Tag: featured

རྒན་ལགས་ཀྱི་ལོ་རྒྱུས་མདོར་བསྡུས། ༡༩༣༤ བོད་རབ་བྱུང་བཅུ་བདུན་ཤིང་ཁྱི་ལོའི་ཟླ་བ་བཅུ་གཉིས་པའི་ཚེས་ཉི་ཤུ་ལྔའི་ས་སྲོས་མཚམས་སུ་ལྷ་སའི་ས་སྦོག་སྒང་ཞེས་པའི་ཁུལ་འདིར་ཡབ་་་་་་་་་་དང་། ཡུམ་འཆི་མེད་གཉིས་ཀྱི་སྲས་སུ་འཁྲུངས་ཤིང་མཚན་ལ་བྱམས་པ་ཞེས་གསོལ། ཡབ་ཡུམ་གཉིས་ལ་བུ་ལྔ་ཡོད་པའི་ནང་གི་ཆུང་ཤོས་དེ་ཡིན། དགུང་ལོ་དྲུག་ནས་བཅུ་གསུམ་བར་སེ་ར་དགོན་གྱི་གྲྭ་ཚང་སྨད་ཀྱི་ཡ་གྱལ་སྨར་ཉུང་ཁང་ཚན་དུ་སྒྲིག་ཞུགས་གནང་ནས་འདོན་ཆོས་སྤྱོད་སོགས་ལ་སྦྱང་པ་གནང་། ཚེ་སྨོན་གླིང་རིན་པོ་ཆེའི་སྐུ་མདུན་ནས་དགེ་ཚུལ་གྱི་སྡོམ་པ་བཞེས་ནས་མཚན་ལ་ཡེ་ཤེས་བྱམས་པ་ཞེས་གསོལ།

༄༅། །ལྷ་བསངས་ཕྱོགས་བསྡུས་དང་། སྡེ་བརྒྱད་གསེར་སྐྱེམས། བོད་སྐྱོང་ལྷ་སྲུང་བཅས་ཀྱི་གསོལ་མཆོད་འཕྲིན་བསྐུལ་བཞུགས་སོ།། ༄༅། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག ། ལན་གསུམ་བརྗོད། བསངས་རྫས་བྱིན་རླབས་ནི་རང་ཡི་དམ་གང་བྱེད་ཀྱང་སོ་སོའི་ལུགས་བཞིན་བྱས་ཆོག །རྡོ་རྗེ་འཇིགས་བྱེད་མཛད་ཚེ་བདག་བསྐྱེད་རྒྱས་པ་མ་བྱུང་ཡང་སྐད་ཅིག་དཀྲོང་བསྐྱེད་ཀྱིས་བྱིན་རླབས་བྱ་བ་ནི།

རྩོད་པའི་ཕྱག་རྒྱ་དང་། དེ་དག་གི་མཚོན་དོན། རྩོད་པའི་སྐབས་མགོ་ཅུང་ཟད་ནང་དུ་བསྒུར་བས། བསྐལ་པ་བྱེ་བའི་བར་དུ་མཚན་ཙམ་ཡང་ཐོབ་པར་དཀའ་བའི་ཟབ་པ་དང་རྒྱ་ཆེ་བའི་དམ་པའི་ཆོས་རིན་པོ་ཆེ་ལ་ཅི་དགར་ལོངས་སུ་སྤྱོད་རྒྱུ་བྱུང་བ་འདི་བླ་མའི་བཀའ་དྲིན་དུ་ངོ་ཤེས་པ་དང༌། ཕྲེང་བ་ཉིས་ཁུག་བྱས་ཏེ་ཕྱག་གཡོན་པའི་མཐེ་བོང་དང་བཅས་པའི་སྐེར་བསྐོན་པས། བདག་དང་བཅས་པའི་སེམས་ཅན་ཐམས་ཅད་འཁོར་བ་གཅོང་རོང་གི་གནས་སུ་བདག་འཛིན་གྱིས་བཅིངས་པ་དང༌། མཐེ་བོང་གིས་ཕྲེང་བ་ཡར་འཕངས་པས། རང་གིས་ཚུལ་ཁྲིམས་རྣམ་པར་དག་པ་བསྲུངས་ཤིང་དགེ་བའི་བཤེས་གཉེན་གཙུག་ཏུ་བཀུར་ནས་ཐོས་བསམ་སྒོམ་གསུམ་སོགས་དགེ་སྒྲུབ་ཅི་ནུས་བྱས་པའི་མཐུས་མ་རྒན་སེམས་ཅན་ཐམས་ཅད་འཁོར་བར་འཆིང་བྱེད་ཀྱི་བདག་འཛིན་ལས་གྲོལ་སོང་བ་དང༌།

