ཕྱི་ལོ་ ༢༠༢༢ ལོའི་ཟླ་ ༡ ཚེས་ ༤ ཉིན། བོད་རང་སྐྱོང་ལྗོངས་རིག་དངོས་སྲུང་སྐྱོང་ཞིབ་འཇུག་ཁང་གི་ཞིབ་འཇུག་པ་གཞོན་པ་རྒན་ཤར་དབང་འདུས་ལགས་ཀྱིས་ཀྲུང་གོའི་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་གནང་སྐབས། སྤུ་ཧྲེང་སྤྱན་རས་གཟིགས་ཀྱི་རྡོ་རིང་ནི་བོད་ལྗོངས་མངའ་རིས་ས་ཁུལ་གྱི་ཁོངས་སུ་ད་ལྟའི་བར་གསར་རྙེད་བྱུང་བའི་ལོ་རབས་སྔ་ཤོས་ཀྱི་རྡོ་རིང་ཞིག་ཡིན་ལ། ད་ཡོད་བོད་བཙན་པོའི་དུས་སྐབས་ཀྱི་སྐུ་བརྙན་རྡོ་རིང་ཐོག་མའང་རེད།
འདིའི་ཐོག་ནས་ནང་བསྟན་ལ་དད་མོས་བྱེད་པ་དང་ཆོས་སྤེལ་བར་སྐུལ་འདེད་བྱེད་ཐབས་ནི་ས་ཁོངས་འདིར་ལག་བསྟར་བྱས་ཡོད་པ་ར་སྤྲོད་བྱས་ཡོད་པར་མ་ཟད། དེས་བོད་ལྗོངས་སྟོད་མངའ་རིས་ཀྱི་ལོ་རྒྱུས་རིག་གནས་དང་ནང་བསྟན་སྒྱུ་རྩལ་ལ་ཞིབ་དཔྱད་བྱ་རྒྱུར་དཔྱད་གཞིའི་རིན་ཐང་གལ་ཆེན་ལྡན་ཡོད་ཅེས་གསུངས་པ་རེད།
1月4日“普兰观音碑是西藏阿里地区境内迄今发现的年代最早的一座石碑，也是现存的首座吐蕃时期造像碑。”西藏自治区文物保护研究所副研究馆员夏格旺堆接受中新社记者采访时如是说，这证实了崇信佛教和督促弘法的举措已在此区域实施，并对探讨西藏上部阿里历史文化和佛教艺术具有重要的参考价值。
སྤུ་ཧྲེང་སྤྱན་རས་གཟིགས་ཀྱི་རྡོ་རིང་ནི། བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་ཁོངས་ཀྱི་གྲོང་ཚོ་ཞིག་དུ་གསར་རྙེད་བྱུང་ཡོད་པ་དང་། ད་ལྟ་དེར་སྲུང་སྐྱོང་གི་ཁང་པ་བསྐྲུན་ཡོད་ཅིང་། རྡོ་རིང་དེའི་མཐོ་ཚད་ལ་ལི་སྨི་ ༢༡༠ དང་། ཞེང་ཚད་ལ་ལི་སྨི་ ༥༠ མཐུག་ཚད་ལ་ལི་སྨི་ ༡༧ ནས་ ༡༨ བར་བཅས་ཡོད་པ་དང་། ཕྱི་ངོས་སུ་ས་གནས་དེ་གའི་མི་སེར་ཚོས་མཇལ་ཁ་ཞུ་སྐབས་བྱུགས་པའི་མར་ཡང་འདུག
普兰观音碑位于西藏阿里地区普兰县的一个村子，现已建起保护房，其碑高210厘米，宽50厘米，厚17至18厘米，表面有当地百姓朝拜时涂抹的酥油。
རྒན་ཤར་དབང་འདུས་ལགས་ཀྱིས་ངོ་སྤྲོད་གནང་བ་ལྟར་རྡོ་རིང་གི་མདུན་ངོས་སུ་འབུར་བརྐོས་ཀྱི་པདྨའི་ཕྱག་གི་སྤྱན་རས་གཟིགས་ཀྱི་སྐུ་བརྙན་ཞིག་ཡོད་པ་སྟེ། སྐུའི་མཐོ་ཚད་ལ་སྨི་ ༡.