སྤེལ་ཞིབ་ཕྲ།
གཙང་གི་མཆོད་རྟེན་རྣམ་བཞིའི་ལོ་རྒྱུས།
གཙང་གི་མཆོད་རྟེན་རྣམ་བཞིའི་ལོ་རྒྱུས་རག་བཀོད། ༡༽ ཁྲོ་ཕུའི་སྐུ་འབུམ་ཆེན་མོ། ཁྲོ་ཕུའི་སྐུ་འབུམ་ཆེན་མོ་ནི། བོད་ལྗོངས་གཞིས་ཁ་རྩེ་ས་ཁུལ་ས་སྐྱ་རྫོང་གི་ཁྲོ་ཕུ་དགོན་པ་དང་ཉེ་བའི་ལུང་མདའི་ཕྱོགས་སུ་དུས་རབས་བཅུ་གསུམ་པའི་ནང་ཙམ་དུ་ཁྲོ་ཕུ་ལོ་ཙཱ་བ་བྱམས་པའི་དཔལ་དང་། སྲས་སེམས་དཔའ་ཆེན་པོ་བསོད་ནམས་སེངྒེ་གཉིས་ཀྱིས་བཞེངས་ཤིང་། ཕྱིས་ཉམས་རྒུད་དུ་སོང་ཡང་། ད་ལྟ་ལྷོ་གྲོ་བོ་ལུང་གི་བླ་མ་ཉི་མས་བཟོ་བཀོད་ཕུན་སུམ་ཚོགས་པར་བསྐྱར་བཞེངས་གནང་བ་མཇལ་རྒྱུ་ཡོད།
པོ་ཏ་ལའི་དཔེ་རྙིང་བམ་པོ་སུམ་སྟོང་ལྷག་ཙམ་ཡོངས་བཤེར་ཐོ་འགོད་བྱས།
པོ་ཏ་ལའི་དཔེ་རྙིང་བམ་པོ་སུམ་སྟོང་ལྷག་ཙམ་ཡོངས་བཤེར་ཐོ་འགོད་བྱས། ཕྱི་ལོ་ ༢༠༡༨ ལོའི་ལོ་མཇུག་ནས་བཟུང་། འཛམ་གླིང་རིག་གནས་ཤུལ་བཞག་ཕོ་བྲང་པོ་ཏ་ལའི་དཔེ་རྙིང་སྲུང་སྐྱོང་བེད་སྤྱོད་རྣམ་གྲངས་ལག་བསྟར་བྱེད་འགོ་ཚུགས་ཚུན། དཔེ་རྙིང་སྲུང་སྐྱོང་དང་བེད་སྤྱོད་ཀྱི་ལས་དོན་ཁག་ལ་སྐུལ་འདེད་ཏན་ཏིག་བཏང་ནས་ ༢༠༢༡ ལོའི་ལོ་མཇུག་བར། དཔེ་རྙིང་བམ་པོ་ ༣༠༠༠༠ ལྷག་ཙམ་དང་། རྩ་ཆེའི་དཔེ་རྙིང་ཤོག་ལྷེ་ཁྲི་བརྒྱ་ལྷག་ཙམ་ཡོངས་བཤེར་ཐོ་འགོད་བྱེད་པའི་ལས་དོན་ལེགས་འགྲུབ་བྱུང་འདུག
མངའ་རིས་སྤུ་ཧྲེང་ཁུལ་ནས་གསར་རྙེད་བྱུང་བའི་རྡོ་རིང་སྔ་ཤོས།
ཕྱི་ལོ་ ༢༠༢༢ ལོའི་ཟླ་ ༡ ཚེས་ ༤ ཉིན། བོད་རང་སྐྱོང་ལྗོངས་རིག་དངོས་སྲུང་སྐྱོང་ཞིབ་འཇུག་ཁང་གི་ཞིབ་འཇུག་པ་གཞོན་པ་རྒན་ཤར་དབང་འདུས་ལགས་ཀྱིས་ཀྲུང་གོའི་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་གནང་སྐབས། སྤུ་ཧྲེང་སྤྱན་རས་གཟིགས་ཀྱི་རྡོ་རིང་ནི་བོད་ལྗོངས་མངའ་རིས་ས་ཁུལ་གྱི་ཁོངས་སུ་ད་ལྟའི་བར་གསར་རྙེད་བྱུང་བའི་ལོ་རབས་སྔ་ཤོས་ཀྱི་རྡོ་རིང་ཞིག་ཡིན་ལ། ད་ཡོད་བོད་བཙན་པོའི་དུས་སྐབས་ཀྱི་སྐུ་བརྙན་རྡོ་རིང་ཐོག་མའང་རེད།
བོད་ལྗོངས་ཞིབ་འཇུག་གི་ཕུལ་བྱུང་བརྩམས་ཆོས།
