༄༅། །དཔལ་བཀྲ་ཤིས་ལྷུན་པོའི་དཔེ་དོན་གྱི་གནས་བསྟོད་མཐོང་བ་དོན་ལྡན་བཞུགས་སོ། །   ༄༅། །ཨོཾ་སྭསྟི། ཐུབ་བསྟན་ཁ་བའི་ས་འཛིན་ལ་གནས་བརྒྱད་ཁྲི་བཞི་སྟོང་ལུང་གི་གཡུ་རལ་རབ་འཆང་བ། །བློ་གྲོས་བཟང་པོའི་ལུས་མཆོག་རབ་རྒྱས་མི་བཟད་མཆེ་སྡེར་རྣོན་པོ་རབ་བགྲད་སྦར་ཁྱིམ་ཅན། །ཚོགས་གཉིས་དཔལ་ལྡན་ཡེ་ཤེས་དབང་པོ་ཕྱོགས་ལས་རྣམ་རྒྱལ་རིགས་པའི་གད་རྒྱངས་མཐོན་པོ་ནི། །ཕྱོགས་བཅུར་བསྒྲགས་པས་རྒོལ་ངན་གླང་པོ་ཝ་སྐྱེས་ཚོགས་རྣམས་ཅིག་ཅར་རབ་ཏུ་འདར་བྱེད་པ། །སྨྲ་བའི་སེངྒེ་ཁྱོད་ཀྱིས་ད་དུང་བཀྲ་ཤིས་ཀཻ་ལ་ཤ་ཡི་རྡུལ་བརྩེགས་ལྷུན་པོ་ཐུགས་རྗེས་རྟག་ཏུ་སྐྱོངས། །

མཐའ་འདུལ་བཞིའི་ཡ་གྱལ་གཙང་འགྲམ་བྱེ་མའི་ལྷ་ཁང་གི་བྱུང་འཕེལ་ལོ་རྒྱུས་སྐོར་རགས་ཙམ་གླེང་བ། [ནང་དོན་གནད་བསྡུས།］ རྩོམ་ཡིག་འདིའི་ནང་ཆོས་རྒྱལ་སྲོང་བཙན་སྒམ་པོའི་སྐུ་དུས་སུ་བཞེངས་པའི་མཐའ་འདུལ་བཞིའམ་རུ་གནོན་ཆེན་པོ་བཞིའི་གཙུག་ལག་ཁང་དུ་གྲགས་པ་རྣམས་ཀྱི་ཡ་གྱལ་གཡས་རུ་གཙང་འགྲམ་བྱེ་མའི་ལྷ་ཁང་གི་ལོ་རྒྱུས་འཕེལ་རིམ་དང་། སྐུ་གསུང་ཐུགས་རྟེན། ད་ལྟའི་གནས་བབས་སོགས་རགས་བསྡུས་ཀྱིས་ངོ་སྤྲོད་དང་། གནད་དོན་འགར་དཔྱད་པ་ཕྲན་ཙམ་བྱས་ཡོད། [བརྡ་ཆད་གཙོ་བོ།] མཐའ་འདུལ་བཞི། གཙང་འགྲམ་བྱེ་མའི་ལྷ་ཁང་། ལོ་རྒྱུས་བྱུང་འཕེལ། སྐུ་གསུང་ཐུགས་རྟེན། [ཀྲུང་གོའི་དཔེ་དེབ་དབྱེ་རྟགས།] K281 [ཡིག་ཚང་མཚན་བྱང་།] A [རྩོམ་གྱི་གོ་རིམ་ཨང་སྒྲིག] 1002-9060-2017-01-0089-08

ལེ་ཚན་དྲུག་པ། དགོན་སྡེ་དང་། གྲགས་ཅན་མི་སྣ། གནའ་ཤུལ། དང་པོ། དགོན་སྡེ། ཨང་། དགོན་པའི་མིང་། བཞེངས་དུས། བཞེངས་མཁན། ཆོས་བརྒྱུད། ༡ རོང་སྟོད་དགོན།     རྙིང་མ། ༢ གླག་པ་དགོན།     རྙིང་མ། ༣ ལྷག་པ་དགོན། དུས་རབས་ ༡༠ སྨད། བླ་མ་ཡེ་ཤེས་དཔལ་ལྡན།2 རྙིང་མ། ༤ རི་སྡེ་སྒང་དགོན།     རྙིང་ལུགས། ༥ རབ་རྒྱས་གླིང་དགོན། དུས་རབས་ ༡༤ སྨད།   ས་སྐྱ།…

