༄༅། །དེ་ལྟར་ཤེས་བྱ་སྤྱི་དང་བྱེ་༼མཱ༡༡༠བ༽བྲག་ཟབ་པ་དང་རྒྱ་ཆེ་བའི་གནས་ཇི་ལྟར་ཐོས་པ་དེ་དག་གི་དོན་བསམ་པའི་རྟོག་དཔྱོད་ཀྱིས་རྣམ་པར་ངེས་པར་བྱ་དགོས་པས་གནས་བདུན་པ་བསམ་པའི་རིམ་པར་ཕྱེ་བ་ལ་སྐབས་བཞི། འཇལ་བྱེད་ལྡེའུ་མིག་རྣམ་པར་ངེས་པ། འཁོར་ལོ་གསུམ་གྱི་དྲང་ངེས་དང་བདེན་གཉིས་རྟེན་འབྲེལ་རྣམ་པར་ངེས་པ། གཙོ་བོ་ལྟ་བ་རྣམ་པར་ངེས་པ། བློ་ལྡོག་རྣམ་བཞི་རྣམ་པར་ངེས་པའོ། །དང་པོ་ལ་གཉིས། སྤྱིར་བསམ་བྱུང་གི་ཤེས་རབ་སྐྱེད་ཚུལ། བྱེ་བྲག་འཇལ་བྱེད་ཀྱི་ལྡེའུ་མིག་བཤད་པའོ། །དང་པོ་ནི།

བཞི་པ། རྒྱ་མདའ་རྫོང་།   ས་བཅད་དང་པོ། རྫོང་གི་གཞི་རིམ་ལོ་རྒྱུས། ལེ་ཚན་དང་པོ། རྫོང་གི་མིང་བྱུང་ཚུལ། རྫོང་དེར་རྒྱ་མདའ་ཞེས་མིང་དུ་བསྙད་པའི་སྒྲ་བཤད་ཀྱང་ས་ཀོང་རོང་གི་ལུང་པའི་ཁ་ཞེས་པའི་དོན་ལ་གོ་བར་གྲགས། འོན་ཀྱང་། དེང་ཡོངས་གྲགས་སུ་འབོད་པའི་རྫོང་མིང་རྒྱ་མདའ་ཞེས་པ་ནི།《བཀའ་བརྒྱུད་གསེར་ཕྲེང་ཟླ་བ་ཆུ་ཤེལ།》ལས། ཀརྨ་པ་སྐུ་ཕྲེང་བཞི་པ་རོལ་པའི་རྡོ་རྗེའི་རྣམ་ཐར་གསུང་སྐབས། ཉང་པོ་རྒྱབ་མདའ་།[1] ཞེས་བྱུང་བས་ན། དེང་ཀོང་པོ་རྒྱ་མདའ་རྒྱ་ཞེས་འབྲི་བཞིན་པ་དེ་ལ་ཡང་བསམ་གཞིགས་བྱ་དགོས་པའི་གཞི་ཆེན་པོ་འདུག

རྗེ་བཙུན་ཤེས་རབ་སེངྒེའི་རྣམ་ཐར་མདོར་བསྡུས།   རྗེ་འདི་ཉིད་གཙང་སྟོད་ཀྱི་སའི་ཆར་སྲད་ཀྱི་གུར་མེ་ཞེས་པར་ཡབ་དམ་པ་དམར་པོ་དང་། ཡུམ་ཆོས་སྐུ་བཀྲ་ཤིས་རྣམ་གཉིས་ཀྱི་སྲས་སུ་རབ་བྱུང་དྲུག་པའི་ཆུ་ཕག་ (༡༣༨༣) ལོར་སྐུ་འཁྲུངས། དགུང་ལོ་ཆུང་ངུ་ནས་སྔོན་གྱི་བག་ཆགས་སད་པས་ཁྱིམ་གྱི་འདུ་འཛི་ལ་མི་དགྱེས་པར་ཆོས་འཚོལ་བ་ལ་སྤྲོ་བ་བརྟས་པ་ཞིག་བྱུང་། དགུང་ལོ་བཅུ་པ་ལ་སྣར་ཐང་དུ་ཆོས་ཞུགས་མཛད། མཁན་ཆེན་གྲུབ་པ་ཤེས་རབ་ཀྱི་དྲུང་དུ་དགེ་ཚུལ་གྱི་སྡོམ་པ་བཞེས། མཚན་ཤེས་རབ་གསེང་གེར་གསོལ།

ས་བཅད་དྲུག་པ། དགོན་སྡེ། མི་སྣ། གནའ་ཤུལ། ལེ་ཚན་དང་པོ། དགོན་སྡེ། ཨང་། དགོན་པའི་མིང་། བཞེངས་དུས། བཞེངས་མཁན། ཆོས་བརྒྱུད། ༡ སྐྱེམས་བྱ་ཁྱུང་གི་གདན་ས།   དཔལ་ལྡན་སེང་གེ། རྙིང་མ། ༢ རྩེ་ལེ་གསར་མ། དུས་རབས་བཅུ་དྲུག སྐུ་རབ་ཞལ་ངོ་བསོད་ནམས་རྣམ་རྒྱལ། རྙིང་མ། ༣ དྭགས་སྟོད་གླིང་།     རྙིང་མ། ༤ སྐྱེམས་སྟོང་ལྷུན་གྲུབ་སྟེང་།     བཀའ་བརྒྱུད། ༥ སྐྱེམས་རྟ་གནས་དགོན།   དཔལ་བོ་གཙུག་ལག་ཕྲེང་བ། བཀའ་བརྒྱུད། ༦ སྐྱེམས་སྦས་ཨ་ཕྱི་དགོན།    …

ལྷ་སའམ་ཞོལ་བཀའ་འགྱུར་ནི། བོད་རབ་བྱུང་བཅོ་ལྔ་པའི་ལྕགས་སྤྲེལ་ ༼ཕྱི་ལོ་ ༡༩༢༠༽ ལོར་༸གོང་ས་རྒྱལ་དབང་བཅུ་གསུམ་པ་ཆེན་པོ་མཆོག་ལ། འབྲི་གུང་སྒོ་ལྕོག་སྤྲུལ་སྐུ་ངེས་དོན་བསྟན་འཛིན་ཆོས་ཀྱི་དབང་པོ་ནས། དེང་སྣར་ཐང་གི་གསུང་པར་བགྲེས་སྐྱོན་ཆེ་ཞིང་། ལི་ཐང་དང་སྡེ་དགེའི་བཀའ་འགྱུར་འདི་ཕྱོགས་སུ་དཔེ་རྒྱུན་དཀོན་པས་རྒྱལ་བའི་བཀའ་འགྱུར་རིན་པོ་ཆེའི་གསུང་པར་གསར་དུ་བཞེངས་རྒྱུ་ཐུགས་རྗེས་འཛིན་པར་འཚལ་ཞེས་དངུལ་ཊཾ་རྡོ་ཚད་ ༡༠༧༥ དངོས་འབུལ་དང་བཅས་གསོལ་བ་བཏབ་པ་ལྟར་དགྱེས་པ་ཆེན་པོས་ཞལ་གྱིས་བཞེས་པ་དང་།

༄༅། །དགའ་ལྡན་ཁྲི་ཆེན་རིམ་བྱོན་གྱི་རྣམ་ཐར་བཞུགས་སོ།།   མཛད་པ་པོ། སེར་སྨད་གྲགས་པ་མཁས་གྲུབ། དེ་ཡང་དགའ་ལྡན་ཁྲི་ཆེན་རིམ་བྱོན་གྱི་རྣམ་ཐར་གླེགས་བམ་འདི་ཉིད་དུ་ཐོག་ཞེ་བདུན་པ་ཁྲི་ཆེན་ཤར་རྩེ་སྤོམ་འབོར་བ་བློ་བཟང་ཆོས་འཕེལ་ནས་ཁྲི་ཐོག་རེ་བདུན་པ་ཁྲི་ཆེན་བཀའ་འགྱུར་བ་འཇམ་དབྱངས་སྨོན་ལམ་བར་ཁྲི་ཐོག་ ༢༡ གི་རྣམ་ཐར་ཞིབ་ཅིང་རྒྱས་པ་གཞན་དང་ཐུན་མོང་མ་ཡིན་པ་མང་དུ་བཞུགས་པ་བཅས་སོ།།   མཛད་པ་པོའི་རྣམ་ཐར། སེར་སྨད་མཁན་ཆེན་གྲགས་པ་མཁས་གྲུབ་མཆོག་ནི། ཚལ་གུང་ཐང་གཙུག་ལག་ཁང་གི་ཤར་ལྷོའི་མཚམས་སུ་གུང་ཐང་ལྕང་སྲུང་བ་ཞེས་པའི་མི་རྒྱུད་དུ་ཡབ་ཨ་པོ་རྟ་མགྲིན་དང༌། ཡུམ་དཔལ་འཛོམ་ཞེས་པ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ལྕགས་རྟ་ (ཕྱི་ལོ་ ༡༧༥༠) ལོའི་ཟླ་བ་བཅུ་གཅིག་པའི་ཚེས་ལྔའི་ཐོ་རེངས་སུ་སྐུ་འཁྲུངས།