏེ། ཁྱུང་པོ་ཆོས་བརྩོན་གྱིས་ལོ་ཙཱ་བྱས་ནས་རྒྱུད་སྡེ་རྩེ་མོ་དང་། སྦྱོང་རྒྱུད་ཚད་མ་རྣམ་ངེས། དེའི་ཊཱིཀ་ཉིད་ཀྱིས་མཛད་པ་ལ་ སོགས་པ་བསྒྱུར་རོ། །རྩེ་ལྡེས་རྔོག་བློ་ལྡན་ཁ་ཆེར་བརྫངས་ནས། གཞན་ཕན་བཟག་པོ་དང་སྐལ་དན་རྒྱལ་པོ་ལས་ཚད་མ་བསླབས། བྲམ་ཟེ་སད་ཛྙཱན་དང་། གོ་མི་མཆེད་ལ་སོག་སཔ་ལས་བྱམས་ཆོས་བརླབས། དབང་སྡེས་ཡོན་བདག་བྱས་ཏེ་ཚད་མ་རྒྱན་ལ་སོགས་པ་བསྒྱུར་རོ། །གཞན་ཡང་འགོས་ཁུག་པ་ལྷས་བཙས་ཀྱིས་རྒྱ་གར་དུ་ལན་གསུམ་ཕྱིན། པཎྜི་ཏ་ཞི་བ་བཟང་པོ་དང་། སྒྲ་གཅན་འཛིན་བཟང་པོ་ལ་སོགས་པ་བསྟེན་ཏེ། གསང་འདུས་འཕགས་སྐོར། བདེ་མཆོག་རྡོ་རྗེ་མཁའ་འགྲོ་གདན་བཞི། མ་ཧཱ་མ་ཡ། ཀྱཻ་རྡོ་རྗེའི་རྒྱུད་གསུམ་ལ་སོགས་བསྒྱུར་རོ། །ཟངས་དཀར་འཕགས་པ་ཤེས་རབ་ཀྱིས་པཎྜི་ཏ་ཁ་ཆེ་དགོན་པ་དང་། ཏེ་ཛ་དེ་བ་དང་། པ་ར་ཧེ་ཏ་བ་ཏྲ་ལ་སོགས་པ་བསྟེན་ནས་ཡོ་ག་དང་། གཙུག་གཏོར་དང་། ཕྱག་ན་རྡོ་རྗེ་འགྲོ་བང་གི་སྐོར་དང་། རྣམ་ཐོས་སྲས་དང་། སྤྱོད་འཇུག་གི་འགྲེལ་ཆེན་དང་། བདེ་མཆོག་གི་སྐོར་ལ་སོགས་པ་བསྒྱུར་རོ། །བ་རི་ལོ་ཙཱ་བ་རིན་ཆེན་གྲགས་ཀྱིས་པཎྜི་ཏ་དོན་ཡོད་རྡོ་རྗེ་སྤྱན་དྲངས་ཏེ། དོན་ཞགས་དང་། སྲུང་བ་ལྔ་དང་། རྣམ་འཇོམས་ཀྱི་སྐོར་དང་། བདེ་མཆོག་གི་སྐོར་དང་། སྒྲུབ་ཐབས་བརྒྱ་རྩ་ལྔ་ལ་སོགས་པ་བསྒྱུར་པོ་སྤྱན་དྲངས་ཏེ། དུས་འཁོར་ཆ་ལག་རྒྱས་པ་དང་། རྡོ་རྗེ་སྙིང་འགྲེལ། ཕྱག་རྡོར་བསྟོད་འགྲེལ་ལ་སོགས་པ་བསྒྱུར་རོ། །བ་རེག་ཐོས་པ་དགའ་དང་། རྨ་བན་ཆོས་འབར་དང་། མཚུར་བུ་ལོ་རྩ་བ་རྣམས་ཀྱིས་རྒྱ་གར་ཕྱག་ན་རྡོ་རྗེ་བསྟེན་ནས། ཕྱག་རྒྱ་ཆེན་པོ་གྲུབ་པའི་སྐོར་དང་། སྙིང་པོའི་སྐོར་དང་། དྷོ་ཧ་སྐོར། གསུམ། དྷ་ཧ་མཛོད། མི་ཏྲི་པའི་བདེ་མཆོག་ལ་སོགས་པ་བསྒྱུར་རོ། །དཔྱལ་ཀུན་དགའ་རྡོ་རྗེས་བལ་པོ་ཧ་དུ་དཀར་པོ་བསྟེན། པཎྜི་ཏ་སྟོང་ཉིད་ཏིང་ངེ་འཛིན་སྤྱན་དྲངས་ཏེ། མན་ངག་མང་པོ་ཞུས་སོ། །རཱ་རྡོ་རྗེ་གྲགས་ཀྱིས་བལ་པོ་ཐུགས་ཆེན་པོ་བསྟེན་ནས། དགྲ་ནག་འཇིགས་སྐོར་གསུམ་དང་། ཧེ་རུ་ཀ་སྔོན་བྱུང་གི་རྒྱུད་ལ་སོགས་པ་བསྒྱུར་རོ། །དེའི་དབོན་རྭ་ཆོས་རབ་ཀྱིས་པཎྜི་ཏ་ས་མན་ཏ་ཤྲཱི་སྤྱན་དྲངས་ཏེ། དུས་འཁོར་ཕག་མོ་སྔོན་བྱུང་ལ་སོཊ་པ་བསྒྱུར་རོ། །ཞང་ཤེས་རབ་བླ་མས་ཀྱང་པཎྜི་ཏ་ཨ་མོ་སྔོན་བྱུང་ལ་སོཊ་པ་བསྒྱུར་རོ། །ཞང་ཤེས་རབ་བླ་མས་ཀྱང་པཎྜི་ཏ་ཨ་མོ་གྷ་མཛྲ་གདན་དྲངས་ཏེ་དགྲ་ནག་གི་སྐོར་རྒྱས་པར་བསྒྱུར་རོ། །རྒྱུད་སྨོན་ལམ་གྲགས་ཀྱིས་ཀྱང་། པཎྜི་ཏ་གཞན་ལ་ཕན་པ་ལ་བསྟེན་ཏེ། སྡོམ་འབྱུང་བསྒྱུར་རོ། །དཔྱལ་ཆོས་ཀྱི་བཟང་པོས། རྒྱ་གར་དུ་ལོ་བཅུ་གསུམ་བཞུགས། །བླ་མ་རྡོ་རྗེ་གདན་པ་ནིཥྐ་ལམ་ཀ་ལ། བདེ་མཆོག་དང་། གཤིན་རྗེ་གཤེད་དམར་པོའི་སྐོར་རྣམས་མང་དུ་ཞུས་ཏེ་བསྒྱུར། ཁ་ཆེ་ཤཱཀྱ་ཤྲཱི་ལ་དགེ་ཚུལ་བྱས་སོ། །ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་ཐོག་མར་ཐཱི་ལ་དགེ་ཚུལ་བྱས་སོ། །ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་ཐོག་མར་ཤྲཱི་ཛ་ག་ཏ་མི་ཏྲ་མི་ཏྲ་ཨ་ནན་ཏ་ཞེས་པ། མི་ཏྲ་ཛོ་ཀི་ཞེས་གྲགས་པ་སྤྱན་དྲངས་ཏེ། བདེ་ཆེན་རལ་གཅིག་གི་སྐོར་དང་། སེམས་ཉིད་ངལ་གསོའི་སྐོར་དང་། བསྟན་པའི་གྲུ་ལ་གཅིག་གི་སྐོར་དང་། སེམས་ཉིད་ངལ་གསོའི་སྐོར་དང་། བསྟན་པའི་གྲུ་ལ་སོགས་པ་བསྒྱུར་རོ། །དེ་ནས་ཁ་ཆེའི་པཎྜི་ཏ་བུདྡྷ་ཤྲཱི་ཛྙཱན་སྤྱན་དྲངས་ཏེ། མངོན་རྟོགས་རྒྱན་གྱི་འགྲེལ་པ། ཤེས་རབ་སྒྲོལ་མ་དང་། རྒྱལ་བའི་ལམ་འཇུག་དང་། ཐུགས་རྗེ་ཆེན་པོའི་སྒྲུབ་ཐབས་བརྒྱ་རྩ་ལ་སོགས་པ་བསྒྱུར་རོ། །དེ་ནས་ཁ་ཆེ་ཤཱཀྱ་ཤྲཱི་བྷ་དྲ་སྤྱན་དྲངས་ཏེ། དཔྱལ་ཆོས་བཟང་གིས་ནཱ་རོ་འགྲེལ་ཆེན་བསྒྱུར་ཏེ། དེའི་བཤད་བཀའ་མན་ངག་དང་བཅས་པ་གནང་པཎྜི་ ཏ་དེ་ལ་འཁོར་པན་ཆུང་། བི་བྷུ་ཏི་ཙནྡྲ་དང་། དྷ་ན་ཤཱི་ལ་དང༌། བལ་པོ་སང་གི་ཤྲཱི་དང་། སུ་ག་ཏཱ་ཤྲཱི་ལ་སོགས་པ་དགུ་བྱོན་ཏེ། བི་སུ་ཏི་དང་། དྷ་ན་ཤྲཱི་ལ་སོགས་པས་བོད་དུ་ཡུན་རིང་དུ་བཞུགས་ཏེ་རང་འགྱུར་ཡང་མཛད་དོ། །བྱམས་པའི་དཔལ་གྱིས་འདུལ་བ་མེ་ཏོག་ཕྲེང་རྒྱུད་བསྒྱུར་ཏེ་དེའི་བཤད་ཀའ་ནོད། རོད་རྗེ་འཕྲེང་བ་དང་། བདེ་མཆོག་ལ་སོགས་པ་བསྒྱུར་རོ། །ཁ་ཆེ་པཎ་ཆེན་དེ་ལ་ས་སྐྱ་པཎྜིའི་ཏས་བསྙེན་རྫོགས་བྱས་ནས། བལ་པོ་སང་ག་ཤྲཱི་དང་བཅས་པ་ལ་སྒྲ་བསླབས་ཏེ། པཎ་ཆེན་དང་དྷ་ན་ཤྲཱི་ལ་ལ་རྣམ་འགྲེལ་བསླབས། འགྱུར་བཅོས་མང་དུ་བྱས་ཏེ་མཁས་པ་ཆེན་པོར་གྱུར་ནས། ཆོས་མ་དག་པ་རྣམས་སུན་འཕྱུང་ངོ་། །ཁ་ཆེ་པཎ་ཆེན་ལ་བྱང་ཆུབ་དཔལ་དང་། རྡོ་རྗེ་དཔལ་གཉིས་ཀྱིས་བསྙེན་རྫོགས་བྱས་ཏེ་གདན་གཅིག་པའི་བརྟུལ་ཞུགས་བཟུང་ངོ༌། །དེ་ནས་བརྒྱུད་དེ་པཎ་ཆེན་ལ་བྱང་ཆུབ་དཔལ་དང་། རྡོ་རྗེ་དཔལ་གཉིས་ཀྱིས་བསྙེན་རྫོགས་བྱས་ཏེ་གདན་གཅིག་པའི་བརྡུལ་ཞུགས་བཟུང་ངོ༌། །དེ་ནས་བརྒྱུད་དེ་པཎ་ཆེན་གྱི་མཁས་བརྒྱུད་ཀྱི་བསླབ་པ་འཛིན་པ་མང་པོ་བྱུང་ངོ་། །གཞན་ཡང་ཆག་ལོ་ཙྭ་བ། ཤོང་ལོ་ཙཱ་བ། སྨྱོས་ལོ་ཙྭ་བ་སོགས་མང་དུ་བྱུང་ནས། བཀའ་དང་བསྟན་བཅོས། རྒྱུད་དང་མན་ངག་ལ་སོགས་པ་བསམ་གྱིས་མི་ཁྱབ་པ་ཞིག་བསྒྱུར་བར་འདུག་པ་གསར་མའི་འགྱུར་བྱང་དང་། རང་རང་གི་རྣམ་པར་ཐར་བ་ལས་འབྱུང་བས་ཤེས་པར་བྱའོ། །ཟུར་ལ་བབས་པའི་ཚུལ། གསུམ་པ་ཐ་མ་ཟུར་ལ་བབས་པ་ནི། དེ་ཡང་ཟུར་པ་གསུམ་པོ་ནི། །མངའ་བདག་མེས་དབོན་གསུམ་དང་། ཚུལ་མཐུན་ཏེ། ཟུར་པོ་ཆེ་ཤཱཀྱ་ འབྱུང་གནས་དང་། ཟུར་ཆུང་ཤེས་རབ་གྲགས་པ་དང་། ཟུར་ཤཱཀྱ་སེདྒེ་དང་གསུམ་གྱི་སྐུ་རིང་ལ། ཕྱི་དར་གྱི་དུས་འདིར་གསང་སྔགས་ཀྱི་བསྟན་པ་དབུ་བརྙེས་པ་དང་། ཕྱི་དར་གྱི་དུས་འདིར་གསང་སྔགས་ཀྱི་བསྟན་པ་དབུ་བརྙེས་པ་དང་། སྲོལ་གཏོད་པ་དང་། དར་ཞིང་རྒྱས་པར་མཛད་པ་ཡིན་ནོ། །དེ་ལ་ལྷ་རྗེ་ཟུར་པོ་ཆེས་གསང་སྔགས་ཀྱིས་བསྟན་པ་ཉམས་དམས་ཤེང་འཐོར་བར་གྱུར་པ་དེ་དག་བསྡུས་ནས་ལེགས་པར་བསྡེབས་ཤིང་སོ་སོར་ཕྱེས་ནས་མི་ནུབ་པར་བྱ་བའི་ཕྱིར། བླ་མ་མཁས་པ་མང་པོའི་ཞབས་དྲུང་དུ་གཏུགས་ནས། ཉིད་དང་གཞན་སྨིན་པའི་འཕྲིན་ལས་རྒྱ་མཚོ་ཆེན་པོ་མཛད་དེ། བདེ་གཤེགས་ཟུར་པོ་ཆེ་དེས། སྤྱིར་བླ་མ་མང་པོ་ལ་ཐུགས་ཀྱང་། འཁྱར་ནག་ཚལ་པ་སྒྲིལ་གསུམ་གྱི་སློབ་དཔོན་བྱ་བ་ཡོད་དེ། ཆོས་ལུང་གི་མྱང་ཡེ་ཤེས་འབྱུང་གནས་དང་། དེག་གོང་གི་ལྕེ་ཤཱཀྱ་མཆོག་ཡུལ་གསར་གྱི་གཉེན་ནག་དབང་གྲགས་སོགས་སོ། །ཆོས་ཞུས་ལུགས་ནི། ཉང་ལ་སྒྱུ་འཕྲུལ་དང་སེམས་མཆོག་ཞུས་སོ། །ལྕེ་ལ་བདུད་རྩི་ཞུས། གཉན་ལ་གསང་དབང་དང་ཐབས་ལམ་ཞུས་སོ། །ལྕེ་ལ་བདུད་རྩི་ཞུས། གཉན་ལ་གསང་དབང་དང་ཐབས་ལམ་ཞུས་སོ། །གཞན་ཡང་ཐོད་དཀར་ནམ་མཁའ་ལྡེ་དང་། ཞུ་བསོད་ཤཱཀ་ལ། མདོ་དང་སྤར་ཁབ་ཞུས། ཉང་སྟོད་ཀྱི་འབྲེ་ཁྲོ་ཆུང་ལ། ཀ་དག་དང་ལྷུན་གྲུབ་ཏུ་བཤད་པ་དང་། ལམ་རིན་ཆེན་མོ་ལ་སོགས་པ་ཞུས། བསམ་ཡས་མཆིམས་ཕུའི་རོག་ཤཱཀྱ་འབྱུང་གནས་ལ་ཡང་དག་ཞུས་སོ། །དེ་ལ་སོགས་པའི་མཁས་པ་མང་པོ་གཏུགས་ནས། རྩ་བརྒྱུད་དང་བཤད་རྒྱུད་དུ་བསྡེབས། རྩ་བ་དང་འགྲེལ་པར་བསྡེབས། སྒྲུབ་ཐབས་ དང་ཆོག་ཡིག་ལ་སོགས་པར་བསྒྱུར་ནས་འབངས་རྩེ་མོ་བཞི། ལྐོག་དང་ལྔ། སྒོམ་ཅེན་བརྒྱ་རྩ་བརྒྱད་ལ་སོགས་པ་གསུངས་སོ། ། །རྩེ་མོ་བཞི་ལ། ར་སའི་ཞང་མགོས་ཆུང་པ་མཁྱེན་རྒྱའི་རྩེ་མོ། །ཤངས་མཚོ་ཉའི་བཟང་སྒོམ་ཤེས་རབ་རྒྱལ་པོ་སྒོམ་སྒྲུབ་ཀྱི་རྩེ་མོ། །པན་གྱི་མི་ཉག་འབྱུང་གྲགས་བཤད་པའི་རྩེ་མོ། །ཐག་གི་བདེ་གཤེགས་རྒྱ་བོ་ལྟ་དགོངས་ཀྱི་རྩེ་མོའོ། །དེ་ལྟར་བླ་མ་ཟུར་པོ་ཆེ་སྐུ་བསོད་བདོ་བའི་དུས་ན། དབུས་གཙང་ཁམས་གསུམ་གྱི་བུ་སློབ་དའུས་པ་ནི་བསམ་གྱིས་མི་ཁྱབ་བོ། །ཐུགས་དམ་གྱི་རྟེན་དུ་སྲམ་པ་ནི་སྒྲུབ་ཁང་གི་ལྷ་ཁང་། འུག་པ་ལུང་གི་ལྷ་ཁང་། ཉ་རི་སྒྲོ་ཕུག་གི་ལྷ་ཁང་རྣམས་བཞེངས་སོ། །དེ་ཡང་སྒྲོ་ཕུག་གི་གཙང་ཁང་འབྱོངས། །ལྷ་རྣམས་ཀྱི་སྐྱ་བཟོ་ཚར་པ་ལ། ཟུར་པོ་ཆེ་སྐུ་གཤེཊ་ཏེ། ཕྱག་རྗེས་རྣམས་ཐུགས་སྲས་རྩེ་མོ་བཞིའི་ནང་ནས། མཆོག་ཏུ་གྱུར་པ། ཟུར་ཆུང་ཤེས་རབ་གྲགས་པ་ལ་གཏད། སྤྱིར་ཡང་ཟུར་ཆུང་པ་འདི། བདེ་གཤེགས་ཟུར་པོ་ཆེའི་དགོངས་པ་ཇི་ལྟ་བ་བཞིན་ལོན་པས་མཁྱེན་པ་ཐམས་ཅད་བུམ་པ་གང་བྱོའི་ཚུལ་དུ་མངའ་བ། ཆོས་ཀྱི་དོན་ལ་བློ་གྲོས་ཀྱི་སྤོབས་པ་མཆོག་དང་ལྡན་པ་ལགས་སོ། །དེ་ཡང་གཡས་རུ་ཁང་ཁྲི་ལྷ་ན་ཉན་བཤད་སྐྱོང་བི་དུས་སུ། གྲྭ་པ་རྣམས་གོ་མ་ཆོད་མི་གསུམ་ལ་གཏད་ནས། ཁྱེད་ཚོས་ཉན་བཤད་ཀྱིས་བསྟནཔ་སྐྱོངས་ཤིག་ང་སྒོམ་སྒྲུབ་ལ་འགྲོ་གསུངས་ནས། གསང་བ་སྒྱུ་འཕྲུལ་ལས་བྱུང་བའི་ཕྱག་རྒྱ་བསམ་གཏན་གྱི་སྒྲུབ་པ་ཞེས་བྱ་བ་རྡོ་རྗེ་སེམས་དཔའི་སྒྲུབ་ཐབས་ཤིག་ལ་ཕྱག་ལེན་མཛད་ནས་བསྒྲུབས་པས། རྡོ་རྗེ་སེམས་དཔའི་ཞལ་གཟིགས་ཏེ། གཡས་རུ་ཐག་གི་ལུང་པ་ཐམས་ཅད་རྡོ་རྗེ་སེམས་དཔས་ཁེངས་པ་བྱུང་། སྣང་བ་ཟད་བར་གྱི་སྐྱེ་མཆེད་བརྙེས་ཤིང་ཅིར་སྣང་ཐམས་ཅད་རྡོ་རྗེ་སེམས་དཔའི་རང་བཞིན་དུ་བཀྲ་ལམ་ལམ་གསལ་བ་བྱུང་། དེ་དག་ཀྱང་བཟང་རྟོག་གི་མཐུ་བལྟས་པ་ཡིན། ཡང་དག་པར་གཏད་པ་ཅི་ཡང་མེད་སྙམ་དུ་དགོངས་ནས། བསམ་གཏན་གྱི་ཁུང་བུར་རྫོགས་པ་ཆེནཔོ་རྩོལ་བྲལ་གྱི་ངང་ལ་བཞུགས་པས། རྫོགས་པ་ཆེནཔོ་རང་སྣང་རིས་མེད་ཀྱི་དགོངས་པ་སར་ཏེ་ས་རྡོ་དང་རི་བྲག་ཐམས་ཅད་ལ་ཐོཊ་པ་མེད་པར་འགྲོ་བ་བྱུང་ངོ༌། །དེར་བྲག་རྒྱ་བོར་ལོ་རིམ་པོ་བཅུ་གསུམ། ཡལ་ཡོལ་གཅིག་དང་བཅུ་བཞི་བཞུགས་སོ། །དེ་ལ་སློབ་མ་ཀ་བ་བཞི། གདུང་མ་བརྒྱད། གདུང་ཕྲན་སུམ་ཅུ་རྩ་གཉིས། ཡུས་པོ་ཆེའི་མི་གཉིས་ལ་སོགས་པ་མང་དུ་བྱུང་ངོ་། །དེ་ཡང་ཀ་བ་བཞི་པོ་འདི། དང་པོ་དགེ་བཤེས་ཁྱུང་པོ་གྲགས་སེའི་གྲྭ་པ་ལགས་ཏེ། མཚན་ཉིད་པ་ཆེན་པོ་ཤིན་ཏུ་མཁས་པ་ཡིན་པ་ལ། ཡུལ་གཙང་གི་ཤབ་ཏུ་ཕྱུག་པོ་ཞིག་གིས་ཁྱུང་པོ་གྲགས་སེ་དང་། ཟུར་ཆུང་པ་གཉིས་ལ་ཆོས་འཁོར་བཙུགས་པས། ཁྱུང་པོ་དེ་ཕྲག་དོག་ཅིང་ཟུར་ལ་མི་དགའ་བས། ཟུར་ཆུང་ལ་བརྔན་བགྲངས་པ། སྔགས་པ་བ་གླང་ནང་སྲེག་གི་ཟུར་ཆུང་ཤེས་རབ་གྲགས་པ་ཁོ་ན་འདྲ་བའི་ལོག་པར་འདྲེན་པའི་སྟོན་པ་འདི་བསད་ན་འཚང་རྒྱ་སྟེ། གཏན་ཚིགས་ཅིའི་ཕྱིར་ན། སེམས་ཅན་གྱི་དོན་དུ་འགྱུར་ཞིང་བྱང་ཆུབ་སེམས་དཔའི་སྤྱོད་པ་དང་མཐུན་པར་འགྱུར་ན་བཀག་པ་རྣམས་ཀྱང་གནང་བའི་ཕྱིར་རོ་ཟེར་སྐད། དེ་ཙ་ན་སྐྱོ་མ་ཐོག་མདའ་ཏིག་ཀྱང་ཟེར་གཉིས་གླེན་ཡང་ཁྱོད་གཉིས། དེ་རྣམས་ཁྱུང་པོའི་ཆོས་མཁས་ཤོས་ཡིན་པས་ཁྱུང་པོའི་ཞལ་ནས། ཁྱེད་བཞི་པོས་བ་གླང་དེ་སུན་ཕྱུང་ལ་ཤོག་གསུངས་ནས། བཞི་པོས་ཟུར་ཆུང་གི་སྤྱན་སྔར་ཕྱིན་ནས་བསྡད་ཀྱེན་དྲིས་པས། ཐམས་ཅད་ལ་སྤོབས་པ་ལན་མེད་དུ་གྱུར་ཏེ། དེར་ཁོང་རྣམས་ན་རེ། ཐེག་པ་ཆེན་པོའི་ཆོས་ཕྱིན་ཅི་མ་ལོག་པ་རྟོགས་པ། རིག་པ་དང་སྤོབས་པར་ལྡན་པ་འདི་འདྲ་བའི་བཤེས་གཉེན་གང་ནས་ཀྱང་མི་རྙེད་པས། འོན་ཀྱང་ད་ལྟ་དངོས་སུ་ཕྱིན་ན་སློབ་དཔོན་མི་དཡེས་སུ་འོང་པས། སང་ཕོད་ཐབས་ལེགས་ཀྱིས་སློབ་དཔོན་དང་བྲལ་ནས། ཟུར་ཆུང་གི་ཞབས་དྲུང་དུ་མི་འདུག་རེ་མནའ་ཐོ་གྱིས་ཟེར་ནས་མནའ་ཐོས་བཅད། དམ་བཅས་ནས་སང་ཕོད་ལྷ་རྗེའི་སྤྱན་སྔར་བྱུང་བས། དེ་རྣམས་ལ་ཀ་བ་བཞི་བྱུང་བ་ཡིན་ནོ། །དེ་ཡང་ཀ་བ་བཞི་ལ། གོང་བུའི་སྐྱོན་སྟོན་ཤཱཀ་བ་བཞི་བྱུང་བ་ཡིན་ནོ། །དེ་ཡང་ཀ་བ་བཞི་ལ། གོང་བུའི་སྐྱོན་སྟོན་ཤཱཀ་ཡེས་རྫོགས་ཆེན་གྱི་ཀ་བ། ནག་མོ་རི་གསེབ་ཀྱི་མདའ་ཏིག་ཆོས་ཤཱ་ཀ་འཕྲིན་གྲུབ་ཀྱི་ཀ་བ། སྐྱེད་ལུང་གི་ཡང་ཁྱེང་བླ་མ་མདོའྀ་ཀ་བ། ཆུ་བར་གྱི་གླེན་ཤཱཀཡབཟང་པོ་སྒྱུ་འཕྲུལ་གྱི་ཀ་བའོ། །གདུང་མ་བརྒྱད་ལ་སྣ་ནམ་གྱི་གནུབས་སྟོན་བག་མ། ཆུ་སྒོའི་མ་ཐོག་གི་བྱུང་འབར། ནེ་སེར་གྱི་སྐྱ་ཆོས་སེང་། དབུས་པ་ས་མཐོ་ར། རྩེ་ཕྲོམ་བྱང་དཔལ། བྱང་པ་ཟླ་གྲགས། བཙགས་བླ་མ། གླེན་ཉལ་ཚལ་པའོ། །ཡང་མ་ཐོག་བྱང་འབར་ཀ་བ་ལ་བྱས་ནས། མདའ་ཏིག་ཆོས་ཤཱཀ་གདུང་མར་བྱས་པ་ཡང་ཡོད་དོ། །ཡུས་པོ་ཆེ་མི་གཉིས་ནི། སྦ་སྒོམ་རི་པ་དང་། བོན་སྒོམ་དེ་པའོ། །དེ་ལྟར་ལྷ་རྗེ་རྒྱ་བོ་ལ་སྐུ་བསོད་བདོ་བའི་དུས་སུ། བོད་ཀྱི་སྔགས་པ་ཚོགས་ཚད་ཀྱིས་ཕྱག་མི་བྱེད་པ་དང་། གྲལ་འགོ་ལ་སུ་ཡང་འགྲོ་བ་མེད་པ་ལ། དགེ་བཤེས་འགོས་ཁུག་པ་ལྷས་བཙན་ན་ཏེ། གསའ་བ་བ་རྣམས་ལ་ངེད་རང་ཚོས་ཁོ་ལ་ཕྱག་འཚལ་དོན་ཡང་མེད། གྲལ་གཤམ་ལ་བསྒྲིག་དོན་ཡང་མེད་པས། ངེད་རང་ཚོ་ཁྲིམས་གྱིས་ཤིག་གསུངས་ནས་དེ་ལྟར་ཁྲིམས་ཅས་པ་ལ། ནམ་ཞིག་ན་ཤངས་སུ་སྟོན་མོ་ཆེན་པོ་བྱུང་པའི་ཚེ། སྔགས་པ་ཐམས་ཅད་ཚོགས་ནས། ལྷ་རྗེ་གྲལ་གོང་ནས་བཞུགས་པའི་སྤྱན་སྔར་དགེ་བཤེས་འགོས་བྱོན་ནས་ཕྱག་མཛད་ཀྱིན་འདུག་གོ །དེས་ཁོང་གཞན་རྣམས་ཀྱིས་ཕྱག་བྱས་ཏེ། སྟོན་མོ་གྱེས་པའི་ཚེ། ཁོང་རྣམས་ཀྱིས་ཟུར་ཆུང་པ་ལ་ཕྱག་མི་བྱེད་གསུངས་ནས། ཁྱེད་རང་མཛད་པ་ཇི་ལགས་ཞུས་པས། ཁོང་གི་དྲུང་དུ་ཕྱིན་ཙ་ན། བཅོམ་ལྡན་འདས་དཔལ་ཆེན་པོ་འམ་དེ་འདི་ཀ་ཡིན་པར་འདུག་སྙམ་པ་ལས། མིན་སྙམ་པའི་འདུ་ཤེས་མི་སྐྱེ་བར་འདུག་གསུངས་སོ། །བླ་མ་ཟུར་ཆུང་པས་ཐུགས་དམ་གྱི་རྟེན་དུ། ཐག་གི་སྒྲུབ་ཁང་དང་། རིགས་ལྔ་ཁང་གཉིས་བཞེངས། བཤོས་ལྷག་ལ་ཙན་དན་དཀར་པོའི་སྡོང་པོ་ཞིག་སྐྱེས་པ་ལ་སོགས་པའི་གྲུབ་རྟགས་ངོ་མཚར་ཅན་མང་དུ་བྱུང་། འདི་དག་ལ་རྒྱས་པར་ཟུར་གྱི་རྣམ་ཐར་ཆེན་མོ་ན་གསལ་ལོ། །དུས་མཚུངས་རྩིས་ན་ལོ་ཙཱ་བ་རིན་ཆེན་བཟང་པོ། འབྲོག་མི་ལོ་ཙཱ། བླ་མ་མར་པ། འགོས་ལོ་ཙཱ་བ་རྣམས་རིམ་གྱིས་བྱུང་ནི་ཟུར་ཆུང་པའི་སྐུ་ཚེའི་སྨད་ལ་བྱུང་བ་ཡིན་ནོ། །ཆེ་བའི་ཡོན་ཏན་དུ་མ་དང་ལྡན་པའི་བདེ་གཤེགས་རྒྱའོ་ལ། སྐུའི་སྲས་ལྕམ་དྲལ་གསུམ་བྱུང་བ་ཡིན་ཏེ། དེ་ཡང་སྔ་ཚར་ཕྱི་ཚར་གཉིས་ལས། ཇོ་མོ་སྔ་མ་རྩགས་མོ་དྷརྨ་བོ་དྷིལ། རྩགས་ཚ་ལྕམ་དྲལ་གཉིས་འཁྲུངས་ཏེ། ཇོ་མོ་སྔ་མ་རྩགས་མོ་དྷརྨ་བོ་དྷི་ལ། རྩགས་ཚ་ལྕམ་དྲལ་གཉིས་འཁྲུངས་ཏེ། ཇོ་བཙུན་རྡོ་རྗེ་འབར་དང་། ཇོ་སྲ་མོ་ཤཱཀྱ་ལྕམ་མོ། །ཕྱི་ཚར་རྗེ་སྒྲོ་ཕུག་པ་ཆེན་པོའི་ཡུམ་ནི། ཇོ་སྲས་མོ་མདའ་མོ་གཙུག་ཏོར་ལྕམ་བྱ་བ། མདའ་ཏིག་ཇོ་ཤཱཀ་ཀྱི་ལྕམ་མོ་ཡིན་ཏེ། དང་པོ་ནས་ཇོ་མོར་བཞེས་པ་མིན། གྲྭ་ས་ན་ཆོས་མཉན་ཅིང་ཡོད་པ་ཇོ་མོར་སོང་ནས་གྲྭ་པ་རྣམས་ལ་ཅུང་ཟད་སྡང་བར་བྱུང་ནས། ཐམས་ཅད་གྲོས་བྱས་ནས་འདོན་པར་བྱུང་བ་ལ། སྐྱོན་སྟོན་ཤཱཀ་ཡེས་ན་རེ། འདིའི་སྲིན་ལག་ལ་བསྟན་པའི་གཙོ་བོ་གཅིག་འདུག་པ་རྨིས་པས། གལ་ཏེ་སྲས་འདྲ་བ་མཐོང་ན་འུ་ཅག་རྣམས་ལ་ཕན་ཐོགས་པ་འོང་ཉེན་ཆེ་བས་བཞག་གསུངས་སྐད། དེ་མ་བཏོན་པར་བཞག་པས། ལྷ་རྗེ་ཆེན་པོ་སྒྲོ་ཕུག་པ་སྐུ་འཁྲུངས་སོ། །ཡབ་ཀྱི་ཞལ་ནས་སྐྱོ་སྟོན་ཤཱཀ་ཡེས་ལ་རྨི་ལྟས་ཀྱང་བཟང་། ངའི་བུ་འདི་བསྟན་པའི་གཙོ་བོ་དང་ཚུལ་མཐུན་པ་འགྲོ་བ་ལ་ཕན་ཐོགས་པ་ཞིག་འོང་བར་འདུག་པས་མིང་ཡང་ཤཱཀྱ་སེདྒེར་ཐོགས་གསུངས། ཡུམ་གྱི་ཞལ་ནས། མིག་རྩུངས་གྲུང་། ཧོར་གྱི་མིག་འདྲ་བ་ཤིན་ཏུ་གྲུང་པ་ཞིག་ཡོང་བར་འདུག་པས། མིང་ཡང་ཧོར་པོར་ཐོགས་གསུངས། དེ་ལྟར་བཏགས་པས་ཟུར་ཤཱཀྱ་སེདྒེ་ཞེས་པ་དང་། མདའ་ཚ་ཧོར་པོ་ཞེས་གྲགས་པ་ཡིན་ནོ། །དེ་ཡང་ལྷ་རྗེ་སྒྲོ་ཕུག་པ་ཆེན་པོ་ཟླ་བ་བཟང་། ཇོ་བཙུན་རྡོ་རྗེ་འབར་གྱི་ལོ་བརྒྱད། ཇོ་སྲས་མོ་ཤཱཀྱ་ལྕམ་མོ་ལོ་བཅུ་གཉིས་ལོན་པ་ལ་བདེ་གཤེགས་རྒྱ་བོ་པ་དྲུག་ཅུ་རྩ་གཅིག་ལ་སྐུ་གཤེགས་སོ། །ལྷ་རྗེ་སྒྲོ་ཕུག་པ་ཆེན་པོ་ནི་ཡུམ་དང་ཞང་པོས་བསྐྱངས་ནས་མདའ་ཕུར་ལོ་བཅོ་ལྔ་བཞུགས་སོ། །དེ་ནས་ཆུ་བར་དུ་གླེན་གྱི་སར་བྱོན། ཆོས་མང་དུ་གསན། དེ་ནས་སྐྱིད་ལུང་དུ་ཡང་ཁྱེང་གི་སར་བྱོན་ནས། དེ་ལྟར་གསུམ་ལ་ཆོས་གསན་ནས། དགུང་ལོ་བཅུ་དགུ་ལ་ཆེ་འདོན་མཛད་ནས་སྐུའི་བསོད་ནམས་རྒྱས་ཏེ་སློབ་གཉེར་བྱེད་པའི་སྐབས་མ་བྱུང་པ་ལ། སྐབས་བཙལ་ནས་གོང་བུར་སྐྱོའི་སར་ལོ་གཅིག་བྱོན། དེ་ནས་སྐུ་བསོད་རྒྱས་པས་གཞན་དུ་བཞུད་པའི་སྐབས་མ་བྱུང་ནས། བླ་མ་མཁས་པ་དག་ཚུར་གདན་དྲངས་ཤིང་། དགེ་བཤེས་གོ་རྟོག་མཛད་དེ་སློབ་གཉེར་རྣམས་རྫོགས་པར་མཛད་དོ། །དེ་ནས་ཀ་བ་བཞི་ལ་མདོ་འཕྲུལ་སེམས་ཕྱོགས་གསུམ་གྱི་མན་ངག་འཕྲིན་སྒྲུབ་ཕྱག་བཞེས་དང་བཅས་པ་གསན། དེ་ལྟར་མཁས་པ་མང་པོ་ལ་གསན་ནས་ཐོས་བསམ་གྱི་བགྲོ་འདོགས་ཆོད་པར་མཛད་དོ། །སྤྱིར་ལྷ་རྗེ་ཕུག་པ་འདི་བཅོམ་ལྡན་འདས་གསང་བའི་བདག་པོའི་སྤྲུལ་པ་ཡིན་ནོ་ཞེས་གྲགས་ལ། བྱང་ཕྱོགས་ཀྱི་རྒྱུད་འདིར་གསང་སྔགས་ཀྱི་བསྟན་པ་རྒྱས་པར་མཛད་པ་ལ་བྱོན་ནས་གདུལ་བྱའི་ཚོགས་བསམ་གྱིས་མི་ཁྱབ་པ་ལ་ཆོས་ཀྱི་འཁོར་ལོ་བསྐོར་ཞིང་། སློབ་མ་དགེ་བའི་བཤེས་གཉེན་མང་པོ་གྲྭ་ས་འཛིན་ཅིང་བསྟན་པ་རྒྱས་པ། གདུགས་ཐོགས་སྟོང་ཐོན་ནས། བཀའ་བསྐྱེད་རྫོགས་གསུམ་གྱི་གསང་སྔགས་ཀྱི་བསྟན་པ་འདི་དར་ཞིང་རྒྱས་པར་མཛད་དེ་ཉི་ཟླ་ལྟར་དུ་གྲགས་པ་ཡིན་ནོ། །དེ་དག་གི་ནང་ནས་ཐུགས་ཟིན་པའི་སློབ་མ་བཞི་གསུམ་བཅུ་གཉིས་བྱུང་བ་ལ། ནག་པོ་བཞི། སྟོན་པ་བཞི། མེས་བཞི་་རྣམས་བྱུང་སྟེ། དེ་ལ་ནག་པོ་བཞི་ནི། ཟུར་ནག་འཁོར་ལོ། །རྒྱ་ནག་དཀྱིལ་མཁར་བ། མྱང་ནག་རྡོ་རྗེ། ལྕེ་ནག་སད་སེང་ངོ་། །སྟོན་པ་བཞི་ནི། གཙང་པོ་བྱི་སྟོན། གཙང་ནག་ཧོར་པོ། ཡོང་སྟོན་ལྕགས་ཀྱུ། དབུས་པ་ཆོས་སེང་ངོ་། །དེ་ལྟར་གསང་བདག་སྒྲོ་ཕུག་པ་ཆེན་པོ་དེ་མཁས་ཤིང་གྲུབ་པ་བརྙེས་ནས། རྫུ་འཕྲུལ་དུ་མ་བསྟན་པའི་ལོ་རྒྱུས་པར་འདུག་སྟེ་མ་བྲིས་སོ། །དེ་ཡང་དྲུག་ཅུ་རྩ་གཅིག་ལ་གཤེགས་སོ། །དེ་ལྟར་ཟུ་མེས་དབོན་གསུམ་གྱི་བཀའ་དྲིན་ལ་བརྟེན་ནས། ད་ལྟའི་དུས་ཡན་དུ་ནང་པོ་བཀའ་བསྐྱེད་རྫོགས་གསུམ་གྱི་བདང་བཤད་སྒྲུབ་གསུམ་གྱི་བཀའ་དང་ཕྱག་ལེན་གྱི་སྲོལ་ཁ་མ་ཉམས་པར་དར་ཞིང་རྒྱསཔར་བཞུགས་པ་ཡིན་ནོ། །རྒྱས་པར་རང་རང་གི་བརྒྱུད་ཁུངས་ཀྱི་རྣམ་ཐར་རྣམས་ན་གསལ་ལོ། །གསང་སྔགས་རྙིང་མ་རྒྱ་གར་ཡུལ་དུ་བཞུགས་མིན་སོགས་ཀྱི་སྐོར། ཡང་སྙིགས་མའི་དུས་འདིར་གདུལ་བྱ་སྐལ་བ་དམན་པ། བསོད་ནམས་ཆུང་བ། བདུད་ཀྱིས་བྱིན་གྱིས་བརླབས་པ། མཁས་པར་རློམ་པའི་ང་རྒྱལ་ཅན། རྟོག་གེ་དང་ཐ་སྙད་ཀྱི་རྗེས་སུ་འབྲེངས་ནས་ཡང་དག་པའི་ངེས་ལུང་ལ་སྐུར་བ་འདེབས་ཤིང་། ལོག་སྲེད་ཅན། རྟེན་ཡོངས་སུ་མྱ་ངན་ལས་འདའ་མི་སྲིད་པའི་གང་ཟག་ཁག་ཅིག་ན་རེ། སྤྱིར་གསང་སྔགས་རྙིང་མ་ཞེས་བྱ་བ་རྒྱ་གར་གྱི་ཡུལ་ན་མི་འདུག་ཁྱད་པར་གསང་བའི་སྙིང་པོ་ལ་ལོག་པའིསཀཡོན་བཞི་ལ་སོགས་པ་ཡོད་ཟེར་ནས། ཕྱིན་ཅི་ལོག་གི་བསྟན་བཅོས་དང་འབྱམས་ཡིག་ལ་སོགས་པ་མང་དུ་བཟོས་འདུག་པ། དེ་དག་ཀུན་གྱི་ལན་སྨྲས་པ། རྒྱ་གར་གྱི་ཡུལ་ན་རྣལ་འབྱོར་བླ་ན་མེད་པའི་ཐེག་པ་ཞེས་པ་མ་གཏོགས། སྔགས་གསར་རྙིང་གཉིས་སུ་ཕྱེ་བ་མེད་ལ། བོད་དུ་བསྟན་པ་འགྱུར་སྔ་ཕྱིར་མིང་དུ་བཏགས་པ་ཡིན་མོད། ཁྱད་པར་འགོས་ལོ་ཙཱ་བ་ལ་སོགས་པས་རྒྱ་གར་དུ་ཕྱིན་ནས། རྙིང་མའི་ཆོས་བཙལ་བས་མ་རྙེད་ཟེར་བར་འདུག་པ། སྤྱིར་ཡང་རྒྱ་གར་ནས་བོད་དུ་འགྱུར་ཚད་ཀྱི་ཆོས་ཀྱི་མ་དཔེ་དང་། བཀའ་སྲོལ་མ་ཉམས་པར་དིང་སང་གི་བར་དུ་ཡོད་པའི་ཁྱབ་པ་མེད་ལ། ཁྱད་པར་གསང་སྔགས་ཟབ་མོ་ལ་མི་མོས་ཤིང་། སྐུར་པ་འདེབས་པ་རྣམས་ཀྱིས་བཙལ་བས་རྙེད་པ་དང་མཇལ་བའི་སྐལ་བ་མེད་ཅིང་། ན་རག་དོང་སྤྲུགས་ལས་ཀྱང་། འདི་ལྟ་བུའི་བཀའ་ཟབ་མོ་འདི་ནི། ཐོས་པར་ཡང་དཀའ་ན། སྒོམ་ཞིང་། སྒྲུབ་པ་དང་། རྟོགས་པར་ལྟ་མོས་ཀྱང་ཅི་དགོས་ཏེ། འདི་ལྟ་བུའི་བཀའ་ཟབ་མོ་འདི་ནི་བསྐལ་པ་དཔག་ཏུ་མེད་པའི་སྔོན་རོལ་ནས་སྦྱངས་སྦྱངས་པའི་ལས་འཕྲོ་དང་། སྐལ་པར་ལྡན་པ་འགའ་དང་འགའི་སྤྱོད་ཡུལ་ཡིན་ཏེ། གང་རུང་རུང་གི་ཐུན་མོང་མ་ཡིན་ནོ། །ཞེས་པས། སྤྱིར་ཡང་གསང་སྔགས་ཀྱི་ཆོས་ཐམས་ཅད་མཁའ་འགྲོ་མའི་ཕྱག་ན་ཡོད་ལ། མཁས་པ་པཎྜི་ཏ་རྣམས་ཀྱི་ཐུགས་ལ་གབ་ཅིང་མནོག་ཆོས་སུ་མཛད་པ་མ་གཏོགས། ཚོགས་ཆོས་སུ་གདུངས་པ་ནི་ཆེར་མེད། །བཻ་རོ་ཙ་ནའི་འདྲ་འབག་ལས་ཀྱང་། འཇམ་དཔལ་སྐུ་སྤྲུལ་ཐུགས་ཀྱིས་བྱིན་བརླབས་པའི། །མི་ལས་ཆེར་འཕགས་ཁྲི་སྲོང་སྡེ་བཙན་གྱིས། །ཡེ་ན་སངས་རྒྱས་རྩོལ་མེད་བདེ་ཆེན་དོན། །རྒྱུ་འབྲས་ཆོས་ལས་ཤིན་ཏུ་ཁྱད་འཕགས་པའི། །རྨད་བྱུང་བསྟན་པའི་སྙིང་པོ་ཨ་ཏིའི་ཆོས། །མ་ཡིས་བུ་བསྐྱེད་སྐྱེས་ཆེན་མང་ན་ཡང་། །ལེགས་གྲུབ་བཻ་རོ་དག་ནི་མ་གཏོགས་པ། གཞན་གྱིས་བཙལ་བས་རྙེད་པར་ཡོད་མ་གཟིགས། །ཞེས་སོ། །བཻ་རོ་ཙ་ནས་རྒྱ་གར་ནས་ཆོས་ལོན་ཏེ། བོད་དུ་ཕེབས་ནས། རྒྱལ་བློན་རྣམས་ལ་ཆོས་གསུངས་ཏེ། དུས་དེ་ཙ་ན་རྒྱ་གར་གྱི་མཁས་པ་པཎྜི་ཏ་རྣམས།དང་། རྒྱ་གར་གྱི་ཆོས་སྐྱོང་བའི་རྒྱལ་པོ་རྣམས་གཅིག་ལ་གཅིག་ཐུགས་མ་ཆེས་ཏེ། པཎྜི་ཏ་རྣམས་ཀྱི་ཐུགས་ལ། རྒྱ་རུ་སྤྲོད་རྒྱལ་པོས་བཤིག་ནས་མན་ངག་གི་ཆོས་བོད་ཀྱི་རྒྱལ་པོ་ལ་བསྐུར་བར་དགོངས། རྒྱལ་པོའི་ཐུགས་ལ་རྒྱ་རུ་སྤྲོད་པཎྜི་ཏས་བཤིག་ནས་བོད་ཀྱི་བན་དྷེ་ལ་བསྐུར་བར་དགོངས། དེར་མན་གང་ཨ་ཏིའི་བསྟན་པ་རྒྱུད་དང་མན་ངག་ཏུ་བཅས་པ་ཐུན་མོང་མ་ཡིན་པ་བསམ་གྱིས་མི་ཁྱབ་པ་པཎྜི་ཏ་རྣམས་ཀྱི་ཐུགས་ལ་བཞུགས་པ་རྣམས་ནི་རྒྱལ་པོས་བསྡམས་པས་བསྡམས་པས་བཤད་དབང་མེད་དེ་ཡུན་གྱི་དགོངས་པ་ལ་ཞུས་སོ། །པཎྜི་ཏ་དང་རྒྱལ་པོ་ལ་ཐུན་མོང་དུ་གྲགས་པ་སེམས་སྡེ་བཅོ་བརྒྱད་གཅིག་ཏུ་བྱས་པ། རྒྱུད་སྡེ་དྲུག་ཅུ་ཐམ་པ་མན་ངག་ཏུ་བཅས་པ་ནི། རྒྱལ་པོས་གཏེར་ཁ་སྤོས་ནས་རྡོ་རྗེ་གདན་དུ་སྦས་སམ་ཡང་ཟེར། རྒྱལ་པོས་གཏེར་ཁ་སྤོས་ནས་རྡོ་རྗེ་གདན་དུ་སྦས་སམ་ཡང་ཟེར། བྱ་རྒོད་ཕུང་པོའི་རི་ལ་སྦས་སམ་ཡང་ཟེར། ཨ་སུ་རའི་བྲག་ཕུག་ཏུ་སྦས་སམ་ཡང་ཟེར། དཔེ་ཕྱི་མོ་རྣམས་རྒྱལ་པོས་གར་སོང་ཆ་མེད་པར་བཏང་ཏེ། ཆུ་སྲིན་གྱི་གྲེ་བར་རིན་པོ་ཆེ་ཚུད་པ་ལྟར། བསྐལ་པའི་མཐར་གཏེར་དུ་སྦས་སོ། །ཞེས་པ་དང་། པདྨའི་བཀའ་ཆེམས་ལས་ཀྱང་། གསང་སྔགས་ཀྱི་རྒྱ་དཔེ་རྣམས། ཤྲཱི་ན་ན་ལེན་དྲའི་གཙུག་ལག་ཁང་ན་བཞུགས་པ། སློབ་དཔོན་པདྨའི་རྫུ་འཕྲུལ་གྱིས་བླངས་ནས་རྒྱ་དཔེ་རྣམས་རྒྱ་གར་དུ་མ་ལུས་པར་བོད་དུ་ཕེབས་ནས་བསམ་ཡས་ཀྱི་དཔེ་དཀར་དཀོར་མཛོད་གླིང་ན་བཞུགས་སོ། །ཞེས་པ་དང་། ཇོ་བོ་རྗེའི་རྣམ་ཐར་ལས། སློབ་དཔོན་པདྨ་རྡོ་རྗེ་འཆང་གཉིས་པ་དེའི་དྲིན་ལས། རྒྱ་གར་ནའང་ཡོངས་སུ་མ་གྲགས་པའི་མཁའ་འགྲོའི་གསང་ཆོས་མང་པོ་བོད་དུ་འགྱུར་ནས། བསམ་ཡས་ཀྱི་དཔེ་དཀར་དཀོར་མཛོད་གླིང་ན་བཞུགས་འདུག་ཅེས་མངོན་ནོ། །ཁྱད་པར་དུ་རྒྱུད་ཟབ་མོ་གསང་བའི་སྙིང་པོ་ལ་རྒོལ་བའི་ལན་ནི། རྒྱུད་གཞུང་འདི་དག་ལ་རྒྱ་སྐད་མ་བྱུང་བས་བོད་མར་འགྱུར་རོ་ཞེ་ན། རྒྱ་སྐད་མི་སྨོས་པར་བོད་སྐད་སྨོས་པའི་དགོས་པ་ནི། ལོ་ཙཱ་བ་འགའ་ཞིག་རྒྱ་གར་དུ་བགྲོད་པའི་དཀའ་བ་སྤྱད་པས་བོད་འབངས་ལ་དྲིན་བཞག་པའམ། བསྟན་པའི་འབྱུང་ཁུངས་རྒྱ་གར་ཡིན་པས་ཁུངས་བཙུན་པའི་ཕྱིར་རྒྱ་སྐད་དང་བོད་སྐད་གཉིས་སྨོས་ཀྱི། རྒྱུད་གཞུང་འདི་ལ་པཎྜི་ཏ་བཱི་ལ་མི་ཏྲ་བོད་ཡུལ་དུ་བྱོན་ནས། ལོ་ཙཱ་བ་རྨ་རིན་ཆེན་མཆོག་ལ་དཀའ་བ་སྤྱད་མ་དགོས་ཤིང་། ཚིག་སྤྲོས་པའང་མི་སྤྲོ་བས། སྐད་གཉིས་སྨོས་ཀྱང་དོན་གཞན་མ་མཐོང་བའི་ཕྱིར། རྒྱ་སྐད་སླད་དུ་མ་བཀོད་ལ། དོན་མྱུར་དུ་ངོས་ཟིན་པར་བྱ་བའི་ཕྱིར་བོད་སྐད་བཀོད་པས། བོད་མར་འགྱུར་བའི་ཁྱབ་པ་མེད་ལ། དེ་བོད་མར་འགྱུར་ན། བུ་མོ་བློ་གྲོས་བཟང་མོས་ཞུས་པའི་མདོ་ལ་སོགས་ཏེ། མདོ་སྡེ་དང་། དཀོན་བརྩེགས་ཀྱི་ནང་ནའང་བོད་སྐད་རྐྱང་པར་སྨོས་པ་མང་དུ་ཡོད་དོ། །ཡང་ཞིག་སྤྲོ་པ་ལ་དགའ་བ་འགའ་ཞིག་གིས་བོད་དུ་བརྩམས་པའི་བསྟན་བཅོས་འགའ་ལ་ཡང་། རྒྱ་སྐད་སླད་དུ་སྨོས་པ་དུ་མ་ཡོད་དོ། །དེས་རྒྱ་གར་མར་འགྱུར་བ་ནི་མ་ཡིན་ནོ། །ཡང་ཁ་ཅིག་ན་རེ། གསང་བའི་སྙིང་པོའི་རྒྱུད་འདི་ལ། ལོག་པའི་སྐྱོན་བཞི་ཡོད་དེ། རྒྱུད་གཞན་ན་འདི་སྐད་བདག་གིས་ཐོས་བྱ་བ་ཡོད་པ་ལ། འདིར་འདི་སྐད་བཤད་བྱ་བ་བྱུང་བས་གླིང་གཞི་ལོག་གཞན་དུས་གསུམ་དུ་ཡོད་པ་ལ། འདིར་དུས་བཞི་བྱུང་བས་དུས་ལོག་རྒྱུད་ཀྱི་བདག་པོ་ཀུན་ཏུ་བཟང་པོ་ཡིན་པ་ལ། དཀྱིལ་འཁོར་གྱི་གཙོ་བོར་རྡོ་རྗེ་སེམས་དཔའ་བྱུང་བས་བས་དཀྱིལ་འཁོར་ལོག་སྒྲུབ་པའི་ཞག་དང་ཚེས་གྲངས་ནི། རྒྱུད་ལས་སྨོས་པ་བཞིན་དུ་བཤད། ཅེས་ཁ་འཕངས་པས། རྒྱུད་ལེག་གོ་ཞེ་ན། སྐབས་འདིར་གླེང་གཞི་ལོག་པའི་སྐྱོན་མང་པ་ནི། གླན་ཆེན་ས་ར་པ་ན་རེ། ཕོ་རེ་བ་དང་སྤྱང་སློང་བ། ཚིག་ལ་མི་མཐུན་དོན་ལ་མཐུན་བྱ་བ་ཡིན་པས། བྱེའུ་གསོན་མ་ལ་རྟེན་བྱས་ནས་སློང་བ་དང་། སྤྱང་ཀི་ཤི་བའི་གསོབ་ལ་རྟེབ་བྱས་ནས་སློང་བ་གཉིས། གནས་སྐབས་རྟེན་དང་རྟེན་བཤད་གཉིས་ཀ་མི་མཐུན་ཡང་། དོན་སློང་པ་ལ་མཐུན་པ་བཞིན་པ་དང་། ཐོས་པ་གཉིས་ཚིག་མི་མཐུན་པས། སྟོན་པས་འཁོར་ལ་བཤད་པ་དང་། འཁོར་གྱིས་སྒོན་པ་ལས་ཐོས་པ་གཉིས་དོན་མཐུན་གསུངས། མདའ་ཏིག་ཆོས་ཤཱཀ་ན་རེ། ཐོས་བྱ་བ་འཁོར་གྱི་ཚིག་ཡིན་ཏེ། མ་རྟོགས་ལོག་རྟོགས་ཐེ་ཚོམ་གསུམ་དང་བཅས་པ་ཡིན་ལ། བཤད་བྱ་བ་སྟོན་པའི་ཚིག་ཡིན་པས། མ་རྟོགས་ལོག་རྟོག་ཐེ་ཚོམ་གསུམ་དང་བྲལ་བས། རྒྱུད་འདི་གཞན་ལས་ཁྱད་པར་དུ་འཕགས་པ་ཡིན་གསུངས། ལྷ་རྗེ་སྒྲོ་ཕུག་པ་ན་རེ། སྐུ་གཉིས་ཀྱི་བསྟན་པའི་ཁྱད་པར་ཡིན་ཏེ། ལོངས་སྐུ་ཚིག་ཏུ་མི་གསུངས་པས་རྣ་བས་ཐོས་སུ་མེད་པའི་ཕྱིར། བཤད་བྱ་བར་འོང་བ་ཡིན་ལ། སྤྲུལ་སྐུ་ཚིག་ཏུ་གསུངས་པ་རྣ་བས་ཐོས་སུ་ཡོད་པའི་ཕྱིར་ཐོས་བྱ་བ་འོང་བ་ཡིན་ཏེ། འགྲེལ་པ་ཕྱིན་ཅི་མ་ལོག་པར་གོ་བ་ནི། བརྗོད་པ་དང་འདྲ་བའི་ཕྱིར། འཁོར་བ་ལ་བཤད་དོ་བར་ཐ་སྙད་དུ་འདོགས་སོ། །ཞེས་བཤད་དོ་གསུངས། ཉེའུ་སྟོན་ཆོས་ཀྱི་སེདྒེ་ན་རེ། འགྲེལ་པ་རྣམ་བཤད་ནས།དགོངས་བརྡའི་བཤད་པ་སྡུད་པ་པོས་མ་ཕྲི་མ་བསྣན་པར་མི་ཡུལ་དུ་བཤད་པས་ཐུན་མོང་མ་ཡིན་པའི་གླེང་གཞིར་གསུངས་པ་ཡིན་པས། བཤད་ཅེས་པ་ལ་གླེང་གཞི་ལོག་པའི་སྐྱོན་མེད་དོ་གསུངས། བླ་མ་ཟུར་ཐམས་ཅད་མཁྱེན་པ་ནི་འདི་ལྟར་དུ་བཞེད་དེ། སྟོན་པ་ལོངས་སྐུས་གསུངས་པའི་རྒྱུད་དང་། སྤྲུལ་སྐུས་གསུངས་པའི་བཀའ་དུ་མ་ན། ལ་ལ་ན་འདི་སྐད་བཤད་པའི་དུས་ན་ཞེས་པ་དང་། ལ་ལ་ན་འདི་སྐད་འགྲོ་བ་བདག་གིས་ཐོས་པའི་དུས་ན་ཞེས་པ་དང་། ཕལ་ཆེར་ན། འདི་སྐད་བདག་གིས་ཐོས་པའི་དུས་གཅིག་ན་ཞེས་པ་ལ་སོགས་དུ་མ་སྣང་ཡང་། རྒྱུད་གཞུང་ཐམས་ཅད་ཀྱི་ལེགས་པར་སྦྱར་བའི་སྐད་ལ་ཨེ་ཝཾ་མ་ཡ་བྱ་བ་ལས། བཤད་དང་ཐོས་ལ་སོགས་པའི་རྣམ་དབྱེ་གཞི་མི་མཐུན་པ་མེད་དོ། །འོན་ཀྱང་། དེའི་དོན་ལོ་ཙཱ་བས་བོད་སྐད་དུ་སྒྱུར་བའི་དུས་སུ། རྒྱུད་དབུ་ཞབས་ཀྱི་དོན་ལ་བརྟགས་པས། རྒྱུད་གཞུང་དེའི་ལུགས་ཀྱི། སྟོན་སྡུད་ཀྱི་དགོངས་པ་ལ་ཁྱད་པར་མེད་པར་བསྟན་པའི་གཞུང་ལུགས་སུ་འདུག་ན་བཤད་ལ་སོགས་པར་བསྒྱུར་བ་དང་། སྟོན་སྡུད་ཀྱི་དགོངས་པ་ལ་ཁྱད་པར་ཡོད་པར་བསྟན་པའི་གཞུང་ལུགས་སུ་འདུག་ན། ཐོས་པ་ལ་སོགས་པར་བསྒྱུར་བར་མངོན་ཏེ། དེའི་ཁྱད་པར་གྱི་ཐོག་མ་ནི་ཐུན་མོང་མ་ཡིན་པའི་གླེང་གཞི་དང་། ཕྱི་མ་ནི་ཐུན་མོང་གི་གླེང་གཞི་ཡིན་ནོ། །དེ་ཡང་ཐུན་མོང་མ་ཡིན་པའི་གླེང་གཞི་ལྟར་ན། འདི་སྐད་བཤད་ལ་སོགས་པ་བསྒྱུར་བའི་དགོས་ཆེན་ནི། སྡུད་པ་པོ་སྟོན་པ་དང་དགོངས་པ་ཐ་དད་མེད་པར་ཁས་བླངས་ནས། ཉིད་ལས་མི་ཞན་པའ་འཁོར་ལ་བཤད་པ་མཚོན་པའོ། །དེ་ཡང་ཉིང་དགོས་གསུམ་སྟེ། སྟོན་པས་འཁོར་ལ་རྒྱུད་ཆད་པའི་སྔོན་དུ་དབང་བསྐུར་བས། སྟོན་འཀོར་དགོངས་པ་གཉིས་སུ་མེད་པར་གྱུར་པའི་ཕྱིར་བསྟན་པ་འདི། དགོངས་པའི་ཞེ་ཕུགས་ཡིན་པར་མཚོན་པ་སྟེ། བསྟན་པ་ཐུན་མོང་མ་ཡིན་པ་དང་། བཤད་ཅེས་པ། སྡུད་པ་པོ་དབང་ཐོབ་པ་དྲུག་པ་ཉིད་དང་གཉིས་སུ་མེད་པར་གྱུར་པའི་ཐོས་པ་ལ་མ་བལྟོས་པ་མཚོན་པ་སྟེ། སྡུད་པ་པོ་ཐུན་མོང་མ་ཡིན་པ་དང་། དུས་ན་ཞེས་དུས་གཅིག་ཁོ་ནར་མ་སྨོས་པའི་ཕྱིར། དུས་བཞི་མཉམ་པ་ཉིད་མཚོན་པ་སྟེ། དུས་ཐུན་མོང་མ་ཡིན་པའི་ཆེ་བ་མཚོན་པའོ། །དེ་ལས་གཞན་པ་ཐུན་མོང་གི་གླེང་གཞི་ལྟར་ན། འདི་སྐད་ཐོས་བྱ་བ་ལ་སོགས་པར་བསྒྱུར་བའི་དགོས་ཆེད་ནི། སྡུད་པ་པོས་སྟོན་པའི་དགོངས་པ་དང་ཁྱད་པར་ཡོད་པར་ཁས་བླངས་ནས། ལྷན་ཅིག་པ་དང་གོ་ཕྱེ་བའ་འཁོར་གྱི་དོན་དུ་སྟོན་པ་ཉིད་ལས་ཐོས་པའོ། །དེ་ལ་ཉིང་དགོས་བདུན་ཏེ། འདི་སྐད་ཐོས་ཞེས་པ་བཀའི་དོན་སྒྲོ་སྐུར་དང་བྲལ་བར་མཚོན་པ་དང༌། ཡང་བདག་གིས་ཐོས་ཞེས་པ་གཞན་ལ་མ་བརྒྱུད་པར་སྡུད་པ་པོ་བདག་རང་གིས་ཐོས་པས་སྡུད་པ་པོ་ཚད་མ་ཉིད་དུ་མཚོན་པ་དང་། ཡང་དུས་གཅིག་ན་ཐོས་ཞེས་དུས་ཐམས་ཅད་དུ་མ་སྨོས་པས་བཀའི་དོནའབྱུང་བར་དཀའ་བར་མཚོན་པ་དང་། ཡང་དུས་གཅིག་ན་ཞེས་འདིར་འདི་ཐོས་ལ། གཞན་དུ་གཞན་ཀྱང་ཐོས་པས་སྡུད་པ་པོ་ཐོས་པ་ཆེ་བར་མཚོན་པ་དང་། ཡང་དུས་གཅིག་ན་ཞེས་མ་ཡེངས་པར་ཐོས་པས་སྡུད་པ་པོ་དགོངས་པ་དང་ལྡན་པར་མཚོན་པ་དང་། ཡང་དུས་གཅིག་ན་ཞེས་ཡང་དང་ཡང་དུ་མ་སྨོས་པར་དུས་གཅིག་གིས་ཁོང་དུ་ཆུད་པས་སྡུད་པ་པོ་ཤེས་རབ་ཆེ་བར་མཚོན་པའི་དགོས་པ་ཡོད་དོ། །རྒྱུད་མཚན་དེ་དག་གི་ཕྱིར། ཚུལ་འདི་དག་ཁོང་དུ་ཆུད་པར་བྱས་ལ། དེ་བཞིན་གཤེགས་པའི་བཀའ་དྲི་མ་མེད་པ་ལ་ཐེ་ཚོམ་དང་སོམ་ཉི་མི་བྱའོ། །འདིར་དུས་བཞིར་བཤད་པ་དུས་ལོག་པའི་སྐྱོན་དུ་འགྱུར་རོ་ཞེས་ན། སྐྱོན་མེད་དེ། འདིར་ལྟར་དགས་སྦྱར་བའི་དབང་དུ་དུས་བཞིར་གྲངས་དང་གོ་རིམ་ངེས་སོ། །དེ་ཡང་གྲངས་ངེས་པ་ནི། དུས་རིང་པ་ལ་དཔེར་བྱས་ན། བསྐལ་པ་གཅིག་ལ་ཆགས་གནས་འཇིག་སྟོངས་བཞིར་གྲངས་ངེས། དུས་ཐུང་པ་ལ་དཔེ་བྱས་ན། ལོ་གཅིག་ལ་དབྱར་དགུན་སྟོན་དཔྱིད་བཞིར་གྲངས་ངེས་པ་ཡིན་ཏེ། དེས་མཚོན་ནས་རྒྱ་ཆེར་སྤྲོས་པས་ཆོག་གོ །གོ་རིམ་ངེས་པ་ནི། བསྐལ་པ་ལྟ་བུ་དཔེར་བྱས་ན། ད་ལྟ་བསྐལ་པ་གནས་པའི་དུས་ལ་བལྟོས་ན། བསྐལ་པ་ཆགས་པ་ནི་འདས་པ། གནས་པ་ནི་ད་ལྟ་བ། འཇིག་པ་ནི་མ་འོངས་པ། སྟོངས་པ་ནི་འདས་མ་འོངས་གང་དུ་ཡང་མ་ངེས་པའི་དུས་སོ། །དེ་ལ་ཅིག་ན་རེ་དེ་ལྟར་ཡིན་ཡང་། བསྐལ་པ་སྔར་སྟོངས་པ་ནི་འདས་པ་ཡིན་ལ། ཕྱིས་སྟོངས་པར་འགྱུར་པ་ནི་མ་འོངས་པ་ཡིན་པས། དུས་གསུམ་དུ་ཁ་ཚོན་ཆོད་དོ་ཞེ་ན། སྟོངས་པའི་དུས་དེ་ཉིད་བཞིར་བྱས་པ་ལ། འདས་མ་འོངས་གཉིས་གང་རུང་ཞིག་ཏུ་ཁ་ཚོན་མ་ཆོད་པས། མ་ངེས་པའི་དུས་སུ་ཅིའི་ཡིན་ཏེ། དེ་ཡང་བསྐལ་པ་འཇིག་པའི་དུས་ན། གནས་པ་འདས་པ། སྟོངས་པ་མ་འོངས་པ། ཆགས་པ་ངེས་པའི་དུས་སོ། །དེ་བཞིན་དུ་སྟོངས་པའི་དུས་ན། འཇིག་པ་འདས་པ། ཆགས་པ་མ་འོངས་པ། གནས་པ་མ་ངེས་པ་ཡིན་ནོ། །ཆགས་པའི་དུས་ན། སྟོངས་པ་འདས་པ། གནས་པ་མ་འོངས་པ། འཇིག་པ་མ་ངེས་པ་ཡིན་ནོ། །དེའི་ཕྱིར་ན་དབང་དུ་ལྟར་དུ་འཁྲུལ་པའི་འཁྲུལ་རྟོག་དུས་བཞིར་སྣང་བ་ཡིན་ལ། དེ་དག་ལྷ་དང་སྦྱར་ན། ཕྱིའི་སེམས་མ་བཞི་ཡིན་ཏེ། འདི་ཉིད་ཀྱི་ལེའུ་བཞི་པ་ལས། ཡ་ནི་སྐྱེ་བ་རྣམ་པར་དག །ཝ་ནི་རྣམ་པར་དག་པ་སྟེ། །ར་ནི་འཇིག་པ་པ་དག་པ་ཡིན། །ལ་ནི་སྟོང་པ་བདག་མེད་པའོ། །ཞེས་གསུངས་སོ། །ཡང་སྟོན་པ་ཀུན་ཏུ་བཟང་པོ་རྒྱུད་ཀྱི་བདག་པོ་ཡིན་པ་ལ། ཁྱམས་ལ་བཏོན་ནས། རྡོ་རྗེ་སེམས་དཔའ་འཁོར་གྱི་གཙོ་བོ་དབུས་ཀྱི་ལྟེ་བ་ལ་བཀོད་པས། དཀྱིལ་འཁོར་ལོག་པའི་སྐྱོན་དུ་འགྱུར་རོ་ཞེ་ན། སྐྱོན་མེད་དེ། རྒྱལ་བ་དྲུག་པའི་ཐུགས་རང་རིག་པ་ཉིད་སྐུ་དང་ཡེ་ཤེས་བཞི་བཅུ་རྩ་གཉིས་སུ་རང་སྣང་བའི་ཕྱིར། གཙོ་འཁོར་ལ་བཟང་ངན་དང་ཆེ་ཆུང་མེད་ཀྱང་། གོ་ཆེ་བའི་འཁོར་གྱི་དོན་དུ་ལམ་སྟེགས་ཀྱི་སྟོན་པ་ཐུབ་པ་དྲུག་ཐུགས་ལས་སྤྲུལ་པའི་ཕྱིར། ཁྱམས་སུ་བཀོད་ཀྱང་གཙོ་འཁོར་ལོག་པར་མི་འགྱུར་ཏེ། རྟོག་པའི་དབང་དུ་ཀུན་གྱི་བྱེད་པ་པོ་ཡིན་ཡིན་པའི་ཕྱིར་རོ། །དེ་ཡང་རྒྱ་མཚོ་ལས། །དེ་བཞིན་ཐུགས་ཀྱི་ཁྱད་པར་ལས། །རང་སྣང་རྒྱལ་བའི་སེམས་སོགས་དང་། །ཞེས་པས་མངོན་ནོ། །རྗེ་དྲི་ངས་པའི་བཞེད་ཀྱི། གཙོ་བོ་ལ་གཉིས་ཡིན་ཏེ། དཀྱིལ་འཁོར་གྱི་གཙོ་བོ་རྡོ་རྗེ་སེམས་དཔའ་ཡིནཔར་ཡང་། །རྒྱལ་པ་ལས། རྡོ་རྗེ་སེམས་དཔའ་དཀྱིལ་ཡིན་ཏེ། །རིགས་བཞི་ལྷ་དང་ལྷ་མོ་འཁོར། །ཞེས་གསུངས་པ། ཆོས་འཆད་པའི་གཙོ་བོ་ཀུན་དུ་བཟང་པོ་ཡིན་ཏེ། རྒྱ་མཚོ་ལས། འཁོར་ལོ་འབར་བའི་ལྟེ་བ་ལ། །བདག་པོ་ཀུན་བཟང་འཁོར་ལོ་བསྐོར། བཀའ་སྡོད་སྐྱེས་བུ་མདུན་ན་གནས། །ཞེས་གསུངས་པས། དཔེར་ན་གནས་གཞིའི་གནས་བརྟན་དང་། ཆོས་གྲྭའི་སྟོན་པ་ལྟ་བུ་ཡིན་གསུངས་སོ། །ཡང་ཀུན་བྱེད་ལས། སེམས་ཉིད་ཀུན་ཏུ་བཟང་པོ་ཡི། །བཞུགས་ཚུལ་བསྟན་པ་འདི་ལྟ་སྟེ། །ཞེས་པ། ཀུན་ཏུ་བཟང་པོ་ལ་ཡང་ལྔ་སྟེ། སེམས་ཉིད་ཀུན་ཏུ་བཟང་པོ། །ཆོས་སྐུ་ཀུན་ཏུ་བཟང་པོ། ལོངས་སྐུ་ཀུན་ཏུ་བཟང་པོ། སྤྲུལ་སྐུ་ཀུན་དུ་བཟང་པོ། །བྱང་ཆུབ་སེམས་དཔའ་ཀུན་ཏུ་བཟང་པོ་དང་ལྔའོ། །དང་པོ་གཤིས་བཟང་ངན་ནས་བླང་དོར་མེད་པའོ། །གཉིས་པ་ནི། སྐུ་ལྔ་ལྷུན་གྲུབ་བོ། །གསུམ་པ་ནི། སངས་རྒྱས་ཞེ་གཉིས་ཀྱི་ཀུན་ཏུ་བཟང་པོ་དེའོ། །བཞི་པ་ནི། སངས་རྒྱས་སྟོང་རྩག་གཉིས་ཀྱི་གྱ་གཅིག་གོ །ལྔ་པ་ནི། བྱང་ཆུབ་སེམས་དཔའ་ཀུན་ཏུ་བཟང་པོའོ། །ཞེས་པས། འདི་དག་ནི་ལོངས་སྤྱོད་རྫོགས་པའི་སྐུ་ཀུན་ཏུ་བཟང་པོ་ངོས་གཟུང་བ་ཡང་ཡོད་དོ། །ཡང་། རྒྱུད་ལས་སྨོས་པ་བཞིན་དུ་བཤད། །ཅེས་པས་འདི་རྒྱུད་མིན་པ་ལ་རྒྱུད་དུ་བཤད་པས། རྒྱུད་ལོག་པའི་སྐྱོན་དུ་འགྱུར་རོ་ཞེ་ན། སྐྱོན་མེད་དེ། ཚོགས་སྒྲུབ་པའི་དུས་སུ་འདི་ཉིད་རང་གི་ལེའུ་དགུ་པར་བསྟན་ཚར་བ་དང་། དུས་ཚོད་དང་ཚེས་གྲངས་ལ་སོགས་པ་ཀུན་འདུས་ལ་སོགས་པའི་རྒྱུད་སྡེ་གཞན་ན་གསལ་བ་ལ་ཁ་འཕངས་པས། འདི་རྒྱུད་མ་ཡིན་པར་མི་འགྱུར་ཏེ། འདི་ལྟ་བུའི་ཚུལ་སྔགས་ཕྱི་ནང་གསར་སྙིང་གི་རྒྱུད་སྡེ་དུ་མ་ན་མང་དུ་སྣང་ངོ་། །དེས་ཀྱང་མི་ལོན་ན། འོ་ན་འཕགས་སྡུད་པ་དེ་ཡང་། དེ་བཞིན་གཤེགས་པའི་གསུང་མ་ཡིན་པར་འགྱུར་ཏེ། དེ་དག་མ་རིག་ལས་བྱུང་བདེ་བར་གཤེགས་པས་གསུངས། ཞེས་བདེ་བར་གཤེགས་པའི་གསུང་གཞན་ལ་ཁ་འཕངས་པའི་ཕྱིར་རོ། །ཞེས་སོ། །ཡང་ཁ་ཅིག་ན་རེ་རྒྱུད་གཞུང་འདི་ཉིད་ཀྱི་ནང་ན། མགོ་ནི་མ་ནོར་ལམ་ཡིན་ཏེ། །ཏིག་ནི་ཤེས་རབ་མིང་དུ་སྨྲ། །ཤད་ནི་ཐབས་ཆེན་ཚིགས་སུ་གཅོད། །ཅེས་བྱུང་བ། རྒྱ་གར་གྱི་ཡེ་གེ་ལ་ཏིག་གམ་མེད་དེ། རྒྱུད་གཞུང་འདི་ཉིད་བོད་མར་འགྱུར་རོ་ཞེ་ན། འདི་དག་ལ་ཡི་གེ་དང་། དོན་དང་། ལས་དང་། རྟོག་པ་དང་། ལྷ་དང་ལྔ་ཕྲག་ནས་འཆད་དེ། ཡི་གེ་ན་མགོ་ནི་བེར་ཀ་རིས་སམ་ཐིག་ཡིན་ཏེ། དཔལ་བྱིན་གྱིས་ཞུས་པའི་མདོ་ལས། མགོ་ནི་ཐོག་མར་མཚོན་པ་སྟེ། དཔལ་བྱིན་གྱིས་ཞུས་པའི་གེ་ན་མགོ་ནི་བེར་ཀ་རིས་སམ་ཐིག་ཡིན་ཏེ། དཔལ་བྱིན་གྱིས་ཞུས་པའི་མདོ་ལས། མགོ་ནི་ཡི་གེའི་མགོ་ཡིན་ཕྱིར། །བེར་ཀ་རིས་ལ་མགོ་ཞེས་མཚོན། །ཞེས་པ་དང་། སྤར་ཁབ་ལས། ཡི་གེ་སྦྲུལ་ལྟ་བུས་མགོ་འདྲེན་པའི་ཕྱིར། ཡི་གེ་མགོ་ནི་ཐིག་ཡིན་པས། །ཡི་གེ་བཞི་བཅུ་རྩ་གཉིས་རྣམས། །མ་ནོར་དམ་པའི་ཐིག་ཡིན་པས། །ལམ་མཁན་ཐིག་ནས་ཡ་གེར་ཞུགས། །ཞེས་གསུངས་སོ། །དོན་ནི་མ་ནོར་ཐབས་ཤེས་གཉིས་མེད་དོ། །ལས་ནི་ལམ་ཡིན་ཏེ་ཡི་གེའི་མགོ་འདྲེན་ནོ། །རྟོགས་པ་ནི་ཡིད་དུ་འཛིན་པའོ། །ལྷ་ནི་ཡིན་ཏེ་ཡི་གེའི་མགོ་འདྲེན་ནོ། །རྟོག་པ་ནི་ཡིད་དུ་འཛིན་པའོ། །ལྷ་ནི་ཐུགས་ཀྱི་ལྷ་མི་བསྐྱོད་པའི་རང་བཞིན་ནོ། །ཡི་གེ་ན་ཏིག་ནི་ཚེག་ཡིན་ཏེ། རྒྱལ་པོ་དྲག་ཤུལ་ཅན་གྱིས་ཞུས་པའ་མདོ་ལས། ཏིག་ནི་ཚེག་ཏུ་སྒྲུབ་པ་སྟེ། །ཡི་གེ་བསྡུས་ནས་མིང་དུ་སྨྲ། །དེ་ཕྱིར་ཚེག་ནི་ཏིག་ཞེས་བྱའོ། །ཞེས་པ་དང་། ཡོ་ག་རྒྱན་དམ་པ་ལས།སྡུད་པའི་ཕྱིར་ན་ཚེག་ནི་ཏིག །འཐོར་བ་བསྡུས་ནས་མིང་དུ་སྨྲ། །ཞེས་གསུངས་སོ། །དོན་ནི་ཤེས་བར་རང་བཞིན་མེད་པའོ། །ལས་ནི་མིང་དུ་སྨྲ་བ། །དོན་ནི་ཤེས་རབ་རང་བཞིན་མེད་པའོ། །ལས་ནི་མིང་དུ་སྨྲ་བ། རྟོག་པ་ནི་ངག་ཏུ་འཛིན་པ་སྟེ། གསུང་གི་ལྷ་འོད་དཔག་མེད་ཀྱི་རང་བཞིན་ནོ། །ཡི་གེ་ན་ཤད་ནི་ཤད་ཡིན་ཏེ། སྤྱི་མདོ་ལས། གཅོད་པ་མཚོན་པར་བྱེད་པའི་ཡི་གེ་ལ་ནི། མིང་དབྱུག་པ་ཞེས་བླ་དྭགས་སུ་བཏགས་སོ། །ཞེས་པ་དང་། ཁྱིམ་བདག་དཔལ་བྱིན་གྱིས་ཞུས་པའི་མདོ་ལས། ཚིགས་སུ་བཅད་པའི་ལས་ཅན་ལ། །དེ་ཕྱིར་ཤད་དུ་གྲགས་སོ་ཞེས། །ཞེས་གསུངས་སོ། །དོན་ནི་ཐབས་སྙིང་རྗེ་ཆེན་པོ། །ལས་ནི་ཚིགས་སུ་བཅད་པ། རྟོག་པ་ལུས་སུ་འཛིན་པ་སྟེ། ལྷ་ནི་སྐུའི་ལྷ་རྣམས་རྣམ་པར་སྣང་མཛད་ཀྱི་རང་བཞིན་ནོ། །ཞེས་སོགས་པ་དེ་ཡང་། ཐམས་ཅད་མཁྱེན་པ་བཅོམ་ལྡན་རིག་པའི་རལ་གྲིས་གསང་རྙིང་སྒྲུབ་པ་རྒྱན་གྱི་མེ་ཏོག་ཅེས་བྱ་བ་མཛད་པ་འདི་ལྟ་སྟེ། སངས་རྒྱས་ལ་ཕྱག་འཚལ་ལོ། །རྒྱུད་ཟབ་མོ་དཔལ་གསང་བའི་སྙིང་པོ་ལ། འགོས་ལྷས་བཙས་ལ་སོགས་པས་སྒྲོ་སྐུར་བྱས་པ་དག་བསལ་བར་བྱ་སྟེ། འདི་རྒྱུད་ཡང་དག་པ་ཡིན་པའི་རྒྱུ་མཚན་ནི། དཔལ་གསང་བ་འདུས་པའི་འགྲེལ་ཆེན། སློབ་དཔོན་བི་ཤྭ་མི་ཏྲས་མཛད་པ་ལས། ཡེ་ཤེས་སེམས་དཔའ་གང་རེག་པ། །ཞེས་པའི་འགྲེལ་པར། གསང་བའི་སྙིང་པོ་ལས། འོག་མིན་གྱི་གནས་མཐའ་དང་དབུས་མེད་པ་ན། གཞི་ཚད་མེད་པ་ཡེ་ཤེས་ཀྱི་དཀྱིལ་འཁོར་གསལ་བ་ལ། ཡེ་ཤེས་རིན་པོ་ཆེ་འབར་བའི་ཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཞེས་བྱ་བ་དང་། བསམ་གྱིས་མི་ཁྱབ་པ་ཐམས་ཅདུ་དུ་སྐུ་གསུང་ཐུགས་སྣ་ཚོགས་པར་ཀུན་ཏུ་སྣང་བ། ཞེས་བྱ་དང་། མཆོད་རྟེན་སངས་རྒྱས་ཐམས་ཅད་ཀྱི། འཕྲེང་གནས་ཞེས་བྱ་བ་ཡིན། ཞེས་པའི་འགྲེལ་པར། རྩོ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་དང་པོ་མ་ཡིན་པའི་ངོ་བོ་ཉིད་གཅིག་པི་ཡེ་ཤེས་ཀུན་ཏུ་འཁྱིལ་པ་ཞེས་བྱ་བ་དང་། རང་བཞིན་མེད་པའི་རྒྱུ། ཞེས་པའི་འགྲེལ་པར། ཨེ་མ་ཧོ། ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཅེས་བྱ་བ་དང་། གསང་བའི་དོན་འཆད་པ་ན། གསང་སྙིང་ལས། རང་བཞིན་དང་། གབ་པ་དང་། སྦས་པ་དང་། མི་བསྟན་པའི་གསང་བ་ཞེས་འབྱུང་བྱ་བ་དང་། གསང་སྙིང་ལས། དབང་ལྔ་འབྱུང་ཞེས་བྱ་བ་དང་། །མཐིང་ཀ་དཀར་སེར་ལེ་བརྒན་ནས། །མཐའ་དབུས་མེད་པར་ལྷུན་གྱིས་གྲུབ། །ཅེས་བྱ་བའི་བར་དང་། གསང་རྙིང་ལས། དེ་ཁོ་ན་ཉིད་གསུམ་དུ་འབྱུང་ཟེས་བྱ་བ་ལ་སོགས་པ་ཐམས་ཅད་ལ། གསང་སྙིང་གི་མཚན་སྨོས་ནས་དྲངས་སོ། །ལོག་པའི་སྐྱོབ་བཞི་ལ་སོཊ་པ་སྤང་བ་ནི། འདི་སྐད་བཤད་པ་ནི། སངས་རྒྱས་ཀྱི་གསུང་རབ་ཐམས་ཅད་ནི། ས་བཅུ་པས་ཀྱང་སྡུད་པར་མི་ནུས་པས་སངས་རྒྱས་ཉིད་ཀྱིས་བསྡུས་པར་འདོད་པའི་ལུཊ་ཡིན་ཏེ། གསང་འདུས་ཀྱི་འགྲེལ་པ་སློབ་དཔོན་མཚོ་སྐྱེས་ཀྱིས་མཛད་པའི་གསང་བ་གྲུབ་པ་ལས། སློབ་དཔོན་ཕལ་ཆེར་འདི་སྐད་བརྗོད། །དཔལ་ལྡན་འདུས་པ་མདངས་ཆེན་གྱི། །རྒྱུད་ཀྱི་སྡུད་པར་བྱེད་པ་པོ། །དཔའ་བོ་འཇིག་རྟེན་དབང་ཕྱུག་ཟེར། །བླ་མའི་ཞབས་ཀྱི་བཀའ་དྲིན་གྱིས། །དཔལ་ལྡན་འདུས་པའི་སྡུད་པ་པོ།གཞན་དག་ཡོད་པ་མ་ཡིན་ཞེས། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་ནི་ཐུགས་རྡོ་རྗེ། །ཞེས་བཤད་པ་བཞིན་གསུང་མཁན་གྱིས་བསྡུས་པའི་ལུགས་ཡིན། གཞི་ཚད་མེད་པ་ནི་ཆོས་མངོན་པ་ནས་ཀྱང་། འོག་མིན་ལ་ཚད་པར་བཤད་པ་ཡོད་དོ། །དུས་བཞི་ནི། བི་ཤཱ་མི་ཏྲའི་འགྲེལ་ཆེན་ནས་ཀྱང་། དུས་བཞི་མཉམ་པ་ཉིད་དུ་དེ་བཞིན་རིག་པར་བྱ། །ཞེས་པ་དང་། ཕྱོགས་བཅུ་དུས་བཞིའི་མགོན་པོ་ཀུན་གྱི། ཞེས་གསར་མ་ནས་ཀྱང་བཤད་དོ། །སངས་རྒྱས་གསང་བས་བསྐལ་པ་བཞི་ལ་བཤད་དོ། །རྡོ་རྗེ་སེམས་དཔའ་དབུས་སུ་འབྱུང་བ་ནི། དཀྱིལ་འཁོར་གྱི་གཙོ་བོ་འཕོ་བ་བྱ་བ་གསར་མ་ནས་ཀྱང་བཤད་དོ། །ཏིག་ནི་ཤེས་རབ་ཀྱི་མིང་དུ་སྨྲ། ཞེས་པ་ལ་ནི། གསར་སྙིང་གི་རྒྱ་དཔེ་ལས། སཱུཏྲཾ་པྲ་ཛྙ་ཏིག་ཥྱེ་སྟེ། བྱ་བ་ཡོད་དེ། སཱུ་ཏྲཾ་ཐིག་རྒྱ་སྐད་ཡིན། ཉི་འོག་སེདྒེའི་འགྲེལ་པ་ནས་ཀྱང་ཐིག་ལ་བཤད། ཏིག་ནི་སྐད་ཡིན་ཏེ། རྒྱུད་གཞན་དུ་ཁ་འཕངས་པ་ནི། དགྱེས་རྡོར་ལ་སོགས་པ་ཕྱིས་གསུངས་པ་ཐམས་ཅད་ཀྱང་། དང་པོར་གསུངས་པ་དེ་ཉིད་བསྡུས་པར་ཁ་འཕངས་ཡོད་དོ། །དཔལ་གསང་བའི་སྙིང་པོ་སྒྲུབ་པ་མང་དུ་ཐོས་པའི་དགེ་སློང་ཐམས་ཅད་མཁྱེན་པ་བཅོམ་ལྡན་རལ་གྲིས་བཀོད་པ་ཨོཾ། གསང་སྙིག་ལ་རྒྱ་འགྲེལ་སངས་རྒྱས་གསང་བ། བཱི་མ་ལ་མི་ཏྲ། ཉི་འོད་སོགས་གསུམ་གྱིས་མཛད་པ་ཡོད་དོ། །ཞེས་བཅོམ་ལྡན་རིག་རལ་གྱིས་གསུངས་སོ། །སྔ་རབས་པ་རྣམས་ནི། གྱིས་རྒྱུད་འདི་ལ་ཡོངས་སུ་གྲགས་སོ། །སྔ་རབས་པ་རྣམས་ནི། གྱིས་རྒྱུད་འདི་ལ་ཡོངས་སུ་གྲགས་པའི་འགྲེལ་པ་ཉིས་ཤུ་རྩ་གསུམ། དེའི་ནང་ནས་དར་བ་བཞི་ཡོད་གསུངས། བཅོམ་ལྡན་རིག་རལ་པའི་ཞལ་ནས། རྒྱུད་འདི་ཟབ་མོ་ཡང་དག་པ་ཡིན་པས་མ་ནུབ་པར་བྱ་དགོས་ཞེས་གསུངས་སོ། །སྒྲུབ་པ་རྒྱན་གྱི་མེ་ཏོག་ཨོཾ། གཞན་ཡང་དེང་སང་གི་དུས་ན་གང་ཟག་བསོད་ནམས་དང་སྐལ་པ་དམན་ཅིང་ལས་འཕྲོ་ཞན་པ་བློ་ཆུང་ཕྱོགས་འཛིན་ཅན་ཁ་ཅིག་བཀའ་ཡང་གསང་རྫོགས་པ་ཆེན་པོ། ཐེག་པ་ཐམས་ཅད་ཀྱི་ཡང་རྩེ། བསྟན་པ་ཐམས་ཅད་ཀྱི་སྙིང་པོ། རྒྱལ་བའི་ཐུགས་མཛོད་ཀྱི་ཡེ་ཤེས་ལས་དང་དུས་ལ་མ་བལྟོས་པར་ད་ལྟ་མངོན་སུམ་དུ་སྟོན་པའི་མན་ངག་འདི་ལ། ཐེ་ཚོམ་དང་སྐུར་པ་འདེབས་པ་དག་ཡོད་དེ། སྐུར་པ་བཏབ་ན། ནམ་མཁའ་གནས་ཀྱི་བར་དུ་དམྱལ་བར་འགྲོ་བར་གསུངས་ཏེ། ནམ་མཁའ་མཐའ་མཉམ་ལས། གང་ཞིག་གསང་བའི་མཆོག་སྤངས་པ་ཡིས། །ཐར་པ་སེམས་དང་གཏན་ད་ཀུ་བྲལ། །ཞེས་པ་དང་། ཡེ་ཤེས་གཏིང་རྫོགས་རྒྱུད་ལས། དེ་དོན་རྫོགས་ཆེན་སྙིང་པོའི་དོན་བཤད་དུ། །ཉན་ཐོས་རང་རྒྱལ་བྱང་ཆུབ་སེམས་དཔའ་སྐྲག རྒྱུད་ལུང་རྣལ་འབྱོར་སྒྲོ་སྐུར་འདེབས་ཤིང་འཕྱ། །ཚུལ་ཆོས་སྡེ་པ་ཞེ་སྡང་དབང་གིས་ཕྲག་དོན་བྱེད། །ངེས་དོན་འདི་ལ་འགལ་སེམས་སྡིག་ཅན་རྣམས། །དམྱལ་བར་ངེས་འགྲོ་གཏན་དུ་སྙིང་ར་རྗེ། །ཞེས་པ་དང་། ནམ་མཁའ་ཀློང་ཡངས་ལས། དོན་བསྟན་སྐད་ཅིག་དེ་ཉིད་ལ། རྒྱུད་ལུང་སངས་རྒྱས་སྐྲག་ཅིང་དངངས། །ཉན་ཐོས་མདོ་སྡེ་བརྒྱལ་ཞིང་འབོག །ལྷ་དང་མིན་སྲིན་པོའི་ཚོགས། །སྒྲོ་སྐུར་འདེབས་པའི་གང་ཟག་རྣམས། གཏན་དུ་དམྱལ་བ་ཆེན་པོར་ལྟུང་། །ཞེས་པ་དང་། ཡིད་སྐྱོབ་ལས། ཁྱོད་ཀྱིས་གཞན་ལ་སྤེལ་བར་མི་བྱའོ། །གལ་ཏེ་སྤེལ་ན་གང་ཟག་དེ་ཉིད་ཀྱིས། །ཀུན་བཟག་དགོངས་པ་འདི་ལ་གཤེ་གྱུར་ན། །ནམ་མཁའ་ཇི་སྲིད་གནས་ཀྱི་བར་དུ་ནི། །ཤི་བའི་འོག་ཏུ་རྡོ་རྗེ་དམྱལ་བར་འགྲོ །ཞེས་པ་དང་། གཅན་འཕྲང་ལས། བསྟན་པའི་སྙིགས་མ་ཐ་མའི་ཚེ། །ཉོན་མོངས་སྡུག་བསྔལ་དར་དྲགས་པས། །འཁོར་བའི་ཆོས་ལ་ཡིད་འབྱུང་ཞིང་། །བསྟན་པའི་སྐོར་ཞུགས་ཆོས་བྱེད་ཀྱང་། །བསྟན་སྙིགས་གྲུབ་མཐའ་ངན་པ་ཡིས། །ཆོས་ལ་ཕྱོགས་དང་རིས་བཟུང་ནས། །ལོག་རྟོག་རྩོད་པ་འཕེལ་བ་དང་། །ཉོན་མོངས་སྤྲག་དོག་དབང་གིས་ནི། ཆོས་པས་ཆོས་སྤོང་ལས་བྱེད་འབྱུང་། །ཕྱོགས་བྲལ་མཉམ་ཉིད་མ་རྟོགས་པར། །བྱིས་པའི་བློ་ཅན་རྨོངས་པའི་མིས། །འདུལ་བ་མདོ་སྡེའི་ཁ་འཛིན་ཅིང་། །རང་ཆོས་བསྟོད་ཅིང་གཞན་ཆོས་སྨོད། །བསྟན་པའི་སྙིག་པོ་གསང་སྔགས་ལ། །སྐུར་འདེབས་མཚང་ཚིག་ཡ་ག་འདོགས། །ཞེས་པ་དང་། དེ་སོགས་ཆོས་སྤོང་ལས་བྱེད་པའི། །སྙིགས་མའི་དུས་ཀྱི་ཆོས་པ་ནི། །བྱེ་མའི་སྒྲོ་བ་ཁ་སྤུབ་ལྟར། །རྡོ་རྗེ་དམྱལ་བ་མནར་མེད་སོགས། །ངན་འགྲོའི་ལམ་དུ་ཁ་སྤུབ་འགྲོ །ཞེས་རྒྱུད་ལུང་མན་ངག་དུ་མ་ལས་གསུངས་སོ། །ཡང་ལ་ལ་རྣམས་ན་རེ། གཏེར་མ་ལ་དབང་བཀའ་ཆད་པར་འགྱུར་རོ་སྙམ་དུ་དགོངས་མོད་ཀྱི། སློབ་དཔོན་པདྨ་འབྱུང་གནས་ཀྱིས་བཞེད་པས། ཤོག་སེར་མཐོང་བས་སྐུ་དང་མཇལ། བརྡའ་འཕྲོད་པས། སུང་དང་མཇལ། དོན་གོ་བས་ཏུགས་དང་མཇལ་བར་བཞེད་དེ། མདོར་ན་རྒྱུད་ཚུལ་དྲུག་པོ་དག་གང་རུང་ཞིག་དང་ལྡན་ཡང་། བརྒྱུད་པ་མ་ཆད་པར་བཞེད་དེ། དྲུག་གང་ཞེ་ན། རྒྱལ་བ་དགོངས་པའི་བརྒྱུད་པ་དང་། རིག་འཛིན་བརྡའི་བརྒྱུད་པ་དང་། གང་ཟག་སྙན་ཁུང་ཀྱི་བརྒྱུད་པ་དང།ཐུགས་རྗེ་བྱིན་བརླབས་ཀྱི་བརྒྱུད་པ་དང་། མཁའ་འགྲོ་གཏད་རྒྱའི་བརྒྱུད་པ་དང་། སྨོན་ལམ་དབང་གི་བརྒྱུད་པའོ། །དེ་ལ་འདིར་ཐམས་ཅད་ཚང་བར་བཞེད་དེ། རྒྱལ་བ་དགོངས་པའི་བརྒྱུད་པ་ཡང་འདི་ལ་ཚང་སྟེ། རྒྱལ་བ་རིགས་ལྔས་རིམ་པ་བཞིན་དུ་སྣོད་ལྡན་ལ་དགོངས་པ་ཙམ་གྱིས་རིག་པའི་རྩལ་དབང་ཐོབ། བདག་འདྲ་པདྨས་ཀྱང་མ་འོངས་པའི་གདུལ་བྱ་ལ་དགོངས་ནས། ཟབ་གཏེར་དབང་བཀའ་དང་བཅས་པ་སྦས་པས། སུས་ཐོན་པ་ལ་དགོངས་བརྒྱུད་ཀྱི་དབང་བཀའ་ཡོད་དོ། །ཞེས་བཞེད་དོ། །དེ་བཞིན་དུ་རིག་འཛིན་བརྡའ་བརྒྱུད་ཀྱང་འདི་ལ་ཚང་སྟེ། ཀུན་ཏུ་བཟང་པོ་ནས་རིགས་ལྔའི་བརྡའ་ཀྱང་འདི་ལ་ཚང་སྟེ། ཀུན་ཏུ་བཟང་པོ་ནས་རིགས་ལྔའི་སངས་རྒྱས་སུ་བརྒྱུད་པ་ཐམས་ཅད། བརྡའི་ཕྱག་རྒྱ་བསྟན་པ་ཙམ་གྱིས་དབང་ཐོབ་ལ། བདག་འདྲ་པདྨས་ཀྱང་། མ་འོངས་པའི་སྣོད་ལྡན་ལ། འདི་ལྟར་དབང་བསྐུར་གྱིས་ཤིག་ཅེད་གཏེར་དཔེ་བཞག་པས། སློབ་བུས་ཀྱང་དེ་བཞིན་བསྐུར་བས་བྱིན་རླབས་དང་དངོས་གྲུབ་ཐོབ་པའི་ཕྱིར། དབང་བཀའ་ཡོད་པར་བཞེད་དེ། རིག་པ་བདུན་པའི་བརྒྱུད་ལས། བརྡའ་དང་བརྡའ་མཚོན་གོ་བ་ནི། །མ་འོངས་པའི་དུས་སུ་སྤྲུལ་པའི་སྐུ་ཡི་གེའི་གཟུགས་སུ་འབྱུང་བར་མདོ་དུ་མ་ནས་གསུངས་ལ། ངེས་པའི་དོན་མ་ནོར་བར་སྟོན་པའི་སྒྲ་སྐད་རྣམས་ཀྱང་། བྱིན་གྱིས་བརླབས་པའི་བཀར་གསུངས་སྟེ། པདྨ་དཀར་པོ་ལས་ཀྱང་། རི་དང་ལྡེའུ་ཤིང་བུ་དང་། །རྔ་བོ་དང་དཔག་བསམ་ཤིང་། །དེ་དག་ལས་ནི་སྒྲ་བྱུང་བས། །རྒྱལ་བས་བྱིན་གྱིས་བརླབས་པ་སྟེ། འདི་དག་བཀའ་ཞེས་བྱ་བར་བརྗོད། །ཅེས་ངེས་པའི་དོན་མ་ནོར་བར་སྟོན་པ་ནི། ཟིན་པ་དང་མ་ཟིན་སྒྲ་སྐད་ཐམས་ཅད་ཀྱང་། བྱིན་གྱིས་བརླབས་པའིབཀར་གསུངས་ཤིང་། སློབ་དཔོན་པདྨའི་བཞེད་པས་ཀྱང་། གཏེར་དཔེ་བཞིན་མ་ནོར་བར་ཉམས་སུ་བླངས་པས། བླ་མ་དང་། སངས་རྒྱས་དང་། རང་སེམས་དབྱེར་མེད་དུ་གྱུར་པ་ནི། སྙན་བརྒྱུད་དམ་པར་བཞེད་དེ། གཏེར་ལུང་ལས། ཆོས་སྐུ་ཀུན་ཏུ་བཟང་པོ་ལ། །བླ་མ་བྱ་བ་ཡོད་མིན་སྟེ། །དབང་སྐུར་ཆོས་བཤད་བྱེད་མཁན་མེད། །རང་སེམས་ཆོས་སྐུར་ཤེས་ཙ་ན། །དུས་གསུམ་རྒྱལ་བའི་དབང་ལུང་ཐོབ། །བརྒྱུད་པར་འཛིན་པ་རྟོག་པ་ཡིན། །ཞེས་སོ། །ཐུག་རྗེ་བྱིན་རླབས་ཀྱི་བརྒྱུད་པ་ཡང་འདི་ལ་ཚང་སྟེ། སྟོན་པ་ཀུན་དུ་བཟང་པོ་ནས་རིམ་པ་བཞིན་དུ་བྱིན་གྱིས་བརླབས་པ་ཙམ་གྱིས་རིག་པའི་རྩལ་དབང་ཐོབ་ལ། བདག་འདྲ་པདྨས་ཀྱང་མ་འོངས་པའི་དོན་དུ་ཟབ་གཏེར་སྦས་པ་དེ། སུས་ཐོན་པ་དང་མཐོང་པ་ལ་བྱིན་རླབས་ཞུགས་ཏེ། རིག་པའི་རྩལ་དབང་ཐོབ་བོ་ཞེས་བཞེད་དོ། །མཁའ་འགྲོ་གཏན་རྒྱའི་བརྒྱུད་པ་ཡང་འདི་ལ་ཚང་སྟེ། ཀུན་ཏུ་བཟང་པོ་ནས་རིམ་པ་བཞིན་སྐལ་ལྡན་དང་མ་འཕྲད་ཀྱི་བར་དུ་མཁའ་འགྲོ་ལ་གཏད་པས། སྣོད་མེད་ལ་བསྲུང་ནས་སྣོད་ལྡན་ལ་གཏད་པ་བཞིན་དུ། བདག་འདྲ་པདྨས་ཀྱང་མ་འོངས་པའི་དོན་དུ་གཏེར་དུ་སྦས་ནས། མཁའ་འགྲོ་དང་འཇིག་རྟེན་པའི་ལྷ་འདྲེ་ལ་གཏད་པས། གཏེར་སྲུང་རྣམས་ཀྱིས་ཀྱང་། སྣོད་ལྡན་ལ་གཏད་པ་ནི་དབང་ལུང་ཡིན་པར་བཞེད་དོ། །སྨོན་ལམ་དབང་བསྐུར་རྒྱི་བརྒྱུད་པ་ནི་དབང་ལུང་ཡིན་པར་བཞེད་དོ། །སྨོན་ལམ་དབང་བསྐུར་གྱི་རྒྱུད་པ་ཡང་འདི་ལ་ཚང་སྟེ། ཆོས་ཐམས་ཅད་སྨོན་ལམ་གྱིས་མཐའ་བསྒྱུར་བས། སྨོན་ལམ་ནི་སངས་རྒྱས་ཀྱི་བདེན་པའི་བཀའ་ཡིན་ཏེ། བཀའ་ནི་མི་བསླུ་བི་དབང་གི་ཚིག་ཡིན་པས་དབང་གི་མཆོག་མིན་ནོ། །བདག་འདྲ་པདྨས་ཀྱང་མ་འོངས་ལས་ཅན་དང་འཕྲད་པར་ཤོག །ཅེས་སྨོན་ལམ་བཏབ་པས་དེའི་མཐུས་ལས་ཅན་གཅིག་དང་འཕྲད་པ་ཡིན་ཏེ། དབང་གི་དམ་པ་སྨོན་ལམ་ཡིན་པར་བཞེད་དོ། །མདོར་ན་སློབ་དཔོན་པདྨའི་བཞེད་པས། ཤོག་སེར་མཐོང་བ་ཙམ་ཡང་སློབ་དཔོན་ཆེན་པོ་ཉིད་ཀྱི་ཞལ་མཐོང་གི་འཁོར་ཡིན་ལ། དེའི་དགོངས་པ་ཕྱིན་ཅི་མ་ལོག་པར་ལོན་པ་ནི་ཐུག་སཀཡི་སྲས་ཡིན་ཏེ། དེ་ལ་དབང་ཐམས་ཅད་ཡོངས་སུ་རྫོགས་པར་བཞེད་དོ། །གཏེར་མ་ཡིན་ངེས་རྣམས་ནི་ཤིན་ཏུ་ཟབ་ཅིང་བྱིན་རླབས་ཅེ་བ་དེ་ལྟར་གཏེར་མ་ཡིན་གཻས་རྣམས་ནི་ཤིན་ཏུ་ཟབ་ཅིང་བྱིན་རླབས་ཆེ་བ་དེ་ལྟ་ཡིན་ལ། གཏེར་མ་ལ་བསྙད་པའི་བཅོས་མའི་ཟོག་ཆོས་དང་། ཆོས་འདྲ་སྣང་སྟོན་པ་ཅི་རིགས་འབྱུང་བས། རྟོག་དཔྱོད་ཞིབ་ཏུ་བྱ་ཞིང་རྣམ་དབྱེ་ཆོད་པ་གལ་ཆེའོ། །དེས་ན་ཆོས་ཕྱིན་ཅི་མ་ལོག་པ་ཡང་དག་པ་རྣམས་སྐྱོན་མེད་དུ་སྒྲུབ་ཅིང་། །དེས་ན་ཆསོ་ཕྱིན་པར་བཤད་ནས་ཀྱང་ངེས་པ་མི་སྟེར་ན། གང་ཟག་དེའི་བློ་བདུད་ཀྱིས་བྱིནགཡིས་བརླབས་ཤིང་། ཐང་སྟོང་གི་སྡིག་པ་ལག་གིས་བླངས་ནས། ཆོས་སྤོང་གི་ལས་གསོག་ཅིང༌། མནར་མེད་པའི་དམྱལ་བར་སྐྱེ་བའི་རྟགས་ཡིན་ཏེ། འདི་དག་ནི་རབ་ཏུ་བྱུང་བ་ཕལ་མོ་ཆེས་བྱེད་དེ། བརྒྱད་སྟོང་པའི་བདུད་ཀྱི་ལེའུ་ལས། གཞན་ཡང་རབ་འབྱོར། བདུད་སྡིག་ཅན་དགེ་སྦྱོང་གི་ཆ་བྱད་དུ་ལས། གཞན་ཡང་རབ་འབྱོར། བདུད་སྡིག་ཅན་དགེ་སྦྱོང་གི་ཅ་བྱད་དུ་འོང་ནས་འབྲལ་བར་བྱེད་ཅིང་། འདི་ལྟར་རིག་སཀྱི་བུ་ཐེག་པ་ལ་གསར་དུ་ཞུགས་པ་དང་དང་འབྲལ་བར་བྱེད་དེ། གང་ཁྱོད་ཀྱིས་བསྟན་པ་འདི་ནི་ཤེས་རབ་ཀྱི་ཕ་རོལ་དུ་ཕྱིན་པ་མ་ཡིན་ཏེ། ཇི་ལྟར་ངའི་མདོ་སྡེའི་ནང་དུ་རྟོགས་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ་ཞེས་དེ་ལྟར་བདུད་སྡིག་ཅན་གྱིས་ཐེ་ཚོམ་ཟར་བཅུག་སྟེ། རབ་འབྱོར་དེ་ལྟར་བདུད་སྡིག་ཅན་དགེ་སློང་གི་ཆ་བྱད་དུ་འོངས་ནས། དབྱེ་བར་བྱས་པས་བྱང་ཆུབ་སེམས་དཔའ་ཐེག་པ་ལ་གསར་དུ་ཞུགས་པ། བློ་ཞན་པ། བློ་ཆུང་པ། བློ་དམན་པ། ལྡོངས་པར་གྱུར་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་པ་དག་ཐེ་ཚོམ་ཟར་འཇུག་གོ །དེ་དག་ཐེ་ཚོམ་དུ་གྱུར་ནས་ཤེས་རབ་ཀྱི་ཕོ་རོལ་དུ་ཕྱིན་པ་འདི་མི་འཛིན། །ཀུན་ཆུ་པར་མི་བྱེད། མི་འཆང་། མི་ཀློག་མི་སྟོན། ཡི་གེར་མི་འབྲི་བར་འགྱུར། རབ་འབྱོར་འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོས། བདུད་ཀྱི་ལས་སུ་རིགས་པར་བྱའོ། །ཞེས་གསུངས་པས་བདུད་ཀྱིས་བྱིན་གྱིས་བབླབས་པའི་གང་ཟག་རྣམས་ཀྱི་རྗེས་སུ་འཇུག་པར་མི་བྱའོ། །དེའི་རྗེ་སུ་ཞུགས་པའི་གང་ཟག་འགའ་ཞིག་ཐང་སྟོང་ལ་འཁྱམས་པའི་སྡིག་པ་ལག་གིས་བླངས་ནས། རྒྱལ་བ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་བཀའ་བརྒྱུད་ཡིན་ངེས་དང་། མཁས་པ་ཚད་ལྡ་རྣམས་ཀྱིས་དེ་ལ་བརྟེན་ནས་མཛད་པའི་བསྟན་བཅོས་ལ་སོགས་པ་དམ་པའི་ཅོས་ཕྱིན་ཅི་ལ་ལོག་པ་རྣམས་དང་། གང་ཟག་དམ་པ་རྣམས་ལ་སྐུར་བ་འདེབས་པར་བྱེ་དེ། དེ་ལ་སྐུར་བ་བཏབ་ན་ཆོས་སྤོང་གི་ལས་བསགས་ཤིང་། ངན་སོང་དུ་ལྟུང་བར་འགྱུར་ཏེ། སྡུད་པ་ལས། སྔོན་སྤྱོད་ཚེ་ན་སངས་རྒྱས་ཁྲག་ཁྲིག་བཀུར་བྱས་ཀྱང་། །རྒྱལ་བའི་ཤེས་རབ་ཕོ་རོལ་ཕྱིན་ལ་མ་དད་ན། །ཐོས་ནས་བློ་ཆུང་དེ་ཡིས་འདི་ནི་སྤོང་བྱེད་དེ། །སྤངས་ནས་སྐྱབས་མེད་ཆུང་དེ་ཡིས་འདི་ནི་སྤོང་བྱེད་དེ། །སྤངས་ནས་སྐྱབས་མེད་གྱུར་པ་དེ་ནི་མནར་མེད་འགྲོ །ཞེས་པ་དང་། དཀོན་མཆོག་ཏ་ལ་ལས། བྱང་ཆུབ་སེམས་དཔའ་རྐུན་པོས་གསོལ་པ། བཅོམ་ལྡན་འདས་སླད་མའི་ཚེ་སླད་མའི་དུས་ན། གང་དག་ཆོས་ཀྱི་རྣམ་གྲངས་འདི་སྤོང་བར་འགྱུར་བའི་སེམས་ཅན་ཇི་ལྟ་བུ་དག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རྐུན་པོ་འདི་ལྟ་བུ་དག་སྤོང་བར་འགྱུར་བ་དེ་དག་ནི་ཕལ་ཆེར་རབ་ཏུ་བྱུང་པ་ཤ་སྟག་འབྱུང་སྟེ། འདི་སྐ་དུ། འདི་དག་ནི་སྙན་དངགས་མཁན་གྱིས་སྦྱར་བ་ཡིན་གྱི འདི་དག་དེ་བཞིན་གཤེགས་པས་གསུང་པ་མ་ཡིན་ནོ། །འདི་དག་ནི་རང་བཟོར་བྱས་པ་ཡིན་ཏེ། མདོ་སྡེ་འདི་དག་སྔོན་ནམ་ཡང་མ་ཐོས་སོ་ཟེར་ཞིང་། དེ་དག་ཆོས་ཀྱི་རྣམ་གྲངས་འདི་སྤོང་བར་འགྱུར་རོ། །སྤངས་ནས་ཀྱག་མཐོལ་ཞིང་བཤགས་པར་མི་འགྱུར་ཏེ། དེ་དག་ཆོས་སྤང་ནས་འཆི་བའི་ཚེ་སེམས་ཅན་དམྱལ་བ་ཆེནཔོར་ཀུན་ཏུ་འབར་བ་མི་ཟད་པར་སྐྱེ་བར་འགྱུར་རོ། །སྐྱེས་མ་ཐག་ཏུ་ལྕགས་ཀྱི་འཁོར་ལོས་མི་གཏི་མུག་པ་དེ་དག་གི་མགོ་བཅད་ནས་ས་ལ་ལྟུང་བར་འགྱུར་རོ། །དེ་ལྟར་གྱུར་ནས་ཀྱང་བསྐལ་པ་བརྒྱ་ཕྲག་མང་པོ་དང་། བསྐལ་པ་སྟོང་ཕྲག་མང་པོར་དམུས་ལོང་དུ་འགྱུར་རོ། །གལ་ཏེ་བསྐལ་པ་བརྒྱ་དག་འདས་ནས་མིར་སྐྱེ་བར་འགྱུར་ན་ཡང་། ཚེ་རབས་ཐམས་ཅདུ་དམུས་ལོང་དུ་སྐྱེ་བར་འགྱུར་རོ། །ལྕེ་མེད་པ་དང་། གདོང་ཕྱིན་ཕྱོགས་སུ་འདུག་པ་དང་། ལྷག་པ་རྒུར་བ་དང་། འཇིང་པ་ནུབ་པ་དང་། རྐང་པོ་གྱོལ་བ་དང་། ང་རོ་ཁྱི་སྐད་ལྟ་བ་དང་རྟག་ཏུ་བཀྲེས་ཤིང་སྐོམ་པས་ཉེན་པ་དང་། ལུས་བསྐམས་པ་དང་། ཁ་མནམ་པ་དང་། སེམས་ཅན་ཐམས་ཅད་ཀྱིས་མཐོང་ངམ་ཐོས་ན་ཡང་། ཡིད་དུ་མི་འོང་བར་སྐྱེ་བར་འགྱུར་རོ། །ཞེས་སོ། །གཞན་ཡང་གང་ཟག་ཀྱང་ཆོས་བཞིན་མཛད་པ་རྣམས་ལ་ཐེག་པ་ཆེན་ཆུང་ཆ་ལུགས་གང་ཡིན་ཡང་རུང་སྟེ་སྐུར་བ་མི་གདབ་བོ། །དེ་ཡང་དཀོན་བརྩེགས་ལས། གང་དག་བྱང་ཆུབ་སེམས་དཔའི་སྤྱོད་རྟོག་པ། །དེ་དག་སྨྱོན་པ་ཡིན་པར་ཤེས་པར་བྱའོ། །ཞེས་པ་དང་། བདག་བསྟོད་གཞན་ལ་སྨོད་པའི་བྱང་ཆུབ་སེམས་དཔའ་ནི། །བདུད་ཀྱིས་ཡོཤ་སུ་བསླད་ཅིང་བློ་ཆུང་རིག་པར་བྱ། །ཞེས་སོ། །དེ་བས་ན་དེ་གཉིས་ལ་སྐུར་བ་མི་གདབ་པ་ནི་ནན་ཏན་དུ་གལ་ཅེ་སྟེ། དཀོན་བརྩེགས་ལས། མདོག་ངན་གླེན་ནམ་ཡང་ན་རྙེད་མེད་དམ། །བརྙས་ཤིང་སྨད་པར་བྱ་བ་ཡིན་ན་ཡང༌། །མི་ཡི་ཁམས་དང་སྤྱོད་པ་ཤེས་དཀའ་བས། །དེ་ལ་གྱ་ཚོས་ཚོམས་སྐྱོན་ནི་གདགས་མི་བྱ། །ཞེས་པ་དང་། ཇོ་བོ་རྗེས། གང་ལའང་སྐུར་བ་མི་གདཊ་ཅིང་། གང་མོས་དེ་ལ་འདུན་པར་བྱ། །ཞེས་པས་མངོན་ནོ།།
སྤྱི་དོན་ལྔ་པ། བསྟན་པ་རིན་པོ་ཆེ་འཇིག་རྟེན་འདིར་ཇི་སྲིད་གནས་པའི་ཚད་བསྟན་པ།
སྤྱི་དོན་ལྔ་པ་སངས་རྒྱས་ཀྱི་བསྟན་པ་རིན་པོ་ཆེའི་གནས་ཚད་བསྟན་པ་ལ་གསུམ་སྟེ། བསྟན་པ་རིན་པོ་ཆེ་འཇིག་རྟེན་འདིར་ཇི་སྲིད་གནས་པའི་ཚད་དང་། སྔར་ཇི་ཙམ་འདས་པ་དང་། ད་ཇི་ཙམ་གནས་པའི་ཚུལ་ལོ། །དང་པོ་ལ་གཉིས་ཏེ། ཐེག་པ་ཐུན་མོང་པ་མ་གྲགས་པའི་བསྟན་རྩིས་ཀྱི་རྣམ་བཞག་དང་། ཐེག་པ་མཐར་ཐུག་དཔལ་དུས་ཀྱི་འཁོར་ལོ་ལས་བྱུང་པའི་བསྟན་རྩིས་ཀྱི་རྣམ་བཞག་གཉིས་སུ་ཡོད་དོ། །ཐེག་པ་ཐུན་མོང་ལ་གྲགས་པའི་བསྟན་རྩིས་ཀྱི་རྣམ་བཞག་དང་པོ་ན་འདུལ་འཛིན་ཁ་ཅིག་བསྟན་པ་ལོ་བདུན་སྟོང་དུ་གནས་པ་ལ། སྐྱེ་རྒུའི་བདག་མོ་རབ་ཏུ་བྱུང་བས་ཉིས་སྟོང་བཤད་ཟེར། སྔ་སྟོང་དུ་གནས་པར་འདུལ་བ་ལུང་ཕྲན་ཚེགས་ལས་བཤད་ཟེར། མདོ་སྡེ་ཆོས་ཀྱི་གཟུགས་བརྙན་ལོ་ལྔ་བརྒྱ་སྟེ། ལོ་སྟོང་དུ་གནས་པར་གསུངས། སྙིང་རྗེ་ཆེན་པོ་པདྨ་དཀར་པོའི་མདོར་ལོ་ཕྱེད་དང་ཉིས་སྟོང་དང་། ཟླ་བའི་སྙིང་པོའི་མདོ་ལས་ཉིས་སྟོང་དང་། བློ་གྲོས་མི་ཟད་པས་བསྟན་པའི་མདོའི་འགྲེལ་པར་ལོ་སྟོང་དང་། རྡོ་རྗེ་གཅོད་པའི་འགྲེལ་པར་ལོ་ཕྱེད་དང་གསུམ་སྟོང་དུ་གནས་པར་གསུངས་ཤིང་། འབུམ་ཊཱིཀ་ཞེས་ཡོངས་སུ་གྲགས་པ་ཡུམ་འབུམ་པ་དང་། ཉིས་ཁྲི་ལྔ་སྟོང་པ་དང་། ཁྲི་བརྒྱད་སྟོང་པ་རྣམས་ཀྱི་གཞུང་འགྲེལ་གནོད་འཇོམས་སུ། བསྟན་པ་ལོ་ལྔ་སྟོང་དུ་གནས་པར་གསུངས་པ་ལས། སྔ་མ་རྣམས་ནི་དྲང་དོན་དགོངས་པ་ཅན་ཡིན་ལ་འགྲེལ་པ་གནོད་འཇོམས་ལས་གསུངས་པ་འདི་སྒྲ་ཇི་བཞིན་པ་ཡིན་པར་མཁས་པ་རྣམས་བཞེད་དོ། །དེའི་ལུགས་ལྟར་ན། སྟོང་ཕྲག་རེ་རེ་ལ་ཕྱེད་ཕྱེད་དུ་བཅད་པས་ལྔ་བརྒྱ་པ་ཕྲག་བཅུ་ལ་ལེའུ་བཅུར་འགྱུར་ཏེ། དེ་ལ་ལྔ་བརྒྱ་དང་པོ་དང་། གཉིས་པ་དང་། གསུམ་པ་རྣམས་ལ་རིམ་པ་ལྟར་དགྲ་བཅོམ་པ་དང་། ཕྱིར་མི་འོངས་པ་དང་། རྒྱུན་དུ་ཞུགས་པ་མང་དུ་འབྱུང་བས། དགྲ་བཅོམ་པའི་ལེའུ་དང་། ཕྱིར་མི་འོངས་པའི་ལེའུ་དང་། རྒྱུན་དུ་ཞུགས་པའི་ལེའུ་ཞེས་བྱ་སྟེ། ཁོང་དུ་ཆུད་པའི་ལེའུ་གསུམ་དང་། དེ་ནས་ལྔ་བརྒྱ་པ་བཞི་པ་དང་། ལྔ་པ་དང་། དྲུག་པ་རྣམས་ལ་གོ་རིམ་བཞིན་དུ་ལྷག་མཐོང་དང་། ཏིང་ངེ་འཛིན་དང་། ཚུལ་ཁྲིམས་དང་ལྡན་པ་མང་དུ་འབྱུང་བས། ལྷག་མཐོང་གི་ལེའུ་དང་། ཏིང་ངེ་འཛིན་གྱི་ལེའུ་དང་། ཚུལ་ཁྲིམས་ཀྱི་ལེའུ་དང་གསུམ་ཞེས་བྱ་སྟེ། སྒྲུབ་པའི་ལེའུ་གསུམ་དང་། དེ་ནས་ལྔ་བརྒྱ་བདུན་པ་དང་། བརྒྱད་པ་དང་། དགུ་པ་ལ་རིམ་པ་ལྟར། ཆོས་མངོན་པ་དང་། །མདོ་སྡེ་དང་། འདུལ་བ་སྟོན་པ་མང་དུ་བྱུང་བས། མངོན་པའི་ལེའུ་དང་། མདོ་སྡེའི་ལེའུ་དང་། འདུལ་བའི་ལེའུ་གསུམ་སྟེ། ལུང་གི་ལེའུ་གསུམ་དང༌། ལྔ་བརྒྱ་པ་བཅུ་པ་ནི་རབ་ཏུ་བྱུང་བའི་རྟགས་ཙམ་ལས་ལྟ་སྤྱོད་རྣལ་མ་དང་མི་ལྡན་པས་རྟགས་ཙམ་འཛིན་པའི་ལེའུ་སྟེ། འདི་ཉིད་ལ་ལྔ་བརྒྱ་ཐ་མ་ཞེས་བཤད་དོ། །དེ་ལ་སློབ་དཔོན་འཇམ་དཔལ་གྲགས་པས། ལྔ་བརྒྱ་པ་ཕྲག་བཅུ་པོ་ལ་མངོན་པར་རྟོགས་པའི་དུས་གསུམ་དང་། སྒྲུབ་པའི་དུས་གསུམ་དང་། ལུང་གི་དུས་གསུམ་དང་། རྟགས་ཙམ་འཛིན་པའི་དུས་གཅིག་ཅེས་བཤད་ལ། དང་པོ་ལ་འབྲས་བུའི་དུས་ཞེས་ཀྱང་བྱའོ། །ཐུབ་པའི་བསྟན་པ་ཚུལ་དེ་ལྟར་གནས་པ་ཡང་། འཛམ་བུའི་གླིང་འདི་ཉིད་ཀྱི་དབང་དུ་བྱས་པ་ཡིན་ཅིང་། སྔར་འདས་པའི་ལོ་གྲངས་ནི་ཡོངས་སུ་གྲགས་པ་ལ་སྟོན་པ་བཅོམ་ལྡན་འདས་མྱ་ངན་ལས་འདས་ནས་ལོ་བརྒྱ་སུམ་ཅུ་རྩ་བདུན་ན་རྒྱལ་པོ་དགའ་བྱེད་བྱུང་། དེ་ནས་ལོ་བརྒྱ་ན་རྒྱལ་པོ་ཟླ་སྲུངས་བྱུང་། དེ་ནས་ལོ་ཉིས་བརྒྱ་སུམ་ཅུ་རྩ་བརྒྱད་ན་རྒྱལ་པོ་ཟླ་སྲུངས་བྱུང་། དེ་ནས་ལོ་ཉིས་བརྒྱ་སུམ་ཅུ་རྩ་བརྒྱད་ན་རྒྱལ་པོ་མཛོད་མང་བྱུང༌། དེ་ནས་ལོ་བདུན་བརྒྱ་ཉིས་ཤུ་རྩ་བཞི་ནས་འཕྲོ་གཟུང་ནས་ལོ་བརྒྱད་བཅུ་བཞི་ན། བལ་པོའི་རྒྱལ་པོ་འོད་ཟེར་གོ་ཆ་བྱུང་། དེ་ནས་ལོ་ཉིས་བརྒྱ་བཞི་བཅུ་རྩ་གཉིས་ན། བོད་ཀྱི་རྒྱལ་པོ་ཁྲི་གཙུགས་ལྡེ་བཙན་རལ་པ་ཅན་བྱུང་ཞིང་། སྔ་རབས་མཁས་པ་མང་པོ་ཞིག་ནི། སྟོན་པ་ཤིང་ཕོ་བྱི་བ་ལ་བལྟམས་པར་འདོད། ཇོ་བོ་རྗེ་ནི་སྟོན་པ་ཤིང་ཕོ་བྱི་བའི་ལོ་ལ་ལྷུམས་སུ་ཞུགས། ཤིང་མོ་གླང་ལ་བལྟམས། ས་མོ་ཕག་ལ་སངས་རྒྱས། ཤིང་ཕོ་སྤྲེའུའི་ལོ་སྟོན་ཟླ་ཐ་ཆུང་གི་ཡར་ངོའི་ཚེས་བརྒྱད་ལ་འདས་པར་བཞེད་པས། དེའི་རྗེས་སུ་འབྲངས་ཏེ། མཆིམས་ནམ་མཁའ་གྲགས་ཀྱིས་མེ་ལོ་སྤྲུལ་ལ་བརྩིས་པ་ལ་ལོ་སུ་སྟོང་སུམ་བརྒྱ་དགུ་བཅུ་རྩ་གསུམ་འདས་པར་བཞེད་པས། ཆུ་ཕོ་ཁྱི་ཡན་ཆད་ལ་ལོ་སུམ་སྟོང་བཞི་བརྒྱ་ལྔ་བཅུ་རྩ་བརྒྱད་འདས་པར་བཞེད། ཆོས་རྗེ་ས་སྐྱ་པཎྜི་ཏས། སྟོན་པ་མེ་ཡོས་ལ་ལྷུམས་སུ་ཞུགས། ས་ཕོ་འབྲུག་པ་བལྟམས། ཆུ་ཕོ་སྟག་ལ་སངས་རྒྱས། མེ་མོ་ཕག་གི་དཔྱིད་ཟླའི་ཉའམ། སྟོན་ཟླའི་ཚེས་བརྒྱད་ལ་འདས་པར་བཞེད་ཅིང་། རྗེ་བཙུན་གྲགས་པ་རྒྱལ་མཚན་ཞི་བར་གཤེགས་པའི་ཆོས་འཁོར་མེ་ཕོ་བྱི་བ་ལོ་ལ་མཛད་པའི་དུས་སུ་བརྩིབས་པས་སུམ་སྟོང་སུམ་བརྒྱ་བཞི་བཅུ་རྩ་དགུ་ལོན་པར་བཞེད་ལ། མེ་མོང་གླང་གི་ལོ་ལ་ཆུ་མིག་ཆོས་འཁོར་གྱི་དུས་སུ། བླ་མ་དམ་པ་ཆོས་རྒྱལ་འཕགས་པས་རྩིས་པས། སུམ་སྟོང་བཞི་བརྒྱ་དང་བཅུ་འདས་པར་བཞེད་དོ། །དེ་ནས་བླ་མ་ཏི་ཤྲི་ཀུན་དགའ་བློ་གྲོས་རྒྱལ་མཚན་དཔལ་བཟལ་བཟང་པོ་བོད་དུ་བསྙཻན་རྫོགས་ལ་བྱོན་པའི་དུས་སུ། ཆུ་ཕོ་ཁྱི་ལོ་ཡན་ཆད་ལ། ལོ་སུམ་སྟོང་བཞི་བརྒྱ་ལྔ་བཅུ་རྩ་ལྔ་འདས་པར་བཞེད་ཅིང་། དེ་ནས་ལོ་སྐོར་དྲུག་ཅུ་པ་གནམ་འཕྱང་གི་ལོ་དང་། ལོ་སྐོར་བཅུ་གཉིས་ལས། ས་ཕོ་ཁྱིའི་ལོ་ཡན་ཆད་ཀྱི་ལོ་སུམ་སྟོང་བཟི་བརྒྱ་དགུ་བཅུ་རྩ་གཅིག་འདས་ལ། ད་ལྟ་དགུ་བཅུ་རྩ་གཉིས་པ་བསྒྱུར་བྱེད་ཀྱི་ལོ་ས་མོ་ཕག་གི་སྟེང་ན་ཡོད་པས། འབྲས་བུ་དང་། སྒྲུབ་པའི་དུས་གཉིས་ཀྱི་ལྔ་བརྒྱ་པ་ཕྲག་གསུམ་གསུམ་སྟེ། ལྔ་བརྒྱ་པ་ཕྲག་དྲུག་དང་། ལུང་མངོན་པའི་དུས་ཀྱི་བཟི་བརྒྱ་དགུ་བཅུ་རྩ་གཅིག་ནི་འདས་ལ། ལྷག་མ་ལུང་མངོན་པའི་དགུ་དང་། མདོ་སྡེ་དང་འདུལ་བ་དང་རྟགས་ཙམ་འཛིན་པ་རྣམས་ཀྱི་ལྔ་བརྒྱ་ཕྲག་གསུམ་སྟེ།བསྟོང་དང་ལྔ་བརྒྱ་དང་དགུ་བཅུ་ལྷག་མར་ཡོད་ཅིང་། འཆིམས་པའི་རྗེས་སུ་འབྲངས་པའི་ལུགས་ལ་འདས་ལོ་གསུམ་གྱིས་མང་བར་ཡོད་དོ། །ཁ་ཆེའི་པཎྜི་ཏ་ཤཀྱ་ཤྲཱི་ལྷ་དྲས་ཤིང་ཕོ་བྱི་བ་ལོ་ལ་ཁྲོ་པུར་རྩིས་པ་དང་། མེ་མོ་ཡོས་ལ་སོལ་ནག་ཐང་ཆེན་དུ་བརྩིས་པར། སྨིན་དྲུག་ཟླ་བའི་དཀར་ཕྱོགས་ཀྱི། །ཚེས་བརྒྱད་ནམ་གུང་མཉམ་པ་ལ། །ཟླ་བ་རི་བོ་ལ་ནུབ་ཚེ། །ཐུབ་དབང་ཡོངས་སུ་མྱ་ངན་འདས། དེ་རྗེས་ལོ་ནི་སྟོང་ཕྲག་གཅིག །བདུན་བརྒྱ་དང་ནི་ལྔ་བཅུ་དང་། ཟླ་བ་གཉིས་དང་ཟླ་བ་ཕྱེ། །དེ་བཞིན་ཉི་མ་ལྔ་རབ་འདས། །ལོ་ནི་སྟོང་ཕྲག་གསུམ་དང་ནི། །ཉིས་བརྒྱ་དང་ནི་བཞི་བཅུ་དགུ །ཟླ་བ་དགུ་དང་ཉི་མ་བཅུ། །མ་འོངས་བསྟན་པའི་ལྷག་མར་གནས། །ཞེས་མེ་མོ་ཡོས་ཀྱི་དཔྱིད་འབྲིང་གི་ཚེས་ལྔ་ལ་བརྩིས་པ་དང་། ལྕགས་ཕོ་རྟ་ལ་ས་སྐྱར་རྩིས་པའི་ལུགས་ཀྱི་ལོ་སྟོང་བརྒྱད་བརྒྱ་དྲུག་ཅུ་རྩ་ལྔ། ཆུ་ཕོ་ཁྱི་ལོ་ཡན་ཆད་ལ་འདས་པར་བཞེད་ལ། ཆོས་རྗེ་ས་སྐྱ་པའི་ཞལ་ནས། ལུགས་དེ་ནི་རྒྱ་གར་ན་ཉན་ཐོས་སེན་དྷ་པ་རྣམས་དུས་བརྗོད་པའི་ཚེས། སྟོན་པ་འདས་ནས་ལོ་འདི་སོང་ཞེས་ནུབ་རེ་བཞིན་བརྩི་བ་ཞིག་ཡོད་པ་ལ། དེའི་ལུགས་ལ་མ་ག་དྷའི་བྱང་ཆུབ་ཆེན་པོའི་སྐུའི་གཟུགས་ཏེ། སློབ་དཔོན་མཐོ་བཙུན་གྲུབ་རྗེ་དང་། བདེ་བྱེད་བདག་པོས་མཛད་པར་བཞེད་ནས། ཙན་དན་གྱི་ལྡེ་གུ་སྤུངས་པ་ན་རང་བྱུང་དུ་བྱུང་བའི་དུས་དེ་ནས་བཟུང་པས་དུས་རྩིས་འཁྲུལ་ཏེ། སྟོན་པ་འདས་ནས་ལོ་འདི་སོང་ཞེས་བརྩིས་པས་དེའི་རྗེས་སུ་འབྲངས་ནས། རྒྱ་བལ་ཁ་ཆེའི་པཎྜི་ཏ་ཕལ་ཆེར་བཞེད་ཀྱང་ཡིད་བརྟན་པར་མི་བྱ་སྟེ། ལྷ་མོ་དྲི་མ་མེད་པའི་མདོ་ལུང་བསྟན་པར། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་ཞེས་པ་བོད་ཡིན་པ་དང་། ཀླུ་སྒྲུབ་ལ་སོགས་པ་ལུང་བསྟན་པའི་ལོ་གྲངས་དང་། རྒྱལ་པོ་ལ་སོགས་པའི་བར་བརྩིས་ན་མི་འཐད་པའི་ཕྱིར་རོ་ཞེས་གསུངས་སོ། །ཁ་ཆེན་པཎ་ཆེན་གྱིས་བཞེད་པའི་ལུགས་དེ་ལ། གནམ་འཕྱང་གི་ལོ་དང་པོ་ས་ཕོ་ཁྱི་ལོ་ཡན་ཅད་ལ་ལོ་སྟོང་དང་དགུ་བརྒྱ་ཙམ་འདས་པར་གསལ་ལོ། །དཔལ་དུས་ཀྱི་འཁོར་ལོ་ལས་བྱུང་པའི་བསྟན་རྩིས་ཀྱི་རྣམ་བཞག གཉིས་པ་དུས་འཁོར་བའི་ལུགས་ཀྱི་བསྟན་རྩིས་ཀྱི་རྣམ་པ་བཞག་ནི། །མཁན་ཆེན་ཕྱོགས་ལས་རྣམ་རྒྱལ་གྱིས་སྒྱུར་བྱེད་ཀྱི་ལོ་ས་མོ་ཕག་ལོ་ཤར་བའི་དུས་ནས་བརྩིས་པས། དེ་བཞིན་གཤེགས་པས་ཐོག་མར་ཆོས་བསྟན་པའི་ལོ་ནས་བཟུང་བའི་བསྟན་པ་ལོ་ནིས་སྟོང་ཉིད་བརྒྱ། ཡང་ཆོས་རྗེ་གཡུང་སྟོན་པའི་བཞེད་པས། དུས་ཀྱི་འཁོར་ལོ་ནས། བཅོམ་ལྡན་འདས་ཐུན་མོང་པའི་འཁོར་གྱི་སྣང་ངོར། མྱ་ངན་ལས་འདས་པའི་ཚུལ་བསྟན་པ་དེའི་ཚེ། ཐུན་མོང་མ་ཡིན་པའི་འཁོར་རྒྱལ་པོ་ཟླ་བ་བཟང་པོ་ལ་སོགས་པ་ལ། དཔལ་ལྡན་འབྲས་སྤུངས་སུ་དུས་ཀྱི་འཁོར་ལོ་ཏིང་ངེ་འཛིན་གྱི་དམ་པ་དང་པོའི་བརྒྱུད་བསྟན་ནས། དེ་ནས་ལོ་དྲུག་བརྒྱ་ནས་རྒྱལ་པོ་གྲགས་ཤིང་བསྡུས་བརྒྱུད་སྡུད་པར་ལུང་བསྟན་ནོ། །དེ་ནས་ལོ་བརྒྱད་བརྒྱ་ནས་མ་ག་དྷར་ཀླ་ཀློ་འབྱུང་བར་ལུག་བསྟན། །དེ་ནས་ལོ་བརྒྱ་དང་བརྒྱད་ཅི་རྩ་གཉིས་ནས། རིགས་ལྡན་རྒྱལ་ཀ་དང་དུས་མཚུངས་སུ། ཉུང་ངུའི་རྩིས་ཀྱི་མགོ་ཟུག་ནས། དེ་ནས་ལོ་ཉིས་བརྒྱ་ཉིས་ཤུ་རྩ་གཅིག་ནས། རབ་བྱུང་གི་ལོ་ལ་མ་ག་དྷའི་ཡུལ་དུ་ཉུང་ངུའི་རྩིས་དར་བར་ལུང་བསྟན། དེ་ནས་ལོ་དྲུག་ཅུ་སྐོར་ལྔ་དང་། དེ་ནས་ཆུ་མོ་ལུག་གི་བར་ལ། ལོ་བཅུ་དྲུག་འདས་པ་འདི་རྣམས་ཀྱི་རྩིས། གཟའ་དང་། ཚེས་དང་། ཉི་སྐར་ལ་སོགས་པ་ཐམས་ཅད་མ་འཕྱུགས་པ་འགྲིག་གི་འདུག་པ་དང་། སྔ་རབས་པ་རྣམས་ཀྱི་བསྟན་རྩིས་ཁ་མི་མཐུན་པ་དུ་མ་སྣང་བ་རྣམས་ལ་བརྟཊ་ཤིང་དཔྱད་ནས། རྒྱུ་མཚན་དང་ལྡན་པ་རྣམས་ལ་རྗེས་སུ་དཔགས་པ་ཡིན་ནོ། །ཞེས་གསུངས་པས། དམ་པ་དང་པོའི་རྒྱུད་གསུངས་ནས། ཆུ་མོ་ལུག་གི་ལོ་ཡན་ཆད་ལ་ཉིས་སྟོང་ཉིས་བརྒྱ་བཅུ་དགུ་སོང་། དེ་ནས་ལྕགས་མོ་གླང་ཡན་ལ་བདུན་ཅུ་དོན་དགུ་སོང་ནས། ཆུ་ཕོ་སྟག་ལོ་ཤར་བ་ཡིན། དེ་རྣམས་དྲིལ་བས་ཉིས་སྟོང་ཉིས་བརྒྱ་དགུ་བཅུ་གོ་བརྒྱད་སོང་། ཡང་ཤཱཀྱའི་དགེ་སློང་སྔགས་འཆང་དང་དཔལ་ལྡན་བཟང་པོས། ས་མོ་བྱའི་ལོ་ལ་མཚལ་གུང་ཐང་གགི་གཙུག་ལག་ཁང་དུ་བརྩིས་པའི་ལུགས་ལ། སྟོན་པ་བརྒྱད་ཅུ་བཞེས་པའི་ཚེ། །མི་གནས་དབྱིངས་སུ་མྱ་ངན་འདས། །བསྟན་པའི་རྩིས་བཏབ་འདི་ནས་གཏོང་། གཞན་ཡང་ལུང་ཆེན་བསྟན་བཅོས་ལས། གཡུལ་བརྟན་འོག་ཏུ་ཉེས་སྟོང་ན། །ཞེས་པ་རྒྱལ་པོ་གཡུལ་བརྟན་གྱི། །མེ་ཡོས་རབ་བྱུང་ལོ་གཅིག་ལ། །ཁྱི་ལ་བཅོས་ནས་ལོ་སྟོང་དང་། དགུ་བརྒྱ་དགུ་བཅུ་རྩ་གཅིག་ན། །སྟོན་པ་སངས་རྒྱས་འཁྲུངས་པར་སྣང་། །དེ་ནས་སུམ་ཅུ་རྩ་དགུ་ནས། །དགའ་བྱེད་འོག་ཏུ་བརྒྱད་བརྒྱ་སྟེ། །ལྟ་སྲུང་སུམ་བརྒྱ་སུམ་ཅུ་གཅིག །རྗེས་མ་བདུན་བརྒྱ་ཉིས་ཤུ་བཞི།བལ་ནས་བརྒྱད་བརྒྱ་བརྒྱད་ཅུ་བཞི། །སྟོན་པ་འཁྲུངས་ནས་ལོ་འདིའི་བར། །ཉིས་སྟོང་བདུན་བརྒྱ་བདུན་ཅུ་བརྒྱད། །ལྷ་མོ་དྲི་མེད་ལུག་བསྟན་ཚེ། །ང་འདས་ལོ་ནི་ཉིས་སྟོང་དང་། །ལྔ་བརྒྱ་འདས་ཚེ་གདོང་དམར་ཡུལ། །ཁ་བ་ཅན་དུ་ཆོས་འབྱུང་ཞེས། གསུང་པའི་ལུང་བསྟན་ལོ་གྲངས་དང་། །ཡར་ཀླུང་འོན་བུ་བླ་ཁང་དུ། །མཐོ་དོ་སྙན་ཞལ་བྱུང་དང་འགྲིག །ལོ་དེ་ས་ཕོ་སྤྲེ་འུ་ཡི། །བལ་ནས་རྒྱལ་པོ་ལོ་ཡི་ལྷག །བརྒྱ་དང་དགུ་བཅུ་གོ་བརྒྱད་ཀྱི། །མེ་ཡོས་རབ་བྱུང་ལོ་དེ་ལ། །འོད་ཟེར་གོ་ཆས་ལོ་བཅོས་ནས། །བསྟན་པ་བརྩིམས་པས་ཉིས་སྟོང་དང་། །བདུན་བརྒྱ་ལོ་འདིས་འདས་པར་བཞེད། །དེ་ནས་ལོ་བཅུ་མེ་མོ་གླང༌། །དབང་ཕྱུག་ལོ་ལ་བོད་ཀྱི་རྗེ། །རྒྱལ་པོ་སྲོང་བཙན་སྒམ་པོ་འཁྲུངས། །དེ་ནས་ཉེར་གཅིག་ས་ཕོ་ཁྱི། གནམ་འཕྱང་ལོ་ལ་ལྷ་ས་བཏབ། །དེ་ནས་ཉེར་གཅིག་ས་ཕོ་ཁྱི། གནམ་འཕྱང་ལོ་ལ་ལྷ་ས་བཏབ། །དེ་ནས་ལོ་བརྒྱ་ལྔ་བཅུ་བཞི། །ལྕགས་རྟ་བག་ཡོད་ལོ་དེ་ལ། །ཁྲི་སྲོང་ལྡེ་བཙན་རྒྱལ་པོ་འཁྲུངས། །དེ་ནས་ཉིས་ཤུ་ལྕགས་ཕོ་སྟག །རྣམ་འགྱུར་ལོ་ལ་བསམ་ཡས་བཏབ། །དེ་ནས་ཉིས་ཤུ་ལྕགས་མོ་ཕག །འགལ་བྱེད་ལོ་ལ་ཁྲི་རལ་གྱིས། །འུ་ཤར་རྡོ་ཡི་ལྷ་ཁང་བརྩིགས། །དེ་ནས་ལོ་བཅུ་ལྕགས་ཕོ་སྤྲེལ། །དྲག་པོའི་ལོ་ལ་གླང་དར་མ། །རྒྱལ་སར་བྱུང་ནས་ལོ་གཉིས་ནས། །སྔ་དར་བསྟན་པའི་གཞུག་བསྡུས་ཤིང་། །རྒྱལ་ས་ལོ་ལྔ་ཤིང་མོ་གླང་། །ཁྲོ་བོའི་ལོ་ལ་རྒྱལ་པོ་བསྒྲལ། །སྟོན་པ་འདས་ནས་ལོ་འདིའི་བར། །ཉིས་སྟོང་དགུ་བརྒྱ་གོ་བདུན་འདས། །དེ་ནས་ལ་བརྒྱ་བཅུ་གསུམ་ནས། དབུས་གཙང་མི་དྲུག་ཡར་ལ་འཁོར། །དེ་ནས་ཉེར་གསུམ་ལྕགས་སྤྲུལ་ལ། །རིན་ཅེན་བཟང་པོས་མངའ་རིས་སླེབས། །དེ་ནས་སོ་གཅིག་བྱི་བའི་ལོ། །དཔལ་ལྡན་ས་སྐྱའི་དགོན་པ་བཏབ། །དེ་ནས་ཅུ་གཉིས་ཆུ་ཕག་ལ། ཨ་ཏི་ཤ་ཡིས་བསམ་ཡས་ཕེབས། །དེ་ནས་ལོ་བརྒྱ་དྲུག་ཅུ་བཞི། །མེ་མོ་ལུག་ལ་གུང་ཐང་བཞེངས། །དེ་ནས་ལོ་བརྒྱ་བཞི་བཅུ་ཡི། །མེ་ཡོས་རབ་བྱུང་ལོ་དེ་ལ། །མཁས་བཙུན་ཆེན་པོ་དབུས་སུ་བྱོན། །དེ་ནས་ད་བར་བཞི་བཅུ་གཅིག །ས་བྱ་ཞི་བའི་ལོ་འདི་འདས། །བསྟན་པ་ལྔ་སྟོང་ལོར་གནས་པའི། །སུམ་སྟོང་ལྔ་བརྒྱ་ཉིས་ཤུ་འདས། །དགུ་བརྒྱ་བརྒྱད་ཅུ་ཐམ་པ་ལུས། །རྟགས་ཙམ་འཛིན་པ་དེ་ནས་འཆར། །འབྲས་བུ་སྒྲུབ་པ་ལུང་གསུམ་གྱི། །ད་ལྟ་ལུང་གི་དུས་ཡིན་ནོ། །དེ་སྣོད་གསུམ་གྱི་མངོན་པར་འདས། །མདོ་སྡེའི་སྟོང་ནས་ཉིས་ཤུ་འདས། །འབྲས་བུའི་དུས་ན་སྐྱེ་བོ་རྣམས། །ཚེ་ལོ་བརྒྱ་པ་ཡིན་པ་ལ། །ལོ་བརྒྱ་སོང་ཚེ་དབུ་མའི་ཆ། །ལོ་གསུམ་ཕྱོགས་གསུམ་འབྱུང་བ་ལ། །ཕྱི་ནང་གཞན་གསུམ་གྱིས་བགོས་པས། །ནང་གི་སྐྱེ་བོའི་ཚེ་ཚད་ལ། །ལོ་བརྒྱ་སོང་ཚེ་ལོ་རེ་དང་། །ཕྱོགས་རེ་ཚེ་ཡི་ཚད་ལ་བྲི། །དེ་ནས་དེང་སང་སྐྱེ་བོ་ཡི། །ཚེ་ཚད་དྲུག་ཅུ་རྩ་གཅིག་དང་། །ཞག་སྔ་དབྱུ་གུར་བཅས་པ་ཡོད།