ཕྱྭ་པ་ཆོས་ཀྱི་སེང་གེའི་རྣམ་ཐར་སྙིང་བསྡུས། (༡༡༠༩-༡༡༦༩)   ཕྱི་དར་བསྟན་པའི་འབྱུང་གནས་དཔལ་ལྡན་གསང་ཕུ་ནེའུ་ཐོག་གི་གདན་རབས་དྲུག་པ་ཕྱྭ་པ་ཆོས་ཀྱི་སེང་གེ་མཆོག་ནི། བོད་རབ་བྱུང་གཉིས་པའི་ས་མོ་གླང་སྤྱི་ལོ་ ༡༡༠༩ ལ་ཡུལ་དབུས་ཀྱི་ཆ་སྟག་རྩེ་རྫོང་ཁོངས་ཕྱྭ་ཞེས་པའི་སར་སྐུ་འཁྲུངས། ཁོང་སྐུ་ན་གཞོན་པའི་དུས་སུ་ཐུགས་རིག་ཤིན་ཏུ་བཟང་བས་རྩེད་རའི་ནང་དུ་ཡང་། ཀུན་བཏགས་ཀྱི་རྩེད་མོ་རྩེས་རྩེས་ནས། །གཞན་དབང་གི་ལྕི་བ་མ་བཏུས་ན། །ཡོངས་གྲུབ་ཀྱི་ཨ་མས་བརྡུང་དུ་འོང་། །ཞེས་པའི་གླུ་དབྱངས་ལེན་པ་སོགས་ངོ་མཚར་བའི་མཛད་སྤྱོད་ཀྱི་སྙན་པ་དགེ་བཤེས་རྒྱ་དམར་བ་བྱང་ཆུབ་གྲགས་ཀྱིས་གསན་ཏེ། ཕ་མ་ལས་བསླངས་ནས་ཞབས་ཕྱི་ལ་ཉར་གནང་མཛད་པ་བརྒྱུད། རྒྱ་དམར་བའི་མདུན་ནས་དབུ་ཚད་བྱམས་ཆོས་སོགས་ལ་སྦྱངས་པ་མཛད།

ས་བཅད་གསུམ་པ། རྩ་ཧྲེང་རྫོང་། ལེ་ཚན་དང་པོ། རྫོང་གི་མིང་དང་ས་བབ་ཆགས་ཚུལ། དང་པོ། རྩ་ཧྲེང་རྫོང་གི་མིང་ཐོགས་ཚུལ། སྔོན་གྱི་ལོ་རྒྱུས་ཡིག་ཚགས་སུ་ཁུལ་དེར་རྩ་ཧྲེང་ཞེས་པའི་དོད་དུ་རྩ་རང་ཞེས་གསལ། དེ་མིན་ཤང་རྩེ་རྫོང་ཞེས་ཀྱང་འབོད་སྲོལ་མཆིས།[1] རྩ་ཧྲེང་ནི་བོད་གཞུང་དགའ་ལྡན་ཕོ་བྲང་གི་དམག་དཔོན་དགའ་ལྡན་ཚེ་དབང་གིས་མངའ་རིས་ཁུལ་དབང་སྒྱུར་གནང་བ་ནས་ཐོགས་པར་བཞེད། དེ་ཡང་《མངའ་རིས་ཆོས་འབྱུང་གངས་ལྗོངས་མཛེས་རྒྱན།》ལས། དགའ་ལྡན་ཚེ་དབང་གིས་མངའ་རིས་ཁུལ་ནས་ལ་དྭགས་རྒྱལ་པོའི་བཙན་ཤུགས་མཐར་སྐྲོད་ཀྱིས་ཕྱིར་འཁོར་རྗེས། སྡེ་སྲིད་སངས་རྒྱས་རྒྱ་མཚོས་ཁོང་ལ་མངའ་རིས་ཕྱོགས་སུ་དཔུང་འཇུག་བྱེད་སྐབས་དཀའ་བ་ཇི་ལྟར་བྱུང་མིན་སྐོར་བཀའ་འདྲི་ཞུས་པར།