བོད་ཀྱི་བརྡ་དག་བྱིས་པའི་ལམ་མཁན་ཞེས་བྱ་བ་བཞུགས་སོ།།
༄༅། །བོད་ཀྱི་བརྡ་དག་བྱིས་པའི་ལམ་མཁན་ཞེས་བྱ་བ་བཞུགས་སོ།། བསྟན་འཛིན་རྣམ་རྒྱལ།(༡༩༣༣-༢༠༠༥) ༄༅། །རྒྱལ་བ་ཀུན་གྱི་མཁྱེན་རབ་ཀྱི། །རང་གཟུགས་རྗེ་བཙུན་མཁྱེན་པའི་གཏེར། །དྲན་པ་ཁོ་ནས་རྨོངས་པའི་དཔུང༌། །མཐར་བྱེད་འཇམ་དཔལ་དཔའ་བོས་སྐྱོངས། །ཤེས་བྱའི་མིང་ཚིག་མཐའ་ཡས་པས། །ཀུན་ཀྱང་བརྗོད་པར་མི་ནུས་མོད། །བྱིས་པའི་བློ་དང་འཚམས་པ་ཡི། །སྡེབ་སྦྱོར་ཉེར་མཁོ་བཤད་པར་བྱ། །བརྗོད་དོན་ཀཱ་ལི་སུམ་ཅུ་ལ། །རྐྱང་པ་འཕུལ་དང་མགོ་ཅན་དང༌། །དབྱངས་བཞི་ཡ་ར་ལ་ཝའི་འདོགས། །རྗེས་འཇུག་ལ་སོགས་རིམ་གྱིས་བསྟན། ། ༼ཀ༽ ཀ་བ་ཀ་རུ་ཀ་དག་སོགས། །ཀ་རྐྱང་ཡིན་པས་ཤེས་པར་བྱ། །རྒྱལ་བའི་བཀའ་ནི་བ་བཀའ་ལ། ། ངལ་བའི་དཀའ་བ་ད་དཀའ་ཡིན། །དུས་ཀྱི་སྐ་ཅིག་ས་སྐ་ལ། །ཆུ་ཡི་རྐ་ནི་ར་རྐ་ཡིན། །ལོ་སྐག་ས་སྐག་ཀག་ཀྱང་རུང༌། །ལམ་སོགས་བཀག་པ་བ་བཀག་ཡིན། །མདའ་སྣོད་བཀང་བ་བ་བཀང་ལ། །ཐུགས་དམ་བསྐང་བ་བ་སའི་བསྐང༌། །ལག་པ་བཀན་པ་བ་བཀན་ལ། །ཁ་དཀན་དཀན་གཟར་ད་དཀན་ཡིན། །མེ་ཉིར་བསྐམ་པ་བ་སའི་བསྐམ། །འདོད་ལ་བརྐམ་པ་བ་རའི་བརྐམ། །ཁ་ཡི་རྐན་ནི་ར་རྐན་ཀྱང༌། །བྱེད་རེ་སྐན་ལ་ས་སྐན་ནོ། །ཁ་དོག་དཀར་བ་ད་དཀར་ལ། །དམིགས་སུ་བཀར་བ་བ་བཀར་ཏེ། །གནམ་གྱི་སྐར་མ་ས་སྐར་རོ། །དཔྱ་སོགས་བཀལ་ནི་བ་བཀལ་ལ། །དུས་ཀྱི་བསྐལ་པ་བ་སའི་བསྐལ།…