༄༅། །གསར་དུ་རྙེད་སོན་བྱུང་བའི་གུ་གེའི་རྒྱལ་རབས་ལྟེབས་མགོ་མའི་རིན་ཐང་ལ་དཔྱད་པ། རྩོམ་པ་པ། པདྨ་བཀྲ་ཤིས། [ནང་དོན་གནད་བསྡུས།] དཔྱད་རྩོམ་འདིར་གཙོ་བོ་གསུང་རབ་རིག་པའི་གཞུང་ལས་གསར་དུ་རྙེད་པའི་གུ་གེའི་རྒྱལ་རབས་ལྟེབས་མགོ་མ་ཞེས་འབོད་པ་དེའི་དུས་རབས་སྔ་ཕྱི་ལས་རིག་དངོས་རིན་ཐང་དང་། དཔེ་གཟུགས་ལྟེབས་མགོ་མ་དེའི་འབྲི་གཟུགས་སྣག་ཤོག་གི་ཁྱད་ཆོས་དང་། སྒྱུ་རྩལ་གྱི་རིན་ཐང་། དེ་བཞིན་གནའ་དཔེ་དེའི་ཞིབ་འཇུག་གི་རིན་ཐང་བརྗོད་པ་དང་སྦྲགས། དེ་དག་ལ་གཞི་བཅོལ་ཏེ་དེ་ཉིད་རྒྱལ་ཁབ་རིམ་པའི་གནའ་དཔེ་གཙིགས་ཆེན་དུ་སྙན་ཞུ་འབུལ་བའི་སྐོར་གླེང་ཡོད། [བརྡ་ཆད་གཙོ་བོ།] རྒྱལ་རབས་ལྟེབས་མགོ་མ། རིག་དངོས་རིན་ཐང་། ཞིབ་འཇུག་རིན་ཐང་།
ལྷ་ས་ནས་གནའ་མིའི་རྗེས་ཤུལ་ཞིག་རྙེད་འདུག
ལྷ་ས་ནས་གནའ་མིའི་རྗེས་ཤུལ་ཞིག་རྙེད་འདུག 西藏日报藏文媒体 2022-01-20 16:08 2022 ལོ་ཤར་བའི་མཚམས་འདིར། ལྷ་ས་གྲོང་ཁྱེར་ཆུ་བཟང་གྲོང་ཚོར་གཏམ་བཟང་ཞིག་འབྱོར་བ་སྟེ། རང་རྒྱལ་གྱི་གནའ་རྫས་རྟོག་ཞིབ་རུ་ཁག་གིས་ཆུ་བཟང་གྲོང་ཚོ་ནས་རྙེད་པའི་གནའ་མིའི་རྐང་རྗེས་ལག་རྗེས་ 2021 ལོའི་འཛམ་གླིང་གི་གནའ་རྫས་རྟོག་ཞིབ་ཆེན་པོ་བཅུའི་གྲས་སུ་བདམས་པ་དེ་ནི། ད་བར་འཛམ་གླིང་ནས་རྙེད་པའི་གནའ་མིའི་སྒྱུ་རྩལ་གྱི་རྗེས་ཤུལ་སྔ་ཤོས་དེ་ཡིན་པས། གནའ་མི་ཡུན་རིང་ངམ་ཡང་ན་དུས་ཚིགས་རང་བཞིན་གྱི་སྒོ་ནས་ས་མཐོར་གཞིས་ཆགས་པའི་དུས་ཚོད་སྔ་ཤོས་ཤེས་རྟོགས་ལ་དེ་བས་སྔ་བའི་དཔང་རྟགས་མཁོ་འདོན་བྱས་ཡོད།
འཕན་ཡུལ་གྱི་དགོན་པ་དང་པོ་ལན་པ་སྤྱིལ་བུ་དགོན།
༄༅། །བསྟན་པ་ཕྱི་དར་དུས་ཀྱི་འཕན་ཡུལ་གྱི་དགོན་པ་དང་པོའི་གྲས་ལན་པ་སྤྱིལ་བུ་དགོན། འཕན་པོ་བ་བསོད་ནམས་ཆོས་དར་གྱིས། ནང་དོན་གནད་བསྡུས། རྩོམ་ཡིག་འདིའི་ནང་བསྟན་པ་ཕྱི་དར་དུས་ཀྱི་འཕན་ཡུལ་གྱི་དགོན་པ་དང་པོའི་གྲས་དང་།ཇོ་བོ་རྗེ་ཨ་ཏི་ཤ་དངོས་སུ་ཞབས་བཅགས་མྱོང་བའི་གནས་གཞི་ཁྱད་པར་ཅན་ལན་པ་སྤྱིལ་བུ་དགོན་གྱི་བྱུང་རབས་ལོ་རྒྱུས་དང་།དེའི་མཐའ་འཁོར་དུ་ཡོད་པའི་གནའ་ཤུལ་གལ་ཆེན་ཁག་གཅིག་གི་སྐོར་རགས་ཙམ་གླེང་ཡོད། བརྡ་ཆད་གཙོ་བོ། བསྟན་པ་ཕྱི་དར། འཕན་ཡུལ། དགོན་གནས་དང་པོ། ལན་པ་སྤྱིལ་བོ་དགོན། ཇོ་བོ་རྗེ།