སྤེལ་ཞིབ་ཕྲ།
ཞང་ཞུང་གི་རྒྱལ་སྲས་གཞོན་ནུ་དོན་གྲུབ།
ཞང་ཞུང་གི་རྒྱལ་སྲས་གཞོན་ནུ་དོན་གྲུབ། ཁེར་འགྲོ། གཅིག ལོ་ངོ་ཁ་ཤས་གོང་དུ། མངའ་རིས་རྒྱལ་རབས། ཞེས་པའི་དེབ་ཐེར་དེ་དཔེ་བསྡུར་བྱེད་པའི་སྐབས་སུ། ལྷ་བླ་མ་ཡེ་ཤེས་འོད་ཀྱི་ཐུན་མོང་མ་ཡིན་པའི་མཛད་པ་དག་ལ་ཐོག་མར་དོ་སྣང་བྱུང་ཞིང་། ཕྱིས་སུ་ལྷ་བླ་མ་ཡེ་ཤེས་འོད་ཀྱི་རྣམ་ཐར་དང་། རྒྱལ་རབས་ཟླ་རིགས་མ་སོགས་ལ་ཞིབ་ཏུ་མཇལ་དུས་ཇེ་ཞིབ་ཇེ་གསལ་དུ་སོང་།
ཡོངས་འཛིན་ཡེ་ཤེས་རྒྱལ་མཚན་ལ་རྣམ་ཐར་གྱི་སྒོ་ནས་གསོལ་བ་འདེབས་པ་ཐུབ་བསྟན་མཛེས་པའི་པདྨོ།
༄༅། །རྗེ་བཙུན་བླ་མ་དམ་པ་ཁྱབ་བདག་རྡོ་རྗེ་སེམས་དཔའི་ངོ་བོ་ཡོངས་འཛིན་ཆོས་ཀྱི་རྒྱལ་པོ་པཎྜི་ཏ་ ཆེན་པོ་ཡེ་ཤེས་རྒྱལ་མཚན་དཔལ་བཟང་པོ་ལ་རྣམ་ཐར་གྱི་སྒོ་ནས་གསོལ་བ་འདེབས་པ་ ཐུབ་བསྟན་མཛེས་པའི་པདྨོ་ཞེས་བྱ་བ་བཞུགས་སོ།། ༄༅། །ཨོཾ་བདེ་ལེགས་སུ་གྱུར་ཅིག །བསྐལ་བཟང་མི་མཇེད་ཞིང་འདིའི་འགྲོ་རྣམས་ལ། །རྒྱལ་བ་གཞན་ལས་ཐུགས་རྗེ་ཆེས་ལྷག་པ། །སྟོན་པ་མཉམ་མེད་ཤཱཀྱའི་རྒྱལ་པོ་ལ། །སྙིང་ནས་འདུད་དོ་རེ་བ་འབྲས་ལྡན་མཛོད། །རབ་འབྱམས་ཕྱོགས་བཅུའི་རྒྱལ་བ་མ་ལུས་པའི། །སྒྲིབ་མེད་ཡེ་ཤེས་བགྲང་ཡས་གདུལ་བྱའི་མགོན། །བསྟན་པའི་རྒྱལ་མཚན་འཛིན་ལ་ཟླ་བྲལ་བ། །རྗེ་བཙུན་བླ་མས་བྱང་ཆུབ་བར་དུ་སྐྱོངས། །
ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན།
༄༅། །ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན། རྩོམ་པ་པོ། མགོན་སེང་ཀརྨ་བདེ་ལེགས། ཕྱྭ་པ་ཆོས་ཀྱི་སེང་གེའི་གདན་ས། དེ་ཡང་སྔར་སྤྱི་ལོ༡༩༩༡ལོར་ཀ་ཐོག་རྒྱུད་སྡེ་བཤད་སྒྲུབ་ནོར་བུ་ལྷུན་པོར་སློབ་གཉེར་བྱས་སྐབས། བོད་ཡུལ་དུ་ཕྱྭ་པ་ཆོས་ཀྱི་སེང་གེའི་དབུ་ཚད་ཀྱི་རིགས་ལམ་རྒྱ་ཆེར་སྤེལ་ཚུལ་གྱི་མཛད་རྣམ་མདོར་བསྡུས་ཙམ་ཐོག་མར་ཐོས། ད་དུང་ཡ་མཚན་པ་ཞིག་ལ་ཁོང་གིས། འགྲོ་བ་སེམས་ཅན་ཉལ་ནས་འཆི། །ང་ཕྱྭ་པ་ཆོས་སེང་ལངས་ནས་འཆི། །གསུངས་ནས་རྟགས་གསལ་གཏོང་བཞིན་གཤེགས་ཚུལ་ངག་རྒྱུན་གྱི་ལོ་རྒྱུས་ཡ་མཚན་ཅན་འགའ་ཤས་ཤིག་ཐོས་པ་ཙམ་ལས་ཞིབ་ཕྲའི་རྣམ་ཐར་དང་གསུང་སོགས་གང་ཡང་མཇལ་རྒྱུ་མ་བྱུང་།