༦༨ ཡོད་པ་དང་། གཡས་གཡོན་དུ་བོད་ཀྱི་ཡིག་རྙིང་ཕྲེང་བ་ཁ་ཤས་བརྐོས་ཡོད་པ་དེ་དག་ཚང་མ་བོད་ཀྱི་ཡིག་རྙིང་གཤོང་རྐོས་བྱས་ཡོད་ཅིང་། དེ་དག་དབུ་ཅན་གྱི་ཡིག་གཟུགས་རེད། རྡོ་རིང་གཡོན་ངོས་ཀྱི་ཡི་གེ་ལས་རྟ་ལོའི་སྟོན་འགོར་སེང་གེ་ཞང་ཁྲི་བཙན་ནམ་མགོན་པོ་རྒྱལ་གྱིས་སེམས་ཅན་གྲངས་མེད་ཀྱི་ཐུན་མོང་གི་འདུན་པའི་ཆེད། སྤྱན་རས་གཟིགས་ཀྱི་སྐུ་བརྙན་འདི་བཞེངས་དོན་བཀོད་ཡོད་པ་དང་། རྡོ་རིང་གཡས་ངོས་ཀྱི་ཡི་གེ་ལས་འཕགས་པ་སྤྱན་རས་གཟིགས་ལ་ཕྱག་འཚལ་བ་དང་གུས་བཀུར་མཆོད་པའི་ཕན་ཡོན་བཀོད་ཡོད་པར་མ་ཟད། སྐྱེ་འགྲོ་སྒྲིབ་གཉིས་ལས་ཐར་བར་བྱེད་པ་དང་། ཚོགས་གཉིས་ཡོངས་སུ་ཐོབ་པའི་འདོད་གསོལ་ཞུ་བའང་བཀོད་འདུག་གསུངས།
མཁས་པ་མང་པོས་རྡོ་རིང་འདི་དུས་རབས་ ༩ པའི་དུས་འགོར་བཙན་པོ་ཁྲི་ལྡེ་གཙུག་བརྟན་ནམ་མངའ་བདག་ཁྲི་རལ་པ་ཅན་གྱི་རིང་ལ་བཞེངས་པར་ངོས་འཛིན་བྱེད་ཀྱི་ཡོད་པ་དང་། ཡང་མཁས་པ་ཁ་ཤས་ཀྱིས་རྡོ་རིང་གི་སྤྱན་རས་གཟིགས་ཀྱི་སྐུ་བརྙན་བཟོ་དབྱིབས་ལ་གཞིགས་ན་རྡོ་རིང་བཞེངས་པའི་དུས་ཚོད་ནི་དུས་རབས་ ༩ པ་ནས་ ༡༠ པའི་དུས་སྟོད་ཡིན་པར་ངོས་འཛིན་བྱེད་ཀྱི་ཡོད་པ་རེད།
རྒན་ཤར་དབང་འདུས་ལགས་ཀྱིས་དེ་ལྟར་ངོས་འཛིན་བྱེད་ཀྱི་ཡོད་ཀྱང་། ང་ཚོས་སྔར་བཞིན་རྡོ་རིང་བརྐོས་བཞེངས་བྱས་པའི་དུས་ཚོད་ཡང་དག་པ་ངོས་འཛིན་ཡང་དག་བྱེད་མ་ཐུབ། སྤྱན་རས་གཟིགས་ཀྱི་སྐུ་བརྙན་སྤྱི་ཡོངས་ཀྱི་ཉམས་འགྱུར་ཏུན་ཧོང་སྒྱུ་རྩལ་གྱི་ཐུ་བྷོད་ཀྱི་གཞི་རྒྱུ་དང་ཐ་པོ་དགོན་སོགས་ཁ་ཆེའི་ལུགས་ཀྱི་ཉམས་འགྱུར་ཟུང་འབྲེལ་བྱས་ཚུལ་མངོན་པས། དེའི་ཐོག་ནས་བོད་བཙན་པོའི་རྒྱལ་རབས་ཀྱི་དུས་མཇུག་ཏུ། བོད་ལྗོངས་སྟོད་མངའ་རིས་སུ་ནང་བསྟན་སྐུ་བརྙན་གྱི་དྲན་གསོའི་རྡོ་རིང་ཐོན་འགོ་ཚུགས་པ་ར་སྤྲོད་བྱས་ཡོད་ཅེས་བསྟན་པ་རེད།
སྤུ་ཧྲེང་སྤྱན་རས་གཟིགས་ཀྱི་སྐུ་བརྙན་ཀྱི་འགྲེལ་བཤད་ལས། རྡོ་རིང་བཞེངས་མཁན་གྱི་སྦྱིན་བདག་དང་དམིགས་ཡུལ། ལོ་རབས་སོགས་ཁ་གསལ་བཏོན་ཡོད། དེ་ལ་བརྟེན་ནས་རྒན་ཤར་དབང་འདུས་ཀྱིས་འདིས་ས་ཕྱོགས་ཤིག་བཅོས་སྐྱོང་བྱེད་མཁན་འགོ་གཙོ་དང་བོད་བཙན་པོའི་ཞང་བློན་གྱི་ཁྲིད་སྟོན་འོག སྐབས་དེ་དུས་ནང་བསྟན་ལ་དད་མོས་དང་ཆོས་སྤེལ་བར་སྐུལ་འདེད་བྱེད་ཐབས་བཅས་བོད་ལྗོངས་སྟོད་མངའ་རིས་སུ་ལག་བསྟར་བྱས་ཡོད་པ་ར་སྤྲོད་བྱས་ཡོད་ཅེས་བསྟན་པ་རེད།