སྤྱི་དོན་དྲུག་པ། བསྟན་པ་ནུབ་པའི་ཚུལ་བསྟན་པ།
སྤྱི་དོན་དྲུག་པ་བསྟན་པ་ནུབ་ཚུལ་ལ་གཉིས་ཏེ། མདོའི་བསྟན་པ་ནུབ་པའི་ཚུལ་དང་། སྔགས་ཀྱི་བསྟན་པ་ནུབ་ཚུལ་ལོ། །མདོའི་བསྟན་པ་ནུབ་ཚུལ། །དང་པོ་ལ་གཉིས་ཏེ། སྤྱིར་བསྟན་དང་། བྱེ་བྲག་ཏུ་བཤད་པའོ། །དང་པོ། མདོའི་བསྟན་པ་ནུབ་ཚུལ་སྤྱིར་བསྟན་པ། སྤྱིར་བསྟན་པ་ནི་འཕགས་པ་བྱམས་པ་འབྱོན་པར་ལུང་བསྟན་པའ་མདོ་ལས། ཤཱ་རིའི་བུ་ང་ཡོངས་སུ་མྱ་ངན་ལས་འདས་ནས་ལོ་སྟོང་ཕྲག་ལྔའི་བར་ལ་རྣམ་པར་ལྔ་པོ་འདི་དག་རིམ་གྱིས་ནུབ་པར་འགྱུར་ཏེ། ལྔ་གང་ཞེ་ན། དང་པོ་འབྲས་བུ་ཐོབ་པ་རྣམ་ནུབ་པར་འགྱུར་བད་ག། དེ་ནས་སྒྲུབ་པ་ལ་གནས་པ་རྣམས་ནུབ་པར་འགྱུར་བ་དང་། དེ་ནས་ལུག་གི་ཆོས་རྣམས་ནུབ་པར་འགྱུར་བ་དང་། དེ་ནས་ངུར་སྨྲིག་གི་རྟགས་རྣམས་ནུབ་པར་འགྱུར་བ་དང་། དེ་ནས་ཐུབ་པའི་རིང་བསྲེལ་རྣམས་ནུབ་བར་འགྱུར་བ་ཡིན་ནོ། །དེ་ལ་ཐུབ་པའི་དབང་པོ་ང་ཉིད་མྱ་ངན་ལས་འདས་ནས། ལོ་སྟོང་ཕྲག་གཅིག་གི་ནང་དུ་འབྲས་བུ་རྣམས་ཐོབ་པར་ནུས་པ་ཡིན་ཏེ། དེ་ལས་རིམ་གྱི་རིམ་གྱིས་དུས་སོང་ནས། ཕྱིར་མི་འོང་བ་དང་། ཕྱིར་འོང་བ་དང་། རྒྱུན་དུ་ཞུགས་པ་རྣམས་ཐོབ་པ་ཡོད་ཀྱི་བར་ནི། འབྲས་བུ་ཐོབ་པ་རྣམས་ནུབ་པར་ཡང་མེད་པ་ཡིན་ལ། ནམ་རྒྱུན་དུ་ཞུགས་པ་ལ་གནས་པ་གཅིག་ཙམ་ཡག་མེད་པར་གྱུར་པ་ན། འབྲས་བུ་ལ་གནས་པ་ནུབ་པར་གྱུར་པ་ཡིན་ནོ། །འདི་ནི་འབྲས་བུ་ལ་གནས་པ་ནུབ་པར་འགྱུར་བའི་ཚུལ་ལོ། །སྒྲུབ་པ་ལ་གནས་པ་ནུབ་པར་འགྱུར་བ་གང་ཞེ་ན། བརྩོན་འགྲུས་ཀྱིས་མཐོང་ལམ་གྱི་འབྲས་བུ་ནི་སྒྲུབ་མི་ནུས་ཀྱི། ཚུལ་ཁྲིམས་ཀྱི་རྩ་བ་བཞི་པོ་སོ་སོར་དག་པར་བསྲུང་བ་ཙམ་ཉམས་སུ་ལེན་ཏེ། ཚུལ་འདིས་རིམ་གྱི་གྱིས་དུས་སོང་ནས་ཚུལ་ཁྲིམས་ཀྱི་རྩ་བ་བཞི་ཙམ་བསྲུང་བའི་དགེ་སློང་སྟོང་ཕྲག་གཅིག་གམ་བརྒྱ་ཕྲག་གཅིག་ཙམ་ཡོད་ཀྱི་བར་ནི། སྒྲུབ་པ་ལ་གནས་པ་ནུབ་པར་མ་གྱུར་པ་ཡིན་ལ། ནམ་དགེ་སློང་གཅིག་ཙམ་ལུས་པ་མེད་པ་ཡང་སྡོམ་པ་གཏང་བ་འམ། །ཚེའི་དུས་བྱས་པར་གྱུར་པ་ན། སྒྲུབ་པ་ལ་གནས་པ་ནུབ་པར་གྱུར་པ་ཡིན་ནོ། །འདི་ནི་སྒྲུབ་པ་ལ་གནས་པ་ནུབ་པར་འགྱུར་བའི་ཚུལ་ལོ། །ལུག་གི་ཆོས་ནུབ་པར་འགྱུར་བ་གང་ཞེ་ན། སངས་རྒྱས་ཀྱིས་གསུངས་པའི་སྡེ་སྣོད་གསུམ་དང་། དེའི་འགྲེལ་པ་དང་། ལུང་ཡོད་ཀྱི་བར་ནི་ལུང་གི་ཆོས་རྣམས་ཡོད་པ་ཡིན་ལ། ནམ་རྒྱལ་པོ་རྣམས་ཀྱང་ཆོས་ལ་མི་དད། བློན་པོ་རྣམས་ཀྱང་ཆོས་ལ་དད་དེ། ཡུལ་འཁོར་དང༌། ལྗོངས་དང་། ཡུལ་གྱི་མི་རྣམས་ཀྱང་། དེའི་རཇེས་སུ་འབྲངས་ནས་ཆོས་ལ་དད་པ་མེད་པར་འགྱུར་ཏེ། ལྷ་ཡང་ཆར་ལེགས་པར་མི་འབེབས་ཤིང་། འབྲུ་རྣམས་ཀྱང་ལེགས་པར་མི་སྨིན་ནོ། །དེའི་ཚེ་སྦྱིན་པ་པོ་རྣམས་ཀྱང་དགེ་སློང་གི་དགེ་འདུན་རྣམས་ལ་སྦྱིན་པ་བྱེད་མི་ནུས་ལ། ནམ་རྒྱལ་པོ་རྣམས་ཀྱང་ཆོས་ལ་མི་དད། བློན་པོ་རྣམས་ཀྱང་ཆོས་ལ་མི་དད་དེ། ཡུལ་འཁོར་དང།ལྗོངས་དང་། ཡུལ་གྱི་མི་རྣམས་ཀྱང་། དེའི་རྗེས་སུ་འབྲངས་ནས་ཆོས་ལ་དད་པ་མེད་པར་འགྱུར་ཏེ། ལྷ་ཡང་ཆར་ལེགས་པར་མི་འབེབས་ཤིང་། འབྲུ་རྣམས་ཀྱང་ལེགས་པར་མི་སྨིན་ནོ། །དེའི་ཚེ་སྦྱིན་པ་པོ་རྣམས་ཀྱང་དགེ་སློང་གི་དགེ་འདུན་རྣམས་ལ་སྦྱིན་པ་བྱེད་མི་ནུས་ལ། དགེ་སློང་རྣམས་ཀྱང་སྦྱིན་པ་བྱེད་པ་མེད་པས། ཉེ་བར་འཁོད་པ་རྣམས་དང་། སློབ་མ་རྣམས་འཛིན་པར་མི་ནུས་སོ། །དེའི་དབང་གིས་རིམ་གྱི་རིམ་གྱི་ལུང་གི་ཆོས་རྣམས་ཉུང་ངུར་འགྱུར་བ་ཡིན་ཏེ། དེ་ལས་ཐོགས་མར་རབ་ཏུ་བྱེད་པ་ཆེན་པོ་ཞེས་བྱ་བའི་ཆོས་ནུབ་པར་འགྱུར་རོ། །དེ་ནུབ་པར་གྱུར་ནས། རིམ་གྱིས་ཡ་མ་ཀམ་དང་། ཚིགས་སུ་བཅད་པ་བཞི་པ་དང་། ཕུད་ག་ལ་དང་། གཙུག་ལག་ཁང་དང་། ཁམས་ཀྱི་ཚོགས་པ་དང་། རྣམ་པར་འབྱེད་པ་དང་། ཆོས་ཡང་དག་པར་སྡུད་པ་སྟེ། མངོན་པའི་སྡེ་སྣོད་རྣམས་རིམ་གྱིས་ནུབ་པར་འགྱུར་རོ། །དེ་ནས་འདོའི་སྡེ་སྣོད་རྣམས་ནུབ་པར་འགྱུར་ཏེ། ཐོག་མར་ཨམ་གོ་ཏཱ་ར་ནི་ཀ་ཡམ་ཞེས་བྱ་བ་ནུབ་པར་འགྱུར་རོ། །ཨམ་གོ་ཧཱ་ར་ནི་ཀ་ཡམ་ནུབ་པར་གྱུར་ནས། ཡང་དག་པར་ལྡན་པའི་ལུང་དང་། ལུང་བར་མ་དང་། ལུང་རིང་པོ་རྣམས་ནུབ་པར་འགྱུར་རོ། །ལུང་རིང་པོ་རྣམས་ནུབ་ནས། ལུང་རིང་པོ་རྣམས་ནུབ་པར་འགྱུར་རོ། །ལུང་རིང་པོ་རྣམས་ནུབ་ནས། མདོ་སྡེ་སྐྱེས་རབས་བརྒྱ་ལྔ་བཅུ་པ་དང་། འདུལ་བའི་སྡེ་སྣོད་ངོ་ཚ་ཤེས་པ་རྣམས་ཀྱིས་འཛིན་པར་བྱེད་དོ། །དེ་ནས་རིམ་གྱིས་སྐྱེས་པའི་རབས་རྣམས་ཀྱང་འཛིན་པར་མི་ནུས་ཏེ། ཐོག་མར་ཐམས་ཅད་སྒྲོལ་བའི་སྐྱེས་པའི་རབས་ནུབ་པར་འགྱུར་རོ། །ཐ་མར་ཨ་པརྞ་ཀའི་སྐྱེས་པའི་རབས་ནུབ་པར་འགྱུར་རོ། །སྐྱེས་པའི་རབས་ཐམས་ཅད་རིམ་གྱིས་ནུབ་པར་གྱུར་ནས། འདུལ་བའི་སྡེ་སྣོད་འཛིན་པར་བྱེད་དོ། །དེ་ནས་ཇི་སྲིད་རྐང་པ་བཞི་པའི་ཚིགས་སུ་བཅད་པ་གཅིག་འཆད་པའི་མི་ཡོད་ཀྱི་བར་ནི། ལུང་གི་ཆོས་ནུབ་པར་མ་གྱུར་པ་ཡིན་ལ། དེའི་ཚེ་དད་པ་ཆེན་པོ་དང་ལྡན་པའི་རྒྱལ་པོ་ཞིག་འབྱུང་སྟེ། དེས་གླང་པོ་ཆེའི་རྒྱབ་ཏུ་ཟ་མ་ཏོག་གི་ནང་དུ་ནོར་སྟོང་ཕྲག་གཅིག་བཅུག་སྟེ། སངས་རྒྱས་ཀྱི་གསུངས་པའི་ཚིགས་སུ་བཅད་པ་གཅིག་ཤེས་པ་ཡོད་ན། ནོར་སྟོང་ཕྲག་གཅིག་པོ་འདི་ཁྱེར་ཅིག་ཟེར་ཞིང་། རྔ་བརྡུངས་ནས་གྲོང་ཁྱེར་ལ་སྐོར་བ་ལན་གསུམ་བྱེད་དོ། །དེ་ལེན་པའི་མི་མེད་པར་གྱུར་ནས། ནོར་སྟོང་ཕྲག་གཅིག་པོ་ཡང་རྒྱལ་པོའི་ཕོ་བྲང་དུ་འཛུད་པར་འགྱུར་བ་འབྱུང་སྟེ། འདི་ནི་ལུང་ནུབ་པར་འགྱུར་བའི་ཚུལ་ཡིན་ནོ། །དེ་ནས་ངུར་སྨྲིག་གི་རྟགས་ནུབ་པར་འགྱུར་བ་གང་ཞེ་ན། རིམ་གྱི་རིམ་གྱིས་ཆོས་གོས་གྱོན་པ་དང་། ལྷུང་བཟེར་ཁུར་བ་རྣམས། མུ་སྟེགས་གཅེར་བུ་པའིད་གེ་སྦྱོང་དུ་གྱུར་ཏེ། རྫ་ཕོར་གྱི་ལྷུང་བཟེད་དང་། ཀུ་སའི་ལྷུང་བཟེད་ལག་ཏུ་འཕྱང་འཕྱང་པོར་ཁྱེར་ཏེ། ལག་པས་བཏེགས་བཏེགས་པོར་འཛིན་པ་དང་། དྲྭ་བར་བཏུམས་ནས་རྒྱུ་བར་བྱེད་དོ། །དེ་ནས་རིམ་གྱི་རིམ་གྱིས་དུས་སོང་ནས། འདི་སྐད་དུ་གོས་སེར་པོ་འདིས་ནི། བདག་ཅག་ལ་དོན་མེད་ཀྱི། དེ་བས་ན་གོས་སེར་པོའི་དུམ་བུ་གཅིག་ལག་ཏུ་ཁྱེར་གཅིག་ཅེས་ཟེར་ཞིང་། འཁྱེར་བ་དང་རྐེ་ལ་འདོགས་པ་དང་། རྣ་རྒྱུན་དུ་བྱེད་པ་དང་། སྐྲ་ལ་འདོགས་པ་འབྱུང་ངོ༌། །དེ་ནས་བག་མ་ལེན་པ་དང་། ཞིང་རྨོ་བ་དང་། ཉོ་བཙོང་བྱེད་ཅིང་། རང་གི་འཚོ་བ་ཆེད་ཆེར་བྱེད་པར་འགྱུར་རོ། །དེའི་དུས་ན་སྦྱིན་པའི་བདག་པོ་རྣམས་ཀྱིས། དགེ་འདུན་གྱི་མིང་ཡིད་ལ་བྱ་སྟེ། དེ་དག་ལ་སྦྱིན་པ་གཏང་ན། ཤཱ་རིའི་བུ་དེའི་དསུ་ན་དགེ་འདུན་གྱི་མིང་ལ་ཕུལ་བའི་བསོད་ནསམ་གྲངས་མེད་པར་ང་ཉིད་འཆད་དོ། །དེ་ནས་ཀྱང་རིམ་གྱིས་དུ་སོང་ནས། འདིས་བདག་ཅག་ལ་དོན་ཅི་ཞིག་ཡོད་ཟེར་ཏེ། གོས་སེར་པོའི་དུམ་བུ་ཡང་བཅད་ནས་ཐང་ལ་བསྐྱུར་བར་བྱེད་དོ། །ཚུལ་འདིས་རྟགས་དང་ཆ་ལུགས་ནུབ་པར་གྱུར་པ་སྟེ། འདི་ནི་རྟགས་དང་ཆ་ལུགས་ནུབ་པར་འགྱུར་བའི་ཚུལ་ཡིན་ནོ། །དེའི་རྗེས་ལ་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་འདི་ལོ་སྟོང་ཕྲག་ལྔ་པ་ལ། དད་པས་མཆོད་པ་དང་བཀུར་སྟི་དང་། མཆོད་པ་བྱེད་པའི་གནས་སུ་འབྱོན་པར་འགྱུར་རོ། །དེ་ནས་རིམ་གྱི་རིམ་གྱི་དུས་སོང་ནས། འཇིག་རྟེན་ཐམས་ཅད་དུ་དད་པས་བཀུར་སྟི་དང་། མཆོད་པ་བྱེད་པ་མེད་པར་འགྱུར་རོ། །དེ་ལྟར་བསྟན་པ་རྫོགས་པའི་དུས་ན། ཀླུའི་ཡུལ་ན་བཞུགས་པ་དང་། །དེ་ལྟར་བསྟན་པ་རྫོགས་པའི་དུས་ན། ཀླུའི་ཡུལ་ན་བཞུགས་པ་དང་། ལྷའི་ཡུལ་ན་བཞུག་པ་དང་། ཚངས་པའི་འཇིག་རྟེན་ན་བཞུགས་པའི་རིང་བསྲེལ་དེ་ཐམས་ཅད་བྱང་ཆུབ་ཆེན་པོའི་གནས་སུ་འབྱོན་ཞིང་། སངས་རྒྱས་ཀྱིས་བཀུར་སྟི་མཛད་ནས། ཆོ་འཕྲུལ་གསུམ་གྱིས་རྫུ་འཕྲུལ་ཀུན་ལ་སྣང་བར་མཛད་དེ། གནས་དེར་མིའི་སེམས་ཅན་གྱི་མིང་ཡང་མེད་ལ། འཇིག་རྟེན་པའི་འཁོར་ལ་སྟོང་ཕྲག་བཅུའི་ལྷ་ཁྲི་ཕྲག་མང་པོ་འོང་ནས། འདི་སྐད་ཅེས། དེ་རིང་སྟོབས་བཅུ་མངའ་བའི་བསྟན་པ་འོང་ནས། འདི་སྐད་ཅེས། དེ་རིང་སྟོབས་བཅུ་མངའ་བའི་བསྟན་པ་ནུབ་པར་འགྱུར་རོ། །ད་ནི་འཇིག་རྟེན་ཐམས་ཅད་མུན་པར་འགྱུར་རོ། །ད་ནི་འཇིག་རྟེན་ཐམས་ཅད་མུན་པར་འགྱུར་རོ་ཞེས་སྒྲ་ཆེན་པོས་དུ་བར་འགྱུར་རོ། །རིང་བསྲེལ་གྱི་སྐུ་དེའི་ཐ་ཐམས་ཅད་ནས་མེ་ཆེན་པོ་འབྱུང་སྟེ། བསྲེགས་ཤིང་ལྷག་པ་མེད་པར་འགྱུར་རོ། །འདི་ནི་རིང་བསྲེལ་ནུབ་པར་འགྱུར་བའི་ཚུལ་ཡིན་ནོ། །དེ་ལྟར་ལོ་སྟོང་ཕྲག་ལྔས་བསྟན་པ་འདི་ནུབ་པར་གྱུར་ནས། འཇིག་རྟེན་ཐམས་ཅད་མི་དགེ་བ་སྤྱོད་པ་ཤས་ཆེ་བར་འགྱུར་ལ། མི་རྣམས་ཀྱང་ངོ་ཚ་དང་ཁྲེལ་མེད་པར་འགྱུར་ཏེ། མ་དང་། སྲིང་མོ་དང་། བུ་མོ་ཡིན་པའི་སེམས་མི་བྱེད་པར། ཕག་དང་ཝ་དང་འདྲ་བར་ངོ་ཚེ་མེད་པར་འགྱུ་རོ། །ཚུལ་འདིས་སྡིག་པ་ཤས་ཆེ་བར་འགྱུར་ཏེ། ཚེ་ཐུང་པར་འགྱུར་ཞིང་ཚེ་ལོ་བཅུ་པར་འགྱུར་རོ། །དེའི་ཚེ་ལོ་ལྔ་པའི་སྐྱེས་པ་དང་། བུད་མདེ་ཁྱིམ་ཐབ་བྱེད་ཅིང་། ཡང་ལོ་ལྔའི་ནང་དུ་བུ་དང་། བུ་མོ་དང་། ཚ་བོ་རྣམས་འབྱུང་བ་ཡིན་ནོ། །དེའི་ཚེ་བར་གྱི་བསྐལ་པ་གསུམ་འབྱུང་སྟེ། མུ་གེ་ནད་མཚོན་གསུམ་མོ། །ཞེས་གསུངས་སོ། །གཉིས་པ། མདོའི་བསྟན་པ་ནུབ་ཚུལ་བྱེ་བྲག་ཏུ་བཤད་པ། གཉིས་པ་བྱེ་བྲག་ཏུ་བཤད་པ་ནི། ཟླ་བ་སྙིང་པོས་ཞུས་པའི་མདོ་ལས། བཅོམ་ལྡན་འདས་དམ་པའི་ཆོས་འདི་ཐ་མར་ཇི་ལྟར་ནུབ་པར་འགྱུར། རྒྱུ་ཅི་ལས་ཉམས། སུས་མ་མཆིས་པར་བགྱིད་ཅེས་ཞུས་པ་ན། ང་འདས་པའི་འོག་ཏུ་ལོ་ལྔ་བརྒྱའི་བར་དུ་ངའི་བསྟན་པ་སྤྱོད་པའི་སེམས་ཅན་རྣམ་པར་གྲོལ་བ་མང་དུ་འབྱུང་། དེ་ནས་ལོ་ལྔ་བརྒྱའི་བར་དུ་ཏིང་ངེ་འཛིན་སྤྱོད་པ་མང་དུ་འབྱུང་། རྒྱལ་པོ་དང་སེམས་ཅན་ཕལ་ཆེར་ཆོས་ལ་དད་ཅིང་སྤྱོད་པ་ནི་ཆེས་ཉུང་བར་འགྱུར་རོ། །དེ་ནས་ལོ་ལྔ་བརྒྱའི་བར་དུ་དམ་པའི་ཆོས་སྟོན་ཅིང་། སེམས་ཅན་འདྲེན་པ་དང་། ཐར་པ་བྱེད་པའི་སློབ་དཔོན་མང་དུ་འབྱུང་ཞིང་། ཉན་ཐོས་ཀྱི་དགྲ་བཅོམ་པ་ཉིད་ནི་ཉུང་བར་འགྱུར་རོ། །རྒྱལ་པོ་དང་སེམས་ཅན་ཕལ་ཆེར་ཡང་ཉན་པ་ཙམ་དུ་ཟད་ཀྱི། ཉམས་སུ་ལེན་ཅིང་སྤྱོད་པའམ་བརྩོན་འགྲུས་མི་བྱེད་ལ། དད་པ་འབྲི་བར་འགྱུར་རོ། །དམ་པའི་ཆོས་ཀྱི་སྲུང་མ་རྣམས་ཀྱང་མི་དགའ་བར་འགྱུར་ཏེ། དམ་པའི་ཆོས་ལ་མ་དད་པ་རྣམ་ས་ནི། མངོན་པར་མཐུ་སྟོབས་སྐྱེའོ། །འཛམ་བུའི་གླིང་གི་རྒྱལ་པོ་རྣམས་ཀྱང་། ཕན་ཚུན་གཅིག་ལ་གཅིག་དམག་འདྲེན་ཅིང་འཁྲུག་པར་འགྱུར་རོ། །དེ་ནས་ལོ་ལྔ་བརྒྱའམ་སུམ་བརྒྱར་ནི། དམ་པའི་ཆོས་སྤྱོད་པའི་ལྷ་ཀླུ་ལ་སོགས་པ་མི་གནས་ཤིང་སེམས་ཅན་རྣམས་ཆོས་ལ་མ་དད་པར་འགྱུར་རོ། །ཆོས་སྐྱོད་པ་རྣམས་ཀྱང་ཆོས་ཀྱི་གཞུང་བཞིན་མི་སྤྱོད་པ་དང་། བརྩོན་འགྲུས་ཆུང་བས་འགྲུབ་པའང་ཉུང་བར་འགྱུར་རོ། །ཁ་དོག་བཞི་ལས་གྱུར་པའང་དྲི་རོ་ལ་སོགས་པ་ཆུང་བར་འགྱུར་རོ། །མི་ནད་དང་། ཕྱུགས་ནད་དང་། མུ་གེའང་འབྱུང་ངོ༌། །ལོ་ཉིས་བརྒྱ་ལ་དགེ་སློང་ཡང་ཆོས་བཞིན་མི་སྤྱོད། འཇིག་རྟེན་གྱི་ཁེ་དང་གྲགས་པ་འཚོལ། སྙིང་རྗེ་ཚུལ་ཁྲིམས་ལ་མི་གནས། དམ་པའི་ཆོས་མ་ནོར་བར་སྤྱོད་པ་ལ་ནི་སྐུར་བ་འདེབས། ལོངས་སྤྱོད་དང་ཡོ་བྱད་འཕྲོག་འཇིག་རྟེན་གྱི་རྒྱལ་པོའི་གསང་ལ་བརྟེན་ཅིང་རྒྱལ་སྲིད་འཛིན། རྒྱལ་པོའི་འཕྲིན་པར་འགྲོ་ཞིང་ངོ་འཕྲད་འཚོལ། རྒྱལ་པོ་དང་འབངས་འབྱེད་པའི་དབྱེན་བྱེད། ཉོ་ཚོང་དང་ཁེ་སྤོགས་བྱེད་ཐམས་ཚོལ། དམ་པའི་ཆོས་སྤྱོད་པའང་སྙིང་ནས་ཉམས་སུ་མི་ལེན་ཏེ། མི་ཆོས་ཀྱིས་ཕལ་ཆེར་ཁ་གསག་དང་ཚུལ་ཆོས་བྱེད་དོ། །དེའི་དུས་ན་ཆོས་ལ་དགའ་བའི་ལྷ་ཀླུ་ཐམས་ཅད་ཀྱིས་ཁམས་ཀྱི་དགེ་སློང་འདི་ལྟར་སྤྱོད་པའི་གཞི་འདི་བོར་ཏེ་མི་གནས་ཤིང་། བདུད་ཀྱི་རིགས་ལ་སོགས་པ་ཅོས་ཀྱི་གེགས་རྣམས་དེར་འབྱུང་སྟེ་མཐུ་དང་སྟོབས་སྐྱེ་བར་འགྱུར། རྒྱལ་པོ་དང་། བློན་པོ་ལ་སོགས་པ་དད་པ་འབྲི། དགེ་སྡིག་གི་མཚམས་མི་ཟིན། དམ་པའི་ཆོས་ལ་དམའ་འབྱིན། དཀོན་མཆོག་གསུམ་གྱི་དཀོར་དང་། དགེ་འདུན་གྱི་རྫས་ལ་རྐུ་འཕྲོག་བྱེད། སྡིག་པ་ལ་མི་འཛེམ། གཟུགས་བརྙན་དང་ཆོས་རྟེན་རྣམས་ཐམས་ཅད་ཁད་ཀྱིས་བཤིག་མཆོད་པའི་ཡོ་བྱད་འབྲི། དམ་པའི་ཆོས་མ་ནོར་བར་སྤྱོད་པའི་དགེ་སློང་དང་། ཁྱི་པ་འགའ་གནས་པའི་བསོད་ནམས་ཀྱིས་ཡུལ་ཕྱོགས་སུ་ཁ་ཆར་དུས་སུ་འབབ་ཅིང་ལོ་ལེགས་པ་དང་། མི་ནད་ཕྱུགས་ནད་ཉུང་ཞིང་། ཡུལ་བདེ་བ་དག་ཀྱང་འབྱུང་ལ། དེ་ལྟ་བུ་མི་གནས་པ་ཕལ་ཆེར་ནེ། སྡུག་བསྔལ་དང་མི་བདེ་བ་སྣ་ཚོགས་འབྱུང་ངོ་། །བ་ལ་ཝ་དང་། ཤི་ཀུ་ཎ་ཞེས་བྱ་བ་གསུམ་འབྱུང་ཞིང་། དེ་དག་དམ་པའི་ཆོས་ཆོས་བཞིན་མི་སྤྱོད་པར་དམག་འདྲེན་ཅིང་འཐབ་རྩོད་བྱེད་པས་ནུབ་དང་བྱང་ཛང་གཉིས་ཀྱི་ཡུལ་ཁམས་མང་པོ་མེད་པར་བྱས། ཡུལ་ཁམས་དེའི་མཆོད་སྟེན་དང་གཙུག་ལག་ཁང་བཤིག་མེས་བསྲེགས། མཆོད་པའི་ཡོ་བྱད་དཀོན་མཆོག་གི་དཀོར་ལ་སོགས་པ་འཕྲོག་བཅོམ་སྟེ། རྒྱལ་པོ་དེ་གསུམ་གཅིག་གིས་གཅིག་ལ་གནོད་པ་བྱེད་པས། གསུམ་ཆར་གྱི་རྒྱལ་སྲིད་མི་བདེ་བར་གྱུར་ནས།རེ་ཞིག་དེ་དག་མཛའ་འདུམས་ཏེ། སྲིད་གཅིག་ཏུ་བྱས་ཏེ་དམག་མང་པོ་བསྡུས་ནས། རྒྱ་གར་གྱི་ཡུལ་གདྒའི་ཚུར་རོལ་གྷདྡྷ་ར་དང་། མ་ཧཱ་དེ་བ་ལ་སོགས་པ་འཕྲོགས་ནས་འཛིན་པར་འགྱུར་རོ། །དེའི་ཚེ་གདྒའི་ཕ་རོལ་ལྷོ་ཕྱོགས་ན། ཀོའུ་ཤམ་བྷིའི་ཡུལ་ན་རྒྱལ་པོ་མ་ཧེནྟྲ་སེ་ན་ཞེས་བྱ་བ་ལ་བུ་ཞིག་བཙས་པའི་མིང་དུ། པྲ་ས་ཧ་ཞེས་བྱ་བ་སྨིན་མཚམས་ན་ལྕགས་ཀྱི་རྨེ་བ་ཡོད་པ། ལག་པའི་གྲུ་མོ་མན་ཆད་ཁྲག་གིས་བསྐུས་པ་ཞིག་འབྱུང་ངོ་། །དེ་དང་དུས་མཉམ་དུ་བློན་པོ་ལྔ་བརྒྱ་ལ། བུ་ལག་པའི་འཁྲིག་མ་མན་ཆད་ཁྲག་ཅན་དུ་བྱས་པ་ལྔ་བརྒྱ་བཙའོ། །དེ་དག་དང་དུས་མཉམ་དུ་རྒྱལ་པོ་དེ་ལ་རྟེའུ་སྨྲ་ཤེས་པ་ཞིག་ཀྱང་འབྱུང་སྟེ། ནུབ་མོ་ནམ་མཁའ་ལས་ཁྲག་གི་ཆར་པ་འབབ་བོ། །རྒྱལ་པོས་དྲང་སྲོང་མངོན་པར་ཤེས་པ་ཅན་ཞིག་ལ་དེ་དག་གི་མཚན་ལྟས་དྲིས་པས། དྲངས་སྲོང་གིས། རྒྱལ་པོ་ཁྱོད་ཀྱི་བུས་འཛམ་བུའི་གླིང་གི་རྒྱལ་པོ་བྱེད་པར་འགྱུར་རོ། །ཞེས་ལུང་སྟོན་ནོ། །དེ་ནས་རྒྱལ་བུ་བཙས་ནས་ལོ་བཅུ་གཉིས་ལོན་པ་དང་། སྔར་གྱི་རྒྱལ་པོ་ཡ་བ་ལ་སོགས་གསུམ་འདུས་པའི་དམག་དཔུང་འབུམ་ཕྲག་རྒྱལ་པོ་དང་བཅས་ཏེ། རྒྱལ་པོ་མ་ཧེནྟྲ་ས་ནའི་ཡུལ་དུ་དམག་དྲང་པ་དང་། དམག་བྱུང་བས་རྒྱལ་པོ་མི་དགའ་སྟེ། མྱ་ངན་བྱེད་ཅིང་འདུག་པ་ལ། བུ་པྲ་ས