བོད་ཡིག་དཔེ་རྙིང་གིས་བོད་ལྗོངས་གསར་པའི་འཛུགས་སྐྲུན་ལ་ཞབས་འདེགས་ཞུ་བ། གླིང་ཆེན་ལྔ་ལས་གྲུབ་པ་འཛམ་བུའི་གླིང་འདིའི་རྩེ་མོར་གནས་པ་རབ་དཀར་ཁ་བའི་ལྷུན་པོས་ཀུན་ནས་བྲེས་པའི་ཞིང་མཆོག་གངས་ཅན་སཱ་ལའི་སྨན་ལྗོངས་ཞེས་བརྗོད་པ་དོན་དང་ལྡན་པ་འདིར་འཚོ་ཞིང་གནས་པའི་མི་རིགས་ནི་ལས་ལ་བརྩོན་ཞིང་། དཔའ་ངར་ཆེ་ལ། བློ་གྲོས་ཀྱི་འཇུག་པ་ཡངས་པ་ཞིག་ཡིན་པས་ང་ཚོའི་སྔོན་བྱོན་མེས་པོ་རྣམས་ཀྱིས་བོད་ཀྱི་ཤེས་རིག་འཕེལ་རྒྱས་ཀྱི་བྱ་གཞག་ཕྱི་རབས་རྣམས་ཀྱི་མིག་དཔེར་འོས་པ་མང་པོ་གསར་གཏོད་གནང་ཡོད་པའི་ཚུལ་ཇི་ལྟ་བ་རི་མོའི་གཟུགས་སུ་འཕོས་པའི་བོད་ཡིག་དཔེ་རྙིང་ནི་མི་རིགས་རང་ཉིད་ཀྱི་ཁྱད་དུ་འཕགས་པའི་ནོར་བུ་ཞིག་ཡིན་ལ་མེས་རྒྱལ་རིག་གཞུང་བང་མཛོད་ནང་གི་འོད་སྟོང་འཕྲོ་བའི་ནོར་བུ་ཞིག་ཀྱང་ཡིན། འོན་ཀྱང་བར་སྐབས་བོད་ཀྱི་རིག་གནས་སྤྱི་དང་། ལྷག་པར་བོད་ཡིག་དཔེ་རྙིང་ལ་རིག་གནས་གསར་བརྗེ་ཟེར་བའི་ནང་ཚབས་ཆེའི་གཏོར་བཤིག་ཕོག་པ་དེ་ལྟར་ཡང་།

༄༅། །དཔལ་ལྡན་བླ་མ་དམ་པ་ལ་བསྟོད་པའི་ཚིགས་སུ་བཅད་པ་ཚངས་པའི་དབྱངས།   ༄༅། །རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ལ་ཕྱག་འཚལ་ལོ། །དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས། །མི་འཇིགས་སེང་གེའི་ཁྲི་ལ་དབང་བསྐུར་བ། །རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ། །མི་ཕམ་བླ་མ་གཉིས་པ་རྒྱལ་གྱུར་ཅིག །ཁྱོད་ནི་རྣམ་དཔྱོད་ལུས་མཛེས་ཤིང༌། །དར་དིར་ལེགས་བཤད་མགྲིན་པ་དབྱངས། །མ་ལུས་མཁས་པའི་ཡིད་འཕྲོག་པ། །རིན་ཆེན་རིགས་པའི་དོ་ཤལ་འཕྱང༌། །མཁས་པ་ཀུན་གྱི་ཟུར་ཕུད་ལ། །བཀའ་ཡིས་རྩེ་དགའ་བགྱིས་པ་ཁྱོད། །དཔལ་ལྡན་ཕྱོགས་རྣམས་ཐམས་ཅད་ལས། །རྣམ་པར་རྒྱལ་བའི་རྒྱལ་མཚན་འཛིན། །རིགས་པའི་ཉིན་བྱེད་ཁྱོད་དྲིན་ལས། །གངས་ཅན་བློ་གསལ་བུང་བའི་ཚོགས། །མཐའ་དག་བསྟན་པའི་པད་ཚལ་དུ། །གསུང་རབ་སྦྲང་རྩིའི་དགའ་སྟོན་མྱོང༌། །ད་ལྟ་ཐུབ་པའི་གཞུང་ལུགས་ལ། །ལོག་པར་འཁུ་བ་རྣམས་ཀྱི་སྙིང༌། །ཁྱོད་གསུང་རིགས་པའི་རི་བོ་ནི། །ཤིན་ཏུ་ལྩི་བས་ཅི་ཡང་ནོན། །བརྩོན་པ་དམ་པའི་དཔུང་གི་ཚོགས། །ཡན་ལག་བཞི་དང་ལྡན་པ་ཁྱོད། །ལེ་ལོའི་དགྲ་སྡེ་དྲུངས་ཕྱུངས་ནས། །ཉམས་པ་མེད་པའི་གོ་འཕང་འཛིན། །དེ་ཕྱིར་ཆོས་ཚུལ་ཆུ་བོའི་རྒྱུན། །

ལྷ་གདོང་བཅོ་ལྔ་ངོ་སྤྲོད་མདོར་བསྡུས། ལ་སྟོད་ནོར་བུ། ལྷ་གདོང་བཅོ་ལྔ་ཡང་ན་ལྷ་གདོང་མྱང་མཆོད་ཅེས་པ་ནི་ལ་སྟོད་ལྷོ་དིང་རི་ཁུལ་དུ་གཏོང་སྲོལ་ཆེ་བའི་དུས་ ཆེན་བཟང་པོ་ཞིག་དང་མི་ཚོགས་མང་པོ་འདུ་བའི་དུས་ཤིག་ཀྱང་ཡིན། དེ་ཡང་དུས་ཆེན་དེ་ཡི་བྱུང་རིམ་ནི་ འབྲུག་པ་བཀའ་རྒྱུད་པའི་བླ་མ་༧དཔལ་རྒྱལ་བ་ཡང་དགོན་པ་ཆེན་པོ་དང་འབྲེལ་བ་ཆགས་ཡོད་པ་ཞིག་ རེད། དེང་གི་དབང་དུ་བྱས་ན་དིང་རི་རྫོང་གད་དམར་ཤང་ནུབ་ལུང་གྲོང་སྡེའི་ཉེ་འདབས་ཀྱི་རེ་བོ་ལྷ་རི་མ་ཞེས་པའི་སྟེང་དུ་བརྗིད་ཅིང་ཆགས་ཞིང་། ལ་སྟོད་ལྷོའི་ཤྭ་རི་དཔལ་གྱི་ལྷ་གདོང་དགོན་པར་སྐུ་ཡི་གདུང་རུས་ སྟོད་བྱ་བ། དུས་རབས་བཅུ་གསུམ་པའི་དཀྱིལ་གྱི་བོད་རབ་བྱུང་བཞི་པའི་ཆུ་བྱ་(སྤྱི་ལོ་1213 1285)ལོར་ཡབ་ལྷ་གདོང་པ་དང་། ཡུམ་ཡེ་ཤེས་ཀྱི་མཁའ་འགྲོ་མ་ཆོས་མཐོང་གཉིས་ཀྱི་སྲས་སུ་སྐུ་བསྟམས་པའི་འབྲུག་པ་བཀའ་རྒྱུད་པའི་བླ་མ་༧དཔལ་རྒྱལ་བ་ཡང་དགོན་པ་ཆེན་པོའི་འདས་མཆོད་ཡིན། དེ་བཞིན་ལྷན་སྐུ་ཡི་རྩ་བའི་བླ་མ་༧དཔལ་རྒྱལ་བ་རྒོད་ཚང་པའི་འདས་མཆོད་ཀྱང་མཉམ་དུ་འཁེལ་གྱི་ཡོད།