Tag: featured

པཎྜི་ཏ་སྨྲྀ་ཏི་ཛྙཱ་ན། དེའང་འཕགས་ཡུལ་གྱི་པཎྜི་ཏ་ཇོ་བོ་སྨྲྀ་ཏི་ཛྙཱ་ནའམ། འཇིག་རྟེན་པའི་ཤོད་སྲོལ་ལ་སྲད་ཀྱི་གུ་རུ་ཆོས་དབང་། ཡོངས་གྲགས་སུ་དྲན་པ་ཡེ་ཤེས་ནི། ཕྱི་ལོའི་དུས་རབས་བཅུ་པར། རྒྱ་གར་འཕགས་པའི་ཡུལ་དབུས་ཀྱི་གྲོང་ཁྱེར་ཆེན་པོ་མི་ཁྱིམ་ས་ཡ་གཅིག་དང་འབུམ་ཕྲག་གསུམ་ལ་མངའ་དབང་འབྱོར་བའི་ཆོས་ཀྱི་རྒྱལ་པོ་རྩིབས་ཀྱི་མུ་ཁྱུད་ཀྱི་སྲས་སུ་སྐུ་ཡི་པདྨོ་བཞད། སྐུ་ན་ཆུང་དུས་ནས་བློ་རིག་བཀྲ་ལ་རང་བཞིན་ལྷན་སྐྱེས་ཀྱི་སྙིང་རྗེ་ཆེན་པོས་ཐུགས་རྒྱུད་ཡོངས་སུ་གཏམས་ཤིང་དམ་པའི་ངང་ཚུལ་དང་ལྡན་པའི་ཐེག་ཆེན་གྱི་སྐྱེས་བུ་རིགས་སད་པ་ཞིག་ཡིན།

གླེང་བརྗོད།   ལུས་ཅན་མཐའ་དག་གཏན་བདེ་གོ་འཕང་ལ།། འགོད་པའི་ཐུགས་བརྩེ་གཡོ་མེད་དཔལ་ཤར་བ།། འདི་ཕྱི་བསླུ་མེད་གཏན་གྱི་སྐྱབས་གཅིག་པུ།། ཁམས་གསུམ་འཁོར་སྒྱུར་བསྟན་འཛིན་རྒྱ་མཚོར་འདུད།། མི་ཟད་བརྩེ་མེད་དཔུང་གིས་རབ་ཁྲོ་སྟེ།། བསམ་ངན་གཡོ་འཕྲུལ་ངན་གོམས་རྒྱུན་ཆགས་པའི།། ཉེས་མེད་བཙན་གནོན་བཙན་ཤེད་ཐུབ་ཚོད་ལས།། བྱུང་རབས་རགས་རིམ་སྡོམ་ལ་གནང་བ་སྩོལ།།

༄༅། །ཀུན་གཟིགས་ལྔ་པ་ཆེན་པོའི་རྣམ་པར་ཐར་པ་ཚངས་སྲས་བཞད་པའི་སྒྲ་དབྱངས། མཛད་པ་པོ། ནོར་བྲང་ཨོ་རྒྱན། སྔོན་ཚེ་ཟ་ཧོར་ཡངས་པའི་ས། །སྟོབས་འབྱོར་དཔུང་པས་དབང་སྒྱུར་བ། །གཙུག་ལག་འཛིན་ཞེས་གྲགས་པའི་རྔ། །སྲིད་པའི་བླ་ནས་བརྡུང་བ་བྱུང་། །དེ་རིགས་མ་དྲོས་མཚོ་ཆེན་ལས། །གྱེས་པ་ཟ་ཧོར་རྒྱལ་པོའི་རྒྱུད། །ལེགས་བྱས་གསེར་གྱི་ཡུར་བ་ལས། །སྐྱེ་རྒུའི་ཞིང་སར་རིམ་པར་དྲངས། །མཐར་ནི་བདུད་འདུལ་རབ་བརྟན་ཞེས། །འཕྱོངས་རྒྱས་ཕྱིང་བར་སྟག་རྩེའི་བདག །གང་དེས་སྐྱེ་བོ་ཀུན་དགའ་ཞིང་། །ལྷ་ལས་མཛེས་པའི་དཔལ་མོར་རྩེན། །

ལེའུ་དང་པོ། ལོངས་སྤྱོད་རྫོགས་པའི་སྐུས་འདུལ་བ། ཨོཾ་མ་ཎི་པདྨེ་ཧཱུཾ། །དཀོན་མཆོག་གསུམ་པོ་བླ་ན་མེད་པར་མཉན་པ། ཇོ་བོ་ཐུགས་རྗེ་ཅན་ལ་མོས་ཤིང་གུས་པར་ཕྱག་འཚལ་ལོ། །རིགས་གསུམ་མགོན་པོའི་རྣམ་འཕྲུལ་གྱིས། །ཁ་བ་ཅན་གྱི་རྒྱལ་ཁམས་འདིར། །ཤ་ཟ་གདོང་དམར་འདུལ་བ་ཡི། །ཆོས་རྒྱལ་མེས་དབོན་ལ་སོགས་པ། །རྣམ་པ་གསུམ་དུ་མཚན་གསོལ་བའི། །ངོ་མཚར་རྨད་དུ་བྱུང་བ་ཡི། །རྒྱལ་པོའི་བཀའ་ཆེམས་འདི་ལྟར་ལགས། །མགོན་པོ་ཚེ་དཔག་ཏུ་མེད་པའི་སྲས། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །

རྩོམ་པ་པོའི་ལོ་རྒྱུས་མདོར་བསྡུས།   ༄༅། །ས་སྐྱ་པཎྜིཏ་ཀུན་དགའ་རྒྱལ་མཚན་དཔལ་བཟང་པོ་མཆོག་ནི། བོད་རབ་བྱུང་གསུམ་པའི་ཆུ་སྟག ཕྱི་ལོ་༡༡༨༢ ལོར་འཁོན་གྱི་གདུང་རྒྱུད་ཡབ་ས་སྐྱའི་རྗེ་བཙུན་གྲགས་པ་རྒྱལ་མཚན་གྱི་གཅུང་པོ་ དཔལ་ཆེན་འོད་པོ་ཆེ་དང༌། ཡུམ་མ་གཅིག་གར་ཕུ་མ་ཉི་ཁྲི་ལྕམ་གཉིས་ལ་སྲས་ཆེ་ཆུང་གཉིས་འཁྲུངས་པའི་ནང་ནས་ ཆེ་བ་ཡིན། མཚན་ལ་དཔལ་ལྡན་དོན་གྲུབ་ཏུ་གསོལ་ཞིང༌། རྗེས་སུ་ཁུ་བོ་རྗེ་བཙུན་གྲགས་པ་རྒྱལ་མཚན་གྱི་དྲུང་ནས་དགེ་བསྙེན་གྱི་སྡོམ་པ་ བཞེས་པའི་མཚན་ལ་ཀུན་དགའ་རྒྱལ་མཚན་དུ་གསོལ།

ལྷ་ས་གཙུག་ལག་ཁང་གི་ཀ་བ་རྟགས་ཅན་བཞི།    དུང་དཀར་ཚིག་མཛོད་ཆེན་མོ་ལྟར་བསྒྲིགས།  དུང་དཀར་བློ་བཟང་འཕྲིན་ལས།  ཀ་བ་བུམ་པ་ཅན། ལྷ་ས་གཙུག་ལག་ཁང་ཆེན་པོའི་ཁྱམས་ར་ནང་མའི་མཐའ་བསྐོར་གྱི་ཀ་ཐུང་གྲས་སུ་ཀ་བ་རྟགས་ཅན་བཞི་ཡོད་པའི་ནང་གསེས་ཞིག་སྟེ། ཀ་བ་འདི་གང་ཡིན་ད་ཕན་ཇོ་བོ་རྗེ་ཨ་ཏི་ཤས་ངོ་མཁྱེན་པ་མ་གཏོགས་སུས་ཀྱང་ངོས་འཛིན་མ་ཐུབ་ཅིང༌། ཇོ་བོ་རྗེས་གསང་བ་སྲུང་བའི་ཕྱིར་དུ་གཙུག་ལག་ཁང་གི་ཕྱོགས་གང་དུ་ཡོད་མེད་གསལ་པོར་གསུངས་མེད། 《བཀའ་ཆེམས་ཀ་ཁོལ་མ》དང༌། 《ཆོས་འབྱུང་མེ་ཏོག་སྙིང་པོ》《མཁས་པའི་དགའ་སྟོན》སོགས་མང་པོ་ཞིག་ལས། རྒྱལ་པོ་སྲོང་བཙན་སྒམ་པོས་ཀ་བ་འདི་དང་ཉེ་བའི་སར་རིན་པོ་ཆེའི་གཏེར་སྦས་པར་གསུངས་པ། ཀ་བའི་གཏེར་རྟགས་མཚན་མར་བརྟགས་ན་དོན་དངོས་དང་མཐུན་ནམ་སྙམ།