་ཧས། འདི་ལྟ་བུའི་ཡབ་ལ་ཐུགས་མི་དགྱེས་པ་ཅི་ལས་གྱུར་ཞེས་དྲིས་པ་དང་། ཡབ་ན་རེ། རྒྱལ་པོ་གསུམ་གྱི་དམག་བྱུང་བས་མི་དཔའོ་ཞེས་སྨྲས་པ་དང་། བུས། ཡབ་མི་དགྱེས་སུ་མ་མཛད་ཅིག་དམག་འདི་དག་བདག་གིས་ཐུབ་པར་བགྱིའོ་ཞེས་སྨྲས་དང་། ཕ་ན་རེ། དེ་ལྟར་ལེགས་སོ་ཞེས་ཟེར་ནས། དེ་ནས་རྒྱལ་བུ་དེས་བློན་པོའི་བུ་ཡ་མཚན་ཅན་ལྔ་བརྒྱ་ལ་སོགས་པ་དམག་ཉིས་འབུམ་ཆས་ནས་འཐབ་མོ་བྱས་པའི་ཚེ། སྨིན་མཚམས་ནས་ལྕགས་ཀྱི་རྨེ་བ་བསྐྱེད་ནས་ལུས་རིལ་ལྕགས་སུ་བྱས་ཏེ་རབ་ཏུ་ཁྲོས་ནས་རྒོལ་བ་དང་། པྲ་ས་ཧས་དམག་རྒྱལ་ཏེ་ཕྱིར་ལོག་པ་དང་། ཕ་ན་རེ། བུ་ཁྱོད་ཀྱིས་རྒྱལ་པོ་གསུམ་གྱི་དམག་དཔུང་འདི་ལྟ་བུ་དང་འཐབ་པ་ལས་རྒྱལ་བ་ལེགས་སོ། །ད་ཕྱིན་ཆད་ཁྱོད་ཀྱིས་རྒྱལ་པོ་གྱིས་ཤིག་ང་ནི་འབྱུང་ངོ་ཞེས་བསྒོ་ནས། རྒྱལ་སྲིད་བུས་བཟུང་ངོ་། །དེ་ནས་ལོ་བཅུ་གཉིས་ཀྱི་བར་དུ་རྒྱལ་པོ་གསུམ་གྱི་དམག་དང་འཐབས་པ་ལས། དམག་མང་པོ་རིམ་གྱིས་བཏུལ། རྒྱལ་པོ་གསུམ་ཡང་བཟུང་ནས་མེད་པར་བྱས་སོ། །དེ་ཕན་ཆད་འཛམ་བུའི་གླིང་གི་རྒྱལ་པོ་བྱས་པར་གྱུར་ཏོ། །དེ་ནས་རྒྱལ་པོས་བློན་པོ་རྣམས་ལ། ང་འཛམ་བུའི་གླིང་གི་རྒྱལ་པོ་བྱེད་པ་ནི་དགའ་ན། སེམས་ཅན་མང་པོ་འདི་སྙེད་ཅིག་བསད་པའི་སྡིག་པ་ཆེ་བས་མི་དགའ་བས། སྡིག་པ་འདི་ཇི་ལྟ་བུ་བྱས་ན་འབྱང་བར་འགྱུར། །ཞེས་དྲིས་པ་དང་། བློན་པོ་རྣམས་ན་རེ། ཡུལ་པ་ཌིལ་པུ་ཏྲ་ན་ཆོས་ཀྱི་མཁན་པོ་སྡེ་སྣོད་གསུམ་ཤེས་པ་བྲམ་ཟེ་ཨ་ཀ་ན་དྷ་དྷའི་བུ་སློབ་མ་ཅན་ཟེས་བགྱི་བ་ཞིག་དགོན་པ་ན་གནས་པ་དེ་སྤྱན་དྲངས་ན་སྡིག་པ་འབྱང་བར་བགྱི་ནུས་སོ། །ཞེས་ཟེར་བ་དང་། རྒྱལ་པོ་དགའ་ནས་དགེ་སློང་སློབ་མ་ཅན་སྤྱན་དྲངས་ནས་རྒྱལ་པོས་ཕྱག་བྱས་ནས། སྡིག་པ་རྣམས་ཐམས་ཅི་ཞིག་གིས་འབྱང་ཞེས་ཞུས་པ་དང་། དེས་དཀོན་མཆོག་གསུམ་ལ་ལོ་བཅུ་གཉིས་སུ་མཆོད་ཅིང་སྐྱབས་སུ་གསོལ་ན་སྡིག་པ་འབྱང་ངོ་ཞེས་བྱས་སོ། །དེ་ནས་འཛམ་བུའི་གླིང་ན་དགེ་སློང་འདུག་གོ་ཅོག་འགུགས་པར་བཏང་སྟེ། ཐམས་ཅད་ཀོའུ་ཤམ་བྷིར་བསྡུས་ནས། ཡུལ་གཞན་དུ་ཆོས་སྤྱོད་དུ་མི་སྟེར་བར་གྱུར་ཏོ། །དགེ་སློང་རྣམས་ཀྱང་ལམ་དུ་གཅན་གཟན་དང་། མི་རྒོད་དང་། ཆུ་ལ་སོགས་པས་ཕལ་ཆེར་ཆུད་ཟོས་ནས། རྒྱལ་པོའི་དྲུང་དུ་འབུམ་ཙམ་ཞིག་གིས་ཕྱིར་པར་གྱུར་རོ། །དེ་དག་ཕྱིན་པ་དང་། རྒྱལ་པོས་མཆོད་སྟོན་གསོལ་ཡོན་ཕུལ་ཏེ་མཆོད་དོ། །དེ་ནས་དགེ་སློང་རྣམས་ཕན་ཚུན་ཁྱོད་ཀྱི་མཁན་པོ་ག་རེ། སློབ་མ་གར་སོང་། གྲོགས་པོ་ཁྲིམས་ལྟ་ག་རེ་ཞེས་སོ་སོར་གཏམ་དྲིས་པ་དང་། གཅན་གཟན་དང་། མི་རྒོད་ཀྱིས་བསད་པ་དང་། ཆུས་ཁྱེར་བ་དང་ནད་ཀྱིས་བཏབ་སྟེ་ཤི་བ་ལ་སོགས་པའི་གཏམ་བྱས་པས། སོ་སོ་ནས་མྱ་ངན་ལངས་ཏེ་ངུ་མོས་འདེབས་ཤིང་བྲང་བརྡུང་བར་འགྱུ་རོ། །དེ་ནས་རྒྱལ་པོས་མྱ་ངན་མ་བྱེད་ཅེས་བསྒོ་ནས། དགེ་འདུན་རྣམས་ཀྱིས་མ་ཉན་པ་དང་། རྒྱལ་པོ་འང་མི་དགའ་སྟེ་ཁ་ཕྱོགས་ཏེ་ཉལ་ལོ། །ཉལ་་བའི་ཚེ། འཇིག་རྟེན་གྱི་དགེ་འདུན་ལ་ནི་སྐྱབས་མ་བྱུང་གི །དགྲ་བཅོམ་པའི་ཞལ་མཐོང་བར་ཤོག་ཅིག་ཅེས་སྨོན་ལམ་བཏབ་པ་དང་། འཇིག་རྟེན་གྱི་ལྷས་རྨི་ལམ་དུ་གྷནྡྷ་མ་ཧཱ་མ་ནའི་རི་ལ། སུ་རན་ན་ཤའི་བུ་དེས་པ་ཞེས་བྱ་བ་དགྲ་བཅོམ་པ་ཞིག་བཞུགས་ཏེ། དེ་སྤྱན་དྲངས་ན་སྡིག་པ་འབྱང་ཞིང་ཐེ་ཚོམ་ཡང་སེལ་བར་འགྱུར་རོ་ཞེས་ལུང་བསྟན་པ་དང་། རྒྱལ་པོས་རྨི་ལམ་བཞིན་དུ་གཉིད་སད་མ་ཐག་ཕོ་ཉ་བཀྱེ་སྟེ། འཕགས་པ་སྤྱན་དྲངས་ཏེ་མཆོད་ཅིང་ཕྱག་བྱས་སོ། །དེ་ནས་ཚེས་བཅུ་བཞིའི་ནུབ་མོ་དགེ་འདུན་འདུས་པའི་ནང་ནས། དགེ་སློང་གསར་ཞུགས་པ་རྣམས་ཀྱིས་མཁན་པོ་སློབ་མ་ཅན་ལ་འདུལ་བ་བཤད་པར་གསོལ་བ་དང་། སློབ་མ་ཅན་རེ། མི་ལ་མིག་ཞར་སྣ་དང་རྣ་བ་མེད་ན་མེ་ལོང་གིས་ཅི་བྱར་ཡོད། འདུལ་བ་བཤད་ཀྱང་ཁྱེད་རྣམས་འདུལ་བ་བཞིན་མི་སྤྱོད། ཆོས་ཁྲིམས་མི་བསྲུང་པ་ལ་བཤད་པས་ཅི་ཕན་ཟེར་བ་དང་། དགྲ་བཅོམ་པ་དེས་པས་སེདྒེའི་སྒྲ་བཞིན་དུ་སངས་རྒྱས་བཅོམ་ལྡན་འདས་ཀྱི་ཆོས་ཁྲིམས་མནོས་ནས། ད་ཙམ་གྱི་བར་དུ་རྩ་མཆོག་ཙམ་ཡང་མ་ཉམས་ན། དེ་སྐད་མ་ཟེར་བར་འདུལ་བ་ཤོད་ཅེས་སྨྲས་པ་དང་། མཁན་པོ་སློབ་མ་ཅན་གྱིས་དགྲ་བཅོམ་པ་ཡིན་པ་ཤེས་ནས་རབ་ཏུ་གནོང་ནས་ཅང་མི་སྨྲ་བར་འདུག་གོ །དེ་ནས་སློབ་མ་ཅན་གྱི་སློབ་མ། དགེ་སློང་དཔུང་རྒྱན་ཞེས་བྱ་བསྟན་ལས་ལངས་ཏེ། དགྲ་བཅོམ་པ་ལ། ཁྱོད་ཁྲིམས་ཀྱང་མེད་འདུལ་བ་ཡང་མི་ཤེས་པར། ངའི་མཁན་པོ་སྡེ་སྣོད་གསུམ་ལ་མཁས་པ་ལ། ཅིའི་ཕྱིར་བརྙས་ཞེས་ཁྲོས་ནས་དགྲ་བཅོམ་པ་ལ་བརྡེགས་ཏེ་བསད་དོ། །དེ་ནས་དམ་པའི་ཆོས་ལ་དགའ་བའི་གནོད་སྦྱིན་ཞོ་གདོང་ཞེས་བྱ་བས། རྡོ་རྗེ་ཐོགས་ཏེ་མངོན་དུ་བྱུང་ནས། དགེ་སློང་དཔུང་རྒྱན་ཅན་ལ་ཅིའི་ཕྱིར་དགྲ་བཅོམ་པ་གསོད་ཟེར་ནས། རྡོ་རྗེ་བརྡེགས་ཏེ་བསད་དོ། །དགེ་སློང་གེ་རད་ཅེས་བྱ་བས་མཁན་པོ་སློབ་མ་ཅན་བསད་དོ། །དེ་ནས་དགེ་སློང་ཐམས་ཅད་ཕན་ཚུན་གཅིག་གིས་གཅིག་བསད་དེ་གཅིག་ཀྱང་མ་ལུས་སོ། །དེའི་ཚེ་ནམ་མཁའ་ལ་ལྷ་ཀླུ་ལ་སོགས་པ་ཆོས་ཀྱི་སྲུང་མ་ཕལ་མོ་ཆེ་མི་དགའ་ནས་ངུས་པའི་མཆི་མ་ནི། ཁྲག་དང་མེའི་ཆར་དུ་ས་གཞི་དེར་བབ་བོ། །ནམ་མཁའང་སེར་པོ་དང་། ནག་པོ་དང་། དམར་པོར་གྱུར། གློག་དང་སྒྲ་ཆེན་པོ་ཡང་བྱུང་། སྐར་མ་དྷཱུམ་ཀེ་ཏུ་ཞེས་བྱ་བའི་ལུས་ལས་དུ་བ་ནག་པོ་ཞིག་བྱུང་སྟེ། ཉི་ཟླ་ལ་སོགས་པའི་འོད་ཀྱང་མི་སྣང་ངོ་། །དེའི་ཆོས་སུམ་ཅུ་རྩ་གསུམ་གྱི་ལྷ་དང་། ཡུམ་སྒྱུ་འཕྲུལ་ཆེན་པོ་ལ་སོགས་པ་རྣམས་འོངས་ནས་མྱ་ངན་བྱེད་ཅིང་དགེ་འདུན་གྱི་གོ་མཚོན་ཐམས་ཅད་བསྡུས་ཏེ་སུམ་ཅུ་རྩ་གསུམ་དུ་འཁྱེར་རོ། །དེ་ནས་རྒྱལ་པོས་འདི་ལྟ་བུའི་ཅ་ཅོ་ཆེན་པོ་ཅི་ལས་བྱུང་དྲིས་པས། དགེ་འདུན་འཁྲུགས་ནས་གཅིག་གིས་གཅིག་བསད་དེ་མ་ལུས་པར་གྱུར་ཏོ། །ཞེས་གསོལ་པ་དང་། རྒྱལ་པོ་མ་དགའ་ནས་ལངས་ཏེ། ཐོ་རངས་ཕྱི་རོལ་གྱི་ལྷ་ཁང་དུ་ལྟར་ཕྱིན་པ་དང་། དགེ་འདུན་ལ་ལ་ནི་མགོ་བཅད། ལ་ལ་ནི་རྐང་ལག་བཅད། ཁ་ཅིག་ནི་མིག་ཕྱུང་སྟེ་སྣ་ཚོགས་སུ་ཤིག་བ་མཐོང་ནས། མྱ་ངན་ལངས་ཏེ་དགྲ་བཅོམ་པ་དེས་པ་དང་། སྡེ་ནྶོད་གསུམ་པ་སློབ་མ་ཅན་གྱི་པྶུར་བཙལ་ཏེ་མཆན་ཁུང་གཡས་གཡོན་པ་ནི་ཆོས་ཀྱི་མཛོད་ཡིན་ཏེ། འདི་གཉིས་འདས་པས་ད་ཕྱིན་ཆད་ངའི་སྲོག་ཀྱང་གཅེས་པ་མེད་དོ། །རྒྱལ་སྲིད་ཀྱང་སུ་འདོད་པ་ལ་སྦྱིན་ནོ་ཞེས་སྨྲས་ནས། མིག་ཀྱང་བཙུམ་ནས་མི་ལྟ་བར་གྱུར་ཏོ། །དེ་ནས་བློན་པོ་རྣམས་ཀྱིས་རྒྱལ་པོའི་མྱ་ངན་བསང་པའི་ཕྱིར། །དེ་ནས་བློན་པོ་རྣམས་ཀྱིས་རྒྱལ་པོའི་མྱ་ངན་བསང་པའི་ཕྱིར། མི་ལྔ་བརྒྱ་རབ་ཏུ་བྱུང་བར་བཅོས་ཏེ་སྐྲ་དང་ཁ་སྤུ་བྲེགས་དུས། སྤུ་གྲིས་མ་ཆོད་ནས། མེས་བསྲེགས་ཏེ་ཕྱུགས་དམར་པོའི་ཀོ་བ་བསྐོན་ཏེ། རྒྱལ་པོའི་དྲུང་དུ་ཡོངས་ནས། རབ་ཏུ་བྱུང་པ་ལྔ་བརྒྱ་འོངས་སོ་ཞེས་གསོལ་པ་དང་། རྒྱལ་པོ་དགའ་ནས་མིག་ཕྱེ་སྟེ་བལྟས་པས། ཐམས་ཅད་ཕྱུགས་ཀྱི་ཀོ་བ་གྱོན་ཞིང་། སྐྲ་དང་ཁ་སྤུ་མེས་བསྲེགས་པ་མཐོང་ནས། དཀོན་མཆོག་གསུམ་ལ་མཆོད་པའི་ཡོ་བྱད་ཁྱེར་ལ་ཤོག་ཅེས་བསྒོ་ནས། དེ་རྣམས་ལ་མཆོད་དོ། །དེ་ནས་རྒྱལ་པོས་དེ་དག་ལ་ཆོས་དྲིས་པས་ཚིག་གཅིག་ཀྱང་མི་ཤེས་ནས། རྒྱལ་པོའང་མྱ་ངན་ལངཤ་ཏེ་ངུའོ། །དེ་ནས་དགེ་ལོང་རྣམས་ཀྱི་རོ་ཚོ་བསྡུས་ནས་མཆོད་པ་བྱེད་དོ། །དེའི་ཚེ་འཛམ་བུའི་གླིང་གི་དམ་ཆོས་རིམ་བུ་ནུབ་བོ། །དེ་ནས་གསེར་ནི་དངུལ་ངན་པ་དང་རྡོར་འགྱུར། དངུལ་ནི་ར་གན་ངན་པ་དང་རྡོར་འགྱུར། ར་གན་ནི་ཟངས་སུ་འགྱུར། མུ་ཏིག་ནི་ར་རུ་འགྱུར། རོ་དྲུག་ལས། ཁ་བ་དང་སྐྱུར་བ་གཉིས་ལུས་སོ། །ཞེས་འབྱུང་ངོ༌། །དགེ་འདུན་འཕེལ་གྱིས་ལུང་བསྟན་པ་ལ་སོགས་ལས། སྐུ་ལུགས་མ་ལ་སོགས་པ་ནི་ཀླུའི་ཡུལ་དུ་སྤྱན་འདྲེན་ནོ། །ཡི་གེ་ཐམས་ཅད་རང་བྱི་བར་འགྱུར། གོས་ཐམས་ཅད་རྩུབ་མོར་འགྱུར། རོ་ཁ་བ་དང༌། སྐ་བ་མ་གཏོགས་པ་རིན་པོ་ཆེ་ཐམས་ཅད་ནུབ་པར་འགྱུར་ལ། རྒྱལ་པོ་དེའང་བསྟན་པ་ནུབ་པའི་མྱ་ངན་གྱིས་འཆི་བར་འགྱུར་རོ་ཞེས་བཤད་དོ། །དེ་དག་ཀྱང་བསྟན་པ་ལོ་ཉིས་སྟོང་གི་དབང་དུ་བྱས་ནས་གསུངས་ལ། མངོན་རྟོགས་རྒྱན་གྱི་འགྲེལ་བཤད་ཆོས་ཀྱི་བཤེས་གཉེན་གྱིས་མཛད་པར། དེ་དག་སྔར་བྱུང་ཟིན་པར་བཤད་པས་གསལ་ལོ། །སྤྱིར་བསྟན་པ་ནུབ་པའི་རྒྱུ། སངས་རྒྱས་ཀྱི་སྨོན་ལམ་གྱི་འཕེན་པ་ཟད་པ་དང་། བསྟན་པའི་གདུལ་བྱ་ཟད་པ་ཡིན། རྐྱེན་ནི་མདོ་དག་ལས། དགེ་སྦྱོང་རྣམས་རང་གི་ལྟ་སྤྱོད་ལས་ཉམས་པ་དང་། སྦྱིན་བདག་རྣམས་བསྟན་པ་ལ་དད་པ་བྲི་བ་དང་། བདུད་དང་བདུད་ཀྱི་རིགས་ཀྱི་ལྷ་དང་། ཡི་དྭགས་ཀྱི་གར་གཅོད་བྱས་པ་གསུམ་གྱིས་ནུབ་པར་འབྱུར་བར་གསུངས་པ་ལ། སྟོན་པ་འདིའི་བསྟན་པ་འཇིག་པའི་རྐྱེན། དང་པོ་གཉིས་སུ་གསལ་ལོ་གསུངས་སོ། །ནུབ་དུས་ཚེ་ལོ་བཅུ་པའི་དུས་སུ་ནུབ་པར་གདགས་པ་ལས་བཤད་དོ། །སྙིང་རྗེ་པད་དཀར་ལས། དེ་བཞིན་གཤེགས་པ་ཤཱཀྱ་ཐུབ་པའི་དམ་པའི་ཆོས་ནུབ་པའི་རྗེས་ལ། སྐུ་གདུང་རྣམས་ཀྱི་པ་ཤཱཀྱ་ཐུབ་པའི་དམ་པའི་ཆོས་ནུབ་པའི་རྗེས་ལ། སྐུ་གདུང་རྣམས་ཀྱི་འོག་ཏུ་གསེར་གྱི་ས་གཞིའི་མཐར་ཐུག་པར་འགྲོ་ཞིང་། ནམ་མི་མཇེད་འཇིག་རྟེན་དུ་རིན་པོ་ཆེས་ཕོངས་པའི་ཚེ་སྐུ་གདུང་དེ་དག་ནོར་བུ་བེཌཱརྱ་ཏོག་གི་བློ་གྲོས་ཞེས་བྱ་བར་གྱུར་ནས། དབུལ་བ་སེལ་བ་དང་། དེ་ནས་ཡང་སྐུ་དགུང་དེ་དག་སྟེང་དུ་འོག་མིན་གྱི་བར་དུ་འཕགས་ནས། མེ་ཏོག་སྣ་ཚོགས་ཀྱི་ཆར་འབེབས་ལ། མེ་ཏོག་གི་ཆར་དེ་དག་ལས། དཀོན་མཆོག་གསུམ་གྱི་སྒྲ་ལ་སོགས་པ་ཆོས་ཀྱི་སྒྲ་སྣ་ཚོགས་འབྱུང་ཞིང་། ཆོས་ཀྱི་སྒྲ་དེ་རྣམས་འདོད་གཟུགས་ཀྱི་ལྷ་དེ་རྣམས་ཀྱིས་ཐོཔ་པས་སྔོན་བྱས་པའི་དགེ་བ་དྲན་ཏེ། དེ་དག་འཛམ་བུའི་གླིང་དུ་བབས་ཏེ། མི་རྣམས་དགེ་བ་བཅུ་ལ་འགོད་པར་འགྱུར་བ་དང་། ཡང་མེ་ཏོག་ནམ་མཁའ་དགེ་བ་བཅུ་ལ་འགོད་པར་འགྱུར་བ་དང་། ཡང་མེ་ཏོག་ནམ་མཁའ་ལ་རིན་པོ་ཆེ་སྣ་ཚོགས་སུ་གྱུར་ནས་མི་མཇེད་དུ་འབབ་ཅིང་། མི་མཇེད་ཀྱི་སེམས་ཅན་རྣམས་ཀྱི་འཐབ་རྩོད་ལ་སོགས་པ་རྣམས་ཞི་ཞིང་། ནད་མེད་པ་དང་། ལོ་ལེགས་པ་ལ་སོགས་པ་དང་། སེམས་ཅན་གང་གི་རིན་པོ་ཆེ་དེ་དག་མཐོང་བ་དང་། རིག་པ་དང་། ལོངས་སྐྱོད་པ་དེ་དག་ཀྱང་། ཐེག་པ་གསུམ་ལས་ཕྱིར་མི་ལྡོག་པར་བྱ་སྟེ། སླར་ཡང་སྐུ་གདུང་དེ་དག་གསེར་གྱི་ས་གཞིའི་མཐར་ཐུག་པར་གནས་པར་འགྱུར་རོ། །དེ་བཞིན་དུ་མཚོན་དང་། མུ་གེ་དང་། ནད་ཀྱི་བསྐལ་པ་བར་མོ་གསུམ་འབྱུང་བའི་དུས་སུའང་། སྐུ་གདུང་དེ་དག་ནི་ནོར་བུ་རིན་པོ་ཆེ་ཨན་ད་རྙིལ་དུ་གྱུར་ནས། སྟེང་དུ་འོག་མིན་གྱི་པར་དུ་འཕགས་ནས་གནས་ཏེ།སྔ་མ་ལྟར་མེ་ཏོག་གི་ཆར་འབེབས་ཤིང་ཆོས་ཀྱི་སྒྲ་སྒྲོགས་པ་དང་། རིན་པོ་ཆེའི་ཆར་འབེབས་པ་དང་། །མི་མཐུན་པའི་ཕྱོགས་རྣམས་ཞི་བར་བྱས་ཏེ། སླར་ཡང་གསེར་གྱི་ས་གཞིའི་མཐར་ཐུག་པར་གསན་པར་འགྱུར་བར་གསུངས་ལ། དགེ་བའི་བཤེས་གཉེན་གྱི་རྟོགས་བརྗོད་ལས། འཛམ་བུའི་གླིང་པའི་མི་རྣམས་ཀྱིས་ཚེ་ལོ་བདུན་བརྒྱ་པར་གྱུར་པ་ན། གནས་བརྟན་ཆེན་པོ་བཅུ་དྲུག་གིས་སའི་སྟེང་ན་ཤཱཀྱ་ཐུབ་པའི་བསྟན་པའི་ཆོས་ཀྱི་ཚོགས་ཇི་སྙེད་བཞུགས་པ་ཐམས་ཅད་གཅིག་ཏུ་བསྡུས་ནས་རིན་པོ་ཆེ་སྣ་བདུན་གྱིས་མཆོད་རྟེན་བྱས་ཏེ། དེར་བཞུགས་པ་ལ་ཀུན་ནས་བསྐོར་ཏེ། སྐྱིལ་ཀྲུང་བཅས་ཏེ་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཞེས་བརྗོད་དེ། ཕྱག་བྱས་ནས་གནས་བརྟན་དེ་དག་ཀྱང་ལྷག་མེད་དུ་མྱ་ངན་ལས་འདའ་ལ། རིན་པོ་ཆེ་སྣ་བདུན་གྱི་མཆོད་རྟེན་དེ་ཡང་ནུབ་ནས། འོག་གི་གསེར་གྱི་ས་གཞི་ལ་གནས་པར་འགྱུར་ཞིང་། དེ་ནས་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་ནུབ་པར་འགྱུ་རོ། །ཞེས་གསུངས་སོ། །གསང་སྔགས་འབྲས་བུའི་ཐེག་པ་ནུབ་ཚུལ། གཉིས་པ་གསང་སྔགས་འབྲས་བུའི་ཐེག་པ་ནུབ་ཚུལ་ནི། གསང་སྔགས་ཀྱི་སྒོར་ཞུགས་པའི་གང་ཟག་རྣལ་འབྱོར་པ་རྣམས་ཀྱིས་ལུས་ངག་ཡིད་གསུམ་གྱི་ཉམས་ལེན་བརྒྱུད་ཁུངས་མཚན་ཉིད་དང་ལྡན་པ་ལ་མ་ཐུག་རང་བཟོའི་དབང་གིས་གཟུ་ལུམ་དང་རང་ཆོས་བྱ་པས་བཀའ་གཞུང་འཆོལ་བའི་རྣམ་སྨིན་གྱིས་གནས་སྐབས་སུ་སྲིན་པོ་དང་རུ་ཏྲའི་གནས་སུ་སྐྱེས། མཐར་ཐུག་མནར་མེད་པའི་དམྱལ་བར་སྐྱེ་ཞིང་། དེའི་དབང་གིས་སངས་རྒྱས་ཀྱི་བསྟན་པ་ཡང་ཉམས་དམད་ཅིང་། བསྣུབ་པ་ཡིན་ཏེ། ཡེ་ཤེས་གསང་བའི་རྒྱུད་ལས། དེ་ནས་སེམས་དཔའ་རྡོ་རྗེས། བདེ་བར་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །ཐུགས་རྗེའི་མངའ་བདག་སྐྱོབ་པ་ཡིས། །བསམ་གྱིས་མི་ཁྱབ་ཆེན་པོའི་ས། གསང་བའི་ཐེག་པ་གསུངས་པ་འདི། །མ་འོངས་དུས་ན་ཇི་ལྟར་འབྱུང་། །ཞེས་གསོལ་པ་དང་། དེ་བཞིན་གཤེགས་པས་བཀའ་སྩལ་པ། རྩོལ་བྲལ་གསང་བའི་ཐེག་པ་འདི། །ལྷ་གནས་གསུམ་དུ་གྲགས་གྱུར་ནས། །ཡང་སྤྲུལ་གང་ཟག་ཐུགས་སྲས་ཀྱིས། །འཛམ་གླིང་དབུས་སུ་རྒྱས་པར་བྱེད། །རྒྱལ་སྲས་གསང་བའི་སྣོད་ལྡན་ལ། །རྣ་བརྒྱུད་རིག་པའི་སྔགས་ཀྱི་དོན། །འཕྲུལ་ཚིག་རིག་པའི་སྒོ་ནས་བསྟན། གསང་འཛིན་རིག་པའི་སྣོད་ལྡན་རྣམས། །མ་བཅོས་གསང་བའི་དོན་གོ་ནས། །རྣལ་གྲོལ་འབྲས་བུ་ཐོབ་པར་འགྱུར། །དེ་ནས་གསང་བ་དམ་པ་འདི། །མཐའ་ཁོབ་ཡུལ་དུ་རྒྱས་པར་འགྱུར། མ། །དེར་ཡང་གསང་བ་དམ་པ་འདིས། །སྐལ་ལྡན་གདུལ་བྱའི་ངོ་དག་ཏུ། །རིག་པའི་སྒྲོན་མེ་བྱེད་པར་འགྱུར། །དེ་ནས་ཐུགས་རྗེའི་སྐལ་མེད་པས། གསང་བ་དམ་པ་ནུབ་པར་འགྱུར། གསང་བའི་ཐེག་པ་དམ་པ་འདི། གཞན་གྱི་ནུབ་པར་མི་འགྱུར་ཏེ། །དྲི་མེད་བདུད་རྩི་རྟོགས་དཀའ་ལ། །རྣ་བརྒྱུད་འཁྲུལ་ཚིག་མི་ལྡནཔས། །སྒྲ་བཞིན་བཅས་ནས་སྨྲ་བ་དག །ལྷ་སྤྱོད་ལོག་པའི་ང་རྒྱལ་ཅན། །མ་བཅོས་རང་སྣང་རོལ་པ་དང་། །རྣམ་རྟོག་ཞེན་པའི་རྟོགས་པ་དག །བྱེ་བྲག་མ་ཕྱེད་རྨོངས་པའི་བློ། །རྡོ་ལ་གསེར་དུ་འཛིན་པ་བཞིན། །འོད་གསལ་ལྷུན་གྲུབ་རང་སྣོང་དང་། །རྟོག་པའི་ཞེས་པ་བསྲེས་ནས་སྨྲ། །མ་བཅོས་རིག་པའི་གདོང་མེད་པར །རང་བལྟ་ཡ་རབ་མཐོ་འདོད་ནས། །ཕབ་ཅོལ་འདོད་ལྔ་སྤྱོད་པས་ལོག །དེ་ཡི་དུས་ཀྱི་གང་ཟག་དག །སྦྲེལ་མ་གཡང་དུ་ལྷུང་བ་བཞིན། །རྡོ་རྗེའི་ཁབ་ཏུ་ལྟུང་གྱུར་ནས། །བྱང་ཆུབ་སེམས་ཀྱི་རིགས་དང་བྲལ། །མགྱོགས་འགྲོ་སོ་མཚམས་འདས་དང་འདྲ། །དེ་ནས་ལྷོ་ཕྱོགས་རྒྱུད་དུ་རྒྱས། །སྐལ་ལྡན་འབྲེལ་བ་འབྱུང་བར་འགྱུར། །དེ་ནས་འཛམ་གླིང་དབུས་སུ་ནུབ། །སྤྲུལ་པ་ཐ་མའི་བསྟན་པ་ལ། །མ་འོངས་དུས་ན་འབྱུང་བར་འགྱུར། །འཛིན་པ་ལོག་པའི་གང་ཟག་གིས། གསང་བའི་ཐེག་ལ་བསྣུབས་པར་འགྱུར། །ཞེས་གསུངས་སོ། །
སྤྱི་དོན་བདུན་པ། ཚེ་ལོའི་འཕེལ་འགྲིབ་དང་། རང་སངས་རྒྱས་འབྱོན་ཚུལ།