དགེ་རྒན་ཆེན་མོ་ཁང་དཀར་ཚུལ་ཁྲིམས་སྐལ་བཟང་མཆོག་གི་ལོ་རྒྱུས་མདོར་བསྡུས།
དགེ་རྒན་ཆེན་མོ་ཁང་དཀར་ཚུལ་ཁྲིམས་སྐལ་བཟང་ལགས་ནི་སྤྱི་ལོ་ 1942 ལོར་བོད་རང་སྐྱོང་ལྗོངས་གཞིས་རྩེ་ས་ཁུལ་གཉའ་ལམ་རྫོང་ཁོངས་ལ་སྟོད་ཟུར་མཚོ་འཁྲིས་མཁར་གྱི་ཁང་དཀར་ཁྱིམ་རྒྱུད་དུ་ཕ་དབང་ཕྱུག་དང་། མ་ཕུར་བུ་བུ་ཁྲིད་གཉིས་ཀྱི་སྲས་སུ་འཁྲུངས། དགུང་ལོ་དྲུག་ནས་རྫོགས་པ་ཆེན་པོའི་རྣལ་འབྱོར་པ་ཨ་ཁུ་ཡེ་ཤེས་ཞབས་ལ་གཏུགས་ནས་བོད་ཡིག་གི་འབྲི་ཀློག་སོགས་བསླབས།
ཁྲོ་ཕུ་ལོ་ཙཱ་བའི་ལྟ་གྲུབ་ཀྱི་མཆེད་ཁུངས་ལ་ཐོག་མར་དཔྱད་པ།
གནད་བསྡུས། དཔྱད་རྩོམ་འདིར་ཁྲོ་ཕུ་བཀའ་བརྒྱུད་པའི་སྐྱེས་ཆེན་དམ་པ་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་སྐུ་ཚེ་ཧྲིལ་པོའི་མཛད་རྣམ་ཁུངས་སྣེར་བྱས་ཏེ། ཁོང་གིས་ཁྲོ་ཕུ་བཀའ་བརྒྱུད་པའི་ལྟ་གྲུབ་སྟོན་པའི་གཞུང་ལུགས་ཀྱི་གཞི་རྐང་ཇི་ལྟར་བཙུགས་ཚུལ་དང་། སྒོས་སུ་ཁྲོ་ཕུ་ལོ་ཙཱ་བ་རང་ཉིད་ཀྱི་ཐུན་མོང་མ་ཡིན་པའི་ལྟ་གྲུབ་ཀྱི་ཐོག་མའི་མཆེད་ཁུངས་སོགས་གླེང་བྱར་བྱས་པ་སྟེ།
༄༅། །མཁས་གྲུབ་རྗེའི་ཐུགས་ཀྱི་དམ་བཅའ་བཅུ་བཞུགས་སོ།།
༄༅། །མཁས་གྲུབ་རྗེའི་ཐུགས་ཀྱི་དམ་བཅའ་བཅུ་བཞུགས་སོ། ། མཛད་པ་པོ། མཁས་གྲུབ་དགེ་ལེགས་དཔལ་བཟང་། ༄༅། །ན་མོ་གུ་རུ་མཉྫུ་གྷོ་ཥཱ་ཡ། བླ་མ་དང་སངས་རྒྱས་བྱང་ཆུབ་སེམས་དཔའ་ཐུགས་རྗེའི་སྟོབས་དང་སྨོན་ལམ་གྱི་མཐུ་གྲུབ་པ། ཐོགས་པ་མེད་པའི་ཡེ་ཤེས་ཀྱི་སྤྱན་དང་ལྡན་པ་རྣམས་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ། །ལྷག་པའི་བསམ་པ་རྣམ་པར་དག་པས་ཡི་དམ་དུ་བགྱིད་པའི་དོན་མཐའ་དག་གེགས་མེད་པར་མཐར་ཕྱིན་པར་མཛད་དུ་གསོལ།