སྤྱི་དོན་བདུན་པ་ཚེ་ལོའི་འཕེལ་འགྲིབ་དང་། རང་སངས་རྒྱས་འབྱོན་ཚུལ་ནི། དེ་ཡང་སྔོན་དང་པོ་སྲིད་པ་ཆགས་པ་ཐག་གི་དུས་ན། ཚེ་ལོ་དཔག་ཏུ་མེད་པ་ཐུབ་པ་ལ། སེམས་ཅན་རྣམས་ཀྱི་ལས་མི་དགེ་བ་སྤྱད་པའི་སྟོབས་ཀྱིས། རིམ་གྱིས་མར་འགྲིབས་ནས་སྐྱེ་རྒུའི་ཚེ་ལོ་བརྒྱད་ཁྲི་པར་སོང་བ་དང་། མནར་མེད་ཀྱི་གནས་སུ་སེམས་ཅན་གཅིག་སྐྱེས་པ་དུས་མཉམ་པའོ། །དེ་ཡན་ཆད་ཀྱིས་ཆགས་པའི་གཞུག་རྫོགས་ཤིང་གནས་པའི་ཡ་ཐོག་མགོ་ཚུགས་ཏེ། དེ་ལྟར་ཚེ་ལོ་བརྒྱད་ཁྲི་པ་དེ་ནས་ལོ་ཉིས་བརྒྱ་ཉིས་བརྒྱ་ནས་ལོ་རེ་མར་བྲིས་བས་ནི། ཐ་མ་ཚེ་ལོ་བཅུ་པ་ལ་མར་ལྷན་གྱིས་སོང་བའི་བར་ཏེ། ཡ་ཐོག་རིང་པོ་ཡིན་ཞིང་། ད་ལྟའི་དུས་འདི་་ནི་ཡ་ཐོག་གི་དུས་གཞུག་ཚེ་ལོ་དྲུག་ཅུ་པའོ། །ཚེ་ལོ་བཅུ་པའི་དུས་ཀྱི་ཚེ། དང་པོ་མཚོན་གྱི་བསྐལ་པ་འབྱུང་བ་ནི། །ཚེ་ལོ་བཅུ་པའི་དུས་ཀྱིས་ཚེ། དང་པོ་མཚོན་གྱི་བསྐལ་པ་འབྱུང་བ་ནི། མི་རྣམས་ཞེ་སྡང་ཁོང་ཁྲོ་རབ་ཏུ་བདོ་བས་ལུས་མཚོན་ཆས་བརྒྱན་ཅིང་གཅིག་ལ་གཅིག་རྡེག་ཅིང་འཁྲུག་རྩོད་འབར་ཞིག་བྱེད་པ་འབྱུང་ལ། མཐར་ལག་ཏུ་རྡོ་དང་གྱོ་མོ་ལ་སགོས་པ་ཅི་བླངས་པ་ཐམས་ཅད་མཚོན་ཆར་སོང་ནས་གཅིག་ལ་གཅིག་གིས་བརྒྱབ་ནས་ཐམས་ཅད་གསོད་དོ། །དེ་ལྟ་བུ་ནི་ལོ་བདུན་ཟླ་བ་བདུན་ཞག་བདུན་འབྱུང་བར་བཤད་དོ། །དེ་དག་ནི་ད་ལྟ་ཞེ་སྡང་གི་འཁྲུག་རྩོད་བྱས་པ་རྣམས་དེའི་དུས་སུ་སྐྱེའོ། །དེས་ཉིང་མཚམས་སྦྱར་ནས་ཐམས་ཅད་དམྱལ་བར་སྐྱེའོ། །དེར་མི་སྐྱེ་བ་ལ། ད་ལྟ་སེམས་ཅན་ལ་བྱམས་པ་བསྒོམ་པ་དང་། ཉའི་སྡོམ་པ་སྲུང་པས་མི་སྐྱེ་བར་བཤད་དོ། །དེའི་ཚེ་མི་ལ་ལས་ནགས་གསེབ་ཏུ་བྲོས་པས་མ་ཤི་བ་ནང་འཕྲད་པས་དགའ་སེམས་སྐྱེའོ། །དེ་ནས་ཡང་མི་དགེ་བ་སྤྱད་པའི་སྟོབས་ཀྱིས་དཀར་པོའའི་ཕྱོགས་ཀྱི་མི་མ་ཡིན་རྣམས་འཁྲུགས་པས། ནད་ཀྱི་བསྐལ་པ་འབྱུང་པས་མི་རྣམས་ཐམས་ཅད་མེད་པར་བྱེད་དོ། །དེ་ལྟ་བུ་དེ་ནི། ད་ལྟ་སེམས་ཅན་ལ་དུག་གི་གནོད་པ་བྱས་པ་རྣམས་དེར་སྐྱེའོ། །དེས་ཉིང་མཚམས་སྦྱར་ནས་དུད་འགྲོ་ཉིང་ཤ་ཉིང་གིས་ཟ་བར་སྐྱེའོ། །དེའི་གཉེན་པོ་ནི་སེམས་ཅན་ལ་སྨན་བྱིན་པ་དང་། ཚེས་བརྒྱད་ཀྱི་སྡོམ་པ་བསྲུང་བས་སྤོང་ངོ་། །དེའི་དུས་སུ་མ་མ་ཤི་བ་རེ་རེ་གཉིས་གཉིས་འཕྲད་པས་དགའ་སེམས་སྐྱེའོ། །དེ་ནས་ཀྱང་མི་དགེ་བ་སྤྱད་པའི་དབང་གིས། དཀར་ཕྱོགས་ཀྱི་མི་མ་ཡིན་འཁྲུག་སྟེ། ནམ་མཁའ་ལ་ཆར་ཉག་གཅིག་མེད་པས་རྩི་ཐོག་ཐམས་ཅད་བསྐམས་ཏེ་མུ་གེའི་བསྐལ་པ་འབྱུང་ངོ་། །དེ་ལ་གསུམ་སྟེ། དང་པོ་མུ་གེ་ཐུར་མ་བ་ནི། །འབྲུ་ཉུང་ཟད་ཡོད་པ་དེ་ཟ་མ་ཏོག་ཏུ་བླུཊ་ཤིང་། དེ་ནས་ཐུར་མས་བྲུས་ཤིང་སྤོཡད་པའམ། འབྲུ་བཙོས་ཐུར་མའི་རྩེ་ལ་བཀལ་ཞིང་བསྣོམ་ཞིང་ལྡག་རེས་བྱེད་པའོ། །གབ་རྩེ་བ་ནི། འབྲུ་ཉུང་ཟད་ལ་སྙིག་རབ་ཏུ་བརྩེ་བས། བཟའ་མི་རྣམས་དེ་ལ་གབ་པའོ། །རུས་གོང་དཀར་པོ་བ་ནི། དུར་ཁྲོད་ཀྱི་རུས་གོང་བཙལ་ནས། སྔོན་གྱི་ཕ་མེས་འབྲུ་ཟོས་པ་རྣམས་ཀྱི་རུས་པ་ཡིན་ཟེར་ནས་ཆ་ལ་བསྡུས་ནས་འཐུང་བས་སོ། །ཡང་དེའི་དུས་ཀྱི་མི་རྣམས་ཤི་མ་ཐག་ཐུ་རུས་པ་དཀར་པོར་སྐྱ་ཉིལ་གྱིས་འགྲོ་བས་སོ། །དེ་ལྟ་བུ་ནི་ཞག་བདུན་བྱུང་ངོ༌། །དེར་སྐྱེ་བའི་རྒྱུ་ནི་རང་གཞན་གྱི་ནོར་ལ་སེར་སྣ། འཇུར་གེགས། རྐུ་འཕྲོག་བྱས་པས་རྣམད་དེའི་དུས་སུ་སྐྱེའོ། །དེས་ཉིང་འཚམས་སྦྱར་ནས་ཐམས་ཅད་ཡི་དྭགས་སུ་སྐྱེའོ། །དེའི་གཉེན་པོར་ད་ལྟ་དགེ་འདུན་ལ་ཆོས་སྟོན་དྲངས་པ་དང་། གནམ་སྟོང་གིས་སྡོམ་པ་བསྲུང་བས་མི་སྐྱེའོ། །ཡང་ཁ་ཅིག་བསྐལ་པ་ཆགས་ནས་གནས་པའི་བར་ལ་ཚེ་ལོ་བཅུ་པ་ཉིས་ཤུ་ཡོང་བས། དེའི་དུས་སུ་མཚོན་དང་ནད་དང་། མུ་གེའི་བསྐལ་པ་རྣམས་རེས་མོས་འབྱུང་བར་བཤད་དོ། །ཡང་འདི་ལ། ཁ་ཅིག་ཚེ་ལོ་སུམ་ཅུ་པ་ལ་མཚོན། ཉིས་ཤུ་པ་ལ་ནད། བཅུ་པ་ལ་མུ་གེའི་བསྐལ་པ་ཡོང་ཞེས་ཀྱང་འཆད་པ་དང་། ཐོག་མར་མུ་གེ་ལོ་བདུན། ཟླ་བ་བདུན། ཞག་བདུན་འབྱུང་ལ། དེ་ནས་ནད། ཐ་མར་མཚོན་གྱི་བསྐལ་པ་ཞག་བདུན་འབྱུང་ཞེས། བྱམས་པ་འབྱུང་བར་ལུང་བསྟན་པའི་མདོ་ལས། སངས་རྒྱས་ཀྱི་བསྟན་པ་ནུབ། ཚེ་ལོ་བཅུ་པའི་དུས་ན། བར་གྱི་བསྐལ་པ་གསུམ་འབྱུང་སྟེ། མུ་གེའི་བསྐལ་པ་དང་། ནད་ཀྱི་བསྐལ་པ་དང་། མཚོན་གྱི་གེའི་བསྐལ་པ་འབྱུང་བ་ཡིན་ནོ། །གང་གི་ཚེ་གཏི་མུག་ཤས་ཆེར་གྱུར་པས་ནད་ཀྱི་བསྐལ་པ་འབྱུང་པ་ཡིན་ནོ། །གང་གི་ཚེ། ཞེ་སྡང་ཤས་ཆེར་གྱུར་པས་ན་མཚོན་གྱི་བསྐལ་པ་འབྱུང་པ་ཡིན་ཏེ། དེ་ཡང་མུ་གེའི་བསྐལ་པ་ལ་ཤི་བའི་སེམས་ཅན་རྣམས་ནི་ཡི་དྭགས་སུ་སྐྱེ་བར་འགྱུར་རོ། །ནད་ཀྱི་བསྐལ་པ་ལ་ཤི་བའི་སེམས་ཅན་རྣམས་ནི་ལྷར་སྐྱེ་བར་འགྱུར་རོ། །མཚོན་གྱི་བསླ་པ་ལ་ཤི་བའི་སེམས་ཅན་རྣམས་ནི་དམྱལ་བར་སྐྱེ་བར་འགྱུར་ཏེ། དེའི་ཙེ་མི་རྣམས་ནི་གཅིག་ལ་གཅིག་རི་དྭགས་ཡིན་སྙམ་པའི་འདུ་ཞེས་བྱེད་དེ། མཚོན་རྩེ་གཅིག་པ་དང་རྩེ་གཉིས་པ་དང་། རྩེ་གསུམ་པ། རྣོ་བ་སྤུ་གྲི་ལྟ་བུ་ཁྱེར་ཏེ། གཅིག་གིས་གཅིག་བསད་དེ་འཆི་བར་འགྱུར་རོ། །དེ་དག་གི་ནང་ནས་བསོད་ནམས་ཡོད་པའི་མཁས་པ་ལ་ལས། ད་ནི་ཞག་བདུན་ནས་མཚོན་གྱི་བསྐལ་པ་འབྱུང་ངོ་ཞེས་ནུབ་མོ་ལྷ་ལས་ཐོས་ཏེ། །རིའི་ཕུག་གམ། སའི་འོག་ཏུ་ཞག་བདུན་བདུན་གྱི་འཚོ་བ་ཁྱེར་ནས་སྡོད་པར་བྱེད་དོ། །དེ་དག་ལས་གཞན་པའི་སེམས་ཅན་ལྷག་མ་རྣམས་ནི། གཅིག་གིས་གཅིག་བསད་དེ་འཆི་བར་འགྱུར་རོ། །དེའི་ཚེ་ས་ཐམས་ཅད་ཤ་དང་ཁྲག་གིས་གང་བར་འགྱུར་རོ། །དེའི་རྗེས་འབྲུག་སྒྲ་ཆེན་པོ་འབྱུང་སྟེ་ཆར་འབབ་ཕོ། །ཆར་འབབ་པའི་ཆུས་རོ་དང་ཤ་ཐམས་ཅད་ཕྱིའི་རྒྱ་མཚོར་འཁྱེར་བར་འགྱུར་རོ། །ལྷས་ཆར་ཆེན་པོ་ཕབ་པའི་རྗེས་ལ་དྲི་བཟང་པོའི་ཆར་འབབ་བོ། །དེས་ས་ཐམས་ཅད་གཙང་བར་འགྱུར་ཏེ། དག་པར་གྱུར་ནས་འབྲུའི་ཆར་འབབ་བོ། །འབྲུའི་ཆར་གྱི་རྗེས་ལ་འབྲས་ཀྱི་ཆར་འབབ་བོ། །ཆར་དེའི་བར་བར་དུ། གོས་དང་། རྒྱན་གྱི་ཆར་འབབ་བོ། །དེའི་བར་དུ་པུས་མོ་ནུབ་ཙམ་གྱི་རིན་པོ་ཆེ་སྣ་བདུན་གྱི་ཆར་འབབ་ཅིང་། འབྲུ་རྣམས་དང་ནི་འབྲས་རྣམས་དང་། གོས་དང་རྒྱན་རྣམས་སྣ་ཙོགས་འབབ། །དགའ་བའི་ཚལ་ལྟར་ཡིད་འོང་འགྱུར། །དེ་ཚེ་རིན་ཆེན་སྣ་བདུན་ཡང་། །མཁའ་ལས་ཆར་དུ་འབབ་གྱུར་ཏེ། ས་ཀུན་རབ་ཏུ་གང་བར་འགྱུར། །དགའ་ཚལ་ཡིད་དུ་འོང་བར་འགྱུར། །ཞེས་སོ། །མཚིན་གྱི་བསྐལ་པ་ཞག་བདུན་འདས་པ་དང་། དེའི་ཚེ་མི་རིའི་ཕུག་ལ་སོགས་པར་བྲོས་ཏེ་གབ་པ་རྣམས་སླར་འོངས་ནས་གཅིག་ལ་གཅིག་འཁྱུད་ནས་ངུ་ཞིང་། ཕན་པར་སེམས་པས་ཆོས་ཡིད་ལ་བྱེད་དེ། སྡོམ་པ་ལྔ་ལེགས་པར་སྲུང་བར་བྱེད་དོ། །དེ་ནས་ལོ་བཅུ་པའི་མི་ལས། བུ་ལོ་ཉིས་ཤུ་པ་འབྱུང་བ་ཡིན་ནོ། །དེ་ནས་མི་རྣམས་ཆོས་ལ་ཤིན་ཏུ་ལེགས་པར་དད་དེ། རིམ་གྱི་རིམ་གྱིས་ཚེ་རིང་པོར་འཕེལ་ནས་ཚེ་ལོ་གྲངས་མེད་པར་འགྱུར་རོ། །ཞེས་པ་དང་། ཡང་མདོ་ཁ་ཅིག་ལས། དེ་ལྟར་ཡ་ཐོག་རིང་པོའི་དུས་གཞུག་ཚེ་ལོ་བཅུ་པའི་དུས་སུ་སེམས་ཅན་རྣམས་ཀྱི་མགོན་དུ་རྒྱལ་བ་བྱམས་པའི་སྤྲུལ་པ་ཞིག་བྱོན་ནས་ཆོས་བསྟན་པས། དེ་ནས་ལོ་བརྒྱ་བརྒྱ་ཞིང་ལོ་རེ་ཡར་འཕེལ་ནས། བརྒྱད་ཁྲི་ལ་ཐུག་པའི་བར་ནི་བྱམས་པའི་བསྟན་པའོ། །ཡང་བྱང་ཆུབ་སེམས་དཔའི་སྡེ་སྣོད་ལས། ཚེ་ལོ་བཅུ་པ་ནས་བྱམས་པ་མ་བྱོན་བར། བསྐལ་པ་ཡར་འཕེལ་ལ་སངས་རྒྱས་བརྒྱད་ཁྲི་འབྱུང་བར་གསུངས་སོ། །དགེ་བའི་བཤེས་གཉེན་གྱི་རྟོགས་པ་བརྗོད་པ་ལས། ཚེ་ལོ་བདུན་བརྒྱ་པའི་རྗེས་ལ། །ཞེས་བཤད་དོ། །དེ་ལྟར་སེམས་ཅན་རྣམས་ཀྱི་ཚེ་ལོ་གྲངས་མེད་པར་ཐུབ་པ་དེའི་དུས་སུ། སེམས་ཅན་རྣམས་རྒས་པ་དང་ཤི་བ་མི་མཐོང་སྟེ། དེའི་དབང་གིས་སེམས་ཅན་རྣམས་ཀྱང་ཆོས་ལ་དད་པ་མེད་པར་འགྱུར་ཞིང་། དམྱལ་བའི་སྡུག་བསྔལ་གང་ཡིན་པ་མི་ཤེས་ཏེ། ཚེ་ལོ་གྲངས་མེད་པ་ཡང་ཐུང་ངུར་འགྱུར་ལ། རིམ་གྱི་འགྲིབས་ནས་ཚེ་ལོ་བརྒྱད་ཁྲི་པར་འགྱུར་རོ། །དེའི་ཚེ་འཛམ་བུའི་གླིང་ཐམས་ཅད་དུ་ལྷ་ལྷ་བུའི་སྐྱེས་པ་དང་། བུད་མེད་ལྷ་མོ་ལྟ་བུས་གང་བར་འགྱུར་ལ། ལྷ་རྣམས་ཀྱིས་ཀྱང་ཟླ་བ་ཕྱེད་ཙམ་དང་། ཞག་བཅུ་ཙམ་དང་། ཞག་ལྔ་ལྔ་ཙམ་དུ་ཆར་འབེབས། ནམ་གྱི་གུང་ལ་ས་ཐམས་ཅད་དྲི་བཟང་པོ་དང་། རོ་ཞིམ་པ་དང་། བཅུད་ཆེར་བྱེད་པར་འགྱུར་རོ། །དེ་ནས་ས་ཐམས་ཅད་རྡོ་བ་དང་། ཚེར་མ་དང་། གཡང་ས་དང་། ངམ་གྲོག་མེད་པར་རབ་ཏུ་མཉམ་ཞིང་ཉམས་དགའ་བར་འགྱུར་རོ། །གྲོང་ཁྱེར་གྱི་སྒོ་བཞི། ཟུར་བཞི་དང་། གྲོང་ཁྱེར་གྱི་དབུས་ཀྱི་བཞི་མདོ་རྣམས་དུ་དཔག་བསམ་གྱི་ཤིང་ལྗོན་པ་ཡལ་ག་དང་། ལོ་མ་དང་། མེ་ཏོག་དང་། འབྲས་བུ་ཡིད་དུ་འོང་བ་སྣ་ཚོགས་པས་བརྒྱན་པ་འབྱུང་བར་འགྱུར་རོ། །ཞེས་སོ། །
སྤྱི་དོན་བརྒྱད་པ། བྱམས་པ་དང་འཁོར་ལོས་བསྒྱུར་རྒྱལ་རྣམས་འབྱོན་ཚུལ་བསྟན་པ།
སྤྱི་དོན་བརྒྱད་པ་བྱམས་པ་དང་། འཁོར་ལོས་བསྒྱུར་བའི་རྒྱལ་པོ་འབྱོན་ཚུལ། བཅོམ་ལྡན་འསད་བྱམས་པའི་འབྱོན་ཚུལ། དེ་ནས་སྐྱེ་རྒུ་རྣམས་ཀྱིས་ཚེ་ལོ་བརྒྱད་ཁྲི་ཐུབ་པ་ན། དེ་བཞིན་གཤེགས་པ་བྱམས་པ་འཇིག་རྟེན་དུ་འབྱོན་ཏེ། ཤཱཀྱ་ཐུབ་པ་མྱ་ངན་ལས་འདས་ནས་ལོ་བྱེ་བ་ཕྲག་ལྔ་བཅུ་རྩ་བདུན་ནས་བྱམས་པ་འབྱོན་ཟེར། ཡང་སྟོན་པ་འདས་ནས་ལོ་བྱེ་བ་ཕྲག་བཅུ་རྩ་བདུན་དང་། ས་ཡ་དྲུག་ནས་བྱམས་པ་འབྱོན་པར་ལུང་བསྟན་པའི་མདོ་ལས། ཤཱ་རིའི་བུ་དེ་ལྟར་ཕུན་སུམ་ཚོགས་པའི་དུས་ལ་བབས་པའི་ཚེ། བྱང་ཆུབ་སེམས་དཔའ་འདི་ཉིད་མངོན་པར་རྫོགས་པར་སངས་རྒྱས་ཏེ། དེ་ཡང་འདིས་བསྐལ་པ་གྲངས་མེད་པ་འབུམ་ཕྲག་གཅིག་དང་། བསྐལ་པ་བཅུ་དྲུག་གི་བར་དུ་སྦྱིན་པ་ལ་སོགས་པའི་ཕ་རོལ་དུ་ཕྱིན་པ་དྲུག་རྫོགས་པར་བྱས་ཏེ། ཐ་མར་ཐམས་ཅད་སྒྲོལ་གྱི་རྣམ་པར་ཐར་པའི་ཚུལ་གྱིས་སྦྱིན་པ་ཆེན་པོ་བཏང་ནས་དགའ་ལྡན་དུ་མངོན་པར་སྐྱེ་བར་འགྱུར་རོ། །དེའི་ཚེ་ཕྱོགས་བཅུའི་འཇིག་རྟེན་གྱི་ཁམས་ན་ཇི་སྙེད་འཁོད་པའི་ལྷ་ཐམས་ཅད་འོངས་ཏེ། ད་ནི་སངས་རྒྱས་འཇིག་རྟེན་དུ་འབྱུང་བར་འགྱུར་རོ། །ཞེས་སྙན་པའི་སྒྲ་དབྱངས་ཆེན་པོ་ཀུན་ཏུ་སྒྲོག་པར་བྱེད་ཅིང་། བྱང་ཆུབ་སེམས་དཔའ་བྱམས་པའང་འཛམ་བུའི་གླིང་དུ་གཤེགས་ཏེ། མངོན་པར་རྫོགས་པར་སངས་རྒྱ་བར་གསོལ་ཞེས་སྐུལ་བར་ཡང་བྱེད་དོ། །དེ་ནས་དེས་གཟིགས་པ་རྣམ་པ་ལྔས་མངོན་པར་གཟིགས་པར་འགྱུར་ལ་གཟིཊ་ནས་ཀྱང་དགའ་ལྡན་གྱི་ཕོ་བྲང་ལྷའི་ཞལ་མེད་ཁང་ཆེན་པོ་ནས་འཕོས་ཏེ། རྒྱལ་པོ་དུང་གི་ཕོ་བྲང་གྲོང་ཁྱེར་རྒྱལ་མཚན་བློ་གྲོས་ཞེས་བྱ་བ་དེར། བྲམ་ཟེར་མདུན་ན་འདོན་ཚངས་རབ་ཅེས་བྱ་བའི་བཙན་མོ། །ཚངས་ལྡན་མ་ཞེས་བྱ་བའི་ལྷུམས་སུ་འཇུག་པར་བྱ་བར་འགྱུར་རོ། །དེའི་ཚེ་འཇིག་རྟེན་གྱི་ཁམས་སྟོང་ཕྲག་དྲྭ་བས་འཇིག་རྟེན་གྱི་ཁམས་ཐམས་ཅད་གསལ་བར་འགྱུར་རོ། །དེ་ཟླ་བ་བཅུ་འདས་པ་ན། དྲང་སྲོང་ལྷུང་བ་རི་དྭཊ་རྒྱུ་བའི་ཚལ་དུ། ཡུམ་གྱི་གློ་གཡས་རོལ་ནས་འཁྲུངས་ཏེ་རིམ་གྱིས་ནར་སོན་པ་དང་། རང་གི་བསོད་ནམས་ཀྱི་མཐུས་སའི་འོག་ནས་རིན་པོ་ཆེ་སྣ་བདུན་ལས་གྲུབ་པའི་ཁང་བཟང་བཞི་འབྱུང་བར་འགྱུར་ལ། དེར་རང་ཉིད་ལྷ་བཞིན་དུ་འདགུ་སྟེ། ལྷ་མོ་ཟླ་བའི་གདོང་ཅན་མ་དག། གཞན་ཡང་ལྷ་མོ་ལྟ་བུའི་བུད་མེད་ལྷ་མོ་མང་པོ་དང་ལྷན་ཅིག་ཏུ་དགའ་བས་རྣམ་པར་སྤྱོད་པར་འགྱུར་རོ། །ཞེས་དང་། གཞན་ཡང་རབ་ཏུ་བྱུང་བ་ལ་སོགས་པའི་མཛད་པ་བཅུ་གཉསི་པོ་ཀུན་ད་ལྟར་གྱི་ཤཱཀྱ་ཐུབ་པ་དང་ཚུལ་མཐུན་པ་ལ། བསོད་ནམས་ཀྱི་དཔལ་དང་བྱང་ཆུབ་སེམས་དཔའི་མཛད་པ་དཔག་པར་མི་ནུས་པ་འདུག་སྟེ། ཡི་གེ་མང་བས་ཤེས་པར་འདོད་ན་བྱམས་པ་འབྱོན་པར་ལུང་བསྟན་པའི་མདོ་ན་གསལ་ལོ། །མདོ་དེ་ཉིད་ལས། ཤཱ་རིའི་བུ་སྟོབས་བཅུ་མངའ་བའི་བཅོམ་ལྡན་འདས་དེའི་སྐུ་ལས་རྣམ་པར་འཕྲོ་བའི་འོད་ཟེར་ཐམས་ཅད་ཀྱང་རབ་ཏུ་འབར་ཞིང་གསལ་ཏེ། ཉི་ཟླའི་འདོ་ཐམས་ཅད་ཟིལ་གྱིས་མནན་ནས་མི་གསལ་ཞིང་། ཉིན་མོ་དང་མཚན་མོ་ཡང་གང་ཡིན་བྱེ་བྲག་མེད་པར་འགྱུར་རོ། །དེ་ལྟར་སྔ་དྲོ་དང་། དགོང་མོ་ཤེས་པ་ནི་མེད་ལ། གཞཉ་དུ་ན་བྱའི་སྒྲས་ཤེས་པར་བྱེད་དེ། བྱ་རྣམས་སྐད་འབྱིན་པ་ན། ད་ནི་སྔ་དྲོ་འོ་ཞེས་པ་དང་། ནམ་བྱ་རྣམས་སྐད་མེད་པར་གཅོམ་སྐྱུངས་པ་ན། ད་ནི་དགོང་མོ་འོ་ཞེས་རྣམ་པར་འབྱེད་ལ། ཡང་ན་མེ་ཏོག་ཁ་འབྱེད་པ་དང་། ཟུམ་པས་ཀྱང་། འཇིག་རྟེན་པ་རྣམས་གོ་བར་བྱེད་དོ། །བཅོམ་ལྡན་འདས་དེ་གང་དང་གང་དུ་ཆོས་འཆད་པ་དེ་དང་དེར་ཡང༌།ཆོས་སྒྲ་ཐམས་ཅད་ལ་གྲགས་པར་འཆད་དོ། །ཐོག་མར་བྲམ་ཟེར་བརྒྱད་ཁྲི་བཞི་སྟོང་དང་། ཚངས་པ་ས་ཡ་ཕྲག་བཅོ་བརྒྱད་ཀྱིས་ཆོས་ཀྱི་བདུད་རྩི་འཐུངས་སྟེ། འབྲས་བུ་ལ་རྣམ་པར་གནས་པར་འགྱུར་རོ། །དེ་ལྟ་བུའི་བཅོམ་ལྡན་འདས་དེ་ནི་བསོད་ནམས་དང་བྱིན་བརླབས་ཀྱི་ནུས་པ་བརྒྱ་ཕྲག་མང་པོ་དང་ལྡན་པ། བསོད་ནམས་བརྒྱ་ཕྲག་དུ་མའི་མཚན་ཅན་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་ལེགས་པར་བརྒྱན་པའོ། །དེའི་སྐུ་ལས་འོད་ཟེར་ཁ་དོག་སྣ་ཚོགས་འཕྲོ་ཞིང་། འོད་ཀྱི་དཀྱིལ་འཁོར་གྱི་ཁྲོད་དན་ཤིན་ཏུ་ལྷ་མ་མེ་ལྷན་ནེ་ལྷང་ངེར་བཞུགས་ཏེ། གཟི་བརྗིད་ཚད་མེད་པའི་དཔལ་རབ་ཏུ་འབར་བའོ། །འོད་ཀྱང་ཁ་དོག་སྔོན་པོ་དང་། སེར་པོ་དང་། དམར་པོ་དང་། ལྗང་ཁུ་དང་། དཀར་པོ་དང་། ཤེལ་དང་དངུལ་གྱི་ཁ་དོག་ཅན་རྣམས་རྒྱུན་མི་ཆད་པར་འགྱུར་ཏེ། འོད་འཕྲོ་བ་ཏ་ལའི་ཤིང་ལྟ་བུ་ཕྱོགས་ཐམས་ཅད་དུ་བསྐོར་ཤིང་འཁོར་ལ། ཕུང་པོ་ཕུང་པོར་ཡང་ཆད་དེ། གསལ་ཞིང་འཚེར་བའི་འཕྲེག་བ་རྣམས་ཀྱིས་བཅོམ་ལྡན་འདས་ཀྱི་སྐུ་ལ་ལན་གསུམ་བསྐོར་བ་བྱས་ནས། ཡར་མར་འགྲོ་བར་བྱེད་དོ། །བཅོམ་ལྡན་འདས་དེའི་སྐུའི་སྲིད་དུ་ཁྲུ་བརྒྱད་ཅུ་རྩ་བརྒྱད་དང་ལྡན་པ་ཡིན་ཏེ། ཞབས་ཀྱི་མཐིལ་ནས་པུས་མོའི་བར་ལ་ཁྲུ་ཉིས་ཤུ་རྩ་གཉིས་སོ། །པུས་མོ་ནས་ལྟེ་བའི་བར་ལ་ཁྲུ་ཉིས་ཤུ་རྩ་གཉིས་སོ། །ལྟེ་བ་ནས་མགུལ་གྱི་བར་ལ་ཁྲུ་ཉིས་ཤུ་རྩ་གཉིས་སོ། །མགུལ་ནས་དབུའི་བར་ལ་ཁྲུ་ཉིས་ཤུ་རྩ་གཉིས་སོ། །དཔུང་པ་གཉིས་ཀྱི་བར་ལ་ཁྲུ་ཉིས་ཤུ་རྩ་ལྔའོ། །སྒྲོག་རུས་རེ་རེ་ལའང་ཁྲུ་ལྔ་ལྔའོ། །སྙན་ཤལ་གཉིས་ལ་ཁྲུ་བདུན་བདུན་ནོ། །སྤྱན་གྱི་དཀྱུས་ལ་ཁྲུ་ལྔ་ལྔའོ། །སྨིན་དབྲག་ལའང་ཕྲུ་ལྔ་ལྔའོ། །ཤངས་ཀྱི་དཀྱུས་ལ་ཕྲུ་བདུན་ནོ། ། །མཆུ་གཉིས་ལ་ཁྲུ་བཅུའོ། །ལྗགས་ཀྱི་དཀྱིལ་འཁོར་ལ་ཕྲུ་ལྔའོ། །སྨིན་དབྲག་པའང་ཕྲུ་ལྔ་ལྔའོ། །ཤངས་ཀྱི་དཀྱུས་ལ་ཁྲུ་ལྔ་ལྔའོ། །སྨིན་དབྲག་ལའང་ཕྲུ་ལྔ་ལྔའོ། །ཤངས་ཀྱི་དཀྱུས་ལ་ཕྲུ་བདུན་ནོ། །མཆུ་གཉིས་ལ་ཁྲུ་བཅུའོ། །ལྗགས་ཀྱི་དཀྱིལ་འཁོར་ལ་ཕྲུ་ལྔའོ། །མཆུ་གཉིས་ལ་ཁྲུ་བཅུའོ། །ལྗགས་ཀྱི་དཀྱིལ་འཁོར་ལ་ཕྲུ་ལྔའོ། །གཙུག་ཏོར་ལ་ཕྲུ་ལྔའོ། །མགྲིན་པ་ལ་ཕྲུ་ལྔའོ། །ཕྱག་གཉིས་གྱིས་དཀྱུས་ལ་ཕྲུ་བཞི་བཅུ་རྩ་བཞི་རྩ་བཞིའོ། །ཤཱ་རིའི་བུད་དེ་ལྟ་བུའི་སངས་རྒྱས་དེ་ནི། དཔེ་མེད་པའི་དཔལ་དང་། སངས་རྒྱས་ཀྱི་ཡོན་ཏན་མཐའ་ཡས་པ་དང་ལྡན་ཞིང་། འཇིག་རྟེན་གྱི་འཁོར་ལ་སྟོང་ཕྲག་བཅུའི་ལྷ་དང་མི་རྣམས་ཀྱི་དབུས་སུ་བཞུགས་ནས་ཆོས་ཀྱི་འཁོར་ལོ་ཆེན་པོ་ཡང་དག་པར་བསྐོར་བར་མཛད་པ་ཡིན་ནོ། །དེའི་འོག་ཏུ་ལྷ་དང་མི་ས་ཡ་ཕྲག་གཅིག་གིས་འཛིན་པ་མེད་པར་དང་པོ་ཉིད་དུ་ཆོས་ཀྱི་མཆོག་གི་རྣམ་པར་གྲོལ་བ་ཐོབ་པར་འགྱུར་ཏེ། རྣམ་པར་གྲོལ་བ་ཐོབ་པ་རྣམས་ནི་ལྷའི་ཡུལ་དུ་སྐྱེ་བར་འགྱུར་རོ། །འདི་ལྟར་བཅོམ་ལྡན་འདས་བྱམས་པའི་མཆོག་ཆེན་པོ་དེ། གང་གིས་མི་མཐོང་ཞེ་ན། ཤཱ་རིའི་བུ་གང་གིས་ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་སློང་མ་སུན་དབྱུང་བ་དང་། དགེ་འདུན་གྱི་དབྱེན་བྱས་པ་དང་། སྡིག་པའི་ལས་ལྔ་བྱས་པ་དང་། མཆོད་རྟེན་བཤིག་པ་དང་། བྱང་ཆུབ་ཀྱི་་ཤིང་བཅད་པ་དང་། བྱང་ཆུབ་སེམས་དཔའ་བསད་པ་དང་། དགེ་འདུན་གྱི་འཚོ་བ་ཉམས་པར་བྱས་པ་དང་། སེར་སྣ་ཤས་ཆེ་བ་དང་། རྟག་ཆད་དུ་ངེས་པར་བལྟ་བའི་མུ་སྟེགས་པ་དང་། འཕགས་པ་རྣམས་ལ་བསྐུར་བ་བཏབ་པ་དང་། དམ་པའི་ཆོས་སྤངས་པ་དང་། གཅེར་བུ་པའི་རིགས་རྣམས་ཀྱིས་མི་མཐོང་བ་ཡིན་ནོ། །ཚིགས་སུ་བཅད་པ་སྟོང་ཕྲག་གཅིག་གིས་བརྒྱན་ཡོད་པའི་ཐམཀས་ཅད་སྒྲོལ་བའི་སྐྱེས་རབས་ཆེན་པོ་སྟོང་ཕྲག་གསུམ་པ་ཞང་གཅིག་ལ་འཛད་ཅིང་། ཉན་པའི་མི་དང་། མར་མེ་སྟོང་ཕྲག་གཅིག་འབུལ་བ་དང་། དྲི་བཟང་པོ་མེད་ནའང་མེ་ཏོག་སྟོང་ཕྲག་གཅིག་འབུལ་བ་དང་། ཨུཏྤལ་སྔོན་པོ་སྠོང་ཕྲག་གཅིག་འབུལ་བ་དང་། སངས་རྒྱས་ཀྱི་རིང་བསྲེལ་ཡོད་པའི་མཆོད་རྟེན་དང་། སངས་རྒྱས་ཀྱི་སྐུ་གཟུགས་ལ་མཆོད་པ་བྱེད་པ་ཐམས་ཅད་ནི་སངས་རྒྱས་བྱམས་པ་དེས་ཆོས་སྟོན་པའི་དུས་སུ། དེའི་དྲུང་དུ་ཆོས་ཀྱི་མཆོག་གི་རྣམ་པར་གྲོལ་བ་ཐོབ་པ་དང་མཐོང་བར་འགྱུར་རོ། །དེ་མ་ཡིན་པའི་སེམས་ཅན་སྦྱིན་པ་གཏོང་བ་དང་། སྡོམ་པ་སྲུང་བ་དང་ལྷ་ཁང་དང་། གཙུག་ལག་ཁང་དུ་བྱེད་པ་དང་། བྱང་ཆུབ་ཀྱི་ཤིང་གི་ས་བོན་སྐྱེད་པ་དང་། རིང་བསྲེལ་གྱི་མཆོད་རྟེན་བྱེད་པ་དང་། བྱང་ཅུབ་ཀྱི་ཤི་དང་། མཆོད་རྟེན་ལ་ཞབས་ཏོག་བྱེད་པ་དང་། སེམས་ཅན་ལ་ཕན་པའི་ཚལ་བྱེད་པ་དང་། ཟམ་པ་བྱེད་པ་དང་། ལམ་བྱེད་པ་དང་། མགྲོན་པོའི་གནས་ཁང་བྱེད་པ་དང་། ཆུ་མིག་བྱེད་པ་དང་། སངས་རྒྱས་ཀྱི་བསྟན་པ་ལ་དད་པར་བྱེད་པ་དང་། སངས་རྒྱས་ཀྱི་ཆོས་འདི་དག་འཆད་པ་ལ་མེ་ཏོག་ལ་སོགས་པས་མཆོད་པར་བྱེད་པར་དང་། དའེི་ཁྲི་ལ་བྱི་དོར་བྱེད་ཅིང་ལེགས་པར་ཆོས་མཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་། ཕ་དང་མའི་ཞབས་ཏོག་བྱེད་པ་དང་། རིགས་ཀྱི་ཆེ་བ་ལ་གུས་པར་བྱེད་པ་དང་། སྡོམ་པ་སྲུང་བའི་དུས་སུ་བསྙེན་བཀུར་བྱེད་པ་དང་། ཚེས་བཅོ་ལྔའི་དུས་སྟོན་བྱེད་པ་དང་། ལྷུང་བཟེད་འབུམ་བ་དང་། སྟན་འབུལ་བར་བྱེད་པ་ཐམས་ཅད་ཀྱིས་ནི། ཡང་དག་པར་རྫོགས་པའི་སངས་རྒྱས་བྱམས་པ་མཐོང་ཞིང་མཉེས་པར་བྱེད་པ་ཡིན་ནོ། །དེ་ལྟ་བུའི་བསོད་ནམས་མང་པོ་མི་ནུས་པར་བྱེད་པ་ཡིན་ནོ། །དེ་ལྟ་བུའི་བསོད་ནམས་མང་པོ་མི་ནུས་ནའང་། གཞན་གྱི་བསོད་ནམས་ལ་རྗེས་སུ་ཡིད་རངས་པར་བྱེད་པའི་ལྷ་དང་མི་རྣམས་ཀྱིད་དེའི་དུས་ན་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བ་ཡིན་ནོ། །གཞན་ཡང་བཅོམ་ལྡན་འདས་པ་དེ་མཐོང་བར་འདོད་པའི་དད་པ་ཡོད་པི་མིས་སྦྱིན་པ་གཏོང་བ་དང་། ཚུལ་ཁྲིམས་བསྲུང་བ་དང་། བསྙེན་གནས་བསྒྲུབ་པ་དང་། དོན་ཡག་དག་པར་བསྒོམ་པ་དང་། དགེ་བའི་ལས་ཤིན་ཏུ་ལེགས་པར་བྱེད་པ་རྣམས་ཀྱིས་ནི། སངས་རྒྱས་བྱམས་དེ་ལེགས་པར་མཐོང་བ་དང་། དེ་དང་མཇལ་བར་འགྱུར་རོ། །ཞེས་སོ། །དེ་ནས་ཡང་སེམས་ཅན་རྣམས་ཀྱིས་མི་དགེ་བ་བྱས་པས། ལོ་བརྒྱ་བརྒྱ་ནས་ལོ་རེ་མར་བྲི་བས་ཚེ་ལོ་བཅུ་པ་སོང་། དེ་ལྟར་ཡར་འཕེལ་བས་བརྒྱད་ཁྲི་པ་དང་། མར་འགྲིབས་པས་བཅུ་པ་སྟེ། ཁུག་པ་བཅོ་བརྒྱད་པོ་དེ་ལ་བར་གྱི་ཁུག་པ་བཅོ་བརྒྱད་དོ། །དེ་དག་རྫོགས་པའི་མཐར། ཚེ་ལོ་བཅུ་པ་ལས། ལོ་ཉིས་བརྒྱ་ཉིས་བརྒྱ་ལ་ལོ་རེ་ཡར་འཕེལ་བས། ཚེ་ལོ་བརྒྱད་ཁྲི་ཁུག་པ་མ་ཐོག་ཡིན། དེ་ལྟར་ཡོ་ཐོག་མ་ཐོག་གཉིས་ལ། ལོ་ཉིས་བརྒྱ་ཉིས་བརྒྱ་ན་ལོ་རེ་སྐྱེ་འབྲི་བྱེད་ལ། བར་གྱི་ཁུག་པ་རྣམས་ནི་ལོ་བརྒྱ་བརྒྱ་ན་ལོ་རེ་སྐྱེ་འབྲི་བྱེད་པ། ཡ་ཐོག་མ་ཐོག་རྐྱང་པ་དང་། བར་གྱི་ཁུག་པ་རེ་མཉམ་མོ། །དེ་ལྟར་ཡ་ཐོག་མ་ཐོག་གཉིས་བར་གྱི་ཁུག་པ་བཅོ་བརྒྱད་དེ། བར་གྱི་བསྐལ་པ་ཉིས་ཤུར་གནས་པའོ། །འཁོར་ལོས་བསྒྱུར་རྒྱལ་འཛམ་བུའི་གླིང་འདི་ཉིད་དུ་འབྱོན་ཚུལ། འཁོར་ལོས་སྒྱུར་བའི་རྒྱལ་པོ་འཛམ་བུ་གླིང་འདི་ཉིད་དུ་འབྱུང་བའི་དུས་ནི། མཚན་ཉིད་ཡོངས་སུ་རྫོགས་པའི་འཁོར་ལོས་སྒྱུར་པའི་རྒྱལ་པོ་ནི། ས་ཐོབ་པའི་བྱང་ཆུབ་སེམས་དཔའ་སྟེ། དེ་ཉིད་ཚེ་ལོ་བརྒྱད་ཁྲི་ཡན་ཆད་ལ་འབྱུང་གི །དེ་མན་ཆད་ལ་ལོངས་སྤྱོད་ཀྱི་བྱ་བ་མི་རྫོགས་པའི་ཕྱིར་མི་འབྱུང་ངོ༌། དེ་མན་ཆད་ལ་ལོངས་སྤྱོད་ཀྱི་བྱ་བ་མི་རྫོགས་པའི་ཕྱིར་མི་འབྱུང་ངོ་། །སྟོབས་ཀྱིས་འཁོར་ལོས་སྒྱུར་བའི་རྒྱལ་པོ་ནི། མཆོད་སྦྱིན་ཉིན་གཅིག་ཙམ་བྱས་པའམ། སྔར་མེད་པའི་སར་རྟེན་བཞེངས་པ་ཙམ་གྱིས་ཐོབ་པ་ཡོད་དེ། དེ་ནི་བརྒྱད་ཁྲི་བ་དེ་བས་མར་འགྲིབ་ཀྱི་དུས་སུ་འབྱུང་ངོ་། །དེ་ཡང་གླིང་བཞི་གཅིག་ཏུ་འཁོར་ལོས་སྒྱུར་བ་གཉིས་མི་འབྱུང་སྟེ། སངས་རྒྱས་དང་འདྲའོ། །དེ་ཡང་གང་ཟག་གཞན་ལས་ཁྱད་པར་དུ་གྱུར་པ་ནི། །ལུས་ནི་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དག་གིས་བརྒྱན་པའོ། །འོ་ན་སངས་རྒྱས་ཀྱིས་མཚན་དཔེ་བྱད་དང་ཁྱད་ཅི་ཡོད་ཅེ་ན། ཡོད་དེ། གསལ་མི་གསལ་དང་། རྫོགས་མ་རྫོགས་དང་། གོག་པ་འཛུར་མི་འཛུར་གྱི་ཁྱད་པར་ཡོད་པར་བཤད་དོ། །སྐྱེ་བོ་གཞན་ལ་མེད་པའི་ཁྱད་པར་གྱི་ལོངས་སྤོཡད་མཆོག་ཏུ་འགྱུར་པི་རིན་པོ་ཆེ་སྣ་བདུན་ནོ། །དེ་ཡང༌། འཁོར་ལོ་རིན་པོ་ཆེ་གསེར་དངུལ་ལ་སོགས་པ་ལས་བྱས་པ། རྩིབས་སྟོང་དང་དན་པ་ནམ་མཁའ་ནས་ལྷས་འབུལ་བར་བྱེད་དོ། །ནོར་བུ་རིན་པོ་ཆེ་ཟུར་བརྒྱད་པས་ཚད་གྲང་སྐྱོབ་ཅིང་། མཚན་མོ་སྣང་བར་བྱེད་པ་ཀླུའི་རྒྱལ་པོས་འབུལ་ལོ། །གླང་པོ་རིན་པོ་ཆེ་རབ་བརྟན་གྱི་འཁོར་དང་། རྟའི་རྒྱལ་པོ་བཱ་ལ་ཧ་བརྒྱ་བྱིན་གྱིས་འབུམ་ལོ། །བློན་པོ་རིན་པོ་ཆེ་དེས་བང་མཛོད་དུ་བལྟས་པ་ཙམ་གྱིས་ལོངས་སྤྱོད་ཀྱི་གང་བར་བྱེད་པ་དང་། བཙུན་མོ་མཆོག་ཏུ་གྱུར་པ་དུས་དེར་རང་བཞིན་གྱི་སྐྱེའོ། །དམག་དཔོན་གྱད་སྟོབས་པོ་ཅེ་རབང་བཞིན་གྱིས་འབྱུང་ངོ་། །ཉེ་བའི་རིན་པོ་ཆེ་བདུན་ནི། ཚལ་རིན་པོ་ཆེ་ནི་སྐྱིད་མོ་ཚལ་ཏེ། སླེབས་པ་ཙམ་གྱིས་ལུས་སེམས་ལ་དགའ་བ་སྐྱེའོ། །ཁང་བཟང་རིན་པོ་ཆེ་ནི། རིན་པོ་ཆེ་ལས་གྲུབ་པའི་ཁང་བཟང་སྡུག་པ་ཙམ་གྱིས་ལུས་སེམས་ལ་དགའ་བདེ་སྐྱེའོ། །མལ་ཁྲི་རིན་པོ་ཆེ་ནི། རིན་པོ་ཆེའི་ཁྲི་སྟེང་དུ་བསྡད་པ་ཙམ་གྱིས་བདེ་སྐྱེའོ༌། གོས་རིན་པོ་ཆེ་ནི། ལྷའི་གོས་ཁ་དོག་བཟང་ཞིང་རེག་ན་འཇམ་པ། གྱོན་པ་ཙམ་གྱིས་ཏིང་ངེ་འཛིན་སྐྱེའོ། །མཆིལ་ལྷམ་རིན་པོ་ཆེ་ནི། གྱོན་པས་ཆུ་ལ་མི་འབྱིང་། ནམ་མཁའ་ལ་འགྲོ་བད་ནུས་པའོ། །ཀླུའི་པགས་པ་རིན་པོ་ཆེ་ནི། གྱོན་པས་འབྱུང་བ་བཞིའི་གནོད་པས་མི་ཚུགས་ཤིང་། སྤྲུགས་པས་ཆར་འབབ་བོ། །རལ་གྲི་ཏིན་པོ་ཆེ་ནི། འཕྲར་བ་ཙམ་གྱིས་ཕས་ཀྱི་གཡུལ་འཇོམས་པར་བྱེད་པའོ། །དེ་ཡང་། འཁོར་ལོས་སྒྱུར་བ་རང་ལ་བཞི་ཡོད་དེ། གསེར་གྱི་འཁོར་ལོས་སྒྱུར་བ་དང་། དངུལ་གྱི་འཁོར་ལོས་སྒྱུར་བ་དང་། ཟངས་ཀྱི་འཁོར་ལོས་སྒྱུར་བ་དང་། དངུལ་གྱི་འཁོར་ལོས་སྒྱུར་བ་དང་བཞིའོ། །དེ་དག་ནི་གོ་རིམ་བཞིན་དུ་གླིང་བཞི་དང་། གསུམ་དང་། གཉིས་དང་། གཅིག་ལ་དབང་བྱེད་དོ། །དབང་བྱེད་ལུགས་ནི། གསེར་གྱི་འཁོར་ལོ་ཅན་གླིང་བཞིར་འགྲོ་བ་དང་། འཁོར་ལོ་ནམ་མཁའ་ལ་འཕངས་པས། ནམ་མཁའ་ལ་ལམ་བྱུང་ནས་དེ་ཕྱིན་པ་དང་། གླིང་བཞིའི་མིས་ཕར་བསུ་ཚུར་སྐྱེལ་སོགས་བྱེད་ཅིང་བསྙེན་བཀུར་བྱེད་དོ། །དངུལ་གྱི་ནི་འཁོར་ལོ་རང་འགྲོ་ཞིང་དྲུང་དུ་ཕྱིན་པ་ཙམ་གྱིས་བསྙེན་བཀུར་བྱེད་དོ། །ཟངས་ཀྱིས་ནི་དྲུང་དུ་ཕྱིན་ནས་གཡུལ་བཤམས་པ་ཙམ་གྱིས་འདུལ་ལོ། །ལྕགས་ཀྱིས་ནི་མཚོན་བརྩམས་པས་མི་རྣམས་དབང་དུ་བྱེད་དོ། །དེ་ལྟར་དབང་དུ་བྱས་ཤིང་གླིང་བཞི་འདུལ་ཞིང་མི་རྣམས་བདེ་བ་ལ་འགོད་དོ། །
སྤྱི་དོན་དགུ་པ། བསྐལ་པ་འཇིག་པ་དང་ཆགས་པའི་ཚུལ།
སྤྱི་དོན་དགུ་པ་བསྐལ་པའི་འཇིག་ཆགས་དང་། མ་འོགས་པའི་བསྐལ་པ་ལ་སངས་རྒྱས་འབྱོན་ཚུལ་བསྟན་པ་ནི། དེ་ཡང་སངས་རྒྱས་སྟོང་གི་བསྟན་པ་རྫོགས་ཤིང་། མ་ཐོག་གི་ཚེ་ལོ་བརྒྱད་ཁྲི་བ་དེ་ནས་འཇིག་པའི་འགོ་ཚུགས་པའོ། །དེ་ཡག་འཇིག་ཚུལ་ནི། དང་པོ་སྔོན་ལ་ཆགས་པ་རྟིང་ལ་འཇིག་པ། རྟིང་ལ་ཆགས་པ་སྔོན་ལ་འཇིག་རྟེན། དང་པོ་མནར་མེད་དམྱལ་ན། བངས་ཀྱི་རྟིང་ལ་ཆགས་པས། འཇིག་པའི་ཚེ༌།སགོན་ལ་མནར་མེད་དམྱལ་བ་འཇིག་རྟེན། དམྱལ་བ་ལས་ཟད་པ་རྣམས་མིར་སྐྱེའོ། །ལས་མ་ཟད་པ་རྣམས་འཇིག་རྟེན་གྱི་ཁམས་སོ་མ་གཞཉ་དུ་ལས་ཀྱི་རླུང་གིས་འཕེན་ནོ། །དེ་ནས་དམྱལ་བ་སྟེང་བ་རྣམས་དང་། དེ་དག་དུས་མཉམ་དུ་གྲང་དམྱལ་བརྒྱད་པོ་རྣམས་རིམ་གྱིས་འཕོ་ཞིང་། དམྱལ་བའི་གནས་དུ་སེམས་ཅན་གཅིག་ཀྱང་མི་ལུས་སོ། །དེ་ནས་ཡི་དྲགས་དང་དུས་འགྲོ་རྣམས་ཀྱང་རིམ་གྱི་མིའམ། འཇིག་རྟེན་གཞན་དུ་འཕོ་སྟེ། ངན་སོང་གི་སེམས་ཅན་གཅིག་ཀྱང་མེད་པར་ཟད་པ་དང་། དེ་ནས་མི་རྣམས་ལ་འཇིག་ཚུལ་གཉིས་ཡིན་ཏེ། མི་ལས་ངན་བྱས་པ་རྣམས། མཚོན། ནད། མུ་གེའི་བསྐལ་པ་བྱུང་ནས་འཇིག་ཅིང་། འཇིག་རྟེན་གཡི་ཁམས་སོ་མ་གཞན་གྱི་གནས་སུ་སྐྱེའོ། །མི་ལས་བཟང་པོ་བྱས་པ་རྣམས་ལ་བསམ་གཏན་དང་པོའི་་ཏིང་ངེ་འཛིན་སྐྱེས་ནས། དེ་དག་ཐམས་ཅད་ཚངས་རིགས་སུ་སྐྱེའོ། །དེ་ནས་འདོད་ཁམས་ཀྱི་ལྷ་རིགས་དྲུག་ཀྱང་དེ་བཞིན་དུ་བསམ་གཏན་དང་པོར་འཕོའོ། །དེ་ནས་ཚངས་རིགས་ཀྱི་ལྷ་རྣམས་ནི་བསམ་གཏན་གཉིས་པར་ཏིང་ངེ་འཛིན་སྐྱེས་ནས། ཐམས་ཅད་བསམ་གཏན་གཉིས་པར་འཕོ་སྟེ། བསམ་གཏན་དང་པོ་མན་ཆད་ན་སེམས་ཅན་གཅིག་ཀྱག་མེད་པར་འགྱུར་རོ། །དེ་ལྟར་བཅུད་ཀྱི་སེམས་ཅན་འཇིག་པ་དེ་དག་གིས་ཡུན། བར་གཡི་བསྐལ་པ་བཅུ་དགུའི་ཡུན་གྱིས་འཇིག་པའོ། །དེ་ནས་སྣོད་སྟོང་པ་དེ་བཤིག་པར་བྱེད་པ་ལ། ཉི་མ་འདི་ཉིད་དང་། གཞན་ཉི་མ་འདི་བས་བཞི་འགྱུར་གྱི་ཆེ་ལ། འོད་ལྔ་འགྱུར་གྱི་ཚ་བ་དྲུག་སྟེ། ཉི་མ་བདུན་རིམ་གྱིས་ཤར་བས། སྣོད་རྣམས་རིམ་གྱིས་སྐེམས་ཤིང་སྲེག་པར་བྱེད་དེ། ཉི་མ་འདིའི་སྟེང་དུ་ཉི་མ་གཉིས་པ་ཤར་བས། ལྟེང་ཀ་ཐབས་མད་བསྐམ་མོ། །གསུམ་པས་ཉི་མ་གཉིས་པ་ཤར་བས། ལྟེང་ཀ་ཐམས་ཅད་བསྐམ་མོ། །གསུམ་པས་ཆུ་ཀླུང་ཆེན་པོ་རྣམས་བསྐམ་མོ། །བཞི་པས་མཚོ་མ་དྲོས་པ་བསྐམ་མོ། །ལྔ་པས་རྒྱ་མཚོ་རིམ་གྱི་བསྐམ་མོ། །དྲུག་པས་རྒྱ་མཚོའི་བརླན་ཐག་བཅད་ཅིང་རིང་རབ་ལ་དུད་པ་འཐུལ་ལོ། །བདུན་པས་མེ་རབ་ཏུ་འབར་ཏེ། མེ་ལྕེ་ཆད་པས། འཐབ་བྲལ་གྒི་གཞལ་མེད་ཁང་བསྲེག་གོ །དེ་ལས་མེ་ལྕེ་ཆད་པས་དགའ་དནད་ང་འཕྲུལ་དགའ་ནས་ཚངས་པ་ཆེན་པོའི་གནས་མན་ཆད་བསྲེག་གོ །དེའི་མེ་ལྕེ་རླུང་གིས་ཁྱེར་བས། འོད་བྱུང་གི་ལྷའི་འོག་ནས་ཡར་བྱུང་བ་ལ། ལྷ་ཕྲུག་གུ་རྣམས་དངངས་པར་འགྱུར་རོ། །དེར་ལྷ་རྒད་པོ་རྣམས་ན་རེ། འདི་ཀ་འདྲ་བ་སྔོན་ཡང་བྱུང་བ་ཡིན་ཏེ་འོག་ཅག་མ་ཚིག་པ་ཡིན་གྱི། མ་འཇིག་ཤིག་ཅེས་ཟེར་རོ། །དེ་ལྟ་བུ་ལན་བདུན་བྱུང་གི་བར་ལ་དེ་ཡན་ཆད་མི་འཇིག་གོ །དེ་ལྟར་བསམ་གཏན་དང་པོ་མན་ཆད་མེས་བསྲེགས་ཤིང་ཚིག་པ་དང་། མེ་ཡང་ཇེ་ཆུང་ལ་རང་ཞིར་སོང་སྟེ། གཞུག་ཐལ་བའི་ལྷག་མ་ཡང་མེད་པར་ནམ་མཁའ་སྟོང་པ་འབར་ཞིག་ཏུ་བསྒྱུར་རོ། །དེ་ལྟར་སྣོད་འཇིག་པ་ལ་ཡུན་བར་གྱི་བསྐལ་པ་གཅིག་གི་ཡུན་གྱིས་འཇིག་སྟེ། དེ་ལྟར་ན་བར་བསྐལ་ཉིས་ཤུའོ། །དེ་ནས་བར་བསྐལ་ཉིས་ཤུའི་དུ་ནམ་མཁའ་སྟོང་པ་འབར་ཞིག་ཏུ་གནས་སོ། །ཡང་ཕྱིས་ནས་ཇི་ལྟར་ཆགས་ཚུལ་བསྟན་པ་ནི། ཡང་ནི་སེམས་ཅན་སྤྱི་མཐུན་ལས་ཀྱི་མཐུས། དང་པོ་ལ་སྣོད་ཆགས་སྟེ། དེ་ཡང་དང་པོ་ནམ་མཁའི་ལྷ་གནས། ཚངས་པ་ཆེན་པོ་ནས་འཐབ་བྲལ་ཏན་ཆད་ཀྱི་གཞལ་མེད་ཁང་རྣམས་རླུང་ལ་བརྟེན་ནས་ཡས་མར་རིམ་གྱིས་ཆགས་སོ། །དེ་ནས་ས་ལ་བརྟེན་པའི་སྣོད་རྣམས་ཡས་མར་རིམ་གྱིས་ཆགས་ཏེ། དེའི་ཚུལ་རྒྱས་པར་གོང་དུ་སྲིད་པ་ཆགས་ཚུལ་སྐབས་སུ་རྒྱས་པར་བཤད་ཟིན་ཏོ། །དེ་ལྟར་འཇིག་རྟེན་ཆགས་པ་དང་། གནས་པ་དང་། འཇིག་པ་དང་། སྟོངས་པ་དང་བཞི་ཀ་ལ། ཡུན་བར་བསྐལ་ཉིས་ཤུ་མཉམ་པས་ཏེ། དེ་དག་ཀུན་བསྡོམས་པས་བར་གྱི་བསྐལ་པ་བརྒྱད་ཅུ་ལ་བསྐལ་པ་ཆེན་པོ་གཅིག་གོ །བར་བསྐལ་དྲུག་ཅུ་རྩ་བཞིའི་གོ་རིམ་བསྟན་པ་ནི། བསམ་གཏན་དང་པོ་ན་རྟོགས་སྤྱོད་མེ་དང་འདྲ་བ་ཡོད་པས་དེའི་སྐྱོན་དང་ཆོས་མཐུན་པར། བསམ་གཏན་དང་པོ་མན་ཆད་ཉི་མ་བདུན་ཤར་བའི་མེས་འཇིག་གོ །དེ་ལྟར་ཡང་ཆགས་ཤིང་མེས་འཇིག་པ་ལན་བདུན་བྱུང་ནས་ནི།དེའི་རྗེས་ལ་བསམ་གཏན་གཉིས་པ་དགའ་བདེ་ཆུ་དང་འདྲ་བས། དེའི་སྐྱོནད་ང་ཆོས་མཐུན་པར། བསམ་གཏན་གཉིས་པ་མན་ཆད་དུ་ཆུས་འཇིག་སྟེན། བསམ་གཏན་གསུམ་པའི་འོག་ནས་ཆར་ཆེན་པོ་བབས་པས། འཇགི་རྟེན་གྱི་ཁམས་ཐམས་ཅདུ་ཆུ་ཡིས་ཁེངས་ཏེ། སྣོད་ཐམས་ཅད་ལན་ཚཱ་ཆུ་ལ་ཐིམ་པ་ལྟར། ཆུའི་འཇིག་པ་ལན་གཅིག་བྱུང་ནས་ནི། དེ་ནས་ཡང་སྲིད་པ་ཆཊ་ནས། བསམ་གཏན་དང་པོ་མན་ཆད་མེས་འཚིག་པ་ལན་བདུན་ནོ། །དེ་ནས་ཡང་བསམ་གཏན་གཉིས་པ་མན་ཆད་ཆུས་ལན་གཅིག་འཇིག་གོ །དེ་ལྟར་མེས་བདུན་ཕྲག་བདུན། དེ་ལྟར་ཆུས་འཇིག་པ་ལན་བདུན་སོང་ནས་ནི། དེའི་རྗེས་ལ་ཡང་བསམ་གཏན་དང་པོ་མན་ཆད་ཆགས་ཀྱིན་མེས་འཇིག་པ་ལན་བདུན་ནོ། །དེའི་རྗེས་ལ་བསམ་གཏན་གསུམ་པ། དབུགས་དབྱུང་རྔུབས་ཀྱི་གཡོ་བ། རླུང་དང་འདྲ་བས། དེའི་སྐྱོན་དང་ཆོས་མཐུན་པར༌། བསམ་གཏན་གསུམ་པ་མན་ཆད། རླུང་གིས་འཇིག་སྟེ། འོག་ནས་རྣམ་པར་འཐོར་བྱེད་ཀྱི། དགའ་བདེ་དང་། དབུགས་དབྱུང་རྔུབས་ཀྱི་སྐྱོན་དེ་དག་མེད་པས། མེ་ཆུང་རླུང་གསུམ་གྱི་འཇིག་པ་མེད། ལྷ་ར་སྐྱེས་པ་དང་། གཞལ་ཡས་ཁང་རེ་རང་ཆས་སུ་ཡོང་ལ། ལྷ་རེ་ཤི་བ་དང་། གཞལ་ཡང་ཁང་རེ་རང་ཆས་སུ་ཡོང་ལ། ལྷ་རེ་ཤི་བ་དང་། གཞལ་མན་ཆད་རེའང་རང་ཡལ་དུ་འགྲོའོ། །དེ་ལྟར་བསམ་གཏན་དང་པོ་མན་ཆད་མེས་བདུན་ཕྲག་བདུན་ཏེ། བཞི་བཅུ་ཞེས་དགུ་ཆགས་འཇིག་བྱེད་དོ། །བསམ་གཏན་གཉིས་པ་མན་ཆད་ཆུས་འཇིག་པ་ལན་བདུན་ཏེ། ལྔ་བཅུ་རྩ་དྲུག་དེ་ནས་ཡང་མེས་ལན་བདུན་ཏེ། དྲུག་ཅུ་རྩ་གསུམ་མོ། །མཇུག་ཏུ། རླུང་གིས་འཇིག་པ་ལན་གཅིག་སྟེ། དེ་ལྟས་སྲིད་པ་ཆགས་འཇིག་གི་བར་བསྐལ་དྲུག་ཅུ་རྩ་བཞིའོ། །
སྤྱི་དོན་བཅུ་པ། མ་འོངས་པའི་བསྐལ་པ་ལ་སངས་རྒྱས་འབྱུང་ཚུལ་བསྟན་པ།
སྤྱི་དོན་བཅུ་པ་མ་འོངས་པའི་བསྐལ་པ་ལ་སངས་རྒྱས་འབྱུང་ཚུལ་བསྟན་པ་ནི། བསྐལ་བཟང་ལས། བསྐལ་པ་བཟང་པོ་འདིའི་གོང་དུ་མུན་པའི་བསྐལ་པ་བཞི་བཅུ་འབྱུང་ངོ་། །དེ་ནས་བསྐལ་པ་བཟང་པོ་འདི་འབྱུང་ངོ་། །འདིའི་འོག་ཏུ་མུན་པའི་བསྐལ་པ་དྲུག་ཅུ་འབྱུང་ངོ༌། །དེའི་འོག་ཏུ་བསྐལ་པ་གཉན་པ་ཆེན་པོ་ཞེས་བྱས་བ་ལ། སངས་རྒྱས་ཁྲི་འབྱུང་ངོ༌། དེའི་འོག་ཏུ་བསྐལ་པ་ཡོན་ཏན་བཀོད་པ་ལ་སངས་རྒྱས་བརྒྱད་ཁྲི་བཞི་སྟོང་འབྱུང་ངོ༌། །ཞེས་བཤད་དོ། །དེས་ན་སངས་རྒྱས་འཇིག་རྟེན་དུ་འབྱོན་པ་ཤིན་ཏུ་དཀའ་སྟེ། བསྐལ་པ་གྲངས་མེད་གསུམ་དུ་ཚོགས་བསག་པར་དཀའ་བ་དང་། གདུལ་བྱ་སྣོད་དུ་གྱུར་པ་དཀོན་པའི་ཕྱིར་རོ། །འོ་ན་མུན་པའི་བསྐལ་པ་རྣམས་ལ། སངས་རྒྱས་རྣམས་རྣམས་ཀྱི་ཐུགས་རྗེས་མི་གཟིགས་སམ་ཞེ་ན། ཐེག་པ་ཆུང་བ་གོང་ལྟར་འདོད་ཀྱང་། ཐེག་པ་ཆེན་པོ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་རྗེ་རྒྱུན་ཆད་མེད་པར་གཟིགས་པར་འདོད་ཅིང་། ཚུལ་ཇི་ལྟར་གཟིགས་ན་གསུམ་སྟེ། ཇི་ལྟ་བ་མཁྱེན་པའི་ཡེ་ཤེས་ཀྱིས་ཆོས་ཐམས་ཅད་མ་སྐྱེས་པར་གཟིགས། ཇི་སྙེད་མཁྱེན་པའི་ཡེ་ཤེས་ཀྱིས་ཆོས་ཐམས་ཅད་མ་འགག་པར་གཟིགས། གཉིས་མེད་མཁྱེན་པའི་ཡེ་ཤེས་ཀྱིས་ཆོས་ཐཀམས་ཅད་སྐྱེ་འགག་གཉིས་སུ་མེད་པར་གཟིགས་སོ། །དེ་ལྟར་ཐུགས་རྗེས་གཟིགས་ནས་འགྲོ་བའི་དོན་མཛད་ཚུལ་ནི། རྟེན་ཅན་གྱི་གྱི་དོན་བྱེད་པ། རྟེན་མེད་ཀྱིས་དོན་བྱེད་པ། ངོ་བོ་ཉིད་ཀྱིས་དོན་བྱེད་པ་དང་གསུམ་ལས། རྟེན་ཏན་གྱིས་དོན་བྱེད་པ་ནི། གཞི་ཆོས་སྐུ་གཉསི་སུ་མེད་པའི་ཡེ་ཤེས་ལ་བསྟེན་ནས། གདུལ་བྱ་ལས་དག་པ་ལ་ལོགས་སྐུ། ལས་མ་དག་པ་ལ་སྤྲུལ་སྐུས་མཛད་པ་སྟེ། ཡེ་ཤེས་ཡོད་པའི་ལུགས་སོ། །གཉིས་པ་རྟེན་མེད་ཀྱིས་དོན་བྱེད་པ་ནི། སངས་རྒྱས་ལ་རང་རྒྱུད་པས་བསྡུས་པའི་ཡེ་ཤེས་མེད་མོད་ཀྱང་། གདུལ་བྱའི་བློ་སྣང་ལ་གཟུགས་སྐུ་གཉིས་སུ་སྣང་ནས་དོན་མཛད་པ་སྟེ། ཡེ་ཤེས་མེད་པའི་ལུགས་སོ། །གསུམ་པ་ངོ་བོ་ཉིད་ཀྱིས་དོན་མཛད་པ་ནི། ཆོས་ཐམས་ཅད་ཀྱི་ཆོས་ཉིད་གཤིས་ཅི་ཡང་མ་ཡིན་པའི་རྩལ་ཅི་ཡང་མི་འགག་པར་ཤར་ནས་མཛད་པ་སྟེ། གཉིས་མེད་ཀྱི་ལུགས་སོ། །གཟུགས་སྐུ་གཉིས་ནི་གཞན་དོན་མཛད་པའི་ཆ་ཡིན་ནོ། །དེ་ལ་གཉིས་སྟེ། གདུལ་བྱ་དག་པ་ས་བཅུའི་བྱང་ཆུབ་སེམས་དཔའ་ལ་སོགས་པ་ལ་ལོངས་སྐུས་དོན་མཛད་ལ། དེ་ཡང་དོན་མཛད་པ་པོ། སྐུ་ལྔ་ལྷུན་གྲུབ་དྲུག་པ་རྡོ་རྗེ་འཆང་ངོ་། །སྐུ་ལྔ་ཡོན་ཏན་གྱི་ལྡོག་ཆ་ནས་ཕྱེ་ཡི། དངོས་པ་ཐ་དད་ལྔར་འདྲེན་པ་ནི་མ་ཡིན་ལ། ཆོས་སྐུ་ལོངས་སྐུ་སྤྲུལ་སྐུ་གསུམ་ནི་སྐུ་མཚན་ཉིད་པའོ། །དེ་ལའངས་ཆོས་ཀྶུ་ནི་བདག་དོན་དགོངས་པའི་ཆ་ཡིན་པས་འགྲོ་དོན་མི་མཛད་ལ། གཟུགས་སྐུ་གཉིས་ནི་གཞན་དོན་མཛད་པའི་ཆའོ། །དེ་ལ་གཉིས་ཏེ། གདུལ་བྱ་དག་པ་ས་བཅུའི་བྱང་ཆུབ་སེམས་དཔའ་ལ་སོགས་པ་ལ། ལོངས་སྐུས་དོན་མཛད་ལ། མ་དག་པའི་རིགས་དྲུག་ལ་སྤྲུལ་སྐུས་དོན་མཛད་དེ། འདི་སྐད་དུ། གང་གིས་སྲིད་པ་ཇི་སྲིད་བར། །འགྲོ་ལ་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་ཆད། །དེ་བཞིན་ལས་ཀྱང་རྒྱུན་མི་ཆད། །ཅེས་པས་སྐུའི་སྤྲུལ་སྐུ་རྒྱན་མི་ཆད། །དེ་བཞིན་ལས་ཀྱང་རྒྱུན་མི་ཆད། །ཅེས་པས་སྐུའི་མཛད་པ་བསམ་གྱིས་མི་ཁྱབ་པ་བཞི། གསུང་གི་མཛད་པ་ལ་བཞི་སྟེ། དབྱེ་བ་ལ་དགོངས་ཏེ་མཛད་པ་གསུང་རབ་ཏན་ལག་བུ་གཉིས། བསྡུ་བ་ལ་དགོངས་ཏེ། མཛད་པ་སྡེ་སྣོད་རིན་པོ་ཆེ་གསུམ། རྒྱུ་འབྲས་ལ་དགོངས་ཏེ་མཛད་པ་སྔགས་མཚན་ཉིད་གཉིས་སོ། །དེ་ཡང་རྒྱས་པའི་དོན་གཉིས་པ་ལས། ཐུགས་རྗེ་ཆེན་པོའི་བྱིན་རླབས་ཀྱིས། །ཕྱོགས་བཅུའི་འཇིག་རྟེན་རྡུལ་སྙེད་རྗེ་ཆེན་པོའི་བྱིན་རླབས་ཀྱིས། །ཕྱོགས་བཅུའི་འཇིག་རེན་རྡུལ་སྙེད་དུ། །འགྲོ་བའི་ཕྲིན་ལས་བསམ་མི་ཁྱབ། །སྐུ་གསུང་ཐུགས་དང་ཡོན་ཏན་དང་། །ལྷུན་གྱིས་གྲུབ་པའི་ཕྲིན་ལས་ཀྱིས། གདུལ་བྱ་རྣམས་ནི་ཆུད་མ་ཟོས། །ངན་སོང་སྦྱོང་ཞིང་བྱང་ཆུབ་ཅིང་། །ཡེ་ཤེས་ཚོགས་རྫོགས་སྐུ་རུ་སྟོན། །ཅེས་པས་མངོན་ནོ། །ཆོས་འབྱུང་རིན་པོ་ཆེའི་གཏེར་མཛོད་བསན་པ་གསལ་བར་བྱེད་པའི་ཉི་འོད་ཅེས་བྱ་བ། མདོ་རྒྱུད་བསྟན་བཅོས་རྒྱལ་རབས་ཆེ་ཆུང། པདྨ་བཀའ་ཐེམས་འདྲ་འབག་ཆེན་མོ། །མདོ་སྔགས་རྣམས་ཀྱི་འགྱུར་བྱང་། ཆོས་འབྱུང་གསར་རྙིང་ཀུན་ལས་ལེགས་པར་བསྡུས་ཤིང་གོ་བདེ་བར་བཀོད་པ་འདི་ནི། ཐེག་པ་མཆོག་གི་རྣལ་འབྱོར་པ་རྒྱལ་སྲས་ཐུགས་མཆོག་རྩལ་གྱིས་ཆུ་ཕོ་སྟག་གི་ལོ། །སྨིན་དྲུག་ཟླ་བའི་དཀར་ཕྱོགས་ཀྱི་ཚེས་བརྒྱད་ལ་དཔལ་བསམ་གྲུབ་བདེ་ཆེན་དགོན་པར་ཡོངས་སུ་རྫོགས་པར་སྦྱར་བའོ།། །།
